کتب خانہGranth 23 (Shahmukhi)

۱۲ چیت شہنشاہی سمت نؤ شہر لُدھیانہ نِرنجن سِنگھ دے گرِہ

دھرنی کہے پربھ سُن بیننتی، عرض آرزو دیاں سُنائیا۔ میَں درویشن در تے منگتی، خالی جھولی اَگے ڈاہیِا۔ پیار بخش دے دھرم دھار دی سنگتی، آتم پرماتم سنگ بنائیا۔ گڑھ توڑ دے ہؤمے ہنگتی، ہنگ برہم اِک جنائیا۔ سرِشٹی دھار بنا دے ساچے سنت دی، صاحِب سَتگُر تیری سرنائیا۔ مُحبّت دسّ اگمّی کنت دی، کنت کنتُوہل تیری وڈیائیا۔ رُت سُہنجنی کر بسنت دی، چارے کھانی آپ مہکائیا۔ کلجُگ کھیل تک لےَ انت دی، انتشکرن ویکھ خلق خُدائیا۔ وڈیائی رہی نہ کِسے پنڈت دی، پُستکاں چلے نہ کوئے چتُرائیا۔ آشا تک لےَ شہنشاہی نؤ سمت دی، سماں سمیں وِچوں جنائیا۔ کی کھیل ہونی اُمت دی، نبی رسوُلاں دے دِرڑائیا۔ کِس بِدھ کھیل مُکنی سُنّت دی، سَت سَت وِچوں بدلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ میَں تیرے در دی درویش، بِھکھارن نظری آئیا۔ تُوں سوامی مالک اِک نریش، نر نرائن تیری وڈیائیا۔ تُوں سدا رہیں ہمیش، جُگ چؤکڑی کھیل کھِلائیا۔ میری تیرے چرن کوَلاں وِچ آدیس، نِو نِو لاگا پائیا۔ تیرا کھیل اگمےّ دیس، سچکھنڈ ساچے وجےّ ودھائیا۔ میری بیننتی سُن لےَ ایک، ایکنکار دیاں دِرڑائیا۔ مِہربانا محبوُبا میَں تیری رکھی ٹیک، ٹِکّے دھوُڑی خاک رمائیا۔ میَنوُں ترےَگُن اگن ساڑی جائے سیک، امرت میگھ نہ کوئے برسائیا۔ میرے کول اوتار پَیغمبراں گُروُآں والا لیکھ، جو بھوِکھتاں وِچ گئے سمجھائیا۔ میَں اُس دا راہ تکاّں ہمیش، ہم ساجن ویکھ وکھائیا۔ جِس میرے اُتوں میٹنا کل کلیش، کل کلکی پھیرا پائیا۔ اُس سُہنجنا کرنا سمبل دیس، دیس دیسانترہ ویکھ وکھائیا۔ کوُڑی کِریا کرنی کھیت، رن بھوُمی خاک اُڈائیا۔ دھرنی کہے میرے اُتے سُہنجنا مہیِنہ چڑھیا چیت، میَں چاترک وانگ بِللائیا۔ میرے سوامی کِرپا کردے نیتن نیت، نیرن نیر تیری وڈیائیا۔ میَں نِمانی تیرے چرناں وِچ رہی لیٹ، دھوُڑی خاک خاک

رمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ دھرنی کہے واسطہ پاواں، مِہربان تیری سرنائیا۔ نِت ڈھولے تیرے گاواں، گا گا شُکر منائیا۔ نِرگُن سوامی تیرا راہ تکاواں، چارے کُنٹاں ویکھ وکھائیا۔ اُچی کوُک کوُک سُناواں، دروہی دروہی تیرا نام دُہائیا۔ اپنیِاں بُھجاں باہواں اُٹھاواں، نیتراں نال لواں انگڑائیا۔ تَینوُں برہمنڈاں کھنڈاں دے ویکھاں وِچ گراواں، پُریِاں لوآں دیِاں گلیاں راہ تکائیا۔ میَں پِھردی روھاں نال چاواں، چاؤ گھنیرا اِک جنائیا۔ انتر نِرنتر تَینوُں راواں، جو روَیا ہر گھٹ تھائنیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ میری آد جُگاد منگن دی عادت، بُھکھی ننگی جھولی ڈاہیِا۔ صدی چؤدھویِں تک لےَ حالت، بِن اکھّاں اکھّ اُٹھائیا۔ چاروں کُنٹ ہوئی جہالت، سچ وِچ نہ کوئے سمائیا۔ نام کلمہ کرے کوَن وکالت، وُکلا نظر کوئے نہ آئیا۔ تیری اِکو حق عدالت، حقیِقت دے مالک منگ منگائیا۔ میری دیوے نہ کوئے ضمانت، ضامنی سکے نہ کوئے کرائیا۔ مِہربانا مِہربانا مِہربانا اِکو پریم دی کر سخاوت، وست اگمّ اتھاہ ورتائیا۔ ساچی دات دے نیامت، امولک آپ ورتائیا۔ میَنوُں اِیوں جاپدا میرے اُتے آؤن والی قیامت، قیامگاہ رہن کوئے نہ پائیا۔ تُدھ بِن دِسے نہ کوئی صحیح سلامت، سَت وِچ نہ کوئے سمائیا۔ کلجُگ چاروں کُنٹ پائی عداوت، جھگڑا کرے کوُڑ لوکائیا۔ جِدھر تکاّں اودھر منوُآ کرے عداوت، دوَیتی پندھ نہ کوئے مُکائیا۔ تُوں آد پُرکھ اپرمپر سوامی پروردِگار صحیح سلامت، صُلح کُل اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ میَں جگت بُھکھی پیاسی، میری ترِپت نہ کوئے کرائیا۔ جُگ چؤکڑی رکھی آسی، آسا تیرے وِچ ٹِکائیا۔ نیَن اُٹھاؤندی رہی ولّ آکاشی، آکاش آکاشاں کھوج کھوجائیا۔ کوَن ویلا پربھ جوت ہووے پرکاشی، پرکاش اپنا دئے وکھائیا۔ میری اُتر جائے اُداسی، چِنتا غمی رہن نہ پائیا۔ پھیر میَں سندیسہ دیواں شنکر اُتے کَیلاشی، برہمے برہم دیاں دِرڑائیا۔ وِشنوُں کھیل تکّے کی کرے آپ ابناشی، کرتا دُھردرگاہیِا۔ میری اِک بیننتی منظور کریں باتی، باطن دیاں جنائیا۔ پُرکھ اکالے دیِن دَیالے کلجُگ میٹ اندھیری راتی، سَتجُگ سچ چند چمکائیا۔ آتم پرماتم تیری ہووے گاتھی، گہر گمبھیِر بے نظیِر دینا دِرڑائیا۔ سب دی اِکو منزل دسّ کے گھاٹی، گھاٹا دیِن دُنی پوُر کرائیا۔ میرے اُتوں کوُڑ کُڑیار دا پندھ مُکا دے واٹی، اَگے آیوُ ہور نہ کوئے ودھائیا۔ میَں دوویں جوڑ کے بیننتی کراں ہاتھی، ہتھیلی

ہتھیلی نال مِلائیا۔ تُوں پُرکھ اکالا سرب کلا سمراتھی، بھرپوُر رہیا سرب ٹھائینا۔ میَں خاکی ماٹ دِسے ماٹی، تن وجوُد نہ کوئے سُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، میری پوُری کردے آسی، آساوَند ہو کے در تیرے منگ منگائیا۔

سَتگُر پوُرا بخشے ہِت، ہِتکاری ہو کے ویکھ وکھائیا۔ دُکھ دلِدر کٹّے جو لگّا نِت، انتر ویکھے چائیں چائنیا۔ جِنّ خبیِث جو وسے چِت، چیتن سب نوُں دئے کرائیا۔ سب دا نِشان جائے مِٹ، مِٹّی خاک وِچ رلائیا۔ اپنے گھر جا کے سوہنگ لِکھنا اُتے اِٹّ، دہلیز اَگے دینا دبائیا۔ پھیر بھوُت پریت نَٹھ جان پِٹ پِٹ، پِیو دادا رہن کوئے نہ پائیا۔ جیِت کؤر پریم نال جائے ٹِک، بنس خوشیاں جھٹ لنگھائیا۔ اِکو پیار دی ہووے سِک، پریم سَتگُر سرن سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مہاراج شیرسِنگھ وِشنوُں بھگوان، حُکم سندیسہ دیوے اِک امِٹ، میٹنہار نظر کوئے نہ آئیا۔

۱۳ چیت شہنشاہی سمت نؤ لُدھیانہ شہر ملکیِت سِنگھ دے گرِہ

دھرنی کہے پربھوُ میَں نِمانی دھوَلی، دھرم دھار تیری سرنائیا۔ تُوں نوُر الاہی اولی، عالمیِن تیری وڈیائیا۔ میَں برہوں وِچھوڑے وِچ ہوئی کملی، کامل مُرشد ہو سہائیا۔ کلجُگ کوُڑی کِریا کیِتا بوَلی، بُدھ بِبیک نہ کوئے کرائیا۔ تُوں مِہربان ہو کے میرے اُتے موَلیں، مؤلا ہو کے کھیل کھِلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک تیری بےپرواہیِا۔ دھرنی کہے میَں نِمانی دھرت، در ٹھانڈے سیِس نِوائیا۔ جے سوامی آئیوں پرت، پت پرمیشور ویس وٹائیا۔ میری پوُری کر دے شرط، شرع دا لیکھا رہے نہ رائیا۔ غریِب نِمانیاں ونڈ درد، دُکھیِاں ہو سہائیا۔ در ٹھانڈے کراں عرض، بیننتی اِک سُنائیا۔ تُوں یودھا سوُربیِر مردانہ مرد، بےعیب نوُر خُدائیا۔ قاتل مقتُول دا لیکھا مُکا کرد، دیِن دُنی رہی کُرلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے

