۱۴ اَسوُ شہنشاہی سمت ۷ بیاس دریا دے کنڈھے پنج وجے شام
بیاس کہے میَں چار جُگ دا پیاسا، سَتجُگ تریتا دواپرکلجُگ میری ترِکھا نہ کِسے بُجھائیا۔ میرا لیکھا لِکھ کے گیا وید ویاسا، اِک لکھّ ستاراں ہزار سلوک پُران اٹھاراں دین گواہیِا۔ میَنوُں انتم گوبِند دِتا دِلاسا، کلغی دھر جگدیِش دَیا کمائیا۔ تیرا لہنا دینا پوُرا کرے پُرکھ ابناشا، پاربرہم پربھ بےپرواہیِا۔ محمد دی نال رلائے خواہشا، صدی چؤدھویں جوڑ جُڑائیا۔ چؤداں طبق کرے تلاشا، چؤداں لوک ویکھ وکھائیا۔ نوَ ستّ کر جوت پرکاشا، نوَ نؤ چار دا پندھ مُکائیا۔ وِشن برہما شِو ویکھن آون تماشا، کروڑ تیتیسا اکھّ اُٹھائیا۔ اوتار تیئی ہوون داسی داسا، موُسیٰ عیسیٰ سنگ مِلائیا۔ گُر دس نوُر جوت ہووے رہ راسا، منڈل منڈپ وجےّ ودھائیا۔ لیکھا جانے جوتی جاتا، جاگرت جوت کر رُشنائیا۔ اکل کل دھاری پُرکھ بِدھاتا، محبان بیِدو نوُر اِلاہیِا۔ جِس دی جُگ چؤکڑی شاستر سِمرت وید پُران گاؤندے گاتھا، کھانی بانی صِفت صالاحیِا۔ دو جہاناں پُرکھ سمراتھا، پرم پُرکھ وڈ وڈیائیا۔ کلجُگ انتم ویکھے اندھیری راتا، زِمیں اسماناں کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بیاس کہے میَں تکاں خواجہ خِضر، نیِر پیِر بھجےّ واہو داہیِا۔ جِس دا زکریئے کیِتا ذِکر، الف یے نال وڈیائیا۔ جِس دا محمد نے کیِتا فِکر، فِقرہ کائنات سُنائیا۔ اوہ نِرگُن دھاروں آوے نِکل، نوُر نوُرانہ کر رُشنائیا۔ جگت نیتر کِسے نہ آوے دِسن، دہ دِشا ویکھن کوئے نہ پائیا۔ جو جھگڑا میٹے پتّھر اِٹن، پاہن لیکھا دئے مُکائیا۔ بھیوَ کُھلائے اِتل وِتل، سِتل اپنی کار کمائیا۔ صدی چؤدھویں آوے جِتن، چاروں کُنٹ اکھّ اُٹھائیا۔ پیِر پیِراں بنے مِتن، مِہربان محبوُب نوُر اِلاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ خواجہ کہے میَں آیا لہِندی دِشا، دہ دِشا دھیان لگائیا۔ میرا پروردِگار پایا حِصّہ، ہستی دسّی نوُر اِلاہیِا۔ میَں راہ تکاں نِتا، چؤداں صد دھیان لگائیا۔ کوَن ویلا پروردِگار ملِے دُھر دا پِتا، ابّا جان
شہنشاہیِا۔ جِس دا تن وجوُد ہووے نہ جُسا، ضمیِر نظر کوئے نہ آئیا۔ مُچھ نہ ہووے داہڑی نہ منُشاں والا رُخا، ماٹی خاک نہ کوئے سُہائیا۔ بھاگ لگائے اگمّی بُتا، بُتخانیاں پرے سمجھائیا۔ کھیل دسےّ ابناشی اچُتا، چیتن اپنی دھار وکھائیا۔ سمت شہنشاہی ستّ سُہائے رُتا، اَسوُ چؤداں ونڈ ونڈائیا۔ جِس دے وِچ چار جُگ دا پَینڈا مُکا، کلجُگ نِیوں نِیوں لاگے پائنیا۔ بے پرواہ اِکو اُٹھا، دُھر دا مالک دُھردرگاہیِا۔ ویکھے لہِندی گُٹھا، پچھّم اپنی اکھّ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ خواجہ کہے میَں آیا دؤڑا، بھجّیا واہو داہیِا۔ چؤداں طبق چھڈیا پِچھلا پؤڑا، پؤڑی ڈنڈا نظر کوئے نہ آئیا۔ جگت جہان ویکھیا کؤڑا، اُمت اُمتی اکھّ بدلائیا۔ بِنا پروردِگار کوئی نہ بہُڑا، بہُڑی کرے لوکائیا۔ دُہائی صدی چؤدھویں وقت رہیا تھوڑا، محمد نیتر لوچن نیَن رہیا تکائیا۔ وید ویاسے لیکھا لِکھیا کلجُگ انتم آئے براہمن گؤڑا، کنڈھی میرے چرن چُھہائیا۔ جِس دا نوُر نوُرانہ ہووے جؤہرا، جؤہری پرکھے کوئے نہ رائیا۔ اُس دا سچ دا ہووے اِکو مُہرا، مِہربان اپنا حُکم ورتائیا۔ جِس نے کلجُگ انتم کرنا بؤرا، سُرتی سُرت نہ کوئے وڈیائیا۔ تُوں میرا میَں تیرا دسّنا دوہرا، نِرگُن نِرگُن میلا میلے سہج سُبھائیا۔ جِس دے اَگے چلنا نہیں کوئی جورا، اوتار پَیغمبر گُر بَیٹھن سیِس نِوائیا۔ اُس دے کول ساڈھے تِنّ ہتّھ بنھن والی اِکو ڈورا، ڈوری کرنَیل سِنگھ دئے پھڑائیا۔ خواجہ کہے بہُڑی ہُن لہِندی دِشا پےَ جانا لوہڑا، اَگے ہو نہ کوئے اٹکائیا۔ سَتگُر شبد شبد سَتگُر چڑھے اگمّی گھوڑا، واگ جوتی دھار ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ خواجہ کہے پروردِگار میرے احباب، محبوُب سیِس نِوائیا۔ میَں لےَ کے آیا بِنا اکھّراں توں کِتاب، کُتب خانے نظر کِتے نہ آئیا۔ محمد دا پوُرا کر دے خواب، خطا اوَر رہے نہ رائیا۔ میرا سجدے نال آداب، ادب نال دِرڑائیا۔ مغرب وِچ اِکو تیرے نوُر دی ہووے محراب، دوُجا نظر کوئے نہ آئیا۔ شرع شریِعت کولوں کر آزاد، نام کلمہ ونڈ نہ کوئے ونڈائیا۔ دُھر دے حُکم دا بخش خِطاب، سِر اپنا ہتّھ ٹِکائیا۔ میرا لیکھا پوُرا کر دے آج، در تیرے منگ منگائیا۔ نؤ کھنڈ پرِتھمی کھول دے جاگ، آلس نِندرا رہے نہ رائیا۔ میَنوُں یاد آ گیا خواجہ کہے بیاس توں پار گوبِند اُڈایا اپنا باز، بازاں والا اپنا کھیل کھِلائیا۔ میَنوُں مار کے کِہا آواز، چؤداں طبقاں باہر سُنائیا۔ چھیتی آ جا بھاج، بھجّنا واہو داہیِا۔ حُکم دِتا غریِب نواز، شبد سندیسہ اِک سُنائیا۔ صدی چؤدھویں محمد دا رہنا نہیں
راج، اُمت نبی رسوُل نظر کوئے نہ آئیا۔ اِکو پروردِگار دا مہکنا باغ، بوُٹا مانَس دئے لگائیا۔ اُس ویلے سب نے ہونا لاجواب، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ خواجہ کہے میَں آیا وانگ حقیِرا، نِو نِو لاگاں پائنیا۔ میَں کڈھیاں تیرے چرن کوَلاں چؤداں لکیِرا، چؤداں طبقاں لیکھا رہے نہ رائیا۔ میری درِشٹی ہوئی وانگ فقیِرا، فِقرہ اِکو دینا جنائیا۔ اَگے شرع توڑ زنجِیرا، شریِعت کمّ کِسے نہ آئیا۔ اِکو مان بخش غریِب امیِرا، ذات پات نظر کوئے نہ آئیا۔ اوتار پَیغمبر گُر پوُریِاں کر تحریرا، جو بھوِکھتاں وِچ گئے دِرڑائیا۔ جیہڑے مانَو نام کلمے کیتے لیِرا لیِرا، اِکو گنڈھ دینی بندھائیا۔ نؤ کھنڈ پرِتھمی ستّ دیِپ پروردِگار پُرکھ اکال دُھر دے رام بدل دے ضمیرِا، زِمیں اسمان دھیان لگائیا۔ بیاسا کہے میرے اُتے سندیسہ دے کے گیا بھگت کبیِرا، قبراں توں باہر دِرڑائیا۔ جِس ویلے صدی چؤدھویں ویلا انت ہوئے اَخیِرا، اکھّراں چلے نہ کوئے چتُرائیا۔ بِنا پُرکھ اکال توں دیِن دُنی بدلے نہ کوئے تقدیِرا، تدبیِر چلے نہ کوئے چتُرائیا۔ جھگڑا میٹنا شاہ حقیِرا، اِکو رنگ دینا وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا آپ مِلائیا۔ خواجہ کہے سُن بیاس دے کنڈھے، تٹا تَینوُں دیاں جنائیا۔ اُٹھ ویکھ نوَ کھنڈے، برہمنڈاں اکھّ اُٹھائیا۔ پُرکھ اکال کی ونڈے، ونڈنہار اپنی دَیا کمائیا۔ کی کہے گوبِند دی چنڈ پرچنڈے، چنڈکا اپنا روُپ بنائیا۔ کی کھیل کرنا ستّ رنگ ڈنڈے، ڈنڈاوت سب دی دئے بدلائیا۔ کوٹاں وِچوں گُرمُکھ وِرلا بیاس پار لنگھے، آساوند ہرِ سَتگُر آپ بنائیا۔ تٹ کہے گوبِند نے میرے اُتے بَیٹھ کے کنگھے دے گِنے سی اِکّی دندے، دو اِک ویکھ وکھائیا۔ پھیر اِشارہ کیِتا ولّ تارے چندے، تارے چند دِتا سُنائیا۔ جِس ویلے صدی چؤدھویں انتم لنگھے، بیِس بیِسا نال مِلائیا۔ پرم پُرکھ دیوے سب نوُں دنڈے، حُکم حُکم وِچوں بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بیاس کہے گوبِند نے میرے اُتے مارے موُدھے گوڈے، گُٹنے زِمیں اُتے ٹِکائیا۔ پھیر اپنے پھڑ کے دوویں موڈھے ہلوُنے نال ہِلائیا۔ پھیر دو جہاناں ہتّھاں اُتے چُک بوجھے، جگت ہلوُنا دِتا وکھائیا۔ کلجُگ انتم صدی چؤدھویں محمد کٹے جانے بودے، بدلا چُکے تھاؤں تھائنیا۔ جو دیِناں مذہباں والے ٹوئے ٹوبے، وڈّا چھوٹا رہن کوئے نہ پائیا۔ اِکو ڈنکا وجّنا چؤداں لوکے، چؤداں طبق کرے شنوائیا۔ اِکو نام اِکو کلمہ ہووے سلوکے، اِکو ڈھولا دُھردرگاہیِا۔ خواجے تُوں ویکھنے اوس سمیں دے مؤقعے،
مُکمل دیاں دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ خواجہ کہے میَں خوشیاں دے وِچ ہسّا، ہسّ کے گوبِند سیِس نِوائیا۔ ویکھ کے ساڈھے تِنّ ہتّھ دا رسّا، رستہ پِچھلا دیواں بدلائیا۔ اُس ویلے گوبِند دے سنگ سی جِس دا نام جسّا، مست رہ کے اپنا جھٹ لنگھائیا۔ اُس روڑا پتّھر کیِتا اِکٹّھا، مخؤل نال گوبِند اَگے ہتّھ ٹِکائیا۔ نالے کِہا بڑا اچھا، صاحِب اِس نوُں دے ورتائیا۔ نالے ہتّھ نال چُکیا اپنا ڈِھلا کچّھا، سہج نال اُٹھائیا۔ خواجے خوشی وِچ اپنا قدم چُکا، ٹپّ کے دِتا جنائیا۔ گوبِند ایہہ تیرا سِکھ سچّا، جو سچ رہیا سُنائیا۔ گوبِند کِہا ایہہ دُھر دا بچّہ، پُرکھ اکال دِتی وڈیائیا۔ جِس ویلے کلجُگ انت جوتی نوُر ہویا پرگٹا، پرگٹ اپنی کار کمائیا۔ اِس دا لیکھےلاوے پتّھر وٹّا، وٹّ دیِن دُنی والی کڈھائیا۔ جِس دا رس ہووے مِٹھا، وِکھ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا لیکھا پوُر کرائیا۔ پتّھر کِہا میَں ہوواں مِٹھا رس، گوبِند دِتی وڈیائیا۔ خواجہ پیا ہسّ، ایہہ ایہدی بےپرواہیِا۔ جِؤں بھاوے تِؤں لئے رکھ، رکھنہار وڈ وڈیائیا۔ مست نے خالی جھولی ڈاہی جھٹ، اَگے دِتی وکھائیا۔ گوبِند اِس دے وِچ سب کُجھ گھت، مِہر نظر اُٹھائیا۔ گوبِند کِہا جِس ویلے نِرگُن دھار آوے وت، بے وطن بےپرواہیِا۔ تیری رکھے پت، پت پرمیشور دُھردرگاہیِا۔ جھٹ وٹےّ کِہا میرا بھار نؤ سیر توں نہیں گھٹّ، نَواں رساں دیاں جنائیا۔ جِس ویلے میَں صاحِب دے وِکیا ہٹّ، گھاٹ سوہنا سوبھا پائیا۔ تیری لجّیا لئے رکھ، ہووے آپ سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ پتّھر کِہا جے گوبِند میرا ونڈے پرساد، پرسادی ہو کے دَیا کمائیا۔ میَں سدا رکھاں تیری یاد، جو یادو بنسی کرِشن گیا دِرڑائیا۔ جِس دا رام نے رام نوُں وکھایا سواد، بھوگ بھگوَن سنگ بنائیا۔ محمد نؤ وار کر کے آداب، خود خُدا سیِس جھُکائیا۔ موُسیٰ آ کے وِچ وَیراگ، اُچی کوُک دِتی دُہائیا۔ عیسیٰ لُک کے وِچ کماد، کامل مُرشد اکھّ مِلائیا۔ نانک نے میَنوُں بخشی داد، دَیاوان ہویا سہائیا۔ گوبِند انت تیرے آیا ہاتھ، ہتھیلی نال چُھہائیا۔ تُوں سرب کلا سمراتھ، دانی بےپرواہیِا۔ میرے اندر دے دے راس، پتّھر پاہن روُپ بدلائیا۔ گوبِند مِہر نال اُٹھا آنکھ، بِنا اکھّراں لیکھ بدلائیا۔ میَں شبد سُناواں ساچ، سچ دیاں دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ گوبِند کِہا ہتّھ پتّھر نال گیا جُڑ، تیری
ہستی دیاں بدلائیا۔ شبدی دھار آواں مُڑ، نِرگُن نوُر جوت رُشنائیا۔ دو جہاناں بناں سَتگُر، سَت ستوادی روُپ سمائیا۔ مسّا سِنگھ نال آوے تُر، تُرت لیَنا جھولی پائیا۔ تیرا رس بنا کے گُڑ، نوَ سیر دیاں ونڈائیا۔ جن بھگتاں اندر مِٹھے رس دی رہن نہ دیواں تُھڑ، خالی بھنڈارے آپ بھرائیا۔ اوہ ویکھ میَں چھڈی جاندا انندپُر، پُری انند تجائیا۔ روُپ بناواں ہور دا ہور، ماچھوُواڑا دئے گواہیِا۔ دکھّن چلے کِسے نہ زور، ندیڑ اپنا رنگ رنگائیا۔ پھیر جاواں اُس صاحِب دے کول، جو کُل مالک اکھوائیا۔ پھیر وجاواں اگمّی ڈھول، دو جہاناں شبد شنوائیا۔ پھیر آ کے تولاں پوُرا تول، گھاٹا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ خواجہ کہے گوبِند دے نال اِک سِکھ سی نگیِنہہ، ننھا بچّہ نظری آئیا۔ اوہ لیٹیا اُتے زمیِنا، نِگاہ اسمان ولّ اُٹھائیا۔ پھیر تکیا گھوڑے دی زینہ، پاکھر ویکھے چائیں چائنیا۔ پھیر سمجھیا میَں مرنا کہ جیِنا، زِندگی سنگ نہ کوئے نِبھائیا۔ جھٹ بھے وِچ آیا پسیِنہ، اپنا پاسا لیا بدلائیا۔ خواجے کِہا واہ میرے رحیِما، رحمت تیری بےپرواہیِا۔ تُوں قُدرت قادر کریِما، کال مہاکال تیری سرنائیا۔ تُوں عالیشان عظیِما، اعظم نوُر اِلاہیِا۔ تیری سب توں وکھّری تعلیما، طُلبے اوتار پَیغمبر گُر گئے جنائیا۔ تُوں وسیں باہر اسمان زمیِنا، دو جہاناں پرے تیری رُشنائیا۔ تَینوُں سجدے وِچ کہاں آمیِنا، آمیِن کہہ کے سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ خواجے ویکھیا اَسو دا تنگ، نِگاہ نِیلے اُتے ٹِکائیا۔ اوہدے کول سی مؤلی دا تند، جِس دی سَوا گز لمبائیا۔ پھیر نِشان تکیا تارا چند، صدی چؤدھویں اکھّ اُٹھائیا۔ محمد دا لیکھا رہیا لنگھ، پندھ مُکیا واہو داہیِا۔ چار یاری دا اینا سنگ، اُمتی اُمت نہ کوئے چتُرائیا۔ کلمہ ملِے نہ کِسے انند، کائنات رہی کُرلائیا۔ مُلّا شیخ مسائک لائے کِسے نہ انگ، اولیِا عِلم نہ کوئے پڑھائیا۔ اُس چھوٹے بچّے کِہا آ میرے کول ونجھ، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سچ وِچوں سمجھائیا۔ خواجے کِہا آ بالے چھوٹے، سہج نال سُنائیا۔ بیاس وِچ مار غوطے، ڈوُنگھی بھَور ویکھ وکھائیا۔ بچّے ہسّ کے کِہا میَں چؤداں طبق ویکھے روتے، خوشی خوشی نہ کوئے بنائیا۔ مُریِد ویکھے سوتے، سُتیاں اکھّ نہ کوئے کُھلائیا۔ خُدا نوُں بُھلے بُہتے، خُدی وِچ ہلکائیا۔ صدی چؤدھویں جانے اؤنتے، انت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا اِک مِلائیا۔ مؤلی کِہا میرا تند سَوا گز لمبا، دوہاں
