کتب خانہGranth 23 (Shahmukhi)

۵ چیت شہنشاہی سمت نؤ پِنڈ بابوُ پُر ضِلع گُرداس پُر بلاکا سِنگھ دے گرِہ

نارد کہے جن بھگتو میَں آیا تُساں کِسے نہیں کِہا آیاں جی، جیِن جوگیو دیاں جنائیا۔ میرے تُساں مِنٹ اُتے لنگھا دِتے بیِہ، میَں ویہہ وِچ کھلوتا کھلوتا دھیان لگائیا۔ میرے حِصّے کوئی ونڈن آئی نہیں ساڈھے تِنّ ہتّھ دی سیِں، زِمیں اُتے نہ آسن لائیا۔ تُساں پُچھیا نہیں پنڈتا لےَ کے آیا کی، سانوُں دے وکھائیا۔ میرے کول پُرانے حُکمنامے جِہدے وِچ لیکھا نوَیں جُگ دی کِس طرح رکھنی نیہہ، پتّھر مُہر نام کوَن لگائیا۔ کِس بِدھ دھرم دا بیِجنا بیء، کایا تن وجوُد ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے میَنوُں پُچھو پنڈتا تیرے کول کیہڑی پُستک، بِن اکھّراں دے وکھائیا۔ جِس دے وِچ اگمّی اُستت، صِفتاں توں باہر صالاحیِا۔ جیہڑی سِکھیا دیوے سدا مُرشد، مُریِداں توں باہر جنائیا۔ جِس دا لیکھا انتم سب نوُں کرنی رُخصت، دھرنی دھرت دھوَل رہن کوئے نہ پائیا۔ اِکو پُرکھ اکال دی ہونی اُلفت، دوُجی صِفت نہ کوئے وڈیائیا۔ جگت جہان ویکھنا مُفلِس، وسَت سچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ نارد کہے جن بھگتو میری ویکھ لؤ کِتاب دو اکھّری، اکھّراں دی گنت نہ کوئے گِنائیا۔ ایہہ چؤہ جُگاں توں وکھّری، پربھ ساچے دِتی پھڑائیا۔ میَں کوئی پنڈتاں والی نہیں رکھدا پتری، گرِہ نچّھتراں ونڈ نہ کوئے ونڈائیا۔ میَں جُگ چؤکڑی سب دی آشا ویکھاں اکھّری، کایا سنگ دھیان لگائیا۔ ایس ویلے دیِن دُنی کوُڑ دے لتھی ستھری، یاراں ستھر نہ کوئے ہنڈھائیا۔ ویکھو وڈیائی پاہن پتّھری، سِل پوُجس رنگ چڑھائیا۔ کوئی گاں کھا گیا کوئی کھا گیا بکری، پشوُآں کھلّ لُہائیا۔ براہمن شوُدر وَیش دِسے کوئی نہ کھتری، چھتردھاری نظر کوئے نہ آئیا۔ اوہ ویکھو بھجّا پِھردا اتری، سپتس رِکھیِاں نال مِلائیا۔ دھرم دی دِسے کوئی نہ ہٹّڑی، وسَت سچ نہ کوئے ورتائیا۔ نارد کہے سچ دی رہی کوئی نہ تکّڑی، دھرم دا تولا ہتّھ نہ کوئے اُٹھائیا۔ دُنیا ہو گئی بہُہ متڑی، گُرمت گئی بُھلائیا۔ چاروں کُنٹ پوَن تتڑی، سانتک سَت نہ کوئے وکھائیا۔ سب نے پاپاں بدھّی گٹھڑی، بھار کندھیاں اُتے ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ نارد کہے میری کِتاب لبھ پئی اوہ، جو اوسے دا بھیوَ کُھلائیا۔ جِس نوُں کہندے پُرکھ نِرنجن سو، سو سوامی دُھردرگاہیِا۔ جگت سرِشٹی نالوں کرے نِرموہ، ناتا اپنے نال جُڑائیا۔ کوُڑے رس رسنا لوے

کھوہ، امرت رس جام پیائیا۔ سچ پرکاش دی دیوے لو، لوئن اندروں دئے کُھلائیا۔ پنج وِکارا میٹے گروہ، گؤڑ براہمن ہوئے سہائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ کِتاب کہے میَں جُگ چؤکڑی نہیں گواچی، پر ہتّھ کِسے نہ آئیا۔ بُدھیمان میَنوُں سکے کوئے نہ واچی، عقل عاقلاں نہ کوئے چتُرائیا۔ میَں کوئی ونگ نہیں کاچی، ٹھٹھیارا ہتّھ پھڑائیا۔ میَں کوئی رَین اندھیری نہیں راتی، سوُریہ چند نہ کوئے رُشنائیا۔ میری کوئی دیِن مذہب والی نہیں ذاتی، تتاں ونڈ نہ کوئے ونڈائیا۔ بِنا سَتگُر شبد توں میرے ولّ سکے کوئے نہ جھاکی، نیتر اکھّ نہ کوئے اُٹھائیا۔ میرے اندر چار جُگ دا لیکھا باقی، اوتار پَیغمبراں گُروُآں دے حِصّے رہیا وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے میَں لےَ کے آیا ہور وڈیاں وڈّیاں وڈّیاں چیزاں، سچ نال سُنائیا۔ جن بھگتو آؤ اِکٹّھے لنگھیئے پربھوُ دیاں دہلیزاں، بِنا سیِس توں سیِس جھُکائیا۔ پھیر اُس نوُں کہیئے ساڈیاں پوُریاں کر دے ریِجھاں، کلپنا نظر کوئے نہ آئیا۔ سانوُں دھرم دیِاں پا قمیِضاں، جِنہاں نوُں میَل نہ لاگے رائیا۔ مُحبّت وِچ مِلا دے دیدا، دیدہ دانِستہ نظری آئیا۔ پھیر ہسّ کے کہیئے اپنا مارگ دے دے سیِدھا، اَگے ہو نہ کوئے اٹکائیا۔ سانوُں جگت وِکار کھان نہ گیدھاں، نیڑن نیڑ نظر کوئے نہ آئیا۔ ساڈیِاں اِکو تَینوُں مِلن دیِاں اُمیِداں، دوُجی آس نہ کوئے وکھائیا۔ نارد کہے جن بھگتو میرے کول سب دیِاں رسیِداں، جو سانبھ کے پربھ دے چرناں ہیٹھ دبائیا۔ نالے اِشارہ کردا جِس دیِاں سارے کرن اُڈیِکاں، بَیٹھن راہ تکائیا۔ پر اوہ وی پربھوُ بے پرواہ جِس اوتار پَیغمبر گُروُ لڑائے وانگ شریِکاں، شرع شرع نال ٹکرائیا۔ پھیر کِسے نوُں بیِسویں کِسے نوُں چؤدھویِں صدی دیِاں تریِکاں، تواریخ اپنی نال مِلائیا۔ پھیر حُکم دِتا سَتگُر شبد کریں تصدیِقاں، دو جہان ویکھنا چائیں چائنیا۔ نالے لیکھا مُکاؤنا ہست کیِٹاں، اوُچاں نیِچاں ڈیرہ ڈھائیا۔ نارد کہے میرے کول آہ ویکھو برہما وِشن شِو دیِاں چِٹاں، جو کالے توں رنگ چِٹا آیا بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے گنگا گوداوری جمنا سُرستی تُسیں کیوں ہوئیاں چُپ، چُپ چُپیِتیو دیؤ جنائیا۔ کی دُدھ منگو کہ پُت، کہ پوِتریاں آس رکھائیا۔ چارے کہن ساڈی مُحبّت رہی چُھٹ، چُھٹکی لِو اپنے نال لگائیا۔ وے ناردا ساڈی دروہی ساڈے تٹاں کِناریاں تے سادھاں سنتاں پائی لُٹ، لُٹیرا کلجُگ نال رلائیا۔ ساڈی کُھلی ویکھ لےَ گُت، مینڈھی سیِس نہ کوئے گُندائیا۔ ساڈا سچ بھنڈارا گیا کُھّس، خالی

