کتب خانہGranth 23 (Shahmukhi)

۱۶ چیت شہنشاہی سمت نؤ چنڈی گڑھ شہر امر چند دے گرِہ

دھرنی کہے پربھوُ میَں تیرے اَگے کراں فریاد، بیننتی حق سُنائیا۔ میَنوُں سَت دی دے دے داد، وست اگمّ ورتائیا۔ تیرا کھیل بودھ اگادھ، بُدھی توں پرے تیری پڑھائیا۔ سُنا دے اگمّا راگ، جگت وِدیا باہر شنوائیا۔ تیری سرِشٹی سوئی جائے جاگ، جاگرت جوت ڈگمگائیا۔ ترےَگُن بُجھا دے آگ، اگنی تت نہ کوئے تپائیا۔ گھر گھر اندر تیرا اُپجے وَیراگ، وَیری اندروں باہر کڈھائیا۔ دھرنی کہے میرے ہوون وڈ وڈ بھاگ، بھاگاں بھری دِسے لوکائیا۔ ہر ہِردا تَینوُں لئے ارادھ، ہر گھٹ اندر اپنا ڈیرہ لائیا۔ سُرتی سُرت وِچ ہووے وِسماد، بِسمِل اپنا آپ کرائیا۔ مانَس مانُکھ مانَو میرا کھِڑ جائے اگمّا باغ، مالی ایکنکارا تُوں ہی نظری آئیا۔ دیِن مذہب دا جھگڑا میٹ دے وِچ

سماج، سمگری ستنام ورتائیا۔ کلجُگ کوُڑی کِریا کرے نہ ناچ، دھرنی دھرت دھوَل کہے میرے اُتوں باہر کڈھائیا۔ میَں بیننتی پرم پُرکھ کردی آج، نمستے کہہ کے نمو نمو وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، در ٹھانڈے منگ منگائیا۔

۱۶ چیت شہنشاہی سمت نؤ چنڈی گڑھ شہر کرنَیل سِنگھ دے گرِہ

دھرنی کہے پربھوُ میری آسا پوُرن کردے پُنی، پتت پُنیِت بنائیا۔ تُوں داتا وڈ گُن گُنی، گہر گمبھیِر اکھوائیا۔ میری پُکار سُنیِں، انسُنت دیاں سُنائیا۔ بھاگ لگاؤنا میری کُلیّ، دھرنی دھرت دھوَل رو رو سیِس نِوائیا۔ تیری امرت دھار سنسار وِچوں گئی ڈُلھی، کھوجیاں ہتّھ کِسے نہ آئیا۔ دُنیا جاپ کردی بُٹاں بُلیں، پربھوُ ہِردے ہرِ نہ کوئے وسائیا۔ جھگڑا ویکھ لےَ دیِن دُنی، مذہب رہے کُرلائیا۔ اپنا لہنا دینا پوُرا کر ایکا نانئے لا کے اُنی، اُنیسا بیِسا ہرِ جگدیِشا اپنا پردہ لاہیِا۔ میَں وَیراگن در تیرے تے بُھلی، ابُھل دینی سرنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیری کھیل سدا صُلح کُلی، کُل مالک ہونا آپ سہائیا۔

۱۶ چیت شہنشاہی سمت نؤ چنڈی گڑھ شہر پرِتھی سِنگھ دے گرِہ

دھرنی کہے پربھوُ ویکھ لےَ اپنی دیِن دُنی دی دھار، دھرم دھرم نال جنائیا۔ سچ مُحبّت رہیا نہ کوئے پیار، کوُڑی کِریا رنگ رنگائیا۔ جِدھر تکاّں دھوُاں دھار تیرا نوُری چند نہ کوئے رُشنائیا۔ میرے نیتر نیَن ہوئے شرمسار، اکھّ پرتکھ سکاں نہ کوئے اُٹھائیا۔ جگت سادھوُ ہوئے گُناہ گار، لجّیا وِچ لجّیا نہ کوئے جنائیا۔ تیرا سُت دُلارا دِسے نہ کوئے برخوردار، پوُت سپوُتا نظر کوئے نہ آئیا۔ اُٹھ سوامی انترجامی چاروں کُنٹ

نِگاہ مار، دہ دِشا ویکھ وکھائیا۔ قُدرت دے قادر تیرا کرے نہ کوئے اِظہار، صِفتاں والی صِفت نہ کوئے وڈیائیا۔ جِدھر تکاّں کوُڑ کُڑیار، کوُڑ کُٹمب چار جُگ دا چارے کُنٹ نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ کوئے سہار، سہائک نائک اِکو اِک نظری آئیا۔

۱۶ چیت شہنشاہی سمت نؤ چنڈی گڑھ لوٹو کلونی جُگِندر سِنگھ دے گرِہ

دھرنی کہے پربھوُ میَں ہوئی انت نِتھاویِں، تِھر گھر واسی دینی وڈیائیا۔ بل رہیا نہ میری باہویں، بلہیِن کُرلائیا۔ میری سار سوامی پاویِں، پرم پُرکھ تیری اوٹ تکائیا۔ میرا لیکھ مُکاؤنا چاو چاویِں، چاؤ گھنیرا دینا دِرڑائیا۔ میرے اُتے اپنے حُکم دی ورتاویِں بھاوی، بھانا اپنے ہتّھ رکھائیا۔ میرا تول ترازو تولیں سانویِں، کنڈا اپنے ہتّھ اُٹھائیا۔ میری عرض غرض پربھوُ جن بھگتاں اپنے لیکھے لاویِں، لہنا اوَر نہ ہتّھ پھڑائیا۔ اوہناں تکّی کایا نگر کھیڑا گراویِں، پنجاں تتاں پھول پھولائیا۔ سوئی سُرتی آپ جگاویِں، جاگرت جوت کر رُشنائیا۔ شبد انادی دُھن سُناویِں، دُھن آتمک راگ گائیا۔ امرت اگمّ جام پیاویِں، جھِرنا بوُند سوانتی کول نابھ ٹپکائیا۔ جوتی جاتے جوت سروُپی ڈگمگاویِں، اندھ اَدھیرا دینا مِٹائیا۔ گھر مندر اِک وِکھاویں، جِتھے چھپّر چھنّ نہ کوئے چُھہائیا۔ سچ سِنگھاسن اِک درساویِں، جِس گرِہ اپنا ڈیرہ لائیا۔ سو پُرکھ نِرنجن اپنے بھگت سُہیلے اپنی جوت مِلاویِں، نِرگُن نِرگُن وِچ رلائیا۔ ہرِ پُرکھ نِرنجن میری ترِسنا دوُر کراویِں، جگت کلپنا رہے نہ رائیا۔ ایکنکارا اپنی اکل کل دھار میرا لیکھا اپنے لیکھے لاویِں، دوُسر آس نہ کوئے رکھائیا۔ آد نِرنجن اپنا نوُر جوت پرکاش چمکاویِں، بِن سوُریہ چند کریں رُشنائیا۔ ابناشی کرتے اپنا مندر آپ سُہاویِں، اندر اپنا ڈیرہ لائیا۔ سِری بھگوان اپنی چرن دھوُڑ میری جھولی پاویِں، خالی دینی بھرائیا۔ پاربرہم پت پرمیشور دھرنی کہے میری دھرت دھوَل دھؤل اپنے رنگ رنگاویِں، کلجُگ کوُڑی کِریا دینی گوائیا۔ سَتگُر شبد داتا گہر گمبھیِر اِک گھلاویِں، بہُہ گُروُآں دی لوڑ رہے نہ رائیا۔ کلجُگ وِچوں سَتجُگ بدلاویں، بدلہ چُکاؤنا تھاؤں

تھائنیا۔ سب دیاں پیشیِن گوئیاں بھوِکھتاں نال رلاویِں، ایکا پردہ دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگت سُہیلے کلجُگ انتم آپ تراویِں، تارنہار تیری آس تکائیا۔

