کتب خانہGranth 23 (Shahmukhi)

۱۷ ساوَن شہنشاہی سمت نؤ گوالیئر اجمیر سِنگھ دے گرِہ ماتا گنجی مِلٹری ڈیری فارم

دھرنی کہے میرے بھگوان، دُھر دے رام تیری سرنائیا۔ سچکھنڈ نِواسی اگمّی کاہن، مِہربان تیری اوٹ تکائیا۔ تُوں آد جُگادی نِگاہبان، سَتجُگ تریتا دواپرویکھ وکھائیا۔ کلجُگ انتم مار دھیان، چاروں کُنٹ اندھیرا چھائیا۔ سَت دھرم نہ رہیا نِشان، کوُڑ کُکرم جگت ہلکائیا۔ جیِو جنت سرب کُرلان، دُکھیِاں درد نہ کوئے مِٹائیا۔ آتم برہم ملِے نہ کِسے گیان، منسا من نہ کوئے بُجھائیا۔ میری انتر درِشٹی ہوئی حَیران، حَیرت وِچ سُنائیا۔ پیار رہیا نہ کِسے وِچ اِنسان، پِتا پوُت نہ کوئے وڈیائیا۔ شریِعت پِھرے شیَطان، مایا ممتا نال ہلکائیا۔ آتم پرماتم گائے کوئے نہ گان، رسنا جِہوا نہ کوئے وڈیائیا۔ تیرے چرن کوَل کرے نہ کوئے دھیان، سیِس جگدیِش نہ کوئے نِوائیا۔ دھرنی کہے پربھوُ میرا رہیا کوئے نہ مان، نِمانی ہو کے سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِری بھگوان تیری سرنائیا۔ دھرنی کہے سِری بھگوان میرے میِتا، پاربرہم تیری سرنائیا۔ کلجُگ کوُڑی کِریا ویکھ لےَ ریِتا، سَت وِچ نہ کوئے سمائیا۔ پِھری دروہی مندر مسیِتا، جھگڑیاں وِچ لوکائیا۔ بھیوَ پائے نہ کوئے اٹھاراں دھیائے گیِتا، کرِشن کاہن کاہن تیرا روُپ نظر کِسے نہ آئیا۔ شاستر سِمرت وید پُران مار چیِکا، اُچی کوُک سُنائیا۔ کوُڑ مِٹے نہ اندھیر تاریِکا، سچ نوُر نہ کوئے رُشنائیا۔ ذات پات بنے شریِکا، آتم برہم نہ کوئے سمجھائیا۔ آتم رس ملِے

کِسے نہ میِٹھا، رسنا رس جگت ہلکائیا۔ کِرپا کر سوامی صاحِب ترےَگُن اتیِتا، ترےَبھوَن دھنی تیری اوٹ تکائیا۔ تُوں آد جُگادی سَت ستوادی سب دا میِتا، مِتر پیارا اِک اکھوائیا۔ دیِن دُنی کر پتت پُنیِتا، پتت پاوَن تیرے ہتّھ وڈیائیا۔ تیرا اِکو نام ہووے حدیِثا، اِکو کلمہ دے سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دھرنی کہے پربھوُ اپنی دُنیا ویکھ لےَ دُکھی، دُکھاں بھری لوکائیا۔ مانَس دِسے کوئے نہ سُکھی، سُکھ وِچ نہ کوئے سمائیا۔ جگت ترِسنا کیِتا بُھکھی، سانتک سَت نہ کوئے ورتائیا۔ سوئی سُرت کِسے نہ اُٹھی، شبدی لئے نہ کوئے انگڑائیا۔ میرے مِہربانا سِری بھگوانا آپے تُٹھی، سِر سِر اپنا ہتّھ ٹِکائیا۔ صدی چؤدھویِں کہے میَں چاروں کُنٹ جاندی لُٹی، لُٹیرا بنیا کلجُگ راہیا۔ سَت دھرم دی میرے اندر آئی ترُٹی، ترےَگُن ناتا سکے نہ کوئے تُڑائیا۔ آتم پرماتم پریِت سب دی ٹُٹی، پاربرہم میل نہ کوئے مِلائیا۔ جگت کوُڑ کُڑیار میَنوُں رہیا کُٹھی، سِر میرے ہتّھ دینا ٹِکائیا۔ میری سُہنجنی کر دے رُتی، رُتّ اپنے نال مہکائیا۔ بھیوَ کُھلا دے کایا بُتی، پنج تت دے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری بےپرواہیِا۔ دھرنی کہے پربھوُ میرے اُتے تک لےَ ہاہاکار، سانتک سَت نہ کوئے ورتائیا۔ دیِن مذہب ہوئے لاچار، ہِندوُ مُسلم سِکھ عیِسائی میِت نہ کوئے بنائیا۔ دیِناں مذہباں ودھی خار، خار جھگڑا تیرا نام کلمہ نظری آئیا۔ کِرپا کر دے سانجھے یار، صاحِب سُلطان تیری اوٹ تکائیا۔ میَں بِرہوں وِچ روندی زارو زار، بِن نیَناں نیِر وہائیا۔ تُوں دُکھیِاں دا دِلدار، دردیِاں درد ونڈائیا۔ چاروں کُنٹ میرے اُتے دھوُاں دھار، ساچا چند نہ کوئے چمکائیا۔ تُوں مِہربان ہو کے پاویں سار، مہاسارتھی تیری آس رکھائیا۔ کلجُگ کوُڑی کِریا دے نِوار، مایا ممتا موہ مِٹائیا۔ ہر گھٹ اندر اپنا نوُر جوت کر اُجیار، اُجالا دینا تھاؤں تھائنیا۔ تخت نِواسی میرے شہنشاہ سِکدار، شاہو بھوُپ تیری اوٹ تکائیا۔ میَں تیری چرن دھوُڑی بن کے چھار، مستک اگمےّ خاک رمائیا۔ خادم ہو کے بناں خِدمتگار، سیوک ہو کے سیو کمائیا۔ تُوں مِہربانا نؤجوانا سِری بھگوانا نر نِرنکار، نر نرائن تیرے ہتّھ وڈیائیا۔ میَں دست بدست کراں نِمسکار، ڈنڈاوت بندنا وِچ سیِس جھُکائیا۔ میرے اُتے کِرپا کر کرنہار کرتار، کرن یوگ تیری سرنائیا۔ دیِن دُنی درد دُکھ نِوار، گھر گھر دینا رِزق

سبائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ کوئے سہار، سہائک نظر کوئے نہ آئیا۔

۱۸ ساوَن شہنشاہی سمت نؤ بھوُپال اِبراہیم گنج منگل سِنگھ دے گرِہ

دھرنی کہے پربھوُ اپنے مانَس ویکھ اُلٹے رُکھ منُکھ، پردہ آپ اُٹھائیا۔ انتر آتم پرماتم ملِے کوئے نہ سُکھ، پاربرہم برہم میل نہ کوئے مِلائیا۔ جگت ترِسنا کوُڑ کُڑیار بُجھے کِسے نہ بُھکھ، مایا ممتا موہ ہلکائیا۔ چار ورن اٹھاراں برن بھرے دُکھ، دُکھیِاں درد نہ کوئے ونڈائیا۔ سُپھل ہوئے کوئے نہ کُکھ، بھگت جنمے کوئے نہ مائیا۔ میرے مِہربانا سِری بھگوانا اپنی دھاروں اُٹھ، نِرگُن نِروَیر لےَ انگڑائیا۔ سرِشٹی درِشٹی انتشکرن وِچ تُٹھ، تن وجوُد محبوُب کر صفائیا۔ چار کُنٹ دہ دِشا کوُڑ کُڑیار پائی لُٹ، لُٹیرا کلجُگ لُٹے واہو داہیِا۔ سچ پریِتی شاہو بھوُپ تیری گئی ٹُٹ، ٹُٹی گنڈھ نہ کوئے پوائیا۔ نِرنتر لِو گئی چُھٹ، چُھٹکی لِو نہ کوئے لگائیا۔ اپرادھی میرے ہوئے سُت، سُت دُلارے اپنے لئے بنائیا۔ تیرے مارگ گئے گھُتھ، اوجھڑ راہ دِسے لوکائیا۔ سچکھنڈ نِواسی پُرکھ ابناشی اوتار پَیغمبر گُروُآں کولوں پُچھ، جوت دھار وِچوں پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے آس رکھائیا۔ دھرنی کہے پربھوُ تیری دیِن دُنی ہوئی نِگُری، سَتگُر شبد نہ کوئے منائیا۔ من واشنا سب دی ہوئی بُری، کلپنا کوُڑ وِچ ہلکائیا۔ دیِن مذہب شرع بنی چُھری، شریِعت ذِبع کرے خلق خُدائیا۔ کِسے منزل نہ ملِے تیری تُری، تُریا پد نہ کوئے سمجھائیا۔ مانَو ذاتی میرے اُتے جاندی رُڑھی، نئیا نؤکا نام نہ کوئے چڑھائیا۔ سچ سُہاگن آتم دھار دِسے کوئے نہ کُڑی، دُھر دا کنت سِری بھگوَنت نہ کوئے ہنڈھائیا۔ پاربرہم برہم دِسے کِسے نہ جُڑی، جوڑی دو جہان روُپ نہ کوئے بدلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ دھرنی کہے پربھوُ اپنی ویکھ لےَ مانَو ذاتی ، مانَس مانَو دھیان لگائیا۔ چاروں کُنٹ اندھیری راتی، نوُری چند نہ کوئے چمکائیا۔ سَت دی دِسے نہ کوئی پربھاتی، پربھوُ تیرا درس کوئے نہ پائیا۔ جھگڑا تک لےَ ذات پاتی، دیِن مذہب کرے لڑائیا۔ ساچی منزل چڑھے کوئے نہ گھاٹی، سچ دوارے ایکنکار تَینوُں مِلن کوئے نہ آئیا۔

