کتب خانہGranth 23 (Shahmukhi)

۵ چیت شہنشاہی سمت نؤ پِنڈ غزنی پُر ضِلع گُرداس پُر بیِبی سُلکھنی دے گرِہ

پنج چیت کہے میری جُگ جُگ دی چیتاوَنی، خبرداری وِچ سُنائیا۔ اپنی آشا دسّاں بھاوَنی، بھاوَ دیِن دُنی نال مِلائیا۔ جو کھیل کیِتی رام راونی، رمئیا رام دھیان لگائیا۔ جو اِشارہ کیِتا بل باوَنی، بھیوَ ابھیوَ کُھلائیا۔ نِگاہ مار زِمیں اسمانی، منڈل منڈپاں ویکھ وکھائیا۔ سب نے کھیل تکّی کلجُگ اندھیری شامنی، چاروں کُنٹ اندھیرا چھائیا۔ اُس ویلے پُرکھ اکال دی دِتی ضامنی، ضامن اِک بنائیا۔ جِس دی جگت شرع توں باہر ہووے کلامنی، کائنات نات بندھائیا۔ اوہدا کھیل باہر ہووے کھتری وَیش شوُدر براہمنی، برہم پردہ آپ اُٹھائیا۔ آتم پرماتم دھار ہووے دامنی، دامنگیِر سہج سُکھدائیا۔ جِس دی سب نے انتر نِرنتر کھیل جاننی، جاننہار وڈ وڈیائیا۔ جلاں تھلاں آشا ویکھ وکھاوَنی، مہیئل کھوج کھوجائیا۔ جو سوامی انتر یامنی، آد انت بےپرواہیِا۔ پنج چیت کہے میرا سندیسہ اِک مہاننی، مہما اکتھ کتھ دِرڑائیا۔ جِس راوی کنڈھا گھاٹ لیکھا پوُرا کرنا چرن دھوُڑ کرا کے مہاننی، نوَ نوَ چار ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ دُھر دا ضامنی، ضامن اِکو اِک اکھوائیا۔

۵ چیت شہنشاہی سمت نؤ پِنڈ غزنی پُر ضِلع گُرداس پُر دارا سِنگھ دے گرِہ

نارد کہے سُنو بچن ہمارا، سّجنیِؤ سجّنو دیاں جنائیا۔ میَں آواں جاواں پِھراں وِچ سنسارا، سہنسیاں والیو سہنسے دیاں چُکائیا۔ جُگ چؤکڑی میرا کھیل نیارا، میرے پربھوُ دِتا سمجھائیا۔ میَں تُہاڈے کول آیا دوبارہ، دوہری تِہری اپنی چھال لگائیا۔ اجّ نال رلایا پِچھلا پروارا، گنگا گوداوری جمنا سُرستی سِندھوُ بِندوُ جوڑ جُڑائیا۔ دھیِاں پُتاں دا سمجھ نہ آئے پسارا، گِنتی گنت نہ کوئے گِنائیا۔ جے سچ پُچھو میَں سب کُجھ ہُندیاں اجے وی کوارا، کنّیا کائنات نہ کوئے پرنائیا۔ میَں سؤہریاں گھر دا نہ بنیا لاڑا، سالیاں سنگ نہ کوئے بنائیا۔ میرے پیو دادے خوشیاں وِچ نہ لایا کوئے اکھاڑا، اپچھراں ناچ نہ کوئے نچائیا۔ گن گندھرب گایا کوئے نہ گانا، کِنر یچھپ کھیل نہ کوئے کھِلائیا۔ میَں اپنے دِل دی

وجاؤندا رہیا سِتارا، تُونبی تند رباب بنائیا۔ چاروں کُنٹ دیندا رہیا اِشارہ، سیَنت پیار والی لگائیا۔ آؤ ویکھو پنڈت نر نارا، جو نرائن دِتا اُپجائیا۔ نہ اِس دی مُچھ نہ اِس دی داہڑا، بودی سب توں سوہنی سوبھا پائیا۔ جِس بودی نوُں جھُکدے چند سِتارا، منڈل منڈپ سوبھا پائیا۔ اُس بودی دا میل نال پروردِگارا، جو بُدھی توں پرے رہیا سمجھائیا۔ میَں سندیسہ دِتا اجّ تیئی اوتارا، پَیغمبر گُروُ نال مِلائیا۔ نالے ہسّ کے کِہا نکّ مروڑ کے کِہا اُٹھو میرے پُرانے یارا، یارو دیاں سُنائیا۔ اپنے لیکھے ویکھو ویکھو اکھّراں توں باہرا، کی بھوِکھتی لِکھت سُنائیا۔ اپنے کھنڈے ویکھو کھڑگ ویکھو تلوارا، تیِر ترکش ہتّھ اُٹھائیا۔ اپنے دھیِاں پُتر ویکھو ویکھو جگت پیارا، تتاں والا تت سنگ نِبھائیا۔ میَں بھجّا پِھردا سب نوُں کہندا میرا نوُر نوُر ہویا اُجیارا، چاروں کُنٹ ہووے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے میَں خوشیاں دی دھار وِچ دھار سدّی، سدّ سدّ کے خوشی بنائیا۔ نی اوہ تک دیِن دُنیا والے جاندے لدّی، بوجھے کرماں والے سِر اُٹھائیا۔ جھٹ ہسّ کے میَنوُں اَگوں بول پئی بدی، بدکاری نال جنائیا۔ ناردا ذرا چُک کے اپنی ویکھ اڈّی، چوٹیا چوٹی ولّ دھیان لگائیا۔ جھٹ نارد کہے میَں اپنی پوتھی پُستکاں توں باہر کڈھی، کڈھ کے دِتی وکھائیا۔ میرے کول اوہ حِصّہ جِس دے وِچوں گُر اوتار پَیغمبر دُھر دے نام دی لَیندے رہے وڈّھی، وڈّھی وِچوں دھرماں وِچوں دھرم جگت بدلائیا۔ اپنے اپنے نام دی تیار کردے رہے گڈّی، مُسافر پھڑ پھڑ دِتے چڑھائیا۔ انت سریِراں نات گئے چھڈی، سگلا سنگ نہ کوئے نِبھائیا۔ نارد کہے میَں بھجّ کے نَٹھ کے محمد دے مقبرے وِچوں کڈھی ہڈّی، جِس دی ڈھائی اِنچ لمبائیا۔ میَں گنگا گوداوری جمنا سُرستی نوُں دسّی، بِنا اکھّاں اکھّ کُھلائیا۔ پھیر میری آشا اندروں ہسّی، ہسّ کے دِتا جنائیا۔ پھیر میَں اپنی بودی دی وٹّ کے رسّی، گل وِچ لئی پائیا۔ جاں نِگاہ ماری پربھوُ دے چرناں ہیٹھ دبّی ویکھی لکھّ چار اسّی، چؤراسی سیِس نِوائیا۔ میَنوُں ویکھ کے پےَ گئی غشی، سُرت رہی نہ رائیا۔ میری اِک دوُجی دے اُپر چڑھ گئی نسی، ناڑی ناڑی دِتی بدلائیا۔ جھٹ میَنوُں کِسے نے شبدی دھار کھیل اگمّی دسّی، دہ دِشا توں باہر سُنائیا۔ میَں جھٹ اپنی پُٹ لئی اکھّی، اکھّ لئی اُگھڑائیا۔ میَنوُں اِیوں جاپیا اُس ویلے ساتھ کرِشن تے کرِشن دی دِسی سخی، سگلا سنگ بنائیا۔ جاں میَں نِگاہ ماری رام نال سیِتا آوے نسّی، بھجےّ واہو داہیِا۔ جاں میَں پِچھے پرتیا راوی پربھ دے قدماں وِچ ڈھٹّھی، ڈھیَہہ ڈھیَہہ

