کتب خانہGranth 22 (Shahmukhi)

۳ اَسوُ شہنشاہی سمت ۷ میلا سِنگھ دے گرِہ پِنڈ بابوُپُر ضِلع گُرداس پُر

اَسوُ تِنّ کہے میَں پِھریا تیِن لوک، پرلوکاں وِچ پربھ چرن سیِس نِوائیا۔ وِشن برہما شِو دیوت سُر گاؤندے اِک سلوک، تُوں میرا میَں تیرا راگ الائیا۔ اوتار پَیغمبر گُر ڈنڈاوت وِچ کہن پربھ تیرا بھانا سکے کوئے نہ روک، دو جہاناں میٹ نہ کوئے مِٹائیا۔ سوُریہ

چند جھُکدے ویکھے کوٹی کوٹ، منڈل منڈپ سیِس نِوائیا۔ جِدھر تکّیا اِکو پرکاش نِرمل جوت، دوُجا نظر کوئے نہ آئیا۔ جِتھے نہ کوئی ہرکھ نہ کوئی سوگ، چِنتا غم نہ کوئے دِرڑائیا۔ کوُڑی کِریا دِسے کوئی نہ روگ، ہؤمے ہنگتا نہ کوئے وکھائیا۔ جگت جگیاَسوُ کوئی نہ جوگ، جُگیِشر نظر کوئے نہ آئیا۔ سارے تکّ کے بَیٹھے اِکو اوٹ، اوڑک اِک دھیان رکھائیا۔ جِس دی ایتھے اوتھے آد جُگاد شبد اگمّی لگّے چوٹ، چوٹی چڑھ کے بَیٹھا بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ سرنائیا۔ اَسوُ کہے میرا تیِجا سچ دِہاڑا، دِیؤہاڑی دھیان لگائیا۔ میَں پِھریا جنگل جوُہ وِچ اُجاڑا، پہاڑ ٹِلّے دھیان رکھائیا۔ نؤ کھنڈ پرِتھمی ستّ دیِپ مایا ممتا تکیا اَکھاڑا، کوُڑی کِریا کلپنا نچّے واہو داہیِا۔ پاربرہم پت پرمیشور آتم سکھی ملِے کِسے نہ لاڑا، لاڑی مؤت سب نوُں لئے پرنائیا۔ کلجُگ چاروں کُنٹ مارے دھاڑا، دھاڑوی بنیا تھاؤں تھائنیا۔ لگّی اگّ سرِشٹی بہتّر ناڑا، تتو تت نہ کوئے بُجھائیا۔ پِھری دروہی محمد سنگ چار یارا، یارانہ حق نہ کوئے نِبھائیا۔ بے پرواہ بُھلیا پروردِگارا، محبوُب مُحبّت وِچ نہ کوئے سمائیا۔ اَنا الحق دا حق لائے کوئی نہ نعرہ، نرائن نظر کِسے نہ آئیا۔ جوُٹھا جھوُٹھا وجےّ تال تلواڑا، آواز اپنی رہیا جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ اَسوُ تِنّ کہے میَں پِھریا جل تھل اسگاہ، چاروں کُنٹ دھیان لگائیا۔ سچ دا دِسے نہ کوئے ملاح، کھیوٹ کھیٹا بیڑا کندھ نہ کوئے اُٹھائیا۔ دُھر دی منزل دِسے کوئی نہ راہ، رہبر ہو کے پڑدا نہ کوئے چُکائیا۔ آتما پرماتما نالوں ہوئی جُدا، برہم پاربرہم وِچ نہ کوئے سمائیا۔ چاروں کُنٹ دروہی دروہی دروہی تیری خُدا، خُدی تکّبر ڈیرہ کوئے نہ ڈھاہیِا۔ ادب وِچ مذہب سیِس سکے نہ کوئے جھُکا، نِو نِو لاگے کوئے نہ پائیا۔ کلجُگ کوُڑ کُڑیار سب دی بدل دِتی ادا، عادت عبادت وِچ نہ کوئے رکھائیا۔ میَں پِھر کے ویکھیا میَنوُں نظری آیا نوُری االلہ، عالمیِن کھیل کھِلائیا۔ جِس نے بھیوَ درسایا بابا آدم تے مائی حوّا، روُپ رنگ ریکھ رنگت اپنے وِچ سمائیا۔ سندیسہ دِتا فرمان اگمّ نَواں، نوَ نؤ چار دا ڈیرہ ڈھاہیِا۔ تِنّ اَسوُ آس رکھ تیرے وِچوں دیِن دُنی دا بدل دیواں سماں، سنمُکھ ہو کے دِتا دِرڑائیا۔ سرِشٹی ہووے درِشٹی اندر غما، چِنتا سوگ نہ کوئے گوائیا۔ محمد دی آسا صدی چؤدھویں دی طمع، تامس ترِسنا ویکھ وکھائیا۔ دُھر دا حُکم کراں رواں، روانگی دیواں چائیں چائنیا۔ سب دا لیکھا اوتار پَیغمبر گُروُآں کولوں لَواں، بچیا رہن کوئے نہ پائیا۔ جھگڑا میٹنا سَتجُگ تریتا دواپرکلجُگ جُگ چَواں، چارے کھانی

