۲۸ جیٹھ شہنشاہی سمت ۷ سنت رام، پریِتم سِنگھ جاڑ، پیاری دیوی بدی پُر پِنڈ گوکلے چکّ ضِلع جموں
صدی چؤدھویں کہے میَں بھجیّ دؤڑی، نِرگُن دھار واہو داہیِا۔ چؤداں طبقاں لا کے ویکھی پؤڑی، ڈنڈے ڈنڈے پندھ مُکائیا۔ دروہی محمد ویکھیا کردا بہُڑی بہُڑی، کوُک کوُک سُنائیا۔ میری اُمت ویل ہو گئی کؤڑی، آبِ حیات رس نہ کوئے بھرائیا۔ وُضوُ کردے وِچوں جؤہڑیِں، جلدھار نہ کوئے سمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا بےپرواہیِا۔ صدی چؤدھویں کہے میَں ویکھیا چڑھ کے دُھر دے ڈنڈے، ڈؤروُ ڈنک ڈنک وجائیا۔ چار یاری ویکھی انتم کنڈھے، کنڈھی بَیٹھے اکھّ کُھلائیا۔ محمد تکیا ویکھے خاکی بندے، بندگی والے پھول پھولائیا۔ میرے چؤداں سؤ سال ایَویں لنگھے، لنگھدیاں دیر لگّی نہ رائیا۔ مُلّا شیخ مسائک ہو گئے گندے، نوُرے چشم نوُر نہ کوئے رُشنائیا۔ سب دے پاٹے ہوئے تمبے، پردہ پُشت پناہ نہ کوئے وکھائیا۔ تن وجوُد دِسن نہ رنگے، داہڑی رتڑی دئے گواہیِا۔ بہُڑی ٹُٹی موُل نہ گنڈھے، گنڈھنہار نہ کوئے اکھوائیا۔ جِس دی دھار حسن حسیَن شہادت دے گئے بِنا پانی ٹھنڈے، سانتک سَت نہ کوئے کرائیا۔ اوہ مُسافر بن گئے لمبے، قدیِم دا اپنا آسن لائیا۔
دروہی خُدا دی یامبیِن عالمیِن مکّہ مدیِنہ کمبے، کعبے رہے کُرلائیا۔ سب دے لیکھ دُھردرگاہی سچکھنڈ دوارے ٹنگے، بِن اکھّراں دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویں کہے میَں چڑھ کے اُپر چوٹی، چوٹی ہو کے دھیان لگائیا۔ میَں سب دی آسا تکی کھوٹی، کھوٹے کھرے روُپ نہ کوئے بدلائیا۔ خُدا دا نام ویچدے کارن روٹی، مذہباں وِچ پئی دُہائیا۔ اکھّراں والی پوتھی ہو گئی تھوتھی، کلمہ حق نہ کوئے دِرڑائیا۔ رؤلا پیا چؤداں طبق چؤداں لوکی، پرلوک ویکھن تھاؤں تھائنیا۔ میَنوُں یاد آ گیا کی سندیسہ دے کے گیا رَوداس چمارا موچی، سہج نال دِرڑائیا۔ صدی چؤدھویں تیرے انت کِسے نہیں سمجھنی پربھ دی اگمّی سوچ سوچی، سمجھ سمجھ نہ کوئے جنائیا۔ اُمت دی محمد دے ہتّھوں کھُسنی روزی، رازق رِزق رحیِم اپنا حُکم ورتائیا۔ تیری آشا ہونی کوجھی، کملیئے تَینوُں دیاں جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ صدی چؤدھویں کہے میَں اُتے چڑھ کے تکیا نال غؤر، گہر گمبھیِر ویکھ وکھائیا۔ جیہڑا آد انت سب دا شؤہر، چھوہر بانکا نوُر اِلاہیِا۔ جِس نے اپنا وکھاؤنا جؤہر، جابر جبر اپنی کھیل کھِلائیا۔ دیِن دُنی دے بدل دینے تؤر، طبقاں سبقاں پردہ دئے اُٹھائیا۔ جِس دے ہتّھ وِچ سب دی ڈور، ڈؤروُ ڈنکا اِک کرے شنوائیا۔ اوسے نوُں سب نے کِہا براہمن گؤڑ، وید ویاسا دئے گواہیِا۔ جِہدا آد انت سَت سروُپ نواں نکور، نِکاّ وڈّا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا نوُر اِلاہیِا۔ صدی چؤدھویں کہے میَں تکیا نوُر الاہ پروردِگار، الاہی نوُر نظری آئیا۔ اُس حُکم سندیسہ دِتا اگمّ اپار، سندیسہ اِک سُنائیا۔ اوہ تکّ محمدی یار، یرانے سارے رہے تُڑائیا۔ کِسے دا کِسے اُتے رہیا نہیں کوئی اِعتبار، بے اِعتباری ہوئی خلق خُدائیا۔ موُسیٰ عیسیٰ نیَن رہے اُگھاڑ، بِن اکھّاں اکھّ اُٹھائیا۔ کوَن سرِشٹ سبائی چبائے اپنی داڑھ، داڑھاں ہیٹھ دبائیا۔ موُسیٰ کِہا عیسیٰ جِس نے تَینوُں پھاسی دِتا چاڑھ، صلیِب گل وِچ لٹکائیا۔ اوہ کھیل کرے سچّی سرکار، اِمام اِماما نوُر اِلاہیِا۔ جِس نوُں سجدے کر کر جھُکدے رہے وِچ سنسار، حدیِثاں وِچ صِفتی راگ الائیا۔ اوہ مالک خالق ہویا ظاہر، ظاہر ظہوُر کرے رُشنائیا۔ جِس نوُں کہندے آئے اِستغفار، غفلت سب دی دئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ صدی چؤدھویں کہے میَں نِیوں کے کیِتا سجدہ، بِن
سیِس سیِس جھُکائیا۔ پربھوُ محمد تیرا بردا، باندی ہو کے دیاں جنائیا۔ اوہ ویکھ کلمہ پڑھدا، تُوں ہی تُوں ہی راگ الائیا۔ تیری منزل چڑھدا، چؤداں طبق بھجےّ واہو داہیِا۔ نِگاہ زمیِن اسمان کردا، کردار ہو کے ویکھ وکھائیا۔ کی کھیل ہونا میرے گھر دا، گرِہ پڑدا رہیا چُکائیا۔ جو لیکھا پروردِگار سانجھے یار دا، سو یارانہ توڑ دئے نِبھائیا۔ میرا مقروُض دا قرضہ صدی چؤدھویں آپ اُتار دا، اُتّر پوُرب پچھّم دکھّن دھیان لگائیا۔ جن بھگتاں صوُفیاں سنتاں نِرگُن دھار کاج سواردا، سوارتھ اپنا نہ کوئے رکھائیا۔ جِس دا کھیل آد جُگاد جُگ چؤکڑی آر پار دا، دو جہاناں مرد مردانہ ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جوتی جاتا پُرکھ بِدھاتا روُپ انوُپ سچّی سرکار دا، دوُسر نظر کوئے نہ آئیا۔
۲۹ جیٹھ شہنشاہی سمت ۷ ہرِ بھگت دوار جیٹھوُوال ضِلع امرتسر
سَتگُر شبد کہے گُرمُکھ ساچے دُھر دے پُھل، پُھلواڑی پربھ لوک مات مہکائیا۔ جن بھگت روُپ بنا کے اپنی کُل، کُل مالک ہوئے سہائیا۔ جنم جنم دی کرم کرم دی بخشے بُھل، ابُھل دیوے مان وڈیائیا۔ جِنہاں دے برابر نہیں کوئی تُل، سمع روُپ نہ کوئے درسائیا۔ اوہ بھگت دوار دے گُلشن دا گُل، مہک پریم والی مہکائیا۔ کلجُگ مایا وِچ جان نہ رُل، موہ ممتا آئے تجائیا۔ ناتا جوڑ کے نال صُلح کُل، سچ دی ساچی کار کمائیا۔ لنگر کھا کے اِکو چُلھ، پریم پریِتی وِچ جھٹ لنگھائیا۔ سچ دا بوُٹا کدے جاوے نہ ہُل، پت ٹہنی پُھل پھل آپ لگائیا۔ جن بھگتاں دیِپک ہووے کدے نہ گُل، نوُر جوت جوت رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سَتگُر شبد کہے جن بھگت سُہنجنے پھوُل، ہرِ کرتا آپ مہکائیا۔ جِنہاں دا مالک اِک کنتُوہل، سچکھنڈ نِواسی نظری آئیا۔ جو دھرم دی دھار دسےّ اصوُل، اصلیّت اپنی اِک دِرڑائیا۔ پریم پریِتی بخش معقوُل، مُکمل اپنا حُکم ورتائیا۔ چرن چرنودک دے کے دھوُل، دھوُڑی ٹِکّے خاک رمائیا۔ جِنہاں دا لیکھا کرے نہ کوئے وصوُل، رائے دھرم نہ اکھّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے پُھلاں وانگ جاؤ مہک، خوشبوُ پریم والی پرگٹائیا۔ دھرم دوارے بنو لائق، ہرِجن اپنا روُپ بدلائیا۔ دُھر دا مالک تکو
