کتب خانہGranth 23 (Shahmukhi)

۱۰ کتک شہنشاہی سمت اٹّھ کوَیت شہر گُروُدوارا نیگرا سالمیا وِکھے

شبد اگمّی انادی دُھن، چھتّی راگ جِس نوُں رہے گائیا۔ جِس دا بھیوَ جانے کوئے نہ رِکھ مُن، مُنیِشر جُگیِشر بَیٹھے سارے دھیان لگائیا۔ اوس دا لیکھا جانے اِکو پُرکھ اکالا دیِن دَیالا پروردِگار سانجھا یارا جو مالک کُن، کُل مالک نوُر الاہیِا۔ اوس نوُں گا سکے نال نہ کوئے بُل، سرون سُن کے سکے نہ کوئے سمجھائیا۔ اوس دی صِفت صلاح وڈیائی سدا انمُل، قیِمت جگت نہ کوئے جنائیا۔ جوتی جوت سروُپ ہرِ، آپ اپنی کِرپا کر، اپنی دُھن اپنے وِچوں آپ پرگٹائیا۔ شبدی دُھن اگمّ اپار، الکھ اگوچر اپنی آپ بنائیا۔ نہ کوئی لیکھا لِکھ کے انت کہہ سکے وِچ سنسار، سنساری بھنڈاری سنگھاری وِشن برہما شِو جِس نوُں سیِس نِوائیا۔ جِس سُنّ دے دُھن دے تیئی اوتار کُل مالک دا کلمہ حق دا حقیِقت سُنیا حضرت عیسیٰ موُسیٰ محمد اپنی الاہی وِچ گُفتار، گُفت شُنیِد دوویں درشن پائیا۔ اوسے شبد دی دھار وِچ پیار وِچ نانک نے وجائی سِتار، سَتگُر نانک تُوں ہی تُوں ہی تُوں ہی راگ الائیا۔ اوسے دی دُھن وِچ سَتگُر گوبِند گوبِند سِنگھ نے شبد دا کھنڈا برہمنڈاں توں پرے دِتا وکھال، خالقے خلق تیری دُھن دُھر دے مالک بے پرواہ اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ سُنائیا۔ دُھر دے دُھن دی آواز اگمّی، سرون سُنن کوئے نہ پائیا۔ کِسے تن وجوُد وِچوں کدے نہیں جمّی، جنم دین والی کوئے نہ مائیا۔ اوہ پِھردی نہیں دیِن دُنیا دے حد بنّیں، نؤ کھنڈ پرِتھمی ستّ دیِپ بھجےّ نہ واہو دہیا۔ اوہ کوئی کھیل نہیں سِتاریاں والی چنّ چنّی، سوُریہ منڈل ونڈ ونڈائیا۔ اوہ کوئی نیتر ہیِن نہیں انّھی، جگت جگیاسوُآں اپنا بھیوَ چُکائیا۔ اوہ بے پرواہ دی دھار جِس نوُں وجائے آپ نِرنکار، نِرگُن نِروَیر اپنا بھیوَ آپ چُکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دی دُھن دُھن اناد شبد اناحد نادی وِچوں پرے توں پرے پار سُنائیا۔ شبدی دُھن پرا پسنتی مدھم بَیکھری توں باہر، باہر

توں باہر بےپرواہیِا۔ جِس دا لیکھا کوئی نہ سمجھے گُپت ظاہر، ظاہر ظہوُر اِکو پُرکھ اکالا دیِن دَیالا اپنے وِچ سمائیا۔ جِس دا اِکو ناد اِکو وعدہ واحد ظاہر، ظاہر ظہوُر اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی دُھن اِک وکھائیا۔ ساچی دُھن انادی ناد، انحد ناد ناد وڈیائیا۔ جِس دا لیکھا آد جُگاد، جُگ چؤکڑی اپنی ونڈ ونڈائیا۔ جِس دی آواز وِچ برہماد، برہمنڈ کھنڈ پُری لوء آکاش پاتال گگن گگننتر زِمیں اسمان سُن کے سارے بِسمِل ہو کے سیِس نِوائیا۔ اوس دا روُپ انوُپ سمجھ سکے نہ کوئی سنت سادھ، پنج تت کایا وِچ بھیوَ کوئے نہ پائیا۔ جِس دے اندر پُرکھ اکال دیِن دَیال دِتی اوہ آواز، اوہ دُھن سُن سُن مُن دُھن رنگ اپنے وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ ساچی دُھن دا اگمّا راز، رازق رِزق رحیِم آپ جنائیندا۔ جِس دا دو جہاناں راج، شاہ پاتشاہ شہنشاہ بے پرواہ سچکھنڈ نِواسی پروردِگار سانجھا یار درگاہ ساچی سوبھا پائیندا۔ جِس دے ہتّھ آد جُگاد جُگ چؤکڑی سَتجُگ تریتا دواپرکلجُگ لکھّ چؤراسی جیِو جنت سب دی واگ، جو واگاں والا واگ اپنے ہتّھ بھوائیندا۔ جِس نوُں کہندے شاہ پاتشاہ مہاراج، مِہربان محبوُب اپنی کل ورتائیندا۔ اوس دی صِفت اوس دی صلاح اوسے دا حُکم اوسے دا راہ اوسے دی آواز اوسے دی دُھن اوہ سُننہارا بے پرواہ، بے پرواہی وِچ اپنی آواز لگائیا۔ جِس آواز نوُں سُن کے اوتار پَیغمبر گُروُآں کِہا واہ واہ، واہوا تیری بےپرواہیِا۔ تُوں ہی رام تُوں ہی کرِشن تُوں ہی االلہ حق خُدا، گاڈ تُوں ہی نظری آئیا۔ تُوں ہی نوُر نوُرانہ شاہ سُلطانا نؤجوانا مرد مردانہ سِری بھگوانا ایکنکارا نِرگُن سرگُن نانک گیا گا، گوبِند اوسے دا ڈھولا گائیا۔ جِس ویلے اوہ اگمّی دُھن ماچھوُواڑے گئی آ، گوبِند دے اندر سندیسہ دِتا چائیں چائنیا۔ سوُربیِر نؤجوانے اوہ ویکھ کلجُگ بھجّا پِھرے واہو داہ، اُتّر پوُرب پچھّم دکھّن اپنا پندھ مُکائیا۔ نِگاہ مار تھل اسگاہ، جنگل جوُہ اُجاڑ پہاڑ کھوج کھوجائیا۔ گوبِند نے ہسّ کے کِہا میرے شہنشاہ، میَں تیرا اِکو دوُلھا سوُربیِر جو تیرے نام دا کھنڈا کھڑگ دئے کھڑکا، دو جہان اِکو حُکم ورتائیا۔ جھٹ پُرکھ اکال نے اپنی دُھن پھیر دِتی سُنا، جِس دُھن نوُں جگت سُنن کوئے نہ پائیا۔ گوبِند اوہ ویکھ اندھ اندھیرا گیا چھا، سوُریہ چند ساچا چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی دُھن آپ اُپجائیا۔ گوبِند کہے تیری دُھن میرے اندر لائی سِک، میَں سچ وِچ سمائیا۔

میرے اندر بِنا لیکھیاں توں لیکھے دِتے لِکھ، قلم شاہی دی لوڑ رہے نہ رائیا۔ تیری دُھن دی مِلی اگمّی بِھکھ، جِس بِھچھیا نوُں ونڈن والا ہور جگت نہ کوئے ورتائیا۔ میَنوُں آد جُگاد جُگ چؤکڑی تیرا نوُر ظہوُر سدا رہے دِس، وِچھوڑا رہن کوئے نہ پائیا۔ تُوں پُرکھ اکالا ایکنکارا پروردِگارا سانجھا یار اِک، میَں تیرا سُت دُلارا نؤجوانا اِکو نظری آئیا۔ میَں چاہُندا تیری اِک دُھن وِچ میَنوُں اَیں لگدا ہِت، ہِتکاری ہو کے انتر ویکھ وکھائیا۔ میَں گُرسِکھاں دے انتر رہانگا نِت، نوِت اپنا پھیرا پائیا۔ آتم سیجا روھانگا لِٹ، میرا ہر سِکھ دے اندر پیار دا بِن بازوُ توں سِنگھاسن اِک سُہائیا۔ میرا جھگڑا نہیں پتّھر اِٹّ، پاہن ونڈ نہ کوئے ونڈائیا۔ میَں وسنا گھر نِج، ساڈھے تِنّ ہتّھ میرے گرِہ وجےّ ودھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک تیری دُھن دی سدا وجدی رہے ودھائیا۔ پُرکھ اکال کِہا گوبِند میری دُھن اگمّ اپار، اپرمپر ہو کے دیاں سُنائیا۔ جِس دا راہ تکّدے رہے تیئی اوتار، راما کرِشنا نِو نِو لاگے پائیا۔ موُسیٰ سُن کے تھوڑی جِہی ڈِگا مُنہ دے بھار، بَل اپنا آپ گوائیا۔ حضرت عیسیٰ پھاسی گل وِچ گیا ڈار، میری دُھن نال دُھن دُھن وِچ سمائیا۔ محمد چھڈ گیا چار یار، ناتا جگت نالوں مِٹائیا۔ سَتگُر نانک میری دُھن سُن کے گایا تُوں ہی تُوں ہی تُوں ہی نِرنکار، دوُجا نظر کوئے نہ آئیا۔ اوہو دُھن نانک نِرگُن نے سرگُن دھار وِچ انگد اندر دِتی واڑ، امرداس نوُں اوہو دِتی سُنائیا۔ اوہ امرداس نے رام داس دے گھر پیار واڑ، کایا مندر اندر بِن کنّاں توں دِتی ٹِکائیا۔ رام داس نے درگاہ سچ پُرکھ اکال اَگے کر نِمسکار، سَتگُر ارجن ارجن دا ناتا پُرکھ اکال، اوہ ہویا بودھ اگادھا بِدھاتے نال جُڑائیا۔ شبد آیا اندر ناداں دُھنی سُنی دُھن توں باہر، دُھن دا راگ دُھن وِچ چؤتھا انک شبد ہزارے دِتا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی دُھن اِک رکھائیا۔ سچ دی دُھن سَتگُر ارجن دِتی گوبِند، ہرگوبِند گوبِند بےپرواہیِا۔ جِس نوُں جھُکے کروڑ تیتیِسا سُرپت اِند، وِشن برہما شِو نِو نِو سیِس نِوائیا۔ جِس دے اندر نہ کوئی ہرکھ نہ کوئی سوگ نہ کوئی چِنت، غم وِچ غم خوار ملِے بےپرواہیِا۔ بھاگ لگّا اوسے جیؤ پِنڈ، ساڈھے تِنّ ہتّھ کایا پنج تت وجّی ودھائیا۔ امرت دھارا وگی ساگر سِندھ، گہر گمبھیِر بے نظیِر دِتی ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی دُھن اپنی اِک پرگٹائیا۔ ساچی دُھن سُنی ہررائے، ہرِ ہرِ وِچ سمائیا۔ ہرکرِشن گیا گائے، بھیوَ ابھیدا اِک جنائیا۔ گُروُ تیغبہادر سُن کے ہِند