دہ دِشا کلجُگ کوُڑ کُڑیار کھولی ہاٹی، ونج وپار مایا ممتا رہیا کرائیا۔ مان رہیا نہ تیِرتھ تاٹی، اٹھسٹھ گنگا گوداروی جمنا سُرستی رووے مارے دھاہیِا۔ تیرے نام شبد دا بِن رسنا جِہوا بتّی دند دِسے کوئے نہ پاٹھی، اجپا جاپ وِچ نہ کوئے سمائیا۔ میرے مِہربانا سِری بھگوانا نؤجوانا مرد مردانہ میری منّ لےَ آکھی، بِن اکھّراں رہی سُنائیا۔ صدی چؤدھویِں انت کنت بھگوَنت میری کر راکھی، سنگ محمد چار یار لیکھا پوُر کرائیا۔ میَں در درویشن سدا سدا تیری داسی، داسی داس سیو کمائیا۔ ویلا یاد کر لےَ جِس ویلے مسیح نوُں انتم مِلی پھاسی، صلیِب گل وِچ لٹکائیا۔ جِن خوشیاں نال کیِتی ہاسی، ہستی تک اگمّ اتھاہیِا۔ بِن قلم سیاہی توں لِکھی پاتی، پترکا تیرے وِچوں پرگٹائیا۔ جِس ویلے میری بیِسویں صدی دا انتم ہویا کھیل تماشی، طمع وِچ ہووے جگت لوکائیا۔ تن وجوُد ماٹی خاک کرن بدمعاسی، بدی دا لیکھا سکے نہ کوئے مُکائیا۔ اُس ویلے میرا باپ جوت دھار اگمّا آسی، اِسم اِکو اِک دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری بےپرواہیِا۔ دھرنی کہے پربھوُ اپنی ویکھ لےَ کائنات، کلمے والیا دھیان لگائیا۔ باطن تیری سمجھے کوئے نہ بات، بے وطن ہوئی لوکائیا۔ نِگاہ مار لےَ اِتفاقیہ اِتفاق، بِن نیَناں نیَن اُٹھائیا۔ اپنا لیکھا ویکھ لےَ جو لِکھیا بِن قلم دوات، کاغذ سیاہی نظر کوئے نہ آئیا۔ جو اِشارہ دِتا موُسیٰ کوہ طوُر اُتے آپ، نوُر ظہوُر دِرڑائیا۔ نِرگُن دھار جوتی جاتا اگمّا آئے تیرا باپ، جِس نوُں جنمے کوئے نہ مائیا۔ اوہ پرگٹ ہو کے جلوہ دیوے ساکھیات، سخی سرور جِس نوُں سیِس جھُکائیا۔ اوہدا نوُر ظہوُر ہوئے اپنی آپ محراب، محبوُب اپنا آپ پرگٹائیا۔ جگت جہان کرے خطاب، مُخاطب ہو کے دئے سُنائیا۔ تیرے لیکھے لائے آب حِیات، بے آب ویکھے خلق خُدائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتائیا۔ دھرنی کہے پربھوُ ویکھ لےَ اپنی دُنیا خاکی، خاک چھار دِسے لوکائیا۔ منوُآ سب دا ہویا عاقی، عقل بُدھی چلے نہ کوئے چتُرائیا۔ بجر کپاٹی کُھلے کِسے نہ تاکی، نوَ دوارے پندھ نہ کوئے مُکائیا۔ شبد ناد سُنائے نہ کوئے انادی، انحد راگ نہ کوئے وڈیائیا۔ نِرگُن نوُر جوت نہ ہوئے پرکاشی، اندھ اندھیر نہ کوئے مِٹائیا۔ دھرنی کہے میرے صاحِب پُرکھ ابناشی، کی تیری بےپرواہیِا۔ میری ہنجھوُاں نال نِکلدی ہاسی، ہستی تکاّں اگمّ اتھاہیِا۔ صدی چؤدھویِں کلجُگ انت کوَن پُچھے میری واتی، واتاوَرن ویکھے خلق خُدائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ پُرکھ اکال کہے سُن

دھرنی دھرت، دھوَل دیاں جنائیا۔ میَں سب دی پوُری کراں شرط، شریِعت توں باہر شرع اِک سمجھائیا۔ نِرگُن دھار نِروَیر ہو کے آواں پرت، پت پرمیشور اپنا روُپ بدلائیا۔ لیکھا جانا فرش عرش، دو جہاناں کھوج کھوجائیا۔ تیرے اُتے کراں ترس، رحمت اپنی حق کمائیا۔ دُھر دے نام دا میگھ دیواں برس، نؤ کھنڈ پرِتھمی ستّ دیِپ اگنی دیاں بُجھائیا۔ یودھا سوُربیِر بن مردانہ مرد، مدد کراں تھاؤں تھائنیا۔ قاتل مقتُول دا لیکھا رہن نہ دیواں چُھری کرد، قتل گاہ دا ڈیرہ ڈھاہیِا۔ تیری منظور کراں عرض، آرزو اپنے لیکھے پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر تیرے ہتّھ ٹِکائیا۔ دھرنی تیری عرض بیننتی کراں منظور، سچکھنڈ دوارے لیکھے پائیا۔ درشن دیواں حاضر حضوُر، حضرتاں توں باہر دیاں سمجھائیا۔ اِکو جوت دا کر کے نوُر، نوُر نوُرانہ دو جہاناں اُجالا اِک وکھائیا۔ دیِن دُنی دا بخش دیواں قصوُر، مِہربان ہو کے مِہر نظر نال ترائیا۔ تیرا پندھ رہیا نہ دوُر، صدی چؤدھویِں انتم بھجےّ واہو داہیِا۔ تیرا لیکھا مکُے کوُڑو کوُڑ، کوُڑ کُڑیار دا ڈیرہ ڈھاہیِا۔ چتُر سُگھڑ بناواں موُرکھ موُڑھ، مُدتاں دے وِچھڑے لَواں مِلائیا۔ جُگ بدلنا آد جُگادی میرا دستُور، سَتجُگ تریتا دواپرکلجُگ اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک ہوئے سہائیا۔ دھرنی کہے میرے پُرکھ اکالے بے پرواہ، تیری بے پرواہی وِچ سمائیا۔ سو پُرکھ نِرنجن نِرگُن دھار جانا آ، ہرِ پُرکھ نِرنجن تیری وڈ وڈیائیا۔ ایکنکار بننا ملاح، آد نِرنجن ایکا نوُر جوت دینا چمکائیا۔ ابناشی کرتے ----- کرنی تھاؤں تھاں، تھان تھننتر ویکھ وکھائیا۔ سِری بھگوان پکڑیں بانہہ، تُدھ بِن دوُجی اوٹ نہ کوئے تکائیا۔ پاربرہم میرا لہنا دینا دینا مُکا، لیکھا اوَر رہے نہ رائیا۔ سَتگُر شبد پرگٹ کرنا دو جہاں، چؤداں لوک چؤداں طبق جِس نوُں سیِس نِوائیا۔ اوتار پَیغمبر گُروُ جِس دا جُگ چؤکڑی نِشاں، سو نِشانہ اپنا دے جھُلائیا۔ کلجُگ جیِواں ہنس بُدھی بنا دے کاں، کاگوں ہنس اُڈائیا۔ جھگڑا مِٹا کے سوُر گاں، ایکا رنگ دے رنگائیا۔ نِتھاویاں دے کے آتم پرماتم ساچا تھاں، تھان تھننتر اِک وکھائیا۔ میرا نگر کھیڑا وسے گراں، نوَ ستّ وجےّ ودھائیا۔ میَں پِھراں نال چاء، چاروں کُنٹ بھجّاں واہو داہیِا۔ ہر ہِردے وِچ پُرکھ اکال اِکو تیرا نِکلے ناں، ناؤں نِرنکار سارے گائیا۔ میَں خوشیاں وِچ کراں واہو واہ، واہِگُروُ تیری بےپرواہیِا۔ تُوں ہی رام رحیِم رہنُما میرا اِک الاہ، االلہہوُ اَناہوُ کہہ کے تَینوُں سیِس نِوائیا۔ تُوں میرا میَں تیرا ڈھولا لواں گا، گیِت گوبِند تیرا گاواں

تھاؤں تھائنیا۔ جوتی جوت سروُپ ہرِ، آپ اپنی کِرپا کر،، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، چرن کوَل کوَل چرن ایکا رنگ دینا رنگا، کوُڑی رنگت رہن کوئے نہ پائیا۔

