کتب خانہGranth 23 (Shahmukhi)

رات نوُں کِرپا کیِتی ارجن سِنگھ تے رنجیِت سِنگھ دے نوِت

دھرنی کہے میری نِمسکارا، آد پُرکھ ابناشی سیِس نِوائیا۔ تیرا جُگ جُگ ویس شاہو بھوُپ اپارا، اپرمپر سوامی دیاں سُنائیا۔ تُوں کھیل کھِلایا سنک سنندن سناتن سنت کُمارا، دِتی مان وڈیائیا۔ براہ دے کے آپ سہارا، سِر اپنا ہتّھ ٹِکائیا۔ یگّے پُرش کھیل نیارا، دُھر مالک تیری وڈ وڈیائیا۔ حیگریو روُپ نیارا، ترےَگُن اتیِتے سوبھا پائیا۔ نر نرائن ہو کے ظاہرا، ظاہر ظہوُر کیِتی رُشنائیا۔ کپل مُن سچ سندیسہ دے وِچ سنسارا، سانکھ یوگ گیا دِرڑائیا۔ دتّا ترےَ اگمّی دھارا، دھرنی کہے میَں ویکھ ویکھ بِگھسائیا۔ رِکھو روُپ ہو کے ظاہرا، منّ سُنّ پردہ لاہیِا۔ پرِتھوُ تیرا تک نظارہ، انّ متھ کے دِتا وکھائیا۔ متسی تیرا کھیل اگمّ اپارا، تیری تیرے ہتّھ وڈیائیا۔ کچھپ نوُر کر اُجیارا، سمُند ساگراں رتناں باہر کڈھائیا۔ دھننتر تیرا رنگ رنگیا آپ کرتارا، اؤکھد تیرا نام ودھائیا۔ ہنسا روُپ دھر کے تتاں دا ظاہرا، تتو تت تت سمجھائیا۔ باوَن کل ورت کے سُہائے بنک دوارا، دیوے مان وڈیائیا۔ گج لہنا دینا دے اُدھارا، ہری ہرِ اپنا پردہ لاہیِا۔ نر نرائن تَینوُں نِمسکارا، دھروُ دِتی بال وڈیائیا۔ نر سِنگھ تیرا انت نہ پاراوارا، جن بھگتاں ہویا آپ سہائیا۔ دھرنی کہے میری نمو نمو نِمسکارا، نِو نِو سیِس نِوائیا۔ سَت ستوادی تیرا روُپ انوُپا شاہو بھوُپا، جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ دھرنی کہے میرے دُھر دے راما، رام رمئیا تیری بےپرواہیِا۔ پرس رام تیرا نِشانہ، ترنتے دِتی مان وڈیائیا۔ دواپر تیرا نوُر جوت مہانا، وید ویاسا گیا سمجھائیا۔ پُران اٹھاراں دے بیانا، چار لکھ ستاراں ہزار سلوک جنائیا۔ تیرا سَت سروُپ شاہو بھوُپ کرِشنا کاہنا، گھنئیا تیرا رنگ

تیرے وِچ سمائیا۔ تُوں سچ سندیسہ نر نریشا دِتا جگت جہانا، بودھ اگادھ سُنائیا۔ بُدھی توں پرے تیری منزل تُوں جوتی جاتا نوُر نوُرانہ، بُدھ دھار دھار پرگٹائیا۔ آتم پرماتم پرماتم آتم تیرا اِک نِشانہ، آد جُگاد جُگ چؤکڑی کھیل کھِلائیا۔ میَں نِو نِو ڈنڈاوت بندنا کراں میرے بھگوانا، بھگوَن تیری اوٹ تکائیا۔ تُوں پَیغمبراں دے کے سچ سندیسہ بخش کے دُھر کلاما، کائنات پڑھائیا۔ حضرت موُسیٰ عیسیٰ محمد سندیسہ دے اگمّ پَیغاما، سچ اِمام دِتا دِرڑائیا۔ تیرا نوُر ظہوُر دِسے اِکو اِک نِشانہ، جوبن ونتا سوبھا پائیا۔ تُوں شہنشاہ سُلطان سِری بھگوانا، تیرا منتر نام سَتناما، سَت سَت سچ سمجھائیا۔ نانک دھار گوبِند پہر کے جامہ، فتح ڈنک ڈنک وجائیا۔ تیرا لہنا دینا وکھّرا جگت جہانا، جوتی جوت سروُپ ہرِ، آپ اپنی کِرپا کر، ایکا دینا ساچا ور، دھرنی کہے در تیرے الکھ جگائیا۔ دھرنی کہے پربھوُ تُوں آئیوں وار اَنک، اَنک کل دھاری دَیا کمائیا۔ میرا سُہاؤندا رہیا بنک، گرِہ وجدی رہی ودھائیا۔ جوتی دھار شبد دی لاؤندا رہیا تنک، سوئی سُرتی سُرت اُٹھائیا۔ تیرا نوُر ظہوُر اگمّا تکاّں پُری گھنک، جِتھے گھنئیا اِشارہ گیا کرائیا۔ تیرا نام نِدھانا سِری بھگوانا دو جہاناں ہووے منت، منتر اِکو دینا دِرڑائیا۔ میرا لہنا دینا لیکھا پوُرا کردے کلجُگ انت، انتشکرن تیرے انگ رکھائیا۔ گڑھ توڑ دے ہؤمے ہنگت، ہنگ برہم دے سمجھائیا۔ نؤ کھنڈ پرِتھمی ستّ دیِپ اِکو رنگ رنگا دے دھرم دی پنگت، دوُجی ونڈ نہ کوئے ونڈائیا۔ لیکھا رہے نہ دوزک بہِشت جنّت، سوَرگ سوَرگاں اپنا گرِہ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ دھرنی کہے میرے صاحِب سربنگ، سوُربیِر تیری سرنائیا۔ میرے اُتے چاڑھ دے رنگ، نام نِدھانا اِکو دے وکھائیا۔ میَں مانگت ہو کے منگاں منگ، خالی جھولی دینی بھرائیا۔ تیرا لیکھا تکّنا کھیل انتم تارا چند، چند چاندنے تیرا نوُر جوت رُشنائیا۔ تُوں دیِن دَیال سدا بخشند، بخشنہار اِک اکھوائیا۔ سچکھنڈ نِواسی پُرکھ ابناشی میَنوُں دے انند، انند انند وِچوں پرگٹائیا۔ میرا بھاگ نہ ہووے مند، انتشکرن دیِن دُنی بدلائیا۔ دھرنی کہے میرے سیِنے پا دے ٹھنڈ، پُرکھ اکالے ہو سہائیا۔ جُگ جنم دی وِچھڑی آتما جن بھگتاں اپنے نال گنڈھ، وِچھوڑا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ دھرنی کہے پربھوُ ساچے بھگتاں کر مِلاپ، مِلنی ہرِ جگدیِش کرائیا۔ گھٹ گھٹ نظری آ آپ، اپنا پردہ دے چُکائیا۔ ترےَگُن مایا میٹ دے تاپ، ترےَگُن اتیِتے ہو سہائیا۔