دیاں جنائیا۔ میَں ویکھنا کھیل اچنبھا، بھیوَ ابھیدا دیاں دِرڑائیا۔ جِس ویلے ناتا رہیا نہ پِتا مائی اماں، امی نہ گود سُہائیا۔ جھگڑا پَینا کایا ماٹی چمّا، چمّ درِشٹی نہ کوئے بدلائیا۔ صدی چؤدھویں بیِت جانا سماں، کلجُگ انتم اکھّ کُھلائیا۔ چاروں کُنٹ جگے کوئے نہ شمع، اندھ اندھیر نہ کوئے گوائیا۔ سب دے اندر ہونا غما، غم خوار نہ کوئے سہائیا۔ دیِن مذہب دی ہونی طمع، کلمہ کلمے نال ٹکرائیا۔ پوَن سواسی نام رہے کِسے نہ دما، دامنگیِر نہ کوئے اکھوائیا۔ اُس ویلے پروردِگار میرے اِمام کھیل کرنا نَواں، نوَ کھنڈ کھنڈ جنائیا۔ بھگت سُہیلے کر کے جمع، جامہ دیِن دُنی بدلائیا۔ دُھر دا حُکم کر کے رواں، راستہ براستہ اِکو دئے دِرڑائیا۔ خواجے تَینوُں کرنا مناہ، حُکم حُکم وِچوں بدلائیا۔ تُوں سُننا بِنا کنّاں، کنّا گوبِند والا دئے گواہیِا۔ جِس نوُں سمجھ نہ سکے کوئی چؤداں سؤ تیہہ پڑھن والا پّنا، پنشمیَنٹ وِچ سارے لیَن سزائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ مؤلی تند کِہا میرا کِسے کول نہیں ٹھیکا، محمد نال نہ کوئے وڈیائیا۔ خواجے تُوں وی رکھنا چیتا، چیتن ہو کے دیاں دِرڑائیا۔ جِس ویلے نِرگُن دھار بنے نیتا، نِروَیر بےپرواہیِا۔ اُس ویلے میَنوُں اُس دی کر دیؤ بھیٹا، نِکاّ بالا جسبیر سِنگھ ہتّھ پھڑائیا۔ میرا پوُرا ہووے لیکھا، محمد دی گنڈھ رہے نہ رائیا۔ سب نوُں بُھل جائے سؤہرا پیکا، ایتھے اوتھے دو جہاناں ملِے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ مؤلی تند کہے میَں کوئی کچّا نہیں تندا، شبدی حُکم جنائیا۔ میَں گوبِند دی دھار گوبِند سنگا، سگلا سنگ بنائیا۔ جِس ویلے چھڈیا پُری انندا، سَوا گز ڈوری چرناں ہیٹھ دبائیا۔ پھیر اِشارہ کیِتا تارا چندا، صدی چؤدھویں تیری ہوئے صفائیا۔ اُس ویلے سہارا رہنا نہیں کوئی مُہانا ونجھا، ونجھی ہاتھ کوئے نہ آئیا۔ ایہہ کوئی سماں نہیں لمبا، ڈھئیا میرا دئے گواہیِا۔ اُس ویلے گُر گوبِند دے کول اِک سِکھ دوُلھا جیہڑا بھےَ وِچ کمبا، آپ اپنا لیا ہِلائیا۔ کی کلجُگ حال ہووے مندا، چاروں کُنٹ دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گُرمُکھ کِہا گوبِند میرے پیِرا، سَتگُر تیری سرنائیا۔ تُوں داتا گُنی گہیرا، گہر اکھوائیا۔ میَں تیرے چرن کوَل رکھاں اپنا چیِرا، سیِس تیری بھیٹ کرائیا۔ کی اَگے ہووے تیرا وطیرہ، بےوطناں لئیں مِلائیا۔ کیوں پِھریں وانگ فقیِراں، بھجیّں واہو داہیِا۔ گوبِند کِہا میَں کٹاں شرع دیِاں زنجِیراں چار ورن اٹھاراں برن اِکو رنگ رنگائیا۔ سب دیاں بدل دیاں تقدیِراں، تدبیِر اپنی اِک
سمجھائیا۔ اُمت اُمتی پئے وہیِرا، وہن وگن تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ گوبِند کِہا گُرمُکھ میرے رتن، سِنگھ رتن وڈیائیا۔ جِس ویلے پہنچیا گھاٹ پتن، بے آس سوبھا پائیا۔ سب دی پَیج آواں رکھن، رکھک ہو کے ہوواں سہائیا۔ کِسے دا چلے نہ کوئی یتن، یتھارتھ اپنا حُکم ورتائیا۔ جیہڑا پٹنے والا پاٹل پٹن، پاربرہم روُپ درسائیا۔ لیکھا جانے کلجُگ نٹوُآ نٹن، سوانگی اپنا سوانگ بنائیا۔ اِکو مارگ آوے دسّن، دو جہاناں راہ جنائیا۔ ہرِجن ہِردے آوے وسن، بےعیب نوُر اِلاہیِا۔ وعدہ پوُرا قؤل کرے بچن، اَگے ہو نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بیاس کہے گوبِند ہتّھ ماریا اُتے بھتّھا تیِرا، ترکش لئی انگڑائیا۔ گُرمُکھ میرا سوہنا ہیِرا، قیِمت سکے نہ کوئے چُکائیا۔ خواجے اکھّوں وہایا نیِرا، جل دھار جل وِچ مِلائیا۔ گوبِند کھِچ اِک شمشیِرا، دو دھار دِتی چمکائیا۔ صدی چؤدھویں ضرور کٹاں شرع دیِاں زنجِیرا، ذرّہ ذرّہ ویکھ وکھائیا۔ پرگٹ ہوواں پیِرن پیِرا، اِمام اِماما روُپ درسائیا۔ اُس ویلے گُرمُکھ رتن سِنگھ بدھّا ہووے لال چیِرا، چِری وِچھنے آپ مِلائیا۔ امرت رس بخش کے سیِرا، سِر دھڑ لیکھے پائیا۔ جن بھگت دُکھی رہے کوئے نہ جیؤڑا، جیِون اپنے وِچ سمائیا۔ نوَ نؤ چار چُکاں بیِڑا، بیڑا اپنے کندھ اُٹھائیا۔ دیِن مذہب دا مارگ رہن نہیں دینا بھیِڑا، مانَو مانُکھ مانَس اِکو نام شبد کُڑمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں سیِس بندھائے چیِرا، چیتن سب نوُں آپ کرائیا۔ خواجہ کہے میری آسا پُنّی، پرم پُرکھ دِتی وڈیائیا۔ کوٹن اُدھرے رِکھی مُنی، جو دوُر دُراڈے بَیٹھے آسن لائیا۔ میرا لہنا پوُرا ہویا اِک تے اُنی، دو اِک اِکیسا بیِسا اپنے رنگ رنگائیا۔ میَں اِکو ہدایت سُنی، جو حضرتاں پرے دِتی سُنائیا۔ ہُن جھگڑا ویکھنا دیِن دُنی، کعبیاں پرے اکھّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بیاسا کہے میَں پانی دھار وگدا، میَنوُں جل نیِر کہے لوکائیا۔ میَں سَتجُگ تریتا دواپرکلجُگ رہیا سدّدا، اُچی کوُک کوُک دِرڑائیا۔ کِس ویلے پرکاش ہووے اگمّی نوُر الاہی ربّ دا، ربےّ عالمیِن ویکھ وکھائیا۔ جو جھگڑا میٹے دیِن مذہب دی حد دا، لیکھا سب دا پوُر کرائیا۔ رس دیوے نام خُماری مدھ دا، مدُھر دُھن کرے شنوائیا۔ مارگ دسےّ بھگت بھگوان جدّ دا، آتم پرماتم میلا میلے سہج سُبھائیا۔ جھگڑا رہن نہ دیوے وکھّرا اڈّ دا، چار ورن اٹھاراں برن اِکو گھر
وسائیا۔ دھرم نِشان ہووے گڈّدا، دو جہاناں اِک جھُلائیا۔ کلجُگ کوُڑی کریا ہر ہِردے اندروں ہووے کڈھدا، سَت سچ دھرم نال وڈیائیا۔ وِکار ہنکار ہووے وڈّھدا، نام کھنڈا اِک چمکائیا۔ سنت سُہیلے گُرمُکھ میرے کنڈھے ہووے سدّدا، سدّا شبد والا سُنائیا۔ دھنّ بھاگ دِہاڑا ہووے چؤداں اَسوُ اجّ دا، اجل دی مزل دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ سندیسہ اِک سُنائیا۔ خواجہ کہے میری کِتاب بِن اکھّراں رہی دسّ، دستگیِر رہیا دِرڑائیا۔ بیاس لےَ لےَ اپنا رس، رستہ چھڈ کوُڑ لوکائیا۔ خوشیاں دے وِچ ہسّ، وجےّ اندر ودھائیا۔ میَں وی آیا نسّ، اپنا پندھ مُکائیا۔ نِگاہ مارے سسّ، رو اکھّ اُٹھائیا۔ اِندر رہیا نچّ، ٹپّے چائیں چائنیا۔ کھیل کرے پرمیشور پتِ، پاربرہم اگمّ اتھاہیِا۔ جِس نے کلجُگ چلایا رتھ، اگنی کوُڑ نال تپائیا۔ اوہ ویس کرے سمرتھ، کرتا بےپرواہیِا۔ سَتجُگ مارگ جائے رکھ، دھرنی دھرت وجےّ ودھائیا۔ میرا لیکھےلاوے کنارہ تٹ، مِہر نظر اُٹھائیا۔ میرا انتر چاہُندا میَں چرن سروور لَواں چٹ، نؤ وار مُکھ چُھہائیا۔ امیؤں پیِواں گٹ گٹ، جُگ چؤکڑی ترِکھا لَواں بُجھائیا۔ جوتی جوت سروُپ ہرِ، آپ اپنی کِرپا کر، اِک دیوے مان وڈیائیا۔ بیاس کہے میَں چرنودک چرن سروور پیِنا، پرم پُرکھ دینا پیائیا۔ میَں سدا سدا سد تیرے سہارے جیِواں، جیِون مرن ونڈ نہ کوئے ونڈائیا۔ اِکو رنگ چاڑھ دے بھیِنا، نِرگُن سرگُن اُتر کدے نہ جائیا۔ میَنوُں یاد آ گیا گوبِند نے میرے کنڈھے اُتے اِشارہ کیِتا سی ولّ روُسا چیِنا، مُکھی تیِر والی اُٹھائیا۔ پھیر ٹھوک کے اپنا سیِنہ، دھرم لئی انگڑائیا۔ سب نے ہونا شبد گُروُ اَدھیِنا، بَل سکے نہ کوئے وکھائیا۔ پھیر کِہا گُرمُکھ پیار ہووے جل میِنا، جل میِنا توں پرے گُرسِکھ سَتگُر وِچ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ بیاس کہے بھگتو میری پُرانی اِچھیا، سب نوُں دیاں جنائیا۔ دھنّ بھاگ جے پئی بِھچھیا، بِھچھک ہو کے جھولی ڈاہیِا۔ میری مِہربان محبوُب کیِتی رچّھیا، رچھک ہو کے ہویا سہائیا۔ میَں چار جُگ نہ کِسے دوارے وِکیا، اوڑک دھیان لگائیا۔ میرا منوُآ رہیا ٹِکیا، پربت ہڑ نہ کوئے ڈُلائیا۔ میَں اپنا بھروسہ اوسے تے سِٹیا، جو سِٹا ویکھے جگت لوکائیا۔ میَں گوبِند اَگے پِٹیا، دُہتّھڑ مار دِتی دُہائیا۔ تُوں میرا ساجن مِتیا، مِتر پیارا اگمّ اتھاہیِا۔ تیرا درشن کراں نِتیا، نوِت تیری اوٹ تکائیا۔ خواجہ کہے گوبِند نے بِنا اکھّراں توں لیکھا لِکھیا، نہ کوئی جانے قلم شاہیِا۔ تُوں بیاسے میری سُن لےَ سِکھیا، ساکھیات دیاں دِرڑائیا۔ جِس
ویلے سَتگُروُ دا نام ہٹّاں دے وِچ وِکیا، قیِمت جگت رہے نہ رائیا۔ پھیر میرا پُرکھ اکال دیِن دَیال چاروں کُنٹ اِکو دِسیا، دہ دِشا آپے لئے سنبھال، تیرا لہنا دینا پوُرا کرے حِصّیا، کرتا پُرکھ پُرکھ اکال۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دیِن دَیال۔ بیاس کہے جن بھگتو ویکھو اگمّی ساکھ، ساکھیات دیاں جنائیا۔ سارے اِک پربھوُ نوُں دیؤ آکھ، آخر تیری وڈ وڈیائیا۔ میَں بالک بالی بُدھ داس، داسی داس سیو کمائیا۔ میرا لیکھے لگّے بِنا سواس توں سواس، ساہ ساہ اپنے رنگ رنگائیا۔ سب دی پوُری کرے آس، بیاسا کہے بےآسا رہن کوئے نہ پائیا۔ پُرکھ اکالا دیِن دَیالا سرب گُنتاس، گُنونتا وڈ وڈیائیا۔ اوہ ویکھو شنکر بھجّا آؤندا اُتوں کَیلاش، جٹا جوُٹ واہو داہیِا۔ برہما چارے مُکھ گاؤندا آئے سواس سواس، تُوں میرا میَں تیرا راگ الاہیِا۔ وِشنوُں وِشوَ دا لیکھا رکھے پاس، در کھلوتا سوبھا پائیا۔ اوتار پَیغمبر گُر سارے نوُر جوت پرکاش، نوُر نوُر نوُر رُشنائیا۔ خوشی وِچ سارے کرن ارداس، دوئے جوڑ بیننتی سیِس نِوائیا۔ بیاس کہے میری پوُری ہووے آس، اصل اپنا روُپ درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ بیاس کہے جن بھگتو میَں اِک نِمانا، بلہیِن اکھوائیا۔ میرا صاحِب جانی جانا، جاننہار وڈ وڈیائیا۔ دیونہارا جُگ جُگ مانا، نِمانیاں اپنے گلے لگائیا۔ جِس پہنیا اگمّی بانا، بان انیالا شبد تیِر چلائیا۔ جِس نوُں جھُکدے زِمیں اسمانا، دو جہاناں لاگن پائنیا۔ جِس نے آتم پرماتم دسّیا گانا، پاربرہم میلا میلیا سہج سُبھائیا۔ اُس نوُں سب نے کہنا میرے وِچ چرن چُھہا کے جانا، تُدھ بِن دوُجا نظر کوئے نہ آئیا۔ تُوں شاہ پاتشاہ شہنشاہ رانا، سچکھنڈ نِواسی سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر لیکھا پوُر کرائیا۔ خواجہ کہے میرے صاحِب سُلطان، محبوُب تیری سرنائیا۔ میرا پِچھلا دان پاہن، مِٹھا روُپ وکھائیا۔ اپنے در کر پروان، پرم پُرکھ تیری سرنائیا۔ میرے مالک خالق جانی جان، جاننہار تیری وڈیائیا۔ جھٹ بیاس کہے خواجے اِدھر کر دھیان، نِگاہ نِگاہ وِچوں بدلائیا۔ میَں چاہُندا ہرِجن ہرِ بھگت گُرمُکھ گُرسِکھ میرے تٹ کِنار تے بہہ کے کھان، کھا کھا خوشی منائیا۔ پھیر جنم نہ لیَن وِچ جہان، چؤراسی لیکھا دئے مُکائیا۔ انت چڑھائے شبد وِچ بِبان، رائے دھرم نہ کوئے اٹکائیا۔ درگاہ ساچی سچکھنڈ کرے پروان، جِتھے اوتار پَیغمبر گُر بَیٹھے سوبھا پائیا۔ جوتی جوت میل ملِے سِری بھگوان، جوتی جاتا اپنے وِچ مِلائیا۔ بیاس کہے خواجے اوہ تکّ
آہ تکّ ساڈی بیننتی ہوئی پروان، پرم پُرکھ پرماتم آتم دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نوُر مہان، نوُر نوُرانہ نؤجوانا مرد مردانہ اِک اکھوائیا۔
۱۴ اَسوُ شہنشاہی سمت ۷ پال سِنگھ، ہزارا سِنگھ پھتّوُ چکّ، گُرچرن سِنگھ ظہوُرا، تخت سِنگھ ظہوُرا، گُرچرن سِنگھ پنڈوری، چرن کؤر ڈِھلَواں، سُرجیِت کؤر ڈِھلَواں، پِنڈ داؤد پُر ضِلع کپوُرتھلا
دھروُ کہے اُٹھ ویکھ پرہلاد، پرا پسنتی مدھم بَیکھری توں باہر دھیان لگائیا۔ کی کھیل کرے پرم پُرکھ واحد، نِرگُن داتا دُھردرگاہیِا۔ سچّا فرمان حُکم کرن لگّا آئد، ایہد سب دا ویکھ وکھائیا۔ حُکم سندیسہ دیوے جائز، ناجائز لیکھا رہیا چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کبیِر کہے اُٹھ ویکھ نامے، شبدی شبد دیاں جنائیا۔ کی کھیل کرے سِری بھگوانے، ہرِ بھگوَن بےپرواہیِا۔ جِس دے گا کے آئے صِفتاں والے گانے، سرِشٹی درِشٹی وِچ وڈیائیا۔ سو جوت سروُپی پہرے بانے، بان انیالا تیِر چلائیا۔ جِس نوُں صدی چؤدھویں کوئی نہ جانے، اِمام اِماما اگمّ اتھاہیِا۔ جِس نوُں جھُکدے دو جہان زِمیں اسمانے، اِسم اعظم اِک وڈیائیا۔ جِس دے اُتوں پیِر پَیغمبر گُروُ ہوئے قُربانے، تن وجوُد بھیٹ چڑھائیا۔ اوہ ویکھے کلجُگ انت اندھیری شامے، شمع نوُر کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سچّا بےپرواہیِا۔ بھگت کہن اُٹھو تکو سارے نال نیِت، نِرگُن دھار دھیان لگائیا۔ کی کھیل کرے پتت پُنیِت، پاربرہم پربھ بےپرواہیِا۔ کلجُگ وِچ سَتجُگ چلائے ریِت، ریِتیوان اِک اکھوائیا۔ جھگڑا مُکا کے مندر مسیِت، کایا کعبے کرے رُشنائیا۔ ترےَگُن توں کر اتیِت، ترےَبھوَن دھنی اپنا رنگ رنگائیا۔ امرت بخش کے ٹھانڈا سیِت، اگنی تت گوائیا۔ آتم پرماتم دے کے پریِت، پریِتم میل مِلائیا۔ جھگڑا میٹ کے ہست کیِٹ، اوُچاں نیِچاں اِکو گھر وسائیا۔ شبدی کھیل دسّ انڈیٹِھ، انڈِٹھڑی کار کمائیا۔ جگت جہان دے کے پیِٹھ، کروٹ اپنی لئے بدلائیا۔ اوہ تکّ بھگتاں چاڑھے رنگ مجیِٹھ، دو جہاناں اُتر کدے نہ جائیا۔ سدا سُہیلا ہتّھ رکھے اُتے پیِٹھ، سِر سِر آپے ہوئے سہائیا۔ کلجُگ کوُڑی کِریا بھنےّ ریِٹھ، وِکھ رہن کوئے نہ پائیا۔ جوتی جوت
سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ پرہلاد کہے سُن دھروُ اگمّی سجّن، ساجن دیاں سمجھائیا۔ پُرکھ اکالا دیِن دَیالا جن بھگتاں آتم پرماتم کرائے مجن، اٹھسٹھ تیِرتھ لوڑ رہے نہ رائیا۔ کِرپا کرے گوپال موُرت مدن، سوُدن اپنی کھیل کھِلائیا۔ ہرِجن دیِپک ساچے جگن، لوک مات ہوئے رُشنائیا۔ ترےَگُن ترِکھا بُجھائے اگن، سانتک سَت سَت ورتائیا۔ اِکو دسّ ڈنڈاوت بندن، سجدہ اِکو اِک جنائیا۔ آتم پرماتم بخش انندن، انند انند وِچوں پرگٹائیا۔ تُوں میرا میَں تیرا گاؤنا چھندن، پاربرہم اپنا رنگ رنگائیا۔ کِرپا کر آد نِرنجن، نِرگُن نوُر کرے رُشنائیا۔ جِس دے نام نگارے وجّن، شبدی شبد صِفت وڈیائیا۔ اوہ دیِناں مذہباں توڑ کے حدن، حدوُد اِک وکھائیا۔ جِتھے اوتار پَیغمبر گُر اِکو نام جپن، جگت کلمہ ونڈ نہ کوئے ونڈائیا۔ اِکو دُھر دی دھار رٹن، رٹّا دیِن مذہب نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ جن بھگت کہن تکیئے لوک ماتی، بِن نیَناں نیَن اُٹھائیا۔ کلجُگ ویکھیئے اندھیری راتی، چاروں کُنٹ اندھیرا چھائیا۔ کی کھیل کرے کملاپاتی، پت پرمیشور بےپرواہیِا۔ جن بھگتاں دے کے نام سوغاتی، شُکلا کِشنا پکھّ ڈیرہ ڈھاہیِا۔ نِرگُن جوت جگا کے باتی، باطن پڑدا رہیا اُٹھائیا۔ اِکو وقت دسّ پربھاتی، پربھ اپنا میل مِلائیا۔ کایا مندر کھول کے تاکی، پردہ پردیاں وِچوں اُٹھائیا۔ امرت دے کے بوُند سوانتی، نِجھر جھِرنا آپ جھِرائیا۔ شبد سُنا کے دُھن انادی، انحد راگ دِرڑائیا۔ نِرگُن جوت کر پرکاشی، اگیان اندھ دئے مِٹائیا۔ کرے کھیل شاہو شاباشی، شاہ پاتشاہ سچّا شہنشاہیِا۔ جن بھگتاں پوُری کرے آسی، جُگ جنم دے وِچھڑے میل مِلائیا۔ دھرم دی دھار بخشے داتی، داتا دانی وست اگمّ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ جن بھگت کہن لوک مات تکیئے نظارہ، بِن نیتر لوچن نیَن اکھّ اُٹھائیا۔ کی کھیل کرے نِرنکارا، نِرگُن نِروَیر نوُر اِلاہیِا۔ جِس نوُں جھُکدے پَیغمبر گُر اوتارا، وِشن برہما شِو سیِس جھُکائیا۔ سو روُپ انوُپ اپنا جانے اگمّ اپارا، اپرمپر اپنی کھیل کھِلائیا۔ جن بھگت سُہیلا کڈھے وِچوں منجھدھارا، پھڑ باہوں پار کرائیا۔ لیکھا جانے صدی چؤدھویں انت کنارہ، کلجُگ نئیا ڈولے تھاؤں تھائنیا۔ پرم پُرکھ پرماتم آتم دئے سہارا، پاربرہم برہم اپنا رنگ رنگائیا۔ کرے کرائے قُدرت قادر کرنیہارا، رحیِم کریِم بےعیب نوُر اِلاہیِا۔ جو شاہو بھوُپ سَت سروُپ سچّا سِکدارا، دو جہاناں حُکم منائیا۔ سو جن
بھگتاں سیِس بخشے دستارا، دست دست نال مِلائیا۔ لکھّ چؤراسی وِچوں کرے باہرا، جم کی پھاسی آپ تُڑائیا۔ جنم لیَنا نہ پئے دوبارہ، مات گربھ نہ کوئے تپائیا۔ مِلائے جوت جوت نِرنکارا، نِرگُن نِروَیر اپنے وِچ سمائیا۔ سچ دھام سُہائے وسائے سچکھنڈ دوارا، درگاہ ساچی اِک جنائیا۔ جِتھے آد انت اِکو نوُر جوت اُجیارا، دوُجا دیِا باتی نظر کوئے نہ پائیا۔ جن بھگت کہن اُس پربھوُ نوُں کرو نِمسکارا، جو نِرگُن نِرگُن سرگُن سرگُن سب دا پِتا مائیا۔ جو لیکھا جانے جیِو جنت سرب سنسارا، سنساری بھنڈاری سنگھاری حُکم منائیا۔ سو پُرکھ اکالا دیِن دَیالا چوَھیاں اوتارا، نِرگُن نوُر نوُر جوت رُشنائیا۔ سَتگُر شبد شبد سَتگُر اِکو نام جَیکارا، جےَ جَیکار دو جہان کرائیا۔ کلجُگ کوُڑی کِریا وہائے وہِندی دھارا، دھرنی دھرت دھوَل دھؤل کرے صفائیا۔ سَتجُگ ساچا سچ رکھے آپ نِرنکارا، نِرنکار ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جوت نوُر نوُر اُجیارا، نِرگُن نِراکار اگمّ اتھاہیِا۔
۱۵ اَسوُ شہنشاہی سمت ۷ ارجن سِنگھ، سوم راج سِنگھ کالوُ والا کوٹلہ، مُنشی رام بیگووال، بھگوان سِنگھ اُڑ مُڑ ٹانڈا، گُرمیِت کؤر کرالا، تاروُ سِنگھ جنڈیرے، مہِندر کؤر سُسانا، گُرنام کؤر سُسانا، رام سِنگھ فتووال، گُردیو کؤر گھدالا شیخاں امریِک سِنگھ سرائیں، میلا سِنگھ سرائیں، بھجن سِنگھ بَیرم پُر
ترسیم سِنگھ خُرداں، سُرنِدر سِنگھ روُپووال پِنڈ سلیِم پُر ضِلع ہوشیارپُر
اوتار پَیغمبر گُر کہن تکیئے لوک مات، نِرگُن نوُر نوُر دھیان لگائیا۔ پُرکھ اکالا دیِن دَیالا کی دیوے اگمّی دات، نِراکار نِرنکار اپنی دَیا کمائیا۔ سچ پریِتی آتم پرماتم جوڑے نات، پاربرہم برہم میلا میلے سہج سُبھائیا۔ لیکھا مُکائے کلجُگ اندھیری رات، سَت ستوادی سچّا نوُر چند کر رُشنائیا۔ جن بھگتاں جھگڑا میٹ کے ذات پات، دیِن دُنی بندھن شرع والے کٹائیا۔ مِہربان محبوُب کھیل کرے اگمّڑا آپ، آپ اپنا ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِشن برہما شِو کہن لوک مات ماریئے جھاتی، بِن نیتر لوچن نیَناں نیَن اُٹھائیا۔ کی کھیل کرے سرب گھٹواسی، ہرِ کرتا
دُھردرگاہیِا۔ جِس دی برہمنڈ کھنڈ منڈل منڈپ راسی، رستہ رہبر کی دِرڑائیا۔ جن بھگتاں انتر آتم دیوے نام سواس سواسی، ساہ ساہ اپنا رنگ رنگائیا۔ کِس بِدھ کٹے گلوں جم کی پھاسی، سِر سِر پگڑی سیِس ٹِکائیا۔ جنم جنم دی میٹے اُداسی، کرم کرم دا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسہ نر نریشا اِک سُنائیا۔ اوتار پَیغمبر گُر کہن کلجُگ انت تکّو راہ، صدی چؤدھویں دھیان لگائیا۔ اوتار تیئی کرو سالاح، مشورہ اِکو اِک پرگٹائیا۔ پَیغمبر دیؤ جنا، بھیوَ ابھیدا رہے نہ رائیا۔ گُروُ گُردیو دیؤ دِرڑا، درِڑھ حُکم اِک سُنائیا۔ کی کرے بے پرواہ، پاربرہم اپنی کھیل کھِلائیا۔ جِس نوُں کِہا واہ واہ، واہِگُروُ کہہ کے اپنی خوشی بنائیا۔ نوُر الاہی حق خُدا، خود مالک اگمّ اتھاہیِا۔ کی سندیسہ دیوے ازاں صدا، آواز کی سُنائیا۔ کی ناد رہیا وجا، دھنّ اگمّی اِک اُپجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ مالک اِک دِرڑائیا۔ جن بھگت کہن ویکھیئے دھرنی دھوَل دھؤل دھرت، دھرماتم دھیان لگائیا۔ کِس بِدھ سب دی پوُری ہووے شرط، شرع دا لیکھا ویکھ وکھائیا۔ کی حُکم سندیسہ دیوے اُتے عرش، عرشی پریِتم بےپرواہیِا۔ کِس بِدھ سب دا لہنا دینا پوُرا کرے قرض، مقروُض لیکھا دئے چُکائیا۔ کِس بِدھ سب دی آسا منسا منظور کرے عرض، آرزوُ اپنے وِچ سمائیا۔ گُرمُکھاں گُرسِکھاں پوُری کرے غرض، غرضیکہ اپنی دَیا کمائیا۔ نِرگُن دھار ویس کرے اسچرج، اچرج اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ وِشن برہما شِو کہن ویکھو کھیل انوکھا، اگمّ رہیا دِرڑائیا۔ جِس وِچ نہیں کوئی دھوکھا، سَت سچ اِک پرگٹائیا۔ منزل راہ نہ دِسے اؤکھا، آتم پرماتم میلا میلے سہج سُبھائیا۔ نِرگُن دھار شبدی ہوکا، حُکم پُرکھ اکال جنائیا۔ لیکھا مُکنا چؤداں لوکا، چؤداں طبقاں ڈیرہ ڈھاہیِا۔ دو جہاناں سُننا اِک سلوکا، پاربرہم برہم کرے پڑھائیا۔ دیِن دُنی میٹے ہرکھ سوگا، چِنتا غم چُکائیا۔ بُدھی توں پرے ہو کے بودھا، بھیوَ ابھیدا دئے کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک دِرڑائیا۔ سَتگُر شبد کہے کھیل ویکھو بے نظیِر، نظر توں پرے دھیان لگائیا۔ جِس دی دِس نہ آئے کوئے تصویِر، مُصوّر تصّور کر نہ کوئے سمجھائیا۔ جِس دی منزل چڑھ کے بَیٹھا کبیِر، بھگت بھگوان روُپ سمجھائیا۔ اوہ کہہ کے گیا اَخیِر، آخر کلمہ اِک دِرڑائیا۔ پرگٹ ہووے گُنی گہیر، گہر گوَر اگمّ اتھاہیِا۔ جو شرع دے توڑے زنجِیر،
شریِعت لیکھا دئے مُکائیا۔ سَت دھرم دا سَت کرے تعمیِر، سَت سچ نال اپنائیا۔ کلجُگ کوُڑی کِریا رہن نہ دیوے خمیِر، گُرمُکھ خالص لئے پرگٹائیا۔ جھگڑا میٹے شاہ حقیِر، مانَو مانَس مانُکھ دیوے آپ وڈیائیا۔ کوُڑی کِریا اُتے مار لکیِر، کرم کانڈ دا ڈیرہ ڈھاہیِا۔ ہؤمے اندروں کڈھے پیِڑ، سنسا روگ نہ کوئے ستائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سارے کہن نِرگُن دھار لگّا بھاگ، جوتی جوت جوت رُشنائیا۔ جِس دا نوُر دیِپک چراغ، چراگاہاں کرے رُشنائیا۔ جگت جہان بدلے سماج، سمگری اپنا نام ورتائیا۔ جن بھگتاں دھرم دھار رکھائے سیِس تاج، پگڑی نام والی بندھائیا۔ مانَس جنم دا پوُرا کرے کاج، رائے دھرم نہ دئے سزائیا۔ شبد اگمّی مارے آواز، دُھن ناد کر شنوائیا۔ ہرِجن سُہیلے سنت بنائے سادھ، سادھنا دھرم دھار سمجھائیا۔ میل مِلائے موہن مادھوَ مادھ، بے پرواہ دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ وِشن برہما شِو کہن کی کھیل کرے سُلطانا، ہرِ کرتا وڈ وڈیائیا۔ نِرگُن نوُر پہر کے بانا، بانی بنیا بےپرواہیِا۔ سَت دھرم جھُلا نِشانہ، نِشانہ کلجُگ رہیا مِٹائیا۔ روُپ دھار نؤجوانا، مرد مردانہ کھیل کھِلائیا۔ پَیغمبراں توں پرے دیوے پَیغاما، پرا پسنتی مدھم بَیکھری نِیوں نِیوں سیِس جھُکائیا۔ ساچا دھرم دسےّ اِسلاما، اِسم اعظم اِک دِرڑائیا۔ تُوں میرا میَں تیرا آتم پرماتم سب دا گانا، گاوت گاوت گاوت خوشی منائیا۔ حُکم ورتے زِمیں اسمانا، دو جہاناں ہووے رُشنائیا۔ کِرپا کرے پربھوُ مِہربانا، مِہربان مِہر نظر اُٹھائیا۔ جن بھگتاں لیکھےلاوے آون جانا، ایتھے اوتھے ہوئے سہائیا۔ انتم جوتی میل مِلانا، جوت جوت وِچ سمائیا۔ سچکھنڈ ساچا دھام سُہانا، درگاہ ساچی وجےّ ودھائیا۔ جِتھے اِکو دیِپک جوت نوُر نوُرانہ، دیِپک پنج دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سچ دا حُکم کلجُگ انتم دھار ہرِ کرتا آپ دِرڑائیا۔ لیکھا جانے وِچ سنسار، سنساری بھنڈاری سنگھاری بَیٹھے سیِس نِوائیا۔ کرنی دا کرتا کرے اپنی کار، کرنیہار کھیل کھِلائیا۔ جوتی جاتا ہو اُجیار، پُرکھ بِدھاتا ویس وٹائیا۔ جِس نوُں آد جُگاد جُگ چؤکڑی نمو نمو کرن سرب نِمسکار، ڈنڈاوت بندنا سجدیاں وِچ سیِس جھُکائیا۔ سو بھگت سُہیلا جن بھگتاں پاوے سار، مہاسارتھی اپنی دَیا کمائیا۔ لکھّ چؤراسی وِچوں لئے اُبھار، میلا میلے سہج سُبھائیا۔ ویکھے وِگسے پاوے سار، اِک اَکیلا دُھردرگاہیِا۔ کلجُگ انتم لہنا دینا کوُڑی
کِریا دئے نِوار، کرم کانڈ دا ڈیرہ ڈھاہیِا۔ سچکھنڈ نِواسی بخشے سچکھنڈ دوار، در دوارا اِک جنائیا۔ جِتھے وسے جوتی جاتا ہرِ نِرنکار، دوُجا نظر کوئے نہ آئیا۔ بھگت بھگوَنت آد انت جُگا جُگنت اِکو دھار، اِک اکیلا سجّن سُہیلا سَت سوامی انترجامی گھٹ نِواسی پُرکھ ابناشی پروردِگار سانجھا یار اِک اکھوائیا۔ جُگ جُگ جن بھگت سُہیلے دیوے تار، سنسار ساگر وِچوں کرے پار، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگاد آد نِرگُن دھار سچّی سرکار، شاہ پاتشاہ شہنشاہ دو جہاناں سِری بھگوانا اِک اکھوائیا۔
۱۶ اَسوُ شہنشاہی سمت ۷ وطن سِنگھ، خیال سِنگھ دسوُہا، ہربھجن سِنگھ صاحِب دا پِنڈ، دَیال سِنگھ ڈّڈ، لال سِنگھ پنج ڈھیرا، کرتار سِنگھ، ہزارا سِنگھ، ریشم سِنگھ، دربارا سِنگھ گالڑیاں، منگل سِنگھ، رام سِنگھ، دلجیِت سِنگھ تلواڑا، نرائن سِنگھ، جیِا لال، آتم چند، گیان چند جاگیِر سِنگھ، دھنّا سِنگھ کُلیا پِنڈ سریں پُر ضِلع ہوشیار پُر
بیاس کہے میرے پار کنارے ہوئی لو، لوئن پربھ نے دِتا کُھلائیا۔ گُرمُکھاں دے مستک اکھّر تکیا سو، سو پُرکھ نِرنجن دِتی وڈیائیا۔ میَں جگت ناتا توڑ کے ہویا نِرموہ، مُحبّت کوُڑ والی تجائیا۔ جِس دے چرناں چرنامت لیا دھو، دھرم دی دھار اِک بندھائیا۔ اُس دے باجھ اوَر نہ کو، کوٹن اوتار پَیغمبر گُر بَیٹھے سیِس نِوائیا۔ جو کوُڑی کِریا کلجُگ رہیا کھوہ، چاروں کُنٹ ویکھ وکھائیا۔ ساچا نام جن بھگتاں اندر رہیا بو، بیِجن والا بےپرواہیِا۔ دُھر درگاہوں لےَ کے آیا ڈھوآ ڈھو، وست امولک اگمّ اتھاہیِا۔ مِہربان ہو کے نال جاوے چھوہ، آتم پرماتم میلا میلے سہج سُبھائیا۔ امرت رس اگمّا دیوے چو، کوُڑی کِریا اگن بُجھائیا۔ جِس دا روُپ نظر نہ آئے دو، دوُآ ایکا ایکا دوُآ وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ہوئے سہائیا۔ سو کہے میَں جن بھگتاں لگّا متھا، مستک رنگ رنگائیا۔ بھیوَ جناواں یتھارتھ یتھا، یدی دیاں دِرڑائیا۔ وید ویاس نے اِک سؤ اٹھاراں دِن میری اِکو گائی گاتھا، دوُسرا اکھّر نہ نال مِلائیا۔ پھیر جوڑ کے پُٹھیاں ہتّھاں، پِٹھ پِٹھ نال ٹکرائیا۔ بِنا چرناں توں ٹیک کے متھا، مستک دِتا نِوائیا۔ پھیر ویکھیا بِنا اکھّاں، نیتر نیَن جوت رُشنائیا۔ پھیر حُکم سُنیا سچّا، سچ مِلی
