کتب خانہGranth 23 (Shahmukhi)

پہلی چیت شہنشاہی سمت اٹّھ ہرِ بھگت دوار جیٹھوُوال رات نوُں

پہلی چیت کہے میَنوُں جُگ چؤکڑی چیتا، چیتن ہو کے دیاں جنائیا۔ جُگ چؤکڑی جو گُر اوتار پَیغمبراں چُنیا نیتا، نیتی نیتی دھیان لگائیا۔ اوہ لکھّ چؤراسی کایا ماٹی جانے کھیتا، دھرنی دھرت دھوَل دھؤل پھول پھولائیا۔ نِرگُن دھار سرگُن پاوے بھیتا، بھیوَ ابھید رہے نہ رائیا۔ جِس دا جُگ جُگ جگ سُن دے رہے سندیسہ، اکھّراں نال شنوائیا۔ راہ تکدے رہے ہمیشہ، ہم ساجن دھیان لگائیا۔ جِس مان دوایا وِشن برہما شِو گنیشا، مِہربان مِہر نظر اُٹھائیا۔ اوہ صاحِب سُلطانا مرد مردانہ سب دی بدلن والا ریکھا، بچیا نظر کوئے نہ آئیا۔ پہلی چیت کہے میَں اُس نوُں کراں آدیسا، نِو نِو سیِس نِوائیا۔ جِس کھیل کھیلنا نؤاں دیسا، دیس دیسنتر دھیان لگائیا۔ لیکھا جاننا مُلّا شیخا، مسائکاں کھوج کھوجائیا۔ کلجُگ نال کرنا ہیتا، کوُڑی کِریا گنڈھ پوائیا۔ اوتار پَیغمبر گُروُآں پوُرا کرنا ٹھیکا، دیِناں مذہباں پندھ چُکائیا۔ دُھر دا حُکم ایکنکار دینا اِک سندیسہ، سندھیا سرگھی اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پہلی چیت کہے میرا سمت چڑھیا نؤ، شہنشاہ دِتی وڈیائیا۔ میَں نؤ سؤ چُرانوے چؤکڑی جُگ رہیا

بھؤں، سال بسالا اپنا پندھ مُکائیا۔ سچ پیار دی نیِندے رہیا سؤں، غفلت جگت نہ کوئے رکھائیا۔ میرا اِکو پِتا اِکو ماؤں، گود سُہنجنی اِکو سُہائیا۔ کیوں نِتھاویاں دیوے تھاؤں، نِمانیاں ہووے سہائیا۔ جُگ جُگ جن بھگتاں پکڑے باہوں، پھڑ باہوں گلے لگائیا۔ دیِن دُنی ویکھے گھُتھی راہوں، نِت نوِت پردہ آپ چُکائیا۔ جِس دا لہنا تھل اسگاہو، مہیئل کھوج کھوجائیا۔ جِس نوُں سب نے کِہا واہ واہو، واہوا تیری بےپرواہیِا۔ اُس دے پیار دا موہے گھنیرا چاؤ، چؤہ ونّی دھیان لگائیا۔ جو سدا سُہیلا دیوے ٹھنڈی چھاؤں، اگنی تت نہ لاگے رائیا۔ جُگ چؤکڑی کرے نِیاؤں، عدل اِنصاف آپ کمائیا۔ اُس دے نِو نِو لاگاں پاؤں، چرن دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ سمت نؤ کہے جن بھگتو آ گیا لوک مات، متا پربھ دے نال پکائیا۔ ساچے نام دی دیواں سوغات، دُھر دی وست انمُل ورتائیا۔ بھاگاں بھری تُہاڈی رات، سُہنجنی خوشی بنائیا۔ آتم تکّو پرماتم ذات، اذاتی ڈیرہ ڈھاہیِا۔ سَت دا سچ ویکھو نات، میل مِلیا سہج سُبھائیا۔ تُوں میرا میَں تیرا گاؤ گاتھ، سوہنگ ڈھولا اگمّ اتھاہیِا۔ میرا سوامی اناتھاں ناتھ، غریِباں ہوئے سہائیا۔ جُگ چؤکڑی دیوے ساتھ، سگلا سنگ بنائیا۔ جن بھگتو اُس پربھوُ نوُں مستک دے اَگے دوئے جوڑ دیؤ ہاتھ، ہتھیلی ہتھیلی نال مِلائیا۔ جِس دا اِشارہ دے کے گیا سی رام بیٹا دسراتھ، جِس ویلے دہسر گھائیا۔ کرِشن ارجن نوُں سہج سُبھاؤ گیا آکھ، بِن اکھّراں کر لِکھائیا۔ میَں تریَلوکی ناتھ، میرا صاحِب سوامی اپنا لیکھا اپنے ہتّھ رکھائیا۔ عیسیٰ جِس ویلے گل وِچ پائی پھاس، بِن سجدیاں سیِس جھُکائیا۔ اِک اگمّی رکھی آس، جِس نوُں اے بی سی ڈی سکے نہ کوئے لِکھائیا۔ محمد چؤداں طبق کیتے تلاش، بِن اکھّاں اکھّ اُٹھائیا۔ میری مقبرے وِچ راہ تکّے تتاں والی لاش، خاکی خاک دھیان لگائیا۔ نانک کِہا نِرگُن دھار نوُر پرکاش، جوتی جاتا ڈگمگائیا۔ گوبِند کِہا پُرکھ اکالا میرا باپ، مئیا اِکو سوبھا پائیا۔ جو انتم کلجُگ کرے کھیل تماش، تماشبیِن نوُر الاہیِا۔ شنکر جھُکے اُتوں کَیلاش، نِو نِو سیِس نِوائیا۔ برہما دھوُڑی رماوے خاک، مستک ٹِکّے لائیا۔ وِشنوُں وِشوَ دا منگے ساتھ، سگلا سنگ بنائیا۔ پہلی چیت کہے میرا صاحِب پُرکھ ابناش، جنم مرن وِچ کدے نہ آئیا۔ اوہ بھگت سُہیلا اِک اکیلا نِرگُن نِروَیر نِراکار جن بھگتاں اپنا بنائے داس، داسی داس کھیل کھِلائیا۔ سووت جاگت کایا منڈل پاوے راس، گوپی کاہن کھیل کھِلائیا۔ گُرمُکھاں دے ہِردے دے وِشواس، وِشوَ دا اپنا بھیوَ کُھلائیا۔ صاحِب

سوامی بن سرب گُنتاس، ہرِ وڈّا وڈ وڈیائیا۔ جو لہنا دینا سب دا چُکائے آپ، اپنی دَیا کمائیا۔ کِسے ہتّھ نہ آوے پوُجا پاٹھ، رسنا جِہوا نہ کوئے چتُرائیا۔ سمت شہنشاہی نؤ کہے اوہ میرا ساک سجّن ساتھ، ساتھی اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ سمت نؤ کہے میری نوَ نؤ دی دھار، دھرم نوُں دھرم نال جنائیا دھرنیئے تُوں وی ہو جا خبردار، بے خبرے خبر دیاں سُنائیا۔ نی تیرے اُتے رنگ مان گئے پَیغمبر گُر اوتار، اوتری اپنا پھیرا پائیا۔ لیکھا لِکھ گئے وِچ سنسار، سنساری بھنڈاری سنگھاری جِس دی دین گواہیِا۔ کل کلکی لئے اوتار، جوتی جاتا پُرکھ بِدھاتا اِکو نظری آئیا۔ میَں اُس نوُں کراں نِمسکار، ڈنڈاوت وِچ سیِس نِوائیا۔ جیہڑا ساریاں دا سانجھا یار، یرانے بھگتاں نال رکھائیا۔ نی اُس دے نام کلمے اوتار پَیغمبراں لِکھتی لائے اِشتہار، کاغذاں اُتے اکھّر دِتے چِپکائیا۔ جِس دی سارے کردے رہے اِنتظار ، آمد وِچ دھیان لگائیا۔ اوہ مالک خالق زِمیں زماں دا خُدمختیار، درگاہ سچ دا رہبر نوُر الاہیِا۔ اُس دا حُکم سندیسہ سب نے سُنیا وارو وار، وارتا جگت والی بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سمت نؤ کہے میَں ویکھے تھل اسگاہ، گہر گمبھیِر دِتی وڈیائیا۔ میَنوُں انتر انتر چڑھیا چاء، چاؤ گھنیرا دیاں سمجھائیا۔ میرا مالک بے پرواہ، بے پرواہی وِچ سمائیا۔ جِس نے دُرگا اشٹبُھج دا لیکھا دِتا چُکا، چُکّنے سب نوُں رہیا کرائیا۔ اوتار پَیغمبر گُر اپنا لیکھا بَیٹھے ہتّھ اُٹھا، دو ہتّھاں رہے ٹِکائیا۔ بِنا سیِس توں سیِس نِوا، نِمرتا وِچ سیِس جھُکائیا۔ تُوں داتا سوامی اگمّ اتھاہ، بےانت تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ پہلی چیت کہے میَں چار کُنٹ نوُں تکیا، اُتّر پوُرب پچھّم دکھّن دھیان لگائیا۔ آتم پرماتم ناتا دِسے کِسے نہ پکّیا، دھرم دی گنڈھ نہ کوئے پوائیا۔ میَں خوشیاں دے وِچ ہسّیا، ہسّ کے دِتا وکھائیا۔ ویکھو کلجُگ سب دی کرے ہّتیا، ہتیاری کیِتی خلق خُدائیا۔ اندر دے کے من متیا، منسا کوُڑ نال لڑائیا۔ ملِے میل نہ کِسے کملاپتیا، پت پرمیشور مِلن کوئے نہ پائیا۔ سب نوُں بُھلیا گوبِند فتح ڈنکیا، ڈنکے کوُڑ گھر گھر رہے وجائیا۔ اندروں پِھرے نہ من کا منکیا، جگت منکیاں اُنگلا نال چلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ سمت نؤ کہے میرا کھیل پُرانا، پُنہ پُنہ سب نوُں سیِس نِوائیا۔ جن بھگتو سُنو میرا پریم دا گانا، گا گا کے دیاں جنائیا۔ صاحِب

