کتب خانہGranth 22 (Shahmukhi)

۱۴ مگھّر شہنشاہی سمت ۷ ہرِ بھگت دوار جیٹھوُوال رات نوُں ضِلع امرتسر

مقبرہ کہے جِس ویلے میرے اندر رکھی لاش، محمد مُنہ دے بھار ٹِکائیا۔ اوہ خود خُدا نے کِہا شاباش، مِہربان مِہر نِگاہ اُٹھائیا۔ تیرا لیکھا پوُرا ہووے خاص، خالص اپنا حُکم ورتائیا۔ تُوں پاتالاں وِچ کریں تلاش، بِن نیَناں نیَن اُٹھائیا۔ میَں آواں اُتوں آکاش، بِن تن وجوُد ویس وٹائیا۔ کراں کھیل تماش، اگمّ اتھاہ بےپرواہیِا۔ سچ کریں وِشواس، وِشوَ دا بھیوَ کُھلائیا۔ راہ تکے شنکر اُتے کَیلاش، برہما اکھّ اُٹھائیا۔ وِشن پوُری ہووے آس، اپنی کل پرگٹائیا۔ سچ دسّاں تیری اُمت دی انت رہنی نہیں شاخ، شناخت نظر کوئے نہ آئیا۔ جھٹ فرمانا دِتا آکھ، واحد اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ مقبرہ کہے محمد دے ہتّھ سی اُپر چھاتی، پُشت پناہ ٹِکائیا۔ لیکھ لِکھیا سی نال قلم دواتی، حرف سمجھ کِسے نہ آئیا۔ جگت زِندگی جگت حیاتی، جگت جیِون جگت وڈیائیا۔ جِس اُمت دی کریں راکھی، راکھا ہو کے ویکھ وکھائیا۔ تُوں بن کے مِٹّی خاکی، مقبریاں وِچ ڈیرہ لائیا۔ اؤہ تکّ کھیل ابناشی، ہرِ کرتا کی کار کمائیا۔ جِس تیری بنائی راسی، رستہ دِتا وکھائیا۔ اُمت جنا داسی، سیوا سچ سمجھائیا۔ انت ہونی وِناسی، مِٹّی خاک وِچ سمائیا۔ خوشی وِچ آؤندی ہاسی، ہسّ کے رہی سُنائیا۔ صدی چؤدھویں لیکھا پوُرا ہووے باطن باتی، بے وطنا لیکھ رہے نہ رائیا۔ تیرے ہتّھاں دی پاتی، پتّرا دئے گواہیِا۔ چار یار شرع دے رہنے نہیں جماعتی، سنگی سنگ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ مقبرہ کہے میَں خُدا دا سُنیا کلام، محمد پاسا نہ سکیا بدلائیا۔ تَینوُں شرع دا بنایا غُلام، زنجِیر کلمے دا پائیا۔ اکھّراں نال اِطلاع دِتی عام، بےخبراں خبر سُنائیا۔ مومن ہو تمام، کافر رہن کوئے نہ پائیا۔ بندہ خاکی اِنسان،

خاکی خاک نال وڈیائیا۔ مُحبّت دے نؤجوان، پیار وِچ وڈیائیا۔ کلمہ کرے کلیان، درگاہ سچ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ مقبرہ کہے خود خُدا نے کیِتا مُخاطب، مُخبر کلمہ دِتا بنائیا۔ میَں انت سب دا کرنا تعاقب، پِچھے لگّا تھاؤں تھائنیا۔ محمد تیری مکّے کعبے والی جانب، گوشہ کونا پھول پھولائیا۔ اُس ویلے پیار رہنا نہیں مانَس مانَو، مانَوتا وِچ نہ کوئے وڈیائیا۔ نام کلمے والے راکش بننے دانوَ، دَینت کوُڑ والے اکھوائیا۔ اوتار پَیغمبراں حُکم موُل نہ مانن، منسا من نال رلائیا۔ میرا ظہوُر نوُر موُل نہ جانن، جانکاری نہ کوئے درسائیا۔ جوُٹھ جھوُٹھ خاک چھانن، محمدا تیرے مقبرے دی مِٹّی خاک دئے گواہیِا۔ پھیر میرا کھیل ہووے زِمیں اسمانن، چؤداں طبقاں حُکم ورتائیا۔ چاروں کُنٹ اندھیری شامن، ساچا چند نہ کوئے چمکائیا۔ تیری لاش نے کِسے دا بننا نہیں ضامن، اَگے ہو نہ کوئے چُھڈائیا۔ پربھ لیکھا پوُرا کرنا جو لہنا نال باوَن، شُکر پُروہت ونڈ ونڈائیا۔ چاروں کُنٹ ہووے ترِسنا طامن، سانتک سَت نہ کوئے کرائیا۔ سُن میرا اگمّا پَیغامن، فرمانا دُھردرگاہیِا۔ ثابت رہنا نہیں کِسے اِیمانن، عمل سچ نہ کوئے کمائیا۔ برہم وِدیا والا دِسے نہ کوئے براہمن، کھتری شوُدر وَیش دین دُہائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ مقبرہ کہے محمد دی چھاتی اُتے دبائے پنجے، پنج وار ہِلائیا۔ میرے پروردِگار میَنوُں نہیں کوئی رنجے، رنجش وِچ کدے نہ آئیا۔ میری لاش پئی بِنا منجے، ماٹی خاک ڈیرہ لائیا۔ تیری باوَن دھار دھار بَونجے، پنج دو نال درسائیا۔ میرے نیتر موُل وہے نہ ہنجھے، پانی جل نہ کوئے وہائیا۔ تیرے حُکم سدا چنگے، نہ کوئی میٹے میٹ مِٹائیا۔ میَنوُں اِیوں جاپدا تیرے حُکم نال صدی چؤدھویں انت یُدھ چِھڑنا دھام پنجے، پنج دھار نال مِلائیا۔ میری اُمت ساری ونجھے، وَنجھ مُہانا نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ مقبرہ کہے محمد دی بِنا سواس توں عبادت، مقبرے وِچ سیِس نِوائیا۔ صدی چؤدھویں انت میری اُمت دی ہووے شہادت، شہادت جگت نال رلائیا۔ موُسیٰ عیسیٰ میل ہووے نال رفاقت، صداقت سمجھ کِسے نہ آئیا۔ بُدھی جانے نہ کوئے لیاقت ، عقل چلے نہ کوئے چتُرائیا۔ تیری مِہر دی ہووے حماقت، ہمساجن تیری وڈیائیا۔ پر اِک کھیل دِسدا سب نوُں تیرے کلمے دی ہونی لعنت، بِنا تیری کِرپا توں تیری سمجھ کوئے نہ پائیا۔ اُمت دی اُمت نے کرنی مزاہمت، مسلہ دیِن دُنی وکھائیا۔ چاروں کُنٹ آؤنی