جھولیاں روویئے ماریئے دھاہیِا۔ ساڈا اندرلا دُکھڑا پُچھ، پھیر تَینوُں دیئیے سمجھائیا۔ جھٹ نارد کہے او ہو جاؤ اُس گُٹھ، اِک نُکرے دِتا لگائیا۔ میرے صاحِب دا سماں رہیا ڈُھک، اوتار پَیغمبر گُروُ پِچھے اَگے شہادت رہے بُھگتائیا۔ ہُن مُنہ نال اپنے ہتّھاں دے نہؤں لؤ ٹُک، امرت رس ہتّھ کِسے نہ آئیا۔ تے جاؤ اُس پربھوُ دی گاؤ تُک، تُوں میرا میَں تیرا تُدھ بِن اوَر نہ کوئے سہائیا۔ پھیر اوہ کِرپا کرے تے تُہاڈا بندھن جائے تُٹ، ٹُٹیاں گنڈھ پوائیا۔ نہیں تے اپنے ہتّھ ملو پشچاتاپ کرو پھڑ کے گُٹ، بانہہ سیِس توں اُتے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چارے کہن نارد جی سُنو بیننتی ہماری، ہمو تمو آواز نہ کوئے سُنائیا۔ نہ تیری مُچھ نہ تیری داہڑی، ایَویں بودی رہیا ہِلائیا۔ سانوُں پتہ نہیں تُوں پُرکھ کہ ناری، کوَن سنگ سمائیا۔ تُوں یودھا کہ بلکاری، کہ ہنکاری لوک مات اکھوائیا۔ نارد کہے کملیو تُہاڈی پِچھے لنگھ گئی واری، اگلا سماں ہتّھ کِسے نہ آئیا۔ تُہاڈے اُتے ہُندی رہی ٹھگّی چوری یاری، تُہاڈے تٹ کنارے سکے نہ کوئے ہٹائیا۔ میَں پِھردا رہیا پِچھے اَگاڑی، وینہدا رہیا تھاؤں تھائنیا۔ تُہاڈی اُجڑن لگّی ہُن واڑی، وارث حق ہتّھ کِسے نہ آئیا۔ میرا صاحِب سب نوُں رہیا پچھاڑی، پِچھا بھؤں کے ویکھو تے نظری آوے دُھر دا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک سُنائیا۔ نارد کہے بھگتو سُن لؤ حُکمناما، تے گلّاں نویِاں نویِاں جنائیا۔ ایہنوُں بِنا قلم توں لِکھیا سِری بھگوانا، بِنا کاغذ توں پروانہ دِتا پھڑائیا۔ ایہدے اُتے تک لؤ وِشن برہما شِو تے سیِتا راما، تے رادھا کرِشن بَیٹھے جھُگیاں پائیا۔ پَیغمبر تکّو کردے سلاما، سجدیاں وِچ سیِس جھُکائیا۔ ستنام دا سُنو ناما، نام نِدھانا رہیا دِرڑائیا۔ گوبِند دا ویکھو نِشانہ، جو انیالا تیِر چلائیا۔ پھیر تک لؤ اجّ دا دِن تے کی کہندا زمانہ، زِمیں اسمانا دوویں ویکھ وکھائیا۔ کِسے دے اندروں پربھوُ دے نام دا نِکلدا نہیں ترانہ، تُریا توں پرے پربھ دا درس کوئے نہ پائیا۔ رسنا جِہوا تے بتّی دند جگت دا بنیا گانا، ڈھولے گا گا جھٹ لنگھائیا۔ نہ کِسے نوُں رام ملِے تے نہ کِسے نوُں ملِے کاہنا، سنمُکھ بہا کے سَتگُر دا درشن ویکھن کوئے نہ پائیا۔ پتہ نہیں سَتگُروُ کیہڑے گھر وِچ کرے وِشراما، سُکھ آسن اپنا ڈیرہ لائیا۔ جگیاسوُ دھرتی اُتے کہن تُوں میرا کرِشن تُوں میرا راما، سکھا سہائی اِک اکھوائیا۔ مُرشد کردے پِھرن سلاماں، سجدیاں وِچ اپنا آپ جھُکائیا۔ پڑھدے پِھرن کلاماں، کائنات دِرڑائیا۔ نارد کہے بھگتو تُسیں نہیں جان دے پربھوُ دا کِس

طرح دا اِنتظاما، تے بندوبست کِس طرح اپنے ہتّھ رکھائیا۔ جِس نے اوتار پَیغمبر گُروُ سنت بھگت بنائے اپنے غُلاما، غُلامی دے زنجیر شرع نال بنّھ کے جگت لوک مات دِتے ٹِکائیا۔ جدوں خوشی وِچ آوے تے سچکھنڈ وِچوں سُناوے، تے سَتگُر شبد سندیسہ لےَ کے آوے، تتاں والے سریِر وِچ ٹِکاوے، اوہ پِھر اوتار پَیغمبر گُروُ مُکھ رسنا نال گاوے، تے اکھّراں دے اکھّر بنا لِکھائے، تے کاغذ اُتے ٹِکائے، تے اوسے دا دھیان اوسے ولّ لگائے، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے نی راویئے تُوں کیوں بَیٹھی ٹھنڈی، کُچھ اپنا حال دے جنائیا۔ جو شبد دے سدّے دے کے بھیجے بھاجیاں گنڈھی، فرمانے اگمّ سُنائیا۔ اوہ کھیل تکّن آئے وِچ وربھنڈی، برہمنڈی پندھ مُکائیا۔ اوہناں نوُں اِکو گلّ دسّ کے چنگی، چنگی طرح سمجھائیا۔ راوی کہے ناردا میَں وی اِکو منگ منگی، مانگت ہو کے جھولی ڈاہیِا۔ میرے صاحِبا اپنیاں بھگتاں توں سدا لئی توڑ دے پابندی، چؤراسی دے گیڑ وِچ کدے نہ آئیا۔ جے ٹُٹیاں دی گنڈھی، گنڈھ نہ کوئے کُھلائیا۔ بھگتاں دی آتما دُھر دے پرماتما کدے نہ ہووے رنڈی، رنڈیپے وِچ کدے نہ آئیا۔ تیری میری میرے گھاٹ اجّ دی رات تے پہلی سندھی، سند لِکھ کے گُرمُکھاں ہتّھ دے پھڑائیا۔ جیہڑی دات اجے تک تُوں کِسے نوُں نہیں ونڈی، رول رول کے کوٹن دِتے گوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ نارد کہے راویئے ایہہ صاحِب بڑا چلاک، میَں تَینوُں دیاں سمجھائیا۔ اِہنے اوتار پَیغمبراں گُروُآں توں اپنے آپ کڈھائے بھوِکھت واک، اوہناں دے ہتّھ نہ کِچھ پھڑائیا۔ سَتگُر شبد دا جوت دی دھار دا بخش کے ساتھ، تتاں دِتی وڈیائیا۔ اپنے پیار دا دے پرکاش، نوُرانہ نوُر کیِتا رُشنائیا۔ اپنی پٹّی پڑھا کے اپنے نام دی وِچ کلاس، کوالیفکیشن اپنے ہتّھ رکھائیا۔ نی راویئے میرے کول اِک ٹُٹا جِہا گلاس، میَنوُں وِشنوُں نے آؤندیاں آؤندیاں ہتّھ پھڑائیا۔ نالے دِتی شاباش، خوشیاں نال سُنائیا۔ جے چرن چرنودک لیائے تے میری بُجھائیں پیاس، ترِسنا ترِکھا رہے نہ رائیا۔ نارد کہے میَں ہسّ کے کِہا میرا جی کردا میَں شنکر لئی لکھّ چؤراسی دی وِچ پا کے لیاواں لاش، مُردے کھان والے نوُں مُردے دیاں وکھائیا۔ پھیر پُچھاں کُچھ دسّ کی کھیل تکّیں اُتے کَیلاش، پربھ کل کی ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نارد کہے جن بھگتو میَں ہور کی کُچھ لبھیا، لابھدائک دیاں جنائیا۔ میَں ویکھی چار جُگ دی سبیا، سبِھتا تکّی

خلق خُدائیا۔ رام کرِشن اپنی مستی وِچ متیا، بَیٹھا آسن لائیا۔ پَیغمبر کہن ساڈا نوُر جگیا، نوُر الاہ کیِتی رُشنائیا۔ گُر کہن ساڈا ڈنکا وجّیا، دو جہان شنوائیا۔ تے میَنوُں سَتگُر شبد نے دسّیا، میَں جو گھڑیا سو بھجیّا، لوک مات رہن کوئے نہ پائیا۔ جُگ جُگ بِنا پربھوُ تو بھگتاں دی رکھے کوئے نہ لجّیا، سِر ہتّھ نہ کوئے ٹِکائیا۔ ایس ویلے اوس نے کھیل انوکھا رچیا، رچنا پِچھلی دِتی بدلائیا۔ بھاگ لگا کے کایا ماٹی کچّیا، کنچن گڑھ وکھائیا۔ جِس نے رسنا نال نام کدے نہیں جپیا، اوہناں نوُں وی پھڑ کے سچکھنڈ دئے پہنچائیا۔ کیوں اوہناں نے اپنا سیِس صاحِب دے چرناں تے گھتیا، پوُجا پاٹھ دا لیکھا دِتا مُکائیا۔ سَتگُر پوُرے تول تولنا نہیں نال سیراں تے وٹّیا، مناں تے ٹانکا دھیان لگائیا۔ اوہ پاؤندا نہیں شرع تے زنجِیراں والیاں وِچ رٹّیا، بندھن سارے دئے تُڑائیا۔ جِس نوُں پھڑے چُک کے درگاہ ساچی سٹّیا، راہ وِچ وِشن برہما شِو سارے اوس نوُں سیِس نِوائیا۔ اوہدا جنم دا کرم دا لیکھا جائے ٹھپّیا، ٹھپّا نام والا لگائیا۔ چار جُگ دے شاستراں نے ایہو لیکھ لِکھیا جد انت ہووے تے ہووے پپا پپّیا، پوُرن پت پرمیشور پوُرن وِچ سمائیا۔ نارد کہے اُس دا لیکھا ہتّھو ہتّھیا، اُدھار دا ونج نہ کوئے کرائیا۔ جو پریمی پیارا پریم وِچ ڈھٹّھیا، پھڑ باہوں گلے لگائیا۔ کھتری براہمن شوُدر وَیش ہِندوُ مُسلم سِکھ عیِسائی پارسی بودھی جَینی غریِب نِمانے بُھکھے تارے اِکٹّھیا، ویروا ونڈ نہ کوئے رکھائیا۔ بِردھ بال جواناں اِکو مان رکھیا، اِکو در دئے ٹِکائیا۔ نالے نارد کھِڑ کھِڑا کے ہسّیا، ہسّ کے رہیا وکھائیا۔ میَں کی کراں جِدھر تکاّں بِنا صاحِب توں اندھیری دِسے مسّیا، ساچا چند نہ کوئے چمکائیا۔ پھیر میَں زور نال پربھوُ دا چرن جھّسیا، لچھمی نوُں وِشنوُں توں پرے دِتا دھکائیا۔ تیرا ویلا تیرے پیار وِچ ٹپّیا، ہُن بھگتاں نوُں خوشی نال سماں دینا سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ وکھائیا۔ نارد کہے میرے کول ہور بڑیِاں بڑیِاں پُرانیِاں بِن اکھّراں توں چِٹھیِاں، چِٹھی رسیَناں ہتّھ نہ کوئے پھڑائیا۔ اوہدے وِچ پریم تے پیار دیِاں گلّاں مِٹھیِاں، رسنا مِٹھاس والیاں مِٹھت ہتّھ کدے نہ آئیا۔ اوہ اودوں کھولاں جدوں بھگتاں دیاں آتما ہون اِکٹّھیِاں، تے اِکٹّھیِاں ہو کے پرماتم وِچ سمائیا۔ میَں پھیر ساریاں نوُں سمجھاں کھتری براہمن شوُدر وَیش نہیں ایہہ جٹّ دیاں ہانناں تے جٹّیاں، جٹا جوُٹ دھاریاں ساریاں گئیاں تجائیا۔ اوہ پیار مُحبّت برہوں وِچ پھٹیِاں، گھاؤ نِرالے نظری آئیا۔ اوہ اِک دو تِنّ چار پنج چھ ستّ ستّے گھر ٹپّیِاں، سَت ستوادی وِچ سمائیا۔ جِتھے بھرنیِاں پَین نہ چٹیِاں، سزا سکے نہ کوئے

بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نارد کہے میَں کوئی پنڈت نہیں براہمن دا روُپ بدلائیا۔ میرے ورگے پُت گھر گھر نہ جمّن، جمّن والی کوئے نہ مائیا۔ میَں پربھوُ دا ہلکارا تے جُگ جُگ سب دے کڈھ لیاواں سمّن، مُہر اِکو نام والی لگائیا۔ اُس دا بھیوَ جانے کوَن، گت مِت رہن کوئے نہ پائیا۔ ایہہ اِک اِشارہ پربھوُ نے سیَنت اوسے ویلے دِتا جِس ویلے مان وڈیائی دِتی دُشٹ دمن، دامنگیِر آپ نظری آئیا۔ تیرا گُلشن مہکاؤنا تے باغ تیرا مہکاؤنا چمن، تیرا نوُر ظہوُر گوبِند ہووے ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کار آپ بُھگتائیا۔ نارد کہے جن بھگتو میَں کوئی پنڈت نہیں براہمنی جایا، پِتا رنگ نہ کوئے رنگائیا۔ پھسیا نہیں وِچ کدے ترےَگُن مایا، ممتا موہ نہ کوئے ہلکائیا۔ چار جُگ میَنوُں اَگے ہو نہ کِسے اٹکایا، بھجیّا واہو داہیِا۔ ہُن کلجُگ دا ویلا کل کاتیِو آیا، کلمے والیاں دیاں سُنائیا۔ میرا صاحِب سوامی کھیل رچایا، رچ رچ آپے ویکھ وکھائیا۔ پتہ نہیں کِس بِدھ پنچم چیت میَنوُں اجّ راوی دے کنڈھے تے منگوایا، منگا کے منگلاچار دِتا سُنائیا۔ میَں وی خوشیاں دے وِچ اپنا وقت لنگھایا، گھڑی گھڑی گھڑی گھڑی میری دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ نارد کہے جن بھگتو جے بننا تے بننا شبد گُروُ دا چیلا، دوُسر سیِس نہ کدے نِوائیا۔ جے کرنا تے کرنا جوت دا میلا، مِلنی اوَر نہ کوئے رکھائیا۔ جے بناؤنا تے پُرکھ ابناشی سجّن سُہیلا، دوُسر انگ نہ کوئے لگائیا۔ جے وقت ملِے پربھوُ دے چرناں وِچ پِھرنا وِہلا، جگت بندھن سرب تُڑائیا۔ جے خوشیاں وِچ آواں اِکو گاواں ڈھولا، جو البیلا جوانی مستی وِچ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ وکھائیا۔ راوی کہے ناردا تیرا کڈا سوہنا گیِت، پنڈیا پھیر دے جنائیا۔ نارد کہے کملیئے پہلوں میرے پربھوُ دے گیِت گا تے نال لا پریِت، پریِتم اِک منائیا۔ اپنا بھیٹا کر دے سیِس، جگدیِشر اَگے ٹِکائیا۔ اپنی اندروں بدل لےَ نیِت، نیِتیوان سمجھائیا۔ پھیر ہو جا ٹھانڈی سیِت، اگنی تت بُجھائیا۔ پھیر اِک دی کر اُڈیِک، جو مالک دُھردرگاہیِا۔ جِس دے وِچ حق تؤفیِق، تُحفے دیوے تھاؤں تھائنیا۔ تے میَں اُس دا مُریِد، جو مُرشد نوُر الاہیِا۔ نالے خوشیاں وِچ پاڑی قمیِض، نارد تالی دِتی وجائیا۔ جے تَینوُں میرا گیِت سُنن دی ریِجھ، تیری آشا پوُری دیاں کرائیا۔ بھگتاں وِچ مِل کے اُس دی ساچی سِکھیا سُن تمیِز، طمع کوُڑی جگت گوائیا۔ اوہ

غفلت وِچوں تیری اُگھڑ جائے نیِند، سُتیئے لےَ انگڑائیا۔ نالے ویکھ میرے کول پِچھلیاں جُگاں دی رسیِد، تَینوُں دیاں وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ نارد کہے میَنوُں آواز آؤندی میَنوُں کوئی کہہ رہیا بُڈھا، براہمن بودی رہیا ہِلائیا۔ کوئی کہے لتّاں توں ڈُڈا، بُدھ ہیِن اکھوائیا۔ میَنوُں ہسّ کے پُچھن لگّی بسُدھا، دھرتی رہی سُنائیا۔ وے کُچھ بھیت دسّ ظاہر گُجھا، میرے کنّاں وِچ سُنائیا۔ میَں اوہنوُں کِہا او دھرنیئے مرنیئے میرا پیِر تیرے اُتے اُگھا، اُگن آتھن ویکھ وکھائیا۔ نالے تاڑی ماری نالے ہسّ کے کِہا ایس نے بدل دینا جُگا، جُگت اپنے وِچ چُھپائیا۔ ہُن کِسے نوُں پربھوُ دے نام دا لیَن نہیں دینا بُھگا، ٹکیاں والی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے میَں پُرانیِاں دسّاں گلّاں باتاں، سہج سہج سُنائیا۔ جن بھگتو تُہانوُں وی ایہدے نال نیِندرے دیِاں کٹّنیاں پیِندیاں راتاں، میَں راتیں سُتیاں سب نوُں ویکھ وکھائیا۔ میری بودی تھلّے کِڈا ویکھو ڈوُنگھا کھاتہ، اوہ وحی کھاتہ ہتّھ نہ کِسے پھڑائیا۔ کیوں میَنوُں حُکم دیوے کملاپاتا، جو پت پرمیشور اِک اکھوائیا۔ جِس دی میَں گاواں گاتھا، تُوں میرا میَں تیرا ڈھولا سہج سُکھدائیا۔ اوہدا کھیل پرِتھمی آکاشا، گگن گگننتراں پندھ مُکائیا۔ کُچھ بھگتاں نوُں تھوڑا جِہا بھیوَ دسّاں خلاصہ، خوشیاں وِچ سمجھائیا۔ اَگے تن وجوُد بھگتو پاؤندا رہیا پوشاکا، تے ہُن جوتی نوُر آیا بدلائیا۔ ایسے کر کے اوہدا کِسے نوُں نظر نہیں آؤندا خاکہ، خاک وِچ مِلن والا ویکھن کوئے نہ پائیا۔ پتہ نہیں تُہاڈا کِس طرح کھول دِتا تاکا، تُہاڈے اندر وڑ کے مندر چڑھ کے درشن دیوے چائیں چائنیا۔ پر میَں تے جدوں ویکھیا تے جدوں تکیا سَتجُگ تریتا دواپرتے پِچھلا بیِتیا کلجُگ گُروُ اوتار پَیغمبر بن کے تے بنیا لڑاکا، تے لڑائی شرع والی کرائیا۔ اپنے نام نوُں آپے ماردا رہیا ڈاکا، چور دھاڑوی آپ اکھوائیا۔ اپنی سِخر دے آپے اُلیکدا رہیا خاکہ، جُگ جُگ اپنا رنگ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ نارد کہے جن بھگتو میَنوُں ویہاں مِنٹاں دا جدوں آؤندا چیتا، کچیچیاں لےَ لےَ کے دیاں وکھائیا۔ ایہہ کوئی تُہاڈے باپ دا نہیں نیتا، ایہہ سب دا پِتا مائیا۔ پر پھیر میَں ڈر جاندا اجّ دا دِن ایہدا بھگتاں نال ٹھیکا، اوہ ٹھیکیدار آکڑ وِچ میَنوُں رہے ڈرائیا۔ پر یاد رکھیو تُساں بھاویں میَنوُں نہیں ویکھیا میَں دروازے باہر ایسے نوُں متھا ٹیکا، نِو کے لاگا پائیا۔ نالے ہسّ کے کِہا میَں صاحِب تیرا بیٹا، اپنی

