۲۰ مگھّر شہنشاہی سمت نؤ جموں شہر انگریز سِنگھ دے گرِہ
مایا کہے میَں جوبن ونتی اگمّی سُنکّھی، جگ نیتر لوچن نیَن نظر کِسے نہ آئیا۔ نؤ کھنڈ پرِتھمی ستّ دیِپ میَنوُں ویکھے کوئی نہ اکھّیں، اکھّراں وِچ میرے ڈھولے گائیا۔ صِفت صالاح میرے صاحِب سوامی انترجامی گھٹ نِواسی پُرکھ ابناشی اپنے حُکم وِچ رکھی، جُگ چؤکڑی دھرنی دھرت دھوَل دھؤل اُتے سیو کمائیا۔ بودھ اگادھ شبد انادی نال میَنوُں سِکھیا اگمّ دسّی، دہ دِشا توں باہر کیِتی پڑھائیا۔ میَں گرِہ گرِہ مندر گھر گھر جگت جگیاسوُاں وسی، تن مندر اندر ڈیرہ لائیا۔ میَں خوشی غمی توں باہر سدا کھِڑ کھِڑ ہسّی، ہستی تک کے بےپرواہیِا۔ میری دھار کِسے کولوں جائے نہ متھی، متھن کر نہ کوئی وکھائیا۔ میَں اِکو صاحِب دے ستھر لتھی، شاہ سُلطانا جو اکھوائیا۔ میَں اُس دے چرنی ڈھٹّھی، جِتھے ملِے مان وڈیائیا۔ میَنوُں کوٹن کوٹ کر کے گئے اِکٹّھی، انت خالی ہتّھ وکھائیا۔ میَں دِوس رَین پِھراں نَٹھی، شاہ سُلطاناں ویکھ وکھائیا۔ دروہی میری انتم منزل ٹپّی، صدی چؤدھویِں دئے گواہیِا۔ میَں اوتار پَیغمبراں والی پڑھی پٹّی، حرف
حروُفاں ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی اگمّ اتھاہیِا۔ مایا کہے میَں سب توں دِساں سُچجیّ، گُنونت اکھوائیا۔ میری ترِسنا کدے نہ رجّی، سانتک سَت نہ کوئے کرائیا۔ میری جُگ جُگ جوت جگی، چاروں کُنٹ ڈگمگائیا۔ میری دھار ویکھ لؤ بگّی، دوُسر رنگ نہ کوئے رنگائیا۔ میری اگنی گھر گھر لگّی، دیِن دُنی نہ کوئے بُجھائیا۔ میَں اپنی خُماری وِچ مدھی، مست مستانی روُپ بنائیا۔ میَں ناچ ویکھنا چؤدھویِں صدی، صدقے واری گھول گھُمائیا۔ میَں دیِن دُنی من کلپنا کرنی لبی، لوبھ موہ ہنکار وِچ پھسائیا۔ میَں سب دے لوُں لوُں رچنا ہڈّی، باہر سکے نہ کوئے کڈھائیا۔ شاہ سُلطاناں لگّن نہیں دینی اڈّی، چوٹیِاں سب دیِاں دیاں منائیا۔ کِرپا کرے میرا سوُرا سربگی، میَنوُں دیوے مان وڈیائیا۔ میَں کِسے نوُں درشن کرن دینا نہیں اُپر شاہ رگی، پُرکھ اکال مِلن کوئے نہ پائیا۔ چاروں کُنٹ میری اندھیری وگی، ہُلارا دو جہان رکھائیا۔ میرا مالک نوُر الاہی ربّی، یامبیِن اوٹ تکائیا۔ میَں سب دی ویکھنی انتم حدی، حدوُداں پھول پھولائیا۔ میَں کوُڑ کُڑیارے بھار نال لدّی، بوجھل ہو کے دیاں سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ مایا کہے میَں آد جُگادی ایک روُپ، دُتیا رنگ نہ کوئے بدلائیا۔ میرا مالک شاہو بھوُپ، شہنشاہ دُھردرگاہیِا۔ جِس میَنوُں دِتی سوُجھ، سمجھ دِتی سمجھائیا۔ میَں اُس دے چرناں جاواں جھوُج، جو سچکھنڈ نِواسی اِک اکھوائیا۔ جِس دی منزل حق مقصوُد، رہبر نوُر الاہیِا۔ جو ہر تھاں دِسے مؤجوُد، بَیٹھا سوبھا پائیا۔ اُس میَنوُں مان دِتا کایا پنج بھوُت، تتاں وِچ اپنا تت مِلائیا۔ میَں وساں چارے کوُٹ، دہ دِشا ویکھ وکھائیا۔ میرا ناتا نال جوُٹھ جھوُٹھ، کلجُگ جیِواں رنگ رنگائیا۔ میَں موہ وِکارے جھوُٹا رہی جھوُٹ، ممتا نال ہلکائیا۔ میرا اِکو تانا پیٹا سوُت، دوُسر ونڈ نہ کوئے ونڈائیا۔ میَں سَت دھرم نوُں سب دے ہِردیوں کر دیاں کوُچ، کوُچا گلی رہن کوئے نہ پائیا۔ کلجُگ کوُڑ کُڑیارا میرا ساتھی اودھوُت، سگلا سنگی سوبھا پائیا۔ سب دے بھانڈے خالی کر کے ٹھوُٹھ، ساڈھے تِنّ ہتّھ دِتے وکھائیا۔ آتم پرماتم ناتا گیا ٹوُٹ، پاربرہم برہم میل نہ کوئے مِلائیا۔ گُر چیلیاں رہن نہیں دِتا سلوُک، پِتا پوُت دِتے لڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ مایا کہے میری جوبن ونتی جوانی، آیوُ سمجھ کِسے نہ آئیا۔ میری منزل اِک روُحانی، روُح بُت توں باہر جنائیا۔ میرا کھیل اگمّ مہانی، خلق سمجھے موُل نہ رائیا۔ میَں اپنے گرِہ دی
رانی، رعیّت دیِن دُنی ویکھ وکھائیا۔ میرا سنگی منوُآ سب دا بانی، میرے انیالے تیِر چلائیا۔ میَں جھگڑا ویکھاں چارے کھانی، انڈج جیرج اتبُھج سیتج پھول پھولائیا۔ میَں چار جُگ دے شاستراں تکّی بانی، بھیوَ ابھیدا اپنا آپ چُکائیا۔ میَں کدے نہ بناں نِمانی، نِمرتا روُپ نہ کوئے بنائیا۔ میَں حُکم دی حُکمرانی، جُگ جُگ کھیل کھِلائیا۔ میَں جھگڑے پاواں جیِو پرانی، آپ اپنا رنگ رنگائیا۔ میرے پیار وِچ سادھ سنت سُرت ہووے مستانی، نام خُماری رہن کوئے نہ پائیا۔ میَں دھرم دواریاں جوُہ دسّاں بیگانی، سچ گرِہ نظر کوئے نہ آئیا۔ میرا وقت جگت بڑا طوفانی، شؤہ دریا دئے رُڑھائیا۔ صدی چؤدھویِں میَں ہر ہِردے وسائی بے اِیمانی، بیوہ روُپ ہوئی لوکائیا۔ پوِتر رہیا نہ کوئی جِسم جِسمانی، ضمیِر امیِر غریِب گئے بدلائیا۔ چتُر بُدھی دی رہی نہ کوئی بِدمانی، بُدھ بِبیک نہ کوئے رکھائیا۔ میَں نؤ کھنڈ پرِتھمی ستّ دیِپ دھرتی اُتے کیِتی پریشانی، پیشانی سب دی ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا شاہ پاتشاہ شہنشاہ سُلطانی، شاہ پاتشاہ اپنا حُکم حُکم حُکم وِچوں ورتائیا۔
۲۰ مگھّر شہنشاہی سمت نؤ سیئی کیمپ ضِلع جموں تیج بھان دے گرِہ
مایا کہے میَں سَت ستوادی ہوئی تیار، ترےَگُن اتیِتے دِتی وڈیائیا۔ میرا وِشن برہما شِو نال پیار، بِن نیتر نیَناں ویکھاں چائیں چائنیا۔ حُکم سندیسے سُنا اگمّی دھار، شبدی شبد شبد شنوائیا۔ میَنوُں کیِتا خبردار، بِن لوچن اکھّ کُھلائیا۔ میَں نِو نِو کراں نِمسکار، بِنا ڈنڈاوت سیِس جھُکائیا۔ میَں بیننتی کیِتی عرض گُزار، سَت سچ سُنائیا۔ کی حُکم میری سرکار، سہج دینا سُنائیا۔ سندیسہ مِلیا نال پیار، مُحبّت وِچ سُنائیا۔ تیرا سمجھے نہ کوئے وِستھار، اُچا لما چؤڑا قد نظر کِسے نہ آئیا۔ تُوں پِھرنا وِچ سنسار، بھجّنا واہو داہیِا۔ تیرا تتاں نال اُدھار، پنچم ملِے وڈیائیا۔ تُوں لکھّ چؤراسی پاؤنی سار، سگلا سنگ بنائیا۔ تُوں سدا رہیں جُگ چار، اپنا روُپ انوُپ درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میرا کھیل کھِلائیا۔ مایا کہے میَں نہ وڈّی نہ چھوٹی، پربھوُ دِتی مان وڈیائیا۔ میری
