کتب خانہGranth 23 (Shahmukhi)

۶ پھگّن شہنشاہی سمت اٹّھ پِنڈ ٹِبا ضِلع کپوُرتھلا سروُپ سِنگھ دے گرِہ

کلجُگ کہے دھرم پُرکھ اکالا میرا مائی باپ، پِتا اوَر نہ کوئے جنائیا۔ جِس کِرپا کیِتی آپ، پاربرہم پربھ دِتی مان وڈیائیا۔ سِر میرے رکھیا ہاتھ، سمرتھ ہویا آپ سہائیا۔ کوُڑی کِریا دِتی دات، جھولی اگمّ دِتی بھرائیا۔ اُٹھ ویکھ مار جھات، چاروں کُنٹ نیَن اُٹھائیا۔ جِدھر ویکھے اندھیری رات، ساچا چند نہ کوئے چمکائیا۔ کِرپا کیِتی پُرکھ ابناش، میَنوُں دِتی مان وڈیائیا۔ میَں سچ سَت دا کیِتا ناس، دھرتی اُتے رہن نہ پائیا۔ طاقت رہی نہ شنکر والی کَیلاش، کلا اپنی دِتی پرگٹائیا۔ برہم دا رہیا نہ کِسے وِشواس، برہما رووے مارے دھاہیِا۔ وِشنوُں وِشوَ دا بن نہ سکے ساک، سگلا سنگ نہ کوئے رکھائیا۔ اوتار پَیغمبر گُروُ سارے ملدے ہاتھ، ہتھیلی ہتھیلی نال مِلائیا۔ دوُر دُراڈا تکّے تریَلوکی ناتھ، رام راما اکھّ کُھلائیا۔ کی لیکھا دیِن دُنی لوک مات، دھرنی دھوَل کی وڈیائیا۔ کلجُگ کہے میَں دھرم سب کُچھ کیِتا ناس، ناستک کیِتی لوکائیا۔ کوٹاں وِچوں جن بھگت سُہیلے جِنہاں پربھ دی رکھی آس، اوڑک اِک دھیان لگائیا۔ میَں اوہناں دا داسی داس، بِن سیِس سیِس جھُکائیا۔ باقی چاروں کُنٹ میری مایا ممتا والی راس، بِن گوپی کاہن ناچ نچائیا۔ میری اِکو سچّی خواہش، خیَرخواہ ہو کے دیاں سُنائیا۔ ہر ہِردے کراں واس، گھٹ گھٹ ڈیرہ لائیا۔ پربھوُ دا اجپا جپے کوئے نہ جاپ، ہِردے ہرِ سکے نہ کوئے وسائیا۔ چار کُنٹ دہ دِشا میری کرنی دا ویکھ پاپ، پتت ہوئی لوکائیا۔ دھرنی تھر تھر رہی کانپ، تھرتھراہٹ وِچ دُہائیا۔ دیِن مذہب کرن پشچاتاپ، کھتری براہمن شوُدر وَیش دھیِر نہ کوئے دھرائیا۔ جِتھے تکّو دھرم جی اوتھے اوتھے دھرم دی گھاٹ، اوُنتا وِچ سارے ویکھ وکھائیا۔ میری انت پربھوُ دے ہتّھ واٹ، دوُجا بدلا سکے نہ کوئے چُکائیا۔ میری اِکو اِک سَت سچ دی آس، آساوند ہو کے دیاں سمجھائیا۔ سَت دھرم تیرا رہن دینا نہیں کوئی پرکاش، دھرم دوارے پھول پھولائیا۔ میری تھاپنا پرم پُرکھ نے دِتی تھاپ، تھپک تھپک لوک مات میَنوُں دِتی وڈیائیا۔ میَں سب دے اندر بھریا روگ سنتاپ، مایا ممتا پنچ وِکار نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو آد جُگاد سب دا مائی باپ، پرم پُرکھ پرماتم اکال دَیال ہوئے سہائیا۔

۶ پھگّن شہنشاہی سمت اٹّھ پِنڈ جاُنگلی ضِلع کپوُرتھلا پیارا سِنگھ دے گرِہ

کلجُگ کہے دھرم میَنوُں سارے کردے گئے یاد، اوتار پَیغمبر گُروُ ڈھولے گائیا۔ جِنہاں دیِن دُنی کیتے آباد، نام کلمیاں ونڈ ونڈائیا۔ شریِعت شرع دا بنے اُستاد، طُلبے سِکھ مُریِداں کری پڑھائیا۔ دُھر دا نام گئے ارادھ، رسنا جِہوا ڈھولے گائیا۔ لیکھ لِکھ کے گرنتھ کِتاب، اکھّر اکھّراں جوڑ جُڑائیا۔ نالے کہندے گئے سب نوُں کلجُگ کرنا برباد، کل کاتی نظری آئیا۔ میرے صاحِب نے میری کھولی جاگ، نیتر اکھّ کُھلائیا۔ میرے وڈّے وڈ وڈ بھاگ، پربھ دِتی مان وڈیائیا۔ میَں ورت کے اپنا سوانگ چاروں کُنٹ ویکھ وکھائیا۔ سَت دھرم تیرا کِسے گرِہ نہ جگے چراغ، نوُر نظر کوئے نہ آئیا۔ ہر گھٹ اندر دُرمت میَل داغ، گھر گھر دِتا لگائیا۔ ہنس بنائے کاگ، دُرمت میَل نہ کوئے دھوائیا۔ انتر نِرنتر پربھ نوُں سکے نہ کوئے ارادھ، رسنا جِہوا سارے گائیا۔ سَت رہن دِتا نہیں کِسے سماج، سمگری سَت نہ کوئے ورتائیا۔ دھرم دا دِسے نہ کوئے راج، رعیت رنگ نہ کوئے رنگائیا۔ دُھر دا سُنے کوئے نہ ناد، نادی شبد نہ کوئے شنوائیا۔ منزل چڑھے نہ کوئے سادھ، اَدھواٹے بَیٹھے مارن دھاہیِا۔ مایادھاری کیتے اپاہج، لنگڑے لوُلے نظری آئیا۔ دھرم میرے جھوُٹھ اَگے تیرا کی جواب، میَنوُں دے سُنائیا۔ ٹھگّا چوراں یاراں ملِے خِطاب، چاروں کُنٹ خوشی بنائیا۔ سَت رہیا نہ کِسے محراب، کعبیاں کرم نہ کوئے کمائیا۔ تُوں اپنا سچ دا لیَنا چھڈ دے خواب، خواہ مخواہ نہ دھیان لگائیا۔ بِنا کوُڑ توں میرے وِچ ہونا نہیں کوئی لابھ، جگت ملِے نہ کوئے وڈیائیا۔ ذرا کھیل تک پربھوُ مہاراج، جو میرا کرتا رہیا کرائیا۔ جِس دا کھیل دیس دوآب، دوہری دھار پرگٹائیا۔ اوہ ویکھے اپنیاں بھگتاں باغ پُھل ٹہنی پھول پھولائیا۔ میری کرنی نوُں دُنیا کہے پاپ، پر میَں پربھ دی سیو کمائیا۔ ہُن میرا وڈ پرتاپ، دھرم تیری چلے نہ کوئے چتُرائیا۔ کِرپا کرے میرا باپ، پُرکھ اکال ہوئے سہائیا۔ جو ساچا سجّن ساک، سگلا سنگ نِبھائیا۔ جِس تیری اُڈاؤنی خاک، خاکے میَنوُں رہیا وکھائیا۔ میَں تیرے نالوں چلاک، تیری چلاکی کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی کرے کرائے آپے آپ، اپنا حُکم آپ ورتائیا۔

