کتب خانہGranth 22 (Shahmukhi)

۱۱ پوہ شہنشاہ سمت ۷ بِشن سِنگھ دے گرِہ پِنڈ باڑیِاں ضِلع جموں

رشیاں ملِے نام سنتوکھ، دھیِرج دھرم دھار دِرڑائیا۔ جنم دی کرنی جنم دا موکھ، مکُتی چرناں ہیٹھ دبائیا۔ کوُڑی کِریا میٹ کے سوچ، سنجم اِکو اِک دِرڑائیا۔ پربھ درشن نوُں سبے لوچن لوچ، نِج نیتر اکھّ کُھلائیا۔ جِس نوُں جھُکدے چؤداں لوک، چؤداں طبق سیِس نِوائیا۔ اُس پربھوُ دا آد انت دا اِک سلوک، نِرگُن نِرگُن وجےّ ودھائیا۔ کرے پرکاش نِرمل جوت، جوتی جاتا اِک اکھوائیا۔ جِس دی کوئی نہ ورن گوت، دیِناں مذہباں نہ ونڈ ونڈائیا۔ اوتار پَیغمبراں گُروُآں بخشے اپنی اوٹ، اوڑک مالک اِک اکھوائیا۔ سو شبد نگارے لا کے چوٹ، چوٹی چڑھ کے گُرمُکھاں ویکھ وکھائیا کوُڑی کِریا اندروں کڈھ کے کھوٹ، کھوٹے کھرے لئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا لیکھا کدے نہ جائے اؤنت، اَوتر اپنا حُکم ورتائیا۔

۱۱ پوہ شہنشاہی سمت ۷ کِرپال سِنگھ دے گرِہ پِنڈ باڑیاں ضِلع جموں

جن بھگت کدے نہ وِنسے، وِنسے سرب لوکائیا۔ پربھ پرگٹ ہوئے کِرپا جِن سے، جن وجدی رہے ودھائیا۔ لیکھا دھوَل بنے تِنھ سے، تِنّ لوک خوشی بنائیا۔ جِس پندھ مُکائے مِن مِن کے، مِنّتاں اوتار پَیغمبر گُروُآں منّیاں چائیں چائنیا۔ اوہ لیکھے پوُرے کرے رات دِن کے، دِن دِہاڑے اپنے کھیل کھِلائیا۔ وِشن برہما شِو کولوں سب کُچھ چِھن کے، چِھن وِچ لہنا دئے جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ جن بھگتاں سدا سُکھ دِوس رَین، دُکھ نیڑ کوئے نہ آئیا۔ جِنہاں دا مالک مات پِت تے اِکو ساک سیَن، جگت ترِسنا ناتا کوُڑ گئے تُڑائیا۔ اوہناں نام پدارتھ دیوے اگمّی رسائن، جو جگت نِکُھٹ کدے نہ جائیا۔ جنم کرم دا پوُرا کرے لہن دین، دیونہار وڈ وڈیائیا۔ ایکنکار کدے نہ بنے طرفَین، طرفداری دی ونڈ نہ کوئے وکھائیا۔ جِس دا سنت سُہیلا سچ پریوار تے اِک مہیَن، بنس سربنس آپ ترائیا۔ جوتی جوت سروُپ

ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دُھر سندیسہ دُھر دی دھار دُھر شبد آیا کہن، حُکم دُھر اِک منائیا۔

۱۱ پوہ شہنشاہی سمت ۷ جموں سنگت دے نوِت جموں توں گُرداس پُر دے رستے وِچ ضِلع جموں

جن بھگتو تُہاڈا پِچھلا کٹیا کشٹ، کُشٹ اَگے رہے نہ رائیا۔ جگت کرم دا لیکھا کیِتا نشٹ، نشہ اِکو نام چڑھائیا۔ تُہانوُں چُکاں دُھر دے دست، ہتھیلی نام والی ٹِکائیا۔ بخشش کراں اوہ وست، جیہڑی لبھیاں ہتّھ نہ آئیا۔ ایہہ باوَن دی بل دوارے کھیل سی اسچرج، جو بِردھ ہو کے اپنی کار بُھگتائیا۔ تُہانوُں ہسدیاں ہسدیاں بخشی سی کلجُگ دی غرض، غرض اپنی نال مِلائیا۔ ہُن کھیل ایہہ اسچرج، اچرج لیِلا رہیا ورتائیا۔ تُسیں سوُرمے بہادر بنے مرد، ہسّ ہسّ کے دِتا وکھائیا۔ تُہاڈا چہرا نہیں ہویا زرد، غمی چِنتا نہ کوئے ستائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ جن بھگتو تُہاڈی ٹُٹی گنڈھی، گنڈھ اپنے نال پوائیا۔ لیکھا مُکایا باوَن پکھنڈی، جو بھیکھادھاری روُپ بدلائیا۔ اپنی پوُری کیِتی سندھی، جو بِنا اکھّراں دِتی پائیا۔ ہُن پِچھلی گھڑی لنگھی، اؤکھی گھاٹی نہ کوئے چڑھائیا۔ تُساں گایا رسنا دندی، صِفتاں نال شنوائیا۔ پُرکھ اکال چھڈ سِنگھاسن جگت منجی، ڈیرہ بھگتاں چرناں وِچ رکھائیا۔ تُہانوُں آیوُ بھوگنی پئی لمبی، لما پےَ کے تُہاڈا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔

باوَن تکّ لےَ اپنی اکھّیں، بِن نیَناں نیَن اُٹھائیا۔ جن بھگتاں لاج رکھی، سِر اپنا ہتّھ ٹِکائیا۔ رُلنا پئے نہ اِنہاں ککھّیِں، ککھّاں وِچ نہ کوئے سُٹائیا۔ جِنہاں دی قیِمت نہیں کوئی جگت جہان لکھّی، کوٹن کوٹ ونڈ نہ کوئے ونڈائیا۔ اوہناں دی دھرم دی دھار ویکھ پٹّی، کی لیکھ رہی جنائیا۔ جِنہاں دی انتر آشا پھٹّی، ترِسنا رہی کُرلائیا۔ اوہ بن کے سوُرے ہٹّھی، بل رہے ودھائیا۔ اوہناں دی کشٹنی کٹ اِکٹّھی، ایکا دوُجا نال مِلائیا۔ پَینا پئے نہ کلجُگ بھٹّھی، تتی وا نہ لاگے رائیا۔ تُوں صاحِب سوامی کملاپتی، پت

پرمیشور اِک اکھوائیا۔ ہُن پِچھا دے نہ نسّیں، کروٹ مات بدلائیا۔ جیہڑے بجھّے تیرے حُکم دی وِچ رسّی، رستہ اوہناں اِکو اِک وکھائیا۔ اوہناں دی اُجڑی پھیر وسے بسی، ساچی بستی دینی وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دیونہار آپ اکھوائیا۔

