۱۷ ماگھ شہنشاہی سمت اٹّھ پِنڈ سارنگڑا ضِلع امرتسر منگل سِنگھ دے گرِہ
سو پُرکھ نِرنجن ساچی دھار، آد انت وڈ وڈیائیا۔ سنک سنندن سناتن سنت کُمار، ایکا روُپ انوُپ درسائیا۔ براہا کھیل کرے اپار، اپرمپر سوامی وڈ وڈیائیا۔ یگی پُرش ہو تیار، نِرگُن دھار لئے انگڑائیا۔ ہاوگریو پائے سار، مہاسارتھی اِک اکھوائیا۔ نر نرائن کھیل اپار، اپرمپر سوامی آپ جنائیا۔ کپل منّ ہو تیار، ترےَگُن اتیِتا وجےّ ودھائیا۔ کھیل کرے اگمّ اپار، الکھ اگوچر اگمّ اتھاہیِا۔ جِس دا کھیل سدا جُگ چار، ہرِ کرتا وڈ وڈیائیا۔ دتّاترئے ہو کے خبردار، بےخبراں خبر سُنائیا۔ رِکھو لیکھا جانے نہ کوئے جیِو سنسار، سنساری بھنڈاری سنگھاری جِس نوُں سیِس نِوائیا۔ پرِتھوُ پرِتھمی اُتے ہو تیار، انّ دان کھیل کھِلائیا۔ متسی کھیل سچّی سرکار، جل دھارا وجےّ ودھائیا۔ کچھپ اپنی کرے کار کرتار، چؤداں رتناں ونڈ ونڈائیا۔ دھننتر ہو کے خبردار، اؤشد سارے ویکھ وکھائیا باوَن راہ سچّی سرکار، بلدھاری آپ دِرڑائیا۔ موہنی روُپ نہ ناری نہ نار، ہرِ کرتا اپنا رنگ رنگائیا۔ ہری ہرِ کھیل کرے سچّی سرکار، جو ہر گھٹ بَیٹھا سوبھا پائیا۔ نر سِنگھ ہو کے بھگتاں دئے ادھار، بھگوَن اپنی کار کمائیا۔ گج دا لیکھا دئے نِوار، تندوُآ تند کٹائیا۔ جوتی دھارا جوت اُجیار، جوتی جاتا ڈگمگائیا۔ سَتجُگ ساچے پاوے سار، سَت ستواد اِک اکھوائیا۔ تریتا کھیل اپر اپار، اپرمپر ویکھے چائیں چائنیا۔ پرس رام میِت مُرار، برہم برہم سَت دِرڑائیا۔ رام راما کر تیار، رگھُپت دیوے آپ وڈیائیا۔ دوہاں لیکھا وِچ سنسار، تریتا لہنا جھولی پائیا۔ وید ویاسا دئے ادھار، دواپر ڈنک کرے شنوائیا۔ کاہنا کرِشنا کر تیار، نؤجوانا ویکھ وکھائیا۔ منڈل منڈپ پاوے راس، شاہو شاباش بےپرواہیِا۔ دواپر انتم کھیل تماش، ہرِ کرتا آپ کرائیا۔ کلجُگ مات کر پرکاش، بُدھ دیوے مان وڈیائیا۔ لیکھا جان پرِتھمی آکاش، گگن گگننتر پھول پھولائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی اِک اکھوائیا۔ سچ سوامی ہرِ نِرنکارا، ہرِ کرتا وڈ وڈیائیا۔ جِس دا روُپ انوُپ نیارا، ترےَگُن وِچ کدے نہ آئیا۔ سچکھنڈ وسے سچ دوارا، درگاہ ساچی سوبھا پائیا۔ جِتھے اِکو نوُر جوت اُجیارا، نوُر نوُرانہ ڈگمگائیا۔ روُپ رنگ ریکھ توں وسے باہرا، ذات اذاتی نہ کوئے رکھائیا۔ سو صاحِب سوامی انترجامی گھٹ نِواسی پُرکھ ابناشی نِرگُن دھار چؤبیسواں اوتارا، جِس نوُں جنمے کوئے نہ مائیا۔ شبدی شبد ڈنک وجے اگمّ اپارا، جِس دا ناد تال سُنن کوئے نہ پائیا۔ سو مالک خالق
نوُر نوُرانہ ظہوُر ظاہرا، ظاہر ظہوُر اِک اکھوائیا۔ جِس دا اوتار پَیغمبر گُروُآں کیِتا اِک اِشارہ، سیَنت نام کلمے والی لگائیا۔ اُس دا دھام انوکھا اگمّڑا وِچ سنسارا، سمبل اپنی کھیل کھِلائیا۔ جوتی جاتا ہو اُجیارا، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ نِہکلنک تن نہیں وجوُد، ماٹی خاک نظر کوئے نہ آئیا۔ جِس دی منزل حق مقصوُد، درگاہ ساچی سوبھا پائیا۔ اوہ آد جُگادی اِک محبوُب، محبان بیِدو بی خَیرییا االلہ نوُر الاہیِا۔ جو کدے نہ ہووے نیست و نابوُد، جُگ چؤکڑی اِکو رنگ سمائیا۔ جِس دا جگت وِدیا دیوے نہ کوئے ثبوُت، عقل وِدیا نہ کوئے چتُرائیا۔ اُس دی ونڈ نہ کوئے حدوُد، بندھن شرع نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نِہکلنک پُرکھ اگمّا، نِرگُن دھار نوُر رُشنائیا۔ جننی کُکھ کِسے نہ جمّا، نہ کوئی دِسے جنیندی مائیا۔ نوُر جوت جگت نہیں کوئی شمع، شمعدان نہ کوئے وڈیائیا۔ ہرکھ سوکھ نہیں کوئی غما، چِنتا چِکھا نہ کوئے رکھائیا۔ سرون نیَن نہیں کوئی کنّا، راگ ناد نہ کوئے شنوائیا۔ سوُریہ چنّ نہیں کوئی چنّا، گگن منڈلاں پاتالاں اِکو نوُر جوت پرکاش سِری بھگوانا، ہرِ بھگوَن اگمّ اتھاہیِا۔ جِس دا پوَن سواس نہیں کوئی دما، دامنگیِر نظر کوئے نہ آئیا۔ تن وجوُد کایا ماٹی نہیں کوئی چمّا، چمّ درِشٹی نہ کوئے سمجھائیا۔ نیتر نظر نہ آوے اُچا لما، قد قدیِم دے مالک دا ویکھن کوئے نہ پائیا۔ جِس دا حد نہیں کوئی بنّہ، انت کہن کوئے نہ پائیا۔ سو پُرکھ اکالا دیِن دَیالا پاربرہم پت پرمیشور پروردِگار سانجھا یار اِکو نوُر الاہی االلہ، االلہ جِس نوُں عالمیِن کہہ کے سارے سیِس جھُکائیا۔ اوہ اپنے نوُر دھار سَت پرکاش وِچ بلا، جوتی جاتا ڈگمگائیا۔ اپرمپر سوامی اِکو کھیل کرے اِکلّا، اکل کل دھاری اپنی کل پرگٹائیا۔ اوہ وسیا سچ دوارا سچ محلا، سمبل اپنا بنک بنائیا۔ سرِشٹ سبائی رہیا چھلا، اچھل چھلدھاری اپنی کل ورتائیا۔ شبدی دھار شبد سروُپی رلا، شبد شبد کرے شنوائیا۔ اِکو لیکھا جانے نِہچل دھام اٹلا، اٹل اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نِہکلنک ہرِ نِرنکارا، دوُجا نظر کوئے نہ آئیا۔ صدی چؤدھویِں انتم پاوے سارا، محمد لیکھا ویکھ وکھائیا۔ جِس دا عیسیٰ کیِتا اِشارہ، صلیِب گل وِچ لٹکائیا۔ موُسیٰ مُنہ دے بھار ڈِگ کے روَیا زارو زارا، انتم تیری بےپرواہیِا۔ نانک نِرگُن دھار کِہا نِروَیر پُرکھ اکال ہووے ظاہرا، ظاہر ظہوُر اپنا کھیل کھِلائیا۔ گوبِند کِہا شبدی کھنڈا جِس دا ہووے
دو دھارا، دوہری دھار آپ جنائیا۔ سو صاحِب سُلطانا نؤجوانا مرد مردانہ کرے اپنی کارا، کرتا پُرکھ اپنی کار کمائیا۔ بیِس بیِسا ہرِ جگدیِشا جوتی جاتا ہو اُجیارا، جگت جہانا ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ نِہکلنک نر نرائنا، ہرِ کرتا اِک اکھوائیا۔ جو سب دا پوُرا کرے دینا لہنا، پوُرب لیکھا رہیا چُکائیا۔ آتم پرماتم بنے ساک سجن سیَنا، مِتر پیارا وڈ وڈیائیا۔ جِس دے حُکم دا بھانا سب نے سہنا، سِر سکے نہ کوئے اُٹھائیا۔ کلجُگ کوُڑ کُڑیار دا وہن وہنا، انتم شؤہ دریا دئے رُڑھائیا۔ سَتجُگ ساچے تخت بہنا، سَت ستوادی آپ ٹِکائیا۔ جِس دا لیکھا جان نہ سکے گیِتا گیان رمائنا، رام کرِشن نِو نِو لاگے پائیا۔ اُس دا لیکھا جگت نہیں طرفَینا، ترےَگُن اتیِتا اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نِہکلنک بلی بلوانا، بلدھاری اِک اکھوائیا۔ جوتی جاتا نؤجوانا مرد مردانہ، سِری بھگوانا اپنی کار کمائیا۔ نِروَیر ہو کے پہریا بانا، نِراکار اپنا روُپ وٹائیا۔ شبد سندیسہ دیوے دو جہاناں، لوآں پُریِاں برہمنڈاں کھنڈاں کرے آپ شنوائیا۔ جِس دی یاد وِچ سارے کرن دھیانا، بِن نیَناں نیَن اُٹھائیا۔ اوہ وسے سمبل دیس مکانا، ساڈھے تِنّ ہتّھ وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا بےپرواہیِا۔ کرتا پُرکھ سوامی آد، آد پُرکھ وڈّی وڈیائیا۔ جو لیکھا جانے جُگ جُگاد، جُگ چؤکڑی اپنا کھیل کھِلائیا۔ بھیوَ کُھلائے برہم برہماد، برہمانڈ پردہ دئے اُٹھائیا۔ جِس دا روُپ انوُپ سَت سروُپ نِرگُن دھار ورتے سوانگ، سوانگی اپنا کھیل کھِلائیا۔ سرِشٹی درِشٹی اندر ترےَگُن توں باہر جِس دی تانگھ، ترےَبھوَن دھنی اپنا پردہ آپ اُٹھائیا۔ جِس دا لیکھا نہیں نال کرم کانڈ، کِریا جگت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ سچ دا مالک اگمّ اتھاہ، جو نِرگُن داتا نِروَیر رہیا اکھوا، جِس دی نِراکھّر دھار وِچوں اکھّر سرگُن نِرگُن صِفت صالاحیِا۔ سو روُپ انوُپا شاہو بھوُپا جوتی جاتا پُرکھ بِدھاتا نِراکار آئے بھیس وٹا، جگت نیتر لوچن نیَن اکھّیِاں نظر کِسے نہ آئیا۔ جو آتم پرماتم نِرگُن سرگُن سب دا بنے ملاح، بیڑا اپنے کندھ اُٹھائیا۔ جِس نوُں پَیغمبراں کِہا خُدا، خود مالک نوُر الاہیِا۔ اوہ اِمام اِماما صدی چؤدھویِں انت اَخیِر بے نظیِر لاشریِک پروردِگار سانجھا یار کھیل کرے سچ چلائے راہ، رہبر اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ،
نِہکلنک نرائن نر، مہاراج شیرسِنگھ وِشنوُں بھگوان، نر ہرِ ہرِ نر اِکو اِک ایکنکارا، صدی سدیِوی بیِس بیِسا ہرِ جگدیِشا کل کلکی اپنا حُکم ورتائیا۔
۱۸ ماگھ شہنشاہی سمت اٹّھ پِنڈ سارنگڑاں ضِلع امرتسر کارج سِنگھ دے گرِہ
نؤ کھنڈ کہن پربھوُ تیرا شبد دھار دا کھنڈا، چاروں کُنٹ نظری آئیا۔ جِس دا لہنا دینا پُریِاں لوآں وِچ برہمنڈا، گگن پاتالاں زِمیں اسماناں ویکھ وکھائیا۔ جو لہنا دینا جانے اُتبُھج سیتج جیرج انڈا، چارے کھانی کھوج کھوجائیا۔ جِس لیکھا پوُرا کرنا گُر گوبِندا، سِنگھ دھار بےپرواہیِا۔ سو سوامی انترجامی جیِو جگت جہان ویکھ جیؤ پِنڈا، تن وجوُد ماٹی خاک پھول پھولائیا۔ کلجُگ کوُڑ کُڑیار تیرے نام دی کرے نِندا، سَت سچ وِچ نہ کوئے سمائیا۔ چار ورن اٹھاراں برن بجر کپاٹی کھولے کوئے نہ جِندا، تُریا دی دھار تیری نظر کِسے نہ آئیا۔ جگت واسنا ہوئی لِنگا، آتم رس دیِن دُنی گئی گوائیا۔ امرت دھار ملِے کِسے نہ ساگر سِندھا، امیوں رس نہ کوئے چوائیا۔ چار کُنٹ سرِشٹی درِشٹی میل ملِے نہ گُنی گہِندا، گہر گمبھیِر تیرا درس کوئے نہ پائیا۔ سَت دھار سنت سُہیلا سچ دی بنے کوئے نہ بِندا، بِندرابن دا واسی کاہن دئے گواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ پُرکھ اکال تیرا نام کھنڈا دو دھارا، نِرگُن سرگُن نظری آئیا۔ جِس نوُں جھُکدے وِشن برہما شِو دیوت سُر پَیغمبر گُروُ اوتارا، سِر سکے نہ کوئے اُٹھائیا۔ جو سَتجُگ تریتا دواپر کلجُگ آوے وارو وارا، نِت نوِت اپنی کھیل کھِلائیا۔ صدی چؤدھویِں انت اَخیِر بے نظیِر کھیل تک پروردِگارا، سانجھے یار بھیوَ کُھلائیا۔ نوَ ستّ دھوُاں دھارا، اندھ اندھیر نہ کوئے مِٹائیا۔ گرنتھ شاستر کرن پُکارا، اوُچی کوُک کوُک سُنائیا۔ دیِن دُنی منوُآ من ہویا ہنکارا، بُدھ بِبیک نہ کوئے بنائیا۔ چار ورن دِسے وِکارا، وِبھچار کرے لوکائیا۔ دھرم دا دھرم نہ رہیا دوارا، گُر در مندر مسجد شِودوالے نیَن اُٹھائیا۔ کِرپا کر آپ نِرنکارا، نِروَیر ہو سہائیا۔ بھگت سُہیلے ہرِجن دے ادھارا، چرن کوَل اِک سرنائیا۔ تُوں میرا میَں تیرا دسّ جَیکارا، آتم پرماتم میلا لیَنا مِلائیا۔ سچکھنڈ سچ دوار دِسے تیرا دوارا، دوُجا گرِہ نہ کوئے وڈیائیا۔ جِتھے اِکو جوت نوُر اُجیارا، دیِا باتی نہ کوئے رُشنائیا۔ تُوں کملاپاتی
شاہو بھوُپ سِکدارا، شہنشاہ اِک اکھوائیا۔ تیرے چرن سرن سدا نِمسکارا، ڈنڈاوت بندنا وِچ سیِس جھُکائیا۔ جیِواں جنتاں سادھاں سنتاں پا سارا، مہاسارتھی اپنا راہ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ کوئے سہارا، سہائک نائک اِکو نظری آئیا۔
۱۸ ماگھ شہنشاہی سمت اٹّھ پِنڈ کاؤنکے ضِلع امرتسر اوتار سِنگھ دے گرِہ
سَتگُر شبد کہے پربھ تیرا کھیل اگمّا، الکھ اگوچر اگمّ اتھاہ بھیوَ کوئے نہ پائیا۔ بھیوَ پا سکے نہ کوئے پوَن سواسی والا دما، پردہ اوہلا لوک مات نہ کوئے چُکائیا۔ لیکھا جانے نہ کوئے کایا ماٹی چمّا، چمّ درِشٹی وِچ نہ کوئے سمجھائیا۔ تُوں آد جُگادی نوُر نوُرانہ اِکو چنّہ، دو جہاناں کرے رُشنائیا۔ مِہربان محبوُب نِگاہ مار گوبِند والے کنّا، جو کائنات گیا لگائیا۔ دیِن مذہب دا تک لےَ بنّا، حد حدوُداں کھوج کھوجائیا۔ نِگاہ مار لےَ کایا ماٹی تنا، پنج تت ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ سَتگُر شبد کہے پربھ نِرگُن دھار مار لےَ جھاکی، بِن نیَناں نیَن اُٹھائیا۔ سچ دوارے کھول تاکی، دو جہاناں پردہ لےَ اُٹھائیا۔ مانَس مانَو مانُکھ تک لےَ ماٹی خاکی، پنجاں تتاں بھیوَ رہے نہ رائیا۔ تیرے نام کلمے نالوں منوُآ ہویا عاقی، عقل بُدھی دی چلے نہ کوئے چتُرائیا۔ کلجُگ کوُڑا بنیا ساقی، کوُڑ کُڑیار بھر بھر پیالے رہیا پیائیا۔ ہؤمے ہنکار بنیا راکی، منسا سب دی رہیا چڑھائیا۔ چاروں کُنٹ اندھیری راتی، نوُری چند نہ کوئے رُشنائیا۔ آتم پرماتم دا بنے کوئے نہ ساتھی، سگلا سنگ نہ کوئے بنائیا۔ اوتار پَیغمبر گُروُآں دی سارے بُھل گئے آکھی، اکھّر پڑھ کے نِراکھّر وِچ نہ کوئے سمائیا۔ کِرپا کر مِہربان کملاپاتی، پت پرمیشور دَیا کمائیا۔ کلجُگ انت سِری بھگوَنت دیِن دُنی دی پُچھے باتی، واتاوَرن تک خلق خُدائیا۔ دھرم دھار دا رہیا کوئے نہ پاٹھی، پُستک کوُک کوُک سُنائیا۔ دھیِرج سَت رہیا نہ ہاٹھی، سنتوکھ وِچ نہ کوئے سمائیا۔ دُرمت میَل جائے نہ کاٹی، پتت پُنیِت نہ کوئے بنائیا۔ مِہربان محبوُب کلجُگ انت میٹ دے واٹی، پیَنڈا اگلا پندھ مُکائیا۔ سَتجُگ سَت