۶ پھگّن شہنشاہی سمت اٹّھ پِنڈ شِکارپُر ضِلع کپوُرتھلا جاگیِر سِنگھ دے گرِہ

کلجُگ کہے دھرم میَں پربھوُ دا بچّہ نَنھا، بال پیارا اِک اکھوائیا۔ میرا وجوُد دِسے نہ کوئے تِنّاں، روُپ رنگ ریکھ نہ کوئے سمجھائیا۔ میَں نؤ کھنڈ پرِتھمی ستاں دیِپاں ویکھیا بنّا، حد حدوُداں پھول پھولائیا۔ میَں وڑیا دیِناں مذہباں والیاں چھپّر چھنّاں، مندر مسجد شِودوالے مٹھ پھول پھولائیا۔ میَں ویکھیا شاستر سِمرت وید پُران اِنجیِل قرآن بائیبل گُروُ گرنتھ صاحِب دا چؤداں سؤ تیہہ انک پّنا، اکھّر اکھّر کھوج کھوجائیا۔ میَنوُں اِشارہ دیوے گوبِند والا کنّا، کائنات رہیا وکھائیا۔ سرِشٹی دی درِشٹی اندر مایا ممتا بھر دے دھنا، موہ وِچ ہوئے لوکائیا۔ میَں وی اُس صاحِب دا چنّا، جو دو جہان کرے رُشنائیا۔ کلجُگ کہے میَں چاروں کُنٹ پِھراں بھنّا، بھجّاں واہو داہیِا۔ گوبِند کِہا تیرا سماں رہن نہ دیواں لما، لمحہ لمحہ ویکھ وکھائیا۔ دیِن دُنی بھرماں دے وِچ کایا ماٹی چمّا، چمّ درِشٹی وِچ بھوائیا۔ سچ دا رہے کوئے نہ دما، پوَن سواسی کوُڑ نال مِلائیا۔ جگت جہان کر نِکّما، پربھ نوُں مِلن کوئے نہ پائیا۔ چاروں کُنٹ دِسے غما، دھیِرج دھیِر نہ کوئے بندھائیا۔ من کلپنا ہووے طمع، لالچ وِچ سرب للچائیا۔ جوتی نوُر دِسے نہ شمع، شام اندھیرا چاروں کُنٹ چھائیا۔ دُھر سندیسہ سُن نواں، نوَ اٹھاراں توں باہر دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ کلجُگ کہے دھرم اپنی کھول اکھّ، پِچھلا پِچھے دھیان گوائیا۔ ہُن کھیل پربھوُ پرتکھ، جو میرے وِچ آیا چائیں چائنیا۔ جِس اوتار پَیغمبر گُروُآں مارگ دِتے دسّ، دیِناں مذہباں رنگ رنگائیا۔ اوہ صاحِب پُرکھ سمرتھ، ہرِ کرتا دُھردرگاہیِا۔ جِس نوُں ویکھیاں سگل وسوُرے جائن لتھ، اگنی تت نہ لاگے رائیا۔ اُس دی شبد مہما اکتھ، کتھنی کتھ نہ کوئے سُنائیا۔ اوہ میرا چاروں کُنٹ چلائے رتھ، رتھواہی اپنی دَیا کمائیا۔ میَں سچ سچ سارا دِتا متھ، متھن کیِتی کوُڑ لوکائیا۔ پھیری دروہی نَٹھ نَٹھ، بھجیّا واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو میرا کھیل کرے ہسّ ہسّ، ہستی دا مالک بےپرواہیِا۔

۶ پھگّن شہنشاہی سمت اٹّھ پِنڈ ولنی ضِلع کپوُرتھلا گُردِت سِنگھ دے گرِہ

کلجُگ کہے دھرم میرا ویکھ لےَ زور، جوروُ زر دِتی وڈیائیا۔ چاروں کُنٹ اندھیرا گھور، ساچا چند نہ کوئے چمکائیا۔ مِلی وڈیائی ٹھگّ چور، نؤ کھنڈ پرِتھمی بھجّن واہو داہیِا۔ من ممتا پاوے شور، شؤہر بانکے مِلن کوئے نہ آئیا۔ کوُڑی کِریا چاروں کُنٹ رہی دؤڑ، اُتّر پوُرب پچھّم دکھّن اپنا پندھ مُکائیا۔ مانَس بوُٹا پھل ہویا کؤڑ، امرت رس نہ کوئے بھرائیا۔ کھیل کرے براہمن گؤڑ، گوَڑا اپنی کار بُھگتائیا۔ جِس دا لیکھا اوَر کا اؤر، بھیوَ ابھیدا آپ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ داتا اگمّ اتھاہیِا۔ کلجُگ کہے دھرم میرا ویکھ لےَ انتم بل، ولیِا چھلیِا کھیل کھِلائیا۔ نوَ ستّ رہے ہلّ، دھیِرج دھیِر نہ کوئے دھرائیا۔ حُکم دیوے پُرکھ ابناشی جو وسے نِہچل دھام اٹل، سچکھنڈ ساچے سوبھا پائیا۔ مایا ممتا اندر جان رل، موہ وِکارے وِچ سمائیا۔ کایا کوُڑ چلاؤنا ہلّ، مانَس مانَو ویکھ وکھائیا۔ پنج وِکارا گھر گھر واڑنا دل، پنچم دُھن نہ کوئے شنوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ کلجُگ کہے دھرم میری ویکھ لیاقت ، پربھ دِتی مان وڈیائیا۔ رہن دِتی نہیں کوئی شرافت، دیِن مذہب شرع نال ٹکرائیا۔ گھر گھر کرائی بغاوت، بغلگیِر نہ کوئے اکھوائیا۔ ساچا نام ملِے نہ کِسے نیامت، کوُڑی کِریا جگت ہلکائیا۔ چاروں کُنٹ اندھیری شامت، شمع نوُر چند نہ کوئے چمکائیا۔ بِنا بھگتاں انتر دِسے نہ کِسے صحیح سلامت، سچ رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ ٹِکائیا۔ کلجُگ کہے دھرم میرا جگدا ویکھ چراغ، چراگاہاں کرے رُشنائیا۔ میَں جیِو جنت ہنس بنائے کاگ، بُدھ بِبیک نہ کوئے رکھائیا۔ دُرمت میَل سب نوُں لایا داغ، پتت پُنیِت نہ کوئے کرائیا۔ کایا مندر اندر لگائی ترےَگُن آگ، امرت میگھ نہ کوئے برسائیا۔ سَتگُروُ پریم سارے گئے تیاگ، جگت واسنا بندھن پائیا۔ سچ دا رہیا نہ کوئے سماج، سمگری سچ ہتّھ کِسے نہ آئیا۔ آتم اُپجے نہ کِسے وَیراگ، آتم پرماتم میل نہ کوئے مِلائیا۔ منزل چڑھیا دِسے نہ کوئے سادھ، درگاہ ساچی سچکھنڈ سوبھا کوئے نہ پائیا۔ میرا کھیل تک لےَ آج، اجّ دی گھڑی سُلکھّنی دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ کلجُگ کہے دھرم ویکھ لےَ میَں سب دے نالوں چلاک، سَتجُگ تریتا دواپر سارے دھیان لگائیا۔ میَں چار کُنٹ اُڈائی

خاک، خاکی بندہ سمجھ کوئے نہ پائیا۔ آتم پرماتم سب دا کرایا طلاق، پاربرہم برہم سنگ نہ کوئے رکھائیا۔ سُرت شبد رہیا نہ کِسے دا نات، آتم رس نِجھر جھِرنا نہ کوئے جھِرائیا۔ جھگڑا پایا ذات پات، دیِن مذہب کرے لڑائیا۔ کلمہ حق سمجھے نہ کوئے کاغذات، چار جُگ دے شاستر دین گواہیِا۔ اُتّر پوُرب پچھّم دکھّن ویکھ اندھیری رات، کوُڑ کُڑیارا بادل دِتا چھائیا۔ سَت دا سچ نال رہیا نہ کوئے راج، رعیت ریکھ نہ کوئے بدلائیا۔ میرے اندر جگت جگیاسوُ سکے کوئے نہ جاگ، نِج نیتر لوچن نیَن اکھّ نہ کوئے کُھلائیا۔ میَں سوُربیِر بہادر پرم پُرکھ میری اپنے ہتّھ پکڑی واگ، سِر میرے ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جو لیکھا جانے جُگاد آد، آد جُگاد جُگ چؤکڑی اپنا حُکم ورتائیا۔

