کتب خانہGranth 23 (Shahmukhi)

۲۳ ہاڑ شہنشاہی سمت ۸ گُڑگاؤں شہر سیوا سِنگھ دے گرِہ

صدی چؤدھویِں کہے میَں صدقے، ہؤں واری گھول گھُمائیا۔ جِس دی یاد کردے ساں کد دے، مُدتاں دے نِگاہ نیَن اُٹھائیا۔ دُھر کلمے وِچ آئیوں سدّکے، سندیسہ کائنات دِرڑائیا۔ چؤداں طبقاں آئیوں لبھ کے، چاروں کُنٹ دھیان لگائیا۔ ویکھ کھیل اُس الاہی ربّ دے، جو نوُر نوُرانہ بےپرواہیِا۔ جِس دے لہنے دینے جگت سبب دے، جُگ جُگ اپنا کھیل ورتائیا۔ جِس دے دوارے اُتے بہہ کے سارے سجدے، سجّن میِت اِکو رنگ وکھائیا۔ اوہ لیکھے پوُرے کرے انتم اپنے حج دے، حُجرہ اِکو اِک سُہائیا۔ جِس دے ناد تُور وجّدے، تُریا توں پرے کرے شنوائیا۔ اُس لیکھے ویکھنے جگ دے، جاگرت جوت کرے رُشنائیا۔ مان رکھنے بھگتاں والی پگّ دے، جو سیِس جگدیِش سُہائیا۔ سانوُں وِچھوڑے ہونے انت الگّ دے، اَگے میل نہ کوئے مِلائیا۔ جھگڑے رہنے نہیں دیِن مذہب دی حد دے، حدوُد ونڈ نہ کوئے ونڈائیا۔ اوتار پَیغمبر گُروُ ناتے ویکھنے چھڈدے، سگلا سنگ نہ کوئے بنائیا۔ کھیل تکّنے کایا ماٹی ہڈّ دے، چمّ درِشٹی پھول پھولائیا۔ ہُن شرع دا زنجیر کٹ دے، شریِعت رہن کوئے نہ پائیا۔ سب نے ونجارے بننا اِکو ہٹّ دے، اوتار پَیغمبر گُر جھولیاں ڈاہیِا۔ وس پَینا سَتگُر شبد دھار جٹّ دے، جو جٹا جوُٹاں لیکھا دئے مُکائیا۔ جِس رہبر دا راہ رہے تکدے، نظر بے نظیِر ولّ ٹِکائیا۔ اوہ انتم فَیصلے کرے حق دے، حقیِقت ویکھے تھاؤں تھائنیا۔ اُس وعدے پوُرے کرنے یک دے، جو یکے بعد دیگرے سب نوُں دِتے سُنائیا۔ جگت جیِو جہان ویکھ نسّدے، بھجّن واہو داہیِا۔ ناتے رہے نہ امرت رس دے، نِجھر جھِرنا نہ کوئے جھِرائیا۔ ہُن ونجارے رہنا نہیں صِفتاں والے جس دے، صِفتی صِفت نہ کوئے وڈیائیا۔ کھیل تکّیئے الکھنا الکھ دے، جو الکھ اگوچر آپ کرائیا۔ درشن پائیے اوس پرتکھ دے، جو پرم پُرکھ بےپرواہیِا۔ جو مِہربان مِہربان مِہربان درشن دیوے جھب دے، جھلک اپنی اِک دِکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس نوُں جُگ چؤکڑی اوتار پَیغمبر گُر گئے لبھدے، بِن نیَناں نیَن اُٹھائیا۔

۲۴ ہاڑ شہنشاہی سمت ۸ ہرِ بھگت دوار دھیِرپُر دِلّی مہِنگا سِنگھ دے نوِت

محمد ویکھ کھیل دُھر اِمام، صدی چؤدھویِں رہی جنائیا۔ حضرت بِن اکھّراں توں سُن کلام، کائنات دے عِلم توں باہر پڑھائیا۔ کی سندیسہ دیوے شاہ سُلطان، شاہ پاتشاہ بےپرواہیِا۔ جِس دا بنیا تارا چند نِشان، اُمت اُمتی رنگ رنگائیا۔ اوہ مالک خالق والی دو جہان، چؤداں طبقاں ویکھ وکھائیا۔ جِس دا اِسم اعظم اِسلام، اسلام علیَکم کہہ کے سیِس نِوائیا۔ اُس دا حُکم سُنّ اگمّا فرمان، فُرنیاں توں باہر سُنائیا۔ جِس لیکھا چُکاؤنا عوام، دیِن دُنی پھول پھولائیا۔ اوہ جھگڑا میٹن آیا تمام، طمع شرع نہ کوئے رکھائیا۔ حقیِقت حق دا دئے جام، خُماری اِکو اِک رکھائیا۔ محبوُب ہووے مِہربان، محبان بیِدو اپنا کھیل وکھائیا۔ جِس نوُں جھُکدے زِمیں اسمان، زنو مرد نِو نِو لاگن پائیا۔ اوہ قُدرت دا قادر نؤجوان، جوبن ونتا وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے محمد تک اوہ محبوُب، جو مُحبّت وِچ سمائیا۔ جِس دی مذہباں والی نہیں حدوُد، شرع ونڈ نہ کوئے ونڈائیا۔ جِدھر تکّیئے اُدھر مؤجوُد، حاضر حضوُر نظری آئیا۔ جِس دی منزل حق مقصوُد، درگاہ ساچی نوُر رُشنائیا۔ اوہ لیکھا مُکائے ایکا دوُج، دوَیت دُتیا بھؤ مِٹائیا۔ اُس دی سمجھ نہ آوے سوُجھ، بے سمجھ ہوئی لوکائیا۔ سو لیکھا جانے کایا پنج بھوُت، ماٹی خاک پھول پھولائیا۔ پردہ رہن نہ دیوے تن وجوُد، نوُرے چشم کرے رُشنائیا۔ کوُڑی کِریا کرے نیست و نابوُد، جڑ ممتا دئے اُکھڑائیا۔ جِس دا گُر اوتار پَیغمبر دین ثبوُت، پیشیِن گوئیاں نال مِلائیا۔ اوہ ویکھنہارا چارے کوُٹ، کُنٹ دِشا پھول پھولائیا۔ شرع دی میٹن والا حدوُد، حد اپنی اِک درسائیا۔ جو وسے عالیشان اُچ عروُج، عالی جاہ اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت جہان رکھنہار محفوظ، مِہربان سِر اپنا ہتّھ ٹِکائیا۔

