۴ ساوَن شہنشاہی سمت ۸ اِٹارسی شہر سُرنِدر سِنگھ دے گرِہ
کلجُگ کہے پربھ میرا ویکھ لےَ زور، جوروُ زر دِتی وڈیائیا۔ ہر گھٹ اندر میَں ہور دا ہور، ہور دا ہور روُپ بدلائیا۔ وڈّا ڈاکوُ بن کے چور، ڈاکا ماراں تھاؤں تھائنیا۔ تیری کِرپا نال تیرے ہُندیاں رکھاں اندھیرا گھور، تیرا چانن نظر کِسے نہ آئیا۔ میرا دِل چاہُندا میَں سارے تیرے نالوں دیاں وِچھوڑ، تُوں اِک اِکلّا بھجےّ واہو داہیِا۔ نؤ سال تک کِسے دا ہون نہ دیواں جوڑ، صدی چؤدھویِں نال مِلائیا۔ میَں کلپنا وِچ کلپ کے پاواں شور، شور نال سُنائیا۔ مِہربان اِک وار ساریاں دی اپنے نالوں کٹ دے ڈور، تیرا درس کرن والا رہن کوئے نہ پائیا۔ جھوُٹھے بھانڈے ماٹی دے پھوڑ، تن وجوُد کمّ کِسے نہ آئیا۔ میری بیننتی دوئے ہتّھ جوڑ، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ کلجُگ کہے پربھوُ میری پُشت دے تھاپی، تھپک تھپک وڈیائیا۔ میَں رہن دیواں نہ کوئے تیرا جاپی، بل اپنا آپ وکھائیا۔ اوہ ویکھ دھرنی رہی کانپی، کمب کمب کے رہی سُنائیا۔ میرے اُتے مانَس خاکی، پنجاں تتاں والے بھجّن واہو داہیِا۔ باہروں نِرمل اندروں کاتی، قُدرت دے مالک تیری سمجھ کوئے نہ آئیا۔ تُوں پاربرہم برہم تیری سمجھے کوئے نہ ذاتی، پردہ سکے نہ کوئے اُٹھائیا۔ میری منظور کر بیننتی جو کیِتی نؤ وار راتیں، در تیرے سیِس نِوائیا۔ شرع دا رہے کوئے نہ حاجی، حضرتاں دا میل نہ کوئے مِلائیا۔ بِن تیرے سُرتی ہووے کِسے نہ جاگی، جاگرت سارے دینے سوائیا۔ میَں چاہُندا دیِن دُنی دی بُدھی کر کاگی، گھر گھر کاگ وانگ کُرلائیا۔ ساچے نام دا دِسے کوئے نہ راگی، دُھر دا راگ نہ کوئے الائیا۔ بےمُہاریاں دا بنے کوئے نہ واگی، اوتار پَیغمبر گُروُ سِر ہتّھ نہ کِسے ٹِکائیا۔ تُوں شاہ پاتشاہ شہنشاہ سوانگی، ہرِ کرتا نوُر الاہیِا۔ تُوں آد توں انت انت توں آد جُگ جُگ اِکلّا پاندھی، اِک اِکلّے جگت مُحلے ویکھ چائیں چائنیا۔ چاروں کُنٹ تیرے حُکم دی چلے آندھی، اندھیرا ہوئے کوُڑ لوکائیا۔ اوہ ویکھ صدی چؤدھویِں کُھلی گُت ہتّھ پھڑی پراندی، بھجےّ واہو داہیِا۔ کوُکاں مارے محمدا میرے صاحِب بِنا پت جاندی، جاندی واری بُھل لےَ بخشائیا۔ اُن ساڈے گرِہ آؤنا سُکھی ساندی، کملیا اپنی لےَ انگڑائیا۔ ذرا نِگاہ مار لےَ کِسے نے گاں کھادھی کِسے نے کھادھی ڈھانڈی، بچیا نظر کوئے نہ آئیا۔ میَنوُں ایں جاپدا اُس نے ویکھنے ساڈے موُسیٰ والے گوانڈھی، ہمسایہ کھوج کھوجائیا۔ اُس دا لیکھا میَں کی دسّاں اُس دی باندی، جِس دی بندنا وِچ نِو نِو
لاگاں پائیا۔ میَں سوگند قسم اُس خصم دی کھاندی، جیہڑی خصمانہ اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے اُٹھ محمد میریا ویِرا، وَیران ویکھ لوکائیا۔ میرا پروردِگار گھتی آئے وہیِرا، نظر کِسے نہ آئیا۔ جِس دے بھگتاں کول ترکش تیِرا، رام راما سیو کمائیا۔ اُس توڑن آؤنا شرع دیِاں زنجِیراں، ظاہر ظہوُر کرے رُشنائیا۔ جِس دے سیِس اُتے ساڈے گرِہ وڑدیاں نیِلا ہووے چیِرا، نیِلی دھار رنگ رنگائیا۔ میرا مالک پیِرن پیِرا، بے پرواہ سوبھا پائیا۔ اسیں بیننتی کرنی ساڈی بدل جائیں تقدیِرا، تقدیِر ضمیِر وِچ نہ کِسے پھسائیا۔ جِس دے کول نام شبد شمشیِرا، کھنڈا اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ محمد کہے کی سچ آوے میرا مالک، نوُرانہ نوُر الاہیِا۔ صدی چؤدھویِں کہے اوہ پیار وِچ سب نوُں دیوے دعوت، دعویدار اِک اکھوائیا۔ محمد کہے کی بخشش کرے سخاوت، رحمت کی کمائیا۔ صدی چؤدھویِں کہے اُس اِکو کلمہ کہنا، سارے چھڈ دیؤ بغاوت، بغلگیِر ہو کے اِکو رنگ وکھائیا۔ آد دا آد انت دا انت اِکو نام کلمہ میرا نیامت، وست امولک اِک ورتائیا۔ حضرتو ویکھو میَں سدا صحیح سلامت، صاحِب سُلطانا نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ جھٹ کلجُگ کہے صدی چؤدھویِں نہ کر ایڈا چاء، خوشیاں رنگ رنگائیا۔ اوہ مالک بے پرواہ، بے پرواہی وِچ سمائیا۔ جِس نوُں تیرے محمد نے کِہا خُدا، خود مالک نوُر الاہیِا۔ ایَویں اُس توں ہو نہ فِدا، اپنی خوشی بنائیا۔ اوہ جِس نوُں چاہے اپنے نالوں کرے جُدا، تے جِس نوُں چاہے اپنے نال مِلائیا۔ اُس دے کول اننت کلا دی وِدھا، جِس دی وِدھی جگت شاستر کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے صدی چؤدھویِں میَں ہی ایتھے آواں گا۔ کوُڑ دا ڈنکا اِک وجاواں گا۔ بھرم بُھلیکھے سرب بُھلاواں گا۔ ایہہ مؤلا نہیں تے مؤلا کلجُگ کہے میَں اکھواواں گا۔ اپنا ڈؤلا پھیر فرکاواں گا۔ ڈھول مردنگا اِک وجاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل اِک وکھاواں گا۔ صدی چؤدھویِں کہے کلجُگ تُوں بڑا سوہنا، جگت جہان نظری آئیا۔ تُوں بڑا پریمی پیار وِچ سب نوُں موہنا، مُحبّت والا اِک اکھوائیا۔ پر میَنوُں ایں دِسدا تُوں جِس گھر وِچ وڑ جاویں اُس گھر وِچ پےَ جاندا رونا، رو رو کے سارے مارن دھاہیِا۔ تیرا کھیل بڑا
انہونا، ہونی نے بچےّ نیہاں ہیٹھ دِتے دبائیا۔ میَں بیننتی کردی تُوں کِسے پِچھے پِچھے سؤنا، اَگے اَگے قدم نہ کوئے ٹِکائیا۔ سانوُں خوشیاں ساڈے ماہی محبوُب نے آؤنا، جِس دی یاد وِچ چؤداں سؤ سال راہ تکائیا۔ اسیں اپنا آپ اُس دے چرناں ہیٹھ وِچھاؤنا، قدم بوسی کر کے دھوُڑی خاک رمائیا۔ اوہ میرا محبوُب نہیں اوہ جگت دا نہیں پراہُنا، اوہ کُل مالک نظری آئیا۔ جِس نے کلجُگ نوُں ڈھاہُنا تے سَتجُگ نوُں وساؤنا، ایہہ اوہدی بےپرواہیِا۔ دھرتی اُتے اپنا کھیل کھِلاؤنا، خالق خلق اپنی کار بُھگتائیا۔ کلجُگ اوہدیاں پریمیاں نوُں صوُفیاں نوُں تُوں اپنے جال وِچ نہ پھساؤنا، جگت جنجالا نیڑ کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے صدی چؤدھویِں تُوں کِڈی سوہنی سُنکّھی، بِندی سوبھا پائیا۔ نیں میَں تیرا روُپ تک کے اکھّیں، میرا دِل کردا الف یے دے اکھّر دیاں مِٹائیا۔ میَنوُں تے نارد نوُں بُھل گئی کرِشن والی سخی، جِس سخی نے اِشارہ کلجُگ دِتا کرائیا۔ اِک وار تُوں کھِڑ کھِڑا کے ہسّی، ہسّ کے دینا جنائیا۔ میرا دِل کردا تیری گُت نوُں پا کے رسّی، چاروں کُنٹ بھجّاں واہو داہیِا۔ نالے ہوکا دیواں ایہہ ویکھو صدی چؤدھویِں جِس دے وِچ سب نے کھادھی مچّھی تے ڈڈّی، پشوُ پنچھیاں کھلّ لُہائیا۔ پھیر تُوں اپنی کتھا کہانی اُس پربھوُ نوُں دسّیں، جو آد انت دا مالک اِک اکھوائیا۔ آہ ویکھ میَں وی اوسے دی پڑھی پٹّی، پٹنے والا نال مِلائیا۔ میَنوُں اوہناں اِشارہ دِتا کلجُگ ساڈے نال سمُند ساگراں ٹپّیں، بھارت وِچ نال چلیں چائیں چائنیا۔ جیہڑی میریاں بھگتاں کوُڑ کُڑیار دی کھٹّی ہووے کھٹّی، اُس دی گنڈھ اپنے سِر لیَنی ٹِکائیا۔ جِس دی یاد وِچ نانک نے لیکھ لِکھیا جُگ چھتّی، چھتّی راگاں توں باہر دِرڑائیا۔ اوہ مالک کملاپتی، پت پرمیشور بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے صدی چؤدھویِں آہ محمد نوُں وکھا اپنی تختی، تخت نِواسی رہیا جنائیا۔ جِس دے حُکم وِچ ہووے سختی، سخت اپنا حُکم ورتائیا۔ میَنوُں ایَں دِسدا پیِراں پَیغمبراں دی آؤنی کمبختی، سِر ہتّھ نہ کوئے ٹِکائیا۔ میرے محبوُب دی سب توں وکھّری ہستی، ہست کیِٹاں لیکھا دئے چُکائیا۔ جگت خُماری لاہے مستی، ہؤمے ہنگتا گڑھ تُڑائیا۔ پر ایہہ کھیل اون تَینوُں دینا دستی، تُوں مدیِنے مکّے دینا پُجائیا۔ نالے محمد نوُں کہنا ویکھ ساڈی حالت ہوئی خستی، خصم نوُں کھانا کِدھروں آیا بےپرواہیِا۔ صدی چؤدھویِں کہے کلجُگ ایہہ گلّ نہیں پھبدی، میَں نِیوں کے
سیِس نِوائیا۔ میَں چاہُندی اوہدے چرن ہوواں جھسدی، بِن ہتّھاں توں ہتّھ چُھہائیا۔ میَنوُں قسم اوسے مبین تے اوسے ربّ دی، جِس نوُں ربیؤل رحمان کہے لوکائیا۔ کلجُگ ہسّ پیا آنہدا کملیئے تُوں وی کی جانیں اوہدی صوُرت کِسے جٹّ دی، ولیِا چھلیِا اپنا روُپ بدلائیا۔ جھٹ محمد بول پیا اوہدا نوُر نوُرانہ جوت ہووے لٹ لٹ دی، دو جہاناں ڈگمگائیا۔ اوہ کھیل ویکھے میرے چؤداں طبقاں ہٹّ دی، ہٹوانا بےپرواہیِا۔ صدی چؤدھویِں کہے کلجُگ میَں خوشیاں نال ہوواں ٹپدی، ٹاپوُآں توں پرے بھجّاں واہو داہیِا۔ کھیل تکاّں اُس الکھّ دی، جو الکھ اگوچر اِک اکھوائیا۔ اُس دی دھار ہونی سچ دی، سچ سچ نال وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے نی صدی چؤدھویِں تیرا آ گیا بُڈھاپا، ہوش حواس قایم لےَ کرائیا۔ اوہ ویکھ چار یاری چڑھیا تاپا، محمد نیَن رہیا شرمائیا۔ اُمت دا چیِتھڑ ویکھ پاٹا، اوڈھن سیِس نہ کوئے ٹِکائیا۔ کلمیاں والیاں نوُں آیا گھاٹا، روزہ نماز پار نہ کوئے لنگھائیا۔ جِس نے اپنی منسا پوُری کرنی تے پوُری کرنی تیری واٹا، وٹنا تیرے دیش آ کےلاوے چائیں چائنیا۔ تیری اِکو وست ٹُٹی ہونی پُرانی کھاٹا، کھٹیا جگت والی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے صدی چؤدھویِں میَں دسّاں نال اِیمان، امان نال جنائیا۔ کد تک محمد دا لیکھا چُکنا وِچونقرآن، کائنات ہووے صفائیا۔ جو اِماماں دا اِمام، عملاں توں رہت نوُر الاہیِا۔ شرع والیاں اُس نوُں کہنا شیَطان، سمجھ والا سمجھ نہ کوئے رکھائیا۔ اُس دا وسیرا بیِابان، جنگلاں جوُہاں رنگ چڑھائیا۔ تُوں کِس بِدھ کرے پہچان، میَنوُں دے سمجھائیا۔ جھٹ محمد کِہا اوہ نوُر الاہی اِمام، نوُر ظہوُر کرے رُشنائیا۔ اُس دی اگمّ توں اگمّی کلام، کائنات توں باہر سُنائیا۔ جِس نے پِچھلا بدل دینا سرب اِنتظام، اگلا بندوبست اپنے ہتّھ رکھائیا۔ اوہ سوُربیِر بلوان، بلدھاری وڈ وڈیائیا۔ اوہنوُں سمجھے نہ کوئے اِنسان، اِنسان بُدھی کمّ کِسے نہ آئیا۔ صدی چؤدھویِں کہے میَں اُس دا جدوں سُناں گی کلام، سُن کے اوسے نوُں سیِس نِوائیا۔ کلجُگ کہندا اوہ وقت ویکھ لےَ صُبح ہووے کہ شام، سرگھی سندھیا کھوج کھوجائیا۔ محمد کِہا اوہ سدا مِہربان، مِہر نظر اِک ٹِکائیا۔ کلجُگ کہے صدی چؤدھویِں لُک جاویں محمدا چُھپ جاویں اُن سب نوُں کرن آؤنا غُلام، بردے دُھر دے لئے بنائیا۔ ہُن مالک تُسیں اُمت تمام، ایسے طمع وِچ دیِن دُنی دِتی لڑائیا۔ آہ ویکھو اِک حُکم اُس دا گُمنام، جِس نوُں اکھّراں
وِچ سکے نہ کوئے سمجھائیا۔ نالے تُہانوُں کلمے دِتے نالے انت شرع نوُں کیِتا بدنام، سچ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی وست آپ ورتائیا۔ کلجُگ کہے صدی چؤدھویِں میرا وی اوسے نال ٹھیِکہ، میَں جگت دا ٹھیکیدار اکھوائیا۔ میَں وی کِسے دا رہن نہیں دینا ایکا، اِک دوُجے نال سارے دینے لڑائیا۔ پربھوُ تے رکھے کوئے نہ ٹیکا، ٹِکّے مستک سارے رہے چُھہائیا۔ میَں سب نوُں بُھلا دینا سؤہرا تے پیکا، سؤہرے پیئیے کمّ کِسے نہ آئیا۔ چار یاری مُکاؤنا لیکھا، لِکھت پِچھلی دئے گواہیِا۔ لہنا دینا پوُرا کرنا مُلّا شیخا، مسائکاں ڈیرہ ڈھاہیِا۔ اپنا بدل کے بھیکھا، بھیکھی دیِن دُنی دیاں جنائیا۔ نالے ہوکا دیاں پروردِگار کِسے نہ ویکھا، بِن ویکھیاں منّن کوئے نہ پائیا۔ پتہ نہیں کؤن پِھرے دیس پردیسا، اپنا کھیل کھِلائیا۔ جو مالک رہے ہمیشہ، سو صاحِب وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ کلجُگ کہے سمت شہنشاہی اٹّھ وِچ میری وڈّی کار، سیوا پربھوُ دِتی لگائیا۔ میَں ویکھنے کُنٹ چار، دہ دِشا دھیان لگائیا۔ ویکھنے وید چار، پردہ پردیاں وِچوں چُکائیا۔ ویکھنے ورن چار، کھتری براہمن شوُدر وَیش بچیا رہن کوئے نہ پائیا۔ ویکھنے سنگ محمد یار چار، چؤدس چند نال مِلائیا۔ پھیر ساریاں نوُں پُچھنا دسّو ایس ویلے پربھوُ اُتے کِس نوُں اِعتبار، کہ بے اعتباری وِچ لوکائیا۔ کلجُگ کہے میَں بڑا ہوشیار، ہوشیاری نال سب نوُں دینا سُنائیا۔ دُنیادارو تُہاڈا کِس دے نال پیار، لِکھ کے دیؤ وکھائیا۔ جگت جگیاسوُاو جگت سنبندھی جگت وِچ دِن دو تے چار، انت کمّ کوئے نہ آئیا۔ مر مر جمےّ جمےّ مرے وارو وار، لکھّ چؤراسی وِچ بھوائیا۔ کوٹاں وِچوں شاید کلجُگ کہے کوئی بھگت کہے بانہہ اُٹھال، اوہ میرا مالک دُھردرگاہیِا۔ جِس دے پِچھے میَں پاتشاہ ہو کے ہوواں کنگال، کنگلا ہو کے اپنا رنگ رنگائیا۔ کلجُگ کہے میرے ہُندیاں کوئی سُرت نہ سکے سنبھال، سمبل بَیٹھا ماہی نظر کِسے نہ آئیا۔ صدی چؤدھویِں نیں تُوں وی کوئی لبھ لےَ دلال، جو وِچولا ہو کے تَینوُں لئے مِلائیا۔ صدی چؤدھویِں کہے میَں وی اوسے پِچھے گھالناں رہی گھال، میری کوئی مہیِنیاں دِناں برساں دی سیوا نہیں میَں چؤداں سؤ سال اوسے دا راہ تکائیا۔ اوہ آپے میری سُرت لؤ سنبھال، پھڑ باہوں گلے لگائیا۔ کلجُگ کہے بیبیئے رانیئے تُوں نہیں جاندی اوہدی چال، اوہ ول چھلدھاری اپنے جال وِچ سب نوُں لئے پھسائیا۔ صدی چؤدھویِں کہے میَں اوسے دی یاد وِچ ہو گئی نِڈھال، اپنا بل نہ کوئے رکھائیا۔ میرا