سیِس نِوائیا۔ دھرنی کہے پربھوُ میَں نِمانی دھؤل، دو جہاناں والی سیِس نِوائیا۔ میرا پوُرا کردے قؤل، اِقرارنامہ ویکھ وکھائیا۔ جِس دا لیکھا کوئی نہ جانے پنڈت پاندھا رؤل، رِکھی مُنی سمجھ کوئے نہ پائیا۔ میَں تیرا اِکو شبد سُننا چاہُندی بول، انبولت دینا دِرڑائیا۔ چار کُنٹ تیرے نام دا مردنگا وجےّ ڈھول، نوَ ستّ کرے رُشنائیا۔ سچکھنڈ دوارا اِکو کھول، در دربارا سوبھا پائیا۔ تُوں وس سدا بھگتاں کول، کُل مالک دَیا کمائیا۔ میَں نِمانی انبھول، بےسُدھ ہو کے رہی جنائیا۔ تُوں سوامی میرا اڈول، گہر گمبھیِر آپ ورتائیا۔ دھرم ترازوُ آپے تول، نؤواں کھنڈاں کنڈا آپ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، میرا بھار کردے ہؤل، پتت پاپیِاں پندھ مُکائیا۔

۱۳ کھیت شہنشاہی سمت نؤ لُدھیانہ شہر سُرجن سِنگھ لال سِنگھ دے گرِہ

دھرنی کہے پربھوُ میَں کوجھی کملی نِکمی، در تیرے سیِس نِوائیا۔ تیرے انتروں نِرنتروں جمّی، جنم دین والی کوئے نہ مائیا۔ میَں جگت نیترہیِن انّھی، تیرا نوُر نوُر نوُرانہ نہ نظری آئیا۔ میَں شبد سُنیا نہیں کوئی کنّیں، سرون سکے نہ کوئے سمجھائیا۔ تُوں پُرکھ اکالا دیِن دَیالا وڈ دھن دھنی، دھناڈھ اِک اکھوائیا۔ پیار مُحبّت وِچ میَنوُں پھڑا دے اپنی کنّی، کنّا گوبِند والا دئے گواہیِا۔ میری اِک بیننتی منّی، آرزو تیرے اَگے رکھائیا۔ سَتگُر شبد دا چاڑھیں چنّی، نِرگُن نوُر کر رُشنائیا۔ میری انت میٹ دے غمی، غم خوار ہونا سہائیا۔ میَنوُں لالچ نہیں کوئی طمی، تمنّا اوَر نہ کوئے جنائیا۔ میَں دِوس رَین پِھراں بھنّی، جُگ چؤکڑی چلاں واہو داہیِا۔ مِہربان محبوُب کوُڑی کِریا میرے اُتوں ڈنّی، ڈنکا اپنا نام وجائیا۔ گڑھ ہنکاری بھنّی، ہؤمے ہنگتا دینی گوائیا۔ کوُڑ کُڑیار دی آیوُ رہن نہ دیویں لمی، میَں لمی پےَ کے سیِس نِوائیا۔ تُوں گگن رہائے بِنا تھمھی، سہارا تیرا اِکو نظری آئیا۔ میَں یاد کراں دم دمی، سواس سواساں وِچ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ صاحِب تیری سرنائیا۔ دھرنی کہے پربھوُ میَں کوجھی، کملی کہن کُچھ نہ پائیا۔ میَنوُں اپنی دے دے سوجھی، سُدھ بُدھ دے بدلائیا۔ تُوں پریِتم میرا چوجی، دُھر مالک اِک اکھوائیا۔ میَں چار جُگ دی روگی، روگن ہو کے حال

سُنائیا۔ کلجُگ جیِو کوُڑ کُڑیار میرے اُتے بھوگی، بھسمڑ روُپ نہ کوئے بدلائیا۔ آتم دھار ہوئی وِیوگی، پاربرہم برہم میل نہ کوئے مِلائیا۔ میرے اُتے اِشارہ دے کے گئے ویدی سوڈھی، سندیسے نام والے جنائیا۔ تیرا کھیل ویکھے پُرکھ اکالا جِس دی اپنی کھیل گھروگی، نِرگُن اپنی دَیا کمائیا۔ میَں نِگاہ ماری لوک پرلوکی، دو جہاناں ویکھ وکھائیا۔ تیرا سُنیا شبد سلوکی، تُوں میرا میَں تیرا ڈھولا اگمّ اتھاہیِا۔ میری خواہش مُکی جگت موہ دی، مُحبّت تیرے چرناں نال رکھائیا۔ وڈیائی دے دے اپنی چھوہ کی، شؤہر بانکے تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے آس رکھائیا۔ دھرنی کہے پربھوُ میرا ویکھ لےَ آپے کرم، کرم کانڈ دا پندھ مُکائیا۔ سَت رہیا کوئی نہ دھرم، دھرماتما نظر کوئے نہ آئیا۔ جھگڑا دِسے ورن برن، کھتری براہمن شوُدر وَیش رہے کُرلائیا۔ جگت اِشارہ تک چرم، چمّ درِشٹی وِچ دُہائیا۔ کوئی نہ بھنےّ بھانڈا بھرم، بھےَ بھؤ نہ کوئے رکھائیا۔ میَں انت کنت بھگوَنت منگاں اِکو تیری سرن، سرنگت اِک رکھائیا۔ سچ پریِتی دے دے چرن، چرن چرنودک دُھر دا جام پیائیا۔ میرے اُتے تک چار کُنٹ مانَو مانَس لڑن، منُکھتا بَیٹھی مُکھ چُھپائیا۔ تیری منزل موُل نہ چڑھن، سچکھنڈ دوار مِلن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، میَں چاہُندی سرِشٹی درِشٹی اندر اِکو تیرا ڈھولا پڑھن، دوُجا اِشٹ نہ کوئے منائیا۔

۱۳ چیت شہنشاہی سمت نؤ لُدھیانہ شہر گُردیو سِنگھ دے گرِہ

دھرنی کہے میرے صاحِب سوامی کملاپاتی، پت پرمیشور ہونا سہائیا۔ نِگاہ مار لےَ میرے سیِنے اُتے چھاتی، لکھّ چؤراسی کھوج کھوجائیا۔ جو اوتار پَیغمبراں گُروُآں دِتی پاتی، نام کلمیاں وِچ دِرڑائیا۔ چار جُگ دے شاستر ملِے سوغاتی، وست اگمّ دِتی ورتائیا۔ چاروں کُنٹ سب دے ہُندیاں ہوئی اندھیری راتیں، نوُری چند نہ کوئے چمکائیا۔ تُوں آد پُرکھ ابناشی، ہرِ کرتا دُھردرگاہیِا۔ برہمنڈ کھنڈ تیری منڈل راسی، پُری لوء گگن گگننتر سوبھا پائیا۔ میری پوُری کردے آسی، آہستہ آہستہ منگ منگائیا۔ کلجُگ کوُڑ کُڑیار کولوں کرا

خلاصی، خالص سَت دھرم چلائیا۔ جھگڑا میٹ دے ذات پاتی، دیِن دُنی نہ کرے لڑائیا۔ مایا ممتا موہ وِچ کرے گھاتی، گھاؤ اپنا نام لگائیا۔ میرا لیکھا بدل دے نال لِکھ کے قلم دواتی، کاغذ سیاہی جوڑ جُڑائیا۔ تُوں شاہ پاتشاہ شہنشاہ سچکھنڈ نِواسی، درگاہ ساچی سوبھا پائیا۔ میَں دھرتی دھرنی دھوَل دھؤل ماٹی خاکی، خاک چھار ہو کے منگ منگاں چائیں چائنیا۔ میرے اُتے دھرم دوارا کھول تاکی، پردہ پردیاں وِچوں اُٹھائیا۔ آتم پرماتم دا بن ساقی، نام جام پیالہ دینا پیائیا۔ اوتار پَیغمبر گُروُآں دی پوُری کر آکھی، جو بھوِکھتاں وِچ پیشیِن گوئیاں گئے دِرڑائیا۔ تُوں صاحِب سوامی انترجامی ساکھیاتی، سگلا ساتھی اِک اکھوائیا۔ دیِن دُنی دی زِندگی وِچوں بدل دے حیاتی، جیِون اپنے رنگ رنگائیا۔ مِہربان محبوُب کِرپا کر لوک ماتی، مت متانتر دا ڈیرہ ڈھاہیِا۔ تُوں میرا میَں تیرا آتم پرماتم سب نوُں دسّ گاتھی، گہر گمبھیِر بے نظیِر کر پڑھائیا۔ تُوں سرب کلا سمراتھی، ہر گھٹ ویکھنا چائیں چائنیا۔ میَں نِمانی اناتھ اناتھی، در ٹھانڈے سیِس جھُکائیا۔ میَں اِشارہ کراں شنکر اُتے کَیلاشی، بِن سیَنت دیاں سمجھائیا۔ وِشن برہما ویکھن کھیل تماشی، چاروں کُنٹ دھیان لگائیا۔ میرے صاحِب تیری منزل اُچی گھاٹی، بِن تیری کِرپا چڑھن کوئے نہ پائیا۔ دھرنی کہے میَں چاہُندی میرے اُتوں میٹ دے کلجُگ واٹی، کوُڑ کُڑیار رہن کوئے نہ پائیا۔ جگت وِشیاں توں باہر میرا تیرے اُتے وِشواسی، وِشیش اپنی کھیل دینی وکھائیا۔ تُوں شہنشاہ شاہو شاباشی، شاہ سُلطانا اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، برہمنڈ کھنڈ تیری ہووے اِکو راسی، منڈل منڈپ سوبھا پائیا۔