۲۵ ہاڑ شہنشاہی سمت ۸ میرٹ چھاؤنی سرمیَل سِنگھ دے گرِہ

صدی چؤدھویِں کہے میَں کہاں دھنّ دھنّ، بِن رسنا جِہوا بتّی دند صِفت صالاحیِا۔ پروردِگار سانجھے یار میرے کیتےِ بھاگ متھن، بھاگ ہیِن مِلی وڈیائیا۔ نوُر الاہی نِراکار تکیا چنّ، جِس نوُں چند سِتار سیِس جھُکائیا۔ میری آسا منسا گئی منّ، خواہش اوَر نہ کوئے رکھائیا۔ میَں فرمانا سُنیا بِنا کنّ، بِنا سروناں دِتا دِرڑائیا۔ جِس مالک نے کلجُگ کوُڑی کِریا کرنی کھّن کھّن، کھنڈا کھڑگ نام اُٹھائیا۔ جگت وِکارے دینا ڈنّ، ڈؤروُ ڈنکا اِکو نام کرے شنوائیا۔ بھیوَ کُھلاؤنا آتم برہم، االلہہوُ اَناہوُ پردہ دئے اُٹھائیا۔ صوُفی فقیِر بھگت بنا کے جن، جن جنیندی بنے دُھر دی مائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحِب سوامی بےپرواہیِا۔ صدی چؤدھویِں کہے میَں نوُر نوُرانہ تکیا بِنا جھلک، جوتی جاتا نظری آئیا۔ میری بدل نہ سکی پلک، پلک وِچ برہمنڈاں کھنڈاں کھوج کھوجائیا۔ نظری آیا نوُر الاہی خالق خلق، خالص اِکو اِک ویکھ وکھائیا۔ جِس دا جلوہ اُتے فلک، دھرنی دھوَل کرے رُشنائیا۔ اُس دی جھلی نہ جائے ڈلک، جِس ڈاواں ڈول کرنی لوکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک اِک اکھوائیا۔ صدی چؤدھویِں کہے میَں تکیا شاہ شہانہ، شہنشاہ بےپرواہیِا۔ جِس نوُں پَیغمبر کرن سلاما، سجدیاں وِچ سیِس نِوائیا۔ سُنن اگمّ کلاما، الف یے توں باہر پڑھائیا۔ شبدی وجےّ دمامہ، دُھن انادی اِک سُنائیا۔ جِس انت پہریا بانا، بانی دو جہان اکھوائیا۔ جِس نوُں جھُکدے سیِتا راما، رادھا کرِشن کرِشن رادھا روُپ وکھائیا۔ سو لیکھا جانے زِمیں اسماناں، برہمنڈاں کھنڈاں پردہ آپ اُٹھائیا۔ جو ہر گھٹ جانی جانا، لکھّ چؤراسی ویکھ وکھائیا۔ سو سوامی انتریامی ہوئے پردھانا، پاربرہم پت پرمیشور اپنا روُپ بدلائیا۔ جِس دا اِکو ہووے نام نِدھانا، کلمہ کائنات سُنائیا۔ نوَ ستّ جھُلائے نِشانہ، نِشانہ دھرم دھار پرگٹائیا۔ محبوُب ہووے مِہربانا، محبان بیِدو اپنا کھیل کھِلائیا۔ جِس نے دیِن دُنی بدل دینا زمانہ، زِمیں اسماناں ویکھے چائیں چائنیا۔ سو شاہو بھوُپ بن سُلطاناں، سَت ستوادی اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے میَں سُنیا دُھر فرمان، بِنا اکھّراں دِتا دِرڑائیا۔ نہ بولیا کِسے زبان، جِہوا چلی نہ کوئے چتُرائیا۔ میرا انتر ہویا حَیران، حَیرانی وِچ کُرلائیا۔ کی کھیل کرے نؤجوان، مرد

مردانہ اپنا حُکم ورتائیا۔ جھٹ سندیسہ سُنیا اِک اِک دا اِک گیان، دُتیا بھاؤ نہ کوئے وکھائیا۔ شاہ پاتشاہ والی دو جہان، نِرگُن نِروَیر نِراکار نِرنکار اپنا حُکم ورتائیا۔ صدی چؤدھویِں ویکھے آن، آناً فاناً سب دا پردہ دئے اُٹھائیا۔ جو سوُربیِر بن بلوان، بلدھاری اپنی کار کمائیا۔ اوتار پَیغمبر گُر لیکھا سب دا لئے جان، جاننہار اپنے ہتّھ رکھے وڈیائیا۔ کلجُگ کوُڑی کِریا میٹے نِشان، نوَ ستّ رہن نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ صدی چؤدھویِں کہے میَں ویکھیا دُھر دی دھار نوُر الاہ، بے پرواہ وڈ وڈیائیا۔ جو سب دا بنے ملاح، بیڑا لکھّ چؤراسی اپنے کندھ اُٹھائیا۔ دُھر سندیسہ دئے سُنا، انسُنت اپنا حُکم دئے ورتائیا۔ کلجُگ رَین اندھیرا میٹے شاہ، کوُڑی کِریا ڈیرہ ڈھاہیِا۔ اوتار پَیغمبر گُر بنائے گواہ، شہادت شبد دھار بُھگتائیا۔ لہنا دینا خالق خلق سب دا دئے چُکا، بچیا رہن کوئے نہ پائیا۔ جِس دے اَگے سارے کردے آئے دُعا، طوبیٰ طوبیٰ کر کے سیِس نِوائیا۔ اوہ واحد اِک خُدا، خود مالک نوُر الاہیِا۔ جِس نے دیِن مذہب جُز دِتے ونڈا، حد حدوُد کلمیاں والی رکھائیا۔ انتم سب دا لیکھا کرے صفا، صف ملیچھاں دئے اُٹھائیا۔ کوُڑی کِریا کرے رفع، رحمت سچ سچ کمائیا۔ سَت دھرم چلائے رتھا، رتھواہی اِکو اِک نظری آئیا۔ تُوں میرا میَں تیرا آتم پرماتم جنائے کتھا، کتھنی دی لوڑ رہے نہ رائیا۔ کلجُگ اندر سَتجُگ کھیل کرے یتھارتھ یتھا، یدی اپنا حُکم ورتائیا۔ بھیوَ کُھلائے پُرکھ سمرتھا، سچ سوامی انترجامی گھٹ نِواسی پردہ آپ اُٹھائیا۔ سب دا لہنا دینا نِرگُن سرگُن دیوے ہتّھو ہتّھا، پِچھلا لیکھا رہن کوئے نہ پائیا۔ سرِشٹی درِشٹی کوُڑی کِریا زیِرو زیِرو نال کرے بٹا، صِفر صِفر نال اُڈائیا۔ سَت دھرم دی ساچی دیوے اِکو متا، پاربرہم برہم میلا لئے مِلائیا۔ لہنا دینا مُکائے پنج تتا، اپ تیج وائے پرِتھمی آکاش لیکھا کوُڑ دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِگھ وِشنوُں بھگوان، آد جُگاد جُگ چؤکڑی ویس وٹائے نِت نوِتا، نِرگُن سرگُن جوتی جاتا پُرکھ بِدھاتا اپنی کار بُھگتائیا۔

۲۶ ہاڑ شہنشاہی سمت ۸ میرٹ چھاؤنی وِشوا مِتر دی شادی سمیں سویرے

دھرنی کہے میرا خوشی بند بند، بندگی ڈنڈاوت وِچ پربھ نوُں سیِس نِوائیا۔ جِتھے تُوں میرا میَں تیرا گایا چھند، آتم پرماتم مِل کے وجےّ ودھائیا۔ صِفت صالاح کرن بتّی دند، جِہوا گہر گمبھیِر رہی گُن گائیا۔ میرے انتر نِرنتر آئی ٹھنڈ، اگنی تت رہیا نہ رائیا۔ سَت دھرم دی میرے پلّے بنّھی گنڈھ، کوُڑی کِریا دِتی کُھلائیا۔ میَں نِگاہ ماری نظر آیا سوُرا سربنگ، شاہ پاتشاہ سچّا شہنشاہیِا۔ جِس نوُں جھُکدے زِمیں اسمان سوُریہ چند، منڈل منڈپ سیِس نِوائیا۔ اوہ سچ سوامی انترجامی جن بھگتاں پوُری کرے منگ، آشا آشا نال مِلائیا۔ سچ پریِتی چاڑھ کے رنگ، دُرمت میَل دئے دھوائیا۔ آون جاون میٹے پندھ، چؤراسی گیڑ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک دَیا کمائیا۔ دھرنی کہے میرے انتر چاؤ گھنیرا، گرِہ سچ وجےّ ودھائیا۔ پربھ پایا نیرن نیرا، دوُر دُراڈا پندھ مُکائیا۔ میرا بھرما ڈھٹّھیا ڈیرہ، بھرم رہیا نہ رائیا۔ اِکو رنگ تکیا سنجھ سویرا، رُت رُتڑی اِک مہکائیا۔ اِکو روُپ تکیا گُروُ گُر چیرا، چیلا گُر مِل کے وجےّ ودھائیا۔ سچ سوامی کرے مِہرا، مِہر نظر اِک اُٹھائیا۔ بھاگ لگائے میرے ویہڑا، گھر مندر سوبھا پائیا۔ جن بھگت وسائے کھیڑا، کایا کھِڑکی آپ کُھلائیا۔ جگت وِکار رہے نہ جھیڑا، جھگڑا دُتیا بھاؤ کڈھائیا۔ مارگ دسّ کے نیرن نیڑا، گرِہ میلا میلے سہج سُبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ دھرنی کہے میرے انتر آئی خوشحالی، خوشیاں راگ سُنائیا۔ میرے مستک چڑھی لالی، نوُر نوُرانہ نوُر رُشنائیا۔ پھل لگّا میری ڈالی، پتّ ٹہنی دِتی مہکائیا۔ میَں سچ دوار تے بنی سوالی، بیننتی اپنی اِک جنائیا۔ کِرپا کر جوت اکالی، اکل کل دھار تیری سیو کمائیا۔ جُگ چؤکڑی تیری سیوا گھالی، نِت نوِت بھجیّ واہو داہیِا۔ کلجُگ انتم میٹ رَین اندھیری کالی، کلا اپنی اِک پرگٹائیا۔ تُوں جگت جہان دا مالی، مالک خالق اِک اکھوائیا۔ تیرے سچ دوارے میرے اُتے ہووے دھرم دی دھرمسالی، دُھر دوارا اِکو نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دھرنی کہے پربھ میرے بے پرواہ، بےانت تیری سرنائیا۔ تُوں داتا دانی شہنشاہ، پاتشاہ اِک اکھوائیا۔ اوتار پَیغمبر گُروُ دین صلاح، مشورہ دھرم دھار بنائیا۔ چاروں کُنٹ تکّن تھاؤں تھاں، تھان تھننتر کھوج کھوجائیا۔