باوَن کہے میَں بھگتاں دا پُجاری، دھوُڑی بھگتاں خاک رمائیا۔ میری کوٹن کوٹ وار نِمسکاری، نِو نِو اپنا آپ جھُکائیا۔ جُگ جُگ جاواں بلہاری، بلہار اپنا آپ کرائیا۔ جِنہاں دی دھرم دی سچّی یاری، ناتا پریم والا ودھائیا۔ سچ خوُن دی پریِتی گاڑھی، گڑھ کوُڑا جگت تجائیا۔ آپ پِھر کے وِچ اُجاڑی، ڈھولے پربھ دے رہے گائیا۔ خوشی وِچ کِسے نہیں کِہا ساڈی قِسمت ماڑی، ہسّ ہسّ اپنا آپ جھٹ لنگھائیا۔ اِکو جِہا مان پُرش تے ناری، بالاں بِردھاں ملِے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ باوَن کہے میرے لال بھرے موُل نہ کلجُگ چِکڑ، کوُڑ نظر کوئے نہ آئیا۔ سب دا لیکھا پوُرا ہووے جے لالو نانک دھار کھوائے کِھچڑ، منڈا حلوہ نہ کوئے بنائیا۔ نال گنڈے دے دیوے سِکڑ، باہرلی کھلّ لُہائیا۔ کپڑے لاہ کے بنے مِتر، تن لانگڑ اِک سُہائیا۔ سَتگُروُ دا ہتّھ وِچ پھڑ کے چِھتر، سیِس نؤ وار جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ باوَن کہے دُھر دا کھیل سُندر ساول، ساوَریا اپنی کھیل کھِلائیا۔ جو آد جُگادی بابل، بابل بےپرواہیِا۔ جِس کھیل کھِلاؤنا وِچ قابل، قابلیّت سب دی دئے گوائیا۔ اِنصاف نال کرے عادل، اگلی اپنی کار بُھگتائیا۔ کلجُگ اندھیرا ویکھے بادل، نوَ ستّ کھوج کھوجائیا۔ لالو دے گرِہ کھاوے موٹھ تے چاول، دوہاں سانجھی گنڈھ پوائیا۔ پھیر حُکم دسےّ مُرشد کامل، کی اپنی کار بُھگتائیا۔ آہ ویکھو حُکم دا بدھّا پیا باوَن، براہمن اپنا بَل گوائیا۔ جِس پلّوُ بنّھایا بھگتاں بھگوَن نال دامن، دامنگیِر اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ او براہمنا باوَنا جن بھگتاں دی دھوُڑی پا لےَ وِچ مُکھ، چرناں والی دنداں نال گھسائیا۔ پھیر اوہناں دے

پریم دی گا تُک، ناتا اپنے نال جُڑائیا۔ بھار خوشیاں نال چُک، سِر سر ٹِکائیا۔ جِنہاں دا دُکھ کلیش دا پَینڈا جائے مُک، اَگے روگ نہ کوئے ستائیا۔ جگت ترِسنا میٹ کے بُھکھ، بُھکھیاں دے رجائیا۔ نہ رہے اندھیرا گھُپ، سچ کر رُشنائیا۔ تُوں بھگتاں دا بدھّا سکیں نہ چُھٹ، پریم دی گنڈھ رہے بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ کھِچڑی کہے میَں وی بل دے دوارے دا پدارتھ، جِس نوُں باوَن غؤر نال تکائیا۔ ایسے نوُں وڈیائی دِتی نانک یتھارتھ، یتھا یوگ صِفت صالاحیِا۔ جِس وِچ لالچ دا نہیں کِسے سوارتھ، لوبھ موہ نہ کوئے ہلکائیا۔ ایہہ اوہ گُرمُکھ کھاندے جیہڑے بھگت بن دے پارس، بھگوَن وِچ سمائیا۔ ایس نوُں تڑپھدے گئے عارف، لبھیاں ہتّھ کِسے نہ آئیا۔ جان سکیا نہ کوئی وِچ معرفت، ماہر روون مارن دھاہیِا۔ ایہہ اِکو دات جن بھگتاں ملِے واستک، جو واسطہ پربھ دے نال جُڑائیا۔ ایہہ لچھمی وِشنوُں نوُں دیندی سی اُتے سیج باسک، اُنگلاں نال چٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اِنہاں بھگتاں دی آپے کر سفارش، جگت سفارش توں بِنا باہر کڈھائیا۔

۱۱ پوہ شہنشاہی سمت ۷ ہرِ بھگت دوار جیٹھوُوال ضِلع امرتسر

کھچڑی کہے میَں سُناواں اگمّی نادا، ناد دُھردرگاہیِا۔ باوَن بل دوارے صِرف میَنوُں سی کھادھا، اسمیدھ جگ دا حِصّہ میری جھولی پائیا۔ نالے اِشارہ کیِتا بھگت بھگوان دا مِل کے ہووے وادھا، جُگ جُگ وجدی رہے ودھائیا۔ سپتس رِکھیاں میرا ارادھنا ارادھا، انتر انتر دھیان لگائیا۔ رام سیِتا پہلے دِن بنباس وِچ میرا لیا سوادا، رسنا رس رس نال چکھائیا۔ دھرم پیار کیِتا میرے نال کرِشنا رادھا، جِس ویلے رادھا کرِشن پہلی وار اِک دوُجے نوُں مِل کے خوشی بنائیا۔ موُسیٰ میرے پیار وِچ جاگا، مُحبّت وِچ مُکھ اپنے لیا لگائیا۔ حضرت عیسیٰ نوُں جِس دِن نوُر اِلاہی لادھا، اُس دِن میَنوُں کھا کے خوشی بنائیا۔ محمد چار یاری وِچ جِس ویلے کیِتا وادھا، میَنوُں رِنّھ کے نیاز دِتی ورتائیا۔ نانک نے لالو دوارے میَنوُں ماری آوازا، کودرے نالوں پرے دھیان لگائیا۔ تیغ

