کتب خانہGranth 23 (Shahmukhi)

۱۸ وِساکھ شہنشاہی سمت نؤ ہرِ بھگت دوار جیٹھوُوال ماجھا سنگت دے نوِت واڈھیِاں کرن سمیں

نارد کہے دھرنیئے میَں دھرم دھار دا فقّر، بِنا فِقریاں توں پربھ دا نام دِھیائیا۔ جُگا جُگنت تیرے چاروں کُنٹ لاواں چکّر، چکرورتی ہو کے پِھراں چائیں چائنیا۔ سَتجُگ تریتا دواپر میَں کھیل تکدا رہیا نِرگُن سرگُن دھار دی ٹکّر، تتو تتاں کھوج کھوجائیا۔ گرنتھ شاستر ویکھدا رہیا پتر، اکھّراں رنگ رنگائیا۔ حرفاں حروُفاں تکدا رہیا ستّر بہتّر، ستّ دو کھوج کھوجائیا۔ دیِن دُنی تکّی تیرے اُتے موُڑھ

چتُر، انتشکرن ویکھ وکھائیا۔ پربھ دا کھیل انوکھا جِویں جن بھگت گُڑ بنا کے کھان شکّر، اصل دا اصل روُپ بدلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک بےپرواہیِا۔ نارد کہے دھرتی میَں آد دا آد چکرورتی، سَتگُر شبد دھار وڈیائیا۔ میَں پربھ دا کھیل ویکھاں جُگا جُگنت شرطی، شرطیہ دھیان لگائیا۔ اوہ مالک ایکنکار اِکو نِدھ پرتی، پت پرمیشور بےپرواہیِا۔ جِس نوُں نہ سوگ نہ ہرکھی، چِنتا غم نہ کوئے رکھائیا۔ اوہ محبوُب مالک دُھر دا عرشی، پریِتم اگمّ اتھاہیِا۔ مِہربان ہو کے دھرنی تیرے اُتے کرے ترسی، رحمت سچ کمائیا۔ جِس دی سُہنجنی تیِہویں سال دی برسی، پنچم جیٹھ وڈ وڈیائیا۔ تُوں خوشیاں نال کریں درسی، بِن نیَناں نیَن اُٹھائیا۔ جُگ جنم دی میٹیں حرصی، ہوَس کوُڑ مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ نارد کہے دھرنیئے اُٹھ اُٹھ جاگ، بِن تن وجوُد لےَ انگڑائیا۔ تیرے ہوون وڈ وڈ بھاگ، بھاگاں بھریئے اپنی خوشی بنائیا۔ پریم پیار دا اُپجے تیرے انتر وَیراگ، مُحبّت وِچ اپنی خوشی بنائیا۔ نِگاہ مار گُرمُکھ ہنس بن دے کاگ، کاگوں ہنس بنائیا۔ سَتگُر شبد دھووے داغ، دُرمت میَل دھوائیا۔ پُرکھ اکالا دیِن دَیالا اپنے ہتّھ پکڑے واگ، دو جہاناں آپ بھوائیا۔ سُن اُس صاحِب دا اگمّی راگ، راگ راگنی جِس دا دھیان لگائیا۔ سرگُن دھار جگت تیاگ، نِرگُن نوُر جوت رُشنائیا۔ جِس دا سندیسہ رام دِتا ایُدھیا وِچ پراگ، کاشی دھیان لگائیا۔ اُس دی سرن سرنائی لاگ، جو بنیا دُھر دا ماہیِا۔ جِس نے کلجُگ کوُڑی کِریا لائی آگ، گھر گھر دِتی مچائیا۔ اُس دا وقت سُہنجنا تیرا ہووے وڈ سُبھاگ، گھڑی سُلکھّنی تیرے رنگ رنگائیا۔ جِس دا شبد سندیسہ سمجھ سکے نہ کوئے دِماغ، بُدھی چلے نہ کوئے چتُرائیا۔ اُس سوامی انترجامی دا پنچم جیٹھ جگنا چراغ، کلسیِاں وِچ کلسیِاں والے گھر گھر اپنا دیِپ جلائیا۔ اِندر سِنگھ تیجا سِنگھ اِکّی اکی دِن مؤتا سِنگھ دے رہنگے ساتھ، دِوس رَین پربھ دے ڈھولے گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ دھرنی کہے میرا دِن ہونا سُہنجنا، پنچم جیٹھ وجےّ ودھائیا۔ کِرپا کرے پربھوُ درد دُکھ بھےَ بھنجنا، پاربرہم اگمّ اتھاہیِا۔ جِس دا نوُر ظہوُر اِکو دیِپک جگنا، جوتی جاتا وڈ وڈیائیا۔ میَں اوس دی سرنی لگنا، نِو نِو سیِس جھُکائیا۔ میری سچ سَت اُس پربھوُ نوُں بندنا، ڈنڈاوت وِچ دھوُڑی خاک رمائیا۔ میرا کھیل خوشیاں وِچ خوشی دا دیِپک جگنا، در در گھر گھر ہووے رُشنائیا۔

جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے میَں ویکھاں نال غؤر، چاروں کُنٹ دھیان لگائیا۔ میرا بھاگ متھن کارج جائے سؤر، سوہنی ملِے وڈیائیا۔ پنچ مُکھیا دیِپک اپنے گھر جگائے ہربنس کؤر، اِکّی دِن اِکو ریِت بنائیا۔ میَنوُں لیکھا پُرانا یاد جو اِشارہ کیِتا محمد نے وِچ گور، مڑیِاں توں باہر اکھّ اُٹھائیا۔ میرے محبوُبا تیری انتم پَینی لوڑ، لوڑیِندے سجّن تیری اوٹ تکائیا۔ تیرا لہنا دینا لیکھا اپنے لیکھے نال لیَنا جوڑ، دوُسر ہتّھ نہ کدے پھڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ دھرنی کہے نارد تُوں ویکھیں نال چاؤ، چنچل بُدھی نہ کوئے رکھائیا۔ کی کھیل کرے پربھوُ میرا شاہو، شہنشاہ بےپرواہیِا۔ جِس دا لیکھا اگمّ اتھاہو، اتھربن وید دئے گواہیِا۔ اوہ اپنا کرے پساؤ، اُپاؤ سمجھ کِسے نہ آئیا۔ تُوں خوشیاں وِچ کریں واہو واہو، واہوا پنچم جیٹھ وجےّ ودھائیا۔ تیِس تیسا ترےَگُن ڈھولا گاؤ، ترےَگُن اتیِتا کھیل کھِلائیا۔ بھاگ لگائے کلسیِاں والے گراؤں، گاؤں گراں دئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے جن بھگت میرے اُتے خوشی مناؤن گے۔ گھر اُجڑے پھیر وساؤن گے۔ مہاراج شیرسِنگھ دا پھوٹوُ اپنے اندر اِک اِک رکھاؤن گے۔ پوُرب جنم دی سِک، سِک اپنے وِچ ٹِکؤن گے۔ اِشٹ دیوَ منّ کے اِک، اِکو اوٹ رکھاؤن گے۔ درشن کر کے نِت، نیتر لوچن نیَن خوشی بِگساؤن گے۔ کِرپا کرے پرمیشور پِت، پت پرمیشور جن اِک دھیان رکھاؤن گے۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دے حُکم وِچ حُکم مناؤن گے۔ نارد کہے دھرنیئے میَں تیرے نال کراں مخؤل، مسخرہ ہو کے دیاں جنائیا۔ تُوں بھاگ بھری دھؤل، دھوَل اپنا نام دھرائیا۔ اپنا وعدہ تک لےَ قؤل، اِقرارنامہ دیاں وکھائیا۔ تیرے نال کدے نہ ماراں رول، رؤل پنڈت ہو کے دھوکھا کرن کدے نہ آئیا۔ پر میَں اِک گلّ ضرور دسّاں پنچم جیٹھ نوُں کلسیِاں والے اپنیاں کھیتاں وِچ چاڑھنگے دیگ چؤل، ویہہ سؤ اٹّھ بِکرمی دھیان لگائیا۔ میرا پُرانا فرمانا میَں سُنایا بول، بول کے دیاں جنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر پردہ آپ چُکائیا۔ نارد کہے دھرنیئے تُوں بڑی سوہنی سُہنجنی لاڑی، روُپ ونت نظری آئیا۔ میَں تیرے پِچھے ویکھاں کہ اَگاڑی، دوئے پاسے سوبھا پائیا۔ نی نہ تَینوُں مُچھ نہ کوئے داہڑی، نہ کوئی سیِنے مِلی وڈیائیا۔ کی تُوں کھیل تکیا اجّ دی دِہاڑی، بِن اکھّاں اکھّ کُھلائیا۔ جیہڑے بھگت