دا دھرم گیا بچائے، آپ آپا کھیل کھِلائیا۔ دُھر دی دُھن نال گوبِند سوُرا اُٹھیا نؤجوانا جو سب دے سیِس تے ہتّھ ٹِکائے، چار ورناں اِکو رنگ رنگائیا۔ پِتا پُرکھ اکال اِکو منائے، دوُجی اوٹ نہ کوئے تکائیا۔ سُنی دُھن اندر چڑھیا چائے، چاؤ گھنیرے وجّی ودھائیا۔ اوسے دُھن دے پیار وِچ گُرمُکھ جٹّ جھیِور چِھیمبے نائی اِکٹّھے کرائے، اِکو رنگ رنگائیا۔ اوسے دی دُھن وِچ امرت دُھر دا جام لیائے، بھر باٹیاں نال پیائیا۔ اوسے دُھن وِچ پنتھ خالصہ رچن رچائے، گُرمُکھ سُہیلے رنگ رنگائیا۔ اوسے دی دُھن وِچ آپ اپنی جھولی ڈاہے، گُرمُکھ گُرسِکھ سِنگھ شیر روُپ بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی دُھن اپنے ہتّھ رکھائیا۔ سچ دی دُھن شبد انادی، برہمانڈ کھیل کھِلائیا۔ جِس دا روُپ اناد انادی، جُگ چؤکڑی اپنا حُکم سُنائیا۔ گُرمُکھو گُرسِکھو اُس دُھن نوُں سُنن دی سَتگُر گوبِند دے کولوں ہُن واری آ گئی تُہاڈی، اوسے دُھن وِچ جاؤ سمائیا۔ جِس دی آواز چؤراسی لکھّ نالوں ڈاڈھی، ڈاڈھا اپنا حُکم ورتائیا۔ جِنہاں دی سُرت اندروں ہووے جاگی، اوہ سُرت شبد نال مِل کے میلا ویکھنا بےپرواہیِا۔ اوہ گھر تکّنا جِتھے آتما پرماتما دی ہووے شادی، دوویں مِل کے اِکو سیجا سوبھا پائیا۔ ساچی دُھن اُس پُرکھ اکال دی نانک گوبِند گوبِند نانک شبد دھار توں بِنا کِسے نہ لادھی، لبھن والا دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی صِفت سچ دی صلاح سچ دا داتا سچ دا مالک بے پرواہ، جِس دی دُھن دُھن آتمک راگ وِچ وَیراگ وِچ تیاگ وِچ جاگ وِچ اوہدیاں بھگتاں سنتاں صوُفیاں فقیِراں نانک دھار نال مِل کے نانک نانک نان وِچ گائیا۔

۱۳ کتک شہنشاہی سمت اٹّھ کوَیت شہر اجیِت سِنگھ دے گرِہ

سنت منی سِنگھ کہے میری نِمسکار نِمسکار نِمسکار، نمستے وِچ سیِس جھُکائیا۔ تیرا کھیل ویکھ سچّی سرکار، شاہ پاتشاہ تیری تکاّں بےپرواہیِا۔ تُوں بےعیب پروردِگار، نوُر نوُرانہ اِک الاہیِا۔ میَں تیرا خِدمتگار، جگ ساچی کار کمائیا۔ ناتا توڑ کوُڑ سنسار، چرن سرن لئی سرنائیا۔ بن کے در بِھکھار، بِھکھیا منگی چائیں چائنیا۔ توڑ کے جگت ہنکار، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ سنت منی سِنگھ کہے میرے صاحِب سَتگُر دَیالوُ، دَیاوان دے جنائیا۔ تیرا

جلوہ نوُر جمالوُ، ظاہر ظہوُر اِک اکھوائیا۔ تُوں صاحِب بخشند کِرپالوُ، کِرپا نِدھان تیری وڈیائیا۔ دسّ کلجُگ انتم کوَن سمبھالوُ، سمبل کیہڑا گرِہ سوبھا پائیا۔ کِس بِدھ تیرا کھیل ہووے چالوُ، چال نِرالی دے جنائیا۔ میَنوُں بھیوَ دسّ دے جو اِشارہ دِتا نانک پِتا کالوُ، ترِپتا نوُں سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ سنت منی سِنگھ کہے میَں تیرا حُکم تکدا سخت، سختی وِچ نظری آئیا۔ میَں پریم دی کراں مُشّقت، جیل اندر تیرا دھیان لگائیا۔ پربھوُ میری کمائی وِچ پاؤنی برکت، وست اگمّ وِچ ٹِکائیا۔ تیری کِسے نال نہیں شرَکت، لاشریِک تیری سرنائیا۔ تیرا نوُر نوُرانہ ہووے درشک، آدرش اپنا دینا سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ سنت منی سِنگھ کہے میَں تکاّں چارے کوُٹ، بِن نیَناں نیَن اُٹھائیا۔ دیِن دُنیا دِسدی جھوُٹھ، سگلا سنگ نہ کوئے بنائیا۔ اِکو پُرکھ اکالے دیِن دَیالے تیری اوٹ، اِکو تیرے در تے سیِس نِوائیا۔ میَں تیرا پرکاش تکّنا نِرگُن جوت، جوتی جاتے ویکھ وکھائیا۔ کِرپا کر کے بُدھی توں پرے بخشیں سوچ، جگت سمجھ دی لوڑ رہے نہ رائیا۔ پریم بھنڈارا دئیں اتوٹ، اتُٹ دینا ورتائیا۔ تیرا کھیل ہونا لوک پرلوک، دو جہان ویکھن نیَن اُٹھائیا۔ جیہڑا شبدی دھار میَنوُں دسّیا سلوک، سوہنگ ڈھولا دِتا سمجھائیا۔ میَں ایسے دی ماناں مؤج، مجلس تیرے نال رکھائیا۔ تُوں میرا پریِتم چوج، چوجی پریِتم اِکو نظری آئیا۔ میَنوُں باہروں کرنی پئے نہ کھوج، کھوجت کھوجت کھوجت ہو بَیراگن روُپ نہ کوئے دھرائیا۔ بے شک میَنوُں طعنے دیندے لوک، سرِشٹی دُنیا کہے شؤدائیا۔ اِک بچن میَں سُناواں ٹھوک، غُصّہ گِلہ پربھوُ نہ لیَنا رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ منی سِنگھ کہے میَنوُں دسّ بھیت اِک تُک دا، میری تاثیِر دِتی بدلائیا۔ کیوں تتاں والے گُروُ پِھریں لُکدا ، پلّوُ جگت نالوں چُھڈائیا۔ کیوں روُپ دھریا مانَس مانُکھ دا، ترےَگُن ویکھ وکھائیا۔ کُچھ بھیوَ دسّ دے اپنی رُت دا، کِس بِدھ رُتڑی دئیں مہکائیا۔ میَں نظارہ تکّنا تیرے دُلارے سُت دا، جِس گوبِند نوُں جنمے کوئے نہ مائیا۔ میَں کوٹن وار بِنا کٹاکش توں جھُکدا، نِو نِو لاگا پائیا۔ جے جگت دی ریِتی پُچھے میَں اِک دِن کٹیا نہیں سُکھ دا، سُکھ تن سریِر نظر کوئے نہ آئیا۔ انتم پیَنڈا جاندا مُکدا، پندھ اپنا پندھ مُکائیا۔ میرے اندر تیرا شبد شیر ہو کے بُکدا، شیر شیرا اِکو نظری آئیا۔ جو سب نوُں پِھرے لُٹدا، لُٹیرا ہو کے بھجےّ واہو داہیِا۔ میَں