ہرِجن پوِتر کر پاک، پتت پُنیِت آپ بنائیا۔ گھر ٹھاکر کھول دے تاک، پردہ اوہلا رہے نہ رائیا۔ نوُر نوُرانے شاہ سُلطانے اپنی دھار دسّ دے ذات، آتم پرماتم میل مِلائیا۔ سچ دوارے جوڑ دے نات، گھر گھر اپنا کھیل کھِلائیا۔ دھرنی کہے میَں نِمانی دھوَل مِنّتاں کراں لوک مات، مِہربان مِہربان مِہربان مِہر نظر دینی اُٹھائیا۔ جن بھگتاں آتم دے دے بوُند سوانت، نِجھر جھِرنا کول نابھی آپ اُلٹائیا۔ تیرا درشن کرن اِک اِکانت، باہر جان دی لوڑ رہے نہ رائیا۔ کایا کعبے حقیِقی مندر ساچے مٹھ گُروُدوار دے دے دات، ساڈھے تِنّ ہتّھ اندر دَیا کمائیا۔ میرے مالکا خلق دے خالقا میری آپے پُچھ لےَ وات، واتاوَرن کائنات مار جھات، اپنا نیَن اُٹھائیا۔ دھرنی کہے میَں باطن کراں بات، تُون میرا سوامی کملاپات، پت پرمیشور پروردِگار نوُر الاہیِا۔ جِدھر تکاں اُدھر ہووے ساتھ، سگلا سنگ بنائیا۔ تُوں سرب کلا سمراتھ، پرم پُرکھ پرماتم تیرے ہتّھ وڈیائیا۔ تیری سرن سرنائی جاواں ڈھاٹھ، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ دھرنی کہے پربھوُ جن بھگتاں اندر بخش دے سوجھی، سمجھ سمجھ وِچوں سمجھائیا۔ تیری چرن پریِتی دا ہووے جوگی، کپڑیاں رنگ نہ کوئے رنگائیا۔ تیری سچ دی کھیلے گودی، مات پِت تُوں اِک اکھوائیا۔ تیرا لیکھا سب دے ہِردے جاویں سودھی، میَں بسُدھا ہو کے دیاں سُنائیا۔ تیرا بھگت سُہیلا میرے اُتے رہے کوئے نہ لوبھی، ممتا وِچ نہ کوئے ہلکائیا۔ میَں سوچاں سوچدی اُنگل رکھ کے اُتے ٹھوڈی، دوُر دُراڈا دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ہرِجن ساچے مات پرگٹائیا۔ دھرنی کہے پربھوُ میرے اُتے تیرے ہون بھگت سُہیلے، سجّن میِت نظری آئیا۔ اِکو رنگ رنگے ہون گُر چیلے، چیلے گُر وِچ سمائیا۔ تیرے ویکھن دھام نویلے، درگاہ ساچی پھول پھولائیا۔ تُوں آد پُرکھ اپرمپر سوامی کِرپا کرنی اِک اَکیلے، ایکنکار تیرے ہتّھ وڈیائیا۔ لکھّ چؤراسی نالوں کردے وِہلے، جوُنی جوُن نہ کوئے بھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ہرِجن ساچے مات پرگٹائیا۔ دھرنی کہے میرا بھگتاں نال بنا دے بھائی چارا، سنگی نظر کوئے نہ آئیا۔ ویروا ہوئے نہ پُرکھ نارا، بِردھ بالاں اِکو رنگ رنگائیا۔ تیرے پریم دیِاں ہوون دھارا، دھرنی دھرت دھوَل دھؤل کہے میری آشا پوُر دینی کرائیا۔ میَں تَینوُں تکاّں سب توں ظاہرا، ظاہر ظہوُر تیری ہووے رُشنائیا۔ بہُڑی میَں کی دسّاں کُچھ لیکھا ہون والا وِچ قاہرہ، کی قہر میرے اُتے ورتائیا۔ جوتی جوت سروُپ

ہرِ، آپ اپنی کِرپا کر، ایکا دینا دُھر دا ور، سچکھنڈ نِواسی ساچی دَیا کمائیا۔ دھرنی کہے پربھوُ میرے نال بھگت سُہیلے بنا کے میِت، مِترا دے جنائیا۔ تیری سچ دھرم دی چلے ریِت، سَتجُگ ساچا لئے انگڑائیا۔ پیار بخش دینا جِویں سِنگھ ارجن نال سِنگھ رنجیِت، دوُسر اوٹ نہ کوئے تکائیا۔ سب دی کایا کرنی ٹھانڈی سیِت، کلجُگ اگنی نہ کوئے تپائیا۔ جھگڑا مِٹاؤنا اوُچ نیِچ، نیِچ اوُچ ایکا رنگ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے آس رکھائیا۔ دھرنی کہے میری خالی بھر دے جھولی، جھوُلے لیَن والیا تیری بےپرواہیِا۔ تیری سمجھ سکے نہ کوئے اگمّی بولی، انبولت تیرا راگ دینا جنائیا۔ سَتگُر شبد بنا کے ڈھولی، دو جہان کرے رُشنائیا۔ میرے اُتے دھرم دوار ایکنکار اِکو کھولیِں، خالق خلق ہونا سہائیا۔ میرا لیکھا کوئی نہ جانے پنڈت پاندھا رؤلی، گرِہ نچّھتراں ونڈ نہ کوئے ونڈائیا۔ میرے اُتے سگن بنّھ کے گیا تند مؤلی، محمد اپنی قسم کھائیا۔ اوہ ویکھ لےَ صدی چؤدھویِں چُکی پِھردی ڈولی، چاروں کُنٹ بھجےّ واہو داہیِا۔ کی کھیل کرنا اُس دی گولی، جو صدی چؤدھویِں اِشاریاں نال سمجھائیا۔ پہلی کتّک نوُں اپنی کنّی بنّھ کے اِک پؤلی، چارے کوُٹاں دئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ وست دینی ورتائیا۔ دھرنی کہے پربھوُ میَنوُں پیار دا دے دےہوُٹا، ہلوُنا اِکو اِک لگائیا۔ میَں دھرم دا لےَ لواں جھوُٹا، سچ دیاں سُنائیا۔ اوہ ویکھ لےَ میرے اُتے دُہائی پِھرنی چارے کوُٹاں، بچیا رہن کوئے نہ پائیا۔ دھرم دا نظر آئے کوئے نہ بوُٹا، پتّ ٹہنی نہ کوئے مہکائیا۔ سب دا کایا بھریا جوُٹھا ٹھوُٹھا، لوبھ موہ ہنکار وِچ ٹِکائیا۔ تُوں سوامی انترجامی آپے تُٹھا، مِہربان مِہر نظر اُٹھائیا۔ جن بھگتاں پھڑ اُٹھا لےَ دھرم دے گُٹا، بازوُ بانہہ دی لوڑ رہے نہ رائیا۔ شبدی دھار بنا لےَ اپنے سُتا، سُت اپنے لےَ اُٹھائیا۔ تیری سُہنجنی ہووے رُتا، رُتڑی بھگتاں نال مہکائیا۔ دھرنی کہے میرا لہنا دینا ویکھ لےَ ابناشی اچُتا، چیتن دھار تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک دَیا کمائیا۔ پُرکھ اکال کہے دھرنی دھوَلے دَیا کماواں گا۔ نوُر الاہی بن کے اولے، جوتی جاتا ڈگمگاواں گا۔ جو کیتے قؤلے، اِقرار سارے توڑ نِبھاواں گا۔ میرا سَتگُر شبد ہر گھٹ اندر مؤلے، مؤلا ہو کے کھیل کھِلاواں گا۔ جوتی جوت سروُپ ہرِ، آپ اپنی کِرپا کر، سچ اپنے رنگ رنگاواں گا۔ ساچا رنگ رنگاواں گا۔ جن بھگتاں سنگ نِبھاواں گا۔ نام مردنگ اِک وجاواں گا۔ نؤ دوارے اَگے لنگھ، سُکھمن ٹیڈھی بنک دا ڈیرہ ڈھاہواں گا۔

شبد نادی وجا مردنگ، انراگی راگ الاواں گا۔ نوُری جوت چاڑھ کے رنگ، جوتی جاتا ڈگمگاواں گا۔ آتم پرماتم پرماتم آتم سیج سُہا اگمّی پلنگ، بِن پاوا چوُل وڈیاواں گا۔ سَت دا سَت دے انند، انند انند وِچوں وکھاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کماواں گا۔ سچ دی کرنی کار کمائیگا۔ دیِن دَیال دَیا کمائیگا۔ دھرمسال اِک سُہائیگا۔ دیِپک بال جوت جگائیگا۔ سچ وست نام دھن مال اِک رکھائیگا۔ جن بھگتاں ہو کرپال، خالی جھولی آپ بھرائیگا۔ ہرِجن ویکھ کے اپنے لال، گودی دُھر دی آپ بہائیگا۔ جگت دسّ اولّڑی چال، انوکھی آپ کھِلائیگا۔ جِس نوُں کوئی نہ سکے بھال، سو اپنی کل پرگٹائگا۔ جن بھگت سُہیلے ویکھ کے لال، لالن آپ پرگٹائگا۔ جِنہاں دے نیڑ نہ آوے کال، مہاکال سیِس نِوائیگا۔ چِترگُپت نہ لیکھ دِرڑائیگا۔ پھل لگا کے بھگتی ڈال، ہرِجن اپنے گھر سُہائیگا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر پردہ آپ چُکائیگا۔ آتم پردہ آپے لاہواں گا۔ بھگت سُہیلا مالک بنا کے ساچے گھر دا، گرِہ مندر آپ وساواں گا۔ بھیوَ چُکا چؤراسی ڈر دا، پھاسی جم دی آپ کٹاواں گا۔ لیکھا رہن نہ دیواں چوٹی جڑ دا، چیتن چیتن وِچ سماواں گا۔ ویس وٹا نرائن نر دا، نر ہرِ اپنا در سمجھاواں گا۔ کلجُگ ساچی کرنی کردا، سَتجُگ سچ سچ درساواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک الاواں گا۔ سچ سندیسہ اِک الاواں گا۔ ڈھولا گیِت شبد اگمّ پردہ لاہواں گا۔ جھگڑا مِٹا کے کایا ماٹی چمّ، چمّ درِشٹی سرب بدلاواں گا۔ اِکو بھیوَ کُھلا کے برہم، پاربرہم ہو کے نظری آواں گا۔ دیِن دُنی دا اِکو ہووے دھرم، دھرم دی دھار اِک سمجھاواں گا۔ لیکھا رہے نہ کوئے کرم، کرم کانڈ دا پندھ مُکاواں گا۔ اندروں بھانڈا بھنّ کے بھرم، گڑھ ہنکاری توڑ تُڑاواں گا۔ لیکھے لا کے بھگتاں دا جرم، جنم اپنی جھولی پاواں گا۔ جو ہرِجن آئے سرن، سرنگت اِک درساواں گا۔ نیتر کھول کے ہرن پھرن، لوچن نیَن چمکاواں گا۔ تُوں میرا میَں تیرا آتم پرماتم ڈھولا پڑھن، ساچی وِدیا وِدیا وِچوں پرگٹاواں گا۔ سنت سُہیلے دُھر دی منزل چڑھن، اَگے ہو کے ویکھ وکھاواں گا۔ وِشن برہما شِو چرنی پڑن، دوُجا گھر نہ کوئے درساواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا محل اِک سُہاواں گا۔ سچ محل اِک سُہائیگا۔ اٹل اِکو اِک رکھائیگا۔ جِتھے دیِپک جوتی رہیا بل، آد انت نہ کوئے بُجھائیگا۔ لہنا دینا نہیں کوئی جل تھل، مہیئل روُپ نہ کوئے

