کتب خانہGranth 22 (Shahmukhi)

۱۷ ساوَن شہنشاہی سمت ۷ گُردَیال سِنگھ دے گرِہ پِنڈ موُدھل ضِلع امرتسر

صدی چؤدھویں کہے محمد سُن اگمّی نغمہ، الف یے توں باہر دھیان، لگائیا۔ دروہی لاشریِک میَنوُں دین والا صدمہ، سدا ہوکے دیاں جنائیا۔ انت اَخیِر جھُک جا اِک نوُر دے قدما، قدیِم دے مالک دھیان لگائیا۔ جِس جھگڑا میٹنا ماٹی خاک بدنا، بدی دا ڈیرہ دینا ڈھاہیِا۔ کُچھ جھگڑا پَین والا وِچ عدنا، اَگے ہو نہ کوئے اٹکائیا۔ جو بے نظیِر کرن والا اِنصاف عدلا، عدل اپنا اِک کمائیا۔ دیِن دیِن دا لاہوے بدلہ، مذہب مذہب نال ٹُھکرائیا۔ میَں نیتر دھار پاؤنی کجلا، چاروں کُنٹ اکھّ اُٹھائیا۔ اُمتی اُمت دا رہنا نہیں کوئی سجّنا، ساجن میِت نہ سنگ نِبھائیا۔ سب نے چاروں کُنٹ ونجھنا، ونجھ مُہانے دین گواہیِا۔ اوہ تکّ خواجہ نیِر دا پیِر کرے بندنا، بندگی وِچ سیِس جھُکائیا۔ نبی رسوُل کوئی نہ لاوے انگنا، چار یاری رہی کُرلائیا۔ دُہائی درد کِسے نہ ونڈنا،

دُکھیاں دُکھ نہ کوئے مِٹائیا۔ پروردِگار سانجھے یار نوُر اِلاہی سب نوُں ڈنڈنا، ڈنڈاوت سب دی دئے بدلائیا۔ شرع شریِعت دی ڈھاہوے کندھنا، مارگ اِکو اِک پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ محمد کہے صدی چؤدھویں انت اَخیِر مار جھاکی، پردہ پردیاں وِچوں اُٹھائیا۔ میرا مالک خالق پرِتپالک ویکھنہارا بندہ خاکی، چاروں کُنٹ کھوج کھوجائیا۔ میَں شرع دا رہیا موُل نہ ساقی، ساکھیات دیاں دِرڑائیا۔ سچ دی بند ہوئی تاکی، تقویٰ حق نہ کوئے جنائیا۔ شرع دی آسا ہوئی عاقی، منسا من نہ کوئے مِٹائیا۔ حق رہیا نہ کوئے اخلاقی، اِختلاف وِچ دُہائیا۔ کھیل ہونا اِتفاقی، اِتفاقیہ اپنا حُکم ورتائیا۔ دیِن دُنی دی تکے نِفاقی، گرِہ مندر تن تت دھیان لگائیا۔ جِس نے کِسے دی رہن نہیں دینی گُستاخی، گہر گمبھیِر اپنا حُکم ورتائیا۔ میری انتم پوُری کرے آسی، آہستہ آہستہ اپنا کھیل وکھائیا۔ جِنہاں عیسیٰ نوُں چاڑھیا پھاسی، صدی بیِسویں اپنی لئے انگڑائیا۔ سو لیکھا منگے پُرکھ ابناشی، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اگمّ اتھاہیِا۔ صدی چؤدھویں کہے حضرت اُٹھ چھیتی نال تک، مشرق مغرب دھیان لگائیا۔ عیسیٰ دا کلاک کرے ٹک ٹک، بیِس بیِسا نال مِلائیا۔ اُمت اُمتی رہے نہ شکّ، شِکوہ سارا دینا گوائیا۔ چاروں کُنٹ نوُر دی تھاں دِسے رتّ، تت تت نال لڑائیا۔ شرع شرع ہوئی وکھ، شریِعت سنگ نہ کوئے نِبھائیا۔ او سُن جَیکارا الکھّ، الکھ اگوچر رہیا دِرڑائیا۔ تیرے رہنا نہیں کُچھ ہتّھ، ہتھیلی خالی ہتھیلی نال مِلائیا۔ سب نے ستھر جانا لتھ، ستھر گوبِند یارڑا دئے گواہیِا۔ چؤداں طبقاں کھیڑا ہونا بھٹھ، اَگے ہو نہ کوئے بچائیا۔ کلمہ کائنات کِسے نہ لیَنا رٹّ، رٹّا ہووے کوُڑ لوکائیا۔ اپنا سر سِر پروردِگار دے قدماں اُتے سٹ، بِنا سیِس توں سیِس نِوائیا۔ سجدے وِچ کہو میَنوُں نؤ سال ہور لیَن دے کٹ، اَگے آس نہ کوئے تکائیا۔ جِس ویلے چؤداں سؤ سال گئے ٹپّ، ٹپّا کلمے والا دینا بدلائیا۔ تیرے نام دی مُہر لگّے جھٹ، ٹھپّا اِکو اِک وکھائیا۔ نوَ ستّ نوَ در نوَ واسنا توں باہر تیرا آوے رس، رستہ اِکو دینا وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن تیری کھیل سدا اکتھ، مِہربان محبوُب کتھنی کتھ نہ سکے رائیا۔