۱۷ چیت شہنشاہی سمت نؤ پِنڈ رُڑکی کلاں ضِلع انبالہ سیوا سِنگھ دے گرِہ

دھرنی کہے پربھوُ نِرگُن دھار اگمّی اُتر، اُتّر پوُرب پچھّم دکھّن دھیان لگائیا۔ جن بھگت سُہیلے بنا لےَ اپنے پُتر، پِتا پوُت گود ٹِکائیا۔ لیکھا پوُرا کر دے جو اِشارہ دِتا پروہت شُکر، بل دوارے گیا جنائیا۔ غریِب نِمانیاں چُک لےَ کُچھڑ، گلے لےَ لگائیا۔ جنم مرن دا میٹ دُکھڑ، دُکھیِاں ہو سہائیا۔ سُپھل کرا دے ماتا کُکھڑ، جننی اپنے رنگ رنگائیا۔ کلجُگ کوُڑ کُڑیارا نیڑ نہ آئے بُچڑ، رائے دھرم نہ دئے سزائیا۔ تیری کِرپا نال دیِن دُنی وِچوں اُٹھن، آتم پرماتم لےَ انگڑائیا۔ تُوں دیِن دَیالا انتم آئیوں تُٹھن، مِہربان مِہر نظر اُٹھائیا۔ سچ سوامی دُھر دی دھار پھڑ لےَ گُٹن، بازو سکے نہ کوئے چُھڈائیا۔ تیرا ناتا کلجُگ کدے نہ آوے ٹُٹن، ٹُٹیاں گنڈھ پوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ جن بھگت بنا لےَ دُھر دے بچےّ، لوک مات توں باہر دے وڈیائیا۔ لیکھے لا لےَ بھانڈے کچےّ، پنج تت رنگ رنگائیا۔ تیرے نام وِچ جان رتےّ، رتن امولک ہیِرے لےَ پرگٹائیا۔ بیِج بیِج دے کایا وتےّ، پھل دُھر دا اِک لگائیا۔ گوبِند دا لیکھا لا لےَ ڈنکا فتح، فاتحہ کر کوُڑ لوکائیا۔ دھرنی رو رو اپنا حال دسےّ، کہہ کہہ رہی سُنائیا۔ جن بھگتاں رَین ہوئے نہ اندھیری مسّے، نوُر چند دینا چمکائیا۔ نِجھر دھار دیوے رسے، بوُند سوانتی سچ ٹپکائیا۔ من منوُآ ہووے وسے، دہ دِشا نہ اُٹھ اُٹھ دھاہیِا۔ تیرے چرن کوَلاں وِچ ہون ڈھٹّھے، دھوُڑی خاک خاک رمائیا۔ دھرنی اُتے سارے کر لےَ اِکٹّھے، پوُرب لہنے کھوج کھوجائیا۔ پرم پُرکھ سب کُجھ تیرے ہتّھے، سمرتھ تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ صاحِب تیری سرنائیا۔ دھرنی کہے پربھوُ جن بھگت سُہیلے لا لےَ اپنے انگ، انگیکار آپ اکھوائیا۔ آتم پرماتم دے سنگ، سگلا سنگ دے وکھائیا۔

امرت دھار بخش دے گنگ، جگت ترِسنا بُھکھ دے مِٹائیا۔ گھر جوت نوُر چاڑھ دے چند، اندھ اندھیرا دینا گوائیا۔ شبد ناد سُنا مردنگ، ڈھولا اگمّ اتھاہیِا۔ بھیوَ کُھلا دے برہم ہنگ، سو پُرکھ نِرنجن تیری اوٹ تکائیا۔ نظری آئے سب نوُں پاربرہم، برہم بھیوَ رہے نہ رائیا۔ جھگڑا میٹ دے کایا ماٹی چمّ، چمّ درِشٹی سب دی دے بدلائیا۔ جن بھگتاں چِنتا رہے کوئے نہ غم، خوشی نام والی دینی ورتائیا۔ سَت دھار دا دے دھرم، دیِن مذہب ونڈ نہ کوئے ونڈائیا۔ میرا اُدے کردے کرم، دھرنی کہے میَں نِو نِو لاگاں پائیا۔ دھوُڑ رما دے خاک اپنے چرن، چرنودک مُکھ دینا چوائیا۔ جن بھگتاں لیکھے لا دے جنم، آون جاون پندھ مُکائیا۔ کوُڑی کِریا میٹ دے بھرم، بھانڈا بھرم دے بھنّائیا۔ لیکھا رہے نہ ورن برن، کھتری براہمن شوُدر وَیش اِکو رنگ رنگائیا۔ تیرا نِرگُن دھار درس کر کے سارے ترن، تارنہار تیری وڈ وڈیائیا۔ تُوں میرا میَں تیرا ڈھولا پڑھن، سوہنگ شبد کر شنوائیا۔ تیری منزل حقیِقی چڑھن، سچکھنڈ پُجن چائیں چائنیا۔ جوتی جوت جوت وِچ رلن، وِچ جوتی جوت سمائیا۔ لیکھا رہے نہ جنم مرن، مر جیِوت روُپ بدلائیا۔ تُوں کرتا کرنی کرن، کرتا پُرکھ اگمّ اتھاہیِا۔ دھرنی کہے پربھوُ میَں تیری لاگاں سرن، سرنگت اِک تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِ بھگت بنّھا اپنے لڑن، پلّوُ ایتھے اوتھے سکے نہ کوئے چُھڈائیا۔

۱۷ چیت شہنشاہی سمت نؤ پِنڈ دھیان پُرا ضِلع انبالہ بچن سِنگھ دے گرِہ

دھرنی کہے میرے مالک خالق امبری، پرم پُرکھ پرماتم تیری اِک سرنائیا۔ دیِن دُنی اپنی آ کے ویکھ بے صبری، دھیِرج دھیِر بے نظیِر نہ کوئے رکھائیا۔ جگت شاستر تیرا نام سُناؤندے زبری، زبردستی دیِن دُنی دِرڑائیا۔ جِدھر تکّو من ذِبح پائی غدری، گداگر دِسے خلق خُدائیا۔ تیری دھار نظر نہ آئے کوئے عدلی، اِنصاف سچ نہ کوئے کمائیا۔ مِہربان میرے محبوُبا میرے اُتوں کلجُگ کر دے بدلی، سَتجُگ سچ سچ دے ورتائیا۔ میرا پندھ مُکا دے منزلو منزلی، منزل اگلی رہے نہ رائیا۔ اُٹھ ویکھ لےَ پِھری دروہی پہاڑاں جنگلی، جوُہاں روون مارن دھاہیِا۔ کوئی شرع دی توڑے نہ سنگلی، زنجیر سکے نہ کوئے کُھلائیا۔ پُرکھ اکالے دیِن دَیالے کِسے نوُں سمجھ نہ آؤندی گلّ اگلی، کرتا اپنا

حُکم ورتائیا۔ دھرنی کہے میَنوُں سب کُجھ دِسدا کیوں سَتگُر نانک گل وِچ پائی بغلی، بغلگیِر بغداد وِچ گیا سُنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل سدا سارے جگ لئی، جاگرت جوت کر رُشنائیا۔

۱۷ چیت شہنشاہی سمت نؤ پِنڈ گھڑوُآ ضِلع انبالہ سُرجیِت سِنگھ دے گرِہ

دھرنی کہے پربھوُ میریِاں دُکھاں نال نِکلدیِاں چیِکاں، بہُڑی بہُڑی کر کُرلائیا۔ تُوں صاحِب سوامی نیِکن نیِکا، تیری وڈّی وڈ وڈیائیا۔ تیرے وِچ حق تؤفیِقا، مِہربان تیری سرنائیا۔ دروہی میرے اُتے میٹ دے کوُڑیاں لیِکاں، کوُڑ کُکرم دا ڈیرہ ڈھاہیِا۔ دیِن دُنی دیِاں اندروں بدل دے نیِتاں، نیِتیوان تیری سرنائیا۔ جھگڑا مِٹا دے مندر مسیِتاں، کعبہ حُجرہ اِکو اِک وکھائیا۔ جِتھے شبد دُھن ناد گائے راگ تُوں میرا میَں تیرا ٹھانڈا سیِتا، اگنی اگّ نہ کوئے تپائیا۔ پِچھلا وقت پِچھے بیِتا، اَگے اگمّڑی آس رکھائیا۔ سَتگُر شبد ہو کے نؤ کھنڈ پرِتھمی کر تصدیِقا، شہادت اپنی اگمّ بُھگتائیا۔ چاروں کُنٹ تک ترےَگُن اتیِتا، تپے انگیِٹھا، امرت میگھ نہ کوئے برسائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرے نام کلمے دیِاں اِکو ہون حدیِثاں، حضرتاں توں باہر دے سمجھائیا۔

۱۷ چیت شہنشاہی سمت نؤ پِنڈ گھڑوُآ ضِلع انبالہ گُردیو سِنگھ دے گرِہ

دھرنی کہے میَنوُں یاد آؤندا رام کرِشن دا بھوِکھ، بِن اکھّراں توں سوبھا پائیا۔ جِس وِچ اِک سوامی تیرا ہووے اِشٹ، دوُجا نظر کوئے نہ آئیا۔ سچّا مارگ دے دے سرِشٹ، سُرتی شبد نال جُڑائیا۔ جو سندیسہ دے کے گیا وشِشٹ، وِشیاں توں باہر بھیوَ کُھلائیا۔ سو سوامی انترجامی جگت جیِواں دے دے صِدق، بھروسہ اپنے نال رکھائیا۔ منوُآ من کرے نہ عِلّت، دہ دِشا نہ اُٹھ اُٹھ دھائیا۔ سچ دوار دی

اِکو دسّ دے سِمت، گرِہ مندر اِک وکھائیا۔ جِتھے کوئی نہ ہووے نِندک، دُتیا روُپ نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مِہربان سِر اپنا ہتّھ ٹِکائیا۔

۱۷ چیت شہنشاہی سمت نؤ پِنڈ بٹھلانا ضِلع انبالہ بیِر سِنگھ دے گرِہ

دھرنی کہے میَنوُں اِشارہ دیوے عیسیٰ موُسیٰ محمد سنگ چار یار، کلمیاں توں باہر رہے دِرڑائیا۔ اوہ ویکھ نوُر نوُرانہ ہوئے اُجیار، دو جہاناں کرے رُشنائیا۔ جو لہنے دینے پوُرب قرض دئے اُتار، مقروُض اپنا حُکم ورتائیا۔ دیِناں مذہباں کرے خبردار، بے خبری وِچوں جگائیا۔ جِس اِمام دی عملاں توں باہر کرن اِنتظار ، اُمت بَیٹھی اکھّ اُٹھائیا۔ سو کھیل کھِلا دے میرے پروردِگار، پرم پُرکھ تیری سرنائیا۔ صدی چؤدھویِں چارے کُنٹاں آئے ہار، سِر سکے نہ کوئے اُٹھائیا۔ میَں تیری خادم خِدمتگار، خُدگرزی نہ کوئے رکھائیا۔ دھرنی کہے میرے نر نرائن نِرنکار، کرتا پُرکھ تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ سچّے سِکدار، سد تیری اوٹ تکائیا۔