سوامی سَتگُر شبد جِس نواں کھیل رچاؤنا، رچنا اپنی ویکھ وکھائیا۔ اُس نؤ کھنڈ پرِتھمی ستّ دیِپ اپنا چرن ٹِکاؤنا، نِرگُن سرگُن اپنی ونڈ ونڈائیا۔ ایہہ کھیل سِری بھگوانا، دوُسر سمجھ کوئے نہ پائیا۔ جِس دا جوت سروُپی اگمّی بانا، بان انیالے تیِر چلائیا۔ تخت نِواسی بن کے رانا، رعیت ویکھے چائیں چائنیا۔ جِس نے چڑھدی دِشا نوُں جانا، اکھّ لہندے ولّ بھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سمت نؤ کہے میَنوُں یاد آ گیا دُرگا دا میَدان جنگی، سُنبھ نِسُنبھ سنگ ودھائیا۔ جیہڑی آشا بِنا عِشق توں منگی، حقیِقی مزاجی سمجھ کوئے نہ پائیا۔ جِس ویلے جُگ چؤکڑی جائے لنگھی، اپنا پندھ مُکائیا۔ سُہاگن واہے سیِس کوئے نہ کنگھی، ہرِ کنت سُہاگی سکے نہ کوئے ہنڈھائیا۔ آتما دُہاگن سب دی دِسے رنڈی، سچ سِنگھاسن سوبھا کوئے نہ پائیا۔ سچ پرکاش دِسے نوُر کوئے نہ چندی، نوُر نوُرانہ نظر کِسے نہ آئیا۔ دیِناں مذہباں دی ہووے پابندی، آتم پرماتم مِلن کوئے نہ پائیا۔ پوَن ملِے کِسے نہ ٹھنڈی، اگنی تت جگت تپائیا۔ چُھٹی لِو نہ جاوے گنڈھی، پاربرہم برہم نہ کوئے سمائیا۔ چاروں کُنٹ آوے تنگی، تنگ دست ہووے لوکائیا۔ سب دی انتر نِرنتر حالت ہونی مندی، مند بھاگن دھرتی رووے مارے دھاہیِا۔ کلجُگ لیکھا پُجیا ہونا کنڈھی، کنڈھی گھاٹ دئے گواہیِا۔ دیِن دُنیا ہونی پاکھنڈی، جگت جگیاسوُ نِرگُن جوت نہ کوئے سمائیا۔ مان رہنا نہیں پاندھے پنڈی، مُلّا شیخ نہ کوئے چتُرائیا۔ اُس ویلے کھیل کرے میرا صاحِب سوُرا سربنگی، جو کرتا دُھردرگاہیِا۔ جِس دی آیوُ آد جُگاد لمبی، انت کہن کوئے نہ پائیا۔ اوہ سب دی قؤل اِقراراں وعدیاں والی ویکھے سندھی، سند اپنے وِچوں کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ پہلی چیت کہے اوہ کلجُگ آیا، بھجیّا واہو داہیِا۔ بول بول کے رہیا سُنایا، کوُک کوُک نال لگائیا۔ میَں اُس پربھوُ دا جایا، جِس نوُں جنمے کوئے نہ مائیا۔ میَں دُھر دا ور اِکو پایا، پاربرہم پربھ جھولی دِتی بھرائیا۔ چاروں کُنٹ کوُڑ دا ڈنک وجایا، دھرم دی کیِتی صفائیا۔ پِتا پوُت نال لڑایا، گُروُ چیلے دِتے ٹکرائیا۔ سچ پریِتی وِچ رہن کوئے نہ پایا، ایہہ میری بےپرواہیِا۔ میَں نؤ کھنڈ پرِتھمی اپنا ڈؤروُ واہیا، ڈنکا دِتا وجائیا۔ میرے اُتے اُس صاحِب دا چھایا، جو سِر سِر رِزق سبائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ کلجُگ کہے میَں مُچھاں نوُں چاڑھاں وٹّ، وٹنے سب نوُں دینے لگائیا۔ میَں کوُڑ پیالہ پیِواں گٹ گٹ، ممتا نشے

چاروں کُنٹ دینے وکھائیا۔ میَں دیِپاں لوآں جاواں ٹپّ، ٹاپوُآں توں پرے پِھراں چائیں چائنیا۔ کلجُگ کہے جن بھگتو میری سمجھیو موُل نہ گپّ، میَں کر کے دینا وکھائیا۔ کِسے دا رہن نہیں دینا تپ، تپیِشر سِر نہ کوئے اُٹھائیا۔ میرا صاحِب نال وعدہ پکّ، میَں پکّی آیا کرائیا۔ میرے صاحِب سوامی انترجامی کوئی پُجے نہ تیرے تک، چرن چھوہ کوئے نہ لائیا۔ میرا میَنوُں دینا حق، حقیِقت دے مالک ہونا سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے میَں کی دسّاں اپنی کہانی، کہاوت کی جنائیا۔ میَنوُں یاد چار جُگ دی بانی، جو نام انیالے تیِر چلائیا۔ میَں ویکھاں چارے کھانی، چاروں کُنٹ اکھّ اُٹھائیا۔ میَں تکاّں جیِو پرانی، پُنہ پُنہ کھوج کھوجائیا۔ میرے کول اوہ نِشانی، جِس دا نِشانہ سکے نہ کوئے مِٹائیا۔ میرا محبوُب وڈّا دانی، دؤلتمند اکھوائیا۔ جِس پَیغمبراں دی لئی قُربانی، قبراں وِچ سوائیا۔ اوہ سدا مِہربان کرے مِہربانی، مِہر نظر اُٹھائیا۔ کلجُگ کہے کُچھ میری سُنو زبانی، سنمُکھ ہو کے دیاں سُنائیا۔ انت شرع دی کٹی جانی غُلامی، زنجیر رہن کوئے نہ پائیا۔ جِس میرے محبوُب دی سارے کرن بدنامی، چاروں کُنٹ ڈھولے گائیا۔ اُس دا لہنا دینا کھیل اگمّا نوَ ستّ کرائے پریشانی، پرتی شت دا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ بنائیا۔ سمت نؤ کہے میَں دسّاں نال پیار، پریم پریِتی وِچ جنائیا۔ اُٹھو ویکھو تکّو میرے ساجن میِت مُرار، مِتر پیارا دُھردرگاہیِا۔ جِس دا لہنا دینا گوبِند دھار، جو یارڑا ستھر گیا ہنڈھائیا۔ جِس دا یُدھ اگمّ اپار، یُدِھشٹر کاہن اِشارے نال دِرڑائیا۔ رام نے اوسے دا کیِتا اِظہار، صِفتاں والی صِفت صالاحیِا۔ موُسیٰ کِہا اوہ نوُر نوُرانہ شاہ سُلطانا میرا پروردِگار، پرم پُرکھ اِک اکھوائیا۔ عیسیٰ کِہا میرا باپ نوُرانہ، نؤجوانا آوے جاوے اپنی دھار، دھرنی دھرت دھوَل دھؤل سُہائیا۔ محمد کہے میَں اوسے دے قدماں دی لاواں خاک چھار، جو شہنشاہ دو جہان اکھوائیا۔ نانک نِرگُن کِہا اوہ مہابلی اوتار، اوترا اپنی کھیل کھِلائیا۔ گوبِند کِہا اوہ کلکی کلغیاں والے دا یار، کل اپنی آپ پرگٹائیا۔ جِس دا آد انت نہ پاراوار، پرم پُرکھ بےپرواہیِا۔ اوہ بھگتن میِتا ٹھانڈا سیِتا ایکنکار، اکل کل دھاری آپ اکھوائیا۔ جِس نوُں نمو نمو ڈنڈاوت بندنا نِمسکار، سجدیاں وِچ سیِس جھُکائیا۔ اُس دا کھیل انوکھا اگمّ اپار، اگوچر اپنی کل ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سمت نؤ کہے میَں تکیا نام نِدھانا، بِن