۲۱ ساوَن شہنشاہی سمت ۷ جگجیِت سِنگھ دے نوِت ہرِ بھگت دوار جیٹھوُوال

باوَن کہے میرا بِردھ روُپ اِتنا، براہمن برہم سمجھ کِسے نہ آئیا۔ میَں لیکھا لِکھیا ویکھاں مانَو دھار بِدھنا، بِدھ اپنی نہ کِسے جنائیا۔ پتہ نہیں کِس بِدھ سماں لنگھیا اِتنا، سَتجُگ توں کلجُگ روُپ بدلائیا۔ جِس دا کھیل جگت کِسے نہ دِسنا، دہ دِشا ویکھن کوئے نہ پائیا۔ اُس بھگتاں ونڈاؤنا حِصنا، حصّیدار اِک ہو آئیا۔ جِس دا لیکھ کِسے نہ لِکھنا، کاتب قلم نہ کوئے وڈیائیا۔ اوہ ویس وٹائے نِت نوِتنا، جُگ جُگ اپنی کار کمائیا۔ سچ سُہیلا بنے مِتنا، مِتر پیارا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ باوَن کہے جیہڑا بل دا بل والا دربان، در ساچے سوبھا پائیا۔ اُس کیِتا چرن دھیان، دھیان دھیان وِچوں بدلائیا۔ جے کر میرے گرِہ آوے بھگوان، ہرِ بھگوَن بےپرواہیِا۔ درشن کراں مہان، نیتر نیَن اکھّ اُٹھائیا۔ جھٹ باوَن کیِتی پہچان، اندرے اندر ویکھ وکھائیا۔ بیننتی ارداس کر پروان، شبدی حُکم نال جُڑائیا۔ نِگاہ مار کے جگت جہان، کلجُگ انتم راہ تکائیا۔ جِس ویلے آپ ہوواں مِہربان، مِہر نظر نظر اُٹھائیا۔ تیری آشا کراں پروان، پرم پُرکھ ہو کے اپنا رنگ رنگائیا۔ ساتھ بخشاں راج راجان، بل بلدھاری جوڑ جُڑائیا۔ سچ دھرم دا دھرم بناواں نِشان، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ باوَن انتر انتر دِتا اِشارہ، شبدی شبدی شبد دھار جنائیا۔ اوہ ویکھ کلجُگ انت کنارہ، نئیا نؤکا پار نہ کوئے کرائیا۔ چار ورن ہون آوارہ، سِر ہتّھ نہ کوئے ٹِکائیا۔ میرا سروُپ سرگُن نِرگُن ہوئے دوبارہ، دوہری دھار جنائیا۔ کھیل کھیلاں وِچ سنسارا، سنساری بھنڈاری سنگھاری سنگ رکھائیا۔ لیکھے لاواں بل دوارا، در اپنا حُکم ورتائیا۔ تیرا جنم کرم نال رکھاں سَتگُر دھارا، سَتگُر سَت سَت سَت سرنائیا۔ سمت شہنشاہی ستّ اِکّی ساوَن ہوئے دِہاڑا، وقت وقت نال وڈیائیا۔ جگجیِت جیِت نام تُمارا، تُرت اپنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ باوَن جگت جہان شبدی دھار گھُنما، چاروں کُنٹ ویکھ وکھائیا۔ کلجُگ انت سرِشٹی ہونی کؤڑی وانگ تُنما، تُخم تاثیر سارے جان بدلائیا۔ کِسے دی کُھلے موُل نہ سُنّا، سُنّ سمادھ نہ کوئے کُھلائیا۔ کِسے مالک نظر نہیں آؤنا کُن کُنا، کائنات رووے مارے دھائیا۔ کِسے گاں سوُر کھانا کِسے چھترا بکرا دُنبا، بچیا رہن کوئے نہ پائیا۔ چوبدار تُوں ہونا اِک ننھاں

جِہا مُنّا، بالک بالک روُپ سکھائیا۔ تیرے اندر بخشنا اِک گُنا، گُنونت دئے وڈیائیا۔ ایسے کرکے جگجیِت سِنگھ نے یاراں سؤ ستاسی وار سَتگُر دا چرن چمُّا، اجّ تکّ گِنتی ساری لئی گِنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ باوَن کِہا پربھ دا کھیل ہونا اپارا، اپرمپر دیاں جنائیا۔ جِس ویلے کلجُگ انت بل دے گرِہ بنیا گُرمُکھ دوارا، گُر گُر دھار جنائیا۔ اُس ویلے تیرا لیکھا دسّاں سارا، سہج نال سُنائیا۔ دو اِک اِکّی کرنی نِمسکارا، سمت شہنشاہی نؤ دئے وڈیائیا۔ پھیر اِک سؤ اِک گُرسِکھ مالوے وِچوں کرنا تیارا، ترےَگُن اتیِتا اپنا رنگ رنگائیا۔ اِکّی اِکّی سب دے گل پائے ہوون ہارا، رُپا اپنا رنگ وکھائیا۔ ایہہ کھیل سچّی سرکارا، پندراں پندراں اپنی گنڈھ رکھائیا۔ اَسوُ تِنّ ہووے دِہاڑا، اَگے تِھت نہ کوئے ودھائیا۔ کھیل کرے دُھر دا لاڑا، بستر کیسری سوبھا پائیا۔ سب نے منگن آؤنا واڑا، گُرمُکھ اپنی آس رکھائیا۔ کُچھ لہنا پوُرا کرنا جو بل دا پِچھلا اُدھارا، در اپنے گھر سُہائیا۔ اُس دا نِیلے بستراں نال ہونا شِنگارہ، چنّ سِتار نِشان متھے وِچ رکھائیا۔ پہلی کڑاہی چُکے گارا، نیہاں ہیٹھ دبائیا۔ پھیر بل دی گولی لیائے پنج چُھہارا، لما چھوٹا نہ کوئے وڈیائیا۔ گُرمُکھ سِنگھ لما پےَ کے بنے لِکھارا، نیَن اسمان ولّ ٹِکائیا۔ اِک سؤ اِک گُرمُکھ بولن جَیکارا، زور زور نال جنائیا۔ سُرجیِت سِنگھ کُھلا چھڈیا ہووے داڑھا، وال پِچھے نوُں لٹکائیا۔ امرجیِت پگڑی نوُں رنگ لاوے لال گاڑھا، ڈبّ رہن کوئے نہ پائیا۔ گُردرشن کؤر رضائی دا کھڑنا اِک اُچھاڑا، پِیلے رنگ رنگائیا۔ چیلا سِنگھ کول تیلیاں والا ہووے تاڑا، کھبےّ ہتّھ وِچ لٹکائیا۔ سروُپ سِنگھ وجائے سِتارا، اُنگلی اُنگلی نال ہِلائیا۔ پنج پیارے شبد گاون اِکو وارا، واہ واہ تیری بےپرواہیِا۔ پنج درباری سجےّ گُٹ تے لاون اِک اِک بِندی گارا، گہر گمبھیِر جنائیا۔ رنجیِت کؤر نال سہیلیِاں لےَ کے اٹھاراں، پُجنا چائیں چائنیا۔ ایہہ کھیل کرے ہرِ کرتارا، کرنی دا کرتا کار کمائیا۔ بدھک نے موڈھے اُتے چُکیا ہووے جھاڑا، کنڈیاں والا سوبھا پائیا۔ ملوئیے لاون سچ اَکھاڑا، گیِت خوشیاں والے گائیا۔ اجیِت سِنگھ موڈھے چُکیا ہووے کُہاڑا، بٹالے وِچوں لےَ کے آئیا۔ کِشن سِنگھ وجاؤندا آوے دوتارا، راگ نانک دھار گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ باوَن کہے ایہہ کھیل کرنی پربھ نے ننگی، اوہلا نظر کوئے نہ آئیا۔ صدی چؤدھویں دی گولی بنیا ہووے روُپ چنگی، چند سِتار نال وڈیائیا۔ دوِندر ساتھ ہووے سنگی، نیَن کجّل دھار سُہائیا۔

