کتب خانہGranth 23 (Shahmukhi)

۱۰ اَسوُ شہنشاہی سمت اٹّھ اِنگلیَنڈ ووُلور ہیمپٹن سٹاف ۷۵ ڈنسٹ آل روڈ پرکاش سِنگھ دے گرِہ

پُرکھ اکال کہے ویکھ میرے جوت سروُپ، جوتی جاتے دھیان لگائیا۔ دو جہان میری دِشا کوُٹ، برہمنڈ کھنڈ پُری لوء آکاش پاتال گگن گگننتر سِمتاں وِچ سمائیا۔ میرا نظر نہ آوے کِسے رنگ ریکھ روُپ، چکر چِنھ کہن کوئے نہ پائیا۔ میرے آد انت دا دے نہ سکے کوئے ثبوُت، ثابت صوُرت نہ کوئے سمجھائیا۔ میَں شاہ شہانہ نؤجوانا مرد مردانہ سِری بھگوانا نِرگُن دھار محبوُب، مِہربان مِہربان مِہربان اکھوائیا۔ میرا سچکھنڈ دوار درگاہ ساچی مقامے حق حق عرش عروُج، عالیشان دا عالی جاہ اِکو نظری آئیا۔ میری نِرگُن دھار اِک منزل جِس دی سمجھے نہ کوئے حدوُد، حِصّہ ونڈ نہ کوئے ونڈائیا۔ چاروں کُنٹ سدا مؤجوُد، زِمیں اسماناں اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ شبد کہے سُن میری اگمّ دی دُھنی، انادی ہو کے دیاں جنائیا۔ میرا کھیل بہُہ بہُہ گُنی، گُنونتا اِک اکھوائیا۔ میرا مالک خالق اِک کُنی، کُل مالک بےپرواہیِا۔ جِس دی سمادھی نہیں وِچ کدے سنی، سُنّ سمادھ توں باہر میرا کھیل نظری آئیا۔ میرا روُپ رنگ جانے نہ کوئے وِچ دُنی، دو جہان میری وجدی رہے ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ وِشن کہے سُن میری لکشمی، لّچھن میرا سمجھ کِسے نہ آئیا۔

میرا کھیل آد جُگادی رسمی، حُکم ورتے بےپرواہیِا۔ میرا مالک نوُر نوُرانہ بِنا جِسمی، بے پرواہ وڈ وڈیائیا۔ جِس دی سب توں نِرالی قِسمی، بھیوَ ابھید نہ کوئے کُھلائیا۔ اوہ نظری آئے اِکو نیتر چشمی، سچ چشم کرے رُشنائیا۔ نِرگُن دھار دھار دا مِشنی، مِشن اپنا آپ پرگٹائیا۔ جِس دی مہما کِسے نہ لِکھنی، لیکھا انت نہ کوئے دِرڑائیا۔ کوئے نہ جانے میری اوہدی آیوُ کِتنی، انت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مارگ اِک اُپجائیا۔ برہما کہے سُن میری سُرستی، سرب دھیان لگائیا۔ دُھن ناد دی لےَ مستی، نام نِدھانا اِک گُن گائیا۔ جِس نے سانوُں بخشی ہستی، مِہربان مِہر نظر اُٹھائیا۔ اُس دی مہما کر جِس دی کھیل الکھ دی، لکھ سکے کوئے نہ رائیا۔ جھٹ سُرستی خوشی دے وِچ ہسدی، ہسّ کے سیِس نِوائیا۔ میَں وی دھار اوسے دے پرکاش دی، میَنوُں جنمے کوئے نہ مائیا۔ میَں اوسے دا حُکم واچدی، واچک ہو کے دھیان لگائیا۔ میَں وڈیائی کراں کی برہما اپنے باپ دی، پِتا پُرکھ اکال اگمّ اتھاہیِا۔ میَں اُس نوُں ویکھ کے تھر تھر کانپدی، بلہیِن بَل نہ کوئے دھرائیا۔ اُس نے میَنوُں اِک آواز سُنائی اپنے جاپ دی، پہلی دُھن راگ ناد توں باہر دِرڑائیا۔ سُرستی تُوں میَنوُں رہی الاپدی، دوُسر اوَر نہ کوئے چتُرائیا۔ میَں مستانی ہوئی کھیل ویکھ اُس دے راز دی، جِس رحمت سچ کمائیا۔ دُھن سُنی سوہنگ ساچے ناد دی، نِرگُن نِرگُن دِتی دِرڑائیا۔ برہما باقی کھیل ہونی سب بعد دی، ایس ویلے دوُجا نظر کوئے نہ آئیا۔ میری آشا اوسے دے وِچ جاگدی، جو جاگرت جوت کرے رُشنائیا۔ میری تمنّا بھری پریم وَیراگ دی، خوشیاں ڈھولے اِکو گائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ ورتائیا۔ شنکر کہے سُن دُھر دی دھار پاربتی، پربت چوٹیِاں توں باہر سُنائیا۔ کُچھ صِفت دسّ دُھر دے کملاپتی، پت پرمیشور بھیوَ کُھلائیا۔ آشا ترِسنا جِس دے نال تیری رتّی، ممتا اوَر نہ کوئے جنائیا۔ پاربتی جھٹ اُٹھ کے نَٹھی، قدم قدم نال بدلائیا۔ پھیر مُنہ دے بھار ڈھٹّھی، نیتر نیَناں نیِر وہائیا۔ میَں اِکو تکیا میرا شاہ سُلطانا مرد مردانہ پُرکھ اکالا جِس دی جوت اگمّی بتّی، نوُر نوُرانہ ڈگمگائیا۔ اُس دا سندیسہ میرے انتر آیا رتی، میری رت دی رت دِتی بدلائیا۔ اوسے دی دھار اوسے دا پیار اوسے دا نوُر اوسے دی بچّی، بچپن اوَر نہ کوئے رکھائیا۔ میَنوُں پریم وِچ شنکر پڑھائے پٹّی، تُوں میرا میَں تیرا راگ دِرڑائیا۔ جِس دے کولوں بھولے ناتھ تُوں سوہنگ دی کھٹّی کھٹی، کھٹکا اوَر رہیا نہ رائیا۔ میَں وی اوسے دا