درسائیگا۔ نہ کوئی ول نہ کوئی چھل، اچھل چھل اپنا پردہ لاہیگا۔ جن بھگت سُہیلے انت جوتی جوت جان رل، روُپ رنگ ریکھ نظری کوئے نہ آئیگا۔ سچ دوار لہنا ملّ، ساچا گرِہ اِک سُہائیگا۔ جن بھگتاں وِچھوڑا ہوئے نہ گھڑی پل، پلکاں دی جھلک وِچ وِچھڑ کدے نہ جائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں دُئی دوَیتی میٹ کے سلّ، سَتگُر شبد شبد سَتگُر نال مِلائیگا۔

۱۵ اَسوُ شہنشاہی سمت نؤ پِنڈ سروال ضِلع ہوشیار پُر ملّا رام دے گرِہ بھٹّھے تے

روڑا اِٹّ کہے ساڈا سِنگھاسن چنگا، چنگی مِلی وڈیائیا۔ ساڈا گرِہ دھام پوِتر نالوں گنگا، گوداوری جمنا سُرستی ویکھے نیَن اُٹھائیا۔ ساڈی رَویِداس چمار سمیں دی پُراتن منگا، رَوی اپنا بھیوَ چُکائیا۔ کوَن ویلا پربھ دیوے سچ انندا، انند انند وِچوں پرگٹائیا۔ باہروں تن وجوُد دِسے بندہ، انتر نِرگُن نوُر نوُر اگمّ اتھاہیِا۔ پرگٹ ہو مِہربان سوُرا سربنگا، مِہر نظر اِک اُٹھائیا۔ جن بھگتاں سیِس رہن نہ دیوے ننگا، سِر اپنا ہتّھ رکھائیا۔ پاوا چوُل سُہائے جگت منجا، منجھدھار وِچوں پار کرائیا۔ سَتگُر دا کھیل سدا اچنبھا، اچرج اپنی کل ورتائیا۔ نام شبد وجا انتر مردنگا، دُھن آتمک راگ دئے سُنائیا۔ ہرِجن جگت جہان منزل جائے لنگھا، پؤڑی ڈنڈے آپ چڑھائیا۔ گرِہ ویکھے جِتھے نہ سوُریہ کوئے چندا، منڈل منڈپ نظر کوئے نہ آئیا۔ اِکو صاحِب سوامی پُرکھ اکال دِسے بخشندا، بخشنہار اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ روڑا پتّھر کہے ساڈے اُتے سِنگھاسن لیا ملّ، ملّا رام دَیا کمائیا۔ ساڈا میٹے کلیش کلجُگ کل، کل کلکی بےپرواہیِا۔ جو وسے نِہچل دھام اٹل، سچکھنڈ ساچے سوبھا پائیا۔ سو سوامی گرِہ بھگتاں آئے چل، جوتی جاتا دُھردرگاہیِا۔ آتم پرماتم دھار جاوے رل، نوُر نوُر وِچ سمائیا۔ لیکھا جانے جل تھل، مہیئل پردہ دئے اُٹھائیا۔ سچ بھگتی دا سَت دے کے جائے پھل، نام نامہ رنگ رنگائیا۔ دھرنی کہے میَں جاواں بل بل، بل ایسے رستے گیا واہو داہیِا۔ جوتی جوت سروُپ ہرِ، آپ اپنی

کِرپا کر، کرے کھیل ساچا ہرِ، سچ دا میلا لئے مِلائیا۔ روڑا پتّھر کہے ساڈے بھاگ متھور، سَت سچ دئیے جنائیا۔ اسیں تکیا کلجُگ اندھیرا گھور، چاروں کُنٹ اندھیرا چھائیا۔ سرِشٹی درِشٹی ہوئی ٹھگّ چور، جگت کلپنا واسنا وِچ ہلکائیا۔ کوئی لیکھا میٹے نہ مور تور، تُریا توں پرے میل نہ کوئے مِلائیا۔ جن بھگتاں پربھ اپنے ہتّھ رکھی ڈور، ڈوری نام تند بندھائیا۔ اپنے نال اندر باہر گُپت ظاہر لئے تور، جگت جہانا سِری بھگوانا سگلا سنگ بنائیا۔ گُرمُکھاں منوُآ من نہ پاوے شور، شؤہر بانکا دئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَت ستوادی سَتگُر دھار جائے بہُڑ، شبد شبدی میل مِلائیا۔

۱۵ اَسوُ شہنشاہی سمت نؤ پِنڈ جلالاباد ضِلع امرتسر اودھم سِنگھ دے گرِہ

دھرنی کہے میرے انتر صلاح دیوے نِراکار پانی، پوَن نظر کوئے نہ آئیا۔ اوہ سُن اگمّی بانی، کی انیالا تیِر لگائیا۔ اپنے اُتے جھٹ تک لےَ چارے کھانی، چاروں کُنٹاں اکھّ اُٹھائیا۔ سَت دھرم دا رہیا کوئے نہ مانی، ابِھمان وِچ لوکائیا۔ پربھوُ پریم دی دِسے کوئے نہ رانی، نام شِنگار نہ کوئے جنائیا۔ سَت سروُپی ملِے کوئے نہ ہانی، سُرتی شبدی جوڑ نہ کوئے جُڑائیا۔ تیرا بھانا رہیا نہ کوئے دِسے نِتانی، نِمانا اپنا روُپ بدلائیا۔ جیِواں جنتاں کرے نہ کوئے کلیانی، کلمے والے تیرے اُتے کلمے گئے بھوائیا۔ کھیل ویکھ لےَ ایِش جیِو پرانی، پران ادھاری کی اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا اپنا رنگ وکھائیا۔ دھرنی کہے میَنوُں روم روم وِچوں پانی دئے اِشارے، اسنکھ اسنکھا دھیان لگائیا۔ اوہ ویکھ کھیل سچّی سرکارے، کی کرتا کل ورتائیا۔ تیرے اُتے پرگٹ ہو نِہکلنک اوتارے، اوتری اپنا حُکم سُنائیا۔ چاروں کُنٹ تک لےَ دیِن دُنی کُڑیارے، سَت وِچ نہ کوئے سمائیا۔ آتم برہم نہ کوئے وِچارے، من مت ہوئی ہلکائیا۔ سَت دھرم پاوے کوئی نہ سارے، مہاسارتھی نظر کِسے نہ آئیا۔ کلجُگ کوُڑ کوُڑا للکارے، اُچی بول بول سُنائیا۔ جِدھر تکاّں دھوُاں دھارے، نوُر چند نہ کوئے چمکائیا۔ دھرنیئے سچ دسّ تیری نئیالاوے کؤن کنارے، نؤکا اپنے کندھ اُٹھائیا۔ میری نمو نمو نمو نِمسکارے، تِس