سمجھے جڑ نہ کوئی چوٹی، چوٹی ہو کے اپنا رنگ رنگائیا۔ میَں ویس وٹاواں کوٹن کوٹی، انگِنت روُپ بدلائیا۔ میرا بستر نہ لہِنگا نہ دھوتی، کپّڑ نظر کوئے نہ آئیا۔ میَں نِرگُن دھار پرگٹ ہوئی وِچوں جوتی، جوتی جاتے دِتی وڈیائیا۔ میَں آد پُرکھ دی بیٹی اِک اِکلوتی، اکل کل دھاری میرا روُپ درسائیا۔ میَں آلس نِندرا وِچ کدے نہ سوتی، غفلت روُپ نہ کوئے دِرڑائیا۔ میَں ہار شِنگار کراں نہ نال موتی، کنچن گڑھ نہ کوئے پوائیا۔ ہتّھ پھڑاں کوئی نہ سوٹی، سوُٹ بوُٹ نہ کوئے سجائیا۔ میرے سیِس دِسے کوئی نہ ٹوپی، بندھن بندھ نہ کوئے جنائیا۔ ہتّھ پھڑاں کوئی نہ لوٹی، لُٹیِا سنگ نہ کوئے رکھائیا۔ میرا حِصّہ نہیں کوئی کایا بوٹی، رَکت بوُند نہ کوئے جنائیا۔ میرا دیِن مذہب ذات نہیں کوئی گوتی، ورناں وِچ کدے نہ آئیا۔ میری مت نہیں کوئی ہوچھی، ہوچھا روُپ نہ کوئے درسائیا۔ میری کرنی میَنوُں دِسے موُل نہ دوشی، دوش سکے نہ کوئے لگائیا۔ میَں اِکو گلّ سوچی، بِنا سمجھ توں سمجھ بنائیا۔ میَنوُں اِک اِشارہ دِتا رَویِداس چمارے موچی، سہج نال دِرڑائیا۔ نی مایا تُوں بھگت دوارے ہوویں کھوٹی، تیری قیِمت نہ کوئے رکھائیا۔ پھیر میَں ہتّھ رکھ لیا اُتے ٹھوڈی، سوچاں وِچ اپنا آپ ڈُبائیا۔ جِس نال بنائے کسیِرے وِچوں کؤڈی، کنگنا رنگ رنگائیا۔ جِس اِشارہ دِتا ویدی سوڈھی، میری سمجھ دِتی بدلائیا میَں اُٹھی ہتّھ رکھ کے اُتے گوڈی، بلہیِن لئی انگڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر مالک بےپرواہیِا۔ مایا کہے میَں آد دی جوبن ونت، نوُر ظہوُر اِک چمکائیا۔ جُگ چؤکڑی میَنوُں مِلیا کوئی نہ کنت، سیج سُہنجنی نہ کوئے وڈیائیا۔ میَنوُں وِدیا دِتی کِسے نہ پنڈت، اکھّریں اکھّر نہ کوئے پڑھائیا۔ میَں ویکھے جیرج انڈج، اُتبُھج سیتج دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا آپ چُکائیا۔ مایا کہے میرے پربھ نے میری بنائی بنت، گھڑن بھنّنہار دِتی وڈیائیا۔ میرا لیکھا کوئی نہ جانے انت، انتشکرن وِچ کِسے نہ آئیا۔ میرا سمجھے کوئی نہ منت، منتوَ حل نہ کوئے کرائیا۔ میَں کھیل کھیلاں وِچ جیِو جنت، جُگ جُگ اپنی کھیل وکھائیا۔ میرا روُپ انوُپا اننت، گِنتی گِنت نہ کوئے گِنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سِر میرے ہتّھ ٹِکائیا۔ مایا کہے میَں آد آد دی کواری، بن کنّیا کائنات کھیل کھِلائیا۔ میری سب دے نال یاری، یارانہ سکے نہ کوئے تُڑائیا۔ میَتھوں بچ سکیا کوئے نہ بلکاری، یودھا نظر کوئے نہ آئیا۔ میَں سنگ رکھایا نال پَیغمبر گُر اوتاری، طرح طرح دا اپنا روُپ بدلائیا۔ میَنوُں حُکم مِلدا رہیا سچّا سرکاری،
