۲۸ وِساکھ شہنشاہی سمت ۸ بیِبی گُردرشن کؤر پٹّی، مِہر انبالہ شہر، دے نوِت دلی شہر
سَتگُر شبد بھگتن میِتا، مِتر پیارا اِک اکھوائیا۔ لکھّ چؤراسی پرکھے نیِتا، چارے کھانی پھول پھولائیا۔ گُرمُکھاں کایا کرے ٹھانڈی سیِتا، اگنی تت تت بُجھائیا۔ انتر نِرنتر وسے ہِردے چیِتا، من ٹھگؤری دئے گوائیا۔ سَت سچ بخشے چرن پریِتا، پریِتم ہو کے ملِے دُھر دا ماہیِا۔ ساچا نام دے حدیِثا، حضرتاں توں باہر کرے پڑھائیا۔ جوتی جوت سروُپ ہرِ، آپ اپنی کِرپا کر، کرے
کھیل ساچا ہرِ، سچ دا رنگ آپ رنگائیا۔ سَتگُر شبد دَیانِدھ، دیِن دَیال اکھوائیندا۔ جن بھگتاں کارج کرے سِدھ، جنم کرم دا لیکھ مِٹائیندا۔ آتم پرماتم دی دسےّ بِدھ، سوہنگ ہنسا جاپ جپائیندا۔ تن کایا ماٹی جائے وِدھ، من منوُآ آپ بھوائیندا۔ درشن دیوے گھر نِج، گرِہ مندر سوبھا پائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیندا۔ سَتگُر شبد گُر پوُرا دیوا، دیوَ سوامی اِک اکھوائیندا۔ آد جُگادی الکھ ابھیوا، اگوچر اپنی کار کمائیندا۔ گُرمُکھاں امرت رس دیوے میوہ، وست امولک جھولی پائیندا۔ لیکھےلاوے رسنا جِہوا، بتّی دند صِفت صالاحِندا۔ جنم جنم دی لیکھےلاوے سیوا، صاحِب سَتگُر دَیا کمائیندا۔ بخشے دھام نِہچل نِہکیوا، نِہکرمی اپنا کرم کمائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد وڈ دیوی دیوا، آتما پرماتما اپنا میل مِلائیندا۔
۳۱ وِساکھ شہنشاہی سمت ۸ جسبیر کؤر اِٹارسی، نِواسی دے پرساد کراؤن تے
ہرِ بھگت دوار جیٹھوُوال ضِلع امرتسر
وساکھ کہے میرا سماں ٹپّیاں، ٹاپوُآں دا چپّا چپّا دئے گواہیِا۔ میَں کھیل تکاں اِکو پپیّا، پت پرمیشور پوُرن بےپرواہیِا۔ جِس دے حُکم نال دو جہان انگیِٹھا تپیا، چار کُنٹ اگن نہ کوئے بُجھائیا۔ جِس شرع دا بوُٹا کپیا، کپل مُن دا لہنا دینا جھولی پائیا۔ جگت وِکار ہنکار کوُڑا ٹھپّیا، ٹھپّا ٹھاکر اپنا نام لگائیا۔ دیِن دُنی دی ویکھے ہتّیا، ہتیارا ہو کے کھیل کھِلائیا۔ سَت دھرم دی دِسے کوئے نہ سَتیا، سَت سنتوکھ وِچ نہ کوئے سمائیا۔ چار کُنٹ لوبھ موہ ہنکار رتیا، ہؤمے ہنگتا رنگ چڑھائیا۔ میَں انت نِگاہ مار کے تکیا، تخت نِواسی ویکھ وکھائیا۔ جِس لیکھا پوُر کراؤنا مدیِنہ مکّیا، کعبیاں پڑدا لاہیِا۔ اُس دا نوُر نہ رہے چھپیا، اوہلا ونڈ نہ کوئے ونڈائیا۔ دیِن دُنی جِس نام مدھانے نال متھیا، متھن کرے لوکائیا۔ سو پُرکھ اکال سرب سمرتھیا، اکل کل دھاری اپنی کل ورتائیا۔ جِس کلجُگ وِچوں سَتجُگ چلاؤنا رتھیا، رتھواہی بنے دُھر دا ماہیِا۔ میرا درس کر کے سگل وسوُرا لتھیا، اگنی تت رہیا نہ رائیا۔ وِساکھ کہے میَں کھِڑ کھِڑا کے ہسّیا، ہسّ ہسّ کے سیِس نِوائیا۔ پُرکھ اکالے دیِن دَیالے کل رہے نہ اندھیری مسّیا، نوُری چند دینا
چمکائیا۔ تیرا اِکو ہوڑا بڑا اُپر سسّیا، ہنگ برہم اپنا میل مِلائیا۔ جِس دی خوشی وِچ پِھراں نسّیا، بھجّاں واہو داہیِا۔ جو کھیل کرے الکھّنا الکھیا، الکھ اگوچر اگمّ اتھاہیِا۔ جِس دے حُکم نال جن بھگتاں سگل وسوُرا لتھیا، چِنتا روگ رہے نہ رائیا۔ آتم پرماتم گاوے جسیا، تُوں میرا میَں تیرا صِفت صالاحیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے سیِس نِوائیا۔ وِساکھ کہے میَں جگت جہان گیا لنگھ، اپنا پندھ مُکائیا۔ سیِس نِواواں سوُرے سربنگ، نِیوں نِیوں لاگاں پائیا۔ سو سرن لگاوے انگ، انگیکار اِک اکھوائیا۔ نام نِدھانا چاڑھے رنگ، دو جہاناں اُتر نہ جائیا۔ لیکھا ویکھے تارا چند، سوُریہ چند سیِس نِوائیا۔ جو بھگتاں کرے خوشی بند بند، بندگی اپنا نام دِرڑائیا۔ نیترہیِن رہن نہ دیوے اندھ، اگیان اندروں دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ وِساکھ کہے میرا انت اَخیِری پروِشٹا، پرم پُرکھ سیِس نِوائیا۔ میرے صاحِب دا اِکو ہووے اِشٹا، اِشٹ دیوَ سوامی دُھر دا ماہیِا۔ جِس میرا پوُرا کیِتا نِسچا، نِہچل دھام ویکھ کے خوشی منائیا۔ اوہ لہنا دینا پوُرا کرے گُرمُکھ گُرسِکھ دا، ہرِجن بھیوَ رہے نہ رائیا۔ جو غریِب نِمانیاں لیکھا لِکھدا، کوجھیاں کملیاں گنڈھ پوائیا۔ اوہ روُپ آد انت اِک دا، ایکنکارا نوُر اِلاہیِا۔ جِس دا کھیل نِت نوِت دا، دو جہاناں ونڈ ونڈائیا۔ اوہ لیکھا جانے وار تِھت دا، گھڑی پل کھوج کھوجائیا۔ جھگڑا میٹے کوُڑ کِریا نِت دا، نوِت اپنا میل مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں لیکھا جانے اندر انتر باہر تن وِچ دا، وِچلا بھیوَ آپ کُھلائیا۔
پہلی جیٹھ شہنشاہی سمت ۸ ہرِ بھگت دوار جیٹھوُوال ضِلع امرتسر رات نوُں