نظراں نظر اُٹھائیا۔ میرے کول اِک پروانہ، جو پرم پُرکھ دِتا پھڑائیا۔ جِس دا جگ نظر نہ آئے نِشانہ، نیتر ویکھن کوئے نہ پائیا۔ روُپ دِسے نہ زِمیں اسمانا، منڈل منڈپ نہ کوئے چتُرائیا۔ اوہ جوتی جاتا پُرکھ بِدھاتا نؤجوانا، سِری بھگوانا اِک وکھائیا۔ آد جُگادی شبد انادی وڈ برہمادی نؤجوانا، روُپ انوُپ اِک پرگٹائیا۔ اوہ آ گیا جوت جگا گیا ویس وٹا گیا کھیل کھیلے دو جہانا، دوہری اپنی کار بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے دھرنیئے آ جا صاحِب دے اَگے، فَیصلہ اپنا حق کرائیا۔ دھرما تُوں وی بنّھ لےَ کچّے تّگے، تنداں ڈوری نال بندھائیا۔ میرا کھیل تکّو چاروں کُنٹ کوُڑ دا دیِپک جگے، جوتی جاتا نظر کِسے نہ آئیا۔ مندر مسجد شِودوالے مٹھ کوٹن کوٹ پِھردے بھجےّ، بھجن بندگی وِچ اپنا آپ لگائیا۔ کلجُگ کہے میرے ہُندیاں صدی چؤدھویِں انت میرا صاحِب کِسے نہ لبھے، ایہہ میری بےپرواہیِا۔ میَں کوُڑ کُڑیار دے وڈّے ڈوُنگھے بنائے کھڈّے، کھڈّی بُنن والا جُلاہا کبیِر اِشارہ گیا کرائیا۔ یار یاراں نال کردے دغے، سچ وِچ سچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے میرے سارے ہو جاؤ اَدھیِن، دھرم تیرا روُپ نظر کوئے نہ آئیا۔ میرا لیکھا تک لےَ روُسا چیِن، بِن اکھّاں اکھّ اُٹھائیا۔ میَں پُجنا مکّہ مدیِن، کعبیاں کھوج کھوجائیا۔ مشرق مغرب کرنا اَدھیِن، سِر سکے نہ کوئے اُٹھائیا۔ تُوں کملیا ہوئیوں نابیِن، اکھّ اکھّ نہ موُل کُھلائیا۔ تیرا وقت لنگھ گیا سَتجُگ تریتا دواپر والا پراچین، پِچھلی کہانی کمّ کِسے نہ آئیا۔ میرا زور تک لےَ شور تک لےَ میَں ٹکراؤنے مذہب تے دین، دھرم اِسلام دا بھیڑ دینا بِھڑائیا۔ ایہہ کھیل ہونا اُتے زمیِن، دھرنی نوُں سہج نال سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرم کہے کلجُگا نہ ہو اِتنا مغروُر، مغروُری نہ موُل وکھائیا۔ اوہ مالک سب دا حاضر حضوُر، حضرتاں توں پرے بےپرواہیِا۔ جِس دا اِک اگمّا نوُر، نوُر نوُرانہ ڈگمگائیا۔ جِس تیرا ناتا توڑنا کوُڑ، کوُڑی کِریا پندھ مُکائیا۔ جن بھگتاں بخش کے چرن دھوُڑ، ٹِکّے دیوے خاک رمائیا۔ چتُر سُگھڑ بنائے موُرکھ موُڑھ، سِر اپنا ہتّھ ٹِکائیا۔ نام دا دے سروُر، سُرتی شبد نال جُڑائیا۔ تیری کِریا نوُں کر دئے چوُرو چوُر، شؤہ دریا وِچ رڑھائیا۔ اوہ مالک سرب گُنا بھرپوُر، بھرپوُر رہیا سرب ٹھائینا۔ تُوں اُس دا چاکر دِسے مزدوُر، اپنی سیو کمائیا۔ دھرم کہے میرا بن مشکوُر، شُکریئے وِچ سیِس نِوائیا۔ جوتی جوت سروُپ ہرِ، آپ اپنی

کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے دھرم اوہ میرے وڈّے وڈّے وسیِلے، بِنا وِسل توں دیاں سُنائیا۔ اوہ میرے مذہباں والے تک وکیِلے، جو اوتار پَیغمبر گُروُآں دِتے بنائیا۔ میرے اَمبر تک لےَ نیِلے، چند سِتار اکھّ اُٹھائیا۔ کام کرودھ لوبھ موہ ہنکار میرے ساتھی چَھیل چھبیِلے، مہابلی بھجّن واہو داہیِا۔ کوئی بچ نہ سکے سادھ سنت کر کے اپنے حیلے، ہُجت وِچ سب نوُں لیَن پھسائیا۔ میری نؤجواناں والی ڈؤل ڈیِلے، بِردھ بال روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ دھرم کہے کلجُگ اپنی لگّیاں ویکھ لےَ اگّاں، چاروں کُنٹ نیَن اُٹھائیا۔ پنجھی گُرمُکھاں سِر بدھّیاں پیِلیاں پگّاں، پنجھی پرکِرتیاں روون مارن دھاہیِا۔ کھیل تک لےَ سوُرا سربگا، کی کرتا حُکم ورتائیا۔ جِس دا اِکو ڈنکا وجّا، دو جہان کرے شنوائیا۔ جِس دے حُکم اندر پِھرے بھجّا، چلے واہو داہیِا۔ اُس دی منّنی پئے رضا، سِر سکے نہ کوئے اُٹھائیا۔ تیرے سِر تے کوُکدی قضا، قزاق بنیا دُھردرگاہیِا۔ اپنی کرنی دا تکّنا مزہ، جو مذاق کیِتا لوکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ کلجُگ کہے دھرم میَں دوُر اندیش بڑا، بڑی میری وڈیائیا۔ تُوں سمجھیں نہ میرا دھڑا، کِس دا سنگ سنگ نال بنائیا۔ جِنہاں دے سِر تے پیِلا دستار چڑھا، اپنا آسن لائیا۔ میَں سب دے ساہمنے کھڑا، اَگے ہو کے دیاں جنائیا۔ پِچھلا وقت لنگھیا بہُتا لما بڑا، کی بیِتی دیاں دِرڑائیا۔ میَں سب دے اندر وڑا، گھر گھر ڈیرہ لائیا۔ کایا دی کھِڑکی وِچ کھڑا، نؤ دوارے راہ تکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ کلجُگ کہے دھرم بِنا پربھوُ دی کِرپا نہیں کوئی دھرم، میَں سچ دیاں سُنائیا۔ بے شک میرا دھرنی اُتے ہویا جرم، کُکھ بِنا جننی دِتی سُہائیا۔ ہڈّ ماس ناڑی نہیں چرم، پنج تت نظر کوئے نہ آئیا۔ میرا سب توں اُتم سریشٹ کرم، کرنی دا کرتا ہو کے دیاں درسائیا۔ جیہڑے پربھوُ دی پےَ جان سرن، سرن وِچ سمائیا۔ جے اوہ کِرپا کرے تے منزل چڑھن، بِنا کِرپا توں اَگے قدم نہ کوئے اُٹھائیا۔ کلجُگ کہے دھرم میری کرنی تک اوہ اِک دوُجے دے نال لڑن، لڑاکے دیواں بنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ کلجُگ کہے میرے صاحِب دا تک سوانگ، کی اپنی کل ورتائیا۔ جِس دی رکھی تانگھ، تانگھاں وِچ وقت لنگھائیا۔ جِس دا راہ تکدا تارا چاند، صدی چؤدھویِں اکھّ اُٹھائیا۔ اوہ پُٹ کے اپنی پہلی پلانگھ، دھرنی دھرت دھوَل اُتے ڈیرہ لائیا۔ جِس دا لہنا

دینا جُگادی آد، انت آپ سمجھائیا۔ اُس دی کر لےَ یاد جو سُنے سرب فریاد، بے فکر بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ جھٹ بولیا پہلا چیت، آکڑ نال جنائیا۔ کلجُگ )نوُں( کہے آہ ویکھ لےَ پربھوُ نیتن نیت، نِرگُن داتا دُھردرگاہیِا۔ جِس نے تَینوُں کرنا کھیت، رن بھوُمی دینا سوائیا۔ اوہ ویکھ لےَ محمد دی آسا لیندی بھیت، بِن روُپ رنگ ریکھ بَیٹھی ڈیرہ لائیا۔ نارد وی کھیڈاں رہیا کھیڈ، پُٹھے سِدھے ہتّھ وکھائیا۔ نخریاں نال کردا ویڈ، مسخریاں نال ہسائیا۔ جِس مسیح نے منُشاں نوُں کِہا شیِپ بھیڈ، جگت حُکم سُنائیا۔ اوہ اپنا حُکم سندیسہ کڈھے وِچوں پاکٹ جیب، بِن اکھّراں دئے وکھائیا۔ آہ تک لؤ بِنا نثر توں کِتیب، اکھّراں بِنا لِکھائیا۔ جِس وِچ نوَ نؤ چار دا بھریا فریب، دغیبازی بند کرائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ پہلی چیت کہے جن بھگتاں پگّاں بدھّیاں پیِلیاں، پنجھی دو پنج گنڈھ پوائیا۔ جن بھگتاں روُحاں جانیاں سیِلیِاں، بِنا پربھوُ توں سیِل سکے نہ کوئے تُڑائیا۔ وِچار چلے نہ کوئے دلیِلیِاں، من مت نہ کوئے وڈیائیا۔ آتم پرماتم دیِاں اِکو ہونیِاں وسیِلیاں، دوُجا وصل یار نہ کوئے جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرم کہے میَں ویکھاں پنجھی نؤجوان، دوآبہ مالوے گنڈھ پوائیا۔ میرے صاحِب دا کھیل مہان، مہما کتھ کتھ دِرڑائیا۔ اِنہاں دا لیکھا جگت جہان، ناتا تتّاں والا جُڑائیا۔ ایہہ ہرِ گوبِند دے پریم پیار والے سی پہلوان، پوُرب جنم دے سوبھا پائیا۔ اِک دوُجے نال شرارت کردے رہندے سی جگت شیَطان، دھکاّ دھکّے نال لگائیا۔ غُصّے وِچ کینچا کس کے آؤندے سی وِچ میَدان، بَل اپنا اپنا پرگٹائیا۔ ہرگوبِند ویکھ کے خوش ہُندا سی مہان، خوشیاں وِچ سُنائیا۔ اوہ تکّو مالک نؤجوان، داتا دُھردرگاہیِا۔ جِس دے نال تُہاڈا میل ہونا وِچ جہان، جگت جُگت نال مِلائیا۔ تُہاڈے پریم تے غُصّے دا یُدھ ہووے گھمسان، گھُنمن گھیری وِچ لوکائیا۔ جن بھگتو ایسے دے بدلے تُہانوُں پھڑنا پئے نہ کھنڈا کِرپان، تیِر ترکش نہ کندھ اُٹھائیا۔ نؤواں دیشاں وِچ شرع پِھرے چُھری شیَطان، شریِعت نال مِلائیا۔ پہلی چیت کہے میَں ایسے خوشی وِچ بھگتاں دا منگاں دان، پربھ اَگے جھولی ڈاہیِا۔ میرے سوامی انترجامی پُرکھ بِدھاتے کملاپاتے سب نوُں دینا چرن دھیان، دوُجا اِشٹ نہ کوئے منائیا۔ در آئے سارے کریِں پروان، پرم پُرکھ ہونا آپ سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا

ہرِ، سچ دا حُکم اِک ورتائیا۔ سمت نؤ کہے میَں آیا وِچ مات، پربھ دِتی مان وڈیائیا۔ پُرکھ اکالے بخشی دات، دَیاوان جھولی پائیا۔ سچکھنڈ دا تکاّں کھیل تماش، خوشیاں وِچ ڈھولے گائیا۔ جھٹ گُردَیال سِنگھ نے میَنوُں دِتا آکھ، بل دا لیکھا جگت جنائیا۔ جِس دی مُٹھی رکھی ہوئی راکھ، رکھک دئے وڈیائیا۔ دھرم دی دھار میری بنے یاد، یادداشت جگت بھگت وکھائیا۔ میرا صاحِب پُرکھ ابناش، ہرِ کرتا دُھردرگاہیِا۔ جیہڑا مالک آد دا آد، انت دا انت آپ اکھوائیا۔ جوتی جوت سروُپ ہرِ، آپ اپنی کِرپا کر، سد اپنی خوشی بنائیا۔ سمت نؤ کہے میرا بھگتاں نال پیارا، چِری وِچھُنیاں ویکھ وکھائیا۔ میَں بل دا تکاّں اِشارہ، جو بِن سیَنت رہیا سمجھائیا۔ میرا صاحِب میرا میِت مُرارا، پِتا پُرکھ اکال اکھوائیا۔ میَں جگت جہان چھڈیا سنسارا، کُٹمب آیا تجائیا۔ پُت پوترے میرا پیار نہیں کِسے وِچ پروارا، پرم پُرکھ میرا ناتا اپنے نال جُڑائیا۔ میَں بَیٹھا اُس مندر سچ دربارا، سچکھنڈ ساچے ڈیرہ لائیا۔ جِتھوں آؤنا نہ پئے دوبارہ، لوک مات نہ روُپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی اپنی کھیل کھِلائیا۔ سمت نؤ کہے بھگتو ہتّھ کر دیؤ پُٹھے، پھیر سِدھے کر کے لؤ بدلائیا۔ تُہاڈا صاحِب تُہاڈے انتر آتما تُٹھے، باہروں نظر کِسے نہ آئیا۔ تُہاڈی سُہنجنی ہووے رُتے، خوشیاں نال مہکائیا۔ کلجُگ دی پوہ نہ سکے دُھپے، اگنی تت نہ کوئے تپائیا۔ تُسیں اُس مِہربان دے پُتے، جو محبوُب دُھر دا ماہیِا۔ خوشیاں نال اپنی گودی چُکے، چاروں کُنٹ ہوئے سہائیا۔ جنم مرن دے مِٹاوے دُکھے، آون جاون پندھ گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سمت نؤ کہے جن بھگتو بھگتی دی دھار کی، سمجھ سمجھ نہ کوئے جنائیا۔ اُس صاحِب سَتگُر دی سار کی، جو سب دا مالک بےپرواہیِا۔ اُس دی آد انت دی دھار کی، کی کرتا کار کمائیا۔ شبد شبد دی وِچار کی، شبد سبق جو کہہ شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سمت نؤ کہے میَں اِکو بچن اَخیِری آکھا، اکھّراں دے نال اکھّر مِلائیا۔ سب دا مالک سوامی اِکو راکھا، رکھک بےپرواہیِا۔ میَں چاہُندا میرا صاحِب ایس سال وِچ دُکھاں دا کرے ناسا، گُرمُکھاں دئے وڈیائیا۔ نام دا بھنڈارا بھرے کایا کاسہ، قسم نال میَں ایہو منگ منگائیا۔ سَتگُر ہووے تے ہووے داساں دا داسا، سیوا سیو وِچ اپنی آپ جنائیا۔ پربھوُ ہووے تے ہووے جوت پرکاشا، جوتی جوت کرے رُشنائیا۔ جن بھگتو تُہاڈا میرا صاحِب

ایسے سال وِچ جے پوُرا کرے گھاٹا، میَں پِھر خوشیاں وِچ نچّاں ٹپّاں چائیں چائنیا۔ کِسے دا چیِتھڑ دِسے نہ پاٹا، پٹنے والا نال مِل کے خوشی دئے بنائیا۔ تُہاڈی آتما دی ہووے کھاٹا، تے آسن پُرکھ ابناشن اُتے اپنا لئے لگائیا۔ تُہاڈی پِچھے دی پِچھے مُکا کے واٹا، اَگے وٹنا اپنے پریم والا لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ سمت نؤ کہے میَں پھیر کراں نِمسکار، پربھ دے اَگے سیِس جھُکائیا۔ سب نوُں درشن دینا کایا دا اندرلا کھول کِواڑ، باہروں ویکھن دی لوڑ رہے نہ رائیا۔ اوتھے پُجنا جِتھے جنگل ہون پہاڑ، ٹِلیاں پربتاں پندھ مُکائیا۔ پِھرنا پِچھے اَگاڑ، بھجّنا واہو داہیِا۔ ہرِجن ہرِ بھگت خوشی نال خوشی لےَ کے آؤنا اُتے ستاراں ہاڑ، سمت نؤ کہے میری پہلی خوشی تے پہلی وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ پہلی چیت کہے جن بھگتو سچ دی لےَ کے جائیوشرینی، شرع دا لیکھا جانا مُکائیا۔ اِکو صاحِب دے گھر وِچ تُہاڈی زِندگی ہووے تے جیِنی، جیِون اِکو دے لیکھے پائیا۔ اِکو مد نام رس دی پیِنی، دوُسر رسنا رس نہ کوئے چکھائیا۔ کھتری براہمن شوُدر وَیشو تُہاڈی ذات نہیں کوئی ہیِنی، آتم پرماتم نال مِل کے وجےّ ودھائیا۔ تُہاڈی خوشی دُگنی تے ہووے تیِنی، تِنّاں گُناں دا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پریم پیار مُحبّت دی دئے اَدھیِنی، اَدھیِنتا وِچ اپنا رنگ رنگائیا۔

۲ چیت شہنشاہی سمت نؤ ہرِ بھگت دوار جیٹھوُوال ضِلع امرتسر کلّا سنگت دے نوِت

چاترک گُرمُکھ سدا پیاسا، امرت میگھ بوُند ہرِ برسائیا۔ مانَس جنم سَتگُروُ کرے رہ راسا، شبدی شبد دئے وڈیائیا۔ پوَن پوَنی پوِتر کرے سواسا، ساہ ساہ وِچ سمائیا۔ پندھ مُکا کے پرِتھمی آکاشا، گگن گگننتراں لیکھا دئے چُکائیا۔ نِرمل دیِا دیِپک کرے پرکاشا، اندھ اندھیر مِٹائیا۔ سچ دوار کرائے واسا، بھگت دوار وجےّ ودھائیا۔ جِتھے آتم پرماتم کُھلے اِک خُلاصہ، پردہ اوہلا رہے نہ رائیا۔ کایا ماٹی بھرے کاسہ، نام نِدھانا وِچ ٹِکائیا۔ لیکھے لائے جگت گراسا، مِہربان مِہر نظر اُٹھائیا۔ سچ پریم دئے مِٹھاسا، انڈِٹھڑا رس چکھائیا۔ جوتی جوت