در دوارا ٹپّی، گرِہ تکیا بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل سچّا ہرِ، سچ دا بھیوَ آپ چُکائیا۔ جوت کہے شبد چلائیے اگمّا راہ، رحمت سچ کمائیا۔ وِشنوُں لکشمی دیئیے صلاح، پردہ آپ اُٹھائیا۔ برہما سُرستی دیئیے سمجھا، بھیوَ ابھید آپ کُھلائیا۔ شنکر پاربتی لئیے نال رلا، وِچھوڑے وِچ وِچھڑ نہ جائیا۔ تِنّاں نوُں دئیے اگمّ صلاح، جِس دا مشورہ اوَر نہ کوئے پکائیا۔ اِشارہ دیئیے تھاؤں تھاں، تھننتر اِکو اِک وڈیائیا۔ اپنی بنت لئیے بنا، دوُسر سنگ نہ کوئے مِلائیا۔ اِنھاں دے اندر فُرنے دیئیے پُھرا، انُبھوَ اپنی کھیل کھِلائیا۔ سیوادار لئیے بنا، وفاداری وِچ ٹِکائیا۔ انتر آشا دیئیے بھڑکا، خواہش نال مِلائیا۔ پھیر سانوُں تِنّے سیِس دین جھُکا، تِنّاں دے تِنّ نال مِل کے وجےّ ودھائیا۔ مِہربان ہو کے تِنّاں دی جھولی ترےَگُن مایا دیئیے پا، رجو طمو ستو اپنے رنگ رنگائیا۔ پنج تت نال دیئیے مِلا، بخشش ہووے ایکا تھائنیا۔ پھیر سندیسہ دیئیے دِرڑا، دُھر فرمانا وڈ وڈیائیا۔ سب دے ناؤں دیئیے دھرا، سنساری بھنڈاری سنگھاری کھیل کھِلائیا۔ برہمے سرِشٹی دے اُپا، وِشنوُں رِزق دینا سبائیا۔ شنکر انتم لیکھا سب دا دینا مُکا، بچیا رہن کوئے نہ پائیا۔ سچکھنڈ دوارے متا لئیے پکا، بدلی کرے نہ کوئے رائیا۔ نالے گیِت گہر گمبھیِر دا سُنیئے نال چاء، چاؤ گھنیرا اِک وکھائیا۔ شبدی دھار جوت نِرنکار نوُں کِہا واہ واہ، واہوا تیری بےپرواہیِا۔ جھٹ وِشنوُں لیا اُٹھا، پاربتی شنکر نال لئے انگڑائیا۔ سُرستی لکشمی پکڑے بانہہ، ہلوُنا برہمے تائیں لگائیا۔ سُنو سندیسہ اگمّ اتھاہ، جو بِن رسنا جِہوا گائیا۔ سیِس جگدیِش لؤ جھُکا، نِو نِو لاگو پائیا۔ آد دا ڈھولا لؤ گا، جِس دا لیکھا لِکھت نہ کوئے سمجھائیا۔ سارے خوشی لؤ منا، منسا اوَر نہ کوئے بنائیا۔ سچکھنڈ دوارے اِکو جوت نوُر رُشنا، دوُجا اوَر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ وِشنوُں لکشمی گایا آد گیِت، ہتّھ پیشانی اُتے ٹِکائیا۔ تیری آد آد دی پریِت، انت انت تیرے وِچ سمائیا۔ تیرا حُکم تیری ریِت، ریِتیوان تیری وڈیائیا۔ تُوں صاحِب سدا اتیِت، ترےَبھوَن دھنی اِک اکھوائیا۔ نالے وِچھوڑے برہوں وِچ دوہاں نے ماری چیِک، کوُک کوُک سُنائیا۔ میرے مِہربانا ساڈی آشا سد منسا تیری ہووے اُمیِد، ترِسنا اوَر نہ کوئے بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، وِشنوُں لکشمی سیِس نِوائیا۔ برہما کہے سُرستی گا گوبِند، گہر گمبھیِر وڈیائیا۔ سُرستی کہے اوہ مالک سد بخشند، بخشنہار اکھوائیا۔ جِس دا سچ دوار

اگمّا پِنڈ، جیِو ونڈ نہ کوئے ونڈائیا۔ جِتھے سِتار وجےّ نہ کوئے کِنگ، تار سکے نہ کوئے ہِلائیا۔ اوہ مالک اِک مرگِند، مِہربان وڈ وڈیائیا۔ جو سب دی میٹے چِند، اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ پاربتی کہے سُن شنکر گائیے اِکو ڈھولا، جِس دی آواز سمجھ کوئے نہ پائیا۔ جو بِنا زبان توں جائے بولا، انبولت وِچ سمائیا۔ نالے واسطہ پائیے مِہربان کھیل کریں اُپر دھرنی دھرت دھوَل دھؤلا، پہلوں دھوُل اپنی لےَ بنائیا۔ ساڈے نال کر اِقرار قؤلا، کَول وِچوں جِس برہم لیا پرگٹائیا۔ جے تُوں پنج تت دِتے پوَن پانی کھیلے وِچ پوَنا، خاکی خاک رنگ رنگائیا۔ تیری کِرپا نال لکھّ چؤراسی نوُر جمّنا، وِشن برہما شِو چلے نہ کوئے چتُرائیا۔ تُوں مالک بننا گھڑنہار بھنّنا، سمرتھ اِک اکھوائیا۔ اسیں سب نے تیرا حُکم منّنا، نِو نِو لگیئے پائیا۔ آد انت تھر تھر کمبنا، سِر سکے نہ کوئے اُٹھائیا۔ تُوں سب دا بیڑا بنھنا، بھار اپنے کندھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد نہ کوئی ہرکھ سوگ رہے چِنتا غمنا، اِکو ایک ایک ٹیک تیری نظری آئیا۔

۱۰ اَسوُ شہنشاہی سمت اٹّھ اِنگلیَنڈ والسال لیمور ۲۳ کارل سٹریِٹ کیسر سنگھ دے گرِہ

ترےگُن کہے پنج تت ساڈا روُپ اپار، اپرمپر سوامی دِتی وڈیائیا۔ وِشن برہما شِو بنائے سیوادار، سیوا سچ سچ کمائیا۔ لکشمی سُرستی پاربتی ویکھے نیَن اُگھاڑ، چاروں کُنٹ دھیان لگائیا۔ کی کھیل نِرگُن نِرنکار، جوتی جاتا پُرکھ بِدھاتا کی اپنی کار کمائیا۔ جو اگمّ اتھاہ بے پرواہ بنیا آپ ٹھٹھیار، دوُسر سنگ نہ کوئے بنائیا۔ برہم ونتے فُرنا دِتا اپر اپار، اپرمپر سوامی دِتا دِرڑائیا۔ وِشنوُں نے کِہا کر نِمسکار، بِن ڈنڈاوت بندنا سیِس جھُکائیا۔ شنکر کِہا ہونا خبردار، آلس نِندرا وِچ نہ رائیا۔ تِنّے اِشٹ منّو سچّی سرکار، جِس دا روُپ رنگ بِن انُبھوَ درِشٹی نظر کِسے نہ آئیا۔ جو جوتی جاتا تُہاڈی جوت کرے اُجیار، نوُر نوُر وِچوں پرگٹائیا۔ وست امولک دیوے تھار، اگمّ اتھاہ آپ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ وِشن برہما شِو پُرکھ اکال دِتی انتر درِشٹ، واشنا اوَر نہ کوئے جنائیا۔ پاربرہم برہم توں پار پرے اپنا دسّیا گرِہست، سیج سُہنجنی سچکھنڈ نِرگُن نِرگُن نِرگُن آپ ہنڈھائیا۔