۱۹ ساوَن شہنشاہی سمت نؤ اِٹارسی بھگت سِنگھ دے گرِہ پہنچدیاں ہی

چشمے جوا نوُرے الاہی زولیؤل عظمہ وکنوُزے نزع بے ازوی اوہنزا وزؤل دِزے مزہ چِسطے چووُل عظمو نزع زمیؤت خُدا دستے بز ہی استے رزہی کُندیندے کُناہء محمدے دُعا عرشے رہنُما زکوُ اُمزوی تُعارف توزی کانستو گزم وعدے دِتے تے انزوا تُمزوی سریکولزوا توسے ندا مِہربانے مِہرواں محبوُب نوُر الاہیِا۔ دستے بجی نوُرے زبی ارشو مزی کوست ابہلزو زمیئتے نزیئتے قسمم مزلا نِسستے دو جہاں فرشے زماں قُدرتے قادر قادرے کریِم رحمان اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ گوبِندے ترجیح نانکے عرضی محمدے توزی موُسیٰئے کُلزی عِیسائے مزہوُ کِسنائے کُنت رامائے بزت گوشے غماں نوُرے جہاں اِمامے اِیماں رہنُمائی خُدا عظمتو ازا قِسمتو غضہ، ازہب وے محبوُب اتُل ہے نزیہ کوپھے کِسا عرشے زما فرشے تمام طبقے دُعا سبقے ادا کلمہ کوت رسوُلے ہزت نوُرے چشت مدیؤل مُدّعا شفیؤل شفا کوزانے کموُ دو جہانے مووُ خاکے تاکے عضوا پَیغمبر پوی اوتارے تزی گُردیوا شوی نوُرے الس شاہو شوس پستے پود گُنستے گُضد الیئلئے الہوُ مُکزدا متلوُ توبائے ترزی اِسمائے ربّی چشمائے نشد نؤزانے زود چار یاری کُنِند جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ اسمانے چشم چشمے دیِد دیدے دوشت دوشتے مزو مزوئے اوا محمدے ازا رسوُلے دُعا قبوُلے خُدا رحمتے رحماں، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ اپنے ہتّھ رکھائیا۔ نیِلی دھار کہے میرے صاحِب دی پُٹھی ہو گئی پگّ، پگاں تے چلن والے اوتار پَیغمبر گُروُ سارے سیِس نِوائیا۔ جِس دا کھیل اولّڑا اِک اِکلّڑا کرے اگمّا اُتے جگ، جاگرت جوت بِن ورن گوت نوُر نوُرانہ نوُر الاہیِا۔ جِس کلمیاں دی کائنات بُجھاؤنی اگّ، شمس تبریز دی شمع نوُر جوت دئے گواہیِا۔ اوہ مِہربانا نؤجوانا سِری بھگوانا مرد مردانہ دو جہاناں کر کے اِکو حج، حاجت سب دی پوُر کرائیا۔ جِس نوُں

رسوُلاں کِہا میرا محبوُب اگمّا الاہی ربّ، یامبیِن کہہ کے سِر سارے سجدیاں دِتے جھُکائیا۔ سو صاحِب سوامی انترجامی جگت جہان سِری بھگوان پار کر کے حد، حدوُد اپنی اِک درسائیا۔ جِس لہنا دینا پوُرا کرنا رسوُلاں پَیغمبراں گُروُآں پیِراں اجّ، اجل دے وقت جو غزل وِچ چار یاری نوُں محمد گیا دِرڑائیا۔ میرا نوُر الاہی آئے محبوُب نال سبب، صُبح شام الل صُبح سمجھ کوئے نہ پائیا۔ جِس دی علی نے منگی مدد، مُدّے سب دے ویکھ وکھائیا۔ اُس دا نام نِدھانا دو جہاناں بِنا تار سِتار توں وجےّ اِکو ند، ناد انادی آپ سُنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ پگڑی کہے میرا ویکھ لؤ پُٹھا پاسا، چاروں کُنٹ سمجھ کوئے نہ پائیا۔ میَنوُں وِشن برہما دیوت سُر سارے کردے ہاسا، مسکریاں نال رہے سُنائیا۔ نی کملیئے اُٹھ کے ویکھ لےَ اُس پربھوُ دا تماشا، جِس دا نوُر ظہوُر الاہیِا۔ اوہ جگت جہان پِھرے پھڑ کے اگمّی کاسہ، جگ نیتر نظر کِسے نہ آئیا۔ چار جُگ دے لہنے دینے ویکھے اوتار پَیغمبر گُروُآں والیِاں شاخاں، حِصّیاں تھاؤں تھائیں پھول پھولائیا۔ میَں حَیران ہوئی اُس دا تک کے نوُر جوت پرکاشا، بِن نیتر لوچن نیَناں درشن آئیا۔ میرے انتر سُنی اُس دے شبد نام دی آوازا، رسنا جِہوا نہ کوئے دِرڑائیا۔ کی اوس دا کھول کے دسّاں خُلاصہ، خصوُصیت وِچ اصلیّت بھیوَ کوئے نہ پائیا۔ جِس کوُڑی کِریا کلجُگ دھرنی اُتوں میٹنی اندھیری راتا، رُتڑی اپنے نال مہکائیا۔ میَں اُس دیِاں بھوِکھتاں وِچ سُن دی آئی باتا، جو باطن پڑدے سب دے دئے کُھلائیا۔ نیِلی پگڑی کہے میَنوُں یاد جِس ویلے گوبِند نے پُٹھی رکھ کے ماچھوُواڑے وِچ کیِتا ارداسا، پُٹھی توں سِدھی سِدھی توں پُٹھی دیِن دُنی دے بدلائیا۔ تیرا پندھ رہیا نہ دوُر صاحِب سوامی اپنی میٹ لےَ واٹا، پُرکھ اکالے دیِن دَیالے کل کلکی پھیرا پائیا۔ تیرا آتم پرماتم جن بھگتاں نال ہوئے ناتا، دوُسر سنگ نہ کوئے بنائیا۔ تُوں سب دا مالک کملاپاتا، پت پرمیشور اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ بِندی کہے میَں لال میرا چاؤ کیِتا دُرگا دُرگی، اشٹبُھج خوشی منائیا۔ جِس جگت دھار بنائی مستک نوُر جوت للاٹ شبد گُر دی، سَتگُر، سَت سَت رنگ رنگائیا۔ جِس دی کھیل جگت جہان وِچ کدے نہ مُڑدی، نہ کوئی میٹے میٹ مِٹائیا۔ بِندی کہے انت میَں کھیل دسّاں انند پُر دی، پُریِاں لوآں توں باہر جنائیا۔ جِتھے آواز پُجے نہ کِسے تال سُر دی، سُرتی وِچ سُرت نہ کوئے ٹِکائیا۔ اوتھے اگمّی دھار بِنا ایکنکار کوئے نہ پھُردی، فُرنیاں وِچ فُرنا نظر کوئے نہ آئیا۔ جوتی

جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ بِندی کہے میَنوُں گوبِند لایا نال ہتّھیِں، جگت سنگی سنگ نہ کوئے رکھائیا۔ میَں سب کُچھ ویکھیا اپنی اکھّیِں، جگت نیتراں بند کرائیا۔ اوس ویلے گُرسِکھ دی پریِتی دی دھار نظر آئی سَت سروُپی اِکو سخی، جو سُخن وِچوں سُخن نہ کدے بدلائیا۔ جِس اوٹ اِکو ایک ایک دی رکھی، دوُجا اِشٹ نہ کوئے منائیا۔ گوبِند نے ہسّ کے حقیِقت والی خبر دسّی حقیِقی حقی، حق حق جنائیا۔ اوہ کلجُگ دی دھار ویکھ لےَ جیہڑی سَت دھرم نوُں جاندی چھڈی، سَتگُر وِچ نہ کوئے سمائیا۔ مستک نِشانہ نوُری جوت سکے کوئے نہ گڈّی، ظہوُر درس کوئے نہ پائیا۔ چاروں کُنٹ کوُڑ کُڑیار دی نؤبت ویکھ لےَ وجّی، وجہ سکے نہ کوئے سمجھائیا۔ پھیر پھڑ کے اپنی اُنگل سجیّ، پہلی دِتی ہِلائیا۔ جِس ویلے میرا مالک آیا پُرکھ اکالا نوُر الاہی ربّی، ربیؤل ثانی جِس نوُں سیِس نِوائیا۔ اوہ دیِن دُنی دا بنے طبعی، طبیعت سب دی پھول پھولائیا۔ ایہہ وقت سُہنجنا لوک مات آؤندا کدی کدی، قدیِم دا مالک ہوئے سہائیا۔ ایسے دا اِشارہ دِتا حضرت نوُح نے جِس ویلے آوے نوُح ندی، چؤداں طبقاں اکھّ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری اِک سرنائیا۔ بِندی کہے میَں لگّی بِندرابن، بِندیا کہہ کے سارے گائیا۔ میَں سندیسے سُنے بِنا کنّ، بِنا سرونا وجدی رہی ودھائیا۔ میَں شُکرانے وِچ کردی رہی دھنّ دھنّ، پربھ تیری بےپرواہیِا۔ شبد سندیسے وِچ کدی خوشی آئی کدی ہویا غم، چِنتا چِکھا نال مِلائیا۔ پر میَنوُں یاد آ گیا جو حُکم سُنایا سِری بھگوَنت، بھگوَن اپنی دَیا کمائیا۔ نی بِندیئے تیرا نوُر الاہی لال گُلالا تیرا میلا نال برہم، تن وجوُد نہ کوئے چتُرائیا۔ بِندی کہے میَں رو پئی نیَناں نیِر وہا کے چھم چھم، چھہبر اپنی آپ لگائیا۔ کِتے میَں وس نہ پےَ جاواں کلجُگ جیِواں دے من، جو من ممتا وِچ میرا رنگ لئے رنگائیا۔ کِتے میَنوُں رائے دھرم نہ دیوے ڈنّ، چؤراسیِاں وِچ بھوائیا۔ میَں بیننتی کیِتی پُرکھ اکال اَگے ہتّھ بنّھ، بِن ہتّھاں ہتّھ مِلائیا۔ میرے صاحِب سَتگُر میَں جدوں تکاّں تے تکاں تیرا نوُر الاہی چنّ، بِنا چنّ گوبِند شبد دے دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ دھرنی کہے میَں جُگ جُگ ویکھے گُر اوتار پَیغمبراں والے قبیِلے، قِبلِ از دھیان لگائیا۔ نام کلمے تکّے وسیِلے، وصل یار تکیا نوُر الاہیِا۔ من منسا تکّے شرع والے دلیِلے، بُدھ مت نال مِل کے وجدی رہی ودھائیا۔ میَں کھیل تکّے جگت جہان والے نوَ جوبناں والے چَھیل چھبیِلے، تن وجوُداں