گودی لیَنا ٹِکائیا۔ پنڈتاں وِچوں پُت تیرا جیٹھا، جِس نوُں براہمنی گود نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے بھگتو میَں کُچھ لیکھا ہور آیا بُھل، سچ دیاں سُنائیا۔ اوہدے وِچ اِک صِفت لِکھی مالک کُل، جو کُل مالک نے آپ لِکھائیا۔ بھاویں کوٹن کوٹ جُگاں دی لکھّ چؤراسی ویچیئے اوہدا پوُرا نہیں ہُندا مُل، قیِمت سکے نہ کوئے چُکائیا۔ جِس دا اِک دوارا اِکو وار گیا کُھل، پھیر دروازہ بند نہ کوئے کرائیا۔ اوہدی جوت دا پرکاش تے نِرگُن دا دیِوا کدے نہ ہووے گُل، بِن تیل باتی جُگ جُگ کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نارد کہے جن بھگتو پریم نال مِلائیے پنجہ، پنچم دھار مِٹائیا۔ تُسی سوُربیِر بہادر تے میَں سِروں گنجا، بودی میرا نِشانہ رہی وکھائیا۔ میَں جِدھر ویکھاں میَنوُں اکھّر دِسدے بَونجا، باوَن دی دھار سوبھا پائیا۔ ہوا تکاّں تے پوَن اُننجا، پوَن پانی کھوج کھوجائیا۔ پر سب توں تُہاڈا پیار لگّے چنگا، چنگی طرح سُنائیا۔ تُہانوُں نیِندر آؤندی کوئی بِستر لبھے تے کوئی اندروں لبھے منجا، تے کوئی اکھّیِاں میٹ کے پھیر کھول وکھائیا۔ میَں اِک کھیل ویکھ کے ہویا حَیران تے اچنبھا، کی اچرج لیِلا پربھ نے دِتی رچائیا۔ سُتیاں جاگدیاں دوہاں دا دیوے سنگا، سگلا سنگ بنائیا۔ نارد کہے میَں جدوں آواں بھگتو میَنوُں کدی نہ سمجھیو اندھا، نیترہیِن نہ کوئے رکھائیا۔ بھاویں میریِاں دِسدیِاں نہیں ٹنگاں، دھڑ نظر کوئے نہ آئیا۔ میرا وجوُد نہیں کوئی بندہ، کلبوُت نہ کوئے رکھائیا۔ میَں نارد پنڈت میَں سَتگُر شبد جِس دے وِچ سارا انندا، انند انند وِچوں رکھائیا۔ اج دا دِن تُہاڈا خوشیاں دے نال لنگھا، پربھوُ دے ڈھولے گائیا۔ پر سویرے میَں اپنا کرمنڈل تے نال لےَ کے آواں گا ڈنڈا، میرا نؤ دا وقت نہ جانا بُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ سوُرا سربنگا، سوُربیِر بے نظیِر اِکو نظری آئیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر دلیِپ سِنگھ دے گرِہ

نارد کہے جن بھگتو میری جےَ، جےَ جَیونتی سیِس نِوائیا۔ سچ دسّو ایہہ اوہو پربھوُ ہےَ، جیہڑا کل راوی کنڈھے پھیرا پائیا۔ جِس نے ویکھیا پانی دی تھلّے تہہ، تہہ خانے پھول پھولائیا۔ جو ہر گھٹ اندر رہےَ، چؤراسی رہیا سمائیا۔ ہُن پِھرے بھگتاں دے گرِہ، گھر گھر ڈیرہ لائیا۔ جِس دے کول پریم دی نَیں، وہنا وہن وہائیا۔ میَں اُس دی بھیٹا لےَ کے آیا اِک شےَ، وست سچ سَت دیاں وکھائیا۔ جے سوامی میرا میَنوُں کہے، پھیر بھیٹا دیاں چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ نارد کہے جن بھگتو میرا وقت سُہایا، مِلی مان وڈیائیا۔ پت پرمیشور پایا، مِلیا بےپرواہیِا۔ میَں لکھّ لکھّ شُکر منایا، نِیوں نِیوں سیِس جھُکائیا۔ دُھر دا ڈھولا گایا، تُوں میرا ماہیِا۔ جِس نے بھگتاں نال میل مِلایا، جوڑ جُڑایا سہج سُبھائیا۔ میَں خوشیاں دے وِچ آیا، پِچھلا پندھ مُکائیا۔ گھڑیِاں گھڑیالاں اپنا نؤ دا وقت سُہایا، نؤواں دواریاں توں باہر میری شنوائیا۔ میَنوُں سچ دسّو کیہڑا تُہاڈا اپنا تے کیہڑا پرایا، کوَن وکھّری ونڈ ونڈائیا۔ کی ڈھولا تُساں گایا، میَنوُں دیؤ سُنائیا۔ نالے بھگتو بُجھو میَں کیہڑی ماں دا جایا، گودی کُکھ کوَن سُہائیا۔ میرا کیہڑا دائی دایا، دانیو دیاں جنائیا۔ میَں کیہڑا پُرکھ منایا، اِشٹ دیوَ کوَن اکھوائیا۔ میَں کوئی دے کے آیا نہیں کرایا، بھجیّا واہو داہیِا۔ پتہ نہیں کِس بِدھ نال میرے صاحِب نے ایتھے پہنچایا، پندھ دِتا مُکائیا۔ جاں نظر ماری اپنے نیَن اُٹھایا، اکھّ لئی بدلائیا۔ خوشی ہوئی میرے صاحِب دا سچ سِنگھاسن لایا، آسن کرے رُشنائیا۔ میَں وی ٹھیِک اپنے وقت نال سیِس جھُکایا، مستک چرناں اُتے ٹِکائیا۔ نالے لیکھا پِچھلا نال لیایا، گنڈھاں کھول کے دیاں وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سِر میرے رکھے چھایا، شہنشاہ مِہر نظر اُٹھائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر مکھّن سِنگھ دے گرِہ

نارد کہے جن بھگتو میَں چِٹھی لیاندی پُرانی، پُران اٹھاراں جِس دا راہ تکائیا۔ اُس دے وِچ اوتار پَیغمبر گُروُآں توں باہر بانی، اکھّراں ونڈ نہ کوئے ونڈائیا۔ جِس دا لہنا دینا باقی جو ہر گھٹ جان جانی، جاننہار وڈ وڈیائیا۔ نالے لیکھ لِکھیا پوُرن سوامی، پوُرن پوَن پانی پوُر رہیا سرب ٹھائینا۔ جِس دے لیکھے وِچ چارے کھانی، کھان والا شنکر وی اوسے نوُں سیِس نِوائیا۔ جِس دا ویس اولّڑا تُرک پٹھانی، عمل اپنے وِچ سمائیا۔ اوہ سب نوُں رہیا پُنی چھانی، چھاننا نام والا اِک لیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ چڑھائیا۔ نارد کہے پُرانی پترکا کہے پُکار، پُکار پُکار کے سُنائیا۔ پوُرن سَتگُر پوُرن دا یار، پوُرن پوُرن وِچ سمائیا۔ پوُرن اندر پوُرن باہر، پوُرن گُپت پوُرن ظاہر، ظاہر ظہوُر پوُرن نظری آئیا۔ پوُرن شبد پوُرن دھار، پوُرن سار شبد نال وڈیائیا۔ پوُرن جوت پوُرن آکار، نِراکار پوُرن روُپ درسائیا۔ تُسیں ہو جاوو ہوشیار، رہنا خبردار، نیَن لیَنا اُگھاڑ، اپنی اکھّ اکھّ وِچوں بدلائیا۔ میَں آ گیا ٹپّ کے جنگل تے پہاڑ، سمُند ساگراں کر کے پار، راوی دے کنارہ تٹ سوبھا پائیا۔ جِتھے مِلیا سانجھا یار، بنائے برخوردار، بِنا ہتّھاں توں دیوے پیار، مُحبّت دا مُحبّت روُپ بدلائیا۔ میری پُرانی پترکا کہے اِس پربھوُ نوُں اِک وار کرو نِمسکار، اِک نال انیک جنم دا لیکھا دئے مُکائیا۔ کیوں پوُرن پاتشاہ تے پوُرن سچّی سرکار، شہنشاہ پوُرن آپ اکھوائیا۔ پوُرن گھر پوُرن گرِہ پوُرن دربار، پوُرن سچکھنڈ ساچے سوبھا پائیا۔ کِتے آکڑ وِچ نہ آ جائیوکہ ساڈے دراں دا بنیا اوہ بِھکھار، ساتھوں منگ منگ کے اپنا جھٹ لنگھائیا۔ ایہہ تے ایہدی بخشش، والی دھار، جیہڑی امُلی دات تُہاڈی جھولی پائیا۔ میَں چار جُگ دا ویکھنہار، جُگ جُگ دھیان لگائیا۔ این پِچھے اپنیاں بھگتاں نوُں بھگتی وِچ رول رول دِتا مار، تسیہے جگت والے بُھگتائیا۔ آہ ویکھو میری پُرانی کِتاب، کہِندی اِکو ہُن دسّ کے، سوہنگ مہاراج شیرسِنگھ وِشنوُں بھگوان دی جےَ دا جَیکار، چار کھانی دا لیکھا دِتا مُکائیا۔ ایسے کر کے میَں وی بندناں کراں ڈنڈاوت کراں سجدہ کر چرناں دی لاواں دھوُڑی چھار، ٹِکّے مستک وِچ رمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بیڑا سچ دا کرے پار، اَگے ہو نہ کوئے اٹکائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر گنڈا سِنگھ دے گرِہ