دھرم دی کھول دے ہاٹی، ہٹوانا ہو کے دَیا کمائیا۔ ممتا کھیل رہے نہ بازی گر ناٹی، سوانگی اپنا سوانگ دے بدلائیا۔ ساچی منزل سچ دی دسّ گھاٹی، میل مِلاؤنا سہج سُبھائیا۔ نِگاہ مار لےَ گوبِند والی بِن اکھّراں تک پاتی، جو ماچھوُواڑے تیرے در سُہائیا۔ جِس نوُں تک نہ سکے شنکر اُتے کَیلاشی، برہما تکّے نہ چارے مُکھ اُٹھائیا۔ وِشنوُں وِشوَ دھار موُل نہ بھاکھی، چاروں کُنٹ بھجےّ واہو داہیِا۔ سو صاحِب سُلطان نؤجوان سِری بھگوان مِہربان سب دا لہنا دینا مُکاوے باقی، باقاعدہ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ سَتگُر شبد کہے میری نمو نمو ڈنڈاوت، بندنا سجدے وِچ سیِس نِوائیا۔ تُوں مالک صحیح سلامت، صاحِب سوامی تیری بےپرواہیِا۔ کلجُگ جیِواں دے نام نیامت، ہر گھٹ انتر آپ ٹِکائیا منوُآ کرے نہ کوئے بغاوت، دہ دِشا نہ اُٹھ اُٹھ دھاہیِا۔ تیری دھار تیرے پیار وِچ ہوئے نہ کوئے اَنجانت، سِر اپنا ہتّھ ٹِکائیا۔ کلجُگ میٹ اندھیری شامت، شمع جوت نوُر کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیرے ہتّھ وڈیائیا۔ سَتگُر شبد کہے پربھ نِگاہ مار لےَ جلدی، دھرنی دھرت دھوَل دھؤل دھیان لگائیا۔ چاروں کُنٹ کوُڑ کُڑیار اگنی ویکھ بلدی، بل باوَن دئے گواہیِا۔ وڈیائی رہی نہ سیِتا رام دی، رام سیِتا کرِشن رادھے تکّے تھاؤں تھائنیا۔ پَیغمبراں کھیل تت سلام دی، سجدہ حق نہ کوئے کرائیا۔ کلجُگ جیِواں کرنی بُھلی ستنام دی، نام سَت وِچ نہ کوئے سمائیا۔ ورن برن دیِن مذہب سار پائن نہ تیرے دھام دی، سچکھنڈ دوارے سچ نہ کوئے سمائیا۔ میَنوُں یاد آئی محمد والے پَیغام دی، جو بِن اکھّراں دِتا سُنائیا۔ صدی چؤدھویِں انت اَخیِر بے نظیِر کھیل کرنی اپنے اِنتظام دی، بندوبست ہتّھ نہ کِسے پھڑائیا۔ لکیِر میٹنی چؤداں طبق نِشان دی، چؤداں طبق ویکھن تھاؤں تھائنیا۔ کی کھیل ہووے تیری مِہربان دی، محبوُب دینی سمجھائیا۔ تیری دھار پرگٹنی بے پہچان دی، نیتر نظر کِسے نہ آئیا۔ سَتگُر شبد کہے میرے پُرکھ اکال دیِن دَیال پروردِگار سانجھے یار کِرپا کر اپنے چرن دھیان دی، گیان بودھ بودھ دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیری کھیل آد جُگاد جُگ چؤکڑی نِرگُن نِروَیر نِراکار نِرنکار پروردِگار نؤجوان دی، نوَ نؤ چار اپنا کھیل کھِلائیا۔
۱۸ ماگھ شہنشاہی سمت اٹّھ پِنڈ گھنوُک پُر ضِلع امرتسر ہزارا سِنگھ دے گرِہ
دھرنی کہے میَنوُں جُگاں دی اُڈیِک، آسا اپنے نال رکھائیا۔ میَنوُں اِشارہ دِتا بالمیِک، سہج سہج نال دِرڑائیا۔ پریم نال کِھچی لیِک، لکیِر دِتی بنائیا۔ پھیر اکھّاں میِٹ کے کیِتی تصدیِق، شہادت اپنی آپ بُھگتائیا۔ کِرپا کرے پرم پُرکھ ٹھیِک، ٹھاکر دُھردرگاہیِا کلجُگ انت آوے لاشریِک، شرَکت دیِن دُنی گوائیا۔ جِس دے وِچ حق تؤفیِق، تحفہ اپنا نام ورتائیا۔ ساجن بنے دھرم دا میِت، مِتر پیارا وڈ وڈیائیا۔ سَت دھرم دی ساچی بدلے ریِت، سَتجُگ سچ سچ سمجھائیا۔ دیِن دُنی دی تکّے نیِت، نیِتیوان اگمّ اتھاہیِا۔ جھگڑا جانے ہست کیِٹ، کیِٹ کیِٹاں کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ دھرنی کہے میَنوُں بالمیِک کیِتا اِشارہ، تریتا جُگ دھیان لگائیا۔ ایتھے آئے رام دا رام پیارا، راما دُھردرگاہیِا۔ جِس دی یاد کرے دسرتھ دُلارا، دوُلھا بن کے ویکھ وکھائیا۔ اوہ کلجُگ تکّے انت کنارہ، دوُر دُراڈا دُھر دا ماہیِا۔ جوتی جاتا ہو اُجیارا، نوُر نوُرانہ نوُر کرے رُشنائیا۔ جن بھگتاں دئے سہارا، سِر سِر ہتّھ ٹِکائیا۔ چرن چُھہائے تیرے دوارا، جِس دی دوارکا واسی اوٹ رکھائیا۔ کل کلکی لئے اوتارا، کلا اپنی اِک رکھائیا۔ دھرنی دھرت دھوَل دھؤل تَینوُں بخشے آپ سہارا، سہائک اپنا میل مِلائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ دا مالک ہوئے سہائیا۔ دھرنی کہے میَنوُں بالمیِک دِتا دسّ، خوشیاں نال جنائیا۔ جِس دا امرت اگمّا رس، اوہ رسیِا بےپرواہیِا۔ تُوں اوس دی رکھیں اس، آسا اِک ودھائیا۔ کلجُگ انت کرے پرکاش، جوتی جوت جوت رُشنائیا۔ تیرے اُتے پاوے دھرم دی راس، بِن گوپی کاہن کھیل کھِلائیا۔ جن بھگتاں سدا وسے پاس، پاسا دیِن دُنی اُلٹائیا۔ تُوں یاد کرنا بِن سواس سواس، رسنا جِہوا ڈھولا گائیا۔ اوہ تیرا لیکھا لہنا دینالاوے آپ، آپ اپنی دَیا کمائیا۔ جِس نوُں پَیغمبراں کہنا باپ، پِتا پُرکھ اکال کہہ کے گُروُ گُردیو گائیا۔ اوہ کلجُگ میٹے کوُڑ سنتاپ، کوُڑی کِریا دئے گوائیا۔ تُوں میرا میَں تیرا آتم پرماتم سب نوُں دسّنا جاپ، سیِتا سُرت شبد رام نال مِلائیا۔ دھرنیئے تَینوُں کر کے جائے پاک، پتت پُنیِت بنائیا۔ تیرا لیکھا اوس صاحِب دے ہاتھ، جو سمرتھ اِک اکھوائیا۔ تیرے سگل وسوُرے جانے لاتھ، جِس ویلے چرن چُھہائیا۔ دھرنی کہے میَں نِو نِو ٹیکاں ماتھ، مستک دھوُڑ رمائیا۔ جن بھگتاں تکاّں ساتھ، سگلا سنگ ویکھ وکھائیا۔ جوتی جوت سروُپ
ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو جھگڑا میٹے دیِن مذہب ذات پات، اوُچ نیِچ راؤ رنک اِکو آتم برہم برہم درسائیا۔
۱۸ ماگھ شہنشاہی سمت اٹّھ پِنڈ گُمان پُر ضِلع امرتسر سوَرن سِنگھ دے گرِہ
دھرنی کہے میَنوُں بالمیِک نے گلّاں دسّیِاں، بِنا اکھّراں اکھّر مِلائیا۔ کملیئے کھول کے رکھیِں اکھّیِاں، بِن نیَناں نیَن اُٹھائیا۔ تیریِاں رام دے نال حِصّے پتّیاں، سچ دیاں سمجھائیا۔ پھیر کاہن نے کھیل کھیلنا نال سخیِاں، جگت جُگت وجے ودھائیا۔ پھیر پَیغمبراں کلاماں دینیاں بہُمتیِاں، کلمہ کائنات سُنائیا۔ چار کُنٹ جگت دھار دیِاں کُھلنیاں ہٹّیاں، ونجارا کلجُگ مات پرگٹائیا۔ پھیر نانک نے خاص پڑھنیاں پٹّیاں، پٹنے والا گوبِند دئے گواہیِا۔ پھیر صِفتاں ہونیِاں راگاں چھتّیِاں، چھتیِسا بتیِسا دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ دھرنی کہے میَنوُں بالمیِک ماریِاں ہُجھاں، ہلوُنیاں نال جنائیا۔ اوہ ویکھ بیِتدے جُگا، تریتا دواپر اپنا پندھ مُکائیا۔ کلجُگ بھیوَ رہے نہ گُجھا، پردہ پردیاں وِچوں اُٹھائیا۔ پِھرنی دُہائی اُتے بسُدھا، دروہی دروہی تیرا نام خُدائیا۔ دھرم دا دیِپک جانا بُجھا، دیِا باتی نہ کوئے رُشنائیا۔ کوُڑ کُڑیارا ہونا اُگھا، اُگن آتھن وجے ودھائیا۔ سب دا بھاؤ ہونا دوُجا، دُتیا بھاؤ نہ کوئے مِٹائیا۔ من کلپنا وِچ ہونا رُجھا، سُرت شبد وِچ نہ کوئے مِلائیا۔ چتُرائی چلے نہ عقل بُدھا، دھرم دی دھار نہ کوئے رکھائیا۔ آتم دا سمجھے کوئے نہ مُدّعا، مُدّتاں دے وِچھڑے نہ کوئے مِلائیا۔ پنچ وِکارا کرے یُدھا، تن ماٹی تت لڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ سُنائیا۔ دھرنی کہے میَنوُں بالمیِک نے زور نال دبّیا، بِنا بھار توں بھار رکھائیا۔ پِھر اِشارے نال کول سدّیا، سدّ کے لیا بہائیا۔ پھیر اِشارہ کیِتا اوہ ویکھ جگت جہان جاندا لدّیا، اپنا بھار اُٹھائیا۔ جِس دی سمجھے کوئے نہ وجیا، وجوُہات نہ کوئے دِرڑائیا۔ اوہ کلجُگ پِھرے بھجیّا، چاروں کُنٹ واہو داہیِا۔ کِسے دی رہن نہ دیوے لجّیا، شرم حیا دیوے مُکائیا۔ پردہ سیِس نہ ہووے کجّیا، اوڈھن اُپر نہ کوئے ٹِکائیا۔ مانَو رسنا کوُڑ دا لیَنا مزیا، آتم رس نہ کوئے چکھائیا۔ منوُآ دہ دِش ہووے نچّیا، بھجےّ واہو داہیِا۔ اگنی تت