صاحِب سیِس جھُکائیا۔ جو دیوے انت سہارے، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ دھرنی کہے میرے اندر پانی بِن پوَن رہیا پُکار، سواس ساہ نظر کوئے نہ آئیا۔ اُٹھ کھیل تک نِرنکار، کی کرتا کار کمائیا۔ جو سندیسہ دیوے اپنی دھار، شبدی شبد شبد شنوائیا۔ چاروں کُنٹ اُڈنی دھوُڑی چھار، خاکی خاک روُپ وٹائیا۔ دیِن دُنی ہووے خوار، خالس رنگ نہ کوئے سمائیا۔ جن بھگتاں کوٹاں وِچوں ملِے دیِدار، سنمُکھ ہو کے سوبھا پائیا۔ جِنہاں دا تُوں میرا میَں تیرا ہووے جَیکار، ڈھولا اِکو راگ سُنائیا۔ دھرنی کہے میَں اوہناں دا سدا سدا سد کراں پیار، جو پیِا پریِتم پیار وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جانے اپنی کار، کرتا پُرکھ کرنی اپنے وِچ رکھائیا۔

۱۵ اَسوُ شہنشاہی سمت نؤ پِنڈ وَیرووال ضِلع امرتسر اُتم سِنگھ دے گرِہ

دھرنی کہے میرے انتشکرن سندیسا دیوے جل، سمُند ساگراں پار دھیان لگائیا۔ میرے لہنے دینے جانے ماروُتھل، اسگاہاں ویکھ وکھائیا۔ دُھر فرمان اگمّا رہیا گھل، بِن رسنا جِہوا ڈھولا گائیا۔ اوہ ویکھ کھیل اچھل اچھل، اچھل چھل دھاری کی اپنی کھیل کھِلائیا۔ کی لہنا دینا تیرا ہونا کلجُگ کل، کل کاتی کی اپنی کار بُھگتائیا۔ کوُڑ کُڑیار نوَ کھنڈ تیرے اُتے دل، سَت دی مایا ممتا موہ ہلکائیا۔ پوِتر رہیا کوئی نہ جل، امرت روُپ نہ کوئے درسائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ دھرنی کہے میرے انتشکرن پیَندیاں آوازاں، بِن سروناں سُن سُن خوشی بنائیا۔ اُٹھ ویکھ لےَ صدی چؤدھویِں انت نمازا، سجدے جگت دھیان رکھائیا۔ پروردِگار سانجھے یار کی اگمّا ساجن ساجا، چؤداں طبق اکھّ اُٹھائیا۔ کی آشا رکھ کے بَیٹھا خِضر خواجہ، اِند اِندراسن دھیان لگائیا۔ کی لہنا دینا چُکائے غریِب نوازا، پرم پُرکھ پرماتم اپنا حُکم ورتائیا۔ دھرنیئے جِس نے تیرا ساجن ساجا، سو پُرکھ نِرنجن بھیوَ ابھیدا کی سمجھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اگمّ اتھاہیِا۔ دھرنی کہے میرا مالک صاحِب سُلطان،

ہرِ کرتا وڈ وڈیائیا۔ کِرپا کرے گُن نِدھان، گُنونتا نوُر الاہیِا۔ سو پُرکھ نِرنجن ہو پردھان، ہرِ پُرکھ نِرنجن اپنا حُکم ورتائیا۔ ایکنکارا نؤجوان، آد نِرنجن نوُر کرے رُشنائیا۔ ابناشی کرتا دیوے دان، سِری بھگوان میری جھولی دئے بھرائیا۔ پاربرہم ہوئے چتُر سُگھڑ سیان، سَت ستوادی اپنا کھیل کھِلائیا۔ سَتگُر شبد کر بلوان، نؤجوان اِک اُٹھائیا۔ جو نؤ کھنڈ پرِتھمی ستّ دیِپ ویکھے میرے آن، چار کُنٹ دہ دِشا اکھّ اُٹھائیا۔ کلجُگ کوُڑی کِریا میٹے انت نِشان، مایا ممتا موہ چُکائیا۔ سَت دھرم کر پردھان، آتم پرماتم دے کے برہم گیان، پردہ پردیاں وِچوں چُکائیا۔ بھاگ لگا کے ساڈھے تِنّ ہتّھ مندر مکان، کایا کعبہ اِک سُہائیا۔ امرت بخشے پیِن کھان، نِجھر جھِرنا رس چوائیا۔ شبد انادی دئے دُھنکان، انحد ناد سُنائیا۔ دیِپک جوت جگائے مہان، جوتی جاتا ڈگمگائیا۔ جن بھگت کرے پروان، پرم پُرکھ پربھ اپنے رنگ رنگائیا۔ گھر سوامی ملِے آن، باہر کھوجن دی لوڑ رہے نہ رائیا۔ سچکھنڈ دوار ایکنکار دیوے مان، اکل کل دھاری سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا اپنا میل مِلائیا۔ دھرنی کہے پربھ کِرپا کر آپ، پُرکھ اکال دَیا کمائیا۔ آتم پرماتم دسّ کے جاپ، تُوں میرا میَں تیرا کرے پڑھائیا۔ میٹ مِٹائے تیِنوں تاپ، ترےَگُن اگن نہ کوئے جلائیا۔ لیکھا رہے نہ اندھیری رات، جوتی نوُر چند چمکائیا۔ سدا سُہیلا پُچھے بات، باطن اپنا پردہ لاہیِا۔ آتم پرماتم جوڑ کے نات، پاربرہم برہم میلا سہج سُبھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرنی کہے کِرپا کرے آد نِرنجنا، آد پُرکھ بےپرواہیِا۔ میرا سوامی درد دُکھ بھےَ بھنجنا، بھوَ ساگر بیڑا پار کرائیا۔ جن بھگتاں نیتر نام پا کے انجنا، لوچن اِکو اِک کُھلائیا۔ گھر ٹھاکر دِسے سوامی سجّنا، میِت پیارا دُھردرگاہیِا۔ جِس دی اِکو دھار بندنا، بِن سیِس سیِس جگدیِش جھُکائیا۔ اوہ بخشے سچ انندنا، انند انند وِچوں پرگٹائیا۔ جِس نے کھیل کرنا وِچ برہمنڈناں، وربھنڈی اپنا حُکم ورتائیا۔ اوہدا نام تِکھی دھار پرچنڈنا، دو جہاناں کرے صفائیا۔ جِس بھگتاں کایا مندر اندر لنگھنا، نؤ دوارے ڈیرہ ڈھاہیِا۔ سو صاحِب سُلطانا سوُرا سربنگنا، پُرکھ اکالا اِک اکھوائیا۔ جِس نے نہ مرنا تے نہ کدے جمّنا، جنم مرن وِچ کدے نہ آئیا۔ سَتجُگ تریتا دواپرکلجُگ ہرِجن چاڑھنا اپنی رنگنا، رنگت اِکو اِک رکھائیا۔ جِس ویس وٹاؤنا دیس سُہاؤنا وِچ

وربھنڈنا، سمبل اپنا گرِہ سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ایکا نوُر جوت جگائے اگمّی چندنا، چند سِتار کوٹن کوٹ جِس نوُں سیِس نِوائیا۔

