کتب خانہGranth 23 (Shahmukhi)

۲۸ چیت شہنشاہی سمت نؤ پِنڈ قؤمی فارم ضِلع کرنال سنتوکھ سِنگھ دے گرِہ

دھرنی کہے پربھ میَں ہوئی ڈاواں ڈول، دھیِرج دھیِر دھرم نہ کوئے رکھائیا۔ نوَ ستّ کوُڑ کِریا دا وجّا ڈھول، چار دس ہوئی شنوائیا۔ سَت وست رہی نہ کِسے کول، کؤل وانگ کوُک کُرلائیا۔ میرے مِہربانا سِری بھگوانا سرِشٹی درِشٹی اندر مِٹھڑا نظر نہ آوے بول، انبولت دیاں جنائیا۔ چار ورن اٹھاراں برن سچ کنڈے تُلیا کوئے نہ تول، اتُل تیرا بھیوَ کوئے نہ پائیا۔ مایا ممتا سادھاں سنتاں سب نوُں دِتا رول، منزل حقیِقی لاشریِکی چڑھن کوئے نہ پائیا۔ مِہربانا نؤجوانا سِری بھگوانا میرا بھار کر دے ہؤل، کوُڑ کُڑیارا وِچ سنسارا باہر کڈھائیا۔ میَں نیتر روواں در تیرے پُکاراں دھؤل، دھوَل ہو کے سیِس نِوائیا۔ صاحِب سُلطانا نؤجوانا مرد مردانہ سَت دوارا اپنا کھول، خلق دے خالق پرِتپالک ہونا آپ سہائیا۔ سرِشٹی اندر درِشٹی کر اڈول، اڈُل دینی آپ وڈیائیا۔ منوُآ من منسا ممتا وِچ رہے نہ کوئی انبھول، سوئی سُرت اکال موُرت ناد تُورت شبد نال جگائیا۔ میَں آپا واری صدقے تیرے چرناں دیواں گھول، گھولی اپنا آپ گھُمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے سیِس نِوائیا۔ دھرنی کہے پربھوُ میَں کوُک کوُک کے دیواں ہوکا، حُکم تیرا نام دُہائیا۔ نِگاہ مار لےَ چؤداں لوکا، چؤداں طبق اکھّ اُٹھائیا۔ سَت سَت دا دِسے نہ کوئے سلوکا، سوہلا راگ نہ کوئے جنائیا۔ جِدھر تکاّں دیِن مذہب مذہب دین دا ہووے دھوکھا، دھرم دی دھار نہ کوئے اپنائیا۔ مِہربانا میرے اُتے آ کے ویکھ لےَ اپنا مؤقع، مُکمل اپنا پھیرا پائیا۔ جگت جہان ویکھ لےَ روتا، نیتر نیَناں نیِر وہائیا۔ کوُڑ کُڑیاری نِندرا وِچ سوتا، سُرتی شبد نہ کوئے اُٹھائیا۔ کلجُگ ساگر وِچ سب نے ماریا غوطہ، پھڑ باہوں باہر نہ کوئے کڈھائیا۔ دُرمت کلیور پاپ جائے نہ دھوتا، پتت پُنیِت نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک ہونا آپ سہائیا۔ دھرنی کہے میرے انتر ویکھ لےَ میرے سوامی، سَتگُر اپنا نیَن اُٹھائیا۔ تُوں مِہربان مِہربان انترجامی، انتشکرن تک خلق خُدائیا۔ تُوں رحمت کرن والا رحیِم رحمانی، نوُر نوُرانہ نوُر الاہیِا۔ جِسم ضمیِر تک جیِو اِنسانی، گھٹ نِواسی پھول پھولائیا۔ امرت رس نِج رس بوُند سوانتی ملِے کِسے نہ پانی، نابھی کول نہ کوئے اُلٹائیا۔ انحد شبد اگمّی دُھن سُنے کوئے نہ بانی، بان انیالا تیِر نہ کوئے چلائیا۔ دیِپک جوت کایا مندر نہ دِسے مہانی، نوُر نوُرانے تیرا نوُر نظر کوئے نہ پائیا۔ منزل چڑھے نہ کوئے روُحانی، روُح بُت وجےّ نہ کوئے

ودھائیا۔ دھرنی کہے تُوں کھیل تک لےَ زِمیں اسمانی، اِسم اعظم پردہ آپ اُٹھائیا۔ تیرا بھیوَ سمجھے کوئے قلم نہ کانی، گرنتھ شاستر انت کہن نہ پائیا۔ میَں در درویشن چرن کوَل کھڑی نِمانی، نِو نِو لاگا پائیا۔ تُوں دیونہار اگمّا دانی، داتا دَیاوان وڈ وڈیائیا۔ کلجُگ کوُڑی کِریا میٹ نِشانی، سَتجُگ سچ دھرم نِشان جھُلائیا۔ جیِواں جنتاں سادھاں سنتاں کڈھ دے اندروں بے اِیمانی، بیوہ روُپ نہ رہے لوکائیا۔ ہر ہِردے اندر کِرپا کر سِری بھگوانی، بھگوَن اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد جُگاد جُگ چؤکڑی سب دا جان جانی، جاننہار اِک اکھوائیا۔

۲۸ چیت شہنشاہی سمت نؤ پِنڈ ہرنولا ضِلع کرنال چنّن سِنگھ دے گرِہ

گُرسِکھاں انتر لگّی اؤڑ، چاترک گُرمُکھ رہے بِللائیا۔ پُرکھ اکالا دیِن دَیالا جائے بہُڑ، نوُر نوُرانہ شاہ سُلطانا دو جہاناں پندھ مُکائیا۔ شبد اگمےّ شاہ سوارا چڑھے گھوڑ، نِرگُن دھار نِراکار نِرنکار اپنا پندھ مُکائیا۔ کلجُگ کوُڑی کِریا اندروں کڈھے کؤڑ، کوُڑ کُکرم وِکار مِٹائیا۔ پار کر کے بھیِڑی گلی سؤڑ، گرِہ مندر اِک سُہائیا۔ آتم پرماتم پرماتم آتم کر کے جوڑ، جُگ جنم دے وِچھڑے لئے مِلائیا۔ سُرت شبد پریِت نِبھاوے توڑ، اَدھ وِچکار نہ کوئے تُڑائیا۔ ویکھ وکھانے جگت جہان وِچ اندھ گھور، گھوری بن کے دھیان لگائیا۔ لیکھا مُکا کے پنج چور، چوری چوری اپنا بھیوَ کُھلائیا۔ منوُآ من جگت منسا وِچ نہ پاوے شور، شؤہرا بانکا ہوئے سہائیا۔ سچ پیار مُحبّت وِچ بھاگ کرے متھور، مِتھیا دسّ کوُڑ لوکائیا۔ امرت آتم نِجھر جھِرنے جام پیائے ترِسنا پھیر رہے نہ ہور، جگت ممتا دئے مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ رنگ آپ رنگائیا۔ گُرمُکھاں اؤڑ سدا رہے لگّی، انتر انتر پربھوُ لگائیا۔ اوہ ویکھنہارا سوُرا سربگی، شہنشاہ دُھردرگاہیِا۔ اوہ نِرگُن دھار جام پیائے بِناں کٹوریاں جگّی، بوُند سوانتی کول نابھی آپ ٹپکائیا۔ اندروں لیکھا مُکاوے نیکی بدی، بدلہ چُکائے تھاؤں تھائنیا۔ گُرمُکھاں نام رس چکھائے بُلاں لبی، ترِسنا کوُڑ مِٹائیا۔ کھیل کرے سِری بھگوانا پُرکھ اکالا نوُر الاہی ربّی، عالمیِن اگمّ اتھاہیِا۔ جوتی جوت سروُپ ہرِ، آپ اپنی کِرپا کر، جگت ترِسنا میٹے سبی، سبھا کوُڑی دئے مِٹائیا۔ گُرمُکھاں اندر اؤڑ دی سدا