جیٹھ کہے تیئی اوتار مِلاؤ ہتّھ، بِنا ہتھیلی ہتّھ چُھہائیا۔ کِرپا کری پُرکھ سمرتھ، پاربرہم پربھ بےپرواہیِا۔ جِس دا نِرگُن سرگُن رتھ، آد جُگاد چلائیا۔ اوہ دیوے اگمّی وتھ، امولک ہرِ ورتائیا۔ جِس نے کلجُگ کوُڑ کُڑیارا دینا متھ، متھن نام مدھانا پائیا۔ جن بھگتاں دیوے دُھر دی وتھ، وست امولک آپ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا
ہرِ، سچ دا حُکم آپ ورتائیا۔ وِساکھ کہے پَیغمبر مِلاؤ دست، دستگیِر حُکم سُنائیا۔ جھگڑا مکُے کیِٹ ہست، اوُچ نیِچ نہ کوئے وکھائیا۔ نام خُماری سب نے ہونا مست، مست دیوانے روُپ بنائیا۔ نِگاہ مارو اُتے فرش، زِمیں خاک دھیان لگائیا۔ کھیل تکو والی عرش، عرشے اعظم جِس دا نوُر رُشنائیا۔ جو رحمت رحیِم رہیا برس، مِہربان اپنی دَیا کمائیا۔ سو سب دا لیکھا پوُرا کرے شرط، شریِعت شرع کھوج کھوجائیا۔ نِرگُن نِروَیر دھار آیا پرت، اِمام اِماما نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ جیٹھ کہے گُروُ گُردیو مِلاؤ کر، کرنی کرتا آپ دِرڑائیا۔ سرِشٹی درِشٹی انتر نِرنتر ویکھو گھر، گرِہ مندر پھول پھولائیا۔ سچ سروور ویکھو سر، امرت رس پڑدا اِک اُٹھائیا۔ کی دیِن دُنی دے کے آئے ور، وارث ہو کے شبد جنائیا۔ کی کھیل کرے نرائن نر، وڈ وڈّا اگمّ اتھاہیِا۔ جِس دا دے کے آئے بھےَ بھؤ ڈر، حُکم سندیسہ نام دِرڑائیا۔ اوہ ویکھنہارا قِلعہ کوٹ ہنکاری گڑھ، پردہ پردے وِچوں چُکائیا۔ جِس جھگڑا پایا چوٹی جڑ، چیتن اپنی کار کمائیا۔ سو مِہربان محبوُب لیکھا جانے سیِس دھڑ، تتو تت بھیوَ رہے نہ رائیا۔ جِس دی وِدیا نِراکھّر دھار آئے پڑھ، اکھّراں نال صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ جیٹھ کہے وِشن برہما شِو مار لؤ جھاکی، پردہ پردے وِچوں اُٹھائیا۔ جِسم اِسم تکو خاکی، تن وجوُد بھیوَ رہے نہ رائیا۔ لہنا دینا ویکھو باقی، جُگ چؤکڑی پھول پھولائیا۔ کی حُکم سندیسہ دیوے کملاپاتی، پت پرمیشور نوُر اِلاہیِا۔ بِن اکھّراں والی پڑھو گاتھی، بِن رسنا جِہوا ڈھولا گائیا۔ سوادھان ہو جاؤ اجّ دی راتی، رُتڑی رُت رُت بدلائیا۔ آد دی آد سَت دی سَت ویکھو پاتی، کی پترکا رہی سمجھائیا۔ جِس دا لیکھا انک رہیا وِشن برہما شِو شِو دی چھاتی، چھتردھاری سمجھ کوئے نہ آئیا۔ جِس دا کھیل سدا بہُہ بھانتی، اَنک کل اپنی کل ورتائیا۔ اوہ لیکھا جانے لوک ماتی، دو جہاناں پڑدا آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ اوتار پَیغمبر گُر کہن سُن لےَ جیٹھا، شبدی شبد جنائیا۔ اسیں سارے اِک پربھوُ دی چھایا ہیٹھا، دُتیا بھاؤ نہ کوئے جنائیا۔ تیرے وِچ کلجُگ کیوں ہویا کؤڑا ریِٹھا، امرت رس نہ کوئے بھرائیا۔ جیٹھ ہسّ کے کِہا محمدا تیرا صدی چؤدھویں انتم ٹھیکا، ٹھاکر دُھر دا رہیا دِرڑائیا۔ شبدی گوبِند ویکھ لےَ بیٹا، جِس نوُں جنمے کوئے نہ مائیا۔ اوتار اِکو اِک دی ٹیکا، ٹِکّے مستک نہ کوئے رمائیا۔ پرم
پُرکھ سب دا نیتا، نِج نیتر کرے رُشنائیا۔ جِس دا آتم پرماتم سدا ہیتا، پاربرہم برہم مِل کے وجدی رہے ودھائیا۔ اوہ جُگ چؤکڑی کدے نہ بُھلے چیتا، ابُھل مالک اِک اکھوائیا۔ سب دا گھر گھر جانے لیکھا، بچیا نظر کوئے نہ آئیا۔ پردہ لاہے دیس پردیشا، دیس دیسانتر کھوج کھوجائیا۔ جو آد انت رہے ہمیشہ، جنم مرن نہ روُپ بدلائیا۔ سو ویکھنہارا دس دسمیشا، دہ دِشا بھیوَ چُکائیا۔ بھگت اُدھارنا جِس دا پیشہ، پیشیِن گوئیاں اپنے لیکھے لائیا۔ انتم جھگڑا میٹے مُلّا شیخاں، مسائکاں ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ سُنائیا۔ گُر اوتار پَیغمبر کہن جیٹھ مار لےَ جھاتی، پردہ پردیاں وِچوں اُٹھائیا۔ نوُر تکّ لےَ کملاپاتی، پت پرمیشور بےپرواہیِا۔ جو کھیل کرے تیرے پہلے دِوس دی راتی، رُتڑی اپنے نال مہکائیا۔ جگت جہان توڑ کے ناتی، سگلا سنگ نہ کوئے بنائیا۔ کی حُکم سندیسہ دیوے لوک ماتی، کائنات کی دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک نوُر اِلاہیِا۔ جیٹھ کہے اوتار پَیغمبر گُروُ صاحِبانو میَں اِکو نام جپدا، جگ جیِون داتے سیِس نِوائیا۔ جیہڑا پیاسا نہیں دیِن مذہب دی رتّ دا، مانَو ونڈ نہ کوئے ونڈائیا۔ جو پیارا تتو تت دا، کھوجنہارا تھاؤں تھائنیا۔ اوہدا نظارہ نِرگُن سَت دا، سَت سروُپ نوُر اِلاہیِا۔ اُس دا کھیل اکتھنا اکتھ دا، کتھنی کتھ نہ سکے رائیا۔ جِس دے درشن سگل وسوُرا لتھدا، اگنی اگّ نہ کوئے جلائیا۔ اوہ مالک دِسے گھٹ گھٹ دا، ہر گھٹ رہیا سمائیا۔ جِس جھگڑا میٹنا دیِن مذہب دی وٹّ دا، شرع دا لیکھا رہے نہ رائیا۔ اوہ کلجُگ کوُڑی کِریا جڑاں کٹدا، کٹاکش اپنا نام رکھائیا۔ جِس دا شہنشاہی سمت اٹّھ جاوے ٹپّدا، ٹاپوُآں دے پرے ویکھ وکھائیا۔ اُس جھگڑا میٹنا من مت دا، سَتگُر مت اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ جیٹھ کہے اوتار پَیغمبر گُروُ ویکھو اپنیِاں تانگھاں، چار جُگ دا دھیان لگائیا۔ پریم لہر دیِاں ویکھو کانگاں، تن وجوُد توں باہر دھیان لگائیا۔ جِس نے اپنی کھیل دا ورتنا سوانگا، کی سوانگی اپنی کل وکھائیا۔ جِس نوُں سمجھے کوئی نہ پانڈا، بُدھی چلے نہ کوئے چتُرائیا۔ جِس جھگڑا میٹنا اپنے ناؤں دا، ناؤں نِرنکارا اِک سمجھائیا۔ حِصّہ رہن نہیں دینا سوُر گاں دا، پشوُآں کھلّ نہ کوئے لُہائیا۔ سب نوُں سُت بناؤنا جوتی دھار ماں دا، پِتا پُرکھ اکال وڈیائیا۔ کلجُگ روُپ رہن نہیں دینا کاں دا، کاگوں ہنس آپ اُڈائیا۔ جھگڑا میٹنا باہوُ بَل بانہہ دا،