سروُپ ہرِ، آپ اپنی کِرپا کر، دیونہار اِک سرنائیا۔ گُرمُکھ چاترک سدا بِللائے، بِلپ کرے بہُہ بھانتی۔ سَتگُر ساچا دَیا کمائے، بخش امرت بوُند سوانتی۔ سنت ساجن میل مِلائے، کدے پُچھے نہ ذات پاتی۔ جاگت سووت درس دِکھائے، پندھ مُکائے دِوس راتی۔ تن محل اٹل وڈیائے، جوت جگائے بِن تیل باتی۔ سچ سِنگھاسن سوبھا پائے، پرم پُرکھ پربھ کملاپاتی۔ گُرمُکھ ساچے جوڑ جُڑائے، انیالا تیِر چلائے برہوں کاتی۔ گُرسِکھ اپنی گود ٹِکائے، کھیلے کھیل بہُہ بِدھ بھانتی۔ جُگ جُگ اپنا روُپ بدلائے، شاہ پاتشاہ شہنشاہ کملاپاتی۔ نِرگُن سرگُن کھیل کھِلائے، خالق خلق پُرکھ ابناشی۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن بنائے چرن داسی۔ گُرمُکھ چاترک منگے نیِر، بِن نیِراں نیِر دھیان لگائیا۔ سَتگُر امرت بخشے ساچا سیِر، امیوں رس اگمّ چوائیا۔ تن ماٹی دیوے دھیِر، سانتک سَت سَت ورتائیا۔ جِس منزل چڑھیا کبیِر، تِس منزل گُرمُکھ دئے ٹِکائیا۔ جِتھے لیکھا نہیں وجوُد سریِر، پنج تت نہ کوئے چتُرائیا۔ دھن دؤلت مِلکھ نہ دِسے جاگیِر، مایا ممتا نہ کوئے ہلکائیا۔ انتر ہووے نہ کدے دِلگیِر، چِنتا غم نہ کوئے ستائیا۔ منّنا پئے نہ کوئی پَیغمبر پیِر، تت سریِر نہ ویکھن پائیا۔ اِکو جوتی جاتا بے نظیِر، ہرِ کرتا بےپرواہیِا۔ جِس دی نظر نہ آئے تصویِر، روُپ رنگ ریکھ نہ کوئے سمجھائیا۔ اوہ بھگت سُہیلے لیکھے لائے شاہ امیِر، اوُچ نیِچ اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا دئے مِلائیا۔ گُرمُکھ چاترک سدا بِللاؤندا، مُکھ رسن رسن صالاحیِا۔ تُوں میرا میَں تیرا ڈھولا گاؤندا، گا گا شُکر منائیا۔ نیتر لوچن نیَن راہ تکاؤندا، نِج اکھّ لئے اُٹھائیا۔ کوَن کوُٹے میرا صاحِب سوامی آؤندا، جوتی جاتا بےپرواہیِا۔ جو غریِب نِمانیاں تراؤندا، بھگتاں گود اُٹھائیا۔ ساچا راہ چلاؤندا، جُگ جُگ حُکم ورتائیا۔ کیہڑا کھیڑا نوُر چمکاؤندا، جوتی جاتا ڈگمگائیا۔ سو سوامی دَیا کماؤندا، جن بھگت لئے اُٹھائیا۔ سمبل اپنا دھام درساؤندا، در دروازہ آپ کُھلائیا۔ جِس دی باڈھی بنت نہیں کوئی بناؤندا، چار دیواری ونڈ نہ کوئے ونڈائیا۔ ساڈھے تِنّ ہتّھ محل آپ سُہاؤندا، سوہنا بَیٹھا آسن لائیا۔ نِرگُن دھار ویس وٹاؤندا، جوتی جاتا اگمّ اتھاہیِا۔ جن بھگتاں امرت آتم جام آپ پیاؤندا، نِجھر جھِرنیوں جھِرنا آپ جھِرائیا۔ لکھّ چؤراسی پھند کٹاؤندا، گیڑیاں وِچ نہ کوئے رکھائیا۔ در آیاں درد ونڈاؤندا، دُکھیِاں ہوئے سہائیا۔ آتم پرماتم میل مِلاؤندا، مِلنی ہرِ جگدیِش

کرائیا۔ ہرِ سنگت اِکو رنگ رنگاؤندا، دُتیا بھیوَ نہ کوئے جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِجن ساچا سگلا سنگ نِبھاؤندا، اندر باہر اپنی دَیا کمائیا۔

۲ چیت شہنشاہی سمت نؤ ہرِ بھگت دوار جیٹھوُوال ضِلع امرتسر ہربھجن سِنگھ دے نوِت

سَتگُر امرت برکھدا، ہرِ داتا گہر گمبھیِر۔ ہرِجن لکھّ چؤراسی وِچوں پرکھدا، ویکھنہارا تن سریِر۔ دیوے دان اپنے درس دا، میل مِلا کے شاہ امیِر۔ جھگڑا مِٹائے سوگ ہرکھ دا، چِنتا کرے نہ کوئے دِلگیِر۔ لہنا دینا جن بھگتاں شہنشاہی سمت نؤ برس دا، برسی دا لیکھا بدل دیوے تقدیِر۔ ایہہ ویلا صاحِب سوامی دے ترس دا، مِہر نظر کرے بے نظیِر۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا پیِرن پیِر۔ سَتگُر داتا سدا بخشِند، بخشنہار اکھوائیا۔ امرت دھار دیوے ساگر سِندھ، گہر گمبھیِر گوَر ورتائیا۔ جنم جنم دی میٹ کے چِند، چِنتا چِکھا دئے گوائیا۔ ہرِجن بنا کے دُھر دی بِند، آتم پرماتم رنگ رنگائیا۔ لیکھا جانے گُنی گہِند، ویکھنہارا تھاؤں تھائنیا۔ لیکھے لائے جیِؤ پِنڈ، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ سَتگُر سچّا سدا میِتا، مِتر پیارا اِک اکھوائیا۔ لکھّ چؤراسی پرکھنہارا نیِتا، گُرمُکھ گُر گُر لئے جگائیا۔ جُگ چؤکڑی بدلے ریِتا، ریِتیوان دَیا کمائیا۔ کلجُگ انتم جھگڑا مُکا مندر مسیِتا، مسلہ بھگتاں حل کرائیا۔ مارگ دسّ نیِکن نیِکا، آتم گنڈھ پوائیا۔ تن سریِر کرائے تصدیِقا، شہادت شبد گُروُ رکھائیا۔ جوڑ جُڑائے دھرم دھار انڈیٹِھا، کرم کانڈ دا پندھ مُکائیا۔ اگنی تت نہ تپے انگیِٹھا، امرت میگھ برسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سَتگُر شبد سدا سُہیلا سجّن، سنگی اگمّ اتھاہیِا۔ جو آتم دھار کرائے مجن، سروور امرت آپ نُہائیا۔ کوُڑ وِکارا بھگت سُہیلے تجن، دُرمت میَل نہ لاگے رائیا۔ بھانڈے گڑھ ہنکاری بھجّن، ہؤمے ہنگتا دئے گوائیا۔ تن وجوُد اپنا رنگن، نام خُماری اِک چڑھائیا۔ وست امُلی اِکو منگن، جھولی اَگے ڈاہیِا۔ سَتگُر صاحِب سوُرا سربنگن، دیونہار وڈیائیا۔ جِس دے پرکاش گُرمُکھ دیِپک جگن، گھر گھر ہووے رُشنائیا۔ اوہ سب دے پریم پیار دے پوُرے کرے سگن، سگلا سنگ بنائیا۔

انتر دے کے اِکو لگن، لگ ماتر دا ڈیرہ ڈھاہیِا۔ تُوں میرا میَں تیرا دسّ کے بھجن، بھانڈا بھرم بھؤ بھنّائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں جُگ جُگ لوک مات آوے سدّن، سدّا نام نِدھانا اِک لگائیا۔

۲ چیت شہنشاہی سمت نؤ پِنڈ جیٹھوُوال ضِلع امرتسر پریم سِنگھ کشمیِر سِنگھ دے گرِہ سادھوُ سِنگھ دے نوِت

دھرم کہے گُرمُکھ وِرلا پربھ دا شبد ارادھوُ، ہِردے ہرِ وسائیا۔ جِس اُتے کِرپا کرے مادھوَ مادھوُ، مدُھر دُھن آپ سُنائیا۔ سچ مُحبّت دا پاوے جادوُ، یادو بنسی ویکھ وکھائیا۔ جو لہنا دینا گوبِند نال دادوُ، دعوے نال سُنائیا۔ اُس دا مُکھیا سی اِک آگوُ، چِھندا نام وڈیائیا۔ ہُندا سی وڈبھاگوُ، خوشیاں سیو کمائیا۔ اوسے دا روُپ انوُپا بدل گیا سِنگھ سادھوُ، پربھ سادھنا وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ سادھوُ سِنگھ کہے میرے اُتے کیِتا ترس، مِہربان مِہر نظر اُٹھائیا۔ میری لیکھے پائی گھال جو کیِتی چؤوھی برس، برسی برسی نال مِلائیا۔ میَنوُں چُک کے اُتوں فرش، عرشا ں وِچ دِتا رکھائیا۔ جِتھے بھگت سُہیلے یودھے بَیٹھے مرد، مردانے آسن لائیا۔ اِکو بیننتی کری عرض، اِکو آس رکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ آتما کہے میَں پرماتما دی لائی اگمّی دھوُڑ، بِنا مستک لئی چُھہائیا۔ میرا ناتا ٹُٹیا کوُڑ، کوُڑی چھڈی سرِشٹ سبائیا۔ میرا روُپ نہ رہیا موُرکھ موُڑھ، سوَچّھ سروُپ دِتا سمجھائیا۔ میَں پندھ مُکا کے نیڑا دوُر، سچکھنڈ پُجی چائیں چائنیا۔ اَگوں پریم پیار وِچ مِلیا سِنگھ بوُڑ، گلوَکڑی بھائیاں والی پائیا۔ میَں ویکھ کے اگمّا نوُر، خوشی خوشی وِچوں پرگٹائیا۔ ایتھے میرا بنس ملِے ضرور، سوہن سِنگھ سوبھا پائیا۔ کِشن دا لہنا دینا پوُرا کرے پربھ ضرور، ضرورت دُھر دی ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ گُرمُکھ کہے میرا گھر سُہنجنا، مِلی مان وڈیائیا۔ پربھ پایا درد دُکھ بھےَ بھنجنا، جو بھوَ ساگر پار کرائیا۔ جِس اِکو دِتا پریم دا مجنا، دُرمت میَل دھوائیا۔ لیکھے لا کے اعلیٰ ادنیٰ، اِکو رنگ دِتا رنگائیا۔ جِس دا پرکاش دیِپک جگنا، جوتی جاتا ڈگمگائیا۔ اوہ

