پہلی جیٹھ شہنشاہی سمت ۷ ہرِ بھگت دوار جیٹھوُوال رات نوُں
سَتگُر شبد کہے وِساکھ لنگھیا، جگ نیتر نظر کِسے نہ آئیا۔ جِس جن بھگتاں چولا رنگیا، رنگت چاڑھی اگمّ اتھاہیِا۔ سچ سِنگھاسن نِمسکار کر پلنگیا، بِن پاوا چوُل سیِس نِوائیا۔ تیرا کھیل سوُرے سربنگیا، ہرِ کرتے ویکھ وکھائیا۔ جو گوبِند دان منگیا، داتا ہو کے دِتا ورتائیا۔ اَگے لیکھا پوُرا کرنا بُھکھا ننگیا، غریِب غریِباں ہونا سہائیا۔ سَت سروُپی اَسوَ تنگ لیَنا کسیا، قاصد دینا نام دِرڑائیا۔ کلجُگ کوُڑ کُکرم ویکھنا دھندیا، دھرنی دھرت دھوَل دھؤل کھوج کھوجائیا۔ گُرمُکھ رہے نہ کوئے نیتر اندھیا، اندھ اگیان دینا مِٹائیا۔ لکھّ چؤراسی ویکھنا مانَس مانُکھ مانَو بندیا، بندگی بندنا کھوج کھوجائیا۔ تیرا کھیل پربھوُ اچمبھیا، اچرج لیِلا دینی ورتائیا۔ پَیغمبر چُکی پِھرن تمبیا، طوبیٰ تیرا نام خلق خُدائیا۔ اوتار ویکھن کھیل وربھنڈیا، وربھنڈی دھیان لگائیا۔ سَتگُر چڑھ کے پؤڑی ڈنڈیا، ڈنڈاوت تکن تھاؤں تھائنیا۔ جگت جہان ہویا رنڈیا، آتم پرماتم کنت سُہاگ نہ کوئے ہنڈھائیا۔ رس رہیا نہ امرت ویلے سندھیا، سِندھ ساگر روُپ نہ کوئے جنائیا۔ سب دا لیکھا ہویا مندیا، مندبھاگ دِسے لوکائیا۔ اوہ کلجُگ تکّ کنڈھیا، کنڈھی بَیٹھا دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے سیِس نِوائیا۔ وِساکھ کہے میرا وقت گیا بیِت، بے پرواہ دِتی وڈیائیا۔ میَں تکیا ترےَگُن اتیِت، ترےَبھوَن دھنی دُھردرگاہیِا۔ جو آد جُگادی بدلے ریِت، بدلنہار اِک اکھوائیا۔ جِس جھگڑا مِٹاؤنا مندر مسیِت، کعبیوں پرے کرے پڑھائیا۔ لکھّ چؤراسی بدل دینی نیِت، نیِتیوان اِک ہو آئیا۔ ساچے نام دی دسےّ حدیِث، ہرِ کرتا نوُر اِلاہیِا۔ مالک بن کے دُھر جگدیِش، جگدیِشر حُکم ورتائیا۔ اِکو چھتر جھُلے پربھ دے سیِس، دوُجا نظر کوئے نہ آئیا ، آتم پرماتم ڈھولا گاؤنا سب نے گیِت، گہر گمبھیِر کرے پڑھائیا۔ جھگڑا مِٹا کے ہست کیِٹ، اوُچاں نیِچاں رنگ رنگائیا۔ شبد وِچولا بن کے بیِچ، دُئی دوَیتی ڈیرہ ڈھاہیِا۔ اوتار پَیغمبراں گُروُآں آسا منسا پوُری کر اُمیِد، لیکھا سب دا جھولی پائیا۔ اَگے اِکو نام کلمے دی کر تمہیِد، صِفت صِفتاں وِچوں صالاحیِا۔ شبدی حُکم دی کر تاکیِد، طبیعت سب دی دئے بدلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، درگاہ ساچی حُکم ورتائیا۔ وِساکھ کہے میرا انت اَخیِر، آخر دیاں دِرڑائیا۔ میرا مالک اِک دستگیِر، جو دست بھگتاں نال مِلائیا۔ جِس دی منزل بے نظیِر، نظرّیہ سب دا دئے بدلائیا۔
جُگ چؤکڑی بدل دیوے تقدیِر، تدبیِر اپنی اِک سمجھائیا۔ جو ہوکا دے کے گیا کبیِر، کعبیوں پرے سُنائیا۔ سو کھیل کرے گُنی گہیر، گہر گوَر ہرِ رگھُرائیا۔ جِس دی نظر نہ آئے کوئے تصویِر، مُصوّر تصّور نہ کوئے کرائیا۔ اوہ بدلن لگّا سب دی ضمیِر، ذرّہ ذرّہ کھوج کھوجائیا۔ جِس دا نام کھنڈا شمشیِر، شرع دا جھگڑا دئے گوائیا۔ اِکو رنگ رنگائے شاہ حقیِر، حقیِقت اپنی اِک سمجھائیا۔ لیکھا رہے نہ غریِب امیِر، امراپد اِک وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ وِساکھ کہے اوہ تکو جیٹھ اگمّا چڑھدا، اپنی لئے انگڑائیا۔ جو تُوں ہی تُوں ہی ڈھولا پڑھدا، آتم پرماتم راگ الائیا۔ بھیوَ کُھلائے اگمّی گھر دا، گرِہ پڑدا آپ چُکائیا۔ جِتھے کھیل اِکو اگمّی ہرِ دا، نر نرائن نوُر اِلاہیِا۔ نہ جنمے نہ مردا، مر جیِوت نہ روُپ بدلائیا۔ دیِپک پرکاش ہو کے بلدا، بلدھاری اِک اکھوائیا۔ جو مالک جل تھل دا، مہیئل اپنا حُکم ورتائیا۔ اُس دا حُکم کدے نہ ٹلدا، نہ کوئی میٹے میٹ مِٹائیا۔ جو آد جُگاد جُگ چؤکڑی لکھّ چؤراسی چھلدا، اچھل چھلدھاری اپنا بھیس وٹائیا۔ جِس لہنا دینا پوُرا کرنا بل دوارے باوَن بل دا، بلدھاری بےپرواہیِا۔ اوہ کھاتہ ویکھے کلجُگ کل دا، کل کلکی ویس وٹائیا۔ جو سچ سِنگھاسن آسن اِکو ملّدا، سمبل بَیٹھا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ جیٹھ کہے میَں خوشیاں دے وِچ آیا، آگمن وِچ بھگتاں خوشی بنائیا۔ لیکھا توڑنا ترےَگُن مایا، ترےَگُن اتیِتے نال جنائیا۔ بھیوَ کُھلاؤنا جو سب دا دائی دایا، دیِن دُنی دا مالک نوُر اِلاہیِا۔ جِس دا بھیوَ کِسے نہ پایا، بےانت کہہ کے گئے گائیا۔ سو نِرگُن نوُر جوت کرے رُشنایا، شبد شبدی ڈنک وجائیا۔ جِس نوُں صِفتاں وِچ چار جُگ دے شاستراں گایا، اکھّراں نال کیِتی وڈیائیا۔ اوہ مالک خالق پرِتپالک نوُری نوُر نوُر کر رُشنایا، جوتی جوت ڈگمگائیا۔ اوہ لیکھا جانے سرِشٹ سبایا، سرِشٹی درِشٹی پھول پھولائیا۔ جھگڑا میٹے پنج تت کایا، چمّ درِشٹی دئے بدلائیا۔ جِس دا ڈھولا سوہلا گیِت نِرگُن سرگُن سب نے گایا، سو پُرکھ پرماتم نِرگُن آتم میلا میلے سہج سُبھائیا۔ جوتی جوت سروُپ ہرِ، آپ اپنی کِرپا کر، سچ دا مالک اِک اکھوائیا۔ سَتگُر شبد کہے چڑھیا مہیِنہ جیٹھ، جیٹھا وڈ وڈیایا۔ جِس لیکھا ویکھنا جگت جگیاَسوُ سیٹھ، چاروں کُنٹ کھوج کُھجایا۔ بھنّ وکھاؤنے کوُڑے ریٹھ، کوُڑی کِریا میٹ مِٹایا۔ ہرِجن جن بھگتاں کرنا ہیت، ہِتکاری روُپ درسائیا۔ پربھ درشن کرائے نیتن نیت، نِج نیتر لوچن نیَن اکھّ کُھلایا۔ جو آسا رکھ کے
گیا دس دسمیش، دہ دِشا پردہ دئے چُکایا۔ نِگاہ مارن برہما وِشن مہیش، گنپت گنیش دھیان لگایا۔ جِس نے کلجُگ وِچ سَتجُگ بدل دینی ریکھ، رِکھی مُنی سمجھے کوئے نہ رایا۔ بھاگ لگا کے سمبل دیس، دیس دیسانتراں کھوج کُھجایا۔ جو مالک آد انت ہمیش، ہرِ سَتگُر ویس وٹایا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ چڑھایا۔ جیٹھ کہے میرا رنگ مجیِٹھا، پربھ دیوے مان وڈیائیا۔ جن بھگتو مالک ملِے اِک انڈیٹِھا، انڈِٹھڑی کار کمائیا۔ ساڈھے تِنّ ہتّھ تپن نہ دیوے انگیِٹھا، امرت میگھ اِک برسائیا۔ تن وجوُد کرے ٹھانڈا سیِتا، اگنی تت دئے گوائیا۔ انتر نِرنتر بدل کے نیِتا، نیِتیوان دئے سمجھائیا۔ پرم پُرکھ سب نے رکھنا چیتا، چِت وِچ ٹھگؤری رہے نہ رائیا۔ آتم پرماتم بخشے پریِتا، پریِتم ہو کے میل مِلائیا۔ جھگڑا میٹ کے مندر مسیِتا، مندر دُھر دا دئے وکھائیا۔ جِتھے ملِے وڈیائی اوُچ نیِچا، ذات پات نہ کوئے ونڈ ونڈائیا۔ مذہباں والیاں نہ کوئے حدیِثا، حضرتاں والی نہ کوئے پڑھائیا۔ اِکو میل جگت جگدیِشا، جو جگدیِشر دُھردرگاہیِا۔ جِس نوُں جھُکدے پَیغمبر موُسیٰ عیسیٰ، محمد سجدیاں وِچ سیِس نِوائیا۔ اوہ سب دیِاں بدل دیوے نیِتا، نیِتیوان دَیا کمائیا۔ لیکھا پوُرا کرے اٹھاراں دھیائے گیِتا، گیِت گوبِند اِک دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا بےپرواہیِا۔ جیٹھ کہے میری ڈنڈاوت اگمّی بندنا، بِن بندگی سیِس نِوائیا۔ پربھ مالک اِک بخشندنا، رحمت سچ کمائیا۔ جن بھگتاں دیوے انندنا، انند انند وِچوں پرگٹائیا۔ جِن سَتجُگ تُوں میرا میَں تیرا دِتا چھندنا، آتم پرماتم راگ دِتا سمجھائیا۔ دوُسر در کدے نہ منگنا، بِھکھاری ہو نہ جھولی ڈاہیِا۔ جن بھگتو پربھوُ چاڑھے سدا سچ دی رنگنا، رنگت اِکو نام رنگائیا۔ تن وجوُد کدے نہ ہووے بھنگنا، بھانڈا بھرم بھؤ بھنّائیا۔ ہرِجن بنا کے دُھر دے چندنا، چند نوُر جوت کرے رُشنائیا۔ جِتھے دھرم رائے کدے نہ دنڈنا، چِترگُپت نہ لیکھ وکھائیا۔ جوُنیاں وِچ کِسے نہ ونڈنا، چؤراسی وِچ نہ کوئے بھوائیا۔ اِک دوارے ونجھنا، بھجّنا چائیں چائنیا۔ ماتا کُکھ پھیر کدے نہ جمّنا، جوتی جوت وِچ مِلائیا۔ لیکھےلاوے پوَن سواسی دمنا، دامنگیِر آپ ہو جائیا۔ آپے بن کے رام رمئیا رَونا، رام رام روُپ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ جیٹھ کہے پربھ حُکم سُنایا اگمّی، اگمّ دیاں دِرڑائیا۔ سَتجُگ دھار چلاؤنی نوَیِں، نوَ ستّ سَت وڈیائیا۔ سب دا جاپ بدلنا دمیِں، سواس سواس وِچوں پرگٹائیا۔ جگت دی حد توڑنی بنّی،
حِصّہ ونڈ نہ کوئے ونڈائیا۔ لیکھ دھار پوُری کرنی کنّی، کنّا گوبِند والا دئے گواہیِا۔ جِس دی دھار کِسے نہ جنی، جنیندی بنے کوئے نہ مائیا۔ اوہ سرِشٹی درِشٹی ویکھے انّھی، اندھ آتم کھوج کھوجائیا۔ سب دی کرم کانڈ دی پھولے کنّی، کائنات دا پڑدا دئے اُٹھائیا۔ گُرمُکھ آتم ویکھے نوُر اِلاہی چنّی، جِس نوُں چندرما سیِس نِوائیا۔ آتم پرماتم ناتا ویکھے تنی، تامس ترِسنا دوُر کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ جیٹھ کہے میَں آیا نَٹھا بھجّا، بھجن بندگی ویکھ وکھائیا۔ میَں ویکھیا کھبّا سجّا، سجّن نظر کوئے نہ آئیا۔ جگت جہان حداں دے وِچ بدھّا، بندھن سکے نہ کوئے تُڑائیا۔ شبدی دھار پڑدا کِسے نہ کجّا، کجّل نیَن رہے کُرلائیا۔ میَں گھر گھر اندر کیِتی گجا، در در ویکھیا تھاؤں تھائنیا۔ بہُڑی پربھ دی چلے کوئے نہ وِچ رضا، رازق رِزق رحیِم نظر کِسے نہ آئیا۔ دروہی سب دے سِر تے کوُکدی قضا، لاڑی مؤت لئے انگڑائیا۔ میَنوُں اِیوں جاپدا چڑھدے لہندے سب نے چکھّنا مزہ، جو مذاق کرے خلق خُدائیا۔ جِس دی سمجھ سکے کوئے نہ وجہ، وجوُہات نہ کوئے دِرڑائیا۔ پربھ نے سب دی بدل دینی طبع، طبیعت دا طبیب نظر کوئے نہ آئیا۔ اُمت نبی رسوُل کہندے ہائے اُف ربّا، ربّی نوُر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ جیٹھ کہے میرا دھرم دا بدل کے آ گیا چکّر، چکرورتی دینے ہِلائیا۔ دھرم دی دھار وِچ رہن دیواں کوئے نہ فقّر، فِقرہ حق نہ کوئے سُنائیا۔ عیسیٰ موُسیٰ محمد محمدیِاں نال لگاؤنی ٹکّر، ٹاکرا ویکھنا چائیں چائنیا۔ چار یاری شریِنی ونڈے گُڑ شکّر، شُکریہ کرے بےپرواہیِا۔ جِس نے صدی چؤدھویں دا ورقہ پلٹنا پتر، پترکا دئے وکھائیا۔ جِس نے ہِلاؤنے پٹھان لکھّ ستّر، بہتّر نال وڈیائیا۔ کِسے دا چلنا نہیں کوئی یتن، یتھارتھ اپنی کار کمائیا۔ سارے بَیٹھے کنڈھی اُتے پتن، وَنجھ مُہانا دِس کوئے نہ پائیا۔ پُرکھ اکالا دیِن دَیالا صدی چؤدھویں سب نوُں آوے متھن، نام مدھانا کندھ اُٹھائیا۔ کلجُگ دی انتم کہانی کتھا آپے آوے کتھن، سَتگُر شبد شبد کرے شنوائیا۔ لیکھا جانے گوبِند دھار پٹنے والا پاٹن، پت پرمیشور نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ جیٹھ کہے اوتار پَیغمبر گُروُ کرو چھیتی، چھتردھاری نال مِلائیا۔ اوہ ویکھو پُرکھ اکالا سب دا بنیا اِکو بھیتی، پاربرہم پربھ بےپرواہیِا۔ جِس نے مذہباں والی دات تُہاڈے ذریعے مات ویچی، بولی پنج تت کرائیا۔ اُس نے انتم جوت پرگٹائی اُچیچی، اُچ اگمّ اتھاہ اپنا حُکم