۱۷ چیت شہنشاہی سمت نؤ پِنڈ مانک پُر ضِلع انبالہ گُردیو سِنگھ دے گرِہ

دھرنی کہے پربھوُ لیکھا کر دے نانک گوبِند پوُرا، پاربرہم تیری سرنائیا۔ تُوں آد جُگادی حاضر حضوُرا، ہر گھٹ وسیا تھاؤں تھائنیا۔ کلجُگ جیِو چتُر سُگھڑ بنا دے موُرکھ موُڑھا، بُدھ بِبیک کرائیا۔ چرن کوَل بخش دے ساچی دھوُڑا، ٹِکّے مستک خاک رمائیا۔ تن رنگ چڑھا دے گوُڑھا، دو جہاناں اُتر کدے نہ جائیا۔ امرت آتم دے دے سچ سروُرا، سُرتی شبد وِچ سمائیا۔ جو موُسیٰ آسا رکھی اُتے کوہ طوُرا، تُریا توں باہر لیکھا دینا چُکائیا۔ سب دا گڑھ توڑ غروُرا، ہؤمے ہنگتا دے مِٹائیا۔ تُوں سرب کلا بھرپوُرا، بھرپوُر رہیا

سرب ٹھائینا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سَتگُر تیری اوٹ تکائیا۔ دھرنی کہے پربھوُ میری چار جُگ دی کتھا کہانی، کہاوت وِچ جنائیا۔ کِرپا کر شاہ سُلطانی، شہنشاہ تیری وڈ وڈیائیا۔ صدی چؤدھویِں منزل کر آسانی، اَگے ہو نہ کوئے اٹکائیا۔ دیِن دُنی دی اندروں کڈھ بے اِیمانی، بیوہ روُپ نہ رہے لوکائیا۔ جھگڑا رہے نہ کوئے جِسمانی، جِسم ضمیِر سب دی دے بدلائیا۔ نؤ کھنڈ پرِتھمی ستّ دیِپ اپنے مِلن دی منزل دسّ آسانی، اَگے ہو نہ کوئے اٹکائیا۔ تُوں جلوہ گر نوُرانی، نوُر نوُرانہ اِک اکھوائیا۔ لیکھے لا لےَ جیِو پرانی، پُنہ پُنہ سیِس جھُکائیا۔ شرع دی گلوں کٹ غُلامی، زنجیر کوُڑ رہے نہ رائیا۔ تُوں میرا میَں تیرا دسّ کلامی، کائنات آپ پڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا درس ہوئے نِرگُن جوت نوُرانی، نوُر نوُرانہ اِکو نظری آئیا۔

۱۷ چیت شہنشاہی سمت نؤ پِنڈ مانک پُر ضِلع انبالہ سنت سِنگھ دے گرِہ

دھرنی کہے میرے انتر تک پربھوُ پربھ میرے، مِہربان دھیان لگائیا۔ میرے اُتے چاروں کُنٹ کوُڑ دے ڈیرے، گرِہ گرِہ بَیٹھا آسن لائیا۔ دہ دِشا تک لےَ جھیڑے، جھگڑا سکے نہ کوئے مُکائیا۔ برباد دِسے کایا کھیڑے، اُجڑے گھر نہ کوئے وسائیا۔ پُرکھ اکال دیِن دَیال کلجُگ انتم وقت آ گیا نیڑے، دوُر دُراڈا پندھ مُکائیا۔ لیکھے ویکھ لےَ گُروُ گُر چیرے، چیلے گُر دھیان لگائیا۔ سرِشٹ سبائی پِھرے وِچ اندھیرے، نوُری چند نہ کوئے چمکائیا۔ کوئی نہ چڑھے تیرے نام دے بیڑے، نئیا نؤکا پار نہ کوئے کرائیا۔ سرِشٹی گھُنمدی چؤراسی والے گیڑے، جم کی پھاسی نہ کوئے کٹائیا۔ دھرنی کہے پربھوُ تُدھ بِن حق کرے نہ کوئے نبیڑے، حقیِقت ویکھن کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میَں سوالن ہوئی در تیرے، در ٹھانڈے الکھ جگائیا۔

۱۷ چیت شہنشاہی سمت نؤ پِنڈ چوُنی کلاں ضِلع انبالہ ہزارا سِنگھ دے گرِہ

میری الکھ اِک سوامی، دھرنی دھرت دھوَل جنائیا۔ تُوں مِہربان انترجامی، انتشکرن ویکھ خلق خُدائیا۔ تُوں گہر گمبھیِر گُن نِدھانی، گُنونتا وڈ وڈیائیا۔ مان رہیا نہ وید پرانی، گیِتا گیان دئے گواہیِا۔ نیتر رووے اِنجیِل قرآنی، تُریَت بائیبل دئے گواہیِا۔ اُچی کوُک پُکارے چارے کھانی، پرا پسنتی مدھم بَیکھری کوُک کوُک جنائیا۔ دروہی آتم پرماتم میل ملِے کِسے نہ ہانی، سُرت شبد نہ کوئے مِلائیا۔ مان رہیا نہ اٹھسٹھ تیِرتھ پانی، گنگا گوداوری جمنا سُرستی بَیٹھیاں ڈھیریاں ڈھاہیِا۔ مانَس بوُٹے دھرم دا پھل رہیا نہ کِسے ٹاہنی، سِنمل رُکھ سرب لہرائیا۔ کِرپا کر سِری بھگوانی، ہرِ کرتے تیری اوٹ تکائیا۔ دھرنی کہے کلجُگ کوُڑی کِریا میرے اُتوں کڈھ کرم کانڈ دی نِشانی، نِشانہ دھرم والا جھُلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد پُرکھ اپرمپر سوامی، پرم پُرکھ پرماتم تُدھ بِن دوُجا نظر کوئے نہ آئیا۔

۱۷ چیت شہنشاہی سمت نؤ پِنڈ راجے ماجرہ ضِلع انبالہ پریِتم سِنگھ دے گرِہ

دھرنی کہے پربھوُ میری ٹیک تیرے اُتے، دوُسر اِشٹ نہ کوئے منائیا۔ تُوں پاربرہم ابناشی اچُتے، پروردِگار تیری سرنائیا۔ میری سُہنجنی کر دے رُتے، رُتڑی اپنے نام نال مہکائیا۔ جن بھگت اُٹھا لےَ سُتّے، کلجُگ آلس نِندرا وِچوں باہر کڈھائیا۔ جیہڑے تیرے پیار دے بُھکھے، ترِسنا بُھکھ دے گوائیا۔ اوہناں دی پریِت پریِتم کدے نہ ٹُٹے، آتم پرماتم میلا میلنا سہج سُبھائیا۔ دھرنی کہے میرے اُتوں میٹ دے دُکھے، دُکھیِاں دُکھ درد ونڈائیا۔ پربھوُ مانَس موُل رہن نہ بُھکھے، بُھکھیاں بُھکھ دینی گوائیا۔ تیرے دوارے سدا اُچے، محل اٹل وجدی رہے ودھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، کلجُگ کوُڑی کِریا پیَنڈے جان مکُے، مُکمل اپنا حُکم دینا ورتائیا۔

۱۸ چیت شہنشاہی سمت نؤ پِنڈ بٹھلانا ضِلع انبالہ جیٹھا سِنگھ دے گرِہ

دھرنی کہے پربھوُ جن بھگتاں دے دے نام دا جوگ، جُگیِشر دھرم دھار بنائیا۔ کایا مندر اندر کٹ دے روگ، ہؤمے ہنگتا رہے نہ رائیا۔ آتم پرماتم کر سنجوگ، دُھر میلا لےَ مِلائیا۔ نِج گھر واسی کوُڑی کِریا کر وِیوگ، پنچ وِکار نیڑ نہ آئیا۔ سَت سچ دا دے بھوگ، بِن رسنا رس چکھائیا۔ پُرکھ اکالے دیِن دَیالے تیری ہووے اوٹ، اِکو تیرا نام دِھیائیا۔ من کلپنا کڈھ دے کھوٹ، بُدھ بِبیک دے بنائیا۔ آلنیوں ڈِگے اُٹھا لےَ بوٹ، پھڑ باہوں گلے لگائیا۔ دُھن آتمک شبد لگا چوٹ، سوئی سُرت اُٹھائیا۔ کر پرکاش نِرمل جوت، اندھ اندھیر رہے نہ رائیا۔ نیڑ نہ آئے لاڑی مؤت، رائے دھرم نہ دئے سزائیا۔ گھر گھر اندر پُرکھ اکالے پہنچ، ہرِجن ویکھ چائیں چائنیا۔ تُوں دُھر سوامی اگمّا کھؤنت، خصم خصمانہ اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سہائی ہونا لوک پرلوک، دو جہاناں اپنی دَیا کمائیا۔