سِر پر ہووے مچیا، سانتک سَت نہ کوئے رکھائیا۔ سرِشٹی درِشٹی ہووے بہُہ متیا، گُرمت سارے جان بُھلائیا۔ ہرِ کا نام بیِجے کوئے نہ کایا وتیا، پُھل پُھلواڑی نہ کوئے مہکائیا۔ بھیوَ جانے کؤن گوبِند ڈنکا فتحیہ، جو فتح ڈنک کرے شنوائیا۔ سچ دی رہے کوئے نہ ہتیا، کوُڑ کُڑیار اپنا رنگ رنگائیا۔ بھیوَ ابھیدا دھرنی کہے میَنوُں بالمیِک نے دسّیا، دہ دِشا دھیان کرائیا۔ کلجُگ رَین اندھیری ہووے مسیا، نوُری چند نہ کوئے چمکائیا۔ سادھ سنت جگت جگیاسوُ مایا ممتا وِچ ہووے پھسیا، بندھن سکے نہ کوئے تُڑائیا۔ وسوُرا کِسے نہ ہووے لتّھیا، ستھر سیج نہ کوئے ہنڈھائیا۔ نام چڑھے کوئے نہ رتھیا، پیَنڈا پندھ نہ کوئے مُکائیا۔ سب دا چیِتھڑ ہونا پھٹیا، دھرم دی گنڈھ نہ کوئے بندھائیا۔ جگت دا پیار ہونا پَیسا دھیلا ٹکیا، ٹِکا رَوداس دا دئے گواہیِا۔ ساچا لاہا کِسے نہ ہووے کھٹّیا، کھٹکے وِچ لوکائیا۔ بھاگ لگّے نہ کایا مٹّیا، نوُر جوت نہ کوئے رُشنائیا۔ اُس ویلے گوبِند دا ڈھئیا ہونا ٹپّیا، ٹاپوُآں توں پرے دُہائیا۔ چار جُگ دا پُرکھ اکال نے ویکھنا پٹیا، پٹیداری پھول پھولائیا۔ اُس ویلے دیِناں مذہباں دا پَینا رٹیا، جھگڑا سکے نہ کوئے مِٹائیا۔ دھرنی کہے میرے اُتے دھوُڑ دا اُڈنا گھٹّیا، امرت میگھ نہ کوئے برسائیا۔ سچ منارا ہونا ڈھٹّھیا، محل اٹل نہ کوئے سُہائیا۔ نیتر رووے تیِرتھ اٹّھ سٹھیا، گنگا گوداوری جمنا سُرستی رووے مارے دھاہیِا۔ پِھرے دروہی مندر مسجد شِودوالے مِٹھیا، چرچ چراگاہاں نظر کُچھ نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دھرنی کہے میرے اُتے بالمیِک نے )پَیر( دبّا، زور نال ٹُھکرائیا۔ تیرے وِچ لالچ موہ رہے نہ لبا، جگت وِکار نہ کوئے رکھائیا۔ اوہ ویکھ پربھوُ دا کھیل سبا، جو کلجُگ سبھا ملیچھاں رہیا بنائیا۔ کوُڑ دا لہنا دینا دینا لہنا ہبھا، سگلا سنگ رکھائیا۔ جگت رس دینا مدھا، امرت رس نہ کوئے چوائیا۔ کوُڑ کُڑیار سُناؤنا ندا، دُھن آتمک راگ نہ کوئے سُنائیا۔ پوِتر دِسے کوئے نہ جگہ، جاگرت جوت نہ کوئے رُشنائیا۔ بھاگ لگے نہ کِسے کایا ماٹی ہڈّا، چمّ درِشٹی نہ کوئے بدلائیا۔ بالمیِک کِہا دھرنیئے اُس ویلے سب نے پربھوُ نوُں دینا سدّا، اوتار پَیغمبر گُر دھیان لگائیا۔ دروہی تیرا نام خُدائی ربّا، یامبیِن تیری سرنائیا۔ نِرگُن دھار آ نسّا، نِروَیر اپنا پندھ مُکائیا۔ بھیوَ کُھلا ہوڑا اُپر سسّا، سو پُرکھ نِرنجن آپ اکھوائیا۔ ہاہے دی ٹِپی بھیوَ رہے نہ رتا، ہنگ برہم دے سمجھائیا۔ چار ورن اٹھاراں برن اِکو دے متا، مت متانتر ڈیرہ ڈھاہیِا۔ دیِناں مذہباں اِکو دسّ سطح، اوُچ نیِچ نہ کوئے رکھائیا۔ جِس کارن گوبِند تیرا ستھر گھتا، یارڑا سیج ہنڈھائیا۔ جوتی جوت
سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے میَنوُں بالمیِک نے آکھیا، آخر دِتا سُنائیا۔ اوس صاحِب دی لیَنی بھاکھیا، جو بے پرواہ بےپرواہیِا۔ جِس دا بھگتاں نال ناتیا، اوہ بھگوَن نوُر الاہیِا۔ سب دا پِتا ماتیا، ہرِجن اپنی گود ٹِکائیا۔ اوہ انتم ویکھے کلجُگ اندھیری راتیا، دہ دِشا پھول پھولائیا۔ جوتی دھار سب دا بنے جاتیا، جوتی جاتا اِک اکھوائیا۔ تیرے اُتے آوے ناٹھیا، بھجےّ واہو داہیِا۔ جِتھے بالمیِک بہہ کے کرے پاٹھیا، رام رام دا دھیان رکھائیا۔ اُس دا پندھ مُکا کے واٹیا، پیَنڈا دئے مُکائیا۔ نِرگُن نوُر کرے پرکاشیا، جوتی جاتا ڈگمگائیا۔ اوہدا دھام سُہنجنا ہووے جِتھے بھگتاں دا ہووے نِواسیا، نِواس استھان سوبھا پائیا۔ دھرنیئے اُس ویلے نِو نِو ٹیکیں ماتھیا، مستک دھوُڑی خاک رمائیا۔ دھرنی کہے میرا خوشیاں وِچ نِکلیا ہاسیا، میَں ہسّ کے دِتا وکھائیا۔ بالمیِک جِس ویلے میرا صاحِب آوے پُرکھ ابناشیا، ہرِ کرتا دُھردرگاہیِا۔ تیرا پوُرا کرے قؤل اِقرار واقع، واقف کار ہو کے ویکھ وکھائیا۔ تُوں وی آؤنا میرے اُس گرِہ احاطیا، جِس گرِہ ملِے وڈیائیا۔ نال سوامی جُڑیا ہووے ناتیا، ناتا بِدھاتا آپ بندھائیا۔ ویلا وقت وقت بُجھاتیا، بے پہچان دِتا دِرڑائیا۔ دھرنی کہے میرا سویا بھاگ جاگیا، آلس نِندرا دِتی مِٹائیا۔ میرا لہنا دینا پوُرا ہویا اٹھاراں ماگھیا، اِک اٹّھ دا جوڑ جُڑائیا۔ میَں سُنیا ناد شبد انراگیا، جو انراگی دِتا سُنائیا۔ میَں کوُک کے ہرِ بھگتاں نوُں ماراں آوازیا، سندیسہ اِک جنائیا۔ میرا صاحِب سوامی کھیل کرے دیش وِچ ماجھیا، مجلس بھگتاں نال بنائیا۔ جِس دے اَگے نہ کوئی سوال نہ کوئی جوابیا، نِو نِو لاگاں پائیا۔ جِس میل مِلایا جن بھگتاں نال دوابیا، دوہری دھار بنائیا۔ میرا پوُرا ہویا خوابیا، لہنا دِتا چُکائیا۔ دھنّ گُردیو دھنّ سوامی میرا غریِب نوازیا، جِس میری بنت بنائیا۔ دھرنی کہے میَں چاہُندی میرے اُتے بھگتاں دا بنے سماجیا، اِکو روُپ نظری آئیا۔ مان رہے نہ راجن راجیا، شاہ سُلطان نہ کوئے اکھوائیا۔ پربھ پوُرن کرے کاجیا، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا کھیل انتن آدآ، آد پُرکھ اپرمپر سوامی اپنا کھیل کھِلائیا۔
۱۹ ماگھ شہنشاہی سمت اٹّھ پِنڈ گُمان پُر ضِلع امرتسر اجیِت سِنگھ دے گرِہ