سُہیلے دھرم دی دھار وڈّھن آئے ہاڑی، ہاڑ ستاراں ایہناں ساریاں ملِے وڈیائیا۔ ایہناں چِٹی کالی سَوا سَوا گِٹھ لائی ہوویگی داہڑی، جگت روُپ بدلائیا۔ بھگت دوارے وِچ دوہاں ہتّھاں دی ماردے پِھرن گے تاڑی، تلواڑا اپنا آپ درسائیا۔ سب دا لیکھا مُکاؤنا جنگل جوُہ پہاڑی، ٹِلیاں پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ نارد کہے دھرنی میَں آواں گا ضرور، ہاڑ ستاراں ویکھاں چائیں چائنیا۔ میرے وِچ بھریا ہووےگا غروُر، غُربت جگت والی بنائیا۔ میریِاں اکھّیِاں وِچ ہووےگا نوُر، نوُر نوُرانہ سوبھا پائیا۔ میرے مستک وِچ ہووے سندھوُر، ترسوُل شنکر نال وڈیائیا۔ میری چھاتی تے پہاڑ بنیا ہووے کوہ طوُر، چوٹیِاں تِنّ پنج نظری آئیا۔ خُماری دا چڑھیا ہووے سروُر، سُرت شبد وِچ سمائیا۔ لّک نوُں بدھےّ ہون پتّے کھجوُر، چاروں کُنٹ نظری آئیا۔ پِنڈے تے ملی ہووے خاک دھوُڑ، دھوُڑی خاک رمائیا۔ میرے ہتّھاں نوُں پَیراں نوُں وجّا ہووے جوُڑ، جوُڑا بودی والا اُتے وکھائیا۔ میرے سیِنے تے لِکھیا ہووے کوُڑ، کوُڑ کُٹمب جگت لوکائیا۔ واڈھی کرن والیاں دا میرے نال ہووےگا پوُر، پوُرن سَتگُر ہو کے دَیا کمائیا۔ جنم دا کرم دا ورن دا برن دا رہے نہ کوئے قصوُر، دھرم دا لیکھا دھرم نال بنائیا۔ جن بھگتو تُہانوُں آؤنا پئے بھاویں نیڑے ہووو بھاویں ہووو دوُر، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان حاضر حضوُر، حضوُریئے گُرمُکھ لئے بنائیا۔

۲۲ وِساکھ شہنشاہی سمت نؤ ہرِ بھگت دوار جیٹھوُوال گُرداس پُر سنگت دے واڈھی کرن سمیں

وساکھ کہے میرا پروِشٹا بائی، بائیبل یسوُہ دھیان لگائیا۔ اُس نِگاہ ماری اُتے سکائی، اِسم اسماناں دھیان لگائیا۔ میرا محبوُب کرے پھلائی، جگت جہاناں ویکھ وکھائیا۔ جو سب دی کرے رہنُمائی، رحمت اپنی آپ کمائیا۔ جِس لیکھا ہِندسا جاننا اِکائی نال دہائی، دہ دِشا کھوج کھوجائیا۔ لہنا پوُرا کرنا جنک جِس رام بنایا جوائی، ذرا ذرا کھوج کھوجائیا۔ موُسیٰ ایسے دِن دِتی دُہائی، کوہ طوُر اکھّ بدلائیا۔ گوبِند نے بوُٹا پُٹ کے کاہی، کائنات دِتی ہِلائیا۔ سَتگُر شبد بن کے راہی، رستہ رستیاں وِچوں ویکھ وکھائیا۔ بائی وِساکھ کہے میری دُہائی، دو

ہتّھ اُٹھا کے دیاں جنائیا۔ میرا دِوس جِس ویلے لکشمن نے سیِتا نوُں کِہا نالے ماتا نالے بھرجائی، نیَن چرن کوَل کوَل لگائیا۔ ایسے دِوس باوَن نے بدلی بل والی شہنشاہی، شہنشاہ اپنا حُکم سُنائیا۔ نانک سرگُن دھار بغداد تکّی اپنی کلائی، کلمیاں توں باہر ویکھ وکھائیا۔ کبیِر ایسے دِن سُتا لےَ کے اُتے رجائی، رضا ربّ دی وِچ دھیان لگائیا۔ روی نے ٹکے وٹّ کے ڈھائی، ڈھئیا گوبِند دِتا سمجھائیا۔ گوبِند نے کھڑگ ایسے دِوس پہلی وار چلائی، شستر شتروُ روُپ بنائیا۔ سَتگُر ارجن سَوا پہر ایسے دِن کیِتی لِکھائی، گرنتھ گُروُ گُروُ گواہیِا۔ دھرنی کہے میری چھاتی اُتے قدم قدیِم دے مالک کیتے ڈھائی، حِصّہ دیِن دُنی ونڈائیا۔ کھیل کھیلیا چائیں چائیں، چاؤ گھنیرا اِک درسائیا۔ مہاراج شیرسِنگھ ایسے دِوس پہلی وار کُشتی لائی، پکڑ اپنی بنت بنائیا۔ ایسے دِوس تابو دے اندر دھار ہوئی رُشنائی، جنم توں پہلاں دِتا سمجھائیا۔ منی سِنگھ ایسے دِوس چھڈ کے واہی، بھجیّا واہو داہیِا۔ سَتگُروُ توں بِنا وست پرائی، جگت ترِسنا ترِکھا مِٹائی، تن اندر وجّی ودھائی، خوشیاں دے ڈھولے گائیا۔ بائی وِساکھ کہے میَنوُں دھروُ نے گلّ اِک سُنائی، بچپن بچّیاں والا دِرڑائیا۔ پتہ نہیں اوہ کِہو جِہا ماہی، جیہڑا جنگلاں وِچ رُلائیا۔ جِس دے پِچھے راج راجانا ہُندی تباہی، طبع اندروں دئے بدلائیا۔ ڈھائی گھنٹے پرہلاد اِکو تُک گائی، تُوں میرا میَں تیرا دوُجا نظر کوئے نہ آئیا۔ بِپر سُدامے پائی دُہائی، واہوا تیری بےپرواہیِا۔ جےَ دیؤ جل دھارا اُتے بہہ کے گیا گائی، گٔو غریِب تیری سرنائیا۔ نام دیؤ دِتی دُہائی، دیؤہرے والیا دوہرا تیرا کھیل وکھائیا۔ میَں چاہُندا تُوں سب دا بنے گوسائیں، مِہربان اِک اکھوائیا۔ لما پےَ کے لکیِر نکّ نال لگائی، لائن لائن وِچوں وکھائیا۔ پھیر نِگاہ چاروں کُنٹ اُٹھائی، اُتّر پوُرب پچھّم دکھّن دھیان لگائیا۔ جِدھر ویکھیا اُدھر نظر آیا دُھر دا ماہی، محبوُب اگمّ اتھاہیِا۔ نال اِشارہ ہویا اؤہ تک کلجُگ کوُڑ اندھیرا رہیا چھائی، سچ نوُر نہ کوئے رُشنائیا۔ تیری آسا منسا پوُری دیواں کرائی، کرامات نہ کوئے جنائیا۔ تیرے دِؤہرے دا دِؤہرا بھگت دوار دیواں سُہائی، بھگوَن ہو کے کھیل کھِلائیا۔ جوتی جاتا پُرکھ بِدھاتا ہو کے لواں انگڑائی، نوُر نوُرانہ ڈگمگائیا۔ دُھر دی بنت بھگوَنت ہو کے لواں بنائی.، گھڑن بھنّنہار اِک اکھوائیا۔ میرا کھیل ہوئے بے پرواہی، بےانت ہو کے اپنی کار کمائیا۔ میری بھگتاں نال نامیا ہوئی سائی، سودا پکاّ دینا کرائیا۔ بِنا بھگتی توں دیاں ترائی، تارنہار اِک اکھوائیا۔ مالا منکیاں دے تھاں سیوا دسّاں اگمّ اتھاہی، جِس دی سمجھ کوئے نہ پائیا۔ جگت دی کھیتی گُرمُکھاں دی وڈھائی، کرماں دے لیکھے دیواں

کٹائیا۔ ہرِجن آتم میری رہے نہ کوئے پرائی، پوُرن سَتگُر ہو کے لواں پرنائیا۔ گُرمُکھاں اپنے رنگ رنگائی، رنگت چاڑھاں تھاؤں تھائنیا۔ جِنہاں دی سیوا وِچ تھکن موڈھے کندھے باہیں، تِنہاں دی تھکاوٹ دو جہاناں دیاں مُکائیا۔ نامے اِک تُک خوشیاں دے وِچ گائی، بیٹھلو کہہ کے پربھ نوُں دِتا وڈیائیا۔ بائی وِساکھ کہے سو رُت سُہنجنی میری اجّ آئی، رُتڑی پربھ نے دِتی مہکائیا۔ جن بھگتو تُہاڈی گھال گھالی اپنے لیکھے لائی، تُہاڈا لیکھا اپنے ہتّھ رکھائیا۔ خوشیاں وِچ خوشی خوشی وِچ جانا چائیں چائیں، چاؤ اپنے اندر ٹِکائیا۔ سب دا لہنا دینا پوُرب جنم دا پوُرا کرے سائیں، گُرمُکھ گُر گُر رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سچ پیار دی سب نوُں دئے ودھائی، وادھا بھگتاں نال رکھائیا۔

۲۴ وِساکھ شہنشاہی سمت نؤ گُرداس پُر شہر سروُپ سِنگھ دے آرے دی چٹّھ کرن سمیں

دھرنی کہے میَں خوشیاں دے وِچ نچّاں، دِوس رَین بھجّاں واہو داہیِا۔ میرے صاحِب دا آد جُگادی کھیل سچّا، سچ سوامی انترجامی اپنا حُکم ورتائیا۔ جو دو جہاناں نؤجوانا سِری بھگوانا لکھّ چؤراسی اندر رچا، گھر گھر اپنا ڈیرہ لائیا۔ جُگ چؤکڑی بھگت سُہیلا سدا پرگٹائے اپنا بچّہ، بچپن اپنی جھولی پائیا۔ بھاگ لگا کے کایا ماٹی گڑھ کچّا، کنچن روُپ دئے وکھائیا۔ ترےَگُن اگنی تت کدے نہ مچّا، ہرِجن سانتک سَت آپ ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ دھرنی کہے کِرپا کرے آپ نِرنکار، نِروَیر وڈ وڈیائیا۔ جُگ جُگ کھیل کرے اپار، اپرمپر سوامی ویس وٹائیا۔ دو جہاناں بن کے سانجھا یار، پروردِگار اپنا حُکم ورتائیا۔ کلجُگ لیکھا جانے جیِو جنت جگت جُگت وِوہار، وِوہاری ہو کے کھوج کھوجائیا۔ جن بھگتاں کر پیار، پییا پریِتم دئے وڈیائیا۔ انتر آتم دے درس دیِدار، نِج نیتر لوچن نیَن کرے رُشنائیا۔ جگت کِریا جگت دی دھار، جگیاسوُآں جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ دھرنی کہے کِرپا کرے سِری بھگوان، ہرِ کرتا وڈ وڈیائیا۔ نِرگُن دھار ہو مِہربان، محبوُب ہوئے سہائیا۔ جن بھگتاں دیوے دان، وست امولک اگمّ ورتائیا۔ جگت سہارا بخش کے پیِن کھان، ترِسنا