۱۵ اَسوُ شہنشاہی سمت نؤ پِنڈ رام پُر ضِلع امرتسر سوہن سِنگھ دے گرِہ

دھرنی کہے میرا وقت سُہنجنا، سو پُرکھ نِرنجن دئے وڈیائیا۔ کِرپا کرے آد نِرنجنا، ہرِ کرتا دُھردرگاہیِا۔ چرن دھوُڑ کرائے مجنا، ایکنکار ہوئے سہائیا۔ گھر سوامی ملِے سجّنا، آد نِرنجن نوُر الاہیِا۔ جِس دا دیِپک اِکو جگنا، سِری بھگوان وڈ وڈیائیا۔ جِس نے سچ دوارے سب نوُں سدّنا، ابناشی کرتا اگمّ اتھاہیِا۔ جِس نے پریم پیار مُحبّت دی چاڑھنی رنگنا، پاربرہم پربھ اِکو رنگ رنگائیا۔ دھرنی کہے میَں اُس دا دوارا منگنا، در ٹھانڈے الکھ جگائیا۔ جِس لیکھے لایا رَویِداس والا کنگنا، چمّ درِشٹی دِتی بدلائیا۔ اُس دا اِکو ڈنکا وجّنا، دو جہان کرے شنوائیا۔ جِس دی دھرم دھار دی ہوئے بندنا، بندگی اِکو اِک دِرڑائیا۔ آتم پرماتم دیوے انندنا، انند انند وِچوں وکھائیا۔ اوہ لہنا دینا موُل چُکائے کھنڈ برہمنڈنا، وربھنڈ دھیان لگائیا۔ جِس نِشان میٹنا تارا چندنا، صدی چؤدھویِں ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک بےپرواہیِا۔ دھرنی کہے میرا صاحِب اِکو، ایکنکار نظری آئیا۔ جِس دے مِلن دی ساچی سِکو، سِک اِکو اِک درسائیا۔ اُس دا لیکھا شبدی دھار لِکھو، اکھّر اکھّراں نال جُڑائیا۔ دو جہان اگمّی سِکھیا سِکھو، کرے کھیل اگمّا دُھر دا ماہیِا۔ دو جہان اپنا لہنا دینا نجِٹھو، بچیا رہن کوئے نہ پائیا۔ اُس دا بھانا منّنا سب نے کر کے مِٹھو، سِر سکے نہ کوئے اُٹھائیا۔ اُس دا جلوہ نوُر نوُرانہ تکّو انڈِٹھو، انُبھوَ درِشٹی ویکھ وکھائیا۔ میرے سجّن پیارے مِتو، مِترا دیاں جنائیا۔ پُرکھ اکال دیِن دَیال دا کرو ہِتو، ہِتکاری ہو کے کھوج کھوجائیا۔ جھوُٹھی کِریا کڈھو چتو، چِت وِت ٹھگؤری رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے میرا صاحِب سوُرا سربگ، ہرِ کرتا اِک اکھوائیا۔ جو کلجُگ کوُڑی کِریا میٹے اگّ، اگنی اگّ نہ کوئے تپائیا۔ ویکھنہارا سرِشٹی درِشٹی انتشکرن جگ، جاگرت جوت اِک ڈگمگائیا۔ مانَس مانَو مانُکھ ویکھے کگّ، چؤراسی وِچوں پھول

پھولائیا۔ جن بھگتاں درشن دیوے اُپر شاہ رگ، نوَ دوار دا ڈیرہ ڈھاہیِا۔ امرت دھار پیا کے مد، مدُھر دُھن دئے سُنائیا۔ سُرت شبد نہ رہے الگ، میل مِلائے سہج سُبھائیا۔ گھر کایا کعبے کرائے حج، حُجرہ اِکو اِک وکھائیا۔ جِتھے نوُر نوُرانہ دیِپک رہیا جگ، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک ہوئے سہائیا۔ دھرنی کہے میَں دسّنا حق سوامی، صاحِب سَتگُر دینا سُنائیا۔ میرے آد پُرکھ انترجامی، گھٹ گھٹ واسی تیری بےپرواہیِا۔ کلجُگ کوُڑی کِریا میٹ دے شامی، رَین اندھیری رہن کوئے نہ پائیا۔ شرع دی رہے نہ کوئے غُلامی، زنجیر بے نظیِر دینے کٹائیا۔ تیرا پیار دا ناتا مُحبّت وِچ ہووے عوامی، عام دا لہنا دینا جھولی دینا پائیا۔ تُوں شہنشاہ شاہ پاتشاہ سُلطانی، پاتشاہ اِک اکھوائیا۔ تیری منزل اِک روُحانی، روُح بُت کرنی انتشکرن صفائیا۔ تیرے پیار وِچ ستکار وِچ کرتار دینی پئے نہ کوئے قُربانی، کربلیاں والا روُپ نہ کوئے وِٹائیا۔ سچ سندیسہ نر نریشا دے دے اپنا بِنا زبانی، دُھر حُکم نال سمجھائیا۔ اوہ تک لےَ لیکھا اپنا اِنجیِل قرآنی، کایا کُرہے دھیان لگائیا۔ جِدھر ویکھے اُدھر نظر آئے بے اِیمانی، بیوہ روُپ ہوئی لوکائیا۔ ہر ہِردے اندر تک لےَ سَتگُر شبد پریشانی، سانتک سَت سَت وِچ نہ کوئے سمائیا۔ نؤ کھنڈ پرِتھمی اُتے دِسے نہ کوئے برہم گیانی، برہم وِدیا سمجھ کوئے نہ پائیا۔ دھرنی کہے میرے محبوُبا اپنی مِہربان کر مِہربانی، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک ہونا آپ سہائیا۔ دھرنی کہے میرے خالقے خلق خُدا، مخلوُقے عالم تیرا راہ تکائیا۔ میرے عالی جاہ شہنشاہ دِل رُبا، پاتشاہ تیری بےپرواہیِا۔ میری تیرے اَگے بِن سجدیاں دُعا، دؤلتوند کی تیری وڈ وڈیائیا۔ میرا لہنا تک لےَ میَں بھری پاپاں نال گُناہ، پتت پُنیِت نہ کوئے کرائیا۔ تُوں جلوہ گر نوُر الاہ، عالمیِن اِک اکھوائیا۔ میری بندنا سجدیاں وِچ تیرے اَگے دُعا، دو حرفی سَیہرفی چؤحرفی کھیل دینی مُکائیا۔ نوَ ستّ پھیرا آ کے پا، پاربرہم پربھ اپنا پندھ مُکائیا۔ لکھن کرؤچ پُشکر دیِپ آپ اُٹھا، جنبوُ سویا رہن کوئے نہ پائیا۔ تُوں سرِشٹی درِشٹی دا بن رہنُما، چار کُنٹ تیری وجےّ ودھائیا۔ میَں سندیسہ دیواں نال اِیماں، اِمام تیرا راہ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دھرنی کہے تُوں والی دو جہاں، دوہری تیری کھیل وکھائیا۔

۱۷ اَسوُ شہنشاہی سمت نؤ ہرِ بھگت دوار جیٹھوُوال تارا سِنگھ گگوبوُا دے نوِت

دھرنی کہے میرے اُتے پَوے ڈنڈ، ڈنڈاوت وِچ پربھ نوُں سیِس نہ کوئے نِوائیا۔ نیتر روون نوَ کھنڈ، نوَ دوار واسنا جگت ہلکائیا۔ پِھری دروہی وِچ وربھنڈ، چار کُنٹ دھیِرج دھیِر نہ کوئے رکھائیا۔ سَت ملِے نہ جیرج انڈ، اُتبُھج سیتج رنگ نہ کوئے رنگائیا۔ جِدھر تکاّں دِسے بھیکھ پکھنڈ، کوُڑی کِریا دیِن دُنی ہلکائیا۔ آتم پرماتم پائے کوئے نہ گنڈھ، ٹُٹیاں سکے نہ کوئے مِلائیا۔ میرے سیِنے انتر پائے کوئے نہ ٹھنڈ، اگنی تت نہ کوئے بُجھائیا۔ آتم پرماتم دھار ہوئی رنڈ، سُہاگی کنت نہ کوئے ہنڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کرائیا۔ دھرنی کہے میرا پیار دا رہیا نہ کوئے انند، انند وِچ نہ کوئے سمائیا۔ تُوں میرا میَں تیرا گائے کوئی نہ چھند، پاربرہم برہم وِچ نہ کوئے مِلائیا۔ نوُری جوت دِسے کِسے نہ چند، چند چاندنا ڈگ نہ کوئے مگائیا۔ دیِن دُنی ہوئی بھاگ مند، مند بھاگن دِسے لوکائیا۔ جگت جگیاسوُ ڈھولے گاؤندے بتّی دند، ہِردے ہرِ نہ کوئے وسائیا۔ بھرماں ڈھاہے کوئی نہ کندھ، دوَیتی شرع نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر اپنا ہتّھ رکھائیا۔ دھرنی کہے میرا انتشکرن سڑدا، دُکھی ہو کے دیاں جنائیا۔ ہرِجن ساچی منزل پربھوُ پیار کوئی نہ چڑھدا، اَدھواٹے دِسے لوکائیا۔ سچ دوار کوئی نہ کھڑدا، سچکھنڈ نہ کوئے وڈیائیا۔ تن وجوُد قِلعہ بنیا ہنکاری گڑھ دا، ہؤمے ہنگتا نہ کوئے مِٹائیا۔ تُوں میرا میَں تیرا ڈھولا کوئی نہ پڑھدا، سوہنگ شبد نہ سچ شنوائیا۔ بھیوَ کُھلے نہ چوٹی جڑ دا، چیتن سَت نہ کوئے سمجھائیا۔ جِدھر تکاّں دیِن مذہب لڑدا، نام کلمیاں والی دُہائیا۔ نوَ ستّ گڑھ بنیا ہنکاری گڑھ دا، سَت سچ وِچ نہ کوئے سمائیا۔ میَں نِگاہ ماری لہندا چڑھدا، دکھّن پہاڑ کھوج کھوجائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے میَں دُکھیِاں وِچوں جن بھگتاں کیِتی بھال، کھوجت کھوجت دھیان لگائیا۔ کوٹاں وِچوں لبھے گُرمُکھ لال، جِنہاں دِتی پربھوُ سرنائیا۔ اوہ ناتا توڑ گئے شاہ کنگال، اِکو رنگ اپنے انگ لگائیا۔ سَتگُر شاہ بنا دلال، وِچولا اِکو اِک جنائیا۔ پھل لگا کایا ڈال، پتّ ٹہنی آپ مہکائیا۔ جلوہ تک نوُر جلال، ظاہر ظہوُر نظری آئیا۔ کِرپا کرے پُرکھ اکال، ہرِ کرتا دُھردرگاہیِا۔ سچ وست دُھر دی دیوے نال، دو جہاناں سنگ بنائیا۔ نیڑ نہ آئے کال مہاکال، بھے بھیانک ویکھ وکھائیا۔ سچکھنڈ دوار بٹھائے سچّی دھرمسال، درگاہ