شامت، شمعدان نہ کوئے رُشنائیا۔ تیرا لوک ماتی قیام کائنات دی آوے قیامت، کریِم قادر تیری بےپرواہیِا۔ اُس ویلے میَنوُں وی بخشیں نیامت، مِہربان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ مقبرہ کہے کلمے دی دھار لایا نُقطہ، پنج ونڈ ونڈائیا۔ جِتھے پنج پنجاں دا پَینڈا مُکدا، اَگے پندھ نہ کوئے رکھائیا۔ ستّ سمُندراں وہن رُکدا، لہر لہر نال بدلائیا۔ زِمیں اسمان جھُکدا، نِیوں نِیوں سیِس نِوائیا۔ کھیل ویکھیا بھیانک دُکھ دا، دُکھی ہو کے نیَن دبائیا۔ کِسے نوُں سواس نہیں آؤنا سُکھ دا، ہؤکیاں وِچ دُہائیا۔ ناتا رہنا نہیں مات پُت دا، پِتا گود نہ کوئے سُہائیا۔ کلمہ کلمے توں پِھرے لُکدا ، نام نام کولوں مُکھ چُھپائیا۔ کلجُگ گھر گھر پِھرے بُکدا، بھجےّ واہو داہیِا۔ سچ دسّو کِس دے کول جاپ اِک تُک دا، جو اِکو نوُں رہیا دِھیائیا۔ پھیر کھیل ہونا جگت جہان لُٹ دا، شاہ سُلطان لُٹیرا رہن کوئے نہ پائیا۔ مان رہنا نہیں کِسے ٹوپی ٹوپ دا، سیِس دستار نہ کوئے چتُرائیا۔ ڈنکا وجّنا اِکو چوٹ دا، چوٹے سارے دینے کھپائیا۔ پرکاش ہونا اگمّی جوت دا، نِرگُن دھار کرے رُشنائیا۔ وِواہ ہونا لکھّ چؤراسی نال لاڑی مؤت دا، گانے گھر گھر شگن منائیا۔ محمد کِہا میَں انتم کلمہ پڑھنا فؤت دا، فتویٰ خود خُدا دینا لگائیا۔ پھیر حُکم اِکو ہونا بہُت دا، بہُتی ونڈ نہ کوئے ونڈائیا۔ پروردِگار دا وار نہیں کوئی توپ دا، حُکم نال اپنا کھیل کھِلائیا۔ جِس دا درمیان پنج تھاں بننا چؤداں چؤداں سؤ کوس دا، جگت جہان بچیا رہن کوئے نہ پائیا۔ شنکر اوہ تھاں پِھرے کھوجدا، بھجےّ واہو داہیِا۔ جِتھے دیِن مذہب جھگڑا مُکاؤنا روز دا، روزہ نماز دا لیکھا رہے نہ رائیا۔ انتم ارداسا ہونا اِکو بھوگ دا، دوُجی ونڈ نہ کوئے ونڈائیا۔ پھیر کھیل تکنا پربھوُ دی مؤج دا، جو مؤجوُدہ ہو کے اپنا حُکم ورتائیا۔ گھمسانا ویکھنا نؤ کھنڈ پرِتھمی فؤج دا، فؤجدار دُھر دا اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت جہان اِچھیا وِچ کدے نہ سوچ دا، دُھر دا حُکم حُکم نال ورتائیا۔

۱۷ مگھّر شہنشاہی سمت ۷ دلیِپ سِنگھ، رتن سِنگھ، سُچا سِنگھ، جرنَیل سِنگھ، بھان سِنگھ، سُلکھّن سِنگھ، جگجیِت سِنگھ، پریِتم سِنگھ تے ہرجیِت سِنگھ،

دربار دے کھیتاں وِچ کمّ کرن والیاں نوِت ہرِ بھگت دوار جیٹھوُوال رات نوُں ضِلع امرتسر

پُرکھ اکال کہے میری شبد دھار دی گاتھا، جگت رسنا نہ کوئے وڈیائیا۔ میرا حُکم حُکم سمراتھا، آد انت جُگا جُگنت چلیا آئیا۔ دھرم دی دھار چلدا راتھا، نِت نوِت اپنی سیو کمائیا۔ جِس ویلے وِشنوُں نوُں بخشیِاں داتاں، بھنڈارا حق حق ورتائیا۔ چرن دھوُل دا دے کے آٹا، بھنڈارا بھرپوُر دِتا وکھائیا۔ دو جہان وکھا کے احاطہ، لکھّ چؤراسی بھیوَ کُھلائیا۔ میَں سب دا پِتا ماتا، تُوں ونڈنہار رِزق سبائیا۔ میرا اگمّ اتھاہ کھاتہ، نِکُھٹ کدے نہ جائیا۔ تیرا نِرگُن روُپ جوتی جاتا، جاگرت جوت اِک رُشنائیا۔ حُکم دیوے اِکو سرب کلا سمراتھا، بھیوَ ابھیدا آپ کُھلائیا۔ وِشنوُں میری یاد وِچ پنج دِن کٹنا فاقہ، فِکر اگلا لیَنا بنائیا۔ اِکو لیکھا برہمے نال ورتنا بن کے ساکہ، ساکار اپنی کھیل کھِلائیا۔ شنکر پنج دِن کُچھ نہیں آؤنا ہاتھا، اِکو میرا دھیان لگائیا۔ سوُریہ چنّ رکھن آسا، دیوت سُر سیِس جھُکائیا۔ میرا حُکم بہُہ بِدھ بھانتا، سِر سِر آپ بُھگتائیا۔ نِرگُن سرگُن ویکھ کھیل تماشا، سد اپنی جوت پرگٹائیا۔ منڈل منڈپ پاواں راسا، برہمنڈاں کھنڈاں ویکھاں چائیں چائنیا۔ پِھراں پرِتھمی آکاشا، گگن گگننتراں پھول پھولائیا۔ پنجاں تتاں پوُری کراں آسا، ترِسنا ترِکھا آپ بُجھائیا۔ سرگُن روُپ بنا شاہو شاباشا، جوتی شبد دھار پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ پُرکھ اکال کِرپا کیِتی اپار، اپرمپر دَیا کمائیا۔ جو سرگُن بھیجدا رہیا اوتار، نِرگُن اپنا حُکم ورتائیا۔ پنج دِن ہر اِک ورت رکھدا رہیا وِچ سنسار، انّ نہ مُکھ چُھہائیا۔ جگت ریِتی دے ادھار، صبر صبوُری نال سمجھائیا۔ ایہہ کھیل اگمّ نِرنکار، نِروَیر اپنے ہتّھ رکھائیا۔ پَیغمبراں دے سہار، پُشت پناہ ہوئے سہائیا۔ پنج دِن کھانا نہیں اہار، عیسیٰ موُسیٰ محمد حُکم دِرڑائیا۔ سارے جھُک کے کرن نِمسکار، سِر سکے نہ کوئے اُٹھائیا۔ ایہہ لیکھا ورتدا رہے جُگ چار، گُر دس نال مِلائیا۔ جِس ویلے نانک نے ماری پہلی اُڈار، پنج دِن انّ نہ مُکھ لگائیا۔ گُر ارجن نے تتی لوح تے بہن توں پہلاں پنج دِن کیِتا نہیں اہار، دُھر دھیان وِچ وِچ آپ ٹِکائیا۔ ہرِ گوبِند پہن میِری پیِری کٹار، پِچھوں پنج دِن پُرکھ اکال وِچ دھیان لگائیا۔ تیغ بہادر