۱۸ چیت شہنشاہی سمت نؤ پِنڈ راجے ماجرہ ضِلع انبالہ پریِتم سِنگھ دے گرِہ

دھرنی کہے پربھوُ جن بھگتاں دُکھ دلِدر دے کٹّ، کٹاکش اپنا نام لگائیا۔ بھاگ لگا دے کایا مّٹ، ساڈھے تِنّ ہتّھ وجےّ ودھائیا۔ منوُآ دہ دِشا نہ جائے نٹوُآ نٹ، سوانگی اپنا سوانگ ورتائیا۔ تُوں وسنہارا گھٹ گھٹ، ہر گھٹ اندر رہیا سمائیا۔ دُرمت میَل گُرمُکھاں اندروں کٹّ، پتت پُنیِت دے بنائیا۔ ساچا دھرم کُھلا ہٹّ، ونج اپنا نام جنائیا۔ سر سروور نُہا تٹ، کنارہ اِکو اِک رکھائیا۔ جن بھگتاں سگل وسوُرے جان لتھ، سِری بھگوان تیرا درشن پائیا۔ بھوُت پریت جان نسّ، جِنّ خبیِث رہن کوئے نہ پائیا۔ تیری سرن سرنائی اِکو ٹِکّے لاؤن متھ، مستک دھوُڑی خاک رمائیا۔ سوامی سب کُچھ تیرے ہتّھ، دیونہار اگمّ اتھاہیِا۔ دھرنی کہے میَں جوڑ کے دوویں ہتّھ، پرم پُرکھ تیرے اَگے سیِس نِوائیا۔ جِؤں بھاویں تِؤں لیَنا رکھ، جن بھگتاں ہونا آپ سہائیا۔ جِنہاں تیرا نام جَیکارا لگایا الکھّ، الکھ اگوچر دینی

وڈیائیا۔ خالی بھانڈا رہے کوئے نہ سکھ، سکھنے دینے آپ بھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان تیرا حُکم سدا سدا سد سچ، سچ تیری وڈیائیا۔

۱۸ چیت شہنشاہی سمت نؤ دھیان پُرا ضِلع روپڑ ہرجِندر سِنگھ دے گرِہ

دھرنی کہے میرے سوامی پیِراں دے پیِر، پاربرہم تیری سرنائیا۔ تیرے چرن کوَل میرے نیَناں وہندا نیِر، ہنجھوُاں ہار بنائیا۔ جن بھگتاں بدل دے تقدیِر، پِچھلے کرم دا لیکھا آپ چُکائیا۔ انتر رہے نہ کوئے دِلگیِر، چِنتا غم نہ کوئے ستائیا۔ سچ سوامی بخش دے دھیِر، دھیِرج اپنا نام دِرڑائیا۔ انتر آتم بخش سیِر، جگت ترِسنا بُھکھ مِٹائیا۔ اِکو رنگ رنگا دے کایا ماٹی سریِر، پنج تت تتاں وجےّ ودھائیا۔ اندروں بدل دے ضمیِر، مِہربان مِہر نظر اُٹھائیا۔ تیرے ہتّھ سب توں وڈی تدبیِر، جِس دا طریقہ سمجھ کِسے نہ آئیا۔ لیکھے لا لےَ شاہ حقیِر، غریِب نِمانیاں ہو سہائیا۔ کوُڑ کُڑیارا اندروں گھتی جائے وہیِر، تن مندر رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں کٹ دے بھیِڑ، دُکھ دلِدر رہن نہ پائیا۔

۱۸ چیت شہنشاہی سمت نؤ پِنڈ روڑ ضِلع روپڑ پیارا سِنگھ دے گرِہ

دھرنی کہے پربھوُ جن بھگتاں چاڑھ دے رنگ، رنگت اپنا نام رنگائیا۔ بِھکھارن ہو کے منگاں منگ، سوالن ہو کے جھولی ڈاہیِا۔ نِج گھر دے انند، انند انند وِچوں پرگٹائیا۔ جِنہاں تُوں میرا میَں تیرا گایا چھند، تِنھاں ہونا آپ سہائیا۔ پُرکھ اکالا دیِن دَیالا تُوں بخشند، بخشنہار وڈ وڈیائیا۔ جنم جنم دی ٹُٹی گنڈھ، گنڈھنہار دَیا کمائیا۔ سچ پریِتی نام ونڈ، وست اگمّ ورتائیا۔ روگ سوگ کردے کھنڈ کھنڈ، کھنڈا کھڑگ نام کھڑکائیا۔ کوُڑ وِکارا اندروں دنڈ، ڈنڈاوت اپنی دے سمجھائیا۔ تیرا کھیل وِچ وربھنڈ، برہمنڈ دھیان لگائیا۔ لیکھا مُکا دے جیرج انڈ، اُتبُھج سیتج پندھ رہے نہ رائیا۔ تیرے بھگت سُہیلے پربھوُ نوُری چمکن چند، جگت جہان کرن رُشنائیا۔ اِنہاں خوشی رکھنا بند

بند، بندگی اپنی اِک سمجھائیا۔ دُئی دوَیتی ڈھاہ دے کندھ، بھانڈا بھرم دینا بھنّائیا۔ سُہنجنی کر سیج پلنگ، آتم پرماتم آسن لیَنا لائیا۔ تیرے نام دا اندر وجےّ مردنگ، دُھن انادی ناد شبد شنوائیا۔ امرت رس دے کے پاؤنی ٹھنڈ، نِجھر جھِرنا آپ جھِرائیا۔ سوامی مالک ہو کے کدے نہ دیویں کنڈ، سنمُکھ ہو کے نظری آئیا۔ میری آسا منسا پوُری کریں منگ، جن بھگتاں ہونا آپ سہائیا۔ گھر گھر گرِہ گرِہ تن وجوُد اندر دینا انند، دُکھ سُکھ وِچ بدلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد سدا بخشند، بخشنہار بخشش رحمت آپ کمائیا۔

۱۸ چیت شہنشاہی سمت نؤ پِنڈ کھوجا ضِلع روپڑ پریِتم سِنگھ دے گرِہ

دھرنی کہے صاحِب سوامی سجّن، پُرکھ اکال دیِن دَیال تیری سرنائیا۔ آتم پرماتم کرا اگمّا مجن، دُرمت میَل رہے نہ رائیا۔ کوُڑی کِریا گڑھ ہنکاری بھانڈے بھجّن، ہؤمے ہنگتا رہے نہ رائیا۔ بھاگ لگا دے جن بھگتاں کایا ماٹی بدن، تن وجوُد ہوئے رُشنائیا۔ ساچا شبد سُنا ندّن، دھنّ انادی کر شنوائیا۔ سچ پریِتی وِچ کر مگن، مستی نام خُماری اِک رکھائیا۔ رجو طمعو ستو لیکھا مُکا دے ترےَگُن اگن، اگنی تت نہ لاگے رائیا۔ میَں جِدھر تکاّں سنت سُہیلے تیرے دیِپک جگن، چار کُنٹ ہووے رُشنائیا۔ آتم پرماتم لگّی ہووے لگن، سُرت شبد وِچ سمائیا۔ دھرنی کہے میرے پُرکھ اکالے میَں ایہو وست آئی منگن، مانگت ہو کے جھولی ڈاہیِا۔ نِگاہ مار لےَ زِمیں اسماناں اُپر گگن، گگننتر دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری آس رکھائیا۔ دھرنی کہے میرے صاحِب سوامی کملاپتی، پت پرمیشور تیری آس تکائیا۔ دیِن دُنی نوُں دھرم دی دھار دے متی، من مت دا ڈیرہ ڈھاہیِا۔ جگت اگنی پوہ نہ سکے تتی، امرت میگھ دینا برسائیا۔ سچ پریِتی جوڑ لےَ نتی، رِشتہ اِکو اِک وکھائیا۔ جنم مرن وِچوں کر دے گتی، گت مِت اپنے ہتّھ رکھائیا۔ تُوں صاحِب سوامی اِک سمرتھی، سمرتھ پُرکھ تیری وڈیائیا۔ لہنا دینا مُکا دے ہتّھو ہتّھی، اَگے اُدھار نہ کوئے جنائیا۔ میرے پروردِگار سانجھے یار میَں تیرے چرن کوَلاں ڈھٹّھی، نِو نِو لاگا پائیا۔ چاروں کُنٹ کلجُگ کوُڑ دی تپے بھٹّھی، کوُڑ کُڑیارا اگنی رہیا ڈاہیِا۔ میَں در