پُکارے روم روم وال وال، والی وارث آوے میرا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم ورتائیا۔ کلجُگ کہے صدی چؤدھویِں ذرا میرے ولّ ویکھ، متھے تِاؤڑی نہ کوئے رکھائیا۔ صدی چؤدھویِں نیَن چُکیا کلجُگ نے کِہا آہ ویکھ دس دسمیش، دوُلھا دُھر دا نظری آئیا۔ جِس دے ساہمنے سارے ہونے پیش، پیشتر دیاں دِرڑائیا۔ جِس دا سمبل وِچ ویس، ساڈھے تِنّ ہتّھ وجےّ ودھائیا۔ اُس دا اگمّ توں اگمّڑا لیکھ، لِکھت لِکھت نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ کلجُگ کہے صدی چؤدھویِں تیرا میرا چنگا راج، چل سب نوُں دئیے سُنائیا۔ پربھوُ دے بھگتاں نوُں وی کہیئے تُہاڈا پربھوُ بڑا دھوکھے باز، دھوکھے وِچ کوئے نہ آئیا۔ ایہدے نالوں تُہاڈے چنگے اپنے کاج، کاجاں وِچ اپنی خوشی بنائیا۔ ایس توں بِنا تُسیں اِک دوُجے نوُں کہو تُسیں میرے گُروُ مہاراج، پت پتنی اِک دوُجے نوُں سیِس نِوائیا۔ بھَین بھرا تُہاڈے ایس نالوں چنگا ساک، ایس نوُں چھڈو پروار نوُں مِلو چائیں چائنیا۔ جِس نے اوتاراں پَیغمبراں گُروُآں توں دیِن مذہباں دا پوایا نِفاق، کلمے کلمے نال ٹکرائیا۔ ایس توں سارے پاؤ نِجات، پلّا لؤ چُھڈائیا۔ ایس دی عادت جُگ جُگ کالے کرنے کاغذات، اکھّر اکھّراں نال مِلائیا۔ سنسار دا سُکھ من دا پیار ویکھو لوک مات، نؤ دوارے دا رس چکھّو چائیں چائنیا۔ مات پِتا نوُں مِلیاں آوے شانت، پربھوُ نوُں مِل کے بھجن بندگی وِچ اپنا آپ پھسائیا۔ تُہاڈا منُشا جنم کلجُگ جیِوو کل رہے پارجات، تُہاڈے ورگا نظر کوئے نہ آئیا۔ سارے اپنے اندر ویکھو مار جھات، پردہ پردے وِچوں چُکائیا۔ جھٹ صدی چؤدھویِں بولی کلجُگ کُفر والے نہ کر واک، کلمہ کُفر نہ کوئے سُنائیا۔ پربھوُ دے بھگت اجے وی لوک مات پاک، جِنہاں دے اُتے اپنا ہتّھ ٹِکائیا۔ کلجُگ نے جھٹ کڈھ لیا گوبِند والا کاٹ، جو ماچھوُواڑے لِکھائیا۔ نالے صدی چؤدھویِں نوُں ماری ڈاٹ، بھے وِچ رہیا ڈرائیا۔ ہُن ویکھ لےَ تیری چھیتی مُکاوے واٹ، وٹنا ملن والیئے تیرے تے بُڈھاپا گیا آئیا۔ تیرا کُھلا ہووے جھاٹ، مینڈھی سیِس نہ کوئے گُندائیا۔ تیرا لیکھا مُکنا چؤداں ہاٹ، چؤداں طبق روون مارن دھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ کلجُگ کہے میرے صاحِب سَتگُروُ، سَت سَت دَیا کمائیا۔ تیرا حُکم میَنوُں مِلیا شُروُع، شُروُع توں میَں اپنی جھولی پائیا۔ بھاویں میَنوُں سارے کردے دُروُ دُروُ، بھَیڑا کہہ کے میَنوُں رہے سُنائیا۔ پر میَں وی سب نوُں
کِہا جگیاسوُاو تُہاڈی سُرتی کدے نہ جُڑوُ، شبد دا ناتا نہ کوئے مِلائیا۔ جِس ویلے میرے صاحِب دا مُہانا مُڑوُ، بِن ونجھاں توں پار کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے جن بھگتو اِٹّ چنگی کہ پتّھر، پتّھر من والیو دیؤ سُنائیا۔ یارڑا چنگا کے ستھر، کہ سیج جگت وڈیائیا۔ پربھوُ پیار چنگا کہ جگت والے اتھر، آسوُآں رنگ رنگائیا۔ سنساری گلّاں چنگیاں کہ دُھر دے لیکھ دا اکھّر، جِس اکھّر نال گُر اوتار پَیغمبراں بنت بنائیا۔ مِٹّی وِچ مِلنا چنگا کہ چڑھنا سِخر، سَت دیؤ دِرڑائیا۔ سَتگُر وِچ سماؤنا چنگا کہ کوُڑ کُڑیارا فِکر، فِقرہ بے سمجھی والا گائیا۔ میری اِکو آشا کلجُگ کہے جن بھگتو جے اپنے اندر اپنے صاحِب دا ویکھو چتر، باہر چِتر دی لوڑ رہے نہ رائیا۔ جو آتما دا مِتر، پرماتما روُپ الاہیِا۔ ایہہ کایا ماٹی جگت وِکاری چِکڑ، پوِتر صاف نہ کوئے کرائیا۔ جنم جنم دی رہی وِچھڑ، وِچھڑیاں میل نہ کوئے کرائیا۔ جِس دا گرنتھاں شاشتراں اوتار پَیغمبراں گُروُآں کیِتا ذِکر، ذِکریئے چیِر پوا کے دِتی دُہائیا۔ اَناالحق حق کِہا اوہ حقیِقت دا مالک اپنی دھاروں آوے نِکل، نوُر نُرانا نوُر الاہیِا۔ نہ اوہ سونا نہ اوہ چاندی نہ اوہ پِتل، جگت دھات قیِمت کوئے نہ پائیا۔ باہروں ویکھو پنج تت کُنبھ تے جِہنوُں کہندے بِٹھل، اندر بٹھلو بےپرواہیِا۔ جن بھگتو جِس سریِر نوُں سارے گھر دے انت پِٹن، اوہ سریِر کمّ کِسے نہ آئیا۔ بھگت بھگوان آتما پرماتما سچکھنڈ دوارے دوویں ٹِکن، درگاہ ساچی سوبھا پائیا۔ پربھوُ دا حُکم ہُن بن دا لیکھ لِکھن، پھیر حُکم دینا ورتائیا۔ کلجُگ کہے میری دُہائی میَنوُں وی مِلدا نہیں کِتے ٹِکن، دِوس رَین بھجّاں واہو داہیِا۔ جِدھر تکاّں کوُڑی کِریا سارے وِکن، قیِمت ٹکیاں والی پوائیا۔ میری دروہی میری دُہائی ایہہ سرِشٹ سبائی مِتھن، انت رہن کوئے نہ پائیا۔ گُرمُکھ وِرلے بھگت سُہیلے سَتگُر شبد دی سِکھیا سِکھن، سِکھیا وِچ سِکھ سَتگُر وِچ سمائیا۔ ہرِ سنگت تُہاڈا اِکو مائی باپ تے اِکو پِتن، پِتا پُرکھ اکال اِک اکھوائیا۔ جو جنم جنم دے لیکھے آئے نجِٹھن، کرم کرم دے روگ مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ صاحِب وڈ وڈیائیا۔ کلجُگ کہے جن بھگتو میَنوُں دیؤ معافی، اِٹارسی والیو میَں تُہانوُں سیِس نِوائیا۔ میری بخش دیؤ گُستاخی، میَں رو رو ماراں دھاہیِا۔ میری ہر تھاں بے اِنصافی، اِنصاف سَتگُر ہتّھ پھڑائیا۔ میَں ہُن جانا اُتے کوہ کافی، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، مِہربان سِر اپنا ہتّھ ٹِکائیا۔ کلجُگ کہے جن بھگتو میَنوُں تھوڑا مار دیؤ دھکاّ،