پُج دِلی دربار، دِوس پنج انّ دانہ رسن نہ کوئے چُھہائیا۔ گوبِند جِس ویلے ماچھوُواڑے سُتا پَیر پسار، کیِڑی اپنا دھنّ بھیٹ کرائیا۔ رو کے کیِتی نِمسکار، بِن نیَناں نیِر وہائیا۔ اُٹھ کھا میری سرکار، بِنا پیِہن پکاؤن توں تیرے اَگے ٹِکائیا۔ گوبِند کر پیار، سہج نال سمجھائیا۔ اوہ تکّ کھیل اگمّ اپار، الکھّ اگوچر کی کار کمائیا۔ جِس نے سب دا لہنا دینا پوُرب قرض دینا اُتار، اُتّر پوُرب پچھّم دکھّن ویکھ وکھائیا۔ جِس ویلے صدی چؤدھویں آئی ہار، چؤداں طبق چؤداں لوک روون مارن دھاہیِا۔ اُس ویلے کل کلکی لئے اوتار، پُرکھ اکالا دیِن دَیالا آوے واہو داہیِا۔ جن بھگتاں پَیج دیوے سوار، سِر سِر اپنا ہتّھ ٹِکائیا۔ نالے لہنا دینا پوُرا کرے جو رام دے ساتھی ایُدھیا توں گئے باہر، نال بھجےّ واہو داہیِا۔ رو رو کے کردے گِریہ زار، نیتر نیَناں نیِر وہائیا۔ ایُدھیا آؤ میری سچّی سرکار، سِر سب دے ہتّھ ٹِکائیا۔ رام نے ہسّ کے کِہا مِترو تُسیں میرے سجّن یار، سندیسہ دیواں چائیں چائنیا۔ جھٹ سیِتا بانہہ لئی اُلار، ہتّھ جوڑ کے سیِس نِوائیا۔ تُسیں ویکھو اپنا گھر بار، اَگے پندھ نہ کوئے ودھائیا۔ جِنہاں وِچوں نؤ رو پئے زارو زار، اُچی کوُک کوُک سُنائیا۔ اسیں تیرے سیوک برخوردار، سیوا کرکے جھٹ لنگھائیا۔ سانوُں لوڑ نہیں راج دربار، اسیں کِرسانے کِرسانی کر کے تیرے اَگے ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ رام ہسّ کے کِہا میرا حُکم کرو پروانا، پروانگی نال جنائیا۔ میرا رام رام مِہربانا، مِہر نظر اُٹھائیا۔ اوہ تکو تریتا دواپربدل جانا زمانہ، کلجُگ انتم آئیا۔ تُہاڈا پھیر جنم ہووے جگت وِچ اِنسانا، چؤراسی وِچ نہ کوئے بھوائیا۔ ملِے میل سِری بھگوانا، جو شاہ پاتشاہ سچّا شہنشاہیِا۔ تُہاڈا لیکھےلاوے جنم کرم دا کِرسانا، کِرسانی کر کے اپنی خوشی بنائیا۔ تُہانوُں مان دین دا میرا بہانہ، سہج نال سُنائیا۔ جھٹ سیِتا گایا خوشی وِچ گانا، دُھر دے رام تیری بےپرواہیِا۔ تیرا تَیتھوں نہ ہوئے کدے بیگانہ، دوُسر ونڈ نہ کوئے ونڈائیا۔ اِنہاں نؤاں نوُں ضرور کریں پروانہ، سِر اپنا ہتّھ رکھائیا۔ سو لیکھا پوُرا کرے والی دو جہاناں، دوہرا اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے ایہہ وقت سُہنجنا سُہاوا، سچ سچ جنائیا۔ جِنہاں نؤواں نے کیِتا دعویٰ، پریم پیار وِچ سیِس جھُکائیا۔ دلیِپ سِنگھ رتن سِنگھ پریِتم سِنگھ سُچا سِنگھ نال سانوا، جرنَیل سِنگھ ذرا ذرا جوڑ جُڑائیا۔ سُلکھّن سِنگھ لیکھے لگّن دوویں باہواں، بھان سِنگھ اپنا رنگ رنگائیا۔ جگجیِت سِنگھ نال رلایا

ناواں، نام نام نام سمجھائیا۔ ہرجیِت ہویا نہیں وِچھوڑا نال بھراواں، در ٹھانڈے مِل کے وجےّ ودھائیا۔ جِنہاں دے انتر آتم سَتگُر شبد کہے میَں پریم دا ہل چلاواں، کرم دھرم بَیل نال مِلائیا۔ جِنہاں اپنا چھڈیا دیس گراواں، سچ گھر بَیٹھے آسن لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سَتگُر شبد کہے پنج دِن دِوس دا وِہار، اوتار پَیغمبر گُروُ پوُر کرائیا۔ ایہہ کھیل شاہ پاتشاہ سچّی سرکار، شہنشاہ اپنا حُکم ورتائیا۔ جِس دی آد جُگاد اگمّ کار، دُھر دی کرنی کار کمائیا۔ سو ویکھے وِگسے پاوے سار، مہاساربی اپنا پڑدا آپ اُٹھائیا۔ ایتھے اوتھے دیوے ادھار، اُدر دا لیکھا دئے چُکائیا۔ جِس ویلے اٹھاراں مگھّر دا پہلے مِنٹ دا چڑھے دِہاڑ، دِوس اپنا پندھ مُکائیا۔ نؤ گُرمُکھ آٹا لیَنگے چھان، شانتی نال سیِس جھُکائیا۔ پرسادا کریگی ترِپت نال دھیان، چرنی پانی آٹے وِچ پائیا۔ پُھلکا پکاویگی جُگِندر نؤجوان، دوِندر تھلّے لاہوے چائیں چائنیا۔ گُردرشن اُتے چِٹی چادر دیویگی تان، سُرجیِت کؤر منجیِت کؤر امیِر چند گُلاٹی مِل کے شبد گاون چائیں چائنیا۔ وریام کؤر پنج دانے لےَ کے دھان، چُلحہ وِچ دئے ٹِکائیا۔ بلوِندر بلجِندر گُرمیِت تِنّے کر اِشنان، چِٹے بستر پا کے مستک کالا ٹِکاّ لیَن لگائیا۔ باقی ساری سنگت ہتّھ رکھ کے اُتے کان، باراں وجے بھگت دوارے بَیٹھن چائیں چائنیا۔ پریِتم سِنگھ امرجیِت سِنگھ کِھچّ ننگی کِرپان، پہریدار ہو کے دُھر دی سیو کمائیا۔ لِکھاری ہونے سوادھان، سَوا سَوا سیر آٹا سِر دے اُتے ٹِکائیا۔ ایہہ لیکھا چار جُگ دا گُر اوتار پَیغمبراں دا ہووے پروان، پروانے گُرمُکھاں ہتّھ پھڑائیا۔ جاگیِر کؤر جاگیِر کؤر بلونت کؤر تے پیارو چارے جگا کے شمعدان، بِشن کؤر دے کول دین ٹِکائیا۔ پربھ نے بدل دینا وِدھان، وِدیا دا لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ دُھر دا حُکم حُکم یتھارتھ، نہ کوئی میٹے میٹ مِٹائیا۔ ہرجیِت سِنگھ حاضر کرے رات دے باراں وجے چھتّی پدارتھ، جیہڑے اِشارے نال اندر دِتے سمجھائیا۔ اِس وِچ پربھ دا نہیں کوئے سوارتھ، جن بھگتاں دی بُھکھ ننگ دئے کٹائیا۔ گُرمُکھو تُہاڈی آتم پرماتم بن جائے پرمارتھ، پرم پُرکھ دُھر دا لیکھا لئے لگائیا۔ اوہ ویکھو تُہاڈے کول آ گیا نارد، کنّ کُھرک کے رہیا وکھائیا۔ جن بھگتو کیوں پربھ اُتے لاؤن لگّے گارد، میَنوُں دیؤ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نارد کہے میَں ویکھیا تُہاڈا صاحِب بُھکھا، بُھکھیاں بُھکھ گوائیا۔ جیہڑا جؤ دا ٹُکر کھاوے