دوارے آئی نَٹھی، صاحِب بھجیّ واہو داہیِا۔ جوتی جوت سروُپ ہرِ، آپ اپنی کِرپا کر، ہرِ سچ تیری سرنائیا۔ دھرنی کہے میرا کھول دے انتر پردہ، پردہ نشیِں پردہ آپ اُٹھائیا۔ میَں کھیل تکاّں تیرے گھر دا، درگاہ ساچی ویکھ وکھائیا۔ جِتھے دیِپک جوت اگمّا بلدا، نوُر نوُرانہ نظری آئیا۔ سچکھنڈ دوارا سِنگھاسن ویکھاں محل اٹل دا، بِن نیَناں نیَن اُٹھائیا۔ تُوں مالک خالق پرِتپالک جل تھل دا، مہیئل تیری اوٹ تکائیا۔ میرا لہنا دینا لیکھا دھرتی کہے پوُرا کردے راجے بل دا، باوَن اِشارے رہیا کرائیا۔ جِس دا حُکم کدے نہ ٹلدا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ دھرنی کہے پربھوُ میرے کول پُرانی پترکا لِکھی، بِن اکھّراں سوبھا پائیا۔ ایتھے آئے سپتس رِکھی، مُنی اپنا پندھ مُکائیا۔ اتری نے ویکھی مِتی، بھاردواج دِتا جنائیا۔ اوہ نِگاہ مار سرِشٹی دی درِشٹی، رسنا رس رہنی نہیں مِٹھی، کِریا کوُڑ نال ہلکائیا۔ اُس ویلے دھرنی دُہتّھڑ مار کے رووے پِٹی، بہُڑی بہُڑی کر سُنائیا۔ خاک اُڈاوے اپنی مِٹّی، چاروں کُنٹ بھوائیا۔ تکّے بِٹ بِٹی، بِن نیَناں نیَن اُٹھائیا۔ پُرکھ اکالے دیِن دَیالے دے چرناں ہووے لِٹی، لٹاں کُھلیِاں دے وکھائیا۔ میرے صاحِب سوامی گھٹ نِواسی پُرکھ ابناشی میرا انتم لہنا دینا نجِٹّھی، بیِس بیِسے دَیا کمائیا۔ سو پُرکھ نِرنجن ہاہے اُتے سُہاؤنی ٹِپی، ہنگ برہم دینی مان وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے میرے تے اتری لِکھیا لیکھ اپارا، بِن قلم سیاہی وڈیائیا۔ سیَنت نال دِتا اِشارہ، بِن اکھّاں اکھّ اُٹھائیا۔ دھرنی اوہ تک کلجُگ انت کنارہ، ڈھئیا گوبِند والا پار کرائیا۔ کل کلکی لئے اوتارا، اِمام اِماما نوُر الاہیِا۔ جِس تیرا اُتارنا بھارا، سِر اپنا ہتّھ ٹِکائیا۔ جوتی جاتا پُرکھ بِدھاتا ہووے ظاہرا، ظاہر ظہوُر کرے رُشنائیا۔ تُوں میرا میَں تیرا لگائے نعرہ، آتم پرماتم ڈھولا راگ سُنائیا۔ جِس دا لیکھا کاغذ قلم نہ لِکھنہارا، اوتار پَیغمبر گُروُ بےانت کہہ کے گئے سُنائیا۔ سو سوامی نر نرائن چؤبیسا ہو اوتارا، جگدیِشا اپنا حُکم ورتائیا۔ تُوں نِو نِو کریں نِمسکارا، ڈنڈاوت بندنا وِچ سیِس جھُکائیا۔ تیری انتم پاوے سارا، مہاسارتھی ہو کے ویکھ وکھائیا۔ چل کے آئے تیرے دوارا، دوارکاواسی جِس دا نِشانہ گیا دِرڑائیا۔ سو لہنا دینا پوُرا کرے وِچ سنسارا، سنساری بھنڈاری سنگھاری نال مِلائیا۔ کلجُگ کوُڑ کِریا میٹے دھوُاں

دھارا، دھرم دا دھرم نِشان اِک جھُلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ سچّی سرکارا، سَت سروُپی شاہو بھوُپی، بِن رنگ روُپی اِک اکھوائیا۔

۱۸ چیت شہنشاہی سمت نؤ پِنڈ کھوجا ضِلع روپڑ امرو دیوی دے گرِہ

سَتگُر دیوے امراپد، امرو امر آپ کرائیا۔ جنم کرم دی میٹ کے حد، جگت جنجال وِچوں باہر کڈھائیا۔ بھاگ لگا کے دھرم دی ید، یادو کرِشن دا لہنا لیکھے پائیا۔ جِس دے دوارے تے وَیراگی ہو کے وجاؤندا رہندا سی ند، دُھناں نال شنوائیا۔ سچ پریِتی وِچ گیا سی بجھّ، بندنا بندنا وِچ سیِس نِوائیا۔ جگت واسنا چھڈ کے حد، جاگرت جوت پربھ دے نال مِلائیا۔ درشن کیِتا رجّ، خوشی خوشی وِچوں پرگٹائیا۔ جھٹ دھرم کواری آئی بھجّ، نیتر درشن پائیا۔ وِچوں اُڈی لج، نیَن لوچن بِگسائیا۔ جھٹ کرِشن ماری دھج، دُھج شبد والی جنائیا۔ بان نِرالا گیا وجّ، سوئی سُرت اُٹھائیا۔ کیوں منوُآ گیا بھجّ، کاہن توں باہر دھیان لگائیا۔ جھٹ چرناں تے گیا ڈھٹّھ، نِو نِو سیِس نِوائیا۔ کرِشن پِٹھ تے پھیر کے ہتّھ، سِر ہتّھ دِتا ٹِکائیا۔ تیری آشا دی ملِے وتھ، وست دیاں ورتائیا۔ تیرا روُپ انوُپ اِستری ہووے وت، بے وطن اپنی کھیل کھِلائیا۔ پھیر لہنا دینا ہتّھ پُرکھ سمرتھ، سہج نال سمجھائیا۔ اوہ کِرپا کرے اکتھنا اکتھ، مِہر نظر اُٹھائیا۔ انتم اپنے لیکھے گھت، لہنا دینا جگت جہان مُکائیا۔ سو پُرکھ اکالا دیِن دَیالا چرن کوَل کوَل چرن سہارا دیوے نت، آتم پرماتم جوڑ جُڑائیا۔ مانَس جنم نہ ہووے بھٹّھ، اگنی اگّ نہ کوئے تپائیا۔ سچکھنڈ دوارے سچ آتم دوارے جائے وس، واسطہ پرماتما نال رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا آد جُگادی ہووے ہتّھو ہتّھ، جُگ جنم دا پوُرب لیکھا پوُر کرائیا۔

۱۸ چیت شہنشاہی سمت نؤ پِنڈ سوڈھیاں ضِلع ہوشیار پُر سنتوکھ سِنگھ دے گرِہ

دھرنی کہے پربھوُ میری پوُری کر دے سدھر، صدمہ جگت رہے نہ رائیا۔ دیِن دُنی تیرا کرے قدر، قُدرت دے قادر تیری اوٹ تکائیا۔ نوَ ستّ میٹ دے غدر، ہؤمے ہنگتا گڑھ تُڑائیا۔ آتم پرماتم دھار دسّ دے پدّھر، سچ دوارا اِک سمجھائیا۔ مِہربان محبوُب مِہر دی کر دے ندر، ندری ندر اُٹھائیا۔ سچ دوارے آئی دات منگن، مانگت ہو کے جھولی ڈاہیِا۔ سچ پریم دی چاڑھ دے رنگن، دُرمت میَل دھوائیا۔ کِرپا کر سوُرے سربنگن، شہنشاہ تیری اوٹ تکائیا۔ خوشی پرگٹا دے وِچ برہمنڈن وربھنڈن تیری وجےّ ودھائیا۔ سب نوُں چرن دھوُڑ مستک لا دے چندن، دُرمت میَل دھوائیا۔ سرِشٹی درِشٹی انتر نِرنتر تیری کرے بندن، بندگی اِکو اِک دِرڑائیا۔ سچ دوارا ایکنکارا سارے تیرا لنگھن، در ٹھانڈے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ دھرنی کہے پربھوُ دیِن دُنی دی کھول دے سُرت، سُتیاں دے جگائیا۔ کِرپا کر سوامی تُرت، تُریا توں باہر بھیوَ کُھلائیا۔ نوُر نوُرانی تیری نظری آئے موُرت، انُبھوَ پرکاش کرائیا۔ پندھ مُکا دے نیڑ دوُرت، دوُر دُراڈا رہن کوئے نہ پائیا۔ چتُر سُگھڑ بنا دے موُرکھ موُڑھت، سِر اپنا ہتّھ ٹِکائیا۔ ایس وقت سوامی تیری ضرورت، ظاہر ظہوُر کر رُشنائیا۔ جھگڑا میٹ دے کِریا کوُڑت، کوُڑ کُٹمب مِٹائیا۔ ساچی بخش دے چرن دھوُڑت، تیرے چرن سارے خاک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے الکھ جگائیا۔ دھرنی کہے پربھوُ دیِن دُنی نوُں دے دے شانت، اگنی تت نہ کوئے تپائیا۔ نظری آ ایکنکار آپ ایکانت، اکل کل دھاری اپنا بھیوَ کُھلائیا۔ گُپت ظاہر کر بات، باطن پردہ آپ چُکائیا۔ کلجُگ کوُڑ اندھیری مِٹا رات، سَتجُگ ساچا چند کر رُشنائیا۔ جھگڑا میٹ دے ذات پات، دیِن مذہب شرع زنجیر دے کٹائیا۔ تُوں میرا میَں تیرا آتم پرماتم سب دی ہووے گاتھ، گہر گمبھیِر بے نظیِر اِکو رنگ دینا رنگائیا۔ پاربرہم برہم دے دے سگلا ساتھ، سنگی اِکو اِک ہونا نوُر الاہیِا۔ تُوں رام رحیِما میرا رگھُناتھ، رگھُپت تیری اوٹ تکائیا۔ جو سندیسہ ارجن دے کے گیا تریَلوکی ناتھ، کاہن کرِشن کرِشن دِرڑائیا۔ جو عیسیٰ موُسیٰ محمد کلمیاں توں باہر تیری سُنائی گاتھ، کائنات توں باہر جنائیا۔ جو نانک نِرگُن دھار گیا آکھ، گوبِند جِس دی کرے شنوائیا۔ سو لہنا دینا دھرنی کہے میرا پوُرا کر دے بھاگ، وست امولک اگمّ اتھاہ