سَت دھرم دا رہیا کوئے نہ ناں، بھرمے بُھلی کوُڑ لوکائیا۔ جھگڑا پیا پِتا پوُت پُتر ماں، ناتا سکے نہ کوئے جُڑائیا۔ ہنس بُدھی ہوئی کاں، کاگ وانگ سرِشٹ کُرلائیا۔ دیِن مذہب رووے مار دھاہ، بِن نیَناں نیِر وہائیا۔ کِرپا کر پروردِگار میرے خُدا، خود مالک ہو سہائیا۔ جو مانَس مانَس نالوں ہوئے جُدا، جُز وکھّرا ونڈ ونڈائیا۔ نؤ کھنڈ پرِتھمی ستّ دیِپ سب نوُں اِکو دے راہ، آتم پرماتم پردہ آپ چُکائیا۔ صدی چؤدھویِں انتم پکڑ بانہہ، پھڑ باہوں گلے لگائیا۔ غریِب نِمانیاں نِتھاویاں دے تھاں، گرِہ اپنا اِک سُہائیا۔ تیرے چرن کوَل بل بل جاں، گھولی اپنا آپ گھول گھُمائیا۔ چار کُنٹ دہ دِشا ساری سرِشٹی درِشٹی کہے واہ واہ، واہوا کہہ کے خوشی منائیا۔ سِر سوامی دینی ٹھنڈی چھاں، اگنی تت نہ لاگے رائیا۔ آتم پرماتم لیَنی پرنا، پرم پُرکھ اپنا میل مِلائیا۔ تتاں نال ناتا تت دینا جُڑا، جوڑی جگت وڈ وڈیائیا۔ مانَو ذاتی ساچی دھار دیِن دُنی دھرم دا دھرم ہووے وِواہ، ریِتی بھگت بھگوان دینی چلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرے درس دا دھرنی دھوَل دھؤل دھرت کہے میرے انتر سدا رہے چا، چاؤ گھنیرا میری جھولی دینا پائیا۔

۲۶ ہاڑ شہنشاہی سمت ۸ میرٹ چھاؤنی ریشم سِنگھ دے گرِہ

نارد کہے واہ پربھوُ ابناشی اچُت، پاربرہم تیری بےپرواہیِا۔ میَں بھگتی دی دھار تیرا دُلارا سُت، نِرگُن نِرگُن نظری آئیا۔ اپنی گودی میَنوُں چُک، سچکھنڈ نِواسی دَیا کمائیا۔ میَں حَیران ہو گیا سُن کے تیری تُک، تُوں میرا میَں تیرا ڈھولا دِتا جنائیا۔ دیِن دُنی دا بدل دینا رُخ، رُخصت دینی کوُڑ کُڑیار لوکائیا۔ سچ دھرم دا بخشنا سُکھ، سُکھ ساگر وِچ سمائیا۔ دھرنی دھرت دھوَل دھؤل دی سُہنجنی کرنی کُکھ، آپ بننا جنیندی مائیا۔ کلجُگ کوُڑ کُڑیارا کڈھنا کُٹ، کایا کُٹیا ہوئے صفائیا۔ نِرگُن دھار نِروَیر ہو کے اُٹھ، نِراکار دو جہان کر رُشنائیا۔ مِہربان مِہربان مِہربان ہو کے تُٹھ، سِر سِر اپنا ہتّھ ٹِکائیا۔ پیار مُحبّت نال جن بھگتاں پھڑ گُٹ، بانہہ سکے نہ کوئے چُھڈائیا۔ چاروں کُنٹ ویکھ مایا ممتا پئی لُٹ، لُٹیرا کلجُگ بھجےّ واہو داہیِا۔ سرِشٹی تیرا نام جپے بُلاں بُٹ، ہِردے ہرِ نہ کوئے وسائیا۔ سَت سچ بوُٹا

گیا سُک، امرت سِنچ ہرا نہ کوئے کرائیا۔ تُوں کیہڑی دھار بَیٹھوں لُک، پردہ پردیاں وِچوں دے اُٹھائیا۔ صدی چؤدھویِں تیرا نِشانہ نہ جائے اُک، تیِر انیالا دینا چلائیا۔ جِس کارن محمد کٹائی مُچھ، لباں جگت وکھائیا۔ سو سُہنجنی کرنی رُت، رُتڑی اپنے نال مہکائیا۔ نارد کہے صدی چؤدھویِں بَیٹھی رہیں نہ چُپ، نیتر نیَن نیَن شرمائیا۔ شرع تک اندھیرا گھُپ، سوُریہ چند نہ کوئے چمکائیا۔ سب دی کُھلی ویکھ گُت، مینڈھی سیِس نہ کوئے گُندائیا۔ ساچے مارگ توں دیِن دُنی رہی گھُتھ، منزل حق چڑھن کوئے نہ پائیا۔ سَت سچ رہیا نہ کِسے وِچ منُکھ، منُش مانَو روون مارن دھاہیِا۔ تیرا آتم تیرے نالوں گیا رُس، رُسیِاں سکے نہ کوئے منائیا۔ کلجُگ انتم ویلا رہیا ڈُھک، اوتار پَیغمبر گُر ویکھن چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ نارد کہے میرے مالک اگمّ خصم، خاوَند تیری وڈیائیا۔ جگت جہان ویکھ نوُرے چشم، چشمے دیِد دھیان رکھائیا۔ تیری دروہی تیری قسم، سُگند کھا کے دیاں سُنائیا۔ مُحبّت رہی نہ کِسے جِسم، ضمیِر دیِن دُنیا گئی بدلائیا۔ اِکو اِک واحد کردے اِسم، اِسم اعظم تیرا نظری آئیا۔ اوتار پَیغمبر گُر تیرا نوُر دِسن، دوُسر روُپ نہ کوئے بدلائیا۔ تیری مہما سارے لِکھن، وید پُران اِنجیِل قرآن صِفت صالاحیِا۔ تیری درگاہ ساچی سیجا سارے لِٹن، آسن اِکو نظری آئیا۔ تیرے نام کلمے دی لوک مات دے کے چِٹن، چِٹے تے کالا گئے پائیا۔ تیری شرع شریِعت نہ دیوے ٹِکن، مذہب مذہب نال لڑائیا۔ اوہ ویکھ صدی چؤدھویِں لگّی پِٹن، بِن نیَناں رووے مارے دھاہیِا۔ جگت جہان کھڑک جائے اِٹّ نال اِٹن، پاتھر پاہن بھجّن واہو داہیِا۔ تُوں صاحِب سوامی پُرکھ اکالا بن مِتن، مِتر پیارا گوبِند دیاں دِرڑائیا۔ آتم پرماتم کر ہِتن، ہِتکاری ہو کے اپنا جوڑ جُڑائیا۔ تیری سِکھیا سار شبد دی سارے سِکھن، سار اپنی دے سمجھائیا۔ بِن تیری کِرپا کلجُگ انتم کوئے نہ آئے نجِٹّھن، لیکھا سکے نہ کوئے مُکائیا۔ مِہربان محبوُب اپنا بھانا دسّ مِٹھن، انرس اپنا دے چکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ نارد کہے پربھوُ میَں کی دسّاں، اُف ہائے سیِس نِوائیا۔ نالے روواں نالے ہسّاں، ہستی تیری بےپرواہیِا۔ تُوں نِگاہ مار بِنا اکھّاں، اکھّیِاں والے تَینوُں گئے بُھلائیا۔ تیرا بھگت ملِے نہ کوئے وِچوں کوٹاں لکھّاں، انگِنت دِسے لوکائیا۔ جے میرا وس ہووے میَں دیِن دُنی متھاں، متھ کے دیاں وکھائیا۔ جیہڑی گرنتھ شاستراں چلائی کتھا، کتھنی کتھ سکے کوئے نہ رائیا۔ تیرے ستھر کوئے نہ لتّھا، یارڑا سیج نہ