روُپ انوُپ دھر وشِشٹ، وِشیش اپنا آپ سمجھائیا۔ تِنّاں اِکو وار کھول کے درِشٹ، درِشٹی کون دِتا دِرڑائیا۔ میَں ٹانک میری نِرگُن دھار ہوئی جِست، آتم پرماتم ونڈ ونڈائیا۔ بِنا قلم شاہی توں نِراکھّر کیِتی لِکھت، کاتب نظر کوئے نہ آئیا۔ وِشن برہما شِو تکّن نال ہِمّت، حوصلہ اپنا اِک بندھائیا۔ نہ کوئی دِشا کوُٹ دِسے سِمت، نوُر نوُرانہ اِکو ڈگمگائیا۔ تِنّے بِرہوں وِچ کرن لگّے مِنّت، بِن نیَناں نیَناں نیِر وہائیا۔ پُرکھ اکالے ساڈے انتر آوے کوئے نہ چِنت، چِنتا رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ وِشن برہما شِو پربھ سماں بخشیا تھوڑا، گھڑی پل ونڈ نہ کوئے ونڈائیا۔ تُوں میرا میَں تیرا اِک سُنایا دوہرا، دوہری اپنی کل ورتائیا۔ پہلوں کھیل کھِلایا اندھ گھورا، پھیر نِرگُن نوُر چند کرے رُشنائیا۔ پھیر ہسّ کے کِہا روُپ انوُپ تکّو مورا، جِس دا چکّر چِنھ نظر کوئے نہ آئیا۔ تُہاڈا بھاگ ہووے متھورا، مستک ٹِکّے دھوُڑ رمائیا۔ سب دے اُتے حُکم ہووے جابر زورا، اپنا بل نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ وِشن برہما شِو کہن پربھ کِرپا کیِتی آپ، اپنی دَیا کمائیا۔ ساڈا بن کے مائی باپ، پِتا پُرکھ اکال گود اُٹھائیا۔ تُوں میرا میَں تیرا دسّ کے جاپ، سوہنگ ناد دِتا وجائیا۔ شبد شبدی تھاپن تھاپ، شبدی شبد دئے وڈیائیا۔ آپ اپنا بنا کے ساک، سجّن اِک اکھوائیا۔ ساڈا کھول کے پردہ تاک، نوُر دِتا چمکائیا۔ سانوُں پِچھلی اگمّی یاد رہی کوئی نہ واٹ، وقت ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا دئے مِلائیا۔ وِشن برہما شِو کہن کِرپا کیِتی ابناشی اچُت، چیتن اپنی دھار سمجھائیا۔ ساڈے انتر مؤلی رُت، خوشیاں وجّی ودھائیا۔ ساڈی نِگاہ وِچ آیا لکھّ چؤراسی بُت، بُتخانے دئے سمجھائیا۔ ایہہ نوُر نوُرانہ میرا لاڈلا سُت، جو آتم سب دے وِچ ٹِکائیا۔ وِشنوُں پھڑ ہلوُنیاں گُٹ، نیتر نیَن کُھلائیا۔ برہمے گیا تُٹھ، برہم دِتا سمجھائیا۔ شنکر لگا کے چوٹ، چوٹی چڑھ کے دِتا دِرڑائیا۔ تُہاڈی سب دی جھولی پاواں اپنی اگمّی جوت، جوتی جاتا آپ اکھوائیا۔ ترےَگُن مایا پنج تت تُہاڈی دھرم دی گوت، گنڈھ نِرگُن سرگُن آپ پوائیا۔ اگلا لیکھا ویکھو کوٹی کوٹ، گِنتی گنت نہ کوئے گِنائیا۔ کُچھ وِشن برہما شِو پئی سوچ، سوچ سوچ وِچ سمجھائیا۔ پُرکھ اکال اندروں کھولیا لوچ، نیَن دِتا کُھلائیا۔ میرا کھیل اگمّا بہُت، انگِنت میری بےپرواہیِا۔ نِرمل نوُر تکّو میری نِرگُن جوت، جوتی جاتا ڈگمگائیا۔ وِشن برہمے شِو پرکاش تکیا ہوئے بے

ہوش، اپنا آپ رہیا نہ رائیا۔ تِنّے ہوئے خاموش، شبدی دُھن نہ کوئے شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی وڈ وڈیائیا۔ وِشن برہما شِو کہن ساڈے اندر وجّی اگمّی تھپک، مارن والا نظر نہ آئیا۔ اسیں بھےَ وِچ تِنّے گئے تبھک، دھیِرج دھیِر نہ کوئے دھرائیا۔ جھٹ سَتگُر شبد تُوں میرا میَں تیرا سُنایا سبق، سوہنگ ناد دِتا دِرڑائیا۔ اساں نِگاہ بدلی ویکھیا پرت، پت پرمیشور نظری آئیا۔ نہ کوئی زِمیں اسمان نہ کوئی دھرت، منڈل منڈپ سوُریہ چند نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ وِشن برہما شِو کہن اسیں تکیا نال دھیان، بِن نیَناں نیَن اُٹھائیا۔ ساڈی جگہ بےمقام، بےمقام دِتا ٹِکائیا۔ ساڈے اندر دُھنی دِتا گان، انادی ناد وجائیا۔ جوتی جاتا بن بلوان، سوُربیِر اپنی کل پرگٹائیا۔ پرکاش کیِتا آپ مہان، صِفتی صِفت نہ کوئے صالاحیِا۔ اسیں تِنّے ہوئے حَیران، حَیرانی وِچ سیِس نِوائیا۔ ایہہ کی کھیل سِری بھگوان، بھگوَن اپنا لیکھا دے سمجھائیا۔ ساڈے تِنّاں دے اندر وجّی اِکو تان، دُھر دی تنک دِتی لگائیا۔ میَں سب دا جانی جان، جاننہار اِک اکھوائیا۔ تُساں سُننا اگمّی فُرمان، فُرنیاں توں باہر دِرڑائیا۔ تِنّاں نوُں بناواں پردھان، وِشن برہمے شِو دیاں وڈیائیا۔ وِشن آہ لےَ بھنڈارا مہان، اتوٹ اتُٹ ورتائیا۔ برہمے برہم دا لےَ دان، برہم ونتے دیاں سمجھائیا۔ چؤراسی لکھّ کر پروان، پرم پُرکھ آپ دِرڑائیا۔ شنکر ہو سوادھان، سوادھانی وِچ جنائیا۔ آہ لےَ شستر میرا مہان، جِس دا روُپ نظر کِسے نہ آئیا۔ جو اُپجے تیرے ستھر لتھے آن، بچیا رہن کوئے نہ پائیا۔ تُسیں تِنّے نؤجوان، جنم والی تُہاڈی اِکو آد مائیا۔ امرت رس دیاں پیِن کھان، ترِسنا اوَر نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ مِلائیا۔ وِشن برہما شِو کہن سانوُں انتر دِتا دِلاسا، مِہربان دَیا کمائیا۔ ساڈا بِنا بُلّاں توں نِکلیا ہاسا، خوشی خوشی وِچوں پرگٹائیا۔ اساں اِکٹّھی اِکو رکھی آسا، آسا پربھ دے اَگے ٹِکائیا۔ میرے مِہربانا سِری بھگوانا کِتھے کریئے کھیل تماشا، دھام نظر کوئے نہ آئیا۔ تُوں صاحِب پُرکھ ابناشا، سب تیری وڈ وڈیائیا۔ جھٹ نِرگُن دھار جنائی گاتھا، شبد اگمّ سُنائیا۔ آہ تکّو میرے فُرنے اندر بنے پرِتھمی آکاشا، گگن منڈل پُری لوء آکاش پاتال سوبھا پائیا۔ ہر گھٹ میرا ہووے واسا، واسطہ اپنے نال رکھائیا۔ تُساں میرے اُتے رکھنا بھرواسا، بھرم اوَر نہ کوئے جنائیا۔ میرا منڈل تُہاڈی پَینی راسا، لکھّ چؤراسی گوپی کاہن نچائیا۔ خوشیاں وِچ دیواں داتا، دانی ہو کے آپ