پیاس، جُگ جُگ پربھ آپ لگائیا۔ بِناں جگت پَیمانیاں ساقی بن کے پیائے اگمّا گِلاس، جِس دا ناپ ونڈ نہ کوئے ونڈائیا۔ میٹ مِٹائے تیِنوں تاپ، ترےَگُن اگن بُجھائیا۔ جھٹ پرگٹ ہو کے ساہمنے درشن دیوے آپ، آپ اپنا نوُر کر رُشنائیا۔ تُوں میرا میَں تیرا آتم پرماتم جنائے ساک، ناتا اوَر نہ کوئے رکھائیا۔ جگت پیاسے دا اندروں کھول کے تاک، بجر کپاٹی پردہ دئے اُٹھائیا۔ نِگاہبان ہو کے لئے جھاک، جھاکی اپنی آپے پائیا۔ شبد انادی سُنا ناد، دُھن آتمک کرے شنوائیا۔ جوتی جوت جوت کر پرکاش، اندھ اندھیر دئے مِٹائیا۔ ساچی اؤڑ دی پوُری کرے آس، اندروں ترِسنا دئے مِٹائیا۔ میل مِلا کے پُرکھ ابناش، ابناشی کرتا اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ رنگ آپ رنگائیا۔ جن بھگتاں اؤڑ سدا اندر، کایا تن وجوُد سوبھا پائیا۔ پُرکھ اکالا دیِن دَیالا ویکھے اپنا مندر، گرِہ پردہ آپ چُکائیا۔ گھر سوامی توڑ کے جِندر، در دروازہ لئے کُھلائیا۔ کر پرکاش اندھیری کَندر، نوُر نوُرانہ ڈگمگائیا۔ منوُآ دہ دِشا اُٹھ نہ دھاوے بندر، شبدی شبدی بندھ پوائیا۔ ساچا پریم پیار دا رس دیوے جیہڑا بِناں پیتیاں گھُٹ اَگے جاوے سنگھن، بِن رسنا رس چکھائیا۔ بِن چھوہ توں دیوے پرمانندن، انند انند وِچوں پرگٹائیا۔ پر اُس دھام اُتے کوٹاں وِچوں وِرلے گُرمُکھ پیاسے لنگھن، جِنہاں نوُں پھڑ کے باہوں آپ لنگھائیا۔ اوہ اؤڑ دے مارے بِنا ہتّھاں توں پریم پیار دی جھولی ڈاہ کے منگن، بِناں مُکھ توں بوُند سوانتی اندر لیَن ٹپکائیا۔ سَتگُر داتا سدا سُہیلا جُگ جُگ دھرتی )اُتے سَت( دی دات آوے ونڈن، دیونہار وڈ وڈیائیا۔ جگت پیاسیِاں اپنے نال آوے گنڈھن، ٹُٹی گنڈھ پوائیا۔ جیہڑا ساگر پار نہیں ہُندا مُہانیاں نال ونجن، اوہ شبد اِشارے نال پار کرائیا۔ دھنّ بھاگ جے پربھ دی اؤڑ پیاس والے گُرمُکھ دھرنی اُتے جمّن، ماٹی خاک سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہربان مِہربان اِک اکھوائیا۔ اؤڑ کہے میَنوُں پربھوُ امرت میگھ برسیِں، بوُندا باندی دی لوڑ رہے نہ رائیا۔ تُوں میرا مالک اِکو عرشی، عرشی پریِتم دُھردرگاہیِا۔ آ جا اُتے فرشی، دھرنی دھرت دھوَل ڈیرہ لائیا۔ میَں پیاسی تیرے بِناں تڑپھی، سانتک سَت نہ کوئے کرائیا۔ میَنوُں شرع چُھڑا کے جگت والی حرفی، حلفیہ بیان دے کے رہی سُنائیا۔ میَں پیاسن اِک تے اِک کر دے طرفی، اِکو جام میرے مُکھ دینا لگائیا۔ نہ سوگ رہے نہ ہرکھی، چِنتا غم دینی مِٹائیا۔ نہ گرمی رہے نہ سردی، تتو تت نہ کوئے تپائیا۔ میَں تیرے پیاس بِناں مردی، مرد مردانے ہونا آپ

سہائیا۔ میَں اؤڑ اُس گُرمُکھ دے گھر دی، جِس گھر تیرا نوُر نظری آئیا۔ میَنوُں تیرا درس کر کے خُماری چڑھدی، سروُر سروُر وِچوں دتا پرگٹائیا۔ میَں ونجاری ہو گئی تیرے گھر دی، جِس گھر وسے بےپرواہیِا۔ میَنوُں اِیوں دِسدا اوتھے جوت اِکو اگمّی بلدی، دوُجا نظر کوئے نہ آئیا۔ اوہ دھام سُہنجنا کھیل تیری اٹل دی، مِہربان تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سوامی گھٹ نِواسی پاربرہم پت پرمیشور میری آس پیاس دینی بُجھائیا۔

دھرنی کہے اوتار پَیغمبر گُر میرا ویکھو انتشکرن، کرنی دے کرتے دھیان لگائیا۔ تُسیں دھر کے گئے میرے اُتے پوِتر چرن، کول کولاں رنگ رنگائیا۔ سندیسہ دتا پُرکھ اکال دی اِکو سرن، سرنگت اِک اکھوائیا۔ میَں اوسے دے انکڑے لگّی پڑھن، بِن اکھّراں ڈھولے گائیا۔ اُس دے منزل لگّی چڑھن، بِن پؤڑی ڈنڈے پندھ مُکائیا۔ اوسے دا پھڑن لگّی لڑن، بِن پلّوُ گنڈھ رکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر بھیوَ آپ کُھلائیا۔ دھرنی کہے اوتار پَیغمبر گُردیو میرے ویکھو اپنیاں حِصّیاں باباں والی کِتاب، کُتب خانیاں باہر دھیان لگائیا۔ جِس دے وِچ دیِناں مذہباں توں پرے حِساب، حِصّہ ونڈ نظر کوئے نہ آئیا۔ اِکو پروردِگار ساجھے یار پُرکھ اکال نوُں ہوئے آداب، دوُسر سیِس نہ کوئے جھُکائیا۔ اِکو مندر حق کعبہ دِسے محراب، محبوُب اِکو نظری آئیا۔ تُسیں سارے اِکو نوُں اِکو روُپ وِچ رہے ارادھ، بِن رسنا جِہوا ڈھولے گائیا۔ میَں سب دی سُناں آواز، بِن سروناں میرے اندر وجےّ ودھائیا۔ سچ دسّو کی پربھ دا کھیل اَگے تے کی کھولے راز، پردہ پردیاں وِچوں چُکائیا۔ پَیغمبرو کد ویلا پوُرا ہووے تُہاڈی نماز، شرع شرع نال ٹکرائیا۔ موُسیٰ عیسیٰ کوَن بِدھ ہوون آزاد، شرع زنجیر رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ اوتار پَیغمبر گُر کہن دھرنی سُن لےَ دُھر فرمانا، شبد دھار جنائیا۔ ساڈا اِکو شہنشاہ شاہ پاتشاہ دُھر دا رانا، مالک بےپرواہیِا۔ اسیں اُس دے حُکم اندر مات لوک نام کلمیاں گایا گانا، اکھّر اکھّراں نال مِلائیا۔ اوہ سوُربیِر نؤجوانا، مرد مردانہ اِک اکھوائیا۔ سارے منّ کے آئے اُس دا بھانا، سَتجُگ تریتا دواپرکلجُگ پندھ مُکائیا۔ سب نے بھوِکھتاں وِچ لِکھیا لیکھ مہانا، مہما کتھ کتھ دِرڑائیا۔ اوہ صاحِب سوامی انترجامی