چارے بانی ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ اَسوُ تِنّ کہے میَں ویکھے نؤ کھنڈ دیِپ ستّ، سَت سَت دھیان لگائیا۔ اُتّر پوُرب پچھّم دکھّن من مت، گُرمت نظر کوئے نہ آئیا۔ مانَو مانُکھ مانَس اُبلے رت، امرت میگھ نہ کوئے برسائیا۔ جگت جگیاَسوُ رہیا نہ دھیِرج جت، سَت وِچ نہ کوئے سمائیا۔ من کلپنا سارے رہے نَٹھ، دِوس رَین بھجّن واہو داہیِا۔ میَں پِھر کے آیا تیِرتھ اٹھسٹھ، گنگا گوداوری جمنا سُرستی پھیرا پائیا۔ میَں تکّے مندر مسجد شِودوالے مٹھ، گُروُدوارے اکھّ اُٹھائیا۔ چاروں کُنٹ نظر آئے کوئے نہ سچ، سچ وِچ نہ کوئے سمائیا۔ بھاگ لگّا نہ کِسے کایا ماٹی کچّ، کنچن گڑھ نہ کوئے سُہائیا۔ میرا پُرکھ اکال دیِن دَیال لوُں لوُں اندر گیا کِسے نہ رچ، ساڈھے تِنّ کروڑ روم رووے مارے دھائیا۔ بُلاں نال رسنا نال جِہوا نال سارے کردے جپ، ہِردے ہرِ نہ کوئے وسائیا۔ تپیِشراں پوُرا دِسے نہ تپ، جُگیِشراں جوگ نہ کوئے وکھائیا۔ سادھاں سنتاں جوت جگے نہ لٹ لٹ، کایا مندر نہ کوئے رُشنائیا۔ انحد شبد نہ وجےّ سٹّ، نادی دُھن نہ کوئے شنوائیا۔ سب دا کھیڑا دِسے بھٹھ، کلجُگ اگنی رہیا جلائیا۔ دھرم منارا رہیا ڈھٹّھ، سچ محل نہ کوئے سُہائیا۔ اَسوُ کہے میَں پِھر کے ویکھیا نَٹھ، نَٹھیا بھجّیا واہو داہیِا۔ جھگڑا تکّیا دیِن مذہب دی وٹّ، حدوُد پار نہ کوئے کرائیا۔ اکھّراں والا کلمہ سارے رہے رٹ، صِفتاں والے ڈھولے گائیا۔ دیِن دُنی کھیل ویکھیا بازی گر نٹ، سوانگی اپنا سوانگ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ اَسوُ کہے میَں تِنّ دِن رہیا پِھردا، پِھرت پِھرت اپنا پندھ مُکائیا۔ بِنا پربھ دی کِرپا توں کِسے دا صاف دِسے نہ ہِردا، ہاردِک دیواں نہ کوئے ودھائیا۔ جیہڑا سنت سُہیلا وِچھڑیا چِر دا، چِری وِچھنے پربھ آپ مِلائیا۔ ایہہ کھیل پربھوُ نِروَیر نِر دا، جو نِج گھر بَیٹھا آسن لائیا۔ جِس دا جُگ چؤکڑی گیڑا گِڑدا، اوتار پَیغمبر گُروُ گُر روُپ وٹائیا۔ اوہ مالک خالق دو جہاناں پِڑ دا، برہمنڈ کھنڈ اپنا حُکم ورتائیا۔ اوہ لیکھا جانے لکھّ چؤراسی دھڑ سِر دا، سِری سر اپنی کار کمائیا۔ جِس دا روُپ نہ بال نہ بِردھا، جوبن ونتا اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ تِنّ اَسوُ کہے میَں گیا برہمنڈ کھنڈ وِچ پُری لوء، آکاش آکاشاں دھیان لگائیا۔ میَں آواز سُنی اِکو سو، سو پُرکھ نِرنجن رہیا دِرڑائیا۔ ہرِ پُرکھ نِرنجن بخشیا موہ، مُحبّت اِکو اِک جنائیا۔ ایکنکار کِہا اوَر نہ کوء، دوُجا نظر کوئے نہ آئیا۔ آد نِرنجن آپے گیا ہو، جوتی

جاتے روُپ دِتا درسائیا۔ ابناشی کرتا سب نالوں ہو نِرموہ، نوُر نوُرانہ ڈگمگائیا۔ سِری بھگوان جوتی دھار رہیا چھوہ، چھوہرا بانکا سوبھا پائیا۔ پاربرہم اپنی دھار آپ پرو، پرم پُرکھ اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ اَسوُ تِنّ کہے میَں دِوس رَین پِھریا بھجّا، بھجن بندگی والے ویکھ وکھائیا۔ دیِناں مذہباں اندر کیِتی گجا، گج دا لیکھا پوُر کرائیا۔ دُھر دا بھانا منّیا چلیا وِچ رضا، رازق رِزق رحیِم سیو کمائیا۔ بِنا بھگتاں توں اندر پربھ دا ملِے کِسے نہ مزہ، مذاق کرے جگت لوکائیا۔ میَں چڑھدا لہندا تکّیا سب دے سِر تے کوُکدی قضا، قاضی مُلّا شیخ روون مارن دھائیا۔ بہُڑی پوِتر رہی کوئے نہ جگہ، جاگرت جوت نہ کوئے رُشنائیا۔ اَگے ودھنا نہیں کِسے دا اَگا، اگلا بھیوَ کوئے نہ پائیا۔ دیِن دُنی بُدھی ہوئی وانگ کگّا، کاگ وانگ کُرلائیا۔ من سَتگُروُ ڈوری شبد کِسے نہ بدھّا، بندگی وِچ نہ کوئے سمائیا۔ کوُڑ کِریا دا لگّا دھبّا، دُرمت میَل نہ کوئے دھوائیا۔ پروردِگار نظر نہ آئے ابّا، امی جان گود نہ کوئے سُہائیا۔ اَسوُ تِنّ کہے میرا پروِشٹا میرا دِوس جِس ویلے ہرِ گوبِند ور دِتا سی سُلکھّنی وِچ چبّا، چابک اپنے ہتّھ بدلائیا۔ گوبِند نے اکھّر بدلیا ببّا، بابل تیری بےپرواہیِا۔ نارد جُگ جُگ میرے دِوس خالی وجاؤندا رہیا پہلوں ڈبّا، ڈؤروُ جگت والا کھڑکائیا۔ کبیِر نے تانا اُنن واسطے میرے دِوس پہلی وار گڈّیا سی اڈّا، اڈّی چوٹی اِک دھیان لگائیا۔ رَوداس نے جگت پیار ایسے دِن سی چھڈا، چھڈی لِو جگت لوکائیا۔ بدھک نوُں کرِشن دے تیِر نے پیار وِچ ایسے دِن سی بِدھا، نِشانہ پربھاس وِچ لگائیا۔ ہرِ کرِشن نے چھوٹی اوستھا میرے دِوس مستک نال بدھّا چھبّا، تیِجے سال وِچ وڈیائیا۔ تِنّ اَسوُ کہے دُرگا اشٹبُھج اَسوار ہوئی سی اُتے شیر بگّا، شستر اٹّھاں بُھجاں وِچ سُہائیا۔ اُنگل پھیری سی اُتے اپنیاں لباں، لبریز کیِتی دُہائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ اَسوُ تِنّ کہے میَں آیا مات جگ، پربھ دِتی مان وڈیائیا۔ عیسیٰ نوُں میرے دِوس دِن پہلی وار ہویا سی حج، حُجرہ حق حق وڈیائیا۔ موُسیٰ گرِہ چھوڑ کے گیا سی بھجّ، دِوس اوہو سوبھا پائیا۔ کوہ طوُر اُتے حضوُر لیا سدّ، صدا شبدی نام جنائیا۔ ایہہ کھیل سوُرا سربگ، ہرِ کرتا آپ کرائیا۔ جو سندیسہ دیوے اجّ، عظمتو قِسمتو اجبوا اتل ہو دُھر دا حُکم اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ دا کھیل کھِلائیا۔ اَسوُ تِنّ کہے میَں دسّاں نال پیار، پریِتم بھیوی بھیوَ کُھلائیا۔ گوبِند دسّی