سیِس نِوائیا۔ جاں میَں نیَن اُگھیڑیا تے میَنوُں نظر آئی ارجن والی بھٹّھی، تتی لوح دئے گواہیِا۔ میَں پِھر نِگاہ پھیری اٹھسٹھی، اٹھسٹھ تیِرتھ دھیان لگائیا۔ جاں وِچار کیِتی سب دی آشا پئی نٹّی، نٹوُآ اپنا کھیل کھِلائیا۔ پھیر میریِاں اکھّاں اَگے آ گئی اکھّراں والی پٹّی، جو پٹنے والا گیا سمجھائیا۔ پھیر میری حَیرانی دی حد ٹپّی، پریشانی وِچ سُنائیا۔ جھٹ میَنوُں آواز آئی سب دی اِکٹّھی، میَں سُنی چائیں چائنیا۔ وے ناردا اوہ ویکھ کلجُگ جھوُٹھ نے سپّ بنا دِتا رسّی، رستے سب دے دِتے بدلائیا۔ رَین تک لےَ اندھیری مسّی، نوُری چند نہ کوئے چمکائیا۔ نارد کہے میَں جھٹ اپنی بودی پھڑ کے ہتّھیں، ہتھیلی نال ہِلائیا۔ نالے ستھر یار دا بَیٹھا گھتی، آسن اِک وِچھائیا۔ جِس نوُں گاؤندے راگ چھتّی، چھتردھاری اوٹ تکائیا۔ اوہ میرا کملاپتی، پت پرمیشور بےپرواہیِا۔ جو وہیِرا آیا گھتی، نوَ نؤ چار دا پندھ مُکائیا۔ سمت شہنشاہی نؤ پنج چیت دی تِھت ویکھ کے اچھی، اچھی طرح رہیا دِرڑائیا۔ جِس لیکھے لاؤنی جن بھگتاں نام دی رتی، رتن امولک ہیِرے آپ بنائیا۔ اوہ کنڈھے گھاٹ دیِن دُنی دے آیا ٹپّی، ٹاپوُآں پندھ مُکائیا۔ جِس دے پِچھے سَت دھار دی ہوئی سَتی، سَت ستواد وِچ سمائیا۔ اوہ صاحِب سوامی انترجامی راوی دی آشا اپنے چرناں ہیٹھ بَیٹھا دبّی، رکھک ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ نارد کہے میَں ہور دسّاں بچن نال سواد، خوشی خوشیاں نال جنائیا۔ جِس پربھوُ نوُں رہے ارادھ، جو رادھا کرِشن دا پِتا مائیا۔ سو دیونہارا ساچی داد، دادوُ دے دِہُرے گوبِند گیا سمجھائیا۔ جیہڑا بھگت بھگوان دا سماج، آتما پرماتما میل مِلائیا۔ اوہدا شبد اگمّی ناد، وجےّ تھاؤں تھائنیا۔ نارد کہے میرا وی خوشی دِہاڑا آج، عاجز ہو کے دیاں سُنائیا۔ راوی دے کنڈھے ویکھنا سَت سچ دا سماج، دوُجا نظر کوئے نہ آئیا۔ اوتھے پنجاں لِکھاریِاں نے پنجاں رُپیاں دا ونڈنا پرساد، پنج پنجاں دی گنڈھ پوائیا۔ پھیر میَں نیِواں ہو کے پِچھلی دسّانگا یاد، نارد کہے خوشیاں نال سُنائیا۔ تُہانوُں پتہ نہیں اجے تک نؤواں دیساں نوُں نؤ بھیجے نہیں گئے کارڈ، بِنا مضموُن بَیٹھے آسن لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دُھر دا لیکھا میرا لہنا دینا دیوے سادھ، سادھنا اپنی وِچ رکھائیا۔