ستّ سہیلیِاں دی ڈار ہووے لمبی، بستر اِکو روُپ بنائیا۔ کپوُر سِنگھ نے بانا پہننا جنگی، کِہر سِنگھ جوڑ جُڑائیا۔ ناظر سِنگھ نے الانی ڈاہُنی منجی، سبھا وِچ ٹِکائیا۔ سؤداگر سِنگھ بَیٹھا ہووے اُتے کندھی، آپ اپنا آپ ٹِکائیا۔ ماجھے مالوے دوآبے جموں اِک اِک کنّی ہووے گنڈھی، گنڈھ سانجھی دئے وکھائیا۔ جن بھگتاں دی دھار گُرمُکھاں دا راہ دسےّ ڈنڈی، ڈنڈاوت اِکو اِک جنائیا۔ سَتگُر شبد شبد سَتگُروُ آد جُگاد پکھنڈی، جِس دا بھیوَ کوئے نہ پائیا۔ جِس دی آیوُ جُگا جُگنت کدے نہ لنگھی، انت کہن کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ باوَن کہے چوبدار تیری آسا پوُری، پوُرن پُرکھ دئے کرائیا۔ حاضر ہو کے وِچ حضوُری، حضرتاں توں پرے دئے دِرڑائیا۔ جلوہ گر جلوہ بخش کے نوُری، نوُر نوُرانہ چند چمکائیا۔ سُرجیِت کؤر بنا کے پنج پوُڑی، پنجاں گُرمُکھاں دئے کھوائیا۔ پھیر چرن لاوے دھوُڑی، دھوُڑی مستک نال چُھہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے میَں سب کِچھ جان دا، جاننہار اکھوائیا۔ میَں بھگت دوارے وِچوں نؤ گُرمُکھ پچھان دا، جو خوشیاں نال جاون چائیں چائنیا۔ کھیل تکّن سِری بھگوان دا، کی بھگوَن اپنا رنگ رنگائیا۔ جن بھگتاں لیکھا دئے اپنے دان دا، دانی داتا آپ اکھوائیا۔ تیج بھان روُپ بنیا ہووے کاہن دا، مور مُکٹ سیِس ٹِکائیا۔ لال سِنگھ کھیل کردا آوے دھرم نِشان دا، نِشانہ موڈھیاں اُتے رکھائیا۔ اودھم سِنگھ جاپ کردا آوے سِری بھگوان دا، جو شہنشاہ اگمّ اتھاہیِا۔ جِس وقت نوُں جگت جہان نہیں کوئی جان دا، بُدھی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی اپنی کار کمائیا۔ سَتگُر شبد کہے میَں آد جُگادی سنگی، سچّا سنگ نِبھائیا۔ جیہڑی گُردَیال سِنگھ دی ناری دِسے رنڈی، رنڈیپا جگت والا ہنڈھائیا۔ اُس دی سیوا لاؤنی لنگر وِچ اِک کنّ دی ڈنڈی، ڈنڈاوت اگلی دئے بدلائیا۔ پھیر لیکھا مُک جائے وِچوں وربھنڈی، برہمنڈ کھنڈ توں پار وجےّ ودھائیا۔ اگلی کھیل ہور بڑی چنگی، سَتگُر چنگی طرح جنائیا۔ جن بھگتاں اندر واسنا رہے نہ گندی، دُتیا بھاؤ دئے مِٹائیا۔ سب دے اندروں سَتگُر پیار وِچ پوَن آوے ٹھنڈی، اگنی تت نہ لاگے رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد سوُرا سربنگی، بیِر سوُر اِک اکھوائیا۔

۲۸ ساوَن شہنشاہی سمت ۷ ہرِ بھگت دوار جیٹھوُوال کمّ کرن والے گُرسِکھاں نوِت

ہرِجن پیار وِچ جھونا دھان لاؤندے مُنجی، سیوا سَت سچ کمائیا۔ جِنہاں دی آتما انتر رہے نہ سُنجی، سُنج مسان دا ڈیرہ ڈھاہیِا۔ ساچے نام دی لا کے کُنجی، کنچن گڑھ دئے وڈیائیا۔ نابھی کوَل کر کے آوندھی امرت رس دئے بھرائیا۔ جیہڑی خواہش رسنا نال کوُندی، سواس سواس وجےّ ودھائیا۔ مُحبّت بخشے لوُں لوُں دی، ساڈھے تِنّ کروڑ اپنا رنگ وکھائیا۔ اِکو وڈیائی شبد سَتگُروُ دی، گُروُ گُردیو ہوئے سہائیا۔ جِس دی ریِتی آد آد شُروُع دی، شرع دا مالک اِک اکھوائیا۔ اَگے تور اگمّی تُروُگی، تُرت اپنی ونڈ ونڈائیا۔ شبد دی سُرت شبد نِرت جُڑوُگی، جوڑی سَتگُر آپ بنائیا۔ کلجُگ کوُڑی کِریا رُڑھوُگی، شؤہ دریا آپ ڈُبائیا۔ اِکو دھرم دی آشا پُھروُگی، فُرنے ممتا دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سَتگُر شبد کہے بھگتو میَں وی بڑا کاما، جُگ جُگ پربھ دی سیو کمائیا۔ میَنوُں گاؤندے رہے کرِشنا راما، سیِتا رادھا اپنی دھار درسائیا۔ میَنوُں پَیغمبراں کیِتیِاں سلاماں، سجدیاں وِچ سیِس نِوائیا۔ میَنوُں نانک کِہا ستناما، سَت سَت وجّی ودھائیا۔ میرا واہِگُروُ فتح ڈنک دمامہ، دو جہاناں کرے شنوائیا۔ برہمنڈ سندیس مہاراج شیرسِنگھ وِشنوُں بھگوانا، بھگوَن اپنی کار کمائیا۔ ہرِجن بنا کے سچ دوار دے سچ نِشانہ، نِشانہ اپنا اِک پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے میری آد انت دی یاری، یارانہ پربھ دے نال رکھائیا۔ میری جُگ جُگ دی وفاداری، بے وفا نہ روُپ درسائیا۔ میری پیار مُحبّت دی سِکداری، سِر سِر حُکم سُنائیا۔ میرے کاغذ قلم لِکھاری، گُن گاون چائیں چائنیا۔ میرا جگت جہان پُجاری، پوُجا وِچ دھیان رکھائیا۔ میری صِفت سب توں باہری، جِس نوُں سمجھے کوئے نہ رائیا۔ میرا مالک اِک نِرنکاری، نِروَیر اگمّ اتھاہیِا۔ تُسیں اوسے دے در دے درد بھرے پُجاری، در درویش ہو کے اپنی سیو کمائیا۔ مُحبّت وِچ کرے نہ کوئے غداری، گداگر نہ کوئے اکھوائیا۔ اِکو مان نر ناری، نر نرائن اپنا رنگ رنگائیا۔ تُہاڈا لیکھا لگّے اوس سچ سچّے درباری، جِتھے اِکو نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سَتگُر شبد کہے میَں جُگ جُگ سیوا کردا، دُھر دی کرنی کار کمائیا۔ سَتجُگ تریتا دواپربنیا رہیا بردا، کلجُگ نِیوں نِیوں لاگا پائیا۔ اٹّھے پہر رہیا ڈردا،