ترِکھا پوُر کرائیا۔ اٹّھے پہر ہووے نِگاہبان، دِوس رَین ویکھ وکھائیا۔ سچ خوشی سَت دا دیوے گیان، اگیان اندھیر مِٹائیا۔ پریم پریِتی مُحبّت کر پروان، پرم پُرکھ اپنے لیکھے لائیا۔ جگت دِوس گھڑی پل پروِشٹا چؤوھی وِساکھ لیکھا لیکھے لائے آن، آپ اپنی دَیا کمائیا۔ سَت سروُپ شاہو بھوُپ ہرِجن کر پروان، پرم پُرکھ دیوے مان وڈیائیا۔ دھرم دی دھار سَت دی کار پیار دی چلدی رہے دُکان، وست اگمّ اتھاہ بے پرواہ اپنی آپ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کرنی دا کرتا کرنہار وڈ وڈیائیا۔

۲۴ وِساکھ شہنشاہی سمت نؤ پِنڈ اَلھڑ پِنڈی ضِلع گُرداس پُر کِشن سِنگھ دے گرِہ

دھرنی کہے میری دھوُڑ نے دھوُڑ رمائی، خاک خاک مِلی وڈیائیا۔ میَں خوشیاں وِچ خوشی منائی، خوشخبری سُنی دُھر دے ماہیِا۔ سندیسہ سُنیا چائیں چائیں، چاؤ گھنیرا میرے انتر پرگٹائیا۔ میَں بِنا بُھجاں توں اُٹھائیاں باہیِں، چار کُنٹ دِتیاں وکھائیا۔ دھنّ بھاگ سُبھاگ میرا صاحِب مِلیا سائیں، سُلطان دُھردرگاہیِا۔ جو بنیا میرے اُتے پاندھی راہی، رہبر اگمّ اتھاہیِا۔ جِس دا کھیل سدا بے پرواہی، بے پرواہی وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے میری دھوُڑ میرے اُتے دِتا دھوُڑا، چار کُنٹ ورکھائیا۔ میَنوُں رنگ چاڑھیا گوُڑھا، اُتر کدے نہ جائیا۔ میرا انتشکرن رہیا نہ موُڑھا، دُرمت مت نہ کوئے بنائیا۔ ناتا تُٹیا کوُڑا، کوُڑ کِریا خاک مِلائیا۔ میرے انتر پرکاش ہویا نوُرا، نوُر نوُرانہ ڈگمگائیا۔ جِس دا سب توں وکھّرا ظہوُرا، ظاہر ظہوُر کرے رُشنائیا۔ جن بھگتاں سدا حاضر حضوُرا، ہرِ ہِردے وِچ وسائیا۔ دھرنی کہے میری آسا منسا کرے پوُرا، پوُرن سَتگُر وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں دیوے نام رس سروُرا، سُرتی شبد نال مِلائیا۔

۲۴ وِساکھ شہنشاہی سمت نؤ پِنڈ بابوُپُر ضِلع گُرداس پُر مکھّن سِنگھ دے گرِہ

دھرنی کہے میَنوُں اِشارہ دیوے اسمان، نیِلی دھار دھار جنائیا۔ کھیل تک سِری بھگوان، کی بھگوَن اپنی کار کمائیا۔ نِگاہ مار لےَ دُھر دے رام اگمےّ کاہن، کاہنا والیئے اکھّ اُٹھائیا۔ بِنا اکھّراں توں سُن گیان، شبدی شبد دھار وڈیائیا۔ نوَ نؤ چار دا ویکھ بیان، جو اوتار پَیغمبر گُروُ گئے سُنائیا۔ سَت دھرم دی شرع ویکھ اِسلام، اِسم اعظم کھوج کھوجائیا۔ نام کلمے ویکھ کلام، کائنات پردہ رہے نہ رائیا۔ مانَس مانُکھ ویکھ غُلام، شرع زنجیر بندھائیا۔ من کلپنا ویکھ تمام، طمع وِچ کوُڑ لوکائیا۔ سَت سچ ملِے نہ کوئے آرام، سانتک سَت نہ کوئے کرائیا۔ راہ تک اوس اگمےّ اِمام، جو عملاں توں رہت نوُر الاہیِا۔ جِس دا حُکم سندیسہ فرمانا بنام، پاربرہم کی اپنی کھیل کھِلائیا۔ نِگاہ مار لےَ کلجُگ اندھیری شام، شمشان بھوُمیاں کھوج کھوجائیا۔ حقیِقی ملِے کِسے نہ جام، امرت رس نہ کوئے چوائیا۔ دھرم دا رہیا نہ کوئے نام، نِشانہ کوُڑ نظری آئیا۔ پَیغمبراں توں پرے سُن پَیغام، پرا پسنتی مدھم بَیکھری توں پرے دئے سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کلجُگ کوُڑ کِریا ویکھے حرام، ہُرم سب دے کھوج کھوجائیا۔

۲۴ وِساکھ شہنشاہی سمت نؤ پِنڈ بابوُ پُر ضِلع گُرداس پُر ہرِسنگت دے نوِت

دھرنی کہے میرے مالک محبوُبا، بے پرواہ تیری سرنائیا۔ تیرا کھیل تکاّں اعجوُبہ، عجب نِرالے تیری وڈ وڈیائیا۔ میرے اُتے شرع دیِاں ویکھ حدوُدا، حِصّے دیِن دُنی نظری آئیا۔ جھگڑا پیا تن وجوُدا، ماٹی خاک کرے لڑائیا۔ تیری منزل جانے نہ کوئے مقصوُدا، درگاہ ساچی ویکھن کوئے نہ پائیا۔ تیری دُنیا جگت واسنا بچن کہے بےہوُدا، بیوہ دِسے لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے سیِس نِوائیا۔ دھرنی کہے میرے سوامی سَتگُر ٹھاکر، کیوں ٹھوکراں رہیا لگائیا۔ دیِن دُنی اپنا ویکھ جگت ساگر، سمُند ساگراں پھول پھولائیا۔ نِگاہ مار لےَ کایا ماٹی گاگر، گگریا کاچی دھیان لگائیا۔ کِسے دا کرم نہ دِسے اُجاگر، اُجل مُکھ نہ کوئے کرائیا۔

تیرے نام دا ونجارا رہیا نہ کوئے سؤداگر، سودا سچ ہٹّ نہ کوئے کرائیا۔ سُرت رہی نہ کِسے اِکاگر، جگت واسنا کاگ وانگ کُرلائیا۔ سچ دوارے ملِے کوئے نہ آدر، سِر ہتّھ نہ کوئے ٹِکائیا۔ تُوں کرتا کریِم دُھر دا قادر، بےعیب نوُر الاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ دھرنی کہے پربھوُ تیرا کھیل اگمّ اتھاہ، اتھربن وید دئے گواہیِا۔ کُل مالک بے پرواہ، بےانت تیری وڈیائیا۔ تیری سرِشٹی بھری نال گُناہ، پتت پُنیِت نہ کوئے کرائیا۔ گُر اوتار پَیغمبر تیرا سندیسہ گئے جنا، دُھر فرمانا اِک دِرڑائیا۔ کلجُگ انتم آوے نوُر الاہ، اِمام اِماما وڈ وڈیائیا۔ کل کلکی ویس لئے وٹا، وٹاندرا شبد گُروُ کرائیا۔ نِہکلنک نوُر جوت کرے رُشنا، جگ نیتر نظر کِسے نہ آئیا۔ جن بھگتاں ہوئے سہا، سہائک نائک بےپرواہیِا۔ کلجُگ سوئے لئے جگا، جاگرت جوت کر رُشنائیا۔ نام کلمہ دئے دِرڑا، ڈھولا دُھر دا اِک سُنائیا۔ دیِن مذہب دا لیکھا دئے مُکا، مُکمل اپنا حُکم سُنائیا۔ سچ سرنائی لئے رکھا، رکھک ہو کے رکھیا کرے تھاؤں تھائنیا۔ سب دی قبوُل کرے دُعا، جو دوئے جوڑ واسطہ پائیا۔ دھرنیئے تیرا لہنا دینا لیکھا پوُرا کرے آ، اپنا پھیرا پائیا۔ نِرگُن داتا نِروَیر پرگٹ ہووے شہنشاہ، پاتشاہ اِک اکھوائیا۔ جِس نوُں صدی چؤدھویِں انت اَخیِر سارے کرن واہ واہ، واہوا تیری وڈ وڈیائیا۔ سو جن بھگتاں لہنا دینا پوُرب جنم دا جھولی دیوے پا، کرم کرم دا لیکھ رہے نہ رائیا۔ اوس سوامی انترجامی سیِس دینا نِوا، نِو نِو لگنا پائیا۔ اوہ سنت سُہیلا اِک اَکیلا تیری پکڑے بانہہ، سہائک نائک اِک اکھوائیا۔ کلجُگ کوُڑی کِریا دئے مِٹا، مِٹّی خاک دھوُڑ اُڈائیا۔ سَتجُگ ساچا دئے لگا، لگ ماتر دا ڈیرہ ڈھاہیِا۔ اِکو اِشٹ دئے منا، درِشٹ سب دی آپ کُھلائیا۔ ناؤں نِرنکارا آپ پرگٹا، پرگٹ ہو کے کھیل کھِلائیا۔ سَت دھرم دا ڈنکا دئے وجا، چار کُنٹ کرے شنوائیا۔ جن بھگت سُہیلے لئے ترا، تارنہار اِک اکھوائیا۔ ہرِ سنگت میلا لئے مِلا، مِلنی ہرِ جگدیِش کرائیا۔ گُر چیلا اِکو رنگ رنگا، رنگت چاڑھے دُھر دا ماہیِا۔ وقت سُہنجنا کرے آ، سوبھاوَنت دئے وڈیائیا۔ تُوں چرن سرن پَینا سرنا، سرنگت اِک رکھائیا۔ اوہ تیرا لہنا دینا پوُرا دئے کرا، پوُرب پچھّم اُتّر دکھّن دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سب دی آسا منسا پوُرن دئے کرا، نِراسا رہن کوئے نہ پائیا۔