شہنشاہ دِتی وڈیائیا۔ سَتگُر شبد دی کردی رہی تابعداری، نِو نِو سیِس نِوائیا۔ شاہ سُلطاناں ماردی رہی ماری، مر جیِوت روُپ نہ کوئے بدلائیا۔ میَتھوں بچیا رہیا نہ کوئی نر ناری، نر نرائن میَنوُں دِتی وڈیائیا۔ میَنوُں شاہ کنگال کردے رہے پیاری، مُحبّت وِچ میرے اَگے جھولی ڈاہیِا۔ گھر دیِپک جگا پھیردے رہے بہاری، سوہنا صاف سُتھرا تھان سُہائیا۔ میَں ہسدی رہی مار کے تاڑی، بِن ہتّھاں تال بنائیا۔ جگیاسوُاو میَں بنی نہیں جُگ چؤکڑی کِسے دی لاڑی، لاڑا کنت نہ کوئے بنائیا۔ میَں کھیل کھِلاوَندی رہی جنگل جوُہ اُجاڑ پہاڑی، ٹِلیاں پربتاں ویکھ وکھائیا۔ میَں اگّ لگاؤندی رہی ناڑ ناڑی، ترِسنا کلپنا کر ہلکائیا۔ میَں شہنشاہ جگت دی آپے پِھراں پِچھے اَگاڑی، راج راجاناں اِشاریاں نال جنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا اِک اکھوائیا۔ مایا کہے میرا بِن تتاں توں سُہنجنا بُت، بُتخانیاں وِچ نظر کِسے نہ آئیا۔ میری سب توں اُتم سریشٹ مؤلے رُت، رُتڑی اپنی آپ مہکائیا۔ میَنوُں وڈیائی دِتی ابناشی اچُت، چیتن دِتی کرائیا۔ میرا پردہ اوہلا نہیں کوئی لُک، سنمُکھ سب نوُں نظری آئیا۔ میَں مری نہیں تے جمّی نہیں کِسے دی کُکھ، جننی گود نہ کوئے ٹِکائیا۔ ہرکھ سوگ نہیں کوئی دُکھ، ناتا دیِن دُنی نہ کوئے بنائیا۔ میَں اپنا آسن جِدھر چاہواں اُدھر لواں چُک، چاروں کُنٹ ڈیرہ لائیا۔ کِسے نوُں شاہ بناواں کِسے دے گھر وکھاواں بُھکھ، ایہہ میری بےپرواہیِا۔ میرے چاکر جُگ چؤکڑی بن دے رہے منُکھ، نِو نِو لاگن پائیا۔ میَنوُں پھڑیا کِسے نہیں ہتّھیں گُٹ، سگلا سنگ نہ کوئے اٹکائیا۔ میَں جگت جہان پا کے لُٹ، لُٹیرے شاہ سُلطاناں دیاں وکھائیا۔ میَں راج راجاناں خالی کرا کے ٹُھٹھ، گھر گھر بِھکھیا دیاں منگائیا۔ مایا کہے جن بھگتو میرے پیار وِچ کوئی پربھوُ نالوں جائیونہ رُس، رسیِاں سکے نہ کوئے منائیا۔ میَنوُں مان دِتا اُس، جِس دی اُستت وِچ سارے ڈھولے گائیا۔ تُسیں سدا اُس دی یاد وِچ رہنا خوش، خوشیاں رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا لیکھا کُچھ دا کُچھ، اوَر دا اوَر اپنا حُکم ورتائیا۔
۲۱ مگھّر شہنشاہی سمت نؤ سیئی کیمپ ضِلع جموں ہردیو سِنگھ دے سریِر چھڈن نوِت
مایا کہے میرے اُتے کِرپا کیِتی پُرکھ ابناش، ابناشی کرتے دِتی وڈیائیا۔ مان تان بخشیا بِنا سریِر لاش، جمّن مرن توں باہر دِتی وڈیائیا۔ میَں کھیل کھیلیا شنکر نال کَیلاش، پاربتی پرم روُپ درسائیا۔ گنیش بالا دے وِشواس، وِشوَ دی کار کمائیا۔ میَں برہما کر اُداس، سُرستی اُتے اکھّ دِتی بدلائیا۔ میَں دسّ کے کھیل تماش، وِشنوُں لکشمی سوہنی ونڈ ونڈائیا۔ میَنوُں سارے کردے رہے تلاش، میَں ہتّھ کِسے نہ آئیا۔ میَں پِھری اشٹبُھجا دے پاس، سوہنا روُپ بنائیا۔ سِنگھ ناؤں میرا خاص، بلدھاری وڈ وڈیائیا۔ شاہ سُلطاناں کیِتا ناس، خاکی خاک مِلائیا۔ میَں رام رمئیا سئیا سیِیا پِھرایا وِچ بنواس، ایہہ میری بےپرواہیِا۔ میَں راون کر اُداس، لنکاپتی دِتا بھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ وکھائیا۔ مایا کہے میریِاں پٹّیاں کِسے نہ لِکھیاں، لیکھا انت نہ کوئے جنائیا۔ میَں رسنا بدلا دِتی سپتس رِکھیِاں، بھاردواج دئے گواہیِا۔ میَں جگت جہان دیِاں بدل دِتیاں تِھتیاں، تِھت وار نہ کوئے وڈیائیا۔ میَں سُہاگناں دُہاگناں کیِتیاں بِنا پتیِاں، کنت نظر کوئے نہ آئیا۔ میَں دھرم دی دھار ویکھیِاں ستیِاں، سَت ستواد ونڈ ونڈائیا۔ میَں اوتاراں نیَن مٹکائے اکھّیِاں، لوچن نال مِلائیا۔ میَں کاہناں نال نچائیاں سخیِاں، گھُنگٹ مُکھ نہ کوئے جنائیا۔ میَں بُدھیِواناں اُلٹیاں کیِتیاں متیِاں، کؤرو پانڈو چلی نہ کوئے چتُرائیا۔ میَں کنّیں سُہاگ دیاں پا کے نتیِاں، بُندے خوشیاں والے لمکائیا۔ میَں سیِس دیِاں واہ کے چھتّیِاں، پٹّیاں لئیاں بدلائیا۔ میَں اپنے جوبن دے وِچ رتّیاں، جوانی اپنی آپ ہنڈھائیا۔ میَں ویکھیاں جگت جہان دیاں ہٹّیِاں، چاروں کُنٹ پھول پھولائیا۔ میرا کھیل بازی گر نٹیِاں، نٹنی ہو کے بھجّاں واہو داہیِا۔ میَں راج راجاناں بھراواں چٹّیِاں، سِر سکے نہ کوئے اُٹھائیا۔ میَں عاشقاں معشوُقاں دیِاں روُحاں پھٹّیِاں، پھٹّڑ کیتے وِچ لوکائیا۔ میَں پَیغمبراں دیِاں جوُہاں ٹپّیِاں، لالچ مذہباں والے پائیا۔ میَں سُہاگناں دُہاگناں کر کے اِکٹّھیِاں، اِکو گرِہ ویکھ وکھائیا۔ میرا روُپ نہ سوہنا نہ گھٹیِا، گھاٹا وادھا نظر کوئے نہ آئیا۔ میَں گُروُآں بہایا اُتے لوحاں تتیِاں، اگنی تت تپائیا۔ میَں دُراچاراں دے کے متیِاں، مت متوالی دِتی کرائیا۔ میَں بالیاں دیِاں لاشاں نیہاں ہیٹھاں رکھیِاں، اَگے ہو نہ کوئے بچائیا۔ میَں کتھا کہانیاں دسّاں سچّیِاں، سچ سچ دِرڑائیا۔ میَں جگت جہان پِھراں نسّیِاں، بھجّاں واہو داہیِا۔ میَں سب دے گل وِچ پائیاں رسّیِاں، پھاسی سکے نہ کوئے کٹائیا۔ میَں دُدھوں
چھاچھ وِرولی لّسیِاں، سچ رہن کوئے نہ پائیا۔ میرے وِچھوڑے وِچ امیِراں پیِندیاں غسیِاں، بُھکھے روون مارن دھاہیِا۔ میرے وَیراگ وِچ سُک کے ہو گئے پچھیِاں، پچھچاتاپ وِچ لوکائیا۔ میَں سچ گلّاں کِسے نہ دسّیِاں، جُگ چؤکڑی نہ کوئے سمجھائیا۔ میریِاں کھیلاں سب نوُں لگدیِاں اچھیِاں، پنچ وِکارے نال میری وجدی رہے ودھائیا۔ جگت جگیاسوُ میرے وِچھوڑے وِچ تڑپھن وانگ مچّھیِاں، امرت جل تال نہ کوئے بھرائیا۔ میَں دیِن دُنی نوُں ویکھ کے سدا کھِڑ کھِڑ ہسّی آں، بِنا بُلاں دنداں توں اپنی خوشی بنائیا۔ سچ پُچھو اِک پربھوُ دے حُکم وِچ وسی آں، دوُسرا وصل یار نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں دیوے شبد دھار دیِاں متیِاں، جِتھے میری مت دی چلے نہ کوئے چتُرائیا۔