نیتر نیَن نہ اکھّ اُٹھائیا۔ سرن سرنائی اِکو پردا، ڈھیَہہ ڈھیَہہ سیِس نِوائیا۔ تُوں مالک خالق پربھوُ ساچے گھر دا، گرِہ تیرے وجےّ ودھائیا۔ تیرا روُپ اگمّا نر دا، نر نرائن تیری سرنائیا۔ تُوں لیکھا جانے چوٹی جڑ دا، چیتن تیرا راہ تکائیا۔ جن بھگتو پُرکھ ابناشی جن بھگت سُہیلے سدا وردا، ور گھر اپنا اِک درسائیا۔ پلّوُ گنڈھے اپنے لڑ دا، لاڑی مؤت توں پلّا دئے چُھڈائیا۔ جو ہرِجن ہرِ در ساچی سیوا کردا، سچ سَت وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مالک دِسے سانجھے گھر دا، سچکھنڈ نِواسی سچ دوار اِکو اِک سُہائیا۔

۳۰ ساوَن شہنشاہی سمت ۷ کپوُر سِنگھ دے گرِہ موگا شہر ضِلع فِروزپُر

نارد کہے خواجہ تُوں بڑا تپی، جلدھارا وِچ اپنا آسن لائیا۔ میَں تیرا لیکھا ویکھیا صدی چؤدھویں نال حِصّہ پتّی، پت پرمیشور دِتا دِرڑائیا۔ جِس وِچ فرق رہے نہ رتی، رتن امولک ہیِرے تیری وڈ وڈیائیا۔ خواجہ کہے ناردا تُوں بڑا گپّی، براہمنا ایَویں رہیا جنائیا۔ پُرانی ریِتی تیری نہیں کوئی چِھپی، چُھپی نظر کوئے نہ آئیا۔ تُوں پانی دیندا رِہوں میری دھار وِچوں لپّی، سوُریہ بھیٹ چڑھائیا۔ ایہہ گلّ یاد کر لےَ جیہڑی گوبِند نال تیری پکّی، پکّی دیاں سُنائیا۔ جِس ویلے سرسا دھار سی ٹپّی، وہناں وِچوں وہِ کے اپنی کھیل کھِلائیا۔ کی قؤل اِقرار ہویا خوشیاں نال دسّیں، دہسر دا لیکھا لیکھ سمجھائیا۔ کی آشا رکھی کاہن کرِشن ہٹّھی، جمنا تٹ تٹ وڈیائیا۔ کِس کارن رادھا پِھری نَٹھی، اوڈھن سیِس نہ کوئے رکھائیا۔ کی نِراکھّر دھار پڑھی پٹّی، زور زور نال سُنائیا۔ کرِشن نِگاہ ماری رادھا ہسّی، خوشی خوشی وِچوں بدلائیا۔ جِس ویلے نانک دی دھار لیکھا دسےّ جُگ چھتّی، چھتّی راگاں وِچ وڈیائیا۔ پھیر گوبِند سُت دُلارے بھیٹ چاڑھے ہتھّیں، ہتّھ خالی جگت وکھائیا۔ پُرکھ اکال آوے بے پرواہ پھیر سمرتھی، کُل مالک نوُر اِلاہیِا۔ تیرا میرا کھیل ویکھو اکھّیں، اکھّراں توں باہر اپنی صِفت صالاحیِا۔ بھاگ لگاوے کُلیّ ککھّیں، ککھّو لکھّ لکھّ بنائیا۔ جِس دی دھرم دی دھار بھگت آتما ہونی سکھی، سُخن سب دے پوُر کرائیا۔ سب دی پَیج جاوے رکھی، سِر اپنا ہتّھ ٹِکائیا۔ صدی چؤدھویں ویلے انتم پِھرے نسّی، بھجےّ واہو داہیِا۔ شرع دی توڑے آن کے رسّی، رستہ اِکو دئے وکھائیا۔ دو جہاناں نگر کھیڑا

اِکو کرے بسی، بستی اِکو اِک پرگٹائیا۔ دو جہان چرناں ہیٹھاں دیوے جھسی، جھلک بخشے دُھردرگاہیِا۔ صِفت صلاح سَتگُر شبد کرے جسی، جس وید پُران کہن کوئے نہ پائیا۔ خواجہ کہے پنڈتا اُس ویلے پنڈت پاندھے مُلّا شیخ مسائک سارے ہوون شکّی، شِکوہ سکے نہ کوئے مِٹائیا۔ اِکو مالک خالق پرِتپالک واحد حقی، حقیِقت دا داتا دُھردرگاہیِا۔ شبد سنیہُڑا کلمہ کائنات سُنائے خبر اچھی، بےخبراں خبر جنائیا۔ لیکھا پوُرا کرے متسی جو روُپ دھاریا مچّھی، دسم اوتر اوترا اپنا لیکھا پوُر کرائیا۔ نِگاہ مارے لہنا دینا پوُرا کرے وِشنوُں دھار لچھمی لّچھی، لّچھن سب دے کھوج کھوجائیا۔ برہمنڈ کھنڈ پُری لوء آکاش پاتال گگن گگننتر سارے جانے کچّھی، کچّھ دا لیکھا رہے نہ رائیا۔ بہُڑی اُس ویلے شرع نوُں پَینی غشی، گشت کرن والا اوتار پَیغمبر گُروُ نظر کوئے نہ آئیا۔ تُوں نیِواں ہو کے نِرمانتا وِچ بچیں، بچّہ بن کے اپنا جھٹ لنگھائیا۔ نارد کہے خواجے ایہہ کوئی کتھا کہانی نہیں کچّی، کچّی گنڈھ نہ کوئے پوائیا۔ جِس نے سرِشٹی جگت جہان رچی، رچنا اپنی ویکھ وکھائیا۔ تُوں اپنا وَنجھ مُہانا چکّیِں، بِن کندھیاں کندھ اُٹھائیا۔ پھیر میَں ویکھاں تُوں کِس دوار دا تپی، تپسیا کوَن کمائیا۔ ہتّھ نال میَں مِلاواں ہتّھی، ہتھیلی تیرے نال جُڑائیا۔ جیہڑی کتھا کہانی اکتھی، کتھ کے دیاں سُنائیا۔ سب دی دھار ہونی بے بسی، بندھن وِچ نہ کوئے بندھائیا۔ پربھ دا پربھوُ دا درشن ہونا مسیِں، مسیح کوُک کے گیا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی حُکمے اندر سب نوُں کرے وسی، واسطہ وابستہ ہو کے اپنے نال جُڑائیا۔