سب دا ہووے جانی جانا، جاننہار اِک اکھوائیا۔ جِس کنت بھگوَنت کلجُگ انت کوُڑی کِریا پندھ مُکانا، دو جہاناں اپنا حُکم ورتائیا۔ سو پُرکھ اکالا دیِن دَیالا جوتی جاتا پُرکھ بِدھاتا جوتی شبدی دھار پہر کے بانا، نوُر نوُرانہ اِک نوُر کرے رُشنائیا۔ سچ دھام جِس دا سمبل ہوئے ٹِکانا، ٹِکّے مستک دھوُڑی سب نوُں دئے رمائیا۔ تُوں اوس دے چرن کوَل کر دھیانا، بِن نیَناں نیَن اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سَتگُر بےپرواہیِا۔ دھرنی کہے میَں اوسے دی رکھی آس، آساوند اکھوائیا۔ کوَن ویلا کِرپا کرے سرب گُنتاس، گُنونتا دُھردرگاہیِا۔ میَں بِنا نیَناں توں ویکھاں آکاش، آکاش آکاشاں کھوج کھوجائیا۔ میرا مالک خالق آوے پُرکھ ابناش، ابناشی کرتا دُھردرگاہیِا۔ میرا وقت سُہنجنا گھڑی سُہنجنی ہووے راس، پل پل اپنے لیکھے لائیا۔ میری جگت ترِسنا مِٹائے پیاس، ترِکھا کوُڑ رہے نہ رائیا۔ بِنا گوپی کاہن توں شبدی دھار پاوے راس، منڈل منڈپ آپ نچائیا۔ سَت سَت دا لیکھا لہنا نِرگُن نوُر کرے پرکاش، جوتی جاتا ڈگمگائیا۔ میَں اوسے دی داسی داس، سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، سچ پریِتی پریِتم ہو کے میَنوُں دیوے دات، داتا دانی اپنی دَیا کمائیا۔

۲۹ چیت شہنشاہی سمت نؤ نانک سر ضِلع کرنال بھان سِنگھ پریِتم سِنگھ دے گرِہ

دھرنی کہے اوتار پَیغمبر گُروُ اپنا ویکھو آن کے دھرم، دھرمیؤں دھرم دی دھار دھار جنائیا۔ سرِشٹی درِشٹی انتر نِرنتر بِناں نیَن توں تکّو کرم، کرم کانڈ وِچ برہمانڈ کھوج کھوجائیا۔ جو حد حدوُد بنا کے گئے کایا ماٹی چرم، دیِن مذہب جِسم اِسم ونڈ ونڈائیا۔ سچ پریِتی اندر نیِتی تکّو اگمےّ چرن، چرنودک رس امرت ہتّھ کِسے نہ آئیا۔ نِج نیَن نیتر لوچن کُھلے کِسے نہ ہرن پھرن، نِرگُن دھار نِروَیر درس کوئے نہ پائیا۔ اپنا اپنا وعدہ قؤل اِقرار تکّو پرن، جو پرم پُرکھ نال کیِتا چائیں چائنیا۔ نِراکھّر دھار دی دھار اکھّر میَں تُہاڈے لگّی پڑھن، چار جُگ دے گرنتھاں شاستراں باہر سُنائیا۔ نِگاہ مارو کیوں دیِن دُنی نام کلمیاں اُتے لگّی لڑن، جھگڑا شرع والا رکھائیا۔ کی کھیل ہونا چوٹی جڑن، کی

چیتن اپنی ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک کی اپنا حُکم ورتائیا۔ دھرنی کہے اوتار پَیغمبر گُر ویکھو اپنی اپنی سِکھیا، دیِناں مذہباں انتر انتشکرن دھیان لگائیا۔ جو سَت سچ دی پا کے گئے بِھکھیا، کایا مندر اندر ٹِکائیا۔ جو نام کلمیاں دیناں دسّ کے گئے اِچھیا، نِراِچھت ہو کے جگت سمجھائیا۔ نوُر نوُرانہ سِری بھگوانا کِسے اندر موُل نہ دِسیا، میَں ہر گھٹ انتر تکیا تھاؤں تھائنیا۔ دھرنی کہے مانَس مانَو مانُکھ کوُڑ کِریا دے وِچ وِکیا، دھرم دا تول ترازوُ جگت نہ کوئے تُلائیا۔ تُہاڈے پیار وِچ ستکار وِچ شبد دی دھار وِچ ایکنکار وِچ من کِسے نہ ٹِکیا، پروردِگار سانجھا یار مِلن کِسے نہ پائیا۔ میَں ویکھیا وڈّیاں نِکّیاں، شاہ سُلطاناں بِھکھک بِھکھاریاں اپنی نِگاہ اُٹھائیا۔ سب دا لہنا دینا کلجُگ کوُڑی کِریا کیِتا چِٹیا، وست امولک کایا گولک حق نہ کِسے رکھائیا۔ انت اَخیِر بے نظیِر لاشریِک پروردِگار سانجھا یار سب دے کڈھن والا سِٹیا، سٹیبازی ویکھے خلق خُدائیا۔ جِس لیکھا مُکاؤنا بھیوَ کُھلاؤنا انت کراؤنا پتّھر ااِٹیا، سِل پوُجس پاہن سیِس نہ کوئے نِوائیا۔ سو سُہنجنی آد نِرنجن اپنی دسےّ تِھتیا، جگت ودی سُدی سمجھ کوئے نہ پائیا۔ مِہربانا سِری بھگوانا پُرکھ اکال دُھر دا پِتیا، پت پرمیشور کی اپنا حُکم ورتائیا۔ نِگاہ مارے سَت دھرم دھرم دواریاں کِسے نہ دِسیا، دہ دِشا اندھیرا چھائیا۔ ساچے نام دا سوُریہ چِھپیا، اُدے است نہ کوئے رُشنائیا۔ آتم پرماتم کرے کوئے نہ ہِتیا، پاربرہم برہم میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد پُرکھ اپرمپر سوامی سربگُن سمرتھیا، سمرتھ پُرکھ بےپرواہیِا۔

دھرنی کہے اوتار پَیغمبر گُروُ اپنے دیِن مذہب تکّو حق عزیِز، عاجزاں ویکھو دھیان لگائیا۔ کوَن تُہاڈے پیار مُحبّت وِچ بنیا جاگیج، جل وِجلتی تُوجے مزہ موزی رضا نوُرے خُدا خُدی گیا مِٹائیا۔ چشمے نزی عرشے وزی تُنزے زوا، ہِوزے عزیِز تکھنماؤ امُلو زوا زلاہم جوُاے زک کلمہ حق حقیِقت وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ داتا بےپرواہیِا۔ دھرنی