کھوج کھوجائیا۔ میَں برس تکّے تکّے گھڑی پل اتے مہینےِ، رُت رُتڑیِاں دھیان لگائیا۔ میَں مذہب اِسلام تک تک دیِن دُنی دے دیِنے، نوَ ستّ اکھّ اُٹھائیا۔ میَں سچ دسّاں میَں جِس ویلے گئی محمد دے کول وِچ مکّے مدیِنے، کعبیاں توں پرے اپنا پندھ مُکائیا۔ وے رسوُلا اِک ویراں ہتّھ رکھ لےَ اپنے اُتے سیِنے، شیِن دے تِنّے نُکتے نال مِلائیا۔ محمد ہو گیا پسینو پسیِنے، تھرتھراہٹ وِچ اپنے اندر کلمہ دِتا سُنائیا۔ میرے مالک یامبینےِ، رحمتاں والے وڈ رحیِمے، آد جُگادی سدا قدیِمے، قُدرت دے مالک تیری بےپرواہیِا۔ میرے کولوں سارے حق حقوق جانے چھینےِ، صدی چؤدھویِں چؤداں طبق روون مارن دھاہیِا۔ میری دُہائی دروہی جِس ویلے تیرے بُل ہوئے نیِلے، نیِلی دھار والیا نیِلے دے اَسوار والیا اسمان اُتے بے زبان سارے دین دُہائیا۔ میرا لیکھا تک لےَ وِچ قرآن مجیِدے، کی دے کے گیا حدیِثِ، تیرا کھیل بیِس اِکیِسے، تیرا نوُر الاہی چؤبیسے، جلوہ گر اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دی رنگت آپ رنگائیا۔ زِمیں اسمان دوویں رہے ویکھ، بِن نیَناں نیَن اُٹھائیا۔ کی ماہی دا ہووے بھیکھ، بھیکھادھاری کی اپنی کل ورتائیا۔ کِس وسے سُہنجنے دیس، دیس دیسنتر دے وڈیائیا۔ جیہڑا مالک رہے سدا ہمیش، ہم ساجن اِک اکھوائیا۔ جِس نوُں سندیسہ دے کے گیا گوبِند دس دسمیش، دہ دِشا اکھّ اُٹھائیا۔ جِس دا پاوے کوئے نہ بھیت، بھیوَ سکے نہ کوئے دِرڑائیا۔ جِس کلجُگ کوُڑی کِریا کرنی کھیت، کھیتر ویکھے جگت لوکائیا۔ جِس دے پیار وِچ گُر ارجن سیِس پوائی تتی ریِت، ماروُتھلاں پھول پھولائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ ہار کہن اسیں دسّیئے اپنی پِچھلی بیِتی، جِس نوُں سکے نہ کوئے دِرڑائیا۔ ایہہ کھیل پُرانی ریِتی، ریِتیوان دیاں جنائیا۔ جِس دی جگت جہان پُھلواڑی باغیچی، لکھ چؤراسی پھل پُھل مہکائیا۔ اوہ مالک دھار بن ترےَگُن اتیِتی، ترےَبھوَن دھنی ہو کے ویکھ وکھائیا۔ جو لکھّ چؤراسی انتر نِرنتر جانے نیِتی، گھٹ گھٹ ویکھنہارا تھاؤں تھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ جنائیا۔ ہار کہن اسیں بھیوَ دسّیئے تمام، طمع لالچ نہ کوئے رکھائیا۔ جِس ویلے ایُدھیا نوُں چھڈیا سی رام، رام وشِشٹ دھیان لگائیا۔ پہلوں تکیا اُتے اسمان، پھیر زِمیں زمان دھیان رکھائیا۔ پھیر نمستے کیِتی پرنام، ڈنڈاوت وِچ سیِس جھُکائیا۔ پھیر مستک تے لِکھیا بھگوان، بِن قلم سیاہی رنگ رنگائیا۔ پھیر سَت دا گایا گان، تُوں میرا میَں تیرا دوُجا نظر کوئے نہ آئیا۔

پھیر سُنی آواز بِنا کان، انتر انتر ہوئی شنوائیا۔ اوہ ویکھ لےَ نِگاہبان، بِن نیَناں نیَن تکائیا۔ جِس دا جُگ چؤکڑی کھیل مہان، سَتجُگ تریتا ونڈ ونڈائیا۔ دواپرپرگٹ ہوئے جہان، کاہن کاہنا کھیل کھِلائیا۔ بنسریِاں دُھن دئے مُسکان، مستی مستی وِچوں پرگٹائیا۔ کلجُگ جِس ویلے کوُڑ ہوئے پردھان، نوَ ستّ بھجےّ واہو داہیِا۔ دھرم دی رہے کوئی نہ آن، سچ دا روُپ نہ کوئے درسائیا۔ اُس ویلے دا حُکم سُن رام، رمئیا ہو کے دیاں جنائیا۔ کھیلاں کھیل وِچ جہان، جہاں تہاں ہوواں آپ سہائیا۔ میرا روُپ انوُپ ہووے مہان، مہما کتھ نہ کوئے سُنائیا۔ جوتی جاتا پُرکھ بِدھاتا ہو کے ہوواں پردھان، پرم پُرکھ اپنا روُپ بدلائیا۔ لہنا دینا تکاّں جیِو جنت جگت اِنسان، چارے کُنٹ پھول پھولائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ ہار کہن سانوُں رام نے پیار نال کیِتا پُٹھے، اپنے ہتّھاں نال لٹکائیا۔ بیننتی وِچ کِہا میرا رام رام ہو کے رحمان ہو کے تُٹھے، مِہربان مِہر نظر اُٹھائیا۔ جِس ویلے جگت جہان جہان جگت ہو کے اِشٹ جانے لُٹے، لُٹیرا کلجُگ پِھرے تھاؤں تھائنیا۔ پرکاش رہنا نہیں کِسے بُتے، بُتخانے روون مارن دھاہیِا۔ سادھ سنت جاگ نہ سکن سُتے، سوئی سُرت نہ کوئے اُٹھائیا۔ اُس ویلے سب دے اندر دُکھ درد ہونے دُکھے، سانتک سَت نہ کوئے ورتائیا۔ شاہ سُلطان بننے بُھکھے، گھر گھر بِھکھیا منگن واہو داہیِا۔ پنچم وِکارا پھڑ پھڑ سب نوُں کُٹے، کایا کُٹیا کرے نہ کوئے صفائیا۔ آتم پرماتم پریِتی جگت ٹُٹے، ٹُٹیاں گنڈھ نہ کوئے پوائیا۔ اُس ویلے میرا پُرکھ اکالا دیِن دَیالا پرگٹ ہووے آپ سُتح، سُرت شبد نال مِلائیا۔ اپنی سُہنجنی کرے رُتے، رُتڑی دُھر دی آپ مہکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری بےپرواہیِا۔ ہار کہن جدوں اسیں رام دی لگّے نال پِٹّھ، ساڈی نِگاہ ایُدھیا ولّ رکھائیا۔ آپ پہلے قدم وِچ اَگے ودّھ کے سَوا گِٹھ، ماروُ ڈنڈ دا لیکھا دِتا مُکائیا۔ پھیر اپنی اِک لمی کھول کے لِٹ، لِٹاں والیاں ساریاں دِتا سمجھائیا۔ آہ لؤ میری بِنا اکھّراں توں چِٹ، چِٹے تے کالا نظر کوئے نہ آئیا۔ جِس ویلے میرے رام دی پوُجا دی تھاں پوُجے جان گے پتّھر اِٹّ، پاہناں سیِس نِوائیا۔ منوُآ سکے کِسے نہ ٹِک، ٹِکّے مستک دھوُڑی خاک نہ کوئے رمائیا۔ اوہ وقت سُہنجنا ہووے سُہاوی رِت، رُتڑی دُھر دی آپ مہکائیا۔ بن کے دھرم دھار دی دھار اگمّا پِت، پت پرمیشور کھیل کھِلائیا۔ جن بھگتاں کرے آپ ہِت، ہِتکاری ہو کے ویکھ وکھائیا۔ اوہدا کھیل جگت انڈِٹھ، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک

سُنائیا۔ ہار کہن جِس ویلے اسیں پِچھانہ نوُں ماری جھاتی، بِن نیَناں نیَن اُٹھائیا۔ ساڈے مُکھ وِچوں نِکلے کوئے نہ باتی، کتھا کہن کِچھ نہ پائیا۔ اوہ اِکٹّھے رام پیارے شہری تے دیہاتی، امیِر غریِب اِکو نظری آئیا۔ جِنہاں دی پریم دی منزل اِکو دِسے واٹی، اَگے پِچھے پندھ نہ کوئے بنائیا۔ ساریاں اِکو وار پُکار کے کِہا دُھر دے رام سب نوُں لا لا نال اپنی چھاتی، چھتردھاریِاں چھتر اپنا دے جھُلائیا۔ رام نے ہسّ کے کِہا اؤہ تک لؤ کلجُگ تُہاڈا صاحِب آوے کملاپاتی، پت پرمیشور دُھردرگاہیِا۔ جِس دی آتم دھار تُسیں سَت سروُپ ذاتی، ذات اذاتا پندھ مُکائیا۔ سب نوُں اِکو دسےّ گاتھی، تُوں میرا میَں تیرا ڈھولا گائیا۔ دو جہاناں بن سمراتھی، سمرتھ اپنا حُکم ورتائیا۔ ہار کہن سانوُں اُس ویلے بِنا بُلاں توں آئی ہاسی، ہسّ کے خوشی منائیا۔ اوہ مالک پرِتھمی آوے کہ رَوھے اُتے آکاشی، آکاش آکاشاں وِچ سمائیا۔ ہار کہن سانوُں رام نے پھڑ کے نال لایا اپنی چھاتی، سہج نال دبائیا۔ اوہ پرم پُرکھ میرا رام رمئیا آد جُگادی سب دا ناتی، ناتا سکے نہ کوئے تُڑائیا۔ جِس ویلے کلجُگ ہوئی اندھیری راتی، چاروں کُنٹ اندھیرا چھائیا۔ اوہ تُہاڈا لیکھا پوُرا کرے لہنے وِچ رکھے زِندگی حیاتی، بھےَ جگت والا چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل اِک سمجھائیا۔ ہار کہن کی کھیل دسّیئے پِچھلا آد، انت کی وڈ وڈیائیا۔ کِس بِدھ سانوُں مِلی داد، وست اگمّ دِتی ورتائیا۔ ایسے تھاں رام نوُں پھیر آئی سی ایُدھیا والی یاد، ہتّھ اپنی پِٹھ اُتے ٹِکائیا۔ میرے رام دا کھیڑا پھیر پھیر ہووےگا آباد، خوشیاں وِچ سُنائیا۔ نالے شبد وِچ وشِشٹ نوُں ماری اگمّی آواز، بِنا تن سریِر سُنائیا۔ اؤہ تک اِک اِک دا سماج، جو سمگری اِک ورتائیا۔ پُھل کہن اسیں ڈھولے گیِت گائیے راگ، راگنیِاں نال مِل کے اپنی خوشی بنائیا۔ اوہ وقت سُہنجنا ساڈا لہنا دینا پوُرا ہویا آج، اِک نؤ اُنیِسا ساوَن دئے گواہیِا۔ ساڈی نمستے نِمسکار ڈنڈاوت بندنا اوس گُروُ مہاراج، جو شاہ پاتشاہ شہنشاہ دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو لہنا دینا پوُرا کرے جُگاد آد، جُگ جُگ سب دے لیکھے لیکھیاں وِچوں پوُر کرائیا۔

۲۰ ساوَن شہنشاہی سمت نؤ اِٹارسی جُگِندر سِنگھ دے گرِہ

دھرنی کہے میَں بھجیّ نَٹھی دؤڑی، دِوس رَین اپنا پندھ مُکائیا۔ منزل لبھدی رہی اگمّی پؤڑی، پؤڑی ڈنڈا دھیان لگائیا۔ میَنوُں گلی بھیِڑی دِسے سؤڑی، سؤہرا پئیا پندھ نہ کوئے مُکائیا۔ جگت واشنا دِسی کؤڑی، امرت رس نہ کوئے بھرائیا۔ میری بُدھی وِچ کِچھ نہ اؤڑی، عقل چلے نہ کوئے چتُرائیا۔ میَں نِگاہ نال تکیا میرا مِہربانا محبوُبا چڑھیا اگمّی گھوڑی، اَسو اَسوارا دُھردرگاہیِا۔ جِس دے کول شرع شریِعت والی ہتھؤڑی، ہتھکڑیِاں نام کنڈیاں والیاں لٹکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ دھرنی کہے میَں بھجیّ نَٹھی واہو واہ، جوروُ زر اپنے نال بھوائیا۔ گھُنمدے رہے تھل اسگاہ، سمُند ساگر ٹِلّے پربت پندھ مُکائیا۔ جل تھل کہندے واہ واہ، واہوا مہیئل تیرا روُپ نظری آئیا۔ تُوں مالک خالق بے پرواہ، نوُر نوُرانے شاہ سُلطانے تیرا نوُر الاہیِا۔ میَں بِن ہتّھاں ہتّھ رہی اُٹھا، کوُک کوُک رہی سُنائیا۔ خالی جھولی کراں دُعا، نِو نِو سیِس جھُکائیا۔ میرے مِہربانا سِری بھگوانا میرا لہنا دینا پوُرا کردے میرے کراں، کرم کانڈ تیرے چرناں وِچ ٹِکائیا۔ آسا پوُری کر دے بابا آدم نال حوّا، پوَن پانی تیرا راہ تکائیا۔ تیرا دُھر دا کلمہ میرا گواہ، شہادت شرع والی بُھگتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک دَیا کمائیا۔ دھرنی کہے پربھوُ میَں دِوس رَین بھجیّ نَٹھی، بن کے پاندھی پندھ مُکائیا۔ میری بیننتی عرض خواہش سُن اِکٹّھی، اِکو وار تیرے چرن کوَل ٹِکائیا۔ سَت دھرم دی نوَ ستّ رہی نہ ہٹّی، ہٹوانا سچ وست نہ کوئے ورتائیا۔ تیرے نام دی نِرگُن دھار پڑھے کوئے نہ پٹّی، پٹنے والا اِشارہ رہیا کرائیا۔ میَں سرن سرنائی تیری ڈھٹّھی، دھوُڑی خاک خاک رمائیا۔ تُوں کِرپا کردے اِکو مِہربانا رتی، رتن امولک گُرمُکھ ہیِرے آپ لےَ پرگٹائیا۔ تُوں سب دا سوامی میرا کملاپتی، پت پرمیشور اِک اکھوائیا۔ میَں جُگ چؤکڑی تپیِسراں نالوں تیرے پیار دی وڈّی تپی، تُدھ بِن ترِپت نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ رنگ آپ رنگائیا۔ دھرنی کہے پربھوُ میَں بھجّ بھجّ گئی تھک، تھکاوٹ وِچ دُہائیا۔ تیرے اَگے رگڑاں نک، نُقطہ جگت والا مِٹائیا۔ میری جھولی پا دے میرا پوُربلا حق، حقیِقت دے مالک ہونا سہائیا۔ وست اگمّی دے دے سَت، سَت ستوادی جھولی دے بھرائیا۔ صدی چؤدھویِں دھرم کہے میری رہی نہ پت، پت

