کتب خانہGranth 23 (Shahmukhi)

۳۱ بھادروں شہنشاہی سمت اٹّھ اِنگلیَنڈ نارتھ لنڈن ۱۵، ۸۴ کارلِنگ فورڈ روڑ بھاگ سِنگھ ہرا دے گرِہ

دھرنی کہے میرے مِہربان ابّا، امی جان تیری وڈیائیا۔ میرا تن جگت پاپاں بھار دبّا، ہؤلا سکے نہ کوئے کرائیا۔ من کلپنا کوُڑ کُڑیار بنی سبھا، ملیچھ دھار دِسے لوکائیا۔ میرے اُتے اوتار پَیغمبر گُر تَینوُں دے کے گئے سدّا، سندیسہ تیرا دُھر فرمان دِرڑائیا۔ اُف ہائے دروہی میرے محبوُب ربّا، یامبیِن تیری سرنائیا۔ چار کُنٹ دہ دِشا جگت جہان جھگڑا سچّا لگّا، دیِن مذہب سنگ نہ کوئے بنائیا۔ پوِتر رہی کوئے نہ جگہ، مندر مسیِت شِودوالے مٹھ گُروُدوار میرے اُتے کُرلائیا۔ دُھن آتمک تیرا سُنے کوئے نہ ندا، انحد نادی ناد نہ کوئے شنوائیا۔ تیرا درس ہووے کِسے نہ اُپر شاہ رگا، نؤ دوارے پندھ نہ کوئے چُکائیا۔ دیِن دُنی تَینوُں گاؤندی بُلاں نال اُتے لباں، ہِردے سکے نہ کوئے وسائیا۔ بِن تیرے نام اوڈھن سیِس سب دا ہویا ننگا، پُشت پناہ ہتّھ نہ کوئے ٹِکائیا۔ امرت رس نیر دھار رہیا نہ گنگا، گوداوری جمنا سُرستی رووے مارے دھاہیِا۔ میرے اُتے سَتجُگ تریتا دواپر پِچھے لنگھا، کلجُگ انتم اپنا پندھ مُکائیا۔ جِس دا لیکھا بہُہ گِنتی وِچ لمبا، گوبِند دھار گیا

مِٹائیا۔ جِس کھیل کھیلیا پُری انندا، انند انند انند تیرے وِچوں درسائیا۔ اُس دا بھیوَ ابھیدا برہم ہنگا، ہنگ برہم کھوج کھوجائیا۔ سچ پیار وِچ مانَو مانَس دِسے موُل نہ رنگا، رنگت رنگ نہ کوئے چڑھائیا۔ دیِن مذہب ہوئے دنگا، شرع شریِعت دِوس رَین کرے لڑائیا۔ میرے مِہربانا نؤجوانا شبدی اَسو کس تنگا، دو جہاناں پندھ مُکائیا۔ دھرنی کہے میَں چاہُندی تیرے نام دا اِکو وجےّ مردنگا، دوُجی سِتار دی لوڑ رہے نہ رائیا۔ پُرکھ اکالے دیِن دَیالے میرا سیِنہ کر ٹھنڈا، کلجُگ کوُڑی اگنی اگّ بُجھائیا۔ سچ پریم دیاں پا گنڈھاں، آتم پرماتم سنگ رکھائیا۔ تیرا راہ تکّے صدی چؤدھویِں رَین دا چندا، چند سِتارا سیِس نِوائیا۔ محمد دا انت اَخیِر بے نظیِر دِسے کنڈھا، گھاٹ پتن بَیٹھے راہ تکائیا۔ تیرے سچکھنڈ دوار دھرم دی دھار کیہڑا اجنڈا، کی حُکم تیری صِفت صالاحیِا۔ سچ دسّ کوَن دھار سب دا بنے سنگا، سگلا سنگ بنائیا۔ دھرنی کہے میرا حال ویکھ مندا، بھاگ ہیِن رہی کُرلائیا۔ تن وجوُد ماٹی خاک کوُڑی کِریا کیِتا گندہ، پتت پُنیِت نہ کوئے کرائیا۔ تُوں دیِن دَیال صاحِب بخشندا، بخشنہار تیری وڈیائیا۔ تُوں سَتگُر شبد شبد دھار گوبِندا، گوبِند گوبِند اِک اکھوائیا۔ تیرا لہنا دینا وِچ بھارت ہِندا، چار کُنٹ وجدی رہے ودھائیا۔ تُوں کُشا دیِپ کھول کے جِندا، در دروازہ دینا سمجھائیا۔ دھرنی کہے میرے اُتے آشا رکھی سی سُرپت اِندا، کروڑ تیتیسا راہ تکائیا۔ تُوں شہنشاہ شاہ مرگِندا، مِرگشالا تے سپتس رکھی ویکھ وکھائیا۔ میرے صاحِب تیری چاروں کُنٹ ہووے نِندا، نِندک ہوئی لوکائیا۔ تُوں آتم دان سِری بھگوان ہو کے سب نوُں دیندا، تن وجوُد وِچ ٹِکائیا۔ میرے محبوُب میَں اپنے گرِہ نِرمانتا وِچ تَینوُں دیندی نیندا، گرِہ آؤنا چائیں چائنیا۔ بے شک تُوں برہمنڈ کھنڈ وینہدا، پُری لوء اپنی اکھّ اُٹھائیا۔ تیرا کھیل اگمّا نِرگُن سرگُن جوت سروُپی دیہہ دا، شبدی دھار وجےّ ودھائیا۔ تیرا نام بھنڈارا امرت رس میِنہ دا، میگھلا دُھر دا اِک برسائیا۔ تیرا ناتا بھگت بھگوان نینہ دا، سجّن ساتھی اِک اکھوائیا۔ جگت جہان پُتلا ماٹی کھیہہ دا، انت خاک وِچ مِل جائیا۔ تیرا روُپ انوُپ سچکھنڈ نِواسی دُھر دے پے دا، پِتا پُرکھ اکال تیری بےپرواہیِا۔ تیرا لیکھا میرے گرِہ دا، گھر ساچے وجےّ ودھائیا۔ تیرا انت جَیکارا نؤ کھنڈ پرِتھمی ہونا جےَ دا، رسنا جِہوا سارے ڈھولے گائیا۔ اوتار پَیغمبر گُروُ تیرا کھیل تکّنا کھےَ دا، خیَبر توں پرے پئے دُہائیا۔ تیرا نوُر نوُرانہ شاہ سُلطانا حُکم ہووے بھےَ دا، بھؤ وِچ سارے سیِس نِوائیا۔ تیرا سَت سچ سَتجُگ لیکھا ہووے وہن وہدا، گہن جگت جہان اِک بنائیا۔ تُوں جھگڑا

میٹنا دوَیت دوےَ دا، دُتیا بھاؤ نہ کوئے سمجھائیا۔ مان گواؤنا ممتا میَں دا، مانَس اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ دھرنی کہے پربھوُ میَں در تیرے دی منگتی، مانگت ہو کے جھولی ڈاہیِا۔ میرا لیکھا نہیں نال کِسے پنڈتی، جگت آشا نہ کوئے جنائیا۔ میَں خواہش رکھدی نہیں کِسے من )دی(، منسا من نہ کوئے بنائیا۔ میَں ونجاری نہیں تن دی، کایا کپڑ گڑھ سُہائیا۔ میَں بِھکھارن نہیں دھن دی، مایا ممتا وِچ للچائیا۔ میَں پُجارن اُس گوبِند سوُرے چنّ دی، جِس چنّ شبد نوُں جنمے کوئے نہ مائیا۔ میَں بُھکھی نہیں جگت واسنا انّ دی، ترِسنا کوُڑ نہ کوئے ودھائیا۔ میَں سروتی نہیں تتاں والے کنّ دی، چار کھانی توں باہر تیرا راہ تکائیا۔ میَنوُں آشا نہیں خوشی غم دی، غم خوار تیری اوٹ تکائیا۔ میَں بنی نہیں مِٹّی چمّ دی، ہڈّ ماس ناڑی نظر کوئے نہ آئیا۔ میَں سوالن نہیں دم دی، دامنگیِر تیری اوٹ تکائیا۔ میَں کھیل تکاّں تیری برہم دی، پاربرہم پردہ دینا اُٹھائیا۔ میری دُہائی میرے اُتے دھار رہی نہیں کِسے دھرم دی، کُکرم کرے لوکائیا۔ نِج کپوُت جننی میرے اُتے جمدی، جو پربھ نوُں گئے بُھلائیا۔ میری اکھّ رووے نیتر چھم چھم دی، ہنجھوُاں ہار بنائیا۔ تیری کھیل تکاّں جیہڑی دیِن دُنی گھڑدی بھنّدی، گھڑن بھنّنہار تیرے ہتّھ وڈیائیا۔ ہُن رُت سُہنجنی آؤندی دِسے کوُڑ کُڑیاراں دے ڈنّ دی، چِترگُپت رائے دھرم لیکھا رہیا وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک دَیا کمائیا۔ دھرنی کہے پربھوُ نالے روواں نالے ہسّاں، ہستی تکاّں تیری بےپرواہیِا۔ نالے گُر اوتار پَیغمبراں دسّاں، سندیسہ دیواں تھاؤں تھائنیا۔ اوہ تکّو سب دیِاں پوُریاں ہون لگّیاں آسا، آشاوَند پردہ لؤ چُکائیا۔ انت اَخیِر سماں آیا مساں، مسیا رَین اندھیری تکّو جگت لوکائیا۔ وید ویاسا کھولے اکھّاں، نیَن نیَن رہیا اُٹھائیا۔ موُسیٰ ویکھے اپنیاں پکّھاں، زِمیں اسماناں کھوج کھوجائیا۔ عیسیٰ کہے میرے مِہربان تیرا کھیل اچھّا، اچھی طرح دِرڑائیا۔ محمد کہے صدی چؤدھویِں موُل نہ بچا، بچپن تیری جھولی پائیا۔ نانک کہے تیرا حُکم سچّا، نہ کوئی میٹے میٹ مِٹائیا۔ گوبِند کہے میرے کارن تُوں اپنا کھیل رچا، رچنہار تیری بےپرواہیِا۔ نِرگُن نِرگُن دھار گُر اوتار پَیغمبر ناتا سکا، سرگُن ہو کے دیِن مذہب ونڈ ونڈائیا۔ پیشیِن گوئیاں وِچ تیرے نال وعدہ کیِتا پکاّ، کچیّ گنڈھ نہ کوئے پوائیا۔ تُوں کلجُگ انت آؤنا پُرکھ سمرتھا، جوتی دھار کرنی شنوائیا۔ سب دا لہنا دینا دینا ہتّھو ہتّھا، لیکھا اُدھار رہے نہ رائیا۔ تیرا حُکم ورتنا یتھارتھ یتھا، یدی اپنا کھیل دینا سمجھائیا۔