۶ پھگّن شہنشاہی سمت اٹّھ کپوُرتھلا کرتار سِنگھ دؤلت سِنگھ گُردَیال سِنگھ دے نوِت

دھرم کہے کلجُگ میرے صاحِب سوامی اُٹھنا، نِرگُن نِروَیر نِراکار نِرنکار جوت کرے رُشنائیا۔ مِہربان محبوُب ہو کے تُٹھنا، پاربرہم پربھ اپنی دَیا کمائیا۔ شاہ پاتشاہ ہو کے سب نوُں پُچھنا، بچیا رہن کوئے نہ پائیا۔ جِس حُکم سُناؤنا اِکو تُکنا، تُوں میرا میَں تیرا ڈھولا دئے سمجھائیا۔ میَں اُس دیاں سُکھّدا سُکھّنا، جو سُکھ ساگر روُپ سمائیا۔ اوہ ضرور میری سُہائے رُتنا، رُتڑی اپنے نال مہکائیا۔ جِس دا شبد دُلارا پُتنا، پِتا پُرکھ اکال دئے وڈیائیا۔ تیرا کوُڑ کُکرم دیِن دُنی وِچوں پُٹنا، انتم کوُڑے وہن دئے وہائیا۔ تیرا کھیڑا سَت دھرم نے لُٹنا، لُٹیرا بنے سَتگُر شبد سہج سُکھدائیا۔ جِس نِربھےَ ہو کے بُکنا، شبدی شبد آواز سُنائیا۔ اُس دا بھانا کدے نہ رُکنا، نہ کوئی میٹے میٹ مِٹائیا۔ تیرا رہے کوئی نہ دُکھنا، دُکھیِاں دردیِاں درد ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اگمّ اتھاہیِا۔ کلجُگ کہے دھرم میری سُن لےَ آشا، آس نال جنائیا۔ میرا اُس صاحِب تے بھرواسا، جو بھانڈا بھرم بھنّائیا۔ میَں بن کے داسی داسا، ساچی سیو کمائیا۔ چاروں کُنٹ پاواں راسا، بِن گوپی کاہن ناچ نچائیا۔ میَنوُں دیِن دُنی تک کے آوے ہاسا، ہسّ کے دیاں وکھائیا۔ نام دھرم سَت رہیا نہ کِسے کول رتی ماسا، ماس برس دِوس سارے دین گواہیِا۔ گھر گھر اندر ہوئی اندھیری راتا، آتم نوُر نہ کوئے رُشنائیا۔

جیِواں بُھلیا پُرکھ بِدھاتا، پاربرہم میل نہ کوئے مِلائیا۔ آہ ویکھ میرا ڈوُنگھا کھاتہ، چؤداں طبق محمد رہیا جنائیا۔ عیسیٰ موُسیٰ ایسے دا ویکھے تماشا، جو تماشبیِن اِک اکھوائیا۔ سَتگُر نانک گوبِند دھار کھولے خُلاصہ، پردہ پردیاں وِچوں چُکائیا۔ جو صاحِب سوامی میَنوُں دیونہارا داتا، دَیاوان اِک اکھوائیا۔ سو انت کنت بھگوَنت میریِاں پرم پُرکھ پُچھے واتا، پروردِگار سانجھا یار ہوئے سہائیا۔ دھرم اوہ تک دھرم دواریاں وِچ تَینوُں دِسے گھاٹا، تکّڑ ترازوُ تول پوُر نہ کوئے کرائیا۔ میرا کھیل بازی گر ناٹا، سوانگی ہو کے اپنا سوانگ رچائیا۔ تُوں سُتا رہو اپنی کھاٹا، سیج سُہنجنی ڈیرہ لائیا۔ صدی چؤدھویِں انت کرا کے پھیر میری ویکھنی واٹا، پاندھی ہو کے پندھ مُکائیا۔ جوتی جوت سروُپ ہرِ، آپ اپنی کِرپا کر، ،دیونہارا ساچا ور، صاحِب سُلطان اِک اکھوائیا۔ دھرم کہے کلجُگ میرا صاحِب تک سُلطانا، ہرِ کرتا دُھردرگاہیِا۔ جِس دا حُکم دو جہاناں، نہ کوئی میٹے میٹ مِٹائیا۔ جُگ چؤکڑی نِرگُن سرگُن پہرے بانا، بان انیالا تیِر چلائیا۔ جِس سَتجُگ تریتا دواپرکلجُگ کیِتا کھیل مہانا، مہما کتھ کتھ سُنائیا۔ سو سوُربیِر نؤجوانا، مرد مردانہ اِک اکھوائیا۔ جِس تیرا کل کلیش مِٹانا، کل کلکی وڈ وڈیائیا۔ جودھا سوُربیِر بن بلی بلوانا، بلدھاری اپنا پردہ دئے چُکائیا۔ تیرا میٹے کوُڑ نِشانہ، کوُڑی کِریا ڈیرہ ڈھاہیِا۔ سرِشٹی درِشٹی اندر کِرپا کرے سِری بھگوانا، بھگوان اپنا رنگ رنگائیا۔ تُوں میرا میَں تیرا دسّ کے گانا، آتم پرماتم میل مِلائے سہج سُبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ نِہکلنک نرائن نر، مہاراج شیرسِنگھ وِشنوُں بھگوان، لیکھا جانے زِمیں اسمانا، زِمیں زماں دو جہان اپنا حُکم ورتائیا۔

۶ پھگّن شہنشاہی سمت اٹّھ پِنڈ آہم پُر ضِلع کپوُرتھلا گُربچن سِنگھ دے گرِہ

کلجُگ کہے دھرم میری ویکھ خُدی، خود مالک دِتی وڈیائیا۔ میَں سب دی اندروں بدلی بُدھی، بُدھیِوان نہ کوئی چتُرائیا۔ من کلپنا کرے یُدھی، گرِہ گرِہ ہووے لڑائیا۔ ساچی منزل کِسے نہ سُجھی، سوچ سمجھ دِتی بدلائیا۔ میَں کوُک سُناواں اُچی، بُھل رہے نہ رائیا۔ میری چاروں کُنٹ مؤلی رُتی، رُتڑی پربھ نے دِتی مہکائیا۔ کِسے دی سُرت اُٹھن نہ دیواں سُتی، سَتگُر شبد نہ کوئے شنوائیا۔ دھرم تیری

دھار ویکھ لےَ لُٹی، لُٹیرا بن کے لُٹاں چائیں چائنیا۔ پِھری دُہائی چاروں کُنٹی، دہ دِشا رہی کُرلائیا۔ دیِن دُنی تک لےَ نام جپدی رسنا بُلاں بُٹی، ہِردے ہرِ نہ کوئے وسائیا۔ آتم پرماتم دھار سب دی ٹُٹی، ٹُٹیاں گنڈھ نہ کوئے پوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ رکھائیا۔ کلجُگ کہے دھرم ویکھ لےَ میَں سوُرا وڈ بہادر، زوراوَر اکھوائیا۔ کِرپا کری کریِم قادر، قُدرت دا مالک ہویا سہائیا۔ میرا نِرمل کرم کر اُجاگر، چاروں کُنٹ وجّی ودھائیا۔ میَں پربھوُ دے نام دا رہن دِتا نہیں کوئی سؤداگر، ساچا ونج نہ کوئے کرائیا۔ شاہ سُلطان کرے کوئے نہ عادل، اِنصاف ہتّھ نہ کِسے رکھائیا۔ چاروں کُنٹ اندھیرا بادل، نؤ کھنڈ پرِتھمی گیا چھائیا۔ دیِن مذہب بنے مقتُول قاتل، قتل گاہ دِسے لوکائیا۔ پردہ کُھلے کِسے نہ باطن، نوُر ظہوُر نہ کوئے رُشنائیا۔ چاروں کُنٹ اندھیری راتن، ساچا چند نہ کوئے چمکائیا۔ پَیغمبر سارے اُٹھ اُٹھ آکھن، حضرت عیسیٰ موُسیٰ محمد لئے انگڑائیا۔ پیشیِن گوئیاں اپنیاں کلمیاں توں باہر واچن، کلام کائنات کی سمجھائیا۔ کی کھیل کرے پُرکھ ابناشن، ہرِ کرتا دُھردرگاہیِا۔ جِس دے حُکم اندر انتم سارے ناسن، بچیا رہن کوئے نہ پائیا۔ اوہ کھیل کرے بہُہ بھانتن، روُپ انوُپ آپ پرگٹائیا۔ جِس جھگڑا میٹنا ذات پاتن، تن وجوُداں ویکھ وکھائیا۔ سو سوامی انترجامی آتم پرماتم بنے ساتھن، سگلا سنگ نِبھائیا۔ جو کھیلے کھیل پرِتھمی آکاشن، گگن گگننتراں ویکھ وکھائیا۔ منڈل منڈپ پاوے راسن، نِرگُن نِرگُن اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اگمّ اتھاہیِا۔ کلجُگ کہے دھرم میری تک لےَ جگت جُگ دی دھاری، دھرنی دھرت دھوَل دھؤل دھیان لگائیا۔ سچ دی رہی کوئی نہ یاری، یارانہ کوُڑ دِسے لوکائیا۔ جو سندیسہ دے کے گئے پَیغمبر گُر اوتاری، دُھر کلمے نال جنائیا۔ میرے انت سب دی ہوئے خواری، خالص رہن کوئے نہ پائیا۔ من مت ہوئے وِبھچاری، کُکرم کرے لوکائیا۔ نوَ ستّ دھوُاں دھاری، نؤ چار پردہ نہ کوئے اُٹھائیا۔ چار جُگ دے شاستر کرن کاری، کوُک کوُک سُنائیا۔ کلجُگ کہے میَں سب توں ہونا بلکاری، اپنا بَل ودھائیا۔ کِرپا کرے ہرِ نِرنکاری، نر نرائن دئے وڈیائیا۔ چار کُنٹ کھیل کھیلاں وانگ مداری، نٹوُآ ہو کے سوانگ وکھائیا۔ شرع دی شرع بناواں کٹاری، کھنڈا کھڑگ کھڑگ چمکائیا۔ دیِن دُنیا کراں دوپھاڑی، دوہری ونڈ ونڈائیا۔ نال رلاواں مؤت لاڑی، سوئی سُرتی آپ اُٹھائیا۔ چؤراسی وڈّھاں کھیتی ہاڑی، کرسانا ناؤں پرگٹائیا۔ صدی چؤدھویِں انتم کرنی کاری، کار