دھرنی کہے بالمیِک کیِتی مِہربانی، مِہربان دا بھیوَ دِتا کُھلائیا۔ بناسپت وِچوں میری دھار بنائی کانی، بِن سیاہی لیکھا دِتا لِکھائیا۔ مِٹّی خاک دے اُتے لائی نِشانی، نِشانہ عین دِتا سمجھائیا۔ تیرا لہنا دینا ویکھے شہنشاہ سُلطانی، شاہ پاتشاہ بےپرواہیِا۔ جو شبد دا شبد ہونا دانی، وست شبد نام ورتائیا۔ پریم دا رس امرت دیوے پانی، سمُند ساگراں پندھ مُکائیا۔ جن بھگتاں ہووے جان جانی، جاننہار اِک اکھوائیا۔ لہنا چُکائے چارے کھانی، خالص اپنا حُکم ورتائیا۔ ویکھے وِگسے جیِو پرانی، پاربرہم پربھ بےپرواہیِا۔ منزل دیوے حق روُحانی، تُوں میرا میَں تیرا بھیوَ کُھلائیا۔ دھرنی کہے میَں حُکم والی کتھا کہانی مانی، منّ کے سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ دھرنی کہے میرے اندر آئی سوجھی، دھیان دھیان لیا بدلائیا۔ میرا سوامی دُھر دا مؤجی، ٹھاکر بےپرواہیِا۔ جِس نے تریتا دواپرکلجُگ مُکاؤنی اؤدھی، اؤدھ رہن کوئے نہ پائیا۔ دُھر دے نام دا ہوئے بودھی، بُدھی توں پرے گیان سمجھائیا۔ جِس دا لیکھا جانے کوئے نہ جوگی، رِشیاں سمجھ کوئے نہ پائیا۔ اوہ جن بھگتاں ہِردا جائے سودھی، سُدھ اپنے نال مِلائیا۔ دیِن دُنی تکّے روگی، ہؤمے ہنگتا ویکھ وکھائیا۔ جگت ترِسنا ویکھے بھوگی، چاروں کُنٹ پھول پھولائیا۔ دُھر دا نام کلمہ دیوے انت سلوکی، ایکنکارا اِک سُنائیا۔ جو بن کے مالک داتا جوتی، پرماتم آتم میل مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے میرے انتر آیا گیان، انتشکرن لیا بدلائیا۔ پربھ چرن کیِتا دھیان، بِن نیَناں نیَن اُٹھائیا۔ تُوں سوامی مِہربان، محبوُب تیری سرنائیا۔ میَں جُگ جُگ بَیٹھی تیرا راہ تکان، تقویٰ تیرے اُتے رکھائیا۔ ہُن لہنا دینا تریتا سییا رام، بالمیِک دئے گواہیِا۔ اگلا لِکھیا لیکھ مہان، جِس نوُں نہ کوئی میٹے میٹ مِٹائیا۔ دواپر مکُے پندھ جہان، کاہنا کرِشنا کھیل کھِلائیا۔ پَیغمبراں تیرا دسّنا کلام، موُسیٰ عیسیٰ محمد وجےّ ودھائیا۔ نانک گوبِند تیرا بھیوَ کُھلائے ستنام، ڈنکا واہِگُروُ فتح جنائیا۔ تُوں نوُر نوُرانہ نؤجوانا جوتی جاتا ایکنکار کلجُگ انت کریں پہچان، بے پہچان اپنا پردہ لاہیِا۔ صدی چؤدھویِں کریں دھیان، چؤداں طبقاں چؤداں لوکاں ویکھ وکھائیا۔ دیِن دُنی دا دھرم ویکھیں اِیمان، گھٹ گھٹ اندر پھول پھولائیا۔ چار جُگ دے شاستر گرنتھ کریں پروان، پرم پُرکھ اپنی دَیا کمائیا۔ سرِشٹی دی
درِشٹی ویکھیں نِگاہبان، بِن نیَناں نیَن اُٹھائیا۔ کلجُگ کوُڑا نؤ کھنڈ پرِتھمی پِھرے پردھان، ستّاں دیِپاں بھجےّ واہو داہیِا۔ سَت سچ دا انت رہے نہ کوئے نِشان، دھرم دی دھار نہ کوئے وکھائیا۔ آتم برہم دا جانے نہ کوئے گیان، جگت وِدیا وِدیا نال پڑھائیا۔ سیِتا سُرتی ملِے نہ دُھر دا رام، کاہنا سنگ نہ کوئے نِبھائیا۔ تُوں مالک خالق پرِتپالک سرب جیِاں دا بھگوان، بھگوَن تیری اوٹ تکائیا۔ دھرنی کہے میری نمو نمو پرنام، نمستے کہہ کے سیِس جھُکائیا۔ تُوں کلجُگ انت سِری بھگوَنت شرع میٹنی کوُڑ شیَطان، شریِعت اپنی دینی سمجھائیا۔ مانَس مانَو مانُکھ تیرے چرن کوَل کرن دھیان، دوُجا اِشٹ نہ کوئے منائیا۔ تُوں کایا مندر اندر شبد اناد سُناؤنی دُھنکان، انحد نادی ناد وجائیا۔ دیِپک جوت جگاؤنا مہان، آتم پردہ دینا لاہیِا۔ تُوں پاربرہم اپنا برہم کرنا پروان، پرم پُرکھ تیری سرنائیا۔ تیرا ایِش جیِو دا کھیل مہان، جُگ چؤکڑی تیری دھار نظری آئیا۔ دھرنی کہے میری بیننتی کریں پروان، پرم پُرکھ تیرے اَگے واسطہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ دھرنی کہے پربھوُ میری ڈنڈاوت بندنا نِمسکار، بِن سجدیاں سیِس جھُکائیا۔ تُوں جُگ چؤکڑی دا ساہ کار، شہنشاہ اِک اکھوائیا۔ جے سَتجُگ تریتا دواپر کیِتا پار، لوک ماتی پندھ مُکائیا۔ جِس دے حُکم وِچ کھیل کھیلیا پَیغمبر گُر اوتار، اوتر اپنا کھیل کھِلائیا۔ سو سوامی انترجامی کلجُگ پا سار، مہاسارتھی اپنا ویس وٹائیا۔ چاروں کُنٹ ویکھ دھوُاں دھار، جوتی جوت نہ کوئے رُشنائیا۔ دیِن دُنی تیرا نام وِسریا کرتار، کرتا پُرکھ تیری اوٹ نہ کوئے تکائیا۔ نِرگُن سرگُن رہیا نہ کوئے پیار، آتم پرماتم میل نہ کوئے مِلائیا۔ من منوُآ منسا وِچ کرے ہنکار، ممتا موہ لوک مات ہلکائیا۔ ساچا رہیا نہ کوئے میِت مُرار، مِتر پیارا سنگ نہ کوئے نِبھائیا۔ پِتا پوُت اِک دوُجے نالوں ہوئے غدار، شرع چُھری بنی قصائیا۔ دیِن مذہب روون زارو زار، ذات پات دئے دُہائیا۔ نظر آئے نہ کِسے پروردِگار، پَیغمبر رسوُل سارے دین دُہائیا۔ صدی چؤدھویِں محمد دا لیکھا لئے وِچار، عیسیٰ موُسیٰ نال مِلائیا۔ جو نانک گوبِند کیِتی پُکار، کل کلکی ویس وٹائیا۔ جِس دی وید ویاس لائی چھار، دھوُڑی مستک خاک رمائیا۔ اوہ سوامی انترجامی چوَھیاں اوتار، جِس نوُں چؤبیسا کہہ کے سارے گائیا۔ تُوں آؤنا اپنی دھار، تَینوُں جنمے کوئے نہ مائیا۔ دو جہاناں بن سِکدار، سِک سب دی پوُر کرائیا۔ دھرنی کہے تیرا لیکھا بالمیِک نے لِکھیا نال پیار، پریم پاتی میَنوُں دِتی سُنائیا۔ نالے تیرا بنیا برہم دا یار، تیری مُحبّت وِچ سمائیا۔ دوہاں دا میلا اِک دوار، در دروازہ
اِکو اِک وکھائیا۔ جِتھے وِشن برہما شِو کھڑے بِھکھار، در منگن سیِس نِوائیا۔ اوتار پَیغمبر گُروُ جوت اُجیار، نوُر نوُرانہ نوُر الاہیِا۔ تُوں پت پرمیشور پروردِگار کِرپا کر آپ نِرنکار، نِروَیر تیرے ہتّھ وڈیائیا۔ میرا وقت سُہنجنا آد نِرنجنا کر وِچ سنسار، دُشٹ سنگھاری جن بھگتاں دے مان وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل اگمّ اپار، الکھ اگوچر اتھاہ بے پرواہ کہن کوئے نہ پائیا۔
۱۹ ماگھ شہنشاہی سمت اٹّھ پِنڈ گُمان پُر ضِلع امرتسر نرائن سِنگھ دے گرِہ
بالمیِک کہے دھرنی میری قلم اوسے دا لیکھ لِکھدی، جو لِکھن پڑھن وِچ کدے نہ آئیا۔ جِس دی کھیل اپنی اگمّی تِھت دی، جگت وار ونڈ نہ کوئے ونڈائیا۔ اوہدی دھار آد جُگادی نِت دی، نوِت اپنی کار بُھگتائیا۔ اوہدی آسا اپنے مِت دی، مِتر پیارا بےپرواہیِا۔ اوہدی کرنی دُھر دے پِت دی، پت پرمیشور اگمّ اتھاہیِا۔ جِس دی نِشانی نہیں پتّھر اِٹّ دی، جوت شبد دھار شنوائیا۔ بِنا اُس دی کِرپا توں سُرتی نہیں ٹِکدی، سچ وِچ نہ کوئے مِلائیا۔ ٹھگؤری مِٹے نہ ذِبح چِت دی، چیتن روُپ نہ کوئے سمجھائیا۔ تُوں کھیل ویکھنی اُس دے ہِت دی، کلجُگ انتم اکھّ کُھلائیا۔ تانگھ رکھنی اپنی سکّ دی، تمنّا اپنے انتر اُپجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ ہوئے آپ سہائیا۔ دھرنی کہے بالمیِک میَں کی رکھاں آس، کِس بِدھ دھیان لگائیا۔ کِس بِدھ ویکھاں کھیل تماش، کی کرتا کار کمائیا۔ کوَن دھار کرے پرکاش، جوتی جاتا ڈگمگائیا۔ کی روُپ ہووے پُرکھ ابناش، بھیوَ ابھیدا دئے کُھلائیا۔ کِس منڈل پاوے راس، کی اپنا رنگ رنگائیا۔ کِس وسے ذات پات دیِن دُنی دے دِرڑائیا۔ کِس بِدھ میٹے کلجُگ اندھیری رات، سَت سَت چند چمکائیا۔ کِس بِدھ لیکھا پوُرا کرے شنکر اُتے کَیلاش، برہما برہم دھار سمجھائیا۔ وِشنوُں کِس بِدھ دیوے وِشواس، وِشیاں توں باہر دِرڑائیا۔ اوتار پَیغمبراں گُروُآں کؤن دوارے دیوے ساتھ، سگلا سنگ بنائیا۔ کی حُکم ورتے پُرکھ سمراتھ، ہرِ کرتا دھردرگاہیا۔ میَں کِس بِدھ جوڑاں ہاتھ، بِن ہتّھاں ہتّھ اُٹھائیا۔ میَنوُں دھرم دی دسّ دے جاچ، یاچک ہو کے منگ منگائیا۔ میرا صاحِب کِس وسے کایا ماٹی کاچ، کنچن