سَتگُر شبد کہے تُوں نؤجوانا ہٹّا کٹّا، سوُربیِر اکھّ اُٹھائیا۔ دھرنی اُتے دیِن دُنی نال دیِن کردے بٹا، زیِرو دا زیِرو انک جنائیا۔ لیکھے لا اپنے چرن کوَل دا گھٹّا، دھوُڑی خاک دے وڈیائیا۔ جو سمُند ساگراں وِچ رکھایا ٹکا، سَت دھرم دی دھار سمجھائیا۔ آہ ویکھ دیِناں مذہباں دا انتم لہنا دینا انتم پوُرا ہویا پٹا، پٹنے والا دئے گواہیِا۔ جگت جہان تیرا کھیل ہووے بازی گر نٹا، سوانگی اپنا سوانگ دینا ورتائیا۔ نؤ کھنڈ پرِتھمی سَت دیِپ اِک وکھا برہم دا ہٹّا، پاربرہم اپنا نام وِکائیا۔ تُوں میرا میَں تیرا آتم پرماتم سوہنگ شبد تیرا ہووے ٹپّا، ٹاپوُآں توں پار دینا جنائیا۔ تیرا پرکاش ہووے لٹ لٹا، نوُر نوُرانہ نظری آئیا۔ دھرنی کہے میرے محبوُب میَں ایہو لاہا کھٹّا، درس کر کے میرے انتر وجّی ودھائیا۔ جیہڑا گھر کِسے ہتّھ نہ آیا چھٹّا، سَت ستوادی سپتم رنگ نہ کوئے چڑھائیا۔ اوہ لیکھا لہنا پوُرا کر دے تت اٹّھا، اپ تیج وائے پرِتھمی آکاش من مت بُدھ بھرم رہے نہ رائیا۔ دُھر دے دھام دا دھرنی کہے تیری چرن چھوہ نال میَنوُں لگّا پتہ، پت پرمیشور تیرا نوُر نظری آئیا۔ تیری آد جُگادی اِکو دھار ستا، سَت سَتوادی برہم برہمادی شبد انادی تیرا نوُر نظری آئیا۔ انت کنت بھگوَنت دھرنی کہے تیری چرن کوَل میرا جھُکے مستک متھا، بِن دھوُڑی دھوُڑی خاک خلق دے خالق اِک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ دھرنی کہے میرے پربھوُ ابناشی اچُت، چیتن تیری وڈ وڈیائیا۔ میری سُہنجنی ہوئی رُت، رُتڑی دِتی مہکائیا۔ میَں تکّے تیرے بھگت سُہیلے ساچے سُت، جِنہاں کارن آیا چائیں چائنیا۔ میری مینڈھی کُھلی ویکھ گُت، اوڈھن سیِس نہ کوئے رکھائیا۔ میَنوُں کلجُگ انتم جیِواں ویکھ آوے دُکھ، دُکھاں وِچ دُہائیا۔ بِن تیری کِرپا سُپھل ہوئے نہ کِسے جننی کُکھ، بھگت جنمے کوئے نہ مائیا۔ میرے مِہربان محبوُبا ہرِجن اپنی گودی چُک، لکھ چؤراسی وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتے دھرنی کہے پردہ رہے نہ اوہلا لُک، جو تیری سرن گیا جھُک، تِنہاں جھُکیاں گُرمُکھاں گھر بخشش دی دات سچّا پھل دینا لگائیا۔

۳۱ بھادروں شہنشاہی سمت اٹّھ اِنگلیَنڈ نارتھ لنڈن ۸ کُلووَیلی روڈ ۷ ہارن جی رنجیِت سِنگھ نت

دھرنی کہے اوہ نارد آیا ہِلاؤندا بودی، بُدھی توں پرے اپنا کھیل کھِلائیا۔ نارد کہے دھرتیئے تیرے اُتے کھیل کر گئے ویدی سوڈھی، دُھر دے حُکم نال وجدی رہی ودھائیا۔ انگِنت آسن لا گئے دھوُنیاں وِچ جوگی، جُگیِشر تپیِشر اپنا دھیان رکھائیا۔ نی میرا صاحِب ٹھاکر مؤجی، مجلساں دا مالک بےپرواہیِا۔ جِس دی کدے نہ مکُے اؤدھی، اؤدھ سمجھ کِسے نہ آئیا۔ جِس لیکھے لائی رَوداس چمار دی کؤڈی، کسیِرا گھاٹ دِتی وڈیائیا۔ جِس چرن چھوہ لگائی اشٹبُھج دی ٹھوڈی، دُھر دا تِلک نام سمجھائیا۔ اوہ ویکھنہارا دیِن دُنی کلجُگ انتم روگی، دُکھاں بھری لوکائیا۔ سادھ سنت کملیئے تیرے اُتے جگت واسنا بھوگی، بھسمڑ روُپ نہ کوئے بنائیا۔ جگت ترِسنا سب نوُں کیِتا لوبھی، لالچ وِچ من ہلکائیا۔ میرے صاحِب سوامی انترجامی دی کِسے نہ آوے سوجھی، سمجھ وِچ نہ کوئے سمجھائیا۔ جھٹ نارد بہہ گیا بھار گوڈی، گُڈمارنِنگ کہہ کے خوشی بنائیا۔ آہ ویکھ جگت جہان دی آشا ہوئی روڈی، سیِس اوڈھن نہ کوئے رکھائیا۔ بِرہوں وِچھوڑے دا دِسے نہ کوئے وِیوگی، پریم پیِڑ نہ کوئے رکھائیا۔ بِنا صاحِب توں بھگتاں چُکے کوئے نہ گودی، جو گوداوری کنڈھے گوبِند آیا دِرڑائیا۔ آتم دھار جائے کِسے نہ سودھی، ودی سُدی پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک اِک اکھوائیا۔ نارد کہے سُن دھرنی میَں دسّاں کھیل حقیِقت حقا، حُکم دُھر دا دیاں جنائیا۔ نی میَں چار جُگ دا پاندھی تھکا، سَتجُگ تریتا دواپر کلجُگ بھجیّا واہو داہیِا۔ میَں پِھر کے آیا مدیِنہ مکّہ، کعبیاں کھوج کھوجائیا۔ ہُن تکّن لگّا بوُرا ککاّ، پردہ پردیاں وِچوں اُٹھائیا۔ میرے کول نہ کوئی پَیسا ٹکا، قیِمت جگت نہ کوئے رکھائیا۔ میَں کھیل تکّنی اِک پُرکھ سمرتھا، جو مالک دُھردرگاہیِا۔ جِس دا لیکھا اکتھنا کتھا، کتھ سکے کوئے نہ رائیا۔ میَں نِرگُن دھار ٹیک کے متھا، مستک چرن نال چُھہائیا۔ اُس بھیوَ کُھلایا یتھارتھ یتھا، یدی آپ حُکم سُنائیا۔ ناردا اوہ تک گوبِند والا تیِر کمان بھتّھا، ماچھوُواڑا دئے گواہیِا۔ جو شبدی دھار پِھرے نَٹھا، بھجےّ واہو داہیِا۔ گُرمُکھ پریمی کر کے اِکٹّھا، گنڈھ اِکو اِک پوائیا۔ لیکھا چُکاؤنا تت اٹّھا، نوَ دوار دئے کُھلائیا۔ دسویں جوت جگائے لٹ لٹا، نوُر نوُرانہ کر رُشنائیا۔ جگت جہان چیِتھڑ ویکھے پھٹا، تن وجوُد نہ کوئے صفائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ نارد کہے سُن دھوَل