دھکیل کے دیؤ وکھائیا۔ میَں اِقرار کراں پکاّ، وعدہ اِک سمجھائیا۔ سب دا مالک اِک یکا، واحد نوُر الاہیِا۔ میَں پہلوں جا کے محمد نوُں مِلاں وِچ مکّہ، مدیِنے مقبراں ویکھ وکھائیا۔ پر یاد رکھِیو ستّاں گُرمُکھاں دے کول اِک اِک ہووے ٹکا، نال جان والیو بُھل نہ جانا رائیا۔ جِس ٹّکے پِچھے میَں ساری دُنیا وِچ پاؤنا رٹّا، تے شاہ سُلطاناں دینا لڑائیا۔ صِفر نوُں زیِرو زیِرو نوُں صِفر نال کرنا بٹا، اگلا پِچھلا انک سمجھ کِسے نہ آئیا۔ کلجُگ کہے گُرمُکھو میَنوُں اپنے وِکار ہنکار دی بنّھ دیؤ گٹّھا، میَں سِر تے لواں ٹِکائیا۔ سِر پَیر دوواں نال جاواں نَٹھا، بھجّاں واہو داہیِا۔ اَگے جا کے صدی چؤدھویِں نوُں کراں ٹھٹّھا، مخؤل دیاں اُڈائیا۔ کی کہاں کملیئے نالے پُرکھ اکال آؤندا تے نال آؤندا شبد پٹّھا، نؤجوانا سوبھا پائیا۔ جِس دا نوُر جوت پرکاش لٹ لٹا، دو جہاناں ڈگمگائیا۔ جِس نے بدل دینا سِلّ دے نال پتّھر پتّھر نال وٹّا، جگت ترازوُآں پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا حُکم ورتائیا۔ کلجُگ کہے جن بھگتو اجّ میَنوُں دے دیؤ اپنے غُصّے والی پوُنجی، پوُنجی دارو میرا بھار دیؤ بنائیا۔ میَں چاہُندا سَتگُر دا درس کرو تُہاڈے اندروں دُرمت میَل جائے پوُنجھی، وِکار رہن کوئے نہ پائیا۔ نہ کوئی محصوُل منگاں تے نہ کوئی منگاں چُنگی، بِنا چُنگی خانیاں توں تُہاڈا بھار دیاں لنگھائیا۔ ویکھیو پریشانی وِچ کوئی نہ پائیو اوُندھی، نیَن موُند ویکھنہارا تھاؤں تھائنیا۔ اِشاریاں تے ہتّھاں نال کِسے نوُں نہ وڈّھیو چوُنڈی، ایہہ گلّ منّن دی لوڑ نہ کوئے رکھائیا۔ کلجُگ کہے گُرمُکھو ایہہ بندہ نہیں ایہہ اندھا نہیں ایہہ نہ سمجھیو کہ لکّڑی دی پھڑی پِھردا کھوُنڈی، کُھڈاں دو جہان ویکھ وکھائیا۔ ایہدی صوُرت نؤ سؤ چُرانوے چؤکڑی جُگ کدی نہیں لبھدی ڈھوُنڈی، ڈھوُنڈ ڈھوُنڈ کے اوتار پَیغمبر گُر گئے سیو کمائیا۔ کلجُگ کہے تُساں بڑیاں خوشیاں نال کِسے مِٹھیائی کھادھی تے کِسے کھادھی بوُندی، تے میَں بُھکھا رہ کے اپنا جھٹ لنگھائیا۔ پر میری انتر پربھوُ دی یاد وِچ اِکو وار ہوُنگی، ہائے ہائے کر سُنائیا۔ جھٹ میَنوُں مِلی امرت سوانت بوُندی، رس دِتا چکھائیا۔ میری زبان ہو گئی گوُنگی، مُکھ کہہ نہ کِچھ سُنائیا۔ پھیر ویکھیا اوہ پربھوُ تیری کِڈی وڈی لکھّ چؤراسی جوُنی، جوُنیاں وِچ بھواؤن والیا کی تیری بےپرواہیِا۔ نالے میَں کِہا میَں تیرا دُلارا تے نالے گُر اوتار پَیغمبراں دا خوُنی، جِس نے دیِن مذہب سارے دِتے لڑائیا۔ نالے نِیوں کے کِہا پربھوُ تُوں بڑا قانوُنی، قانوُن دے قواعد قاعدے سمجھ کوئے نہ پائیا۔ کلجُگ کہے پھیر میَں اکھّ ملی نیِر وگیا میَں ہسّیا اوہ مالکا دُنیا تیرا کھیل ویکھے بَیروُنی، باہر دھیان
لگائیا۔ جاں تُوں میرے آہ ماریا تے میَنوُں نوُر نظر آیا اندروُنی، میرا پردہ دِتا اُٹھائیا۔ پھیر میری دھار ہلوُنی، ہلوُن کے دِتا جگائیا۔ پیار دِتا کلجُگ جاہ کوُڑ کُڑیار دا جھوُٹا جھوُلی، جھوُلیاں وِچ لوکائیا۔ اوہ ویکھ حضرت دی اُمت پھلی پھوُلی، چؤداں طبقاں اکھّ اُٹھائیا۔ نالے چپیڑ ماری ہؤلی جِہی کوُلی، کُل مالک دِتا دِرڑائیا۔ میَں سرِشٹی نوُں ایَں پُٹنا جِس طرح جٹّ اپنے کھیت وِچوں پُٹے موُلی، ایسے طرح جٹّ دا روُپ لیا بدلائیا۔ اوہ ویکھ برہما دا سِنگھاسن ہلے چارے چوُلی، پاوا چوُل رہے کُرلائیا۔ شنکر دی مستک توں ڈِگدی جائے دھوُلی، ترِسوُل نِیوں نِیوں لاگے پائیا۔ وِشنوُں لبھدا پِھرے کنت کنتُوہلی، بھجےّ واہو داہیِا۔ اؤہ ویکھ پُکاردا عیسیٰ کہے جِس میَنوُں چاڑھیا سوُلی، گل پھاسی دِتی لٹکائیا۔ محمد کہے میَنوُں اوہدی کلام اجے نہیں بھوُلی، جو بُھلیاں مارگ لائیا۔ نانک کہے میرا کنت کنتُوہلی، قُدرت دا قادر اِک اکھوائیا۔ گوبِند کہے اوہ میرا پِتا بڑا اصوُلی، اصوُل وِچ اپنا اصل لئے پرگٹائیا۔ جِس نے سب دے کولوں پِچھلی کرنی وصوُلی، لیکھا منگے تھاؤں تھائنیا۔ صدی چؤدھویِں کہے ہائے میرے وِچ اُمت ساری بھوُلی، روزہ نماز بانگ کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت جہان جُگ بدلنا کھیل سدا معموُلی، وڈّے دی وڈّی وڈ وڈیائیا۔
۵ ساوَن شہنشاہی سمت ۸ اُجَین شہر سنتا سِنگھ دے گرِہ
پنج ساوَن کہے میرا پروِشٹا سچ، پربھ دِتی مان وڈیائیا۔ میَں خوشیاں وِچ رہیا نچّ، نِرگُن دھار بھجّا واہو داہیِا۔ بھاگ لگاواں بھگتاں کایا ساچی کچّ، کنچن گڑھ سُہائیا۔ لوُں لوُں اندر جاواں رچ، رچنا پربھ دی دیاں وکھائیا۔ میل مِلاواں پرمیشور پتِ، پاربرہم برہم میلا سہج سُبھائیا۔ چرن پریِتی جوڑاں نت، پریِتم درساواں اگمّ اتھاہیِا۔ شبد انادی دسّاں سَت، سَت ستوادی آپ دِرڑائیا۔ اِک سمجھا کے سَتگُر مت، من مت دا ڈیرہ ڈھاہیِا۔ ناڑ بہتّر نہ اُبلے رتّ، اگنی تت بُجھائیا۔ کِرپا کرے پُرکھ سمرتھ، ہرِ کرتا دُھردرگاہیِا۔ جن بھگتاں لہنا دینا دیوے ہتّھو ہتّھ، جُگ جُگ دا لیکھا جھولی پائیا۔ اپنی مہما دسےّ اکتھ، صِفتی صِفت نہ کوئے صالاحیِا۔ کلجُگ کوُڑی کِریا
دیوے متھ، نام کھنڈا اِک کھڑکائیا۔ لیکھا پوُرا کرے تن سریِر تت اٹّھ، اپ تیج وائے پرِتھمی آکاش من مت بُدھ پھول پھولائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ پنج ساوَن کہے میری رُت بسنت، پربھ دِتی مان وڈیائیا۔ جِس دی مہما سدا بےانت، شاستر سِمرت وید پُران کہن کوئے نہ پائیا۔ اوہ لیکھا جانے لکھّ چؤراسی جیِو جنت، سادھ سنت پردہ آپ اُٹھائیا۔ ہؤمے گڑھ توڑے ہنگت، ہنگ برہم بھیوَ چُکائیا۔ بودھ اگادھا بن کے پنڈت، بِن اکھّراں کرے پڑھائیا۔ ہرِجن بنائے ساچی سنگت، کھتری براہمن شوُدر وَیش ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ ساوَن پنج کہے میری رُتڑی سوبھاوَنت، میرا صاحِب دئے وڈیائیا۔ میل مِلاواں بھگت بھگوَنت، بھگوَن اپنا رنگ رنگائیا۔ جِس دی مہما سدا بےانت، بےعیب نوُر الاہیِا۔ جو توڑنہارا گڑھ ہؤمے ہنگت، بوُند سوانتی اگمّ چوائیا۔ بھیوَ کُھلائے بہِشت جنّت، جاگرت جوت کر رُشنائیا۔ جو مالک خالق پرِتپالک آد انت، انتشکرن ویکھنہارا تھاؤں تھائنیا۔ سو کلجُگ اندر سَتجُگ بنائے بنت، گھڑن بھنّنہار بےپرواہیِا۔ دُھر دا نام دے کے منیِا منت، تُوں میرا میَں تیرا سوہنگ شبد کرے پڑھائیا۔ جنم کرم دی میٹے چِنت، روگ سوگ سگلا دُکھ گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پنچم ساوَن کہے میرا صاحِب بڑا مِہربان، محبوُب بےپرواہیِا۔ جن بھگتاں دیوے جیِا دان، آتم پرماتم پردہ آپ چُکائیا۔ ساچی سُرتی میلے کاہن، سُرتی شبدی میل مِلائیا۔ بھگت سُہیلے لئے پہچان، جُگ چؤکڑی بُھل رہے نہ رائیا۔ انتر نِرنتر دسےّ گان، بِن رسنا جِہوا آپ سُنائیا۔ کِرپا کر نؤجوان، مرد مردانہ وڈ وڈیائیا۔ کلجُگ انتم ویلے مار دھیان، پرا پسنتی مدھم بَیکھری توں باہر سمجھائیا۔ جِس دا لیکھا سمجھ سکے نہ کوئے اِنسان، پنج تت نہ کوئے وڈیائیا۔ اوہ کھیلے کھیل والی دو جہان، نِرگُن سرگُن سرگُن نِرگُن اپنا حُکم ورتائیا۔ جِس نوُں جھُکدے شاہ پاتشاہ راج راجان، وِشن برہما شِو دیوت سُر سیِس نِوائیا۔ گُر، اوتار پَیغمبر اوسے دے ڈھولے گان، رسنا جِہوا صِفت صالاحیِا۔ سو سَتگُر ساچا سچ سوامی ہرِجن ساچے میلے آن، آپ اپنا رنگ رنگائیا۔ جوتی جاتا پُرکھ بِدھاتا سِری بھگوان، بھگوَن اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا اِک اکھوائیا۔ پنج ساوَن کہے پربھ آد جُگادی دُھر دا میِتا، مِتر پیارا اِک اکھوائیا۔ جِس دی سب