ونجارا اوسے دے امرت گھُٹ دا، جو نِجھر رس دئے جھِرائیا۔ سچ دسّ کِس بِدھ لیکھا پوُرا کرنا انتم کلجُگ دا، نؤ سؤ چُرانوے چؤکڑی جُگ تیرا دھیان لگائیا۔ کِس بِدھ جھگڑا ہونا من مت بُدھ دا، انتر آتم پرماتم تیری سمجھ کوئے نہ پائیا۔ نالے بُڈھا خوشیاں دے وِچ کُددا، منی سِنگھ اپنی لئے انگڑائیا۔ پھیر سجےّ ہتّھ دا نہؤں دنداں نال ٹُکدا، ٹُک ٹُک کے حِصّے پنج کرائیا۔ پھیر اِشارہ کیِتا اپنے سجےّ ہتّھ دے گُٹ دا، زور نال دبائیا۔ میرا ہُن انتم سماں پُجدا، تیری پوُجا وِچ اپنا جھٹ لنگھائیا۔ میری اِک بیننتی میرا آتم دیِوا کدے نہ ہووے بُجھدا، تیرے نال جوت رُشنائیا۔ تیرا بھیوَ انوکھا گُجھ دا، پردہ سکے نہ کوئے اُٹھائیا۔ میرا تن ونجارا ہونا انتم لکّڑی وُڈ دا، دوُجا سنگی سنگ نہ کوئے رکھائیا۔ پر یاد رکھیِں، جِس ویلے حضرت عیسیٰ سماں سُہایا مارنِنگ گُڈ دا، گاڈ اپنا رنگ رنگائیا۔ کُچھ لیکھا لہنا دینا پوُرا کرنا بَل باوَن والی فوُڈ دا، بھیوَ ابھید چُکائیا۔ تیرا سندیسہ شبد ہونا اگمّی دوُت دا، دو جہاناں حُکم ورتائیا۔ تیرا کھیل تکّنا کوُچ دا، چلنا چائیں چائنیا۔ تیرا لیکھا منزل حق مقصوُد دا، محمد بَیٹھا راہ تکائیا۔ میرا حِساب کِتاب مؤجوُد دا، مؤجوُدہ ہو کے دینا چُکائیا۔ لیکھا تک لےَ ہزارا دروُد دا، اِسم بصری نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ سنت منی سِنگھ اپنیِاں اُنگلاں لئیاں مروڑ، پنجہ پنجاں نال دبائیا۔ میرے صاحِب سوامی انترجامی تَینوُں پنجاں دی پَینی لوڑ، میرا پنجہ قلم والا دئے گواہیِا۔ تُوں شاہ سوار چڑھنا شبد گھوڑ، تن راکی خاکی نظر کوئے نہ آئیا۔ جو اوتار پَیغمبر گُر لیکھا پوُرا کر کے گئے مڑھی گور، مقبریاں وِچ تن رکھائیا۔ اوہناں دی جوتی دھار ہرِ نِرنکار اپنے نال لیَنی تور، تُرت اپنا کھیل کھِلائیا۔ میری بیننتی ہتّھ جوڑ، نمو کہہ کے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا سچ دا ور، سچ تیرا کھیل ویکھ وکھائیا۔ سنت منی سِنگھ کہے پربھوُ کی تیرا ایہہ دستُور، سَتگُر داتے دینا سمجھائیا۔ کیوں جگت سزا دیویں بِنا قصوُر، جو سنت بھگت تیرا نام دِھیائیا۔ اوہ تیری پریِتی وِچ تیرا منگدے نوُر، تیرا ظہوُر ویکھن چائیں چائنیا۔ مستک لاؤنی چاہُندے دھوُڑ، دھوُڑی ٹِکّے خاک رمائیا۔ کیوں اوہناں نوُں طعنے مارن موُرکھ موُڑھ، مُگدھ دین سزائیا۔ میری اِک بیننتی جن بھگتاں اُتے کِرپا کردا رہیِں ضرور، مِہربان مِہر نظر اُٹھائیا۔ ایہو آشا رکھی موُسیٰ اُتے کوہ طوُر، تُریا توں باہر تیرا راہ تکائیا۔ حضرت عیسیٰ تیرا کیِتا شعوُر، شُکریئے وِچ شُکرانہ تیرا گیا گائیا۔ محمد حمد وِچ تیرا وصل کرے منظور، اصل

لیکھا دینا چُکائیا۔ پر میَنوُں ایہہ کھیل وکھاؤنا ضرور، ضرورت تیرے اَگے ٹِکائیا۔ جوتی جوت سروُپ ہرِ، آپ اپنی کِرپا کر، مِہربان مِہربان مِہربان سِر میرے ہتّھ رکھائیا۔ جھٹ منی سِنگھ قلم نال اپنے سیِنے تے ماریِاں ستّ لیِکاں، ستّ وار سسّا تے ستّ وار ہاہا لِکھ کے دِتا وکھائیا۔ تیرے وِچ حق تؤفیِقا، مِہربان تیری وڈیائیا۔ باوَن باوَن دھار میَں تیریِاں کراں اُڈیِکاں، پنج دو دا انک جوڑ جُڑائیا۔ تُوں صاحِب لاشریِکا، مالک کُل تیری وڈیائیا۔ تُوں میریِاں پوُریِاں کرنیاں وصّیتاں، جو لِکھ لِکھ کے لیکھے تیرے بنائیا۔ تیریِاں جگ توں وکھّریِاں ہونیاں ریِتاں، تیرا رہبر اگمّ اتھاہیِا۔ تُوں جھگڑا مُکاؤنا مندر مسیِتاں، کعبیاں ہونا آپ سہائیا۔ پر یاد رکھیِں ستّ گُرمُکھ تیرے نال میریِاں کرن تصدیِقاں، شہادت شبد گُروُ بُھگتائیا۔ بیِس دِن میَں جو چکّی دا پیِسن پیِسا، اندروں ناتا تیرے نالوں تُڑائیا۔ ایس دا لیکھا ارجن لِکھن لگّا سی وِچ گیِتا، جیہڑے ویلے کرِشن کرِشن کرِشن وِچ مِل کے گیا سُنائیا۔ جھٹ کاہن نے کِہا کاہن تیرا سماں تیرے نال بیِتا، اَگے میری بےپرواہیِا۔ اوس ویلے کرِشن نے ستّاں اُنگلاں نال اپنی اَگوں پاڑی قمیِضا، اُنگلاں ڈھائی ڈھائی لمبائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ سنت منی سِنگھ کہے میَں جیل وِچ رہیا بند، بندیخانے خوشی منائیا۔ ماندا رہیا انند، انند انند وِچوں پرگٹائیا۔ اِک دِن میَنوُں ہسّ کے کہے تارا چند، سَتگُر دے چند کُچھ سانوُں دے سمجھائیا۔ میَں خوشی وِچ کِہا میرے مالک دا سماں رہیا لنگھ، بھجےّ واہو داہیِا۔ اوہ تکّو جِس دا قؤل گوبِند نال پُری انند، انند دا مالک اِک اکھوائیا۔ اوہ سمبل سیج سُہائے پلنگ، آسن ابناشن اِک لگائیا۔ جِس دی منزل دا جانے کوئے نہ پندھ، اوتار پَیغمبر گُر انت کہن کوئے نہ پائیا۔ اوہ میرا صاحِب دَیالوُ بخشند، بخشش وِچ وڈیائیا۔ کملیو تُسیں ایَویں نہ پاؤ ڈنڈ، منڈلاں اُپر دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ منی سِنگھ کہے میَنوُں اندر وجّا دھکاّ، شبدی شبد نال ہِلائیا۔ سادھا سَت وِچ ہو جا پکاّ، اڈول نال مِل کے اڈول نظری آئیا۔ جِس لیکھا چُکاؤنا مدیِنہ مکّہ، کعبیاں ویکھ وکھائیا۔ اوس لہنا دینا پوُرا کرنا بوُرا ککاّ، عیسیٰ نیَناں راہ تکائیا۔ جِس نوُں پروردِگار کہندے یکا، واحد نوُر الاہیِا۔ اوس دا لیکھا کوئی نہ جانے چوُنکہ چُنا چحہ البتا، عالم فاضل سمجھ کوئے نہ پائیا۔ جِس دا گوبِند ڈنک وجایا فتحا، اوہ فاتحہ پڑھے سرب لوکائیا۔ جِس نے کلجُگ کوُڑی کِریا کرنی ہتّا، ہّتک اپنی سمجھے موُل نہ

رائیا۔ اوس دا اِکو ٹِکانا تے اِکو پتہ، پت پرمیشور سچکھنڈ وسے دُھر دا ماہیِا۔ انتم اُس دا جوت شبد دی دھار جن بھگتاں نال ہونا متا، جگت دی مت کمّ کِسے نہ آئیا۔ اِکو حُکم دی ہونی سَتا، سَت ستوادی برہم برہمادی شبد انادی اپنا حُکم ورتائیا۔ پر یاد رکھیِں تارے چنّ اُس نے سمُند ساگراں جھولی پاؤنا اِک اِک ٹکا، لکھّ بتالی ترِسنا ترِپت کرائیا۔ جِس دا نوُر پرکاش لٹ لٹا، دو جہاناں سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سنت منی سِنگھ کہے میَنوُں جیل وِچ آ کے مِلیا سنگروُر، ہتّھ سیِنے اُتے ٹِکائیا۔ غُصّے وِچ کِہا سادھا دسّ پیَنڈا نیڑے کے دوُر، پاندھی پندھ کوَن وکھائیا۔ میَں سَتگُر سچ کہ کوُڑ، پردہ دے اُٹھائیا۔ میَں چتُر سُگھڑ کہ موُڑھ، کہ موُرکھ وڈ وڈیائیا۔ سنت منی سِنگھ کہے میَں رو کے کِہا تیرا بھیوَ کی جانا میَں تیرا مزدوُر، سیوا وِچ سیو کمائیا۔ جُگ چؤکڑی اوہ روندے گئے جِنہاں مذہباں دا پایا فتُور، کلمے ڈھولے نام گیِت جگ وِچ گائیا۔ میَنوُں اِکو دِسدا تُوں آد پُرکھ اپرمپر تیرا نوُر، جلوہ گر الاہیِا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ سنت منی سِنگھ کہے میَنوُں پھڑ کے شبد وِچ کُٹیا، تن وجوُد بھنّ وکھائیا۔ پھیر دھکاّ مار کے گودی وِچوں سُٹیا، پرھاں دِتا سُٹائیا۔ پھیر پھڑ کے کیِتا پُٹھیا، زِمیں اُتے لِٹائیا۔ پھیر ہو کے غُصّے وِچوں غُصّیا، اپنا روُپ لیا وٹائیا۔ پھیر بولیا بِنا بُلاں تے بُٹیا، شبدی شبد جنائیا۔ منی سِنگھ ویکھ لےَ شیرسِنگھ دا سریِر چُھٹیا، تن وجوُد مِٹّی خاک نظر کوئے نہ آئیا۔ میرا نوُر جوت سروُپیا، جوت جوت جوت وجےّ ودھائیا۔ میَں بننا شاہو بھوُپیا، شہنشاہ اِک اکھوائیا۔ نؤ کھنڈ پرِتھمی پِھرنا ستّاں دیِپاں کوُٹیا، بھجّنا واہو داہیِا۔ جھٹ منی سِنگھ کہے میَں اِشارے نال تکیا پَیریں جوڑا نہ جوُتیا، چرن کوَل نظر کوئے نہ آئیا۔ سریِر دِسیا نہ پنج بھوُتیا، میری حَیرانی وِچ دُہائیا۔ میرا انتر بڑا دُکھیا، دُکھ وِچ کُرلائیا۔ کِدھر گیا میرا صاحِب اچُتیا، پرمیشور سخا سخائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ سنت منی سِنگھ کہے پھیر چڑھ کے میری اُتے چھاتی، چھتردھاری سارے دِتے مُکائیا۔ اِک خبر اگمّی آکھی، بِن اکھّراں دِتی سُنائیا۔ اُٹھ تک لےَ میری ساکھی، جِس دی قیِمت نہ اجے لِکھائیا۔ سادھا میرے کول میرے حُکم دی بڑی باقی، جِس دا انت کِسے نہ پائیا۔ تَینوُں تھوڑی جِہی وکھائی جھاکی، پردہ اپنا آپ اُٹھائیا۔ میَں سب دا کملاپاتی، پت پرمیشور بےپرواہیِا۔ ایہہ درس دِتا سی اُنی سؤ اٹھاراں عیسوی ایسے کتّک