میری دھرم دی دھار بھَین، سَت دی سچ دیاں جنائیا۔ میَں تَینوُں اِک گلّ آیا کہن، کہہ کے دیاں سُنائیا۔ چاروں کُنٹ کلجُگ ویکھ اندھیری رَین، بِھنڑی روُپ نہ کوئے وکھائیا۔ اُٹھ اُٹھ ویکھے لاڑی مؤت ڈَین، رائے دھرم اِشارہ گیا کرائیا۔ چِترگُپت موُل لئے نہ چَین، لیکھا سب دا رہیا وکھائیا۔ محمد راہ تکّے لیکھا ویکھے عیَن غیَن، نُقطہ سمجھ کوئے نہ پائیا۔ جو بالمیِک اِشارہ دِتا وِچ رمائن، رام راما کی اپنی کل ورتائیا۔ وید ویاس لِکھیا سمبل پرگٹ ہووے مالک ہِندوائن، براہمن گؤڑ روُپ اتھاہیِا۔ کرِشن ارجن وکھایا عین، نوُر نوُرانہ بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ نارد کہے دھرنی میَں کی دسّاں حالت، جگت جہان نیتر بِن رووے مارے دھاہیِا۔ کوُڑ کُڑیار ودھی جہالت، سَت سچ وِچ نہ کوئے سمائیا۔ دھرم دی کرے نہ کوئے عدالت، عدل اِنصاف ہتّھ کِسے نہ آئیا۔ پَیغمبر کرے نہ کوئے سخاوت، سخی سُلطان ہوئے نہ کِسے سہائیا۔ سَتگُر میٹے نہ کوئے عداوت، دوَیت دوُر نہ کوئے کرائیا۔ اِکو نام ملِے نہ کِسے نیامت، نِرگُن نال نِرگُن مِل کے وجے نہ کوئے ودھائیا۔ میَں راہ وِچ صدی چؤدھویِں نوُں پُچھیا کملیئے کِس ویلے آوے قیامت، قیام گاہ کیہڑی محمد گیا سمجھائیا۔ کیہڑی ملِے اگمّی نیامت، رس دُھر دا اِک چکھائیا۔ اوس ہسّ کے کِہا میرا بے پرواہ صحیح سلامت، صاحِب دُھردرگاہیِا۔ میَں اوسے دی آسا اوسے دی اَمانت، اوسے دی اوٹ تکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ نارد کہے دھرنی میَں آیا سندیسہ لےَ کے، پَیغام دیاں دِرڑائیا۔ جو گوبِند گیا کہہ کے، بِن رسنا ڈھولا گائیا۔ ہرِ سرنائی ڈھیَہہ کے، بِن خاک خاک رمائیا۔ میرا پُرکھ اکالا دیِن دَیالا سمبل آوے بہہ کے، آسن سِنگھاسن اِکو اِک سجائیا۔ جو لیکھا اوتار پَیغبراں گُروُآں جاوے دے کے، دیونہار اپنے ہتّھ رکھے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے دھرنیئے میَنوُں چؤداں طبقاں توں باہر مِل گئی چِٹھی، اوہ پترکا دُھردرگاہیِا۔ جیہڑی چار جُگ کِسے نہیں ڈِٹھی، واچک ہو کے سکے نہ کوئے سمجھائیا۔ کِسے کاغذ اُتے نہیں لِکھی، قلم شاہی نہ کوئے چتُرائیا۔ اوہدے اُتے بِنا انکڑیاں توں لِکھی مِتی، مِتر پیارا آوے دُھردرگاہیِا۔ جِس دی لکھّ چؤراسی سِکھی، سِکھیا ساکھیات سمجھائیا۔ سرگُن دھار نِرگُن دوُآ ایکا ہووے اِکّی، ایکنکار مِل کے وجے ودھائیا۔ اوس دی منزل ہووے چِٹی، جگت رنگ نہ کوئے وکھائیا۔ اوہ سب دا کھہڑا چُھڑاوے پتّھر اِٹّی، پاہن پوُجن کوئے نہ جائیا۔

تُوں میرا میَں تیرا آتم پرماتم دسّ کے لِپی، عقل بُدھی اِکو رنگ رنگائیا۔ جیہڑی منزل جگت جہان کِسے نہیں دِسی، جگ نیتر ویکھن کوئے نہ پائیا۔ اوس دی دھار ہرِ نِرنکار جائے نجِٹّھی، نِرگُن اپنا حُکم ورتائیا۔ جِس محبوُب مِہربان سسّے اُتے ہوڑا ہاہے اُتے لائی ٹِپی، سوہنگ آتم پرماتم دھار دِتی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ دھرنی کہے نارد تُوں سب دا بڑا عزیِز، اعلیٰ ادنیٰ مِل کے وجےّ ودھائیا۔ تیرے اندر بڑی تمیِز، مُحبّت وہن دِتا وہائیا۔ سچ دسّ میَنوُں اِک مالک نوُں مِلن دی ریجھ، دوُجا اِشٹ نہ کوئے منائیا۔ میَں بھیٹا کراں کیہڑی چیز، چارے کھانی پردہ دے کُھلائیا۔ میَں کیہڑے نیتر تکاّں لا کے نیِجھ، لوچن نیَن اکھّ بدلائیا۔ نارد کِہا دھرنیئے اوہ ویکھ کلجُگ انتم گیا بیِت، اپنا پندھ مُکائیا۔ میرے محبوُب دی اولّڑی ریِت، ریِتیوان نوُر الاہیِا۔ جِس نے جھگڑا میٹنا مندر مسیِت، مُدّعا آتم پرماتم درسائیا۔ جو سمبل وسیا بیِچ، گوبِند میلا سہج سُبھائیا۔ ترےَگُن توں ہو اتیِت، ترےَبھوَن دھنی ہو کے ویکھ وکھائیا۔ لکھّ چؤراسی پرکھے نیِت، نیِتیوان گھٹ گھٹ ویکھے چائیں چائنیا۔ جِس نے سب دا سانجھا کرنا گیِت، تُوں میرا میَں تیرا آتم پرماتم وجدی رہے ودھائیا۔ جو بھگتاں کایا کرے ٹھنڈی سیِت، اگنی اگّ بُجھائیا۔ جھگڑا مُکا کے ہست کیِٹ، اوُچاں نیِچاں ڈیرہ ڈھاہیِا۔ جگت جہان وِچ اپنی کروٹ بدل کے پیِٹھ، پُشت پناہ سب دے ہوئے سہائیا۔ میَنوُں اِیوں دِسدا جِس نے پِچھلے کلجُگ دے لیکھے تے مارنی لیک، سَتجُگ دی لائن عین دِتی وکھائیا۔ اُس دی اوتار پَیغمبر گُروُ شہادت وِچ عبادت وِچ کرن تصدیِق، گواہی اوَر نہ کوئے بُھگتائیا۔ سب دی آسا منسا پوُری کرے اُمیِد، آمد وِچ آیا دُھردرگاہیِا۔ جِس دا وقت سُہنجنا سُہاؤنا دِسے قریب، کربلے والے سارے بَیٹھے نیَن اُٹھائیا۔ اوہ پاربرہم پت پرمیشور پُرکھ اکالا دیِن دَیالا، پروردِگار سانجھا یار سب نوُں کرے پاکیز، پاکیزہ اپنا رنگ رنگائیا۔ نی اوہ سمُند ساگراں تیرے در وڑیا دہلیز، دہ دِشا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ہرِجن نیتر لوچن نیَن درشن دیوے اپنے دید، دیدہ دانِستہ اِکو نوُر نوُر نوُرانہ نظری آئیا۔

پہلی اَسوُ شہنشاہی سمت اٹّھ اِنگلیَنڈ نارتھ لنڈن ۴۱ وُڈ لیَنڈ گارڈن نِربھےَ سِنگھ دے گرِہ