نارد کہے جن بھگتو میَں پُرانی پُستکاں دی چُکی ڈگّی، بھار اپنے اُتے اُٹھائیا۔ سِر تے پگّ کوئی نہیں بدھّی، میری بودی دئے گواہیِا۔ میرے اندر اگّ پریم دی لگّی، پریمیِو دیاں سمجھائیا۔ میَں کوئی لالچی نہیں لبی، جگت واسنا نہ کوئے رکھائیا۔ میَں تُہاڈے وِچ آ گیا پَیری دبّی، ہؤلی ہؤلی پندھ مُکائیا۔ پربھوُ نے میل کیِتا سببی، میلا سب نال دِتا مِلائیا۔ ویکھیو کِتے براہمن نال مار نہ لِؤ ٹھگّی، میری پُستک نہ لیَنی چُرائیا۔ جِس وِچ لیکھ لِکھیا ساری سرِشٹی اِک دے حُکم وِچ ہونی بجھّی، حِصّہ ونڈ نہ کوئے ونڈائیا۔ اِکو سب نے پڑھنی پٹّی، ڈھولا گیِت اِکو گائیا۔ اِکو نام دی ہونی ہٹّی، ہٹوانا اِک اکھوائیا۔ اِکو وست سب نوُں مِلنی اِکٹّھی، اِکو دیونہار گوسائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی جوت جگے لٹ لٹی، پرکاش پرکاش روُپ سمائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر درشن کؤر دے گرِہ

نارد کہے جن بھگتو میری پُستک وِچ سب دے پُرانے ناں، جو نامزد پربھ نے دِتے کرائیا۔ میَں اوہناں دے آؤنا گراں، جِنہاں دا میلا نال بےپرواہیِا۔ میَنوُں چنگی لگدی تھاں، مِٹّی خاک سوبھا پائیا۔ میَں پنڈت ہو کے قسم کھاواں گاں، گٔو نوُں مُکھ رکھائیا۔ میری بُدھی نہیں کوئی وانگ کاں، کاگ وانگ کُرلائیا۔ میَں تے دسّن آیا بِنا پربھوُ توں پکڑے کوئی نہ بانہہ، اَگے ہوئے نہ کوئے سہائیا۔ سِر ملِے نہ ٹھنڈی چھاں، اگنی اگّ نہ کوئے بُجھائیا۔ کرے نہ کوئی واہ واہ، واہ واہ کہہ کے خوشی بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُہاڈے سب دے لیکھے میرے سیِس دِتے چُکا، چُک چُک کے بھجّاں واہو داہیِا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر رویل کؤر دے گرِہ

نارد کہے جن بھگتو دھرنی دی ویکھو خوشحالی، کی دھوَل اپنا رنگ وکھائیا۔ جِس دے بِنا مستک توں چڑھی لالی، لال گُلالا رنگ وکھائیا۔ کھیل تک نوُر اکالی، جوت دھار خوشی بنائیا۔ میرا گرِہ ہووے سچّی دھرمسالی، دھرم دوارا نظری آئیا۔ کلجُگ مِٹے کوُڑ کُڑیاری رَین کالی، سَتجُگ ساچا چند کرے رُشنائیا۔ پھل پُھل مہکنا دھرم دی ڈالی، چاروں کُنٹ خوشی بنائیا۔ کِرپا کرے میرا سوامی دو جہاناں والی، پت پرمیشور اپنی دَیا کمائیا۔ جِس دے در تے منگتے اوتار پَیغمبر گُروُ سوالی، سنت بھگت صوُفی بَیٹھے جھولیاں ڈاہیِا۔ اوہ کھیل کرے دیِن دُنی دا حالی، نِرگُن ہو کے ویکھ وکھائیا۔ جِس دا لہنا دینا بےمثالی، حرف حروُف بھیوَ کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے میری پُستک بِنا اکھّراں توں کہِندی، نِش اکھّر دھار جنائیا۔ جگت شرع نے لاؤنی مہندی، دیِن دُنی رنگ رنگائیا۔ کھیل ہونی دِشا لہِندی، محمد دی آشا دئے دُہائیا۔ عیسیٰ دھار مِل مِل بہِندی، موُسیٰ اکھّ مِلائیا۔ صدی چؤدھویِں انتم دِسے ڈھہِندی، خاکی خاک روُپ بدلائیا۔ دھار تکّنی اِکو شبد گُروُ دے حُکم نیَں دی، نِج نیَناں والیو ویکھاں چائیں چائنیا۔ اِکو آواز آؤنی انت پُرکھ اکال دی جےَ دی، دوُسر ڈھولا نہ کوئے شنوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کھیل کرے اگمّی اپنے ہوَے دی، حالت دیکھ خلق خُدائیا۔

۶ چیت شہنشاہی سمت نؤ بابوُپُر ضِلع گُرداس پُر ہزارا سِنگھ دے گرِہ

نارد کہے واہ اوۓ میریا قادرا، قُدرت دے مالک کی تیری بےپرواہیِا۔ تیرے واسطے چنگیِاں چنگیِاں وِچھن چادراں، وِچھؤنے سوبھا پائیا۔ میَں نؤ وجے دا آیا تے میریاں بُھکھیاں اندروں آندراں، کھان پیِن ہتّھ کُچھ نہ آئیا۔ میرا جی کردا تیرے در تے نچّاں پَیری پا کے جھانجراں، گھُنگٹ مُکھ تے رکھائیا۔ بن جاواں پریم والا راجھنا، ونجھلی تیرے نام والی وجائیا۔ تَینوُں پتہ لگ جاوے کِس طرح اپنیاں

بھگتاں نوُں سامبھنا، دِوس رَین گود ٹِکائیا۔ کِس پیار مُحبّت وِچ باندھنا، ڈوری تند کوَن رکھائیا۔ پر پہلوں تَینوُں دسّنا پؤُ کِس طرح میَنوُں ارادھنا، ہِردے وِچ وسائیا۔ جن بھگتو تُسیں نہیں ویکھدے میَں جان دا تُسیں پُرانیِاں میریِاں سچکھنڈ دیاں گوانڈھناں، سجےّ کھبےّ اَگے پِچھے بہہ کے جھٹ لنگھائیا۔ تُساں میَنوُں کِسے نہیں مارنی آوازنا، اُچی بول نہ کوئے جنائیا۔ میَں بُھکھا پر تُساں ضرور راجنا، رجّ کے اپنی خوشی بنائیا۔ ایہہ نؤ دا وقت میَں سچ دسّاں اوہ ویلا جِس ویلے گوبِند نے پہلے دِن اپنے ہتّھ توں اُڈایا بازنا، بازاں والے پھیر تالی دِتی وجائیا۔ نالے گایا اِک اگمّی راگنا، نارد کہے اوہ میرے بِن کنّاں والا سُنن کوئے نہ پائیا۔ اُس دا مُکھ واک کلغی والے نے کِہا میرے صاحِب نے تُہاڈا کایا دا بھانڈا اندروں مانجنا، آپ کرے صفائیا۔ اوہ تُہاڈی آپے کرے سادھنا، سادھ دُھر دے لئے بنائیا۔ اوہ ہنس بنائے کاگنا، کاگوں ہنس اُڈائیا۔ شبد سُنائے نادنا، دُھنی ناد جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، میل مِلائے آپ اپنی دَیا کمائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر پیارا سِنگھ دے گرِہ