ساچی دھار، دو اِک دا جوڑ جُڑائیا۔ جِس نوُں اِکّی کہے سنسار، دوُآ ایکا میل مِلائیا۔ ایہہ کھیل نِرگُن سرگُن سرگُن نِرگُن اگمّی کار، ہرِ کرتا آپ کرائیا۔ جِنہاں میلا مِل جائے ہرِ کنت بھتار، پربھ مِل کے وجےّ ودھائیا۔ سو منزل چڑھن دُشوار، دوُتی دُشمن اندر اٹکا سکے کوئے نہ رائیا۔ مِلن اُس سچّی سرکار، جو شاہ پاتشاہ سچّا شہنشاہیِا۔ ساچی اِکّی بنائے آپ ایکنکار، دوُآ ایکا رنگ رنگائیا۔ بھگت بھگوان کھیل اپار، اپرمپر سوامی دئے دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مستک لیکھ بنائیا۔ تِنّ اَسوُ کہے میَں دسّاں حق حقیِقی، حقیِقت دیاں دِرڑائیا۔ پربھ مِلیا لاشریِکی، شرَکت سب دی دئے گوائیا۔ جِس دے وِچ حق تؤفیِقی، طاقتور بےپرواہیِا۔ جو دِسے ہر گھٹ نزدیِکی، دوُر دُراڈا پندھ مُکائیا۔ وِچھوڑا رہن نہ دیوے فریقی، فِرقہ اندروں دئے گوائیا۔ منزل بخشے اگمّ حقیِقی، حماقت اندروں دئے کڈھائیا۔ جن بھگتاں اندر رہن نہ دیوے تاریِکی، اندھ اگیان دئے گوائیا۔ کوُڑ کِریا اُتے مار کے لیِکی، لائن عین دئے وکھائیا۔ آشا ویکھے جیِو جی کی، گھر گھر بَیٹھا سوبھا پائیا۔ گُرمُکھاں لیکھا پوُرا کرے پِچھلی بیِتی، اَگے اپنے گھر وسائیا۔ جِتھے آتما رہے سدا اتیِتی، ترےَگُن وِچ کدے نہ آئیا۔ اِکو چاڑھ رنگ مجیِٹھی، دُرمت میَل دئے دھوائیا۔ سدا سچ دوارے رہے جیِتی، مرن وِچ کدے نہ آئیا۔ اَسوُ کہے جن بھگتو تُہاڈے اندر وڑ کے اپنی آپ دسےّ پریِتی، پریِتم ہو کے دَیا کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ اَسوُ کہے تِنّ میَں پِھریا تٹ کنارے گنگا، گوداوری دھیان لگائیا۔ کلجُگ تکّیا اُتے پِھرے اِک ٹنگا، لنگڑا لوُلا روُپ بنائیا۔ سب دے کولوں منگدا پِھرے منگاں، بِھچھیا دیوو چائیں چائنیا۔ پھیر ویکھیا کھیل سوُرا سربنگا، کی کرتا کار کمائیا۔ جِس دے کول شبد اگمّی ڈنڈا، ڈنڈاوت سب دی رہیا بدلائیا۔ تکّیا پاندھا پنڈا، پنڈتاں کھوج کھوجائیا۔ اِک ہور کھیل ویکھیا اچنبھا، نارد بودی رہیا ہِلائیا۔ اپنا سریِر بنا کے لمبا، لمّا پےَ کے سب نوُں رہیا ڈرائیا۔ اَسوُ کہے میَں تھر تھرا کے کمبا، اندر ہِمّت رہی نہ رائیا۔ اُس میَنوُں جھٹ وکھایا رَوداس والا رمبا، جِس نوُں رمبی کہے لوکائیا۔ پھیر جنایا اوہ ویکھ ٹُٹا ہویا پلنگا، جِس دی پاوا چوُل نظر کوئے نہ آئیا۔ پھیر دسّیا اوہ تکّ پِچھے ہرناکش والا تھمبھا، پرہلاد سنگ نِبھائیا۔ پھیر وکھایا نالے ڈرایا تکّ لےَ ستّ رنگا جو آیا وِچوں چھمبا، جھمب کے سب نوُں دئے وکھائیا۔ جِس نے پنکھیِاں بھنّنے کھمبھا، آلنے دین دُہائیا۔ مانَو جُڑیا رہن نہیں دینا کندھے

نال کندھا، کندھی ہتّھ کِچھ نہ آئیا۔ اُس نے دیِن دُنی دا بدل دینا دھندا، دھرم دی دھار اِک جنائیا۔ جن بھگت بنا کے بندگی والا بندہ، بندھن سچ دینا بندھائیا۔ گُرمُکھ نیترہیِن رہے کوئے نہ اندھا، اندھکار دینا گوائیا۔ آتم برہم دے کے انندا، انندپُر دا لیکھا پوُر کرائیا۔ نِشان میٹ کے تارا چندا، صدی چؤدھویں محمد دا لیکھا جھولی دئے ٹِکائیا۔ پھیر دسّ کے تُوں میرا میَں تیرا چھندا، سوہنگ کرے حق پڑھائیا۔ ہرِجن رہے موُل نہ رنڈا، رنڈیپا پِچھلا دینا مُکائیا۔ جِس نے گھر گھر وِچوں کھادھا گنڈھا، گنڈھ سب دی دئے پوائیا۔ ہرِ ہِردا کر کے ٹھنڈا، تتو تت دئے بُجھائیا۔ دھرم پیار بخش کے چنگا، چنگی دئے وڈیائیا۔ اَسوُ کہے میَں پِھر چلیا بِنا جنگھا، بھجّیا واہو داہیِا۔ بابوُپُر پہنچیا جِتھے میلا سِنگھ دا پِنڈا ننگا، اوڈھن سیِس نہ کوئے ٹِکائیا۔ میَں ہسّ کے کِہا پربھوُ جے کِرپا کریں تے گُرمُکھ اندروں رہن دیویں کوئے نہ گندہ، کوُڑی کِریا سب دی دینی کڈھائیا۔ پِچھے کلجُگ تیرا لنگھا، اپنا پندھ مُکائیا۔ پھیر نظر آ گیا اَسوُ کہے میَنوُں گوبِند والا کھنڈا، جِس دی دھار لوہار ترکھان نہ کوئے گھڑائیا۔ جِس نے لہنا دینا پوُرا کرنا کھنڈ برہمنڈا، وربھنڈ دھیان لگائیا۔ جِس نوُں کہندے چنڈ پرچنڈا، پرچنڈ چنڈ روُپ بنائیا۔ اوہ نوَ ستّ دا ویکھو دنگا، اُتّر پوُرب پچھّم دکھّن اکھّ کُھلائیا۔ جِس کارن سَتگُر شبد نے کسیا تنگا، دو جہاناں پِھرے چائیں چائنیا۔ مرد مردانہ وجائے مردنگا، ڈؤروُ دُھر دا نام سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ ننگا پِنڈا کہے میرا اوڈھن بخش دے سیِس، سچ تیری سرنائیا۔ تُوں بھگوَن ہرِ جگدیِش، جگدیِشر نوُر اِلاہیِا۔ لیکھا ویکھ بیِس اِکیس، عیسیٰ موُسیٰ محمد دھیان لگائیا۔ گوبِند رکھ کے گیا اُڈیِک، نانک نِرگُن اکھّ اُٹھائیا۔ تیری شہادت دیوے بھوِکھتاں والی تاریخ، پیشیِن گوئیاں سنگ رلائیا۔ ویلا وقت تکّ قریب، قُدرت دے مالک کھوج کھوجائیا۔ اُٹھ ویکھ دُکھی ہوئے جیو غریِب، غریِباں گود نہ کوئے اُٹھائیا۔ اِکّی سِکھاں نوُں دو اِک دی دھار دے ترتیِب، سرگُن نِرگُن وِچ سمائیا۔ جِس دا لیکھا پوُرا کر جو لِکھیا وِچ قرآن مجیِد، مجموُعہ اکھّراں والا بنائیا۔ تیرے چنّ دی چنّ ہووے عیِد، عیِدالفِطر دا پندھ مُکائیا۔ سب نوُں کردے تاکیِد، سندیسہ دینا تھاؤں تھائنیا۔ جیہڑے اوتار پَیغمبر گُروُ تیرے عزیز، پیاریاں پریم نال سمجھائیا۔ سارے تکو لا کے دیِن دُنی نیِجھ، بِن نیَناں اکھّ اُٹھائیا۔ پنجاں تتاں اُتے رہی نہ کوئے دھرم دی قمیِض، جِس دی دھرم دوارے میلا سِنگھ دئے گواہیِا۔ جو جگت وِچ دُھر دے