ساچی آپ سُہائیا۔ ناتا رہے نہ ترےَگُن مایا جگت جنجال، جاگرت جوت وِچ مِلائیا۔ نام پدارتھ کرے مالو مال، اتوٹ اتُٹ ورتائیا۔ جوتی جاتا پُرکھ بِدھاتا سَتگُر شبد سُہیلا ہووے نال، دو جہاناں وِچھڑ کدے نہ جائیا۔ دھرنی کہے میَں ویکھاں مُریِداں حال، جِنہاں اُتے مُرشد دَیا کمائیا۔ میری لیکھے لائے گھال، گھائل کیِتی جو اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں کرے آپ سنبھال، سمبل بہہ کے ویکھے تھاؤں تھائنیا۔

۲۲ اَسوُ شہنشاہی سمت نؤ فِروزپُر چھاؤنی گوال ٹولی نرِندر کؤر دے نوِت

اَسوُ کہے میرا پروِشٹا بائی، بائیبل وِچ بائیبل دھار یسوُہ گیا سمجھائیا۔ جِس صلیِب لےَ کے دِتی دُہائی، دو جہان کیِتی شنوائیا۔ میرا پِتا ابّا نوُر خُدائی، خالق خلق مخلوُق دھار سمجھائیا۔ جو لیکھا لہنا دینا پوُرا کرے واہو داہی، نوُر نوُرانہ اپنا پندھ مُکائیا۔ محمد لیکھا لِکھیا نال شاہی، قلم نال کائنات سمجھائیا۔ میرا اِمام اِماما دُھردرگاہی، مقامے حق کھیل کھِلائیا۔ جِس دا لیکھا دھرنی دھرت دھوَل چؤداں طبق ہر گھٹ تھائیں، دیِن دُنی دھیان لگائیا۔ مِہربان محبوُب بن گوسائیں، گوشے کونے پھول پھولائیا۔ نوُری االلہ عالمیِن بن کے راہی، رحمت رحم نال کمائیا۔ چار یار دین گواہی، شہادت کلمے والی بُھگتائیا۔ نانک نِرگُن دھار سرگُن گیا سمجھائی، شبدی شبد شبد شنوائیا۔ پُرکھ اکالا دیِن دَیالا اگمّ اتھاہی، الکھ اگوچر وڈ وڈیائیا۔ جِس نوُر جوت نرائن کیِتی رُشنائی، نِروَیر اپنا کھیل کھِلائیا۔ جو سوامی انترجامی ویکھنہارا تھاؤں تھائیں، دھرنی دھرت دھوَل دھؤل بھیوَ رہے نہ رائیا۔ جِس کھیل کھِلاؤنا گوبِند گوبِند گوبِند دھار ماہی، محبوُب نوُر نوُرانہ نظری آئیا۔ گوبِند سندیسہ دیوے میرا لہنا دینا لیکھا ویکھے سال ڈھائی، ڈھؤنکے وِچ اپنا پندھ مُکائیا۔ جِس کارن بوُٹا پُٹیا کاہی، کائنات کلوُ کل جڑ اُکھڑائیا۔ جِس ستھر یارڑے سیج وِچھائی، ماچھوُواڑے خوشی بنائیا۔ شبد شبدی شبد ڈنک گیا وجائی، زِمیں اسماناں دو جہاناں کر شنوائیا۔ جِس نے سب دا فاتحہ پڑھ کے فتح گجائی، فَیصلہ حق حق سُنائیا۔ سو لیکھا جانے مالک دُھردرگاہی، درگاہ ساچی مقامے حق سچکھنڈ نوُر رُشنائیا۔ اوہ جُگ جُگ لہنا دینا دیوے چائیں چائیں، چاؤ گھنیرا بھگتاں نال رکھائیا۔ آتم دھار پرماتم بن کے پِتا

مائی، پاربرہم برہم اپنی گود رکھائیا۔ امرت آتم رس نِجھر جھِرنیوں دئے جھِرائی، بوُند سوانتی کملاپاتی آپ ٹپکائیا۔ انحد شبد انادی دُھن دئے وجائی، اناہد اناہت اپنا راگ دِرڑائیا۔ دیِا باتی کملاپاتی نوُری جوت کرے رُشنائی، اندھ اگیان دئے چُکائیا۔ جو پُرکھ اکالا دیِن دَیالا ہرِجن پکڑ اُٹھائے پھڑ کے باہیں، سُرتی وِچ سویا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ اَسوُ کہے میرا پروِشٹا بیِس دو دی دھار، بائی اَنک نال وڈیائیا۔ کی کھیل کرے کرتا دُھر کرتار، قُدرت دا مالک دَیا کمائیا۔ سو پُرکھ نِرنجن ہووے آپ سہار، ہرِ پُرکھ نِرنجن سِر اپنا ہتّھ ٹِکائیا۔ ایکنکار دے ادھار، آد نِرنجن کرے رُشنائیا۔ ابناشی کرتا پاوے سار، سِری بھگوان ویکھے چائیں چائنیا۔ پاربرہم برہم ہو تیار، ترےَگُن دا لہنا دینا دئے مُکائیا۔ ساچے بھگتاں بخش چرن پیار، میل مِلاواں سہج سُکھدائیا۔ گھر سوامی ملِے ٹھاکر یار، ٹھوکر جگت نہ کوئے وکھائیا۔ جِس دی صِفت کاغذ قلم شاہی نہ لِکھنہار، انت کہن کِچھ نہ پائیا۔ سو گُرمُکھ سنت سُہیلے ویکھے وِگسے سنسار، سنساری بھنڈاری سنگھاری توں باہر دھیان لگائیا۔ جو ہِردے اندر کایا مندر دیِپک نوُر ہوئے اُجیار، جوتی جاتے ڈگمگائیا۔ تِنہاں دی پاوَنہارا سار، مہاسارتھی اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ اَسوُ کہے میرا بائیسواں پروِشٹا، دِوس راتی دھیان لگائیا۔ کی کھیل پربھوُ کرے وِچ سرِشٹا، سرِشٹی درِشٹی پردہ آپ چُکائیا۔ چاروں کُنٹ سَت دھرم دا ویکھے اِشٹا، اِشٹ دیوَ سوامی پردہ آپ چُکائیا۔ جن بھگتاں دھرم دا بخش دے اِک نِسچا، نِسچِت اپنے رنگ رنگائیا۔ اِکو اِکائی دا دسّ کے ہِندسا، زیِرو صِفر دے لہنے دینے دئے مُکائیا۔ جھگڑا رہے نہ جیؤ پِنڈ کا، پاربرہم پربھ اپنا میل مِلائیا۔ کھیل وکھا کے گُنی گہِند کا، گہر گمبھیِر بے نظیِر اپنے رنگ رنگائیا۔ جھگڑا میٹ کے کوُڑی کِریا چِند کا، چِنتا چِکھا نہ کوئے تپائیا۔ نام بھنڈارا امرت بخش کے ساگر سِندھ کا، گہر گمبھیِر گوَر آپ ورتائیا۔ جو مالک جگت جہاناں سِری بھگوانا نؤ کھنڈ پرِتھمی ستّ دیِپ لیکھا جانے ہِند کا، ہِند ہِندوَین دھیان لگائیا۔ اوہ وقت سُہنجنا کرے کوُڑ کُڑیاری نِند کا، چُغلی نِندیا کھوج کھوجائیا۔ اوہ سہارا بخشے جن بھگتاں جوتی دھار بِند کا، بِندرابن دا کاہن گیا سمجھائیا۔ اوہ لیکھا پوُرا کرے سُرپت راجے اِند کا، پیِر خواجہ نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری وڈیائیا۔ اَسوُ کہے میرا دِوس دِہاڑا چنگا، چنگی