توں وکھّری ریِتا، جُگ چؤکڑی سمجھ کوئے نہ آئیا۔ ترےَگُن مایا ہو اتیِتا، ترےَبھوَن دھنی اپنا حُکم ورتائیا۔ لکھّ چؤراسی پرکھے نیِتا، بھگت سُہیلے لئے جگائیا۔ امرت آتم رس دیوے ٹھانڈا سیِتا، اگنی تت بُجھائیا۔ سچ پریِتی بخشے چرن پریِتا، پریِتم ہو کے ویکھ وکھائیا۔ تُوں میرا میَں تیرا دسےّ سُہاگی گیِتا، آتم پرماتم وجدی رہے ودھائیا۔ جھگڑا میٹے اوُچاں نیِچاں، برہم پاربرہم سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک دَیا کمائیا۔ ساوَن کِہا میَں ہو گیا حَیران، حَیرانی میرے اندر آئیا۔ کِس بِدھ کِرپا کرے سِری بھگوان، بھگوَن اپنا پردہ لاہیِا۔ جوتی جاتا بن کے نؤجوان، جوبن ونتا اِک اکھوائیا۔ جن بھگتاں ساچے سنتاں انتر آتم پرماتم کرے پروان، پرم پُرکھ اپنا رنگ رنگائیا۔ ویکھے وِگسے ہرِ وڈّا مِہربان، محبوُب نوُر الاہیِا۔ جو نِرگُن نوُر جوت مہان، مہما اکتھ کتھی نہ جائیا۔ پنچم ساوَن کہے سو سَتگُر شبد اُجَین پہنچیا آن، چؤتھے جُگ دا پندھ مُکائیا۔ سنت سِنگھ نوُں کر پروان، پرم پُرکھ اپنے رنگ رنگائیا۔ جنم مرن دا لیکھا چُکے وِچ جہان، لکھّ چؤراسی جم کی پھاسی رہے نہ رائیا۔ سچکھنڈ دوارے کرے پروان، درگاہ ساچی جوتی جوت رکھائیا۔ جنم جنم دی کرم کرم دی سیوا کرے پروان، پرم پُرکھ پرماتم آتم اپنا رنگ رنگائیا۔ گرِہ مندر گھر سُہایا تھان، تھننتر سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا لیکھا جانے دو جہان، پُریِاں لوآں برہمنڈاں کھنڈاں آکاش پاتال گگن گگننتر سوُریہ بھان زِمیں اسمان منڈل منڈپ نِرگُن سرگُن سرگُن نِرگُن کھوج کھوجائیا۔
۱۴ ساوَن شہنشاہی سمت ۸ پوُنے شہر پریِتم سِنگھ دے گرِہ
صدی چؤدھویِں سُن سندیسہ جابر جبر، جبرائیل رہیا دِرڑائیا۔ ویکھ نوُر نوُرانہ شہنشاہے شاہ ببّر، پروردِگار سانجھا یار اگمّ اتھاہیِا۔ جِس نے پَیغمبراں پوُری کرنی منسا آسا سدھر، سد سد اپنا حُکم ورتائیا۔ دھوُڑی خاک قدم بوسی وِچ کریئے اُس دی قدر، سجدیاں وِچ سیِس نِوائیا۔ جو نوُر نوُرانہ نوُر الاہی اپنا ویس آئے بدل، محبان بیِدو بی خَیر یا الاہ اِک اکھوائیا۔ چؤداں طبق جِس دے
اُڈیِکدے عدل، بِن نیَناں نیَن اُٹھائیا۔ جِس شرع نال شرع کرنی قتل، قاتل مقتُول دا پندھ مُکائیا۔ اوہ ویکھنہارا دھام مقدس بَیتُل، بے پرواہ وڈ وڈیائیا۔ جِس نوُں محمد چار یاری سنگ رہیا ہیِنکل، کلمہ الف یے سمجھائیا۔ اوہ تکّنہارا بُدھی سب دی چنچل، چاروں کُنٹ کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ جبرائیل کہے سُن صدی چؤدھویِں دُھر سندیسہ، دو جہاناں دیاں جنائیا۔ تُوں اپنا بدل ویسا، الفی الف والی بدلائیا۔ دُھردرگاہی تک نریشا، نوُر نوُرانہ نوُر الاہیِا۔ جو سدا رہے ہمیشہ، مر جیِوت روُپ نہ کوئے وٹائیا۔ اوہ منگن آئے لیکھا، لیکھا لِکھت نال مِلائیا۔ کی اُس دی کریئے بھیٹا، جگت نیازاں کی وڈیائیا۔ اوہ مالک دُھر دا کھیوٹ کھیٹا، سمُند ساگراں ڈیرہ ڈھاہیِا۔ جِس دا مسیِح بنیا بیٹا، باپ کہہ کے پرتاپ اِک ودھائیا۔ محمد اوسے دا کرایا چیتا، چیتن سب نوُں گیا کرائیا۔ اوہ محض محبوُب اِکو ہووے نیتا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ جبرائیل کہے سُن بِن حرف حروُف دی دھار، یک واحد کی دِرڑائیا۔ جِس دی بِنا زباں توں گُفتار، گُفت شُنیِد رہیا سُنائیا۔ اوہ حقیِقت دا مالک دو جہاناں پروردِگار، شاہ شہانہ نظری آئیا۔ جِس نوُں سجدہ کراں بار بار، بندنا وِچ سیِس نِوائیا۔ اوہ کھیل کرے اگمّ اپار، الکھ اگوچر وڈ وڈیائیا۔ جِس دا راہ تکّدے چار یار، سنگ محمد اکھّ اُٹھائیا۔ اوہ سندیسہ دیوے کلمیاں باہر، کُل مالک دَیا کمائیا۔ تُوں شرع دا چھڈ تکرار، شریِعت رنگ نہ کوئے رنگائیا۔ نبی رسوُلاں دسّ پُکار، پَیغمبراں دے جنائیا۔ تُسیں سُتے مقبریاں والے وِچ مِزار، قبراں ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی کھیل کھِلائیا۔ صدی چؤدھویِں کہے سُن جبرائیل فرِشتہ، فَیصلہ حق جنائیا۔ کی لیکھا محمد گُزشتہ، بہریہال دے سمجھائیا۔ کی اِسم اعظم دا نِسچا، نِہچل دھام وجےّ کی ودھائیا۔ اُف میرا پندھ مُک گیا آہستہ آہستہ، سفر اوَر رہیا نہ رائیا۔ اؤہ تک جبرائیل سب دا لیکھا رہیا لِکھدا، اسرافیِل نال مِلائیا۔ میکائیل سب نوُں رہیا جِتدا، چؤداں صدیاں بھجّا واہو داہیِا۔ انت لہنا دینا ہونا ایکا اِک دا، واحد اپنی کار بُھگتائیا۔ اوہ نِشان ویکھ شرع والی چِٹ دا، جو محمد ہتّھ پھڑائیا۔ نظارہ تک مکّے کعبے والے پتّھر اِٹّ دا، جِس دی ونڈ ہتّھ نہ کِسے پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ صدی چؤدھویِں کہے جبرائیل