رَین دی راتی، رُتڑی اپنے رنگ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ مِلائیا۔ سنت منی سِنگھ کہے میَں ویکھیا زِمیں اُتے فرش، نیَن موُند بِگسائیا۔ نالے ہسّ کے کِہا میری تیرے نال لگّی شرط، شرطیہ شرط بنائیا۔ کی تُوں جوت سروُپ آوینگا پرت، پت پرمیشور روُپ وکھائیا۔ جھٹ حُکم ہویا ایہہ سندیسہ دِتا سی رام نے بھرت، جدوں ایُدھیا بِنا یُدھ تجائیا۔ ارجن نے کیِتی عرض، کرِشن اَگے سیِس جھُکائیا۔ اُنھ ہسّ کے کِہا میرا کاہن ونڈیگا درد، دُکھیِاں دُکھ گوائیا۔ جِس دی شبد ہوویگی گرج، بھبک اِکو نام پرگٹائیا۔ سوُربیِر مردانہ ہووےگا مرد، بےعیب نوُر الاہیِا۔ جِس نے شرع چُھری میٹنی کرد، قاتل مقتُول دا پندھ مُکائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ منی سِنگھ کہے میَنوُں اِک دِن غُصّے وِچ ماریا آن کے دبکا، بھےَ وِچ ڈرائیا۔ سادھا میَں تیرے پِچھے بھجّدا رَین اندھیری واہو داہیِا۔ تَینوُں جیلاں دے وِچ لبھدا، دروگا ویکھن کوئے نہ پائیا۔ منی سِنگھ کہے میَں وی غُصّے دے وِچ کِہا میَں رس چھڈیا جگ دا، تیرے وِچ اپنا آپ ٹِکائیا۔ جاہ میَں وی تَینوُں چھڈدا، تیری میری چُھٹے لڑائیا۔ میَنوُں چنگا رہنا الگ دا، وکھّرا ہو کے تیرا نام دِھیائیا۔ جے تُوں میَنوُں نہیں سدّ دا، میَنوُں تیری لوڑ رہے نہ رائیا۔ منی سِنگھ کِہا پھیر سَتگُر شبد ہو کے گجّدا، بھےَ اوَر رہیا سمجھائیا۔ میرے کول انگیارا اگّ دا، جِس نوُں ستّ سمُندر شانت کرن نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ سنت منی سِنگھ کہے میَں غُصّے وِچ پھیر پھڑ کے قلم ڈوبی وِچ دوات، اکھّر لِکھے چائیں چائنیا۔ میرے پِچھے سمُندراں توں پار تَینوُں مارنی پئیگی جھات، جھاکی اپنی پاؤنی تھاؤں تھائنیا۔ پر میری ایہہ نِکّی جِہی دات، داتیا اپنے چرن لیَنی ٹِکائیا۔ ایہو میری سوغات، خالی ہتّھ جیل وِچ ہور وست اَگے نہ کوئے ٹِکائیا۔ میرا لہنا پوُرا کرنا وِچ لوک مات، مات لوک تیری سرنائیا۔ میرا لیکھا لیَنا واچ، واچک ہو کے کھوج کھوجائیا۔ میَں یاچک تیرا یاچ، یدی دیاں سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچی منگ منگائیا۔ منی سِنگھ کہے پھیر میَں جھٹ قلم دِتی سُٹ، ہتّھ متھے اُتے ٹِکائیا۔ نالے کِہا تیری میری گئی ٹُٹ، ٹُٹیاں نہ کوئے جُڑائیا۔ صاحِب نے جھٹ میرا پھڑ کے گُٹ، اُپر لیا اُٹھائیا۔ تُوں بھاویں عمُر وِچ وڈّا بابا بُڈھا آتما دھار میرا سُت، پِتا پُرکھ اکال اِکو نظری آئیا۔ میرا نوُر نوُرانہ جوت سروُپ، جوتی جاتا وڈ وڈیائیا۔ پر یاد رکھیِں جِس ویلے بناں

شاہو بھوُپ، بھوُپت بھوُپ اِک اکھوائیا۔ سمُند ساگراں پار جاواں کرکے کوُچ، تیرا لِکھیا لیکھ نہ کوئے مِٹائیا۔ اوتھے تَینوُں ساری دیواں سوُجھ، ابُھل بُھل وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست اِک ورتائیا۔ پُرکھ اکال کِہا منی سِنگھ تَینوُں یاد کراواں تیرا دِہاڑا، بُھل کدے نہ جائیا۔ تَینوُں پھیر کڈھنا پئے نہ ہاڑا، مِنّت وِچ سیِس نِوائیا۔ پِھرنا پئے نہ جنگلاں وِچ اُجاڑاں، پہاڑاں ٹِلیا پربتاں پھیرا پائیا۔ میرا بھگتاں وِچ ہووےگا اَکھاڑا، گُرمُکھاں رنگ رنگائیا۔ پر یاد رکھیِں ایہو دبکا مارانگا پھیر دوبارہ، غُصّے وِچ سُنائیا۔ کیوں ایہہ سندیسہ دِتا محمد نے چار یاراں، عرب عریباں گیا سُنائیا۔ جِس ویلے میرا آوے اِمام پروردِگارا، سانجھا یار نوُر الاہیِا۔ اوہ اپنے لیکھ نوُں کاتباں کولوں کرائے ظاہرا، مُخاطب ہو کے حُکم سُنائیا۔ اوس دا دو جہان بھےَ وِچ وِشن برہما شِو دیوت سُر سمجھن اِشارہ، چؤداں طبق تھر تھر کمبن تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتائیا۔ سنت منی سِنگھ کہے میَں زِمیں اُتے تکاّں زِمیں زماں، ضامن دُھر دا ویکھ وکھائیا۔ پھیر نِگاہ بدل کے تکیا اسماں، اسماناں اُتے نوُر رُشنائیا۔ میری مِٹ گئی ترِسنا جگت والی طمع، تمام طمع دِتی چُکائیا۔ نہ ہرکھ سوگ رہیا نہ غما، چِنتا چِکھا اگن نہ کوئے ٹِکائیا۔ میرے انتر چاؤ گھنیرا میَں اوہ سماں ویکھنا نواں، جو نؤواں کھنڈاں وِچ جنائیا۔ نالے اُچی بول کے کہواں، پربھ تیری بےپرواہیِا۔ نالے لیکھ لِکھیا جے تُوں میرا سوامی پہلوں روٹی کھاویں جؤ، تتا پانی پی کے گنڈھیاں نال جھٹ لنگھائیا۔ پھیر پار ساگراں ہوویں رواں، روانگی تیری ویکھ وکھائیا۔ میَں چرن کوَل تیرے بہواں، آسن سِنگھاسن اِک سُہائیا۔ میرا تیرے لیکھے لگّے اَخیِری دما، سواساں دی لوڑ رہی نہ رائیا۔ تیرا پرکاش تکاّں اگمّی شمع، جِتھے نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ منی سِنگھ کہے میَنوُں سچ دِتا آکھ، پیار نال سُنائیا۔ تیرا پوُرا کراں واک، بھوِکھتاں جوڑ جُڑائیا۔ چاڑھ کے شبد گھوڑے راک، دیش پردیشاں وِچ بھوائیا۔ بخش کے جوت شبد دا ساتھ، سگلا سنگ بنائیا۔ تیرا پھیر کدے نہیں ہونا گربھ واس، جنم وِچ جنم نہ کوئے رکھائیا۔ تُوں وسنا میرے پاس، گھر ٹھانڈا اِک سُہائیا۔ جھٹ منی سِنگھ دھوُڑی مستک لائی ماتھ، نِو نِو لاگا پائیا۔ میرا دُھر دا باپ، پرم پُرکھ تیری سرنائیا۔ دسّ تُوں میَنوُں اِکلّے نوُں کیوں دسّیا سوہنگ جاپ، دوُجیاں سِکھاں نوُں اجے تک نہ کوئے سُنائیا۔ جھٹ

حُکم ہویا جِس ویلے جوت سروُپ پرگٹ ہوواں آپ، پھیر اپنیاں لواں اُٹھائیا۔ میٹ کے تیِنو تاپ، ترےَگُن ڈیرہ ڈھاہیِا۔ گُر اوتار پَیغمبراں کھیل کھِلاواں ساکھیات، ساکن اِکو گھر سمجھائیا۔ جِتھے نوُر جوت پرکاش، جلوہ گر بےپرواہیِا۔ اوتھے پڑھنی پئے نہ کوئے کِتاب، اکھّراں ونڈ نہ کوئے ونڈائیا۔ لبھنا پئے نہ حیاتے آب، زِندگی زِندگی وِچوں بدلائیا۔ منی سِنگھ تیرے نال لیکھا پوُرا کرنا سِنگھ متاب، جو برقی وِچ بُرقع پا کے میرا راہ تکائیا۔ میَں پرگٹ ہوواں وِچ پنجاب، پنجہ گوبِند والا دئے گواہیِا۔ اُدھر نانک اُڈیِکاں کردا وِچ بغداد، بغلگیِر ہو کے دھیان لگائیا۔ موُسیٰ گیا آکھ، اِستمبول اکھّ اُٹھائیا۔ عیسیٰ دا سوُلاں والا منگ منگے تاج، تاجاں والا آوے واہو داہیِا۔ بل دا لہنا دینا جو لیکھا وِچ سماج، بلگاریا نیَن اُٹھائیا۔ مُنی دی اِکو آس، یوگوسلاویا مکّی دے دانے دین گواہیِا۔ اسٹریا کرے تلاش، جِتھے عیسیٰ اُنگل گیا کرائیا۔ سوِس دا پھلاش، پھلہزمی زانوُزا کوُب ویکھ وکھائیا۔ فرانس دی لاش، لشکر فؤج روون مارن دھاہیِا۔ اِنگلیَنڈ وِچ واس، آشا بل گیا دِرڑائیا۔ باوَن چرن دھوُڑ دی بخش کے راکھ، اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ اِک جنائیا۔ منی سِنگھ کہے میَں پھڑ کے قلم کانے تے دِتی ٹھوک نوک، پنج پنج پنج وار لگائیا۔ میَں اگلا نہیں لِکھنا سلوک، ہتّھ دوویں دِتے اُٹھائیا۔ حُکم دے دے اپنی جوت، اپنی بنت لےَ بنائیا۔ تیرا لیکھا کی روز، دِوس رَین رَین دِوس ایہو کار بُھگتائیا۔ ساری سرِشٹی ماندی مؤج، میَں تیرا لیکھ لِکھ کے اپنا آپ وقت گوائیا۔ نالے سیوا کراں نالے جیل وِچ دوشی تے لگّا دوش، راجے دین سزائیا۔ میَنوُں ایہہ نہیں چاہیدا تن ماٹی پوش، سریِر تیری جھولی پائیا۔ پھیر نال کِہا جوش، جوشیِلا ہو کے آکھ سُنائیا۔ بھاویں میَں بُڈھا میَں رہ نہیں سکدا خاموش، جو میرے انتر سو تَینوُں دیاں سُنائیا۔ بھاویں تُوں پِھریں لوک پرلوک، دو جہاناں واہو داہیِا۔ بھاویں تیرے برہمنڈ کھنڈ کوٹی کوٹ، کوٹن کوٹاں ڈیرہ لائیا۔ پر پربھوُ یاد کر لےَ تیرا لیکھا پوُرا کر نہ سکے لِکھ کے تیری جوت، بِنا لِکھاریِاں تیرا لیکھ نہ کوئے بنائیا۔ تیرا حُکم سندیسہ تیرا فرمان تیرا نام شبد کلمہ ایہو تیرا اوت پوِت، جگت پُت پوترے کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ منی سِنگھ کہے جھٹ سَتگُر روُپ کر کے بدلی، کلجُگ دے بدلاں وِچوں نظری آئیا۔ میَں اِکو دُھر دا عدلی، اِنصاف اپنا اِک سمجھائیا۔ سنتا میَں ویکھاں اوہناں جو میرے وطنی، بےوطناں بھیوَ نہ کوئے جنائیا۔ میَں