پربھ سرن سرنائی ڈھیَہہ کے کہے اَسوُ، آساوند ہو کے سیِس نِوائیا۔ میرے صاحِب سَتگُر کیہڑی دھار وسوُ، مِہربان دینا سمجھائیا۔ پُرکھ اکال اوہ ویکھ کی آسا رکھی یسوُ، مسیح انتر نِرنتر دھیان لگائیا۔ میرا پِتا پروردِگار سب کُجھ دسّوُ، دہ دِشا دھیان لگائیا۔ صدی بیِسویں کوُڑ کُڑیاری کِریا نسّوُ، دیِن مذہب بَیٹھن سیِس نِوائیا۔ بےعیب ہرِ تن وجوُد رتُّو، رنگ اگمّا آپ چڑھائیا۔ آتم پرماتم جوڑے نتُو، پاربرہم برہم میلا لئے مِلائیا۔ ہر گھٹ انتر آپے وسوُ، واسطہ اپنے نال رکھائیا۔ تیِر انیالا ایکا کسوُ، دو جہاناں پار لنگھائیا۔ بھاگ لگا کے کایا مٹوُ، سمبل نوُر کرے رُشنائیا۔ جو زِمیں گھُنمدی وانگ لٹوُ، گھُنمن گھیری وِچ ویکھے خلق خُدائیا۔ نوَ ست انتشکرن دھار پھٹّوُ، گھاؤ اِکو اِک رکھائیا۔ کوُڑ کُڑیارا جڑ پٹوُّ، پاٹل اپنا بھیوَ چُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک دَیا کمائیا۔ اَسوُ کہے میَں چڑھیا لوک مات جگ، جگ جیِون داتے دِتی وڈیائیا۔ میَں مانَو ویکھے اُپر شاہ رگ، نوَ دوار پندھ مُکائیا۔ شرع شریِعت تکّنا حج، کعبیاں پرے پھول پھولائیا۔ سرِشٹی درِشٹی اندر ویکھنی اگّ، جو کایا کپڑ رہی جلائیا۔ دیِن مذہب کھوجنی حد، جو ونڈاں رہی پائیا۔ کھیل ویکھنا سوُرا سربگ، جو ہرِ کرتا پُرکھ آپ کرائیا۔ دیِن دُنی تکّنی الپگ، جو مارگ بُھلی بےپرواہیِا۔ دُھر دا شبد اگمّی سُننا ند، انحد نادی ناد شنوائیا۔ نِرگُن نوُر جوت تکّنی لٹ لٹ، جو دو جہاناں کرے رُشنائیا۔ اِک نام دا کُھلیا ویکھنا ہٹّ، ہٹوانا بنے دُھردرگاہیِا۔ میَں پندھ مُکایا نٹھ نٹھ، سَتجُگ تریتا دواپر بھجیّا واہو داہیِا۔ میرا سمت شہنشاہی چڑھ گیا اٹّھ، اٹّھاں تتاں بھیوَ رہے نہ رائیا۔ میرے محبوُب نے کلجُگ انتم کھیڑا کرنا بھٹّھ، بھٹھیالا اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ اَسوُ کہے میرا چڑھیا دِوس سُبھاگا، پربھ دئے مان وڈیائیا۔ میَں لوک مات جاگا، آلس نِندرا رہی نہ رائیا۔ ہرِ سرنائی لاگا، دوُسر اوٹ نہ کوئے تکائیا۔ میَں سُنی اگمّی آوازا، پربھ شبد دِتا دِرڑائیا۔ اوہ لیکھا تک لےَ جو دسّ کے گیا گوبِند والا بازا، کی بازی گر اپنا سوانگ ورتائیا۔ جو شاہو بھوُپ وڈ راجن راجا، شہنشاہ اِک نوُر الاہیِا۔ جِس نے لیکھا مُکاؤنا تخت تاجا، تخت نِواسی روون مارن دھاہیِا۔ کلجُگ انتم پرگٹ ہو کے دیس ماجھا، سمبل اپنی رُت سُہائیا۔ جِس دی آشا رکھی کرِشن رادھا، سیِتا رام

بَیٹھے دھیان لگائیا۔ جِس نے چار جُگ دے شاستراں توں باہر کرنا وادھا، وید پُران بَیٹھن سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ اَسوُ کہے نارد تُوں کِدھروں آیا، سجّنا بھیوَ دینا کُھلائیا۔ نارد کہے میَں تکاّں ترےَگُن مایا، رجو طمو ستو پھول پھولائیا۔ اُتر پورب پچھّم دکھّن بھجّاں واہو داہیا، نؤ کھنڈ اپنا پندھ مُکائیا۔ مانَو ویکھیا ہِردے ہرِ نہ کِسے وسایا، وصل یار نہ کوئے کرائیا۔ صدی چؤدھویِں دروہی دروہی کرے مرے خُدایا، خالق خلق کی تیری بےپرواہیِا۔ میَنوُں تیئی اوتاراں حال سُنایا، اُچی کوُک کوُک جنائیا۔ نانک گوبِند بھیوَ کُھلایا، پردہ پردیاں وِچوں اُٹھائیا۔ چار کُنٹ دہ دِشا ساجن میِت نظر کوئے نہ آیا، مُحبّت وِچ نہ کوئے سمائیا۔ جِدھر تکاّں اندھیرا چھایا، نوُری چند نہ کوئے چمکائیا۔ میَں پربھوُ دے اَگے واسطہ پایا، خالی جھولی اَگے ڈاہیِا۔ تیرا نام کلمہ کِسے دا اندر کرے نہ کوئے سفایا، پڑھ پڑھ تھکی جگت لوکائیا۔ تَینوُں کِہا دائی دایا، دَیاوان کی تیری بےپرواہیِا۔ کلجُگ سب نوُں رہیا بُھلایا، منوُآ من دِتا بدلائیا۔ سادھ سنت جیِو جنت تیرا درس کِسے نہ پایا، سم درسی تیری سمجھ کِسے نہ آئیا۔ اوہ لہنا مُکاؤنا سیِس دھڑیا، پنج تت کھوج کھوجائیا۔ توڑنا ہؤمے ہنکاری گڑھیا، نِمرتا اپنی اِک سمجھائیا۔ آہ تک اؤہ تک دیِن مذہب جگت اگنی سڑیا، امرت میگھ نہ کوئے برسائیا۔ پُرکھ اکال دی سرن کوئے نہ پریا، گرنتھ شاستراں سارے سیِس نِوائیا۔ مانَس جنم کلجُگ جیِواں ہریا، ہرِجن میلا ملِے نہ دُھر دے ماہیِا۔ سچ دوار ملِے کِسے نہ گھریا، گرِہ مندر وجے نہ کوئے ودھائیا۔ آتم دھار پرماتم پلّوُ کوئے نہ پھڑیا، منزل حق نہ کوئے چڑھائیا۔ سچ سندیسہ دیواں اڑیا، دُھر فرمانا اِک سُنائیا۔ جِس وِشن برہما شِو گھاڑن گھڑیا، سو لکھّ چؤراسی بھنّنہار اکھوائیا۔ اُس نِرگُن نِروَیر نِراکار نِرنکار سرگُن دھار دھرنی دھرت دھوَل دھؤل اُتے اپنا اگمّا چرن دھریا، جِس دی سرن سارے رہے تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ نارد کہے اَسوُ میری آشا وسیع، وصیّت پَیغمبر اوتاراں گُروُآں ویکھ وکھائیا۔ تیرے در حاضر ہووے مسیح، مسلہ اگلا دئے سمجھائیا۔ جِس وِچ پروردِگار دی ہووے ترجیح، دوُجا حُکم نہ کوئے ورتائیا۔ اوہ کھیل کرے مالک ربّی، ربیؤل ثانی دئے گواہیِا۔ جو آشا رکھی اِک لکھّ چوَھی ہزار نبی، رسوُل رسوُل اِلاہ کہہ کے سیِس نِوائیا۔ اُس دی کھیل ہونی جّدی، یدی اپنا حُکم ورتائیا۔ اوتار پَیغمبر گُر جِس دوارے بَیٹھن ہتّھ بدھّی، بندنا وِچ سیِس جھُکائیا۔ جوتی

جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن جوت بِن ورن گوت سَت سروُپ اگمّی جگی، جاگرت اپنا کھیل کھِلائیا۔

پہلی اَسوُ شہنشاہی سمت اٹّھ اِنگلیَنڈ ساؤتھ ہال ۸۲ رَینلے روڈ جُگِندر سِنگھ دے گرِہ سرب ہرِ سنگت نوِت