گُجاری سب دی ویکھ وکھائیا۔ کلجُگ کہے میَں سوُربیِر جودھا بلکاری، بلدھاری اِک اکھوائیا۔ دھرم تیری دھرنی اُتے ہوئے خواری، سہائک نائک نظر کوئے نہ آئیا۔ میرا اِکو لہنا دینا نال چؤبیسے اوتاری، جو جگدیِشا اِک اکھوائیا۔ اُس نوُں کراں نِمسکاری، نِو نِو لاگاں پائیا۔ جو بھگتاں دئے نام خُماری، امیوں رس آپ چوائیا۔ اِکو اِشٹا اِک بنائے پُجاری، دیوَ آتما رنگ رنگائیا۔ سد اُس دا ہونا شُکر گُزاری، شُکرانے وِچ سیِس جھُکائیا۔ جِس دی مہما کاغذ قلم توں باہری، کتھنی کتھ نہ سکے رائیا۔ اوہ صاحِب سوامی انترجامی گھٹ نِواسی پُرکھ ابناشی کرے کھیل اپاری، اپرمپر سوامی اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اِک اکھوائیا۔ کلجُگ کہے دھرم تُوں ویکھ میری سٹّ، دُھر دے حُکم نال لگائیا۔ سمُند ساگراں جاواں ٹپّ، دیِپاں کھنڈاں پندھ مُکائیا۔ سب دا لیکھا پِچھلا تکاّں پکّ، پوُرب پھولاں تھاؤں تھائنیا۔ لہنا دینا کِس دا کی حق، حقیِقت ویکھاں چائیں چائنیا۔ کی حُکم سندیسہ دیوے پُرکھ سمرتھ، ہرِ کرتا دُھردرگاہیِا۔ چاروں کُنٹ اندھیرا ہووے مس، نوُر نوُرانہ چند نہ کوئے چمکائیا۔ اَگوں دھرم کہے میَں بچن سُناواں سچ، سچ سچ دِرڑائیا۔ کلجُگ تیرا روُپ کوُڑا وانگ کچّ، کنچن گڑھ نہ کوئے وکھائیا۔ تیرے انتش اُبلے رتّ، اگنی تت تپائیا۔ تیرا ستھر جانا لتّھ، یارڑا ستھر گوبِندِ دئے گواہیِا۔ تیرا کوُڑ سڑنا رتھ، اگنی اگّ جلائیا۔ کِرپا کرے پُرکھ سمرتھ، دُھر مالک ہوئے سہائیا۔ نِرگُن دھار تُوں ہو پرگٹ، پرگنا جگت جہان ویکھ وکھائیا۔ تیری کوُڑی کِریا دا لُٹیا جائے ہٹّ، موہ وِکار وست نظر کوئے نہ آئیا۔ تیرا لہنا دینا ہووے ٹھپّ، ٹھپّا اپنا نام لگائیا۔ تیرے پلّے بنّھے گنڈھ پاپ، سِر پاپاں بھار ٹِکائیا۔ کِرپا کرے پُرکھ اکالا آپ، اپنی دَیا کمائیا۔ تیری رہن نہ دیوے اندھیری رات، سَتجُگ سچ چند چمکائیا۔ جن بھگت سُہیلے رکھے ساتھ، سگلا سنگ بنائیا۔ تُوں میرا میَں تیرا گائے گاتھ، گہر گمبھیِر کرے پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جُگا جُگنت پُرکھ سمراتھ، سمرتھ اپنا حُکم ورتائیا۔

۷ پھگّن شہنشاہی سمت اٹّھ پِنڈ آہم پُر ضِلع کپوُرتھلا پُھنمن سِنگھ دے گرِہ

دھرم کہے دھرنی میَنوُں دسّ پوِتر جگہ، اپنے اُتے دھیان لگائیا۔ دھرنی کہے چاروں کُنٹ جیِو الپگا، سَت سچ نہ کوئے سمائیا۔ کھیل کرے سوُرا سربگا، ہرِ کرتا دُھردرگاہیِا۔ جیہڑا شبد اَسو چڑھیا بگّا، واگاں اپنے ہتّھ رکھائیا۔ اُس دا حُکم سندیسہ سُن سدّا، کی صاحِب رہیا سُنائیا۔ جِس دا ڈؤروُ ڈنک اِکو وجّا، ناد انادی کرے شنوائیا۔ اوہ بھگتاں دے دوارے لبھا، ہور نظر کِتے نہ رائیا۔ میری اُف دُہائی ربّا، بہُڑی بہُڑی کر سُنائیا۔ اوہدی جگت جہان توں باہر حدا، دھرم دی دھار دھرم دیاں جنائیا۔ گُرمُکھاں پریم اندر لبھا، گھر سُہنجنا اِک سُہائیا۔ جِتھے آتم پرماتم سچ پیار لگّا، تِس گرِہ وسے میرا ماہیِا۔ تُوں کر کے ویکھ گجا، نوَ ستّ پھیرا پائیا۔ بِنا پربھوُ دی کِرپا انتر آوے کِسے نہ مزہ، مذاق کرے خلق خُدائیا۔ سچ دوار ساچا کرنا حجا، حاجت اپنی پوُر کرائیا۔ تُوں جگت دوارے جا بھجّا، مندر مسجد شِودوالے مٹھ سنگ نہ کوئے نِبھائیا۔ سمبل دیس جا بھجّا، اپنا پندھ مُکائیا۔ جِتھے پُرکھ اکالا دیِن دَیالا میرے اُتے سجا، سچ سِنگھاسن ڈیرہ لائیا۔ میرا اُس دے اَگے ہتّھ ہتّھ نال بدھّا، بندگی وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں کدے نہ ہووے الگّا، وکھّرا گرِہ نہ کوئے سُہائیا۔

۷ پھگّن شہنشاہی سمت اٹّھ پِنڈ آہم پُر ضِلع کپوُرتھلا اجیِت سِنگھ دے گرِہ

دھرنی کہے دھرم ویکھ اِشارہ دیندے سمُند ساگر، ڈوُنگھی دھار دھیان لگائیا۔ نِرمل کرم ہوئے نہ کِسے اُجاگر، دُرمت میَل نہ کوئے دھوائیا۔ سوُربیِر دِسے نہ کوئے بہادر، اوتار پَیغمبر گُر بَیٹھے مُکھ چُھپائیا۔ کی کھیل کرے کریِم کرتار قادر، قُدرت دا مالک حُکم ورتائیا۔ سچ دی رہی کوئی نہ چادر، اوڈھن نظر کوئے نہ آئیا۔ اِنصاف کرے کوئے نہ عادل، حقیِقت حق نہ کوئے دِرڑائیا۔ چاروں کُنٹ اندھیرا بادل، سوُریہ چند نہ کوئے رُشنائیا۔ دیِن دُنی روُپ بنیا مقتُول قاتل، پریم پیار وِچ نہ کوئے سمائیا۔ کھیل تک رساتل، پردہ پردیاں وِچوں اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائد نر، مہاراج شیرسِنگھ وِشنوُں بھگوان، لیکھا سب دا جانے باطن، بھیوَ رہن کوئے نہ پائیا۔