ورتائیا۔ تیری جوت دا اِکو نوُر جگے چراغ، چراگاہاں کرے رُشنائیا،۔ کلجُگ جیِواں بُدھی بدل دے ہنس بنا دے کاگ، کاگوں ہنس اُڈائیا۔ دُرمت میَل دھو دے داغ، پاپیاں انت کر صفائیا۔ ترےَگُن بُجھا دے آگ، اگنی تت نہ کوئے تپائیا۔ پرم پُرکھ تیرا اِکو اُپجے انت وَیراگ، وَیری اندروں باہر کڈھائیا۔ تُوں سوامی انترجامی اِکو دِسیں کنت سُہاگ، کنت کنتُوہل تیری اوٹ تکائیا۔ اوہ لیکھا تک لےَ جِس ویلے گوبِند اُڈایا باز، بازی دیِن دُنی اُلٹائیا۔ دھرنی کہے میری اِک فریاد، دُکھی ہو کے حال سُنائیا۔ کلجُگ وِچ سَتجُگ کر آباد، دھرنی دھرت دھوَل ملِے وڈیائیا۔ میرے ہوون وڈ وڈ بھاگ، بھاگاں ونتی ہو کے تَینوُں سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے آس رکھائیا۔ دھرنی کہے پربھوُ اپنی دیِن دُنی سمجھا، سمجھ سمجھ وِچوں بدلائیا۔ پردہ اوہلا انتر چُکا، دُئی دوَیتی ڈیرہ ڈھاہیِا۔ کوُڑی کِریا پندھ مُکا، مُکمل اپنا حُکم سُنائیا۔ تُوں واحد اِک خُدا، خود مالک تیری اوٹ تکائیا۔ صدی چؤدھویِں سب نوُں کر جُدا، جُز وکھّرے ویکھ وکھائیا۔ جُگ بدلنا تیری آد دی اِک ادا، عدل اِنصاف لیَنا کمائیا۔ میَں تیرے چرناں ہوواں فِدا، سیِس جگدیِش تیری بھیٹ کرائیا۔ کوُڑی کِریا میرے اُتوں کر الوداع، دھرنی اُتے رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی ہونا آپ سہائیا۔ دھرنی کہے پربھوُ تیری دیِن دُنیا تیرے ہووے وِچ پریم، پریمی ہو کے ویکھ وکھائیا۔ سَت دھرم دا دسّ دے نیم، نِمک حرام نہ رہے لوکائیا۔ جو اِشارہ دِتا دُشٹ دمن کُنٹ ہیم، پردہ پردیاں وِچوں اُٹھائیا۔ اوہ تک اگمےّ نیَن، نیَن موُندھاری ویکھ وکھائیا۔ کِسے دا مِتر پیارا رہیا نہ کوئی ساک سیَن، سجن سنگ نہ کوئے نِبھائیا۔ ماواں پُت ہوئے طرفَین، پِتا پوُت قاتل مقتُول روُپ وٹائیا۔ ناتا تُٹ گیا بھائی بھَین، کنت سُہاگ نہ کوئے ہنڈھائیا۔ چاروں کُنٹ مایا کھائی جائے ڈَین، ممتا گھر گھر ہوئی ہلکائیا۔ کوُڑ کُڑیار دا ہو گیا وہن، اَگے ہو نہ کوئے اٹکائیا۔ دھرنی کہے میرے سوامی میَں تَینوُں آئی کہن، کہہ کے دیاں جنائیا۔ دِوس رات میَنوُں موُل نہ آوے چَین، دُکھاں وِچ میری دُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا نوُر ظہوُر دِسے نہ عین دا عین، جو اَناالحق اِشارہ گیا کرائیا۔

۱۹ چیت شہنشاہی سمت نؤ پِنڈ سوڈھیاں ضِلع جالندھر پریِتم کؤر دے گرِہ

دھرنی کہے پربھوُ میرے روون قبرستان، مقبرے رہے کُرلائیا۔ جِنہاں نوُں پَیغمبراں تیری سُنائی داستان، حُکم حُکم وِچوں جنائیا۔ اوہ کہندے نال اِیمان، صِدق صبوُری وِچ رکھائیا۔ سانوُں اِشارہ دیوے مجیِدقرآن، کُرہیاں توں باہر دِرڑائیا۔ حقیِقت دا مالک اِک اِمام، عملاں توں رہت نوُر الاہیِا۔ جِس جھگڑا میٹنا تمام، طمع شرع والی گوائیا۔ کلمیاں توں باہر دسےّ کلام، رسوُلاں توں باہر پڑھائیا۔ اُس دیِن دُنی دا بدل دینا نِظام، نؤبت اپنا نام حق وجائیا۔ دھرنی کہے میرے صاحِب سَتگُر سِری بھگوان، بھگوَن تیری آس رکھائیا۔ مِہربان مِہربان مِہربان دے دے اپنی وست دا اگمّا دان، داتا دانی ہو کے آپ ورتائیا۔ تُوں آد جُگادی دُھر دا رام، رام رمئیا تیری اوٹ تکائیا۔ تُوں سَت ستوادی پُرکھ نِرنجن دُھر دا کاہن، کاہن کاہنا تیری اِک سرنائیا۔ تُوں نوُر نوُرانہ نؤجوانا مرد مردانہ اِک اِمام، آمد وِچ تیرا راہ تکائیا۔ نانک گوبِند گوبِند نانک جِس دا شبد سندیسہ شبدی دھار سُنان، رسنا جِہوا بتّی دند نہ کوئے وڈیائیا۔ تُوں لہنا دینا لیکھا جانے دو جہان، دھرنی دھرت دھوَل دھؤل کہے میری آسا پوُر دینی کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ شاہ سُلطان، سلطنت تیری سَت سَت نظری آئیا۔

۱۹ چیت شہنشاہی سمت نؤ پِنڈ دُسانجھ خُرد ضِلع ہوشیار پُر گُردیو سِنگھ دے گرِہ

دھرنی کہے پربھ کلجُگ اوڈھن ہویا پُرانا، سَت دھرم چیِر بستر دے بدلائیا۔ سچ سندیسہ اِکو دے اگمّا دانا، آتم پرماتم بھیوَ دے کُھلائیا۔ دیِن دُنی سہائی ہو نِمانیاں مانا، نِگاہبان تیری وڈیائیا۔ دھوُاں دھار تک زِمیں اسمانا، نوَ ستّ کھوج کھوجائیا۔ تیرا نوُر دِسے نہ مات لوک جہانا، دھوَل رو رو مارے دھاہیِا۔ کِرپا کر سِری بھگوانا، پاربرہم پربھ تیری اوٹ تکائیا۔ سچ وست دا دے دے دانا، دانشور گُرمُکھ لےَ بنائیا۔ ہر گھٹ اندر بھیوَ کُھلا دے دُھر دے راما، رمئیا تیری بےپرواہیِا۔ سُرتی دھار شبد میل لےَ کاہنا، کنت کنتُوہل تیری وڈ وڈیائیا۔ اپنے پیار مُحبّت دا دے اِک ترانہ، خوشیاں وِچ سارے ڈھولے گائیا۔ دھرنی کہے میرا دیش نہ ہوئے وَیرانہ، وَیری

پنچ وِکار دینے مِٹائیا۔ شرع دا رہے نہ کوئے غُلاما، زنجیر بندھن دینے تُڑائیا۔ تیرا دُھر دا ڈنکا نام وجےّ دمامہ، دو جہان کرے شنوائیا۔ کلجُگ میٹ اندھیری شاما، شمع نوُر جوت کر رُشنائیا۔ نِگاہ مار لےَ مِہربان مِہربانا، محبان بیِدو تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، وسَت سچ دینی ورتائیا۔ دھرنی کہے پربھوُ میَں تیرے پیار دی بُھکھی ننگی، جگت وستُو کمّ کِسے نہ آئیا۔ کِرپا کر سوُرے سربنگی، سَتگُر تیری اوٹ تکائیا۔ تیرے نام دی چاروں کُنٹ آئی تنگی، تنگدست ہوئی لوکائیا۔ دھرم دی دھار ملِے نہ سنگی، سَت سچ نہ کوئے ورتائیا۔ جگت دی اکھّ ہو گئی اندھی، نِج نیتر تیرا درس کوئے نہ پائیا۔ مذہب شرع نے پائی پابندی، بھگت نظر کوئے نہ آئیا۔ دُہاگن آتما ہوئی رنڈی، ہرِ کنت نہ کوئے ہنڈھائیا۔ چاروں کُنٹ بھیکھ پکھنڈی، مایا ممتا نال ہلکائیا۔ تیرا نوُری چڑھے نہ چند نؤچندی، چند چاندنا نہ کوئے رُشنائیا۔ میَں اِکو وست رہی منگی، مانگت ہو کے جھولی ڈاہیِا۔ منوُآ من نہ پائے ڈنڈی، وربھنڈ ہو سہائیا۔ کلجُگ انتم لیکھا پوُرا کر دے کنڈھی، جو گھاٹ کنڈھے بَیٹھے ڈیرہ لائیا۔ میرا کھیل ویکھ بنکھنڈی، جنگل جوُہاں پہاڑ ساگراں دھیان لگائیا۔ میَں چاروں کُنٹ کوُڑ کُڑیار ویکھ کے کمبی، دُکھاں وِچ جنائیا۔ کِسے دا لیکھا مُکدا نہیں پرکِرتی پنجھی، پنج دسّ سمجھ کِسے نہ آئیا۔ میرے انتر آئی رنجی، رنجش وِچ دُہائیا۔ تیری کھیل کِسے نہ لگّے چنگی، چار کُنٹ روون مارن دھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری وڈیائیا۔ دھرنی کہے پربھوُ میرے تن بستر لتھے چیِر، چِری وِچُھنے دھیان لگائیا۔ ساڈا رہیا نہ کوئی پَیغمبر پیِر، نبی رسوُل بَیٹھے مُکھ بھوائیا۔ اوتاراں نظر نہ آوے سریِر، تن وجوُد نہ کوئے وڈیائیا۔ گُروُآں ملِے نہ کوئے دھیِر، دھیِرج دھیِر نہ کوئے رکھائیا۔ میَں دِوس رَین رہاں دِلگیِر، سانتک سَت نہ کوئے ورتائیا۔ جِدھر تکاّں جھگڑا دِسے شاہ حقیِر، اوُچ نیِچ کرے لڑائیا۔ میرے اُتے آئی بھیِڑ، بھیِڑی گلی پار نہ کوئے لنگھائیا۔ میری دھرم دی ٹُٹ گئی ہڈّی ریِڑ، سِر سکے نہ کوئے اُٹھائیا۔ میریِاں اکھّیِاں وگے نیِر، ہنجھوُاں چھہبر لائیا۔ میرا دُکھی ہویا سریِر، انگ انگ رہیا کُرلائیا۔ کِرپا کر میرے صاحِب سوامی نِرگُن دھار دے دھیِر، دھیِرج اپنا نام جنائیا۔ میَں غریِب نِمانی وَیراگن ہوئی کیِر، قیِمت جگت نہ کوئے پائیا۔ پاپ اپرادھ میرے اُتے ودھیا اَخیِر، آخر دیاں جنائیا۔