بہادر نے دِلّی جان لگّیا میَنوُں کھادھا، کھا کے خوشی منائیا۔ گوبِند نے میرا سادھن سادھا، سادھنا دِتی دِرڑائیا۔ جِس ویلے پُری انند تیاگا، کھِچڑی رِنّھ کے سب نوُں دِتی کھوائیا۔ میَں کوُک کے ماری آوازا، زور زور سُنائیا۔ اگلا کھیل دسّ والے بازا، بازاں والے دے دِرڑائیا۔ گوبِند ہسّ کے کِہا جِس ویلے آوے شہنشاہ دُھر دا راجا، پاتشاہ بےپرواہیِا۔ دیِن دُنی دا بدلے سماجا، مذہباں ڈیرہ ڈھاہیِا۔ لیکھا دیوے خِضر خواجہ، نیِر دے پیِر رنگ رنگائیا۔ دھرنی دھوَل دھؤل اُتے کرے وادھا، واہ واہ اپنا حُکم ورتائیا۔ سب دا اِشٹ کرے سانجھا، وکھری ونڈ نہ کوئے ونڈائیا۔ جن بھگتاں رکھے لاجا، نِرگُن دھار ہوئے سہائیا۔ سب دیِاں اپنے ہتّھ رکھے واگاں، نوَ ستّ ڈوری آپ اُٹھائیا۔ پھیر تیرے کھِچڑیئے وڈ وڈ ہوون بھاگا، بھاگ وان تَینوُں دئے بنائیا۔ سنت سُہیلا سویا اُٹھے جاگا، جاگرت جوت کرے رُشنائیا۔ ویس وٹائے پرگٹ ہو کے دیس ماجھا، مِہربان اپنا رنگ رنگائیا۔ لہنا دینا پوُرا کرے لنگڑا لوُلا اپاہجا، بُھکھیاں گود اُٹھائیا۔ گُرمُکھاں سویاں مار آوازا، سُتیاں لئے جگائیا۔ اُس ویلے ضرور کلجُگ دا جھکھڑ جھُلے جھانجا، جگت اندھیرا دھوُڑ اُڈائیا۔ پُرکھ اکالا دیِن دَیالا سب دا اِشٹ درِشٹ وِچ کرے سانجھا، سانجھیوال مانَو مانُکھ مانَس لئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ کھِچڑی کہے میرا پکوان، پکّی طرح دیاں سمجھائیا۔ جِس نوُں بھوگ لگائے سِری بھگوان، ہرِ کرتا دُھردرگاہیِا۔ سَت دھرم دا بنائے وِدھان، دُھر فرمانا اِک دِرڑائیا۔ جِس نوُں اوتار پَیغمبر گُروُ کرن پروان، سیِس جگدیِش اِک جھُکائیا۔ جِس سب دا سانجھا کرنا پیِن کھان، سوُر گاں دی ونڈ نہ کوئے ونڈائیا۔ دھرم دی دھار بخشے دان، داتا دانی دَیا کمائیا۔ کھِچڑی کہے میری سیوا میرا صاحِب کرے پروان، پرم پُرکھ پربھ اپنے رنگ رنگائیا۔ جِس دا لالو دا لالو نال نِشان، نِرگُن سرگُن ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ کھِچڑی کہے جن بھگتو میَں سب نوُں کھِچدی، ایکا دوُآ نظر کوئے نہ آئیا۔ اپنی دھار ویکھو اندر وِچ دی، پڑدا پڑدیاں وِچوں اُٹھائیا۔ تُہاڈی آتم روُپ ساچے سِکھ دی، جو سَتگُر سِکھیا وِچ سمائیا۔ جِس دی مہما چار جُگ دی بانی لِکھدی، قلم شاہی نال وڈیائیا۔ تُساں سدا پوُجا کرنی اِک دی، اِشٹ اِکو دئے منائیا۔ آسا توڑنی پتّھر اِٹّ دی، پاہن پوُجن کوئے نہ جائیا۔ تُہاڈی آسا پوُری ہو جائے نِت دی، اَگے ہوَس رہے نہ رائیا۔ دھار مِلنا اُس پرمیشور پِت دی، جو پاربرہم اکھوائیا۔ ایہہ

وڈیائی گیاراں پوہ وار تِھت دی، گھڑی پل نال سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مُحبّت دیوے ساچے ہِت دی، ہِتکاری ہو کے اپنے رنگ رنگائیا۔

۲۱ پوہ شہنشاہی سمت ۷ رتن کؤر پھرالا دے نوِت ہرِ بھگت دوار جیٹھوُوال ضِلع امرتسر

رتن کؤر سیِتا دی داسی، سیِنہ پِچھلا نام سوبھا پائیا۔ نِت کردی ہُندی سی نال ہاسی، خوشیاں نال دِل پرچائیا۔ کٹورا بھر کے دیندی سی چھاچھی، نِمک سنگ چُھہائیا۔ نِت نِت نِت رکھدی سی آسی، آسا اندر اِک بنائیا۔ اِک دِن خوشیاں دی آئی راتی، رَین بِھنڑی وڈ وڈیائیا۔ پریم پیار نال کیِتی باتی، بچن کہہ کے دِتا سُنائیا۔ سییِا میرا دِل کردا میَں لگّاں تیری نال چھاتی، گلوَکڑی ایکا پائیا۔ جھٹ سیِتا نے کِہا آہ لےَ میری پاتی، پترکا دیاں وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک دِرڑائیا۔ داسی ہسّ کے کیِتا مخؤل، سییِا دِتا دِرڑائیا۔ نی میَں پنڈت بناں کہ رؤل، پاندھا روُپ بدلائیا۔ نِگاہ ماراں اُپر دھؤل، دھرنی کھوج کھوجائیا۔ تیری رُتڑی جائے مؤل، خوشیاں رنگ رنگائیا۔ جنک سپُتری نہ رہیں انبھول، سَت سچ نال لےَ انگڑائیا۔ تیرا ور سارے رہے ٹٹول، بھجّن واہو داہیِا۔ میَں ایسے کرکے آئی تیرے کول، کہہ کے دیاں دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ داسی کہے میَنوُں دے کُچھ اِنعام، میَں سچ دِتا جنائیا۔ سیِتا ہسّ کے کِہا میَنوُں ورے تے ورے میرا رام، دوُجا نظر کوئے نہ آئیا۔ پریم پیار دا دیوے جام، خوشیاں رنگ رنگائیا۔ پلّوُ نال بنّھے دام، گنڈھ اِک رکھائیا۔ لیکھےلاوے ماٹی چام، چمّ درِشٹی رہے نہ رائیا۔ جِس پھیر بننا گھنئیا شام، شام شاما بےپرواہیِا۔ سوُربیِر ہو جوان، اپنی کرنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ داسی کہے سیِتا میری سچ دسّ داستان، سچ سچ سُنائیا۔ کِس بِدھ ناتا ملِے نال بھگوان، بھگوَن میلا سہج سُبھائیا۔ سیِتا انتر ماریا دھیان، نِگاہ نِگاہ وِچوں بدلائیا۔ تُوں ہُن چھڈ جانا جہان، میرے سویمبر دے نؤ دِن پِچھوں جگت وِچ لنگھائیا۔ پھیر دواپرپِچھوں کلجُگ ہووے پردھان، اپنا بَل پرگٹائیا۔ پرگٹ ہووے رام دا رام، رمئیا اِک اکھوائیا۔