نائک، نر نرائن نوُر اِلاہیِا۔ جِس دی اوتاراں پَیغمبراں منّی ہدایت، گُروُ گُردیو سیِس نِوائیا۔ کلمے دی منظور کیِتی شریِعت، شرع وِچ سیِس جھُکائیا۔ سو سچ وست بھگتاں کرے عنایت، بھگوَن اپنی دَیا کمائیا۔ جنم کرم لیکھے لائے نال رِعایت، روَایت اپنی آپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ سَتگُر شبد کہے دُھر دے پُھل بن جاؤ چنگے، کوُڑی کِریا دینی کڈھائیا۔ بھگت بھگتاں نال کرن نہ دنگے، غُصّہ گِلہ نہ کوئے جنائیا۔ پِچھلے ویلے سب دے لنگھے، اَگے اپنا حُکم سُنائیا۔ تُسیں بندیاں ورگے نہیں بندے، بِنا بندگی توں بندگی والے دِتے پرگٹائیا۔ تُہاڈا کھیل ویکھ کے رائے دھرم چِترگُپت کمبے، لاڑی مؤت اکھّ دبائیا۔ جِنہاں دے پَینڈے اَگے رہے نہیں لمبے، پاندھی پندھ نہ کوئے بھوائیا۔ کھیل تکنے پربھوُ سندے، جو سندھیا سرگھی اپنا رنگ وکھائیا۔ جو سَتگُروُ دوار کرنی کِرت دے کردے دھندے، دِوس رَین کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے ہرِجن ساچا دھرم دا ہیِرا، دھرم دھار وِچ سمائیا۔ جِنہاں دے سِر تے پربھ نے بنّھنا چیرا، چِری وِچھنے لئے مِلائیا۔ اوہ اِک دوُجے نوُں سدا سمجھن بھَین بھائی ویِرا، پریم مُحبّت وِچ بُلائیا۔ گُرمُکھ کلجُگ وِشٹا والا بنے کوئے نہ کیڑا، ہنس روُپ لیَنا بدلائیا۔ سَت سچ دا مارگ نہیں کوئی بھیِڑا، بھیِڑی گلی نہ کوئے وکھائیا۔ جن بھگتو اجّ توں سارے بنّھ لؤ بیِڑا، اپنا بھار آپے لؤ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پُھل کہن اسیں بھگتاں اُتے لاؤنی برکھا، پربھ دِتی مان وڈیائیا۔ گُرسِکھو یاد کر لؤ سِکھ نوُں سِکھ ترسدا مر گیا وِچ سرسا، سِکھ نال سِکھ سکیا نہ کوئے مِلائیا۔ اُس نوُں کوئی بہُتا نہیں بیِتیا عرصہ ، تھوڑا سماں رہیا جنائیا۔ ہُن وی تُہاڈے اُتے پَین والا پرچہ، پراچیِن دا لیکھا ویکھ وکھائیا۔ جن بھگتو تُہاڈے وِچ نِندیا والی ہووے کدے نہ چرچا، جو نِندک ہووے اُس نوُں باہر کڈھ کے دیؤ وکھائیا۔ کیوں تُہاڈا مالک والی عرشا ، عرشی پریِتم نوُر اِلاہیِا۔ جِس دا سمت شہنشاہی ستّ دا برسا، جن بھگتو گھر گھر گُرمُکھاں برسی رہیا منائیا۔ بھگت دوارا دھام اگمّا اُپر دھرتا، دھرنی دھرت دھوَل وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ پُھل کہن ساڈی ویکھو بہار، خوشیاں وِچ جنائیا۔ جن بھگتو بھگتاں نال کرنا پیار، مُحبّت مُحبّت وِچوں پرگٹائیا۔ اِکو گھر اِکو تُہاڈا گھر بار، اِکو گرِہ
نظری آئیا۔ اِکو مالک اِکو اگمّ ایکنکار، اِک اِکلّا اگمّ اتھاہیِا۔ اِکو دے تُسیں سُت دُلار، پِتا پُرکھ اکال اِک اکھوائیا۔ اَگے نوُں جھگڑے چھڈ دیؤ سنسار، جھگڑیاں وِچ ہتّھ کِچھ نہ آئیا۔ اندروں ہووے نہ کوئے دُکھیار، خوشیاں وِچ اپنا جھٹ لنگھائیا۔ کیوں تُسیں وسدے اُس پربھوُ دے دربار، جِتھے پنج درباری دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ پُھل کہن ساڈی پُنہ پُنہ نِمسکار، نِیوں نِیوں سیِس جھُکائیا۔ پربھ نے کھیل کرنا اپر اپار، اپرمپر سوامی اپنا حُکم ورتائیا۔ پہلی ہاڑ نوُں ہرِ سنگت نوُں کرے نِمسکار، نِیوں نِیوں سیِس جھُکائیا۔ شبد دیوے جے تُسیں نہیں چھڈ سکدے ہنکار، میَں نِمانا ہو کے سیو کمائیا۔ پھیر تُسیں پربھوُ دے بنیو سِکدار، سِر ہؤمے والا تاج ٹِکائیا۔ سَتگُر چاکر بنے ہووے خِدمتگار، سیوک سیوا سچ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ پُھل کہن سَتگُر شبد کیِتا کھیل اپار، اپرمپر دے دِرڑائیا۔ تیرے در کیوں پِھرے کوُڑ ہنکار، بھجےّ واہو داہیِا۔ کیوں ہویا دھوُاں دھار، سَت جوت نہ کوئے رُشنائیا۔ کیوں منوُآ ہویا آوار، بندھن بندھ نہ کوئے جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی ہونا سہائیا۔ سَتگُر شبد کہے سب نے اِکو لڑ پھڑنا، اِکو راہ تکائیا۔ اِکو منزل چڑھنا، اِکو گھر وجےّ ودھائیا۔ پنجاں درباریِاں وِچوں گُردرشن نے ستاراں دِن سَوا گھنٹہ بھگت دوار وِچ دُھر دا حُکم پڑھنا، وقت چار پنج سُہائیا۔ ہرِجن پریم وِچ اِک دوُجے نوُں ورنا، ناتا مُحبّت والا رکھائیا۔ اِکو صاحِب دی پڑنا سرنا، دوُجی اوٹ نہ کوئے تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سَتگُر شبد کہے جو ہرِ بھگت دوار سیو کماؤندے سِکھ، سِکھیا دُھر دی لیَن اپنائیا۔ اوہناں سَتگُر دھار مستک لیَنی لِکھ، ہاڑ ستاراں ونڈ ونڈائیا۔ پنجاں لِکھاریِاں بہنا اُتے اِک اِک اِٹّ، اِٹّ رَوداس چمارے والی راہ تکائیا۔ پھیر ڈوری اِکو اُتے دینی سِٹّ، جو کرتا دُھردرگاہیِا۔ اِک اِک اپنی جیب وِچ لِکھ کے پاؤنی چِٹ، چیتن چیتن چیتن روُپ درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے ستاراں ہاڑ کھیل تکّن گن گندھرب، سُرپت راجا اِندر کِنر یچھپ دھیان لگائیا۔ صدی چؤدھویں دی گولی نال مِل کے گیِت گاؤنا دوِندر، تُونبی تند سِتار ہِلائیا۔ گُردرشن دا روُپ بنیا ہووے جِؤں شہزادی سِندھن، لباس سِندھیِاں
والا وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ ستاراں ہاڑ کہے پنجاں لِکھاریِاں دے مستک وِچ ہون پنج پنج نِشان، پنجے دُھر دے رنگ رنگائیا۔ پنجاں درباریِاں چِٹے چادرے اُتے لینےَ تان، تانا پیٹا ونڈ نہ کوئے ونڈائیا۔ پنجاں پیاریاں مِل کے گاؤنا گان، شبد دُھر دا اِک سُنائیا۔ ساری سنگت نے کرنا پروان، پروانے بن کے سیِس نِوائیا۔ اِک گُرمُکھ ماجھے دا بنیا ہووے بے زبان، مُکھوں بول نہ سکے رائیا۔ مالوے والیاں دا بنیا ہووے اِک خان، مُغلاں والا روُپ وٹائیا۔ دوآبے والیاں دا اِک بنیا ہووے اَنجان، بالی بُدھ سمجھائیا۔ جموں والیاں دا اِک نظر آوے پہلوان، لنگوٹے دوہاں موڈھیا اُتے ٹِکائیا۔ دِلّی وِچوں بنیا ہووے اِک سیَن تان، تان سیَن اپنا روُپ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پُھل کہن جن بھگتو پُھلنی بن رائے، بنکھنڈ خوشی منائیا۔ اِکّی گُرمُکھ ماجھے والے اِک پربھوُ دے ہون جائے، اپنا مات پِت بُھلائیا۔ اِکّی گُرمُکھ دوآبے والے کرن ہائے ہائے، ہائے تیرا نام دُہائیا۔ اِکّی گُرمُکھ مالوے والے مِٹھیائی خوشیاں نال لیَن کھائے، کھا کھا مستی دین بنائیا۔ اِک گُرمُکھ جموں والا سب دے اَگے جگت رُکاوٹاں ڈاہے، ہرِ سنگت روکے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا کرے بےپرواہے، بے پرواہ اپنی کار کمائیا۔