نام دا بیِج کے آئے بیِج، پھل پُھل پُھل پھل ویکھو چائیں چائنیا۔ جیہڑے تُہاڈا نام کلمہ جپدے نال جیِبھ، صِفت اکھّراں وِچ گائیا۔ کیوں نہیں غفلت وِچوں کُھلی اوہناں دی نیِند، نِج نیتر نہ ہوئے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم سچ پرگٹائیا۔ اَسوُ تِنّ کہے میَں آیا پُر بابوُ، بابل دِتی وڈیائیا۔ جِس نے گُرمُکھ سنت سُہیلے کیتے قابوُ، جھگڑا قابل وِچ دیوے پائیا۔ جِس دا شاہ ایران اُتے چلنا جادوُ، جادوُ نام والا ورتائیا۔ موُسیٰ نوُں بنا کے آگوُ، عیسیٰ ناتا دینا رکھائیا۔ محمد دی اگّ لاؤنی وِچ طمع والے تماکوُ، پُھنکارا اِکو کلمہ کلام جنائیا۔ صدی چؤدھویں اندر پروردِگار دیِناں مذہباں وِچ پِھرے بن کے ڈاکوُ، ڈاکا مارے تھاؤں تھائنیا۔ سرِشٹی گھُنمنی وانگ لاٹوُ، لُٹیرا نظر کِسے نہ آئیا۔ جِس کارن کھیل کرائے بھگتاں دا تمبا پاٹوُ، پٹنے والے حُکم جنائیا۔ جھگڑا پَینا اِکو وار اِک سؤ اِک ٹاپوُ، ٹپّا ٹپّا ونڈ نہ کوئے ونڈائیا۔ اَسوُ تِنّ کہے جن بھگتو میَں اِک سندیسہ آکھوُں، سُناواں چائیں چائنیا۔ بِنا پُرکھ اکال توں دیِن دَیال توں کِسے نوُں منّو موُل نہ باپوُ، اوتار پَیغمبر گُروُ چاچیاں دی لوڑ رہے نہ رائیا۔ جو ایتھے اوتھے دو جہاناں تُہانوُں سانبھوُ، سمبل بہہ کے اپنی دَیا کمائیا۔ اِک گلّ یاد رکھِیو کلّ نوُں سَوا سیر ضرور بھنا کے لِیانے آبوُ، جو آبروُ سب دی ویکھ وکھائیا۔ گُرمُکھ گُرسِکھ ہرِجن پربھ آپ بنائے دُھر دے سادھوُ، سادھنا صِدق والی دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن نِروَیر نِراکار نِرنکار دو جہاناں ایکا جاگوُ، جاگرت جوت بِن ورن گوت نِرگُن نوُر ڈگمگائیا۔

۴ اَسوُ شہنشاہی سمت ۷ پِنڈ بابوُپُر ضِلع گُرداس پُر دی سنگت نوِت

چند کہے سُن میِت ستارے، سطح بُلندی اُتے دیاں جنائیا۔ محمد نئیا دِسے انت کنارے، نؤکا تٹاں ڈیرہ لائیا۔ چار یاری دئے اِشارے، سیَنت نِرگُن دھار لگائیا۔ اُمت اُمتی سارے ہارے، یودھا سوُر نہ کوئے اکھوائیا۔ کھیل کرے کی پروردِگارے، بے پرواہ اپنا حُکم ورتائیا۔ جو نِرگُن نوُر جوت کرے اُجیارے، جوتی جاتا ڈگمگائیا۔ پرکاش پرکاش کرے دوبارے، سرگُن نِرگُن روُپ وکھائیا۔ اوہ لیکھا منگے سنگ محمد گُر اوتارے، پَیغمبر بچیا رہن کوئے نہ پائیا۔ اُٹھ تکیئے اُس صاحِب دے نظارے، جو نظراں توں

پرے ڈیرہ لائیا۔ جِس دے پوُرے ہوئے قؤل اِقرارے، وعدے سب دے ویکھ وکھائیا۔ دیِن دُنی نوُں اپنے حُکم دے دئے نظارے، فرمانا اِکو اِک دِرڑائیا۔ اسیں پھڑے رہے چؤداں سد وگارے، جگت وِچ نِشان بنائیا۔ ہُن آؤنا وِچ میَدان اَکھاڑے، نوَ نوَ اپنا پندھ مُکائیا۔ جو وسدے گھر اُجاڑے، اُجڑیاں لئے وسائیا۔ اوہ مارن والا دھاڑے، دھاڑوی بنیا بےپرواہیِا۔ اُٹھ ویکھ اگّ لگّی بہتّر ناڑے، اگنی تت نہ کوئے بُجھائیا۔ پِھری دروہی اُجاڑ پہاڑے، چار کُنٹ کُرلائیا۔ دھرم دے رہے کوئے نہ واڑے، منگن سچ کوئے نہ آئیا۔ تپدے ہِردے کوئی نہ ٹھارے، اگنی تت نہ کوئے بُجھائیا۔ جگت واسنا ہوئی کُلکھّنی نارے، ہرِ کنت نہ کوئے ہنڈھائیا۔ لیکھا منگے پُرکھ اکال کرتارے، قُدرت دا مالک بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سِتار کہے سُن دُھر دے نوُری چنّا، چنّ دیاں جنائیا۔ کملیا اساں دوہاں نے دیِن مذہب دا مِل کے پایا بنّا، حد مانَساں وِچ رکھائیا۔ جھگڑا پا کے ماٹی تنا، تن وجوُد دِتا لڑائیا۔ کلمہ جنا کے سُنا کے نال کنّاں، کائنات کھیل کھِلائیا۔ بھرانت کر کے وِچ مناں، منسا دِتی بدلائیا۔ مارگ دسّ کے نواں، نوَ کھنڈ کھیل کھِلائیا۔ سنگ محمد یار رلا کے چواں، چؤتھے جُگ حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ چنّ کہے سُن سِتارے نِکے، سَت دیاں دِرڑائیا۔ پربھ دے نام جُگ جُگ شرع دے وِچ وِکے، قیِمت جگت نہ کوئے رکھائیا۔ اُمتیِاں نِگاہ ساتھوں پرے کِسے نہ ٹِکے، اَگے اکھّ نہ کوئے اُٹھائیا۔ محمد ہتّھ ماریا سی اُتے ہِکّے، چھاتی لئی ٹُھکرائیا۔ شرع دے پا دے حِصّے، ہستی دسّی بےپرواہیِا۔ دھرم نِشان میرا اِیمان عوام نوُں دِسے، چند سِتار نظری آئیا۔ لیکھ لِکھے سی اُتے کاغذ چِٹے، شاہی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چند کہے اؤہ تکّ دُھر دی دھار مُڈھی، محمد دھار جنائیا۔ محمد دی آشا روُپ بننی ننھی گُڈی، سیِس اوڈھن نہ کوئے ٹِکائیا۔ جِس نے بِنا گھُنگٹ پاؤنی لُڈی، لوہڑا کرے تھاؤں تھائنیا۔ چارے کُنٹ پِھرنا اُڈی، بھجّنا واہو داہیِا۔ سب دی بدل دینی بُدھی، عقل رہن کوئے نہ پائیا۔ ایہہ کھیل پروردِگار دی گُجھی، گوجھ اپنے وِچ رکھائیا۔ ساڈی انتم اؤدھ پُگی، پوُجا رہے نہ جگت لوکائیا۔ اِکو دھار اَگے ہونی اُگھی، اُگن آتھن کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ تارا کہے چنّ اؤہ ویکھ گُڈی کی