۱۳ چیت شہنشاہی سمت نؤ لُدھیانہ شہر مدن سِنگھ دے گرِہ

دھرنی کہے پربھوُ میَں بے سہاری، سہائک نائک دینی آپ وڈیائیا۔ چاروں کُنٹ تک دھوُاں دھاری، سَت سچ چنّ نہ کوئے رُشنائیا۔ سرِشٹی درِشٹی ہوئی وِبھچاری، انتشکرن پوِتر رہن کوئے نہ پائیا۔ آتم پرماتم بھیوَ کُھلے نہ کِسے نر ناری، نر نرائن درس کوئے نہ پائیا۔ چاروں کُنٹ کھیل کُڑیاری، جوُٹھ جھوُٹھ وجےّ ودھائیا۔ پنچ وِکار بنیا بلکاری، جیِواں جنتاں سادھاں سنتاں رہیا ڈھاہیِا۔ تیرا امرت رس ملِے نہ

کِسے ٹھنڈا ٹھاری، کول نابھی بوُند نہ کوئے ٹپکائیا۔ شبد ناد سُنے نہ کوئے دُھنکاری، انحد نادی ناد نہ کوئے شنوائیا۔ تیرا نوُر نہ دِسے کوئے اُجیاری، جوتی جاتے تیرا درس کوئے نہ پائیا۔ میَں تیرے اَگے کراں گِریہ زاری، نیتر رو رو نیِر وہائیا۔ میَنوُں سندیسہ دے کے گئے اوتار پَیغمبر گُر وِچ سنساری، سنساری بھنڈاری سنگھاری گئے جنائیا۔ بِنا پرم پُرکھ پائے کوئے نہ ساری، مہاسارتھی نظر کوئے نہ آئیا۔ کلجُگ چاروں کُنٹ رَین کیِتی اندھیاری، اندھ آتم ہوئی لوکائیا۔ کِرپا کر میرے پروردِگاری، مِہربان تیری اوٹ تکائیا۔ سچ دھرم دا دِسے نہ کوئے پُجاری، سچ وِچ نہ کوئے سمائیا۔ میری تیرے چرن کوَل نِمسکاری، ڈنڈاوت بندنا سجدے وِچ سیِس جھُکائیا۔ مِہر کر مِہربان کلجُگ انتم واری، کل کلیش دا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ دو جہان سِکداری، سِک آسا میری پوُر کرائیا۔

۱۳ چیت شہنشاہی سمت نؤ لُدھیانہ شہر مگھّر سِنگھ دے گرِہ

دھرنی کہے پربھوُ میَں ہو گئی بُھکھی ننگی، سَت سچ رہیا نہ رائیا۔ میَنوُں دِوس رَین آئی تنگی، اٹّھے پہر رہی کُرلائیا۔ میری چوٹی ہو گئی ننگی، اوڈھن سیِس نہ کوئے ٹِکائیا۔ نام وست ملِے نہ منگی، چاروں کُنٹ جھولی ڈاہیِا۔ بھار اُٹھائے کوئے نہ کندھی، بوجھل ہو کے ماراں دھاہیِا۔ جیِواں جنتاں آسا ہو گئی مندی، مندبھاگ ہوئی لوکائیا۔ چاروں کُنٹ دِسن پکھنڈی، ول چھل وِچ سمائیا۔ میَں سُہاگن ہو گئی رنڈی، کنت سُہاگ نظر کوئے نہ آئیا۔ اپنے دیِناں مذہباں دی ویکھ پگ ڈنڈی، مارگ حق نہ کوئے اپنائیا۔ پِھری دروہی وِچ بن کھنڈی، سمُند ساگر ٹِلّے پربت رہے کُرلائیا۔ مِہربان میری کُکھ رہی نہ چنگی، بِن تیری کِرپا بھگت سنت نظر کوئے نہ آئیا۔ جِدھر ویکھاں خانہ جنگی، من مت بُدھ کرے لڑائیا۔ میَں چاہُندی تیرا اِکو سُت دُلارا شبد ہووے بُھجھنگی، بِنا بُھجھاں باہواں توں نظری آئیا۔ جو دو جہاناں حداں جاوے لنگھی، اَگے ہو نہ کوئے اٹکائیا۔ اوہ میری قِسمت بدلے مندی، مند ہیِن بھاگ تیرے اَگے واسطہ پائیا۔ میری چھاتی کر

دے ٹھنڈی، سیِنے اگن دینی بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، میری اؤدھ آیوُ کلجُگ نالوں بتھیری لمی، اگلا پیَنڈا دینا مُکائیا۔

۱۳ چیت شہنشاہی سمت نؤ لُدھیانہ شہر سردارا سِنگھ دے گرِہ

دھرنی کہے پربھوُ میری ویکھ گِریہ زاری، نیتر رو رو نیِر وہائیا۔ چاروں کُنٹ رَین اندھیاری، ساچا چند نہ کوئے چمکائیا۔ دیِن دُنی ہوئی کُڑیاری، جوُٹھ جھوُٹھ نال وڈیائیا۔ سَت سچ دا رہیا نہ کوئے وپاری، نام ونج نہ کوئے جنائیا۔ تیرا نوُر نظر نہ آئے کِسے نِرنکاری، نر نرائن تیرا درس کوئے نہ پائیا۔ من ممتا کرے بدکاری، بدی دا پندھ نہ کوئے چُکائیا۔ نوَ نؤ چار گڑھ ہنکاری، نوَ کھنڈ نہ کوئے تُڑائیا۔ میری تیرے اَگے مِنّت اِکو ہاڑی، نِو نِو سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دھرنی کہے پربھوُ میری پٹّی رہی نہ سیِس، سَت وِچ نہ کوئے سمائیا۔ کِرپا کر میرے جگدیِش، جگدیِشر تیری اوٹ تکائیا۔ دیِن دُنیا مایا چکّی رہی پیِس، سَت وِچ نہ کوئے سمائیا۔ اپنا کھیل تک بیِس اِکیِس، ویہہ اِکیہ اپنی کار بُھگتائیا۔ پَیغمبراں دی پوُری کر حدیِث، جو حضرت گئے جنائیا۔ گُروُآں دی شہادت لیکھے لا تصدیِق، جو اکھّر اکھّراں نال گئے مِلائیا۔ تُوں مالک حق رفیِق، دوست اگمّ اتھاہیِا۔ دھرنی کہے میرے صاحِب سُلطانا میَنوُں تیری اِک اُڈیِک، اگمّ اگمّڑے پھیرا پائیا۔ جھگڑا مُکا دے ہست کیِٹ، اوُچ نیِچ رہن کوئے نہ پائیا۔ آتم پرماتم سب نوُں دسّ پریِت، دیِن مذہب ونڈ نہ کوئے رکھائیا۔ تُوں میرا میَں تیرا دسّ دے گیِت، سوہنگ ڈھولا اگمّ اتھاہیِا۔ کلجُگ وِچ سَتجُگ بدل دے ریِت، ریِتیوان تیری اوٹ تکائیا۔ جھگڑا میٹ مندر مسیِت، دُھر دے کعبے کرے رُشنائیا۔ جِتھے نظر آوے اتیِت، ترےَگُن پندھ مُکائیا۔ در ٹھانڈا دِسے سیت، اگنی تت نہ لاگے رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے میَں تیرے اَگے پُکاراں، پُنہ پُنہ سیِس نِوائیا۔ میَنوُں سندیسے دِتے پَیغمبر گُر اوتاراں، کی اوتری اپنی کھیل کھِلائیا۔ جِس ویلے کلجُگ انت چاروں کُنٹ ہویا دھوُاں دھارا، ساچا چند نہ کوئے چمکائیا۔ دھرم دا رہیا نہ کوئے دوارا، مندر مسجد

شِودوالے مٹھ گُروُدوار دین دُہائیا۔ تیِرتھ تٹ روون زارو زارا، گنگا گوداوری جمنا سُرستی نال مِلائیا۔ شاستر سِمرت وید پُران اِنجیِل قرآن کرے اِشارہ، سیَنت شبد والی لگائیا۔ کِرپا کرے آپ کرتارا، ہرِ کرتا دَیا کمائیا۔ کل کلکی لےَ اوتارا، کل کلیش دئے مِٹائیا۔ اِمام اِماما بن سِکدارا، نوُر نوُرانہ ڈگمگائیا۔ ویکھے وِگسے پائے سارا، لکھّ چؤراسی کھوج کھوجائیا۔ کلجُگ انتم کرے پار کنارہ، صدی چؤدھویِں پندھ دئے مُکائیا۔ دھرنی کہے پربھوُ میری ڈنڈاوت بندنا چرن کوَل نِمسکارا، نِو نِو لاگاں پائیا۔ جوتی جاتے پُرکھ بِدھاتے نِرگُن دھار ہو ظاہرا، ظاہر ظہوُر اپنی کل ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے سرب سنسارا، سنساری بھنڈاری سنگھاری وِشن برہما شِو جِس نوُں سیِس نِوائیا۔

