۱۸ وِساکھ شہنشاہی سمت ۸ ہرِ بھگت دوار جیٹھوُوال ماجھا سنگت نوِت ضِلع امرتسر
دھروُ کہے ویکھ پرہلاد، پرلو توں پرے دھیان لگائیا۔ بل کہے امریک سُن ناد، دو جہاناں باہر شنوائیا۔ جنک کہے ہریچند ویکھ سواد، بِن رسنا رس چکھائیا۔ بِدھر کہے سُدامے سُن آواز، کی کرتا رہیا دِرڑائیا۔ جَیدیو کہے بیَنی کھول راز، رازق رِزق رحیِم کی کار کمائیا۔ رویداس کہے سارے سُنو دُھر جواب، دُھر سندیسہ اگمّ اتھاہیِا۔ مِہربان محبوُب حق جناب، دُھر کرتا اِک اکھوائیا۔ جو اوتاراں پَیغمبراں گُروُآں پوُرے کرے خواب پیشیِن گوئیاں اپنے رنگ رنگائیا۔ دُھر دا مِتر پیارا بن احباب، مِہربان اپنا رنگ رنگائیا۔ جِس نوُں واحد خالق خلق کِہا نال آداب، سجدیاں وِچ سیِس جھُکائیا۔ جِن صوُفیاں عِشق حقیِقی بدلیاں وِچوں مجاز، مجازی اپنا بھیوَ چُکائیا۔ سو لہنا دینا پوُرا کرے نِرگُن دھار سرگُن نانک بغداد، بغلگیِر بےپرواہیِا۔ سو سوامی انترجامی جن بھگتاں کرے اِمداد، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ کبیِر کہے میَں تکاں اگمّی کعبہ، قِبل دِتا دِرڑائیا۔ گنکا پوُتنا سُنے آوازا، شبد دُھن راگ جنائیا۔ کھیل کرے غریِب نوازا، گہر گمبھیِر اپنا پڑدا لاہیِا۔ جِس نوُں چار جُگ دے شاستر کہن شہنشاہ مہاراجا، پاتشاہ نوُر اِلاہیِا۔ اوہ ویس اگمّی کر سادہ، سادھنا بھگتاں رہیا کرائیا۔ جِس نوُں سِر جھُکاؤندے کرِشن رادھا، رام سیِتا نِیوں نِیوں لاگا رہے پائیا۔ جِس دیِاں پَیغمبراں پڑھیِاں نمازاں، دھوُڑی خاک خاک رمائیا۔ جِس نوُں پِتا پُرکھ اکال کہہ کے گیا گوبِند والا بازاں، بازی انتم اپنے ہتّھ رکھائیا۔ دیِن دُنی دا بدل کے تخت تاجا، دُھر دا حُکم اِک دِرڑائیا۔ مِہربان ہو کے موہن مادھوَ مادھا، مدُھر دُھن رہیا سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بدھک کہے سُن اجامل، عاجز ہو کے سیِس نِوائیا۔ جِس
پربھ دا کھیل گھڑی پل، پاربرہم کی اپنا حُکم ورتائیا۔ جو ہر گھٹ وسیا جل تھل، مہیئل ڈیرہ لائیا۔ اُس دا اِکو حُکم اٹل، اٹل پدوی جن بھگتاں دیوے چائیں چائنیا۔ نِرگُن دھار ہو کے انتر گیا رل، جوتی جاتا اپنا میل مِلائیا۔ جِس نے غریِب نِمانے گُرمُکھ تارے واہُندے ہل، کِرس کِرسانا دی اپنے ہتّھ رکھائیا۔ لکھّ چؤراسی وِچوں بھگتاں دی بھگتی والا لبھ کے دل، دلِدریِاں وِچوں اپنے نال مِلائیا۔ سرِشٹی نال سریشٹ کرکے چھل، اچھل اچھلّ اپنا بھیوَ چُھپائیا ، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ بھگت کہن ویکھو اپنے منکے مالا، صوُفی تسبیِاں ہتّھ اُٹھائیا۔ کی جگت جھلدے رہے جنجالا، کِس بِدھ کرنی کار کمائیا۔ کِس دھار مِلیا پُرکھ اکالا، پُٹھی کھلّ تن لُہائیا۔ سب نوُں گھالنی پئی گھالا، جیِون جُگتی دئے دُہائیا۔ بہُڑی کلجُگ انتم مارگ دسّ سُکھالا، سِر سِر اپنا ہتّھ رکھائیا۔ ہرِجن گُرمُکھ اپنے بچّے بنا کے لالا، لالن اپنے رنگ رنگائیا۔ جِنہاں دے نیڑ نہ آوے کال مہاکالا، رائے دھرم نہ دئے سزائیا۔ اوہناں دی ریِت اولّڑی دسّ کے اولّڑی چالا، چال دھرم دی اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ جن بھگت کہن ساڈے انتر اگمّ وِچار، بُدھی سمجھ کوئے نہ پائیا۔ پِچھے بیِتے جُگ چار، کلجُگ چؤتھا دئے دُہائیا۔ کی بھگتاں کھیل کردا رہیا کرتار، قُدرت دا کرتا اپنی کار کمائیا۔ جگت تسیہے دے وِچ سنسار، مارگ بھگتی والا جنائیا۔ کلجُگ انتم کِرپا کر اپار، اپرمپر اپنی دَیا کمائیا۔ پھڑ پھڑ باہوں دئے تار، تارنہار اِک اکھوائیا۔ ساچی بھگتی سَتگُر حُکم دی کار، جگت مالا دی لوڑ رہے نہ رائیا۔ گُرمُکھ سوُربیِر بنا ہوشیار، جودھا اپنا میلا لئے مِلائیا۔ سنت سُہیلے بنا برخوردار، برخورداری وِچ ویکھ وکھائیا۔ پوُرب جنم دا لہنا دئے اُدھار، قرضہ مقروُض آپ چُکائیا۔ سیوا وِچ سیوا کرن سیوادار، سیوا سَتگُر سَتگُر ساچے بھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ چار جُگ دے بھگت کہن آؤ کھیل تکیئے اجّ دی راتی، اٹھاراں وِساکھ وجےّ ودھائیا۔ سارے ہتّھ مارو اُپر اپنی چھاتی، چھتردھاری اپنا بھیوَ چُکائیا۔ تُہاڈی بندگی والی دھرم دی داتی، داتری داتار نال مِل کے اپنا کھیل وکھائیا۔ جیہڑی چرن دھوُڑ نال تِنّ وار اجّ نہاتی، ہر گُرسِکھ دے پِچھے تِنّ وار پِھر کے اپنا کھیل دِتا کھِلائیا۔ جن بھگتو تُہانوُں چھکا کے لنگر دا پرسادا پریم دی چپاتی، چپّا چپّا مُشکلاں وِچوں تُہانوُں دِتا باہر کڈھائیا۔ تُہاڈی منزل اگلی مُکی
تے اُس توں اَگے سَتگُر گھر دی بنی واٹی، جگت پندھ رہیا نہ رائیا۔ ایہہ آشا سپت رِکھی رکھی جِس دی نیڑے آئی واٹی، پِچھلا پندھ مُکائیا۔ سچ پُچھو گوبِند نے اٹھاراں دِن اِکّی بوُنداں امرت دیِاں رکھیاں سی وِچ باٹی، اٹھاراں وِساکھ نوُں دھرتی اُتے سُٹائیا۔ پھیر اپنا ہتّھ پھیریا تن سریِر اُتے ماٹی، سیِس توں چرناں تکّ چُھہائیا۔ نالے راہ تکیا کملاپاتی، پت پرمیشور ویکھ وکھائیا۔ سچ پُچھو اٹھاراں وِساکھ نوُں گوبِند نے اَدھی رات سی روٹی کھادھی، ودّھ گھٹّ مِنٹ نہ کوئے رکھائیا۔ نالے ہسّ کے کِہا میرا پُرکھ اکال سب دا گاڈی، جِس نوُں گاڈ کہہ کے سارے سیِس نِوائیا۔ اُس نے مِہربان ہو کے جن بھگتاں کولوں بھگتی دی دھار کراؤنی واڈھی، وڈّھی دین والا نظر کوئے نہ آئیا۔ اجّ ایسے کر کے گُرمُکھو شام نوُں روٹی رسنا نال نہیں لاگی، پوُرب لیکھا پوُر دِتا کرائیا۔ بے شک تُہاڈی جیِون زِندگی دُنیا نالوں سادی، سَتگُر سادھاں توں پرے تُہانوُں دِتی وڈیائیا۔ کیوں پربھوُ دے گھر سدا بھگتاں دی آبادی، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں بنے انتر دا راگی، راگاں وِچوں اپنا نام جنائیا۔
۲۲ وِساکھ شہنشاہی سمت ۸ کُلونت کؤر بستی خلیل دے پرساد کراؤن تے ہرِ بھگت دوار جیٹھوُوال ضِلع امرتسر
مہاکال کہے کال ویکھ حِساب، کلکاتی دھیان لگائیا۔ بِن اکھّراں تکّ کِتاب، جو کُتب خانیاں باہر سوبھا پائیا۔ جِس وِچ لکھّ چؤراسی مِلدا عزاب، چارے کھانی سِر نہ کوئے اُٹھائیا۔ لیکھا ہُندا پُنن صواب، سواس سواس بھیوَ رہے نہ رائیا۔ جو حُکم مِلیا آد دا آد، انت اوسے دی چلنا رضائیا۔ کوٹاں وِچوں بھگتاں سنتاں لادھ، کھوجے تھاؤں تھائنیا۔ سرِشٹی دی درِشٹی تکّ وِواد، وِکھ کوُڑ بھری لوکائیا۔ جِنہاں انتر وجےّ ناد، شبد دُھن شنوائیا۔ اوہناں لیکھا تکّ وِچ برہماد، برہمانڈ کھوج کھوجائیا۔ کی سندیسہ دیوے مالک واحد، واہ واہ اپنا حُکم ورتائیا۔ جِس نوُں سارے رہے ارادھ، رسنا جِہوا ڈھولے گائیا۔ سو مالک جن بھگتاں سدا رکھے یاد، وِچھوڑے وِچ وِچھڑ کدے نہ جائیا۔ کِسے دی منگے نہ کدے اِمداد، نِرگُن نِروَیر اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ کال کہے مہاکال میری ڈنڈاوت، بندنا وِچ
سیِس نِوائیا۔ چار کُنٹ کلجُگ کوُڑی پائی بغاوت، جھگڑا سکے نہ کوئے مِٹائیا۔ نام ملِے نہ کِسے نیامت، رسنا رس نہ کوئے چکھائیا۔ دیِن دُنی کرے مزاہمت، مذہب مذہب رہیا ٹکرائیا۔ کلجُگ رَین اندھیرا شامت، شمع نوُر نہ کوئے رُشنائیا۔ کوٹاں وِچوں جن بھگت پربھوُ دی اَمانت، جِس نوُں چھوہ سکے کوئے نہ رائیا۔ اوہناں دا لیکھا ہووے نہ انت نال قیامت، کرم کانڈ دی ونڈ نہ کوئے ونڈائیا۔ روگ سوگ دی شبد دیوے ضمانت، سَتگُر شبد گواہ بُھگتائیا۔ جو آد جُگاد صحیح سلامت، صاحِب سوامی اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ مہاکال کہے کال ویکھ لےَ اپنی نِرالی نوٹ بُک، بِن ہتّھاں ہتّھ اُٹھائیا۔ دھرم مارگ سرِشٹی گئی رُک، اَگے قدم نہ کوئے اُٹھائیا۔ سچ دا پَینڈا رہیا مُک، کِریا کوُڑ وجےّ ودھائیا۔ بِنا بھگتاں توں تُوں میرا میَں تیرا گائے کوئے نہ تُک، تُخم تاثیر سکے نہ کوئے بدلائیا۔ جگت جگدیِش سیِس جائے کِسے نہ جھُک، جاگرت جوت بِن ورن گوت سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں پرکاش دیوے نِرمل جوت، جوتی جاتا پُرکھ بِدھاتا نِرگُن اِکو رنگ رنگائیا۔