۷ پھگّن شہنشاہی سمت اٹّھ پِنڈ آہم پُر ضِلع کپوُرتھلا ترسیم سِنگھ دے گرِہ

دھرنی کہے دھرم میرے اُتے روندے ٹِلّے پربت پہاڑ، چوٹیاں چوٹیاں ہو کے دین دُہائیا۔ چاروں کُنٹ اگنی دِسے ہاڑ، سیِتل سانتک سَت نہ کوئے کرائیا۔ جگت اگنی لگّی ناڑ ناڑ، ہڈّ ماس دئے گواہیِا۔ پِھری دروہی وِچ اُجاڑ، جنگلاں ویکھ دھیان لگائیا۔ مایا ممتا دِسے اکھاڑ، منوُآ گھر گھر ناچ نچائیا۔ سرِشٹی پوُجے جنڈ کریر جھاڑ، پُرکھ اکال سیِس نہ کوئے نِوائیا۔ دُھر دا نظر نہ آئے لاڑ، نوُر نوُرانہ بےپرواہیِا۔ اُٹھ چاروں کُنٹ نِگاہ مار، ماروُتھلاں دھیان لگائیا۔ نظر نہ آئے نر نِرنکار، نوُر نوُرانہ روُپ نہ کوئے درسائیا۔ میرے اُتے مہکے نہ کوئے گُلزار، گُلشن روُپ نہ کوئے درسائیا۔ میَں بڑی ہوئی بے زار، بِہبل ہو کے دیاں سُنائیا۔ سچ صاحِب دی بن کے خِدمتگار، خادم ہو کے بھجیّ واہو داہیِا۔ سَتجُگ تریتا دواپرکلجُگ بیِتیا وِچ سنسار، اپنا پندھ مُکائیا۔ سندیسہ دے کے گئے پَیغمبر گُر اوتار، شبدی شبد شبد شنوائیا۔ کلجُگ انتم آئے کل کلکی اوتار، دھرنی تیرا دھوَل سُہائیا۔ میَں اوس دا کراں اِنتظار ، بِن نیَناں نیَن اُٹھائیا۔ کوَن وقت سُہنجنا پیِا پریِتم کرے سچ پیار، پریمی اپنا پریم بنائیا۔ میَں خوشیاں وِچ پہناواں ہار، بِن پُھلاں پُھل مہکائیا۔ نِرگُن دھار کراں دیِدار، جگ نیتر نہ کوئے وڈیائیا۔ بِنا سریِر توں کراں شِنگار، بِنا وجوُد توں محبوُب نوُں سیِس نِوائیا۔ میَں دو جہاناں نیَن رہی اُٹھال، ویکھاں تھاؤں تھائنیا۔ دھرم کہے دھرنی تُوں اپنا آپ سنبھال، سوادھان ہو کے لےَ انگڑائیا۔ اوہ تک سمبل بَیٹھا نؤجوان، نوُر نوُرانہ نوُر الاہیِا۔ جِس نوُں جھُکدے زِمیں اسمان، دو جہان لاگن پائیا۔ اوہ تیرے اُتے ہویا مِہربان، مِہر نظر اِک اُٹھائیا۔ جن بھگت سُہیلے کر پروان، پرم پُرکھ دیوے مان وڈیائیا۔ جو تُوں میرا میَں تیرا ڈھولا گان، سوہنگ شبد ناد شنوائیا۔ سو مِتر پیارا سوامی مِلیا آن، اَنک کل دھاری اپنی کل پرگٹائیا۔ تُوں ڈنڈاوت بندنا سجدہ کر پرنام، نمو نمو کہہ کے سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، یودھا سوُربیِر بلوان، بلدھاری اِک اکھوائیا۔

۷ پھگّن شہنشاہی سمت اٹّھ پِنڈ آہم پُر ضِلع کپوُرتھلا جُگِندر سِنگھ دے گرِہ

دھرنی کہے دھرم میرے اُتے روندے ندی نالے دریا، وہندے وہن دین دُہائیا۔ اُچی کوُک کوُک رہے سُنا، چاروں کُنٹ آواز لگائیا۔ دوئے جوڑ کرن دُعا، واسطہ پربھ دے اَگے پائیا۔ مِہربان محبوُب خُدا، تیری اِک سرنائیا۔ کلجُگ جیِواں دھیان لگا، مِہر نظر اُٹھائیا۔ جو ساڈے اندر رہے نہا، دُرمت میَل نہ کوئے دھوائیا۔ ہنس بُدھی ہوئے کاں، کاگ روُپ درسائیا۔ کِسے نے سوُر کھادھا کِسے نے کھادھی گاں، پُنیِت رہن کوئے نہ پائیا۔ صدی چؤدھویِں پکڑے کوئے نہ بانہہ، سہارا نظر کوئے نہ پائیا۔ پوِتر رہیا کوئی نہ تھاں، دھرنی دھرت دھوَل دئے گواہیِا۔ سِر ملِے نہ ٹھنڈی چھاں، ہتّھ سمرتھ نہ کوئے ٹِکائیا۔ تیِرتھ تٹ کر گئے نانہہ، جو ساڈے اُتے آسن لائیا۔ مایا ممتا بُھلیا راہ، رہبر رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر دِسے کوئے نہ، نرائن نظر کوئے نہ آئیا۔

۷ پھگّن شہنشاہی سمت اٹّھ پِنڈ آہم پُر ضِلع کپوُرتھلا کرم سِنگھ دے گرِہ

دھرنی کہے دھرم میرے اُتے روندے جل ہوڑے، ہوڑا سسّے والا دھیان لگائیا۔ پُرکھ ابناشی مالک دُھر دے بہُڑے، بہُڑی بہُڑی کر سُنائیا۔ جو مِٹھے رس کرے کؤڑے، کؤڑیوں مِٹھے دئے کرائیا۔ تُوں میرا میَں تیرا سُنائے دوہرے، دوہرا اپنا تال وجائیا۔ آتم پرماتم وِچھڑے جوڑے، جوڑی اپنے نال بنائیا۔ پِھرے اگمّی چڑھ کے گھوڑے، اَسو اپنا نام دِرڑائیا۔ کرے پرکاش اندھ گھورے، نوُر ظہوُر رُشنائیا۔ جھگڑا میٹے ٹھگ چورے، بھگت سُہیلے لئے اُپجائیا۔ کلجُگ کوُڑی کِریا دے مارے موہرے، مُہر اپنا نام لگائیا۔ بِنا اُس توں انتم کمّ کِسے نہ سؤرے، سوہرے پیئیے دوویں دھیان لگائیا۔ سارے ہتّھ رہے جوڑے، نِو نِو سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے دھرم میرے اُتے آشا رکھی مچھ کچھ، کِچھ اوَر رہن نہ پائیا۔ پربھ کِرپا کرے سروُپ سوَچّھ، سَت اپنا آپ پرگٹائیا۔ درشن دیوے ہسّ ہسّ، ہستی دسّ بےپرواہیِا۔ جن بھگتاں دیوے نِجھر رس، امرت جام

پیائیا۔ منوُآ کرے وس، اُٹھ نہ دہ دِش دھائیا۔ صِفت سُنائے جس، ڈھولا اگمّ اتھاہیِا۔ نِج نیتر کھول کے اکھّ، درشن دیوے چائیں چائنیا۔ گرِہ بھگتاں ہو پرتکھ، جوتی جوت ڈگمگائیا۔ سَت دھرم دا کھولے ہٹّ، وست اِکو نام ورتائیا۔ جِس دی مہما گا سکے کوئی نہ بھٹ، صِفتی صِفت نہ کوئے وڈیائیا۔ اوہ گہر گمبھیِرا بےنظیِرا پُرکھ سمرتھ، شاہ پاتشاہ شہنشاہ سچّا شہنشاہیِا۔ اوہ کلجُگ انت سِری بھگوَنت رکھنہارا پت، پت پرمیشور اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی سدا سِر دے کر رکھے ہتّھ، مِہربان اپنا رنگ رنگائیا۔