ہنگتا گڑھ دئے تُڑائیا۔ مان رہن دینا نہیں کِسے تھاں دا، نِتھاویاں ہوئے آپ سہائیا۔ اِکو گرِہ سُہاؤنا سچکھنڈ کلاں دا، خُرد دا ڈیرہ دینا ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ جیٹھ کہے میَں اوتار پَیغمبر گُروُاو بڑا تتّا، تپدیاں شانت نہ کوئے کرائیا۔ سُنو دُھر دا اگمّی پتہ، پت پرمیشور رہیا سُنائیا۔ جِس وِچ فرق ہووے نہ رتا، رتی ونڈ نہ کوئے ونڈائیا۔ اِکو ڈنکا وجّنا فتحا، جو پربھ اپنے ہتّھ وکھائیا۔ کلجُگ رہن نہیں دینی بہُہ متا، مت متانتر دینا مُکائیا۔ جو اِشارہ دِتا نانک تپا، بغداد وِچ سُنائیا۔ تِس دا لیکھ لِکھاؤنا ٹپّا ٹپّا، نؤ سؤ نڑِنوے اکھّراں نال وڈیائیا۔ ایہہ کھیل ہتّھ پُرکھ سمرتھا، جو آد انت اپنی کار بُھگتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کل آپ ورتائیا۔ جیٹھ کہے میرا تن وجوُد ویکھو سڑدا، اگنی تت تپائیا۔ جگت جہان تکّیو لڑدا، اَگے ہو نہ کوئے اٹکائیا۔ پہلوں حِصّہ ونڈاوے چڑھدا، پھیر لہِندی دِشا پئے دُہائیا۔ پہاڑ دکھّن نال مردا، اَگے ہو نہ کوئے اٹکائیا۔ ایہہ کھیل پربھوُ دے گھر دا، دھرنی اُتے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر پردہ آپ اُٹھائیا۔ جیٹھ کہے میَں نِگاہ ماری وِچ برہمنڈاں، بِن اکھّاں اکھّ اُٹھائیا۔ میرے صاحِب دیِاں اگمّی ونڈاں، جِس دی سمجھ نہ کوئے سمجھائیا۔ جِس نِشان میٹنا تارا چندا، سوُریہ چند سیِس نِوائیا۔ پَیغمبراں پوُریِاں کرنیِاں منگاں، محمد نِیوں نِیوں لاگے پائیا۔ جِس نے لیکھ مُکاؤنا شرع دیِاں کندھاں، کنڈھی بَیٹھا ویکھے دُھر دا ماہیِا۔ جِس دی صِفتاں گاؤنیاں بتّی دنداں، رسنا جِہوا نال مِلائیا۔ اُس دا کھیل ہونا اچنبھا، چمّ درِشٹی دئے بدلائیا۔ صدی چؤدھویں انتم میٹنا پندھا، پاندھی چار یار روون مارن دھاہیِا۔ صدی بیِسویں حضرت عیسیٰ سماں لنگھا، مسیح بِن نیَناں نیَن تکائیا۔ موُسیٰ ویکھے اپنا رنگا، اٹھسٹھ رہے کُرلائیا۔ تیئی اوتار کہن ساڈا پندھ مُک گیا لمبا، اَگے اوَر نہ کوئے ودھائیا۔ نانک گوبِند کہے پربھوُ دا کھیل سب توں چنگا، چار جُگ دے شاستر دین گواہیِا۔ جِس دے حُکم نال ہووے دنگا، دنگل ویکھے جگت لوکائیا۔ شبدی شبد کھڑکنا کھنڈا، کھنڈا کھڑگ سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ جیٹھ کہے سُنو بچن اولّا، سب نوُں دیاں سُنائیا۔ جِس نوُں کہندے نوُر اِلاہی االلہ، عالمیِن بےپرواہیِا۔ جو وسیا سچکھنڈ سچ محلا، درگاہ ساچی سوبھا پائیا۔ اوہدا لیکھا جلا تھلا، مہیئل اپنا حُکم ورتائیا۔ جِس دا نوُر نوُرانہ اگمّی
دیِپک بلا، جوتی جاتا ڈگمگائیا۔ اوہ کھیل کرے اِک اِکلّا، اکل کل دھاری اپنی کل ورتائیا۔ جِس نے صدی چؤدھویں انت اَخیِر بے نظیِر دُھر دے کلمے دا بولنا ہلّا، الف یے ونڈ نہ کوئے ونڈائیا۔ سو سچ سِنگھاسن پُرکھ ابناشن اِکو ملّا، تخت نِواسی نظری آئیا۔ جِس دا نِہچل دھام اٹلا، محل اٹل کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ اوتار پَیغمبر گُر کہن جیٹھ نہ مار اپنا دابا، غُصّے وِچ جنائیا۔ ذرا تکّ نوُر اگمّی محرابا، محبوُب بےپرواہیِا۔ جِس دا ساریاں نال وعدہ، قؤل اِقرار توڑ نِبھائیا۔ جِس دا حُکم سدا باقاعدہ، بے قائدگی وِچ کدے نہ آئیا۔ اوہ ہووے نہ کدے علیحدہ، وکھّری ونڈ نہ کوئے ونڈائیا۔ جِس دے کولوں ساریاں لیا فائدہ، نام کلمیاں دیِاں جھولیاں مات بھرائیا۔ اوہ کلجُگ انتم لیَن آئے جائزہ، جائز اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا اپنے ہتّھ رکھائیا۔ جیٹھ کہے اوتار پَیغمبر گُروُ صاحِبانو میَں کی دسّاں، دسّن دی لوڑ رہی نہ رائیا۔ میَں بِن رسنا جِہوا بتّی دند ہسّاں، ہسّ ہسّ کے دیاں وکھائیا۔ نِرگُن دھار ویکھو بِنا جگت نیتر اکھّاں، لوئناں ونڈ نہ کوئے ونڈائیا۔ جِس نوُں کہندے پُرکھ سمرتھا، مالک خالق نوُر اِلاہیِا۔ اُس دے چرن کوَلاں وِچ ڈھٹّھا، قدماں دھوُڑی خاک رمائیا۔ جِس دا سب دے نال وعدہ قؤل اِقرار بِنا اکھّراں توں لِکھیا پٹا، پاٹل ہو کے رہیا سمجھائیا۔ جِس سرِشٹی نوُں زیِرو زیِرو نال کرنا بٹا، اِک دا انک ہتّھ نہ کِسے پھڑائیا۔ جِس دا شہنشاہی سمت اٹّھ جاندا نَٹھا، بھجےّ واہو داہیِا۔ اُس نے سرِشٹی نوُں دو دھڑ وِچ کرنا اِکٹّھا، اِکٹّھا اپنا حُکم سُنائیا۔ شاہ سُلطاناں سیِس وِچ پاؤنا گھٹّا، تخت تاج نہ کوئے ہنڈھائیا۔ ضرور چار کُنٹ پویگا رٹّا، رُٹین وِچ لیکھا دئے لِکھائیا۔ کلجُگ چیِتھڑ پُرانا پھٹا، انتم رووے مارے دھاہیِا۔ محمد احمد پِھرے نَٹھا، صدی چؤدھویں دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر حُکم اِک ورتائیا۔ جیٹھ کہے میَں کوجھا کملا، کامل مُرشد رہیا جنائیا۔ جِس دیِن دُنی دے تکنا املا، عِلم عالماں ویکھے تھاؤں تھائنیا۔ جِس نوُں سب نے کہنا جٹّ یملا، یادو کرِشن دئے گواہیِا۔ اُس محبوُب نے کِسے دی کُکھوں نہیں جمّنا، جمّن والی کوئے نہ مائیا۔ گُلشن ویکھنا دیِن دُنی دا چمنا، چمّ درِشٹی پھول پھولائیا۔ جِس دے بھےَ وِچ گُروُ اوتار پَیغمبر کمبنا، وِشن برہما شِو سیِس نہ کوئے اُٹھائیا۔ اُس دا حُکم دو جہاناں منّنا، من دی منسا نہ کوئے وکھائیا۔ جِس جو گھڑیا سو بھنّنا، گھڑن بھنّنہار بےپرواہیِا۔ کوُڑ
کُڑیارا انتم دنڈنا، ڈنڈاوت سب دی ویکھ وکھائیا۔ نِشان میٹ کے تارا چندنا، چند نوُر کرے رُشنائیا۔ گوبِند لہنا پوُرا کرنا پوُرب دُشٹ دمنا، دامن پلّوُ نام پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا کھیل آپ کھِلائیا۔ جیٹھ کہے اُف ہائے، دروہی حق خُدا۔ سچ تعریِف رہیا سُنائے، مالک محبوُب بے پرواہ۔ صدی چؤدھویں ملِے سزائے، صاحِب سُلطان رہیا دِرڑا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کما۔ اوتار پَیغمبر گُر کہن جیٹھا کُچھ ہور دسّ، دست دست نال مِلائیا۔ خوشیاں نال ہسّ، ہسّ ہسّ کے دے سمجھائیا۔ تُوں کِس دے ہوئیوں وس، واسطہ کِس دے نال جُڑائیا۔ جیٹھ کہے میَں خوشیاں وِچ رہیا نسّ، بھجّاں واہو داہیِا۔ جِس صاحِب دا تُساں چار جُگ گایا جس، صِفتاں وِچ صِفتی ڈھولے جگت سُنائیا۔ میَں اُس دے ہویا وس، واسطہ اِکو نال رکھائیا۔ جِس کلجُگ اندھیر میٹنا مس، چند گوبِند کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ پَیغمبر کہن آہ لا تنظیمو ولزستا مویزے ناچکُستا شہزینے نوُرو نزہک، عالمینے بہزک، اُلزی اوزد، نوُرے نہود، پرویدے پروردِگار، گوشے نوُر نوُرانہ چمتکار، اعلے ازی علی االلہ اِک اکھوائیا۔ محمد کہے موہجِستا، زوی اِک الاہ، خط خطوُط کوئی نہ لِکھدا، کلمہ اگمّ دئے دِرڑا۔ اوہ واحد نوُر اِک دا، نوُر نوُرانا اِک رُشنا۔ جو سب دا انتر نِرنتر وِدھ دا، وِدیا توں باہر بے پرواہ۔ جِس کھیل ویکھنا لہوُ مِجھّ دا، مجلس شتروُآں والی لگا۔ ایہہ کھیل اگمّی بِدھ دا، نؤ کھنڈ پرِتھمی ستّ دیِپ لئے اُٹھا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ جیٹھ کہے اوتار پَیغمبر گُروُ سُنو حُکم اگمّ، دُھر دا دیاں سُنائیا۔ جھگڑا چھڈ دیؤ چمّ، چمّ درِشٹی لؤ بدلائیا۔ اِکو دھار سمجھ لؤ برہم، پاربرہم نوُر اِلاہیِا۔ نہ کوئی ہرکھ سوگ غم، چِنتا چِکھا نہ کوئے جلائیا۔ سارے پرم پُرکھ دی دھاروں پئے جمّ، آتما جنمے کوئے نہ مائیا۔ سُنو حُکم بِنا سرون کنّ، کنّا گوبِند والا دئے گواہیِا۔ جِس اُمت نبی رسوُلاں دینا ڈنّ، ڈنکا شبد کرے شنوائیا۔ ویکھو رووے تارا چنّ، چار یاری رووے مارے دھاہیِا۔ بہُڑی نیتر نیَن ہیِن ہوئے انّھ، نوُر ظہوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ چُکائیا۔ جیٹھ کہے پَیغمبر آوو اَگے، آگمن وِچ تاڑی دیاں وجائیا۔ اپنے ویکھو گھر گھر دیِپک جگے، چراگاہاں کی رُشنائیا۔ اُمت وِچ پِھرو
بھجےّ، بھجّو واہو داہیِا۔ تُہاڈے کلمے وِچ کیہڑے مُریِد بجھّے، کیہڑے مُردے قبراں وِچوں باہر کڈھائیا۔ اِکو بیان دیؤ سبے، حضرت عیسیٰ موُسیٰ دھیان رکھائیا۔ محمد تیری صدی چؤدھویں ونجھے، وَنجھ مُہانا ہتّھ نہ کوئے رکھائیا۔ سچ دسّ کیہڑے ماڑے تے کیہڑے چنگے، کلمے دی کلمہ دئے صفائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پڑدا آپ اُٹھائیا۔ محمد کہے میرے مالک کُل وجیِہ، قدم بوسی سیِس نِوائیا۔ تُوں عالمے عالیشان توجیِہ، تہذیب تیری نوُر اِلاہیِا۔ تیرا دائرہ اِک وسیع، وصل دے یار بےپرواہیِا۔ تُوں مالک حق طبعی، طبیعت سب دی دے بدلائیا۔ تُوں نوُر اِلاہی ربّی، ربےّ عالمیِن مالک اِک اکھوائیا۔ میری لنگھدی جاندی چؤدھویں صدی، ہائے صدمے وِچ دیاں دُہائیا۔ دست تیرے اَگے کھلوتا بدھّی، سجدہ بِنا سیِس سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ خُدا کہے خود خُدی کہ زوی، جاؤلا محو، تاوستے نووُ، زانے مجد، شاکوُکے نزع، ولہستا، مُنہ جی، زوئے وزز عرشے عاجز، خاکے تزک نوُرے زہک، خالکے خلل، خود مالک بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ محمد کہے حضرت عیسیٰ، اِسم سیِس نِوائیا۔ عیسیٰ کہے سُن موُسیٰ، جِسم جِسم جِسم دئے دُہائیا۔ پروردِگار دا نوُر اِلاہی تے کالا سوُسا، کالی کمبلی والا ویکھ وکھائیا۔ جِس نے کھیل کھِلاؤنا چیِنا روُسا، پاتالاں پردہ دئے اُٹھائیا۔ کی حُکم دیوے شاہ ابنوُسا، حضرتے بے نظیِر کی اپنی کل ورتائیا۔ واحد کلمہ کلمہ کائنات دا دوُتا، نؤ کھنڈ پرِتھمی بھجےّ واہو داہیِا۔ جِس دا سمت شہنشاہی اٹّھ وِچ ملِے ثبوُتا، ثابت بابت اپنی آپ دئے کرائیا۔ جِس نوُں جھُکنے جگت دے تن وجوُد کلبوُتا، کلمیاں توں باہر قایم مُقام اپنا حُکم دئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ جیٹھ کہے گُر اوتار پَیغمبرو ہور ویکھو دھماکا، دھرم دھرم نال جنائیا۔ جِس نوُں کہندے پروردِگار پاکی پاکا، پاکیزہ کی اپنا حُکم ورتائیا۔ سچ پُچھو اُس پنچم جیٹھ چڑھنا راکا، راکب ہو کے دُھر دا ماہیِا۔ جِس نوُں محمد نے کِہا میرا آقا، عقل بُدھی توں باہر ڈیرہ لائیا۔ اُس نے دیِن دُنی دا بدل دینا ساکہ، ساکھیات اپنا نوُر کرے رُشنائیا۔ چھوٹیِاں چھوٹیِاں رہن نہیں دینیِاں شاخاں، شناخت وِچ رفاقت سب دی دئے بنائیا۔ نام کلمے دیِاں وکھّریِاں وکھّریِاں جو چلدیِاں رہیِاں کلاساں، اکھّر اکھّراں نال بدلائیا۔ تِس صاحِب نے
ویکھیِاں گوپیاں کاہناں والیِاں راساں، منڈپاں منڈلاں اپنا کھیل کھِلائیا۔ منزل بامنزل کٹیاں واٹاں، بھجّیاں واہو داہیِا۔ انت لیکھا ویکھیا سب نوُں پیا گھاٹا، اوتار پَیغمبر گُروُ سارے اپنا لیکھا رہے جنائیا۔ صدی چؤدھویں انت اَخیِر مِٹ جانیِاں ذاتاں پاتاں، جگت شرع ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ وکھائیا۔ جیٹھ کہے سارے میَنوُں دیؤ تھاپی، وِشن برہما شِو خوشی بنائیا۔ کیوں میرے وِچ پربھوُ دے حُکم دی اوہ ہون لگّی کاپی، جِس نوُں چار جُگ دے شاستر نہ سکن سمجھائیا۔ کوئی گرنتھ شاستر نہیں کہہ سکدا میَں کِنے تارے پاپی، میَنوُں پڑھن والے کِتنے پار لنگھائیا۔ گُروُ اوتار پَیغمبر کِسے سِکھ دی لِکھی نہیں ساکھی، جو سچکھنڈ بَیٹھے ڈیرہ لائیا۔ سَتگُر شبد توں بِنا تے شبد گوبِند توں بِنا منّی کِسے نہیں آکھی، آخر اکھّراں توں باہر حُکم دِتا دِرڑائیا۔ ایسے کرکے کلجُگ دے انتم سب نے اؤکھی دسّی گھاٹی، بِنا پرم پُرکھ توں گھاٹا پوُر نہ کوئے کرائیا۔ انتم انتم لنگھدیاں لنگھدیاں لنگھدیاں سب دی آ گئی واٹی، پِچھلا پندھ رہیا نہ رائیا۔ سارے اوتار پَیغمبر گُروُ ہتّھ مارو اپنی چھاتی، بِنا تن وجوُد اپنا ہتّھ رکھائیا۔ کلجُگ انتم اِکو ایکنکار کملاپاتی، جِس نوُں پت پرمیشور کہہ کے سارے گائیا۔ اوہ سدا سدا ابناشی، جنم مرن وِچ کدے نہ آئیا۔ جاں اوہدا کھیل تکیا ہو گیا گھنک پُر دا واسی، جِس نوُں گھنئیا رام شام بَیٹھے سیِس نِوائیا۔ پھیر ویکھیا اُس دی جوت جوت پرکاشی، تن وجوُد وِچوں کرے رُشنائیا۔ پہلی جیٹھ کہے میری سب نے منّنی آکھی، دُھر دے اکھّراں نال سُنائیا۔ جن بھگتو بھگوَن نے کرنی تُہاڈی راکھی، سِر سب دے ہتّھ رکھائیا۔ کیوں پنچم جیٹھ نوُں اُمت دی بدل جانی حیاتی، پِچھلا جیِون پِچھے دِتا لنگھائیا۔ ہُن پوُرن جوت تے پوُرن پرکاشی، تے پوُرن ہر گھٹ نظری آئیا۔ کِسے دا لہنا رہن نہیں دینا باقی، باقاعدہ سب دا لیکھا دینا چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ جیٹھ کہے جاگ او جیٹھا پنجیا، جِس دے اُتے پنجہ نِشان نہ کوئے لگائیا۔ آہ ویکھ تے اوہ ویکھ سب دا ویلا وَنجھیا، وَنجھ مُہانا ہتّھ نہ کِسے رکھائیا۔ سب دا لیکھا بِنا کِلیاں توں سچکھنڈ وِچ ٹنگیا، جِس نوُں پھڑ کے ویکھن کوئے نہ پائیا۔ کیوں ایہہ ور اوتار پَیغمبر گُروُآں منگیا، پربھ دے اَگے خالی جھولیاں ڈاہیِا۔ تیرا کھیل تکنا وِچ وربھنڈیا، لوک پرلوک ویکھنا چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پنچم