میَں کی تکاّں، طاقت رہی نہ رائیا۔ اُس دا کھیل حقیِقت حقا، حق دا مالک بےپرواہیِا۔ جِس وِچ فرق رہے نہ رتا، رتی رتّ رہی کُرلائیا۔ میَنوُں اِیوں دِسدا اوہدیاں بھگتاں ساگروں پار لِیاؤنا اِک اِک ٹکا، ٹِک ٹِکی نال ویکھ وکھائیا۔ پھیر چاروں کُنٹ اُڈنا گھٹّا، مِٹّی خاک دئے دُہائیا۔ جِس دین نال دین دا کرنا وٹا، دُنی دُنی نال بدلائیا۔ جِس اعلی دے مزار تے اپنا ویس رکھنا کھٹّا، کھنڈا کھڑگ نال چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ صدی چؤدھویِں کہے میرے انتر آئی حَیرانی، حَیرت وِچ دیاں جنائیا۔ اوہ مالک خالق شہنشاہی سُلطانی، نوُر نوُرانہ نوُر الاہیِا۔ جِس دا ویس ہونا ایِرانی، دجلا فرات دئے گواہیِا۔ کوُفے دسّنی اپنی اگلی کہانی، کوہ قافاں پردہ لاہیِا۔ نؤ سؤ نڑھنویں فقیِراں منزل دسّ روُحانی، روُح بُت توں پرے دئے سمجھائیا۔ انت جھگڑا میٹنا جِسم جِسمانی، ضمیِر دئے بدلائیا۔ اُس دا اِکو حُکم کلمہ کائنات ہووے اعلانی، چاروں کُنٹ دئے شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ جبرائیل کہے سُن صدی چؤدھویِں قدیِم دے مالک جائیں جھُک، قدماں سیِس نِوائیا۔ تُوں میرا میَں تیرا پڑھیں تُک، ڈھولا دُھردرگاہیِا۔ ویکھیں ایس نِشانیوں جائیں نہ اُک، اُگن آتھن سیِس نِوائیا۔ میَں محمد کولوں آواں پُچھ، پُشت پناہ میرے ہتّھ ٹِکائیا۔ جِس کارن لب کٹائی مُچھ، مُشکل پردہ دے چُکائیا۔ اوہ مالک تک جِس دے کول سب کُچھ، ملک اُلمؤت نِیوں نِیوں لاگے پائیا۔ در آیا نِرمانتا وِچ لیَنا پُچھ، بندگی وِچ سیِس نِوائیا۔ میرے مالک خالق پرِتپالک تیرا کلمہ شبد گُروُ پَیغمبر کیہڑا سُت، دُلارا دے جنائیا۔ آد جُگاد جُگ چؤکڑی کِس نوُں گودی رکھیں چُک، ماٹی خاک نہ کدے رُلائیا۔ ترِسنا نیڑ نہ آوے بُھکھ، کلپنا کوُڑ نہ کدے ودھائیا۔ جِس دی سدا مؤلی رہے رُت، رُتڑی اپنے نال مہکائیا۔ آب جل نہ پیئےِ گھُٹ، رسنا رس نہ کوئے وکھائیا۔ سو دُلارا سَت سچ کیہڑا تیرا سُت، پت پرمیشور دے سمجھائیا۔ جِس دا پردہ اوہلا رہے نہ کوئے لُک، بھیوَ ابھیدا اچھل اچھیدا دے کُھلائیا۔ جِس دی چار جُگ دے شاستر سُکھنا رہے سُکھ، اوتار پَیغمبر گُر راہ رہے تکائیا۔ کی اوہ مانَس ہوئے منُکھ، کہ مانَو ونڈ ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن سرگُن سرگُن نِرگُن سدا سد ابناشی اچُت، چیتن اپنا پردہ دینا اُٹھائیا۔
۱۵ ساوَن شہنشاہی سمت ۸ پوُنے شہر ہربنس سِنگھ دے گرِہ
جبرائیل کہے صدی چؤدھویِں زولے الوجہ نلزہی بوزتے چانِستی نوُر الاہیِا۔ دست بدست دُعا دوزک بہِشت دوویں سیِس نِوائیا۔ وعدے واہِب نوُرے خُدا نہ اجہن حضرتو نوُر الاہیِا۔ وجوُدے خاک خاکے پاک تن وزگ ازہدے حضوُرے دُعا، درگاہ ساچی مقامے حق بےپرواہیِا۔ سجدہ اے ادا محمدے رضا، چار یاری فِدا ویزُالحک وستِ مہت دیِنُلزوا ظاہر ظہوُر اِک اکھوائیا۔ بازیدے وشد پروردِگارے نزد چشمے چشمہ نوُرے اسماں زِمیں زماں بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک بےپرواہیِا۔ صدی چؤدھویِں کہے میرا محبوُب نوُرانہ، مُحبّت دا مالک اِک اکھوائیا۔ جِنھ اُمت اُمتی دُھر دا کلمہ دِتا ترانہ، تُریا توں پرے اپنا حُکم ورتائیا۔ جِس نوُں سجدیاں وِچ پَیغمبر کرن سلاما، قدم بوسی وِچ خوشی بنائیا۔ اوہ شاہو بھوُپ نؤجاوانا، مرد مردانہ اِک اکھوائیا۔ جِس دا حُکم چؤداں طبق پَیغاما، الف یے توں باہر پڑھائیا۔ سو خالق خلق مِہربانا، پروردِگار اگمّ اتھاہیِا۔ جِس لہنا دینا چُکاؤنا دو جہاناں برہمنڈ کھنڈ پُری لوء آکاش پاتال پردہ رہن کوئے نہ پائیا۔ سو حُکم سندیسہ دیوے دُھر فرمانا، جِس دا چار جُگ دے شاستر بھیوَ کہہ سکن نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ صدی چؤدھویِں کہے میرا مالک خالق پرِتپالک نوُر الاہ، عالمیِن وڈ وڈیائیا۔ جو ایتھے اوتھے دو جہاناں سدا ملاح، کھیوٹ کھیٹا بےپرواہیِا۔ سو لہنا دینا پوُرب لیکھا دئے چُکا، چُکّنی ہو کے ویکھاں تھاؤں تھائنیا۔ جو جل تھل مہیئل وسیا نوُر خُدا، خود مالک اپنا کھیل کھِلائیا۔ اُس دے قدماں ہوواں فِدا، جو فِطرت دا مالک بےپرواہیِا۔ جُگ بدلنا جِس دی ادا، سَتجُگ تریتا دواپرانت کلجُگ پار کرائیا۔ جِس دی اوتار پَیغمبر گُروُ یاد وِچ بَیٹھے سیِس نِوا، بِن قدماں سیِس جھُکائیا۔ سو مالک ویکھے تھان تھننتر جگت تھاں، چاروں کُنٹ پھول پھولائیا۔ محمد دا لہنا دینا پوُرے کرے آ، صدی چؤدویں کہے میری آسا پوُر کرائیا۔ پار کنارے چرن کوَل لئے ٹِکا، نوُر نوُرانہ نوُر الاہیِا۔ میَں مکّے مدیِنے سندیسہ دیاں پُچا، مقبریاں وِچ سُتے پَیغمبراں دیاں اُٹھائیا۔ اپنا لیکھا بِنا کاتب توں بِنا کُتب خانیاں دیؤ وکھا، الف یے رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ صدی چؤدھویِں کہے میَں گیِت اگمّا گاؤنا، دیش
پردیشاں دیاں سُنائیا۔ میرا محبوُب ماہی آؤنا، مُحبّت دا مالک وڈ وڈیائیا۔ جِس نے کلجُگ کوُڑی کِریا لیکھ مُکاؤنا، مایا ممتا ڈیرہ ڈھاہیِا۔ سچ سندیسہ آتم پرماتم االلہہوُ اَناہوُ اِکو ڈھولا گاؤنا، سوہنگ شبد تھاؤں تھائنیا۔ چار ورن اٹھاراں برن ایکا رنگ رنگاؤنا، دُتیا بھاؤ نہ کوئے رکھائیا۔ مندر مسجد شِودوالے مٹھ کایا کعبے گُروُدوار اِکو دیِپک جوت جگاؤنا، انحد دُھن کرے شنوائیا۔ امرت رس بوُند سوانتی آبِ حیات پیاؤنا، حیاتی زِندگی دئے بدلائیا۔ میَں اوسے دی دھار وِچ اپنا آپ سماؤنا، سمبل دے مالک مِل کے وجے ودھائیا۔ جِس اِمام اِماما کالی نیِلی دھار ویس وٹاؤنا، کل کلکی اپنا کھیل کھِلائیا۔ نانک دا لیکھا پوُر کراؤنا، بغداد دئے گواہیِا۔ صدی چؤدھویِں کہے جبرائیل محمد دا پیار چار دِن دا پراہُنا، چار یاری سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن سرگُن نِرگُن سچ سوامی انترجامی گھٹ نِواسی انتر اپنا کھیل کھِلاؤنا، بسنتر جگت والی بُجھائیا۔
۱۵ ساوَن شہنشاہی سمت ۸ پوُنے شہر بھان سِنگھ دے گرِہ
صدی چؤدھویِں کہے میَں کھیل تکاّں بے نظیِر، جگ نیتر لوچن نیَن نظر کِسے نہ آئیا۔ میَنوُں عرشا ں توں پرے اِشارہ دئے کبیِر، مقبریاں توں باہر رہیا سمجھائیا۔ اُٹھ ویکھ اپنی تقدیِر، مُکھ نقاب لےَ اُٹھائیا۔ نال رلا ولی غؤث فقیِر، صوُفیاں دے ہِلائیا۔ کی آسا رکھی محمد اپنی وِچ تکبیر، تدبیِر اِک دِرڑائیا۔ کی کھیل کرے شاہ پاتشاہ شہنشاہ شاہ حقیِر، نوُر نوُرانہ نوُر الاہیِا۔ جِس دیِن دُنی بدل دینی ضمیِر، انتر نِرنتر ویکھ وکھائیا۔ جِس دا نام کھنڈا کلمہ الاہی شمشیِر، شمع نوُر ڈگمگائیا۔ سو دیِن دُنی ویکھنہارا دِلگیِر، نوَ ستّ پردہ آپ اُٹھائیا۔ جِس شرع وِچوں شرع کرنی تعمیِر، شریِعت ونڈ نہ کوئے ونڈائیا۔ تیرا لہنا دینا پوُرا کرے اَخیِر، آخر اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے میَں راہ تکاّں وِچھوڑے وِچ ہِجر،