کوئے ہنڈھائیا۔ اوہ ویکھ اپنیاں پنج تت اٹّھاں، اپ تیج وائے پرِتھمی آکاش من مت بُدھ نال رلائیا۔ چاروں کُنٹ تیرے نام کلمے پایا رٹّا، دیِن دُنی رہی کُرلائیا۔ کِسے دی قیِمت رہی کوئے نہ ٹکا، مایا ممتا گھائل کیِتی لوکائیا۔ میَں اپنا سِر تیرے چرن کوَلاں سِٹاں، سیِس جگدیِش نِوائیا۔ تُوں سب دا لہنا دینا مُکا دے ایکنکار اِکٹّھا، بہُتی ونڈ نہ کوئے ونڈائیا۔ پَیغمبراں دا پوُرا کر پٹا، پٹنے والا نال مِلائیا۔ صدی چؤدھویِں وقت جاندا ٹپّا، ٹاپوُآں توں پرے لیکھا چُکاؤنا تھاؤں تھائنیا۔ میَں چار کُنٹ پِھراں نَٹھا، اُتّر پوُرب پچھّم دکھّن واہو داہیِا۔ بِن تیری کِرپا تیرا نوُر دِسے نہ لٹ لٹا، جوت جوت نہ کوئے رُشنائیا۔ کِسے انتر نِرنتر شبد ناد وجےّ نہ انحدا، نادی ناد نہ کوئے شنوائیا۔ امرت رس پیئےِ کوئے نہ مدھا، مدُھر دُھن سُنن کوئے نہ پائیا۔ سچ دوار ایکنکار جن بھگتاں شبدی دھار دے سدّا، صدقے واری گھول گھُمائیا۔ کلجُگ انت اَخیِر جاندا لدّا، بھار کوُڑی کِریا سِر اُٹھائیا۔ تیری اِکو پُشت اِکو کُلا اِکو یدا، آتم پرماتم تیرا نوُر الاہیِا۔ گُرمُکھاں درشن دے اُپر شاہ رگا، شہنشاہ اپنا پردہ اندروں دے اُٹھائیا۔ ہرِجن ہنس بنا کگا، گُرسِکھ اپنے رنگ رنگائیا۔ کایا مندر پوِتر کر جگہ، آتم سیج سُہنجنی اِک سُہائیا۔ تیرے نام دا سچ خُماری وِچ آوے مزہ، بِن رسنا رس چکھائیا۔ جن بھگتاں سدا رکھنا اپنی وِچ رضا، رازق رِزق رحیِم قُدرت دے قادر اپنی دَیا کمائیا۔ میَنوُں اِیوں دِسدا نارد کہے نؤ کھنڈ پرِتھمی سب نوُں مِلنی سزا، جو سازش پربھ نال کرے لوکائیا۔ جِس دی بیان کر سکے کوئی نہ وجہ، وجوُحات سکے نہ کوئے سمجھائیا۔ سب نے لیکھا دینا جِس نے پشوُ پنچھی کیتے ذِبح، چُھری شرع والی چلائیا۔ صدی چؤدھویِں دُہائی دیوے اُف ہائے میریا ربّا، یامبیِن تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ سوُرا سربگا، مرد مردانہ نؤجوانا سِری بھگوانا اِکو نظری آئیا۔

۳۰ ہاڑ شہنشاہی سمت ۸ اجمیر سِنگھ دے گرِہ گوالیئر شہر

صدی چؤدھویِں کہے محمد ہو مُخاطب، پردہ رہن کوئے نہ پائیا۔ کی آیت شرائط لِکھی بن اگمّی کاتب، جبرائیل شہادت دئے بُھگتائیا۔ کِس بِدھ بے نظیِر کرے تعاقب، چؤداں طبق ویکھ وکھائیا۔ سچ کلمے دی دسّ کیہڑی صداقت، بھیوَ ابھید دے کُھلائیا۔ کیوں دیِن مذہب

دی بدلی عادت، عدل سچ دا نہ کوئے کمائیا۔ حق نماز نہ کوئے عبادت، شرع شریِعت گئی تجائیا۔ کِس نے عُلما شرفا دِتی اِجازت، جاہد مُجاہد بھیوَ کُھلائیا۔ عقل بُدھی نہ رہی لیاقت ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ محمد کہے کی سندیسہ دئے میرا احباب، پروردِگار نوُر الاہیِا۔ میَں ویکھاں بِن حرف حروُف کِتاب، بِن کُتب خانیاں پھول پھولائیا۔ جِس وِچ لیکھا نہیں عِشق حقیِقی تے مجاج، الف یے ونڈ نہ کوئے ونڈائیا۔ نہ کوئے حُجرہ نہ کوئے محراب، شکل عقل نہ کوئے چتُرائیا۔ اِکو نوُر الاہی االلہ حق آداب، ادب وِچ سجدہ سِر سر نِوائیا۔ جِس نے سب دے مُکھ توں لاہُنی نقاب، پردہ پردہ دئے چُکائیا۔ اُس دی آمد وِچ صدی چؤدھویِں اِک دوائے اعجاز، عاجز ہو کے سیِس نِوائیا۔ جِس دا نوُر نوُرانہ روُپ شہانہ اُس دا ہوواں مُحتاج، خادم ہو کے سیِس نِوائیا۔ سچ مینارے دُھر ممبر چڑھ کے ماراں آواز، اَناہوُ تیرا راہ تکائیا۔ سو مالک خالق کھولے آغاز، مِہربان مِہر نظر اُٹھائیا۔ میَنوُں پِچھلی آ گئی یاد، یادداشت دیاں سُنائیا۔ انتم سب دا لیکھا پوُرا کرنا واحد، وعدہ اپنا ویکھ وکھائیا۔ جِس دا اِکو کلمہ ہونا عائد، کائنات آپ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ صدی چؤدھویِں کہے محمدا ویکھ کھیل عظیِم، عالیجاہ کی جنائیا۔ جِس نے نِرگُن سرگُن دھار کیِتی تقسیِم، ونڈ شرع والی پوائیا۔ اوہ کھیل کرے خالق قدیِم، قُدرت دا مالک نوُر الاہیِا۔ اِمام اِماما پرگٹ ہو اُتے زمیِن، زِمیں زماں ویکھ وکھائیا۔ جِس دا نُقطہ مارگ جگت مہیِن، نیتر نیَن نظر نہ آئیا۔ اوہ میرے انت شرع دی شرع نال کرے ترمیِم، طرفداری رہن کوئے نہ پائیا۔ تیری لیکھے لائے گوئی پیشیِن، پیشیِنگوئی ویکھے چائیں چائنیا۔ ہُن اُس اُتے کرنا پَینا یقیِن، جو یک اپنا حُکم ورتائیا۔ جِس جھگڑا میٹنا نر مدیِن، مُدّعا اِکو اِک سمجھائیا۔ سب دا حق حقوق لہنا چھین، چؤداں طبق رہے کُرلائیا۔ چؤداں وِدیا کرے اَدھیِن، سِر سکے نہ کوئے اُٹھائیا۔ چار کُنٹ جو سرِشٹی ہوئی نابیِن، نوُر ظہوُر دئے چمکائیا۔ سب نے اُس نوُں کہنا آمیِن، آمد وِچ سارے سیِس نِوائیا۔ اوہ پاکھر پاوَن والا اَسو اُتے زیِن، شاہ شہانہ اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ محمد کہے میَں نِگاہ ماری عرش فرش، چؤداں طبق دھیان لگائیا۔ مِہربان محبوُب کرے ترس، رحمت اپنی حق کمائیا۔ میرا لیکھا پوُرا کرے کُچھ ایسے برس، برسی اُمت والی نال مِلائیا۔ شرع بغدادی دیوے درس، امدادی اوَر نہ کوئے