۱۳ چیت شہنشاہی سمت نؤ لُدھیانہ شہر ہرنیک سِنگھ دے گرِہ

دھرنی کہے پربھوُ میرے بھاگ ہوئے مند، تیرا نام دُہائیا۔ ساچا دِسے کوئے نہ چند، چند سِتار رہے کُرلائیا۔ میرا دُکھی ہویا بند بند، بندگی والے بندے تَینوُں گئے بُھلائیا۔ ہر گھٹ اندر دِسے اندھیرا اندھ، آتم نوُر نہ کوئے رُشنائیا۔ رسنا جِہوا سارے گاؤندے بتّی دند، ہِردے سکے نہ کوئے وسائیا۔ بھرماں ڈھاہے کوئے نہ کندھ، بھانڈا بھرم نہ کوئے بھنّائیا۔ میَں مانگت ہو کے رہی منگ، اَگے اپنی جھولی ڈاہیِا۔ جن بھگتاں بخش سنگ، سگلا سنگ بنائیا۔ گُرمُکھاں کٹ بُھکھ ننگ، جگت دلِدر رہے نہ رائیا۔ سچ پیار دا دے انند، بخشش رحمت آپ ورتائیا۔ آتم سیج سُہا پلنگ، گھر گھر ڈیرہ لائیا۔ پنچ وِکار کرے نہ جنگ، جُگتی اپنی نال ہٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سوُرے سربنگ، سوُربیِر تیری اِک سرنائیا۔

۱۳ چیت شہنشاہی سمت نؤ لُدھیانہ شہر رویل سِنگھ دے گرِہ

دھرنی کہے پربھوُ میری سُن پُکار، پُنہ پُنہ سیِس نِوائیا۔ تُوں آد جُگادی بخشنہار، بے پرواہ تیری بےپرواہیِا۔ میرے اُتوں دیِن دُنی دا دُکھ نِوار، دیِناں مذہباں جھگڑا دے مُکائیا۔ وڈّے چھوٹے نہ ہون خوار، امیِر غریِباں اِکو رنگ رنگائیا۔ ساجن میِت بن وِچ سنسار، سنسا روگ دے گوائیا۔ تُوں صاحِب بخشند بخشنہار، بخشش اپنی دینی ورتائیا۔ میری چرن کوَل صاحِب نِمسکار، ڈنڈاوت وِچ سیِس جھُکائیا۔ میرے اُتے رہے نہ کوئے غدار، بدی دا لیکھا دینا مُکائیا۔ چاروں کُنٹ سَت دھرم دا ہوئے جَیکار، کلجُگ کوُڑ کُڑیار نظر نہ آئیا۔ میَں منگاں منگ دوویں بُھجاں پسار، بِن ہتّھاں ہتّھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن کوئی نہ لائے پار، پاربرہم پربھ تیری آس رکھائیا۔

۱۳ چیت شہنشاہی سمت نؤ لُدھیانہ شہر مہِندر سِنگھ دے گرِہ

دھرنی کہے پربھوُ میریِاں روندیاں اکھّاں، آخر دیاں جنائیا۔ ساجن میِت رہیا کوئی نہ سخا، سگلا سنگ نہ کوئے بنائیا۔ دیِن دُنی وسے کروڑاں لکھّاں، اَرباں کھرباں نال وڈیائیا۔ میری قیِمت پئے نہ ککھّاں، میری حال دُہائیا۔ میَں بِرہوں وَیراگن ہو کے نسّاں، بھجّاں واہو داہیِا۔ اِشارہ کراں روَ سسا، سوُریہ چند جنائیا۔ میرے اُتوں میٹو اندھیری مسّا، سچ چند ہوئے رُشنائیا۔ میرا اُدے بھاگ ہووے مستک متھا، مِہر نظر اِک اُٹھائیا۔ اوہ سارے پربھوُ تیری سُناؤندے کتھا، ہرِ داتا دُھردرگاہیِا۔ جو سرب کلا سمرتھا، دیونہار اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دھرنی کہے پربھوُ میرا انتر رہیا کُرلا، کرم کانڈ ویکھ جگت لوکائیا۔ ساچا دیِپک کر رُشنا، اندھ اندھیرا دے مِٹائیا۔ جیِواں جنتاں بخش گُناہ، پاپاں بھری لوکائیا۔ تُوں بخشنہار خُدا، رحمت تیری نظری آئیا۔ تُوں واحد حق خُدا، خود مالک تیری بےپرواہیِا۔ میری تیرے اَگے دُعا، دوئے جوڑ واسطہ پائیا۔ سَت دھرم میرے اُتے پرگٹا، سَتجُگ ساچے دے وڈیائیا۔ سب دا لہنا دینا پوُرب چُکا، لوآں پُریِاں اپنا پندھ مُکائیا۔ تیرے چرن کوَل نِرگُن دھار سیِس رہی

جھُکا، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مِہربان مِہربان مِہربان ہونا آپ سہائیا۔

۱۳ چیت شہنشاہی سمت نؤ لُدھیانہ شہر کُلدیپ کؤر دے گرِہ

دھرنی کہے پربھوُ کر مِہربانی، مِہربان مِہر نظر اُٹھائیا۔ حالت تک جیرج کھانی، چاروں کُنٹ پھول پھولائیا۔ سَت سچ دا رہیا کوئے نہ بانی، بان انیالا تیِر نہ کوئے لگائیا۔ کلجُگ انتم ویکھ کتھا کہانی، میرے اُتے پردہ آپ پھولائیا۔ چاروں کُنٹ روون جیِو پرانی، پُران اٹھاراں بھار نہ کوئے ونڈائیا۔ سرِشٹی درِشٹی ہوئی نِدھانی، نِج نیتر اکھّ نہ کوئے کُھلائیا۔ امرت رس ملِے کِسے نہ ٹھنڈا پانی، جگت ترِسنا نہ کوئے بُجھائیا۔ اوتار پَیغمبر گُر سندیسہ دے کے گئے وِچ جہانی، دیِن دُنی دِرڑائیا۔ کلجُگ انت آوے شہنشاہ سُلطانی، شہنشاہ نوُر الاہیِا۔ جِس دا پد اِک نِربانی، سچکھنڈ ساچے سوبھا پائیا۔ اوہ لیکھا جانے جگت اِنسانی، کھوجنہارا چائیں چائنیا۔ تُوں مِہربان مِہربان مِہربان وڈّا دانی، داتے اپنی دَیا دے کمائیا۔ میرا لیکھا پوُرا کردے نال قلم کانی، کائنات دا کرم دینا بدلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُوں لیکھا جانیں دو جہانی لوک مات ہونا آپ سہائیا۔

۱۳ چیت شہنشاہی سمت نؤ لُدھیانہ شہر پھوُلا رانی دے گرِہ

دھرنی کہے پربھوُ میرا انتشکرن ایہہ کہندا، کہہ کہہ کے رہیا جنائیا۔ سَت سچ دا بُرج جاندا ڈھہِندا، ڈھیَہہ ڈھیَہہ ڈھیری خاک نظری آئیا۔ دیِن دُنی گڑھ بنیا ہنکار ہؤمے دا، ممتا موہ نال رلائیا۔ مان رہیا نہ تیرے ناؤں دا، ناؤں نِرنکار نظر کِسے نہ آئیا۔ تیرا کھیل اگمّ اتھاہو دا، بے پرواہ تیری بےپرواہیِا۔ میَں آسرا تکاّں دُھر دے شاہو دا، شہنشاہ تیری اوٹ تکائیا۔ تُوں مالک تھل اسگاہو دا، سمُند

ساگراں پار لنگھائیا۔ کلجُگ جیِو روُپ بنیا کاؤں دا، ہنس روُپ نہ کوئے درسائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میرے انتر آئی حَیرانی، حَیرت وِچ جنائیا۔ تیری دیِن دُنیا ہوئی بیگانی، ناتا پریم گئی تُڑائیا۔ کوئی نہ جانے تیرا کھیل زِمیں اسمانی، دھرنی دھرت دھوَل دئے دُہائیا۔ تُوں شہنشاہ سُلطانی، پاتشاہ اگمّ اتھاہیِا۔ کلجُگ جیِواں انتر میٹ دے بے اِیمانی، کوُڑی کِریا رہے نہ رائیا۔ سَت سچ دی دے نِشانی، دھرم نِشانہ اِک جھُلائیا۔ چار ورن تیرا نام اِکو پڑھن بانی، تُوں میرا میَں تیرا ڈھولا گائیا۔ تُوں ضمیِر بدل دے جِسم جِسمانی، ترِسنا کوُڑ جگت مِٹائیا۔ میَں تیرے چرن کوَل کراں دھیانی، نِو نِو لاگا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری آسا منسا پوُر کرانی، در تیرے آس رکھائیا۔