طرح جنائیا۔ جن بھگتاں پوُریاں ہوون منگاں، منگتاں جھولی دے بھرائیا۔ سچ پیار دا بخش کے انندا، انند انند وِچوں سمجھائیا۔ جِس نِشان میٹنا تارا چندا، صدی چؤدھویِں کھوج کھوجائیا۔ جِس لیکھا پوُرا کرنا بُھکھا ننگا، غریِب نِمانیاں دیوے مان وڈیائیا۔ جِس دا شبدی دھار اگمّی پنجہ، پنج آب دی دھار پھول پھولائیا۔ اُس لہنا دینا پوُرا کرنا گوبِند دھار پُری انندا، انند انند وِچوں پرگٹائیا۔ جن بھگتاں میِت سُہیلا ہوئے بخشندا، رحمت اپنی آپ کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا لئے مِلائیا۔ اَسوُ کہے میَں دسّاں نال دھرم، مانَس مانَو مانُکھ ذاتی آپ دِرڑائیا۔ پربھوُ پیار انتشکرن دا اُچا کرم، نِہکرمی دیوے مان وڈیائیا۔ جھگڑا میٹنا ذات پات ورن برن، بھیوَ ابھیدا دئے کُھلائیا۔ سچ پریِتی دے کے سرن، سرنگت اِک دِرڑائیا۔ جن بھگتاں نیتر کھول کے ہرن پھرن، نِج لوچن نیَن کرے رُشنائیا۔ جھگڑا مُکا کے مرن ڈرن، چؤراسی وِچوں باہر کڈھائیا۔ جم کا دوُت نہ آئے پھڑن، سَتگُر شبد ہوئے سہائیا۔ ہرِجن بنّھ کے اپنے لڑن، پلّوُ اپنے گنڈھ بندھائیا۔ جگت مُکا کے بھےَ بھؤ ڈرن، بھیانک ہووے آپ سہائیا۔ جو سنت سُہیلے پربھ سرنائی لاگن سرن، چرن دھوُڑ خاک رمائیا۔ جھگڑا میٹ کے جنم مرن، مر جیِوت روُپ سمجھائیا۔ درگاہ ساچی سچکھنڈ دوارے منزل حقیِقی چڑھن، بھجّن واہو داہیِا۔ تُوں میرا میَں تیرا آتم پرماتم ڈھولا پڑھن، سَتگُر شبد وجدی رہے ودھائیا۔ سو سوامی سب دا جانے گھاڑن گھڑن، گھڑن بھنّنہار اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا لئے مِلائیا۔ اَسوُ کہے جن بھگتاں بھاگ متھن، میرا صاحِب سَتگُر دئے وڈیائیا۔ جِس دا پرکاش نوُر اگمّی چنّ، چنّ چاننے بَیٹھے نیَن شرمائیا۔ سو بھگت سُہیلا بیڑا دیوے بنّھ، سِر اپنا ہتّھ ٹِکائیا۔ دُھر دا گیِت سُنائے کنّ، اگمّی راگ جنائیا۔ مان دے کے تن وجوُد ماٹی خاک بُدھ مت من، منسا سب دی کھوج کھوجائیا۔ بھیوَ جنا کے آتم دھار برہم، پاربرہم پربھ میلا لئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچکھنڈ نِرگُن پُرکھ ابناشی ہوئے آپ سہائیا۔ اَسوُ کہے جن بھگتو میری ڈنڈاوت اِکو بندنا، بندگیاں والیو سیِس نِوائیا۔ جو سوامی دیوے نِج گھر انندنا، نِج آتم میل مِلائیا۔ تِس دا دوارا ضرور لنگھنا، حضوُر نوُں مِلنا چائیں چائنیا۔ جو سَت سروُپی چاڑھے رنگنا، کوُڑ کُڑیار دا ڈیرہ ڈھاہیِا۔ اوہدا لیکھا نہ ہووے مندنا، مند ہیِن نہ کوئے اکھوائیا۔ بھیوَ چُکائے کھنڈ برہمنڈ برہمنڈنا، برہمانڈ دا ڈیرہ ڈھاہیِا۔ جن بھگتاں

دیوے سُکھ انندنا، انند انند وِچوں جنائیا۔ ہرِجن چاڑھے سچ دی رنگنا، رنگت اِکو نام رکھائیا۔ بائی اَسوُ کہے میرا دھنّ بھاگ دِہاڑا دِوس جِس وِچ جن بھگتاں دا ہووے جمّنا، جنم جنم دا لیکھا پوُر کرائیا۔ کوُڑی ترِسنا ترِکھا رہے نہ تمنّا، تامس روُپ نہ کوئے بدلائیا۔ ہرکھ سوگ نہ کوئی ہووے غمنا، خوشیاں ونڈ نہ کوئے ونڈائیا۔ پربھوُ پیار وِچ اپنا انتشکرن بنھنا، دوُسر اوٹ نہ کوئے وکھائیا۔ گھر گھر وِچ پاؤنا انندنا، نِجا نند وِچ انند دئے وکھائیا۔ جن بھگتو پربھ چرن دھوُڑ سب توں اُتم سریشٹ مجنا، دُرمت میَل دھوائیا۔ بِن ہرِ کِرپا ملِے نہ گوپال موہن مدنا، مادھوَ نظر کِسے نہ آئیا۔ جِس سوامی جگت اِشارے نال کِسے نہیں سدّنا، سو سَتگُر ہووے آپ سہائیا۔ جو لیکھا جانے اعلیٰ ادنیٰ، غریِب نِمانیاں کوجھیاں کملیاں گلے لگائیا۔ اُس دا ڈنکا راؤ رنکاں وِچ اِکو وجّنا، واحد کلمہ کائنات کرے شنوائیا۔ دیِپک جوت نوُر نوُرانہ اِکو جگنا، تیل باتی دی لوڑ رہے نہ رائیا۔ سو پُرکھ اکالا دیِن دَیالا بھگت وچھل گِرور گِردھارا ایکنکارا پروردِگارا سانجھا یارا نوُر الاہ بے پرواہ جن بھگتاں لیکھےلاوے مات لوک وِچ جمّنا، اَگے جنم کرم دا لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ اَسوُ کہے میرا سوامی خالق خلق، نوُر نوُرانہ نؤجوانا اِک اکھوائیا۔ جو وسے گرِہ مندر ہر گھٹ انتر پِچھے پلک، پلکاں اوہلے ڈیرہ لائیا۔ اوہ ویکھنہارا پرکاش آکاش فلک، پروردِگار سانجھا یار نوُر الاہیِا۔ جِس دی جن سنتاں اندر اِکو جوت دی جھلک، جھاکیِاں ساریاں بند کرائیا۔ چرن دھوُڑ دا لا کے تِلک، جگت دی تِلکن بازی وِچوں باہر کڈھائیا۔ من دی منسا میٹ کے کُڑیار دھار نِندت، سَت سچ دئے سمجھائیا۔ اوہ لیکھا جانے چڑھدا لہندا دکھّن پہاڑ والی سِمت، دہ دِشا اپنا بھیوَ چُکائیا۔ گُرمُکھ گُرسِکھ پیاریاں سَتگُر شبد بخش کے ہِمّت، نام حؤصلے دئے ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ کھیل کہے میرا سوامی جُگ جُگ کھیلدا، کھیلنہار کرتار۔ جُگ جنم دے وِچھڑے شبدی دھار میلدا، سُرتی سُرت دے ادھار۔ جوت پرکاش دیِپک لیکھا بِن باتی تیل دا، نوُر نوُرانہ پاوے سار۔ جھگڑا مُکاوے لکھّ چؤراسی دھرم رائے دی جیل دا، جِس جن بخشے چرن پیار۔ گرِہ مندر سُہا نَویل دا، درگاہ ساچی دیوے گرِہ نیار۔ جِتھے لہنا دینا واحد ایکنکار اکیل دا، یکے بعد دیِگرے نظر کوئے

نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے ہرِجن ساچے سجّن سُہیل دا، صاحِب سوامی انترجامی گھٹ نِواسی پُرکھ ابناشی پاربرہم پت پرمیشور اپنی دَیا کمائیا۔