کہے اوتار پَیغمبر گُر میری کرو مدد، مِہربان مِہربان مِہربان میرا لہنا دینا تھوڑے انکت تھوڑے عدد، اعدادو شُمار سمجھ کِسے نہ آئیا۔ میَں مِٹّی خاک میرے اُتوں میٹے تشّدد، جھگڑا دُئی رہن نہ پائیا۔ میَں چاہُندی تُہاڈے نام کلمے وِچ سب نوُں آئے وجد، مستی وِچ ہستی تکّن بےپرواہیِا۔ کی وڈیائی الف یے والے لفظ، حرف حروُف سمجھ کی سمجھائیا۔ میَں حَیران ہو گئی پریشان ہو گئی تُہاڈے سُن کے طلفظ، تعریِف وِچ صِفت صِفت نال صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ دھرنی کہے گُر اوتار پَیغمبرو تُسیں سب دے دیِن دَیال، دیِن مذہب تُہاڈی اوٹ تکائیا۔ تُہاڈا صِفتاں والا ودھیا اِقبال، اِقبال دے کے سارے دیؤ سُنائیا۔ کیوں میرے اُتے سچ دی رہی نہیں کوئی دھرمسال، دھرم دوارا سوبھا کوئے نہ پائیا۔ پھل دِسے نہ کِسے مانَو ڈال، نام کلمہ سَت نہ کوئے مہکائیا۔ دیِن دُنی ہوئی بےحال، بِہبل ہو کے رووے مارے دھاہیِا۔ کیوں ترےَگُن مایا توڑے نہ کوئے جنجال، جاگرت جوت بِن ورن گوت نہ کوئے رُشنائیا۔ تُہاڈے بِناں سُنے کؤن مُریِداں حال، مُرشدو میَنوُں دیؤ سُنائیا۔ آؤ تکّو میرے اُتے چار کُنٹ کوُکدا کال، مہاکال لئے انگڑائیا۔ تُہاڈا نام کلمہ سَت دھرم بن سکے کِسے نہ ڈھال، اَگے ہو نہ کوئے اٹکائیا۔ تُسیں اُس صاحِب دے دُلارے اگمےّ لال، جو لالن اِک اکھوائیا۔ میری بیننتی منّو سوال، سوالن ہو کے رہی جنائیا۔ میَنوُں تُہاڈیاں پیشیِن گوئیاں دین احوال، بھگت رہے سمجھائیا۔ صدی چؤدھویِں انت آؤنا زوال، زیر زبر دا لیکھا سمجھے کوئے نہ رائیا۔ میری حالت ویکھو وقت حال، ماضی دا جھگڑا نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی آد جُگاد جُگ چؤکڑی نِت نوِت اولّڑی چال، چال نِرالی اکل کل دھاری اپنی آپ رکھائیا۔

۲۹ چیت شہنشاہی سمت نؤ نانک پُر ضِلع کرنال سوہن سِنگھ دے گرِہ

پَیغمبر کہن دھوَلی کر صبر، صبوُری وِچ دھیان لگائیا۔ پروردِگار سانجھا یار میٹے تیرا غدر، گداگر کر لوکائیا۔ اِمام اِماما نِگاہ مارے اُتے اَمبر، چؤداں طبقاں باہر دھیان لگائیا۔ تُوں سُن کلمے دی آواز دُھن مدُھر، کی کائنات دِرڑائیا۔ جِس ساڈی آشا پوُری کرنی سدّھر، تیرا صدمہ دئے سُنائیا۔ اوہ تک محمد دی لاش پُکارے وِچ قبر، مقبرے دین دُہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اِک اکھوائیا۔ اوتار کہن دھرنی کھیل تک اوتاری، اوتر کی اپنی کار کمائیا۔ نِرگُن نِروَیر نِرنکار جوت نِراکاری، کرتا پُرکھ کی اپنی کھیل کھِلائیا۔ جِس سَتجُگ تریتا دواپر پَیج سواری، کلجُگ تیرا ہوئے سہائیا۔ اُس دے چرن کوَل ساڈی نِمسکاری، نِمسکار ڈنڈاوت بندنا وِچ سیِس جھُکائیا۔ اوہ پرگٹ ہووے اپنی دھاری، دھرم دی دھار نال سمجھائیا۔ جِس نوُں اساں کِہا چؤوھیواں اوتاری، چؤبیسا جگدیِشا بےپرواہیِا۔ اوہ کھیل کرے خالق ہو کے اپر اپاری، اپرمپر اپنا حُکم ورتائیا۔ بے شک تُوں ہوئی بڑی دُکھیاری، دُکھاں بھری رہی کُرلائیا۔ میرا صاحِب سوامی تیری ویکھے انت لاچاری، پردہ پردیاں وِچوں اُٹھائیا۔ جِس دیِناں مذہباں کرنی خوَاری، خالص اپنا حُکم ورتائیا۔ اوہ لہنا دینا قرض مقروُض رہیا اُتاری، اُتّر پوُرب پچھّم دکھّن ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ گُروُ گُر کہن سُن دھرنی دھرت، دھوَل، دھؤل دیئیے جنائیا۔ اوہ پت پرمیشور آوے پرت، پاربرہم پربھ بےپرواہیِا۔ جِس دی قؤل اِقراراں والی ساڈے نال شرط، شرع دا شریِعت والا لیکھا دئے مُکائیا۔ اوہ نوُر نوُرانہ نؤجوانا مرد مردانہ سِری بھگوانا آوے اُتوں عرش، عرشی پریِتم اگمّ اتھاہیِا۔ اُس دا خوشیاں والا اِک اگمّا برس، برسی سب دی ویکھ وکھائیا۔ دھرنی تیرے اُتے کرے ترس، رحمت رحیِم آپ کمائیا۔ تیری پوُربلی میٹے حرص، اگلی ہوَس دئے بُجھائیا۔ سَت دھرم دا میگھ برس، ترِسنا ترِکھا دئے بُجھائیا۔ اُس دا کھیل ہونا اسچرج، زِمیں زماں دو جہان بِن نیَناں لئے تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ اوتار پَیغمبر گُر کہن دھرنی دیِن دَیال آئیگا۔ جوتی جاتا ویس وٹائیگا۔ پُرکھ بِدھاتا کھیل کھِلائیگا۔ جگت جہاناں پردہ اُٹھائیگا۔ نام نِدھانا اِک سمجھائےگا۔ دھرم نِشانہ اِک جھُلائیگا۔ سیِتا راما ویکھ وکھائیگا۔ کاہنا کرِشنا پردہ