۵ چیت شہنشاہی سمت نؤ راوی دے کنڈھے ضِلع گُرداس پُر دُپہر دے سمیں وِہار ہویا

پنج چیت کہے میری رُت سُہاؤنی، سُہنجنی سوبھا پائیا۔ راوی کہے میَں وِٹہو قُربانی، اپنا آپ لیکھے پائیا۔ جھٹ نارد کہے سُن لؤ بھگتو میری بانی، جو پریم دے بان لگائیا۔ لِکھاریو کرو دھیانی، اپنا دھیان لگائیا۔ اپنیاں نیتراں وِچ اِک اِک بوُند پاؤ پانی، راوی کنڈھا سوبھا پائیا۔ تُہاڈی ہرِ سنگت ویکھن والی اکھّ رہے نہ کانی، اِکو رنگ سمائیا۔ پربھ میلا مِلیا تان نِتانی، جو داتا دُھردرگاہیِا۔ جِس دی آد جُگاد اکتھ کہانی، کتھنی کتھ سکے نہ رائیا۔ جِس دی سدا اِکو ترل جوانی، جوبن ونتا بےپرواہیِا۔ اوہ لیکھا جانے چارے کھانی، چاروں کُنٹ پھول پھولائیا۔ لکھّ چؤراسی رِڑکن والا نال نام مدھانی، گیڑا جُگاں نال رکھائیا۔ جِس دی کھیل چوج وڈانی، بھیوَ کوئے نہ پائیا۔ جو لیکھا جانے شاستر پُرانی، پُنہ پُنہ کھوج کھوجائیا۔ جِس حُکم قایم کیتے اِنجیِل قرآنی، اکھّر اکھّراں وِچوں بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ راوی کہے گُرمُکھو میری نِمسکار، بھگتو بندنا دیاں جنائیا۔ ساچے سنتو کراں ستکار، گُرسِکھو دیاں ودھائیا۔ میرا سُنو پِچھلا وِچار، وِچر کے دیاں سُنائیا۔ میَنوُں سندیسہ دے گیا رام اوتار، خوشیاں نال دِرڑائیا۔ بالمیِک بن لِکھار، لیکھا اُنگلاں نال جنائیا۔ محمد کیِتا نیَن اِشار، چؤہ یاراں سیَنت نال سمجھائیا۔ کھیل تکّو پروردِگار، جو االلہ نوُر الاہیِا۔ جو سب دا سانجھا یار، حق حقیِقت دا مالک اِک اکھوائیا۔ اسیں اوس دے برخوردار، نِو نِو سیِس جھُکائیا۔ اوہ ساڈا پہریدار، اٹّھے پہر جگائیا۔ اوہ اِمام اِماما نوُر اُجیار، نوُر نوُرانہ نوُر الاہیِا۔ جِس دا کھیل ہونا اپار، اپرمپر آپ کرائیا۔ لہنا دینا ویکھے سرب سنسار، لیکھا کائنات چُکائیا۔ میرا اِمام اِماما سِکدار، سِک سب دی ویکھ وکھائیا۔ راوی کنڈھا کر وِچار، چھندا اپنا دئے سُنائیا۔ ایہہ سندیسہ اوسے دی دھار، بِنا عِلم توں دیاں جنائیا۔ جِتھے قلم دا نہیں شُمار، حرف حروُف نہ کوئے وڈیائیا۔ جِس دا پندھ نہیں میِل دو چار، برہمنڈاں کھنڈاں قدماں ہیٹھ رکھائیا۔ اوہ میرا میلا کرے اپنے نال، دوَیتی ونڈ نہ کوئے ونڈائیا۔ پاتشاہ بن کنگال، ویس درویشا روُپ بدلائیا۔ ساچی پوُری پائے گھال، لیکھا لیکھے وِچ رکھائیا۔ میرا حل کرے سوال، جواب اِکو دئے دِرڑائیا۔ جِس دا روُپ بے مثال، مِسل سکے نہ کوئے بنائیا۔ اوہ میری کرے بھال، میَں اوسے دا راہ تکائیا۔ جد انت ہووے زوال، صدی چؤدھویِں کھیل کھِلائیا۔ ویکھے مُریِداں

حال، مُرشد بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نارد کہے کُچھ میری سُن لؤ کتھا، کتھن والیو دیاں جنائیا۔ پربھ دا کھیل یتھارتھ یتھا، یدی دیاں سمجھائیا۔ جو آد جُگادی پُرکھ سمرتھا، وڈّا وڈ وڈیائیا۔ اوہ نِرگُن دھار پِھرے نَٹھا، بھجےّ واہو داہیِا۔ دیِن دُنی کرے ٹھٹّھا، ٹھاکر سمجھ کوئے نہ پائیا۔ جو پُریِاں لوآں ٹپّا، برہمنڈاں پندھ مُکائیا۔ اوہ سَت سروُپ پکاّ، نہ کوئی میٹے میٹ مِٹائیا۔ جِس دا واحد حُکم یکا، دیگرے اوَر نہ کوئے شنوائیا۔ اُس دی نِرگُن دھار ویکھو سَتا، سَت ستوادی روُپ بدلائیا۔ میَں اُس نوُں ٹیکن آیا متھا، راوی کنڈھا رنگ رنگائیا۔ گنگا گوداوری جمنا سُرستی ساتھ بنیا اچھّا، اچھی طرح جنائیا۔ نال رلایا مچّھا کچّھا، جل ہوڑیاں سنگ نِبھائیا۔ میَں کھیل اگمّا دسّا، درِشٹی والیو درِشٹ کُھلائیا۔ چاروں کُنٹ پَینیاں غشا، سُرت سُرت نہ کوئے سمجھائیا۔ نارد کہے میَں اجے تک گوبِند دا پہنیا نہیں کچّھا، کچّھاں مار کے رہیا وکھائیا۔ میَں کھادھا نہیں گاں وچھّا، سوُراں کھلّ نہ کوئے لُہائیا۔ میَں لیا نہیں کوئی رسا، رسنا رس نہ کوئے چکھائیا۔ میَنوُں اِکو سواد آیا جاں میَں ہوڑا تکیا اُپر سسّا، سو پُرکھ نِرنجن دِتا وکھائیا۔ ہنگ برہم اُس وِچ پھسا، باہر سکے نہ کوئے کڈھائیا۔ اِس توں پرے جگت اندھیری مسّا، ساچا چند نہ کوئے چمکائیا۔ میَں چاروں کُنٹ نسّا، بھجیّا واہو داہیِا۔ میَنوُں پنج چیت سنیہڑا دسّا، اگمّی آواز سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ نارد کہے جن بھگتو راوی دا ویکھو تٹ، جگت گھاٹ نظری آئیا۔ پربھ دا ویکھو ہٹّ، کِس بِدھ ونجارا اپنا ونج کرائیا۔ میَں وی آیا نَٹھ، بھجیّا واہو داہیِا۔ ایتھے ویکھیا گُرمُکھاں دا اِکٹّھ، ہرِجن سوبھا پائیا۔ میَں اپنا روُپ لیا پلٹ، اپنی لئی انگڑائیا۔ میری بودی کھڑی ہو گئی جھٹ، جھٹکے حلالی والے ویکھ وکھائیا۔ پھیر ہسّ کے کہے پربھ نے سب نوُں لاؤنی سٹّ، شبد ہتھؤڑا ہتّھ اُٹھائیا۔ گڑھ ہنکاری جانے ڈھٹّھ، منسا من دئے مِٹائیا۔ کلجُگ کوُڑ کُڑیارا ہونا بھٹّھ، گُر ارجن دی بھٹّھی دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ نارد کہے نی سُن لےَ جمنا سُرستی، گوداوری گنگا نال مِلائیا۔ اُٹھو ویکھو پربھ دی ہستی، بِن ہتّھاں پَیراں نظری آئیا۔ ایہہ مِل گئی بڑی سستی، پوُجا پاٹھ دا دام نہ کوئے لگائیا۔ ایہہ بُھکھی اپنے جس دی، صِفتاں وِچ صالاحیِا۔ جوت تکّو ایس دے اکھّ دی، جو نِج نیتر کرے رُشنائیا۔ میَں گلّ سُناواں سچ دی، ایہو