نارد کہے میَں اِک گلّ کرن لگّا چنگی، جن بھگتو دیاں جنائیا۔ میَں کھیل ویکھدا رہیا گوداوری سُرستی جمنا گنگی، تیِرتھاں تٹاں ویکھ وکھائیا۔ میَں پیار وِچ اپنی منگ اِک منگی، آشا دِتی جنائیا۔ میَنوُں دسّو جِس ویلے دیِن دُنیا سِروں ہونی ننگی، اوڈھن نظر کوئے نہ آئیا۔ پربھوُ دے پیار دی ہوئی تنگی، تنگ دست دِسے لوکائیا۔ پِھر آواز آئی نانک نِرگُن دھار وجاؤنی سُرنگی، جِس دی راجا جنک دئے گواہیِا۔ پھیر کھیل ہونا وربھنڈی، برہمنڈی کھوج کھوجائیا۔ انت حُکم سُننا سوُرے سربنگی، جو شاہ پاتشاہ شہنشاہیِا۔ جِس نے سَتجُگ تریتا دواپر کلجُگ مانَو ذاتی دیِناں مذہباں وِچ ونڈی، اوتار پَیغمبراں گُروُآں توں حِصّے دِتے پوائیا۔ ہتّھاں وِچ پھڑا کے تیِر کمان تلوار چنڈی، کھنڈے کھڑگاں دِتیِاں کھڑکائیا۔ شرع دی شرع اُتے لا کے پابندی، نام کلمے وکھّرے وکھّرے سمجھائیا۔ اوہ لیکھا منگے نالے پِچھلی وِکھائے سندھی، جو سند اپنے حُکم نال بنائیا۔ نارد کہے اُس دا حُکم منّے اِکو سَتگُر شبد شبد بُھجنگی، جِس دیاں بُھجاں جنگھاں

نظر کوئے نہ آئیا۔ اُس دی آیوُ آد جُگادی جُگ چؤکڑی لمی، وِشن برہما شِو انت کہن کوئے نہ پائیا۔ اُس کلجُگ اَخیِر بے نظیِر کھیل ویکھنا جیِو جنت سادھ سنت مانَس دھار سَت اسَت پاکھنڈی، چاروں کُنٹ کھوج کھوجائیا۔ اُس ویلے کوٹاں وِچوں گُرمُکھ وِرلا جگت دیِن مذہب پار جائے لنگھی، بِنا قدماں توں قدم اُٹھائیا۔ جِتھے اِکو دات نام نِدھان جائے ونڈی، دوُسر نظر کوئے نہ آئیا۔ پرکاش ہوئے بِنا سوُریہ چندی، جوتی جاتا پُرکھ بِدھاتا ڈگمگائیا۔ اوہ گرِہ سُہنجنا جِس نوُں کہندے سچکھنڈی، درگاہ ساچی سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن دھار سدا بخشندی، بخشنہار اِکو بےپرواہیِا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر بھاگ سِنگھ دے گرِہ

نارد کہے میَں تُہانوُں ہُن دا دسّاں قِصّہ، بھگتو سچ سچ سُنائیا۔ میَنوُں رستے وِچ آئی نچھا، چھیِں چھیِں کر کے دِتا سُنائیا۔ پھیر اکھّر دِسیا جِس وِچ میرا لیکھ لِکھا، بِنا کاغذ توں سوبھا پائیا۔ اوہدے دوُجے پاسے گنگا گوداوری جمنا سُرستی نے دسّی اپنی اِچھا، انتشکرن دا انتم دِتا وکھائیا۔ سو نارد جے تُوں سانوُں پریم دی پائیں بِھچھا، ساڈا انتر دئیں رچائیا۔ میَں غُصّے وِچ جھٹ ہو گیا چِھتھا، زور زور نال دِرڑائیا۔ نی میرا اِکو پرمیشور پِتا، اِکو میری اگمّی مائیا۔ میَں تے سب نوُں جان دا جو دِسدا ایہو مِتھا، تِھر رہن کوئے نہ پائیا۔ جگت رس چار دِن دا مِٹھا، نار کنت سارے وِچھوڑے وِچ بھجّن واہو داہیِا۔ جے تسلّی نہیں آؤندی گنگا گوداوری جمنا سُرستی صدی چؤدھویِں انت ویکھ لؤ نِکلدا سِٹہ، کی سٹیبازی خلق خُدائیا۔ کِسے دے متھے رہنا نہیں سُہاگ دا ٹِکاّ، ٹِکّے والیِاں روون مارن دھاہیِا۔ کِسے دی گود وِچ بچّہ رہنا نہیں ٹِکا، دُدھی سیِر نہ کوئے وڈیائیا۔ مقبرے وِچ مُریِد مُرشد کہن ساڈے اُتے آب حِیات دا پَینا چھٹا، بوُند دُھر دی آپ برسائیا۔ کِسے نوُں سار نہیں اوہ صاحِب وسے کِہڑیاں وِچ پتّھر اِٹّا، پاہناں ڈیرہ لائیا۔ نالے نارد دوہتّھڑ مار کے پِٹّا، بہُڑی بہُڑی کر جنائیا۔ نی تُسیں ہو جاوو اِک چتا، چِنتمنی انت نہ کوئے رکھائیا۔ جے میرے نال کرنا حتہ، ہِتکاری ہو کے دیؤ وکھائیا۔ پہلوں میری بودی تے ویکھو

چار دِشا، چاروں کُنٹ دھیان لگائیا۔ کنّاں نوُں پھڑ کے کہو ساڈا اِکو ہووے وِشا، وِشوَ دا مالک ویکھ وکھائیا۔ پھیر پرتکے ویکھو اپنا پِچھا، دواپرتریتا سَتجُگ دھیان لگائیا۔ جِس ویلے آؤندا رہیا اوتار پَیغمبر گُروُ کھیل کر انڈِٹھا، اپنی کار بُھگتائیا۔ ساریاں نوُں نام دیاں دیندا رہیا لِکھ لِکھ کے چِٹا، کاغذاں والی گواہیِا۔ اپنا پیٹ ویکھو کھِٹا، کِتنیاں دیاں ہڈّیاں بَیٹھیاں اپنے وِچ آسن لائیا۔ کِتنیاں دیِاں بن گئیاں تُہاڈے اُتے چِتا، چِکھا اگنی نال جلائیا۔ ایہہ گلّ وڈی میری کہن دی نہیں وِتھا، وِستھار نال کی جنائیا۔ جے میرے نال رہ کے انت کھانا جے رُکھا مِسا، ویلے نال بُھکھیاں رہ کے جھٹ لنگھائیا۔ اجّ نؤ وجے توں کملیو تُہانوُں مِلیا نہیں مُنہ نوُں لاؤن لئی مِٹھا، دنداں والے دنداسے کمّ کِسے نہ آئیا۔ جے بھگت بننا سنت بننا گُرمُکھ بننا گُرسِکھ بننا گنگا گوداوری جمنا سُرستی پھیر پربھوُ دے پیار دی منگنی پئے بِھکھا، دوُجی آس نہ کوئے رکھائیا۔ آہ ویکھ لؤ تُہاڈا پُرانا لیکھ میری پُستک دے وِچ لِکھا، لیکھنی دُھر دی دئے گواہیِا۔ ایَویں تکّی نہ جاؤ بِٹ بِٹا، اکھّ اِک دوُجی نال مِلائیا۔ آہ ویکھ لؤ میرا پاندھی دا پَیر دا جوڑا پیا ٹھبا، ٹیڈھی چال نہ بدلائیا۔ میرا پھس گیا راوی دے وِچ ٹبّا، باہر سکیا نہ کوئے کڈھائیا۔ میَں پربھوُ دا پیارا پُت چِھندا، نی چِھندیو تُہانوُں دیاں سُنائیا۔ نی جے تُساں سچکھنڈ جانا تُہانوُں بھگتاں کول وِکھاواں جِندا، جِس دی کُنجی سَتگُر نے اوہناں ہتّھ پھڑائیا۔ بھاویں تُسیں میری کرو نِندا، میَں اوسے دے ڈھولے گائیا۔ اوہ صاحِب گُنی گہِندا، گہر گوَر بےپرواہیِا۔ دیِن دَیال سدا بخشندا، بخشش اپنی آپ کرائیا۔ اوہ سوامی صاحِب مہِنڈا، نارد کہے میری بودی چرناں نال چھوہ کے خوشی منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جن بھگتاں سب کُچھ دیندا، دیونہار وڈّی وڈیائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر سنتا سِنگھ دے گرِہ

بھگتی کہے سُن وے ناردا چھوکرا، چھوکریا تَینوُں دیاں سمجھائیا۔ تُوں کیوں سب نوُں ماریں ٹھوکرا، ٹُھکرا کے رہیا وکھائیا۔ اپنے سِر تے چُک کے پُرانا ٹوکرا، پُستکاں رہیا وکھائیا۔ موُرکھا تُوں چؤہ جُگاں دا اؤنترا، تیرا پُت دھی نظر کوئے نہ آئیا۔ جھٹ اَگوں نارد بدل کے