سُکا، سُکھمن ٹیڈھی بنک تُہاڈی پار کرائیا۔ میَں نِشانیوں کدے نہ اُکا، جُگ جُگ بھجّاں واہو داہیِا۔ ہُن اوتار پَیغمبر گُروُآں پَینڈا مُکا، مُکمل دیاں جنائیا۔ جِدھر ویکھاں اودھر پَینیِاں لُٹاں، لُٹیرا بنیا بےپرواہیِا۔ جِس نے لیکھے لایا گوبِند دے نیہاں ہیٹھ دُلارے سُتا، سَت دا مالک کھیل کھِلائیا۔ اوہدیِاں مؤلن لگّیاں رُتاں، رُتڑی اپنے نال مہکائیا۔ میَں ضرور باراں وجے تُہاڈے کول پُجاں، آواں چائیں چائنیا۔ پر یاد رکھیو غُصّے غم وِچ کِسے دا مُنہ ہووے نہ سُجا، اَدھی راتیں خوشیاں وِچ خوشی دے ڈھولے گائیا۔ جیہڑا مالوے والیاں بھیٹا کیِتا مِشری دا کُجا، گھر گھر سیو کمائیا۔ اوہ رکھنا بھگت دوار ہرِ سِنگھاسن تھلّے اُتے بسُدھا، دھرنی اُتے ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا آد انت کِسے نہ بُجھا، بھیوَ ابھیدا سمجھ کِسے نہ پائیا۔

۱۸ مگھّر شہنشاہی سمت ۷ ہرِ بھگت دوار جیٹھوُوال ضِلع امرتسر
رات باراں وجے دِن دے پہلے مِنٹ ہی سماں ۰۱- ۰۰

اٹھاراں مگھّر دے بیِتے دو پل، پہلی گھڑی پوُرن ہون تے آئیا۔ ایہہ پوُرب لیکھا پوُرا کیِتا بل، جو سمگری اشومیدھ جگ ٹِکائیا۔ بُھکھا بن اچھل اچھلّ، باوَن لہنا دِتا چُکائیا۔ جِس دا لیکھا جل تھل، مہیئل رہیا سمائیا۔ اپنا حُکم رکھے اٹل، نہ کوئی میٹے میٹ مِٹائیا۔ سِدھا ہو کے بھگتاں ولّ، ولولے سارے دئے کڈھائیا۔ آتم پرماتم دھار رل، جوتی جاتا ڈگمگائیا۔ جِس لیکھا میٹنا کلجُگ کل، کلکاتی دئے کھپائیا۔ جِس دی سمجھے کوئے نہ گلّ، بھیوَ ابھید نہ کوئے جنائیا۔ اوہ سب دا لیکھےلاوے پریم پیار دا ہل، ہؤلا بھار سرب وکھائیا۔ چھتّی پدارتھ دیوے پھل، پھلی بھوُت دئے بنائیا۔ جگت دوَیت میٹ کے سلّ، پریم پریِتی اِک بندھائیا۔ بھاگ لگا کے کایا ماٹی کھل، خلق توں باہر کرے رُشنائیا۔ لہنا پوُرا کرے ڈوُنگھی ڈل، اندھ اندھیر دئے چُکائیا۔ ستاراں مگھّر دی رَین گئی ڈھل، اٹھاراں اپنی لئے انگڑائیا۔ دُھر دا حُکم رہیا گھل، سندیسہ اگمّ اتھاہیِا۔ اٹھاراں مگھّر کہے جو لیکھا ہویا آج، عجب دیاں جنائیا۔ ایہہ لہنا پوُرا ہویا بل، جِس سیِس توں لاہ کے تاج، آپ اپنا مان گوائیا۔ مان چھڈ کے تخت راج، رعیت سیو کمائیا۔

دھرم دی دھار جان کے کاج، سچّی کرنی کار کمائیا۔ جھگڑا چھڈ کوُڑ سماج، سمگری سچ ٹِکائیا۔ جِس دا رسنا نال نہ ویکھیا سواد، جِہوا رس نہ کوئے چکھائیا۔ بھوگ لگایا رِشیاں ورتایا بعد، پروس کے دِتا وکھائیا۔ سیِس جھُکایا تُوں مالک اِک آد، انت تیری وڈیائیا۔ تُوں وسیں جُگ جُگاد، چؤکڑی سوبھا پائیا۔ میری رکھنی لاج، در ٹھانڈے منگ منگائیا۔ جِس کارن براہمن بُڈھا بنیا اپاہج، باوَن ویکھ وکھائیا۔ شبد سُنا کے بودھ اگادھ، چار ویداں رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ چھتّی بھوجن کہن ساڈی صِفت گائی راگ چھتّی، چھتّی جُگ اندھ غُبار جنائیا۔ سانوُں کھاندے رہے دند بتّی، بتّی سپارے کوُک کوُک سُنائیا۔ ساڈا ترس نہ آیا کِسے رتی، اوتار پَیغمبر گُر سِر ہتّھ نہ کوئے ٹِکائیا۔ اسیں سڑدے رہے اگنی تتی، سڑ سڑ اپنا آپ بدلائیا۔ حُکم منّدے رہے کملاپاتی، جو پت پرمیشور بےپرواہیِا۔ تن وجوُد کردے رہے ستی، سَت دے اَگے بھیٹ چڑھائیا۔ ساڈی پھیر ہوئی نہ گتی، جُگ جُگ آسا گئے رکھائیا۔ سانوُں باوَن نے سہج نال اِک گلّ سی دسّی، ہؤلی ہؤلی دِرڑائیا۔ جِس ویلے سب دا مالک آیا کملاپاتی، پت پرمیشور بےپرواہیِا۔ تُہاڈا لہنا دینا پوُرا کرے ہتّھو ہتّھی، ہتھیلی اُتے ٹِکائیا۔ جِس دی کہانی جائے نہ کتھی، اگمّ اتھاہ وڈیائیا۔ تُہاڈی پَیج جائے رکھی، سِر اپنا ہتّھ رکھائیا۔ بھگت سُہیلے بنا کے سکھی، سُخن میرا پوُر کرائیا۔ ایہہ کھیل وکھائے اکھّیں، پردہ اکھّیِاں اُتوں اُٹھائیا۔ جِس ویلے دھنّ دؤلت لُٹی جانی کروڑی لکھّی، غریِباں ملِے وڈیائیا۔ شاہ سُلطانا ہووے کوئے نہ پکھّی، سگلا سنگ نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پدارتھ کہن حُکم سُنیا سچّی سرکار، جو باوَن دِتا دِرڑائیا۔ نِرگُن آوے اپنی دھار، پُرکھ اکالا بےپرواہیِا۔ جِس نوُں کہندے سانجھا یار، مِتر پیارا اِک اکھوائیا۔ جِس بھگتاں کرنا اُدھار، کلجُگ انت لئے ترائیا۔ چھتّی چھتّی بنا کے بھگت دوار، بھگوَن اپنے رنگ رنگائیا۔ سانوُں کدے نہ دئے وِسار، وِسریاں گلے لگائیا۔ ساڈا گرِہ کرے اُجیار، جگ دیوے مان وڈیائیا۔ پھیر سارے کریئے نِمسکار، نِیوں نِیوں سیِس جھُکائیا۔ بیننتی سُنے آپ کرتار، ہرِ کرتا وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چھتّی پدارتھ کہن جن بھگتو ساڈی پھڑ لؤ بانہہ، ہتّھ اُپر دیؤ اُٹھائیا۔ سب دا اِکو پِتا تے اِکو ماں، دوُجی جمّن والی کوئے نہ مائیا۔ ساڈی ہاں وِچ کرو ہاں،