صاحِب سوُرا سربنگنا، ہرِ کرتا اگمّ اتھاہیِا۔ جِس دا دوارا بِن بھگتاں کِسے نہ لنگھنا، منزل چڑھن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی سوُرا سربنگنا، سوُربیِر اِک اکھوائیا۔

۲ چیت شہنشاہی سمت نؤ پِنڈ جیٹھوُوال ضِلع امرتسر دلیِپ سِنگھ دے گرِہ

میرا پروِشٹا دویا، چیت ہسّ کے رہیا سُنائیا۔ جن بھگتو پربھوُ دا کھیل ہویا، کرنہار آپ کرائیا۔ ہرِجن اُٹھائے سویا، سُتیاں لئے جگائیا۔ جِس دا بھیوَ نہ جانے کوآ، سمجھ وِچ نہ کوئے سمجھائیا۔ اوہ لیکھا جانے ترےَ لویا، لوئن اپنے ویکھ وکھائیا۔ ساچا لےَ کے آیا نام ڈھویا، وست امولک اِک ورتائیا۔ جیہڑا ایتھے اوتھے نہ جائے کھوہیا، ٹھگّ چور یار نہ کوئے چُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پروِشٹا کہے میَں گھڑیاں پلاں دے وِچ ونڈیا، دِوس رات گنت گِنائیا۔ میَں پربھوُ دا کھیل ویکھاں وِچ برہمنڈیا، دو جہاناں اکھّ اُٹھائیا۔ جو وسیا جیرج انڈیا، اُتبُھج سیتج رہیا سمائیا۔ جِس لیکھے لایا گُرمُکھ ماڑا چنگیا، چرن سرن دے سرنائیا۔ ہرِجن لگاوے اپنے اگمّی انگیا، انگیکار اِک اکھوائیا۔ جِس دا نام ڈنکا مردنگیا، دو جہاناں کرے شنوائیا۔ سو ور دیوے مُنہوں منگیا، جن بھگتاں جھولی آپ بھرائیا۔ گُرمُکھ سنت سُہیلے سچ دوارے جائے لنگھیا، سچکھنڈ ساچے سوبھا پائیا۔ جِتھے شبد دھار سیج پلنگیا، پاوا چوُل نظر کوئے نہ آئیا۔ جوتی دھار دِسے سوُرا سربنگیا، نوُر نوُرانہ ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا ویکھ وکھائیا۔ لیکھا کہے میَنوُں ویکھن یوگ، ہرِ کرتا اِک اکھوائیا۔ جِس دا سب توں وکھّرا جوگ، جُگیِشر سمجھ کوئے نہ پائیا۔ میَں اوسے دی ماناں مؤج، مجلس اِکو نال بنائیا۔ جو ہر تھاں جائے پہنچ، گھٹ گھٹ رہیا سمائیا۔ جن بھگتاں میٹے سوچ، سمجھ بُدھی شبد نال مِلائیا۔ ہرِجن ترائے نال شؤق، شؤقین ہو کے ویکھ وکھائیا۔ گُرمُکھ کدے نہ جائے اؤت، جِس دے نام دی وجدی رہی ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَت دھرم دی جن بھگتاں نال چلائے رؤنس، رستہ دیِن دُنی بدلائیا۔

۲ چیت شہنشاہی سمت نؤ پِنڈ جیٹھوُوال سنتوکھ سِنگھ دے گرِہ

جن بھگت گرِہ سُہاوَنا، سُہنجنی تِھت ملِے وڈیائیا۔ جِنہاں اِکو اِشٹ مناوَنا، دوُسر سیِس نہ کدے جھُکائیا۔ تُوں میرا میَں تیرا ڈھولا گاونا، آتم پرماتم میل مِلائیا۔ سچ سرنائی سیِس نِواوَنا، دھوُڑی خاک خاک رمائیا۔ مانَس جنم سُپھل کراونا، چؤراسی گیڑ مُکائیا۔ ناتا دھرم رائے تُڑاوَنا، چِترگُپت نہ گنڈھ وکھائیا۔ در دوارا اِک سُہاوَنا، جِتھے وسے بےپرواہیِا۔ سچ سِنگھاسن اِک وِچھاوَنا، جِس دا روُپ رنگ ریکھ نظر کِسے نہ آئیا۔ سو سوامی اِکو پاوَنا، جو پتت پاپیِاں لئے ترائیا۔ سچکھنڈ دوارا جِس دا گرِہ سُہاوَنا، سوہنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرنی کہے اوہ میَنوُں نارد دِسدا وِچ مستی، مست )مستانہ( روُپ بنائیا۔ نارد کہے دھرنی ایہہ کھیل الکھ دی، اگوچر آپ کرائیا۔ میَں کُجھ حُکم نامہ لےَ کے آیا دستی، دستگیِر دِتا پھڑائیا۔ میَنوُں راہ وِچ گنگا گوداوری جمنا مِلی سُرستی، سُرتی سُرت وِچوں بدلائیا۔ کہن پنڈتا ساڈا بن دردی، دُکھی ہو کے رہیاں جنائیا۔ ویکھ کھیل کپٹ چھل دی، کلجُگ کرنی کار کمائیا۔ وہن وہندا پنچ وِکار ساڈی دھار موُل نہ ٹھل دی، پتت پُنیِت نہ کوئے بنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک بےپرواہیِا۔ نارد کہے میَں لےَ کے آیا پروانہ، سَتگُر شبد دِتا پھڑائیا۔ میَں لنگھیا زِمیں اسمانا، پُریِاں لوآں برہمنڈاں کھنڈاں پندھ مُکائیا۔ تُوں میرا میَں تیرا گایا ترانہ، خوشیاں راگ الائیا۔ یاد کر وِشنوُں بھگوانا، وِشوَ دا دھیان لگائیا۔ نیتر کھول کے تکیا نِشانہ، بِن نِشانیوں ویکھ وکھائیا۔ پُرکھ اکال بدل رہیا زمانہ، دیِن دُنی بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے میَں لےَ کے آیا دُھر دی خبر، بےخبرو دیاں جنائیا۔ بھانا تکّو ہرِ زبر، زبر دستی دئے ورتائیا۔ جِس دا راہ تکّے محمد والی قبر، مدیِنہ نیَن اُٹھائیا۔ اوہ نوُر نوُرانہ ویکھ بدن، جوتی جاتا ڈگمگائیا۔ سب دے یتھارتھ ویکھے یتن، اپنا پردہ لاہیِا۔ دیِن دُنی اپنے گھاٹ کھلوتی پتن، نئیا نؤکا ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ دھرنی کہے نارد کی لےَ کے آئیوں سندیسہ، سہج نال دے جنائیا۔ نارد کہے دھرنیئے میری بودی تے رکھ اِک پَیسا، پنڈت دی دچھّنا جھولی پائیا۔ پھیر پربھوُ دا کھیل ویکھیں ہووے کَیسا، کیس گڑھ دا لیکھا

گوبِند والا پوُر کرائیا۔ جِس دا حُکم رہے ہمیشہ، دو جہان نہ کوئے مِٹائیا۔ اوہ مالک خالق نر نرائن نریشا، نِراکار نِرنکار اِک اکھوائیا۔ جِس دا لہنا دینا دیس پردیسا، پردیسی دِسے دُھر دا ماہیِا۔ اوہ جوتی دھار نوُر اُجیار اگمّڑا کرے ویسا، سمبل اپنا دھام سُہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ دھرنی کہے نارد کی ہور لیائیوں سندیسہ، سہج نال سمجھائیا۔ نارد کہے اوہ مالک نر نریشا، شہنشاہ بےپرواہیِا۔ نَواں جُگ بدلنا جِس دا آد انت توں پیشہ، انتم اپنا کھیل کھِلائیا۔ جِس دے حُکم وِچ سَتگُر ارجن سیِس پوائی ریِتا، راوی اپنا حال جنائیا۔ دھرنیئے ہُن اُس دا رکھیِں چیتا، جو چیتن جڑ سب ویکھ وکھائیا۔ جِس دا اوتار پَیغمبر گُروُآں نال دیِن مذہب دا پوُرا ہونا ٹھیکا، اَگے منیاد نہ کوئے ودھائیا۔ اوہ سَتگُر شبد دُلارا آوے اگمّی بیٹا، جِس نوُں جنمے کوئے نہ مائیا۔ اوہ لکھّ چؤراسی ویکھے تانا پیٹا، گرِہ مندر پھول پھولائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ نارد کہے دھرنیئے اوہ صاحِب تک اگمّ، اگمّڑی کار کمائیا۔ جو سب دے بیڑے رہیا بنّھ، بنھنہار دُھردرگاہیِا۔ اُٹھ تک لےَ نِشان تارا چنّ، بِن نیَناں نیَن کُھلائیا۔ حُکم سندیسہ سُن لےَ سِری بھگوَن، کی کرتا رہیا دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ دھرنی کہے میرا مالک اِک محبوُب، مُحبّت وِچ سمائیا۔ جِس دی اگمّ اتھاہ حدوُد، حضرت ویکھن کوئے نہ پائیا۔ جِنہاں جنایا سُنایا ہزارا دروُد، بصری اِسم نال کُڑمائیا۔ اوہناں انت کرے نیست و نابوُد، جڑ دیِن دُنی رہن نہ پائیا۔ انتم سب نے کرنا کوُچ، کوُچا گلی کرے صفائیا۔ حُکم سندیسہ دیوے دُھر دا دوُت، دو جہاناں رہیا سُنائیا۔ جھگڑا پَینا تیرا تیرے اُتے لہِندی کوُٹ، کُٹیا پَیغمبراں رہی جنائیا۔ جگت جہان پَینی پھوُٹ، میل سکے نہ کوئے مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگاد آد سَتگُر شبد دئے ثبوُت، ثالث خالص اوَر نہ کوئے رکھائیا۔