رکھائیا۔ نانک دا پِچھلا لاہوے قرض، مقروُض اپنا پندھ مُکائیا۔ صدی چؤدھویِں تیری منظور کرے عرض، آرز اپنے نال رکھائیا۔ ساڈی لیکھےلاوے غرض، غرضیکہ اپنا بھیوَ نہ کوئے جنائیا۔ دُھر دا کھیل کرے اسچرج، اچرج اپنی کار بُھگتائیا۔ میَں پِچھلی کھول کے ویکھاں فرد، جو بِنا اکھّراں نظری آئیا۔ غریِب نِمانیاں ونڈے درد، کوجھیاں ہوئے سہائیا۔ تیرا میٹے اندھیرا گرد، گردش ویکھے جگت لوکائیا۔ جودھا سوُربیِر مردانہ بن کے مرد، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ صدی چؤدھویِں کہے محمد ویکھ پِچھلیاں تواریخاں، بِن نیَناں نیَن اُٹھائیا۔ جِس دیاں کلمیاں وِچ رکھیاں اُڈیِکاں، تیِس بتیِسے نال وڈیائیا۔ سو اُمت اُمتی پرکھے نیِتا، نیِتیوان نوُر الاہیِا۔ جِس جھگڑا مِٹاؤنا مندر مسیِتا، کعبیاں اپنا رنگ رنگائیا۔ لیکھ چُکاؤنا اوُچاں نیِچاں، راؤ رنک اِکو در ٹِکائیا۔ جن بھگتاں اُتے کرے بخشیِشا، رحمت رحمان رحیِم آپ کمائیا۔ جِس نؤ کھنڈ پرِتھمی سَت دیِپ سب دیاں سانجھیاں کرنیاں حدیِثاں، حضرتاں توں باہر کرے پڑھائیا۔ اِکو چھتر جھُلنا جِس دے سیِسا، چھتردھاری سارے سیِس نِوائیا۔ جِس دا راہ تکّے حضرت عیسیٰ، موُسیٰ بھجےّ واہو داہیِا۔ اوہ بھیوَ کُھلائے بیِس بیِسا، سرگُن نِرگُن اپنی کار بُھگتائیا۔ صدی چؤدھویِں سب دا بن کے میِتا، مِتر پیارا گوبِند میلا لئے مِلائیا۔ جِس دے وِچ حق تؤفیِقا، تحفہ تحفہ نانک نِرگُن دئے ورتائیا۔ لیکھا جانے ہست کیِٹاں، کیِٹ کیِٹا ویکھ وکھائیا۔ اُس دا بھانا سب نے منّنا کر کے میِٹھا، سِر سکے نہ کوئے اُٹھائیا۔ کلجُگ کوُڑی کِریا بھنےّ کؤڑا ریِٹھا، امرت رس دئے چکھائیا۔ مانَس مانَو مانُکھ چاڑھے رنگ مجیِٹھا، چار ورن اٹھاراں برن اُتر کدے نہ جائیا۔ آپ ہو کے ترےَگُن اتیِتا، ترےَبھوَن دھنی اپنا کھیل کھِلائیا۔ جِس نوُں کہنا سب نے جگت جگدیِشا، جگدیِشر نوُر الاہیِا۔ اوہ ساڈیاں پوُریاں کرے آساں اُمیِداں، اُس دی آمد وِچ خوشی وِچ پِھریئے واہو داہیِا۔ صدی چؤدھویِں کہے تیرے کلمے کرنیاں تصدیِقاں، میَں سال بسالا شہادت دیاں بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ محمد کہے میرا اِکو اِک سجدہ، سِر سر جھُکائیا۔ میَں خادم اُس دا بردا، بندنا وِچ نِیوں نِیوں لاگاں پائیا۔ میَں درویش اُس در دا، جِس درے دربار نوُر الاہیِا۔ میَں خادم اُس گرِہ گھر دا، جِتھے جلوہ گر ڈگمگائیا۔ میَں اوسے دی آیت پڑھدا، جو کلمہ صِفت صالاحیِا۔ میَں اُس محبوُب دی منزل چڑھدا، جو چؤداں طبق ہوئے سہائیا۔ صدی چؤدھویِں میَں اوسے کولوں

رہیا ڈردا، انت اُس دا راہ تکائیا۔ جو جُگ چؤکڑی سب نوُں بھنّدا گھڑدا، گھڑن بھنّنہار بےپرواہیِا۔ جِس دا کھیل ہونا لہندا چڑھدا، لہِندیوں چڑھدے چڑھدیوں لہندے آوے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے حضرت پا دے صحیح، صحیح سلامت دھیان لگائیا۔ کی حُکم سندیسہ فرمان نازل ہُندا وحی، واحد کی جنائیا۔ کی اُمت دھار آیت شرائط کہی، صِفتاں نال صالاحیِا۔ جھٹ محمد نِیوں کے کِہا میری اپنی کیِتی انت گئی، مالک نظر کوئے نہ آئیا۔ جِس دی وست اوسے نوُں دئیں، قدم بوسی کر کے قدماں وِچ ٹِکائیا۔ اَگے کھیل تکّنی نئی، نوُر نوُرانہ کی اپنی کار بُھگتائیا۔ صدی چؤدھویِں تُوں راہ وِچ جا کے بہیں، بِن قدما پندھ مُکائیا۔ اوہ تک گوبِند دا لیکھا مُکیا سال سینکڑے ڈھئی، ڈھئیا اپنا پندھ مُکائیا۔ ہُن سب دا لیکھا منگے کڈھ کے اپنی اگمّی وہی، جِس دا کاتب نظر کوئے نہ آئیا۔ پتہ نہیں اُس دا کی مُدّعا تے کیہڑا مُدّئی، مُدتاں دا مالک کی اپنا حُکم ورتائیا۔ میری آشا میری تمنّا اُس دے قدماں اُتے سجدے وِچ ڈھئی، نِو نِو لاگی پائیا۔ تیرے بِنا دُھر دے محبوُب کائنات کلمے والیاں دی پت گئی، سِر ہتّھ نہ کوئے رکھائیا۔ کوُڑی کِریا دے ہوئے نشئی، آب حِیات وصلے یار ہتّھ کِسے نہ آئیا۔ تیرے نام دی خود خُدا اِک دروہی، یامبیِن محبان بیِدو بی خَیر یا االلہ تیری اِک سرنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو آد جُگاد جُگ چؤکڑی نِت نوِت نِرگُن سرگُن سرگُن نِرگُن کھیل کھیلے کوٹن وار کئی، آد انت کہن کوئے نہ پائیا۔

پہلی ساوَن شہنشاہی سمت ۸ منگل سِنگھ دے گرِہ بھوپال شہر

صدی چؤدھویِں کہے میَں تکاّں راہ اِمام، بِن نیتر لوچن نیَناں نیَن اُٹھائیا۔ جِس دا حُکم سندیسہ اگمّ کلام، کائنات دے کلمیاں باہر پڑھائیا۔ جِس دی شرع دیِن مذہب اِسلام، اِسم اعظم نوُر الاہیِا۔ اوسے دے قدماں کراں پرنام، پرم پُرکھ سیِس نِوائیا۔ جِس دے اوتار پَیغمبر گُروُ غُلام، سَتجُگ تریتا دواپر کلجُگ سیو کمائیا۔ سو سب دا لیکھا پوُرا کرے وِچ جہان، دو جہاناں پھول پھولائیا۔ شرع چُھری