۳۰ وِساکھ شہنشاہی سمت نؤ پِنڈ جیٹھوُوال ضِلع امرتسر پاتشاہ جی دی بمبی تے کشمیِر سِنگھ، جسبیر سِنگھ، بھاگ سِنگھ، کُلونت سِنگھ، میلا سِنگھ، جگتار سِنگھ، گُرمیِت کؤر، چرن کؤر، جاگیِر سِنگھ، نِرمل سِنگھ سُلکھن سِنگھ،

جرنَیل سِنگھ، دلیِپ سِنگھ، رتن سِنگھ، جوگا سِنگھ، بھجن سِنگھ، پریِتم سِنگھ، کشمیِر سِنگھ

نارد کہے میَنوُں آوے ہاسا، دندیِاں کڈھ کے دیاں وکھائیا۔ میَں پِچھلا دسّاں خُلاصہ، بھیوَ ابھید جنائیا۔ کی کھیل ورتایا پُرکھ ابناشا، ہرِ کرتے دُھردرگاہیِا۔ میَں ویکھدا رہیا تماشا، نیَناں نیَن اُٹھائیا۔ بالمیِک بَیٹھا ایتھے پیاسا، آس انتر انتر رکھائیا۔ پربھوُ بھگتاں دا بھر دے پریم والا کاسہ، قسم کھا کے دِتا سمجھائیا۔ نِج گھر جِنہاں رکھیں واسا، اپنا رنگ رنگائیا۔ میری ویکھ لےَ کایا ماٹی لاشا، تن سریِر کھوج کھوجائیا۔ شبد سندیسہ مِلیا تَینوُں دیواں دھرواسا، دھرم دھار سُنائیا۔ بھیوَ ابھیدا اِک سُناسا، انسُنت ہو کے دیاں جنائیا۔ جیہڑے ایُدھیا واسی رام نوُں چھڈن آئے بنباسا، رستے وِچ نیَناں نیِر وہائیا۔ اوہناں انتم کلجُگ جنم کراں راسا، جنم جنم وِچوں دوائیا۔ پریم پیار دی مِل کے اوہناں نال پاواں راسا، رستہ دیِن دُنی بدلائیا۔ شنکر چل کے آوے اُتوں کَیلاشا، وِشن برہما سِر نِوائیا۔ میَں بھگتاں ہو کے داسی داسا، سیوک ہو کے سیو کمائیا۔ کھیل کراں الکھنا الاکھا، الکھ اگوچر اپنے ہتّھ رکھاں وڈیائیا۔ دِوس رَین ہوواں راکھا، اٹّھے پہر سہائیا۔ ساچے جل دیِاں دیواں داتا، بھنڈارا امرت نام برسائیا۔ سو وقت سُہنجنا جاتا، نارد کہے میرے انتر وجّی ودھائیا۔ خوشی ہووے اجّ دھرتی ماتا، ماتا ترِپت دی نال مِلائیا۔ میرا سَتگُر والا ڈوُنگھا کھاتہ، بھیوَ سکے کوئے نہ پائیا۔ سیِتا وَیراگ وِچ رِشی نال کٹیِاں ایتھے ڈھائی راتا، گیاراں دِن غمی وِچ لنگھائیا۔ نارد کہے میَں پِچھلا ماریا جھاکا، سہج نال ویکھ وکھائیا۔ میرے کول اِک چار پنج تِنّ دا خاکہ، خاک مِٹّی والا سمجھ کوئے نہ پائیا۔ میَں سچ سندیسہ آکھا، آکھ کے دیاں دِرڑائیا۔ شبد سندیسہ دیواں ساچا، سچ نال سمجھائیا۔ جن بھگتاں اندر نِرگُن ہو کے راچا، روم روم وِچ سمائیا۔ اوہ دِوس رَین پریم پیار دیِاں کٹّن واٹا، بھجّن واہو داہیِا۔ جگت کار اوہناں دا لیکھا کر ہاتھا، لیکھا ہتّھو ہتّھ چُکائیا۔ ایہہ پوُرب دا لہنا ترنتے دا ساتھا، کلجُگ انتم پوُر کرائیا۔ جنم جنم دی سیوا کرم کرم دا پوُرا کرے گھاٹا، گھاٹ اَگے رہے نہ رائیا۔ نِرگُن نوُر جوت دی دھار دیوے لاٹا، لِلاٹ اپنا رنگ رنگائیا۔ جن بھگت سُہیلے سگلا بنیا دُھر دا ساتھا، سنگی اِک اکھوائیا۔

گُرمُکھو تُہاڈا پروان ہویا ٹیکیا ماتھا، مستک ملِے وڈیائیا۔ جل دھارا کہے میَں چرن چھوہ کے پوِت ہو کے نہاتا، اپنا آپ پوِت بنائیا۔ گُرمُکھو تُہاڈے پریم دی دھار، ایس بمبی دی آبشار، جل اٹھسٹھ تیِرتھ نالوں وڈ وڈیائیا۔ تُہاڈی لیکھے لگّی گھال کیِتی کار، کرم دی دھار کرم نال رکھائیا۔ پوُرن سَتگُر پوُرن اوتار، پوُرن جوت شبد دی دھار، پوُرن سَتگُر ہوئے سہائیا۔ ایہہ لیکھا پوُرب چُکائے سچّی سرکار، لہنا سب دا ویکھ وکھائیا۔ آگیا کؤر اُس ویلے پیَنسٹھ سال دی ہُندی سی اِک وِدھوا نار، پنج سال وِچھوڑا پتی والا پہلوں پائیا۔ اوس ستاراں گھنٹیاں پِچھوں رِشی نوُں پانی دِتا پیال، سیِتا نوُں سُتی آپ اُٹھال، نیتر پریم نال تکائیا۔ دُھر سندیسہ دِتا دیِن دَیال، دَیانِدھ حُکم سُنائیا۔ جِس ویلے کلجُگ سرِشٹی درِشٹی اندر ہوئی بےحال، بِہبل ہو کے رووے مارے دھاہیِا۔ اُس ویلے کِرپا کرے پُرکھ اکال، جن بھگتاں ہوئے آپ سہائیا۔ سچ دا پروِشٹا کیِتا پروان، پرم پُرکھ اپنے رنگ رنگائیا۔ گُرمُکھو گُرسِکھو جن بھگتو تُہاڈی سچ پریِتی دا پریِتم کول مان، دیونہار آپ اکھوائیا۔ سب دی گھال کیِتی ہوئی پروان، پرم پُرکھ سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جانی جان، جاننہار اِک اکھوائیا۔

۳۱ وِساکھ شہنشاہی سمت نؤ ہرِ بھگت دوار جیٹھوُوال ضِلع امرتسر مؤتا سِنگھ کلسیِاں والے دے نوِت

وساکھ کہے میرا انت پروِشٹا مُکیا، مکُت دے مالک دِتا مُکائیا۔ جِس دا بھانا کدے نہ رُکیا، نہ کوئی میٹے میٹ مِٹائیا۔ اوس گُر اوتار پَیغمبر اُٹھایا اپنی دھار سُتیا، نِرگُن نوُر نوُر جگائیا۔ اُٹھو تکّو دھرم دھار دی رُتیا، کی رُتڑی مات مہکائیا۔ بھیوَ ابھید رہے کوئے نہ لُکیا، اوہلا پردہ آپ چُکائیا۔ سچ وقت سُہنجنا ڈُھکیا، گھڑی تِھت وار وجےّ ودھائیا۔ جِس نوَ نؤ چار دا بیڑا چُکیا، بیڑا جگت جہان ویکھ وکھائیا۔ سو پُرکھ اکالا دیِن دَیالا جن بھگتاں میٹے دُکھیا، دُکھیِاں درد ونڈائیا۔ ساچا وقت سُہنجنا کرے سُکھیا، سُکھ ساگر وِچ سمائیا۔ گُرسِکھ رہن دیوے کوئی نہ بُھکھیا، بُھکھیاں بُھکھ مِٹائیا۔ جو ہر گھٹ اندر وڑ کے رہیا پُچھیا، کھوجنہارا تھاؤں تھائنیا۔ اوہ سب نوُں بخشنہارا خوشیاں، خوشیاں وِچ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی نظر آپ اُٹھائیا۔ وِساکھ کہے