گڑھ سُہائیا۔ کِس بِدھ کلجُگ اگن بُجھائے آنچ، امرت میگھ برسائیا۔ اوہدا روُپ انوُپا سَت سروُپا جُگ چؤکڑی بہُہ بھانت، بِن کِرپا سمجھ کِسے نہ آئیا۔ اوہ دھرنی اُتے نؤ کھنڈ پرِتھمی ستّ دیِپ وسے کِس پرانت، حِصّہ کوَن رکھائیا۔ میَں کِس بِدھ تکاّں ہو اِکانت، بِن نیَناں نیَن اُٹھائیا۔ میری اِکو نِکّی جِہی بات، باطن پردہ دے چُکائیا۔ کِس بِدھ میلا ملِے کملاپات، پت پرمیشور نوُر الاہیِا۔ کی وست امولک دیوے دات، انمُلڑی آپ ورتائیا۔ بالمیِک ہسّ کے کِہا جِس دی صِفت وِچ میَں بھر دِتے کاغذ کاغذات، اکشر اکھّراں نال مِلائیا۔ اوہ رام راما نؤجوانا مرد مردانہ اِکو نوُر جوت پرکاش، دوُجا روُپ نہ کوئے درسائیا۔ اوہ مِہربان محبوُب دھرنی دھرت دھوَل دھؤل تیری پوُری کرے آس، نِراس رہن کوئے نہ پائیا۔ کلجُگ انتم پرگٹ ہووے آپ، آپ اپنا پھیرا پائیا۔ ترےَگُن مایا میٹے تاپ، ترےَبھوَن دھنی اپنی دَیا کمائیا۔ ہرِ بھگت سُہیلے بنا کے ساک، سجّن ہوئے سہج سُکھدائیا۔ تُوں میرا میَں تیرا دسےّ جاپ، سوہنگ ڈھولا اگمّ اتھاہیِا۔ تن وجوُد ماٹی خاک تیرا کرے پاک، پتت پُنیِت بنائیا۔ جِس سمبل بہہ کے کھولنا تاک، پردہ پردیاں وِچوں اُٹھائیا۔ بالمیِک کہے میرا اُس ویلے وی ہونا ساتھ، سگلا اپنا سنگ بنائیا۔ میَں نِو نِو ٹیکاں ماتھ، مستک دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، سچ دا مالک اپنا رنگ رنگائیا۔ بالمیِک کہے میری قلم بنائے اکھّر، نِراکھّر دھار سمجھائیا۔ ایہہ لکیِر نہیں کوئی پتّھر، پاہن پتّھر توڑ پھوڑ کے سارے دین مِٹائیا۔ میری جگت والی نہیں کوئی سطر، لائن اکھّاں وِچ نظری آئیا۔ میری بُدھی نہیں کوئی چتُر، عقل چلے نہ کوئے چتُرائیا۔ میرا لیکھا نہیں کوئی پترکا اُتے پتّر، کاغذ مِلی نہ کوئے وڈیائیا۔ میَں اُس دی مہما کردا جِس نے اپنی دھار گوبِند لاؤنا ستھر، یارڑا سیج سُہائیا۔ جِس کلجُگ انتم سب دا لہنا دینا لیکھا کرنا پدّھر، اوُچ نیِچ دا پندھ مُکائیا۔ تیری پوُری کرے سدّھر، سدّھراں والیاں ویکھ وکھائیا۔ صدی چؤدھویِں پا کے غدر، گداگر کرے لوکائیا۔ سَتگُر شبد کولوں کراوے عدل، اِنصاف اپنے ہتّھ رکھائیا۔ دھرنیئے تیرے اُتے دھرم دی دھار دیوے بدل، کلجُگ وِچوں سَتجُگ لئے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا آد جُگاد جُگ چؤکڑی نِرگُن سرگُن دھار اِکو پتن، سچ دوارا ایکنکارا درگاہ ساچی مقامے حق، سچکھنڈ اِکو اِک سُہائیا۔
۱۹ ماگھ شہنشاہی سمت اٹّھ پِنڈ سوہل ضِلع امرتسر پوُرن سِنگھ دے گرِہ
دھرنی کہے موہے بالمیِک نے اکھّر وکھائے پُٹھے، پُٹھی کل پربھ دئے ورتائیا۔ کلجُگ ویلے انتم تُٹھے، مِہربان ہوئے سہائیا۔ جن بھگت سُہیلے منائے رُٹھے، رُسیِاں گلے لگائیا۔ لکھّاں وِچوں لبھے مُٹھے، مُٹھی بھر دئے وڈیائیا۔ لُکیا رہے نہ کوئے کِسے گُٹھے، چاروں کُنٹ پھول پھولائیا۔ پھل لگائے کایا بوُٹے، پتّ ٹہنی نام مہکائیا۔ سچ پریِتی دیوےہوُٹے، ہُلارا اِکو اِک وکھائیا۔ بھاؤ چُکا کے ایکا دوُجے، میلا میلے سہج سُبھائیا۔ جِنہاں دی دھار آپے بُجھے، بُجھی دیِپک دئے جگائیا۔ اوہناں اِک دوارا سُجھے، دوُجی اوٹ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ دھرنی کہے میَں اکھّر ویکھے بِنا تختی، سیاہی نظر کوئے نہ آئیا۔ جِس دا حُکم مِلنا نال سختی، سختیا کرے صفائیا۔ دیِن دُنی آوے کمبختی، کامل مُرشد حُکم ورتائیا۔ کھیل کھِلائے مالک عرشی، پریِتم اگمّ اتھاہیِا۔ لیکھا جانے خاک فرشی، زِمیں زماں پھول پھولائیا۔ جِس دی سمت شہنشاہی اٹّھ دی ہونی برسی، برس سالاں ونڈ ونڈائیا۔ اوہ کھیل جانے بھگتاں گھر دی، گھر گھر ویکھے چائیں چائنیا۔ ایہہ وڈیائی نرائن نر دی، بالمیِک گیا سمجھائیا۔ جِس کلا مُکاؤنی کلجُگ کل دی، کل کاتیِاں کرے صفائیا۔ منزل دسّنی اِک اٹل دی، اگمّ اتھاہ سمجھائیا۔ جِس آسا پوُری کرنی باوَن بل دی، اسمیدھ یگّ دئے گواہیِا۔ اُس دی کتھا کہانی ہونی چھل دی، اچھل چھلدھاری آپ کرائیا۔ جِس دی خبر کِسے نہیں گھڑی پل دی، جو پلکاں اوہلے بَیٹھا ڈیرہ لائیا۔ دھرنی کہے میَں پیاسی اوسے امرت جل دی، سمُند ساگراں آس نہ کوئے رکھائیا۔ میَں اِک دوارا ملّدی، سچ سِنگھاسن ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی کرنی کدے نہ ٹلدی، ٹالن والا نظر کوئے نہ آئیا۔
۱۹ ماگھ شہنشاہی سمت اٹّھ پِنڈ سوہل ضِلع امرتسر مہِندر سِنگھ دے گرِہ
دھرنی کہے میَنوُں جُگ جُگ لگّیِاں تانگھاں، بِن لوچن نیَناں دھیان لگائیا۔ میَں سُنیِاں پَیغبراں والیاں بانگاں، اَذاں کھوج کھوجائیا۔ جِدھر ویکھاں کلجُگ کوُڑی کِریا چڑھیِاں کانگاں، کاگ وانگ کُرلائیا۔ کِرپا نِدھان بدل سوانگا، سوانگی آیا روُپ بدلائیا۔ لہنا دینا ویکھ دھرنی دھرت دھوَل دھؤل نِمانیاں دی ماں دا، جو آسا رہی تکائیا۔ مان رہیا نہ سَتگُر شبد تیرے ناں دا، ناؤں نِرنکارا سارے گئے بُھلائیا۔ کھیل ویکھ اٹھسٹھ تیِرتھ تھاں دا، مندر مسجد شِودوالے مٹھ پھول پھولائیا۔ چاروں کُنٹ جھگڑا سوُر گاں دا، ہِندوُ مُسلم سارے بنے قصائیا۔ تیرا شبد بُھلیا واہ واہ دا، واہِگُروُ تیرے وِچ نہ کوئے سمائیا۔ پاندھی دِسے نہ کوئی تیرے گھر دے راہ دا، منزل حق چڑھن کوئے نہ پائیا۔ بَل رہیا کِسے نہ بانہہ دا، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دھرنی کہے پربھوُ ویکھ لےَ اپنی دھرتی، دھوَل دھیان لگائیا۔ تُوں مالک دُھر دا عرشی، پریِتم نوُر الاہیِا۔ کھیل ویکھ کلجُگ کل دی، کی کل کاتی حُکم ورتائیا۔ وڈیائی رہی نہ اٹھسٹھ تیِرتھ جل دی، گنگا گوداوری جمنا سُرستی رووے مارے دھاہیِا۔ دیِپک جوت کِتے نہ بلدی، نوُر نوُرانہ نہ کوئے رُشنائیا۔ مایا ممتا سادھاں سنتاں پِھرے چھلدی، اچھل چھلدھاری تیری سمجھ کِسے نہ آئیا۔ دھرنی کہے میری آسا ہوئی ڈوُنگھی ڈل دی، ترِسنا پوُر نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے میَں چار کُنٹ تیرا تکاّں راہ، بِن رستیاں رستہ ویکھ وکھائیا۔ تُوں کِرپا کر میرے مِہرواں، مِہربان تیری سرنائیا۔ تیرا نام سُہنجنا سو وقت سُہنجنا گیا آ، آدم حوّا راہ تکائیا۔ پَیغمبر کہن ساڈا نوُر الاہی خُدا، عالمیِن اِک اکھوائیا۔ گُروُ گُردیو کہن سَتگُر شبد شبدی ڈنک دے وجا، وجاوَنہارا اِک ہو جائیا۔ سارے سجدیاں وِچ کرن دُعا، دوئے جوڑ سیِس نِوائیا۔ میرے سوامی انترجامی میری پت رکھا، پت پرمیشور دَیا کمائیا۔ چاروں کُنٹ اندھیرا گیا چھا، نوُری چند نہ کوئے چمکائیا۔ آتم انتر نِرنتر بِن رسنا تَینوُں کوئی نہ سکے گا، جِہوا ڈھولے سارے گائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی تیری اِکو سرن لئی تکا، دوُسر اوٹ نہ کوئے تکائیا۔
۱۹ ماگھ شہنشاہی سمت اٹّھ پِنڈ سوہل ضِلع امرتسر ہری سِنگھ دے گرِہ
دھرنی کہے بیننتی سُن میرے نِرنکار، نِروَیر نِراکار تیری سرنائیا۔ اوتار پَیغمبر گُروُ کر خبردار، سچکھنڈ دوارے ایکنکارے دے جگائیا۔ اپنیاں دیِناں مذہباں دا انتر نِرنتر ویکھن وِوہار، کی مات کھیل کھِلائیا۔ شبد انادی گھر برہمادی سب دی سُن دُھنکار، کوَن مندر وجےّ ودھائیا۔ جوتی جاتے پُرکھ بِدھاتے آتم سب دی ویکھ اُجیار، کوَن گرِہ نوُر جوت رُشنائیا۔ کیوں چار کُنٹ دہ دِشا شاستر سِمرت وید پُراناں اِنجیِل قرآناں گئے وِسار، گُروُ گُردیو سوامی درس کوئے نہ پائیا۔ نؤ کھنڈ پرِتھمی ستّ دیِپ نؤ دوارے ودھیا وِبھچار، کوُڑ کِریا وِچ سرِشٹ درِشٹ ہلکائیا۔ دیِناں مذہباں ہوئی خار، تیرا نام کلمہ کرے لڑائیا۔ صدی چؤدھویِں دھوُاں دھار، نوُری چند نہ کوئے چمکائیا۔ چؤداں طبق رہے پُکار، تُوں میرا میَں تیرا نام نہ کوئے دِھیائیا۔ چؤداں لوک کھیل تک سچّی سرکار، چؤدس چند نوُر نہ کوئے چمکائیا۔ میَں روواں گِریہ زاری وِچ زارو زار، بِن نیَناں نیِر وہائیا۔ سچ سوامی تیرا کراں اِنتظار ، ویلا وقت بَیٹھی راہ تکائیا۔ کل کلکی ہو اُجیار، وید ویاسا دئے گواہیِا۔ جوتی جوت سروُپ ہرِ، آپ اپنی کِرپا کر، ایکا دے دُھر دا ور، در ٹھانڈے الکھ جگائیا۔ دھرنی کہے میَں پاپاں بھار تھکی، تھکاوٹ وِچ دُہائیا۔ تُوں صاحِب میرا کملاپتی، پت پرمیشور اِک اکھوائیا۔ چاروں کُنٹ ویکھ واء تتّی، امرت میگھ نہ کوئے برسائیا۔ تیرا نام نِدھان دِسے کِسے نہ رتی، رتن امولک ہیِرا گُرمُکھ نظر کوئے نہ آئیا۔ مان رہیا نہ راگ چھتّی، چھتردھاری بَیٹھے مُکھ بھوائیا۔ آتم نوُر جگے کوئے نہ وٹّی، دیِپک کایا نہ کوئے رُشنائیا۔ کلجُگ کوُڑی کِریا سب نوُں جاندی پٹّی، پٹّی پریم نہ کوئے بندھائیا۔ پنچ وِکارا کُھلی ہٹّی، نام سَت نہ کوئے چتُرائیا۔ تُوں صاحِب پُرکھ سمرتھی، کرنہار اکھوائیا۔ دھرنی کہے میَں سب کُچھ ویکھاں اکھّیں، اکھّیِاں والے اکھّیِاں گئے بھوائیا۔ آتم دھار پیار دی رہی کوئی نہ سخی، ساچے کاہنا تیرا درس کوئے نہ پائیا۔ سیِتا سُرت ہوئے کوئے نہ ستی، رام رام تیری سرن نہ کوئے رکھائیا۔ نانک گوبِند جانے کوئے نہ پٹّی، پٹنے والیا تیری دُہائیا۔ پَیغمبراں لیکھا لِکھیا نہیں ہتّھیں، پیشیِن گوئیاں وِچ سمجھائیا۔ انتم صدی بیِسویں چؤدھویِں جائے نَٹھی، اپنا پندھ مُکائیا۔ اُمت اُمتی تپدی بھٹّھی، آب حِیات نہ کوئے پیائیا۔ سَت مُحبّت وِچ دیِناں مذہباں وِچ دیِناں مذہباں دھار ہوئے نہ کٹّھی، ایکا رنگ نہ کوئے رنگائیا۔ سچ دھرم دی منزل جاندی ڈھٹّھی، محل اٹل نہ کوئے بنائیا۔ پُرکھ ابناشی تُوں وسیں گھٹ گھٹی،
ہر گھٹ بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، تُدھ بِن دوُجا نظر کوئے نہ آئیا۔ دھرنی کہے میرا چار کُنٹ نیَناں وگے نیِر، چھہبر اِک وکھائیا۔ تُوں شہنشاہ سُلطان پیِر پیِراں دا پیِر، پَیغمبر نوُر الاہیِا۔ تُوں دو جہاناں دستگیِر، دَیاوان وڈ وڈیائیا۔ تُوں لیکھا تک شاہ حقیِر، شہنشاہ اپنا پھیرا پائیا۔ میَں در درویش ہو کے منگاں حقیِر، فقیِر فِقرہ تیرا ڈھولا گائیا۔ دیِن دُنی دی بدل دے ضمیِر، انتشکرن کر صفائیا۔ تن ماٹی پوِتر کر چیِر، چِری وِچُھنے لےَ مِلائیا۔ میَں میرا ہویا دِلگیِر، دھیِرج دھیِر دے دھرائیا۔ دیِن دُنی دے اندر ہؤمے والی پیِڑ، دُتیا بھاؤ نہ کوئے مِٹائیا۔ پرم پُرکھ لیکھا مُکا دے ہست کیِڑ، کیِٹ کیِٹاں دے وڈیائیا۔ امرت آتم نِجھر جھِرنے سب نوُں دے سیِر، بوُند سوانتی آپ چوائیا۔ کلجُگ انتم سب دی بدل دے تقدیِر، تدبیِر اپنا نام دِرڑائیا۔ تُوں نِرگُن دھار جوت شہنشاہ سَتگُر شبد تیرا وزیر، رعیت ہرِجن ہرِ بھگت لےَ بنائیا۔ تیرا کھیل آد جُگادی بے نظیِر، جگت نیتر نظر کِسے نہ آئیا۔ دھرنی کہے میَنوُں مشورہ دیوے سچکھنڈ وِچ بَیٹھا کبیِر، قبراں توں باہر سُنائیا۔ اُٹھ تک جو بالمیِک رِکھی نے پرتھائے رام ماری لکیِر، رام رام گئے سُنائیا۔ اوہ رام سب دی کٹے بھیِڑ، لیکھا سب دا دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اِکو نام کھنڈا برہمنڈاں وکھائے اگمّی شمشیِر، جِس دی دھار لوہار ترکھان نہ کوئے بنائیا۔
۱۹ ماگھ شہنشاہی سمت اٹّھ پِنڈ گگوبوُا ضِلع امرتسر عجَیب سِنگھ دے گرِہ
دھرنی کہے میَں بھگتاں اُتوں جاواں بلہار، بل بل اپنا آپ کرائیا۔ جِنہاں مِلیا اِکا ایکنکار، اِک اِکلّا نوُر الاہیِا۔ میَں مات لوک بناں سیوادار، چاکر ہو کے سیو کمائیا۔ سَت سچ دی سُناں گُفتار، جو پربھ دا ڈھولا گائیا۔ تُوں میرا میَں تیرا جِنہاں دی دھار، دھرنی کہے میَں نِو نِو لاگاں پائیا۔ کلجُگ انت میرے اُتے ہویا اُجیار، نوُر نوُرانہ ڈگمگائیا۔ میَں سندیسہ دیواں اپنی وار، پوُرب پِچھلا بھیوَ کُھلائیا۔ جو بالمیِک وجائی ستار، میرے اُتے سَت دِرڑائیا۔ سو ویکھ لیا کرتار، ہرِ کرتا نوُر الاہیِا۔ جِس میرے اُتوں لاہُنا بھار، وِبھچار کرے