جد آواں تے جاواں بھگتاں دے پتنی، بھگت دوارے سوبھا پائیا۔ میری دھارا سب نے رٹنی، رٹّا میٹنا تھاؤں تھائنیا۔ پر میرے پِچھے سنتا جگت کشٹنی پئیگی کٹّنی، کٹاکش اِکو اِک رکھائیا۔ الوُنی سِل پئیگی چٹّنی، چیٹک رسن نہ کوئے جنائیا۔ اِکو تُک پئیگی رٹّنی، تُوں میرا میَں تیرا ڈھولا گائیا۔ میرا حُکم نہیں بہُہ بچنی، فرمانا دُھردرگاہیِا۔ جِس ویلے جگت واشنا نچّنی، گھر گھر لئے انگڑائیا۔ لیکھا سمجھے نہ کوئے پت پتنی، پت پرمیشور بھیوَ کوئے نہ پائیا۔ دُنیا ہونی بہُہ متنی، من مت بُدھی جگت کھیل وکھائیا۔ اوس ویلے میَں سمُند ساگراں کھاری ٹپّنی، ٹاپوُآں پندھ مُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ سَتگُر منی سِنگھ پُرکھ اکال نوُں کہے تُدھ بِن سَتگُر، نظر کوئے نہ آئیا۔ میرا مالک قؤل اِقرارا دُھر، دھرنی اُتے پوُرا دینا کرائیا۔ میَں تیرے نال جاواں جُر، جوڑی اپنے رنگ رنگائیا۔ میری ترِسنا پیار والی نہ جائے کُھر، اَگے ہوئے دوُن سوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ سنت منی سِنگھ کِہا میرے نال تیرا اِقرار، وعدہ پکاّ لےَ کرائیا۔ میرا دِل کردا میَں بِنا سریِر توں تیری ویکھاں اوہ بہار، جِس بہار وِچ پیار اِکو نظری آئیا۔ میرے تھوڑے جِہے یار، جے تیرا حُکم تیری درگاہ وِچوں اوہناں نوُں نال لیاواں چائیں چائنیا۔ تیرا درے دربار دیاں وکھال، سِری بھگوان خوشی بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ سنت منی سِنگھ کِہا میری اِک ارداس، ارداسا اِکو وار سُنائیا۔ میَں چاہُندا جِس ویلے میَں آواں تیرے پاس، اوس ویلے ساری سنگت تیرے چرناں میَنوُں نظری آئیا۔ سچ منڈل دی پیَندی ہووے راس، آتم پرماتم خوشیاں وِچ گوپی کاہن روُپ درسائیا۔ میَں مانا سِنگھ نوُں دینا آکھ، بوہل سِنگھ نوُں لیَنا جگائیا۔ ویِر سِنگھا اُٹھ کے واچ، کی حُکم دُھردرگاہیِا۔ خوشحال سِنگھ ویکھ سچ سماج، جِتھے سمگری بےپرواہیِا۔ رنگا سِنگھ تک لےَ نات، ناتا دُھردرگاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ سنت منی سِنگھ کِہا پربھوُ میری نِمسکاری، ڈنڈاوت بندنا کہہ کے خوشی بنائیا۔ میَں تیرے چرناں تکاّں اج تیری سنگت ساری، جو دیس پردیساں بھارت وِچ تیرا دھیان لگائیا۔ اجّ دی رات اوہناں نوُں درشن دینا اپنی دھاری، دھرم دی دھار دَیا کمائیا۔ شبدی شبد شبد مارنی اُڈاری، قدماں پندھ نہ کوئے رکھائیا۔ اوہ ویکھ لےَ بلگاریا دی مِٹّی رہی پُکاری، کوُک کوُک رہی سُنائیا۔ یوگوسلاویِا دی خاک کہے میَنوُں چڑھی

خُماری، میرے خاندان دا مالک چرن چھوہ نال میرا موہ گیا بنائیا۔ پتہ نہیں اوہ کِس دا ونج کرے کِس دا بنیا وپاری، کوَن وست اپنے سنگ رکھائیا۔ سنت منی سِنگھ کہے میَں ایہہ لیکھا لِکھن توں نانہہ کیِتی سی کیوں میرے اندر وڑ کے نال ہوشیاری، میرا من دِتا بدلائیا۔ اوس ویلے پنج ویراں پوُرن پوُرن پوُرن پوُرن پوُرن لِکھیا جوت دی دھاری، بِنا قلم شاہی توں میَنوُں دِتا وکھائیا۔ میری تڑپھ اُٹھی ناڑی ناڑی، ناڑ بہتّر لئی انگڑائیا۔ تِنّ سؤ سٹھ ہڈّی وجّی کاڑ کاڑی، تھر تھراہٹ وِچ کُرلائیا۔ میَں چرن چُھہائی اپنی چِٹی داہڑی، نِو نِو لاگا پائیا۔ پربھوُ کی غلطی ہو گئی ماڑی، میری قلم دِتی رُکائیا۔ میرا بُڈھے دا کنّ مروڑ کِہا او بابا جِس ویلے میَں ٹپّانگا سمُند ساگراں کھاری، کھوٹے کھرے ویکھ وکھائیا۔ بِنا بھگتاں توں میری کِسے دے نال نہیں ہونی یاری، یارانےدار نہ کوئے اکھوائیا۔ اوہ حُکم اوہ سندیسہ ایہہ تیرا لیکھا میَں پوُرا کراں گا جِس ویلے میری دھار ہوئی ظاہری، ظاہر ظہوُر ہو کے ویکھ وکھائیا۔ تیرے لِکھے لیکھ وِچوں حُکم دے ہونگے لِکھاری، لِکھت بھوِکھت نال رلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنا حُکم ورتائیا۔ منی سِنگھ دی قلم کہے اُس ویلے میرے مُکھ ہو گئے دوپھاڑ، لِکھن دی ہِمّت رہی نہ رائیا۔ پھیر درس دِتا نالے دِوس وِکھایا ستاراں ہاڑ، ودی سُدی ونڈ نہ کوئے ونڈائیا۔ نالے دھرم جنایا نالے وکھایا اکھاڑ، اَکھاڑا بےپرواہیِا۔ میَں رو کے کِہا پُکار، بِن نیَناں نیِر وہائیا۔ پربھوُ میَں تیری سیوادار، چاکر ہو کے دِوس رَین سیو کمائیا۔ پھیر میَنوُں منی سِنگھ لیا اُٹھال، اپنیاں نیَناں نال تکائیا۔ نی تُوں بڑی گھالی سی گھال، گھال گھالن والیئے کیوں بَیٹھی مُکھ بھوائیا۔ کلجُگ کِہا تُوں سُن میرا حال، میَں حالت دیاں جنائیا۔ سنتا اُس پربھوُ دی اولّڑی چال، جو چلاکی نال تیری میری کرے جُدائیا۔ اوس نے اگلا اپنے حُکم وِچ لِیاؤنا حال، حالانکہ ایہو جوت ایہو شبد ایہو دھار دُھردرگاہیِا۔ جوتی جوت سروُپ ہرِ، آپ اپنی کِرپا کر، سو بھیوَ ابھیدا باہر چار ویدا اپنا دئے جنائیا۔ قلم کہے ہُن شُروُع کرنی باوَن دی پتری، جِس دی دیوے نہ کوئے گواہیِا۔ ہُن آشا پوُری کرنی سپتس رِشیاں وِچوں اتری، اُتّر پوُرب پچھّم دکھّن ویکھ وکھائیا۔ جِس دی گِنتی ہو نہیں سکدی وِچ سطری، اکھّراں ونڈ نہ کوئے ونڈائیا۔ اوس دا وزن تولے کوئے نہ تکڑی، ترازو چلے نہ کوئے چتُرائیا۔ اوس دا لیکھا لہنا دینا باہر شوُدر وَیش براہمن کھتری، چھتردھاریِاں نظر کدے نہ آئیا۔ اوہ صاحِب سوامی انترجامی دُھر دا وطنی، بےوطناں لئے اُٹھائیا۔ جِس دے در توں جھولی رہے کدے نہ