ورتائیا۔ میرا سب توں وڈّا کھاتہ، جِس دا انت کوئے نہ پائیا۔ نال سندیسہ دِتا میَں سب دا ہوواں پِتا ماتا، آتم روُپ بال سکھائیا۔ میرا ناؤں ہوئے جوتی جاتا، جاگرت جوت کراں رُشنائیا۔ جُگ چؤکڑی میری ساچی رہنی گاتھا، جِس نوُں سکے نہ کوئے بدلائیا۔ سوہنگ وست امولک واتھا، انمُل آپ ورتائیا۔ سَتجُگ تریتا دواپر چلنا راتھا، رتھواہی ہو کے کھیل کھِلائیا۔ تتاں اندر کرنا واسا، پنچم رنگ رنگائیا۔ اوتار کھیلنا کھیل آپ بہُہ بھاتا، نِرگُن سرگُن میل مِلائیا۔ پَیغمبر روُپ پرگٹاواں ہو سمراتھا، اپنی کل ورتائیا۔ گُروُآں دیواں داتا، اتوٹ اتُٹ جنائیا۔ نام کلمے سُناواں واکا، دُھر دا حُکم پرگٹائیا۔ سُن لےَ وِشنوُں بچن ساچا، سہج نال سُنائیا۔ میَں گھٹ گھٹ انتر ہوواں راچا، تُوں رِزق پہنچاؤنا تھاؤں تھائنیا۔ برہمے تیرا لیکھا اُتپاتا، اُتپتی تیرے ہتّھ پھڑائیا۔ برہم پاربرہم جوڑنا ناتا، بِدھاتا رہیا سمجھائیا۔ شنکر تیرا عجب تماشا، تماشبیِن بنے بےپرواہیِا۔ جو اُپجے سو کرنا ناسا، انت رہن کوئے نہ پائیا۔ برہمے جھٹ جوڑیا ہاتھا، مستک ہتّھاں نال چُھہائیا۔ بِن تیری کِرپا سب نوُں دِسے گھاٹا، بھرپوُر نظر کوئے نہ آئیا۔ میَں اِکو بینتی آکھاں، بِنا اکھّراں دیاں جنائیا۔ میرے مالک آد جُگاد سب دا ہونا راکھا، رکھک ہو کے ویکھ وکھائیا۔ پہلوں میَنوُں اپنا نام دے ساچا، برہمے جھولی اَگے ڈاہیِا۔ پُرکھ اکال کِہا ایہہ میری کِرپا بِنا نہ جائے واچا، واچک نظر کوئے نہ آئیا۔ جھٹ برہمے کِہا میرا تیرے نال ناتا، دوُجا سنگ نہ کوئے بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنا کھیل وکھائیا۔ پُرکھ اکال کِہا سُن برہمے میرا پاربرہم دا بھید، سہج نال جنائیا۔ تیری اِچھیا میری بِھچھیا بخشش کراں چارے وید، چارے کھانی چارے بانی چارے جُگ رنگ رنگائیا۔ بِن نیَناں لیَنا ویکھ، بِن اکھّراں دِتا دِرڑائیا۔ میرا اِکو اِشارہ اِکو ریکھ، اِکو منتر منتر سمجھائیا۔ پھیر تک اگمّا بھیکھ، بھیکھ اپنا دِتا وکھائیا۔ نہ کوئی مُچھ داہڑی نہ کیس، موُنڈ مُنڈایا تت نہ کوئے جنائیا۔ جوتی جاتا پُرکھ بِدھاتا اِک نریش، نر نرائن نوُر الاہیِا۔ جو وِشن برہما شِو اپنا کرے ہیت، ہِتکاری آپ اکھوائیا۔ درس دکھاوے نیتن نیت، نِرگُن اپنا پردہ لاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ وِشن برہما شِو تِنّے رہے جھُک، سیِس جگدیِش جھُکائیا۔ اندروں نِکلے تُوں میرا میَں تیرا تُک، دوُجی اوَر نہ کوئے پڑھائیا۔ جھٹ پُرکھ اکالے دیِن دَیالے تِنّاں نوُں گودی لیا چُک، اِکو رنگ دِتا رنگائیا۔ پِھر پھڑ ہلوُنے گُٹ، سہج نال سمجھائیا۔ ویکھیو تُہاڈے وِچ کدے نہ پَوے پُھٹ، پُھٹکل روُپ نہ کوئے

