۲۷ ماگھ شہنشاہی سمت ۷ دیِدار سِنگھ دے گھر دوپہر نوُں پِنڈ بابوُپُر ضِلع گُرداس پُر
سَتگُر شبد کہے بڑا آیا انند، انند سَتگُر سَتگُر وِچوں پرگٹائیا۔ نارد کہے میَں وی سُنیا چھند، نیِواں ہو کے سیِس جھُکائیا۔ سندیسہ دیواں جن بھگتو جِس ویلے صاحِب سَتگُر بَیٹھے اُتے پلنگ، سِنگھاسن اُتے آسن لائیا۔ ہرِ سنگت مُکھ وِچوں بچن کرے نہ کوئے بتّی دند، رسنا جِہوا جگت نہ کوئے ہِلائیا۔ بھگت دوارے بھگتاں دے اندر من دا ہون نہیں دینا جنگ، کلپنا جگت نہ کوئے
رکھائیا۔ جو بولے سیوادار اُس نوُں کھڑا کر دینگے اِک ٹنگ، بَیٹھ کے درس موُل نہ پائیا۔ پِچھے دی پِچھے گئی ہنڈھ، اَگے حُکم ورتے بےپرواہیِا۔ ایسے کرکے نِشان وکھایا تارا چند، بُھل رہے نہ رائیا۔ جِس محمد نوُں زِمیں اسماناں دِتا ٹنگ، سو لیکھا رہیا مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ سَتگُر شبد کہے میَں دسّاں کھیل اپارا، اپرمپر اِک دِرڑائیا۔ چڑھدی کوُٹے بَیٹھے آپ نِرنکارا، نِروَیر نوُر اِلاہیِا۔ لہِندی دِشا گُرمُکھ سِنگھ سنمُکھ بہے دُلارا، مُکھ سَتگُر ولّ رکھائیا۔ دکھّن دِشا صدی چؤدھویں دی گولی دا ہووے اِشارہ، کؤر جوگِندر سوبھا پائیا۔ پہاڑ ویکھے نیَن اُگھاڑا، اُچی چوٹی کَیلاش توں پرے دھیان لگائیا۔ جِس نے ہتّھ وِچ پھڑیا سی چند سِتارا، سو ترِپت میری دِشا سوبھا پائیا۔ سَتگُر دا چرن جوڑا سرِشٹی دا حِصّہ اَدھ وِچکارا، سچ سِنگھاسن نظری آئیا۔ جِس دیِاں چاروں کُنٹ شبدی دھار وجّنیاں لکاراں، لائناں عین دینیِاں بنائیا۔ جِس چرن نوُں پوُجے سرب سنسارا، سنسا دو جہان رہے نہ رائیا۔ اوہ بخشش کرے بخشنہارا، بخشش اپنی اِک ورتائیا۔ جو نِرگُن نِرگُن لئے اوتارا، سرگُن میلا میلے سہج سُبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے میَں لَواں اُبھے ساہ، ہؤکیاں وِچ سُنائیا۔ چار کُنٹ دِسے کوئی نہ راہ، گُر اوتار پَیغمبر بھجّن واہو داہیِا۔ بِن نیَناں نیَن رہے اُٹھا، بِن اکھّاں اکھّ کُھلائیا۔ پُرکھ اکالا دیِن دَیالا کیہڑی کوُٹے تُٹھا، مِہربان اپنی دَیا کمائیا۔ جِس نے جگت جہان پاؤنیِاں لُٹاں، لُٹیرا اپنا حُکم ورتائیا۔ جن بھگتاں سُہاؤنیِاں ساچیِاں رُتاں، رُتڑی اپنے نال مہکائیا۔ گنگا گوداوری جمنا سُرستی چرن بھیٹ کرو پیار دیِاں ڈھائی ڈھائی مُٹھاں، جو لےَ کے آئیاں چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ گنگا گوداوری جمنا سُرستی رہیاں جھاک، چاروں کُنٹ دھیان لگائیا۔ کی کھیل کیِتا پُرکھ ابناش، ابناشی اپنا حُکم ورتائیا۔ جِس دے چاروں کُنٹ بھگت سُہیلے بَیٹھے پاس، خالی دِشا نظر کوئے نہ آئیا۔ سب دی پوُری کرے آس، نِراسا رہن کوئے نہ پائیا۔ کِدھر کریئے تلاش، لبھیئے کیہڑی تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ نارد کہے نی کملیِو اَگے گُر اوتار پَیغمبراں دے گھراں دے مالک ہُندے پُجاری، پوُجا کھا کے جھٹ لنگھائیا۔ ہُن پُرکھ اکال دے شبدی دھار سوہندے لِکھاری، پربھ نال مِل کے چارے کوُٹاں