سکھنی، نام بھنڈارے نال بھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ نارد کہے جن بھگتو میَں دُنی دیِن دا لےَ کے آیا بھیت، چاروں کُنٹ اپنا پندھ مُکائیا۔ سرِشٹی دی درِشٹی دا ویکھ کے آیا ہیت، گھر گھر گرِہ گرِہ مندر پھول پھولائیا۔ جیہڑے رسنا کہندے پربھوُ نیت نیت، نِج نیتر ہوئی نہ کِسے رُشنائیا۔ جگت واشنا وِچ اپنا آپ بَیٹھے ویچ، سَت وست گھر سَت نہ کوئے ٹِکائیا۔ پر یاد رکھو میَں وی اِک لا کے آیا پیچ، پیچیدہ ہو کے سب نوُں دیاں سُنائیا۔ ویکھو سارے مُلّا قاضی شیخ، شرع دی شریِعت وِچوں جگائیا۔ تُہاڈا بدلن والا ریکھ، لیکھا رہیا مُکائیا۔ اوس دے در تے ہونا پیش، پیشیِن گوئیاں بغلاں وِچ ٹِکائیا۔ نالے ہلوُن کے کِہا شیش، باسک کِہا کی وِشنوُں تیرے اُتے سیج سِنگھاسن سوبھا پائیا۔ نالے تکیا جگت دا کلیش، کل کاتی ویکھ وکھائیا۔ میَں بھارت گیا ندیڑ، ویکھیا لیکھا دس دسمیش، جو پٹنے والا بِنا اکھّراں توں پٹے والا پٹا اپنا گیا بنائیا۔ اوتھوں میَنوُں مِلیا اِک سندیس، شبد شبد شبد دُھن شنوائیا۔ اوۓ ناردا اوتھے جاہ جِتھے رہے ہمیش، بھگت دوارا ہرِ بھگتاں سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے میَں پِھر کے آیا دوُر نیڑے، بھجّیا حُکم وِچ واہو داہیِا۔ جِدھر تکاّں جگت والے جھیڑے، بِنا پربھوُ توں بھگتی وِچ بھگت نہ کوئے سمائیا۔ میَں ویکھے نؤ کھنڈ پرِتھمی کھیڑے، کھِڑکی کُنڈا اندروں کوئے نہ لاہیِا۔ میَں آ گیا ہُن اوس صاحِب دے ویہڑے، جِس دی حد حدوُد ونڈ نہ کوئے ونڈائیا۔ جِس دے حُکم سندیسے گہرے، گہر گوَر اپنے وِچ رکھائیا۔ جِس دے چار جُگ اوتار پَیغمبر گُر دار پہرے، پہریدار ہو کے جگت ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ نارد کہے میَں سرِشٹی دی درِشٹی ساری ڈھوُنڈی، کھوجت کھوجت ویکھ وکھائیا۔ میَنوُں پربھوُ پیار دی لبھی کِتوں نہ بوُندی، بِنا بھگتاں توں بوُند سوانت کایا مندر نہ کوئے ٹِکائیا۔ میَں سب دی واشنا ویکھی کوُندی، کوُک کوُک جنائیا۔ میَں کھیل تکّی بُت روُح دی، بُتخانے دین گواہیِا۔ پر اِک گلّ یاد رکھنی شبد گُروُ دی، جو سَتگُروُ ہو کے آد انت سمجھائیا۔ اوس دی کرنی کدے نہ مُڑوُگی، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ صدی چؤدھویِں نارد کہے میَں لےَ کے آیا اوس دا بھیت، بھیوَ دیاں جنائیا۔ جِس دے پِچھے پَیغمبر ہوئے کھیت، رن بھوُمی رنگ رنگائیا۔ اوس دا لیکھے لاؤنا دیش، دیش

دیسنتر جِس نوُں سیِس جھُکائیا۔ اِکو بچن ساریاں گُرسِکھاں جن بھگتاں کوَیت سمُندر دے کنڈھے توں اِک اِک چوُنڈی بھر کے کھڑنی ریِت، بُھل کدے نہ جائیا۔ ایہہ راوی وِچ سُٹنی سمت شہنشاہی نؤ تے پنچم ہووے چیت، پنچم پنچاں رنگ رنگائیا۔ جِس دی یاد رہے ہمیش، ہم ساجن دئے دِرڑائیا۔ اوتھے پنج لِکھاری ہون گے پیش، پنجہ گوبِند والا دئے گواہیِا۔ سَتگُر آپ روُپ دھرے درویش، بِھکھاری ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سنت منی سِنگھ کہے میری ڈنڈاوت، بندنا تیرے اَگے رکھائیا۔ تیری وست تیری اَمانت، تیری جھولی پائیا۔ تُوں سدا صحیح سلامت، صاحِب اِک اکھوائیا۔ تیرا نام بھنڈارا نیامت، بِن رسنا رس چکھائیا۔ جوتی جوت سروُپ ہرِ، آپ اپنی کِرپا کر، دُھر میلا لیَنا مِلائیا۔ نارد کہے میَں گیا وِچ بلگار، چوری چوری قدم ٹِکائیا۔ اوس دھرنی نے کِہا پُکار، کوُک کوُک سُنائیا۔ اِک بل دا بننا دوار، گُردَیال رنگ رنگائیا۔ میری مِٹّی دھوُڑ اوتھے پُجنی، جِتھے لیکھے لگنی چھار، اِشارے نال سمجھائیا۔ اگلا لیکھا دسّنا نال پیار، دِلّی دربارا سوبھا پائیا۔ دو سؤ بہتّر وِساکھی گوبِند دی دھار، دو ستّ دو وجےّ ودھائیا۔ گوبِند دا قؤل اِقرار، پوُرا دینا کرائیا۔ دو سؤ بہتّر دِن جِس دی پریم وِچ کرنی پئے اِنتظار ، اِنتظار ی وِچ وڈیائیا۔ پاٹھ ہووےگا سَوا پہر، سَوا پہر رنگ رنگائیا۔ ناظر سِنگھ نے رہنا تیار، سولاں مگھّر دئے گواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ رنگائیا۔ منی سِنگھ کہے میَں لِکھیا نال زبردستی، قلم دھکّ دھکّ چلائیا۔ بے شک تیری بے پرواہ دی ہستی، بے پرواہی وِچ سمائیا۔ میَنوُں تیرے پیار دی مستی، میَں مستی وِچ تیری سیو کرائیا۔ تُوں بے شک مالک عرشی، عرشی پریِتم دُھردرگاہیِا۔ میَں وی تیرا سیوادار اُتے دھرتی، دھرم دی دھار دھار وِچ کراں لِکھائیا۔ ایہو میری لِکھت ایہو میری پڑھتی، باقی لِکھن پڑھن دی لوڑ رہے نہ رائیا۔ بھاویں ساری سرِشٹی ہووے سڑدی، میَنوُں تیرے پیار دی اِک سرنائیا۔ تیری کھیل چوٹی جڑ دی، جڑ چیتن تیرے وِچ سمائیا۔ میَں تیری کلا ویکھنی چڑھدی، جِس ویلے چڑھدیوں لہندے جاویں چائیں چائنیا۔ میری قلم تیرے حُکم دا گھاڑن گھڑدی، تیرے اکھّراں رہی بنائیا۔ جِس دی کرنی کدے نہ مردی، کرتے تیرے ہتّھ وڈیائیا۔ میری اِک بیننتی تُوں بھگتاں دا بنیں دردی، دردی ہو کے گود اُٹھائیا۔ بھاویں اوہ کِنی ورتن اپنی مرضی، اوہ مریضاں عزیِزاں نوُں اپنے رنگ لیَنا رنگائیا۔ ایہہ

تیری کھیل اپنے گھر دی، گھرانے وِچ وجےّ ودھائیا۔ جوتی جوت سروُپ ہرِ، آپ اپنی کِرپا کر، سد اپنا سنگ نِبھائیا۔ منی سِنگھ کہے میَنوُں اِک دِن پُٹھا دِتا لٹکا، چاروں کُنٹ بھوائیا۔ کوٹ وکھائے تھل اسگاہ، جنگلاں وِچ بھوائیا۔ ٹِلیاں پربتاں اُتے دِتا چڑھا، چوٹیِاں دِتا ٹِکائیا۔ اگنی وِچ دِتا سُٹا، سانتک سَت نہ کوئے وکھائیا۔ جلدھارا دِتا رُڑھا، وہناں وِچ وہن وہائیا۔ سمُندراں دِتا ڈُبا، ساگراں انت نہ کوئے کرائیا۔ پِھر پلّوُ لیا چُھڈا، دوُر ہو کے ویکھے چائیں چائنیا۔ میَں رو کے کِہا بے شک میَں وی بُڈھا، پر باپوُ بُڈھیا تُوں وی بڑا بے پرواہ، جُگ جُگ اپنا کھیل کھِلائیا۔ پر میَں سب کُچھ بُھل جانا، اِک بُھلنا نہیں تیرا سوہنگ ناں، جو پرماتم آتم اپنا آپ سمجھائیا۔ جھٹ اَگوں حُکم سُنیا واہ، واہ واہ واہ واہ گُرمُکھ تیری وڈ وڈیائیا۔ میَنوُں پتہ نہیں لگّا کِس ویلے پکڑ لئی میری بانہہ، بِن ہتّھاں ہتّھ اُٹھائیا۔ میرے انتر چڑھ گیا چاء، چاؤ گھنیرے وِچ سمائیا۔ جوتی جوت سروُپ ہرِ، آپ اپنی کِرپا کر، اِک سندیسہ گیا جنائیا۔ منی سِنگھ سیِس نِوایا اے۔ دوئے جوڑ واسطہ پایا اے۔ دیِن دَیال دَیا کمایا اے۔ بھیوَ ابھیدا اِک کُھلایا اے۔ اچھل اچھیدا ویس وٹایا اے۔ چارے ویداں پندھ چُکایا اے۔ جوتی جوت سروُپ ہرِ، آپ اپنی کِرپا کر، سچ اپنا کھیل کھِلایا اے۔ سچ اپنا کھیل کھِلاواں گا۔ نِرگُن نوُر جوت پرگٹاواں گا۔ شبدی دھار ڈنک وجاواں گا۔ وِچ سنسار حُکم ورتاواں گا۔ سمُند ساگراں پندھ چُکاواں گا۔ کایا گاگراں کھوج کُھجاواں گا۔ جگت سؤداگراں ونج کراواں گا۔ وڈ بہادراں نال اُٹھاواں گا۔ سَتگُر دا لیکھا باوَن دھار پوُر کراواں گا۔ تریتا لیکھے وِچ رکھاواں گا۔ دواپراپنی ونڈ ونڈاواں گا۔ کلجُگ سوانگ اِک ورتاواں گا۔ کوُڑ کُڑیار کانگ چڑھاواں گا۔ سوامی ہو کے سوانگ وکھاواں گا۔ روزہ نماز تک تکاواں گا۔ اپنا بھیوَ آغاز کُھلاواں گا۔ صوُفیاں سنتاں فقیِراں بخش کے ناز، بھگتاں اپنی گود ٹِکاواں گا۔ اِکو مار کے شبد دی آواز، جگت جہان وِچوں اُٹھاواں گا۔ دھرم دا دھرم بنا سماج، دھرنی دھرت دھوَل دھؤل وکھاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ بناواں گا۔ منی سِنگھ کہے میَنوُں بنا لیا اِک دِن ڈرپوک، میَں ڈردیاں ڈردیاں قلم دِتی چلائیا۔ پھیر میَنوُں لِکھدیاں لِکھدیاں دِتا ٹوک، میری قلم دِتی اٹکائیا۔ پھیر میرے اَگے کر کے پرکاش جوت، میرے نیَن بند دِتے وکھائیا۔ پھیر سُنا کے اگمّ سلوک، میرے اندر کیِتی پڑھائیا۔ منی سِنگھا ایہہ میرا سریِر ہو جانا فؤت، تن وجوُد رہن کوئے نہ پائیا۔ میَنوُں بھگتاں دے مِلن دا شؤق، شؤقین ہو