تیرے تت دا تت بنائے نِشان، پنچم جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ سیِتا کہے میرے انتر آئی وِچار، سچ دیاں سُنائیا۔ تیرا جنم ہونا دوُجی وار، لوک مات وجےّ ودھائیا۔ کل کلکی لئے اوتار، نِہکلنکا اگمّ اتھاہیِا۔ پھیر چھڈنا پئے سنسار، ناتا دُنی نالوں تُڑائیا۔ داسی رو پئی زارو زار، نیتر نیَناں نیِر وہائیا۔ اُس ویلے میرا ہووے کؤن سہار، لوک مات سنگ بنائیا۔ گل گلوَکڑی لئی ڈار، گھُٹ کے گلے لگائیا۔ سچ دسّ میری سرکار، سَت نال سمجھائیا۔ میرا تیرے نال پیار، وِچھوڑا اَگے رہے نہ رائیا۔ تُوں میری مددگار، میَں تیری سیو کرکے جھٹ لنگھائیا۔ سیِتا ہسّ کے کِہا کملیئے اوہ کھیل اپر اپار، اپرمپر آپ کرائیا۔ تیرا میرے نالوں وکھّرا ہونا گھر بار، دھیاں پُت پتی نال سُہائیا۔ تیرا بنس ہووے پریوار، سربنس رنگ رنگائیا۔ میَں اِک دی ہونا خِدمتگار، خادم ہو کے نِیوں نِیوں سیِس جھُکائیا۔ پر تیرا بُھل نہ جاواں اِقرار، قؤل تیرے نال رکھائیا۔ جِس ویلے تیرا انتم سماں آوے وِچ سنسار، سکھا سنگ نہ کوئے نِبھائیا۔ مات پِت دئے نہ کوئے ادھار، پُتر دھیِاں نہ گنڈھ پوائیا۔ گرِہ دِسے نہ کوئے دوار، گھربار بنک تجائیا۔ میَں تیرا لہنا ضرور پوُرا کراں پوُرب کرم وِچار، وِچرن دی لوڑ رہے نہ رائیا۔ میرے انتر سُرتی دیوے آپ نِرنکار، سوُجھ پِچھلی دئے سمجھائیا۔ میَں خوشی وِچ خوشی دی کراں نِمسکار، ہسّ ہسّ کے سیِس نِوائیا۔ تیرے پتی نوُں لَواں سنگ اُٹھار، ساچا سنگ جنائیا۔ پربھوُ موئی نوُں پھیر جِوال، مرن دا لیکھا رہے نہ رائیا۔ ایہہ میری کلجُگ دی وکھری چال، چل کے دیاں سمجھائیا۔ میرے صاحِب دا حل کرے نہ کوئے سوال، انت کہن کوئے نہ پائیا۔ پر داسی میرے وی غُصّے دی جھل سکے کوئے نہ جھال، جھلک اپنی دیاں جنائیا۔ جِتنا پریم مارے اُچھال، اُتنا غُصّہ وی کُدے چائیں چائنیا۔ میَں وی ضرور رکھانگی تیرا خیال، بُھل وِچ کدے نہ آئیا۔ اُس دِن سیِتا نے اپنی داسی نوُں اپنے گھر لیا سوال، پریم پیار وِچ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سیِتا دی دھار رتنو دی رت، سَتگُر رتّ نال رتن نِشان دینا لگائیا۔ جِس دی لجّ رکھے کملاپت، پت پرمیشور بےپرواہیِا۔ ترِپت سجیّ اُنگل وِچوں خوُن کڈھ لےَ نال اپنے ہتّھ، نوک قلم نال چُھہائیا۔ ایہہ ویلا پھیر نہیں آؤنا وتّ، بے وطنا وطن والا نہ کوئے بنائیا۔ دھرم دی دھار اِک وار رسنا نال چٹّ، مُکھ پنج وار چُھہائیا۔ تیرے اُدھار پِچھے رتن کؤر دے پنج تت لئے رکھ، رکھیا کیِتی چائیں چائنیا۔

اَگے تُہاڈے پیار نوُں ہون نہیں دینا وکھّ، وکھّری گنڈھ نہ کوئے بندھائیا۔ ایسے کارن تیری دھرم دی کُٹیا وِچ دِتا رکھ، پِچھلے جنم دا لیکھا پوُر کرائیا۔ پِچھلے لہنے توں کیہڑا جائے نَٹھ، بھجّیاں پلّوُ نہ کوئے چُھڈائیا۔ بھگتاں دا غُصّہ پربھ دا پریم والا پٹّ، ریشم ریشیاں توں باہر نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس اندر وڑ کے بیننتی کرن دی دِتی مت، اوہ مت نوُں گُرمت دئے بنائیا۔

ترِپت گُرمیِت تیرا اِک پَیسا، پَیسے دی مُحتاجگی دئے گوائیا۔ تیرا گھر وسدا رہے اَیسے دا اَیسا، جَیسا ترِپت نے دِتا وسائیا۔ لیکھا چُکیا جنم جنم سنسا، سہس گُن اَگے ملِے وڈیائیا۔ جن بھگتو تُسیں پربھوُ دا بن گئے اوہ بنسا، جِس بنس دا ناتا سکے نہ کوئے تُڑائیا۔ بے شک پُرکھ اکال بُھکھا ننگتا، بھگتاں دے پَیسیِاں نال اپنا جھٹ لنگھائیا۔ کُچھ لیکھا ایس کاپی توں کڈھ کے منگدا، حِساب کرکے دینا سمجھائیا۔ اِس توں ودّھ جیہڑا حِساب سَتگُروُ دا لنگھدا، لیکھا کرکے سَتگُروُ خزانے وِچ ٹِکائیا۔ بھگت بھگوان لہنا کدے نہ ہووے اڈّ دا، جِنہاں دا جنم مرن مرن جنم پربھ دے وِچ سمائیا۔ سدا سدا سدا بچّیو تُہاڈے پیار دا نگارہ رہنا وجّدا، جِتھے دُنیا دی مایا والا پُج سکے نہ رائیا۔ جن بھگت پربھوُ دا دیِپک جگدا، جُگو جُگ ہوئے رُشنائیا۔ سدا یاد رکھنا دِہاڑا اجّ دا، اِکّی پوہ گنڈھ پوائیا۔ تُہاڈا اِک پَیسا پربھوُ دے سیِس اُتے سجدا، جِس دے نال کُھلے گپھےّ تُہانوُں دئے ورتائیا۔ بچّیو تُہانوُں چار جُگ پِھرے لبھدا، سچکھنڈ وِچوں لیا کے مات لوک اپنے نال مِلائیا۔ دو جہاناں وِچوں آوازا مار کے سدّ دا، آؤ رُسیو تُہانوُں لَواں منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَتجُگ تریتا دواپرکلجُگ تُہاڈا لیکھا رکھیا سدا اپنی جدّ دا، راجا بل سچکھنڈ دوار دھرم دی دھار دئے گواہیِا۔

۲۴ پوہ شہنشاہی سمت ۷ سادھوُ سِنگھ بستی تیغا سِنگھ والے نوِت ہرِ بھگت دوار جیٹھوُوال ضِلع امرتسر