پرمیشور دیاں سُنائیا۔ جے تُوں مالک ہو کے میرے اُتے آ گِیوں وت، وطن میرا دے سُہائیا۔ میرے کول تیرے اوتاراں پَیغمبراں گُروُآں دے خط، جِنہاں خطوُطاں نال خِطاب تیرا گئے سمجھائیا۔ جِس دی یاد وِچ میرے اُتے گوبِند ستھر گیا لتھ، یارڑے یارانہ تیری سیج ہنڈھائیا۔ ایس ویلے میرا پردہ ڈھک، ڈھاکن کو پت اِک اکھوائیا۔ دیِن دُنی دی نِرنتر بدل دے مت، انتر اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے الکھ جگائیا۔ دھرنی کہے میَں پِھر پِھر مُکا سکی نہ پندھ، پاندھی ہو کے بھجیّ واہو داہیِا۔ میَں گاؤندی رہی تیرے پیار دے چھند، گیِت سنگیِت تیرا راگ الائیا۔ میَنوُں آؤندا رہیا انند، انند انند وِچوں پرگٹائیا۔ میرا خوشی ہُندا رہیا بند بند، تیری بندگی وِچ سمائیا۔ میَنوُں انت ڈر لگدا جِس ویلے تُوں نِشان میٹنا تارا چند، چند سِتار دئے دُہائیا۔ صدی چؤدھویِں رہی لنگھ، پار کنارہ انت وکھائیا۔ جگت سیج سُہنجنی رہے نہ کوئے پلنگ، بِستر خاک دیِن دُنی ہنڈھائیا۔ میرا انتشکرن ہویا تنگ، تنگ دستی وِچ کُرلائیا۔ تیری مانَو جاتی ٹُٹن والی کاچی ونگ، بھنّن گھڑنہار تیری بےپرواہیِا۔ کر کِرپا کِرپا نِدھان لا لےَ اپنے انگ، انگیکار آپ اکھوائیا۔ میرے سیِنے پا دے ٹھنڈ، اگنی تت بُجھائیا۔ جن بھگتاں آتم دھار ٹُٹی گنڈھ، گنڈھنہار گوپال سوامی اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر ساچے ہونا آپ سہائیا۔ دھرنی کہے میَں پِھر پِھر تکیا جگت جہان، جہالت وِچ لوکائیا۔ کایا کعبے ویکھے مکان، مندر تتاں پھول پھولائیا۔ سَت دھرم تکّے نِشان، بِن نیَناں نیَن اُٹھائیا۔ اِشٹ ویکھے سیِتا رام، کرِشنا کاہنا پھول پھولائیا۔ پَیغمبراں سُنے پَیغام، کلمے کائنات دِرڑائیا۔ گُروُآں سُنے منتر ستنام، نمو نمو سارے سیِس جھُکائیا۔ نؤ کھنڈ پرِتھمی ستّ دیِپ سرب کُرلان، کُرہ کعبہ کایا پوِت نہ کوئے بنائیا۔ میَں تیری بالی بال اَنجان، بُدھ ہیِن اکھوائیا۔ تُوں داتا گُن نِدھان، بےانت تیری وڈ وڈیائیا۔ میرے مالک مار دھیان، دھرنی دھرت دھوَل رہی کُرلائیا۔ میرے اُتے شرع چُھری جگت نہ رہے شیَطان، شریِعت اپنے وِچ لیَنی چُھپائیا۔ میَں چاہُندی تُوں میرا میَں تیرا سارے گاون گان، گا گا شُکر منائیا۔ میری اُتر جائے تھکان، تھکاوٹ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی ہونا سہائیا۔ دھرنی کہے میَں پِھر پِھر ویکھیا تیرا سنسار، سنسا اوَر رہیا نہ رائیا۔ کی دسّاں پربھوُ اپنی وِچار، وِچر کے کی جنائیا۔ تُوں سب کُچھ ویکھنہار، ویکھے وِگسے تھاؤں تھائنیا۔

میَں اِکو بیننتی کراں پُکار، پُنہ پُنہ سیِس نِوائیا۔ اِک بیننتی دیاں گُزار، گُزارش وِچ سیِس جھُکائیا۔ میرے محبوُبا میرا پندھ نہیں جُگ چؤکڑی چار، سَتجُگ تریتا دواپر کلجُگ سنگ نہ کوئے نِبھائیا۔ میَں آد جُگادی تیری سیوادار، چاکر ہو کے سیو کمائیا۔ میری سمجھ سکیا نہ کوئے اجے رفتار، رفتہ رفتہ چلّنا چائیں چائنیا۔ کوٹن کوٹ میری خاک وِچ مِل گئے پَیغمبر گُر اوتار، اوتری تیرا بھیوَ کوئے نہ پائیا۔ میری انت کنت بھگوَنت ایہو پُکار، نِمسکار کر کے سیِس نِوائیا۔ کلجُگ کوُڑی کِریا دے نِوار، کُکرم ادھرم دا ڈیرہ ڈھاہیِا۔ جن بھگتاں پَیج دے سوار، سِر سِر اپنا ہتّھ ٹِکائیا۔ بُھکھیاں بُھکھ دے نِوار، دُکھیِاں دُکھ چُکائیا۔ خالی بھر بھنڈار، بھرپوُر تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ سچّی سرکار، سرکارے اعلیٰ تیری اِک سرنائیا۔

۲۰ ساوَن شہنشاہی سمت نؤ اِٹارسی ہردِت سِنگھ دے گرِہ

دھرنی کہے میرا صاحِب سوامی بہُڑے، بہُڑی بہُڑی میری سُنے دُہائیا۔ جگت جیِو جہان ویکھے پھل مِٹھے کؤڑے، چؤراسی وِچوں ابناشی پھول پھولائیا۔ کوُڑ وِکار ہنکار وِچوں سب نوُں ہوڑے، ہوڑا سسّے اُتے ٹِکائیا۔ پرماتم دھار آتم ہو کے جوڑے، جوڑی جگت جہان جنائیا۔ میری آشا پوُری کرے جو ور رہی لوڑے، مِہربان مِہربان مِہربان مِہر نظر اُٹھائیا۔ اگمّ اگمّڑا چڑھ کے اگمےّ گھوڑے، گھڑیال دو جہان وجائیا۔ کوُڑی کِریا کلجُگ انتم شؤہ دریائے روڑھے، چُھری شرع روُپ دِسے نہ کوئے قصائیا۔ دیِن دُنیا ساری ساچے دھرم دے چاڑھے پؤڑے، پؤڑی ڈنڈا اِک وکھائیا۔ روُپ انوُپا دھر کے براہمن گؤڑے، وید ویاسا لیکھا دئے مُکائیا۔ جِس دے پندھ آد جُگادی لمے چؤڑے، انت کہہ سکے کوئے نہ رائیا۔ اوہ کھیل کرے گمبھیِر گہر گوَر گؤرے، سَتگُر شبد شبد شنوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ دھرنی کہے میرا سوامی میری رکھے لجیا، لجّیاوَنت اِک اکھوائیا۔ جِس دا دیِپک جوت اگمّی جگیا، جگت جہان کرے رُشنائیا۔ اوہ حُکمی حُکم دا دیوے سدّیا، سندیسہ دُھردرگاہیِا۔ جِس نے سب دا پوُرا کرنا حجیا،

حاجت ویکھے خلق خُدائیا۔ اُس دا نام نِدھان اِکو سُنیا ندّیا، ندیِاں دے وہن سمجھ کوئے نہ آئیا۔ جِس دیِناں مذہباں پار کیِتی حدیا، نوَ ستّ اپنا پندھ مُکائیا۔ آتم پرماتم دس کے دُھر دی یدیا، یدی یدپ اپنا رنگ رنگائیا۔ سچ خُماری دے وِچ مدھیا، مستی نام والی وکھائیا۔ جگ نیتر نیَن لوچن دیِن دُنی کِسے نہ لبھیا، کوٹن کوٹ کھوجن تھاؤں تھائنیا۔ اوہ سچ دوار ایکنکار سمبل اپنے گرِہ سجیا، ساجن ہو کے ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ دھرنی کہے میرا سوامی گہر گمبھیِرا، گُنونت اِک اکھوائیا۔ جِس دا تن وجوُد نہیں سریِرا، سِر دھڑ ونڈ نہ کوئے ونڈائیا۔ جو سب دا میِت پیارا دستگیِرا، مِہربان اِک اکھوائیا۔ اوہ انت لیکھا جانے شاہ حقیِرا، حقیِقت دا مالک ہو کے ویکھ وکھائیا۔ جو اِشارہ دے کے گیا کبیِرا، قبراں توں باہر دِرڑائیا۔ جِس دی نظر آئے نہ کِسے تصویِرا، تصوّر مُصوّر کر نہ کوئے سمجھائیا۔ اوہ مالک گُنی گہِیرا، نوُر نوُرانہ ڈگمگائیا۔ دھرنی کہے جِس لیکھے لایا رَویِداس والا کسیِرا، گنگا گنگوتری رنگ چڑھائیا۔ جو پہن کے آ گیا نیِلی دھار توں باہر اپنا نیِلا چیِرا، چِری وِچُھنے لئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتائیا۔ دھرنی کہے میرا مالک اِک بےانت، انت کہن کِچھ نہ پائیا۔ جِس نے آد بنائی بنت، جُگا جُگنت ویکھ وکھائیا۔ جو لکھّ چؤراسی نِرگُن دھار بنیا کنت، کنتُوہل وڈ وڈیائیا۔ جِس دا نام نِدھانا اِکو منت، منتوَ جُگ چؤکڑی حل کرائیا۔ جِس دی مہما گاؤندے جُگ چؤکڑی سادھ سنت، راگ صِفتاں والے صالاحیِا۔ اوہ لیکھا جانے لکھّ چؤراسی جیِو جنت، انڈج جیرج اُتبُھج سیتج بُھل رہے نہ رائیا۔ بُدھی توں پرے بودھ اگادھا بن کے پنڈت، بِنا اکھّراں توں نِراکھّر دھار دِرڑائیا۔ کلجُگ کوُڑی کِریا گڑھ توڑے ہؤمے ہنگت، ہنگ برہم اِک سمجھائیا۔ جِس دا روُپ انوُپا سَت سروُپا دھار پنکج، پرا پسنتی مدھم بَیکھری جِس نوُں سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرنی کہے میرا مالک وڈ الاہ، پُرکھ اگمّ اکھوائیا۔ جِس دی سَتگُر شبد نال صلاح، مشورہ نام نال پکائیا۔ اوتار پَیغمبر گُروُ جُگ چؤکڑی بنا گواہ، شہادت شرع والی جنائیا۔ سو نوَ نؤ چار دا لیکھا رہیا مُکا، مُکمل اپنا حُکم ورتائیا۔ جوتی جاتا پُرکھ بِدھاتا ویس وٹا، روُپ انوُپا رہیا پرگٹائیا۔ جِس نوُں حضرتاں کِہا خُدا، پَیغمبر رسوُل رسوُللّاہ کہہ کے سیِس نِوائیا۔ جُگ بدلنی اوس دی ادا، جو عبادت اپنی لئے