پینتڑا، بودی لئی اُٹھائیا۔ نی بھگتی تَینوُں کر کر کے کئی تھک گئے سال برس سیَنکڑا، ہزاراں دیِاں گِنتیِاں وِچ تپیئے تپ کمائیا۔ تُوں آکڑ وِچ پِھریں اپنی دسّیں ہَینکڑا، ہؤمے وِچ وڈیائیا۔ میَں تَینوُں اِک نِکّی جِہی مارن لگّا کینکرا، اِشارے نال سمجھائیا۔ ذرا کھول کے ویکھ لےَ اپنے نیترا، نیَناں والیئے نیَن لیَنا بدلائیا۔ ایہہ مہیِنہ رُت تے بسنتی ہوئی چیترا، چیتا پِچھلا یاد کرائیا۔ تَینوُں بھرِگوُ نے اِشارہ دِتا سی جِس ویلے پُرکھ اکال دا پرگٹ ہویا بیٹڑا، شبد شبدی روُپ بدلائیا۔ تیرا پھیر بُھل جانا اوہدے بھگتاں نوُں چیتڑا، تیری یاد نظر کوئے نہ آئیا۔ اُس دا اوہناں نال ہونا ٹھیِکڑا، پکّی اِکو گنڈھ پوائیا۔ جِس نے پِھرنا وِچ کھیتڑا، کھیتر ویکھے تھاؤں تھائنیا۔ اوہ نظری آئے نیتن نیتنا، نِج گھر بَیٹھا آسن لائیا۔ نارد کہے بھگتیئے تَینوُں سادھاں نے جگیاسوُآں دے گھر گھر ویچنا، تیری قیِمت کوئے نہ پائیا۔ تُوں پِھریں دیس پردیسنا، بھجیّ واہو داہیِا۔ تیری کُھلی ہونی گُت سوارے نہیں جانے کیسنا، پٹّی سیِس نہ کوئے گُندائیا۔ کیوں جِس ویلے روُپ شبد دا بدل کے آ گیا دس دسمیشنا، دہ دِشا اپنا حُکم ورتائیا۔ پھیر تُوں دوُر دُراڈی نے ویکھنا، ہتّھ متھے اُتے ٹِکائیا۔ نالے حَیران ہونا جِس صاحِب نوُں صاحِب منّ کے پاپیِاں اپرادھیِاں نے متھا ٹیکنا، اوہناں نوُں وی پار لنگھائیا۔ نارد کہے میریِاں پُرانیِاں پُستکاں وِچ سب دیاں لِکھیاں ریکھنا، بِنا پربھوُ توں ریکھ سکیا نہ کوئے بدلائیا۔ میری اُس صاحِب نوُں آدیسنا، جو سب دیساں دا مالک اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد رہے ہمیشنا، جُگ جُگ اپنا حُکم ورتائیا۔

۶ چیت شہنشاہی سمت نؤ پِنڈ بابوُ پُر ضِلع گُرداس پُر ہزارا سِنگھ دے گرِہ

نارد کہے جن بھگتو میری کرمنڈلی دیِاں ہسدیاں بُلیاں، ہسّ ہسّ کے رہی وکھائیا۔ میَں آئی بھگتاں دے پریم والیِاں کُلیّاں، کُل دے مالک دِتی وڈیائیا۔ کرمنڈلی کہے جے میَنوُں سویر دا کُچھ کھان پین نہیں دِتا تے میرے وِچ مُٹھ پا دیؤ پُھلیاں، میَں پُھل پُھل کے اپنا آپ لَواں بدلائیا۔ نالے ہسّ کے ویکھاں ایہہ آتما نہیں رُلیاں، جو پربھ دے چرناں وِچ سمائیا۔ میَں گنگا گوداوری جمنا سُرستی نوُں کہاں تُسیں ہُن کر

لؤ کُرلیِاں، مُنہ دھو کے دند صاف کرائیا۔ نی تُسیں اَگے سُن دیِاں رہیِاں کاہن دیِاں مُرلیِاں، بنسریِاں والے راگ چائیں چائنیا۔ تے ہُن تُہانوُں بہنا پےَ گیا بھگتاں دی اُتے کُھرلیِاں، کُھرلے کڈھن والیو لیَنا دھیان لگائیا۔ اِدھر اُدھر سجےّ کھبےّ نہ ماریو دُھرلیاں، دھرم نال دُھر دا مالک رہیا سُنائیا۔ نارد کہے اجّ میَں خوشیاں وِچ چلاواں گا شُرلیِاں، شرع نوُں اگّ نال دینا سڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ نِہکلنک نرائن نر، مہاراج شیرسِنگھ وِشنوُں بھگوان، سب دیِاں کھیلاں ویکھے اُرلیِاں تے پرلیِاں، اُرے پرے دو جہاناں ویکھ وکھائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر مُنشا سِنگھ دے گرِہ

نارد کہے جن بھگتو میری کرمنڈلی پڑھ کے پہاڑا سِکھ کے آئی دوُنی، دو دوُنی چار کہہ کے رہی سُنائیا۔ نالے دسےّ پریمیو پیاریو پریم دی میَتھوں سِکھو کوُنی، رسنا رس نال وڈیائیا۔ میرے وِچ اوہ راکھ جیہڑی کؤرواں پانڈواں نوُں کھپا بَیٹھی وِچ اکشوُنی، انگِنتاں انگِنتا نوُں اپنے وِچ ٹِکائیا۔ پتہ نہیں کِتنے سادھوُ تاء کے گئے دھوُنی، تن اگن نال تپائیا۔ میَں جدوں ویکھاں تے ایہہ اوُنی دی اوُنی، بھرن والا نظر کوئے نہ آئیا۔ میَنوُں ساریاں دسّیا پربھوُ نوُں مِلنا سِلّ چٹنی پئے الوُنی، گھاٹی پار نہ کوئے کرائیا۔ بِنا اُس توں کٹی نہ جائے کِسے دی جوُنی، جوُنیِاں وِچ پِھرے خلق خُدائیا۔ اوہ ہتّھ نہ آوے کِسے رِکھی مُنی، مُنیِشر روون مارن دھاہیِا۔ پتہ نہیں جن بھگتو تُہاڈی پُکار کِس طرح سُنی، کِس بِدھ اپنا جوڑ جُڑائیا۔ تُہاڈے اندر دے کے پریم دی دُھنی، سوئی سُرتی لئی اُٹھائیا۔ بھنڈارا دے کے بہُہ گُنی، گُنونت دِتا ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مالک حق کُن کُنی، بے پرواہ اِک اکھوائیا۔

۶ چیت شہنشاہی سمت نؤ پِنڈ بابوُ پُر ضِلع گُرداس پُر سوَرن کؤر دے گرِہ

نارد کہے میری کرمنڈلی نوُں آہ ویکھ لؤ میرا ڈراوے ڈنڈا، جو ڈنڈاوت رہیا جنائیا۔ پر جدوں میَنوُں چیتا آؤندا میَں ویکھاں راوی دا کنڈھا، کنڈھی گھاٹ دھیان لگائیا۔ جِتھوں امرت رس پانی ملِے ٹھنڈا، اگنی تت بُجھائیا۔ وِچھڑیاں میلا مِلیا پائے گنڈھا، گنڈھنہار اِک اکھوائیا۔ آتم دیوے انندا، سُکھ آتم وِچ جنائیا۔ ایہہ کھیل سوامی سندا، جو سَتگُر رہیا کرائیا۔ جِس دا آد جُگادی سفر بڑا لمبا، پیَنڈا سکے نہ کوئے مُکائیا۔ جِس ویلے آپ چاہے جن بھگت پہنچائے وِچ سچکھنڈا، سچ دوارے آپ ٹِکائیا۔ میرا دیِن دَیال سدا بخشندا، بخشش رحمت رحیِم آپ ورتائیا۔ جِس نِشانہ پوُرا کرنا تارا چندا، چند سِتاریاں سنگ بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آتم پرماتم بخشے اِکو پرمانندا، جو پرم انند وِچ سمائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر دلیِپ سِنگھ دے گرِہ

نارد کہے جن بھگتو سارے اپنی ویکھو راسی، کُنڈلی کی جنائیا۔ کِس بِدھ ہووے خلاصی، ناتا تُٹے کوُڑ لوکائیا۔ پندھ نہ رہے چؤراسی، چُراہا نظر کوئے نہ آئیا۔ ملِے میل شاہو شاباشی، جو شہنشاہ دُھردرگاہیِا۔ آتم پرماتم دئے نِواسی، نِج گھر اپنا آپ سُہائیا۔ جھگڑا مُک جائے پرِتھمی آکاشی، گگن گگننتراں پندھ رہے نہ رائیا۔ پھیر خوشیاں وِچ کریئے ہاسی، ہستّی تک بےپرواہیِا۔ شنکر حَیران ہووے کَیلاشی، حَیرت وِچ ویکھ وکھائیا۔ جِنہاں اُتے کِرپا کرے پُرکھ ابناشی، ہرِ کرتا دُھردرگاہیِا۔ اوہناں اندروں دُبدھا ناسی، مایا ممتا نہ کو رُڑھائیا۔ رائے دھرم نہ دیوے پھاسی، چؤراسی وِچ نہ گیڑ رکھائیا۔ میَں اِک خبر سب توں اچھی آکھی، اکھّراں توں باہر دیاں سُنائیا۔ اپنے صاحِب اَگے ارداس کرو جے کدے بچّے کر جان گُستاخی، غُصّے وِچ غُصّہ نہ کدے رکھائیا۔ جِس ویلے منگن مُعافی، بخشنہار بخشش جھولی

دینی پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، مِہر کرنی لوک ماتی، مات لوک ہونا سہائیا۔