جیٹھ کہے جیٹھا میری نِمسکار، نِیوں نِیوں سیِس جھُکائیا۔ تُوں بڑا مِتر پیارا یار، جُگ جُگ دا نظری آئیا۔ جِس نے سدّے تیئی اوتار، وِشن برہما شِو جوڑ جُڑائیا۔ حضرت عیسیٰ موُسیٰ محمد کِھچّ لیاندا کر پیار، مُحبّت وِچ مُحبّت لئی انگڑائیا۔ دس گُر گُر جوت کر اُجیار، جوتی جاتا ڈگمگائیا۔ سرِشٹی دی درِشٹی کر خبردار، بےخبراں خبر سُنائیا۔ او دُنیا والیو تُہاڈا سمبل دیس ہویا تیار، جِس سمبل نوُں سارے گائیا۔ پنچم جیٹھ تے دِن سی منگلوار، گھر گھر وجّی ودھائیا۔ شیرسِنگھ دا شیر روُپ اپار، شرع توں باہر شہنشاہ اکھوائیا۔ پوُرن وِچوں پوُرن ہویا تیار، سو پوُر رہیا سرب ٹھائنیا۔ جنم دا جنم تے جنم دا اُدھار، اُدر توں باہر دا لیکھا دِتا دِرڑائیا۔ نَواں جامہ پہن کے ہووے آپ اُجیار، نوُر نوُرانہ ڈگمگائیا۔ پھیر جائے جگت ساگراں توں پار، پرا پسنتی مدھم بَیکھری توں پرے کرے رُشنائیا۔ سب نوُں جگاؤندا جائے ہِلاؤندا جائے اُٹھاؤندا جائے غفلت وِچوں کراؤندا جائے بے دار، ویدی سوڈھی دا لیکھا پوُر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ پنچم جیٹھ کہے میَں آواں گا۔ پرم پُرکھ دا کھیل سمجھاواں گا۔ شبدی دھار ڈنک وجاواں گا۔ راؤ رنک آپ اُٹھاواں گا۔ دوار بنک اِک وڈیاواں گا۔ جِس کھیل کیِتا پُری گھنک، تِس دا گھر اِک سُہاواں گا۔ جِس دی آشا رکھ کے گیا بھگت جنک، جنک سپُتری سیِتا نال مِلاواں گا۔ اَگے سچ بنا کے بنت، سوہنا راگ الاواں گا۔ سب دا اِکو ماہی تے اِکو کنت، خاوَند اِکو اِک سمجھاواں گا۔ گڑھ توڑ کے ہؤمے ہنگت، ہنگ برہم اِک دِرڑاواں گا۔ بودھ اگادھا بن کے پنڈت، دُھر دی سِکھیا اِک سمجھاواں گا۔ جن بھگتو تُہاڈا ناتا توڑ کے سوَرگ بہِشت جنّت، سچکھنڈ دوار وساواں گا۔ جِتھے نہ کوئی آد تے نہ کوئی انت، مدھ دا لیکھا پرے ہٹاواں گا۔ جِس دے درشن نوُں لوچدے سنت، سو شبد تُہاڈے انتر آپ وساواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھاواں گا۔ پنچم جیٹھ کہے میرے صاحِب دے کول ہووے ستّ رنگا، سَت ستوادی دَیا کمائیا۔ محمد سنبھال نہ سکے تمبا، چار یاری بھجےّ واہو داہیِا۔ عیسیٰ پِھرے پَیریں ننگا، قدم قدم نال بدلائیا۔ موُسیٰ حَیران ہووے اچنبھا، کی قُدرت دا مالک کھیل کھِلائیا۔ رام کہے سیِتا ویکھ لےَ کلجُگ کنڈھا، رام دا رام لئے انگڑائیا۔ کرِشن کہے بِنا رتھواہی توں شبدی دھار کرائے جنگا، جگت جُگت اپنے ہتّھ رکھائیا۔ نانک کہے صاحِب سوُرا سربنگا، کی اپنی کل ورتائیا۔ گوبِند
کہے سَتگُر شبد پِھرے وِچ برہمنڈاں، کوٹن کوٹ چرناں ہیٹھ دبائیا۔ جِس نے سَتجُگ تریتا دواپرکلجُگ جیو جہان پائیاں ونڈاں، حِصّے اوتار پَیغمبر گُروُآں ہتّھ پھڑائیا۔ انت کنت بھگوَنت پروردِگار سانجھا یار سب دا سیِنہ کرے ٹھنڈا، آتم پرماتم اپنی گنڈھ پوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ جیٹھ کہے پربھوُ پڑدا چُک دے، چُکے جگت اندھیر۔ پڑدے لاہ دے اوہلے لُک دے، کردے اپنی مِہر۔ بھیوَ کُھلا دے دُھر دی تُک دے، دُتیا رہے نہ تیر میر۔ لیکھے مُکا دے جننی کُکھ دے، چؤراسی پئے پھیر نہ گیڑ۔ جھگڑے مُکا دے بُھکھ دُکھ دے، نؤ کھنڈ پرِتھمی اپنا گیڑا گیڑ۔ گُر اوتار پَیغمبر سُکھّنا سُکھّدے، کلجُگ انتم نہ لا دیر۔ کوُڑی کِریا جڑ پُٹ دے، ہؤمے ہنگتا دے نبیڑ۔ لیکھے مُکا دے کام کرودھ لُٹ دے، مایا ممتا نہ رہے اندھیر۔ قؤل اِقرار پوُرے کر دے گوبِند سُت دے، کل کلکی اِک اوتار۔ تیرے وقت نِشانے ڈُھک دے، اِمام اِماما پروردِگار۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، شاہ پاتشاہ سچّی سرکار۔ جیٹھ کہے میری آسا اِک لوڑیندی، لوآں پُریاں توں باہر جنائیا۔ کلپنا میٹ دے کلجُگ من دی، منسا موُڑھ رہے نہ رائیا۔ جوت جگا دے کایا تن دی، تن وجوُد ہووے رُشنائیا۔ دھار بدل دے جیِو جگت جن دی، جاگرت جوت ڈگمگائیا۔ چُغلی نِندیا مِٹا دے کنّ دی، سرون سُنن کوئے نہ پائیا۔ ترِسنا کوُڑ رہے نہ دھن دی، نام بھنڈارا اِک ورتائیا۔ ویکھ کھیل گوبِند چنّ دی، جِس نوُں چنّ سِتارا سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دُھر دے مالک ہونا سہائیا۔ پہلی جیٹھ کہے پنچم ہونا سچ دِہاڑا، دُھر دی خوشی بنائیا۔ سَتگُر ہتھّیں رنگ لاؤنا گاڑھا، لال گُلالا سوبھا پائیا۔ پرگٹ ہووے دُھر دا لاڑا، پوُرن سَتگُر دُھر دا ماہیِا۔ جِس نے پِھرنا کربلے والیاں وِچ اُجاڑاں، جنگلاں جوُہاں کھوج کھوجائیا۔ جِس دے پِچھے لگّنیِاں دھاڑاں، دھاڑوی ہو کے بھجےّ واہو داہیِا۔ بِنا نبی رسوُلاں توں جِس نے گاؤنیاں واراں، صِفتاں توں باہر صِفت صالاحیِا۔ جِس دا تیِر کمان کھنڈا کھڑگ کھڑکنیِاں تلواراں، ترکش نال جُڑوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ پنچم جیٹھ کہے میرا دِوس ہووے سُہنجنا، سوبھاوَنت آپ سُہائیا۔ کرے کھیل پُرکھ نِرنجنا، آد نِرنجن نوُر اِلاہیِا۔ اُس نوُں کہندے درد دُکھ بھےَ بھنجنا، بھوَ ساگر پار کرائیا۔ اُس نے دُنیا دے وِچ پھیر جمّنا، جنم دِن پوُرن لئے مِلائیا۔ چار کُنٹ دہ