اَسوُ کہے میرے مالک صحیح سلامت، پُرکھ اکال دیِن دَیال تیری سرنائیا۔ میَں بندگی وِچ کراں ڈنڈاوت، بِن سیِس دھڑ لاگاں پائیا۔ میرے مِہربان محبوُب اپنی دیِن دُنی تک اندر بغاوت، بغلگیِر نظر کوئے نہ آئیا۔ اوتار پَیغمبر گُروُآں تیرا نام کلمہ رکھی دُھر دی نام اَمانت، سچ سوامی تیرے اَگے ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ اَسوُ کہے میرے پربھوُ میَں دیواں اُچی ہوکا، حُکم دُھر دا اِک جنائیا۔ بھیوَ رہے نہ چؤداں لوکاں، چؤداں طبق اُٹھن تھاؤں تھائنیا۔ تیرا اگمّا ہووے اگمّ سلوکا، نِرگُن سرگُن سرگُن نِرگُن وجےّ اِک ودھائیا۔ صدی چؤدھویِں انت اَخیِر بے نظیِر لاشریِک ویکھ دھرنی اُتے مؤقع، پردہ پردیاں وِچوں اُٹھائیا۔ کلجُگ کوُڑی کِریا وہن وِچ وہے دھرم دی نؤکا، نئیا پار نہ کوئے کرائیا۔ کِسے بھےَ رہیا نہ تیرے بھاؤ کا، دُتیا بھاؤ نہ کوئے مِٹائیا۔ نگارہ وجےّ نہ واہو واہو کا، واہِگُروُ تیری صِفت نہ کوئے صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ تیری سرنائیا۔ اَسوُ کہے میَں رکھاں اِک اُڈیِک، آس آسا وِچ جنائیا۔ پیشیِن گوئیاں ویکھ تریِک، تواریخ چار جُگ دی دئے گواہیِا۔ نام کلمے تک حدیِث، حضرت حضوُر ویکھ وکھائیا۔ دیِناں مذہباں راہ تک نیِت، نیِتیوان کی تیری بےپرواہیِا۔ جھگڑا دِسے مندر مسیِت، کایا کعبے حق نہ کوئے رُشنائیا۔ پوُرب لیکھا تیرا کلمہ کرے تصدیِق، شہادت شہنشاہ بُھگتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ پُرکھ اکال کہے سُن اَسوُ میرے ننےّ بچّے، بچپن تیرا ویکھ وکھائیا۔ اوتار پَیغمبر گُروُ دُھر دے بچّے، سنگی ساتھی جُگ چؤکڑی تیرے نال رلائیا۔ جو بھانڈے بھنّ گئے کایا ماٹی کچّے، تن وجوُد رہیا نہ رائیا۔ میری شبد دھار وِچ رتےّ، رتن امولک اپنی قیِمت جگت توں باہر رکھائیا۔ جِنہاں سندیسے دِتے میرے پتے، پت پرمیشور کہہ کے سارے گئے گائیا۔ گوبِند انت ڈنک وجایا فتح،

فاتح پڑھے کوُڑ لوکائیا۔ جو صاحِب اِک سمرتھے، سمرتھ پُرکھ نوُر الاہیِا۔ جِس دی چار جُگ دے شاستر کتھنا کتھنی کتھ رہے کتھے، انت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ اَسوُ کہے پربھوُ میَں جُگ چؤکڑی پُرانا، پوُرب لیکھا تیرے اَگے ٹِکائیا۔ تُوں ویکھنہارا سِری بھگوانا، نوُر نوُرانہ نوُر الاہیِا۔ تَینوُں جھُکدے زِمیں اسمانا، لوک پرلوک سیِس نِوائیا۔ تُوں آد جُگادی نؤجوانا، مرد مردانہ اِک اکھوائیا۔ سَتجُگ تریتا دواپرکلجُگ پہر کے بانا، اوتار پَیغمبر گُر گُروُ ناؤں پرگٹائیا۔ میَں سُن دا رہیا تیرا نِراکھّر دھار گانا، جو اکھّراں وِچ صِفت صالاحیِا۔ تیرا نوُر ظہوُر شہنشاہ جگ نیتر نہ کِسے پہچانا، پہچان وِچ کدے نہ آئیا۔ تُوں مِہربان مِہربان مِہربانا، محبوُب تیرے ہتّھ وڈیائیا۔ انت ویکھ لےَ اپنا دیِن دُنی والا زمانہ، زِمیں زماں پھول پھولائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک دَیا کمائیا۔ اَسوُ کہے تیرے کول پربھوُ میرے اوہ خط، جِس دا اکھّر نظر کِسے نہ آئیا۔ اُس دے وِچ اِکو برہم مت، جو برہما وِشن شِو دِتی سمجھائیا۔ جھگڑا دِسے نہ کوئی تت، اپ تیج وائے پرِتھمی آکاش کرے نہ کوئے لڑائیا۔ شرع وِچ اُبلے کوئے نہ رت، کام کرودھ لوبھ موہ ہنکار نہ کوئے ہلکائیا۔ میَں تیرے اَگے کراں اپنے خالی ہتّھ، بِنا ہتھیلی جھولی ڈاہیِا۔ پرم پُرکھ پرماتم آتم دے اگمّی وتھ، واسطہ تیرے نال رکھائیا۔ تُوں جُگ جُگ مانَس مانَو مانُکھ چلائے رتھ، رتھ رتھواہی اِک اکھوائیا۔ تیرے سرن سرنائی رہیا ڈھٹّھ، دھوُڑی چرناں خاک رمائیا۔ جھگڑا میٹ کے تت اٹّھ، نؤ در لیکھا رہے نہ رائیا۔ سَت دھرم دی دے سُمت، سَتگُر داتا بن کے بےپرواہیِا۔ کلجُگ انتم سب دی رکھنی پت، پت پرمیشور اپنی دَیا کمائیا۔ آتم پرماتم جوڑنا نت، پاربرہم برہم میلا میلنا سہج سُبھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ پُرکھ اکال کہے اَسوُ پوُری آس کراواں گا۔ نِرگُن نوُر جوت پرکاش اِک دِرڑاواں گا۔ شبد اگمّی ناد، دُھن انادی اِک سُناواں گا۔ نِرگُن سرگُن سرگُن نِرگُن مار آواز، سوئی سُرت آپ ہِلاواں گا۔ جِس کارن گوبِند اُڈایا باز، بازاں والے دا بھیوَ کُھلاواں گا۔ دیِن مذہب دا بدل کے راج، رعیت مانَو ذاتی اِک درساواں گا۔ پاربرہم ہو کے پکڑاں واگ، واگاں دو جہاناں ہتّھ رکھاواں گا۔ کلجُگ کوُڑی کِریا بُدھی بدل کے کاگ، گُرمُکھ ہنس آپ پرگٹاواں گا۔ نِرنتر دے کے اِک وَیراگ، بسنتر کوُڑی مات بُجھاواں گا۔ گُرمُکھاں کر کے وڈ وڈبھاگ، سِر اپنا ہتّھ ٹِکاواں گا۔

دیِپک جوت جگا چراغ، چراگاہاں آپ رُشناواں گا۔ اِنسان اِنسانیّت دا دے سماج، سمگری سچ نام ورتاواں گا۔ جوتی شبد کھیل کر کے وِچ پنج آب، پنجہ نؤ کھنڈ پرِتھمی ستّ دیِپ آپ اُٹھاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کماواں گا۔ سچ کرنی کار کمائیگا۔ دیِن دَیال دَیا کمائیگا۔ جوتی جاتا ڈگمگائیگا۔ شبدی سَتگُر اِک اُپجائیگا۔ بِن روُپ رنگ ریکھ کھیل کھِلائیگا۔ دیس پردیس دو جہاناں ویس وٹائیگا۔ بھیوَ ابھیدا اچھل اچھیدا آپ سمجھائےگا۔ انتم لیکھا پوُرا کر کے چار ویدا، پُران اٹھاراں لکھّ چار ہزار ستاراں سلوک اپنے وِچ چُھپائیگا۔ نِرگُن نوُر ہو کے ظاہرا، ظاہر ظہوُر آپ رُشنائیگا۔ جِس جھگڑا پاؤنا وِچ قاہرا، محمد دا حمد دا لیکھا ویکھ وکھائیگا۔ نؤواں دیشاں ہوئے مُشاعرہ، مُشکل سب دی ویکھ وکھائیگا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک سُنائیگا۔ اَسوُ کہے پربھوُ میرے مالک ویکھ اپنا قؤل اِقرار، اِقرارنامہ دیاں جنائیا۔ جِتھے شرع دا نہیں کوئی تکرار، جھگڑا دِسے نہ خلق خُدائیا۔ حُکم تیرا سچّی سرکار، اعلیٰ ادنیٰ سُنے چائیں چائنیا۔ تُوں شاہ سُلطانا نؤجوانہ پروردِگار، پاربرہم پت پرمیشور اِک اکھوائیا۔ تَینوُں حضرت کِہا اِستگُفار، گُفت شُنیِد تیرا کلمہ سُنے چائیں چائنیا۔ تیرا نوُر الاہ روُپ دِسے نہ نر نار، پُرکھ پُرکھوتم تیری وڈ وڈیائیا۔ دیِن دُنی لکھّ چؤراسی جیِو جنت انتم ہوئے سارے گُناہگار، پاک پتت پُنیِت نظر کوئے نہ آئیا۔ ناتا چھڈدے جاندے تیئی اوتار، رام کرِشن رہے سُنائیا۔ موُسیٰ کہے کوُک للکار، کوہ طوُر نال دئے گواہیِا۔ عیسیٰ کہے جِس صلیِب میرے گل وِچ دِتی ڈار، اوہ باپ دُھردرگاہیِا۔ حضرت محمد کِہا میَنوُں اُس اُتے اِعتبار، جو نوُر نوُرانہ نظری آئیا۔ سَتگُر نانک کِہا جِس دا نام سَت کرا پرچار، پراچین دا لیکھا ویکھ وکھائیا۔ گوبِند کِہا جِس نے بخشیا کھڑگ کھنڈا کٹار، شستر دُھر درگاہیِا۔ اوہ کلجُگ انتم آوے کل کلکی لئے اوتار، اوتر اپنا پھیرا پائیا۔ سمبل وسے دھام نیار، جِس سمبل دا لیکھا وید ویاس گیا لِکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم آپ ورتائیا۔ اَسوُ کہے پربھوُ میرے کول لیکھ لِکھت پُرانی، پُنہ پُنہ سیِس نِوائیا۔ میَں اوہ دسّاں لیکھا جِس ویلے بنیا نہیں سی کوئی وید پُرانی، گیِتا گیان نہ کوئے دِرڑائیا۔ بالمیِک دی نہیں سی کوئی نِشانی، سیِتا رام نہ کوئے جنائیا۔ پَیغمبراں نوُر نہ چمکیا جِسم جِسمانی، شرع شرع نہ کوئے وکھائیا۔ منتر سُنیا نہ کِسے ستنامی، ڈنکا فتح نہ کوئے دِرڑائیا۔ تُوں میرے اُتے آد کیِتی مِہربانی،