پہلی بھادروں شہنشاہی سمت ۷ ہرِ بھگت دوار جیٹھوُوال رات نوُں

بھادروں کہے میَنوُں آؤندا جاندا مُڑھکا، سمت شہنشاہی ستّ سَت سَت نہ کوئے ورتائیا۔ مِتر پیارا ساتھی ملِے کوئی نہ دُھر کا، درگاہ ساچی سنگ نہ کوئے وکھائیا۔ منزل چوٹی چڑھے کوئی نہ سِکھ گوبِند گُر کا، پاربرہم برہم وِچ مِلائیا۔ میَں نِگاہ ماری کُچھ لیکھا انتم نال تُرکاں، تُرت دیاں دِرڑائیا۔ جگت جہان ہویا مُردا، مُریِد مُرشد مِلن کوئے نہ پائیا۔ راگ سُنے کوئی نہ شبد سُرت دُھن کا، انحد نادی ناد نہ کوئے وجائیا۔ سچ سروُپ رہیا نہ کِسے رِکھ مُن کا، تپی تپیِشر تپ وِچ نہ کوئے سمائیا۔ سماج دِسے نہ کوئی گُن کا،

دیِن مذہب رہے کُرلائیا۔ لیکھا مُکیا پاپ پُنّ کا، پت پرمیشور تیرا درس کوئے نہ پائیا۔ تُوں مالک خالق ایکنکار کُن کا، کُل مالک اِک اکھوائیا۔ لہنا دینا لیکھا پوُرا کردے اُن کا، جو اوتار پَیغمبر گُر تیری اوٹ تکائیا۔ بھیوَ کھول دے اپنی اگمّی سُنّ دا، سَت سروُپ شاہو بھوُپ اپنا اِک درسائیا۔ تُدھ بِن بھگت سُہیلے کوئی نہ چُن دا، چؤراسی وِچوں کھوج کھوجائیا۔ کلجُگ کوُڑی کِریا گُلشن ویکھ گُل کا، نوَ ستّ دھیان لگائیا۔ اپنا نام کلمہ تکّ رسنا جِہوا بُل دا، ہِردے سکے نہ کوئے وسائیا۔ تیرے نام ترازو دھرم دے کنڈے کوئی نہ تُلدا، سچ ترازو نظر کوئے نہ آئیا۔ ترےَگُن انگیارا ویکھ کایا ماٹی چُلھ دا، ساڈھے تِنّ ہتّھ پڑدا آپ اُٹھائیا۔ تیرا برہم مایا ممتا وِچ رُلدا، منسا من ہوئی ہلکائیا۔ لیکھا کوئی نہ جانے صُلح کُل دا، صحیح سلامت تیرا درس کوئے نہ پائیا۔ بِن تیری کِرپا سچ دوار کدے نہ کُھلدا، ساچا ونج نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ بھادروں کہے میَنوُں آؤندا جاندا پسیِنہ، پسچاتاپ وِچ دُہائیا۔ میرا تکّ آپ مہیِنہ، ماہ محبوُب ویکھ وکھائیا۔ تیرا جگت )جہان( ہویا نابیِنہ، نِج نیتر لوچن نیَن اکھّ نہ کوئے کُھلائیا۔ اوہ ویلا تکّ لےَ جیہڑا حُکم دِتا وِچ مدیِنہ، محمد مِہر نال دِرڑائیا۔ اپنی جوتی دھار دسّ حسیِنا، ہسّ ہسّ کے دِتا وکھائیا۔ اپنا دے کے کلمہ حق نگیِنہ، نؤبت نوُر نوُر وجائیا۔ بھیوَ کھول کے نر مدیِنا، مُدّعا اِکو دِتا سمجھائیا۔ صدی چؤدھویں تیرا ٹھانڈا کرے سیِنہ، سد تیرا سنگ رکھائیا۔ محمد جھُک کے کِہا عالمینا، سجدے وِچ سیِس نِوائیا۔ نالے منگی حق تعلیما، الف یے توں باہر دِتی سمجھائیا۔ تیرا حق حقوق انتم جانا چھیِنا، لوک مات رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ بھادروں کہے پربھ میَنوُں یاد آ گیا کی محمد سندیسہ دِتا ابوُ بکر، ابّا جان تیرے ولّ دھیان لگائیا۔ شریِنی ونڈ کے پریم شکّر، شہنشاہ تیرے قدماں وِچ سُٹائیا۔ دُھر کلمہ لِکھیا اگمّی پتّر، قلم شاہی کاغذ جوڑ نہ کوئے جُڑائیا۔ جِس دی ویکھ سکے کوئے نہ سطر، لائن لیِک نہ کوئے لگائیا۔ پھیر اِشارہ دِتا، صدی چؤدھویں کنارہ دِتا، اِلاہی نوُر جوت نظارہ دِتا، بے پرواہ بے پرواہی وِچ تیری اُمت دی تیرے نال لاوے ٹکّر، ٹاکرا اپنا حُکم رکھائیا۔ کلمہ کلمے نوُں کرے پھٹّڑ، فاتحہ پڑھے جگت لوکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری بےپرواہیِا۔ بھادروں کہے پربھوُ میَنوُں یاد تیری سندھی، جو سند بِن اکھّراں دِتی لِکھائیا۔ جِس وِچ دیِناں