صدی چؤدھویں کہے محمد سُن سنگ چار یار، یار یاراں دیاں جنائیا۔ حُکم سُن اگمّی پروردِگار، کی خالق رہیا سُنائیا۔ لہنا دینا جانے جگت سنسار، بھیوَ ابھید رہے نہ رائیا۔ حاضر ہونا دھرنی اُتے ہرِ بھگت دوار، بھجّنا چائیں چائنیا۔ نِیوں کے بِنا سجدے کرنی نِمسکار، سیِس جگدیِش جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ محمد کہے صدی چؤدھویں میَں پِھراں وانگ فقیِراں، فِقرہ االلہ االلہ االلہ گائیا۔ میَں کھیل ویکھنا بےنظیِرا، جو نظراں توں اوہلے بَیٹھا ڈیرہ لائیا۔ اُس دا حُکم انوکھا جو صاحِب پیِراں دا پیِرا، پیِر بےپرواہیِا۔ چار یاری توں پرے پنجاں پیاریاں مستک وِچ لگاوے پنج پنج لکیِراں، پنجاں رنگاں نال وڈیائیا۔ پنجاں درباریِاں کول ہوون پوُرن دیِاں تصویِراں، سِنگھ پوُرن ہتّھ اُٹھائیا۔ پنجاں لِکھاریِاں کول ہتھکڑیِاں ہون زنجِیراں، سنگل شرع والے پھڑائیا۔ دو گُرمُکھاں روُپ دھریا ہووے امیِراں، دو فقیِراں حال دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویں کہے محمد ویکھ چھّبی پوہ دی راتی، راتری ویکھ وکھائیا۔ کی کھیل پُرکھ بِدھاتی، پاربرہم وڈ وڈیائیا۔ اِک سندیسہ بےخبراں دسّاں حُکم دُھر دے کملاپاتی، جو بِن پترکا رہیا دِرڑائیا۔ پنج گُرمُکھاں پوُرن لِکھیا ہووے اُپر چھاتی، پنجے مالوے والے نظری آئیا۔ مل سِنگھ سادھوُ سِنگھ دا ہووے ساتھی، رام سِنگھ نال مِلائیا۔ ہربنس سِنگھ جٹّ دی ہووے ذاتی، سؤداگر سِنگھ دُھر دی گنڈھ پوائیا۔ جِنہاں دے ہتّھ وِچ ہووے اِک اِک لاٹھی، جو گوبِند انت مالوے گیا ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ صدی چؤدھویں کہے میرا سجدہ مالک آمیِن، سیِس جگدیِش جھُکائیا۔ جِس دی پَیغبراں پڑھی تعلیِم، طُلبے جگت اکھوائیا۔ مذہباں کیِتی تقسیِم، جِسماں ونڈ ونڈائیا۔ اوہ شہنشاہ عظیِم، عالی جاہ بےپرواہیِا۔ جو آد دا آد قدیِم، قُدرت دا مالک اِک اکھوائیا۔ کِسے دے ہویا نہ کدے اَدھیِن، سدا سدا سد اپنا حُکم ورتائیا۔ کوئی سمجھے نہ نر مدیِن، مُدّعا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ صدی چؤدھویں کہے میَں لاواں موُل نہ ڈیری، ڈیرے والیاں دیاں سُنائیا۔ میرے محبوُب نے پائی پھیری، اپنا روُپ انوُپ پرگٹائیا۔

مِٹّی دی کنالی وِچ میری گولی دھریگی ٹاہنی بیری، اپنے ہتّھاں نال رکھائیا۔ مُکھ لال رومال لےَ کے دُرگا ولّ تکیگی نال دلیری، نیتر لال لال اُٹھائیا۔ پھیر ہتّھ وِچ پھڑ کے نوُح دی بیڑی، میرے اَگے دئے ٹِکائیا۔ پھیر پنج وار چار کُنٹ لئے پھیری، تالی مار کے دئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویں کہے میرا ہووے اِک چوبدار، نؤجوان سوبھا پائیا۔ امرجیِت ہووے خبردار، بےخبراں خبر دِرڑائیا۔ بستر تن کرے شِنگار، سوہنا رنگ چڑھائیا۔ پِٹھ تے پُٹھی ہووے تلوار، نوک اسمان ولّ وکھائیا۔ رنجیِت سِنگھ ماجھے والا ہو ہوشیار، کالی پگڑی سیِس ٹِکائیا۔ کرکے نِمسکار، نؤ قدم تے ساہمنے بَیٹھے چائیں چائنیا۔ موتا سِنگھ اپنی پگڑی پاڑ، دو ٹُکڑے کر ناظر سِنگھ ہتّھ پھڑائیا۔ ایہہ کھیل سچّی سرکار، ہرِ کرتا اپنے حُکم وِچ بُھگتائیا۔ صدی چؤدھویں کہے میرا کھیل تکّیو خوشی نال پیار، پریم پریِتی وِچ جنائیا۔ میرا روُپ نہیں کوئی جگت اِستری نار، بیوی ونڈ نہ کوئے ونڈائیا۔ اِکو نوُر نوُر اُجیار، جوت جوت ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سچ دا حُکم سَت دا مالک اپنے ہتّھ رکھائیا۔

۲۵ پوہ شہنشاہی سمت ۷ ہرِ بھگت دوار جیٹھوُوال رات نوُں ضِلع امرتسر

پوہ کہے میرا دِوس دِہاڑا پروِشٹا پنجھی، دو پنج نِرگُن سرگُن تت نال وڈیائیا۔ جگت جہان نیتر روندا ویکھاں انجھی، جلدھارا آنسوُ وہن وہائیا۔ پرکاش دِسے نہ سویر سنجھی، اندھ کوُپ کوُڑ لوکائیا۔ جگت جگیاَسوُآں انتر ہووے رنجی، سانتک سَت نہ کوئے ورتائیا۔ نیترہیِن لوکائی دِسے اندھی، نِج نیتر لوچن اکھّ نہ کوئے کُھلائیا۔ من کلپنا واسنا دِسے گندی، سُگندھ مہک نہ کوئے مہکائیا۔ کلجُگ آیوُ رہے نہ لمبی، وڈّی وڈ نہ کوئے چتُرائیا۔ دھرنی دھوَل شرع کولوں کمبی، ہِل ہِل کے رہی وکھائیا۔ پربھوُ جھگڑا میٹ دے کایا ماٹی چمّی، چمّ درِشٹی دینی بدلائیا۔ اَگے دھار دسّنی نوَیِں، نوَ نؤ چار دا پندھ مُکائیا۔ تُوں نِروَیر پُرکھ اوتار چوَھی، چؤبیسا جگدیِشا ہرِ اکھوائیا۔ دُھر شبد سندیسہ اگمّا کوَھیں، جِس نوُں شاستر سِمرت کہن کوئے نہ پائیا۔ جن بھگتاں انتر نِرنتر رَوھیں، کایا