جُگ جُگاد میرے وِچ ٹِکائیا۔ اِک سندیسہ دِتا میرا کھیل ہووے مہانی، مہما کتھ کتھ سمجھائیا۔ نؤ سؤ چُرانوے چؤکڑی جُگ پِچھوں پرگٹ ہوواں شاہ سُلطانی، شہنشاہ اِک اکھوائیا۔ جِس دا لیکھا لِکھ سکے نہ کوئے قلم کانی، کاغذات نہ کوئے چتُرائیا۔ برہما بھیوَ دسّ سکیا نہ موُل زبانی، چارے مُکھ چار کُنٹ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک بھیوَ کُھلائیا۔ اَسوُ کہے پربھوُ میرے کول تیرا اوہ اِشارہ، جِس نوُں عیش و عِشرت کرن والا سمجھ کوئے نہ پائیا۔ جِس وِچ لیکھا لِکھیا سَتجُگ تریتا دواپرکلجُگ کِس بِدھ ہووے پار کنارہ، نئیا جگت جہان رہن نہ پائیا۔ آسا رکھ کے جان تیئی اوتارا، پیشیِن گوئیاں وِچ آس رکھائیا۔ جِس دا پَیغمبر کرن مُظاہرا، خوشی خوشی نال دِرڑائیا۔ اوہ اِمام اِماما نوُر نوُرانہ ہووے ظاہرا، ظاہر ظہوُر کرے رُشنائیا۔ جِس دی تار سِتار نانک نِرگُن سرگُن وجائی وِچ سنسارا، سنساری بھنڈاری سنگھاری سُنن تھاؤں تھائنیا۔ گوبِند جِس دا بولیا اِک جَیکارا، دُھر دا حُکم حُکم سُنائیا۔ اوہ کھیل کرے نِراکار نِرنکار پروردِگارا، بےعیب نوُر خُدائیا۔ جِس نوُں ساریاں کہنا چوَھیاں اوتارا، اِمام اِماما اپنا روُپ پرگٹائیا۔ وید ویاسے کِہا براہمن گؤڑ آوے وِچ سنسارا، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا بھیوَ آپ کُھلائیا۔ اَسوُ کہے پربھوُ اِک ہور میرے کول تیرا لیکھا، جِس دی لِکھت نہ کوئے سمجھائیا۔ تَینوُں سب نے کِہا وسے سچکھنڈ ساچے دیسا، جِس دیس وِچ پردیسی وڑن کوئے نہ پائیا۔ تَینوُں مالک منّیا آد انت ہمیشہ، ہم ساجن اِکو نظری آئیا۔ پر سچ دسّ میرے صاحِب کلجُگ انت کیوں دیِن دُنی پیا بُھلیکھا، بھانڈا بھرم نہ کوئے بھنّائیا۔ مان رہیا نہ گوبِند والے کیسا، کیس گڑھ دا لیکھا پوُر کوَن کرائیا۔ اوہ تک جھگڑا پَینا مُلّا شیخا، مسائک روون تھاؤں تھائنیا۔ دیِن مذہب رہے کِسے نہ ہیتا، ہِتکاری نظر کوئے نہ آئیا۔ اَسوُ کہے میَنوُں بل دوارے دا باوَن دے حُکم دا چیتا، چیتن ہو کے سیِس نِوائیا۔ کلجُگ انت سِری بھگوَنت نِرگُن دھار آوے سنسار کھیلے اگمّی کھیڈا، جِس دی سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ہوئے سہائیا۔ اَسوُ کہے میَں ویکھی اپنی جیب، چار جُگ دا پہلا لباس پھول پھولائیا۔ اُس دے وِچوں نِکلی اوہ اگمّی کِتیب، جو کُتب خانیاں وِچ نہ کِسے چھپوائیا۔ اوہدا اکھّر اِک کہے کلجُگ انتم دیِن دُنی اوتار پَیغمبر گُروُآں نال کرنا فریب، فرمانبردار رہن کوئے نہ پائیا۔ آتم پرماتم دا جانے کوئے نہ بھیت، پاربرہم

برہم وِچ نہ کوئے سمائیا۔ پُرکھ اکال دا درس کوئی نہ کرے نیتن نیت، نِج نیَن نہ کوئے کُھلائیا۔ جگت ترِسنا بھرے کِسے نہ پیٹ، پٹنے والا سندیسہ دے کے گیا گوبِند ماہیِا۔ عیسیٰ کِہا میری ویہویں صدی میرے پِتا دا کرنا سب نے ویٹ، اِنتظار وِچ رہنا خلق خُدائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ اَسوُ کہے پربھوُ آہ ویکھ حضرت محمد دا اِک پتّر، الف یے توں بِنا نظری آئیا۔ جِس دی اِک نال اِک سطر، سطح بُلندی زِمیں اسمان دوویں ویکھ وکھائیا۔ اوہ لیکھا تک اوتاراں والا اُتے پتّھر، پاہن دین گواہیِا۔ انت اَخیِر بے نظیِر ویکھ گوبِند لتھا یار تیرے ستھر، یارڑا سیج ہنڈھائیا۔ نیر وِرولیا کوئے نہ اتھر، اِننجو ہنجھوُ نہ کوئے وہائیا۔ پُرکھ اکال کِہا اَسوُ میَں ویکھاں کلجُگ چڑھ گیا چوٹی سِخر، سِکھیا میری سب نوُں دِتی بُھلائیا۔ میرا بھیوَ ابھیدا گوبِند سوُرا لگّا سی لِکھن، لیکھا اگمّ اتھاہیِا۔ اوہ وی میَں سرسے کرایا بھیٹن، جگت نِشان ویکھن کوئے نہ پائیا۔ میَں انت کھیل کھِلاؤنا جھگڑا مِٹاؤنا پتّھر اِٹن، ایکا اِشٹ ہووے خلق خُدائیا۔ میَں چار جُگ دی کتھا کہانی ویکھنی چِٹن، جو چِٹھی بِنا چِٹھی رسیَن توں گُر اوتار پَیغمبراں دِتی پہنچائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ اَسوُ کہے اوہ نارد آ گیا بھجّا، بِنا بھجن بندگی رؤلا رہیا پائیا۔ نالے انگوُٹھا کڈھ کے سجّا، سجےّ ہتّھ دا رہیا وکھائیا۔ اَسوُ آ مِترا میَں چار کُنٹ دی چار جُگ کر کے آیا گجا، نؤ کھنڈ پرِتھمی ستّ دیِپ پِھریا تھاؤں تھائنیا۔ کلجُگ انت صدی چؤدھویِں میَنوُں پوِتر دِسی کوئے نہ جگہ، دھرنی دھرت دھوَل دھؤل مارے دھاہیِا۔ پربھ دا درس ہووے نہ کِسے نوُں اُپر شاہ رگا، نؤ دوارے پندھ نہ کوئے مُکائیا۔ سادھاں سنتاں جیِاں جنتاں جگت فقیِراں اگنی لگّی اگّا، تامس ترِسنا دوُر نہ کوئے کرائیا۔ آتم پرماتم امرت رس لئے کوئے نہ مزہ، بوُند سوانتی کول نابھی نہ کوئے ٹپکائیا۔ میَں پَیغمبراں پُچھیا دسو انت کی دیوگے سزا، جو بُھلی خلق نام خُدائیا۔ حضرت محمد کِہا اوہ تک لےَ براہمنا صدی چؤدھویِں سب دے سِر تے کوُکدی قضا، قزاق ویکھے جگت لوکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دے مالک اپنی دَیا کمائیا۔ اَسوُ کہے میرا اِک اوَر نِشانہ، نِشان دیہی دیاں سمجھائیا۔ جیہڑا انتم مسیح نے دِتا بیانا، بِنا اکھّراں لیکھ بنائیا۔ مستی وِچ اِک ہستی دا گایا ترانہ، تُوں میرا میَں تیرا دوُجا نظر کوئے نہ آئیا۔ میرے باپ تُوں کِرپا کرنی آپ میَں تیرا دسّیا جاپ رہیا نہ کوئے بیگانہ، بے پرواہ تیری اِک سرنائیا۔ تُوں