۶ چیت شہنشاہی سمت نؤ پِنڈ بابوُ پُر ضِلع گُرداس پُر پیاری دے گرِہ

نارد کہے جن بھگتو میَنوُں کوئی پُچھ لؤ پانی جاں دُدھ، میَں پیاسا پِھراں چائیں چائنیا۔ میَنوُں پتہ نہیں میری ہوش ٹِکانے نہیں سُدھ، سُدی ودی دی ونڈ نہ کوئے ونڈائیا۔ میری اُچی نہیں کوئی بُدھ، بُدھی والیو دیاں سمجھائیا۔ تُسیں سارے ویکھ لؤ ایہہ چؤتھا جُگ، جُگتی والے دھیان لگائیا۔ جِس وِچ اوتاراں پَیغمبراں گُروُآں دی اؤدھ رہی پُگ، پوُجا استھان سارے دین گواہیِا۔ پتہ نہیں کیہڑے ویلے کیہڑے سمیں کیہڑے تھاں کیہڑی دھرتی اُتے لگّنا یُدھ، یودھیو یُدِھشٹر دی آسا ویکھ وکھائیا۔ سب دیِاں منیاداں رہیاں پُگ، پٹیداری اَگے نہ کوئے بنائیا۔ پر کِڈا سوہنا دِہاڑا تِیوہار تے مہیِنہ چیت شُبھ، سوبھاوَنت دیاں سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سچ دوارا جن بھگتاں جِتھے جائے پُج، آپ اپنی دَیا کمائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر بخشیِش سِنگھ دے گرِہ

نارد کہے میریِاں گھّس گئیاں تلیِاں، تلاباں کنڈھیاں پھیرا پائیا۔ میَں ویکھن چلا گیا پَیغمبر ولیِاں، علیِاں کھوج کھوجائیا۔ میَں مقبریاں تے تکّن گیا تیل دیاں پلیِاں، جو شمع وِچ ٹِکائیا۔ پھیر ویکھن لگّا جگت دیِاں خواہشاں کوُڑ نال رلیِاں، رنگ رلیِاں رہے منائیا۔ پھیر ویکھیا یودھیاں بلیِاں، بَل اپنا آپ ودھائیا۔ پھیر تکیا باغاں دیاں کلیِاں، جو مہک وِچ مہکائیا۔ پھیر ویکھیا لوُن دیِاں ڈلیِاں، جو اپنا آپ مِٹائیا۔ پھیر تکیا اگمّی ولیا چھلیا، اچھل چھلدھاری نوُر الاہیِا۔ میَں خوشی وِچ پاوَن لگّا جلیِاں، ٹپّاں واہو داہیِا۔ جِس دے دوارے آتما پرماتما دے پیار وِچ کھلیاں، کھلوتیاں سوبھا پائیا۔ میَنوُں سب دیاں چنگیاں لگّن گلّیِاں، سُن سُن خوشی بنائیا۔ نارد کہے میریِاں اندروں ہڈّیِاں

گئیاں سلّیِاں، سُراخ آر پار نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سچ سِنگھاسن جن بھگتاں گرِہ جگہ ملّیاں، مالک ہو کے ویکھ وکھائیا۔

۶ چیت شہنشاہی سمت نؤ پِنڈ بابوُ پُر ضِلع گُرداس پُر مہِندر کؤر دے گرِہ

نارد کہے میَں پِھردا نال شتابی، چھتردھاری ویکھ وکھائیا۔ میَں ویکھاں محل محرابی، جِتھے محبوُب وسے بےپرواہیِا۔ جِس دا روُپ انوُپ پنجابی، پنجاں دریاواں دے وہناں گہراں پھول پھولائیا۔ اوہناں اِکو روُپ حقیِقی تے مجازی، مِزاج اپنے وِچ رکھائیا۔ جو امرت دیوے حیاتے آبی، اِکو رس چوائیا۔ اوہناں لیکھا نہیں شاستراں نال کِتابی، دُھر دا حُکم اِک سُنائیا۔ جن بھگت سُہیلے خوشیاں وِچ رکھے راضی، رازق رِزق رحیِم ہوئے سہائیا۔ جِنہاں دی انتر آتم جاگی، پرماتم ہو کے میلا میلے چائیں چائنیا۔ سچ گرِہ بن اِمدادی، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ہرِجن بنائے سدا وڈبھاگی، بھاگ ہیِن نظر کوئے نہ آئیا۔

۶ چیت شہنشاہی سمت نؤ بابوُ پُر ضِلع گُرداس پُر ہرنام کؤر دے گرِہ

نارد کہے جن بھگتو تُہانوُں بننا پَینا وَیراگی، وَیری اندروں باہر کڈھائیا۔ کوُڑی کِریا دے بننا پَینا تیاگی، ترےَگُن دا پندھ چُکائیا۔ ہنس ہونا پَینا کاگی، سوہنگ مانک موتی چوگ مُکھ لگائیا۔ دُرمت میَل دھونا پَینا داغی، کوُڑی کِریا کر صفائیا۔ انتر اِکو لِو ہووے لاگی، دوُجا اِشٹ نہ کوئے منائیا۔ لوک مات بننا وڈبھاگی، بھاگ ہیِن نظر کوئے نہ آئیا۔ تُہانوُں بُھکھ ننگ کاہدی، میَں سچ دیاں سُنائیا۔ جِنہاں دے اُتے پُرکھ اکالا دیِن دَیالا ہویا راضی، رازق رِزق رحیِم ویکھنہار وڈیائیا۔ جِس شرع میٹنی مُلّا قاضی، قزاقاں پندھ چُکائیا۔ دیِن مذہباں جو حِصّے ونڈے زِمیں اُتے اراضی، عارضی سب نوُں دِتے وکھائیا۔ انتم سب دا لیکھا پوُرا کرے کِسے دی رہن نہ دیوے نراضی،

ناراضگی وِچ کدے نہ آئیا۔ چار ورن اٹھاراں برن دیِناں مذہباں اِکو وار اپنی ہارنی بازی، بازاں والا ویکھ وکھائیا۔ جو نانک لیکھا لِکھیا بغدادی، ربابی مردانہ صِفت صالاحیِا۔ اُس دا کھیل اگمّا لوک مات کرے شتابی، شرع دے لیکھے دئے مُکائیا۔ جِس دا حُکم سدا اِکسادی، ایکنکار آپ اکھوائیا۔ جُگ چؤکڑی جِس دی باندی، نِو نِو سیِس جھُکائیا۔ اوہ صاحِب سوامی بن کے پاندھی، نوَ ستّ ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آتم پرماتم اِکو تُک گاندی، تُوں میرا میَں تیرا راگ الائیا۔

۶ چیت شہنشاہی سمت نؤ پِنڈ بابوُپُر ضِلع گُرداس پُر وِرسا سِنگھ دے گرِہ

نارد کہے میری کرمنڈلی نال ڈنڈا بدھّا، گنڈھ جگت والی پائیا۔ میَں ہتّھ لایا تے ہِلیا اَدھا، اَدھا ہِل نہ سکیا رائیا۔ میَں پِھر سندیسے وِچ دِتا سدّا، گنگا گوداوری جمنا سُرستی لئیاں بُلائیا۔ آؤ ایہنوُں کریئے سِدھا، زور نال کھِچائیا۔ اوہ میَنوُں کہن کِداں، بِدھی دے دِرڑائیا۔ میَں کِہا پہلوں میَنوُں پا کے وکھاؤ گدھا، نچّ کے دیؤ جنائیا۔ پھیر ہتّھ مارو میرے اُتے ڈِھڈا، میری ہڈّی پسلی لئے انگڑائیا۔ پھیر زنانیاں والی اڑی دا رکھو سِڈا، میرے ولّوں مُکھ بھوائیا۔ زور دی پھیر میَں لگاواں ٹھیڈا، تُہانوُں دیاں ہِلائیا۔ تُسیں کہو نہ کر پنڈتا چھل ایڈا، چھلیا روُپ بنائیا۔ پھیر میَں کہوُن میَں کوئی سُنان نہیں چارن والا بھیڈا، بھجّا واہو داہیِا۔ ایہہ میریِاں تُہاڈے نال جگت والیِاں کھیڈاں، کھِڈاری ہو کے دیاں سُنائیا۔ میَں پِچھے نالوں تُہاڈے نال پریم کر ڈیوڈا، اِک نال اَدھا دیاں مِلائیا۔ تُسیں نِگاہ مار لؤ تُہاڈے تیِرتھاں تٹاں اُتے دھیِاں بھَیناں نوُں ہُندیاں جھیڈا، مسخرے مسخریِاں وِچ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چارے کہن سُن وے نارد گنجیا، تَینوُں دئیے جنائیا۔ تُوں کیہڑے وہناں وِچ لنگھیا، کوَن پتن ڈیرہ لائیا۔ کیہڑے سِنگھاسن سُتوں منجیا، سُکھ آسن کوَن چتُرائیا۔ تُوں کِنّا مدھرا تے کِنّا لمیا، لنبوُ لاؤن والیا سانوُں دے دِرڑائیا۔ کیہڑا ماریا پندھیا، بھجیّا چائیں چائنیا۔ کیوں سانوُں پھساؤنا وِچ پھندیا، پھاندکی روُپ بدلائیا۔ اوہ تک لےَ نِشان مِٹدا جاندا تارا چنّیا، محمد اِشارے

نال درسائیا۔ کیوں اُس دے پِچھے لگّا تیرے کرمنڈل دے نال بدھّا ڈنڈیا، جو ڈنڈاوت سب دی دئے بدلائیا۔ جِس پِھرنا وِچ برہمنڈیا، کھنڈاں وربھنڈاں دھیان لگائیا۔ اُمت لہنا دینا پوُرا کرنا جیرج انڈیا، اُتبُھج سیتج لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سوُرا سربنگیا، شاہ پاتشاہ بےپرواہیِا۔