پِتا ایہو مائیا۔ ایہدی شکل نہ ویکھیو جٹّ دی، ایہہ داتا دُھردرگاہیِا۔ راوی ایسے دے وَیراگ وِچ اکھّاں چوں ہنجھوُ سٹدی، وہنا دھار وہائیا۔ دِوس رَین نَٹھدی، بھجےّ واہو داہیِا۔ جیہڑی پیاری ارجن والی رتّ دی، رتن امولک گُرمُکھ ویکھ وکھائیا۔ ایہہ کھیل نہیں کِسے تت دی، تتو تت توں باہر سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے گوداوری سُرستی جمنا گنگا، گنگوتری دیاں جنائیا۔ کھیل تک سوُرا سربنگا، جو مالک نوُر الاہیِا۔ جِس دے حُکم وِچ تُہاڈا وہن لگّے چنگا، تٹ کنارے سوبھا پائیا۔ اُس ویس وٹایا جگت دِسائے بندہ، تتاں ونڈ ونڈائیا۔ انتر تکّو نوُر الاہی چندا، بِن چند چاندنے کرے رُشنائیا۔ اوہدا گاؤ تُوں میرا میَں تیرا چھندا، سوہنگ ڈھولا وڈ وڈیائیا۔ اوہ صاحِب سوامی انترجامی وڈ سوُرا سربنگا، پُرکھ اکال اِک اکھوائیا۔ تُہاڈا سِر رہن نہ دیوے ننگا، انت کنت لئے پرنائیا۔ میَں چار جُگ دا رنڈا، میری ماتا سگن نہ کوئے منائیا۔ میری نہ دھوتی نہ تمبا، گل کُڑتی نہ ہوئے سہائیا۔ پر میری بودی دا وال سب توں لما، جِس دی مِنتی مِنت نہ کوئے وکھائیا۔ جِس دے وِچوں میَنوُں ملِے انندا، انند انند وِچوں پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ نارد کہے کملیئے اوہ سوُربیِر سُلطانا، ہرِ کرتا دُھردرگاہیِا۔ جِس دا اوتار پَیغمبر گُروُ دین بیانا، صِفتاں وِچ صالاحیِا۔ نؤ سؤ نڑھنویں ندی جِس دا نِشانہ، جل دھارا وہن وہائیا۔ گوداوری اُس دا راوی نے پیِتا امرت جام حق پیالہ، بِنا پَیمائش توں دِتا پھڑائیا۔ اوہ دیِناں بندھوُ دیِن دَیالا، دَیانِدھ اِک اکھوائیا۔ جِس نے پِچھلا وقت سمبھالا، سمبل بہہ کے اپنا لیکھا اپنے ہتّھ رکھائیا۔ جِس دے حُکمے اندر کال مہاکالا، بھجّن واہو داہیِا۔ اوہ کھیل مُکاوَن آیا حالا، حالت تکّے خلق خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ راوی کہے ناردا میرا سُہنجنا ہو گیا تٹ، کِناریاں مِلی وڈیائیا۔ میرا سوامی بدلے میرے ولّ کروٹ، میَں درشن کراں چائیں چائنیا۔ میری تھلّے دی تہہ دا ویکھے پھٹّ، جِتھے میرا سیِنہ نظر کِسے نہ آئیا۔ میَنوُں ارجن دے چرناں نے دِتا کٹّ، کٹاکش میرے اندر لگائیا۔ اِشارہ دِتا تُوں نالے رو تے نالے ہسّ، دوویں رنگ وکھائیا۔ میَں حَیران ہو گئی کِس حُکم وِچ گئی پھس، پلّوُ سکے نہ کوئے چُھڈائیا۔ جھٹ سَتگُر ارجن چرن میرے سیِنے اُتے دِتا دھس، زور نال دبائیا۔ میَنوُں مِلیا اوہ رس، جِس رس نوُں رسنا چکھ نہ سکے رائیا۔ میَں ہو گئی اوسے