مذہباں اُتے لائی پابندی، چار جُگ دا لیکھا دِتا چُکائیا۔ نالے محمد دی پِٹھ کر کے ننگی، حقی جوت دھار پرگٹائیا۔ پھیر شبد دھار چمکا کے چنڈی، گوبِند اکھّ دِتی وکھائیا۔ پھیر اُمت دی دھار دسّ کے ڈنڈی، ڈنڈاوت سجدیاں وِچ بدلائیا۔ پھیر صدی چؤدھویں دسّ انتم کنڈھی، کندھا پھڑ کے ہلوُنا دِتا چائیں چائنیا۔ ہُن انتم اؤدھ جاندی لنگھی، اپنا پندھ مُکائیا۔ تیرا کھیل سوُرے سربنگی، نِرگُن دھار سمجھ کوئے نہ پائیا۔ اَگے آیوُ کریں نہ لمبی، وعدہ اپنا توڑ نِبھائیا۔ تیرا کلمہ سد کلمیاں کرے پکھنڈی، کلمہ کلمیاں نال بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ بھادروں کہے میَں آیا بھجّا، پروردِگار تیری سرنائیا۔ میَنوُں دسّ اپنی جگہ، دھرنی دھرت دھوَل اُپر نِشان لگائیا۔ جِتھے محمد دی اُمت دا میٹنا اَگا، اَگا رہن کوئے نہ پائیا۔ تیرا سَتگُر شبد پرگٹ ہووے شیر بگّا، جِس نوُں جگ نیتر ویکھن کوئے نہ رائیا۔ جو سب دے نال کر کے دغا، فریب فریبیاں دئے مِٹائیا۔ کوُڑ وِکار دا ویکھے نفع، مایا ممتا موہ کھوج کھوجائیا۔ انتم سب نوُں کُکرم دا لاوے دھبّا، دھو سکے کوئے نہ رائیا۔ بھیوَ دسّ دے اگمّی ابّا، آدم حوّا تیری اوٹ تکائیا۔ میَں کر کے ویکھیا چار کُنٹ گجا، چؤراسی اندر دھیان لگائیا۔ تیرے نام شبد دا ملِے کِسے نہ سدّا، دُھن آتمک راگ نہ کوئے جنائیا۔ سرِشٹی درِشٹی رس مانے مدھا، مدُھر دُھن سُنن کوئے نہ پائیا۔ تیری سرن سرنائی کوئی نہ لگّا، لگ ماتر دا ڈیرہ گئے ڈھاہیِا۔ اوہ تکّ نارد کھڑکاؤندا آؤندا خالی ڈبّا، ڈؤروُ رہیا وجائیا۔ دُنیا دیؤ لوکو دُھر دا پِتا منّو کوئی نہ ربّا، ربّ نظر کوئے نہ آئیا۔ کوئی لبھیو نہ اُپر شاہ رگا، جگت دوارے ڈیرہ ڈھاہیِا۔ ویکھو کلجُگ نے کوُڑ نِشانہ گڈّا، گاڈ ایہو لؤ منائیا۔ نالے منزل نالے حجا، حُجرہ جگت والا سُہائیا۔ من دی چلو سارے رضا، رازق رِزق رحیِم ایہو نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک دَیا کمائیا۔ بھادروں کہے میَں بیننتی کراں خود، خُدی تکّبر نہ کوئے رکھائیا۔ تیری سرِشٹی دی بدلی بُدھ، بُدھیِوان نظر کوئے نہ آئیا۔ سَت دھرم گیا اُڈ، سچ وِچ نہ کوئے سمائیا۔ دروہی ہُن بدل دے کوُڑا کلجُگ، جُگ چؤکڑی تیرے ہتّھ نظری آئیا۔ دھرم دا دیِپک گیا بُجھ، سچ کرے نہ کوئے رُشنائیا۔ میَنوُں اِیوں دِسدا تیرا ہونا شبدی دھار یُدھ، یُدِھشٹر بَیٹھا سیِس نِوائیا۔ عیسیٰ موُسیٰ محمد پَینا کُد، اپنا اپنا بَل ودھائیا۔ ارجن دی تتی لوح تے بدھّا مُڈھ، نینہہ جگت وِچ رکھائیا۔ جو گوبِند دے بچّے گئے جھُج، دھرنی دھرت سوبھا پائیا۔ ایہو سب نوُں لگّی اُج، بچیا

رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بھادروں کہے محمد اُٹھ تکّ، تقویٰ اِک رکھائیا۔ اپنا پوُرا کر لےَ حق، حقیِقت اپنی جھولی پائیا۔ اَگے رہے کوئی نہ شکّ، شِکوا دینا مِٹائیا۔ اوہ ویکھ نوُر اِلاہی لیکھ لِکھیا بِن قلم شاہی خوشخط، جِس نوُں جگت خطوُط سکے نہ کوئے سمجھائیا۔ تیری اُمت دی آشا اُبلی وانگ رتّ، آبِ حیات نہ کوئے چوائیا۔ پروردِگار سانجھے یار انتم اُلٹی کرنی مت، مت متانتر ڈیرہ ڈھاہیِا۔ کوَن جانے اوہدی مِت گت، گہر گمبھیِر بے نظیِر اپنا کھیل کھِلائیا۔ صدی چؤدھویں پَینڈا مُکایا نَٹھ، بھجیّ واہو داہیِا۔ چؤداں طبق کھیڑا رہیا ڈھٹّھ، اَگے ہو نہ کوئے اٹکائیا۔ تیری آشا اُلٹی گِڑنی لٹھ، چاروں کُنٹ دروہی اِکو نام دُہائیا۔ چار یاری رہے کوئی نہ ہٹّھ، صِدق صبوُری سارے رہے گوائیا۔ اُٹھ کلمہ پڑھ لےَ جھٹ، پنج نماز رہی کُرلائیا۔ پُرکھ اکالا دیِن دَیالا نِرگُن دھار ہویا پرگٹ، پاربرہم پربھ اپنا روُپ بدلائیا۔ جِس نے دیِن مذہب رہن نہیں دینی کوئی وٹّ، چار جُگ دا جھگڑا دینا گوائیا۔ ساچا لاہا نبی رسوُل ہو کے کھٹّ، پَیغمبر ہو کے سیِس نِوائیا۔ اپنے قدم نال اپنی حد جا ٹپّ، قدیِم دے مالک اَگے قدم بوسی وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ محمد ہتّھ ماریا اُتے پیشانی، پیشوا ہو کے دھیان لگائیا۔ کی محموُد کریں مِہربانی، محض دینا جنائیا۔ میری ویکھ قُربانی، تیری دھار کربلا دئے گواہیِا۔ میرا جِسم نہ رہیا جِسمانی، ضمیِر رنگ نہ کوئے رنگائیا۔ میَں تیرا نوُر نوُرانی، تُوں جلوہ گر بےپرواہیِا۔ تُوں آد انت دا بانی، جُگ جُگ اپنا حُکم سُنائیا۔ میَں تیرا پڑھیا کلمہ کلامی، کائنات سُنائیا۔ تُوں شہنشاہ اِمامی، عملاں توں رہت نظری آئیا۔ تیرا حُکم عالمے جاویدانی، دو جہاناں سدا شنوائیا۔ میَنوُں انت اپنے پیار دی دے مہمانی، مُحبّت وِچ مِہر رس دینا چکھائیا۔ میری اوہ تکّ لےَ اوہ تکّ لےَ ایتھے اوتھے دو جہاناں والی نِشانی، جِس دی تارا چند دئے گواہیِا۔ میری انتم ہونی جوُہ بیگانی، لوک مات چؤداں طبق سنگ نہ کوئے رکھائیا۔ صدی چؤدھویں چؤدس دِسے پریشانی، )پریشان( ہو کے رہیا سُنائیا۔ منزل حق نہ رہی روُحانی، روُح بُت پاک نہ کوئے کرائیا۔ مُلّا شیخ مسائک کرن بے اِیمانی، بیوہ ہوئی لوکائیا۔ میَنوُں سچ دِسدا حق دِسدا اَناالحق دی یاد آئی قُربانی، جگت شمس تبریز کھلّاں کھلّ لُہائیا۔ ضرور تیرے حُکم دی چار کُنٹ آئے طُغیانی، موُسیٰ کوہ طوُر تے ویکھے اکھّ اُٹھائیا۔ عیسیٰ اندر آوے حَیرانی، صدی بیِسویں