۷ پھگّن شہنشاہی سمت اٹّھ پِنڈ کوٹلی ضِلع جالندھر پریِتم سِنگھ دے گرِہ

دھرنی کہے دھرم میرے اُتے رووے چارے کھانی، انڈج جیرج اُتبُھج سیتج رہی کُرلائیا۔ امرت آتم ملِے کِسے نہ ٹھنڈا پانی، اگنی تت نہ کوئے بُجھائیا۔ آتم پرماتم میل مِلاؤنا ہووے نہ ہانو ہانی، پاربرہم برہم رنگ نہ کوئے سمائیا۔ نؤ کھنڈ پرِتھمی ستّ دیِپ مایا ممتا بنی رانی، اُتّر پوُرب پچھّم دکھّن اپنا حُکم ورتائیا۔ جگت وِکار کوُڑ بنیا نِشانی، نِشانہ دھرم والا جھُلائیا۔ سنت سُہیلا منزل چڑھے نہ کوئے روُحانی، روُح بُت سارے رہے کُرلائیا۔ صدی چؤدھویِں پد ملِے نہ کِسے نِربانی، تُریا توں پرے نہ کوئے شنوائیا۔ جِدھر تکاّں شاہ سُلطاناں اندر آئی بے اِیمانی، بیوہ روُپ ہوئی لوکائیا۔ میرے انتر نِرنتر آئی پریشانی، دھیِرج دھیِر نہ کوئے رکھائیا۔ دروہی میرے اُتے دیِناں مذہباں والی غُلامی، شرع زنجیر نہ کوئے کٹائیا۔ جھگڑا دِسے کلمیاں نال کلامی، کائنات ویکھ وکھائیا۔ دانشمند رہیا کوئے نہ دانی، دیِن دُنی بھجےّ واہو داہیِا۔ جوروُ زر ہویا ابِھمانی، نِون سو اکھّر کرے نہ کوئے پڑھائیا۔ پرم پُرکھ پرماتم اپنا کھیل کرے مہانی، بے پرواہ اپنا حُکم ورتائیا۔ میری بُدھی ہوئی نادانی، عقل چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک وڈ وڈیائیا۔ دھرنی کہے دھرم اپنا نیتر کھول نیَن، بِن اکھّاں اکھّ اُٹھائیا۔ مِتر پیارا دِسے کوئی نہ ساک سجّن سیَن، سگلا سنگ نہ کوئے نِبھائیا۔ دیِن دُنی ہوئی طرفَین، پیار مُحبّت وِچ نہ کوئے سمائیا۔ رسنا جِہوا بتّی دند ڈھولے سوہلے سارے کہن، ہِردے ہرِ نہ کوئے وسائیا۔ مایا ممتا سب نوُں

کھائے ڈَین، دھرم دوار بچّیا رہن کوئے نہ پائیا۔ کلجُگ کوُڑی کِریا وہندا وہن، شاہ سُلطاناں رہیا رُڑھائیا۔ ہرِ کا نام ملِے نہ کِسے رسائن، کنچن گڑھ نہ کوئے سُہائیا۔ ناتا تُٹا بھائی بھَین، پِتا پوُت نہ کوئے وڈیائیا۔ نُقطہ ملِے کِسے نہ غیَن، عین اکھّ نہ کوئے کُھلائیا۔ دِوس رَین میَنوُں موُل نہ آوے چَین، بہُڑی بہُڑی کر سُنائیا۔ جو اِشارہ دِتا بالمیِک بِنا رمائن، بِنا اکھّراں اکھّر بنائیا۔ پُرکھ اکالا دیِن دَیالا کلجُگ انتم سب دا بنے ساک سیَن، سجّن اِک اکھوائیا۔ جو مالک خالق نر نرائن، پروردِگار نوُر الاہیِا۔ اوہ جھگڑا مُکائے پنچ پنچائن، پنچم اپنی گنڈھ پوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ بنائیا۔ دھرنی کہے دھرم میرے اُتے تڑپ رہی بناسپت، برِکھ برِکھاں دھیان لگائیا۔ راہ تکّن پرمیشور پت، جو پاربرہم بےپرواہیِا۔ کوَن ویلا ہووے پرگٹ، پرگنا دھرنی ویکھے چائیں چائنیا۔ سَت دھرم دا کھولے ہٹّ، کلجُگ کوُڑی کِریا ڈیرہ ڈھاہیِا۔ نام نِدھان اگمّی مارے سٹّ، سوئی سُرت شبد جنائیا۔ آتم پرماتم دسےّ اِکو تٹ، کنارہ پاربرہم برہم دئے سمجھائیا۔ جو پرکاش کرے لٹ لٹ، نوُر نوُرانہ ڈمگائیا۔ شرع شریِعت میٹے وٹ، حدوُد حد نہ کوئے رکھائیا۔ تُوں میرا میَں تیرا آتم پرماتم سرِشٹی درِشٹی اندر اِکو نام لئے رٹ، سوہلا ڈھولا دُھردرگاہیِا۔ ناڑ بہتّر اُبلے کِسے نہ رتّ، اگنی تت نہ کوئے تپائیا۔ مانَس مانَو مانُکھ شبدی دے سمجھاوے مت، من مت دا پندھ مُکائیا۔ وست امولک کایا مندر دیوے سچ، سچ دا مالک دَیا کمائیا۔ بھاگ لگاوے کوُڑی کایا کچّ، کنچن گڑھ سُہائیا۔ لوُں لوُں اندر جاوے رچ، ساڈھے تِنّ کروڑ وجےّ ودھائیا۔ میرا کلجُگ چڑھیا لاہوے تپ، اگنی اگّ دئے بُجھائیا۔ کوٹن کوٹ اُتارے پپ، پتت پُنیِت بنائیا۔ سب دا اِکو سانجھا کرے جپ، نام ناما ونڈ نہ کوئے ونڈائیا۔ سَتجُگ سچ چلاوے رتھ، رتھواہی اپنا رنگ رنگائیا۔ دھرنی کہے دھرم دوویں جوڑیئے مِل کے ہتّھ، بِن ہتّھاں ہتّھ مِلائیا۔ اوہ صاحِب سوامی انترجامی گھٹ نِواسی پُرکھ ابناشی قُدرت دا کرتا اِک سمرتھ، سمرتھ پُرکھ اِک اکھوائیا۔ جِس دی کِرپا نال سگل وسوُرے جائن لتھ، کوُڑا دُکھ روگ رہن نہ پائیا۔ چرن سرن سرنائی جائیے ڈھٹّھ، مستک دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ دا مالک دَیا کمائیا۔ دھرم کہے دھرنی میری ایہو صلاح، مشورہ اِک جنائیا۔ پروردِگار بے پرواہ، پرم پرکھ وڈ وڈیائیا۔ آد جُگادی دو جہان ملاح، سَتجُگ تریتا دواپرکلجُگ بیڑا آپ چلائیا۔ اوتار پَیغمبر گُروُ شبد گواہ، شہادت اِک بُھگتائیا۔ اوہ

لہنا دینا چُکائے تھاؤں تھاں، تھان تھننتر ویکھ وکھائیا۔ کلجُگ انتم ساڈی پکڑے بانہہ، سِر اپنا ہتّھ ٹِکائیا۔ کلجُگ کلیش دئے مِٹا، دُرمت میَل دئے دھوائیا۔ سَتجُگ ساچا دئے لگا، سَت دھرم نال مِلائیا۔ تُوں سب دی دھوَل دھؤلی ماں، دیونہاری رِزق سبائیا۔ میرا تیرے اُتے گراں، استھان بھوُمکا تیری سوبھا پائیا۔ دھرنی کہے میَں خوشیاں وِچ کراں واہ واہ، واہوا تیری بےپرواہیِا۔ کِرپا کر حق خُدا، خود مالک ہو سہائیا۔ تیرے قدماں ہوواں فِدا، گھولی گھول گھُمائیا۔ کلجُگ انتم کر الوداع، میرے اُتے رہن نہ پائیا۔ سَت دھرم دا مارگ دسےّ سِدھا، نوَ ستّ آپ سمجھائیا۔ آتم پرماتم مِلن دی اِکو ہووے بِدھا، اِکو نام کلمے وجےّ ودھائیا۔ دھرم کہے میَں دھرم دوارے تیرے ڈِگا، دھرنی دھرت دھوَل دھؤل اپنے نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد جُگاد جُگ چؤکڑی سدا بخشندا، بخشنہار تیرے ہتّھ وڈیائیا۔

۷ پھگّن شہنشاہی سمت اٹّھ جالندھر ہردَیال سِنگھ دے گرِہ

دھرنی کہے دھرم میَنوُں سندیسہ دیوے پؤن، پوَن پوَناں رہی جنائیا۔ کلجُگ کوُڑی کِریا ودھی نالوں راؤن، راون تول نہ کوئے تُلائیا۔ اٹھاراں کشوُنیاں اِس دے گِرد بھؤن، چکرورتی ہو کے چکّر لگائیا۔ میرے نیتراں وِچوں نِکلدا رون، ہؤکیاں وِچ سُنائیا۔ بھار چُک نہ سکے میری دھؤن، پاپاں بھری لوکائیا۔ میرا دُکھڑا کوئی نہ آئے مِٹاؤن، اوتار پَیغمبر گُروُ لئے دِھیائیا۔ کلجُگ کوُڑی کِریا نہ کوئے آئے ہٹاؤن، اپنا پندھ مُکائیا۔ ایس ویلے سہائتا کرے میری کؤن، دھرم دے سمجھائیا۔ دھرم کہے دھرنی جِس دا تُوں میرا میَں تیرا ڈھولا گاؤن، بھگت سُہیلے راگ دِرڑائیا۔ اوہ مالک خالق گہر گمبھیِر جِس سَتجُگ تریتا دواپرکیِتی چون، کلجُگ دِتی وڈیائیا۔ اوہ سب کُچھ تیرے اُتوں آیا کھوہن، چاروں کُنٹ دھیان لگائیا۔ مایا ممتا آیا دباؤن، مقبرے پَیغمبراں دے دین گواہیِا۔ کلجُگ کوُڑی کِریا آیا ترساؤن، نیتر نظر کِسے نہ آئیا۔ گُرمُکھاں درس آیا درساؤن، در در بھیوَ کُھلائیا۔ سچ سندیسہ آیا سُناؤن، دُھر اگمّا راگ الاہیِا۔ ہرِجن وِچھڑے آیا مِلاؤن، میلا اپنا آپ کرائیا۔ تَینوُں روندی نوُں آیا پرچاؤن، پرچہ سَتگُر شبد ہتّھ پھڑائیا۔ تیرا حق حقوُق تَینوُں آیا دواؤن، سَتجُگ تیرا سنگ بنائیا۔ اپنا