لاہیگا۔ پَیغمبراں باہر اَمبراں رنگ رنگائیگا۔ گُروُ گُردیوا ویکھ وکھائیگا۔ الکھ ابھیوا اپنی کل ورتائیگا۔ جِس دی صِفت کردے رسنا جِہوا، سو سوامی پھیرا پائیگا۔ تیرے مستک کؤستک لا کے تھیوا، کوُڑی کِریا میٹ مِٹائیگا۔ جوتی جوت سروُپ ہرِ، آپ اپنی کِرپا کر،، مِہر نظر اِک اُٹھائیگا۔ مِہر نظر اِک اُٹھاویگا۔ چاروں کُنٹ ویکھ وکھاویگا۔ بھیوَ ابھیدا آپ کُھلاویگا۔ دیوی دیوا ویس وٹاویگا۔ دھام نِہچل نِہکیوا اِک دِرڑاویگا۔ تیری پِچھلی پوُرب کیِتی سیوا، دھرنی اپنے لیکھے لاویگا۔ اَگے دے کے امرت رس میوہ، امیوں رس آپ چواویگا۔ مالک خالق ہو کے وڈ دیوی دیوا، دیِن دُنی دی آتما پرماتما آپ مِلاویگا۔ جوتی جوت سروُپ ہرِ، آپ اپنی کِرپا کر، کرنی دا کرتا آپ اکھواویگا۔ کرنی دا کرتا کار کمائیگا۔ نِراکار نِروَیر ویس وٹائیگا۔ ساکار داتار اپنا رنگ چڑھائیگا۔ لہنا دینا میٹ محمد یار، چار یاری نال مِلائیگا۔ موُسیٰ رہے نہ کوئے اُدھار، حضرت عیسیٰ جھولی آپ بھرائیگا۔ جو وید ویاسے لِکھیا لیکھ اپار، اپرمپر پردہ آپ اُٹھائیگا۔ جو نِرگُن نانک گیا اُچار، سو لیکھا دھرنی دھرت دھوَل دھؤل تیری جھولی پائیگا۔ جو گوبِند کِہا نال کھنڈے دی دھار، کھنڈا کھڑگ نام چمکائیگا۔ جِس دا لیکھا لِکھ سکیا نہیں کوئی وِچ سنسار، سنساری بھنڈاری سنگھاری تِس نوُں سیِس نِوائیگا۔ اوہ کل کلکی لئے اوتار، کل کلیش تیرے اُتوں مِٹائیگا۔ تُوں بِن ہتّھاں کراں کریں نِمسکار، مِہربان مِہربان مِہر نظر اُٹھائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی شبد انادی ایکو دھار، دھرنی دھرت دھوَل دھؤل تیرا دھرم دوارا اِک پرگٹائیگا۔

۲۹ چیت شہنشاہی سمت نؤ کُرکُشیتر شہر نِرنجن سِنگھ دے گرِہ

دھرنی کہے میَں ہتّھیں بدھّی ہونا غُلام، غُربت اندر نہ کوئے رکھائیا۔ میرا صاحِب سوامی آئے پُرکھ اِمام، عملاں توں رہت نوُر الاہیِا۔ میَں سجدیاں وِچ کراں سلام، نِو نِو لاگاں پائیا۔ دُھر دا شبد اگمّی سُناں کلام، کلمہ جو کائنات توں باہر دِرڑائیا۔ سچ سندیسہ ہرِ نریشا دئے پَیغام، جِس نوُں پَیغمبر سیِس نِوائیا۔ اوہ انت اَخیِر بے نظیِر اپنے ہتّھ رکھے اِنتظام، اِنتقام لئے خلق خُدائیا۔ میرا صِدق صبوُری والا

ہووے اِک اِیمان، عملاں توں رہت دئے سمجھائیا۔ کِرپا کرے سِری بھگوان، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ سوامی اگمّ اتھاہیِا۔ دھرنی کہے میَں جھُکاں اوس ماہی، جو محبوُب اِک اکھوائیا۔ جِس دے پَیغمبر بنے پاندھی راہی، رہبر اِکو نظری آئیا۔ اوہ انت ہوئے میرا سہائی، صدی چؤدھویِں جِس نوُں سیِس نِوائیا۔ پَیغمبر جِس دی چرن دھوُڑ لاؤن شاہی، مستک قدماں نال چُھہائیا۔ اوہ داتا دَیاوان بے پرواہی، الکھ اگوچر اگمّ اِک اکھوائیا۔ جو لہنا دینا انت دئے مُکائی، مُکمل اپنا حُکم ورتائیا۔ جِس نے لیکھے لاؤنا گوبِند والا ڈھئیا سؤ ڈھائی، پردہ پردیاں وِچوں چُکائیا۔ کوُڑ کِریا میرے اُتوں کرے صفائی، صفحہ ملیچھاں دئے اُٹھائیا۔ اِکو نام ڈھولا سوہلا دئے سُنائی، انراگی راگ دِرڑائیا۔ تُوں میرا میَں تیرا آتم پرماتم پردہ دئے کُھلائی، نِج نیتر لوچن نیَن کر رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ سچّا شہنشاہی، شہنشاہ اِکو نظری آئیا۔

۲۹ چیت شہنشاہی سمت نؤ کُرکُشیتر شہر سردوُل سِنگھ دے گرِہ

دھرنی کہے میرا صاحِب سوامی انتر، جگت نیتر نظر کِسے نہ آئیا۔ ویکھن پائے نہ کوئی اُتے گگن گگننتر، پُریِاں لوآں توں باہر ڈیرہ لائیا۔ جِس کوٹن کوٹ برہمنڈ کھنڈ بنائی بنتر، گھڑن بھنّنہار اِک اکھوائیا۔ جِس دے نام کلمے منتر، جُگ چؤکڑی ڈھولے صِفتاں والے گائیا۔ اوہ سوامی انترجامی میرا کنتُوہلا کنتن، کرتا پُرکھ اِک اکھوائیا۔ جو دیوے مان وڈیائی بھگتن سنتن، سَتگُر شبد ہوئے سہائیا۔ سو کلجُگ لیکھا ویکھے جیِو جنتن، جاگرت جوت ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک وڈ وڈیائیا۔ دھرنی کہے میرا صاحِب پرم پُرکھ بِدھاتا، ہرِ کرتا اِک اکھوائیا۔ جو میٹے کلجُگ رَین اندھیری راتا، رُتڑی سَت دھرم مہکائیا۔ آتم پرماتم جوڑے ناتا، بھگت بھگوَنت اپنا رنگ رنگائیا۔ دو جہان بن کے پِتا ماتا، سنت سُہیلے اپنی گود ٹِکائیا۔ جھگڑا میٹ کے ذات پاتا، گُرمُکھ گُرسِکھ اِکو رنگ رنگائیا۔ نام نِدھانا سِری بھگوانا دیوے داتا، داتا دانی آپ اکھوائیا۔ تُوں میرا میَں تیرا دسّ کے گاتھا، گہر گمبھیِر

بے نظیِر انتر پردہ دئے چُکائیا۔ کِرپا کرے پُرکھ سمراتھا، سمرتھ پُرکھ وڈی وڈیائیا۔ دھرنی کہے میَں اُس نوُں ٹیکاں ماتھا، مستک دھوُڑی خاک رمائیا۔ جو آتم پرماتم سب دا جوتی جاتا، جاگرت جوت نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دھرنی کہے میری پوُرن کرے آسا، آسا منسا تمنّا خواہش پُرکھ ابناش اپنے وِچ مِلائیا۔

۲۹ چیت شہنشاہی سمت نؤ تھنیسر شہر گُرمیج سِنگھ دے گرِہ

دھرنی کہے پربھوُ جن بھگتاں کر دے اُگھے، جو اُستت تیری رہے گائیا۔ مان دوا دے وِچ کلجُگے، جوگ جُگت اپنی اِک دِرڑائیا۔ اوہناں دیِپک کدے نہ بُجھے، جُگ چؤکڑی ہوئے رُشنائیا۔ تیرا گھر سوامی اِکو سُجھے، دوُسر اوٹ نہ کوئے تکائیا۔ چرن پریِتی وِچ رہن رُجھے، نیتر اکھّ سکے نہ کوئے بدلائیا۔ انت بھیوَ کھول دے گُجھے، پردہ آتم پرماتم اُٹھائیا۔ میَں خوشی ہوواں دھرنی دھرت بسُدھے، بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، وسَت سچ سچ ورتائیا۔ دھرنی کہے پربھوُ جن بھگتاں کایا منڈل کر راس، گھر گھر اپنا کھیل وکھائیا۔ نِج آتم وس پاس، کروٹ اپنی آپ بدلائیا۔ چرن پریِتی وِچ کر داس، داسی داس روُپ بدلائیا۔ لیکھے لا پوَن سواس، ساہ ساہ سمائیا۔ گھر کھیل وکھا گگن گگننتر پرِتھمی آکاش، منڈلاں پندھ مُکائیا۔ کوُڑ وِکارا کر ناس، ناستک رہن کوئے نہ پائیا۔ تیرے پیار دی سدا رہے پیاس، پرتھم اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ساچا سنگ آپ بنائیا۔ دھرنی کہے پربھوُ جن بھگتاں اندر سُہا دے رُت، رُتڑی دھرم دھار مہکائیا۔ بھاگ لگا دے کایا بُت، بُتخانے وجےّ ودھائیا۔ کِرپا کر ابناشی اچُت، چیتن سُرتی آپ جگائیا۔ سچکھنڈ نِواسی اپنے بنا دُلارے سُت، اپرادھی رہن کوئے نہ پائیا۔ مِہربان ہو کے تُٹھ، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سچ وست دے دے سچ سُچ، سنجم اپنا اِک سمجھائیا۔