اکھّ کُھلائیا۔ تیرے گوبِند دی ڈھئیے توں بعد شبدی دھار جوانی، جوبن ونتا اِکو سوبھا پائیا۔ جِس نے کرنی کھیل مہانی، مہابلی تیرا روُپ درسائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ بھادروں کہے محمدا اؤہ تکّ لےَ گوبِند سوُرا، ہرِ سَتگُر شبد روُپ بدلائیا۔ جِس دا میل جوتی دھار اگمّی نوُرا، نوُر نوُرانہ ڈگمگائیا۔ جو آد جُگاد جُگ چؤکڑی سرب کلا بھرپوُرا، پاربرہم پت پرمیشور پروردِگار اِک اکھوائیا۔ ایتھے اوتھے دو جہاناں نوَ ستّ ظاہر ظہوُرا، ذرّہ ذرّہ اپنا رنگ رنگائیا۔ سو کلجُگ انت کوُڑی کِریا ہُونجھے کوُڑا، کوُڑ کُٹمب دئے مِٹائیا۔ جِس کارن محمدا تیری کفّنی شبدی دھار کالا منگیا بھوُرا، میلا سِنگھ لےَ کے آیا چائیں چائنیا۔ دُھر دا بچن جائے نہ کدے ادوُرا، حد سب دی دئے گوائیا۔ جِس دے پریم وِچ سب نے ہونا مشکوُرا، شُکریہ کہہ کے سیِس جھُکائیا۔ اُس دا بدلے نہ کوئے دستُورا، دست نال دست سرب مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بھادروں کہے محمد ویکھ گوبِند دھار اولّی، اول االلہ اِک جنائیا۔ جودھا سوُربیِر مہابلی، بل باوَن دئے گواہیِا۔ اوہ جِس نوُں سجدہ کردا تیرا شاہ علی، عالمیِن تکّ نوُر اِلاہیِا۔ جِس دی حُکم والی گھڑی کدے نہ ٹلی، نہ کوئی میٹے میٹ مِٹائیا۔ اوہ صدی چؤدھویں سب نوُں جاندا چھلی، ول چھل اپنا حُکم ورتائیا۔ شبدی دھار جوت جوت وِچ رلی، جوت جوت وِچ سمائیا۔ جو دو جہاناں پِھردا گلیؤ گلی، لکھّ چؤراسی کایا مندر اندر اپنا حُکم سُنائیا۔ جِس نے بھگتاں دا سیِس رکھیا اپنی تلی، تال تلواڑا اپنا نام وجائیا۔ اوہ کھیل کرے تھلی جلی، مہیئل اپنا رنگ رنگائیا۔ سچ سِنگھاسن رہیا ملّی، مالک ہو کے دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بھادروں کہے محمد اؤہ تکّ اوتار تیئی، سارے تیرا راہ تکائیا۔ اوہ ویکھ نانک کھلوتا کنڈھے اُتے بیئی، چُبھی دو جہان لگائیا۔ اوہ ویکھ کی سندیسہ دِتا رام مات کیکئی، متریئی جگت سُنائیا۔ کملیئے جِس ویلے اوتار پَیغمبر گُروُآں دی رہنی نہیں کوئی دیہی، پنج تت نظر کوئے نہ آئیا۔ پھیر اوہ رام آؤنا جیہڑا سب دا رام سنیہی، سگلا سنگ رکھائیا۔ جِس نوُں کھوجن کوٹن کوٹ کئی، کیتے دھیان لگائیا۔ اوہدی صوُرت اوہدی موُرت اِکو اپنے جیہی، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ بھادروں کہے پربھوُ میرا پِچھلا تکّ دِہاڑا، دِیؤہڑی دھیان لگائیا۔ جِس

ویلے سَتگُر شبد بنایا لاڑا، لاڑی لکھّ چؤراسی پرنائیا۔ شبد اگمّی ناد وجایا تلواڑا، دُھن اپنے وِچوں پرگٹائیا۔ نوُری جوت لگایا اَکھاڑا، پنج تت نہ کوئے چتُرائیا۔ سَتجُگ تریتا دواپرکلجُگ گُر اوتار پَیغمبراں دِتا اِشارہ، سیَنت نال سمجھائیا۔ اوئے دُلاریو دوُلھیو بچّیو تُہاڈا وقت چُکیا سنسارا، سنساری بھنڈاری سنگھاری وِشن برہما شِو بَیٹھے سیِس نِوائیا۔ جھٹ کل کلکی پرگٹ ہوئے چوَھیاں اوتارا، جِس نوُں جنمے کوئی نہ مائیا۔ جِس دا گوبِند ہوئے سُت دُلارا، نام کھنڈا ہتّھ اُٹھائیا۔ تِکھیاں رکھے دوویں دھارا، نِرگُن سرگُن سرگُن نِرگُن اپنا روُپ سمجھائیا۔ سرِشٹی دی درِشٹی اندر اِکو اپنا کرے وارا، وارتا پِچھلی دئے بدلائیا۔ سب دے انتر نِرنتر تُوں میرا میَں تیرا آتم پرماتم اُپجے جَیکارا، شبدی دُھن دُھن شنوائیا۔ جِس دی مہما کاغذ قلم نہ لِکھنہارا، چار جُگ دے شاستر انت کہن کوئے نہ پائیا۔ سو صاحِب سُلطان انترجامی بھادروں کہے میرا بن جائے میِت مُرارا، مِتر پیارا اِک اکھوائیا۔ میَں بِنا سیِس توں اُس جگدیِش نوُں کراں نِمسکارا، جو جُگ جُگ اپنا ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ محمد کہے میَنوُں دیکھ لیَن دے تارا قُطب، قُطبیاں دیاں جنائیا۔ کیوں خُدا کھیل کرن لگّا مُفت، مُفتیِاں پڑدا دیاں اُٹھائیا۔ کیوں پروردِگار ہویا چُست، جگت چلاکاں دیاں جنائیا۔ کیوں حُکم دین لگّا درُست، دوہری اپنی کار کمائیا۔ بہُڑی نؤ سؤ چُرانوے چؤکڑی جُگ پِچھوں کِتھوں ایس نوُں مِل گئی فُرصت، وِہلا ہو کے اپنی کار کمائیا۔ پہلوں سانوُں بنا کے مُرشد، مُریِداں کلمے دِتے جنائیا۔ اپنی آپ کراکے اُلفت، عالماں عِلم دِتے سمجھائیا۔ ہُن سب نوُں دین لگّا رُخصت، چُھٹی ہووے وِچوں مات لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ محمد کہے میرا اِکو اِک سجدہ، سجدہ دیاں جنائیا۔ میَں اِکو اِک دا بردا، بردیاں دیاں جنائیا۔ ویکھو کھیل اپنے گھر دا، جو گھر گھر رہیا وکھائیا۔ میَں جِس دا پلّوُ پھڑدا، تُہانوُں آیا پھڑائیا۔ اوہ ویکھ اگمّی پردہ، جوتی نوُر نوُر اِلاہیِا۔ میَں اُس دے قدماں اپنا ہاڑا کڈھدا، ہائے اُف دُہائیا۔ دروہی صدی چؤدھویں انت موُل نہ چھڈدا، وعدے قؤل اپنے پوُر کرائیا۔ اُمتے ہُن ویلا اِکو اَخیِری حج دا، حُجریاں توں باہر دینا سُنائیا۔ جیہڑا خُدا مسیِتاں مقبریاں وِچوں نہیں لبھدا، منبراں اُتے کرے نہ کوئے شنوائیا۔ اوہدا نوُر الاہی نوُرانہ ہو کے جگدا، جاگرت جوت ڈگمگائیا۔ ویس کر سوُرے سربگ دا، حُکم سندیسہ رہیا سُنائیا۔ کُجھ لیکھا یاد آ گیا محمد نوُں اجّ دا،