میرے بیِتے سال سہنس، کوٹن کوٹ پندھ مُکائیا۔ میَں جن بھگت سُہیلے پربھوُ دے پیارے تکاّں ہنس، گُرمُکھ گُر گُر رنگ رنگائیا۔ سَتگُر دھار دا تکاّں بنس، سربنس اِکو نظری آئیا۔ کلجُگ کوُڑ ہنکاری رہے نہ کنس، کھنڈا کھڑگ نام کھڑکائیا۔ دیوے مان جگت دی دھار کؤر ہربنس، مِہربان مِہر نظر اُٹھائیا۔ جو اِشارہ کیِتا تبریز شمش، شمع جگت دھیان لگائیا۔ جو سندیسہ دِتا حمزہ غمس، خود خُدی وِچوں مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ وِساکھ کہے میرے انتر اِک وَیراگ، بِرہوں وِچ جنائیا۔ مہینےِ جیٹھ لگّنا بھاگ، بھگوَن دئے وڈیائیا۔ ساچے گھر جگنا چراغ، چراگاہاں کرے رُشنائیا۔ پُرکھ اکالا رکھے لاج، بنس سربنس سِر اپنا ہتّھ ٹِکائیا۔ سب دا جیِون جائے جاگ، جاگرت جوت نال وڈیائیا۔ کوُڑی بُدھی رہن نہ دیوے کاگ، گُرمُکھ رنگ رنگائیا۔ پوُرب جنم دا دھو داغ، پتت پُنیِت وکھائیا۔ سَت دا سچ سُہائے کاج، کرنی دا کرتا آپ اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ رکھائیا۔ وِساکھ کہے میری نمو نمو نِمسکارا، سیِس جگدیِش جھُکائیا۔ سَتگُر شبد دا دسّاں اِشارہ، کی سندیسہ رہیا جنائیا۔ سُکھی وسے میرا پروارا، بنس سربنس وڈیائیا۔ جگت دلِدر کوُڑ نِوارا، دُکھاں روگاں ڈیرہ ڈھاہیِا۔ گھر سچ کرے پسارا، سِر اپنا ہتّھ ٹِکائیا۔ حُکم سندیسہ دیوے اپنی دھارا، دھرنی دھرت دھوَل دھؤل اُتے جنائیا۔ جِتھے منی سِنگھ دی خاک دا بُجھیا رکھیا انگیارا، ہڈّیاں ڈھیر سُہائیا۔ پنج جیٹھ تیجا سِنگھ لاویگا پنج جَیکارا، اِندر سِنگھ نال مِلائیا۔ دیگ دا موتا سِنگھ بنے ورتارا، خوشیاں نال ورتائیا۔ جگتار سِنگھ سیِس بنّھ چِٹا دستارا، پِھرے چائیں چائنیا۔ ایہہ کھیل اگمّ اپارا، ہرِ کرتا آپ جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور نِہکلنک نرائن نر، مہاراج شیرسِنگھ وِشنوُں بھگوان، آتم پرماتم پرماتم آتم آد جُگادی اِک ادھارا، دوُسر اوٹ نہ کوئے جنائیا۔

پہلی جیٹھ شہنشاہی سمت نؤ ہرِ بھگت دوار جیٹھوُوال ضِلع امرتسر رات نوُں

دھرنی کہے اوتار پَیغمبر گُر میری کھیل کے گئے گودی، گوداوری دا کنڈھا انتم دئے گواہیِا۔ جگت روُپ درساؤندے گئے سوڈھی تے ویدی، جگت وِدیا توں باہر جِنہاں پڑھائیا۔ کوُڑ کِریا دوُر کردے گئے ممتا موہ والے بچاؤندے گئے روگی، ہنکار وِکار اپنی دَیا کمائیا۔ آتم پرماتم میل مِلاؤندے گئے دُھر سنیوگی، وِچھوڑا ناتا جگت والا گوائیا۔ سَت سچ دا بننا دسدے گئے جوگی، جُگیِشراں توں باہر پڑھائیا۔ بھسمڑ روُپ درساؤندے گئے بھوگی، بھگوَن اپنا رنگ رنگائیا۔ دھرنی کہے میرے اُتوں لیکھ جِنہاں مُکایا بھاؤ دوجی، دُتیا بھیوَ رہیا نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے میرا جُگ جُگ ہُندا رہیا سویمبر، صاحِب سوامی دِتی مان وڈیائیا۔ نوُر پرکاش تکیا رسوُل پَیغمبر، پرا پسنتی مدھم بَیکھری توں باہر دھیان لگائیا۔ ظہوُر ویکھیا تن وجوُد ماٹی خاک مندر، کعبیاں سوبھا پائیا۔ سرگُن دھار ٹُٹا ویکھیا جِندر، زِندگی زِندگی وِچوں بدلائیا۔ ظہوُر تکّدی رہی اُتے اَمبر، اسماناں پرے ویکھ وکھائیا۔ نوَ نوَ چار توں باہر ڈھوُنڈن گئی لبھن، کھوجن کھوج کھوجائیا۔ میرا محبوُب ماہی میَنوُں نظر آیا واحد اِکو ربّن، ربیؤل ثانی جِس دا دھیان لگائیا۔ جِس دا حُکم سندیسہ کلمے دی دھار دِتا میری بُجھائی اگن، آب حِیات نال نِجات کرائیا۔ میَں خوشیاں وِچ ہوئی مگن، مستی وِچ لئی انگڑائیا۔ نِرمانتا وِچ لگّی سدّن، صدقے واری گھول گھُمائیا۔ آ میرے محبوُب پُرکھ سمرتھن، تیری اوٹ تکائیا۔ میَں مہندی لا کے ہتّھن، بِن ہتّھاں توں سگن منائیا۔ بِن اکھّراں توں کھول کے اکھّن، نیتر لوچن نیَن لئی انگڑائیا۔ قدماں تے سِر لگّی سٹّن، دھوُڑی خاک رمائیا۔ خوشیاں وِچ لگّی نَٹھن، بھجّاں واہو داہیِا۔ سندیسہ سُنیا الکھ الکھّن، کی اگوچر دِتا دِرڑائیا۔ دھرنی تیری دھار دا ویکھاں لیکھا آواں دسّن، دس دس دی دھار توں باہر سمجھائیا۔ محبوُب ہو کے مُحبّت وِچ آواں وسن، وصل اِکو یار وکھائیا۔ کلمیاں توں باہر کلام قایم مقام دُھر دا دسّاں بچن، بچپن تیرا ویکھ وکھائیا۔ صدی چؤدھویِں دا گھاٹ تکّیں پتن، کنارے بَیٹھا محمد اکھّ کُھلائیا۔ دھرنی کہے میَں نیتر وِرولے اتّھن، ہنجھوُاں ہار بنائیا۔ کی میرے مالک خالق دیِن دُنی آوے متھن، جو مِتھیا دِسے لوکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے میَں اوس دی سرنی پری، جو پرم پُرکھ

بےپرواہیِا۔ جِس کھیل اولّڑی کری، کرتا پُرکھ اگمّ اتھاہیِا۔ جِس تن وجوُداں دھار بنا کے لڑی، کنّی گنڈھ دِتی بندھائیا۔ میَنوُں یاد پُرانی گھڑی، گھڑی گھڑی کھوج کھوجائیا۔ دھرنی کہے میری نِگاہ آکاشاں توں اُپر چڑھی، چڑھدا لہندا نظراں ہیٹھ دبائیا۔ میَں محبوُب تکیا جِتھے کِرپا ہُندی بڑی، مِہربان مِہر نظر اُٹھائیا۔ میَں درویشن ہو کے کھڑی، نِمرتا وِچ سیِس جھُکائیا۔ نِگاہ ماری تے دھار بِنا اکھّراں توں پڑھی، جِس دا روُپ رنگ ریکھ جگت نہ کوئے جنائیا۔ جِس وِچ شرع نہ کوئے شرعی، شریِعت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ دھرنی کہے میَں ویکھ کے زِمیں اسمانا، دو جہاناں پرے دھیان لگائیا۔ جلوہ تک کے نوُر نوُرانہ، ظاہر ظہوُر ویکھ وکھائیا۔ نِگاہ نال ویکھ کے کاہنا، نیَن نیَناں وِچ ٹِکائیا۔ سَت سروُپ دا جان کے راما، رام رام روُپ اکھوائیا۔ جو آد جُگادی مِہربانا، محبوُب نوُر الاہیِا۔ اُس نے دِتا حقیِقی حق پَیغاما، کلمیاں توں باہر سُنائیا۔ دھرنیئے نِگاہ مار لےَ تیرے اُتے انت کنت بھگوَنت پہر کے آوے بانا، بھیوَ ابھید الکھ اگوچر اپنے وِچ چُھپائیا۔ جِس دا کھیل ہونا جگت مہانا، مہما اکتھ کتھ دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے میَں تک کے دُھر دھرم دی دھار، دھرم دھرم نال جنائیا۔ بِنا زبان توں کر پُکار، کوُک کوُک سُنائیا۔ سُن شہنشاہ میَنڈو یار، نوُر نوُرانہ نوُر الاہیِا۔ میرے عالی جاہ ولیاں دی سرکار، شہنشاہ پَیغمبراں دے وکھائیا۔ میَں تیری خِدمتگار، خادم ہو کے سیِس جھُکائیا۔ میرے اِمام اِماما تُوں میرے اُتے ہونا ظاہر، ظاہر ظہوُر لیَنی انگڑائیا۔ میَں تیری قدم بوسی وِچ قدیِم دا کراں اِنتظار ، قُدرت دے قادر تیرا راہ تکائیا۔ درگاہ ساچی دے مالک خلق دے خالق اپنے اندروں ہوویں باہر، گُپت ظاہر اپنا رنگ رنگائیا۔ میَں تیری دیِد دا درس کرن نوُں رہاں تیار، دِوس رَین راہ تکائیا۔ تُوں مالک میرا آد جُگادی تیرے سب کُچھ اختیار، مختیار گُر اوتار پَیغمبر میَنوُں دے کے گئے صالاحیِا۔ دھرنیئے تیرے اُتے انت آوے کل کلکی اوتار، نِہکلنک روُپ بدلائیا۔ جِس دا اِکو نوُر جوت ہووے اُجیار، جوتی جاتا ڈگمگائیا۔ سَتگُر شبد شبد دی ہووے دھار، جِس نوُں جنمے کوئے نہ مائیا۔ جگت اکھّراں دا لیکھ سمجھ سکے نہ وِستھار، صِفتاں وِچ نہ صِفت صالاحیِا۔ اوہ بودھ اگادھا جِس دا انت نہ پاراوار، بےانت کہہ کے جِس نوُں سارے گائیا۔ سو تیرا لہنا دینا قرض دئے اُتار، نؤ سؤ چُرانوے چؤکڑی جُگ دا لیکھا تیری جھولی پائیا۔