نام آیا جپاؤن، ایکا راگ رہیا سُنائیا۔ دُھر دا ڈنکا آیا وجاؤن، راگاں ناداں باہر کرے شنوائیا۔ سچ دوار آیا کُھلاؤن، در اِکو سوبھا پائیا۔ اوتار پَیغمبراں گُروُآں لیکھا پوُرا آیا کراؤن، بھوِکھتاں لِکھتاں نال مِلائیا۔ تیرا میرا ناتا آیا جُڑاؤن، دھرم کہے دھرنیئے اپنی دَیا کمائیا۔ سب دی کرنی قُدرت دا قادر آیا بُھگتاؤن، بچیا نظر کوئے نہ آئیا۔ جن بھگتاں چؤراسی پھاسی آیا تُڑاؤن، طوق زنجیر شرع رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنی کرنی آیا کراؤن، کرنی دا کرتا اپنا حُکم ورتائیا۔

۷ پھگّن شہنشاہی سمت اٹّھ جالندھر شہر پیارا سِنگھ دے گرِہ

دھرنی کہے دھرم سُن لا کر کنّ، کائنات دیِن دُنی ویکھ وکھائیا۔ پربھوُ دا دِسے بھگت کوئی نہ جن، ساچے رنگ نہ کوئے سمائیا۔ ترےَگُن اگنی لگّی تن، ترِسنا ترِکھا نہ کوئے بُجھائیا۔ کلپنا مِٹے کِسے نہ من، ممتا موہ نہ کوئے چُکائیا۔ نام پدارتھ دیوے کوئی نہ دھن، وست امولک جھولی نہ کوئے ٹِکائیا۔ نؤ کھنڈ پرِتھمی میرے اُتے غم، سانتک سَت نہ کوئے کرائیا۔ دھرنی کہے میَں روواں چھم چھم، بِن نیَناں نیِر وہائیا۔ بھیوَ پائے نہ کوئے برہم، پاربرہم مِلن کوئے نہ آئیا۔ مانَس مانَو مانُکھ ترِسنا لگّی طم، چار کُنٹ ہلکائیا۔ کوئی نہ جانے اپنا جنم، بھانڈا بھرم نہ کوئے بھنّائیا۔ لیکھے لگّے نہ کِسے دا پوَن سواسی دم، دامنگیِر نہ کوئے اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ ورتائیا۔ دھرم کہے دھرنی تیرے اُتے کلجُگ اندھیرا اندھ، ادھیاتم سمجھ کِسے نہ آئیا۔ راہی سمجھے کوئی نہ اپنا پندھ، منزل حق نہ کوئے جنائیا۔ دیِن دُنی گاؤندی پرم پُرکھ نوُں رسنا جِہوا بتّی دند، ہِردے سکے نہ کوئے وسائیا۔ تُوں میرا میَں تیرا بُھلیا چھند، آتم پرماتم جوڑ نہ کوئے جُڑائیا۔ سُرت دُہاگن ہوئی رنڈ، ہرِ کنت کنتُوہل نہ کوئے ہنڈھائیا۔ منوُآ دِوس رَین پاوے ڈنڈ، دہ دِشا اُٹھ اُٹھ دھاہیِا۔ تن اندر ودھیا گھمنڈ، ہؤمے ہنگتا نال مِلائیا۔ نِج آتم لئے نہ کوئے انند، پرمانند وِچ نہ کوئے سمائیا۔ دُئی دوَیتی ڈھاہے کوئے نہ کندھ، دُتیا بھاؤ نہ کوئے چُکائیا۔ سمجھ سکے نہ کوئے برہم ہنگ، سو پُرکھ نِرنجن نظر کِسے نہ آئیا۔ جگت ونجارا کایا ماٹی چمّ، چمّ درِشٹی وِچ وڈیائیا۔

چاروں کُنٹ اندھیری شام، شمع نوُر جوت نہ کوئے رُشنائیا۔ ذِبح منسا سب دی کیِتی غُلام، حُکمے اندر حُکم جنائیا۔ دیِن دُنی سرِشٹی درِشٹی تکّی تمام، کایا مندر اندر ویکھ وکھائیا۔ بِنا سَتگُر کِرپا سچ ملِے نہ کوئے نِشان، کوُڑ نِشانہ جگت نظری آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اِک اکھوائیا۔ دھرنی کہے دھرم ویکھ منوُآ من منسا، ممتا موہ وِچ ہلکائیا۔ میرے اُتے کوٹن کوٹ وسدے سہنس سہنسا، گِنتی گنت نہ کوئے گِنائیا۔ آتم دھار پرماتم دا جیِو جنت بنسا، بنساولی دُھر دی نظری آئیا۔ کلجُگ انت صدی چؤدھویِں ہرِجن بنے کوئی نہ ہنسا، نام مانک موتی چوگ مُکھ نہ کوئے رکھائیا۔ چاروں کُنٹ گڑھ بنیا ہؤمے ہنگتا، نِون سو اکھّر سمجھ کِسے نہ آئیا۔ انگِنت اسنکھ اسنکھا، میرے اُتے وسدی جنتا، جیِو ایِش پاربرہم برہم بھیوَ نہ کوئے چُکائیا۔ پِھری دروہی چاروں کوُٹاں، اُتّر پوُرب پچھّم دکھّن رووے مارے دھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرم کہے دھرنی میَں ویکھیا جگت من دا روُپ، بِن نیَناں نیَن اُٹھائیا۔ جو وسے کایا تن پنج بھوُت، وجوُد بُت خاکی اندر ڈیرہ لائیا۔ جِس دا چار جُگ دے شاستر دین ثبوُت، سنیہڑا شبد دھار دِرڑائیا۔ اوہ گھر گھر پِھرے گلی کوُچ، دِوس رَین بھجےّ واہو داہیِا۔ اُس دی سمجھ نہ آوے سوُجھ، بُدھی چلے نہ کوئے چتُرائیا۔ جگت واسنا جوُٹھ جھوُٹھ، کوُڑی کِریا نال وڈیائیا۔ دھرم دا دِسے نہ کوئے سپوُت، سوُتردھاری خلق خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرنی کہے من مت دیوے ہوکا، کوُک کوُک سُنائیا۔ پِھرے دروہی چؤداں لوکا، چؤداں طبق ویکھ وکھائیا۔ جگت جہان ہویا ہوچھا، سَت سنتوکھ نہ کوئے دھرائیا۔ ایس ویلے اِک کلجُگ اُتے روسا، جو کلکاتی گھر گھر ڈیرہ لائیا۔ جِس تن سریِراں اندر مار کے غوطہ، مانک موتی باہر دِتا کڈھائیا۔ تن وجوُد کر کے تھوتھا، ماٹی بھانڈے خالی دِتے چمکائیا۔ اندر منوُآ ماندا مؤجا، اپنی لےَ انگڑائیا۔ کام کرودھ لوبھ موہ ہنکار نال رلا کے فؤجا، فؤجدار ہو کے ویکھ وکھائیا۔ سَت دھرم نوُں کیِتا موُدھا، صدی چؤدھویِں چلن دیوے نہ کوئے چتُرائیا۔ دیِناں مذہباں بھاؤ وکھایا دوُجا، ایکا رنگ نہ کوئے سمائیا۔ سَت دی نیِند کوئی نہ سؤندا، غفلت کوُڑ نہ کوئے مِٹائیا۔ من منسا اندر جگت جہان بھاؤندا، بھجےّ واہو داہیِا۔ جِس روُپ بنایا کاؤں دا، کاگ وانگ کُرلائیا۔ ونجارا ہویا اپنے گؤں دا، مطلب اپنے ہتّھ رکھائیا۔ جوتی جوت سروُپ ہرِ،

آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دھرم کہے دھرنی سُن شبد سندیسہ اجّ، سہج سہج سُنائیا۔ پُرکھ اکالا دیِن دَیالا پردہ دیوے کجّ، جِس سِر اپنا ہتّھ ٹِکائیا۔ گھر سوامی انترجامی پروردِگار سانجھا یار کرائے حج، حُجرہ حق حق وکھائیا۔ جِتھے شبد انادی دُھن انحد جاوے وجّ، انراگی اپنا راگ دِرڑائیا۔ دیِپک جوت نِرگُن دھار جائے جگ، نوُر ظہوُر کرے رُشنائیا۔ سَتگُر پوُرا گُردیوا نام خُماری دیوے مدھ، مدُھر دُھن اِک سُنائیا۔ من منوُآ منسا وِچوں جائے بجھّ، نوَ چار دس نہ اُٹھ اُٹھ دھاہیِا۔ ایہہ کھیل کرے سوُرا سربگ، جیِو الپگ پار کرائیا۔ دھرنی دھرم دوویں کہن بِنا پُرکھ اکال توں کوُڑی میٹے کوئی نہ حد، حدوُد سچ نہ کوئے وکھائیا۔ کوٹن کوٹ اوتار پَیغمبر گُروُ میرے اُتے گئے لد، سَتجُگ تریتا دواپر کلجُگ دُھر دا حُکم سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِ سنت سُہیلے در دوار اپنے سدّ، سندیسہ اِکو نام جنائیا۔

۷ پھگّن شہنشاہی سمت اٹّھ جالندھر شہر نگیِنہ سِنگھ دے گرِہ

دھرنی کہے دھرم میری حالت ہوئی بُری، بُریار چاروں کُنٹ نظری آئیا۔ دیِن دُنی ہوئی نِگُری، سَتگُر شبد نہ کوئے منائیا۔ چاروں کُنٹ شرع چُھری، اِنساناں رہی گھائیا۔ منزل چڑھے کوئی نہ تُری، تُریا پد ہتّھ کِسے نہ آئیا۔ میری دھار ویکھ سَت سچ بِنا تُھڑی، خالی جھولی نہ کوئے بھرائیا۔ میری پت جاندی رُڑھی، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھردرگاہیِا۔ دھرم کہے دھرنی تُوں کر بھرواسا، دھیِرج دھیِر دھرائیا۔ کِرپا کرے پُرکھ ابناشا، ہرِ کرتا دُھردرگاہیِا۔ کلجُگ کوُڑی کِریا کرے ناسا، ناستک رہے نہ موُل لوکائیا۔ تیرا خالی بھرے کاسہ، نام بھنڈارا اِک ورتائیا۔ دیِناں مذہباں کولوں ہووے خلاصا، اِکو برہم دئے سمجھائیا۔ تیرے اُتے خوشیاں والی پئے راسا، سُرت شبد گوپی کاہن نچائیا۔ اوہ ویکھ نظر اُٹھائے شنکر اُتوں کَیلاشا، اپنی لےَ انگڑائیا۔ جو صدی چؤدھویِں ویکھے تماشا، دیِن دُنی پھول پھولائیا۔ جِس لیکھے لاؤنیاں مقبریاں وِچوں پَیغمبراں والیِاں لاشاں، محمد اِشارے نال دِرڑائیا۔ ذات پاتی رہن نہیں دینیِاں شاخاں، آتم پرماتم اِک سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک ہوئے

سہائیا۔ دھرنی کہے دھرم میَنوُں اُٹھدا درد، دُکھی ہو کے دیاں جنائیا۔ میری اوس صاحِب دے اَگے عرض، جو آرزو اپنیاں چرناں وِچ ٹِکائیا۔ شرع چُھری کلجُگ میٹے کرد، قتل گاہ دا ڈیرہ ڈھاہیِا۔ دیِن دُنی دی پُٹھی سِدھی کرے نرد، نر نرائن ہووے آپ سہائیا۔ اپنا کھیل دسےّ اسچرج، اچرج لیِلا آپ ورتائیا۔ جودھا سوُربیِر بن کے مردانہ مرد، نِرگُن نِروَیر لئے انگڑائیا۔ میَں چار کُنٹ ہوئی ناپڑد، اوڈھن میرے سیِس دئے ٹِکائیا۔ جِس دا نام کھنڈا تِکھی دھار کھڑگ، کھنڈاں برہمنڈاں کرے صفائیا۔ اوسے دے پیار وِچ رہی بھٹک، دِوس رَین دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرم کہے دھرنی اوہ صاحِب سَتگُر میِتا، مِتر پیارا اِک اکھوائیا۔ جو ویس وٹائے نِت نوِتا، نِرگُن سرگُن کھیل کھِلائیا۔ دھرم دی دھار سب نال کرے ہِتا، ہِتکاری ہو کے ویکھ وکھائیا۔ تیرے اُتے تیری سُہنجنی کرے رُتا، رُتڑی اپنے رنگ رنگائیا۔ بھاگ لگا کے کایا ماٹی بُتا، بُتخانیاں کرے صفائیا۔ پاربرہم پرمیشور ابناشی اچُتا، چیتن ہو کے ویکھ وکھائیا۔ جو سَتجُگ اُٹھاوے سُتا، آلس نِندرا رہے نہ رائیا۔ تُوں میرا میَں تیرا دسّ کے تُکا، دو جہاناں کرے پڑھائیا۔ بھیوَ کُھلا کے مانَس منُکھا، مانَو پردہ دئے چُکائیا۔ جِس دی یاد وِچ وقت بیِتیا چوکھا، چؤتھا جُگ اکھّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی ویکھ وکھائیا۔ دھرنی کہے دھرم میَں اوسے دی داسی، جُگ جُگ سیو کمائیا۔ نِرگُن دی دھار رکھی آسی، سرگُن سنگ تجائیا۔ جوتی جاتا ہووے جوت پرکاشی، پرم پُرکھ اگمّ اتھاہیِا۔ جو میرے اُتے کرے کھیل تماشی، چاروں کُنٹ دھیان لگائیا۔ کوُڑ کُڑیار توں کرائے بند خلاصی، بندھن کلوُ دئے تُڑائیا۔ تِس چرناں بل بل جاسی، بلہار گھولی گھول گھُمائیا۔ سو مالک خالق شاہو شاباشی، شہنشاہ نوُر الاہیِا۔ جو میرے اُتے کلجُگ میٹے اندھیری راتی، سَتجُگ سچ چند چمکائیا۔ اوسے دا سندیسہ اوسے دا نام کملاپاتی، بِن اکھّراں رہیا وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ہرِ، سچ دا پردہ آپ چُکائیا۔ دھرم کہے دھرنی اوہ صاحِب حق حقیِقی، ہرِ کرتا اِک اکھوائیا۔ جِس دے کول اگمّی تؤفیِقی، طاقتور نوُر الاہیِا۔ اوہ کلجُگ اندر سَت دھرم دی بدلے ریِتی، ریِتیوان اِک اکھوائیا۔ جِس جھگڑا میٹنا مندر مسیِتی، کایا کعبے کرے رُشنائیا۔ اوہدی کھیل ترےَگُن اتیِتی، ترےَبھوَن دھنی اپنا حُکم ورتائیا۔ جن بھگتاں کایا کرے ٹھانڈی سیِتی، اگنی تت بُجھائیا۔ نِرگُن سرگُن بخش کے چرن

پریِتی، پریِتم ہو کے میلا میلے سہج سُبھائیا۔ جیِواں جنتاں بدل دیوے نیِتی، نیِتیوان اِک اکھوائیا۔ اِکو رنگ رنگائے ہست کیِٹی، اوُچاں نیِچاں ڈیرہ ڈھاہیِا۔ اِکو نام شبد کلمہ دئے حدیِثی، حضرتاں توں باہر پڑھائیا۔ اِکو رحمت سچ بخشیِشی، بخشش دُھر دی جھولی پائیا۔ جِس صاحِب سُلطان مِہربان دی تُوں رکھ کے بَیٹھی اُڈیِکی، نِت نِت دھیان لگائیا۔ اوہ سب دا لہنا دینا پوُرا کرے تواریخی، جو اوتار پَیغمبر گُر بھوِکھتاں وِچ گئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شبد دھار سب دی کرے آپ تصدیِقی، دوُسر سنگ نہ کوئے رکھائیا۔