رنگ رنگائیا۔ جِتھے کوئی نِمسکار کر نہ سکے جواری، ٹھگ چور یار چرن چھوہن کوئے نہ پائیا۔ ایس در تے اوہ پُجے جیہڑا بھگت جوت نِرنکاری، دوُجا نظر کوئے نہ آئیا۔ نی سماں آؤنا پربھ دے چرناں دی دھوُڑ نہیں مِلنی چھاری، ٹِکّے مستک نہ کوئے رمائیا۔ سرِشٹی نے ترِسنا تڑپھنا کِتے پربھ دے چرناں دے جوڑے دے بنیئے پُجاری، پُجاریِاں والا لیکھا پھیر وی دینا مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ نارد کہے محمدا آہ تکّ لےَ نظارہ، سوہنیاں اپنی اکھّ اُٹھائیا۔ ویکھ لےَ اپنے اِمام دا نوُر ظاہرا، ظاہر ظہوُر کرے رُشنائیا۔ جِس دا سب توں وسیع دائرہ، حد حدوُد نظر کوئے نہ آئیا۔ جِس جھگڑا پاؤنا وِچ قاہرہ، مِصر دی مِسل رہیا بنائیا۔ چار یاری دا رہنا نہیں پہرہ، پاربرہم بھے رہیا وکھائیا۔ انتم کِتے ہو نہ جانا بہرہ، انسُنت رہیا سُنائیا۔ جِس نے نام کلمے دا کرنا مُشاعرا، بِنا مشورے صلاح بنائیا۔ جِس دا کھیل اگمّا گہرا، سمجھ کِسے نہ آئیا۔ اِک وار دیِن دُنیا نے اُس نوُں کہنا بھَیڑا، کی ظُلم رہیا کمائیا۔ پر اُس نے پِچھلی ریِتی دا سب توں چُھڈا دینا کھہڑا، کھیڑا اگلا دینا وسائیا۔ مذہبی رہن نہ دیوے جھیڑا، جھگڑا میٹے کوُڑ لوکائیا۔ اوتار پَیغمبر گُروُآں بنّھ کے بیڑا، نئیا اِکو نام والی چڑھائیا۔ جو کھیل انوکھی دھار چھیڑدا چھیڑا، چھیکڑ اپنی کار بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سَتگُر شبد کہے میَں پِچھلی دسّاں دھار، آد دی آد سمجھائیا۔ جِس ویلے سَت سروُپ اپنا پرگٹ کیِتا سی نِرنکار، نِرگُن نِرگُن نِرگُن نوُر جوت رُشنائیا۔ جوت وِچوں شبد دی دھار کر تیار، آشا اپنی اپنے نال مِلائیا۔ شبد دی آشا وِشن برہما شِو کر اُجیار، جوتی جوت جوت رُشنائیا۔ پھیر لایا اِکٹّھا اِک دربار، وِشن برہما شِو ایسے طرح لیا بہائیا۔ اوہناں نوُں حُکم دِتا میرا نِرگُن دھار چرن چرن دھوُڑ دا جوڑا اپر اپار، جِس نوُں چار جُگ نہ کوئے مِٹائیا۔ جِس دی پوُجا رہے اپر اپار، اپرمپر سوامی دِتا سُنائیا۔ وِشنوُں نوُں کیِتا خبردار، بھےَ نال ڈرائیا۔ برہمے نوُں کیِتا ہوشیار، اِشارہ دِتا لگائیا۔ شنکر نوُں دے ہُلار، ہلوُنے نال اُٹھائیا۔ تِنّے اِکٹّھی کرو نِمسکار، پُرکھ اکال دِتا دِرڑائیا۔ پھیر نِگاہ لؤ اُٹھال، نیَن نیَن نال مِلائیا۔ تُسیں میرے دیِن میَں تُہاڈا دَیال، دو جہان اپنا حُکم ورتائیا۔ میَں پاتشاہ تُسیں کنگال، شاہ سُلطان ہو کے تُہاڈی جھولی دیاں بھرائیا۔ میَں راجن راجا تُسیں میرے جی پران، مِہربان ہو کے دیاں دِرڑائیا۔ اپنے چرن جوڑے دا کر دھیان، درِشٹی درِشٹ نال مِلائیا۔ دھوُڑی دا اِک