بنائیا۔ تُہانوُں تِنّاں نوُں بھنڈارا دِتا اتُٹ، میرے بِنا خالی نہ کوئے کرائیا۔ سَتجُگ تریتا دواپر کلجُگ تُہاڈی مؤلے رُت، اوتار پَیغمبر گُر میرا لیکھا جگت دین سمجھائیا۔ تُساں کھیل ویکھنے کایا ماٹی پنج تت بُت، تن وجوُد دھیان لگائیا۔ جھٹ وِشنوُں ہویا خوش، خوشحالی وِچ جنائیا۔ جھٹ برہمے لیا پُچھ، پربھ تیری کی بےپرواہیِا۔ جو میَں سرِشٹی کرنی اُتپت، لکھّ چؤراسی ونڈ ونڈائیا۔ کی لیکھا ہڈّ ماس ناڑی رتّ، رَکت بوُند سنگ کی بنائیا۔ جھٹ پُرکھ ابناشی دیِن دَیال کھیل دِتا دسّ، بھیوَ ابھیدا آپ جنائیا۔ برہمے اپنی پلٹ کے ویکھ اکھّ، پرتکھ دِسے بےپرواہیِا۔ جِس اپنی رچنا لئی رچ، رچنا رچ کے اپنی کھیل کھِلائیا۔ نٹوُآ ہو کے اندر جائے نچّ، گرِہ مندر اپنا بھیوَ چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ برہمے کِہا پربھوُ تیرا لیکھا بڑا اگنت، گِنتی وِچ کوئے نہ آئیا۔ میَں در تیرے دا منگت، بِھکھیا دُھر دی دینی پائیا۔ ہو نِمانا کراں مِنّت، نِو نِو لاگاں پائیا۔ میرے وِچ نہیں کوئی ہِمّت، پت پرمیشور تیری اِک سرنائیا۔ پُرکھ اکال کِہا برہمے میری تک اگمّی سِمت، جِس دی دِشا ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ برہمے نِگاہ ماری تھلّے اُتے، آشا اپنی آپ مِلائیا۔ کیِتا کھیل ابناشی اچُتے، پاربرہم پربھ پردہ دِتا اُٹھائیا۔ جِدھر تکّے پنج تت کایا بُتے، بُتخانیاں وِچ وسیا بےپرواہیِا۔ ہر گھٹ اندر بَیٹھا لُکے، آسن سِنگھاسن اِک سُہائیا۔ آتما پرماتما دی اِکو آواز تے اِکو تُکے، دُھن انادی اِک جنائیا۔ شبد بولے بِنا مُکھے، رسنا جِہوا نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ برہما کہے میَں جھٹ نِگاہ اپنی پرتی، پت پرمیشور دِتی وڈیائیا۔ میَنوُں نظری آئی دھرتی، جو پربھ چرنی بَیٹھی سیِس نِوائیا۔ پھیر میَں ویکھیا اُپر عرشی، عرشی پریِتم نوُر الاہیِا۔ جو سب دا نِدھ پرتی، برہما کہے وِشن شنکر رہیا سمجھائیا۔ ویکھو سب دی انتم چُکی جائے ارتھی، نِشانہ رہن کوئے نہ پائیا۔ آہ تِنّے لؤ میری دُھر دی پرچی، جو پراچیِن دا لیکھا تُہاڈے نال رکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم جنائیا۔ وِشنوُں کہے میَں اوہ اگمّی پرچی پڑھی، پُرکھ اکال دِتی سمجھائیا۔ سچ دوارا میرا اِکو گڑھی، دوُجا نظر کوئے نہ آئیا۔ جِتھے نِرگُن جوت نِراکار ہو کے دھری، سُتح اپنا پرکاش کرائیا۔ نہ اوہ جنمے نہ اوہ مری، آون جاون سمجھ کوئے نہ پائیا۔ جو کھیل کھیلے گھر گھری، سب نوُں دئے وڈیائیا۔ نِربھےَ ہوئے کدے نہ ڈری،

بھؤ اپنا اِک جنائیا۔ جِس دی سرن وِشنوُں پریِں، دھوُڑی خاک رمائیا۔ اوہ مالک اِکو وریِں، کنت سُہاگی اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پردہ آپ چُکائیا۔ وِشنوُں کہے میَں چِٹھی پڑھ کے واچی بِنا جِہوا، بُدھی نہ کوئے چتُرائیا۔ ڈنڈاوت وِچ کِہا کراں میَں سیوا، سیوک ہو کے سیو کمائیا۔ تُوں مالک میرا سچ دھام وسے نِہکیوا، نِہچل سوبھا پائیا۔ تیرا پدارتھ امیوں رس میوہ، رس سمجھ کِسے نہ آئیا۔ تُوں سب دا دیوی دیوا، دیوَ آتما تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، وِشنوُں نِو نِو لاگے پائیا۔ برہما کہے میَں اوہو پترکا کھولی، کاغذ ٹُکڑا نظر کوئے نہ آئیا۔ اوہ بِنا اکھّراں توں بولی، انبولت دا راگ جنائیا۔ برہمے اوہ تک لےَ لکھّ چؤراسی دی چولی، چولی اندر وڑیا بےپرواہیِا۔ جِس دی آتم دھار ہونی گولی، سِر سکے نہ کوئے اُٹھائیا۔ تُوں تھوڑی جِہی نِجھر دھار امرت بوُند سوانتی رکھ دے وِچ نابھ کؤلی، کوَل والیا کوَل نیَن تیَنوُں دئے وڈیائیا۔ پھیر دھرنی دی رُت جائے مؤلی، چارے کھانی سوبھا پائیا۔ برہمے آکھیا سہج نال ہؤلی، دھیِرج نال سُنائیا۔ چِٹھیئے میری دھارا اوسے توں گھول گھولی، گھولی گھول گھُمائیا۔ جھٹ اگلی سطر وِچ لِکھیا برہمے موُل نہ ڈولیں، دھیِرج دِتا دھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ چِٹھی کہے جِس ویلے میَنوُں شنکر پڑھدا، بِنا ورقیاں ورقہ اُلٹائیا۔ بھےَ وِچ بھجّا پِھرے ڈردا، نَٹھے واہو داہیِا۔ نالے ویکھے جگت جہان سڑدا، اگنی تت نہ کوئے بُجھائیا۔ نظارہ تکّے چوٹی جڑ دا، کی چیتن ونڈ ونڈائیا۔ پھیر بُتخانیاں ویکھیا تن وجوُد مردا، انت رہن کوئے نہ پائیا۔ پھیر نِگاہ ماری کی لیکھا جیہڑا اِنہاں نوُں گھڑدا، گھڑنہار کی وڈیائیا۔ چِٹھی دا لیکھ کہے میرے اُتے نہیں کوئی پردہ، پردہ پردیاں وِچوں چُکائیا۔ تُہاڈا روُپ سیوک سیوادار بردا، ساچی سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی اپنے ہتّھ رکھائیا۔ جھٹ سَتگُر شبد آیا بھجّا، شنکر دِتا ہِلائیا۔ سوُربیِر ہو کے گجّا، بھےَ وِچ رہیا ڈرائیا۔ اوہ تکّو سچکھنڈ دی جگہ، تھان تھننتر بِن نیتر دیاں وکھائیا۔ جِتھے نہ کوئی آکاش نہ بسُدھا، دھرنی روُپ نہ کوئے پرگٹائیا۔ اُس صاحِب دا حُکم سدا گُجھا، بےانت اوہدی اِک وڈیائیا۔ جِس نے تُہاڈے کولوں کھیل کھِلاؤنا کوٹن جُگا، جُگ چؤکڑی ونڈ ونڈائیا۔ اپنے نام دا دسےّ مُدّعا، مُطالعہ کرے برہمے دینا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل سچ