۱۳ چیت شہنشاہی سمت نؤ لُدھیانہ شہر ہربنس کؤر دے گرِہ

دھرنی کہے پربھوُ میرے اُتے اوتار پَیغمبر گُروُآں ماریِاں لِکاں، حد حدوُد مذہباں ونڈ ونڈائیا۔ تیرے نام کلمے دیِاں کر کے گئے تصدیِقاں، شہادت اصوُل والی بُھگتائیا۔ میَں تکدی رہی لا کے نیِجھاں، نِج نیتر اکھّ اُٹھائیا۔ اندرے اندر آسا رکھدی رہی اُمیِداں، اپنے وِچ سمائیا۔ بھوِکھتاں والیِاں سُن دی رہی تاکیِداں، کی سندیسے جگت جنائیا۔ کوَن ویلا میرا صاحِب سب دیِاں پوُریِاں کرے ریِجھاں، مِہر نظر اُٹھائیا۔ جِس اوتار پَیغمبر گُروُآں دے تن چولے بدلے قمیِضاں، جوت شبد دھار وڈیائیا۔ انت اوہ ویکھے اپنے عزیِزاں، جن بھگتاں دھیان لگائیا۔ میرے اُتے مارگ دسےّ سیِدھا، سِدھ اپنا آپ کرائیا۔ میرا تن من جائے ویِدھا، پریم انیالا تیِر چلائیا۔ میَں خوشیاں وِچ پاواں گیِدھا، نچّاں ٹپّاں کُداں چائیں چائنیا۔ جِس بھاگ لگاؤنا میری اُتے بسُدھا، دھرنی دھرت دھوَل دھؤل اپنا رنگ رنگائیا۔ سَت سچ میَنوُں سمجھدے مُدّعا، مُدتاں دے وِچھڑے نال مِلائیا۔ میرا بھاگ کرے اُگھا، اُگن آتھن وجےّ ودھائیا۔ بھاؤ مُکاوے دوُجا، دُتیا رہن کوئے نہ

پائیا۔ بھیوَ کُھلائے گُجھا، آتم پرماتم پردہ آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا پوُر کرائے انت کلجُگا، کل کاتیِاں کرے صفائیا۔

۱۳ چیت شہنشاہی سمت نؤ لُدھیانہ شہر ہرچرن سِنگھ دے گرِہ

دھرنی کہے پربھوُ میَں تیری چرن داسی، داستان اپنی دیاں جنائیا۔ چار کُنٹ میرے اُتے ہوئے بدمعاشی، بدی دا پندھ نہ کوئے مُکائیا۔ تیری دُنیا تَینوُں کرے ہاسی، ہستی تیری ویکھن کوئے نہ پائیا۔ ساچے منڈل پاوے کوئے نہ راسی، گوپی کاہن روُپ نہ کوئے جنائیا۔ دیِا باتی کملاپاتی جوت نہ ہوئے پرکاشی، اندھ اندھیر وِچ لوکائیا۔ تُوں شہنشاہ شاہو شاباشی، پاتشاہ وڈ وڈیائیا۔ میری پوُری کر دے آسی، نِراستا اندروں باہر کڈھائیا۔ میَں منگاں دوویں جوڑ کے ہاتھی، ہست ہست نال مِلائیا۔ تُوں سرب کلا سمراتھی، داتا دُھردرگاہیِا۔ میَں نِمانی اناتھ اناتھی، بُدھ ہیِن بلہیِن کُرلائیا۔ کلجُگ کوُڑی میٹ دے واٹی، سَتجُگ سچ دے جنائیا۔ ہؤمے ہنگتا وِکار رہے نہ جگت ہاٹی، وست اگمّ نام دات دینی ورتائیا۔ میَں تیرا نوُر ساری سرِشٹی تکاّں تیری ذاتی، ظاہر ظہوُر اِکو نظری آئیا۔ تیری خوشی دا وقت سُہنجنا ہووے پربھاتی، سندھیا اِکو رنگ رنگائیا۔ کِرپا کر میرے کملاپاتی، پت پرمیشور تیری اوٹ رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میَنوُں کریں نہ موُل نِراسی، آسا پوُرن دینی کرائیا۔

۱۳ چیت شہنشاہی سمت نؤ لُدھیانہ شہر

دھرنی کہے کِرپا کر میرے ہری، ہری ہرِ تیری سرنائیا۔ میرے اُتے سرِشٹی دُکھاں بھری، دِوس رَین رہی کُرلائیا۔ میَں وی کلجُگ پاپ کولوں ڈری، بھےَ وِچ رہی سُنائیا۔ جیہڑا کھیل کرے گھڑی گھڑی، چِھن چِھن اپنا روُپ بدلائیا۔ دیِن مذہب کرائے شرعی، شریِعت دِتی لڑائیا۔ کوئی ہو سکے نہ بری، دیِناں مذہباں بندھن تُڑائیا۔ تُوں کِرپانِدھ کِرپا کری، مِہربان ہونا سہائیا۔ میَنوُں پنچ وِکار

ہنکار کولوں کرنا بری، برے اعظماں کرنی صفائیا۔ میَں تیرے چرن رہی پھڑی، چرنودک مُکھ دینا چوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے پربھوُ میرے انتر تک دُکھ، دُکھڑے والی لوکائیا۔ اندر ملِے نہ کِسے سُکھ، کلجُگ کلکاتی بنیا قصائیا۔ جگت ترِسنا مِٹے نہ بُھکھ، ممتا موہ نہ کوئے مِٹائیا۔ جننی سُپھل ہووے کوئے نہ کُکھ، بھگت جنمے کوئے نہ مائیا۔ اُلٹا گربھ نہ گیڑ مِٹے رُخ، آون جاون پندھ نہ کوئے مُکائیا۔ نِگاہ مار لےَ اپنے مانَس منُکھ، تتو تت کھوج کھوجائیا۔ ہِردیوں تَینوُں کوئے نہ رہیا جھُک، سیِس جگدیِش نہ کوئے نِوائیا۔ تُوں میرا میَں تیرا پڑھے کوئے نہ تُک، آتم پرماتم مِل کے وجےّ نہ موُل ودھائیا۔ میرے صاحِب سوامی انترجامی تُٹھ، مِہربان مِہر نظر اُٹھائیا۔ سچ وستُو جھولی پا دے مُٹھ، نام بھنڈارا اِک ورتائیا۔ میری سُہنجنی ہووے رُت، رُتڑی اپنے نال مہکائیا۔ میَں تکاّں تیرے بھگت سُہیلے سُت، دُلارے گُرمُکھ ویکھ وکھائیا۔ جِنہاں نوُں اپنے سیِنے لواں چُک، چھاتی اُتے ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتے پرگٹا دے سچ سُچ، کوُڑ کُڑیار دا پندھ مُکائیا۔

۱۳ چیت شہنشاہی سمت نؤ پِنڈ ڈھیَہہ پئی ضِلع لُدھیانہ دھنّا سِنگھ دے گرِہ

دھرنی کہے میرے صاحِب چوج وڈانی، پرم پُرکھ در تیرے واسطہ پائیا۔ ستّ سمُندر میرے نیتراں نیَناں دا پانی، رو رو ساگراں وہن وہائیا۔ میرا ٹُٹ گیا جگت مانی، نِمانی ہو کے منگ منگائیا۔ اپنی تک لےَ چارے کھانی، انڈج جیرج اُتبُھج سیتج دھیان لگائیا۔ کلجُگ بھرم بُھلائے جیِو پرانی، پرم پُرکھ تیری سار کوئے نہ پائیا۔ اوتاراں پَیغمبراں گُروُآں والی بُھلی بانی، سَت سچ وِچ نہ کوئے سمائیا۔ سُرت شبد ملِے میل نہ دُھر دے ہانی، وِچھوڑا کوُڑ نہ کوئے کٹائیا۔ انحد دُھن سرون کرے کوئے نہ بانی، شبد انادی ناد نہ کوئے شنوائیا۔ تیِرتھ تٹاں روون جل پانی، تھل اسگاہ رہے کُرلائیا۔ نؤ کھنڈ پرِتھمی ستّ دیِپ دیِن دُنی ہوئی بےمُہانی، من کلپنا بھجےّ واہو داہیِا۔ کِرپا کر شہنشاہ سُلطانی، پاتشاہ تیری بےپرواہیِا۔ دیِناں مذہباں ایکا رنگ رنگا سِری بھگوانی، بھگوَن اپنا رنگ چڑھائیا۔ دُئی دوَیتی میٹ نِشانی، آتم

پرماتم ناتا جوڑ سہج سُبھائیا۔ تیرے چرن کوَل وِٹہو قُربانی، آپ آپا بھیٹ کرائیا۔ نِگاہ مار لےَ جِسیِں اسمانی، دھرنی دھرت دھوَل دھؤل کھوج کھوجائیا۔ کھیل تک لےَ وید پُرانی، پُنہ پُنہ سیِس نِوائیا۔ پردہ رہے نہ اِنجیِل قرآنی، کُرہ کایا کھوج کھوجائیا۔ میرے پروردِگار سانجھے یار اپنی کر محبوُب مِہربانی، نِو نِو سجدیاں وِچ سیِس جھُکائیا۔ صدی چؤدھویِں چاروں کُنٹ چڑھی دِسے طُغیانی، ہڑ کوُڑ والا وکھائیا۔ جیِواں جنتاں اندر بھری بے اِیمانی، بیوہ روُپ ہوئی لوکائیا۔ تیرے چرن کوَل کرے نہ کوئے دھیانی، اِشٹ دیوَ نہ کوئے منائیا۔ چؤداں طبق ہوئے حَیرانی، سنگ محمد نیَن اُٹھائیا۔ کی کھیل کرے ہرِ کرتا نؤجوانی، مرد مردانہ اپنی کار بُھگتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میرے نیتر نیَن کُرلاؤندے، کُل مالک دیاں جنائیا۔ ہنجھوُاں وہن وہاؤندے، چھہبر تیری دھار جنائیا۔ دوئے جوڑ واسطہ پاؤندے، نِو نِو سیِس جھُکائیا۔ میرے پرم پُرکھ پرماتم کلجُگ جیِو نہ موُل شرماؤندے، جگت وِکار نہ کوئے مِٹائیا۔ آتم پرماتم ڈھولا موُل نہ گاؤندے، پاربرہم برہم مِلن کوئے نہ پائیا۔ من کلپنا چاروں کُنٹ اُٹھ اُٹھ دھاؤندے، دِوس رَین رَین دِوس بھجّن واہو داہیِا۔ مایا ممتا موہ وِکار کار کماؤندے، کرنی دے کرتے تیری سمجھ کِسے نہ آئیا۔ کلجُگ دا کوُڑا سنگ رکھاؤندے، سگلے ساتھی تَینوُں گئے بُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری وڈیائیا۔ دھرنی کہے پربھوُ میرے نیتر وہندا اتھر، ہنجھوُاں ہار بنائیا۔ سرِشٹی بُھل گئی گوبِند والا ستھر، یارڑا سیج نہ کوئے ہنڈھائیا۔ بجر کپاٹی پاٹے کِسے نہ پتّھر، نِج نیتر تیرا درس نہ کوئے کرائیا۔ دیِن دُنی تے پاٹھ کردی پڑھ پڑھ اکھّر، نِراکھّر تیرا اکھّر سمجھ کِسے نہ آئیا۔ تُوں نریشا سچ سندیسہ دے اگمےّ پتّر، پاتر اپنی اِک جنائیا۔ جِس نال یتھارتھ پوُرا ہووے سب دا یتن، یدی اپنا بھیوَ چُکائیا۔ ہرِجن امولک ہیِرے بنا رتن، گُرمُکھ گُر گُر گود اُٹھائیا۔ سنت سُہیلے بَیٹھن تیرے پتن، کنڈھا گھاٹ اِکو سوبھا پائیا۔ جن بھگتاں پَیج آئیں آپ رکھن، رکھک ہو کے ویکھ وکھائیا۔ سَت دھرم نالوں میری رولی ہو گئی سکھّن، بہُڑی بہُڑی کر کُرلائیا۔ میرے مِہربان محبوُبا میرا پردہ آئیں ڈھکن، اوڈھن سیِس نام والا ٹِکائیا۔ میرے اُتے دُئی دوَیتی میٹیں چھٹن، شرع شریِعت رہن کوئے نہ پائیا۔ میَں تیرا لیکھا ویکھنا چاہُندی پہلے کروچ دیِپ نال لکھّن، پُشکر اپنی