کِسے دی پوِتر رہی نہیں ضمیِر، پتت پاوَن تیری سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری کلجُگ انت کٹ دے بھیڑ، کوُڑ کِریا دا لیکھا دے مُکائیا۔

۱۹ چیت شہنشاہی سمت نؤ پِنڈ دُسانجھ خُرد ضِلع ہوشیار پُر درشن سِنگھ دے گرِہ

دھرنی کہے پرکاش کر دے پربھوُ اپنی جوتی، جوتی جاتے اندھ اندھیر دے مِٹائیا۔ جگت جگیاسوُآں سُرت اُٹھا سوتی، سوادھان نؤجوان دے کرائیا۔ تیرے پیار وِچ دُرمت میَل سب دی جائے دھوتی، پتت پُنیِت کر خلق خُدائیا۔ غریِب نِمانے جیِو جنت تک کوٹن کوٹی، انگِنت دھیان لگائیا۔ سب دی واسنا ہو گئی کھوٹی، بُدھ بِبیک نہ کوئے بنائیا۔ تیری منزل چڑھے کوئی نہ چوٹی، سچکھنڈ دوارے درس کوئے نہ پائیا۔ جگت کلپنا من مت ہوئی ہوچھی، کوُڑ کِریا وِچ للچائیا۔ کِسے کمّ نہ آوے پڑھی پُستک پوتھی، پتّھر پاہن سارے رہے کُرلائیا۔ دیِن دُنیا اِک دوُجے دی ہوئی دوکھی، سگلا سنگ نہ کوئے مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ دھرنی کہے پربھوُ اپنا سَت دا کر پرکاش، پرکاشوان تیری وڈیائیا۔ کلجُگ کوُڑ جائے وِناس، دھرنی دھوَل رہن کوئے نہ پائیا۔ جن بھگتاں پوُری کر آس، ترِسنا کوُڑ جگت گوائیا۔ گھر سوامی پا راس، سُرت شبد گوپی کاہن نچائیا۔ پندھ مُکا دے دس دس ماس، آون جاون گیڑ کٹائیا۔ چرن کوَل بنا داس، داسی داس ہو کے سیو کمائیا۔ سچ مُحبّت بخش خاص، پریِتم پیار اِک پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ اپنا دے دے نوُر، نوَ نؤ چار ہوئے رُشنائیا۔ جلوہ گر اپنا بخش ظہوُر، ظاہر ظہوُر تیری وڈیائیا۔ نام کلمے دی اِکو دسّ تُور، تُریا توں باہر شنوائیا۔ میرا لہنا دینا مُکاؤنا ضرور، ضرورت پِچھلی ویکھ وکھائیا۔ گڑھ توڑ دے ہؤمے ہنگتا غروُر، غُربت کوُڑی اندروں باہر کڈھائیا۔ تیرے نام دا سب نوُں چڑھیا رہے سروُر، سُرت شبد نال مِلائیا۔ تیرے نالوں رہے کوئے نہ دوُر، دوُر دُراڈا پندھ چُکائیا۔ سرِشٹ سبائی بے پرواہی تیرے چرناں دی لاوے دھوُڑ، دھوُڑی ٹِکّے خاک رمائیا۔ میَں سب دا کراں مشکوُر، شُکرانے وِچ سیِس نِوائیا۔ دھرنی کہے میری آشا منسا

میرے صاحِب کر دے پوُر، پوُرن برہم دینا دِرڑائیا۔ ناتا توڑ دے کوُڑو کوُڑ، سَت سچ دے پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، دُھر چرن کوَل دھرنی کہے میری لگّے دھوُڑ، اوسے دے ٹِکّے مستک خاک رمائیا۔

۱۹ چیت شہنشاہی سمت نؤ پِنڈ سیَلے خُرد ضِلع ہوشیار پُر مِلکھا سِنگھ دے گرِہ

دھرنی کہے پربھوُ میَں تیری مِلکھ جاگیِر، بے پرواہ ویکھنا دھیان لگائیا۔ میری حد حدوُد دی تک لکیِر، نِگاہ نیَن آپ اُٹھائیا۔ چار کُنٹ دہ دِشا کیوں میری آسا ہوئی دِلگیِر، سانتک سَت نہ کوئے کرائیا۔ سمُند ساگر ویکھ لےَ نیِراں دے نیِر، تیِرتھ تٹاں دھیان لگائیا۔ میرے انتر نِرنتر بِرہوں وِچھوڑا پیِر، پرا پسنتی مدھم بَیکھری توں باہر دیاں سُنائیا۔ جِدھر تکاّں اُدھر شرع دے دِسن زنجیر، بندھن سکے نہ کوئے تُڑائیا۔ میَنوُں سندیسہ شبدی دھار دے کے گیا کبیِر، قبراں توں باہر سُنائیا۔ دھرنیئے کلجُگ انت تیرا لیکھا ویکھے اَخیِر، بِن اکھّراں توں دھیان لگائیا۔ جِس نوُں اوتاراں پَیغمبراں گُروُآں کِہا لاتصویِر، نوُر نوُرانہ نوُر الاہیِا۔ اوہ مالک خالق پرِتپالک آوے گُنی گہِیر، گہر گمبھیِر اپنا پھیرا پائیا۔ جو نام انیالا دو جہاناں مارے تیِر، تُرت اپنا حُکم ورتائیا۔ تیرے اُتوں کوُڑی کِریا کٹے بھیِڑ، بھانڈا بھرم بھؤ بھنّائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ہرِ سرن سچّی سرنائیا۔ دھرنی کہے پربھوُ میَں آساوند پُرانی، پُنہ پُنہ سیِس نِوائیا۔ میَں سُننا چاہُندی تیرا شبد اگمّی بانی، بان انیالا دے چلائیا۔ میرا لہنا دینا پوُرا کر دے چارے کھانی، چاروں کُنٹ ہونا سہائیا۔ سَت وِچ سچ وِرول دے اپنا پانی، امیوں رس آپ چوائیا۔ تیرے نام دی ہووے اِک دیِوانی، دوُجی اوٹ نہ کوئے تکائیا۔ اوہ تک لےَ تیرا نوُر الاہ جِس نوُں کہندے االلہ رانی، رعیت دو جہاناں ویکھ وکھائیا۔ چؤداں طبق کر پہچانی، چؤداں لوکاں پھول پھولائیا۔ چؤداں وِدیا ویکھ کُرلانی، چؤدس چؤدھویِں رَین نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے آس رکھائیا۔ دھرنی کہے پربھوُ تک لےَ اپنے اگمّی قؤل اِقرار، بھیوَ ابھید آپ جنائیا۔ تیرے نال کِسے دی نہیں کوئی تکرار، جھگڑا نظر کوئے نہ آئیا۔ صدی

چؤدھویِں سب نوُں کر دے خبردار، بےخبراں خبر سُنائیا۔ جِس بِدھ لیکھا مُکنا سنگ محمد چار یار، یاری یاراں نال نِبھائیا۔ اُمت اُمتی پاؤنی سار، مہاسارتھی بھیوَ دینا کُھلائیا۔ جِس دا حضرت عیسیٰ کرے اِنتظار ، پھاسی گل ہتّھ لٹکائیا۔ جِس دا نوُر جوت موُسے تکیا اُجیار، کوہ طوُر دئے گواہیِا۔ جِس دی نانک سَت سَت وجائی سِتار، تُوں ہی تُوں ہی راگ الاہیِا۔ جِس دا گوبِند بنیا سُت دُلار، پُرکھ اکالا اگمّ اتھاہیِا۔ اوہ کِس بِدھ مالک میرا دُکھڑا دئے نِوار، سُکھ ساگر وِچ سمائیا۔ کلجُگ کوُڑی کِریا میرے اُتوں کڈھے باہر، سَت دھرم دا سَت دئے پرگٹائیا۔ سنت سُہیلے گُرمُکھ گُرسِکھ ہرِ بھگت کر تیار، ترےَگُن اتیِتا دیوے مان وڈیائیا۔ دھرنی کہے میرے دھرم سوامی میَں تیری سدا خِدمتگار، خادم ہو کے سیو کمائیا۔ دوئے جوڑ کراں نِمسکار، ڈنڈاوت بندنا سجدے وِچ سیِس جھُکائیا۔ تُوں میرا لہنا دینا پوُرب قرض اُتار، مقروُض لیکھا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جوتی جاتے پُرکھ بِدھاتے شاہ پاتشاہ شہنشاہ سچّی سرکار، در تیرے بِھکھارن ہو منگ منگائیا۔