سچ وِچوں پرگٹائیا۔ سَتگُر شبد کِہا برہمے مار لےَ آہ، ہؤکا اوَر نہ کوئے رکھائیا۔ پُرکھ اکال تک ملاح، بیڑا دو جہان چلائیا۔ میری لےَ صلاح، بِنا سمجھ سمجھائیا۔ سُن لےَ دُھر دا ناں، ناؤں نِرنکارا دیاں دِرڑائیا۔ جِس دا نہ کوئی پِتا تے نہ کوئی ماں، جننی گود نہ کوئے سُہائیا۔ اوہ وست امولک تیرے انتر دیوے سوامی ہو کے پکڑے بانہہ، سِر اپنا ہتّھ ٹِکائیا۔ بھیوَ ابھیدا اچھل اچھیدا دئے جنا، جاننہار اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ سَتگُر شبد کِہا شنکرا اُٹھ بلہار، بچّوُ تَینوُں دیاں جنائیا۔ کھیل ویکھ اپر اپار، اپرمپر سوامی رہیا سمجھائیا۔ تُوں بننا برخوردار، بال بالے وجےّ ودھائیا۔ جو اُپجے سو دینا مار، تن ماٹی پنج تت رہن کوئے نہ پائیا۔ حُکم منّنا سدا جُگ چار، نِو نِو لگنا پائیا۔ تیرے اپنے نہیں کُچھ اختیار، مختیارنامہ تیرے ہتّھ پھڑائیا۔ سَتگُر شبد کِہا جِس ویلے چاہے تُہانوُں اپنے حُکم توں دئے اُتار، سد رہن کوئے نہ پائیا۔ تُساں تِنّاں رہنا ہوشیار، ہوشیاری وِچ آپ دِرڑائیا۔ جھٹ وِشن برہما شِو تِنّے رو پئے زارو زار، بِن نیَناں نیِر وہائیا۔ اسیں اوسے دے چاکر اوسے دے برخوردار، بخشش اوسے دی جھولی پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سچ سچ سَت اِکو روُپ درسائیا۔ سَتگُر شبد کِہا تِنّے کرو ارداس، بیننتی اِک جنائیا۔ پربھوُ تُوں وسنا ساڈے پاس، سدا سد ہونا آپ سہائیا۔ اسیں رہیئے سیوک تیرے داس، داسی داس روُپ پرگٹائیا۔ شنکر جھٹ اُٹھ کے کِہا میرے محبوُبا جو اُپجے سو کر دیواں ناس، بچیا رہن کوئے نہ پائیا۔ برہمے کِہا پاربرہم برہم تیرا ہوئے پرکاش، تیرا نوُر ظہوُر کراں رُشنائیا۔ وِشن کِہا میَں سب دا کھولاں تاک، بھنڈارا گھر گھر دیاں ورتائیا۔ سَتگُر شبد کِہا تُساں تِنّاں نے لیَنا بھاکھ، بھاکھیا اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سَتگُر شبد کِہا وِشن برہما شِو کملیو کُچھ لِکھا لؤ اپنا پٹا، حق اپنا لؤ بنائیا۔ کوٹن کوٹ جُگ ایَویں جائے ٹپّا، بھجےّ واہو داہیِا۔ تُسیں اپنا بنا لؤ کوئی سچّا متا، مشورہ میرے نال رکھائیا۔ جیہڑا چؤراسی دا کھیل رچنا پنج تتا، ترےَگُن مایا جوڑ جُڑائیا۔ اوہناں دے وِچ جے پُرکھ اکالا ہویا رچا، رچنا اپنی آپ دئے سمجھائیا۔ کی اوہنوُں کِس بِدھ دیوگے دھکاّ، اپنا بَل پرگٹائیا۔ اوہ سوُربیِر نؤجوانا مرد مردانہ سِری بھگوانا ہٹّا کٹّا، بِنا روُپ رنگ ریکھ توں بھجےّ واہو داہیِا۔ تُسیں اپنا خیال کرو اِکٹّھا، انتر ونڈ نہ کوئے ونڈائیا۔ میرا مالک محبوُب جدوں چاہے سرِشٹی نوُں کر

دیوے بٹا، زیِرو دا زیِرو انک بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِشن برہما شِو کہن سَتگُر شبد کرا دے لِکھت، لیکھ نظر کِسے نہ آئیا۔ اُس نے کِہا پہلاں تِنّاں دا ہووے اِکو اِشٹ، دوُجا اِشٹ نہ کوئے منائیا۔ جھٹ دُھر دی خبر آئی شبد اِنہاں نوُں دسّ میرا بھوِکھت، پیشیِن گوئیاں توں باہر جنائیا۔ اِکو وار جنا دے نؤ سؤ چُرانوے چؤکڑی جُگ دی میری اوتار پَیغمبراں گُروُآں دی نِکّی جِہی لِسٹ، فہرِست بِن اکھّراں دِتی بنائیا۔ ایس وِچ وِشن برہمے شِو نوُں لیَنا پویگا رِسک، سِر سکے نہ کوئے اُٹھائیا۔ سب نے اپنی منزل توں جانا تِلک، تِلکن بازی میری کھیل دینی سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے پُرکھ اکال رہیا دسّ، وِشن برہما شِو دیاں جنائیا۔ بِنا مُکھ توں رہیا ہسّ، مُسکراہٹاں وِچ وجےّ ودھائیا۔ بِنا نیَناں توں اِشارہ دیوے اکھّ، بِنا اکھّراں توں کرے پڑھائیا۔ میرا نوُر جوت پرکاش، نوُر نوُرانہ نظری آئیا۔ میَں اِکو شبدی شبد شبد دی دسّاں بات، باطن پردے آپ کُھلائیا۔ میرا سُننا اگمّی واک، جو واقع ورتے خلق خُدائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ پُرکھ اکال کہے سچ کرنی کار کماواں گا۔ وِشن برہما شِو آپ سمجھاواں گا۔ ترےَگُن لیکھا ویکھ وکھاواں گا۔ پنج تت پردہ آپے لاہواں گا۔ لکھ چؤراسی رنگ رنگاواں گا۔ چارے کھانی سوبھا پاواں گا۔ چارے بانی شبد الاواں گا۔ چارے وید برہمے سمجھاواں گا۔ سَتجُگ تریتا دواپر کلجُگ ونڈ ونڈاواں گا۔ تیئی اوتار نوُر جوت رُشناواں گا۔ پَیغمبراں دے پَیغام، کلمہ دُھر دا حق سُناواں گا۔ سَتگُروُ دے کے ستنام، فتح ڈنک ڈنک وجاواں گا۔ نؤ سؤ چُرانوے چؤکڑی جُگ کھیل کر وِچ جہان، وید پُران گیِتا گیان اِنجیِل قرآن شاستر گرنتھاں سوبھا پاواں گا۔ لہنا دینا ویکھاں جگت جہان، پُری لوء برہمنڈ کھنڈ پھول پھولاواں گا۔ چؤداں طبقاں جو دِتا دان، چؤداں لوکاں لیکھا ویکھ وکھاواں گا۔ نوُر تکاّں سوُریہ چند بھان، منڈل منڈپ پردہ لاہواں گا۔ جگت شبد دا ویکھاں گان، رسنا جِہوا پھول پھولاواں گا۔ وِشن برہما شِو یاد رکھنا انت سب دا لہنا چُکاواں آن، آناً فاناً اپنا ویس وٹاواں گا۔ جوتی جاتا ہو پردھان، جوت جوت جوت رُشناواں گا۔ جو جُگ چؤکڑی دیندا رہیا دان، تِنّاں دا لیکھا ویکھ وکھاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ وست امولک اِک ورتاواں گا۔ وِشن برہما شِو وست