دے وس، پریم وِچ دیاں سُنائیا۔ کُجھ میرا مارگ دسّ، جُگ چؤکڑی کیوں بھجّا واہو داہیِا۔ تیری جوت جگے اندر لٹ لٹ، باہروں کھلڑی چھالیاں نال بھرائیا۔ گُر ارجن سندیسہ دِتا جھٹ، شبد شبد نال سمجھائیا۔ ایتھوں چڑھدے دا ویکھ لےَ تٹ، اپنی اکھّ اُٹھائیا۔ لہندے دی ویکھ کھٹ، کھٹیا کی سُنائیا۔ دوہاں دا وِچولا آئے پُرکھ سمرتھ، جوتی جاتا دُھردرگاہیِا۔ لہِندی دِشا جائے نَٹھ، اپنا پندھ مُکائیا۔ محمد دا لیکھا پوُرا کرے چرن ٹِکائے تھان اگمےّ رکھ، جِتھے بِنا نیَناں نیَن گیا اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ راوی کہے میَں ہور کیِتی پُکار، نِو نِو کے سیِس نِوائیا۔ میرے نِرگُن نانک دی دھار، سرگُن ارجن تیری وجےّ ودھائیا۔ تیرے سریِر نے چھڈ جانا سنسار، ناتا تتاں ویکھن کوئے نہ پائیا۔ کُچھ اگلا دسّ وِچار، وِچر کے دے سُنائیا۔ راوی کہے جھٹ سَتگُر نے نیتر لیا اُگھاڑ، اکھّ اکھّ وِچوں بدلائیا۔ میَنوُں پوہ نہ سکے اگنی تتی ہاڑ، تتی توی نہ کوئے تپائیا۔ میرا ساتھی دُھر دا یار، یارانہ میرے نال رکھائیا۔ میَں اوسے دا کراں دیِدار، بِن نیَناں نظری آئیا۔ جِس نے محمد نال کیِتی گُفتار، گُفت شُنیِد بھیوَ کُھلائیا۔ جِس عیسیٰ نوُں کیِتا بے زار، غفلت نیِند وِچوں باہر کڈھائیا۔ جِن موُسیٰ لیا اُٹھال، نوُر نوُرانہ ڈگمگائیا۔ جِس نانک دا حل کیِتا سوال، فِقرہ اِکو اِک دِرڑائیا۔ اوہ پاتشاہ شہنشاہ دیِن دَیال ، دیِناں بندھپ اِک اکھوائیا۔ راوی میری بھاوی دا لہنا تیرا کرے خیال، بُھل وِچ بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا آپ سمجھائیا۔ راوی کہے میَں ہور کیِتی اِک عرض، دوویں کنّاں نوُں ہتّھ لگائیا۔ ساڈی کؤن ونڈیگا درد، دُکھیِاں ہووے کوَن سہائیا۔ گُروُ ارجن کِہا اُس دا کھیل سدا اسچرج، اچرج لیِلا دئے ورتائیا۔ یودھا سوُربیِر مردانہ بن کے مرد، ویکھن آوے تھاؤں تھائنیا۔ تیری لہنے پاوے دینے والی غرض، غرضیکہ اپنی غرض نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ راوی کہے میری اُچھل کے سَتگُر دے چرناں نال لگّی ریِت، اُتے تھلّے سوبھا پائیا۔ میَں کِہا پربھوُ ہُن دسّ دے اپنا بھیت، کی سَتگُر بےپرواہیِا۔ جھٹ حُکم ہویا بِنا اکھّاں تے اؤہ ویکھ، اِشارہ دِتا جنائیا۔ جیہڑا وسنا سمبل دیس، گرِہ اِکو اِک وڈیائیا۔ اوہ مالک ہوئے نریش، نر نرائن اگمّ اتھاہیِا۔ جِس سُت دُلارا بناؤنا دس دسمیس، کل دھاری دئے وڈیائیا۔ جو سدا رہے ہمیش، جنم مرن وِچ نہ آئیا۔ تُوں اُس دے ہونا پیش، راوی رستہ

دیاں دِرڑائیا۔ جِس جھگڑا مُکاؤنا مُلّا شیخ، شرع دا ڈیرہ ڈھاہیِا۔ نالے تکّے عرب دے دیس، دیسنتراں کھوج کھوجائیا۔ تیرے نال کرے ہیت، ہِتکاری ہو کے ویکھ وکھائیا۔ محمد دی آسا نال لےَ کے آئے مِٹّی کوَیت، چوُنڈھی وِچوں اَدھی چوُنڈھی تیرے وِچ سُٹائیا۔ پھیر تیرا خوشیاں نال بھر جائے پیٹ، جگت دی ترِسنا بُھکھ رہے نہ رائیا۔ ویکھو نارد آ گیا کہندا میرا لیکھا کِتھے چھڈیا لپیٹ، کُجھ میَنوُں دے سمجھائیا۔ اَینوے وراں نال پانی نوُں بنائی نہ جا سیٹھ، جو وہِندیاں وہناں وِچ بھجےّ واہو داہیِا۔ پربھوُ میَں تیرے اُتے رکھی ٹیک، دوُجا اِشٹ نہ کوئے رکھائیا۔ میرا حق نہ کِسے نوُں ویچ، میری وست میری جھولی پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ راوی کہے ناردا تُوں کیوں پنڈتا سڑدا، میرے وِچوں نہا کے اگّ لےَ بُجھائیا۔ نارد کہے راویئے میَں اِکو اکھّر پڑھدا، جِس دے پڑھن نال نہاوَن دی لوڑ رہی نہ رائیا۔ راوی کہے تُوں کیہڑا کارج کردا، میَنوُں دے سمجھائیا۔ نارد کہے میَں اِکو بچن دسّاں جِس نال سارا کارج سردا، اڈّی چوٹی تائیں وجےّ ودھائیا۔ میَں پربھوُ نوُں آکھاں تُوں مالک میرے گھر دا، میَں تیرے در دا بردا، دوہاں دا اِکو گرِہ سوبھا پائیا۔ تُوں دیِپک جوتی بلدا، میَں اوسے دے وِچ رلدا، وکھّرا روُپ نہ کوئے درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ راوی کہے میرے اندر اِک ہور اُٹھی ہُک، میَں حُکم پُچھیا چائیں چائنیا۔ سَتگُر ارجن کدوں کوُڑ دا پیَنڈا جائے مُک، میَنوُں دے سمجھائیا۔ نالے ٹیڈھی ہو گئی جھُک، نِیوں نِیوں سیِس نِوائیا۔ جھٹ سَتگُر نے بولی اِک تُک، تُوں میرا میَں تیرا دِتا سُنائیا۔ ایہہ شبد دی دھار چلائے نِرنکار جِس نے سب دا بدلنا رُخ، دیِن دُنی دینی بدلائیا۔ راوی کہے میَں سُکھّنا لواں سُکّھ، اجّ دی آس رکھائیا۔ جد آویں تے میرا میٹیں دُکھ، دُکھیِاں درد ونڈائیا۔ میَں تیرا درشن کراں ہو کے سنمُکھ، بِن نیَناں نیتر نیَن لَواں بِگسائیا۔ کِتے لنگھ نہ جاویں چُپیِتا چُپ، اپنا پندھ مُکائیا۔ جھٹ ارجن نے کِہا راویئے اوہدے نال ہونا سَتگُر شبد گوبِند سُت، جو تَینوُں سُتی نوُں لئے جگائیا۔ تَینوُں سُرت نہیں رہنی میَں کیہڑے ویلے سواراں اپنی گُت، تن شِنگار بنائیا۔ سوامی نوُں کراں خوش، مُسکراہٹ وِچ مُسکرائیا۔ اُس نے اِکو وار بدل کے اپنا رُخ، در تیرا گھاٹ دینا سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت دا رنگ دئے رنگائیا۔ نارد کہے پربھوُ کی راوی دیِاں آساں، اصل دے سمجھائیا۔ کی اوس دیِاں ارداساں،