کھیل ویکھنا زِمیں اسمانا، پرگٹ ہونا وِچ جہانا، جِس نوُں کاہن نے منّیا کاہنا، رام نے کِہا راما، رحیِم رحمت دینی کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک دَیا کمائیا۔ اَسوُ کہے میَنوُں حقیِقت وِچ دسّیا موُسیٰ، مُسلسل اِکو حُکم سُنائیا۔ میرا محبوُب نوُر نوُرانہ ویس وٹائے تن چُھہائے کالا سوُسا، سوُربیِر اپنی دَیا کمائیا۔ انت جھگڑا ویکھے چیِنا روُسا، روسا سب دے اندر ٹِکائیا۔ دیِن دُنی ہووے مایوُسا، کلمہ شرع چلے نہ کوئے چتُرائیا۔ جِس لیکھا پوُرا کرنا یہوُدا، نہ کوئے میٹے میٹ مِٹائیا۔ اوہ ہووے آپ مؤجوُدہ، بھیوَ ابھیدا اپنے وِچ چُھپائیا۔ جِس دا محمد نے اِشارہ کیِتا وِچ ہزارا دروُدا، اِسمِ اعظم اِک جنائیا۔ اوہ کلجُگ کوُڑی کِریا میٹے بےہوُدا، بیوہ تکّے جگت لوکائیا۔ جِس دے پِچھے نانک دے پیار دی دھار ارجن جھوُجا، گُر تیغ بہادر اپنا آپ بھیٹ کرائیا۔ جِس دے حُکم وِچ گوبِند اپنا خوُن دھرنی وِچ کیِتا موُدھا، شہادت بچّیاں والی بُھگتائیا۔ اوہ آسا رکھ کے بَیٹھی دھؤل نِمانی بسُدھا، بِن نیَناں نیَن اُٹھائیا۔ کوَن ویلا کل مِٹے کوُڑی کِریا کلجُگا، سَتجُگ سَت لئے انگڑائیا۔ دُتیا بھاؤ رہے نہ دوُجا، دیِن دُنی پربھ اِکو اِشٹ منائیا۔ جو حُکم سُن دا رہیا تِلک لگاؤن لگّیا بابا بُڈھا، شاہ پاتشاہ پاتشاہیِاں وِچ سُنائیا۔ سب دا لیکھا انتم ہونا اُگھا، اُگن آتھن سوُریہ چند سیِس نِوائیا۔ اَسوُ کہے میَں پُرکھ اکال دیِن دَیال تیرے در تے جھُکا، نِو نِو لاگا پائیا۔ تیرا نِشان کدے نہ اُکا، تیِر انیالا تیرا نام نظری آئیا۔ جن بھگتاں انتم اُجل کرنا مُکھا، انتر نِرنتر دُرمت میَل دھوائیا۔ کوُڑی ترِسنا میٹنی بُھکھا، امرت جام مُکھ چوائیا۔ سُپھل کراؤنی مات کُکھا، جو جن آئن سرنائیا۔ لکھّ چؤراسی ناتا جائے تُٹا، رائے دھرم نہ دئے سزائیا۔ سچکھنڈ وساؤنا اپنی گُٹھا، کونے گوشے سارے دینے تجائیا۔ تُوں مِہربان سِری بھگوان اِکو تُٹھا، تُدھ بِن دوُجا نظر کوئے نہ آئیا۔ تَینوُں سب نے کِہا ابناشی اچُتا، پاربرہم تیری وڈیائیا۔ کلجُگ انت سَتجُگ سُہاؤنی رُتا، رُتڑی اپنے نام نال مہکائیا۔ بھاگ لگاؤنا کایا ماٹی بُتا، بُتخانیاں کریں صفائیا۔ تیرا لیکھا دیش کُشا، جِس کُشا دیش وِچ اِنگلیَنڈ لنڈن نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن سرگُن سرگُن نِرگُن نِراکار نِرنکار تیرا بھیوَ گُجھا، بھیوَ ابھیدے اچھل اچھیدے تیرا انت سِری بھگوَنت کہن کوئے نہ پائیا۔

۲ اَسوُ شہنشاہی سمت اٹّھ اِنگلیَنڈ لنڈن ساؤتھ ہال سِری گُروُ سِنگھ سبھا گُردوارا

سَتگُر کِرپا ساچی موُرت، روُپ رنگ ریکھ باہر نظر کِسے نہ آئیا۔ گُر کا ناد اگمّی تُورت، تُریا توں باہر سمجھائیا۔ جوتی جاتا پُرکھ بِدھاتا جِس نوُں بخشے اپنا نوُرت، نوُر نوُرانہ نظری آئیا۔ جھگڑا میٹے موُرکھ موُڑھت، ہؤمے ہنگتا دئے گوائیا۔ سَتگُر نوُں سدا گُرسِکھاں دی ضرورت، بھگوان بھگت لئے پرگٹائیا۔ جِنہاں دے کایا مندر اپنے پریم دی کرے مہوُرت، مُردیاں اپنا رنگ رنگائیا۔ پندھ مُکا کے نیڑے دوُرت، گھر سوامی ملِے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتگُر موُرت انُبھوَ درِشٹی وِچ سمجھائیا۔ سَتگُر موُرت اگمّ اتھاہ، کتھنی کتھ سکے نہ رائیا۔ جو مالک خالق داتا بے پرواہ، بےعیب پروردِگار اِک اکھوائیا۔ جِس دی صِفتاں والی سارے کرن صالاح، مہما وِچ وڈیائیا۔ راگاں ناداں وِچ رہے گا، دُھناں وِچ شبد شنوائیا۔ اوہ آتم دا ملاح، بے پرواہ وڈ خُدائیا۔ جِس نوُں پَیغمبراں کِہا االلہ، عالمیِن اِک اکھوائیا۔ سو برہم وِدیا برہم ویتا برہم گیان بِنا اکھّراں توں دئے سمجھا، لِکھن پڑھن دی لوڑ رہے نہ رائیا۔ گھر دیِا باتی کملاپاتی کر رُشنا، اندھ اندھیرا دئے مِٹائیا۔ بُدھی توں پرے پردہ دئے چُکا، جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا مالک دَیا کمائیا۔ سَتگُر موُرت اگمّی دھار، جگت نیتر ویکھن کوئے نہ پائیا۔ جِس جن اُپر کِرپا کرے آپ نِرنکار، نِراکار اپنا بھیوَ کُھلائیا۔ انتر آتم پرماتم ہو کے کرے پیار، پریمی پریِتم اپنی ونڈ ونڈائیا۔ بِنا بُدھی توں سُرت وِچ سُرتی دا دئے گیان، اندرِشٹ ہو کے اپنا پردہ لاہیِا۔ سندیسہ سُناوے بِنا کان، سروتیاں دی لوڑ رہے نہ رائیا۔ کایا کعبہ دُھر دا مندر کر پروان، پرم پُرکھ اپنا پردہ دئے چُکائیا۔ تُوں میرا میَں تیرا آتم پرماتم نِج گھر واسی کرائے حق پہچان، بے پہچان پردہ دئے چُکائیا۔ ایہو سَتگُر شبد شبد سَتگُروُ دا گیان، جِس گیان نوُں سارے شاستر گرنتھ رہے گائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سَتگُر موُرت جو دھیان دھرے اندر دھرنا، دھرنی دھرت دھوَل دھؤل ملِے وڈیائیا۔ پُرکھ اکال دی ملِے سرنا، سرنگت اوَر نہ کوئے جنائیا۔ منزل حق حقیِقی چڑھنا، جِتھے ملِے محبوُب دُھر دا ماہیِا۔ نہ اوتھے جمّنا نہ اوتھے مرنا، مر جیِوت کھیل نہ کوئے کھِلائیا۔ نہ کوئی بھنّنا نہ کوئی گھڑنا، گھڑن بھنّنہار دیوے مان وڈیائیا۔ جِس نے سَتگُر شبد دا بِنا اکھّراں توں اکھّر پڑھنا، جگت وِدیا دا لیکھا دئے مُکائیا۔

جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ سَتگُر موُرت جگت نہیں دھارا، ویکھ ویکھ نہ کوئے سمجھائیا۔ جِس دا کھیل اگمّ اگوچر اپارا، پاربرہم اپنا بھیوَ چُکائیا۔ جِس نوُں نانک نِرگُن سرگُن سرگُن نِرگُن گایا تُوں ہی میرا صاحِب داتارا، جِس دی داتار سِتار جگت وِچ ہِلائیا۔ اوہ بھیوَ ابھیدا کھولے کھولنہارا، انُبھوَ درِشٹی توں باہر دئے سمجھائیا۔ سَتگُر صوُرت سَتگُر دی دھار سَتگُر دا پیار سَتگُر سَت ہوئے اُجیارا، نوُر نوُرانہ ڈگمگائیا۔ جگت وِدیا جگت واشنا جگت ویاکھیا پڑھ پڑھ تھکا سنسارا، سنسار نوُں سنساری بھنڈاری سِنگھاری تِنّے رہے چلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک اِک اکھوائیا سَتگُر موُرت جو جن انتر دھردا، من توں پرے دھیان لگائیا۔ اوہ شبد سَتگُر سَتگُر شبد اپنے آپ نوُں وردا، مالک اِکو نظری آئیا۔ دیِن دُنی وِچ نہ ڈردا، بھےَ بھؤ دا لیکھا جائے مُکائیا۔ سچکھنڈ دوارے گھر ساچے سچ سچ ہو وڑدا، دوُجا گرِہ نظر کوئے نہ آئیا۔ اوتھے نہ کوئی شاستر نہ کوئی وِدیا نہ کوئی گیان نہ کوئی دھیان نہ کوئی اکھّر نہ کوئی رسنا نہ کوئی جِہوا نہ کوئی بتّی دند صالاح صِفت کردا، لِکھن پڑھن دا کھہڑا جائے چُھڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ سَتگُر موُرت دھریا دھیان اِک، جِس ایکنکار دِتی وڈیائیا۔ اوہ بِنا سُرتی بِنا شبد دی دھار دھار وِچ گیا ٹِک، من منسا نہ کوئے ہلکائیا۔ اوہ اُس دا بنیا پیارا تے اُس دا بنیا سِکھ، جِس نوُں گوبِند کہے میرا دُھر دا ماہیِا۔ اوہدا اِکو پرماتم تے اِکو پِت، پت پرمیشور وِچ سمائیا۔ واشنا وِشیاں والی لئے جِت، ہار دا لیکھا رہے نہ رائیا۔ جِس سَتگُر دے دھیان نوُں لاؤندے گئے کِت، کوٹن کوٹ اکھّیں میٹ موُدھے ہو کے ویکھ وکھائیا۔ اُس پربھوُ دا اُس صاحِب دا پروردِگار سانجھے یار بےعیب نوُر الاہ بے پرواہ پاربرہم پت پرمیشور دا روُپ جگت انڈِٹھ، جگ نیتر لوچن نیَن اکھّیِاں دو والے ویکھن کدے نہ پائیا۔ جِنہاں نوُں کِرپا کرے میرا دیِن دَیالا پُرکھ اکالا انتر آتم سچ پریِتی وِچ بخش کے ہِت، ہِتکاری ہو کے اپنا رنگ رنگائیا۔ اوہ سچ سوامی انترجامی گھٹ نِواسی پُرکھ ابناشی کایا مندر اندر وسے ہو ابناشی اچُت، چیتن سب نوُں دئے کرائیا۔ سَتگُر موُرت سدا سُہنجنی کرے رُت، جِس رُتڑی اپنے نال مہکائیا۔ بِنا پربھوُ دی کِرپا توں دھیان دھریا نہ جائے وِچ کایا بُت، کعبے سارے روون مارن دھاہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک پُرکھ اکالا دیِن

دَیالا دَیانِدھ ٹھاکر اِکو اِک اکھوائیا۔ سَتگُر موُرت سَتگُر صوُرت بڑی مُشکل لبھدی، لبھ لبھ تھکی جگت لوکائیا۔ اوہ کھیل اگمےّ ربّ دی، جو نوُر نوُرانہ دُھردرگاہیِا۔ اوہدی کوئی کایا نہیں وڈّے چھوٹے قد دی، قُدرت دا مالک اِک اکھوائیا۔ اوہ وڈّھیاں ٹُکیاں نہیں بدھّدی، قتل گاہ وِچ قتل نہ کوئے کرائیا۔ اوہ بُدھی نہیں کِسے شرم حیا لج دی، لجیا وِچ کدے نہ آئیا۔ اوہ جُگ چؤکڑی لکھّ چؤراسی اندر پھبدی، گھر گھر اندر ڈیرہ لائیا۔ اوہ بھری نام خُماری مدھ دی، مدُھر دُھن دئے سُنائیا۔ اوہ صوُرت بِن اُس دی کِرپا توں کِسے دے اندر جوت ہو نہ جگدی، جاگرت جوت نہ کوئے درسائیا۔ ایہہ سرِشٹی درِشٹی کلجُگ انتم صدی چؤدھویِں سارے ویکھو ساڈی اندروں بھری اگّ دی، ترِسنا اگن نہ کوئے بُجھائیا۔ من کلپنا جگت ترِسنا نؤ کھنڈ پرِتھمی ستّ دیِپ بھجّدی، بھجن بندگی وِچ من نہ کوئے ٹِکائیا۔ کِسے نوُں منزل مِلی نہیں اُپر شاہ رگ دی، نؤ دواریاں تھلّے سادھ سنت روون مارن دھاہیِا۔ ایہہ کھیل سوُرے سربگ دی، جو شہنشاہ اِک اکھوائیا۔ اوہ صوُرت اوسے ربّ دی، جِس دے نال گُرمُکھاں دی آتم پیار وِچ پھبدی، پریم وِچ بہہ کے اِکے گھر وِچ سوبھا پائیا۔ اوہ تُورت سُنے اُس دے شبد انادی ند دی، جو انحد ناد سُنائیا۔ جیہڑی دو جہاناں دی منزل چھڈے حد دی، حدوُد توں باہر ڈیرہ لائیا۔ اوتھے پوَن جگت سوگندھی نہیں کوئی وگدی، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا لئے مِلائیا۔ سَتگُر موُرت سب توں چنگی، چنگی جگت صِفتاں وِچ گائیا۔ کِسے نے باہر وکھائی نہیں کر کے ننگی، بِنا سَتگُروُ توں سَتگُر دا بھیوَ کوئے نہ پائیا۔ ایہہ لیکھا ایہہ دات بِنا بھگتی توں بِنا سَتگُر توں کِسے دواریوں مِلدی کدے نہیں منگی، دین والا نظر کوئے نہ آئیا۔ سارے تکّو کایا مندر اندر تُہاڈے پِچھے بہادر جنگی، جو دِوس رَین کرن لڑائیا۔ تُہانوُں جگت کامنا جگت واسنا سب نوُں دِتی تنگی، تنگدست ہوئے لوکائیا۔ جِنہاں دی تن وجوُد ماٹی خاک میرے سَتگُر نانک گُر گوبِند اپنے پریم پیار نال رنگی، رنگت دُھر دی دِتی چڑھائیا۔ اوتھے کریگا کی فرنگی، گُرمُکھ بَیٹھے ڈیرہ لائیا۔ جِنہاں دا تیج ودھنا وِچ وربھنڈی، برہمنڈ ویکھن دھیان لگائیا۔ وِشن برہما شِو تکّن گُروُ گوبِند دی سندھی، جو ماچھوُواڑے پُرکھ اکال نال کرائیا۔ بے شک ساری سرِشٹی دی آتما ہو جائے رنڈی، میرا سِکھ سُہاگی پربھوُ تیرا اِکو کنت دا کنت سب نوُں نظری آئیا۔ کرد جِناں چِر گوبِند دے شبد دی سریِر اندر کھڑگ کٹار پِھرے نہ چنڈی، چنڈالاں اندروں نہ باہر کڈھائیا۔ اوناں چِر سَتگُر موُرت

دھیان وِچ کدے نہ آوے بہُہ رنگی، سو بہُہ بِدھ اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سَتگُر موُرت اگمّ اگمّڑی، اگمّ بھیوَ کُھلائیا۔ جِس دی ہڈّ ماس ناڑی نہ کوئے چمڑی، چمّ درِشٹی وِچ نہ کدے سمائیا۔ نہ کوئی ماتا پِتا امی امڑی، جگت ناتا نہ کوئے رکھائیا۔ نہ کوئی قیِمت رکھائے پَیسا دھیلا دمڑی، ٹکیاں وِچ نہ ہٹّ وِکائیا۔ اوہ آد پُرکھ دی دھار کدے نہ جنم )دی(، جنم جنم سب دے سُپھل کرائیا۔ جِنہاں اُتے کِرپا کیِتی سَتگُر بھیوَ کُھلائے برہم دی، پاربرہم پربھ اپنا رنگ رنگائیا۔ اوہناں واسنا رہے نہ من دی، منوُآ اُٹھ نہ دہ دِش دھاہیِا۔ اوہناں دے اندر صوُرت آوے میرے اُس صاحِب سَتگُر گوبِند سوُرے چنّ دی، جِس چند سِتار دا نِشان صدی چنؤدھویں انت دینا مِٹائیا۔ اوہدی صوُرت ہونی انتم سِری بھگوان دی، جو سمبل بہہ کے اپنا کھیل کھِلائیا۔ اُس دی وڈیائی جن بھگتو گُرمُکھو ہونی دھنّ دھنّ دی، دھنّ دھنّ دھنّ کرے لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سچ دا مالک خلق دا خالق آد پُرکھ اپرمپر سوامی پاربرہم پت پرمیشور ایکنکار اِک اِکلّا وسنہارا سچکھنڈ سچ محلا، درگاہ ساچی مقامے حق جو ویکھنہارا لوک پرلوک دیِن دُنی ہرِجن ہربھگت گُرسِکھ آپ آپ آپ اپنی دَیا کمائیا۔