نانہہ سکے نہ کوئے سُنائیا۔ جِس طرح تُہاڈا بھگت دوارے دا تھاں، چھتّی چھتّی لمبائی چؤڑائیا۔ ایسے طرح ساڈا لنگرکھانا دیؤ بنا، جِس وِچ وسیئے چائیں چائنیا۔ پھیر تُہانوُں رجّ کے دئیے کھوا، بُھکھ ننگ رہن نہ پائیا۔ دیِن مذہب دا ویروا دئیے مِٹا، ذات پات نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چھتّی پدارتھ کہن ساڈا دوارا اُچا ہووے تیراں فُٹ، بہُتی منگ نہ کوئے منگائیا۔ اِٹّاں لاؤنیِاں گھُٹ گھُٹ، اِک دوُجی نال چُھہائیا۔ پھیر چاروں کُنٹ پئے لُٹ، لُٹیرا نظر کِسے نہ آئیا۔ ماواں وِچھڑنے پُت، پِتا گود نہ کوئے سُہائیا۔ جن بھگتاں مؤلنی رُت، رُتڑی پربھ نال مہکائیا۔ سیوا کرنی سب نے ہو کے خوش، خوشیاں رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ چھتّی پدارتھو میَں آ گیا جُگ جُگ دا پاندھا، نارد رہیا سُنائیا۔ میرے بِنا تُہانوُں کوئی نہ کھاندا، کھاوَن والا اِکو پنڈت بودی والا سوبھا پائیا۔ کیوں میَں دُدھ نہیں چُنگھیا کِسے ماں دا، مما سیِر نہ مُکھ چوائیا۔ میَں ماس نہیں کھاندا سوُر گاں دا، مذہباں ونڈ نہ کوئے ونڈائیا۔ میَں ونجارا بنیا نہیں کِسے بدلن والے ناں دا، ناؤ نِرنکارا اِکو گائیا۔ میَں اِشارہ کیِتا نہیں واہ واہ دا، واہ واہ وِچ صِفت صالاحیِا۔ میَں بل تکیا نہیں کدے کِسے دی بانہہ دا، جھگڑے وِچ کدے نہ آئیا۔ میرا اجّ دِہاڑا سوہنا ہویا چاء دا، چاؤ گھنیرا اِک وکھائیا۔ میرا سماں ہویا لاہ دا، لہنیدار اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ جن بھگتو تُسیں بڑے چلاک، چلاکی اپنی دِتی وکھائیا۔ دُنیا سُتی اَدھی رات، سُتیاں کوئے نہ لئے انگڑائیا۔ تُساں بنا کے سوہنی بھات، بھانت بھانت دے کھانے بھگت دوارے لئے ٹِکائیا۔ میری کِسے نہ پُچھی وات، صدّا دے نہ کوئے منگوائیا۔ میَں چھیتی پہنچیا پندھ مُکایا بھاج، دھرتی قدم نہ کوئے ٹِکائیا۔ میَں کھیل تکیا جِس ویلے جلائی آگ، اگنی اگّ اگّ تپائیا۔ میَں پِھردا رہیا جِس ویلے آٹا چھانیا وِچ پرات، ہیٹھاں وڑ کے ویکھ وکھائیا۔ گنھن لگّیاں اُتوں دِتی داب، میری ہڈّی پسلّی دِتی دبائیا۔ میَں پھیر وجایا ناد، کُبیر دِتا سُنائیا۔ وِشنوُں دِتا آکھ، پردہ نہ رکھیا رائیا۔ کُچھ میری گلّ بھاکھ، بھاشا جگت نہ کوئے جنائیا۔ اُٹھ ویکھ کی کھیل ہُندا ادھی رات، رَین بِھنڑی نال رلائیا۔ لیکھا لِکھیا جاندا نال قلم دوات، لِکھاری لِکھن چائیں چائنیا۔ جِنہاں سوا سیر دی گٹھڑی چُکی ساتھ، بل تیرا بھنڈارا پِچھلا سنگ رکھائیا۔ جوتی جوت سروُپ ہرِ، آپ اپنی کِرپا کر، دیونہارا

ساچا ور، سچ دا حُکم اِک ورتائیا۔ نارد کہے ایسے طرح بل چار جُگ دے جگائے سی چراغ، چراگاہاں ہوئی رُشنائیا۔ کلجُگ انت جن بھگتاں اندھیرا میٹے داغ، دُرمت میَل دھوائیا۔ اپنے ہتّھ پکڑے واگ، دوُسر ڈوری نہ کوئے بندھائیا۔ ہرِجن سارے گئے جاگ، سویا رہن کوئے نہ پائیا۔ جِس دِن گوبِند پہلی وار اپنی اُنگل بٹھایا باز، دیِپک چار کر رُشنائیا۔ چؤتھے جُگ بدل دینا سماج، سمگری سچ ورتائیا۔ ماتا گُجری دِتا آکھ، سہج نال سُنائیا۔ ایہہ کدوں پوُری ہووے آس، پردہ دے اُٹھائیا۔ گوبِند ہسّ کے کِہا جِس ویلے نِرگُن نوُر جوت ہووے پرکاش، پُرکھ اکالا بےپرواہیِا۔ اُس ویلے سب دا لیکھا لئے واچ، واچک ہو کے کھوج کھوجائیا۔ تیرا لہنا دینا ہووے ساتھ، سگلا سنگ بنائیا۔ تیرے نوُر وِچوں نوُر ہووے پرکاش، پوُرن پُرکھ بےپرواہیِا۔ جو سب دی پُچھے وات، بےوطناں لئے مِلائیا۔ ایسے کارن چار دیِپک بِشن کؤر نوُں دِتے دات، دَیاوان دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نارد کہے جن بھگتو جِنھ نیترہیِن بنایا انھیا، اَدھی رات انّ ہتّھ کِسے نہ آئیا۔ پِچھے جوتاں جگاؤندیاں سی کواریِاں کنّیا، لاٹاں والی سیِس نِوائیا۔ اَگے سب دا ٹھیِکر بھنّیا، لیکھا اوَر رہے نہ رائیا۔ ایسے کرکے تِنہاں کرایا اِشنانیا، شنکر دی منسا پوُر کرائیا۔ لیکھا پوُرا ہویا باراں سؤ ستاسی انک نال پنّیا، بھیوَ ابھید رہیا نہ رائیا۔ سچ پرکاش دیِپک اِکو چنّیا، چند سِتار سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نارد کہے جن بھگتو کھان لئی رکھیا بہُت کُچھ، کُچھ میَنوُں دیؤ کھوائیا۔ میَں ویکھو تازی کٹا کے آیا داہڑی مُچھ، مُشکل مُنہ دے نال کھان لگّیاں رہے نہ رائیا۔ کیوں سارے ہو گئے چُپ، اُچی کوُک کے دیؤ دِرڑائیا۔ سارے کہو پنڈتا چاروں کُنٹ پَینی لُٹ، تُوں وی جا تھاؤں تھائنیا۔ نارد پُٹھا کر کے ٹُھٹھ، ٹھوُٹھا رہیا وکھائیا۔ میَں پِھر کے آیا لہِندی چڑھدی گُٹھ، کونا کونا پندھ مُکائیا۔ اِیوں دِسدا کِسے نوُں پانی نہیں مِلنا گھُٹ، آب ہتّھ کِسے نہیں آئیا۔ میَں راہ وِچ آؤندے ویکھیا تارا چند رہیا ٹُٹ، ٹُٹیاں پھیر نہ کوئے جُڑائیا۔ صدی چؤدھویں ناتا رہیا چُھٹ، میلا اَگے نہ کوئے مِلائیا۔ میَں جگت جہان تکیا خالی دِسے بُت، بُتخانے روون مارن دھاہیِا۔ میَں ہور ویکھیا جن بھگت چوری کردے لُک، لُک لُک اپنی خوشی بنائیا۔ تُوں میرا میَں تیرا ڈھولا گاؤندے اگمّی تُک، آتم پرماتم وجےّ ودھائیا۔ باہروں چھتّی پدارتھ لئے چُک، بھگت دوارے وِچ ٹِکائیا۔ جِتھے بِنا بھگتاں توں کوئے نہ سکے پُج، خالی ہتّھ