دِشا جِس دی شبدی دھار کولوں کمبنا، کعبے پئے دُہائیا۔ جِس دے حُکم نال سب دے کڈھنے سمنا، حُکم دُھر دا اِک سُنائیا۔ بھانا جگت جہان پَینا منّنا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا مالک وڈ وڈیائیا۔ پنچم جیٹھ کہے میَں چڑھ کے آؤنا جگ، جاگرت جوت کراں رُشنائیا۔ کلجُگ ویکھ بپڑا بگ، پردہ پردیاں وِچوں اُٹھائیا۔ جن بھگت تکاں اُپر شاہ رگ، نؤ در دا ڈیرہ ڈھاہیِا۔ پھیر اوہ تکاں جِنہاں دے سیِس اُتے بدھّی پگّ، جو پرگنے اپنے وِچ وسائیا۔ پتہ نہیں کِس طرح چار جُگ دے وِچھڑے لئے لبھ، کھوجے تھاؤں تھائنیا۔ امرت جھِرنا جھِرا کے وِچ کول نبھ، بوُند سوانتی دِتے ٹپکائیا۔ جگت دوَیت وِچوں کڈھ، بندنا اپنی دِتی سمجھائیا۔ جِس نے پریم پیار وِچ بنھنے سب، سبھا ملیچھاں دینی سمجھائیا۔ اوسے نوُر اِلاہی نوُں عالمیِن کہن ربّ، ربےّ عالمیِن کہہ کے سیِس نِوائیا۔ اوہدا مِلن دا آد جُگاد جُگ چؤکڑی اپنا سبب اپنی کرنی اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی ونڈ آپ ونڈائیا۔ پنچم جیٹھ کہے عیسیٰ دا پوُرا کرنا واک، حضرت حضرت حقیِر ہو کے سیِس نِوائیا۔ اُس دا وقت بدل جانا اُتے کلاک، کلاک گھڑی دئے گواہیِا۔ کیوں نِرگُن دی نِرگُن نال ہونی ٹاک، حُکم حُکم نال ٹکرائیا۔ کلمے اَگے کلمہ کرے نہ کوئے واک، بھجےّ نہ واہو داہیِا۔ صلیِب پاؤن لگّیا حضرت گیا سی آکھ، بِنا اکھّراں آکھ سُنائیا۔ میرا مالک تے پِتا آوے آپ، جِس نوُں باپ کہہ کے سیِس نِوائیا۔ اوہ مُریِداں مُرشداں سب دا کھولے تاک، تقویٰ اپنا اِک سمجھائیا۔ اوہدے کول بِنا حرفاں توں کِتاب، جیہڑی کُتب خانیاں وِچ نہ کدے ٹِکائیا۔ جِس ویلے آوے وِچ یوُرپ اُس دا پہلا کھولے باب، جِس باب وِچ بابل دا بھیوَ دئے چُکائیا۔ اوتھے نہ کوئی سوال نہ کوئی جواب، جواب طلبی وِچ سارے سیِس نِوائیا۔ بِنا سیِس توں ہوئے آداب، بِنا کلمے توں کلمہ رہیا سُنائیا۔ پَیرس وِچ اُس نوُں دئے اعجاز، جو عزیز بن کے تمیِز وِچ عیسیٰ دی سیوا پِچھے گیا کمائیا۔ نالے دست مِلاوے تے اندروں بدل دیوے مزاج، ایہہ اپنا کھیل کھِلائیا۔ پہلوں مُکھ تے رکھے نقاب، پھیر پردہ دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ جیٹھ کہے میَں کردا رہیا اُڈیِکاں، جُگ چؤکڑی دھیان لگائیا۔ رکھدا رہیا اُمیِداں، ترِسنا جگت والی گوائیا۔ پَیغمبراں دیاں تکدا رہیا عیِداں، عیِداُلفِطر کھوج کھوجائیا۔ ویکھدا رہیا کی وصّیتاں، کی وصل وِچ اصل گئے سمجھائیا۔
تکدا رہیا نصیِحتاں، تیِس بتیِسا حدیِثا کی پڑھائیا۔ لبھدا رہیا اصلیّتاں، بھجّیا واہو داہیِا۔ جِس ویلے صدی چؤدھویں آئی سب دیِاں اندروں ویکھیاں طبیعتاں، طبع بدلی کوُڑ لوکائیا۔ میَنوُں رو کے کِہاقرآن مجیِدا، دروہی تیرا نام خُدائیا۔ تیرا درس ہووے نہ کِسے دیِدا، دیدہ دانِستہ درشن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اپنے ہتّھ رکھائیا۔ حُکم کہے میَں بڑا وڈّا، سَتگُر شبد حُکم وڈیائیا۔ میرا نِشان پُرکھ اکال گڈّا، گاڈ گائیڈ ہو کے سانوُں دئے وکھائیا۔ میرا پُریاں لوآں وِچ نہیں کوئی اڈّا، مات لوک ونڈ نہ کوئے ونڈائیا۔ میَں کِسے دیِن مذہب وِچ نہیں بدھّا، شرع زنجِیر نہ کوئے رکھائیا۔ نوُری دھار ہو کے نِرنکار ہو کے وساں ہر جگہ، گھٹ گھٹ اندر اپنا ڈیرہ لائیا۔ سرِشٹی دی درِشٹی ویکھاں من واسنا ہوئی کگّا، کاگ ہنس نہ کوئے بنائیا۔ دھرم دی دِسے کوئے نہ سبھا، سبھا ملیچھاں بَیٹھی آسن لائیا۔ پِتا پوُت کرے دغا، گُر چیلا کرے لڑائیا۔ گھر گھر لگّی اگّا، اگنی تت نہ کوئے بُجھائیا۔ مدھ وِکار دا لیَندے مزہ، آتم رس نہ کوئے چکھائیا۔ کلجُگ انتم سب دے سِر تے کوُکدی قضا، قاضی مُلّا شیخ مسائک روون مارن دھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سچ دی کرنی کار کماویگا۔ دیِن دَیال دَیا کماویگا۔ پُرکھ اکال کھیل کھِلاویگا۔ سَتگُر گوبِند پڑدا لاہویگا۔ جوتی جاتا ڈگمگاویگا۔ لوک ماتی ویس وٹاویگا۔ کلجُگ ویکھ اندھیری راتی، نوُری نوُر چند چمکاویگا۔ سب دا لہنا دینا دیوے باقی، پِچھلا لیکھا جھولی پاویگا۔ اَگے دسّ کے ساکھی، ساچا نام اِک دِرڑاویگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ اِک رنگاویگا۔ ساچا رنگ اِکو رنگیگا، رنگنہار گوپالا۔ پُریاں لوآں برہمنڈاں کھنڈاں لنگھیگا، کھیلے کھیل دو جہاناں۔ وست امولک نام ونڈیگا، پرم پُرکھ کِرپالا۔ کلجُگ کوُڑ کُڑیار دنڈیگا، دیِناں بندھپ دیِن دَیالا۔ جن بھگتاں جنم جنم دیاں ٹُٹیاں گنڈھیگا، گھر گھر ہوئے آپ رکھوالا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک دیِن دَیالا۔ دیِن دَیال صاحِب سُکھ ساگر، ہرِ کرتا نوُر الاہ۔ جن بھگتاں نِرمل کرم کرے اُجاگر، کوٹ جنم دے پوُرب بخش گُناہ۔ سَت سچ بنائے سؤداگر، ونج اِکو اِک کرا۔ بھاگ لگائے کایا گاگر، ساڈھے تِنّ ہتّھ کر رُشنا۔ در آیاں دیوے آدر، سِر اپنا ہتّھ ٹِکا۔ جو سندیسہ دے کے گیا تیغ بہادر، دِلّی دوارے کر دُعا۔ پُرکھ اکالا گُرمُکھاں بنے چِٹی چادر، کلجُگ کالا سوُسا دئے لُہا۔ مِہربان