اُس دا اِکو حُکم ہووے درے دربار، عدل اِنصاف اِک کمائیا۔ اِکو کلمہ تیرے اُتے دئے اُچار، اِکو نام دئے سمجھائیا۔ دیِناں مذہباں میٹ کے خار، خالص اِکو رنگ رنگائیا۔ تن وجوُداں دُتیا بھاؤ دئے نِوار، پردہ پردیاں وِچوں اُٹھائیا۔ تُوں غفلت وِچوں ہونا بے دار، آلس نِندرا وِچوں اکھّ کُھلائیا۔ کھیل تکّنا ایکنکار، کی اکل کل دھاری اپنی کل ورتائیا۔ جِس دا سمبل ہونا دھام نیار، سمبل بہہ کے اپنا آپ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ دھرنی کہے میرے اندر آواز اگمّی آئی، آیتاں توں باہر دِتا دِرڑائیا۔ تیرے اُتے کلجُگ کوُڑ بنے قصائی، چُھری شرع والی اُٹھائیا۔ دھرنی کہے میَں رو کے دِتی دُہائی، دُہتّھڑ سیِنے اُتے لگائیا۔ مِہر کر میرے مِہربان نوُر الاہی، االلہ تیری اوٹ رکھائیا۔ حضرت عیسیٰ موُسیٰ محمد میری دین گواہی، شہادت رہے بُھگتائیا۔ تیری نام دی دروہی تیری آد وِچ دُہائی، کلمیاں توں باہر کوُک سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری وڈیائیا۔ دھرنی کہے جھٹ نارد آ گیا پاؤندا رؤلا، تاڑی پُٹھے ہتّھاں وجائیا۔ مؤلی تند بنّھ کے ڈؤلا، بازو رہیا ہِلائیا۔ نالے وکھاوے پَیغمبراں والا قؤلا، اِقرار رہیا جنائیا۔ آہ کملیئے تک لےَ اپنا مؤلا، جو مؤلیا ہر گھٹ تھائنیا۔ جِس تیرے اُتے بھار کرنا ہؤلا، ہؤلی ہؤلی اپنا وقت وِہائیا۔ جِس دا روُپ نہ کالا نہ سؤلا، جوت نوُر نوُر الاہیِا۔ اوس دی کرنی نوُں اپنے اُتے آپے ٹوہ لا، اپنا بَل آپ پرگٹائیا۔ جِس سچ دوارا اِکو کھولا، خالق خلق دئے وڈیائیا۔ نی دھؤلے تیرا جھاٹا ہو گیا دھؤلا، کوٹن کوٹ جُگ تیرے اُتے گئے وِہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نارد کہے دھرنیئے سُن لےَ میری منسا، ممتا توں باہر جنائیا۔ اپنا روُپ بنا لےَ ہنسا، کاگ وانگ نہ کوُڑ کُرلائیا۔ جِس نوُں اوتار پَیغمبر گُروُ گاؤندے اسنکھا، سہنسر دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ نارد کہے دھرنیئے میَں پنڈت پُرانا آیا، وید شاستراں توں باہر میری پڑھائیا۔ میرے پربھوُ نے میَنوُں اِکو لیکھ سمجھایا، جِس نوُں لیکھنی لِکھ سکے نہ رائیا۔ جِس دا راگ کِسے رسنا جِہوا نہیں گایا، صِفتاں وِچ سکیا نہ کوئے صالاحیِا۔ ترےَگُن مایا رنگ نہ کوئے رنگایا، رنگت جگت نہ کوئے دِرڑائیا۔ میَں اوہ سندیسہ اگمّا رہیا سُنایا، بِن رسنا جِہوا ڈھولا گائیا۔ اؤہ تک لےَ بےپرواہیِا، جو بے پرواہی وِچ سمائیا۔ جو سب دا دائی دایا، آد انت آپ اکھوائیا۔ اوہ جوت

سروُپی شاہو بھوُپی اپنا ویس وٹایا، وٹاندرا سَتگُر شبد نال کرائیا۔ جِس نے سچ سِنگھاسن پُرکھ ابناشن ہو کے اِکو ڈاہیا، جِس دا پاوا چوُل نظر کوئے نہ آئیا۔ گھر سُہنجنے آپ رکھایا، آد نِرنجن دَیا کمائیا۔ دُکھ بھےَ بھنجن تیرے دُکھ نِوارن آیا، دُکھیِاں ہوئے سہائیا۔ نارد کہے میَں کوُک کوُک دِرڑایا، دروہی دروہی کر سُنائیا۔ دھرنی کہے میَنوُں اُس دا درشن دے کرایا، جو کرنی دا کرتا اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک وڈ وڈیائیا۔ نارد کہے دھرنیئے درشن کر لےَ اگمےّ ہرِ دا، جو ہر ہِردے ڈیرہ لائیا۔ جو مالک تیرے نوَ ستّ گھر دا، گرِہ مندر ہوئے سہائیا۔ اُس دا اندروں چُک دے پردہ، پردہ پردیاں وِچوں اُٹھائیا۔ اوہدا کھیل ویکھ لےَ لہندا چڑھدا، چڑھدا لہندا اپنا حُکم دئے ورتائیا۔ جِس دے چرناں وِچ سچکھنڈ دوارے اوتار پَیغمبر گُروُ نِرگُن دھار ہو ہو بہندا، تن وجوُد نظر کوئے نہ آئیا۔ اوہ پُرکھ اکال دیِن دَیال شبد سندیسہ نر نریشا پروردِگار سانجھا یار اِکو کہندا، دو جہاناں نؤجوانا مرد مردانہ سِری بھگوانا آپ سُنائیا۔ تیرا بُرج منارا انت ویکھ لےَ جاندا ڈھہِندا، ڈھئیا گوبِند والا دئے گواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ نارد کہے دھرنیئے ذرا نِگاہ مار لےَ ہیٹھاں، نیَن نیَن نال بدلائیا۔ رُت سُہنجنی تک لےَ مہیِنہ جیٹھا، ودی سُدی توں باہر دھیان لگائیا۔ جو سب نوُں رکھے چھایا ہیٹھا، سِر سِر اپنا ہتّھ ٹِکائیا۔ جِس دا شبد دھار سَتگُر بیٹا، جنم والی اوَر کوئے نہ مائیا۔ جو سچ سِنگھاسن آتم لیٹا، گھر گھر ڈیرہ لائیا۔ جو انتم تیرا بنے کھیوٹ کھیٹا، بیڑا جگت جہان چلائیا۔ دو جہاناں ہو کے آوے نیتا، نیتر نیَناں درشن لیَنا پائیا۔ جو دیِن دُنی کائنات رن بھوُمی ویکھے کھیتا، خاطر دُھر دی کھیل کھِلائیا۔ جِس دے پیار وِچ سَتگُر ارجن سیِس پوائی ریتا، راوی دھار سیِس نِوائیا۔ اوہ بُھلے کدے نہ چیتا، چیتن تَینوُں دئے کرائیا۔ سب دا پوُرا کرا لیکھا، لِکھت بھوِکھت نال مِلائیا۔ جِس دا اِشارہ کیِتا گوبِند دھاری کیسا، کیس گڑھ دا لیکھا دئے چُکائیا۔ اُس کھیل کھِلاؤنا مُلّا شیخا، مسائکاں ویکھ وکھائیا۔ جِس عیسیٰ موُسیٰ دھار میٹنی ریکھا، رِکھیِاں مُنیاں پردہ آپ اُٹھائیا۔ تیرے اُتے سَتجُگ دھرم دی لائے میخا، میخ بِرکھ دوویں دین گواہیِا۔ جِس لکھّ چؤراسی جیِو جنت سادھ سنت پاؤنا بُھلیکھا، بھانڈا بھرم نہ کوئے بھنّائیا۔ اوہدا آد جُگادی برہم برہمادی شبد انادی اِکو سُت دُلارا پلیٹھا، جِس دی آیوُ سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا

پردہ آپ چُکائیا۔ نارد کہے دھرنیئے پہلی جیٹھ کی رہیا دسّ، دہ دِشا دھیان لگائیا۔ تیرے ولّ ویکھ کے رہیا ہسّ، نال ہستی تک بےپرواہیِا۔ چاروں کُنٹ رہیا نسّ، بھجےّ واہو داہیِا۔ حَیران ہو کے کہے پربھوُ دا گائے کوئے نہ جس، سچ صِفت نہ کوئے صالاحیِا۔ جگت وِکار وِچ سرِشٹی گئی پھس، پھاسی جم نہ کوئے کٹائیا۔ سچ دے آگوُ گئے نسّ، بھجےّ واہو داہیِا۔ انت دھرم دی ہو گئی بس، دھرنیئے اوہ وی بَیٹھا مُکھ چُھپائیا۔ تَینوُں پَین والی غش، بسُدھے بسُدھے سُدھ رہے نہ رائیا۔ کلجُگ کردا پِھرے عش عش، عیش و عِشرت نال مِلائیا۔ بِنا قدماں توں سرِشٹی رہیا کچھ، کچھ مچھ ویکھن نیَن اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ جیٹھ کہے دھرنیئے میَں پربھ دا سُت دُلارا، دوُلھا اِک اکھوائیا۔ میرا کھیل سدا جُگ چارا، چؤکڑی وجدی رہے ودھائیا۔ میری پائے کوئے نہ سارا، میرا مہاسارتھی اِک اکھوائیا۔ میَں سَتجُگ تریتا دواپر کیِتا پار کنارہ، کلجُگ انتم ویکھ وکھائیا۔ میَں کھیل کھِلایا پَیغمبر گُر اوتارا، اوتری میرے وِچ اپنا آسن لائیا۔ میَں سندیسے سُن دا رہیا سَت سچ دے وِچ پیارا، پریم نال اپنے وِچ ٹِکائیا۔ سب نے کِہا کلجُگ آوے انت سِری بھگوَنت کل کلکی اوتارا، نِہکلنک اپنا ویس وٹائیا۔ اِمام اِماما ہووے ظاہرا، ظاہر ظہوُر کرے رُشنائیا۔ جِس دیِن دُنی دا ویکھنا دائرہ، حدوُداں پھول پھولائیا۔ نام کلمیاں کراؤنا مُشاعرہ، مشوریاں نال سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی اگمّ اتھاہیِا۔ جیٹھ کہے میرا جگت دھار مہیِنہ، محو دیاں سمجھائیا۔ میَں سب دا ویکھنا کایا انتر سیِنہ، سیِنہ بسیِنہ کھوج کھوجائیا۔ میَں کھیل کھِلاؤنا دیِن دُنی دی دھار روُسا چیِنا، رُستم کوُڑ والے اُٹھائیا۔ جھگڑا پاؤنا مکّہ مدیِنہ، کعبیاں دِتا ہِلائیا۔ سب دی رہن نہیں دینی تعلیما، طُلبے مُلّا شیخ مسائک پنڈت پاندھے سارے روون مارن دھاہیِا۔ میرا روُپ نہیں کمیِنہ، کملاپت میَنوُں دِتی وڈیائیا۔ میَں اگنی تاواں اُتے دھرنی تیری زمیِنا، زِمیں زماں ویکھ وکھائیا۔ دیِناں مذہباں دا حق حقوق سب دا جانا چھیِنا، شہنشاہ اِکو حُکم ورتائیا۔ نوَ ستّ سَتگُر شبد دے ہونا اَدھیِنا، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا اِک اکھوائیا۔ جیٹھ کہے میَں سب دا مِتر پیارا میِت، دھرنیئے دھرم دھار جنائیا۔ میرا اِکو سُن لےَ گیِت، جو گیِت گوبِند گایا دُھر دے ماہیِا۔ تیرے اُتے بدلنی ریِت، ریِتیوان ہوئے سہائیا۔ جِس جھگڑا میٹنا مندر مسیِت،

مصلے سب دے حل کرائیا۔ دیِن دُنی کر کے پتت پُنیِت، پتت پاوَن دئے وڈیائیا۔ جھگڑا مُکا کے اوُچ نیِچ، نیِچ نیِچاں ہوئے سہائیا۔ لیکھا رہے نہ ہست کیِٹ، کیِٹ کیِٹاں رنگ رنگائیا۔ تیرے ہتّھ ٹِکائے اُتے پیِٹھ، پُشت پناہ اپنا ہتّھ رکھائیا۔ سرِشٹی دی درِشٹی وِچوں بدل دیوے نیِت، نیتر لوچن نیَن بھگتاں اکھّ کُھلائیا۔ تُوں میرا میَں تیرا سوہنگ سب نے گاؤنا گیِت، آتم پرماتم مِل کے وجےّ ودھائیا۔ سَتگُر شبد ہو کے وسے چیت، چِت وِت ٹھگؤری رہن کوئے نہ پائیا۔ پُرکھ اکال دیِن دَیال اِکو دسّ اپنی پریِت، پریِتم ہو کے ملِے چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دیوے سچ ور، سچ دا گھر اِک سُہائیا۔ پہلی جیٹھ کہے دھرنیئے تیرا گھر ہووے سُہنجنا، سَتگُر شبد دیوے وڈیائیا۔ پرکاش کرے آد نِرنجنا، کلجُگ اندھ اندھیر گوائیا۔ تیرا لیکھا پوُرا کرے درد دُکھ بھےَ بھنجنا، بھوَ ساگر پار کرائیا۔ نیتر نام دا پا کے انجنا، لوچن نیَن کرے رُشنائیا۔ جِس دا اِکو دیِپک جگنا، دو جہاناں ڈگمگائیا۔ اِکو نام کلمہ ہونا بھجنا، بندگی اِک درسائیا۔ اِکو ڈنکا ڈؤروُ نام وجّنا، دو جہاناں کرے شنوائیا۔ اِکو سروور ہووے مجنا، دُرمت میَل گوائیا۔ جِس لیکھے لاؤنا اعلیٰ ادنیٰ، غریِب نِمانیاں گود ٹِکائیا۔ اُس دا جگت پرتاپ ودھنا، وادھا تکّے خلق خُدائیا۔ جِس دی سانجھی ہونی بندنا، سیِس جگدیِش سر جھُکائیا۔ جِس کلجُگ انتم لیکھے لاؤنا کوُڑ کُڑیار دا کنڈھنا، گھاٹ پتن پھول پھولائیا۔ جن بھگتاں سنگ کدے نہ چھڈنا، ناتا چُھٹے کوُڑ لوکائیا۔ بھاگ لگائے کایا ماٹی ہڈّنا، ناڑی ناڑی کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا بےپرواہیِا۔ دھرنی کہے جیٹھ میَں بیننتی سُناواں ایک، ایکنکار اَگے سیِس نِوائیا۔ پُرکھ اکال دی رکھی ٹیک، ٹِکاّ دھوُڑی خاک رمائیا۔ جگت جہان لگّنا سیک، اگنی تت تپائیا۔ بِنا بھگتاں توں بُدھی رہے نہ کِسے بِبیک، دُرمت میَل نہ کوئے دھوائیا۔ منوُآ من نہ بنے نیک، دہ دِشا اُٹھ اُٹھ دھاہیِا۔ سَت دھرم نوُں سارے جان ویچ، کلجُگ کوُڑے ہتّھ پھڑائیا۔ پربھوُ دا درس کوئی نہ کرے نیتن نیت، نِج نیتر نہ کوئے رُشنائیا۔ انتر نِرنتر کُھلے کِسے نہ بھیت، پاربرہم برہم مِلن کوئے نہ پائیا۔ جوتی جوت سروُپ ہرِ، آپ اپنی کِرپا کر، کی اپنی کھیل وکھائیا۔ پہلی جیٹھ کہے دھرنی میرا سَتگُر پُرکھ سُلطانا، اکل کل دھاری آپ اکھوائیا۔ جو پہر کے انتم بانا، ویس اولّڑا آیا وٹائیا۔ جِس دا شبد اگمّی گانا ترانہ، تُریا توں باہر سُنائیا۔ جو لہنا دینا پوُرا کرے دو جہاناں، دوہری اپنی کل ورتائیا۔ جن بھگتاں دیوے نام نِدھانا، ناؤں نِرنکارا

اِک دِرڑائیا۔ گھر مندر کرے سُہانا، گرِہ وجدی رہے ودھائیا۔ کلجُگ کوُڑی کِریا میٹے نِشانہ، نِشان اپنا دئے سمجھائیا۔ آتم دھار پرماتم بن کے کاہنا، گُرمُکھ گوپی لئے پرنائیا۔ امرت رس دے کے پیِنا کھانا، جگت ترِسنا بُھکھ مِٹائیا۔ جوتی جوت سروُپ ہرِ، آپ اپنی کِرپا کر، کِرپا نِدھان ہوئے سہائیا۔ دھرنی کہے میَں صاحِب سَتگُر توں بلہاری، بل بل آپ کرائیا۔ جو آیا اپنی دھاری، دھرم دی دھار نال پرگٹائیا۔ جِس لیکھا پوُرا کرنا پَیغمبر گُر اوتاری، اوتری ویکھ وکھائیا۔ سو لیکھا جانے سرِشٹی درِشٹی انتر ساری، مہاسارتھی ہو کے ویکھ وکھائیا۔ جِس دے برہما شِو پُجاری، نِو نِو سیِس نِوائیا۔ اوہ نِرگُن جوت کر اُجیاری، اُجالا کرے تھاؤں تھائنیا۔ جو سَتگُر شبد دھار بھنڈاری، نام نِدھانا آپ ورتائیا۔ جن بھگتاں پَیج جائے سواری، سِر اپنا ہتّھ ٹِکائیا۔ کلجُگ انت نہ کرے خواری، رائے دھرم نہ دئے سزائیا۔ چِترگُپت لیکھا منگے نہ اپنی واری، سِر سکے نہ کوئے اُٹھائیا۔ جن بھگت سُہیلے جنم جنم دے وِچھڑے پھڑ پھڑ باہوں جائے تاری، دوُر دُراڈے پندھ مُکائیا۔ پہلی جیٹھ کہے دھرنیئے میَں وی کراں اُس نوُں نِمسکاری، نِو نِو سیِس جھُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ نال مِلائیا۔ جیٹھ کہے میَں بھگتاں دسّاں نال پیار، مُحبّت وِچ جنائیا۔ خوشیاں دا وِوہار، دِوس رَین وجےّ ودھائیا۔ گُرمُکھو رہنا خبردار، بےخبراں خبر سُنائیا۔ ویکھو کھیل سچّی سرکار، کی کرتا کار کمائیا۔ نؤ کھنڈ پرِتھمی پاوے سار، ستّاں دیِپاں ویکھ وکھائیا۔ جِدھر تکّو اُدھر دِسے ہار، جِت روُپ نہ کوئے بدلائیا۔ چاروں کُنٹ ہووے دھوُاں دھار، نوُری چند نہ کوئے چمکائیا۔ تُہاڈا اِکو گرِہ اِکو مندر اِک دوار، اِکو بھوُمکا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، در آیاں جن بھگتاں دیوے تار، تارنہار اپنی دَیا کمائیا۔

۲ جیٹھ شہنشاہی سمت نؤ ہرِ بھگت دوار جیٹھوُوال ضِلع امرتسر سویر ویلے

دھرنی کہے میرا بھاگ ہویا اُدا، اُدے آتھن ملِے وڈیائیا۔ مان وڈیائی مِلی بسُدھا، سُدی ودی ونڈ نہ کوئے ونڈائیا۔ جو اِشارہ دے کے گیا بُدھا، بُدھی توں پرے سمجھائیا۔ مِہربان کِرپا کرے انت کلجُگا، جُگ چؤکڑی پوُرب لیکھ چُکائیا۔ سو سوامی ہویا اُگھا، نِرگُن