گنڈھ پوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا حُکم سندیسہ ہووے سچنّ، سَت سچ تیری وڈیائیا۔

۱۳ چیت شہنشاہی سمت نؤ پِنڈ پکھّووال ضِلع لُدھیانہ سردارا سِنگھ دے گرِہ

دھرنی کہے کِرپا کر جوت نِرنکاری، نِروَیر تیری سرنائیا۔ میَں در ٹھانڈے تیرے پُکاری، سچکھنڈ ساچے سیِس نِوائیا۔ سو پُرکھ نِرنجن تیری مہما اپر اپاری، ہرِ پُرکھ نِرنجن تیری وڈیائیا۔ ایکنکار تیری پنہاری، آد نِرنجن تیری سیو کمائیا۔ ابناشی کرتے ہوئی میَں دُکھیاری، سِری بھگوان دینی وڈیائیا۔ پاربرہم تیری چرناں دھوُڑ لاواں چھاری، مستک خاک رمائیا۔ مِہربانا نؤجوانا مرد مردانہ اِک واری نِگاہ ماریں، بِن نیَناں نیَن اُٹھائیا۔ میری چاروں کُنٹ ہوئی خواری، دھرم دی دھار رہن نہ پائیا۔ میَں منگتی درویشن تیرے در درباری، درگاہ ساچی جھولی ڈاہیِا۔ سَتگُر شبد بھیج ایکا یودھا بلکاری، دوُسر لوڑ رہے نہ رائیا۔ جِس دا نام کھنڈا دو دھاری، دو جہاناں ویکھ وکھائیا۔ لوآں پُریِاں برہمنڈاں کھنڈاں پاوے ساری، گگن گگننتراں کھوج کھوجائیا۔ میرے اُتوں کلجُگ میٹے دھوُاں دھاری، اندھ اندھیرا دئے چُکائیا۔ میَں روواں زارو زاری، ظاہر ظہوُر دُھر دے نوُر تیری اوٹ رکھائیا۔ اُٹھ ویکھ لےَ چار کُنٹ کلجُگ کرے غداری، گداگر دِسے خلق خُدائیا۔ منوُآ دہ دِشا اُٹھ اُٹھ مارے اُڈاری، نؤواں دواریاں بھجےّ چائیں چائنیا۔ تیرا نام شبد کلمہ سُنے نہ کوئے دُھنکاری، دُھن اناد نہ کوئے شنوائیا۔ نِرگُن نوُر جوت پرکاش تن مندر نہ ہوئے اُجیاری، کایا کعبہ نہ کوئے سُہائیا۔ تیِرتھ تٹاں گنگا گوداوری جمنا سُرستی پوِتر رہیا نہ پانی، پاربرہم پربھ تیری بےپرواہیِا۔ آتم پرماتم ملِے کوئے نہ ہانی، سُرت شبد نہ کوئے سمائیا۔ دھرنی کہے میَں ہوئی نِمانی، نِو نِو لاگا پائیا۔ پُرکھ اکالے دیِن دَیالے تک لےَ اپنی یاری، انڈج جیرج اُتبُھج سیتج ویکھ وکھائیا۔ سندیسہ سُن لےَ چارے بانی، پرا پسنتی مدھم بَیکھری کی تیرے ڈھولے گائیا۔ انتر نِرنتر نِگاہ مار لےَ جیِو پرانی، پرم پُرکھ اپنا پردہ آپ چُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دھرنی کہے پربھوُ میری دُکھی دی سُن پُکار، دروہی تیرا نام خُدائیا۔

تُوں سب دا سانجھا پروردِگار، بےعیب نوُر خُدائیا۔ میری آشا تیری طلب گار، دِوس رَین تیرا راہ تکائیا۔ تُوں جوتی جاتا پُرکھ بِدھاتا ہو اُجیار، نوُر نوُرانہ ڈگمگائیا۔ صدی چؤدھویِں لہنا دینا رسوُل پَیغمبراں آپ وِچار، وِچرن دی لوڑ رہے نہ رائیا۔ کی سندیسہ دِتا محمد سنگ چار یار، جگت جہان بھیوَ چُکائیا۔ کوَن ویلا پرگٹ ہووے اِمام اِماما سِکدار، نوُر نوُرانہ اگمّ اتھاہیِا۔ میرا دُکھڑا دئے نِوار، چِنتا سوگ مِٹائیا۔ چرن چُھہائے میری سچّی سرکار، کول تیرے ملِے وڈیائیا۔ میَں خادم تیری آد دی سیوادار، آدم حوّا بَیٹھے راہ تکائیا۔ اپنی گُلشن ویکھ لوک مات بہار، کِس بِدھ کلجُگ کوُڑ کُڑیار مہکائیا۔ تیرا حقیِقی دِسے نہ کوئے خِدمتگار، خادم روُپ نہ کوئے بنائیا۔ میَں روواں دھاہاں مار، اُچی کوُک کوُک سُنائیا۔ کِرپا کر کل کلکی اوتار، نِہکلنک تیری سرنائیا۔ شبد سَتگُروُ پا سار، مہاسارتھی ہو سہائیا۔ کوُڑی کِریا میرے اُتوں کڈھ باہر، دھرنی دھرت دھوَل دھؤل رہن نہ پائیا۔ جوتی جاتے پُرکھ بِدھاتے ہو ظاہر، ایکنکار اپنی کل پرگٹائیا۔ میَتھوں جھلیا نہ جائے بھار، بوجھ سکاں نہ سِر اُٹھائیا۔ قاتل مقتُول ہویا تیرا سنسار، چاروں کُنٹ پئی دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی تیرا اِک سہار، سہائک نائک دوُجا نظر کوئے نہ آئیا۔

۱۳ چیت شہنشاہی سمت نؤ پِنڈ پکھووال ضِلع لُدھیانہ پاکھر سِنگھ دے گرِہ

دھرنی کہے پربھوُ میَں کی دسّاں بات، باطن کی جنائیا۔ اوہ ویکھ میرے اُتے اندھیری رات، تیرا چند نہ کوئے رُشنائیا۔ میَں تکاّں تیری واٹ، بِن نیَناں نیَن اُٹھائیا۔ کِرپا کر پُرکھ سمراتھ، سمرتھ تیری سرنائیا۔ میَں جوڑاں دوویں ہاتھ، مستک چرناں سیِس ٹِکائیا۔ کوُڑی کِریا دا میرے اُتوں ہٹا دے راتھ، سَتجُگ سچ دے وڈیائیا۔ میَں نِمانی اناتھاں ناتھ، در تیرے الکھ جگائیا۔ کوُڑی کِریا میٹ دے واٹ، جوُٹھ جھوُٹھ پندھ مُکائیا۔ اِکو اپنا کھول دے ہاٹ، نام نِدھان وست ٹِکائیا۔ اِکو کنارہ بخش کے گھاٹ، تٹ اِک سُہائیا۔ تُوں آد جُگادی مائی

باپ، پِتا پُرکھ اکال اکھوائیا۔ سچ پریِتی میرا تیرے نال نات، دوُجی آس نہ کوئے وکھائیا۔ مِہربانا نؤجوانا سِری بھگوانا اِک واری مِہر نِگاہ نال جھاک، جھاتی اپنی پائیا۔ بند کِواڑا کھول تاک، کھِڑکی کُنڈی آپ کُھلائیا۔ میری پوُری کردے آس، آساوند رہی کُرلائیا۔ ساچی وست دے دے خاص، خصوُصیّت اپنی دے دِرڑائیا۔ جھگڑا میٹ دے ذات پات، دیِن دُنی دا پندھ مُکائیا۔ تُوں میرا میَں تیرا سارے گاون گاتھ، آتم پرماتم مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری انتم پُچھے وات، واتاوَرن دیِن دُنی ویکھ وکھائیا۔