کے ویکھاں تھاؤں تھائنیا۔ لبھیاں ہتّھ نہ آواں کوٹی کوٹ، کوٹ کوٹاں بَیٹھن دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ سنت منی سِنگھ کہے میَں بڑا ہُندا ساں لڑدا، دِوس رَین کراں لڑائیا۔ جِس ویلے میرے اندر سی وڑدا، میَں ہتّھ مُکھ اُتے ٹِکائیا۔ جاہ میَں نہیں تیرا بردا، کیوں ایَویں رہیا ستائیا۔ تُوں کیوں نہیں میرا گھر چھڈدا، میرے نؤ دوارے رساں والے میَتھوں دِتے تجائیا۔ میَں اِک دِن مُنہ کر کے چڑھدا، چارے اُنگلاں مُکھ وِچ پائیا۔ زور نال کِہا میَں اجّ توں رہنا نہیں تیرا بردا، جِس دی سیوا کیِتی تے سیوا دا پھل میَنوُں جیلاں وِچ بھوائیا۔ اےدوُں چنگا سی کہ میَں اگّ وِچ سڑدا، جاں پانی وِچ ڈُب کے اپنا آپ تجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل اپنے ہتّھ رکھائیا۔ منی سِنگھ کِہا میَں سارا دِن رہیا غُصّے، میری اگنی نہ کوئے بُجھائیا۔ میَنوُں کرودھ چڑھیا جُسے، جِسم ضمیِر میرا سنگ رکھائیا۔ میری قلم وی سُتی نہ اُٹھے، نِسل ہو کے اپنا آپ جنائیا۔ میرے ورقے وی نہ کوئی اُلٹے، اُنگلاں ہتّھ نہ کوئے لگائیا۔ اُتے انک کوئی نہ گھتے، اُس دِن ستویں گرنتھ دا چؤتھا انک سی ہور انک نہ کوئے بنائیا۔ اوس ویلے ہِلے موُل نہ پتّے، ہوا پوَن نہ سیو کمائیا۔ میَں بُھل گیا پِچھلے کھاتے، کھاتے دِتے تجائیا۔ جد ویکھاں میَں وڑیا جیل دے حاطے، بندھن وِچ بند دِتا رکھائیا۔ میرے کول لوہے دے باٹے، جِنہاں وِچ کھا پی کے جھٹ لنگھائیا۔ میَنوُں اپنے بستر دِسے پاٹے، سوہنا رنگ رنگائیا۔ میرے اندر ہور غُصّہ آیا ایس دے نال مِل کے جِدھر ویکھاں تے اُدھر گھاٹے، جگت والا سُکھ سنگ نہ کوئے جنائیا۔ ایَویں زِندگی دے کٹے فاقے، اپنا وقت چُکائیا۔ نہ گنگا دے تٹاں سرووراں اُتے نہاتے، اٹھسٹھ میَل نہ کوئے مِٹائیا۔ نہ پوُربلے گرنتھ واچے، پڑھ پڑھ کے اپنی خوشی بنائیا۔ نالے سیوا کراں نالے کھاواں طماچے، مُکھ اَگے ڈاہیِا۔ میرے اندر وِچار آؤندی ہُن ایہو چنگی باتے، اِکو گلّ دیاں سُنائیا۔ تُوں میرا نہیں تے میَں تیرا نہیں ہُن اِک دوُجے دے چھڈ جائیے ساتھے، ساتھیا ساتھ دی لوڑ نہ کوئے رکھائیا۔ منی سِنگھ کِہا جد میَں دُھر ایہہ بچن کڈّھیا جھٹ میرے پرکاش ہویا ماتھے، مستک وِچ مستی والا نظری آئیا۔ پھیر میَنوُں وکھایا آہ ویکھ منی سِنگھا تیرے پِچھلے کنِے جنم گواچے، بِنا میری کِرپا تیرا جنم لیکھے کوئے نہ پائیا۔ میَں لہنا دینا چُکاواں ہتّھو ہاتھے، ایہہ میری بےپرواہیِا۔ اُٹھ ویکھ اگلی میری واٹے، وٹنا مل کے اوتار پَیغمبر گُر بَیٹھے راہ تکائیا۔ تیرے بچن میرے حُکم وِچ ساچے، سچ دیاں سمجھائیا۔ شنکرا چھڈ

دے کَیلاشے، برہما برہم پُری دے تجائیا۔ وِشنوُں وِشوَ دے تک تماشے، وِشوَ دھار کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ منی سِنگھ کہے میَنوُں درس دِتا حضوُر، حضوُر حضوُر دِتا جنائیا۔ میری زبان دا بخش کے قصوُر، قصوُر قصوُر کسر اعشاریئے نال اُڈائیا۔ نالے دسّیا سَتگُر دا حُکم منّنا ضرور، ضرورت اوَر رہے نہ رائیا۔ جو سرب کلا بھرپوُر، بھرپوُر رہیا سرب ٹھائینا۔ اوس دا پندھ نہ نیڑے نہ دوُر، دو جہاناں بھجےّ واہو داہیِا۔ منی سِنگھا تیرے نالوں میرے بھگت ہور وی ہونے مجبوُر، میَں مجبوُری سب دی دیاں کٹائیا۔ کیوں بِنا بھگتاں توں پربھوُ ہو نہیں سکدا مشہوُر، مشہوُری بھگتاں نال جنائیا۔ اوہناں دا اوسے ورگا نوُر، ہرِجن نوُر نوُرانے ڈگمگائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ منی سِنگھ کِہا میرے کول اِکو قلم تے اِک سی کانی، کائنات دا لیکھا رہیا لِکھائیا۔ پھیر میَنوُں وکھائی پہلی اُڈاری تے پہلی نِشانی، پہلا پندھ مُکائیا۔ نالے دسّیا دُنیا فانی، فنا فی اللہ ہوئے لوکائیا۔ جِس نوُں عیسیٰ کہے میرا باپ اسمانی، اِسم اعظم نوُر الاہیِا۔ جِس نوُں موُسیٰ کِہا جوت مہانی، مہما اکتھ اکتھ وڈیائیا۔ جِس نوُں محمد کِہا جلوہ گر جلانی، اِمام اِماما اِک اکھوائیا۔ سمُند ساگراں اوس دی کھیل مہانی، دھرنی دھرت دھوَل ہوئے سہائیا۔ صدی چؤدھویِں بنے جان جانی، جاننہار وڈ وڈیائیا۔ اِک اِکلّا نؤجوانی، مرد مردانہ نؤجوانا شاہ سُلطانا اِک اکھوائیا۔ سنت منی سِنگھ کہے میری غُصے والی کہانی، بُھل کدے نہ جائیا۔ ایہو غُصّہ گُرمُکھاں دا جِسم ضمیِر بدل دیوے جِسمانی، پریم پیار مُحبّت وِچ ناتا جوڑے سہج سُبھائیا۔ سمُند ساگر بَیٹھے راہ تکانی، بِن نیَناں نیَن اُٹھائیا۔ جِس ویلے پِچھے مُڑنا شرع دی شریِعت تکّنی قرآنی، کُرہ کائنات ویکھ وکھائیا۔ نؤ مِنٹ توں بعد سنت منی سِنگھ دی کرنی یاد پنج ویر خوشی نال کہنا سرِشٹی دی سب وستُو بیگانی، بِنا سَتگُر شبد توں سنگ نہ کوئے رکھائیا۔ گُرمُکھاں کہنا ساڈی منزل اِک روُحانی، روُح دے مالک تیری سرنائیا۔ ایہہ سچ دی سچ سچ رہے نِشانی، ہِردے اندر اِک وار اِکو لیَنا ٹِکائیا۔ اِس توں اَگے ایہہ لیکھ پھیر لِکھیا سی منی سِنگھ دی کانی، جو دوہاں ہتّھاں نال پھڑ کے چلائیا۔ پربھ جے تُوں جوان تیریاں بھگتاں دی سدا تیرے نال جوانی، بُڈھاپے وِچ بُڈھاپا کدے نہ آئیا۔ تُوں مالک مِہربانی، مِہربان تیری سرنائیا۔ تِنّ ویراں لِکھیا جے گُرسِکھاں وِچ آ جاوے خامی، اوہناں دی پوُری آپے دینی کرائیا۔ کیوں تیرے بھگت سدا سچکھنڈ دے