میٹے جگت شیَطان، دھرم دی دھار اِک سمجھائیا۔ نِرگُن نِرگُن دسّ اِیمان، عمل دسےّ بےپرواہیِا۔ میَنوُں ہویا اِک پَیغام، پَیغمبراں توں باہر دِتا دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک وڈ وڈیائیا۔ صدی چؤدھویِں کہے میَں سُنی اگمّی خبر، بے خبر دِتی جنائیا۔ اِشارہ کیِتا ویکھ محمد دی قبر، مقبرہ پھول پھولائیا۔ کی کرنی کرے زابر زبر، ہرِ کرتا دُھردرگاہیِا۔ جو شرع دا شیر ببّر، شاہ سُلطانا اِک اکھوائیا۔ اوہ ویکھنہارا جگت جہاناں ٹبّر، نوَ ستّ پردہ آپ اُٹھائیا۔ جِس دی اِکو دُھن مدُھر، شبد ناد کرے شنوائیا۔ سب دی پوُری کرے سدھر، صدمہ ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک نوُر الاہیِا۔ صدی چؤدھویِں کہے میَنوُں دسّیا اِکو بول، انبولت دِتا جنائیا۔ میری حقیِقت دا وجّا ڈھول، ڈنکا ڈوروُ نام خُدائیا۔ کُچھ عیسیٰ کُچھ موُسیٰ لیکھا اِستمبول، بھیوَ ابھیدا دیاں کُھلائیا۔ تُوں نِرگُن دھار آؤنا کول، دوُر دُراڈا پندھ مُکائیا۔ جِس ویلے چرن ٹِکیا اُپر دھؤل، پار کنارہ سوبھا پائیا۔ جِس خالق مالک نؤ سؤ نڑھنویں فقیِراں اندر جانا مؤل، مؤلا ہو کے اپنا رنگ رنگائیا۔ سَوا پا نیاز ویکھنی چؤل، دانہ دانہ دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دی دھار اِک پرگٹائیا۔ صدی چؤدھویِں کہے میَں آواں پَیریں ننگی، بِن پَیراں پندھ مُکائیا۔ کُچھ میرا لیکھا نال فرنگی، فارس توں پرے دیاں دِرڑائیا۔ میرے مالک دجلا فرات دے ویکھیں کنڈھی، کوُپھا کعبیاں نال دُہائیا۔ بغداد توں وِنگی ٹیڈھی ڈنڈی، نوَ میل تے نظری آئیا۔ جِتھوں محمد لئی اُگائی زہر دی گنڈھی، نِشانہ سَوا گِٹھ لمبائی چؤڑائیا۔ جِتھے پہرہ ہونا شستر دھار جنگی، ہرِجن نؤجوان نظری آئیا۔ نال پانی دی دھار رکھنی ٹھنڈی، حُسین آشا رہیا وکھائیا۔ اعلی نے ڈھال اوتھے منگی، واسطہ اِکو اَگے رکھائیا۔ راہ تکّے چند نؤچندی، نوُر نوُرانہ نیَن بِگسائیا۔ جِس دی منزل پِچھے رہ گئی لمبی، اگلا پندھ رہیا نہ رائیا۔ میَں تھرتھراہٹ وِچ کمبی، طوبیٰ طوبیٰ کہہ کے دیاں سُنائیا۔ میَں بندگی وِچ کدے نہ ہوئی بندی، بندیخانیاں وِچوں لیکھا دینا مُکائیا۔ میرا لہنا دینا یک شمبی، مِہربان محبوُب تیرے اَگے رکھائیا۔ اوتھے ہِندسا لِکھنا دو پنج تے پنجھی، جِس دا بھیوَ عیسیٰ گیا سمجھائیا۔ میَں کھڑی ہوواں اِک ٹنگی، بِن ہتّھاں ہتّھ اُٹھائیا۔ رحمت دی دات میرے محبوُب ونڈی، بخشش میری جھولی پائیا۔ اوتھے نانک دا پیارا اِک بُھجنگی، بالی بُدھ ملِے وڈیائیا۔ جوتی جوت سروُپ ہرِ، آپ اپنی کِرپا کر،

ایکا دینا دُھر دا ور، مِہربان مِہربان مِہر نظر اُٹھائیا۔ صدی چؤدھویِں کہے میَں آواں پَیر دبّی، آہٹ سُنن کوئے نہ پائیا۔ میَں ویکھاں جلوہ گر نوُر الاہی ربّی، شاہ سُلطانا اِکو سوبھا پائیا۔ جو لکھّ چؤراسی جیِو جنت دا طبعی، طبیعت ویکھے خلق خُدائیا۔ جِس نوُں جھُکنے پَیغمبر نبی، رسوُل قدم بوسی وِچ سیِس نِوائیا۔ اُس دی جوت نِرالی ہونی جگی، جوتی جاتا ڈگمگائیا۔ اوتھے گُرمُکھاں نے پانی لگاؤنا مُکھ لبیں، اندر گھُٹ نہ کوئے لنگھائیا۔ سَوا پہر سبھا رہنی سجی، دُھر دا کلمہ دئے وڈیائیا۔ پِچھلی ریِتی سب نے جانا چھڈی، چُھٹنی کوُڑ جگت لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صدی چؤدھویِں کہے میَں ہوواں جھٹ آدھیِنا، سجدے وِچ سیِس نِوائیا۔ اوتھے لیکھا لِکھنا اِک مکّہ اِک مدیِنہ، مُدبراں دینا دِرڑائیا۔ مُلّا شیخ مسائکاں تکّنا سیِنہ، پردہ پردیاں وِچوں چُکائیا۔ تیِر انیالا مارنا نام نگیِنہ، دو جہاناں پار کرائیا۔ حق حقوق سب دا جانا چھینا، شاید مِہربان مِلن کِسے نہ پائیا۔ جِس دے ہتّھ مرنا جیِنا، اوہ مرد مردان اپنا حُکم ورتائیا۔ پھیر کھیل تکّنا روُسا چیِنا، چاروں کُنٹ نیَن اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شبدی دھار جوت پربیِنا، پرم پُرکھ پرماتم بےپرواہیِا۔

پہلی ساوَن شہنشاہی سمت ۸ اِٹارسی شہر اِٹارسی سنگت نوِت جسونت سِنگھ دے گرِہ

سمت شہنشاہی اٹّھ کہے میرا آیا پریمی ساوَن، سوَریا اپنا روُپ بدلائیا۔ پربھ دا بھیوَ کُھلائے کِرپا نِدھان باوَن، بلدھاری دَیا کمائیا۔ پردہ رہے نہ رمئیا رامن، جوتی جوت کرے رُشنائیا۔ لیکھا ویکھے گھنئیا شامن، نوُر نوُرانہ ڈگمگائیا۔ پَیغمبراں پکڑن والا دامن، دامنگیِر اگمّ اتھاہیِا۔ گُروُ گُردیوا بن کے ضامن، ضامنی اپنی اِک جنائیا۔ لیکھا پوُرا کرے گؤڑ براہمن، وِشن برہما شِو نال مِلائیا۔ دو جہاناں کرے چانن، برہمنڈ کھنڈ ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ ساوَن کہے میَں چڑھیا لوک مات، ماتر بھوُمی خوشی منائیا۔ میرے صاحِب نے تکّنی کلجُگ اندھیری رات، بِن نیَناں نیَن اُٹھائیا۔ زِمیں اسماناں مارنی

جھات، جھاکی اپنی اِک دِرڑائیا۔ سب دا پوُرا کرنا بھوِکھت واک، واقیا ویکھے تھاؤں تھائنیا۔ جِس دا لیکھا لِکھ نہ سکے قلم دوات، کاغذ چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ ساوَن کہے میری آئی اگمّی رُت، مِہربان رُتڑی رہیا مہکائیا۔ کِرپا کرے ابناشی اچُت، پت پرمیشور بےپرواہیِا۔ جِس بھاگ لگاؤنا کایا ماٹی بُت، بُتخانیاں کرے صفائیا۔ میَں اُس صاحِب نوُں جاواں جھُک، نِو نِو لاگاں پائیا۔ جِس دی آتم پرماتم دُھر دی تُک، تُخم تاثیر دیِن دُنی دئے بدلائیا۔ جِس نوُں اوتار پَیغمبر سارے رہے پُچھ، گل پلّوُ واسطہ پائیا۔ ساڈا پیَنڈا رہیا مُک، اَگے واٹ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک سُنائیا۔ ساوَن کہے میَں خوشیاں دے وِچ چڑھیا، چڑھدا لہندا ویکھ وکھائیا۔ نِرگُن دھار اکھّر اکھشر اِکو پڑھیا، جِس دا روُپ رنگ ریکھ نظر کوئے نہ آئیا۔ میَں سچ دی منزل حقیِقی چڑھیا، چاروں کُنٹ کھوج کھوجائیا۔ میرا مالک میرا محبوُب میرا پرماتم کِسے نہ وریا، نار دُہاگن دِسے جگت لوکائیا۔ میَں حَیرانی دے وِچ ڈریا، بھےَ وِچ بھجّا واہو داہیِا۔ جاں تکیا پُرکھ اکال دی سرن کوئے نہ پریا، سیِس جگدیِش نہ کوئے نِوائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اگمّ اتھاہیِا۔ ساوَن کہے میرا آیا خوشیاں والا پروِشٹا، پرم پُرکھ دِتی وڈیائیا۔ جِس دا آد انت دا اِکو اِشٹا، اِشٹ دیوَ نوُر نوُرانہ اِک اکھوائیا۔ جو سب دی کھولنہارا درِشٹا، درِشٹی دیِن دُنی ویکھے چائیں چائنیا۔ جِس دا لہنا دینا ٹانک جِستا، نِرگُن سرگُن وجدی رہے ودھائیا۔ اوہ اوتار پَیغمبراں گُروُآں پوُرا کرے نِسچا، نِہچل دھام دا مالک دَیا کمائیا۔ جِس دا لیکھ شبد شبدی دھار لِکھدا، شبدی شبد شبد کرے شنوائیا۔ اوہ روُپ دھار اگمّے پِت دا، پت پرمیشور ہو کے ویکھ وکھائیا۔ جو سَتجُگ تریتا دواپرلہنا دینا آیا نجِٹّھدا، کلجُگ انتم ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ ساوَن کہے صدی چؤدھویِں آوے بھجیّ، بھجن بندگی والیاں رہی جنائیا۔ ویکھو نؤبت نوُر الاہی وجّی، جِس دی وجہ سمجھ کوئے نہ پائیا۔ جِس دی پریِت سب نال لگّی، لگ ماتر دا ڈیرہ ڈھاہیِا۔ اوہ صاحِب سوُرا سربگی، شاہ پاتشاہ سچّا شہنشاہیِا۔ میَں اُس نوُں نوُر الاہی کہاں ربّی، یامبیِن کہہ کے سیِس نِوائیا۔ جِس دے حُکم وِچ لکھّ چؤراسی آتم بدھّی، بندنا وِچ دیِن دُنی سیِس نِوائیا۔ اُس دے حُکم وِچ سیوا کرے چؤدھویِں صدی،