کہِندی، کہہ کے رہی سُنائیا۔ پِٹھ کر کے دِشا لہِندی، کروٹ لئی بدلائیا۔ ہتھّیں لا کے مہندی، محمد رہی وکھائیا۔ میَں تیرا بھانا رہی سہِندی، سہہ سہہ جھٹ لنگھائیا۔ پروردِگار قدماں رہی ڈھہِندی، دھوُڑی خاک رمائیا۔ جوبن ونتی ہو کے رہی بہِندی، سچ سِنگھاسن ڈیرہ لائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ گُڈی کہے میری سجیّ اکھّ دے لاؤنا کسیِرا، رَوداس گُرمُکھ اپنی سیو کمائیا۔ میرا لہنا دینا پنج پیِرا، پنچم پنچم ونڈ ونڈائیا۔ میرے مستک وِچ تِنّ لگاؤنیاں لکیِراں، ترِپت کالے رنگ رنگائیا۔ میرے سیِس اوڈھن نہیں کوئی چیِرا، چیِرے والیاں دیاں جنائیا۔ جِنہاں دے کول پنجھی ہون شمشیِراں، شرع شرع نال ٹُھکرائیا۔ میَنوُں ضرور بہائیو گُرمُکھو اُتے نِکے جِہے پیِڑھا، پیِڑ سب دی دیاں کڈھائیا۔ میَں صدی چؤدھویں دا انتم چُکنا بیِڑا، بَل اپنا آپ پرگٹائیا۔ دیِن دُنی دا مارگ ہونا بھیِڑا، اَگے راہ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گُڈیا کہے میَں سندیسا دینا تارے چنّوُ، چند سِتار دینا سمجھائیا۔ جیہڑی ونڈاں پا کے گیا منّوُ، کھتری براہمن شوُدر وَیش روُپ وکھائیا۔ جو اوتار پَیغمبر گُروُآں بنائے بنّوُ، حد ویکھے بےپرواہیِا۔ جو نؤ کھنڈ پرِتھمی ستّ دیِپ سب دیِاں وٹّاں بھنّوُ، بھانا اپنا لئے منائیا۔ جُگ چؤکڑی لیکھے ڈنّوُ، ڈنڈا نام ہتّھ اُٹھائیا۔ نِرگُن دھار بن کے کلوُ، کلا سب دی دئے بھوائیا۔ سچ سِنگھاسن اِکو ملّوُ، ملیچھاں کرے صفائیا۔ جِس دی چھتر چھایا ہیٹھ گُرمُکھ سنت سُہیلا پلوُ، پت پرمیشور اپنی کار کمائیا۔ پرماتم آتم دھار ہو کے رلوُ، جوتی جوت وِچ مِلائیا۔ لکھّ چؤراسی ساری چھلوُ، چھلل اپنی کار کمائیا۔ دیِن دُنی اگنی تت جلوُ، جلدیاں شانت نہ کوئے کرائیا۔ گُڈیا کہے میَں سچ دسّاں تارے چنّا پربھ دا بھانا کدے نہ ٹلوُ، ٹلّیِاں والے جھنڈے سب دے دینے مُکائیا۔ خُدا نوُں کہن والے الّوُ، اعلیٰ ادنیٰ ویکھ وکھائیا۔ سب دی پُٹھی لتھے کھلّوُ، خالق خلق دئے سزائیا۔ دھرم رائے دوارے تلوُ، جِنہاں کھادھا سوُر گانئیا۔ میَں اِک سندیسہ دینا اِکو وار مارے ہلوُ، ہلت پلت اپنا حُکم ورتائیا۔ گُرمُکھ ساچے سنت جناں سَتگُر شبد پھڑا کے پلّوُ، پاربرہم پربھ اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سچ سندیسہ ایکا گھلوُ، گھال وِچ ویکھے جگت لوکائیا۔