بدلائیا۔ دھرنی کہے میَں اُس دے قدماں توں جاواں فِدا، جو فَیصلہ حق سُنائیا۔ جِس دا لیکھا لِکھیا وید وِچ رِگا، رام راما اپنا لیکھا گیا دِرڑائیا۔ جِس دا اِشارہ کیِتا بھرِنگوُ بھرِنگا، بھوَ ساگراں پار اکھّ اُٹھائیا۔ اُس دی جانے کوئے نہ بِدھا، جو بِدھنا دے لیکھے رہیا مُکائیا۔ دھرنی کہے میَں اُس دی داسی نِمانی بسُدھا، اپنی سُدھ نہ کوئے رکھائیا۔ جِس میرے اُتے نؤ کھنڈ پرِتھمی کراؤنا یُدھا، یُدِھشٹر دی آشا پوُر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اپنی کار بُھگتائیا۔ دھرنی کہے میرا صاحِب سَتگُر ایک، ایکنکار آپ اکھوائیا۔ جِس دی رکھ کے بَیٹھی ٹیک، ٹِکّے مستک دھوُڑی خاک رمائیا۔ اوہ بھگتاں کرے بُدھ بِبیک، دُرمت میَل دھوائیا۔ ترےَگُن تن نہ لائے سیک، اگنی تت بُجھائیا۔ جنم کرم دی بدلے ریکھ، رِکھیِاں مُنیِاں توں باہر دئے وڈیائیا۔ سچ دوارا بخشے سچکھنڈ اگمّا دیس، دیس دیسانتراں ڈیرہ ڈھاہیِا۔ ہرِجن ہرِ بھگت دُھر درگاہ دے بنا کے درویش، سِر سِر اپنا ہتّھ رکھائیا۔ جِس جھگڑا مُکاؤنا مُلّا شیخ، قاضیِاں قضا دے ہتّھ پھڑائیا۔ چڑھدی دِشا جائے پردیس، پردیسی ہو کے اپنی کار کمائیا۔ نالے شاہ بنے نریش، فقیِر ہو کے فقّراں والے ڈھولے گائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ میری خوشی بنائیا۔ دھرنی کہے میرا صاحِب میَنوُں دیوے خوشحالی، خوشیِاں ڈھولے گائیا۔ میرے مستک چڑھے لالی، لال لالن گُرمُکھ لئے پرگٹائیا۔ میَں سچ دی منگتی بناں سوالی، بِھکھارن ہو کے جھولی ڈاہیِا۔ تُوں نوُر نوُرانہ شہنشاہ جوت اکالی، اکل کل دھاری اِک اکھوائیا۔ تُوں دو جہاناں والی، مالک بےپرواہیِا۔ میرا دوارا نؤ کھنڈ بنا دے سچّی دھرمسالی، دھرم دی دھار اِک سمجھائیا۔ مانَس پھل لگا دے ڈالی، پتّ ٹہنی ہری آپ کرائیا۔ تیرے نام توں تن وجوُد رہے کوئے نہ خالی، خالق اپنا رنگ چڑھائیا۔ کلجُگ دی اؤودھ رہے نہ باہلی، دوُر دُراڈا پندھ دینا مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ بِھچھیا جھولی پائیا۔ دھرنی کہے میرے صاحِب پا دے بِھچھیا، بِھکھک بِھکھاری جھولی دے بھرائیا۔ میری پوُرن کر دے اِچھیا، پوُرن سَتگُر تیری وڈ وڈیائیا۔ نؤ سؤ چُرانوے چؤکڑی جُگ دا لیکھا ویکھ لےَ لِکھیا، بِن نیَناں نظری آئیا۔ تیری سرِشٹی دِسدی مِتھیا، متھن کر لوکائیا۔ میَنوُں دس دے اپنی سُہنجنی وار تِھتیا، گھڑی پل ناتا جوڑ جُڑائیا۔ کِس بِدھ پرگٹ ہووے دو جہاناں سِری بھگوانا شاہ اَسوارا اَسو چِٹیا، چِٹی دھار کر رُشنائیا۔ دھرنی کہے میرا ماتا دا سیِر

جگت وِچ پِھٹیا، امرت رس نہ کوئے چکھائیا۔ کلجُگ جیِواں منوُآ موُل نہ ٹِکیا، دہ دِشا اُٹھ اُٹھ دھاہیِا۔ تیرے چرن کوئے نہ وِکیا، پریِتی وِچ پریِتم نہ کوئے سمائیا۔ میرا لہنا دینا تُدھ بِن نہ جائے نجِٹّھیا، سِر ہتّھ نہ کوئے رکھائیا۔ جھگڑا مُکا دے پتّھر اِٹیا، پاہناں لیکھا رہے نہ رائیا۔ سچ پریِتی انتر آتم کر ہِتیا، پرماتم ہو کے جوڑ جُڑائیا۔ تُوں پُرکھ ابناشی اچُتیا، اچُت تیری وڈ وڈیائیا۔ میرا انتم ونڈ دُکھیا، دیِناں دردیِاں ہو سہائیا۔ جگت جہان تک لےَ بُھکھیا، ترِسنا سکے نہ کوئے مِٹائیا۔ دھرنی کہے میری سُپھل کر دے کُکھیا، مِہربان مِہر نظر نال ترائیا۔ جن بھگتاں اُجل کر مُکھیا، دُرمت میَل رہے نہ رائیا۔ تیرا وقت سُہنجنا پُجیا، پوُجنیوگ تیری وڈیائیا۔ کلجُگ کوُڑا میٹ دے جُگیا، جُگت جگ اپنی دے سمجھائیا۔ میرے اُتوں سب دا دیِپک ویکھ لےَ بُجھیا، نوُری چند نہ کوئے چمکائیا۔ اپنا بھیوَ ابھیدا دسّ دے گُجھیا، پردہ اوہلا دے اُٹھائیا۔ بھاؤ رہے نہ ایکا دوُجیا، دُتیا بھاؤ دینا مُکائیا۔ میَں تیری نِمانی بِھکھارن بسُدھیا، بےسُدھ ہو کے دیاں سُنائیا۔ اوہ لیکھا پوُرا کر دے جو وعدہ کیِتا نال رام چھڈن لگّیا ایُدھیا، بِن اکھّراں اکھّر بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، اُجل کر دے سب دی بُدھیا، من مت دا ڈیرہ ڈھاہیِا۔

۲۲ ساوَن شہنشاہی سمت نؤ اِٹارسی سُرِندر سِنگھ دے گرِہ

دھرنی کہے پربھوُ میری سُہنجنی کر دے جھُگی، نؤ کھنڈ پرِتھمی ستّ دیِپ اپنا چرن چُھہائیا۔ میَں آشا رکھی تیری جُگ جُگی، جُگا جُگنتر دے مالک انت میرا لیکھا دینا مُکائیا۔ میری کرنی کرتے پُرکھ کر دے اُگھی، اُگن آتھن تیری اوٹ تکائیا۔ کلجُگ جیِواں پوِتر کر دے بُدھی، بُدھ بِبیک دے بنائیا۔ میرا کھیل نہ ویکھیں جگت جہان یُدھی، یودھے اپنا بَل درسائیا۔ بے شک میرے اُتے دیِناں مذہباں دی اؤدھ پُگی، ویلا وقت دھیان لگائیا۔ شہادت دیوے نہ کوئے ودی سُدی، کِشنا شُکلا پکھّ نیَن نہ کوئے اُٹھائیا۔ تیری منزل محبوُب پیار والی کدے نہ مُکی، پاندھی پندھ نہ کوئے چُکائیا۔ میَں چرن کوَل سرن سرنائی تیری جھُکی، بِن سیِس جگدیِش تیرے بھیٹ کرائیا۔ اپنی کھیل رہن نہ دیویِں لُکی، لوک مات پردہ دینا چُکائیا۔ میرے صاحِب سوامی لُٹی، لُٹیرا کلجُگ بھجےّ واہو داہیِا۔ تیری آتم دھار پریِتی بھگتاں