نہ کوئے اُٹھائیا۔ میَں آؤندا آؤندا وِشنوُں نوُں مار کے آیا ہُجھ، ہلوُنا دِتا لگائیا۔ برہمے نوُں کِہا میری بات بُجھ، کی ایہہ کھیل کی لوک مات کھیل کھِلائیا۔ شنکر نوُں دسّ کے آیا ایَویں نہ بہویں رُٹھ، رُسیِاں ہتّھ کِچھ نہ آئیا۔ پھیر سب دا بِنا ہتّھاں توں ہتّھ لیا گھُٹ، زور نال دبائیا۔ جوتی جوت سروُپ ہرِ، آپ اپنی کِرپا کر، سد مِہر نظر اُٹھائیا۔ نارد کہے جن بھگتو ایہہ خوشیاں والا ستّواں برس، میَں بھگت دوارے وِچ خوشی بنائیا۔ عرش توں آیا اُتے فرش، بھجّیا واہو داہیِا۔ ایہہ چھتّی پدارتھ تُہاڈا براہمن ہو کے کھاواں ویکھیو تُسیں نہ پئیو ترس، من وِچ دھیان لگائیا۔ تُسیں میری بودی دا کرو درس، میَں تُہاڈا پکوان کھا کے اپنا جھٹ لنگھائیا۔ پر اِک دُکھ کِسے دے کول ہتّھ وِچ پھڑن والا نہیں پرس، نہیں تے ایہہ لیکھا پَیرس وِچ دینا سی پہنچائیا۔ اوہ ویکھو امریکہ والیاں نوُں ایہدی غرض، برطانیہ اکھّاں رہیا اُٹھائیا۔ رشیِا والے کرن عرض، نمو نمو سیِس جھُکائیا۔ اوہ تڑپھدے جِنہاں چُھری بنائی شرع کرد، قتل گاہ ویکھن جگت لوکائیا۔ پر تُسیں میرا ونڈیو درد، دردی ہو کے لہنا دیواں چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ نارد کہے پربھوُ تُوں آد جُگاد جوت ربّی، نوُر نوُرانہ اِک اکھوائیا۔ ہُن کیوں چھتّی پدارتھاں دا بن گِیوں لبی، لالچ کھان پین والا رکھائیا۔ جھٹ سندیسہ مِلیا یدی، ناردا اکھّاں لےَ اُٹھائیا۔ اوہ ویکھ بُھکھی تِہائی روندی چؤدھویں صدی، صدا اَذاں سچ نہ کوئے سُنائیا۔ گُر اوتار پَیغمبر جاندے لدی، پِچھلا پندھ پندھ مُکائیا۔ ہُن اِکو جوت اگمّی جگی، جاگرت جوت کر رُشنائیا۔ جِس نے پِچھلی میٹی حدی، حدوُد اِک دِتی وکھائیا۔ دو جہان دی سانبھ کے گدّی، گداگر کرے لوکائیا۔ تُوں وی ایس دوارے توں رجّی، جِتھے بھگت جن رجّ کے اپنی خوشی بنائیا۔ پھیر چاروں کُنٹ اُٹھ کے بھجیِّں، بل بُھجاں والا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے بھگتو پنج دِن میَں پِھردا رہیا بھگت دوارے گِرد، نؤ نؤ قدم پِچھے آسن لائیا۔ ویکھدا رہیا انتشکرن اِرد، بِن اکھّاں اکھّ اُٹھائیا۔ میرے نال سی سیِتا نوُں ہرن والا مِرگ، جو اپنا روُپ وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نارد کہے میَں دسّاں سب نوُں صاف، سچ سچ سُنائیا۔ کُچھ لیکھا دیواں آکھ، اکھّراں نال وڈیائیا۔ سیِتا دا سُبھاؤ اٹّھ وار چؤوی گھنٹیاں وِچ ہُندا سی گُستاخ، سولاں گھنٹے اپنا رنگ رنگائیا۔ میَں اِک دِن اوہنوُں کِہا

ساچ، سچ دِتا دِرڑائیا۔ اوہدے کول بھنّ کے کچّی وانگ، ونگ دِتی تُڑائیا۔ ایتھے کوٹن جُگ چؤکڑی گئے لنگھ، اَگے ہاتھ کِسے نہ آئیا۔ کی ہویا جے بِستر چھڈے پلنگ، بنباسی ہو کے رام نال جنگلاں پندھ مُکائیا۔ اوہ ویکھ دھارا اگمّی گنگ، لہر لہر نال بدلائیا۔ جِس دے نال ہونا سنگ، سگلا سنگ رکھائیا۔ بِنا پیار توں دئے انند، انند انند وِچوں پرگٹائیا۔ جِس نِشانہ میٹنا تارا چند، صدی چؤدھویں کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے جن بھگتو اپنی اپنی دسّو ونڈ، پریم وِچ جنائیا۔ میَں چاہُندا چھتّی پدارتھاں دی دھار نہ ہووے کھنڈ کھنڈ، حِصّہ حِصّہ نہ کوئے بنائیا۔ میَں اِکو براہمن پنڈت پنڈ، پوُجن یوگ اکھوائیا۔ جے کہو میَں اِکلّا کھا کے ہوواں انند، اپنے انند دا رس تُہاڈے ولّ گھلائیا۔ تُسیں گاؤندے رہو پربھوُ دے چھند، میَں اپنا پیٹ بھر کے تُہانوُں دیاں ودھائیا۔ پر اِک گلّ میرا انتر رہیا کمب، ہلوُنے دے دے رہیا ہِلائیا۔ اوہ ویکھ جیہڑے بل دوارے دے رِشی وسے وِچ چھمب، چھمب کے سب نوُں دین وکھائیا۔ کِسے نے کِسے نوُں لاؤنا نہیں انگ، بِنا پُرکھ اکال توں انگیکار نہ کوئے بنائیا۔ تُوں پنڈتا جاہ اُتے گنگ، گنگا ماتا تیرا راہ تکائیا۔ ایہہ پکوان بھگتاں دا خوشی کرے بند بند، ہرِجن کھا کے پربھ دے وِچ سمائیا۔ کِسے دا ہتّھ نہ ہووے تنگ، تنگدستی دئے کٹائیا۔ جِس ویلے دیِن دُنی دا چِھڑیا جنگ، چاروں کُنٹ پئے دُہائیا۔ اُس ویلے جن بھگتاں دی پوُری ہووے منگ، گھر گھر دیوے رِزق سبائیا۔ پنجاں دِناں وِچ پنجاں تتاں دا مُکایا پندھ، گُرمُکھاں پَینڈا رہے نہ رائیا۔ جھگڑا میٹیا جیرج انڈ، اُتبُھج سیتج ڈیرہ ڈھاہیِا۔ ایہہ چھتّی بھوجن بھگوان بھگتاں دیوے ونڈ، براہمناں لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے تارا چنّ، چند سِتار حُکمے وِچ بھوائیا۔