امولک اِک ورتاواں گا۔ کایا گولک اِک بھراواں گا۔ شبد انادی ڈھولک آپ وجاواں گا۔ انبولت شبد سُناواں گا۔ دیِن دُنی دھن دؤلت پھول پھولاواں گا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ چُکاواں گا۔ دُھر پردہ آپ چُکائیگا۔ دیِن دَیال دَیا کمائیگا۔ وِشن برہمے شِو آپ اُٹھائیگا۔ سچ سندیسہ اِک سُنائیگا۔ جُگ چؤکڑی پندھ مُکائیگا۔ گُر اوتار پَیغمبر نال مِلائیگا۔ جوتی دھار سرب اُٹھائیگا۔ ایکا نوُر نوُر رُشنائیگا۔ نیڑا دوُر پندھ مُکائیگا۔ حاضر حضوُر درس دِکھائیگا۔ کلجُگ انتم پرگٹ ہو ضرور، نوَ نؤ چار دا ڈیرہ ڈھاہیگا۔ لیکھا ویکھے کوُڑو کوُڑ، کوُڑی کِریا پھول پھولائیگا۔ جن بھگتاں دے کے مستک دھوُڑ، ٹِکّے دُھر دے نام لگائےگا۔ چتُر سُگھڑ بنا کے موُرکھ موُڑھ، دُرمت میَل میَل دھواوئیگا۔ سب دی آسا منسا کرے پوُر، پیشیِن گوئیاں سب دیِاں لیکھے لائیگا۔ جوتی جاتا جلوہ گر اگمّا نوُر، نوُر نوُرانہ ڈگمگائیگا۔ جو سرب کلا بھرپوُر، بھانڈا بھرم بھؤ دیِن دُنی بھنّائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، وِشن برہما شِو سب دی سیوا کرے منظور، منسا منسا وِچوں ویکھ وکھاویگا۔

۱۱ اَسوُ شہنشاہی سمت اٹّھ اِنگلیَنڈ والس آل سٹاف ۶۵ کَیرنز سٹریِٹ اجمیر کؤر دے گرِہ

ترےگُن کہے سُن پربھوُ ترےَگُن اتیِتے، ترےَبھوَن دھنی دیاں جنائیا۔ جُگ چؤکڑی لوک مات بیِتے، کوٹن کوٹ اپنا پندھ مُکائیا۔ تیری نِرگُن سرگُن چلدی رہی رنتِے، تت وجوُد وجدی رہے ودھائیا۔ تیرے نام سندیسے سُنے میِٹھے، جو کلمے کائنات دِرڑائیا۔ شرع والے تپدے ویکھے انگیِٹھے، اگنی تکّی تھاؤں تھائنیا۔ سچکھنڈ نِواسی ذرا نِگاہ مار دھرنی اُتے نیِچے، اوُچ اگمّ اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ ترےَگُن کہے میرے صاحِب مِہربان مِہربانا، مِہربان تیری سرنائیا۔ نِگاہ مار زِمیں اسمانا، زِمیں زماں کھوج کھوجائیا۔ تُوں شہنشاہ شاہ سُلطانا، ہؤں درویش در تیرے الکھ جگائیا۔ پروردِگار میرے سِری بھگوانا، پاربرہم تیری سرنائیا۔ میرا کھیل تک جگت جہانا، لکھّ چُراسی پردہ آپ چُکائیا۔ میَں نِو نِو کراں سلاما، ڈنڈاوت بندنا وِچ

سیِس جھُکائیا۔ میرے محبوُبا وسنہارے اوُچ عروُجا نِرگُن دھار پہر کے بانا، باوَن دھاری میرا لیکھا ویکھ وکھائیا۔ جو سندیسہ دے کے گیا بِنا اکھّراں توں کاہنا، نِش اکھّر دھار دِرڑائیا۔ جو آشا رکھی بِنا سیِتا توں راما، رام راما ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا مالک اپنی دَیا کمائیا۔ ترےَگُن کہے میرے صاحِب سچ دھنی، وڈ دھناڈھ تیری وڈیائیا۔ مِہربان بیننتی میری اِکو منّی، عرض آرزو تیرے اَگے رکھائیا۔ سَت پرکاش دِسے نہ کوئے چنّی، چند سِتار رووے مارے دھاہیِا۔ تیری سرِشٹی درِشٹی وِچ ہوئی انّھی، نیتر لوچن نیَن اکھّ نہ کوئے کُھلائیا۔ میرے انتشکرن وِچ آئی غمی، غم خوار میرا پردہ دینا اُٹھائیا۔ اوہ تک پنجاں تتاں والے تنیِں، تن وجوُد ویکھ وکھائیا۔ تیرا کھیل تکیا آیوُ میری ہو گئی لمی، لمحہ لمحہ تیرا راہ تکائیا۔ میرے مالک خالق پرِتپالک میرا انتم بیڑا بنّیں، بنھنہار تیری وڈیائیا۔ اپنے حُکم نال میرے روُپ رنگ ریکھ نوُں ڈنّیں، تن وجوُداں دھیان لگائیا۔ کوُڑ کُڑیارے بھانڈے بھنّیں، گھڑن بھنّنہار تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا آپ سہائیا۔ ترےَگُن کہے پربھوُ میرا تیرے اَگے واسطہ، واستک دیاں جنائیا۔ تیرا کھیل تکیا آہستہ آہستہ، آستک توں ناستک ہُندی دِسے تیری لوکائیا۔ میَں چاہُندی تیرے پریم دا اِکو ہووے راستہ، رہبر اِکو دِسے دُھردرگاہیِا۔ تیری دھار وِچ تیرا پیار ہویا نِراستا، منسا پوُر نہ کوئے کرائیا۔ لیکھا ویکھ شنکر اُپر کَیلاش دا، کیشو اپنا بھیوَ کُھلائیا۔ کی برہما برہم دھاری آکھدا، پاربرہم کی دِرڑائیا۔ وِشنوُں وِشوَ کی واچدا، واچک ہو کے کی سمجھائیا۔ تُوں لیکھا جان کایا ماٹی کاچ دا، پنجاں تتاں بھیوَ رہے نہ رائیا۔ جِنہاں دے اندر منوُآ ناچدا، دہ دِشا اُٹھ اُٹھ بھجےّ واہو داہیِا۔ انت جھگڑا مِٹا دے کلجُگ اندھیری رات دا، رُتڑی اپنے نال مہکائیا۔ مُل پا دے گُروُ اوتار پَیغمبراں والی بات دا، جو باطن تیرا دھیان گئے لگائیا۔ جھگڑا مِٹا دے شرع والی جماعت دا، دیِن مذہب ونڈ نہ کوئے ونڈائیا۔ اکھّر سمجھا دے نِراکھّر والی لُغات دا، جِتھے الف یے سمجھ کوئے نہ آئیا۔ جھگڑا مِٹا دے نام کلمے بہُہ بھانت دا، اِکو حُکم دینا سمجھائیا۔ ترےَگُن کہے لیکھا رہے نہ پنجاں تتاں والی ذات دا، اِکو نوُر دینا چمکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، لیکھا مُکاؤنا جھگڑے والی کِتاب دا، جوتی جوت سروُپ ہرِ، آپ اپنی کِرپا کر، پوُرا کرنا پِچھلا ور، ور داتے تیری بےپرواہیِا۔ ترےَگُن کہے میری عمُر ویکھ ضعیفی، آیوُ سمجھ کِسے نہ آئیا۔