۱۳ چیت شہنشاہی سمت نؤ پِنڈ پکھّووال ضِلع لُدھیانہ بھگوان سِنگھ دے گرِہ

دھرنی کہے میَں تیرے در تے کُرلاندی، کوُک کوُک سُنائیا۔ میری کلجُگ وِچ پت جاندی، اوڈھن سیِس نہ کوئے ٹِکائیا۔ کلجُگ جیِواں بُدھی ہوئی کاں دی، گُرمُکھ ہنس روُپ نہ کوئے بدلائیا۔ میرے اُتے پُت ہّتیا کرن ماں دی، پِیو پُت قاتل مقتُول روُپ وٹائیا۔ میَں کھلڑی لتھی ویکھی گاں دی، سوُراں رہے جھٹکائیا۔ وڈیائی رہی نہیں تیرے ناں دی، ناؤں نِرنکار سرِشٹی درِشٹی وِچوں گئی بُھلائیا۔ طاقت رہی نہیں کِسے بانہہ دی، سوُربیِر نہ کوئے اکھوائیا۔ مان رہن دِتا نہیں کلجُگ کِسے بھوُمکا تھاں دی، تھننتر سارے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ دھرنی کہے پربھوُ میَنوُں تیرا اِک سہارا، صاحِب سَتگُر تیری سرنائیا۔ نِرگُن نِروَیر ہو اُجیارا، جوتی جاتا ڈگمگائیا۔ سَتگُر شبد تیرا دو جہان ہووے سِکدارا، سِر سکے نہ کوئے اُٹھائیا۔ کلجُگ کوُڑی کِریا تک وِچ سنسارا، دھرنی دھرت دھوَل دھؤل دھیان لگائیا۔ لیکھا پوُرا کر دے سنگ محمد چار یارا، چؤداں لوک چؤداں طبق بَیٹھے اکھّ اُٹھائیا۔ حضرت عیسیٰ اَگے کرے نہ کوئے تکرارا، بیِس بیِسے تیری وڈ وڈیائیا۔ تیرا لہنا دینا کاغذ قلم لِکھن توں باہرا، حرف حروُف ونڈ نہ کوئے ونڈائیا۔ تُوں آد پُرکھ اپرمپر آد جُگادی میِت مُرارا، ساجن اِکو اِک اکھوائیا۔ میرا وقت دُہیلا بن سُہیلا حُکم دئے

سچّی سرکارا، سَت سچ سچ پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیر سگھّ وِشنوُں بھگوان، آد پُرکھ اپرمپر سوامی تیرا اوُچو اوُچ دربارا، درگاہ ساچی سچکھنڈ سُہائیا۔

مالوے والیو گاوو شبد، سَتگُر سرن سچّی سرنائی۔ جھگڑا چھڈنا دیِن مذہب، آتم پرماتم لیَنا پرنائی۔ اِک دوُجے دا کرنا ادب، سب نوُں سمجھنا بھَینا بھائی۔ سَتگُر میلا جگت نہیں بدن، نِرگُن نِرگُن دئے مِلائی۔ جوتی جوت سروُپ ہرِ، آپ اپنی کِرپا کر، جگت وِکار وِچوں تُہانوُں آیا کڈھن، پھڑ باہوں پار کرائی۔ گُرسِکھ تیرا منارا چنگا، سَتگُر دئے وڈیائی۔ جِس دے وِچ امرت دھار گنگا، کول نابھی نِجھر جھِرنے وِچ جھِرائیا۔ دُھن آتم وجےّ مردنگا، شبد انادی ناد شنوائیا۔ جوت جگائے سوُرا سربنگا، بِن تیل باتی کرے رُشنائیا۔ سچ پریم دا بخش انندا، انند انند وِچوں پرگٹائیا۔ بھاگ لگا کے جیؤ پِنڈا، مِہربان ہوئے سہائیا۔ جھگڑا مُکا کے جیرج انڈا، اُتبُھج سیتج لیکھا دئے مُکائیا۔ در سُہائے اِک سچکھنڈا، درگاہ ساچی سوبھا پائیا۔ جِتھے بھگتاں آپ وسندا، وصل دیوے یار الاہیِا۔ محل منارا اُچ اٹل سُہندا، پُرکھ ابناشن جِتھے بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِجن ساچے رنگ رنگائیا۔

۱۴ چیت شہنشاہی سمت نؤ پِنڈ پکھّووال ضِلع لُدھیانہ کرم سِنگھ دے گرِہ

دھرنی کہے میرے اُتے رووے بناسپت، ٹِلّے پربتاں اُتے دُہائیا۔ پربھوُ تیرا پیار رہیا نہ آستک، تیرے رنگ نہ کوئے سمائیا۔ کلجُگ نے کوُڑ چلائی سیاست، ستّاں دیِپاں حُکم ورتائیا۔ کایا رہن دِتی نہیں کِسے لیاقت ، عقل بُدھی نہ کوئے وڈیائیا۔ منوُآ لےَ کے اپنی وِچ حراست، دہ دِشا دِتا نچائیا۔ چاروں کُنٹ دِسن ناستک، نام رس رسنا نہ کوئے چکھائیا۔ میَں کر نہ سکاں برداشت، بدی چاروں کُنٹ نظری آئیا۔ ایس کلجُگ نے میری کایا چولی کیوں کوُڑ دی پائی وِراثت، وِرسہ میرا نظر نہ آئیا۔ جگت جہان دا کھیل ویکھ آرتھک، ارتھی سارے کوُڑ اُٹھائیا۔ میرے مِہربان کِرپا کر وِچ بھارت، بھاردواج دی آسا پوُر کرائیا۔ تیرے سَتگُر شبد دی ہووے وزارت، حُکم دُھر دا نام دِرڑائیا۔

تیرے چرن دی ہووے زیارت، دوُسر سیِس نہ کدے جھُکائیا۔ سَت دھرم دی کھڑی کر عمارت، مانَو ایکا گھر بہائیا۔ آتم پرماتم کرا تُعارف، طرفداری رہن کوئے نہ پائیا۔ میری کرے نہ کوئے سفارش، سنگی نظر کوئے نہ آئیا۔ میری بیننتی اِک گُزارش، گزشتہ حال دِتا جنائیا۔ چاروں کُنٹ ہُندی ویکھ سازش، شرارت بھری لوکائیا۔ ہر گھٹ اندر لگّی آتش، اگنی اگّ نہ کوئے بُجھائیا۔ تیرا لہنا دینا لیکھا میرے نال واستک، واحد مالک دیاں دِرڑائیا۔ بِنا تیری کِرپا تیرا ہو سکے نہ کوئے اُپاشک، اُپنشداں کمّ کِسے نہ آئیا۔ تیرا کھیل میَں ویکھاں برس ماسک، دِوس رَین دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری آشا پوُری کر ہاردِک، ہِردے اندر تیرا دھیان لگائیا۔

۱۴ چیت شہنشاہی سمت نؤ پِنڈ پکھّووال ضِلع لُدھیانہ شہر سادھوُ سِنگھ دے گرِہ

دھرنی کہے میرے االلہ االلہ، تیری اِک سرنائیا۔ محبوُب پھڑا دے پلّا، پلکاں وِچ ہو سہائیا۔ تُوں مالک خالق اِک اِکلّا، واحد تیری اوٹ تکائیا۔ ویکھ لےَ جلا تھلا، مہیئل کھوج کھوجائیا۔ میرے اُتے دُئی دوَیتی دیِن دُنی لگّا سلّا، سچ رنگ نہ کوئے سمائیا۔ کلجُگ کوُڑ مچایا ترتھلا، تھر تھراہٹ وِچ دُہائیا۔ کِسے دا چاہے کوئی نہ بھلا، پریم پیار وِچ نہ کوئے سمائیا۔ کام کرودھ کرے ہلّا، نؤ کھنڈ بھےَ رہیا ڈرائیا۔ تیرا گرِہ دِسے نہ کِسے اٹلا، سچ محل سوبھا کوئے نہ پائیا۔ جِدھر تکّے وِکاری دلا، اَگے ہو نہ کوئے اٹکائیا۔ میرے اُتے ہؤمے ہنگتا دیِپک بلا، بلدھاری ویکھ وکھائیا۔ مانَس رہیا نہ سچ دا پھلا، دھرم دُھج نہ کوئے لہرائیا۔ عرشی پریِتم آ کے ویکھ تھلا، دھرنی رو رو مارے دھاہیِا۔ جو سندیسہ اوتار پَیغمبر گُروُآں گھلا، بھوِکھتاں وِچ سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری وڈیائیا۔ دھرنی کہے میَں بِن نیتر ہنجھوُاں روواں، نیَناں نیِر وہائیا۔ سُکھ وِچ کدے نہ سوواں، اٹّھے پہر کُرلائیا۔ اپنے توں پاپاں داغ کِس بِدھ دھوواں، سمجھ کوئے نہ آئیا۔ امرت رس کِس دوارے چوواں، کؤن گرِہ ملِے وڈیائیا۔ پاک پوِتر کِس طرح ہوواں، دُرمت میَل نہ لاگے رائیا۔ گوُڑھی نیِندے سچ سِنگھاسن سوواں، سَتگُر سرن ملِے سرنائیا۔ سوامی پکّھا پھیراں پانی ڈھوواں،