ورتائیا۔ سب نوُں پاوَن والا پیچی، پیچیدہ اپنی کار کمائیا۔ اوہ ویکھو جوت نِرالی نوُر نوُرانی بھیکھی، بھیکھدھاری بنیا دُھر دا ماہیِا۔ جِس دا اولّڑا اِکو ویسی، ویس اولّڑا رہیا دِرڑائیا۔ جِس نوُں کہندے جگت جگت پردیسی، جُگ چؤکڑی کھیل کھِلائیا۔ اُس نے سب دی میٹنی شیخی، مُلّا شیخ مسائک رہن کوئے نہ پائیا۔ جِس دی خاطر گوبِند دُلارے کیتے بھیٹی، بھیٹا گیا چڑھائیا۔ ماچھوُواڑے دی سیج گیا لیٹی، ستھر یارڑا گیا ہنڈھائیا۔ اوہ کھیل کرے ایکنکار ایکی، اِک اِکلّا کار کمائیا۔ جن بھگتاں بخش کے دُھر دی ٹیکی، ٹِکّے مستک نام رمائیا۔ دیِن مذہب سب دی پوُری کرے ٹھیکی، ٹھیکا پِچھلا دئے چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ہرِ، سچ دی کرنی کار کمائیا۔ جیٹھ کہے میرا صاحِب رنگ رنگیِلا، رنگ رتڑا بےپرواہیِا۔ جو بھگتاں بنے وسیِلہ، وصل دیوے نوُر اِلاہیِا۔ سَت سچ بنا قبیِلہ، قِبلِ از کھوج کھوجائیا۔ جِس نے بدل دینی تعلیِما، گُر اوتار پَیغمبر طُلبے دینے پڑھائیا۔ حُکم دسّ کے اِک عظیِما، عالی جاہ کرے شنوائیا۔ ریِتی رہن نہیں دینی کوئی قدیِما، قدیِم دا مالک اِکو حُکم ورتائیا۔ جن بھگت کوئی پِھرن نہیں دینا وانگ یتیِماں، سِر اپنا ہتّھ ٹِکائیا۔ صدی چؤدھویں انت انت کر دینی ترمیِما، حُکم حُکم وِچوں سُنائیا۔ ہرِجن رہے نہ کوئے غمگیِنا، غم خوار ہو کے ویکھ وکھائیا۔ گُرمُکھ رہے نہ کوئے کمیِنہ، کوجھے کملے گلے لگائیا۔ اِکو مان دیوے سِری بھگوان نر مدیِنا، اِستری پُرش ونڈ نہ کوئے ونڈائیا۔ ذرا کھیل تکّہاو اُتے زمیِنا، شرع شرع نال ٹکرائیا۔ سب دا حق حقوق جانا چھیِنا، مالک نظر کوئے نہ آئیا۔ کوٹاں وِچوں ہرِجن ہوئے وِرلا نگیِنہہ، جو ناگرک دِسے دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ جیٹھ کہے میری دوُر دوُر ڈنڈاوت، بندن بندنا سیِس نِوائیا۔ میرا صاحِب صحیح سلامت، صاحِب اِک اکھوائیا۔ جِس دا کلمہ نام نیامت، دیوے مان وڈیائیا۔ روُح بُت جِس دی اَمانت، عملاں توں رہت دئے کرائیا۔ شبدی دھار دے ضمانت، جگت جہان ہوئے سہائیا۔ محمد کوُک پُکارے بہُڑی صدی چؤدھویں انت انت آؤنی قیامت، قیامگاہ نظر کوئے نہ آئیا۔ نبی نبیِاں نال کرنی بغاوت، رسوُل رسوُلاں نال ٹکرائیا۔ رحمت دی کرے نہ کوئے سخاوت، وست سَت نہ کوئے ورتائیا۔ میَنوُں اِیوں دِسدا میرے پروردِگار سانجھے یار انت میری اوہنوُں اِکو وار دینی دعوت، دعویدار رہن کوئے نہ پائیا۔ میرا کلمہ دے نہ سکے ضمانت، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ
دا مالک بےپرواہیِا۔ جیٹھ کہے اُٹھ ستّ رنگے مار لےَ جھاکی، سوہنیاں لےَ انگڑائیا۔ چؤداں طبقاں بھنّ دے تاکی، طاقتور نظر کوئے نہ آئیا۔ جگت ویکھ لےَ بندے خاکی، خالص روُپ نہ کوئے درسائیا۔ سب دا منوُآ ہویا عاقی، عقل بُدھی نہ کوئے چتُرائیا۔ پربھ دی منزل چڑھے کوئے نہ گھاٹی، گھاٹا دِسے تھاؤں تھائنیا۔ نیِر ویکھ لےَ تیِرتھ اٹّھ ساٹھی، گنگا گوداوری جمنا سُرستی رووے مارے دھائیا۔ مندر مسجد شِودوالے تکّ لےَ ماٹھی، گُروُ دوارے اکھّ کُھلائیا۔ صاف دِسے نہ کایا پنج تت پوِتر ماٹی، کوُڑی کِریا نہ کوئے گوائیا۔ نؤ کھنڈ دھرم دی رہی کوئی نہ ہاٹی، ہٹوانا ہٹّ نہ کوئے چلائیا۔ جھگڑا پےَ گیا ذات پاتی، آتم برہم نہ کوئے سمجھائیا۔ سب نوُں بُھلیا کملاپاتی، گرنتھاں اُتے بَیٹھے اِشٹ بنائیا۔ سَتگُر شبد بناوے کوئے نہ ساقی، جام پیالہ دُھر مُکھ نہ کوئے چوائیا۔ آتم پرماتم جُڑیا کِسے نہ ناتی، ناتواں ہوئی لوکائیا۔ پربھ دا کھیل تکنا اِتفاقی، اِتفاقیِا اپنا حُکم ورتائیا۔ شبد کھنڈا برہمنڈاں اِکو وکھاوے لاٹھی، بھےَ بھؤ وِچ دِرڑائیا۔ شاہ پاتشاہ شہنشاہ دُھر دے اَسوَ مارے پلاکی، سولاں کلیاں آسن اِک سُہائیا۔ جِس دی کرِشن لِکھ کے گیا پاتی، پترکا اِک دِرڑائیا۔ سو کھیل کرے پُرکھ ابناشی، ہرِ کرتا اگمّ اتھاہیِا۔ چاروں کُنٹ ہونی اندھیری راتی، رُتڑی جگت نہ کوئے مہکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ڈنڈا کہے میَں سو پُرکھ نِرنجن بنایا میِتا، مِتر بےپرواہیِا۔ ہرِ پُرکھ نِرنجن جایا اِک اتیِتا، ترےَگُن توں باہر سوبھا پائیا۔ ایکنکار تکیا انڈیٹِھا، انڈِٹھڑی کار کمائیا۔ آد نِرنجن ویکھیا ٹھانڈا سیِتا، سانتک سَت رہیا ورتائیا۔ ابناشی کرتا تکیا جِس دی وکھّری ریِتا، ریِتیوان اِک ہو آئیا۔ سِری بھگوان تکیا جو آد جُگادی میِتا، مِتر پیارا دُھردرگاہیِا۔ پاربرہم تکیا جو سچ دوار وسنیِکا، درگاہ ساچی سوبھا پائیا۔ سَتگُر شبد تکیا جِس نے جُگ جُگ بدلائی ریِتا، سَتجُگ تریتا دواپرپِچھلا پندھ مُکائیا۔ وِشن برہما شِو تکیا جو گاؤن پربھوُ دے گیِتا، سنساری بھنڈاری سنگھاری اپنی سیو کمائیا۔ جاں کلجُگ دھار دی آسا تکی لکھّ چؤراسی اندروں مارے چیِکاں، سانتک سَت نظر کوئے نہ آئیا۔ بھیوَ جانے کوئے نہ جیِو جی کا، جاگرت جوت نہ کوئے رُشنائیا۔ جِس پُرکھ اکال دیِن دَیال پروردِگار سانجھے یار دیِاں کردے گئے اُڈیِکا، اوتار پَیغمبر گُروُ بھوِکھتاں وِچ آئے رکھائیا۔ سو سب دیِاں پیشیِن گوئیاں دیِاں کرے تصدیِقاں، شہادت شبد گُروُ بُھگتائیا۔ پِچھلیاں کیِتیاں اُتے مار کے لیکاں، لائن اگلی دئے وکھائیا۔ نیرن نیرا آپ دِسے نزدیِکا، دوُر دُراڈا پندھ مُکائیا۔ جِس نوُں کِہا
لاشریِکا، شرِکت سب دی دئے گوائیا۔ اُس دے وِچ حق دی اِک تؤفیِقا، تحفہ نام والا دئے ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک اگمّ اتھاہیِا۔ جیٹھ کہے میَں پِھرنا چڑھدا لہندا، بھجّنا چائیں چائنیا۔ عیسیٰ محمد ویکھنا کھہندا، موُسیٰ رنگ رنگائیا۔ جگت جہان مندر ویکھنا ڈھہندا، کوُڑا گڑھ رہن نہ پائیا۔ اوتار گُر بھانا ویکھنا سہندا، سِر سکے نہ کوئے اُٹھائیا۔ لکھّ چؤراسی اِکو گاہ ویکھنا گہِندا، کوُڑ کِریا پیِس پِسائیا۔ محمد اُبھے ساہ ویکھیا لیَندا، ہائے اُف میری دُہائیا۔ صدی چؤدھویں کلمہ کلمے نال کھہندا، نبی رسوُل ویکھن تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا مالک اِک اکھوائیا۔ دُھر مالک اِک اکھواؤندا اے۔ نوُر اِلاہی نوُر چمکاؤندا اے۔ االلہ االلہ روُپ درساؤندا اے۔ اِمام اِماما ویس وٹاؤندا اے۔ نِرگُن نوُر جوت رُشناؤندا اے۔ سو پُرکھ نِرنجن کھیل کھِلاؤندا اے۔ پاربرہم برہم سمجھاؤندا اے۔ تارا چند نیِر وہاؤندا اے۔ صدی چؤدھویں پندھ کؤن مُکاؤندا اے۔ سَتجُگ سچ راہ تکاؤندا اے۔ کلجُگ اپنی کل ورتاؤندا اے۔ دوہاں کھیل کوَن کراؤندا اے۔ جگت جہان ویکھ وکھاؤندا اے۔ بے پہچان ونڈ ونڈاؤندا اے۔ نؤجوان حُکم سُناؤندا اے۔ شرع شیَطان میٹ مِٹاؤندا اے۔ دیِن مذہب کھنڈ کھنڈ کراؤندا اے۔ آتم برہم اِک سمجھاؤندا اے۔ چمّ درِشٹی اِشٹی دوُر کراؤندا اے۔ سم بھاوَنا اِک پرگٹاؤندا اے۔ خوشی غمی دوُر کراؤندا اے۔ نِرگُن رُچی نِرگُن نال جُڑاؤندا اے۔ جن بھگتاں آتما کر کے سُچی، سُچ سنجم اِک سمجھاؤندا اے۔ بھاگ لگا کے کایا بُتی، بُتخانے آپ وڈیاؤندا اے۔ ہرِجن آتما رہے نہ سُتی، سوئی سُرتی شبد جگاؤندا اے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُناؤندا اے۔ سچ دا حُکم اِک سُناؤندا اے۔ دیِن دَیال دَیا کماؤندا اے۔ بھیوَ اگمّڑا آپ کُھلاؤندا اے۔ کلجُگ کوُڑی کِریا ویکھ وکھاؤندا اے۔ سَتجُگ ساچا آپ جگاؤندا اے۔ دھرنی دھرت دھوَل دھؤل سُہاؤندا اے۔ عرش فرش ویکھ وکھاؤندا اے۔ برہمنڈ کھنڈ پڑدا لا ہُندا اے۔ انڈج جیرج اُتبُھج سیتج اپنی کار کماؤندا۔ تُوں میرا میَں تیرا دسّ کے چھند، سوہنگ سَت سروُپ سماؤندا اے۔ آتم پرماتم بخش کے انند، انند انند اِک پرگٹاؤندا اے۔ امرت دھار وہا کے گنگ، سر سروور اِک نُہاؤندا اے۔ جن بھگتاں جگت دوارے نؤ لنگھ، دسم دواری سوبھا پاؤندا اے۔ جِتھے نہ کوئی سوُریہ نہ کوئی چند، منڈل نوُر آپ رُشناؤندا اے۔ آتم سیج سُہا پلنگ، بِن پاوا چوُل وڈیاؤندا اے۔ جوتی جوت
سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کماؤندا اے۔ سچ کرنی کار کمائیگا۔ دیِن دَیال دَیا کمائیگا۔ جن بھگت ہو رکھوال، سِر اپنا ہتّھ ٹِکائیگا۔ جِنہاں پوہ نہ سکے کال، مہاکال سیِس نِوائیگا۔ رائے دھرم پُچھ نہ سکے سوال، چِترگُپت اکھّ نہ کوئے اُٹھائیگا۔ وِشن برہما شِو خوشیاں وِچ وجائے تال، تلواڑا اِکو نام درسائیگا۔ جن بھگتاں پھل لگا کے آتم ڈال، پُھلواڑی دُھر دا نام مہکائیگا۔ بوُٹا لا کے مات لوک وِچ سِنگھ پال، پالنا کر کے آپ وکھائیگا۔ جِس دا کھیل ہونا برہمنڈاں کھنڈاں توں باہر وِشال، وِشیاں والی حد گوائیگا۔ کلجُگ وِچ سَتجُگ بدل دینی چال، چاروں کُنٹ حُکم سُنائیگا۔ گُرمُکھاں توڑ کے ترےَگُن جنجال، جاگرت جوت ڈگمگائیگا۔ راتی سُتیاں دِنے جاگدیاں سدا کرے سنبھال، سمبل بَیٹھا ویکھ وکھائیگا۔ آپے پُچھے مُریِداں حال، مُرشد ہو کے اپنی کار کمائیگا۔ لیکھا مُکا کے شاہ کنگال، اعلیٰ ادنیٰ اِکو رنگ رنگائیگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیگا۔ وِساکھ کہے میَں اُس پربھوُ نوُں جھُکاں، جِس نوُں جھُک جھُک سارے سیِس نِوائیا۔ میرا سمت شہنشاہی ستّ دا پَینڈا مُکا، مُکمل دیاں دِرڑائیا۔ اَگے پربھ دا جیٹھ دُلارا اُٹھا، اُٹھ کے لئی انگڑائیا۔ اپنیِاں دوویں کھول کے مُٹھاں، پنجے لئے پھَیلائیا۔ جے پُرکھ اکالے تُٹھا، مِہربان مِہر نظر ٹِکائیا۔ اپنا بھگت لُکیا رہن نہ دیویں کِسے گُٹھا، نؤ کھنڈ پرِتھمی وِچوں لیَنا جگائیا۔ تیری دھاروں رہے نہ ٹُٹا، ٹُٹیاں لیَنا جُڑائیا۔ ناتا پیار رہے نہ چُھٹا، چُھٹکی لِو لیَنی لگائیا۔ کِتے بھگتاں نوُں پھیریں نہ وِچ ترےَکُٹی والی گُٹھا، اِیڑا پِنگل سُکھمن وِچ بھوائیا۔ سہنسر دل کول لائیں کدے نہ رُچا، رچنا اپنی دینی وکھائیا۔ جِس دا دوارا سب توں اُچا، دسم دواری پہلا قدم ٹِکائیا۔ پھیر اُجل کر کے مُکھا، مِہربان ہونا سہائیا۔ تِھر گھر تیری پڑھے پریم دی تُکا، آتم پرماتم راگ الائیا۔ پھیر سچکھنڈ دوارے اپنی گودی لیَنا چُکا، بِنا گود توں گود سُہائیا۔ سدا سدا سد تیری دھار وِچ رہے سُتا، سویا بھگت نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ جیٹھ میَں ساچی دَیا کماواں گا۔ جن بھگتاں کھیل کھِلاواں گا۔ کایا کاچی ویکھ وکھاواں گا۔ اندھ اندھیری رات مِٹاواں گا۔ سنجھ سویر اِک وکھاواں گا۔ مِہربان ہو کے اپنی مِہر کماواں گا۔ کلجُگ کوُڑ کِریا کر کے )ڈھیر(، بھانڈا بھرم بھؤ بھنّاواں گا۔ ناتا توڑ کے انڈج جیر، اُتبُھج سیتج وِچوں باہر کڈھاواں گا۔ لیکھا رہے لکھّ چؤراسی نہ گیڑ، گیڑا گیڑے
وِچوں بدلاواں گا۔ اِکو وار سب دا لیکھا دئے نِبیڑ، دوُجی ونڈ نہ کوئے ونڈاواں گا۔ نام دے چاڑھ کے اپنے بیڑ، بیڑا اپنے کندھ ٹِکاواں گا۔ آپ ہو سَتگُر شبد دلیر، دو جہاناں پندھ مُکاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی نظر اِک اُٹھاواں گا۔ جیٹھ، بھگت سُہیلے دیواں تار، تارنہار اِک اکھوائیا۔ آتم پرماتم بن کے یار، یارانہ دُھر دا دیاں نِبھائیا۔ تتاں اندر دے ادھار، بِن تتاں ہوواں سہائیا۔ خادم ہو کے خِدمتگار، جن بھگتاں سیو کمائیا۔ آتم برہم کر پیار، ایِش جیِو رنگ رنگائیا۔ سَتگُر شبد شبد سَتگُر ہو کے پاواں سار، مہاسارتھی ہو کے کھیل کھِلائیا۔ رتھواہی بن کے اگمّ اپار، الکھ اگوچر اپنی کار کمائیا۔ چؤراسی وِچوں کڈھ کے باہر، گُپت ظاہر اپنا رنگ رنگائیا۔ اِکو گھر وکھاواں سچّا دربار، درگاہ ساچی سوبھا پائیا۔ جِتھے جھُکدے پَیغمبر گُر اوتار، وِشن برہما شِو سیِس نِوائیا۔ کروڑ تیتیسا سُرپت اِند دوُروں دوُروں کرن نِمسکار، دوُر دُراڈے تکن چائیں چائنیا۔ جن بھگت سُہیلے اُس منزل پُچاواں جِتھے نِرگُن نوُر جوت اُجیار، جوتی جوت وِچ مِلائیا۔ اوتھے ناد شبد دُھن سارے ہو جان بھسمار، سُنن سُناؤن والا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دوارا اِک سُہائیا۔ جیٹھ اوہ ویکھ پربھ دے سُت دُلارے، گُرمُکھ سوہنے نظری آئیا۔ جیہڑے رہنے نہیں مات کوارے، آتم پرماتم لیَنی پرنائیا۔ جِنہاں نوُں وساؤنا سچکھنڈ دے سچ محل مینارے، جِتھے اِکو نوُر جوت رُشنائیا۔ سوُریہ چند نہ کوئے اُجیارے، منڈل منڈپ نہ ڈگمگائیا۔ اِکو کھیل سچّی سرکارے، شہنشاہ اِکو سوبھا پائیا۔ جِتھے پڑھنے پَین نہ وید چارے، شاستر سِمرت اکھّراں والی نہ کوئے وڈیائیا۔ سوبھاوَنت سوبھا پائے ایکنکارے، اکل کل دھاری نظری آئیا۔ جِس دا نِرگُن جوت نوُر نِہکلنک اوتارے، کل کلکی بےپرواہیِا۔ اوہ ویکھے وِگسے پاوے سارے، مہاسارتھی آپ ہو آئیا۔ اوہ تکے دِوس آؤندا ستاراں ہاڑے، دو جہان ہاڑے کڈھن تھاؤں تھائنیا۔ جِس نے اوتار پَیغمبر گُر بنائے جگت دے لاڑے، لاڑی دھرم دھار پرنائیا۔ اُس نے چار کُنٹ ویکھنے اَکھاڑے، کھنڈا کھڑگ کھڑگ کھڑکائیا۔ کھیل ہونا اپر اپارے، اپرمپر سوامی دئے سمجھائیا۔ محمد مشورہ کرنا نال چار یارے، چار یاری متا پکائیا۔ پھیر ویکھنے گوبِند دے پنج پیارے، پنچم پنچم کھوج کھوجائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ جیٹھ اوہ ویکھ ہاڑ مہیِنہ کر کر آؤندا پُھرتی، پُھرتیلا روُپ وٹائیا۔ ستاراں ہاڑ نوُں جن بھگتو اِکو کرنی سُرتی، سُرت پربھ