۱۹ مگھّر شہنشاہی سمت ۷ سوہن سِنگھ دے گرِہ پِنڈ شاہ بُکر ضِلع فِروزپُر

صدی چؤدھویں کہے محمد میَنوُں دے مُبارک، خوشیاں نال وجےّ ودھائیا۔ اُمت اُمتی کرے تُعارف، سنمُکھ ہو کے دے سمجھائیا۔ ساڈا لیکھا سمجھے کوئے نہ عارف، عالم بھیوَ نہ کوئے چُکائیا۔ تُوں میری کریں سفارش، خود مالک اَگے سیِس نِوائیا۔ میَں

تیری پوُری کراں عبارت، جو الف یے نال لِکھائیا۔ دوویں کھیل تکیئے پاک بھارت، پاکیزہ ہو کے اکھّ اُٹھائیا۔ کلمے نام دی کِسے اُتے رہے کوئے نہ گارد، حِفاظت نظر کوئے نہ آئیا۔ اَگے تکیئے کیہڑا بنے وارث، ذُمیوار کوَن اکھوائیا۔ پِچھلا لہنا سب دا ہووے خارج، اَگے گنڈھ نہ کوئے پوائیا۔ جیہڑے پَیغمبر خُدا دے بنے جارج، کِنگ جگت اکھوائیا۔ سب دی پوُری ہوئی عرض، آرزو نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ محمد کہے صدی چؤدھویں میرا خوش ہویا آقا، مالک دُھردرگاہیِا۔ جِس نے چؤداں طبقاں اُلیکیا خاکہ، مِٹّی خاک توں باہر دِرڑائیا۔ اوہ کھول اگمّا تاکا، تقدیِر سب دی ویکھ وکھائیا۔ تیرا انت میرا لہنا پوُرا کرے باقا، حِساب اوَر نہ کوئے جنائیا۔ کِتے تَینوُں نہ آوے گھاٹا، سچ دینا سُنائیا۔ صدی چؤدھویں کہے میَں تے انتم کُھلا کر کے جھاٹا، مینڈھی سیِس دینی کُھلائیا۔ منزل پوُری کرنی واٹا، وٹنا گھر گھر دینا لگائیا۔ سُکھ ملِے نہ کِسے سُہاگن اُتے کھاٹا، گوُڑھی نیند نہ کوئے سوائیا۔ میَں پروردِگار دا اگمّی ویکھنا وجّدا چھاپا، جو چُھپیا نظر کِسے نہ آئیا۔ جِس نوُں پَیغمبراں کِہا پاپا، پتت پُنیِت نوُر اِلاہیِا۔ اوہ سب دا بدلن آیا جاپا، جگ جیِون داتا اپنا حُکم سُنائیا۔ تیری پوُری کرے آسا، نِراسا روُپ نہ کوئے درسائیا۔ میَنوُں یقیِن حق بھرواسا، اِعتماد وِچ دیاں دِرڑائیا۔ جِس دا خوشیاں والا فاقہ، فاقے مارے جگت لوکائیا۔ نؤ دھار دا لیکھا مُکنا وِچ ڈھاکا، ڈُھکواں اپنا حُکم ورتائیا۔ کلجُگ کوُڑی کِریا بھنّنا گاٹا، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ صدی چؤدھویں کہے محمد ہتّھ رکھ لےَ اُپر چھاتی، فِکر رہے نہ رائیا۔ اپنی پترکا لیَنی واچی، جو بھوِکھتاں وِچ سُنائیا۔ بِنا پروردِگار توں کِسے دی کرے کوئے نہ راکھی، اُمتی اُمت نہ کوئے وڈیائیا۔ سو لہنا دینا ویکھے صاحِب ابناشی، ابناشی اپنی کل ورتائیا۔ کِسے دی رہن نہیں دینی عقل بُدھی فاہشی، فَیصلہ حق سُنائیا۔ سب دے اندر وڑ کے کرے تلاشی، پردہ پردیاں وِچوں اُٹھائیا۔ اُس نے سب نال کھیل کرا دینی جگت والی بدمعاشی، بدلہ سب دے ہتّھ پھڑائیا۔ انت لہنا دینا مُریِداں مُرشداں پوُرا کرے لاشی، لشکر تن خاک مِلائیا۔ شرع رہن نہیں دینی پُرانی چھاچھی، سَت جوت جوت رُشنائیا۔ جِس اُمت دی چؤداں صدیِاں کردا رہیا آبپاشی، اُس دی جڑ دئے اُکھڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ محمد کہے صدی چؤدھویں اوہ میرا حق

احباب، صاحِب وڈ وڈیائیا۔ سب نوُں دیوے خِطاب، مِہر نظر اُٹھائیا۔ جِس دا لیکھا کوئے عدد نہیں اعداد، گنتی گنت نہ کوئے گِنائیا۔ اُس نے دیِن مذہب رہن دینی نہیں کِسے دی کوئے جائداد، حق سب دے دئے مِٹائیا۔ اِکو کلمہ دسّ کے واحد، لاشریِک کرے شنوائیا۔ مالک خالق بن کے صاحِب، سب دا پردہ دئے چُکائیا۔ اِکو حُکم کرکے عہد، عہدنامے سب دے پوُر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صدی چؤدھویں کہے محمدا نِگاہ ماریئے چھیتی چھیتی، چار کُنٹ دھیان رکھائیا۔ کِتھے بدی تے کِتھے نیکی، دھرنی دھرت ویکھ وکھائیا۔ محمد کِہا اوہ ویکھ میرے کول اُس دی لیکھی، جِس دا لیکھ نہ کوئے لِکھائیا۔ جو اِمام اِماما آئے وٹا کے ویسی، بھیکھ اولّڑا اِک جنائیا۔ سانوُں کر دیوے پردیسی، مات لوک وِچ دیس رہن کوئے نہ پائیا۔ پِچھلی ریکھ دیوے میٹی، اگلی کرنی کار کمائیا۔ میَں اُس صاحِب دی بیٹی، جِس نوُں جنمے کوئے نہ مائیا۔ آد جُگاد اُس دھار وِچ لپیٹی، جِتھوں باہر نہ کوئے کڈھائیا۔ جگت جہان دی کھیوٹ کھیٹی، جُگ جُگ کھیل کھِلائیا۔ میَں صاحِب تکاں نیت نیتی، جو نِت نوِت اپنی کار بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ محمد کہے صدی چؤدھویں اوہ ویکھ حُکم نوُری، نوُرانہ رہیا جنائیا۔ سب دا لیکھا مُکنا جِنہاں کھادھی گاں تے سوُری، سوُرما رہن کوئے نہ پائیا۔ گُر اوتار پَیغمبراں ہوئی مجبوُری، سِر سکے نہ کوئے اُٹھائیا۔ اسیں سارے چار جُگ دے حضوُری، حضوُر دی حضوُری کھڑ کے اپنا جھٹ لنگھائیا۔ نام کلمہ ونڈنا اِک ساڈی مزدوُری، جُگ جُگ سیو کمائیا۔ ہُن آسا ہون لگّی پوُری، پوُرن پُرکھ دئے وڈیائیا۔ اوہدی مستک لائیے دھوُڑی، ٹِکّے خاک رمائیا۔ ایسے خوشی وِچ صدی چؤدھویں پہلی پوہ نوُں ڈھائی پا نیاز دی بناؤنی چوُری، چوُرماں جگت والا سمجھائیا۔ پھیر لیکھا دسّاں چؤداں طبق نیڑے کہ دوُری، پندھ مات رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ساچی بخشے نام سروُری، سروُر دُھر دا اِک جنائیا۔