۲۹ چیت شہنشاہی مت نؤ پِنڈ چبے ضِلع کرنال بچن سِنگھ دے گرِہ

دھرنی کہے پربھوُ تیرے بھگت ہون پتونت، پت پرمیشور دَیا کمائیا۔ پیارے ہون ساجن سنت، سَت وِچ سمائیا۔ گُرمُکھ گاؤندے ہون منت، تیرا نام سُنائیا۔ گُرسِکھ توڑ کے ہؤمے ہنگت، ہنگ برہم رنگ رنگائیا۔ دھرم دی دھار بنن سنگت، سگلا سنگ بنائیا۔ دینی وڈیائی وِچوں جیِو جنت، سِر اپنا ہتّھ رکھائیا۔ کلجُگ کوُڑی کِریا کرنی بھسمنت، بھسمڑ اپنا روُپ وٹائیا۔ تیرا کھیل جُگا جُگنت، جُگ کرتے تیرے ہتّھ وڈیائیا۔ کلجُگ لہنا دے دے انت، انتشکرن کر صفائیا۔ سب دی مؤلے رُت بسنت، پتّ ٹہنی پُھل آپ بنائیا۔ دھرم دی بنا دے بنت، گھڑن بھنّنہار تیری سرنائیا۔ میَں بیننتی کراں وار اننت، انک کل گُن تیرے رہی گائیا۔ تُوں داتا دانی بڑا دھن ونت، دیونہار اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی سچ نام ورتائیا۔ دھرنی کہے پربھوُ جن بھگتاں بھنڈارے بھر، توٹ رہے نہ رائیا۔ بھاگ لگا دے گھر، گرِہ مندر وجےّ ودھائیا۔ پوِتر بنا دے سر، سروور اِک سُہائیا۔ دُرمت میَل دوُر کر، ہر ہِردے اندر کر صفائیا۔ نِربھؤ چُکا ڈر، بھےَ رہن کوئے نہ پائیا۔ مانَس جنم جان تر، اَدھ وِچکار نہ کوئے رُڑھائیا۔ اِکو سُہنجنا تیرا دِسے در، در دروازہ دینا کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ دھرنی کہے پربھوُ جن بھگتاں پوِتر کردے انتشکرن، کرنی دے کرتے دَیا کمائیا۔ بھےَ چُکا دے مرن ڈرن، جنم مرن وِچ کدے نہ آئیا۔ اِکو منزل چڑھن، درگاہ ساچی جان چائیں چائنیا۔ ترےَگُن اگّ وِچ نہ سڑن، مایا ممتا نہ کوئے ہلکائیا۔ آتم پرماتم ڈھولا پڑھن، گھر ساچے وجےّ ودھائیا۔ تُوں سوامی خالق نرائن نرن، نر ہرِ اپنے رنگ رنگائیا۔ تُوں کرتا کرنی کرن، کرتا پُرکھ اِک اکھوائیا۔ جو تیری لگّے سرن، سرنگت دینی سرنائیا۔ اوہ سنت سُہیلے ترن، گُرمُکھ پار لنگھائیا۔ جِنہاں گُرسِکھاں تیرے چھوہے چرن، چرن کوَل دینی وڈیائیا۔ لیکھا پوُرا کرنا سیِس دھڑن، پنج تت دا لیکھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُوں کرنی دا کرتا کرتا پُرکھ کرنہار، نِرنکار اِک اکھوائیا۔

۲۹ چیت شہنشاہی سمت نؤ پِنڈ آمیِن ضِلع کرنال ٹھاکر سِنگھ دے گرِہ

دھرنی کہے پربھوُ چار جُگ دے شاستر کرن پُکار، پُنہ پُنہ سوامی انترجامی در تیرے سیِس نِوائیا۔ سرِشٹی درِشٹی انتر نِرنتر ساڈا رہیا نہ کوئے پیار، پییِا پریِتم پاربرہم پروردِگار تیری اوٹ تکائیا۔ نوَ ستّ برہم مت تتو تت گئی ہار، دھیِرج جت ویکھن کوئے نہ پائیا۔ میرے صاحِب سمرتھ تیری مہما اکتھ رسنا جِہوا سکے نہ کوئے اُچار، بتّی دند نہ کوئے وڈیائیا۔ میَں بسُدھا ہو کے نیتر روواں زارو زار، ظاہر ظہوُر تیرا نوُر نظر کِسے نہ آئیا۔ میرے صاحِب سوامی انترجامی گھٹ نِواسی پُرکھ ابناشی پا سار، مہاسارتھی اپنا پھیرا پائیا۔ ہو نِمانی ڈِگی ہرِ کے دوار، دوئے جوڑ سیِس نِوائیا۔ میری رکھ پت نِرنکار، نِروَیر تیری اوٹ تکائیا۔ میَں چرن دھوُڑی مستک لاواں چھار، شہنشاہ پربھ تیری آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ دھرنی کہے میَں پربھ آسا رکھی، نِتانی ہو کے سیِس نِوائیا۔ مِہربان محبوُب تیرا درس کراں اگمّی اکھّیں، بِن لوئنا نظری آئیا۔ میَں دھرم دھار دی بِناں پنجاں تتّاں توں تیری سخی، کاہنا دے کاہن تیرے چرناں سیِس نِوائیا۔ میری ڈنڈاوت بندنا منظور کریِں بِناں دو ہتّھیں، ہتھیلی ہتھیلی نال مِلائیا۔ تُوں سَتگُر داتا گہر گمبھیِر سمرتھی، سمرتھ تیری وڈیائیا۔ میرے محبوُبا میَں تیرے ستھر لتھی، یارڑا گوبِند گیا جنائیا۔ برہوں وَیراگن ہو کے نوَ نؤ چار پِھراں نسّی، بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک ہونا سہائیا۔ دھرنی کہے پربھوُ میرے انتر تیری اِنتظاری، ظاہر ظہوُر تیرا اگمّا راہ تکائیا۔ میَں تیری خادم ہو کے کراں خِدمتگاری، نِو نِو لاگاں پائیا۔ تُوں شہنشاہ میری سِکداری، حُکم سندیسہ دینا چائیں چائنیا۔ میَں دوئے جوڑ کراں نِمسکاری، دھوُڑی خاک رمائیا۔ میرے صاحِب سوامی جاواں بل بلہاری، اپنا آپ بھیٹ کرائیا۔ تُوں نِکّی کر اُجیاری، اُجالا دو جہاناں ویکھ وکھائیا۔ میَں تیرا اِکو لاواں جَیکاری، ڈھولا اِک سُنائیا۔ نؤ سؤ چُرانوے چؤکڑی جُگ پِچھوں پُرکھ اکالے آئی تیری واری، وارتا سب دی ویکھ وکھائیا۔ در ٹھانڈے عرض گُزاری، گُزاریاں وِچ دیاں سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی سچ درباری، دُھر دربارے میری آسا پوُر دینی کرائیا۔