۴ اَسوُ شہنشاہی سمت ۷ کِشن سِنگھ دے گرِہ پِنڈ اَلھڑ پِنڈی ضِلع گُرداس پُر

صدی چؤدھویں کہے بھگتاں دا تمبا پاٹا، لیِر لیِر دئے دُہائیا۔ میَنوُں آؤندا جائے چارے کُنٹ گھاٹا، خالی جھولی نہ کوئے بھرائیا۔ میری منزل مُکدی جائے واٹا، اَگے اوَر نہ کوئے ودھائیا۔ میَں بھجیّ پِھراں پھڑ کے خالی باٹا، جگت جہان واہو داہیِا۔ جاں تکدی محمد دی چوُل ٹُٹی کھاٹا، سِنگھاسن قایم نہ کوئے رکھائیا۔ میری بدلدی جائے آشا، نِراسا ہو کے دیاں دُہائیا۔ کی کھیل تیرا ابناشا، کی کرتے کار کمائیا۔ اُٹھ ویکھ میرا ننگا ہویا جھاٹا، اوڈھن سیِس نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب تیری سرنائیا۔ صدی چؤدھویں کہے پروردِگار سیِس توں ننگی، بہُڑی میری میری دُہائیا۔ اودھر ٹُٹی دِسے منجی، پاوا چوُل رہے کُرلائیا۔ میَں پِھردی انتم کنڈھی، بھجّاں واہو داہیِا۔ میَنوُں ٹیڈھی دِسدی ڈنڈی، مارگ حق نہ کوئے درسائیا۔ شرع شریِعت ہونی پاکھنڈی، سَت وِچ نہ کوئے سمائیا۔ پئی دُہائی وِچ وربھنڈی، برہمنڈ دین دُہائیا۔ میَں پِھراں پَیری ننگی، دِوس رَین تھاؤں تھائنیا۔ چار یاراں آئی تنگی، تنگدستی نہ کوئے کٹائیا۔ محمد ویکھے تارا چندی، چند سِتار دھیان لگائیا۔ بہُڑی سب دے اُتے لگّی پابندی، سِر سکے نہ کوئے اُٹھائیا۔ دروہی تیریاں بھگتاں نے ہتّھ وِچ پھڑ لئی چنڈی، چنڈ پرچنڈ بَیٹھے سیِس نِوائیا۔ میری دُہائی اوہناں دے وس ہوئی جِنہاں پرکِرتیاں گھیریِاں پنجھی، پنجھی بَیٹھے بل دھرائیا۔ چؤداں طبق وَنجھ مُہانا ہاتھ نہ آوے ونجھی، اتھاہ سار کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب تیری سرنائیا۔ صدی چؤدھویں کہے کیوں بھگتاں پھڑے کھنڈے، کھڑگ رہے کھڑکائیا۔ کیوں لال رنگ رنگے، ہتھیلی ہتّھ جنائیا۔ کیوں اَسو کسیا تنگے، دُلدُل علی رووے مارے دھائیا۔ بہُڑی میرے پِچھلے سمیں لنگھے، اَگے وقت نہ کوئے وڈیائیا۔ دُہائی مکّے مدیِنے ہونے جنگے، جنگجوُ رہے کُرلائیا۔ میرے لباس رہ جانے ٹنگے، تن کپّڑ نہ کوئے وکھائیا۔ کِسے نوُں جل نہیں مِلنے ٹھنڈے، آب ہتّھ کِسے نہ آئیا۔ جھگڑا ہونا جیرج انڈے، اُتبُھج سیتج نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کی سچ سچ ورتائیا۔ صدی چؤدھویں کہے کیوں میرے مستک لکیِر لائی کالی، ترےَگُن داغ لگائیا۔ میرا لیکھ ویکھ حالی، حالت تکّ خلق خُدائیا۔ میرا روُپ نہیں کوئی جعلی، جاہل دیِن دُنی ویکھ تھاؤں تھائنیا۔ بہُڑی پھل رہیا نہیں اُمت دی ڈالی، امرت رس نہ کوئے چکھائیا۔

کلمہ کرے نہ کوئے دلالی، وِچلا بھیوَ نہ کوئے کُھلائیا۔ حق دی رہی نہ کوئے حلالی، حرام خور دِسے جگت لوکائیا۔ کِرپا کر میرے شہنشاہ شالی، صاحِب سوامی دَیا کمائیا۔ میری آیوُ بیِتی نہیں کوئی باہلی، بہُتا سماں نہ کوئے رکھائیا۔ نہ کر ایڈی چھیتی کاہلی، کلجُگ تیرا دھیان لگائیا۔ تُوں لکھّ چؤراسی مالی، اوتار پَیغمبر گُروُ تیرے بوُٹے دھرم دے نظری آئیا۔ میَں وی انت ہوئی سوالی، سوالن ہو کے حال سُنائیا۔ میری آشا مُردی پھیر جِوالی، ترِسنا اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ صدی چؤدھویں کہے جن بھگتو میری بھرو حامی، حملہ کوُڑ رہے نہ رائیا۔ تُسیں چؤراسی وِچوں انعامی، نام والے نظری آئیا۔ جِنہاں دی جگت ٹُٹی غُلامی، غُلامی میری دیؤ تُڑائیا۔ تُساں سُنیا حق پَیغامی، پَیغمبراں توں پرے جنائیا۔ تُہاڈا مالک انترجامی، انتر نِرنتر ویکھ وکھائیا۔ کی ہویا جے ہوئی اندھیری شامی، شمع نوُر کرے رُشنائیا۔ میری پوُری ہو جائے خامی، خواہ مخواہ ملِے نہ کوئے سزائیا۔ تُہاڈا مالک اِک نِہکامی، نِہکرمی اِک اکھوائیا۔ بہُڑی میری چاروں کُنٹ ہوئی بدنامی، بدی دا لیکھا نہ کوئے مُکائیا۔ میَں سب نوُں کراں سلامی، صحیح سلامت سیِس جھُکائیا۔ تُہاڈی منزل اِک روُحانی، روُح بُت وجےّ ودھائیا۔ تُسیں ویکھو مالک اسمانی، اِسم اعظم نوُر خُدائیا۔ جِس بھاگ لگایا تت جِسمانی، جِسم ضمیِر دِتی بدلائیا۔ سوُربیِرو اِک وار کھڑکا دیؤ کِرپان نال کِرپانی، کِرپا پربھ دی نال جنائیا۔ ایہہ لِکھت بھوِکھت دی رہ جانی نِشانی، صدی چؤدھویں نِیوں کے سیِس جھُکائیا۔ گُرمُکھو اَلھڑھو تُہاڈی اَلھڑ جوانی، آد انت وجےّ ودھائیا۔ بے شک میری جوُہ ہونی پُرانی، پُریاں لوآں توں باہر دِرڑائیا۔ ہُن ویکھیو جھگڑا پَینا وِچ دُرانی، دوُر دُراڈے لیَن انگڑائیا۔ شرع شرع دی چڑھے طُغیانی، شؤہ دریا روُپ بنائیا۔ تُہاڈے اُتے میرے صاحِب دی مِہربانی، مِہر نظر نال ترائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ صدی چؤدھویں کہے کیوں لکیِراں تِنّ میرے اُتے لائیاں ترِپت، بہُڑی کالی کالی دھار بنائیا۔ دُہائی پربھوُ دی پوُری ہونی لِکھت، لِکھیا لیکھ نہ کوئے بدلائیا۔ ایک دا اِکو رہنا اِشٹ، اِشٹ دیوَ آپ ہو جائیا۔ جِس دی آشا رکھ کے گیا رام وشِشٹ، وِشیاں توں باہر دھیان لگائیا۔ اُس دا لیکھا باہر ہونا ٹانک جِست، اِک دو نہ ونڈ ونڈائیا۔ لیکھا مُکاؤنا جِس دوزخ بہِشت، سوَرگاں ویکھ وکھائیا۔ میَں چؤداں صد مُحبّت کیِتی پریم والا لایا عِشق، معشوُق اپنا آپ بنائیا۔ انت

