۲ چیت شہنشاہی سمت ۸ ہرِ بھگت دوار جیٹھوُوال ضِلع امرتسر رات نوُں
سَتگُر شبد کہے میَں تکیا دیش اَنامی، جِتھے نام کلمے دا نام لیَن والا نظر کوئے نہ آئیا۔ نہ کوئی دھار بولے ناد شبد دُھن بانی، آواز راز نہ کوئے کُھلائیا۔ نہ کوئی امرت رس حیاتے آب دِسے پانی، سانتک سَت نہ کوئے ورتائیا۔ نہ کوئی چار جُگ دی جوت اوتار پَیغمبر گُروُآں دِسے نوُرانی، اپنا اپنا دیِپک نہ کوئے ڈگمگائیا۔ نہ کوئی شہنشاہ نہ کوئی رعیت نہ کوئی حکوُمت حُکمرانی، حاکم لئے نہ کوئے انگڑائیا۔ نہ کوئی درویش در دربانی، سیوک چاکر روُپ نہ کوئے درسائیا۔ اوتھے اوس اوس دی مِہربانی، جِس دی اُستت صِفتاں نال صالاحیِا۔ لیکھا تکے پرے دو جہانی، حِصّہ ونڈ نہ کوئے ونڈائیا۔ نہ کوئی زِمیں نہ اسمانی، منڈل نوُر نہ کوئے رُشنائیا۔ نہ کوئی نِرگُن سرگُن ناتا جُڑیا ویکھیا باہمی، ساتھی سنگی سنگ نہ کوئے وکھائیا۔ نہ کوئی نگر کھیڑا دِسے گرامی، گرِہ وجےّ نہ کوئے ودھائیا۔ جِس گھر اِکو شاہ شہانی، شہنشاہ نوُر رہیا رُشنائیا۔ اُس دا بھید لِکھیا نہ کِسے قلم کانی، پردہ سکیا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا در اِک سُہائیا۔ سَتگُر شبد کہے دیش اَنامی جِتھے ملِے اگمّ اَنام، جگت دے صِفتاں والے نام بھیوَ کہن کِچھ نہ پائیا۔ جِس دا کھیل خلق توں باہر تمام، طمع دی دھار ونڈ نہ کوئے ونڈائیا۔ اوتھے تتاں والا دِسے کوئی نہ رام، گوپیِاں والا کاہن ویس نہ کوئے وٹائیا۔ پَیغمبر کرے نہ کوئے سلام، سجدیاں وِچ سیِس نہ کوئے نِوائیا۔ فُرنا منتر نہیں کوئی ستنام، ڈنکا فتح نہ کوئے سُنائیا۔ نِرگُن سرگُن دِسے نہ کوئے غُلام، شرع زنجِیر نہ کوئے رکھائیا۔ اِکو کھیل کھیل مِہربان، مِہربان اِکو نظری آئیا۔ جِس دی جوت وِچ آد انت سارے مِل جان، وکھّری ونڈ نہ کوئے ونڈائیا۔ جِس دا کھیل وِچ جہان، دو جہاناں پرے
اپنا حُکم سُنائیا۔ سو سچ دوارے کرے آپ آرام، دوُسر ہتّھ نہ کِسے پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَت دیش دا جانی جان، جاننہار اِکو بےپرواہیِا۔
۱۵ چیت شہنشاہی سمت ۸ ہرِ بھگت دوار دھیِر پُر دِلّی
سَتگُر شبد کہے پربھ دی دھرم دھار دی چُٹکی، چُٹکلا دو جہان دئے وکھائیا۔ کھیل تکنی ابناشی اچُت دی، چیتر چیتن سب نوُں رہیا کرائیا۔ پُھل پُھلواڑی مؤلنی ساچی رُت دی، رُتڑی اپنے رنگ رنگائیا۔ راس وکھاؤنی نِرگُن سرگُن شبدی دھار سُت دی، سُرتی سوئی سرب اُٹھائیا۔ جِس کھیل مِٹاؤنی کایا ماٹی بُت دی، بُتخانیاں کھوج کھوجائیا۔ دھار رہن نہ دیوے پڑدے اوہلے لُک دی، لُقمان دا لیکھا ویکھ وکھائیا۔ جگت جہان چوگ جائے نِکُھٹدی، خالی بھانڈے نہ کوئے بھرائیا۔ جِس پوُجا چُکاؤنی رسنا جِہوا بُٹ دی، بُلاں چلے نہ کوئے چتُرائیا۔ آسا پوُر کراؤنی دھرنی دھرت دھوَل دُھر دی، تُرت اپنی کار بُھگتائیا۔ جِتھے جوُٹھی سُٹ کے آؤنی اِک بُرکی، بُرقعے سب دے دئے اُٹھائیا۔ کھیل ورتنی پُرکھ اکال دُھر دی، دُھر دا حُکم نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ سَتگُر شبد کہے پربھ دا لیکھا اگمّا بھارت، بھاردواج سیِس نِوائیا۔ جِس پوُری کرنی گُروُ اوتاراں پَیغمبراں عبارت، لیکھا لیکھنی نال وڈیائیا۔ نِرگُن سرگُن کراؤنا تُعارف، دو طرفی اپنا کھیل وکھائیا۔ مان رہن نہیں دینا کِسے عارف، عُلما چلے نہ کوئے چتُرائیا۔ نام کلمے دی کرے نہ کوئے سِفارش سفارت خانے جگت جگیاَسوُآں کھوج کھوجائیا۔ پرم پُرکھ پرماتم دُھر دے حُکم دی برکھے اِکو بارش، میگھلا میگھ اگمّ برسائیا۔ لہنے دینے پوُرے کرنے وِچ فارس، فَیصلہ اپنا حق سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ سَتگُر شبد کہے پربھ دا اِکو اِک سُننا نغمہ، کلمہ کائنات باہر دِرڑائیا۔ جِس نوُں محمد کِہا میرا اِلاہی االلہ دیوے تغما، تعریِف صِفت نہ کوئے وڈیائیا۔ جِس دی دھار عیسیٰ بھرے مُجسّمہ، تبسما اپنا کھیل کھِلائیا۔ اوہ مالک پوُرب توں آوے پچھّما، پچھّم اپنا رنگ رنگائیا۔ جِس دا سب نے نام جپنا، چار کُنٹ وجےّ ودھائیا۔ اوہ لیکھا جانے دو جہان پتنا، پتناں دا مالک نوُر اِلاہیِا۔ جِس نے انتم پیِر
پَیغمبر کرنا سکھّنا، سخاوت نظر کوئے نہ آئیا۔ پھیر اِشارہ کرنا ولّ دکھّنا، پہاڑ پربت اکھّ اُٹھائیا۔ جِس دے حُکم وِچ اوتار پَیغمبر گُروُ نچّنا، وِشن برہما شِو بھجّن واہو داہیِا۔ اِکو دیِپک اگمّی جگنا، جاگرت جوت کرے رُشنائیا۔ صدی چؤدھویں انت جِس نوُں سب نے لبھنا، کھوجن تھاؤں تھائنیا۔ جوش پیا پنج تت سریِر کایا ماٹی بدنا، تتو تت اپنے رنگ رنگائیا۔ جِس لیکھے لاؤنا اعلیٰ ادنیٰ، عدل اپنا اِک کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ سَتگُر شبد کہے کھیل تکنا بے نظیِر، جگت نظرّیہ نظر کِسے نہ آئیا۔ شبد دی دھار مار کے آئے لکیِر، لائن اپنی آپ بنائیا۔ درشن دیوے نِرگُن دھار نؤ سؤ نڑِنویں فقیِر، خواب خواباں رنگ رنگائیا۔ تت دی دھار جنا تصویِر، تصّور اپنا آپ کرائیا۔ جِنہاں ساڈھے تِنّ سال رہنا دِلگیِر، دِوس رَین انتر نِرنتر بھجّن واہو داہیِا۔ شبدی دھار دساؤنا کالی الفی والا پیِر، کفنی کفناں دا ڈیرہ ڈھاہیِا۔ جِس شرع دا توڑنا زنجِیر، شریِعت دا لیکھا دئے مُکائیا۔ جگت جہان نوَیِں کرنی تعمیِر، مانَو اِکو گنڈھ پوائیا۔ چؤداں طبقاں توں باہر جِس دی جاگیِر، چؤداں لوک سیِس نِوائیا۔ جِس دا لیکھا لہنا دینا ہونا وِچ کشمیِر، کچّھ مچّھ دی آشا پوُر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ سَتگُر شبد کہے پربھ درس تڑپ دی بھوُمی، بھوُمکا اپنا دھیان لگائیا۔ جِس دا لیکھا لا سکے نہ کوئے نِجومی، نِگاہ وِچ نظر کِسے نہ آئیا۔ اُس دا لہنا دینا پوُرا کرے شاہ پاتشاہ اندروُنی، باطن بَیتُل اپنا رنگ رنگائیا۔ جِتھے شرع دی شرط لِکھنی قانوُنی، قاعدہ کرم کانڈ توں باہر سمجھائیا۔ اوہ دھام جگت بُدھی نامعلوُمی، اِشارہ دے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرنی کہے میرے اُتے دھرم دا دائرہ، نُقطہ نوُن توں باہر جنائیا۔ جِس دا اِشارہ دیوے پَیغمبر سُلیمان باہر قاہرہ، نِدھانا کلمہ نام جنائیا۔ جِتھے نوُر ابتر ہووے ظاہرا، ظاہر ظہوُر کرے رُشنائیا۔ جگت جہان ہووے بہرہ، بہرحال سمجھ کوئے نہ پائیا۔ جن بھگتاں لگّے اُتے پہرہ، پہر سوا ونڈ ونڈائیا۔ جِتھے محمد دا بوُٹا اُگیا جِس دا بنیا زہرا، وِکھ اپنا روُپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کھیل کرے گمبھیِر گہرا، گہر گوَر اپنا حُکم ورتائیا۔
۱۹ چیت شہنشاہی سمت ۸ گُرمیِت کؤر رامدوالی نوِت ہرِ بھگت دوار جیٹھوُوال ضِلع امرتسر
سَتگُر شبد کہے میَں آد جُگادی اگمّا دوُت، دو جہاناں دُھر دی سیو کمائیا۔ پرم پُرکھ دا ناد انادی سپوُت، دوُسر اوَر نہ کوئے جنیندی مائیا۔ میرا نظر نہ آئے ریکھ رنگ روُپ، تتو تت نہ کوئے جنائیا۔ میَں پِھراں چارے کوُٹ، دہ دِشا واہو داہیِا۔ جن بھگتاں کایا ویکھاں پنج بھوُت، اپ تیج وائے پرِتھمی آکاش پھول پھولائیا۔ ناتا تُڑا تن کلبوُت، ماٹی خاک خاک مِلائیا۔ آتما نِرگُن دھار کر محفوُظ، مِہربان ہو کے ویکھ وکھائیا۔ درگاہ ساچی لےَ کے جاواں دُھر عروُج، سچکھنڈ ساچے آپ ٹِکائیا۔ جِتھے اِستری مرد ونڈ نہیں کوئی دوُج، بِردھ بال نظر کوئے نہ آئیا۔ اِکو میل مِلا کے دُھر محبوُب، ناتا چؤراسی والا تُڑائیا۔ منزل دے کے حق مقصوُد، دھرم دوارے آپ بہائیا۔ جِتھے صاحِب سوامی سدا مؤجوُد، انترجامی نظری آئیا۔ اوتھے جگت سمجھ نہ سکے بوُجھ، بُدھی چلے نہ کوئے چتُرائیا۔ میَں مِہربان ہو کے ہرِ سنت سُہیلے لَواں بوُجھ، نؤ کھنڈ پرِتھمی ویکھ وکھائیا۔ کلجُگ ساگر تکاں ڈوُنگھ، گہر گوَر ہو کے ویکھ وکھائیا۔ آتما پرماتما دی اوہ نِرالی بوُند، جو انت بھگوَنت وِچ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نیَن موُند، بِن نیَناں دو جہاناں سِری بھگوانا ویکھ وکھائیا۔