۲۹ چیت شہنشاہی سمت نؤ پِنڈ آمیِن ضِلع کرنال جگتار سِنگھ دے گرِہ

دھرنی کہے پربھوُ میرا ویکھ لےَ انتر ہِردا، بِن اکھّاں اکھّ اُٹھائیا۔ میرے نیتراں تک لےَ بِن پانیؤں ہنجھوُ کِردا، بِن نیَناں چھہبر لائیا۔ میَں تیرا کھیل تکاّں چِر دا، جُگ چؤکڑی گئے وِہائیا۔ تُوں مالک خالق گھر تِھر دا، سچکھنڈ ساچے سوبھا پائیا۔ میَنوُں سہارا تیرے پِر دا، پیِیا پریِتم تیری اوٹ تکائیا۔ بِن تیری کِرپا جُگ چؤکڑی گیڑا کدے نہ گِڑدا، پاندھیِاں پندھ نہ کوئے مُکائیا۔ کلجُگ لہنا دینا صدی چؤدھویِں موُل نہ )نبڑدا(، عدل اِنصاف ہتّھ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ میَں آسا رکھی اوہ، اوڑک دھیان لگائیا۔ تیری سُن کے اگمّی سو، سو پُرکھ نِرنجن لئی انگڑائیا۔ ہرِ پُرکھ نِرنجن تیری دھارا جاواں ہو، ایکنکار تیرے روُپ وِچ سمائیا۔ آد نِرنجن تیرا روُپ درساواں لو، بِنا لوئناں ڈگمگائیا۔ ابناشی کرتے تیرا سُہنجنا ہووے موہ، مُحبّت سکے نہ کوئے تُڑائیا۔ سِری بھگوان تیرا میرا بھیوَ رہے نہ دو، دُتیا بھیوَ مِٹائیا۔ پاربرہم تیری دھار آپے جاواں ہو، ہوکا دے کے حق سُنائیا۔ تیرے چرن کوَل بِنا چرناں توں جاواں چھوہ، شہنشاہ تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دھرنی کہے پربھوُ میَں مانگت منگنہاری، ہرِ صاحِب تیری سرنائیا۔ مِہربانا میرے اُتے کِرپا دھاری، کِرپانِدھ تیری سرنائیا۔ کلجُگ کوُڑی کِریا کریں خواری، خالص اپنا نام پرگٹائیا۔ سرِشٹی درِشٹی کریں نہ کوئے وِبھچاری، کوُڑ کُکرم دا لیکھا دینا مُکائیا۔ ہؤمے ہنگتا کڈھ بیماری، تن وجوُد روگ رہے نہ رائیا۔ ساچے نام دی بِنا رسنا رس دے دے خُماری، امیوں رس اپنا نام چوائیا۔ جوتی جاتے پُرکھ بِدھاتے تیری جوت ہووے اُجیاری، دیِئے باتی دی لوڑ رہے نہ رائیا۔ میَں در تیرے دی پنہاری، پُنہ پُنہ سیو کمائیا۔ چؤتھے جُگ کلجُگ انتم میری پا ساری، مہاسارتھی اپنا پندھ مُکائیا۔ چار کُنٹ دہ دِشا نوَ ستّ دے اِک ادھاری، دھیِرج دھرواس جگت بندھائیا۔ پاربرہم پت پرمیشور تیرا اِکو ہووے جےَ جَیکاری، نام ڈھولا سوہلا اِک دِرڑائیا۔ میری انت کنت بھگوَنت پَیج جاویں سواری، سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، سَت پُرکھ نِرنجن تیری آد جُگاد سدا سِکداری، سیِس جگدیِش سکے نہ کوئے اُٹھائیا۔

۳۰ چیت شہنشاہی سمت نؤ پِنڈ مانگا سرائے ضِلع امرتسر سُرجن سِنگھ دے گرِہ

دھرنی کہے چیت تیرا پروِشٹا تیس، ترےَگُن توں باہر دیاں جنائیا۔ کھیل تک ہرِ بیِس اِکیِس، سرگُن نِرگُن دھیان لگائیا۔ کی حُکم سندیسہ دئے حدیِث، حضرتاں توں باہر کرے پڑھائیا۔ جو لہنا دینا پوُرا کرے موُسیٰ عیِس، محمد احمد نال مِلائیا۔ جِس صاحِب دے سیِس تے چھتر جھُلے ہوئے جگدیِش، جگدیِشور دُھردرگاہیِا۔ اُس نوُں نِرگُن دھار سب نے کہنا اوتار چؤبیس، چؤبیسا اگمّ اتھاہیِا۔ جِس دی سب نے کیِتی تصدیِق، شہادت نام کلمے والی بُھگتائیا۔ نِرگُن سرگُن سارے رہے اُڈیِک، بِن نیَناں نیَن اُٹھائیا۔ جِس دے وِچ حق ہووے تؤفیِق، تُحفہ نام دئے ورتائیا۔ اوہ لہنا دینا لیکھا جانے لاشریِک، پروردِگار نوُر الاہیِا۔ جِس دی صِفتاں والی سارے کرن تمہیِد، خوشیاں ڈھولے گائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دے حُکم دی اِک تاکیِد، تائید وِچ سارے سیِس نِوائیا۔

۳۰ چیت شہنشاہی سمت نؤ پِنڈ مانگا سرائے ضِلع امرتسر مہِندر سِنگھ دے گرِہ

دھرنی کہے میَں صاحِب تَیتھوں بلہاری، بل بل اپنا آپ کرائیا۔ کِرپا کر میرے نرائن نِرنکاری، نِروَیر تیری سرنائیا۔ میَں جُگ چؤکڑی پنہاری، نِت نِت سیو کمائیا۔ کلجُگ کوُک کراں پُکاری، پُنہ پُنہ سیِس نِوائیا۔ تُدھ بِن دِسے نہ کوئے سِکداری، سیِس ہتّھ نہ کوئے ٹِکائیا۔ چاروں کُنٹ رَین اندھیاری، نوُری چند نہ کوئے چمکائیا۔ محمد مشورہ کرے نال چار یاری، ابوُبقر اعلی دئے صالاحیِا۔ صدی چؤدھویِں کِس بِدھ ہووے اُمت خواری، خَیرخواہ نظر کوئے نہ آئیا۔ آیت شرائط قرآن مجیِد بِن اکھّراں کرے پُکاری، کوُک کوُک سُنائیا۔ عیسیٰ نِگاہ رہیا ماری، درگاہ ساچی نیَن اُٹھائیا۔ موُسیٰ کھیل تک کے ہوئے بلہاری، واہوا تیری بےپرواہیِا۔ بل باوَن دی پوُری کر اِنتظاری، جو بِن نیَناں نیَن اُٹھائیا۔ دھرنی کہے پربھوُ میری نمو نمو نِمسکاری، ڈنڈاوت بندنا وِچ سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن کوئے نہ پاوے ساری، پاربرہم پت پرمیشور اِک تیری سرن تکائیا۔