کِس بِدھ تیری سیو کمائیا۔ کُھلے کیس سِر دے کھوہواں، وَیراگی ہو کے دیاں دُہائیا۔ مالک خالق پریِتم تَینوُں کِس مُحبّت وِچ موہواں، پیار پیار نال مِلائیا۔ میرا لہنا دینا پوُرا کر دے کلجُگ سَتجُگ دوواں، دوہاں دا لہنا تیرے ہتّھ نظری آئیا۔ میرے اُتے دیِن مذہب دی ونڈ رہے نہ بھؤواں، شرع دے جھگڑے دینے چُکائیا۔ میَں اِکو روُپ سرِشٹی دی درِشٹی اندر ہوواں، دوُجا رنگ نہ کوئے رنگائیا۔ تیرا پرکاش تکاّں ترےَ لوآں، ترےَبھوَن دھنی پردہ دیاں چُکائیا۔ تیرے سچکھنڈ دوار کھلوواں، خلق دے خالق تیری سرنائیا۔ اپنیاں آساں تیرے اَگے ڈھوواں، منسا چرناں وِچ رکھائیا۔ تیرے کولوں نہ کُچھ لُکوواں، دُکھڑا سارا دیاں سُنائیا۔ در نِمانی ہوواں، دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرے در دُکھی ہو کے ہار پروواں، پرم پُرکھ پرماتم سِر میرے ہتّھ رکھائیا۔

۱۴ چیت شہنشہی سمت نؤ پِنڈ پکھّووال ضِلع لُدھیانہ سوَرن سِنگھ دے گرِہ

دھرنی کہے سُن میرے اگمّی راما، رام راما دیاں جنائیا۔ چاروں کُنٹ کوُڑ دمامہ، کلجُگ رہیا وجائیا۔ تیرا بُھلیا ستناما، سَت وِچ نہ کوئے سمائیا۔ مانَس مانَو شرع دا ہویا غُلاما، بندھن سکے نہ کوئے تُڑائیا۔ تیرا حق سُنے نہ کوئے پَیغاما، پیِر پَیغمبر ویکھن تھاؤں تھائنیا۔ اُٹھ نِگاہ مار دو جہاناں، زِمیں اسماناں کھوج کھوجائیا۔ میرا دیش ہُندا جائے وَیرانہ، ساچی رُت نہ کوئے سُہائیا۔ تیرا پیار ہویا بیگانہ، میرا غم سکے نہ کوئے چُکائیا۔ چاروں کُنٹ کوُڑ نِشانہ، کوُڑی کِریا رہی جھُلائیا۔ ساچا سجدہ کرے نہ کوئے سلاما، اِسم اعظم نظر کِسے نہ آئیا۔ پریم مُحبّت کھاوے نہ کوئے طعاما، تامس ترِسنا دیِن دُنی ہلکائیا۔ میرے شہنشاہ شاہ اِماما، پروردِگار تیری سرنائیا۔ تیرا حُکم الاہی کلاما، کلمیاں توں باہر پڑھائیا۔ میَں ویکھ کے ہوئی حَیرانا، حَیرت وِچ سُنائیا۔ تیرا اِشٹ رہیا نہ سِری بھگوانا، بھگوَن تیری اوٹ نہ کوئے تکائیا۔ چاروں کُنٹ سرِشٹی درِشٹی دِسے وَیرانہ، وَیری گھر گھر ڈیرہ لائیا۔ تُوں صاحِب سُلطانا وِشنوُں بھگوانا، بھگوَن آتم ویکھ وکھائیا۔ نِرگُن دھار نِروَیر پہریا جامہ، جوتی جاتا ہو کے کھیل کھِلائیا۔ میرا پوِتر کر دے نگر گراما، دھرنی نِو نِو لاگے پائیا۔ تُوں مالک زِمیں اسمانا، تُدھ بِن

دوُجا ویکھن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُوں شاہ پاتشاہ شہنشاہ سُلطانا، ہرِ سَتگُر تیری اوٹ رکھائیا۔

۱۴ چیت شہنشاہی سمت نؤ پِنڈ بسراواں ضِلع لُدھیانہ بھاگ سِنگھ دے گرِہ

دھرنی کہے میرے دُھر دے شام، سانوریِا تیری اِک سرنائیا۔ سرِشٹی درِشٹی اندر دے دے اپنا نام، نام نِدھانا سِری بھگوانا آپ ورتائیا۔ نِجھر جھِرنے امرت پیالہ دے جام، کول نابھی سوانتی بوُند ٹپکائیا۔ بھاگ لگا دے کایا نگر کھیڑے گرام، تن وجوُد وجےّ ودھائیا۔ پوِتر کر دے تت وجوُد چام، چمّ درِشٹی دے بدلائیا۔ کر پرکاش اگمےّ بھان، نوُر نوُرانہ نظری آئیا۔ تیرا دھرم دا جھُلے اِک نِشان، نؤ کھنڈ پرِتھمی سوبھا پائیا۔ ستّ دیِپ تیرا اِکو نام گاؤن، تُوں میرا میَں تیرا راگ الائیا۔ بھیوَ کُھلا دے کایا مندر مکان، کعبیاں پردہ دے چُکائیا۔ تُوں رحمت رحیِم رحمان، رحمت کر چائیں چائنیا۔ میری مُشکل ہووے آسان، روگ سوگ دینا گوائیا۔ میری دھرنی دھرت دھوَل دھؤل ویکھ میَدان، نوَ کھنڈ سوبھا پائیا۔ میَں نِمانی منگاں دان، در ٹھانڈے جھولی ڈاہیِا۔ تُوں دیونہار سِری بھگوان، ہرِ کرتا وڈ وڈیائیا۔ آد انت جُگا جُگنت جانی جان، جاننہار اِک اکھوائیا۔ تیرے در بِھکھاری منگتی بنی آن، آپ اپنی دَیا دینی کمائیا۔ چرن دھوُڑی سرِشٹ موُڑھی کراں اِشنان، دُرمت میَل رہے نہ رائیا۔ سارے تیرا اِشٹ منان، اِشٹ دیوَ سوامی اِکو سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ دیِسے کوئے وِچ جہان، جہالت کلجُگ کوُڑی کِریا دینی مُکائیا۔

۱۴ چیت شہنشاہی سمت نؤ پِنڈ پکھّووال ضِلع لُدھیانہ ناظر سِنگھ دے گرِہ

دھرنی کہے میرے سِری بھگوان، سَت پُرکھ نِرنجن تیری سرنائیا۔ مِہر کر نؤجوان، سچکھنڈ نِواسی دھیان لگائیا۔ سرِشٹی دی درِشٹی اندر دے گیان، آتم پرماتم بھیوَ کُھلائیا۔ دیِپ جوت جگا مہان، اندھ اندھیرا رہے نہ رائیا۔ شبد انادی دے دُھنکان، انحد نادی ناد وجائیا۔ امرت رس دے پیِن کھان، نِجھر جھِرنا آپ جھِرائیا۔ بھاگ لگا دے ساڈھے تِنّ ہتّھ کایا مکان، مندر مسجد شِودوالا مٹھ گُروُدوار اِکو نظری آئیا۔ ساچی بِھچھیا پا دے دان، دَیاوان دَیا کمائیا۔ تیرے چرن دھوُڑ سب دا ہووے اِشنان، دُرمت میَل رہے نہ رائیا۔ تُوں میرا میَں تیرا سارے ڈھولا گان، نوَ کھنڈ وجےّ ودھائیا۔ ستّ دیِپ سَتگُر شبد ہووے پردھان، چار کُنٹاں اِکو رنگ رنگائیا۔ کلجُگ کوُڑی کِریا میٹ نِشان، جوُٹھ جھوُٹھ دا ڈیرہ ڈھاہیِا۔ دیِن دُنی وِچ رہے نہ کوئی بے اِیمان، مایا ممتا موہ نہ کوئے ہلکائیا۔ پنج وِکارا جھگڑا میٹ شیَطان، شرع دی کرے نہ کوئے لڑائیا۔ نوَ ستّ تیرا ہووے مان، نِمانیاں ہونا آپ سہائیا۔ دھرنی کہے میری بیننتی کریں پروان، دُکھی ہو کے رہی جنائیا۔ صدی چؤدھویِں جگت شرع ہوئی شیَطان، شریِعت ویکھ تھاؤں تھائنیا۔ جو پَیغمبراں دِتی کلام، کلمے کائنات دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ دھرنی کہے پربھوُ دے دے نام وست انمُل، کلجُگ جیِواں جھولی پائیا۔ تیرے کنڈے ترازوُ جان تُل، دوُجا نظر کوئے نہ آئیا۔ آتم دھار تیری کُل، کُل مالک تیری اوٹ تکائیا۔ سچ دوارا اِکو جائے کُھل، چار ورن ملِے وڈیائیا۔ تُوں مالک خالق سدا ابُھل، ابُھل تیری سرنائیا۔ میَں چرن پریِتی گھولی جاواں گھُل، آپ آپا گھول گھُمائیا۔ تیری دُنیا تیری سرِشٹی کائنات جاں جاوے رُل، بِن ہرِ نامے سار کوئے نہ پائیا۔ میری پُھلواڑی چؤراسی والی مہکا دے پُھل، پتّ ڈالی اپنے پیار نال مہکائیا۔ تُوں مالک خالق آد جُگاد صُلح کُل، دُئی دوَیتی دا ڈیرہ ڈھاہیِا۔ مانَس بوُٹا کلجُگ جائے نہ ہُل، سِنمل روُپ دینا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا نام بھنڈارا آد جُگاد سدا امُل، کرتے قیِمت نہ کوئے رکھائیا۔