اوہ محمد رہیاِ کِھسک، پلّوُ رہیا چُھڈائیا۔ پتہ نہیں میرے مستک لگّنا کیہڑا تِلک، ترےَگُن اتیِتا دئے لگائیا۔ میَں رو کے ماراں کِلک، اوُچی کوُک کوُک سُنائیا۔ میری قیِمت )پائے( کوئے نہ نِرکھ، دام سکے نہ کوئے چُکائیا۔ نہ کوئی جانا میرا سوگ ہِرکھ، حِرص ہوَس نہ کوئے گوائیا۔ میَں چؤداں سؤ سال دا بِرکھ، جڑ جگت وِچ رکھائیا۔ میرا سماں پُجیا پِھرت، اپنا پندھ مُکائیا۔ میَں ویکھیا نال سُرت نِرت، بِن نیَناں نیَن اُٹھائیا۔ میری لیکھے لگّی انتم کِرت، کیِتی کرنی جھولی پائیا۔ اُمت آشا ہونی مِرت، مِترک روُپ درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ صدی چؤدھویں کہے رَوداسا کیوں کؤڈی بدھّی اُتے میری اکھّ، آخر دے جنائیا۔ میَں ویکھ نہ سکاں الکھّنا الکھ، الکھ اگوچر بےپرواہیِا۔ کیوں اِک نالوں میَنوُں کیِتا وکھّ، وکھّری دھار بنائیا۔ میَں رگڑاں اپنا نکّ، دھوُڑی خاک رمائیا۔ میرا پوُرا کر دے شک، گلِے رہی سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت سچ آپ سمجھائیا۔ صدی چؤدھویں کہے کیوں میَنوُں کیِتا کانی، اِک اکھّ بنائیا۔ مِل لیَن دے اپنا ہانی، جوبن ونت بےپرواہیِا۔ میَں محمد دی بنی نہ موُل سوانی، حُکمے اندر اپنا جھٹ لنگھائیا۔ بِنا پروردِگار توں دوُجی سُنی کوئے نہ بانی، کلمیاں وِچ من نہ کدے پرچائیا۔ میَں اُس صاحِب دی رانی، جو رازق رِزق رحیِم اکھوائیا۔ میَں اوسے دی کتھا کہانی، گا گا جھٹ لنگھائیا۔ جو مالک جیو پرانی، پُنہ پُنہ سیِس جھُکائیا۔ جِس نے کھیل ویکھنی وِچ لِبنانی، دُھر دا پڑدا آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویں کہے کیوں میری اکھّ تے بدھّا کسیِرا، قسم کھا کے دیؤ جنائیا۔ میَں نیتر وہاواں نیِرا، رو رو دیاں دُہائیا۔ کیوں رَوداس میَنوُں نہ آوے دھیِرا، دھیِرج دھیِر نہ کوئے دھرائیا۔ چاروں کُنٹ پَینی وہیِرا، وَیری گھر گھر نظری آئیا۔ جھگڑا مکُے پَیغمبراں پیِرا، پیِر پیِرا حُکم سُنائیا۔ کِسے دی رہے نہ مِلکھ جاگیِرا، جگت ونڈ نہ کوئے ونڈائیا۔ میرا رہنا نہیں رنگلا پیِڑھا، سُہاگن روُپ نہ کوئے بنائیا۔ میرے ہڈّیں لگّیاں پیِڑاں، اُچی کوُک کوُک سُنائیا۔ مُشکل ہو گیا جیؤنا، ویلا انت دئے گواہیِا۔ انتم پئے نِیوننا، نِو نِو لاگاں پائیا۔ وے رَوداسا ٹھیِک سب دے حِصّے آؤنی ساڈھے تِنّ ہتّھ سیِاں، سیِنو ساڈھے تِنّ ہتّھ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ صدی چؤدھویں کہے میرے متھے لیِکاں مارن والیئے چلاکے، تیری چلاکی دیاں

جنائیا۔ کی ہویا جے پربھ دے نام دے لِکھدی کھاتے، خاک چرناں دھوُڑ رمائیا۔ کدی میَں وی چڑھی ساں اُس دی ڈھاکے، کُچھڑ بہہ کے خوشی منائیا۔ جِس نے محمد ورگے کھِڈائے کاکے، بالے اپنے رنگ رنگائیا۔ میرے بنائے راکھے، سیوا حُکم والی سُنائیا۔ ایہدے ولّ کوئی نہ جھاکے، نیتر نیَن نہ اکھّ اُٹھائیا۔ دروہی اجّ میَنوُں آ گئے گھاٹے، میرا پندھ رہیا نہ رائیا۔ میرے بستر پُرانے چیِتھڑ پاٹے، اوڈھن سچ نہ کوئے وکھائیا۔ کی کھیل کیِتا میرے اگمّی داتے، دَیاوان کار بُھگتائیا۔ میری پُچھے موُل نہ باتے، بل دیِئے گولیئے تَینوُں دِتی وڈیائیا۔ کدی میرے وی سیِس گُندے سی جِہدے اجّ کُھلے جھاٹے، مینڈھی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویں کہے جن بھگتو تُہاڈیِاں ویکھاں ننگیاں تلواراں، طالب ہو کے دھیان لگائیا۔ کیہڑیاں تُہاڈیاں میرے نال پِچھلیاں کھاراں، میَنوُں دیؤ جنائیا۔ میرا ناتا نال چار یاراں، یارانہ محمد نال وکھائیا۔ میَں کردی رہی شرع والیاں کاراں، کاری کرنی کار کمائیا۔ چؤداں صد کٹیِاں وگاراں، سیوا کیِتی تھاؤں تھائنیا۔ مانیِاں خوُب بہاراں، عیشاں وِچ وڈیائیا۔ میَں تکیِاں کوٹن کوٹ جوبن ونتیِاں ناراں، میرے ورگی نظر کوئے نہ آئیا۔ میَں اپنا آپ سواراں، صاف سُتھری ہو کے دیاں وکھائیا۔ جن بھگتو کی تُسی میرے اُتے دیوگے پہرہ، خوشی خوشی نال میرا سنگ رکھائیا۔ جن بھگت کہن کملیئے اسیں کلجُگ انتم مارنیِاں دھاڑاں، دھاڑوی پُرکھ اکال اپنے نال مِلائیا۔ پِھرنا جنگل جوُہ اُجاڑاں، پہاڑاں پھیرا پائیا۔ لبھنا اِکو لاڑا، جیہڑا کوٹن کوٹاں لئے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا پردہ آپ چُکائیا۔ صدی چؤدھویں کہے میَں نِکی جِہی میرا کی لیکھا لِکھو لِکھاریِؤ، قلم نال چتُرائیا۔ کی میری حالت ویکھو ناریو، روُپ ہیِن دُہائیا۔ چؤداں صدیاں میَں لُٹی خوُب بہاریو، اپنا رنگ رنگائیا۔ محمد تکنا جِس دا روُپ رتّی داہڑیو، لال ہتّھ گُرمُکھاں دین گواہیِا۔ سماں بدل جانا حُکم نال ایسے ہاڑیو، ہاڑے نال سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر حُکم اِک سُنائیا۔ صدی چؤدھویں ستّ رنگ دے ونجارے، جاگیِر سِنگھا جنائیا۔ میرے ویکھو چار یارے، محمد نال چتُرائیا۔ جیہڑے انتم بازی ہارے، بازاں والا کھیل کھِلائیا۔ میری نئیا انت کنارے، تٹ کنارے سوبھا پائیا۔ کسیِرا کرے ہاہاکارے، بھگتاں رہیا جنائیا۔ کی لہنا رَوداس چمارے، گُرمُکھ سِنگھ سمجھائیا۔ کیوں ترِپت ماریِاں تِنّ لکارے، پڑدا دینا اُٹھائیا۔ میَنوُں اِیوں دِسدا جِویں میَں