۲۲ مگھّر شہنشاہی سمت ۷ ہرِ بھگت دوار جیٹھوُوال ضِلع امرتسر رات نوُں

ہسّ کے کہے لاڑی مؤت، صدی چؤدھویں رہی سُنائیا۔ نی دُھر دیئے سوانیئے کی کہے تیرا کھؤنت، خصمانہ کی حُکم ورتائیا۔ میَں تیرے پیار وِچ پاواں سیِس پُھل چؤنک، چُکّنی اُمت دینی کرائیا۔ جِتھوں تکّ محمد دی پہنچ، پؤنچے پھڑ کے سب نوُں دینا ہِلائیا۔ کی سندیسہ دیوے دُھر دا غؤس، مالک دُھردرگاہیِا۔ میرا جی کردا میَں نوَیں چلاواں رؤنس، رستے پِچھلے دیاں بدلائیا۔ میَنوُں چؤراسی ورن دا بڑا آیا شؤق، شؤقین ہو کے دیاں دِرڑائیا۔ پرناواں چؤداں طبق تؤنک، طبع سب دی اپنے نال مِلائیا۔ کِتے تیرا انت سماں جائے نہ اؤنت، اؤنتری کہے نہ موُل لوکائیا۔ میَں اِک دی مناؤنی منؤت، مانَو سارے لینےَ کھائیا۔ کیوں آد دا آد انت دا انت اِکو بہُت، بہُتی ونڈ نہ کوئے ونڈائیا۔ میَں چؤداں صد رکھ کے اوٹ، بَیٹھی دھیان لگائیا۔ میَنوُں سارے رہے ٹوک، گلّاں گلّاں نال ٹُھکرائیا۔ پر میَں کی کراں میَنوُں سندیسہ دیوے اِکو جِس دی نِرمل جوت، شبدی دھار شبد شنوائیا۔ تیری میری رہے کوئی نہ سوچ، سوچن دا پندھ دِتا مُکائیا۔ میری اِکو آسا اِکو لوچ، سو لوچا پوُری دئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ لاڑی مؤت کہے صدی چؤدھویں میری ویکھ جوانی، جوبن ونتی ہو کے لَواں انگڑائیا۔ میرا سریِر سِدھا وانگ سروُ دی کانی، سروور نہا کے پِچھلی میَل دھوائیا۔اِکو پڑھاں دُھر دی بانی، جو بان انیالا تیِر چلائیا۔ میَں پِھرنا جنگل جوُہ پہاڑ جل تھل پانی، اسماناں واہو داہیِا۔ بنی دُھر دی سُگھڑ سوانی، سوہنا روُپ وٹائیا۔ میرا جی کردا میَں پرناواں چارے کھانی، دوُلھا دُلھن اپنا روُپ درسائیا۔ جگت جہان کوئی رہن نہ دیواں کانی، جیہڑی پربھ نوُں گئی بُھلائیا۔ صدی چؤدھویں تیرے انت میرا حِصّہ اِکو جیو پرانی، پران ادھاری دئے وڈیائیا۔ جیہڑا بنے وڈّا دانی، داتا ہو کے دَیا کمائیا۔ مِہربان ہو کے کرے مِہربانی، مِہر نظر اُٹھائیا۔ جگت جہان انتم انت اِکو اِک بھگت دی رکھے نِشانی، نِشانے سارے دئے مُکائیا۔ جِنہاں اِکو تُک گانی، گا گا خوشی بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ لاڑی مؤت کہے صدی چؤدھویں میرے ویکھ سوہنے نیَن، نیتر اکھّ اکھّ بدلائیا۔ میَں تَینوُں آئی کہن، کہہ کے دیاں سُنائیا۔ میَنوُں ساری دُنیا کہے لاڑی مؤت ڈَین، میرا دِل کردا میَں ڈَین بن کے دیاں وکھائیا۔ ناتا اِکٹّھا رہن نہ دیواں بھائی بھَین، نار کنت وِچھوڑا

دیواں تھاؤں تھائنیا۔ شاہ سُلطاناں لیَن نہ دیواں چَین، سُکھاسن سؤن کوئے نہ پائیا۔ سب نوُں اِک دوُجے نالوں کر دیواں طرفَین، طرفداری دی ونڈ نہ کوئے رکھائیا۔ نُقطہ ویکھاں اُپر غیَن، غماں دی گٹھڑی پھول پھولائیا۔ جِدھر ویکھاں اودھر اُچ مینارے ڈھہن، سوُربیِر بہادر غازی نظر کوئے نہ آئیا۔ سب نوُں پرنا کے لَواں چَین، چیِنا روُسا گنڈھ رکھائیا۔ سب دا لیکھا پوُرا کراں عین دا عین، تُوں اَناالحق دا نعرہ دینا لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ لاڑی مؤت کہے میرے مُکھ ویکھ دنداسا، سوہنا رنگ رنگائیا۔ میَں بھراؤنا اِکو اپنا کاسہ، قسم والے قسم کھا کے اپنی خوشی بنائیا۔ ایہہ میرا چھوٹا جِہا خلاصا، کُھلی گلّ دِتی دِرڑائیا۔ میَں دیِن دُنی اندر ویکھنا تماشا، چاروں کُنٹ بھجّاں واہو داہیِا۔ میَنوُں اِشارہ دیوے شنکر اُتے کَیلاشا، کلادھاری حُکم ورتائیا۔ میَں چاروں کُنٹ ہر تھاں کراں واسا، وِسر کدے نہ جائیا۔ پر تُوں اِک گلّ یاد رکھیں اپنے انت صدی چؤدھویں، میَنوُں دیویں پانی دا اِک گِلاسا، چؤداں وار وار کے پربھ دی بھیٹ کرائیا۔ پھیر سب دی بدل جانی بھاشا، لفظ تلفظ دینے بدلائیا۔ میری پوُری ہووے آشا، عیش کرن والے سارے لینےَ پرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دُھر دی دھار دیوے بھرواسا، سچ دا حُکم اِک ورتائیا۔