۴ چیت شہنشاہی سمت نؤ پِنڈ ڈڈواں ضِلع گُرداس پُر جُگِندر سِنگھ دے گرِہ

چار چیت کہے جن بھگتو سُنو اگمّی ندّ، دُھن آتمک راگ رہیا دِرڑائیا۔ انتر آتم امرت رس پیِؤ رجّ، جگت ترِسنا بُھکھ گوائیا۔ ترےَگُن دھار پار کرو حد، بندھن نظر کوئے نہ آئیا۔ دیِپک جوت تکّو نوُر نوُرانہ رہیا جگ، سَت سروُپی سوبھا پائیا۔ گھر سوامی ٹھاکر لیَنا لبھ، باہر کھوجن دی لوڑ رہے نہ رائیا۔ نام خُماری نِجھر جھِرنا دیوے مدُھ، امرت رس آپ پیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ محل اِک سُہائیا۔ جن بھگتو تکّو اپنا محل منارا، ساڈھے تِنّ ہتّھ دھیان لگائیا۔ جِتھے دیِپک جوت جگے اُجیارا، نوُر نوُرانہ ڈگمگائیا۔ سو پُرکھ نِرنجن ہوئے ظاہرا، ظاہر ظہوُر اگمّ اتھاہیِا۔ ہرِ پُرکھ نِرنجن دِسے اپارا، اپرمپر سوامی دُھردرگاہیِا۔ ایکنکارا کھیل نیارا، نِروَیر اپنا آپ کرائیا۔ آد نِرنجن جگت پرکاش توں باہرا، جوتی جاتا بےپرواہیِا۔ ابناشی کرتا اپنی بنّھے آپے دھارا، دوُجا نظر کوئے نہ آئیا۔ سِری بھگوان بن سِکدارا، شاہ پاتشاہ شہنشاہ اپنا حُکم ورتائیا۔ پاربرہم کر پسارا، سَت ستوادی اپنا بھیوَ کُھلائیا۔ سَت پُرکھ نِرنجن اپنی کل ورتے کرے کرائے کرنیہارا، ہرِ کرتا وڈ وڈیائیا۔ جوتی دھار پرگٹائے شبد سُت دُلارا، دوُلھا اِکو لئے انگڑائیا۔ برہمنڈاں کھنڈاں پُریِاں لوآں رچ اَکھاڑا، زِمیں اسماناں رنگ رنگائیا۔ وِشن برہما شِو کر تیارا، ترےَگُن میلا سہج سُبھائیا۔ پنجاں تتاں کھیل نیارا، ہرِ کرتا آپ کرائیا۔ چارے کھانی ہو کے ظاہرا، انڈج جیرج اُتبُھج سیتج ونڈ ونڈائیا۔ نِرگُن سرگُن کھیل کرے وِچ سنسارا، سنساری بھنڈاری سنگھاری سیوا آپ پرگٹائیا۔ جوتی جاتا پُرکھ بِدھاتا سَت سروُپی لئے اوتارا، اوتر اپنی کھیل کھِلائیا۔ چارے کھانی بول جَیکارا، پرا پسنتی مدھم بَیکھری ڈھولا گائیا۔ شبدی شبد بن ونجارا، وست امولک اِک ورتائیا۔ دھرنی دھرت دھوَل دھؤل کھول بند کِواڑا، در ٹھانڈا اِک سمجھائیا۔ جِتھے اِکو روُپ پُرکھ نارا، دوُسر ونڈ نہ کوئے ونڈائیا۔ سو صاحِب سوامی انترجامی ویکھے وِگسے ویکھنہارا، لیکھا جانے تھاؤں تھائنیا۔ جن بھگت سُہیلے کر تیارا، ترےَبھوَن دھنی اپنا بھیوَ کُھلائیا۔ ساچا دیوے نام تھارا، تِھر گھر مندر دئے وسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ ساچا کھیل کرے بھگوَنت، ہرِ کرتا دُھردرگاہیِا۔ ویس وٹائے جُگا جُگنت، نِرگُن سرگُن لئے انگڑائیا۔ نام دِرڑائے منیِا منت، ڈھولا سوہلا اگمّ اتھاہیِا۔ بھیوَ کُھلائے جیِو جنت، سادھاں سنتاں سَت

سمجھائیا۔ گڑھ توڑ کے ہؤمے ہنگت، ہنگ برہم اِکو نوُر جنائیا۔ بودھ اگادھا بن کے پنڈت، اکھّراں توں باہر نِراکھّر دئے سمجھائیا۔ جھگڑا مُکاکے بہِشت جنّت، سوَرگاں پندھ مُکائیا۔ سچ سوامی انترجامی گھٹ نِواسی پُرکھ ابناشی آتم پرماتم میل مِلائے ناتا جوڑے نار کنت، گرِہ مندر وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ گرِہ اِک وسائیا۔ سچ گرِہ سُہنجنا، سچّا سچکھنڈ دوار۔ جِتھے صاحِب سوامی ملِے درد دُکھ بھےَ بھنجنا، جوتی جاتا نوُر اُجیار۔ آد جُگادی میِت مُرارا سجّنا، ہرِ ٹھاکر سوامی کرے سچ پیار۔ جن بھگتاں اُس دا سچ دوار لبھنا، دوُسر ہتّھ نہ آئے وِچ سنسار۔ جِتھے اِکو چڑھے رنگنا، دُرمت میَل دئے اُتار، سچکھنڈ دوارا ہرِ نِرنکارا حقیِقت والے گُرمُکھ لنگھنا، مُشکل دِسے نہ وِچ سنسار۔ جِس نوُں ڈنڈاوت بندنا کرن تارے چندنا، روَ سس ڈنڈاوت کرن نِمسکار۔ سو مالک خالق سوُرا سربنگنا، پروردِگار ایکنکار۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سچ دا مالک اِک اِکلّا، ہرِ کرتا وڈ وڈیائیا۔ جو وسے کایا تت محلا، سچ سِنگھاسن سوبھا پائیا۔ جوتی شبدی دھار رلا، روُپ رنگ ریکھ نظر کوئے نہ آئیا۔ بِن تیل باتی دیِپک جِس دا بلا، نوُر نوُرانہ نوُر کرے رُشنائیا۔ اوہ دُئی دوَیتی میٹن والا سلّا، آتم پرماتم پردہ دئے چُکائیا۔ جو جگت ساگر پار کرائے جلا تھلا، مہیئل ہووے آپ سہائیا۔ سو وسنہارا نِہچل دھام اٹلا، سچکھنڈ ساچے سوبھا پائیا۔ جن بھگتاں پھڑا کے اپنا نام دا پلّا، کنّی کنّی نال جُڑائیا۔ سچ سوامی سچ دوارے آپے کھلا، کُنڈا کھِڑکی آپے لاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میلا لئے مِلائیا۔ ساچا میلا نام مِلاپ، ہرِ کرتا آپ کرائیا۔ تُوں میرا میَں تیرا جاپ، اوتار پَیغمبر گُروُ سرب دِرڑائیا۔ میٹ کے تیِنوں تاپ، ترےَگُن اتیِتا ہوئے سہائیا۔ نِرگُن نوُر کر پرکاش، اندھ اندھیر دئے گوائیا۔ امرت آتم بُجھائے پیاس، نِجھر جھِرنا آپ جھِرائیا۔ شبدی دُھن سُنائے ناد، انادی ناد جنائیا۔ ہنس بنائے پھڑ پھڑ کاگ، کاگ ہنس روُپ بدلائیا۔ دُرمت میَل دھووے داغ، پتتاں پاپیِاں کرے صفائیا۔ سوئی سُرت جاوے جاگ، سَتگُر شبدی شبد اُٹھائیا۔ کِرپا نِدھان دیوے وَیراگ، وَیری اندروں پنجے باہر کڈھائیا۔ سَت وِچ سَت ہووے وِسماد، بِسمِل اپنا روُپ سمجھائیا۔ ہرِجن سنت سُہیلا شرع شریِعت توں

سدا آزاد، جگت بندھن نہ کوئے بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے آد جُگاد، جُگ چؤکڑی نِرگُن سرگُن سرگُن نِرگُن اپنا کھیل کھِلائیا۔