۲۴ اَسوُ شہنشاہی سمت نؤ پِنڈ جیٹھوُوال ہرِ بھگت دوار دلجیِت سِنگھ دے نوِت

دھرنی کہے میَں بھگت پیار بُھکھی، جُگ جُگ بھگتاں راہ تکائیا۔ بھاگ لگاوَن میری کُکھی، میَنوُں ملِے مان وڈیائیا۔ میرا انتشکرن رہے نہ دُکھی، دُکھ دلِدر ڈیرہ ڈھاہیِا۔ میرا اُجل ہووے مُکھی، ہرِجن ویکھاں چائیں چائنیا۔ جِنہاں دا لہنا مکُے اُلٹی کُکھی، اگنی تت نہ کوئے تپائیا۔ میَں سد سُکھّنا رہی سُکھی، پربھ چرن سیِس جھُکائیا۔ میرے صاحِب اپنیاں بھگتاں منزل کرنی اُچی، اُچ اگمّ دینی وڈیائیا۔ میری ماٹی خاک ہووے سُچی، سچ سنجم نال مِلائیا۔ میری گنڈھ پَوے جن بھگتاں تیریاں پُتیں، جُگ جُگ جِنہاں دے نام دی وجدی رہے ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری وڈیائیا۔ دھرنی کہے پربھ میرے گہر گمبھیِرا، سَتگُروُ تیری سرنائیا۔ میرے سوامی دُھر دے پیِرا، پیِرن پیِر تیری وڈیائیا۔ تیرا بھگت سُہیلا میَں ویکھاں جگت ہیِرا، ہرِجن ساچا سوبھا پائیا۔ جِس نوُں امرت تیرا مِلیا رس نیِرا، امیوں رس دِتا چوائیا۔ میَنوُں سندیسہ دے کے گیا کبیِرا، شبدی شبد دِرڑائیا۔ دھرنیئے دھوَلے رکھیِں دھیِرا، سنتوکھ نال جنائیا۔ تکّیں نال اپنی نظیرا، بےنظیِر وکھائیا۔ جِس نے تیری بدلنی تقدیِرا، کلجُگ کوُڑی کِریا میٹ مِٹائیا۔ نام کھنڈا پھڑ شمشیِرا، شرع دے لیکھے دئے چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری بےپرواہیِا۔ دھرنی کہے میرے سوامی تیرے بھگتاں تکاّں راہ، بِن نیَناں نیَن اُٹھائیا۔ میَں ویکھاں تھل اسگاہ، سمُند ساگراں کھوج کھوجائیا۔ کوَن ویلا ہرِجن تیرا جائے آ، لوک مات لئے انگڑائیا۔ میرے سیِنے چرن دئے ٹِکا، قدم قدم نال بِگسائیا۔ میَں خوشیاں وِچ پِھراں نال چاء، چاؤ گھنیرا اِک درسائیا۔ دھنّ بھاگ میرے اُتے تیرے لیَنگے تیرا ناں، ناؤں نِرنکارا تیرا گائیا۔ جِنہاں جھگڑا نہیں سوُر تے گاں، آتم پرماتم مِل کے وجےّ ودھائیا۔ تیرا دھرم نِشانہ دین جھُلا، چارے کُنٹ کُنٹ وکھائیا۔ میری آد پُرکھ ایہو دُعا، پروردِگار تیری سرنائیا۔ تُوں بھگتاں پِچھے میرے

اُتے جاویں آ، نِرگُن سرگُن روُپ پرگٹائیا۔ میرا انتم لہنا دینا دئیں مُکا، کلجُگ کِریا کوُڑ رہے نہ رائیا۔ تُوں سوامی مالک اِک خُدا، پاتشاہ اگمّ اتھاہیِا۔ تیرے نالوں نہ ہوواں جُدا، جُز وکھّرا ونڈ نہ کوئے ونڈائیا۔ میرے سوامی رہنُما، رحمت اپنی دینی کمائیا۔ تیرے چرن کوَل میَں سیِس دیواں نِوا، جھُک جھُک لاگاں پائیا۔ تُوں بھگتاں ہونا آپ سہا، سہائک تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ایکو بخشنی سچ سرنا، سرنگت اِکو اِک رکھائیا۔

۲۶ اَسوُ شہنشاہی سمت نؤ ہرِ بھگت دوار جیٹھوُوال دلیِپ سِنگھ گگوبوُا دے نوِت

دھرنی کہے میرے نِرنکار، سِرجنہار تیری سرنائیا۔ چرن کوَل جاواں بلہار، بلہاری بَل اپنا آپ رکھائیا۔ تُوں شاہ پاتشاہ شہنشاہ سِرجنہار، سِر سِر رِزق سبائیا۔ جُگ چؤکڑی کھیل اپار، اپرمپر تیرے ہتّھ وڈیائیا۔ جن بھگتاں کرے پیار، بھگت سُہیلا اِک اکھوائیا۔ جو تیرے نام دا کرن جَیکار، دیِن دُنی جگت دِرڑائیا۔ تیری دھوُڑی لاون چھار، چرناں خاک رمائیا۔ سَتجُگ تریتا دواپر کلجُگ ناتا جوڑنا وِچ سنسار، سنساری بھنڈاری سنگھاری ویکھ وکھائیا۔ قُدرت دے قادر سانجھے یار، مؤلا میرے اگمّ اتھاہیِا۔ میری کوجھی کملی دی سُن پُکار، رو رو دیاں سُنائیا۔ نوَ ستّ دھوُاں دھار، ساچا چند نہ کوئے چمکائیا۔ بِن تیرے بھگتاں تیرا نام سکے نہ کوئے اُچار، ہِردے سکے نہ کوئے وسائیا۔ میَں ہوئی بڑی دُکھیار، دُکھاں بھری لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ چڑھائیا۔ دھرنی کہے پربھوُ جن بھگتاں رنگ چاڑھ دے گوُڑھا، گوبِند تیری اِک سرنائیا۔ چتُر سُگھڑ بنا کے موُرکھ موُڑھا، مِہربان مِہر نظر اُٹھائیا۔ دُھر دا جلوہ دے دے نوُرا، اندھ اندھیرا رہے نہ رائیا۔ جن بھگتاں اپنا پریم بخش دے پوُرا، پوُرن سَتگُر ہو سہائیا۔ جو تیرا نام کرن مشہوُرا، چاروں کُنٹ ڈنک سُنائیا۔ تُوں لیکھا تک لےَ موُسیٰ نال کوہ طوُرا، تُریا دے مالک اپنا پردہ لاہیِا۔ سَت سوامی ہو کے حاضر حضوُرا، حضرتاں دے حضرت سِر میرے ہتّھ رکھائیا۔ میَں تیری داسی سد مزدوُرا، جُگ جُگ سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا لیَنا مِلائیا۔ دھرنی کہے پربھوُ جن بھگتاں اندر بخش دے

سانت، اگنی تت نہ کوئے تپائیا۔ ایہہ ساڈھے تِنّ ہتّھ تیرا پرانت، حِصّہ ونڈ نہ کوئے ونڈائیا۔ آتم پرماتم جوڑ دے نات، چُھٹکی لِو دے لگائیا۔ اندروں میٹ اندھیری رات، نوُری چند کر رُشنائیا۔ سَت سچ سُنا دے گاتھ، ڈھولا دُھردرگاہیِا۔ تُوں مِہربان پُرکھ سمراتھ، پرم پُرکھ اِک اکھوائیا۔ میَں نِمانی ناتھ اناتھ، دینن ہو کے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میری جھولی دے بھرائیا۔ دھرنی کہے میرے گہر گمبھیِر ساگر سِندھ، تیری دھار بےپرواہیِا۔ امرت بخش اگمّی بوُند نیتر وگے کوئے نہ ہِنجھ، ہنجھوُاں ہار نہ کوئے بنائیا۔ ہرِجن بنا اپنی بِند، بِندوُ اپنی لےَ پرگٹائیا۔ جن بھگتاں میٹ دے چِند، چِنتا چِکھا دینی گوائیا۔ تُوں داتا گُنی گہِند، گہر گوَر تیری وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ دھرنی کہے پربھوُ جن بھگتاں تیرا آد جُگادی ساک، سجّن اِک اکھوائیا۔ تن وجوُد کردے پاک، پتت پُنیِت دے بنائیا۔ درشن دے کے آپ، اپنا رنگ رنگائیا۔ تُوں میرا میَں تیرا سوہنگ ہووے جاپ، دوُجی اوَر نہ کوئے پڑھائیا۔ جگت میٹ کے تیِنو تاپ، ترےَگُن دا ڈیرہ ڈھاہیِا۔ ساچی وست دے کے اپنے ہاٹ، تن خزانہ دینا بھرائیا۔ جو سنت سُہیلے بھگت تیرے در پُجے مار کے واٹ، اپنا پندھ مُکائیا۔ جنم کرم دی پوُری کرنی گھاٹ، سِر اپنا ہتّھ ٹِکائیا۔ سِنگھ دلیِپ بخشنی شانت، امرت آتم جام پیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا درشن ہووے اِک اِکانت، گھر سوامی گرِہ مندر اندر نظری آئیا۔