صدقے واری گھولی گھول گھُمائیا۔ اوہ مالک محبوُب آؤندا کدی کدی، قدیِم دے وِچھڑے میل مِلائیا۔ جِس حضرت نوُح دی ویکھنی نوُح ندی، ہوُبہوُ اپنا پھیرا پائیا۔ میَں اُس نوُں سیِس نِواواں یدی، یدپ اپنا مان گوائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ صدی چؤدھویِں کہے سُن ساوَن میرے میِت، مِترا دیاں جنائیا۔ سچ دسّ پربھوُ دی ریِت، کی کرنی کار کمائیا۔ میَں نِمانی ناچیِز، ہؤمے ہنگتا نہ کوئے رکھائیا۔ میَں مندر جاواں کہ مسیِت، کوَن دوارا تکاّں چائیں چائنیا۔ قدم رکھاں کِس اندر دہلیز، سچ دینا سمجھائیا۔ ساوَن ہسّ کے کہے کملیئے میَں اِک مالک دا عزیِز، جُگ چؤکڑی سیو کمائیا۔ جِس نے پَیغمبراں دِتی تمیِز، تہذیب دِتی سمجھائیا۔ اوہ انتم سب دی پوُری کرے ریجھ، خوشی خوشی وِچوں پرگٹائیا۔ تیری آسا میری منسا دوہاں دی اِک اُمیِد، آمد وِچ سیِس نِوائیا۔ آہ تک رام نے سیِتا نوُں کیِتی تاکید، دُھر فرمانا اِک دِرڑائیا۔ رادھا نوُں کرِشن کِہا سی ٹھیِک، ٹھاکر ویکھ بےپرواہیِا۔ وید ویاس لِکھی تاریخ، تواریخ دئے گواہیِا۔ جِس توں حضرت موُسیٰ عیسیٰ منگی بھیِکھ، خالی جھولی جگت بھرائیا۔ حضرت دا کلمہ محمد احمد دا کلمہ کرے تصدیِق، شہادت کلمے والی بُھگتائیا۔ نانک نے دسّیا ترےَگُن اتیِت، ترےَبھوَن دھنی اگمّ اتھاہیِا۔ گوبِند نے کھنڈے دی دھار نال ماری لیِک، لائن این دِتی بنائیا۔ پُرکھ اکال دا کھیل ہونا عجیِب، عجب نِرالا اپنا حُکم ورتائیا۔ جو سب نوُں دیندا آیا ترتیب، طرح طرح نال سمجھائیا۔ اوہ انتم دا لیکھا تکّے لا کے نیجھ، نِرگُن نِروَیر نِرنکار نِراکار بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ ساوَن کہے صدی چؤدھویِں تک اِمام اگمّی، غم خوار بےپرواہیِا۔ جِس دی دھاروں کملیئے جمّی، جمّن والی اوَر کوئے نہ مائیا۔ تَینوُں چلائے بِنا ساس دمی، سواساں دی لوڑ نہ کوئے رکھائیا۔ سُنیں سندیسہ بِنا کنّی، کی فرمانا اگمّ اتھاہیِا۔ جو سب دی بیننتی رہیا منّی، منسا سب دی پوُر کرائیا۔ جو نوُر نوُرانہ نِرگُن دھار چنّ چنّی، چند چاندنا اِک اکھوائیا۔ اوہ نِرگُن نوُر جوت جگائے اپنی شمعی، بِنا شمع داناں کرے رُشنائیا۔ جھگڑا میٹے کایا ماٹی چمّی، چمّ درِشٹی دئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے ساوَن کی میَں اُس دی کراں آرتی، گھِرت دیِپک نال رُشنائیا۔ کہ کلمہ پڑھاں فارسی، صِفت صِفتاں نال وڈیائیا۔ کی مہما دسّاں اگمّے یار دی ، پردہ پردیاں وِچوں چُکائیا۔ کی صوُرت دسّاں

پُرکھ نار دی، نر نرائن کی وڈیائیا۔ کی رُت دسّاں سچ بہار دی، بسنت نِیوں نِیوں لاگے پائیا۔ کی شکل دسّاں دِلبر دِلدار دی، حقیِقت حق وِچوں دِرڑائیا۔ کی مہما کراں بےشُمار دی، انت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ کرائیا۔ ساوَن کہے میَں دسّاں اِک صلاح، سہج نال سُنائیا۔ اُٹھ ویکھ بے پرواہ، جو بے پرواہی وِچ سمائیا۔ جو سب دے بخشنہار گُناہ، بےعیب نوُر الاہیِا۔ اُس دی چلیئے وِچ رضا، رازق رِزق رحیِم اکھوائیا۔ جِس نے صدی چؤدھویِں تیرے انت وِچ سب نوُں دینی سزا، سزا یافتہ دِسے لوکائیا۔ اُٹھ ویکھ نؤ دیشاں دے سِر تے کوُکدی قضا، قزاق کلجُگ بھجےّ واہو داہیِا۔ جِتھے مِتر مِتر نال کرنا دغا، سجّن نظر کوئے نہ آئیا۔ اُس دی تصوّر کراؤنی جگہ، حُکم دُھر دا اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ صدی چؤدھویِں کہے سُن ساوَن پیارے سجّنا، سہج نال سُنائیا۔ تیرے مالک دا ڈؤروُ کِتھے وجّنا، کوَن ڈنکا کرے شنوائیا۔ جِس لیکھا ویکھنا اعلیٰ ادنیٰ، شاہ حقیِراں کھوج کھوجائیا۔ اوہ نوُر الاہی موُرت گوپال مدنا، مدُھ سوُدن اِک اکھوائیا۔ جِس نوُں سارے کردے بندنا، بندگی والے بندے سارے سیِس نِوائیا۔ ساچا دیِپک کوَن کوُٹے جگنا، جاگرت جوت کرے رُشنائیا۔ کِس مہوُرت وِچ اُس دی صوُرت دا ہووے سگنا، سگل سرِشٹی ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ ساوَن کہے اوہ صاحِب میرا بھگوَنت، بھگوَن بےپرواہیِا۔ جِس دا اِکو نام اِکو منت، منتوَ اِکو اِک دِرڑائیا۔ اِکو مالک خالق خاوَند اِکو کنت، کنت کنتُوہل اِک اکھوائیا۔ جِس نوُں کوٹن کوٹ لبھدے سنت، کھوجیاں ہتّھ کِسے نہ آئیا۔ اوہ بودھ اگادھا بن کے پنڈت، دیِن دُنی دئے پڑھائیا۔ گڑھ توڑ کے ہؤمے ہنگت، ہنگ برہم دئے سمجھائیا۔ نوَ کھنڈ پرِتھمی بنا کے اِک سنگت، ناتا جوڑے تھاؤں تھائنیا۔ جھگڑا میٹے جیرج انڈج، اُتبُھج سیتج بھیوَ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ ساوَن کہے میَں کھول کے ویکھاں اپنی گنڈھا، نؤ سؤ چُرانوے چؤکڑی جُگ پوُرب دھیان لگائیا۔ جِس دا بھیوَ پائے کوئی نہ پنڈا، چار جُگ دے شاستر پردہ نہ کوئے اُٹھائیا۔ جِس نے بھگتاں سیِنہ کرنا ٹھنڈا، اگنی تت دینا بُجھائیا۔ آتم پرماتم دینا اِک انندا، انند انند وِچوں پرگٹائیا۔ نِرگُن نوُر جوت چاڑھ کے چندا، اندھ اندھیر دئے گوائیا۔ شبد دُھن ناد سُنائے