عزرائیل جبرائیل اِسرافیل میکائیل چارے لئے بُلائیا۔ اپنا حِساب ویکھو جھب دا، پلّوُ لؤ اُٹھائیا۔ سارے کہن دروہی دو جہاناں مالک کِتے نہ لبھدا، چار کُنٹ نظر کوئے نہ آئیا۔ اوہ ونجارا نہیں رہیا ماس ناڑی ہڈّ دا، تتاں توں پرے نوُر اِلاہیِا۔ جِتھے اِکو دیِپک نوُر نوُرانہ جگدا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ محمد کہے تُسیں چارے چار فرِشتے، فرِشتیو ویکھو تھاؤں تھائنیا۔ تُہاڈے کولوں کوئی نہ کھِسکے، بھجّ سکے نہ رائیا۔ میَنوُں ایتھوں سارے دِسدے، نوُری جلوے نال تکائیا۔ تُساں میَنوُں لیکھے دینے اِک اِک دے، پہلی اَسوُ حِصّہ اپنے ہتّھ اُٹھائیا۔ کیوں نہیں کلمیاں وِچ من اوہناں دے ٹِکدے، سانتک سَت نہ کوئے ورتائیا۔ کیوں پیارے نہ ہوئے اگمّی پِت دے، پلکاں دے پِچھے دِسے نہ نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ جبرائیل کہے میَں ویکھنا اگمّی جبر، کی جابر رہیا جنائیا۔ محمدا پہلوں تکاں تیری قبر، مقبرے پھول پھولائیا۔ پھیر تکاں تیری اُمت دا صبر، کی صبوُری جام آیا پیائیا۔ پھیر تیرے مُلّا شیخ مسائکاں دا ویکھاں ٹبّر، جِنہاں نوُں تیس بتیِس سپارے آیا دِرڑائیا۔ پھیر کلمے دا تکاں دُھن مدُھر، کائنات کھوج کھوجائیا۔ پھیر صدی چؤدھویں دی ویکھاں سدھر، کی آسا رہی تکائیا۔ پھیر ویکھاں کیوں پروردِگار سب نوُں رہیا بدل، بدلی ہووے تھاؤں تھائنیا۔ کی پَیغمبرو تُہاتھوں ہو نہ سکیا عدل، اِنصاف سچ نہ کوئے کمائیا۔ کیوں تُہاڈی شرع نے اِنساناں نوُں کیِتا قتل، قتل گاہ بنی لوکائیا۔ کیوں نہیں ساریاں دا سانجھا وکھایا اوہ وطن، جِس دا مالک اِکو نوُر اِلاہیِا۔ جِس دی تُسیں کُکھوں سارے جمےّ وِچوں بطن، شِکم وِچوں اپنا آپ پرگٹائیا۔ کیوں وکھّ وکھّ حُکم سُنایا کلمے لگّے رٹن، رٹّا دیِن دُنی پوائیا۔ ہُن تُہاڈی سب دی اوہ جڑ لگّا پُٹن، پٹنے والا شبد گُروُ اپنے نال رکھائیا۔ بھادروں کہے میَں سب نوُں آیا دسّن، سندیسہ دینا چائیں چائنیا۔ کرے کھیل الکھّنا الکھّن، الکھ اگوچر اپنا کھیل کھِلائیا۔ سب دے پوُرے کرنے بھوِکھت بچن، پیشیِن گوئیاں پیشتر سب دے نال مِلائیا۔ جیہڑے االلہ واہِگُروُ رام کرِشن نام سَت جپن، جپدے جپدے سارے دینے ٹکرائیا۔ مذہب مذہباں نوُں کٹن، کٹاکش لگّے نام اِلاہیِا۔ ایہہ حُکم اُس دا جِس نوُں کہندے پاٹل پرگٹیا وِچوں پٹن، ندیڑ اپنا کھیل کھِلائیا۔ اوہ کھیل کرے نال سمرتھن، پرم پُرکھ نال چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ دُھر فرمانا

اِک سُنائیا۔ بھادروں کہے میَں ویکھنا گوبِند اوہ بُھجنگی، جِس دیِاں بُھجاں نظر کوئے نہ آئیا۔ سوُربیِر بہادر یودھا ہووے جنگی، جنگ دو جہان کرائیا۔ سب دی پُشت کرکے ننگی، اوڈھن اُتے نہ کوئے ٹِکائیا۔ کلجُگ انتم رہن دیوے نہ کوئے پکھنڈی، جوُٹھ جھوُٹھ دا پندھ مُکائیا۔ سَتجُگ سچ دھرم دی لا کے ڈنڈی، ڈنڈاوت اِکو دئے درسائیا۔ جن بھگتاں سنتاں صوُفی فقیِراں لگائے انگی، انگیکار اِک اکھوائیا۔ شرع شریِعت توڑ پابندی، پاربرہم برہم میلا میلے سہج سُبھائیا۔ پِچھلی آیوُ سب دی لنگھی، اَگے وقت سُہنجنا دئے دِرڑائیا۔ کیوں دھرنی دھرت دھوَل پاپاں نال کمبی، نیتر رو رو مارے دھائیا۔ میرے اُتے صدی چؤدھویں سنت فقیِر ہو گئے ڈمبی، کوُڑ کِریا وِچ ہلکائیا۔ دیِن دُنی ہو گئی اندھی، پاربرہم تیرا درس کوئے نہ پائیا۔ غریِبی بُھل گئی رَوداس چمارے والی آر رمبی، سُکے ٹُکڑے کھا کے جھٹ لنگھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی تیرا ویس اولّڑا سوُرے سربنگی، جگت بُدھی سمجھ کوئے نہ پائیا۔