چڑھنا دُھر دے کھارے، سگناں والا سگن منائیا۔ میَنوُں پرناؤنا اُس اگمّی لاڑے، جِس نوُں لاڑی مؤت نہ کدے پرنائیا۔ جو میرا چیِتھڑ پھاڑے، دُھر دا حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صدی چؤدھویں کہے کوَن بھیوَ دسےّ گُجھے، بِنا صاحِب نہ کوئے چتُرائیا۔ میرے اُجڑن لگّے جھُگے، جھُگیِاں نظر کوئے نہ آئیا۔ محمدا تیری اُمت وانگ دانیاں بُھجے، کچّے بھُنے دانے دین گواہیِا۔ پربھ دے حُکم ہونے اُگھے، نہ کوئی میٹے میٹ مِٹائیا۔ سب دے بھرے بیڑے ڈُبے، اَگے پار نہ کوئے لنگھائیا۔ لُکیا رہے نہ کوئے کِسے گُٹھے، ڈوُنگھیِاں ڈلّاں وِچوں باہر کڈھائیا۔ اِکو سَتگُروُ شبد اُڈے، دو جہاناں بھجےّ واہو داہیِا۔ سب نوُں دسّ کے اپنے مُدّعے، مُدّتاں دے جھگڑے دئے مُکائیا۔ ویلا انتم میرا پُجے، پوُجن یوگ دیاں جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دانے کہن اسیں دسّیئے اپنا حال، سہج نال سُنائیا۔ جِس ویلے محمد مدیِنے وِچوں ماری چھال، اپنا قدم اُٹھائیا۔ اُس ویلے سانوُں بھُنّ کے لیایا سی اِک بھٹھیال، چھیتی چھیتی اپنی سیو کمائیا۔ آہ لےَ جا اپنے نال، جِتھے بُھکھ لگّے اوتھے کھانے چائیں چائنیا۔ محمد دو ہتّھاں وجایا تال، آواز آواز پرگٹائیا۔ پھیر حُکم سُنیا اکال، اکل کل دھاری دِتا سُنائیا۔ محمد ایہناں نوُں رکھنا سنبھال، چؤداں صدیاں مُکھ نہ کوئے لگائیا۔ جِس ویلے آوے آپ دیِن دَیال، پروردِگار نوُر اِلاہیِا۔ اُس ویلے چاروں کُنٹ سب دے سِر تے کوُکے کال، نگارہ اپنا ڈنک وجائیا۔ تُسیں اُمت دی سُرت نہ سکنی سنبھال، سمبل بہہ کے ویکھے بےپرواہیِا۔ اُس ویلے چؤراسی وِچوں سنت بھگت لئے بھال، اوتار پَیغمبر گُروُآں توں باہر کر پڑھائیا۔ ایہہ سَوا سیر اوہناں نوُں آپ دئے کھوال، دوُسر رس نہ کوئے چکھائیا۔ محمد ہسّ کے کِہا تیرا کھیل کمال، بے پرواہ بے پرواہی وِچ سمائیا۔ پروردِگار کِہا اوہ میرے سوہنے لال، لالو دا لیکھا پوُر کرائیا۔ جِس نوُں نانک بخشیا دھن مال، کنگال کہے لوکائیا۔ اوتھے پُچھاں مُریِداں حال، مُرشد ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ صدی چؤدھویں کہے میَں کانی ہو گئی اکھّوں، سچ دیاں سُنائیا۔ پنجھی گُرمُکھ زور نال ہسّو، ہسّ کے دیؤ وکھائیا۔ پربھوُ کِسے دا کرے کوئی نہ پکھّو، بنے سانجھا پیِر گوسائنیا۔ سب دا لیکھا منگے پھڑ کے نکّوں، بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ صدی

چؤدھویں کہے گُرمُکھ سِنگھ زور دی ہسّ کے دے وکھال، اپنی سُنّ دے کُھلائیا۔ گلّیں باتیں دیونہارا شاہ کنگال، بھنڈارا گلّیں باتیں بھرائیا۔ گلّیں باتیں آوے جگت زوال، گلّیں باتیں دیِن دُنی کرے تباہیا۔ گلّیں باتیں بھگتاں کرے سنبھال، گلّیں باتیں ہوئے سہائیا۔ گلّیں باتیں میلا ملِے بھگت بھگوان، بِنا گلّاں باتاں توں شبد ناد نہ کوئے شنوائیا۔ گلّیں باتیں کوُڑی کایا ماٹی دِسے کھال، گلّیں باتیں وجدی رہے ودھائیا۔ بِنا گلّاں باتاں توں اجّ تکّ کھیل ہویا نہیں جہان، جُگ چؤکڑی ریِتی چلی آئیا۔ ناتا تُٹے جگت چُھٹے گلّ پھیر سُنے کوئے نہ کان، بِنا گلّ توں غُلامی سکے نہ کوئے کٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سچ حُکم ورتائیا۔ گلّاں باتاں شبد دھار دی خوشی، خوشحالی وِچ پرگٹائیا۔ گلّاں باتاں وِچ صاحِب دی رُچی، بِنا گلّاں باتاں توں رچنا رچ نہ کوئے جنائیا۔ گلّاں باتاں وِچ پربھ دی منزل ملِے اُچی، بِنا گلّاں باتاں توں ہتّھ کِچھ نہ آئیا۔ جو جگت وِچ جہان وِچ کٹن آئے بُتی، بُتخانے بہہ کے اپنا جھٹ لنگھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے جگت دھار دُکھی، دُکھ سُکھ اپنی کھیل کھِلائیا۔

۹ اَسوُ شہنشاہی سمت ۷ ہردیو سِنگھ دے نوِت ہرِ بھگت دوار جیٹھوُوال

سَتگُر پوُرا سدا نِہکیو نِہچل دھام وڈ وڈیائیا۔ آد جُگادی الکھ ابھیوَ، اگوچر بےپرواہیِا۔ جِس دی وِشن برہما کردے سیو، شِو شنکر چرن دھوُڑ رمائیا۔ اوتار پَیغمبر گُر گاؤندے رسنا جِہو، صِفت صِفت نال وڈیائیا۔ جِس دا نام رس اگمّی میو، مُنیاد سب دی ویکھے تھاؤں تھائنیا۔ سو سَتگُر ساچا صاحِب سوامی جنم وِچوں جنم دئے ہردیو، ہرِ اپنی دَیا کمائیا۔ بدھک دی لیکھے لا کے سیو، بندھن دھرم رائے تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ہوئے سہائیا۔ نؤ اَسوُ کہے میری نمو نمو نِمسکار، ڈنڈاوت وِچ سیِس جھُکائیا۔ پرم پُرکھ سچّی سرکار، ہرِ کرتا بےپرواہیِا۔ جو جُگ جُگ پَیج دئے سوار، سِر سِر اپنا ہتّھ ٹِکائیا۔ ڈُبدے بیڑے لائے پار، پاہن پاتھر آپ ترائیا۔ گُرمُکھ منمُکھ دوہاں پائے سار، جوتی جاتا اگمّ اتھاہیِا۔ پوُرب لیَنا کرم وِچار، نِہکرمی ہوئے سہائیا۔ جیہڑا جنمیزے دا سی خِدمتگار، نتھیا ناؤں براہمنی کُکھ وڈیائیا۔ تِس دا لیکھا

پوُرا کرے، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی ایکا ایکا ایکنکار۔