خواہشاں کی دِرڑائیا۔ کی اُس دیِاں شاخاں، ٹہنی ٹہنی پھول پھولائیا۔ کی اُس دیاں باتاں، باطن پردہ دے چُکائیا۔ راوی کہے ناردا جِس ویلے کل ہوئیاں اندھیریِاں راتاں، ساچا چند نہ کوئے چمکائیا۔ جھگڑا پَینا ذاتاں پاتاں، دیِن مذہب کرے لڑائیا۔ مقبریاں وِچ روون لاشاں، مساناں وِچ پوَن روُپ دین دُہائیا۔ ایہہ ہونا انتم تماشا، ہرِ کرتا کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ نارد کہے میَنوُں نہیں ہوئی تسلّی، دھیِرج دھیِر نہ کوئے دھرائیا۔ میَنوُں خبر دسّ اِک اِکلّی، کی کُل مالک رہیا دِرڑائیا۔ اوہ پَیغمبر ہووے کہ ولی، کہ حضرت نوُر الاہیِا۔ اوہ تُرے پِھرے کہ پاوے جلّی، مست مستانہ روُپ بنائیا۔ کی اوہنوُں سجدہ کرے علی، محمد سیِس جھُکائیا۔ کی اوہدی مندراں وِچ وجےّ ٹلّی، گھڑیال دین دُہائیا۔ کی اُس دی دھار تٹاں کِناریاں وہناں دھاراں وِچ ہووے رلی، بھیوَ دے چُکائیا۔ جِس دی چار جُگ سارے دیندے رہے بلی، بل باوَن کھیل کھِلائیا۔ راوی کہے ناردا میَں اوسے دے در دوار تے کھلی، اوسے دا راہ تکائیا۔ ہوکا دیواں گلیؤ گلی، چار کُنٹ کراں شنوائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ نارد کہے کُچھ دسّ دے اُس دی نِشانی، کی سَتگُر ارجن گیا جنائیا۔ راوی کہے اوہ نوُر جوت مہانی، مہما بےپرواہیِا۔ جِس دی صِفت لِکھ سکے نہ کانی، کائنات نہ کوئے وڈیائیا۔ اُس اپنی آپ کرنی مِہربانی، مِہر نظر اُٹھائیا۔ جِس ویلے جیِو تر نہ سکے کرن والے اِشنانی، پوُجا پاٹھ کمّ کِسے نہ آئیا۔ اوہ ویکھنہارا دو جہانی، تکّے تھاؤں تھائنیا۔ جِس لہنا دینا پوُرا کرنا اِنجیِل قرآنی، جگت کُرہیاں کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ راوی کہے ناردا اِک ہور گلّ سُن لےَ چِٹی، جِس دا نِشان نظر کوئے نہ آئیا۔ جِس ہاہے اُتے لائی ٹِپی، آتما لئی پرگٹائیا۔ اُنھ پنڈتا شرع نوُں چھڈنا عرب دیش چوں میرے واسطے لِیاؤنی مِٹّی، دوہاں دا ناتا باہمی دئے جُڑائیا۔ مذہب توں سب نوُں کرا دینی چُھٹی، چُھٹکارا کرے خلق خُدائیا۔ میَں اوسے دی سیوا وِچ کردی بُتی، بُتخانیاں اُتے اپنا پانی لائیا۔ پر میری پھیر سوہے گی رُتی، جِس ویلے میری رُتڑی دئے مہکائیا۔ نارد کہے میَں اِک ہور گل تَینوُں رہیا پُچھی، سچ دے سمجھائیا۔ اوہدی صوُرت اوہدی موُرت کِس بِدھ بھیوَ کُھلائے گُجھی، تیرا کنڈھا کی دِرڑائیا۔ راوی کہے اوہ درویش ہونا نریش ہونا نہ پَیریں ہونی جُتی، جوتاں والے سارے اپنے وِچ مِلائیا۔ اوتار پَیغمبراں گُروُآں اوہدے اندر اپنی جگہ رکھنی لُکی،

سارے اِکٹّھے ہو کے ڈیرہ لائیا۔ جِس ویلے صدی چؤدھویِں انتم ڈُھکی، اوہ ڈُھکواں ویلا میرے نال سُہائیا۔ ناردا تُوں وی بودی نوُں پھڑ کے اُٹھیں، جِس بودیاں والے لینے اُٹھائیا۔ پِھر کِسے کمّ نہیں آؤنا پاٹھ کیِتا بُلاں تے بُٹیں، جِناں چِر ہِردے ہرِ نہ کِسے وسائیا۔ اوہ پِچھلی پریِتی سب دے نالوں جانی ٹُٹی، اگلی اَگے اپنی گنڈھ پوائیا۔ چؤہ جُگاں دیاں سِکداراں نوُں دیوے چُھٹی، چُھٹکارا دئے کرائیا۔ اِک ہور کھیل کرنی اُنھ دِن دِہاڑے ساری دُنیا جانی لُٹی، لُٹیرا نظر کِسے نہ آئیا۔ راوی کہے میَں اُس ویلے راوی دا کنڈھا نہیں ہونا تے میرے اُتے بجھّی ہوویگی دُھسی، دھرم دی دھار نال جنائیا۔ میَں پھیر نہیں رہنا رُسی، پنجے لِکھاری دین گواہیِا۔ میَں راہوں نہیں رہنا گھُسی، بھجّاں واہو داہیِا۔ ناردا تُوں تاء دیویں مُچھی، تے بودی لئیں اکڑائیا۔ نارد کہے میَنوُں تے دُھر دے حجام نے اِکو وار مُچھ داہڑی کٹّن والی دِتی گُچھی، جِس دا کٹیا وال نظر کوئے نہ آئیا۔ میری آشا سدا سُچی، سچ سچ سچ وِچ سمائیا۔ راوی کِہا پر یاد کریں اُس ویلے دیِن دُنیا دی تمنّا خواہش مناں والی ہونی لُچی، منسا من سکے نہ کوئے بدلائیا۔ تے پنڈت پاندھے سارے ہونے دُکھی، دُکھیِاں درد نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ہرِ صاحِب دُھردرگاہیِا۔ راوی کہے میَں خوشیاں نال وِچھاواں پلنگ، سیجا سیِنے والی سُہائیا۔ جن بھگتو موہے چاؤ گھنیرا میَں ویکھاں کویَت والی مِٹّی دا رنگ، رنگ دو جہاناں دیاں وکھائیا۔ جھٹ اُٹھ کھلوتی خوشیاں نال گنگ، گنگا نیَن اُٹھائیا۔ جمنا منگن لگّی منگ، سُرستی نال مِلائیا۔ گوداوری کہے میرا بھاگ رہے نہ مند، میَں وی درشن کراں چائیں چائنیا۔ نارد کہے پہلوں میَنوُں ہسّ کے وکھاؤ اپنے دند، دنداسے والیِو اپنا مُکھ بدلائیا۔ پھیر تکّو نِشان تارا چند، جو محمد دی دئے گواہیِا۔ پھیر سُنو میرے اندر دا پرسنگ، نارد کہے میَں تُہانوُں دیاں سُنائیا۔ تُسیں سُن کے کنّاں نوُں ہتّھ لائیو میرا پکاّ نہ بنائیو سنگ، میرا گھر گھرانہ نظر کوئے نہ آئیا۔ میَں کدی کِتوں تے کدی کِتوں کھاواں اِک ڈنگ، جگت خزانہ مال نہ کوئے بھرائیا۔ جے تُہانوُں کِتوں نہیں مِلی تے میرے کولوں لےَ لؤ بُھکھ ننگ، نارد بودی نوُں بھوا کے رہیا وکھائیا۔ تُسیں آئے راوی دے کنڈھے تے منڈ، جِتھے منڈے پکاؤن والی نظر کوئے نہ آئیا۔ جے تُہانوُں گرمی لگّے تے سوانیؤ پانی وِچ نہا کے پا لؤ ٹھنڈ، اپنی اگنی لؤ بُجھائیا۔ پھیر میرے نال گاؤ اپنا چھند، تُوں میرا میَں تیرا دوُجا نظر کوئے نہ آئیا۔ تے دوویں دِھراں اندروں ڈھاہ دئیے بھرماں والی کندھ، کنڈھی تے بَیٹھے کنڈھا اگلا پِچھلا پار کرائیا۔