ہووے کرتا قادر، قُدرت قادر مِہرواں۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِجن بخشے اگمّا ناں۔ ہرِ کا ناؤں ہرِ نِرنکار، نر نرائن دِرڑائیا۔ سو پُرکھ نِرنجن پاوے سار، ہرِ پُرکھ نِرنجن ہوئے سہائیا۔ ایکنکارا دئے ادھار، آد نِرنجن نوُر رُشنائیا۔ ابناشی کرتا کرے پیار، سِری بھگوان گود اُٹھائیا۔ پاربرہم لئے سنبھال، برہم اپنا جوڑ جُڑائیا۔ سچکھنڈ سُہائے بنک دوار، درگاہ ساچی وجےّ ودھائیا۔ وِشن برہما شِو کرن نِمسکار، نِیوں نِیوں لاگن پائیا۔ دیوت سُر دھوُڑی منگن چھار، خاکی خاک خاک وڈیائیا۔ چار جُگ دے شاستر صِفت رہے اُچار، مہما اگمّ اتھاہیِا۔ سو صاحِب سوامی انتریامی جن بھگتاں لہنا دینا دئے اُتار، پوُرب قرضہ رہے نہ رائیا۔ سچ پیار دا بخش بھنڈار، اتوٹ اتُٹ آپ ورتائیا۔ پہلی جیٹھ کہے جن بھگتو میری نمو نمو نِمسکار، نِیوں نِیوں سیِس جھُکائیا۔ میَں سب دا خِدمتگار، جو خادم ہو کے پربھ دے لاگن پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا دھرم اِک اکھوائیا۔ پہلی جیٹھ کہے میری ڈنڈاوت سب نوُں بندنا، بندگی والیو سیِس نِوائیا۔ لکھّ چؤراسی وِچوں پار لنگھنا، انڈج جیرج اُتبُھج سیتج دا ڈیرہ ڈھاہیِا۔ بِنا پُرکھ اکال توں کِسے کولوں کُچھ نہیں منگنا، دیونہار اِک اکھوائیا۔ جو دِنے جاگدیاں راتیں سُتیاں چاڑھے رنگنا، سُپن سکھوپت جاگرت تُریا اپنا رنگ رنگائیا۔ اوتھے پوہ نہ سکے پنجنا، پنچم لیکھا رہے نہ رائیا۔ جگت سریِر جگیاَسوُآں وانگ جگت وِچ جمّنا، تتاں نال تت مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ چُکائیا۔ پہلی جیٹھ کہے جن بھگتو پربھ دے نال کر لؤ رِشتہ، ناتا اِکو اِک جُڑائیا۔ سندیسہ دیوے جبرائیل فرِشتہ، عزرائیل میکائیل اِسرافیِل نِیوں نِیوں سیِس نِوائیا۔ جیہڑا آد جُگادی سب دے لیکھے لِکھدا، جنم کرم دا ڈیرہ ڈھاہیِا۔ جِس نے اِشٹ اپنا رکھیا اِک دا، ایکنکار واحد نوُر اِلاہیِا۔ تُساں روُپ دھرنا ساچے سِکھ دا، جو گوبِند سِکھیا گیا سمجھائیا۔ بِنا پُرکھ اکال توں جھگڑا مِٹدا نہیں نِت دا، آون جاون پندھ نہ کوئے مُکائیا۔ تُساں درشن کرنا جو پیارا ساچے ہِت دا، ہِتکاری ہو کے میل مِلائیا۔ بِن سَتگُر شبد منوُآ کِسے نہ ٹِکدا، مستک ٹِکّے کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، کھیل کرے آد جُگادی پِت دا، پت پرمیشور بےپرواہیِا۔
گرنتھ کہے میرا نمبر اَخیِری بائی، بائیبل دا بائیِواں حِصّہ دئے گواہیِا۔ محمد دی قرآن دئے دُہائی، حدیِث اِکیسویِں راہ تکائیا۔ رام بانہہ رہیا اُٹھائی، پنچبٹی اپنا آسن لائیا۔ کرِشن واگاں رہیا بھوائی، دیِن دُنی رتھ نہ سنگ رکھائیا۔ نانک کہہ کے گیا چائیں چائیں، دُھر سندیسہ اِک الاہیِا۔ گوبِند نے بوُٹا پُٹیا کاہی، کائنات دِتی ہِلائیا۔ سَتگُر شبد نے کِہا سب دی انت دُہائی، دو جہان سیِس نہ کوئے اُٹھائیا۔ جِس ویلے آوے مالک خالق دُھر دا ماہی، محبوُب نوُر اِلاہیِا۔ جن بھگتاں توں جھلی نہ جائے جُدائی، جُدا جُز ونڈ نہ کوئے ونڈائیا۔ جِس نوُں پَیغمبراں کِہا اوہ نوُر نوُرانہ نوُر اِلاہی، االلہ پاک رسوُل اپنا کھیل کھِلائیا۔ جِس دی سب نے حاضر ہو کے دینی گواہی، گواہ شُد اپنا آپ بنائیا۔ سَتگُر دی دھار عیسیٰ دی کلاک بدل جانی اُتے کلائی، کلا جگت وِچ ورتائیا۔ شرع دی رہنی نہیں شہنشاہی، شمع سب دی گُل دئے کرائیا۔ جو آشا رکھی سی محمد نے جِس ویلے علی نوُں بنایا جوائی، ہتّھ گردن پِچھے ٹِکائیا۔ پِچھے قدم چلیا سی ڈھائی، ڈھئیا گوبِند والا ویکھ وکھائیا۔ پھیر اُمت تکی جیہڑی بن گئی روُپ قصائی، قسم کھا کے قِسم اپنی گئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی ونڈ آپ ونڈائیا۔ گرنتھ کہے اسیں بائی سرسے دے وِچ ڈُبے، گوبِند دِتا ٹِکائیا۔ ساہ لیَندے ساں اُبھے اُبھے، ہؤکیاں وِچ سُنائیا۔ کیہڑی کُھبڑی دے وِچ کُھبے، باہر سکے نہ کوئے کڈھائیا۔ جھٹ شبد گوبِند نے حُکم دِتے گُجھے، سندیسہ اگمّ اتھاہیِا۔ تُہانوُں مان مِلنا کلجُگ انتم چؤتھے جگُے، جُگاں دا مالک ہوئے سہائیا۔ ساڈے انتم پَینڈے مکُے، اگلا پندھ رہیا نہ رائیا۔ اَگے واسطے پربھوُ دے نام دے پربھوُ نے لیَن نہیں دینے بُھگے، حِصّہ ونڈ نہ کوئے ونڈائیا۔ ہُن اِکو شبد نِشانہ اُڈے، اُگن آتھن سوبھا پائیا۔ سَتگُر دے روُپ کدی نہیں ہُندے بُڈھے، سَتگُر شبد سدا وجدی رہے ودھائیا۔ تِنّاں والے وجوُداں والے انتم لگ جاندے جگت والی کُھڈے، چؤراسی وِچوں باہر نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی رمز سمجھ وِچوں نہ بُجھے، عقل بُدھی چلے نہ کوئے چتُرائیا۔