۴ چیت شہنشاہی سمت نؤ پِنڈ ہم راج پُر ضِلع گُرداس پُر اجیِت سِنگھ دے گرِہ

چار چیت کہے میَں چاروں کُنٹ دیکھیا، دیکھی سرب لوکائیا۔ میرے محبوُب میَنوُں سمجھایا لیکھیا، بِن لِکھیا دِتا دِرڑائیا۔ اُٹھ اِشارہ ویکھ لےَ گوبِند دس دسمیشیا، جو سمبل بَیٹھا سوبھا پائیا۔ جِس نوُں جھُکدے وِشن برہما شِو گنیشیا، نِو نِو لاگن پائیا۔ اوہ شاہو بھوُپ نر نریشیا، نر نِرنکار اِک اکھوائیا۔ جو سَت دا سچ دیوے سندیسیا، سچ سچ نال وڈیائیا۔ اوہ روُپ اگمّا جوت دھار پرویشیا، پروِشٹا چؤتھا دئے گواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک دَیا کمائیا۔ چار چیت کہے میَں دیکھی چار کُنٹ دی دھار، دھرنی اُتے دھیان لگائیا۔ میَنوُں سندیسہ دیندے چار یار، ابوُ بقر باہاں رہیا اُٹھائیا۔ اوہ تک نوُر الاہی پروردِگار، پاربرہم بےپرواہیِا۔ جو چؤداں طبقاں پاوے سار، زِمیں اسماناں کھوج کھوجائیا۔ جِس دی پَیغمبراں کیِتی اِنتظار ، آشا وِچ دھیان لگائیا۔ سو ہو کے ہونہار، سوُربیِر اپنا روُپ بدلائیا۔ جِس دے کول کھڑگ کھنڈا نہیں کوئی تلوار، تیِر ترکش کمند کندھ نہ کوئے اُٹھائیا۔ اوہ شبد سروُپی شبد دی مارے مار، شبد انیالا تیِر چلائیا۔ ایہہ کھیل سچّی سرکار، ہرِ کرتا آپ کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ چار چیت کہے میَں ہویا چوکّنا، زِمیں اسماناں ویکھ وکھائیا۔ میرا من میرے نال منّہ، منسا میری میرے وِچ سمائیا۔ میَں نِگاہ ماری اُتے تارا چنّا، جو نِشان اُمت محمد گیا بنائیا۔ پھیر ویکھیا گوبِند والا کنّا، جو سب دی کرے صفائیا۔ پھیر نوُر تکیا سِری بھگوّنہ، جو بھگوَن بےپرواہیِا۔ میری ترِسنا موُل رہی نہ طمع، لالچ کوُڑ دِتا تجائیا۔ میَں نوَ ستّ اُٹھ کے بھنّا، بھجیّا واہو داہیِا۔ میرا سفر ہو گیا لما، لما پےَ کے سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سچ تیری سرنائیا۔ چار چیت کہے میَں تُک اگمّی گاؤنی، خوشیاں ڈھولا گائیا۔ میرا بَل آ گیا باہیِں، باہوُ لیَن انگڑائیا۔

نالے اِشارہ کیِتا ولّ راوی، راوی کنڈھا گھاٹ دِرڑائیا۔ جِتھے سَتگُر ارجن ارجن سَتگُر ورتائی بھاوی، بھانا پربھ دی دھار سمجھائیا۔ پنج پر وِشٹے اوتھے جاویِں، اپنا پندھ مُکائیا۔ سَت سروور وِچ نہاویِں، دُرمت میَل رہے نہ رائیا۔ بُدھی موُل نہ رلے وِچ کانویِں، ہنس گُرمُکھ نال رلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ چار چیت کہے میَنوُں سُننی پئی اگمّی آیت، بِن اکھّراں دِتی شنوائیا۔ اوس وِچ حقیِقی ہدایت، حدوُداں ونڈ ونڈائیا۔ شرع والی شرائت، بندھن سکے نہ کوئے تُڑائیا۔ جو بُلھے نوُں اِشارہ کیِتا عنایت، عنایت اپنی آپ کرائیا۔ جگت لیکھا ویکھ مسائک، پیِر پیِراں کھوج کھوجائیا۔ میرا لہنا دینا لیکھا وِچ کوَیت، سمُند ساگراں سنگ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ مِلائیا۔ چار چیت کہے میری دُہائی، دروہی نال سُنائیا۔ کی حُکم سندیسہ دیوے دُھر دا ماہی، محبوُب نوُر الاہیِا۔ جیہڑی ریِت ماٹی وِچوں کوَیت دی آئی، گُرمُکھاں رنگ رنگائیا۔ اوہ راوی آشا دیوے پوُر کرائی، پوُرب لہنا نال مِلائیا۔ جن بھگتاں ملِے ودھائی، سوہنی خوشی بنائیا۔ جِنہاں دے پیار وِچ منی سِنگھ نے قلم چلائی، شہادت شبد والی بُھگتائیا۔ اوہ حُکم سندیسے سچ وِچ رہیا سُنائی، سہج نال دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سَت سچ ورتائیا۔ چار چیت کہے میَں سُنیا اگمّی ناد، دُھناں توں باہر شنوائیا۔ جِس رچنا رچی آد، انتم ویکھنہار گوسائنیا۔ سنت منی سِنگھ اِشارے نال کرائے یاد، پِچھلا بھید کُھلائیا۔ جِس ویلے راوی کنڈھے اِکٹّھے ہون گے بھگت سُہیلے سنت سادھ، سادھنا وِچ سمائیا۔ سَوا سَوا رُپیا سارے دین گے داد، لیکھا جلدھارا دھار چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب نوُں دیونہارا داد، وست اگمّ اگمّ ورتائیا۔

۵ چیت شہنشاہی سمت نؤ پِنڈ غزنی پُر ضِلع گُرداس پُر بیِبی ہربنس کؤر دے گرِہ

پنچم چیت کہے میری پربھوُ نِمسکار، ڈنڈاوت بندنا سجدے وِچ سیِس جھُکائیا۔ جو آد جُگادی برہم برہمادی شبد انادی اِک نِرنکار، پروردِگار سانجھا یار نوُر اِک الاہیِا۔ جِس وِشن برہما شِو کیتے تیار، شبدی دھار سَتگُروُ پرگٹائیا۔ لکھّ چؤراسی کر پسار، ترےَگُن مایا

پنجاں تتاں کھیل کھِلائیا۔ نِرگُن سرگُن ہو ظاہر، اوتار پَیغمبر گُروُ نام پرگٹائیا۔ دھرنی دھرت دھوَل دھؤل کر پسار، آکاش آکاشاں نال وڈیائیا۔ منڈل منڈپ سیوادار، روَ سس بھجّن واہو داہیِا۔ سمُند ساگراں کھیل اپار، ٹِلّے پربت چوٹیِاں وجّی ودھائیا۔ دھوُڑی خاک ویکھی چھار، چاروں کُنٹ کھیل کھِلائیا۔ جل دے وہن وہائے دھار، بھجّن واہو داہیِا۔ دُھر دا حُکم سچّی سرکار، دُھر مالک آپ دِرڑائیا۔ پریم دا ساگر اپر اپار، اپرمپر سوامی آپ سُہائیا۔ در در آواں کر تیار، جلاں تھلاں ونڈ ونڈائیا۔ راوی کہے میَں وی اوسے دے پیار دی پیاری خاک چھار، جل ماٹی نال وڈیائیا۔ چار سؤ چُرانوے جُگ کردی رہی اِنتظار ، اپنا نیَن اُٹھائیا۔ نؤ سؤ چُرانوے دا پندھ میَں پا نہ سکی سار، پردہ سکیا نہ کوئے کُھلائیا۔ میری آسا بھری اِنتظار ، خواہشاں وِچ سمائیا۔ میَں ویکھدی رہی نیَن اُگھاڑ، بِن اکھّاں اکھّ اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ راوی کہے میَں پربھ نوُں اِکو راواں، دوُجا اِشٹ نہ کدے منائیا۔ اِکو دے گُن گاواں، اِکو صِفت صالاحیِا۔ اِکو چرنی سیِس جھُکاواں، نِو نِو لاگاں پائیا۔ اِکو دھوُڑی خاک رماواں، دُرمت میَل نہ لاگے رائیا۔ اِکو دا سنمُکھ درشن پاواں، میری آد دی ریِتی چلی آئیا۔ تتاں والا گُروُ نہ کدے مناواں، جو جنمے تے مر جائیا۔ میرے اندر پیار بھریا نال چاواں، چاؤ گھنیرا اِک دِرڑائیا۔ میرا کھیل اگمّ اتھاہا، بے پرواہ دِتی وڈیائیا۔ میَں بھجّاں واہو داہا، دِوس رَین چائیں چائنیا۔ تُوں میرا میَں تیرا ڈھولا گاواں، گا گا شُکر منائیا۔ میرے اندر جُگ چؤکڑی کدے نہ نِکلیا ہاوا، ہائے اُف نہ کدے سُنائیا۔ کِتنے جگت جگیاسوُآں اپنے وِچ نُہاواں، تن وجوُداں کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ راوی کہے میرا ناؤں راوی، راہ رہبر دِتا جنائیا۔ بھائی گُرداس میرا لیکھا لِکھیا ویِہہ اِکیِہ، پربھ دی وڈ وڈیائیا۔ میَں پُرکھ اکال دی دھی، جِس نوُں جنمے کوئے نہ مائیا۔ میرا حِصّہ نہیں کوئی ساڈھے تِنّ ہتّھ سیِںء، چاروں کُنٹ بھجّاں واہو داہیِا۔ میرا جگت والا نہیں کوئی بی، رَکت بوُند نہ ونڈ ونڈائیا۔ میری دیِن دُنیا والی نہیں لیِہ، نام کلمہ نہ کوئے بنائیا۔ میرا تن وجوُد نہیں کوئی جی، روُپ رنگ ریکھ نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، اپنے حُکم دی پاوے صحیح، صحیح سلامت دَیا کمائیا۔