وڈیائیا۔ سندیسہ سُن اگمّی بچّہ، بھیوَ ابھیدا دیاں کُھلائیا۔ اوہ ویکھ جُگ چؤکڑی جاندا نسّا، بھجّیا پندھ مُکائیا۔ ویکھ لےَ ہوڑا اُپر سسّا، سو پُرکھ نِرنجن آپ لگائیا۔ جِس ویلے کلجُگ رَین اندھیری ہونی مسّا، نوُری چند نہ کوئے چمکائیا۔ دھرم دا رہنا نہیں کوئی کمرکسا، گوبِند دھار دئے گواہیِا۔ نام کلمہ رہے نہ رسا، رستہ اندر نہ کوئے کُھلائیا۔ ہرِ جوُ کِسے گرِہ نہ ہووے وسا، واسطہ اپنے نال رکھائیا۔ سچ دا دیوے کوئے نہ پتہ، پت پرمیشور مِلن کوئے نہ پائیا۔ پِیو پُت دی کرے ہتّا، ہِتاری ہووے جگت لوکائیا۔ جگت واسنا ہووے نتا، کوُڑ کِریا گنڈھ وکھائیا۔ من منوُآ کرے متا، مت متانتر ڈیرہ ڈھاہیِا۔ ڈنکا وجےّ کِتے نہ فتحا، فتح ڈنک نہ کوئے وجائیا۔ اُس ویلے کھیل کرے پُرکھ سمرتھا، ہرِ کرتا دُھردرگاہیِا۔ کلجُگ ویکھے کوُڑ دا رتھا، رتھ اگنی جگت چلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سو کہے جِس ویلے میَں بیاسا ٹپّا، جن بھگتاں مستک لیا لٹکائیا۔ میَں نِگاہ ماری میَنوُں نظر آیا اکھّر پپا، جو پوُرن سَتگُر روُپ جنائیا۔ جِس نے ناتا جوڑیا پکاّ، پکّی اپنی گنڈھ رکھائیا۔ جِس وِچ فرق رہے نہ رتا، رتن امولک ہیِرے گُرمُکھ لئے بنائیا۔ آپ پی کے پانی تتا، امرت میگھ آپ برسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک جنائیا۔ پپا کہے میَں چڑھ گیا گُرمُکھاں دی اُپر چھاتی، چھتردھاری نال دینا مِلائیا۔ پوُرن سَتگُر دسّنا کملاپاتی، پت پرمیشور بےپرواہیِا۔ جو سمبل بَیٹھا بن سمراتھی، سگلا سنگ بنائیا۔ دُھر دی منّ کے آکھی، اکھّراں توں پرے رہیا دِرڑائیا۔ نِرگُن سرگُن دی کرے راکھی، رکھک بنے چائیں چائنیا۔ جن بھگتاں بن کے داس داسی، سیوک سیوا سچ کمائیا۔ نال مِل کے پُرکھ ابناشی، ابناشی اپنا رنگ رنگائیا۔ جِس دا نِرگُن نوُر جوت پرکاشی، پرکاشوان خلق خُدائیا۔ اوہ اندروں لاہے آپ اُداسی، چِنتا چِکھا نہ کوئے جلائیا۔ گلوں کٹ سِلک جم پھاسی، فَیصلہ حق حق سُنائیا۔ پندھ مُکا کے منڈل راسی، منزل اپنی لئے چڑھائیا۔ جِتھے وسے شاہو شاباشی، شہنشاہ اِکو سوبھا پائیا۔ جوتی جوت سروُپ ہرِ، آپ اپنی کِرپا کر، دیونہار اِک اکھوائیا۔ سو کہے میَں آد انت دا اِک، ایکنکار روُپ سمائیا۔ پپا کہے میَں لگّا بھگتاں دی نال ہِک، حِکمت اپنی اِک سمجھائیا۔ جیہڑا دوہاں دے وِچ گیا ٹِک، ٹِک ٹِکی اِکو نال رکھائیا۔ نِرگُن سرگُن بخش کے سِک، پریِتی پریم والی بنائیا۔ دوہاں نے لیکھا جانا لِکھ، نہ کوئی میٹے میٹ مِٹائیا۔ پوُرن سَتگُر دا پوُرن سِکھ، پپا پوُرن روُپ جنائیا۔ سو پُرکھ
نِرنجن کہے میرا لیکھا نِت نوِت، جُگ جُگ اپنی کار کمائیا۔ میَں جھگڑا مِٹاؤنا پتّھر اِٹّ، پاہن پوُجن کوئے نہ جائیا۔ اِکو نام دی دے کے چِٹ، سچ سندیسہ دینا سُنائیا۔ جوتی جوت سروُپ ہرِ، آپ اپنی کِرپا کر، سچ دا حُکم اِک ورتائیا۔ بیاس کہے میَں دوویں ویکھے بھگتاں سنگ، سسّا پپا نظری آئیا۔ میرا خوشی ہویا انگ انگ، بِنا تن وجّی ودھائیا۔ کی کھیل سوُرا سربنگ، ہرِ کرتا آپ کرائیا۔ بیاس کہے جِس ویلے گوبِند نے میرے کنڈھے پریم دا ڈاہیِا پلنگ، سِنگھاسن دھرم دھار وِچھائیا۔ پھیر نِگاہ ماری ولّ پُری انند، بِن اکھّاں اکھّ اُٹھائیا۔ پھیر تکیا تارا چند، محمد نال کیِتی صلاحیِا۔ اوہ ویکھ تیرا مُکدا پندھ، صدی چؤدھویں دئے گواہیِا۔ بِنا سو توں پائے کوئی نہ ٹھنڈ، کلمہ کائنات کمّ کِسے نہ آئیا۔ بِنا پپّے توں پوُرن سَتگُر نہ کوئے بخشند، بخشش نظر کوئے نہ آئیا۔ چاروں کُنٹ اندھیرا اندھ، نوُری چند نہ کوئے چمکائیا۔ سو پوُرن نال ہونا پابند، پپا پوُرن سو وِچ سمائیا۔ جِنہاں دا اِکو ہونا چھند، دوُجی اوَر نہ کوئے پڑھائیا۔ جگت دوَیت ڈھاہؤنی کندھ، کندھا کندھے نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا وقت آپ سُہائیا۔ بیاس کہے میَں سو تکیا اُپر پگّ، پگڑی گُرمُکھاں دئے گواہیِا۔ میَں ویکھیا اُپر شاہ رگ، جگت دوارے ڈیرہ ڈھاہیِا۔ پھیر ویکھیا بھجّ، بھجّیا واہو داہیِا۔ جو سب دی رکھے لج، سِر سِر اپنا ہتّھ ٹِکائیا۔ جن بھگتاں پڑدے رہیا کجّ، مِہربان محبوُب دُھردرگاہیِا۔ اوہ بَیٹھا اوتھے اجّ، دِوس دِہاڑا دئے گواہیِا۔ جِتھے یُدِھشٹر آسن لاؤندا سی ڈوُنگھا سوا گز، ساڈھے تِنّ ہتّھ لمبائیا۔ آواز مار کے رہیا سی سدّ، شبدی کاہن دھیان لگائیا۔ نِگاہ نال بنا کے حد، اِشارہ اکھّ نال جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بیاس کہے یُدِھشٹر نے ایتھے اپنے مستک لِکھ کے لایا سی سو، سِر مستک سیِس نِوائیا۔ پپا ہتّھ وِچ پھڑ کے دو، پھیر چھاتی اُتے چُھہائیا۔ بھگت بھگوان اِک نہ رہے دو، دوُآ ایکا اِکو نظری آئیا۔ جھٹ کرِشن )سنمُکھ( گیا ہو، ہو کے دِتا دِرڑائیا۔ دھرم سُت اؤہ ویکھ اگمّی لو، نِج نیتر لوچن نیَن اکھّ کُھلائیا۔ کھیل کرے ابناشی اوہ، جِس دی اُستت سارے رہے گائیا۔ جِس ویلے دیِن دُنی ہوئی نِرموہ، اوتار پَیغمبر گُر سنگ نہ کوئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بیاس کہے میَں ویکھ کے کھیل کمبا، کمبنی گئی آئیا۔ میرے پار لیکھ لمبا، حد حدوُد نہ کوئے جنائیا۔ میَں حَیران ہونا اچنبھا، حَیرت وِچ
دُہائیا۔ کی کھیل بھگتاں سنگا، ہرِ بھگوان آپ کرائیا۔ تِنّاں گُرمُکھاں ستاراں اَسوُ نوُں ہونا اِک ٹنگا، جِنہاں دے مستک سو دِتا لگائیا۔ اٹھاراں اَسوُ نوُں ہتّھ وِچ پھڑنا ڈنڈا، ساڈھے تِنّ ہتّھ لمبائیا۔ اُنی اَسوُ نوُں گردن اُتے رکھنا کھنڈا، پُٹھی دھار بنائیا۔ ویہہ اَسوُ نوُں اِک دوُجے نال جوڑنا کندھا، کندھی بَیٹھا ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سو کہے میَں دسّاں سچ پیار، مُحبّت بےپرواہیِا۔ جو ہرِ کرتا کرنیہار، جُگ جُگ آپ کرائیا۔ جن بھگتاں دئے ادھار، سِر سِر اپنا ہتّھ رکھائیا۔ جِس سَتجُگ تریتا دواپرلایا پار، کلجُگ ویکھے چائیں چائنیا۔ جن بھگت سُہیلے دیوے تار، تارنہار اِک اکھوائیا۔ جِنہاں دا لیکھا رہے سدا جُگ چار، چار ورن اِکو رنگ رنگائیا۔ سیِس جگدیِش بخش دستار، دیوے مات مان وڈیائیا۔ رائے دھرم دا گیڑ نِوار، چِترگُپت دا لیکھ چُکائیا۔ شبدی سَتگُر دئے ادھار، اُدر توں باہر کڈھائیا۔ انتم لہنا رہے نہ وِچ سنسار، مات گربھ نہ اگن تپائیا۔ لےَ کے جائے سچکھنڈ سچے دربار، درگاہ ساچی سوبھا پائیا۔ جِتھے اِکو نوُر اُجیار، نوُر نوُرانہ ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد انتا ایکنکار، اکل کل دھاری اپنی کل ورتائیا۔