۱۹ چیت شہنشاہی سمت نؤ پِنڈ ڈاڈیاں ضِلع ہوشیار پُر ہربھجن سِنگھ دے گرِہ

دھرنی کہے پربھوُ جن بھگت بنا دے میرے سُہیلے، سجّن سدا سدا اکھوائیا۔ جِنہاں دے تیرے نال میلے، اوہ میرے نال مِل کے تیرے ڈھولے گائیا۔ اسیں وسیئے سدا رنگ نَویلے، دیِن دُنی توں باہر اپنی خوشی بنائیا۔ ڈنکے وجّن گُروُ گُر چیلے، گھر میرا سوبھا پائیا۔ گُرسِکھ گُرمُکھ جن میرے اُتے کھیلے، خالق خلق دینی وڈیائیا۔ تُوں وسنہارا دھام نَویلے، میری دھرنی دھوَل دینی سُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ صاحِب تیری وڈیائیا۔ دھرنی کہے پربھوُ اپنیاں بھگتاں میرا جوڑ دے ناتا، میَنوُں مِل کے وجےّ ودھائیا۔ دوہاں دا سانجھا ہووے کھاتہ، خطرہ اوَر نہ کوئے رکھائیا۔ اوہ تیری میرے اُتے گاون گاتھا، میَں تیرے چرناں دھوُڑ خاک رمائیا۔ تُوں صاحِب سوامی سرب کلا سمراتھا، سمرتھ پُرکھ نِرنجن اِک اکھوائیا۔ میری بیننتی جوڑ کے ہاتھا، نِو نِو لاگا پائیا۔ میرا پوُرا کر دے گھاٹا، امُل اتُل اپنی دات جھولی پائیا۔ کلجُگ کوُڑی رَین رہے نہ راتا، رُتڑی اپنے نال مہکائیا۔ تُوں سوامی کملاپاتا، پت پرمیشور

اِک اکھوائیا۔ میَں تیری انت اَخیِر تیری رکھی آسا، جُگ چؤکڑی دھیان لگائیا۔ تیرے چرن دھریا بھرواسا، دھرنی دھرت دھوَل دھؤل کہہ کے رہی سُنائیا۔ میری پندھ مُکا دے واٹا، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ بھگت بنا دے ساچا میِتا، مِتر پیارے دَیا کمائیا۔ انتر نِرنتر صاف کر دے نیِتا، نیِتیوان تیری وڈ وڈیائیا۔ بھیوَ چُکا دے ہست کیِٹا، اِکو رنگ رنگائیا۔ تیرا نام نِدھانا لاگے میِٹھا، امیوں رس دینا چکھائیا۔ ترےَگُن تت نہ تپے انگیِٹھا، امرت میگھ برسائیا۔ میرا تن وجوُد کر دے ٹھانڈا سیِتا، مِہر نظر اِک اُٹھائیا۔ دھرنی کہے جن بھگت تُوں میرا میَں تیرا گاون گیِتا، گیِتا گیان جِس دی صِفت صالاحیِا۔ میری چولی تن رنگ چاڑھ مجیِٹھا، جگت جہان اُتر کدے نہ جائیا۔ پُرکھ اکالے دیِن دَیالے تیرا کھیل سدا انڈیٹِھا، جگت نیتر ویکھن کوئے نہ پائیا۔ میریاں پوُریاں کر دے آسا اُمیِدا، ترِسنا کوُڑی دے گوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَت سچ دے پریِتا، پریِتم ہو کے پرِیا پریم اِکو اِک بندھائیا۔

۱۹ چیت شہنشاہی سمت نؤ پِنڈ ڈوڈا ضِلع ہوشیار پُر نصیِب کؤر دے گرِہ

دھرنی کہے پربھوُ بھگت بھگوان بنا سماج، سَت سچ دھرم نال رکھائیا۔ پیار مُحبّت شہنشاہی بخش راج، رعیت مُحبّت وِچ پرگٹائیا۔ نِرگُن سرگُن سوار آپ کاج، پاربرہم برہم بھیوَ دینا کُھلائیا۔ تیری سرِشٹی درِشٹی وِچ اندروں جائے جاگ، نِج نیتر لوچن نیَن کر رُشنائیا۔ کلجُگ جیِو ہنس بنا پھڑ پھڑ کاگ، مانک موتی نام چوگ چُگائیا۔ دُرمت میَل سب دے اندروں دھو داغ، پتت پاپیِاں پار کرائیا۔ پنچ وِکار بُجھا آگ، ترےَگُن اگن نہ کوئے تپائیا۔ تُوں مِہربان موہن مادھوَ مادھ، مدُھر دُھن دے سُنائیا۔ تیرا لہنا دینا لیکھا آد جُگاد، جُگ چؤکڑی سَتجُگ تریتا دواپرکلجُگ تیری اوٹ تکائیا۔ تیری کِرپا میرا وڈ وڈ ہووے بھاگ، بھاگاں بھری خوشی منائیا۔ کِسے دے اندر رہن نہ دینا واد وِواد، وِکھ اندروں باہر کڈھائیا۔ انتر نِرنتر پرم پُرکھ تَینوُں سارے لیَن ارادھ، ہر ہِردے تیرا نوُر ہووے رُشنائیا۔ سَت دھرم

دی نوَیِں ساجنا ساج، سچ سچ نال وڈیائیا۔ کِرپا کر میرے مہاراج، پرم پُرکھ تیری آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرنی کہے میَں نِو نِو لاگاں پائیا۔ دھرنی کہے پربھوُ تُوں دیِن دَیالا درد دُکھ بھنجن، گہر گمبھیِر اِک اکھوائیا۔ تیرے دو جہاناں دیِپک جوتی جگن، برہمنڈ کھنڈ پُری لوء ہووے رُشنائیا۔ دُھر دے ٹھاکر سوامی در تیرا آئی منگن، مانگت ہو کے جھولی ڈاہیِا۔ کلجُگ جیِواں آتم پرماتم چاڑھ دے رنگن، دُرمت میل دھوائیا۔ جنم کرم کِسے رہے نہ مندن، سِر اپنا ہتّھ ٹِکائیا۔ تیری چرن دھوُڑ مستک لگّے چندن، نِنم واس نہ کوئے مہکائیا۔ میری ڈنڈاوت تیرے اَگے بندن، بندگی وِچ نِو نِو لاگا پائیا۔ تُوں آد پُرکھ نِرنجن، نِروَیر تیری اوٹ رکھائیا۔ میرا دُکھی دا دُکھ آئیں ونڈن، دردی ہو کے پھیرا پائیا۔ دُئی دوَیتی شرع شریِعتی بھرم دی ڈھاہُنی کندھن، بھانڈا بھرم بھؤ بھنّائیا۔ ساچا نام سِری بھگوان آئیں ہر ہِردے ونڈن، کایا مندر گھر گھر دینا ٹِکائیا۔ کلجُگ کوُڑی کِریا کر کھنڈن، کھنڈا نام اُٹھائیا۔ تیرا کھیل سدا برہمنڈن، وربھنڈن میرا لہنا دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دھرنی کہے میَں اپنی منسا تیرے اَگے رکھائیا۔ دھرنی کہے پربھوُ میری آسا اِکو اِک، ایکنکار دیاں جنائیا۔ ساری سرِشٹی تیری سِکھیا لئے سِکھ، ساکھیات تیرا نوُر نظری آئیا۔ تُوں سِری بھگوان پاؤنی بِھکھّ، بِھچھیا اگمّ ورتائیا۔ دیِن دُنی دا اگلا لیکھ دے لِکھ، پِچھلے دا لیکھا رائے دھرم نہ منگے رائیا۔ تُوں ویکھنہارا نِت نوِت، جُگ جُگ اپنا پھیرا پائیا۔ میری سُہنجنی کر دے تِھت، گھڑی پل تیرا راہ تکائیا۔ تُدھ بِن اوَر کوئے نہ دِسے مِت، مِتر پیارا نظر کوئے نہ آئیا۔ تُوں وسنہارا ہر گھٹ چِت، من چِت ٹھگؤری دے گوائیا۔ پُرکھ اکال دیِن دَیال ابناشی کرتے میرے پِت، پت پرمیشور پروردِگار سانجھے یار میرا لہنا دینا پوُر کرائیا۔ چاروں کُنٹ تیرا نوُر نوُرانہ نؤ جوانا سِری بھگوانا آوے دِس، دہ دِشا اِکو جوت جوت رُشنائیا۔ دھرنی کہے میری لیکھے لا لےَ پیار مُحبّت دی رِت، رُتڑی دھرم دھار مہکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی تیرا بھانا حُکم سدا امِٹ، دو جہاناں میٹ سکے کوئے نہ رائیا۔