اِنعامی، بِنا سچکھنڈ توں دوُجا گھر نہ کدے وکھائیا۔ ایہہ مات لوک جگت جوُہ بیگانی، تیریاں گُرمُکھاں تیرا دوارا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لیَنا مِلائیا۔ سنت منی سِنگھ کہے اُس ویلے تیرا حُکم اِک ابناش، تُوں پوُرا دینا کرائیا۔ گُرمُکھاں دا اِکو چِٹا ہووےگا لباس، اِکو بستر سَتگُر شبد شبد گوبِند دھار پوُرن پوُرن دینا پہنائیا۔ پنج سکِنٹ اپنے اندر اِک رکھ وِشواس، جگت وِشیاں توں من لیَنا بچائیا۔ ایسے وِچ مانَس جنم ہووے راس، رستہ ملِے دُھردرگاہیِا۔ پھیر سمُند ساگر چل کے آوے چرناں پاس، نِو نِو لاگے پائیا۔ پربھوُ بھگتاں دی جِتنی وستُو ایہہ اونی خاص، خالص تیرے رنگ رنگائیا۔ میَنوُں کوئی سنسار والی نہیں خواہش، خواہش تیری اِک رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ منی سِنگھ کِہا میَں اِک ہور لیکھا لِکھیا، سسّا نؤ وار پائیا۔ نؤ وار روَیا تے نؤ وار ہسّیا، تے نؤ وار قلم دِتی سُٹائیا۔ ایہہ کی پایا رٹّیا، اٹّھے پہر واہو داہیِا۔ جھٹ اِشارہ دِتا تے میرا صاحِب آیا نَٹھیا، میَنوُں لیا ہِلائیا۔ ہسّ کے کِہا اُٹھ جوانا پٹّھیا، اپنی لےَ انگڑائیا۔ اوہ تک لےَ سب دا ویلا جاندا ٹپّیا، ٹاپوُآں توں پرے کی اپنا حُکم ورتائیا۔ جِس دی اگمّی لگّے سٹّیا، چوٹ نگارے شبد جنائیا۔ جِس دے اُپر چھایا نہیں کِسے چھڈیا، اوڈھن سیِس نہ کوئے ٹِکائیا۔ اوہ سوامی کملاپتیا، پت پرمیشور اِک اکھوائیا۔ جِس دے وِچ حق ہووے سمرتھیا، حقیِقت کھوج کھوجائیا۔ سمُند ساگر آوے نسّیا، چرن کوَل سرنائیا۔ پھیر خوشی وِچ گاوے جسیا، تیری بےپرواہیِا۔ کلجُگ ویکھ رَین اندھیری مسّیا، چاروں کُنٹ اندھیرا چھائیا۔ تُدھ بِن بھگتاں پردہ جائے نہ ڈھکیا، سِر ہتّھ نہ کوئے رکھائیا۔ تیرا بیڑا چلے بِن ونجھ مُہانے چپیا، نئیا دو جہاناں پار کرائیا۔ تیرا لیکھا رہے نہ چھپیا، چھپّر چھنّ ہووے رُشنائیا۔ اوہ آہ تک لےَ پپیا، پوُرن پاربرہم پرمیشور سوبھا پائیا۔ جِس دا اِک دوار اِکو ہٹّیا، اِکو وست دئے ورتائیا۔ پھیر منی سِنگھ کہے میَں واسطہ چرناں وِچ گھتیا، نِو نِو سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سمُند کہے گُرمُکھو میرے صاحِب دا ویکھیو اصوُل، اصل دیاں جنائیا۔ میَں تُہاڈے کول آ کے تُہاڈی بھیٹا کراں گا قبوُل، پربھوُ دے چرن چھوہ کے تُہاڈے پریم وِچ سمائیا۔ تُہاڈا ایہہ جُگ چؤکڑی دا بنیا رہے گا اصوُل، اصل اصل وِچوں پرگٹائیا۔ جن بھگت اِکو لاؤندے سی پربھوُ چرناں دی دھوُل، دھوُڑی خاک رمائیا۔ جِنہاں دا مالک

کنت کنتُوہل، ہرِ کرتا دُھردرگاہیِا۔ جِس دے پیار وِچ مست رہنا مشغوُل، منی سِنگھ منّ کے سیِس جھُکائیا۔ یاد رکھنا ہر اِک گُرسِکھ دے کول اِک اِک ہووےگا پھوُل، جو نؤ مِنٹ توں بعد سمُند دی بھیٹا دینا کرائیا۔ اوہ تُہاڈا ساچا لہنا دینا ایسے وِچ کر لویگا وصوُل، جو نانک سَتگُر اِشارے نال گیا سمجھائیا۔ کِسے سمجھ نہ لیَنا پربھوُ نوُں ذاتی شڈوُل، نوُر نوُرانہ اِکو نوُر نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا میل مِلائیا۔ سمُند کہے جن بھگتو میرے وِچ چڑھن لگّیاں ضرور اپنی نِگاہ دی مارنی جھاکی، خوشیاں نال میری تہہ نوُں ویکھ وکھائیا۔ اوتھے مچھ کچھ دی باقی، مِندرا دئے گواہیِا۔ جِتھے چؤداں رتن دی ساقی، چؤداں طبق ونڈ ونڈائیا۔ ایہہ لیکھا ساچا لیکھ تے لہنا کملاپاتی، پت پرمیشور رہیا بنائیا۔ تُہاڈی اوہ زِندگی تے اوہ حیاتی، جِس حیاتی واسطے پربھاتی اُٹھ کے منی سِنگھ قلم گیا چلائیا۔ اپنی کانی نوُں سمجھ کے کائنات دا ساتھی، سگلا سنگ بنائیا۔ جُگ چؤکڑی تُہاڈا نام سندیسے دینگے دھرم دھار دے کاغذاتی، سَتگُر لیکھ نہ کوئے مِٹائیا۔ سَتگُر دا پیار کدے ونڈیا گیا نہیں دِوس راتی، اٹّھے پہر اِکو رنگ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لیَنا مِلائیا۔ جن بھگتو سمُند کہے میرے کنڈھے توں اپنی خوشی دی کوئی لےَ کے جائیونِشانی، اوہ نِشانی اپنی آپ چُھپائیا۔ اوہنوُں سمجھنا نہیں نوَیِں کہ پُرانی، گھوگے کؤڈیِاں میری ونڈ ونڈائیا۔ میَں پھیر دسّانگا کی کتھا کہانی پُرانی، جِس دی پُران اٹھاراں دین گواہیِا۔ جِنہاں واسطے وید ویاس پھڑی سی کانی، کانیِاں پھڑن والیو نِشانہ تُہاڈے اُتے لگائیا۔ کیوں گُروُ اوتار پَیغمبر جِسم دھردے رہے جِسمانی، سریِر ہو کے اپنے ہتّھاں سیو کمائیا۔ تُہاڈا لیکھا نال جوت نوُرانی، جو نوُر نوُرانہ دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ سمُند کہے جن بھگتو تُہاڈی نِگاہ وِچ ہووے میری ہمدردی، دردی ہو کے درد ونڈائیا۔ میَنوُں سُکھ کدے نہ مِلیا وِچ گرمی سردی، سرد گرم اپنا آپ اپنے وِچ رکھائیا۔ میرے اُتے کوئی میری ماتا لیف نہیں دھردی، ٹھنڈا جل نہ کوئی پیائیا۔ نہ میَنوُں سار اپنے گھر دی، کِس گھر وِچ اپنا جھٹ لنگھائیا۔ میری آشا اوسے پربھوُ دا بھانا جردی، جو حُکمے وِچ اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، اپنا پردہ آپ چُکائیا۔ سمُند کہے جن بھگتو تُسیں میرے بھرا تے میرے ویِر، بھَیناں بھئیئے نظری آئیا۔ پر تُہانوُں پتہ میرا اجے لیکھا میرے وِچ نہ اجے کمان سُٹی تے نہ

سُٹیا تیِر، سیِتا رووے مارے دھاہیِا۔ ایہہ اِشارہ دے کے گیا سی بھگت کبیِر، کبیِر جُلاہا پاٹے جُلّے وِچ اپنا آسن لائیا۔ جِس ویلے میرے محبوُب نے نئی کیِتی تعمیِر، ترتیب اپنے ہتّھ رکھائیا۔ تے منی سِنگھ نے لیکھا لِکھ دِتا اُس نے چھڈ جانا سریِر، جوتی جاتا ہو کے اپنا روُپ بدلائیا۔ سمبل بَیٹھنا جِس دی منزل اُس دی اَخیِر، پوُرن وِچ پوُرن روُپ سمائیا۔ جِس نے دیِن دُنی بدل دینی تقدیِر، مُقدر سب دا کھوج کھوجائیا۔ جِس دی دو جہان جگت مِلکھ جاگیِر، جگت دا مالک نظری آئیا۔ اُس دا لیکھا بے نظیِر، نظیِر زہر دے بوُٹے والا سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر مالک وڈ وڈیائیا۔ جھٹ صدی چؤدھویِں کہے میَں آ گئی تھکی ماندی، تھکاوٹ وِچ ہائے اُف کر سُنائیا۔ نہ میری گُت رہی نہ پراندی، پٹّیاں سیِس نہ کوئے گُندائیا۔ نہ کوئی رُپا رہیا نہ چاندی، ہیِرے جواہر ونڈ نہ کوئے ونڈائیا۔ نہ وڈیائی دِسی کِسے تھاں دی، حُجرہ حق نہ کوئے سُہائیا۔ آشا رووے بابا آدم تے مائی حوّا دی، ہوَس ہوَس نہ کوئے بُجھائیا۔ میَنوُں قسم اوسے الاہ دی، جِس نوُں رسوُل االلہ کہہ کے سیِس نِوائیا۔ میَنوُں اُڈیِک اِک ملاح دی، جو کھیوٹ کھیٹا دُھردرگاہیِا۔ صِرف لوڑ جن بھگتو تُہاڈی شہادت تے تُہاڈے گواہ دی، مُدّعی مُدّعاعلیہ اپنا کھیل کھِلائیا۔ میَں کھیل ویکھی بے پرواہ دی، جو بے پرواہی وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صدی چؤدھویِں کہے میَں خوشیاں وِچ ونڈاں گی نیاز، خوشیاں وِچ ورتائیا۔ بھگتاں نوُں دیواں گی اعزاز، جو عزیِز دُھر دے نظری آئیا۔ پھیر گُزاراں گی نماز، بِنا وجوُد توں سیِس نِوائیا۔ پھیر ویکھاں گی کی اُس دا راز، کی اپنا حُکم جنائیا۔ جن بھگتو میَں تُہاڈے نال لنگڑی ہوئی اپہاج، اِک ٹنگ کھلوتی بغداد میری دئے گواہیِا۔ پر یاد رکھیؤ جِس ویلے اُتے چڑھن لگّے جہاز، اِکّی وار میرے صاحِب دا نام لیَنا دِھیائیا۔ چؤداں وار میَں وی سُناں گی ناد، چؤداں طبقاں پھیر دیاں سُنائیا۔ سارے کھولو جاگ، اوتار پَیغمبر سویا رہن کوئے نہ پائیا۔ میرا خوشی بڑا ہویا مِزاج، خوشیاں وِچ خوشحالی نظری آئیا۔ ہرِ بھگت دوارے تُہاڈے نال پُجاں گی تے دسانگی کہ سچّا کی سماج، جِس وِچ چار جُگ دے دیِن مذہب جان سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا مالک اِکو واحد، واہ واہ جِس دی آد انت وجدی ودھائیا۔