۱۷ اَسوُ شہنشاہی سمت ۷ جسونت سِنگھ، بنّا سِنگھ، ہربنس سِنگھ، گُرنام سِنگھ سوُرانسی، پریِتم سِنگھ کوٹلی اِبراہم، جرنَیل سِنگھ سگوال، درشن کؤر پاتڑ خُرد، نگیِنہ سِنگھ، پیارا سِنگھ ہردَیال سِنگھ جالندھر، گُربچن سِنگھ آہم پُر، جُگِندر سِنگھ، پُھمن سِنگھ، اجیِت سِنگھ، ترسیم سِنگھ، ہربھجن سِنگھ آدم پُر،
جُگِندر کؤر بوُلے، اجیِت کؤر جلپوت، کرتار پُر شہر ضِلع جالندھر
پپا کہے میَں لگّا بھگتاں گُرمُکھاں دے سیِنے، سَتگُر پوُرن دِتی وڈیائیا۔ میَں کھیل تکنے لوک تیِنے، برہمنڈ کھنڈ اکھّ کُھلائیا۔ گُر اوتار پَیغمبر تکنے پرم پُرکھ اَدھینےِ، درگاہ ساچی کھوج کھوجائیا۔ ویس ویکھنے پُرکھ ابناشی دانے بینے، نِرگُن سرگُن دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی دَیا کمائیا۔ سو کہے میَں کھیل دسّاں صاحِب
سُلطانا، سَتگُر بھیوَ کُھلائیا۔ پپا کہے میَں پوُرن دینا برہم گیانا، بھیوَ ابھیدا رہے نہ رائیا۔ دوہاں دا لیکھا اِک سِری بھگوانا، دوُجا نظر کوئے نہ آئیا۔ جو کلجُگ ویکھے مار دھیانا، دھرنی دھرت دھوَل دھؤل کھوج کھوجائیا۔ چار جُگ دا ویکھے جگت نِشانہ، نِرگُن سرگُن ویس وٹائیا۔ حُکم سندیسہ جانے اگمّ فرمانا، فُرنیاں توں باہر سمجھائیا۔ کی کہہ کے گیا رمئیا راما، کاہنا کرِشنا راگ جنائیا۔ کی موُسیٰ عیسیٰ سُنیا پَیغاما، محمد بِنا الف یے پڑھائیا۔ نانک گوبِند کی تکیا نوُر نوُرانہ، نِروَیر نِراکار نِرنکار اگمّ اتھاہیِا۔ کی سَتگُر شبد شبد ترانہ، تُریا توں باہر دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پپا کہے کلجُگ انتم رہنے نہیں کوئے پنڈے، پانڈو کرِشن گیا دِرڑائیا۔ جِس ویلے بھگت سُہیلے کھلونے اِک ٹنگے، چاروں کُنٹ اندھیرا چھائیا۔ رام رام کولوں اگمّی منگ منگے، جِس ویلے بنواسی بنیا پاندھی راہیا۔ کلجُگ ویلا انتم سب دے سیِس ہونے ننگے، اوڈھن نظر کوئے نہ آئیا۔ سیِتا سُرت دُھر دے رام شبد کوئی نہ گنڈھے، ساچا سنگ نہ کوئے بنائیا۔ دُھر بھنڈارا مات کوئی نہ ونڈے، دھرنی رووے مارے دھاہیِا۔ جگت جہان جیِو ہونے اندھے، نِج نیتر لوچن نیَن اکھّ نہ کوئے کُھلائیا۔ دیِناں مذہباں بھاگ ہونے مندے، اوتار پَیغمبر گُر پکڑے کوئے نہ باہیِنا۔ پربھ دے نام دے گھر گھر لینے چندے، چند سِتار روون مارن دھاہیِا۔ بھے رہنا نہیں جگت دھار کھنڈے، کھڑگ ملِے نہ کوئے چتُرائیا۔ اُس ویلے پُرکھ اکالا دیِن دَیالا کوُڑی کِریا دنڈے، ڈنڈاوت جگت والی بدلائیا۔ سچ سوامی انترجامی ہو کے بیاسا پار کنارہ لنگھے، اَگا سمجھ کِسے نہ آئیا۔ شبدی دھار بَیٹھ پلنگے، سمبل اپنا رنگ رنگائیا۔ کلجُگ پَینڈے میٹنے لمبے، اَگے پندھ نہ کوئے رکھائیا۔ منوُآ من کرائے دنگے، بُدھ بِبیک نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ وکھائیا۔ پپا کہے میَں پرم پُرکھ دی دھار، پربھ دِتی مان وڈیائیا۔ میَں آیا بیاسوں پار، پرا پسنتی مدھم بَیکھری پِچھلا سنگ نِبھائیا۔ اَگے سندیسہ دیواں دُھر دے یار، جو مالک دُھردرگاہیِا۔ کلجُگ جیِوو ہووو خبردار، بےخبراں خبر سُنائیا۔ کل کلکی اِک اوتار، اوتر اپنا نوُر جوت کرے رُشنائیا۔ جِس دی پاوے کوئی نہ سار، آد انت کہے کوئے نہ رائیا۔ جِس نوُں جھُکدے گُر اوتار، پَیغمبر سیِس نِوائیا۔ جِس نے بھگت بنائے برخوردار، پِتا پوُت گود سُہائیا۔ سَتجُگ تریتا دواپرپائے سار، کلجُگ انتم ویکھ وکھائیا۔ اِکو رنگ رنگا کے پُرکھ نار، اِستری مرد ونڈ نہ کوئے ونڈائیا۔ سچ پریِتی دے ادھار،
اُدر دا لیکھا دئے مُکائیا۔ ایتھے اوتھے سِرجنہار، سِر سِر اپنا ہتّھ ٹِکائیا۔ چؤراسی وِچوں کڈھ کے باہر، رائے دھرم دا پھند کٹائیا۔ چِتُر گُپت نہ مارے مار، لیکھا اوَر رہے نہ رائیا۔ دیوے مان سچّی سرکار، شاہ پاتشاہ ہوئے آپ سہائیا۔ سیِس جگدیِش بخش دستار، دھرم نِشان دئے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ پپا کہے میَں کرن آیا پرکھ، پرم پُرکھ دِتی وڈیائیا۔ نہ کوئی سوگ نہ کوئی ہرکھ، چِنتا غم نہ کوئے جنائیا۔ جِنہاں نوُں میرا صاحِب دیوے درس، انتر درِشٹی دئے کُھلائیا۔ جنم کرم دی میٹے حرص، ہوَس کوُڑی دئے گوائیا۔ مِہربان ہو کے کرے ترس، رحمت رحیِم سچ کمائیا۔ دیوے وڈیائی اُپر فرش، عرشا ں اپنا رنگ رنگائیا۔ امرت میگھ دیوے برس، بوُند سوانتی آپ ٹپکائیا۔ جُگ جنم دی بیننتی آشا پوُری کرے عرض، آرزو اپنے وِچ مِلائیا۔ غریِب نِمانیاں ونڈے درد، دُکھیاں ہوئے سہائیا۔ شرع چُھری نہ کٹے کرد، قاتل مقتُول دا ڈیرہ ڈھاہیِا۔ یودھا سوُربیِر بن مرد، مرد مردانہ ویکھ وکھائیا۔ کلجُگ انتم میٹے اندھیرا گرد، سَت جوت کرے رُشنائیا۔ ایہو کھیل پربھوُ اسچرج، جُگ جُگ بھگتاں دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ پپا کہے میَں بن آیا پردیشی، پرم پُرکھ دِتی وڈیائیا۔ سرِشٹی درِشٹی ساری ویکھی، چاروں کُنٹ دھیان لگائیا۔ لیکھا جانیا بدی نیکی، انتر نِرنتر بھیوَ رہیا نہ رائیا۔ کِسے نہ ہووے بُدھ بِبیکی، پتت پُنیِت نہ کوئے کرائیا۔ جِدھر ویکھاں کوُڑ کُڑیارا بھیکھی، کلجُگ بھجےّ واہو داہیِا۔ جھگڑا پیا مُلّا شیخی، مسائک رہے کُرلائیا۔ لکھّ چؤراسی نظر آئے کوئی نہ بھیتی، اگلا بھیوَ نہ کوئے چُکائیا۔ پرم پُرکھ دا نام کلجُگ جیو جاندے ویچی، قیِمت ہٹّاں وِچ پوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پپا کہے میَں پرم پُرکھ دی دھارا، دھرم دی دھار اِک دِرڑائیا۔ جِس دا نوُر ظہوُر نوَ اوتارا، نر نرائن اِک اکھوائیا۔ جِس دا لیکھا کاغذ قلم نہ لِکھنہارا، شاہی چلے نہ کوئے چتُرائیا۔ جِس نوُں بیِتے کوٹن کوٹ جُگ لکھّ ہزارا، حضرت بَیٹھے سیِس نِوائیا۔ سجدے کردے وارو وارا، نِو نِو لاگن پائیا۔ در درویش دِسے گُر اوتارا، وِشن برہما شِو خالی جھولیِاں رہے ڈاہیِا۔ سو لیکھا جانے دُھر دربارا، سچکھنڈ نِواسی اگمّ اتھاہیِا۔ کلجُگ انت سِری بھگوَنت دُھر دا کنت سب دی پاوے سارا، مہاسارتھی اپنا حُکم ورتائیا۔ نِرگُن سرگُن سرگُن نِرگُن کھیلے کھیل اگمّ اپارا، اپرمپر سوامی وڈ وڈیائیا۔ بھگت سُہیلے
صوُفی سنت لئے اُبارا، محبان بیِدو اپنا رنگ رنگائیا۔ سو سوامی انترجامی گھٹ نِواسی پُرکھ ابناشی کِرپا کرے پروردِگارا، پاربرہم برہم اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت نِرگُن سرگُن سرگُن نِرگُن جوتی جاتا لئے اوتارا، اوتر اپنا روُپ انوُپ درسائیا۔