اچنبا، سرون دی لوڑ رہے نہ رائیا۔ جِس دا کلجُگ ویلا جاندا لنگھا، صدی چؤدھویِں سیِس نِوائیا۔ اوہ سب دا ویکھنہارا انتم کنڈھا، کنڈھی بَیٹھا دُھر دا ماہیِا۔ جِس جگت جہان پائیاں ونڈاں، انتم لہنا پوُرا دئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ دُھر دا کھیل آپ کھِلائیا۔ ساوَن کہے آہ اوہ نارد کِدھروں آؤندا، میرا دِوس دئے گواہیِا۔ جیہڑا بِنا رسناں توں گاؤندا، تُوں ہی تُوں ہی راگ سُنائیا۔ اپنی بودی پِھرے ہِلاؤندا، ساری سرِشٹی رہیا سُنائیا۔ میرا مالک کدے بناؤندا کدے ڈھاؤندا، گھڑن بھنّنہار اِک اکھوائیا۔ کدے اُجاڑے کدے وساؤندا، جُگ جُگ ریِتی چلی آئیا۔ کدے کلمے نام پڑھاؤندا، کدے فاتحہ وِچ سب دی کرے صفائیا۔ میَں دُھر دا حُکم اِک سُناؤندا، سُننا خلق خُدائیا۔ گؤڑ براہمن ویس وٹاؤندا، نِہکلنک کرے رُشنائیا۔ اِمام اِماما پھیرا پاؤندا، جِس نوُں بابا آدم حوّا گئے گائیا۔ کل کلکی رنگ رنگاؤندا، اکل کل دھاری اپنی کل ورتائیا۔ سمبل اپنا دھام سُہاؤندا، ساڈھے تِنّ ہتّھ وجےّ ودھائیا۔ جوتی نوُر نوُر چمکاؤندا، نِرگُن دھار کرے رُشنائیا۔ شبدی شبد شبد سمجھاؤندا، بُدھی توں پار کرے پڑھائیا۔ ہرِجن ساچے میل مِلاؤندا، جن بھگتاں ویکھ وکھائیا۔ سرِشٹی درِشٹی پِھرے بھرماؤندا، بھرم بھرماں نال کرے کُڑمائیا۔ اپنا بھیوَ ابھید چُھپاؤندا، سمجھ وِچ کِسے نہ آئیا۔ نارد کہے میَں دسّاں کھیل اپارا، اپرمپر اِک جنائیا۔ جِس نوُں کہندے چوَھیاں اوتارا، نر نرائن نوُر الاہیِا۔ اوہ بہہ کے دھام نیارا، نِرگُن اپنی کل ورتائیا۔ کھیل کرے وِچ سنسارا، سنساری بھنڈاری سنگھاری نال رکھائیا۔ میل مِلائے تیئی اوتارا، نر نرائن جوڑ جُڑائیا۔ عیسیٰ موُسیٰ محمد دئے نظارہ، نظریہ سب دا دئے بدلائیا۔ نانک گوبِند دِسے ظاہرا، ظاہر ظہوُر کرے رُشنائیا۔ جِس نے نؤواں دیساں دا نؤ سؤ نڑِنویں کوس دا رکھنا دائرہ، چاروں کُنٹ ونڈ ونڈائیا۔ کُچھ لیکھا پوُرا کرنا وِچ قاہرہ، کالم قلم نال بھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ مِلائیا۔ نارد کہے میَنوُں سمجھیو نہ جگت شرارتی، شرع والیاں دیاں جنائیا۔ اپنا لیکھ ویکھو عبارتی، جو اکھّراں نال اکھّر مِلائیا۔ میری گلّ نہیں تکرار دی، دُھر دا حُکم حُکم دِرڑائیا۔ تُہاڈی پریِتی رہی نہیں سانجھے یار دی، یارانے سارے گئے تُڑائیا۔ ہُن وڈیائی رہنی نہیں کِسے اوتار پَیغمبر گُروُ مختیار دی، مُہلت پُجی چائیں چائنیا۔ چار کُنٹ دہ دِشا کلجُگ کوُڑی کِریا للکار دی، اُچی کوُک کوُک سُنائیا۔ طاقت رہنی نہیں کِسے تلوار دی، کھنڈا کھڑگ نہ کوئے چمکائیا۔ کلجُگ بھٹّھی تپنی اِک انگیار دی،

اگنی تت نہ کوئے بُجھائیا۔ کھیل ورتنی اِک سِکدار دی، جو سِکہ نام کلمہ دئے بدلائیا۔ اؤدھ مُکنی انتم جُگ چار دی، چار یاری دئے گواہیِا۔ وڈیائی رہنی نہیں کِسے غدار دی، گداگر ہوئے لوکائیا۔ شان شؤقت دِسے نہ کِسے بازار دی، ہٹوانے روون مارن دھاہیِا۔ نارد کہے چاروں کُنٹ دھرنی دھرت دھوَل دھؤل درگاہ ساچی رو رو پُکار دی، بِن نیَناں نیِر وہائیا۔ دروہی تیری اِستغُفار دی، تیرا نام دُہائیا۔ جن بھگتاں سِک تیرے دیِدار دی، درس دینا چائیں چائنیا۔ نارد کہے جن بھگتو کُچھ خبر دسّاں سمُند ساگر پار دی، تھلاں دا پردہ لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ ساوَن کہے سُن سمت اٹّھ، اٹّھاں تتاں توں باہر دیاں جنائیا۔ تُوں خوشیاں وِچ نَٹھ، بھجّ واہو داہیِا۔ میرا نؤ سؤ چُرانوے چؤکڑی جُگ دا ویکھ ہٹّھ، ہٹھیلا ہو کے دیاں سُنائیا۔ ترنتے جُگ دی کھول کے ویکھ گٹّھ، پردہ پردیاں وِچ اُٹھائیا۔ ایتھے رام رہیا سی دِن ستّ، سَت سَت دی کھیل کھِلائیا۔ جِتھے ہرِ سنگت دا ہویا اِکٹّھ، پہلی ساوَن وجّی ودھائیا۔ سَتجُگ بھگت دوارے دی بھگت ایتھے کرنگے چٹّھ، چار جُگ دا لیکھا نال بنائیا۔ رَین بسیرا اوتھے لیَنا کٹ، جِتھے تِنّے بھجےّ واہو داہیِا۔ جِس نے شرع دی میٹنی وٹّ، جھگڑا کوُڑ دینا مِٹائیا۔ اوہ وسنہارا گھٹ گھٹ، ہر گھٹ دا مالک نوُر الاہیِا۔ جِس جگت دوَیت دا میلنا پھٹ، پٹّی دُھر دی دھرم دھار بندھائیا۔ جن بھگتاں پِچھلا وِچھوڑا جاوے کٹّ، کٹاکش اپنا نام لگائیا۔ ہرِ سنگت سنگت ہرِ اِٹارسی کھیڑا کدے نہ ہووے بھٹّھ، بھٹھیالا کلجُگ سیِس نِوائیا۔ جِس دی صِفت صالاح وڈیائی گاؤندے شبدی دھار بھٹّ، اکھّر اکھّراں جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی دی سانجھی کرے مت، جگت متانتر دا ڈیرہ ڈھاہیِا۔