ہِجرت کیِتی محمد دئے صالاحیِا۔ میَں سندیسہ دیواں پیِر خواجہ خِضر، دُھر دا حُکم اِک دِرڑائیا۔ ذرا نِگاہ مارو نیتر نیَن نِجھر، جگت لوچن کمّ کِسے نہ آئیا۔ جِس پَیغمبراں دے مقبریاں وِچ ویکھن آؤنا پِنجر، ماٹی خاک پھول پھولائیا۔ سمُند ساگر راہ تکّے دیوتا اِندر، اِندراسن اپنا آپ تجائیا۔ جو آد جُگادی شاہ سُلطانا جِس دی لکھّ چؤراسی بِندن، آتم پرماتم ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ خواجہ خِضر کہے میَں آب آب حِیات دا پیِرا، پَیغمبراں کھیل کھِلائیا۔ میرا محبوُب گُنی گہِیرا، گُنونت اِک اکھوائیا۔ جِس دی نظر نہ آئے تصویِرا، لاشریِک نوُر الاہیِا۔ اوہدا کلمہ کائنات اگمّی ہیِرا، قیِمت سکے نہ کوئے چُکائیا۔ اوہ گھتی آئے وہیِرا، بھجےّ واہو داہیِا۔ جِس دے سیِس سُہنجنا نیِلا ہووے چیِرا، چِری وِچُھنے ویکھ وکھائیا۔ میری عرض عرضوئی نال آشا رکھاں کبیِرا، سہج نال سُنائیا۔ میرے صاحِب سُلطانا مِہربانا سِری بھگوانا تیرے ہتّھ میری تقدیِرا، تکّبر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ خواجہ کہے میرا مِہربان مِہربانا، مِہر نظر اُٹھائیا۔، میَں منگنا اگمّی دانا، در ٹھانڈے سیِس جھُکائیا۔ کِرپا کر شاہ سُلطانا، شہنشاہ تیری وڈیائیا۔ تُوں والی دو جہاناں، برہمنڈ کھنڈ سارے سیِس نِوائیا۔ میَں موُرکھ مُگدھ اَنجانا، بلہیِن نظری آئیا۔ تُوں آد جُگادی کاہنا، لکھّ چؤراسی مالک دُھردرگاہیِا۔ تیرا کلمہ نام ترانہ، تُریا توں پرے شنوائیا۔ میری بیننتی جِس ویلے سمُند ساگر تُوں اپنا چرن ٹِکانا، سجّا کھبےّ نال بدلائیا۔ میَں حاضر ہوواں کراں چرن دھیانا، بِن سیِس سیِس نِوائیا۔ جِس ویلے ساگر وِچ سمُند سمُند وِچ ساگر انتر انتر ہون روانہ، روانگی ویکھنی چائیں چائنیا۔ میری بخشش اپنی رحمت دات دیویں ساڈھے تِنّ ہتّھ دا کانا، کسیِرا رَوداس والا نال مِلائیا۔ میَں سندیسہ دیواں بتالی لکھّ جوُنی جل وِچ کرے بِسراما، جل جل دھار وڈیائیا۔ تیرا سندیسہ ہووے دُھر فرمانا، دُھر دی کار آپ کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تَینوُں جھُکدے آد جُگاد زِمیں اسماناں، چؤداں طبق تیری آس رکھائیا۔
۱۵ ساوَن شہنشاہی سمت ۸ پوُنے شہر گیان سِنگھ دے گرِہ
صدی چؤدھویِں کہے میَں تکاّں نوُر الاہی چنّا، جِس نوُں سوُریہ چنّ سیِس نِوائیا۔ جِس بھیوَ کُھلاؤنا گوبِند والا کنّا، کائنات دا پردہ دئے اُٹھائیا۔ دیِن مذہب شرع دا توڑے بنّا، بندگی اِکو دئے سمجھائیا۔ کوُڑی کِریا ہر گھٹ اندر کرے منع، من منسا میٹ مِٹائیا۔ بھاگ لگائے کایا ماٹی ساڈھے تِنّ ہتّھ تِنّاں، تتو تت کھوج کھوجائیا۔ ہرِجن اُپجائے چؤراسی وِچوں جناں، بنے آپ جنیندی مائیا۔ جِس لیکھے لاؤنا چؤداں سؤ تیہہ انک دا پننا، پاربرہم پربھ اپنا حُکم ورتائیا۔ جِس دا دُھر فرمانا صدی چؤدھویِں انت ہونا رواں، روانگی کلجُگ کوُڑی کِریا دئے کرائیا۔ سَت دھرم دا سُہنجنا بخشے سماں، سَت ستوادی اپنا ڈنک وجائیا۔ اَگے وقت رہے موُل نہ لما، لمحہ لمحہ اپنا پندھ مُکائیا۔ جوتی جاتا پُرکھ بِدھاتا نوُر جوت جگائے شمع، شمس تبریز دی آشا ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ صدی چؤدھویِں کہے میرا صاحِب مِہر کرے مِہربانا، محبوُب خلق خُدائیا۔ جِس نوُں پَیغمبر کرن سلاما، سجدیاں وِچ سیِس جھُکائیا۔ اوہ جوتی جاتا اگمّ اِماما، پنج تت ونڈ نہ کوئے ونڈائیا۔ شبدی دھار شبد دمامہ، دو جہاناں ڈنک وجائیا۔ شرع زنجیر کٹے رہن دیوے نہ کوئے غُلاما، بندھن بند نہ کوئے رکھائیا۔ نؤ کھنڈ پرِتھمی ستّ دیِپ بدل جائے نِظاما، نوَ ستّ اپنا رنگ رنگائیا۔ گھٹ نِواسی پُرکھ ابناشی ہووے جانی جانا، جاننہار اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک نوُر الاہیِا۔ صدی چؤدھویِں کہے میرا مالک الوزی جلوزہا نوُرے نزع نوُر الاہیِا۔ تختے زمم عرشے زگئل زودے مُفد عرشے نَود زِمیں زماں خالق اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک سُنائیا۔ صدی چؤدھویِں کہے میَں نِو نِو کراں سجدہ، سیِس جگدیِش جھُکائیا۔ جِس دا پَیغمبر ہویا بردا، در ٹھانڈے الکھ جگائیا۔ اوہ کھیل ویکھے چؤداں طبق اپنے گھر دا، گرِہ گرِہ پھول پھولائیا۔ جِتھے لیکھا نہیں سیِس دھڑ دا، ماٹی خاک ونڈ ونڈائیا۔ اِکو دیِپک جوتی جوتی نوُر نوُرانہ جگدا، جاگرت جوت کرے رُشنائیا۔ اوہ کھیل سوُرے سربگ دا، پروردِگار اپنی کار بُھگتائیا۔ صدی چؤدھویِں کہے میرا پُرانا لیکھا اجّ دا، جبرائیل میکائیل اسرائیل اسرافیِل چارے دین گواہیِا۔ محمد شرع دی دھار وِچ بھجّدا، شریِعت اپنی گنڈھ بندھائیا۔ نوَ نوَ کوُڑ کُڑیارا انگیار دگدا،
چاروں کُنٹ اگن تپائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ چُکائیا۔ صدی چؤدھویِں کہے میَں کی کہنا، کہن دی لوڑ رہے نہ رائیا۔ میَں مالک خالق پرِتپالک تکاّں اپنے نِج نیتر نیَناں، لوچن اگمّ کُھلائیا۔ جِتھے نہ کوئی ساک سجّن سیَنا، مِتر پیارا ونڈ نہ کوئے ونڈائیا۔ جِس نے انت میرا چُکاؤنا لہنا، بھگوَنت اپنا حُکم ورتائیا۔ دروہی انتم شرع دا بُرج ڈھہنا، ڈھاہ ڈھاہ ڈھیری خاک بنائیا۔ نبی نوُح دا وہن وہنا، خواجہ خِضر دئے صلاحیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دی کرنی کار کمائیا۔ صدی چؤدھویِں کہے میَنوُں دِسے نوُر الاہ، عالمیِن اِکو نظری آئیا۔ جِس نوُں سیِس دیواں جھُکا، نِو نِو لاگاں پائیا۔ تُوں مالک بے پرواہ، بےانت بےانت سارے گائیا۔ میرے محبوُب اپنا کلمہ اِک اِک دِرڑا، جو درِشٹی سرِشٹی دئے بدلائیا۔ ہر گھٹ نِرگُن نوُر کرے رُشنا، جوتی جاتا ڈگمگائیا۔ دُھن آتمک راگ دئے سُنا، بُدھی توں پرے کر پڑھائیا۔ بھیوَ ابھیدا رہے نہ راء، رحمت اپنی سچ برسائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ پروردِگار کہے سُن صدی چؤدھویِں حدیِث، حضرتاں توں باہر سُنائیا۔ میرا مالک اِک جگدیِش، جگدیِشور بےپرواہیِا۔ نؤ سؤ چُرانوے جُگ چؤکڑی میری کردے رہے اُڈیِک، بِن نیَناں نیَن اُٹھائیا۔ اوتار پَیغمبر گُروُ کرن تصدیِق، شہادت شبد والی بُھگتائیا۔ وِشن برہما شِو تکّن لا کے نیِجھ، مِہربان ہو کے مِہر نظر اُٹھائیا۔ جو گوبِند ماچھوُواڑے کر کے گیا تصدیِق، سندیسہ پُرکھ اکال دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دی کرنی کار کمائیا۔ صدی چؤدویں کہے میرا نوُر اگمّ اتھاہ، جگ نیتر نظر نہ آئیا۔ لیکھا لِکھ سکے نہ کوئے راء، بھیوَ ابھید نہ کوئے کُھلائیا۔ میَں آد انت دا اِک ملاح، کھیوٹ کھیٹا دُھردرگاہیِا۔ جِس کوٹن کوٹ جُگ دِتے بدلا، سَتجُگ تریتا دواپرکلجُگ بھجےّ واہو داہیِا۔ اوتار پَیغمبر گُروُ سیوا گئے کما، نام کلمہ صِفت صلاحیِا۔ سو سارے منگن اِک دُعا، در ٹھانڈے سیِس جھُکائیا۔ پُرکھ ابناشی گھٹ نِواسی پاربرہم پروردِگار کلجُگ کوُڑی کِریا دے مِٹا، کرم کانڈ دا ڈیرہ ڈھاہیِا۔ سَت دھرم دا ساچا جُگ دے چلا، چاروں کُنٹ تیرے نام دی وجےّ ودھائیا۔ تُوں مالک خالق پرِتپالک اِک خُدا، خُدی دا لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک سمجھائیا۔ دُھر دا حُکم اِک سمجھاواں گا۔ جوتی نوُر نوُر رُشناواں گا۔ شبدی
شبد شبد ڈنک وجاواں گا۔ بےانت بےانت بےانت اِک اکھواواں گا۔ ہرِجن گُرمُکھ ویکھ سنت، صوُفی فقیِراں جوڑ جُڑاواں گا۔ کلجُگ مایا تک اننت، اننت کل اپنی آپ پرگٹاواں گا۔ گڑھ توڑ کے ہؤمے ہنگت، ہنگ برہم اِک سمجھاواں گا۔ بودھ اگادھا بن کے پنڈت، بُدھی توں پرے بھیوَ کُھلاواں گا۔ مانَو ذاتی بنا کے اِکو سنگت، اِکو رنگت نام رنگاواں گا۔ دوُجے دوارے ہوئے کوئی نہ منگت، اِشٹ پُرکھ اکال اِک پرگٹاواں گا۔ ناتا توڑ کے بُھکھ ننگت، ترِسنا کوُڑی کوُڑ چُکاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن سرگُن سرگُن نِرگُن بناوَنہارا بنت، گھڑن بھنّنہار سمرتھ، سمرتھ کل اِک اکھواواں گا۔
۱۶ ساوَن شہنشاہی سمت ۸ پوُنہ شہر عجائب سِنگھ دے گرِہ
سَتگُر شبد کہے پربھوُ تُوں آد جُگادی، بےانت بے پرواہ وڈ وڈیائیا۔ تیرا کھیل برہم برہمادی، برہمانڈ وجدی رہے ودھائیا۔ تیرا روُپ انوُپ وِسمادی، بِسمِل سمجھ کِسے نہ آئیا۔ تُوں بودھ اگادھا راگی، انراگی دُھن کرے شنوائیا۔ تُوں وِشن برہما شِو ساجنا ساجی، نِروَیر اپنی کل پرگٹائیا۔ تُوں مِہربان محبوُب موہن مادھوَ مادھی، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ سَتگُر شبد کہے پربھوُ تُوں دیِن دَیالا، دَیانِدھ اِک اکھوائیا۔ سچکھنڈ دوار تیری سچّی دھرمسالہ، درگاہ سچ مقامے حق سوبھا پائیا۔ تیرا دیِپک نوُر ہوئے اُجالا، جوتی جاتا ڈگمگائیا۔ تیرا کھیل نِرگُن نِروَیر نِراکار نِرنکار نِرالا، نِت نوِت اپنا ویس وٹائیا۔ سَتجُگ تریتا دواپر کلجُگ دھرم دی دھار بدلدا آئیوں چالا، چال نِرالی اپنی اِک رکھائیا۔ لیکھا جانے شاہ کنگالا، شاہ پاتشاہ شہنشاہ تیری بےپرواہیِا۔ در تیرے سارے کردے رہن سوالا، بِھکھک بِھکھاری وِشن برہما شِو جھولیاں ڈاہیِا۔ گُر اوتار پَیغمبر تیری گھالنا رہے گھالا، نِت نوِت تیری سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، درگاہ ساچی تیری اوٹ رکھائیا۔ سَتگُر شبد کہے میرے مالک حق محبوُب، پروردِگار تیری سرنائیا۔ تیرا عالیشان عروُج، عالیجاہ تیری وڈ وڈیائیا۔ تیری سمجھ سکے نہ کوئے حدوُد،
انت کہن کوئے نہ پائیا۔ تُوں ہر گھٹ اندر دو جہاناں مؤجوُد، برہمنڈاں کھنڈاں پُریِاں لوآں نظری آئیا۔ تیری منزل حق مقصوُد، درگاہ ساچی وجدی رہے ودھائیا۔ تیرا نام کلمہ حضرتاں توں باہر ہزارا دروُد، اِسم اعظم اِک اکھوائیا۔ مِہربان جن بھگتاں صوُفیاں سدا رکھے محفوظ، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پُرکھ اکالے دیِن دَیالے تُدھ بِن دوُجا نظر کوئے نہ آئیا۔ سَتگُر شبد کہے پربھوُ تُوں آد جُگادی دیوی دیوا، دیوَ آتما تیری سرنائیا۔ تیرے نام پدارتھ اگمّی میوہ، چار جُگ دے شاستر گا گا خوشی بنائیا۔ تیرا نام کؤستک منیِا تھیوا، جوت للاٹ کرے رُشنائیا۔ تیری صِفت کرے کی جِہوا، رسنا رس نہ کوئے وڈیائیا۔ تُوں وسنہارا نِہچل دھام نِہکیوا، اٹل محل تیرا نوُر کرے رُشنائیا۔ تُوں پاربرہم پت پرمیشور الکھ ابھیوا، اگوچر تیری صِفت کہن وِچ نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک تیرے ہتّھ تیری وڈیائیا۔ سَتگُر شبد کہے میرے صاحِب سچ سُلطان، سِری بھگوان تیری سرنائیا۔ کلجُگ انتم ویکھ کوُڑ نِشان، چاروں کُنٹ سوبھا پائیا۔ آتم رہیا نہ کِسے گیان، برہم وِدیا نہ کِسے سمجھائیا۔ شرع چُھری ہوئی شیَطان، قتل گاہ بنی لوکائیا۔ دیِن مذہب ہوئے وَیران، وَیری کام کرودھ لوبھ موہ ہنکار سوبھا پائیا۔ کِرپا کر مرد مردان نؤجوان، سوُربیِر اپنی دَیا کمائیا۔ لکھّ چؤراسی تیرا انتر نِرنتر ویکھ مار دھیان، مانَس مانَو مانُکھ کھوج کھوجائیا۔ جن بھگتاں اُتے ہو مِہربان، مِہر نظر اِک اُٹھائیا۔ نام بھنڈارا اتُٹ دے دان، نِکُھٹ کدے نہ جائیا۔ دِوس رَین اندر باہر گُپت ظاہر تیرا نام گان، تُوں میرا میَں تیرا دوُجا راگ نہ کوئے سُنائیا۔ شبد انادی دھن آتمک سُنا سچّی دُھنکان، انحد نادی ناد کرے شنوائیا۔ دیِپک جوتی جوت جگا مہان، بِن تیل باتی ہوئے رُشنائیا۔ سچ سِنگھاسن پُرکھ ابناشن گرِہ مندر بِراجن، آلس نِندرا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پُرکھ اکالا اکل کل دھاری اپنی دَیا کمائیا۔ سَتگُر شبد کہے میرے پرم پُرکھ پرماتم، سچ سوامی تیری اوٹ تکائیا۔ ہرِجن ویکھ اپنا آتم، انتر درِشٹی پردہ لاہیِا۔ کلجُگ میٹ اندھیری راتن، اندھ اندھیرا دے گوائیا۔ سب نوُں اپنے نام دا دسّ مہاتم، مہابلی تیری بےپرواہیِا۔ تُوں مالک خالق آد جُگادی پُراتن، پرا پسنتی مدھم بَیکھری تیرا ڈھولا گائیا۔ تُوں دیِناں بندھوُ ناتھ اناتھن، دَیانِدھ اِک اکھوائیا۔ کلجُگ جن بھگتاں دے ساتھن، سگلا سنگ بنائیا۔ پوُنے والے ہرِ بھگت سارے مِل کے آکھن، دِنے جاگدیاں راتیں
سُتیاں درشن دینا چائیں چائنیا۔ کِرپا کرے پُرکھ سمراتھن، نِج لوچن نیَن کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لیکھا پوُرا کرے گُپت ظاہر باطن، مِہربان مِہربان مِہربان مِہر نظر اُٹھائیا۔