مندر اندر ڈیرہ لائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ہرِ وڈّے وڈ وڈیائیا۔ پوہ کہے میرا پنجھی دِس دِہاڑا، خوشیاں نال جنائیا۔ کھیل کرے اگمّی لاڑا، ہرِ کرتا بےپرواہیِا۔ جِس نے اوتار پَیغمبر گُروُآں منّیا ہاڑا، رحمت رحیِم رحمان کمائیا۔ پِھرے دروہی وِچ جنگل جوُہ اُجاڑ پہاڑا، اُچے ٹِلّے ویکھ وکھائیا۔ مان رہے نہ جنگل جھاڑا، چوٹیِاں روون مارن دھاہیِا۔ دھرنی دھوَل دھؤل تکے اَکھاڑا، چاروں کُنٹ خوشی بنائیا۔ لگّے اگّ بہتّر ناڑا، امرت میگھ نہ کوئے برسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پنجھی پوہ کہے میَں تکاں پوہ چھّبی، شبےروز دھیان لگائیا۔ نوُر ویکھاں اگمّاں ربّی، جوتی جاتا ڈگمگائیا۔ جِس لہنا مُکاؤنا چؤدھویں صدی، صدقے واری گھول گھُمائیا۔ جِس ویلے دِہاڑی لنگھی اَدھی، اِک اِک ملِے وڈیائیا۔ پنجاں لِکھاریِاں پگّ سیِس ہووے بدھّی، ہتّھ قلم نال سُہائیا۔ گولی نے پِھرنا سجیّ چُک کے اڈّی، پبّ زِمیں نال ٹکائیا۔ کول ماچس رکھنی ڈبّی، تیلاں نؤ نؤ سُہائیا۔ ہرِ سنگت اِکٹّھی ہونی سبی، وقت دِن دا ڈھائی وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چھّبی پوہ کہے میرے پریم دی تکنی چھہبر، سَت سچ لگائیا۔ اِکو مالک تکنا رہبر، جو رحمت حق کمائیا۔ جِس دا نِشان ہونا خیَبر، دردی ہو کے درد ونڈائیا۔ جِس نوُں یاد کیِتا علی حیَدر، نعرہ حق حق سُنائیا۔ اُس دا کھیل ہووے ننگی پَیریں چلے پَیدل، پندھ دیِن دُنی مُکائیا۔ جِسدے چرناں ہیٹھ گولی نے لِکھ کے رکھنا اکھّر بَیتُل، مُقدّس نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دُھر دی کرنی دُھر دا کرتا دُھر حُکم نال آپ ورتائیا۔

۲۶ پوہ شہنشاہی سمت ۷ ہرِ بھگت دوار جیٹھوُوال دِن دے ڈھائی وجے امرتسر

سَتگُر شبد کہے میرے پربھ دا کھیل نیارا، نِراکار نِرنکار آپ چلائیا۔ آد پُرکھ بنّھ کے اپنی دھارا، سو پُرکھ نِرنجن آپ چلائیا۔ وِشنوُں وِشوَ دے بھنڈارا، اتوٹ اتُٹ آپ رکھائیا۔ نِرگُن سرگُن ہو ظاہرا، پرماتم آتم کھیل کھِلائیا۔ چارے کھانی کر تیارا، وِشن

برہما شِو سیو سمجھائیا۔ روُپ دھر آپ اوتارا، اوتر اپنا راہ سمجھائیا۔ دُھر دا نام کر اُجیارا، بِن اُجرت مات پرگٹائیا۔ لیکھا جان سچّی سرکارا، سچ سَت دا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ سَتگُر شبد کہے میرا صاحِب اِک اٹل، ہرِ وڈّا وڈ وڈیائیا۔ جِس مان دوایا راجے بل، بَل اپنا وِچ رکھائیا۔ باوَن ہو کے آیا چل، بھیکھادھاری بھیکھ وٹائیا۔ نیتر نیَن نہ کھولیا پل، موُند کے بَیٹھا آسن لائیا۔ اوہدے کوئی نہ تکے ولّ، غریِب نِمانا ہو کے آسن لائیا۔ کِسے پُچھیا نہیں اَن جل، اَگے ہو نہ کوئے اُٹھائیا۔ اُس جھٹ شبدی دھار ماریا سلّ، راج راجان دِتا ہِلائیا۔ کِسے لیکھے نہیں لگّنا چؤراسی جوُن انّ کھوایا دل، دلِدری سارے نظری آئیا۔ تیرے نال ہُندا چھل، چھلدھاری اپنی کار بُھگتائیا۔ اونے چِر نوُں جھٹ بل دا سُت لےَ کے آ گیا پھل، بال اوستھا ننّھی سوبھا پائیا۔ ہسّ کے کِہا ایہہ بُڈھا براہمن بَیٹھا دوارا ملّ، کروٹ اپنی نہ کوئے بدلائیا۔ میَنوُں اُس دے ولّ گھل، حُکمے اندر جاواں چائیں چائنیا۔ میرا دِل کردا اوسے دے نال جاواں رل، مِل کے جھٹ لنگھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بل کِہا سُن ننھے بچّے، سچ دیاں دِرڑائیا۔ تَینوُں نہیں جگت جہان دے پتے، کی پت پرمیشور اپنی کھیل کھِلائیا۔ اوہ ویکھ میرے اسمیدھ جگ دے بھنڈارے پدارتھ سارے تتے، رِشی مُنی کھا کے خوشی منائیا۔ چاروں کُنٹ آؤندے نَٹھے، بھجّن واہو داہیِا۔ پریم وِچ گاؤندے سبے، آتم دھار سوبھا سچ سُنائیا۔ چھوٹا بالا کھِڑ کھِڑا کے ہسّے، تالی ہتّھاں نال وجائیا۔ اے راجن جگت پِتا، میَنوُں اِنہاں وِچوں میرا صاحِب موُل نہ لبھے، نیتر رو کے دِتا وکھائیا۔ تیرا کِس بِدھ سمپوُرن ہووے یگّے، جِس نوُں بھوگ لگاؤن والا نظر کوئے نہ آئیا۔ جے پربھوُ دے بھگت، کیوں نہیں اِنہاں دا صاحِب اِنہاں وِچ پھبے، رل مِل کے خوشی منائیا۔ میرے اندر لگّی اَگے، میَں کوُک کوُک سُنائیا۔ میَنوُں دسّ سچ دی وجہے، وجوُہات دے سمجھائیا۔ میَں تیرے اَگے دوویں ہتّھ بدھےّ، بالا رو کے مارے دھاہیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ چھوٹا بالا کھِڑ کھِڑا کے ہسّا، ہسّ کے دِتا جنائیا۔ راجن کولوں زور دی نسّا، بھجّیا واہو داہیِا۔ جا کے باوَن نوُں ماریا جپھّا، گلوَکڑی لئی پائیا۔ میرے پربھوُ میَنوُں ہوئیں نہ خفا، غُصّہ گِلہ نہ کوئے رکھائیا۔ میَنوُں اِیوں دِسیا بِنا تیری کِرپا بل نوُں ہونا نہیں کوئی نفع، کھا پی کے سارے جاون واہو داہیِا۔ اوسے