نالوں کدے نہ ٹُٹی، ٹُٹیاں لیَنا مِلائیا۔ میَں تیری خبر سُناں دو تُکی، تُوں میرا میَں تیرا ڈھولا اِک جنائیا۔ سرِشٹی درِشٹی اندروں بدل دے رُچی، رچنا اپنی اِک سمجھائیا۔ میَں تیری جگت جہان کراں بُتی، بُتخانیاں کراں صفائیا۔ سُرتی رہے نہ کِسے سُتی، من کا منکا دے بدلائیا۔ تُوں پاربرہم پت پرمیشور ابناشی اچُتی، چیتن سب نوُں دے کرائیا۔ میرے اُتے تیرے نام دی سُہنجنی ہووے رُتی، رتڑی سچ دوار سُہائیا۔ اپنی دیِن دُنی ویکھ لےَ مارگ گھُتھی، ساچے پنتھ مگ چلے کوئے نہ رائیا۔ جوتی جوت سروُپ ہرِ، آپ اپنی کِرپا کر، دیونہار تیری سرنائیا۔ دھرنی کہے پربھوُ میرے اُتے کر آپ مِہربانی، مِہربان مِہربان مِہر نظر اُٹھائیا۔ نام نِشانہ تیِر مار اگمّی کانی، کائنات قُدرت دے مالک کلمہ دے بدلائیا۔ آتم دھار پرماتم سچ دے نِشانی، نِشانہ اِکو اِک سمجھائیا۔ تُوں شہنشاہ شاہ پاتشاہ سُلطانی، بھوُپت بھوُپ بےپرواہیِا۔ پروردِگار سانجھے یار کر مِہربانی، بے نظیِر نظر آپ اُٹھائیا۔ جھگڑا میٹ اِنجیِل قرآنی، پردہ دے اُٹھائیا۔ تیری منزل آد جُگاد اِک روُحانی، روُح بُت دے سمجھائیا۔ تُوں نوُری اِسم محبوُب میرا اسمانی، جِسم ضمیِر کر صفائیا۔ میَں تیرے چرن کوَلاں کراں دھیانی، بِن قدماں سیِس جھُکائیا۔ تیری سرِشٹی تیرا روُپ نہیں بیگانی، آپ اپنے نال مِلائیا۔ جھگڑا میٹ دے چارے کھانی، چارے بانی اِکو رنگ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میَں منگتی تیرے در، درویشن ہو کے جھولی ڈاہیِا۔ کِرپا نِدھان کِرپا کر، کِرپن ہو کے سیِس نِوائیا۔ میرا اُجڑ نہ جائے کھیڑا وسا دے پِچھلا گھر، گرِہ گرِہ کھوج کھوجائیا۔ صدی چؤدھویِں انتم میَنوُں آؤندا ڈر، ڈرپوک ہو کے سیِس نِوائیا۔ میَں پیشیِن گوئیاں سب دیِاں لئیاں پڑھ، اکھّر اکھّراں نال مِلائیا۔ میرے اُتے جو لیکھا ہونا سیِس دھڑ، دو دھڑ دِسے لوکائیا۔ جھگڑا پَینا چیتن جڑ، استھوُل رووے مارے دھاہیِا۔ میَں سرن سرنائی صاحِب سَتگُر رہی پڑ، نِو نِو لاگاں پائیا۔ تُوں بھنّنہار تے آپے لئیں گھڑ، گھڑن بھنّنہار تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار دَیا کمائیا۔ دھرنی کہے پربھوُ میری ویکھ لےَ حالت، ہائے اُف تیرا نام دُہائیا۔ چاروں کُنٹ ہوئی جہالت، سَت وِچ نہ کوئے سمائیا۔ دھرم دی رہی نہ کوئے عدالت، اِنصاف ہتّھ نہ کِسے وکھائیا۔ میَنوُں اِیوں دِسدا میرے اُتے ہون والی بغاوت، بغلگیِر سارے پلّوُ جان چُھڈائیا۔ سچ پیار دی کرے نہ کوئے سخاوت، وست امُل نہ کوئے ورتائیا۔ میَں بُدھ ہیِن اَنجانت، در تیرے

واسطہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ دھرنی کہے پربھوُ میَں تکدی چار کُنٹ، اُتّر پوُرب پچھّم دکھّن دھیان لگائیا۔ سَت سچ سارے پئی لُٹ، کلجُگ لُٹے تھاؤں تھائنیا۔ نِرگُن سرگُن دھار ناتا گیا ٹُٹ، ٹُٹیاں گنڈھ نہ کوئے پوائیا۔ سادھاں سنتاں لِو گئی چُھٹ، چُھٹکی لِو نہ کوئے لگائیا۔ بِن تیری کِرپا بھگت سُہیلا دِسے کوئے نہ سُت، اپرادھی ہوئی خلق خُدائیا۔ کِرپا کر سِری بھگوان ابناشی اچُت، چتربُھج تیری اوٹ تکائیا۔ میَنوُں انت آؤندا دُکھ، دُکھی ہو کے رہی سُنائیا۔ اپنے مانَس مانَو جگیاسوُ جگت ویکھ منُکھ، ایِش جیِو اپنا پردہ لاہیِا۔ تیرا وقت سُہنجنا آد نِرنجنا اَخیِری رہیا ڈُھک، گھڑی پل سمجھ کِسے نہ آئیا۔ میَں سرن سرنائی بے پرواہی نوُر الاہی اگمّ اتھاہی رہی جھُک، قدم بوسی وِچ قدیِم دے مالک سیِس جھُکائیا۔ ساری سرِشٹی درِشٹی اندر تُوں میرا میَں تیرا دسّ دے تُک، آتم پرماتم پاربرہم برہم مِل کے وجےّ ودھائیا۔ میَں دِوس رَین سُکھّنا رہی سُکّھ، گھر ٹھانڈے دھیان لگائیا۔ میرا میٹ اندھیرا گھُپ، نوُری چند چند کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ دے دے وست امُل، قیِمت کرتے نہ کوئے لگائیا۔ جے تیری سرِشٹی تَینوُں گئی بُھل، ابُھل سب نوُں دینی مات وڈیائیا۔ تُوں بھاگ لگاؤنا میری دھرنی والی کُل، کُل مالک ہونا آپ سہائیا۔ میَں تیرا نام دھیاؤندی بِنا رسنا جِہوا بُل، بتّی دند نہ کوئے چتُرائیا۔ میَں ویکھنا چاہُندی تیرے بھگت سُہیلے جیہڑے تیرے نام ترازوُ کنڈھے گئے تُل، جگت قیِمت نہ کوئے رکھائیا۔ سچ پریِتی گھولی گئے گھُل، آپ اپنا گھول گھُمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، میری جھولی دے بھرائیا۔ پُرکھ اکال کہے دھرنی نہ کر گِریہ زاری، بِن نیَناں نیِر وہائیا۔ میَں شہنشاہ شاہو بھوُپ سِکداری، پاتشاہ اگمّ اتھاہیِا۔ میرا لیکھا نال پَیغمبر گُر اوتاری، اَوتر ہو کے تیرا لہنا دیاں چُکائیا۔ نِرگُن ہو کے سرگُن پاواں ساری، مہاسارتھی ہو کے ویکھ وکھائیا۔ تُوں اپنی کرنی آپ تیاری، تررےگُن اتیِتا، ہو کے دیاں سُنائیا۔ تیری چڑھدی دِشا لہِندی نال ہونی خوَاری، خار سکے نہ کوئے مِٹائیا۔ اوہ تک لےَ کلجُگ کرے غداری، گداگر ہوکے بھجےّ واہو داہیِا۔ جِس جھگڑا پاؤنا نر ناری، نر ہرِ اپنی کل ورتائیا۔ جِس دی طبیب طبیعت اندر کر سکے نہ کوئے تیماداری، شفا ہتّھ کِسے نہ آئیا۔ لاڑی مؤت اپنا آپ رہی سِنگاری، نیتر نیَناں کجلے نال سُہائیا۔ چِترگُپت سندیسہ دیوے وارو واری،

اپنی سیو کمائیا۔ رائے دھرم لیکھے رہیا اُگھاڑی، بچیا رہن کوئے نہ پائیا۔ پِھرنی دروہی جنگل جوُہ اُجاڑ پہاڑی، ٹِلّے پربت سمُند ساگر روون مارن دھاہیِا۔ تُوں ویکھنی کلجُگ کُکرماں والی اَکھاڑی، جو مایا ممتا وہناں نال بھرائیا۔ جھٹ نارد آن کے ماری تاڑی، دو ہتّھاں دِتی سُنائیا۔ دھرنیئے تیرے پِچھے ہوواں کہ اَگاڑی، کہ سجےّ کھبےّ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ سچ دا حُکم اِک فرمانا، قرمابردار ہو کے سیِس نِوائیا۔ کرے کھیل سِری بھگوانا، بھگوَن اپنا حُکم ورتائیا۔ سو پُرکھ نِرنجن پہر کے بانا، ہرِ پُرکھ نِرنجن نوُر نوُر کرے رُشنائیا۔ ایکنکار وڈ بلوانا، آد نِرنجن ڈگمگائیا۔ ابناشی کرتا نؤجوانا، بھگوَن ہو کے کھیل کھِلائیا۔ پاربرہم شاہو بھوُپ بن سُلطانا، دو جہان کرے شنوائیا۔ وِشن برہما شِو تُوں میرا میَں تیرا گاون گانا، بِن رسنا جِہوا ڈھولے گائیا۔ اوتار پَیغمبر گُر بِن نیَناں توں ویکھن جگت جہانا، زِمیں اسماناں کھوج کھوجائیا۔ جو جوتی جاتا پُرکھ بِدھاتا نِرگُن نِروَیر پہر کے آ گیا جامہ، دو جہاناں ڈگمگائیا۔ جِس دا سمبل سچ مکانا، مقبریاں گوراں توں بِنا اپنا آسن لائیا۔ اوہ رحیِم بن رحمانا، رحمت سچ کمائیا۔ جن بھگتاں دیوے بھگتی دانا، بِنا بھگتیؤں جھولی پائیا۔ سو لیکھا جانے نِرگُن سرگُن سرگُن نِرگُن دیِن دُنی تیری وِچ زمانہ، زِمیں زماں کھوج کھوجائیا۔ تُوں خوشیاں نال اپنی دھار دا بنّھ لےَ گانا، گہر گمبھیِر رہیا دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نؤجوانا، مرد مردانہ اِک اکھوائیا۔