دے چرناں وِچ ٹِکائیا۔ ماجھے والیو تُہاڈے ہتّھ وِچ پھڑیا ہووے لیکھ لِکھ کے تُرکی، تُرت اپنی کار کمائیا۔ دوآبے والیو آشا لِکھنی تِنّاں گتّیاں اُتے محمدی، ساڈھے تِنّ ہتّھ لمبائیا۔ مالوے والیو لیکھ لِکھنا سرِشٹی جاندی رُڑھدی، اَگے ہو نہ کوئے اٹکائیا۔ جموں والیو تُساں لیکھ لِکھنا ویکھو کھیل پربھوُ چور دی، جو چوری لکھّ چؤراسی نالوں رہیا کمائیا۔ نال اِک سؤ اِک ہتّھ لمبائی رکھنی سوُتر دے ڈور دی، اِک زیِرو اِک نال وڈیائیا۔ ماجھے والیو تُساں چھتری بناؤنی کھنبھ مور دی، مُہرے پربھ دا نام لِکھائیا۔ دوآبے والیو تُہاڈے وِچوں اِکّی گُرمُکھاں دی دھار ہونی دؤڑ دی، بھجّو واہو داہیِا۔ مالوے والیو تُساں شکل بناؤنی براہمن گؤڑ دی، مل سِنگھ دا روُپ لیَنا بدلائیا۔ جموں والیو تُساں لیکھ لِکھنا اِکّی گُرمُکھاں سانوُں پیاس پربھوُ مِلن اؤڑ دی، اوڑک دھیان لگائیا۔ ماجھے والیو کھیل کرنی اِکّی گُرسِکھاں گھوڑ دؤڑ دی، اَسوَ تنگاں نال کسائیا۔ دوآبے والیو اِک شکل بناؤنی جؤہڑ دی، جل پرات وِچ ٹِکائیا۔ مالوے والیاں وست وکھاؤنی تؤڑ دی، کالیِاں تؤڑیِاں اِکیاں بیِبیِاں سِر ٹِکائیا۔ جموں والیو تُساں گپّ لِکھنی پھؤہڑ دی، زور دی کہندے آؤنا ویکھو کھیل دُھر دے ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ ستاراں ہاڑ کہے پربھوُ میرا لیکھا کرنا وڈّا، وڈّے دینی وڈیائیا۔ سب دے مستک تیرا تیِر نِشانہ ہووے گڈّا، گاڈ لِکھنا چائیں چائنیا۔ جموں والیو پِچھلا بُھل نہیں جانا خالی ڈبّا، لےَ کے آؤنا لال رنگ رنگائیا۔ ماجھے دوآبے مالوے اِک اِک نے پلّوُ ہووے بدھّا، تِنّ گُرمُکھ لینےَ جگائیا۔ اوہناں دے ہتّھ وِچ پھڑیا ہووے گدھا، گداگر اں دا روُپ درسائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر مہاراج شیرسِنگھ وِشنوُں بھگوان، تیری بھگوَن والی لگّی ہووے سبھا، بھگوَن ہو کے بھاگ سب دے دینے جگائیا۔
۱۷ جیٹھ شہنشاہی سمت ۷ ہرجیِت سِنگھ دے پُتر نوِت ہرِ بھگت دوار جیٹھوُوال
جیٹھ کہے میرا جگت مہیِنہ، ماس دُھر دا سوبھا پائیا۔ میرا کھیل تکدے وِشن برہما شِو تیِنا، تریَلوکی دھار دھیان لگائیا۔ اوتار پَیغمبر گُر کہن آمیِنا، پریم وِچ اپنا راگ سُنائیا۔ جن بھگتاں انتر ٹھانڈا ہووے سیِنہ، سیِتل امرت دھار وہائیا۔ سَتگُر شبد
کھیل اگمّا کیِنا، کرنی کرتے کار کمائیا۔ کِرپا کیِتی اُتے گُرمُکھ سِنگھ جیِنا، جو جیِون سِنگھ تیغ بہادر سیِس لیا اُٹھائیا۔ کھیل ویکھے دانا بیِنا، داتا دانی دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ جیٹھ کہے میرا لہنا دینا باقی، ہرِ کرتا آپ چُکائیا۔ گُرسِکھ تن توں تن مِل گیا خاکی، مانَو مانُکھ مانُش رنگ رنگائیا۔ سَتگُر شبد بن گیا ساتھی، سگلا سنگ سنگ نِبھائیا۔ پُرکھ اکال کِرپا کرے کملاپاتی، پت پرمیشور دَیا کمائیا۔ دھرم دی دھار بخشے حیاتی، جیِون جگت جُگت چتُرائیا۔ مِہربان مِہر کرے آپ ابناشی، ابناشی اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ جیٹھ کہے میرا لہنا دینا کوٹن وِچ سہنس، گِنتی گنت نہ کوئے گِنائیا۔ میرا لیکھا نال بھگت بھگوَنت، ساچا سنگ بنائیا۔ ہرِجن تکاں روُپ ہنس، گُرمُکھ نظری آئیا۔ جیِون دا ناں ہووے ہربنس، ہربنس سِنگھ سِنگھ سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگت سُہائے اپنا بنس، سربنس اپنا رنگ رنگائیا۔