تُسیں وی خالی ہتّھیں نہ کوئی چوُڑی نہ کوئی بند، میَنوُں اَیں جاپدا بندگی کرن والیاں سوبھا پائیا۔ میَں وی پربھوُ دے حُکم وِچ پابند، لالچ وِچ نہ کدے للچائیا۔ پر یاد رکھیو جدوں نؤواں دیساں دا اِکٹّھا ہون لگّا جنگ، اسیں اِکٹّھے ہو کے پربھ دے چرناں ڈیرہ لئیے لائیا۔ اُچی اُچی نہ پاؤنا ڈنڈ، ڈنڈا میرا دئے گواہیِا۔ آہ ریت نہیں ایہہ مِٹّی نہیں ایہہ پربھوُ پیار دی کھنڈ، جیہڑی کوَیت وِچوں راوی دے نال مِلا کے رواداری دا لیکھا دئے چُکائیا۔ تُسیں میرے نال کرِیو ہیت، ہِتکاری ہو کے ویکھاں چائیں چائنیا۔ اوہ راوی گنگا گوداوری جمنا سُرستی اجّ دِہاڑا چنگا پنج چیت، پنجاں دا میِتا ویکھو بےپرواہیِا۔ پِھر سارے بھارت وِچ رل کے کھیڈیئے کھیڈ، بھجیئے واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ پنچم چیت کہے راوی میَں نہیں کِسے دا پُجاری، پوُجن والی عادت نہ کوئے رکھائیا۔ نارد کہے میَں وی کدے کیِتی نہیں غداری، اپنا مُکھ نہ کدے بھوائیا۔ راوی کہے میَں وی اپنے وہن نوُں کدے بدلیا نہیں پِچھے کِسے واری، جو آیا سو اَگے دِتا رُڑھائیا۔ ایسے کر کے میرا سوامی کرتا غریِباں نِمانیاں کوجھیاں دی پَیج رہیا سواری، پھڑ باہوں گلے لگائیا۔ جِتھے پوہ نہ سکے مؤت لاڑی، رائے دھرم نہ دئے سزائیا۔ کیوں ایہدی یارانیاں توں باہر یاری، جِس یاری دا روُپ نظر کِسے نہ آئیا۔ کوٹن کوٹ جُگاں پِچھوں ایہہ بن دا بھگتاں دا ادھاری، ایکا وار اِک اِکلّا سارے اِکٹّھے پار کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ مِٹّی کہے جن بھگتو میَں آئی پردیسن تے وڑی راوی دے اندر، تے مندر سَتگُر دِتا بنائیا۔ میرا پریم وِچ کُھل گیا جِندر، کُنڈی کھِڑکی دِتی کُھلائیا۔ جاں میَں نِگاہ ماری اندر، اندر اوہو بَیٹھا جِس نوُں محمد کِہا نوُر الاہیِا۔ میَں اِشارہ دِتا ویکھ تارے چندر، اُمت دَیا نِشانیا تَینوُں دیاں سمجھائیا۔ سارے پَیغمبراں بھیڈاں پشوُ چارے ڈنگر، پھیر کلمے پڑھ کے تے حق دی آواز حق نے دِتی سُنائیا۔ جے ہُن ساڈا رحیِم ویکھے کریِم ویکھے پروردِگار ویکھے سانجھا یار ویکھے اِمام ویکھے جِہدی اوتار پَیغمبر گُروُآں نوُں تعلیِم، منُشاں توں باہر اپنا ڈیرہ بَیٹھا لائیا۔ جِس شرع نال شرع دی کیِتی تقسیِم، حد حدوُداں دِتیاں بنائیا۔ اوہ مالک اِک قدیِم، قُدرت دا قادر اِک اکھوائیا۔ اوہ نوُر نوُرانہ حُسین، حسن حُسیَن جِس دے پِچھے شہادت گئے بُھگتائیا۔ جِس نے پاکھر پائی گوبِند دے نیِلے گھوڑے زین، زِمیں اسماناں ویکھ وکھائیا۔ اوہدا کھیل عالیشان تے اوسے نوُں سارے کہیئے آمیِن، نِو نِو سیِس جھُکائیا۔ جِس