صفائیا۔ سَت دھرم دئے اُتار، میری ساچی گود سُہائیا۔ بھگت سُہیلے پاوے سار، بھگوَن اپنا رنگ رنگائیا۔ جن بھگت کرن پیار، پرم پُرکھ مِل کے وجےّ ودھائیا۔ میَں خوشیاں دے وِچ ویکھاں سنسار، سنساری بھنڈاری سنگھاری نال مِلائیا۔ گُروُآں کہاں بول جَیکار، شبدی شبد شبد شنوائیا۔ پَیغمبراں کہاں تکّو پروردِگار، بے پرواہ اگمّ اتھاہیِا۔ اوتاراں کہاں کرو نِمسکار، ڈنڈاوت وِچ سیِس جھُکائیا۔ برہمنڈاں کھنڈاں کہاں ہووو ہوشیار، پُری لوء لؤ انگڑائیا۔ روَ سس دھوُڑی لاؤ مستک چھار، ٹِکاّ اِکو نام رمائیا۔ جُگ چؤکڑی ہووو خِدمتگار، خادم ہو کے سیو کمائیا۔ کل تکّو کلکی اوتار، جو بھگتن میِتا اِک اکھوائیا۔ جِس دا بھریا نام بھنڈار، نِرگُن سرگُن رہیا ورتائیا۔ جِس سُہایا بل دوار، باوَن کھیل کھِلائیا۔ سو لیکھا جانے اپنی وار، وارث ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ دھرنی کہے میَں بھگتاں اُتے آپا آپ کراں قُربان، کربلے والے سارے دھیان لگائیا۔ میَنوُں تکّن دو جہان، چؤداں طبق اکھّ اُٹھائیا۔ کھیل ویکھاں وکھاواں سِری بھگوان، کی بھگوَن کار کمائیا۔ چارے کُنٹ حُکم سندیسہ دیواں آن، ایکا ایک جنائیا۔ اُتّر پوُرب پچھّم دکھّن تکّے نؤجوان، سوُربیِر دُھردرگاہیِا۔ جِس دا شبد کھنڈا اگمّا نام، تیِر کمان چِلّہ اِکو رہیا چڑھائیا۔ جِس کلجُگ کوُڑی شرع میٹنی شیَطان، شریِعت دیِن دُنی بدلائیا۔ روُپ انوُپ دھر کے آپ اِمام، اِمام اِماما کھیل کھِلائیا۔ ایکا دیوے کلمہ حق پَیغام، پَیغمبراں توں باہر پڑھائیا۔ اوس دے چرن کوَل کراں پرنام، قدم بوسی وِچ سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب اِک اکھوائیا۔ دھرنی کہے میَں بھگتاں ہوئی داسی، داسن داس سیو کمائیا۔ جِنہاں کرنی بند خلاصی، بندھن مذہباں والے تُڑائیا۔ میرے اُتے خوشیاں والی پاؤنی راسی، آتم پرماتم گوپی کاہن نچائیا۔ منزل چڑھنا دھرم دی گھاٹی، دوُجا راہ نہ کوئے تکائیا۔ میری پِچھلی پوُری ہووے واٹی، پاندھی پندھ مُکائیا۔ اِکو نوُر جوت دِسے جن بھگتاں اندر لِلاٹی، نِروَیر نِراکار نظری آئیا۔ آتم سیج سُہنجنی ویکھاں کھاٹی، سچ سِنگھاسن سوبھا پائیا۔ جِتھے وسیا کملاپاتی، پت پرمیشور بےپرواہیِا۔ دھرنی کہے میری سُہنجنی ہوئی اجّ دی راتی، رُتڑی پربھ دے نال مہکائیا۔ جو بھگتاں بنیا جماعتی، ڈھولا نام اِکو صِفت صالاحیِا۔ کلجُگ انتم پُچھے واتی، ورناں برناں کھوج کھوجائیا۔ میَں سب کُجھ سُن دی دھرنی کہے چُپ چُپاتی، رسنا جِہوا بتّی دند نہ کوئے ہِلائیا۔ جِنھ تیرے اُتوں
ناس کرنے پاپی، جن بھگت لئے ترائیا۔ اوس پوُری کرنی بالمیِک دی آکھی، جو بِن اکھّراں میَنوُں دِتا سُنائیا۔ چار کُنٹ دہ دِشا میری کرے راکھی، رکھک ہو کے ویکھ وکھائیا۔ دھرنی کہے میَں دھرت دھؤل دھوَل سدا سد رکھی اوسے دی آسی، آسا وِچ دھیان لگائیا۔ جِس دی نِرگُن نوُر جوت پرکاشی، دو جہاناں کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دی کرنی آد جُگاد ساچی، جُگ جُگ سچ حُکم ورتائیا۔
۱۹ ماگھ شہنشاہی سمت اٹّھ پِنڈ گگوبوُا ضِلع امرتسر مختیار سِنگھ دے گرِہ
دھرنی کہے جن بھگتو میَنوُں خوشیاں وڈّیِاں، پربھ وڈّے دِتی وڈیائیا۔ تُہاڈیِاں میرے اُتے وجّ گئیاں اڈّیِاں، میَں ویکھاں چائیں چائنیا۔ سوادھان ہون مقبریاں وِچ پَیغمبراں دیاں ہڈّیِاں، اپنی لیَن انگڑائیا۔ کہن اسیں شرع شریِعتاں چھڈیِاں، اِکو کلمہ نام دِھیائیا۔ جِس دیِاں سِتاراں چؤداں طبقاں وجّیِاں، لوک پرلوک شنوائیا۔ میَں اوس دوارے سجیِاں، جِتھے سجّن دُھردرگاہیِا۔ تُہاڈا پیار کر کر رجّیِاں، ترِسنا ترِکھا مِٹائیا۔ اوہ ویکھو بیِتدیِاں محمد والیِاں صدیِاں، صدمے سب دے رہیا گواہیِا۔ جِس دے اَگے سب نے باہواں بدھّیِاں، سِر سکے نہ کوئے اُٹھائیا۔ جِس اُلٹے وہن وہاؤنے ندیِاں، چِری وِچُھنے آپ مِلائیا۔ میرے اُتوں میٹنیاں بدیِاں، بدکاراں ڈیرہ ڈھاہیِا۔ میرے اندر خوشیاں ودھیاں، وعدے پوُر کرائیا۔ جِس تُہانوُں لایا انگیاں، انگیکار دُھر دا ماہیِا۔ میَں وی اوسے کولوں منگاں منگیِاں، مانگت ہو کے جھولی ڈاہیِا۔ جِس نے میری خواہش دیِاں رنگت رنگیِاں، رنگ اگمّ چڑھائیا۔ اوہ بن سوُرا سربنگیِا، ہرِجن ویکھے چائیں چائنیا۔ گھر گھر مارے پندھیِاں، پاندھی ہو کے پھیرا پائیا۔ جِس نے تُہاڈیاں آسا رکھیاں لمبیاں، اپنے نالوں نہ کدے تُڑائیا۔ میَں اُس دے بھے وِچ تھر تھب کمبیاں، تھرتھراہٹ وِچ دُہائیا۔ جِس نے دیِناں مذہباں توڑیِاں بندیِاں، بندیخانے ڈیرہ ڈھاہیِا۔ جن بھگتاں اکھّیِاں رہن نہ دینیِاں اندھیِاں، نِج نیتر لوچن نیَن کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دَیال سدا بخشندیا، بخشش رحمت اپنی آپ کمائیا۔
۱۹ ماگھ شہنشاہی سمت اٹّھ پِنڈ گگوبوُا ضِلع امرتسر بیِر سِنگھ دے گرِہ
دھرنی کہے جن بھگتو کی کراں تُہاڈی صِفت، صِفتی صِفت صالاحیِا۔ جِنہاں دا آد جُگادی اِکو اِشٹ، جُگ چؤکڑی دیوَ منائیا۔ سَتگُر شبد جِنہاں لِکھائے لِکھت، لِکھتی تصدیِق کرائیا۔ میرا سچّا پیار تُہاڈے نال اگمّا عِشق، جِس دی حقیِقی مزاجی دوویں دین گواہیِا۔ تُہاڈی دھوُڑی میرے اُتے لگّا تِلک، میری خاک سوبھا پائیا۔ میَنوُں سماں مِلیا وِلک وِلک، کوُک کوُک سُنائیا۔ دھنّ بھاگ جے سب دا پوُرا ہویا صِدق، صبوُری پربھ اپنے نال رکھائیا۔ جوتی جوت سروُپ ہرِ، آپ اپنی کِرپا کر، دیونہار وڈ وڈیائیا۔ دھرنی کہے بھگتو میَں خوشیاں دے وِچ نچّاں، بِن قدماں قدم بدلائیا۔ میَں کھیل ویکھیا سچّا، جو سچ سچ دِتا وکھائیا۔ بالمیِک دا وعدہ ہویا نہ کچّا، کچّی تند نہ کوئے دِرڑائیا۔ کِرپا کیِتی پرمیشور پتا، اپنی آپ دَیا کمائیا۔ جِس وِچ فرق رہیا نہ رتا، رتن امولک ہرِجن لئے بنائیا۔ دھرنی کہے میرے اُتے جو بِنا کاغذ توں لِکھیا پٹا، سو پاٹل ہو کے ویکھ وکھائیا۔ کلجُگ کوُڑی کِریا جگت وکھایا ہٹّا، ہرِجن اپنے تول تُلائیا۔ بھاگ لگا کے کایا مٹّا، تن وجوُد کری صفائیا۔ میرا ہرکھ سوگ جُگ جُگ دا کیِتا مٹھا، چِنتا دِتی گوائیا۔ جِس ویلے میَں بھگتاں دا بھگتی پیار ویکھیا کٹّھا، در گھر ساچے سوبھا پائیا۔ جِتھے دیِن مذہب دا چُکیا رٹّا، جھگڑا ذات نہ کوئے رکھائیا۔ اِکو اوٹ پُرکھ سمرتھا، دوُسر ٹیک نہ کوئے جنائیا۔ میَں کھِڑ کھِڑا کے ہسّا، خوشیاں ڈھولے گائیا۔ پُرکھ اکال دیِن دَیال میری میٹی رَین اندھیری مسّا، ہرِجن نوُری چند چند چمکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، بھگوَن تیری تیرے ہتّھ وڈیائیا۔