۲۵ وِساکھ شہنشاہی سمت ۸ نِرنجن سِنگھ دے بچناں تے ہرِ بھگت دوار جیٹھوُوال ضِلع امرتسر
دیِن دُنی بُدھی ہوئی بھرِسٹ، سَتگُر مت رہن نہ پائیا۔ ایہہ سندیسہ دے کے گیا سی رام گُروُ وسشٹ، وِشیاں توں باہر سمجھائیا۔ کلجُگ انتم دھرم دھار دا رہنا نہیں کوئی اِشٹ، اِشٹ دیوَ سوامی گُروُ گُر سیِس نہ کوئے نِوائیا۔ کوُڑی کِریا کلجُگ واشنا بھوگے گرِہست، کام کرودھ لوبھ موہ ہلکائیا۔ کِسے بھیوَ کُھلے نہ سوَرگ بہِشت، جگت پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ دیِن دُنی بُدھی نہ ہوئی بِبیک، ایکا رنگ نہ کوئے رنگائیا۔ صاحِب سَتگُر دی سب نے چھڈی ٹیک، ٹِکاّ مستک دھوُڑی خاک نہ کوئے رمائیا۔ پُرکھ اکالا دیِن دَیالا پروردِگار سانجھا یار نظر نہ آئے ایک، ایکنکار اکل کل دھاری سیِس نہ کوئے نِوائیا۔ نؤ کھنڈ ستّ دیِپ ترےَگُن مایا لائے سیک، اگنی تت نہ کوئے بُجھائیا۔ نِج
نیتر پربھ درشن سکے کوئے نہ پیکھ، جگت لوچن ملِے نہ کوئے وڈیائیا۔ آتم پرماتم پرماتم آتم کرے کوئے نہ ہیت، پاربرہم برہم بھیوَ نہ کوئے کُھلائیا۔ کلجُگ کوُڑی کِریا چار کُنٹ دہ دِشا مانَو ذاتی بھیکھ، پردہ سکے نہ کوئے اُٹھائیا۔ گھر وِچ گھر اپنا دِسے کِسے نہ دیس، ساڈھے تِنّ ہتّھ مندر اندر وجےّ نہ کوئے ودھائیا۔ رُت بسنتی نام پُھلواڑی مؤلے کوئی نہ چیت، چیتن سُرت نہ کوئے کرائیا۔ کلجُگ جیِواں کوُڑ کُڑیارا بنیا لیکھ، دھرم دی دھار سنگ نہ کوئے بنائیا۔ سَتگُروُ دوارا سب نوُں بُھلیا اپنا سچّا دیس، جگت یاتروُ بھجّن واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ دیِن دُنی بُدھی وِچ رہیا کِسے نہ سَت، سَت وِچ نہ کوئے سمائیا۔ اپ تیج وائے پرِتھمی آکاش پنجاں تتاں لگّی اگّ، امرت میگھ نہ کوئے برسائیا۔ دیِپک جوتی کِسے گرِہ نہ سکے جگ، کایا مندر نوُر نہ کوئے رُشنائیا۔ سَتگُر درس پائے اُپر نہ کوئے شاہ رگ، شہنشاہ مِلن کوئے نہ پائیا۔ جگت وِکارا رسن بنیا مدھ، امرت رس گوبِند مُکھ نہ کوئے چوائیا۔ دھرم دھار دی سچ شریِعت پار کیِتی حد، نؤ دوار جگت واسنا ہوئی ہلکائیا۔ دُھن آتمک راگ سُنے کوئے نہ ند، اناد نادی ناد نہ کوئے شنوائیا۔ سَتگُر اِشٹ جگت جگیاَسوُ گئے چھڈ، پُرکھ اکال دیِن دَیال سیِس نہ کوئے نِوائیا۔ کلجُگ کوُڑ کُڑیارے گھر گھر اپنا نِشانہ دِتا گڈّ، چار ورن اٹھاراں برن بچیا رہن کوئے نہ پائیا۔ آتم پرماتم لڈائے کوئے نہ لڈّ، سُرت شبد مِل کے وجےّ نہ کوئے ودھائیا۔ پاربرہم برہم سب نوُں بُھلی اپنی جدّ، یدی انتر نِرنتر پڑدا نہ کوئے اُٹھائیا۔ کوُڑی کِریا مایا ممتا موہ وِکار وہن گیا وگ، نؤ کھنڈ پرِتھمی دیِن دُنی رہیا رُڑھائیا۔ ایہہ کھیل ہتّھ سوُرے سربگ، جو شاہ پاتشاہ شہنشاہ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی انتریامی اِک اکھوائیا۔ جگت سرِشٹی ساچا نام گئی بُھل، اِشٹ دیوَ اِیشور نظر کِسے نہ آئیا۔ مایا ممتا وِچ گئی رُل، کوُڑی کِریا ہوئی ہلکائیا۔ سچ دیِپک ہویا گُل، نوُر جوت نہ کوئے رُشنائیا۔ میل مِلیا نہ صُلح کُل، جو سوامی سب دا پِتا مائیا۔ آتم دھار بھاگ لگّا نہ پرماتم کُل، کوُڑی کِریا ناتا سکے نہ کوئے تُڑائیا۔ ساچا امرت نِجھر رس کَول نابھی وِچوں گیا ڈُلھ، بوُند سوانتی رس نہ کوئے چکھائیا۔ مانَو ذاتی پربھ دا نام جپدی نال بُل، ہِردے ہرِ نہ کوئے وسائیا۔ شبد کنڈے نام ترازو سکے کوئے نہ تُل، قیِمت کرتا نہ کوئے رکھائیا۔ صدی چؤدھویں دیِن دُنی نوَ ستّ دھرنی دھرت دھوَل دھؤل مانَو ذاتی بوُٹا گیا ہُل، مانَس مانَو مانُکھ امرت پھل نہ کوئے لگائیا۔ جوتی جوت سروُپ ہرِ، آپ اپنی کِرپا کر،
کرے کھیل ساچا ہرِ، سچ دوارا اِک سُہائیا۔ سرِشٹی اندر کلجُگ اپنا دھریا بَل، بل باوَن دئے گواہیِا۔ جو سب نوُں رہیا چھل، اچھل چھلدھاری ہو کے ویکھ وکھائیا۔ جِس وِرولے اٹھسٹھ تیِرتھ جل، سمُند ساگراں پھول پھولائیا۔ اُس نے کھیل رچایا کلجُگ کل، کل کلکی اپنا حُکم ورتائیا۔ جِس دا بھانا سکے کدی نہ ٹل، سَتجُگ تریتا دواپردئے گواہیِا۔ سو صاحِب سَتگُر ویکھنہارا کوُڑ کُڑیارا دل، جگت وِکارا نال مِلائیا۔ تِس صاحِب توں سد وِٹہو جائیے بل بل، سرِشٹی درِشٹی اندروں ساچا اِشٹ دِتا بُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سچ سِنگھاسن پُرکھ ابناشن نِرگُن نِروَیر نِراکار گیا ملّ، سَت دا مالک سَت اپنا کھیل کھِلائیا۔
۲۶ وِساکھ شہنشاہی سمت ۸ جگجیِت سِنگھ دے نوِت ہرِ بھگت دوار جیٹھوُوال
باوَن کہے پوُرب پوُرب پوُربلی ساکھی، ساکھیات دئے پرگٹائیا۔ بل دوار جِس نے منّی آکھی، سیِس ستکار نال جھُکائیا۔ پُرکھ اکال دیِن دَیال اُس دی کرے راکھی، رکھک ہو کے سِر اپنا ہتّھ ٹِکائیا۔ سمت شہنشاہی اٹّھ دی بھاگاں بھری وِساکھی، جِس نوُں چار جُگ ویکھ وکھائیا۔ لہنا دینا پوُرب ملِے باقی، اَگا اپنے ہتّھ رکھائیا۔ سَتگُر پَیج سوارے جاکی، جاگرت جوت کرے رُشنائیا۔ چرن پریِتی جوڑے ناتی، نر نرائن اپنا میل مِلائیا۔ ایتھے اوتھے پُچھے واتی، دوُر نیڑا پندھ نہ کوئے رکھائیا۔ سِر ہتّھ ٹِکائے لوک ماتی، مِہربان مِہر نظر ٹِکائیا۔ اُتم کر بھگتاں ذاتی، دیونہارا مان وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ باوَن کہے دُھر دی آد جُگاد ریِت، جُگ چؤکڑی چلی آئیا۔ جِس دے صِفتاں والے گیِت، ڈھولے سرِشٹی سدا گائیا۔ سو مالک اِک اتیِت، ترےَگُن لیکھا دئے چُکائیا۔ جن بھگتاں وسے سدا چیِت، چیتن اپنا میل مِلائیا۔ جنم کرم دی پرکھنہارا نیِت، نیِتیوان دُھردرگاہیِا۔ گُرمُکھاں کایا رکھے ٹھانڈی سیِت، اگنی تت نہ کوئے رکھائیا۔ کوَل چرن چرن کوَل بخش اِک پریِت، پریِتم ہو کے میلا میلے سہج سُبھائیا۔ مانَس جنم جنم لیکھے لگّے سِنگھ جگجیِت، جگت اپنا سنگ نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ باوَن کہے پرم پُرکھ پربھوُ مِہربانا، مِہربان اکھوائیا۔
جُگ جُگ جن بھگتاں دیوے دانا، داتا دانی دُھردرگاہیِا۔ گُرسِکھ اُپجائے جگت نِشانہ، نِشانہ اپنا نام دِرڑائیا۔ دئے وڈیائی وِچ دو جہاناں، دوہرا اپنا کھیل کھِلائیا۔ ہرِجن کدے نہ ہووے بیگانہ، دوُر نیڑا ونڈ نہ کوئے ونڈائیا۔ کِرپا کرے شاہ سُلطانا، سَتگُر داتا اگمّ اتھاہیِا۔ چرن دھوُڑی دیوے دھرم دا دانا، وست امولک آپ ورتائیا۔ اِکّی گُرمُکھ جگجیِت سِنگھ نوُں ہتھّیں بنھنگے گانا، رنگ لال نال رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ باوَن کہے پوُرا بھوِکھت ہویا واک، واقع شبد دھار جنائیا۔ سَتگُر چرن دھوُڑی نال لےَ کے جانی خاک، مستک مستک نال چُھہائیا۔ جو دِوس رَین پُچھے وات، گھڑی پل لیکھے لائے تھاؤں تھائنیا۔ سَت دا سچ جوڑے نات، ناتا بِدھاتا آپ بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ باوَن کہے ہرِ سنگت سَت سچ ---- پیار مُحبّت نام نال وڈیائیا۔ جگت کوُڑ کِریا سنسار ساگر گہر گمبھیِر، دو جہان پار کرائیا۔ جِس دی شرع دی جگت دی نہیں کوئی تصویِر، روُپ رنگ ریکھ نہ کوئے وکھائیا۔ اوہ صاحِب سوامی گُرمُکھاں ہون نہ دیوے دِلگیِر، چِنتا غم نہ کوئے جنائیا۔ وِچھوڑے وِچ وہائے کوئے نہ نیِر، نیَناں چھہبر نہ کوئے جنائیا۔ گُرسِکھ سدا سدا بھَیناں دا بنیا رہے ویِر، بھراواں دا بھائی نظری آئیا۔ جان لگّیا سیِس تے چِٹی پگڑی بنھنی چیِر، چیِرا گوبِند ویکھ وکھائیا۔ مُکھ لگا کے جانی شکّر کھیِر، مِٹھا رس رس بنائیا ، باوَن کہے میرا لیکھا پوُرا ہووے لہنا چُکے رِشیاں دی تصویِر، تیراں سؤ ستاسی نال وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کوُڑ کِریا اُتے مارے لکیِر، لائن اپنی اِک جنائیا۔