ویلے باوَن نے اوہدا ہتّھ پکڑیا پکاّ، گھُٹ کے دِتا وکھائیا۔ تیرا لیکھا لِکھاں رتا، رتن امولک دیاں بنائیا۔ جِس ویلے کلجُگ انت لیکھا چُکائے کوئے نہ ہتّھو ہتّھا، جھولی سکے نہ کوئے بھرائیا۔ تُوں بل دے بیٹے میری لِکھنی پھیر کتھا، جِس نوُں کتھ سکے کوئے نہ رائیا۔ سچ پریم دا لیَنا رسا، بِن رسنا رس چکھائیا۔ اُٹھ ویکھ لےَ کھیل اکھّاں، اکھّیِاں توں پرے دیاں جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ چھوٹے بالے کِہا بابا کدوں بیِتنے جُگ ترےَ، تریتا دواپرکلجُگ انت نظری آئیا۔ اوناں چِر پتہ نہیں کؤن رہے، جمّن والا نظر کوئے نہ آئیا۔ پتہ نہیں کھان پیِن نوُں ملِے کوئی نہ شےَ، وست ہتّھ نہ کوئے پھڑائیا۔ کِس بِدھ شرِسٹی ہووے کھےَ، تریتا دواپرکلجُگ پندھ مُکائیا۔ جھٹ باوَن نے تھپکی ماری بچّوُ اُس ویلے اِکو پربھوُ دی ہونی جَی، دوُجا نظر کوئے نہ آئیا۔ آہ تکّ بھجےّ جاندے جُگ ترےَ، تِنّاں دا لیکھا چھیتی دینا مُکائیا۔ بھگتاں اندر رہن دینا نہیں کِسے دا بھےَ، ڈر اندروں دینا اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ باوَن کِہا سُن لےَ ابھی، ابھی دیاں جنائیا۔ جیہڑی وست کِسے نہیں لبھی، کھوجن سارے تھاؤں تھائنیا۔ اُس دا لیکھا پوُرا کرنا چؤدھویِں صدی، صدقے واری گھول گھُمائیا۔ جِس ویلے جگت سنسار نے اسمیدھ جگ دی مریادا جانی چھڈی، جگ نظر کوئے نہ آئیا۔ پنڈتاں براہمناں کھانی مچّھی ڈڈّی، ہڈّیِاں مُکھ چبائیا۔ چار جُگ دی پِچھلی رہنی نہیں گدّی، گداگر ہووے لوکائیا۔ اِکو ویکھنا نوُر ربّی، نوُر نوُرانہ دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بالے کِہا میَنوُں پتہ نہیں رہنا نہ رہنی یاد، سمجھ کِچھ نہ آئیا۔ کوَن بھیوَ کھولے راز، پڑدا اگمّ اتھاہیِا۔ جھٹ پریم دی دِتی آواز، سہج نال سُنائیا۔ تیرا پرماتم میرا روُپ کھولے جاگ، جاگرت جوت ڈگمگائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ بالے کِہا کِس طرح تِنّ جُگ جان لنگھ، کوَن یاد کرائیا۔ باوَن کِہا میرے روُپ دا کھیل ہونا وربھنڈ، برہمنڈ حُکم چلائیا۔ اوہدا جوتی جامہ تے شبدی دھار کھیل سویر سنجھ، حِصّہ ونڈ نہ کوئے ونڈائیا۔ پِچھلا لیکھا یاد کراؤنا ترنتے دی دھار والا پہلوں اپنا چُکاؤنا پلنگ، جِس نوُں دو ستّ دی ونڈ نال ونڈائیا۔ پھیر اگلی منزل جانی لنگھ، پُری گھنک کرے صفائیا۔ پھیر کھیل کرے سوُرا سربنگ، اپنا پڑدا آپ اُٹھائیا۔ کلجُگ انتم کرکے ننگ، اپنا گھر بار سارا دئے لُٹائیا۔ نِشان ویکھے تارا چند، چند

سِتار کھوج کھوجائیا۔ جھٹ بالے منگی منگ، چرنیِں ڈھیَہہ کے سیِس نِوائیا۔ بخشش کر سوُرے سربنگ، تیرے ہتّھ وڈیائیا۔ باوَن ہسّ کے کِہا ایہہ سارا سماں ویہندیاں جائے لنگھ، انتم انت کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ تیجی دھار کھیل اپارا، ہرِ کرتا آپ کرائیا۔ بِنا بھگت دوار توں پربھ دا سِنگھاسن رہے نہ وِچ سنسارا، گرِہ گرِہ الکھ نہ کوئے جگائیا۔ ایہو کھیل سچّی سرکارا، ہرِ کرتا آپ کرائیا۔ جِس کارن تیجی دھار کلسیِاں پایا اُجاڑا، جگت نِشان نِشانے والا گوائیا۔ اَگے کھیل کرے نِرنکارا، ہرِ کرتا بےپرواہیِا۔ جن بھگتاں دا خالی بھرے بھنڈارا، بُھکھیاں بُھکھ دئے گوائیا۔ سرِشٹی دے لنگر دا اِک بنے ورتارا، دوُجا نظر کوئے نہ آئیا۔ کلسیِاں والیاں دے سہارا، سِر اپنا ہتّھ ٹِکائیا۔ رِشیاں دا اُدھارا، لیکھا سب دی جھولی پائیا۔ جِس دا بل کیِتا اِشارہ، ننّھے بالے دِتا دِرڑائیا۔ جِس ویلے آیا کل کلکی اوتارا، چؤبیسا اپنا حُکم ورتائیا۔ تیرا روُپ ہونا پُرکھ توں نارا، ناری نر نرائن پرنائیا۔ جوگِندر کؤر روُپ دھریا سُت بل دوارا، دھرم دی دھار ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ کرنی کہے میرا کرتار، ہرِ وڈّا وڈ وڈیائیا۔ جِسنے پوُرب لیکھا کرنا پار، لہنا رہن کوئے نہ پائیا۔ کل کلکی لئے اوتار، نوُر نوُرانہ ڈگمگائیا۔ جِس بھگتاں دا بنایا بھگت دوار، بھگتاں دا لنگر دئے سُہائیا۔ جِس دی چھّبی پوہ نوُں نیِنہہ رکھنی وِچ سنسار، کلسیِاں والے سارے سیِس نِوائیا۔ اُس اِٹّ دے تھلّے جوگِندر کؤر نے اگنی دینی بال، تیلیِاں نؤ نؤ لگائیا۔ بالن اِکٹّھا کرنگے جموں والے رِشی پنج لال، پنچم پنچم رنگ رنگائیا۔ چیلا سِنگھ، شِو سِنگھ، گُرنام سِنگھ، لچھمن سِنگھ، پرتاپ سِنگھ ہووےگا نال، نالش نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ چھّبی پوہ کہے میرے جُگ چؤکڑی گئے بیِت، بیِتی کی سُنائیا۔ دھنّ بھاگ جے پُرکھ اکال چلائی اپنی ریِت، دوُسر ونڈ نہ کوئے ونڈائیا۔ اِکو مارگ دسّ کے ہست کیِٹ، اوُچاں نیِچاں رنگ رنگائیا۔ جن بھگتو بھگتاں دے لنگر کول سب نے گاؤنا سوہنگ گیِت، خوشیاں نال خوشی بنائیا۔ سب دی آسا منسا پوُری کیِتی اُمیِد، ترِسنا ترِکھا گوائیا۔ ہرِ سنگت ساری اِکو وار نِمسکار کرنی نال پریِت، سِر سر پربھ دی جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔

۲۶ پوہ شہنشاہی سمت ۷ ہرِ بھگت دوار جیٹھوُوال لنگر دی نیِنہہ رکھن سمیں ضِلع امرتسر

وِشنوُں کہے پربھوُ تیریاں بھگتاں بھریا رہے بھنڈارا، بھنڈاری ہو کے سیو کمائیا۔ صاحِب تُوں وی بنیا رہیں ورتارا، سد سد اپنی سیو کمائیا۔ سب نوُں بخشنا سانجھا اِک پیارا، دوَیت نظر کوئے نہ آئیا۔ نؤ کھنڈ پرِتھمی کرنا اُجیارا، ستّ دیِپ ہوئے رُشنائیا۔ دیِن مذہب سارے کرن نِمسکارا، ڈنڈاوت بندنا سجدے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ لنگر کہے میَں پربھوُ دواریوں منگاں، مانگت ہو کے جھولی ڈاہیِا۔ میرا پِچھلا وقت پِچھے لنگھا، اَگے جھولی رہیا ٹِکائیا۔ میَں چاہُندا کلجُگ کوُڑی کِریا میٹ دے دنگا، جھگڑا کوُڑ نہ رہے لوکائیا۔ آتم پرماتم سب نوُں بخش دے سنگا، سگلا سنگ بنائیا۔ تیرا بھگت سُہیلا رہے کوئے نہ بُھکھا ننگا، خالی بھنڈارے دینے بھرائیا۔ لیکھے لاؤنا مندا چنگا، کرم کانڈ دا ڈیرہ ڈھاہیِا۔ اَگے سفر رہے نہ لمبا، نیرن نیر دینا وکھائیا۔ جِس ویلے دیِن دُنی تے ہووے جنگا، چاروں کُنٹ کوُک کوُک دُہائیا۔ تیریاں بھگتاں حال ہووے موُل نہ مندا، ہر تھاں ہونا آپ سہائیا۔ بھاویں کِسے نے چوٹی مُنائی بھاویں سیِس رکھایا کنگھا، سب نوُں دینی مان وڈیائیا۔ سیِنہ گُرمُکھاں رکھنا ٹھنڈا، اگنی تت نہ لاگے رائیا۔ وِشنوُں کہے میَں وی پربھوُ اپنے دوارے دا کھول کے جِندا، ساچے بھگتاں ہتّھ پھڑائیا۔ کِسے نوُں رہن نہ دیویں چِندا، چِنتا چِکھا نہ کوئے جلائیا۔ تُوں صاحِب سدا بخشندا، بخشنہار تیری وڈیائیا۔ بے شک سرِشٹی تیری کردی نِندا، تُوں دَیاوان دَیاوان بےپرواہیِا۔ تیرا کھیل وِچ بھارت کھنڈ ہدِندا، نوَ کھنڈ راہ تکائیا۔ دیِن دُنی دا مارگ رہن دیویں نہ وِنگا، رستہ رہبر دینا وکھائیا۔ جوتی جوت سروُپ ہرِ، آپ اپنی کِرپا کر، ایکا دینا سچ ور، سچ تیری سرنائیا۔ لنگر کہے میری بلدی رہے اگّ، پکوان پکّے چائیں چائنیا۔ بھگتاں چوگ نہ نِکُھٹے وِچ جگ، جگ جیِون داتا دئے وڈیائیا۔ جوگِندر کؤر تیِلی لا دے جھب، ماچس اگنی روُپ بدلائیا۔ کلسیِاں والے اُتے اِٹّ رکھن تد، جِس ویلے لاٹ اپنا روُپ بدلائیا۔ ایہہ میلا نؤ سؤ چُرانوے جُگ چؤکڑی پِچھوں ہُندا نال سبب، جُگ جُگ ہتّھ کِسے نہ آئیا۔ جن بھگتو سوہنگ مہاراج شیرسِنگھ وِشنوُں بھگوان جَیکارا گاؤ گجّ، صِفتاں نال صالاحیِا۔ سب نوُں مان مِلیا اجّ، چھّبی پوہ سمت شہنشاہی ستّ وجّی ودھائیا۔ ایس سمیں نوُں ساریاں کھوجنا بھجّنا لبھ لبھ، لبھیاں ہتّھ کِسے نہ آئیا۔ ہُن جن بھگتو جدوں ویکھوگے تے ویکھوگے

اُپر اپنی شاہ رگ، نؤ دوارے توں اُپر درس دِکھائیا۔ تُہاڈی آتما نال پرماتما ہو کے جانا بجھّ، اندروں ناتا سکے نہ کوئے تُڑائیا۔ بتھیرا چِر ٹھگّی ماری تے تُساں کِہا ٹھگ، ٹھگؤری والا سب دے لیکھے پوُرے دئے کرائیا۔ اجّ توں تُہاڈا تے پربھوُ دا حِصّہ ہو گیا اَدھو اَدھ، وکھّری ونڈ نہ کوئے ونڈائیا۔ تُہاڈی سانجھی ہو گئی جدّ، آتما پرماتما بنس سربنس اِکو نظری آئیا۔ سچ پُچھو خوشیاں نال چؤراسی وِچوں تُہانوُں لیا کڈھ، پھڑ باہوں اپنے نال مِلائیا۔ کدے وی تُہانوُں پِچھے نہیں جانا چھڈ، سِر سب دے ہتّھ ٹِکائیا۔ تُہاڈا دھرم دا نِشانہ جگت جہان دِتا گڈّ، جِس دی مریادا چار جُگ دے شاستر سکن نہ کوئے سمجھائیا۔ تُسیں ہُن بپڑے نہیں رہ گئے بگ، ہنس سوہنے نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ اگنی کہے میَنوُں اِٹّ دے تھلّے دِتا بال، لال رنگ چڑھائیا۔ میَنوُں یاد میَں دسّنا بھگتو تُہاڈا اوہ حال، جِس حالت وِچ پربھ نوُں رہے منائیا۔ تُسیں میَنوُں گوُڑھی نیند رہے سوال، دھرنی دی گود وِچ ٹِکائیا۔ میَں وی پربھ نوُں کہنا تیریاں بھگتاں دا کدے نہ ہووے زوال، کال مہاکال دوُروں سیِس نِوائیا۔ جِتھے ہوووگے اوتھے کرے سنبھال، سمبل بَیٹھا دُھر دا ماہیِا۔ اِٹّ نوُں گُرمُکھ سِنگھ نیِنہہ وِچ رکھ دین دوویں پال، کھبّا ہتّھ پلکاں اُتے ٹِکائیا۔ باوَن دا پوُرا ہویا سوال، لیکھا اوَر رہیا نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں لیکھے پائے گھالی گھال، گھالنا جنم کرم دی رہن کوئے نہ پائیا۔