نے ساری بدل دینی پِچھلی کیِتی تقسیِم، دیِن دُنی دا کُرہ اِکو دئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا آپ سُنائیا۔ نارد کہے راوی میرے اندر کُجھ پےَ رہیا شکّ، شکّی ہو کے دیاں جنائیا۔ ایہہ کوئی مالک نہیں حق، جو تتاں کھیل کھِلائیا۔ میَنوُں دسّ واحد اوہ یک، جو نوُر نوُرانہ ڈگمگائیا۔ راوی کہِندی اے پنڈتا پِچھے ہٹ، تَینوُں دیاں وکھائیا۔ اوہ جِس میرا سُہایا تٹ، تُٹیاں نوُں جوڑ جُڑائیا۔ اوہ وسنہارا گھٹ گھٹ، گھٹ گھٹ اندر ڈیرہ لائیا۔ جوتی جامہ آیا پلٹ، پلٹا دیِن دُنی کرائیا۔ تیرے میرے خالی رہ جانے ہتّھ، بِنا اُس دی کِرپا توں وست ہتّھ نہ کوئے پھڑائیا۔ کیوں اوہ سرب کلا سمرتھ، سوامی دُھردرگاہیِا۔ اوسے دے سب کُچھ ہتّھ، کرن کراونہار اِک اکھوائیا۔ میَں تے چرن کوَلاں اُتے گئی ڈھٹّھ، ڈھیَہہ ڈھیَہہ کے دھوُڑی خاک رمائیا۔ جے سچ پُچھیں اوس دے درشن نوُں ترسدے اٹھسٹھ، آہ ویکھ گنگا گوداوری جمنا سُرستی بَیٹھیِاں جھولی ڈاہیِا۔ نالے روندیِاں اپنی اکھّ، ہنجھوُاں ہار بنائیا۔ پربھوُ ساڈے سِر تے ہتّھ رکھ، ہو آپ سہائیا۔ ساڈے وِچ امرت نہیں رہیا تے سانوُں امرت دے دے رس، ایہہ تیری بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا دے مِلائیا۔ نارد کہے راوی اوہ سَتگُر شبد ضرور کرے مِہر، مِہربان اکھوائیا۔ کدے نہ لاوے دیر، دوُر دُراڈا پندھ مُکائیا۔ اوہ بہادر یودھا دلیر، سوُربیِر اکھوائیا۔ اوہ سِنگھ دھار سِنگھ شیر، شرع دے بندھن دئے کٹائیا۔ میَں خوش تاں ہوواں جے ساری سنگت نوُں بیریِاں دے کھوائے بیر، جیہڑے نانک نے بیری کول بہہ کے اِشارہ سیال کوٹ وِچ کرائیا۔ پھیر اسیں اوسے دے چیر، تے چیلے ہو کے سیِس نِوائیا۔ نارد کہے میرا بستہ رہ گیا پِچھے میَں بودی نوُں کُھرک کے ویکھاں پیا وِچ کیہڑے ڈھیر، کہ تٹاں وِچ اپنا آسن لائیا۔ جِس وِچ میرا حِساب کِتاب ہور بتھیر، اوہ ضرور رات دے نؤ وجے دیاں سُنائیا۔ تیری کہانی ایتھے پربھ دے چرناں وِچ تُوں آپے لیَنی نِبیڑ، اپنی آشا پوُر کرائیا۔ پر میَں جاں اِدھر تکاّں اُدھر تکاّں میَنوُں اِکو پوُر دا بھریا دِسے بیڑ، جگت بیڑی وَنجھ مُہانا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ نارد کہے راوی میَنوُں گل چیتے آؤندی، دو چؤہ دِناں دا ویکھ وکھائیا۔ میرے سَتگُر دی اندروں کدے کدے آواز تھتھلاؤندی، پتہ نہیں کی ایہدی بےپرواہیِا۔ راوی کہے اوۓ ناردا میَں سَتگُر ارجن نوُں نال لےَ کے تے ایہدے اندر وڑ کے اِکو واسطہ پاؤندی، اَگے ہو ہو اٹکائیا۔ رو رو

کے برہوں دے حال سُناؤندی، بہُڑی بہُڑی کر جنائیا۔ جِس ویلے میَں گھُٹ کے گل نوُں گلوَکڑی پاؤندی، ساہ نِکل نہ سکے رائیا۔ میَں ایسی کھیل رچاؤندی، تے اپنی خوشی اپنے نال بنائیا۔ جگت وِہار وِچ پُڑیِاں گولیِاں کھواؤندی، ایہہ وی ایسے دی بےپرواہیِا۔ پر میری مِنّت مِنّت مِنّت جن بھگتو ایہدی جوت آد جُگاد سدا سب نوُں ترساؤندی، ترسا ترسا ترسا کے جُگ چؤکڑی دئے لنگھائیا۔ مِہربان ہو کے مِہر دی برکھا برساؤندی، اگنی تت بُجھائیا۔ پھیر میَں تُہاڈے درشن کر کے اپنا شُکر مناؤندی، راوی خوشیاں وِچ دوہاں ہتّھاں تالی لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ پنج چیت کہے جن بھگتو تُہاڈی جُگاں دی پُرانی پوُربلی آسا، آساوَند پوُر کرائیا۔ تُساں مستی وِچ مست ہو کے جگت دا ویکھنا تماشا، اپنی مستی نہ دینی گوائیا۔ پربھوُ دے منڈل دی ویکھنی راسا، اپنا رستہ نہ جانا بُھلائیا۔ تُہاڈا لیکھے لگّے اِک اِک سواسا، جِس سواس نال پربھ دا نام دِھیائیا۔ تُہانوُں بندنا کرے شِو اُتے کَیلاشا، برہما سیِس جھُکائیا۔ وِشنوُں ہو کے داسی داسا، اَگے پِچھے بھجےّ واہو داہیِا۔ تُسیں اپنا درویش ویکھو پُرکھ ابناشا، جو پہریدار ہو کے خبرداری وِچ سب نوُں رہیا جگائیا۔ اِکو دی اوٹ تے اِکو دا بھرواسا، اِکو دا میل مِلنا چائیں چائنیا۔ راوی کہے گُرمُکھو میری تُہاڈے پریم دی ارداسا، پربھوُ چرن دینی ٹِکائیا۔ سچ پیار وِچ میرے انتر نِرنتر نِکلے ہاسا، خوشیاں وِچ وڈیائیا۔ پر اِک بچن یاد رکھیو جِس ویلے ایس سریِر دا انت ہویا اِک چوُنڈھی راکھ دی ضرور میرے وِچ گھت جائیوپھیر میَں چلانگی سچکھنڈ نال ساتھا، سب دا سنگ بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد دا دیونہار اپنے دین پِچھے تھاں تھاں تے مارے واٹا، پاندھی ہو کے اپنا پندھ مُکائیا۔