نِروَیر نوُر الاہیِا۔ جِس میرا دُکھڑا بُجھا، بُجھی دیِپک دئے جگائیا۔ اپنا بھیوَ کُھلا کے گُجھا، ہرِجن ساچے میل مِلائیا۔ جگت جہان رہیا نہ لُکا، لوک مات وجّی ودھائیا۔ جِس دا پندھ کدے نہ مُکا، اوہ مُکمل اپنا حُکم ورتائیا۔ جِس دا بھانا کدے نہ رُکا، نہ کوئی میٹے میٹ مِٹائیا۔ اوہ گُرمُکھ سنت سُہیلے تارے پُتا، پِتا پوُت گود اُٹھائیا۔ میری سُہنجنی کرے رُتا، رُتڑی اپنے نال مہکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحِب سچ اِک اکھوائیا۔ دھرنی کہے میرے اُتے آئی خوشحالی، خوشیاں وجّی ودھائیا۔ میرے مستک چڑھی لالی، لال گُلالا مِلیا دُھر دا ماہیِا۔ جو لہنا دینا ویکھے حالی، لیکھا سب دا دئے چُکائیا۔ جِس نوُں گوبِند کِہا جوت اکالی، اکل کل دھاری لئے انگڑائیا۔ میری لیکھےلاوے گھالنا گھالی، چاروں کُنٹ کھوج کھوجائیا۔ میرے گرِہ بنائے سچّی دھرمسالی، دھرم دوارا اِک پرگٹائیا۔ دو جہاناں بن کے والی، وارث ہو کے ویکھ وکھائیا۔ جِس نے سمبل اپنی سُرت سمبھالی، سو سوامی اِک اکھوائیا۔ جن بھگتاں سدا کرے پرِتپالی، پرِتپالک ہو کے ویکھ وکھائیا۔ جِس دے در تے سارے کھڑے سوالی، مانگت ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دھرنی کہے پھل لگائے دھرم دھار دی ساچی ڈالی، پُھل اپنا نام مہکائیا۔

۵ جیٹھ شہنشاہی سمت نؤ پِنڈ کلسیِاں ضِلع امرتسر

دھرنی کہے میَں پربھ دی سرنی ڈھٹّھا، چرن کوَل کوَل سرنائیا۔ جِس لیکھ چُکایا تت اٹّھاں، نوَ در دا ڈیرہ ڈھاہیِا۔ لہنا پوُر کرایا اٹھسٹھا، تیِرتھ تٹ ویکھ وکھائیا۔ میَں خوشیاں دے وِچ نَٹھاں، دِوس رَین بھجّاں واہو داہیِا۔ پُرکھ اکال دیِن دَیال دے چرن کوَل چٹّاں، دھوُڑی رسنا جِہوا لائیا۔ پھیراں دُہائی وانگ نٹاں، سوانگن ہو کے اپنا سوانگ وکھائیا۔ سندیسہ دیواں چؤداں ہٹّاں، چؤداں لوک چؤداں طبق دیاں سمجھائیا۔ اُٹھو ویکھو کھیل پُرکھ سمرتھا، مِہربان مِہر نظر اُٹھائیا۔ جو لہنا دینا دیوے ہتّھو ہتّھا، پوُرب سب دا جھولی پائیا۔ میرا سندیسہ یتھارتھ یتھا، یدی یدپ دیاں دِرڑائیا۔ جِس کلجُگ کوُڑی کِریا چلاؤنی اُلٹی لٹّھا، نوَ ستّ آپ بھوائیا۔ سو سوامی الکھنا

الکھّا، الکھ اگوچر وڈ وڈیائیا۔ جن بھگتاں لیکھےلاوے مستک متھا، ٹِکّے دھوُڑی خاک رمائیا۔ دھرنی کہے میرا سگل وسوُرا لتھا، کوُڑی وِکھ رہی نہ رائیا۔ امرت رس پایا نِجھر رسا، بِن رسنا جِہوا دیاں چکھائیا۔ میَں کھِڑ کھِڑا کے ہسّا، ہستی تکاّں بےپرواہیِا۔ جِس کلجُگ اندھیری میٹنی مسّا، نوُری جوت چند کرے رُشنائیا۔ اوہ ویکھنہارا اپنا بنس سربنسا، گُر گُر گود اُٹھائیا۔ ہرِجن بنا کے ساچے ہنسا، سوہنگ مانک موتی چوگ چُگائیا۔ گڑھ توڑ کے ہؤمے ہنگتا، ہنگ برہم دئے سمجھائیا۔ بُدھی توں پرے سندیسہ دیوے بودھ اگادھا پنڈتا، پاربرہم پربھ اپنا حُکم ورتائیا۔ لہنا دینا لیکھے لگّے ہرِجن کا، ہرِجن ہوئے آپ سہائیا۔ اتوٹ اتُٹ بھنڈارا ورتاوے انّ کا، اَنک کل دھاری اپنی دَیا کمائیا۔ سچ پرکاش دے کے نوُری چند کا، چند چاندنا کرے رُشنائیا۔ جھگڑا مِٹا کے ممتا من کا، منسا سب دی کھوج کھوجائیا۔ نوَ ستّ ایکا مارگ دسّ دھرم کا، دھرم دی دھار اِک دِرڑائیا۔ لہنا جانے کانڈ کرم کا، نِہکرمی ویکھ وکھائیا۔ جن بھگتاں سہارا دے کے جاوے دُھر دی سرن کا، سچکھنڈ نِواسی اپنی اوٹ تکائیا۔ جھگڑا میٹ کے ورن برن کا، پاربرہم پربھ اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ دھرنی کہے میرے اُتے وقت سُہنجنا، پنچم جیٹھ ملِے وڈیائیا۔ کِرپا کرے سوامی درد دُکھ بھےَ بھنجنا، پاربرہم پربھ اپنا بھیوَ کُھلائیا۔ پرکاش کر کے آد نِرنجنا، نِرگُن نوُر جوت کرے رُشنائیا۔ جن بھگتاں بن کے ساک سیَن سجّنا، سَتگُر ہو کے ویکھ وکھائیا۔ چرن دھوُڑ کرا کے مجنا، دُرمت میَل دھوائیا۔ گُرمُکھاں انتم پردہ کجّنا، سِر اپنا ہتّھ ٹِکائیا۔ گھر پرکاش دیِپک جگنا، گرِہ گرِہ ہووے رُشنائیا۔ جو آسا رکھی سیَن سدھنا، بِدر سُداما نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا لئے مِلائیا۔ دھرنی کہے میرا سُبھاگ دِہاڑا، پنچم جیٹھ وجےّ ودھائیا۔ جن بھگتاں گرِہ خوشیاں دا اَکھاڑا، پریم پریِتی وِچ نچّن ٹپّن کُدن چائیں چائنیا۔ جِنہاں دا سوامی مالک خالق اِکو دُھر دا لاڑا، نر نرائن وڈ وڈیائیا۔ دُھر پریِتی چاڑھے رنگ گاڑھا، دو جہان اُتر کدے نہ جائیا۔ دھرنی کہے میَں نِو نِو کڈھاں ہاڑا، نِرمانتا وِچ سیِس نِوائیا۔ تُوں صاحِب سوامی پروردِگارا، سانجھا یار اِک اکھوائیا۔ تیرے چرن چرن بلہارا، بل بل اپنا آپ وکھائیا۔ تیرا کلجُگ انتم تک وِوہارا، خوشی خوشی وِچوں بدلائیا۔ میرے سوامی تیرا کھیل نہ پُرکھ نہ نارا، نر نرائن تیری وڈ وڈیائیا۔ جن بھگتاں دینا سہارا، سِر سِر اپنا ہتّھ ٹِکائیا۔

کلسیِاں والیاں گھر گھر دیِپک ہوئے اُجیارا، جوتی جاتا ویکھ وکھائیا۔ جِس دا لہنا دینا وِچ سنسارا، سنساری بھنڈاری سنگھاری وِشن برہما شِو نال رکھائیا۔ سنت منی سِنگھ سچکھنڈ دواریوں دئے اِشارہ، بِن سیَنت سیَنت لگائیا۔ تیجا سِنگھ دا سُن جَیکارا، جن بھگتاں اندر وجی ودھائیا۔ چیت سِنگھ مارے للکارا، پال سِنگھ رہیا سُنائیا۔ بُدھ سِنگھ نیَن اُگھاڑا، مانا سِنگھ اکھّ اُٹھائیا۔ بہؤل سِنگھ کر دیِدارا، پریم سِنگھ رہیا سمجھائیا۔ تارا سِنگھ کہے میَں ویکھنا کھیل سارا، بِن اکھّاں اکھّ اُٹھائیا۔ دھرنی کہے میَں نِیوں نِیوں کراں نِمسکارا، دھوُڑی خاک رمائیا۔ پنچم جیٹھ کہے جن بھگتو تُہانوُں سدا پربھوُ دا رہے سہارا، دوُسر اوٹ نہ کوئے تکائیا۔ کلجُگ انتم آیا کنارہ، نئیا ڈولے تھاؤں تھائنیا۔ سَتگُر شبد کہے میَں سب دا لہنا دینا ویکھاں اپنی دھارا، دھرنی دھرت دھوَل دھؤل کھوج کھوجائیا۔ میَں خوشیاں وِچ سب نوُں دیاں پیارا، پیار مُحبّت وِچ اِکو رنگ رنگائیا۔ پنچم جیٹھ کہے میرا سوامی انترجامی نِہکلنک نرائن نر اوتارا، نوُر نوُرانہ نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا اِکو گھر اِکو گھربارا، اِکو اِک ایکنکار ہو کے ویکھ وکھائیا۔