۳۰ چیت شہنشاہی سمت نؤ پِنڈ مانگا سرائے ضِلع امرتسر اجیِت سِنگھ دے گرِہ

دھرنی کہے پربھ میَں کی دسّاں تیرے در، سچکھنڈ کی جنائیا۔ تُوں آ کے ویکھ میرا انوکھا گھر، پُریِاں لوآں برہمنڈاں کھنڈاں پیَنڈا پندھ مُکائیا۔ نوَ ستّ تیرا بھےَ رہیا نہ ڈر، ہِردے ہرِ تَینوُں سکے نہ کوئے وسائیا۔ میَں وَیراگن دُکھڑے رہی جر، جُگ جُگ ویکھ وکھائیا۔ پرگٹ ہو نرائن نر، جگدیِشے چؤبیسے تیری آس رکھائیا۔ بِن تیری کِرپا جیِوت رہی مر، مر جیِوت روُپ نہ کوئے درسائیا۔ مِہربانا سِری بھگوانا نؤجوانا مرد مردانہ چرن دھوُڑ نُہا دے اپنے سر، سروور ایکو ایکنکار دینا وکھائیا۔ سَت ستوادی برہم برہمادی شبد انادی تیرے سہارے جاوے تر، تارنہار ایکنکار تیری وڈیائیا۔ مِہربانا نؤجوانا سِری بھگوانا میَنوُں پھڑا دے اپنا لڑ، پلّوُ دُھر دے گنڈھ پوائیا۔ میری دروہی دُہائی، کلجُگ کوُڑی کِریا پُٹ دے جڑ، چیتن سُرتی سب دی دے کرائیا۔ ہر گھٹ اندر پُرکھ اکالے جاواں وڑ، کایا مندر ڈیرہ لائیا۔ تُوں میرا میَں تیرا آتم پرماتم سوہلا ڈھولا جیِو جنت سادھ سنت جان پڑھ، جگیاسوُآں آس پوُری دینی کرائیا۔ میَں مانگت ہو کے منگاں تیرے دوارے کھڑ، بِن ہتّھاں جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیری چرن سرن سرنائی جاواں پڑ، پرم پُرکھ دوُجی اوٹ نہ کوئے تکائیا۔

۳۰ چیت شہنشاہی سمت نؤ پِنڈ مانگا سرائے ضِلع امرتسر چرن سِنگھ دے گرِہ

دھرنی کہے پربھوُ میرے اُتے نِرگُن دھار ہو پرگٹ، پرگنا دیِن دُنی ویکھ وکھائیا۔ سچ نام دا کھول اِکو ہٹّ، ہٹوانا ہو کے دے ورتائیا۔ دھرم دی دھار دسّ دے تٹ، کنارہ اِکو اِک جنائیا۔ دُرمت میَل دے کٹ، کٹاکش اپنا نام رکھائیا۔ میَنوُں نظری آوے گھٹ گھٹ، گرِہ گرِہ اپنا ڈیرہ لائیا۔ بھاگ لگا دے کایا مٹّ، نِرگُن نوُر جوت کر رُشنائیا۔ شبد انادی لا سٹّ، سوئی سُرت جگت جگائیا۔ امرت آتم نِجھر جھِرنیوں دے جھٹ، مِہربان مِہر نظر تکائیا۔ جھگڑا میٹ دے تت اٹّھ، اپ تیج وائے پرِتھمی آکاش من مت بُدھ کرے نہ کوئے لڑائیا۔ تُوں صاحِب اِک سمرتھ، بے پرواہ بے پرواہی وِچ سمائیا۔ میَں تیرے چرن کوَلاں جانا ڈھٹّھ، نِو نِو دھوُڑی خاک رمائیا۔

دھرنی کہے میرے مالک خالق پرِتپالک محمد دا لیکھا برس برسی رہ گیا اٹّھ، پاندھی کِس بِدھ بَیٹھے اپنا پندھ مُکائیا۔ چؤداں طبقاں مِہربانا نؤجوانا سِری بھگوانا ایکا بھیوَ کھول کے دسّ، دہ دِشا توں باہر اپنا حُکم دے سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آتم پرماتم بخش دے رس، رسنا رس لیَن دی لوڑ رہے نہ رائیا۔

۳۰ چیت شہنشاہی سمت نؤ پِنڈ مانگا سرائے ضِلع امرتسر جسونت کؤر دے گرِہ

دھرنی کہے پربھوُ میری بیننتی کر قبوُل، قِبل از دیاں جنائیا۔ تیرے چرناں دی لا کے دھوُل، دھوُڑی ٹِکّے خاک رمائیا۔ تیرے پیار دا ہووے اِک اصوُل، اصل وصل یار دینا سمجھائیا۔ تُوں مالک کنت کنتُوہل، نر نرائن وڈ وڈیائیا۔ جے تیری دُنیا گئی بھوُل، ابُھل لےَ سمجھائیا۔ آد دا آتم تیرا موُل، اصل دا اصل ویکھ وکھائیا۔ سچ دھرم دا سچ دسّ اصوُل، کوُڑی کِریا پندھ مُکائیا۔ دھرنی کہے میَں دھرم دا جھوُلا لواں جھوُل، جھلک اپنی دینی وکھائیا۔ تَینوُں جھُکدا دِسدا شنکر ہتّھ پھڑ ترِسوُل، وِشن برہما سیِس نِوائیا۔ تیرا حُکم کامل مُرشد سدا معقوُل، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لہنا دینا )پوُرا( کر پَیغمبر رسوُل، رسم وِچ اِسم اپنا دے سمجھائیا۔

۳۰ چیت شہنشاہی سمت نؤ پِنڈ مانگا سرائے ضِلع امرتسر پریِتم سِنگھ دے گرِہ

چیت کہے دھرنی میرا پروِشٹا تیِس اَخیِری، اکھّاں والیئے بِنا اکھّاں توں دیاں جنائیا۔ نِگاہ مار کے تک لےَ مالک بےنظیِری، جو جگ نیتر نیَن نظر کِسے نہ آئیا۔ جِس دا نام کھنڈا دو جہاناں برہمنڈاں پِھرے میٹے تیری دِلگیِری، چِنتا غم رہن نہ پائیا۔ اوہ اِمام اِماما شاہ سُلطانا لیکھا جانے شاہ حقیِری، حقیِر حقیِراں ویکھ وکھائیا۔ اُس دے کول آد انت جُگا جُگنت جُگ چؤکڑی تقدیِری، تقدیِر اپنے وِچ پرگٹائیا۔ جِس انت کنت بھگوَنت شرع دی کٹّنی زنجیری، شریِعت دا لیکھا دئے مُکائیا۔ اوس دا حُکم سُن لےَ دھرنی تے شبدی دھار

تحریری، جِس دا لیکھا نہ کوئے بدلائیا۔ اوہدی کوئی بُدھی والی رسنا جِہوا نال نہیں تقریری، اکھّراں ونڈ نہ کوئے ونڈائیا۔ جِس نے تیرے اُتے نَویں جُگ دی کرنی تعمیِری، طمع کلجُگ کوُڑ دئے مِٹائیا۔ سو سَتگُر شبد گہر گمبھیِری، گوَر اِک اکھوائیا۔ جِس دا سندیسہ قبراں توں باہر دِتا کبیِری، کایا کعبیاں نال جنائیا۔ اوہ مِہربانا نؤجوانا تیری انت میٹے دِلگیِری، چِنتا غم رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، دھرنی تیری لیکھے لائے نِرمانتا والی فقیِری، فِقرہ اِکو اِک اپنا نام دِرڑائیا۔