پنجاں تتاں والے تیرا ناں گاؤندے رہے تعریِفی، صِفتاں وِچ سرنائیا۔ تیری سمجھ نہ آئی کِسے باریِکی، بےانت کی تیری وڈ وڈیائیا۔ میَں نؤ سؤ چُرانوے چؤکڑی جُگ دی دسّاں تریِکی، تواریخاں توں باہر جنائیا۔ جو آد شنکر دِتی حدیِثی، برہمے کیِتی پڑھائیا۔ وِشنوُں جنائی ریِتی، پردہ آپ چُکائیا۔ سَت سچ کیِتی بخشیِشی، دھرم دھار ورتائیا۔ انتم سب دی اؤدھ دِسے بیِتی، اگلا لیکھا نظر کِسے نہ آئیا۔ ترےَگُن کہے میری کھیل سدا انڈیٹِھی، انڈِٹھڑے تیرے حُکم وِچ کمائیا۔ کلجُگ انتم تک لےَ پنجاں تتاں دی تپن والی انگیِٹھی، کلجُگ بھٹھیالا اگنی رہیا ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ ترےَگُن کہے پربھوُ ویکھ میَں تپدی، تپیِشر شانت نہ کوئے کرائیا۔ پنجاں تتاں والی ماٹی خاک جیہڑی تَینوُں جپدی، رسنا جِہوا ڈھولے گائیا۔ اوہ اندروں ونجارن ہوئی مایا سپّ دی، وِکھ امرت روُپ نہ کوئے بنائیا۔ تُوں کھیل کرنی اپنی حق دی، حقیِقت دے مالک ہونا سہائیا۔ میَں جُگ چؤکڑی تیرا راہ تکّدی، تقویٰ تیرے اُتے رکھائیا۔ تیری کھیل گھٹ گھٹ دی، گھٹ نِواسی آؤنا چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ پُرکھ اکال کہے ترےَگُن مایا میَں نِرگُن دھار آؤندا۔ جوتی جاتا جوت رُشناؤندا۔ نِرگُن نوُر نوُر چمکاؤندا۔ ظاہر ظہوُر بھیوَ کُھلاؤندا۔ اوتار پَیغمبر گُروُ گُردیو سرب اُٹھاؤندا۔ جِس بِدھ میرا لیکھا ہونا شُروُع، شرع شریِعت جگت وڈیاؤندا۔ اِکو سندیسہ دے کے شبد گُروُ، سَتگُر اِکو اِک درساؤندا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اِک اکھواؤندا۔ دُھر مالک اِک اکھوائیگا۔ دیِن دَیال دَیا کمائیگا۔ جوتی جاتا ڈگمگائیگا۔ شبد انادی ناد شنوائیگا۔ برہم برہمادی کھوج کُھجائیگا۔ بودھ اگادھی بھیوَ کُھلائیگا۔ جِس نے سرِشٹی ساجنا ساجی، ترےَگُن تیرا درد ونڈائیگا۔ کلجُگ انتم اُلٹا کے بازی، بازاں والا نال مِلائیگا۔ تُوں کملیئے سُتی جاگی، جاگرت جوت اِک رُشنائیگا۔ دُھر دا شبد بن انراگی، راگ تُریا توں باہر سُنائیگا۔ وِشن برہما شِو ہون وڈبھاگی، بھاگ تیرے پھول پھولائیگا۔ پنجاں تتاں دیوے سادھی، سادھناں اپنی اِک سمجھائےگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیگا۔ سچ حُکم اِک ورتاویگا۔ ترےَگُن تیرا لیکھا ویکھ وکھاویگا۔ وِشن برہما شِو نیتا نال مِلاویگا۔ جِنہاں نوُں تیرا آد توں دِتا ٹھیکا، پٹا سب دا پھول پھولاویگا۔ انتم سب نوُں کرا کے چیتا، چیتن

ستّا آپ سمجھاویگا۔ دو جہاناں بن کے نیتا، نِرگُن اپنا حُکم ورتاویگا۔ دھرم دھار دی تیری کر کے بھیٹا، بیٹا سَتگُر شبد سنگ نِبھاویگا۔ جو دُھردرگاہی کھیوٹ کھیٹا، نئیا جگت آپ چلاویگا۔ انتم سب دا پوُرا کرے لیکھا، لِکھت بھوِکھت پھول پھولاویگا۔ جھگڑا رہے نہ مُلّا شیخا، شاہ سُلطاناں آپ سمجھاویگا۔ اُٹھ ویکھ کلجُگ بدلدی جائے ریکھا، ریکھ اپنی اِک پرگٹاویگا۔ جِس دا حُکم ورتے دیس پردیسا، دو جہاناں آپ سُناویگا۔ جُگ پلٹنا جِس دا پیشہ، پیشیِن گوئیاں سب دیِاں پیشتر ویکھ وکھاویگا۔ جو آد جُگاد جُگ چؤکڑی رہے ہمیشہ، نِرگُن اپنا حُکم ورتاویگا۔ جِس دا سندیسہ دے کے گیا گوبِند دس دسمیسا، سو دہ دِشا اپنا ڈنک وجاویگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آتم پرماتم پرماتم آتم جِس دا آد انت دا اِک اُپدیشا، اُپنشداں توں باہر سمجھاویگا۔