اِک قطرہ سب نوُں دِتا دان، تِنّاں دی منسا وِچ ٹِکائیا۔ وِشنوُں نوُں کِہا تُوں سب نوُں دینا پیِن کھان، بھنڈارا میرا بےپرواہیِا۔ برہمے تُوں اُتپت کرنا جہان، پاربرہم برہم اپنا رنگ رنگائیا۔ شنکرا جو اُپجیا تُوں اُس دا رہن نہیں دینا نِشان، انت لیکھا دینا مُکائیا۔ سب نے اِکو حُکم کرنا پروان، سِر سکے نہ کوئے اُٹھائیا۔ تِنّے اِکٹّھے جھُکے آن، نِو نِو لاگے پائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ رہیا کُھلائیا۔ سَتگُر شبد کہے آد دا کھیل وِچ سچکھنڈ، ہرِ کرتا آپ کرائیا۔ وِشن برہما شِو نے منگی منگ، خالی جھولی اَگے ڈاہیِا۔ جے اسیں سرِشٹی رچی کؤن ہووےگا سنگ، سگلا سنگ بنائیا۔ پُرکھ اکال کِہا میرے نام دا وجےّ مردنگ، شبدی شبد کھیل کھِلائیا۔ تن وجوُد سُہاواں وِچ وربھنڈ، اوتار پَیغمبر گُروُ ناؤں پرگٹائیا۔ پر یاد رکھِیو جِس ویلے نؤ سؤ چُرانوے چؤکڑی جُگ گئے لنگھ، پِھر آپ آواں چائیں چائنیا۔ اُس ویلے جن بھگتاں دے بَیٹھ سِنگھاسن اُتے پلنگ، آسن ایسے طرح سُہائیا۔ وِشن برہما شِو اُس ویلے چرن بھیٹ ہون گے تارا چند، سوُرج سوُریہ سیِس نِوائیا۔ تُہانوُں دیواں گا اوہ انند، جو انند میرے وِچ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ سَتگُر شبد کہے پربھ پِچھلا وقت سُہایا، دِتی مان وڈیائیا۔ سچ دربار لگایا، وجّی حق ودھائیا۔ وِشن برہما شِو لیکھا پوُر کرایا، گُرمُکھ اپنے رنگ رنگائیا۔ گُر چیلے والا پِچھلا بھیوَ چُکایا، گوبِند دئے گواہیِا۔ ہرِجن جن ہرِ اپنے رنگ رنگایا، دِتی مان وڈیائیا۔ سَتگُروُ دے گھر کوئی نہیں پرایا، بھگتاں بنس سربنس اِکو اِک وکھائیا۔ کرے کھیل بےپرواہیا، بے پرواہ اپنا حُکم ورتائیا۔ جِس نوُں کہندے دائی دایا، داتا ہو کے ویکھن آئیا۔ بھاویں جن بھگتو تُہاڈی پنج تت دی کایا، کایا دا مالک اِکو اِک نوُر اِلاہیِا۔ ایسے کرکے اجّ پہلوں پرسادِ ورتایا، پھیر اپنا حُکم ورتائیا۔ کیوں جِس ویلے وِشن برہما شِو نوُں دِتی سی دات اُس ویلے دوُجا نظر کوئے نہ آیا، بِنا چار توں چار کُنٹ روُپ نہ کوئے درسائیا۔ ستائی ماگھ دا دِوس وڈیایا، سد وجدی رہے ودھائیا۔ نوَیں ریِتی دا حُکم رہیا سُنایا، جن بھگتاں سُننا چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آپ اپنا کھیل رچایا، رچنہار ایکنکار اِکو اِک اکھوائیا۔