۲۱ مگھّر شہنشاہی سمت نؤ سیئی کیمپ ضِلع جموں شِو سِنگھ دے گرِہ
مایا کہے میَں آد دی پتی-برت، پت پرمیشور اِک ہنڈھائیا۔ میَں جُگ چؤکڑی کھیل کھیلے اُتے دھرت، دھرنی دھوَل دھؤل خوشی بنائیا۔ میَں سَتجُگ تریتا دواپر کلجُگ آؤندی رہی پرت، پرتیندھ اوتار پَیغمبر گُروُ نال رکھائیا۔ میری سب دے نال شرط، شرع شریِعت رنگ رنگائیا۔ نِگاہ مارو فرش عرش، دو جہان دھیان لگائیا۔ میرا سب دے جمُےّ قرض، مقروُض دیاں وکھائیا۔ میری سب نوُں دیندے غرض، غرضیکہ میَں اپنی غرض نہ کوئے رکھائیا۔ میرے بِنا سب دا ہووے حرج، حرجانے پوُر نہ کوئے کرائیا۔ میَں سب دی ونڈاں درد، دُکھیِاں ہوواں سہائیا۔ میرے اَگے سارے کردے عرض، آرزو بیننتیِاں وِچ سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنا کھیل کھِلائیا۔ مایا کہے میَں آد جُگاد اگمّی پتنی، نِرگُن سرگُن ونڈ نہ کوئے ونڈائیا۔ میَں جڑاؤ نہیں کوئی رتنی، ہیِریاں سنگ نہ کوئے بنائیا۔ میَں ہوئی نہیں کدے بے وطنی، وطن اپنا اِک سُہائیا۔ میری گود ہوئی کدے نہیں سکھّنی، جُگ جُگ اتُٹ بھنڈار رکھائیا۔ میری جگت جہان لگدّی رہی اگنی، تتو تت تپائیا۔ میَں چاڑھدی رہی رنگنی، رنگت رنگ رنگائیا۔ میری کِسے دے نال ہوئی
نہیں منگنی، مانگت ہو نہ جھولی پائیا۔ میَں تیِرتھ تٹاں کیِتا نہیں کوئی مجنی، سرووراں وِچ تاریِاں کوئے نہ لائیا۔ نیتر پایا نہیں کوئی انجنی، کجّل دھار نہ کوئے وکھائیا۔ میرا میلا نال جوت نِرنجنی، نِروَیر پُرکھ جو اکھوائیا۔ جِس دا کھیل سدا دُکھ بھنجنی، بھےَ بھنجن بےپرواہیِا۔ میَں سُکھ ساگراں والی انندنی، انند انند وِچوں پرگٹائیا۔ میَنوُں جھُکدے سوُریہ چندنی، منڈل منڈپ سیِس جھُکائیا۔ میَنوُں کِسے نہ لایا انگنی، انگیکار نہ کوئے اکھوائیا۔ میرا سمجھے کھیل کوئے نہ بدنی، تن وجوُداں ویکھن کوئے نہ پائیا۔ میَں نہ اعلیٰ نہ ادنی، سد اِکو رنگ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ مایا کہے میَں اِکو نال جوڑیا ناتا، جو ناتواں روُپ نہ کدے بنائیا۔ اِکو دی گاواں گاتھا، تُوں میرا میَں تیرا دوُجا نظر کوئے نہ آئیا۔ اِکو دا منگاں ساتھا، وِچھوڑے وِچ وِچھڑ کدے نہ جائیا۔ اِکو دے چڑھاں راتھا، جو دو جہان پِھرائیا۔ اِکو نوُں ٹیکاں ماتھا، جِس دی دھوُڑ خاک رمائیا۔ اِکو دا منگاں ہاٹا، جو اتوٹ اتُٹ دئے ورتائیا۔ اِکو دا پریم پیِالہ پیواں باٹا، ترِسنا اوَر نہ کوئے ودھائیا۔ اِکو دی سیجا سوواں اِکے دی کھاٹا، کھٹیِا اوَر نہ کوئے وکھائیا۔ اِکے دی جوت اِکے دی دھار ویکھاں لاٹا، اِکو نوُر ظہوُر ڈگمگائیا۔ اِکے دا راہ ویکھاں اِکے دی تکاّں واٹا، کوَن ویلا میرا ملِے دُھر دا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ مایا کہے میرا اِکو کنت سُہاگی، صاحِب سُلطان سوبھا پائیا۔ جِس دے پیار کیِتا وَیراگی، جُگ جُگ بھجّاں واہو داہیِا۔ میَں سرِشٹ سبائی تیاگی، ترےَگُن اتیِتے نال مِل کے وجےّ ودھائیا۔ میَں سدا سوئی نہ سدا جاگی، جاگرت سووت رنگ نہ کوئے رنگائیا۔ میرے ہوون وڈ وڈ بھاگی، گھر ملِے دُھر دا ماہیِا۔ میَں دیِپک جگاواں چراغی، چراگاہاں کراں رُشنائیا۔ میَنوُں شرم حیا کاہدی، نیتر لوچن نیَن لواں اُٹھائیا۔ میَں چار کُنٹ کلجُگ انتم ودھی ویکھاں آبادی، نوَ ستّ دھیان لگائیا۔ میرا دِل کردا لاڑی مؤت نال سب دی کرا دیواں شادی، شادیانے گھر گھر دیواں وجائیا۔ کلجُگ کوُڑا نال رلاواں ڈھاڈی، پنج وِکارا تال دئے وجائیا۔ کال سب دا ہووے گاڈی، مارگ اگلا دئے وکھائیا۔ مہاکال آشا پوُری کرے ساڈی، میَں سچ دیاں جنائیا۔ جو آسا رکھی کرِشن رادھی، سو پوُرن دیاں وکھائیا۔ جو سیِتا رام سہج صُبھا گائی راگی، خوشیاں وِچ ڈھولے گائیا۔ جو وید ویاسے دھیان کیِتا وِچ سمادھی، بِن نیَناں نیَن تکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ مالک اگمّ اتھاہیِا۔ مایا کہے میَں آد جُگادی ایکا
کنت ہنڈھاؤنا، دوُسر سنگ نہ کوئے بنائیا۔ سؤہرا پیئیا آ اِکو گھر وساؤنا، دوُجا در نہ کوئے وکھائیا۔ پُریِاں لوآں برہمنڈاں کھنڈاں اِکو رنگ رنگاؤنا، زِمیں اسماناں کھوج کھوجائیا۔ پُرکھ اکالا دیِن دَیالا سَتگُر اِک مناؤنا، دوُجا اِشٹ نہ کوئے منائیا۔ جِس دے حُکم اندر کلجُگ کوُڑا کوُڑ مُکاؤنا، مُکمل کراں صفائیا۔ اُس سوامی انترجامی میرا سنگ رکھاؤنا، رکھیا کرے تھاؤں تھائنیا۔ میَں اوسے دا ڈھولا گاؤنا، تُوں میرا میَں تیرا دوُجا نظر کوئے نہ آئیا۔ جِس دھرنی دھرت دھوَل سُہاؤنا، نوُر نوُرانہ ڈگمگائیا۔ سمبل اپنا آسن لاؤنا، میَں سمبھل کے سیِس نِوائیا۔ جِس نے کھیل کرنا من بھاؤنا، من دی کلپنا سب دی ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس نے آد انت جُگ جُگاد اپنا حُکم ورتاؤنا، دوُسر نظر کوئے نہ آئیا۔
۲۱ مگھّر شہنشاہی سمت نؤ سیئی کیمپ ضِلع جموں گوُڑھا رام دے گرِہ
مایا کہے میری کھیل شُروُع اَخیِر، چوٹی جڑ دھیان لگائیا۔ میَں جُگ چؤکڑی گھتدی رہی وہیِر، وہناں وِچ بھجیّ واہو داہیِا۔ میرے انیالے وجّدے رہے تیِر، بِنا کمان ترکشاں دھار بنائیا۔ میَں بالاں مُکھ چُھڈاؤندی رہی سیِر، تھنیں دُدھی دھار وہائیا۔ میرا دُکھ وِچ کدے نہیں وگیا نیِر، ہنجھوُ نیَن نہ کوئے وکھائیا۔ میری آشا نہیں ہوئی دِلگیِر، پشچاتاپ کراں نہ وِچ لوکائیا۔ میَنوُں یاد آ گیا لیکھا والا کبیِر، میَں سچ دیاں سُنائیا۔ جِس میرے اُتوں بستر لاہے چیِر، کُٹیا واہو داہیِا۔ میری ہڈّی پسلی کرے پیِڑ، انگ انگ دئے دُہائیا۔ میری ٹُٹی نہ ہڈّی ریِڑ، میَں پھیر لئی انگڑائیا۔ اوس نے میرے سیِنے اُتے ماری لکیِر، دو دھار دِتی وکھائیا۔ اُٹھ نِگاہ مار لےَ صدی چؤدھویِں سَت دا رہنا نہیں کوئی فقیِر، فِقرہ حق نہ کوئے سُنائیا۔ تُوں سب دا لیکھا ویکھنا صدی چؤدھویِں بھیِڑ، بھیِڑی گلی پار نہ کوئے لنگھائیا۔ مان رہنا نہیں کِسے بیِڑ، گرنتھ ویکھنے تھاؤں تھائنیا۔ جھگڑا پَینا ہست کیِڑ، کیِٹ کیِٹاں سنگ نہ کوئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک حُکم ورتائیا۔ مایا کہے میرا روُپ انوُپ سُچجا، سَت سچ بنائیا۔ میری سمجھے کوئی نہ وجہ، کی لوک
مات کھیل کھِلائیا۔ میَں چلدی وِچ پربھوُ دی رضا، جو حُکم دیوے دُھر دا ماہیِا۔ میَنوُں جگت جہان لڑا کے آوے مزہ، مذاق تکاّں خلق خُدائیا۔ میرے نال صالاح کرے خوشی نال قضا، اپنا حال سُنائیا۔ نی مایا تیرے پِچھے لگ کے جیہڑے پربھوُ نوُں دیندے دغا، بُھلن دُھر دا بےپرواہیِا۔ میَں ودّھن نہیں دینا اوہناں دا اَگا، جگت وجےّ نہ کوئے شنوائیا۔ میرے کول ویکھ لےَ گوبِند اکھّر والا گگا، جِس دی سمجھ کوئے نہ پائیا۔ میَں سب تے پاؤنا دبّا، جگت جگیاسوُ دباؤنے تھاؤں تھائنیا۔ شاہ سُلطاناں موُل نہ چھڈاں، راؤ رنکاں ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا سمبل جگت دوار توں باہر اڈّا، سچ سِنگھاسن اپنا ڈیرہ لائیا۔
۲۱ مگھّر شہنشاہی سمت نؤ سیئی کیمپ ضِلع جموں چرن داس دے گرِہ
مایا کہے میَں پوُجا کرا دِتی پتّھر، سِلاں پاہناں جگت سیِس نِوائیا۔ میَں گوبِند سوا دِتا ستھر، یارڑا رنگ رنگائیا۔ میرے نیتر وگیا نہ اتھر، ہنجھوُاں ہار نہ کوئے بنائیا۔ میَں اپنی دسّاں گتھن، گاتھا دیاں جنائیا۔ میَں کلجُگ سرِشٹی آواں متھن، متھ کے دیاں سُنائیا۔ جن بھگت وِرولاں مکھّن، چؤراسی وِچوں باہر کڈھائیا۔ پربھوُ دا کھیل وکھاواں اکھّن، اکھّیِاں والیاں دیاں جنائیا۔ ہرِجن سچ پیار وِچوں جھولی رہے کوئی نہ سکھّن، وست انمُل دیاں ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔ مایا کہے میَں حُکم منّاں شاہو شاباشی، سَت سچ منّ کے خوشی بنائیا۔ جِس دا اِکو نوُر جوت پرکاشی، دو جہاناں ڈگمگائیا۔ سو میری پوُری کرے آسی، آہستہ آہستہ اپنا کھیل وکھائیا۔ میَں اُس دی منڈل ویکھاں راسی، برہمنڈ دھیان لگائیا۔ اوہ شہنشاہ شاہو شاباشی، جوتی جاتا اگمّ اتھاہیِا۔ شبدی دھار سمبل دا واسی، واسطہ اپنے نال رکھائیا۔ میَں سندیسہ دینا شنکر کَیلاشی، کلادھاری تک لےَ دُھر دا ماہیِا۔ وِشنوُں نال کرنی ہاسی، ہسّ کے دیاں وکھائیا۔ برہما تُوں کِس دی کرنی تلاشی، پاربرہم مِلنا چائیں چائنیا۔ جِس
دی سب توں وکھّری پوشاکی، پوشیدا اپنا کھیل کھِلائیا۔ بستر سُہا کے تن خاکی، خالص اپنا رنگ رنگائیا۔ کھیل کھیل بازی گر ناٹی، نٹوُآ اپنا سوانگ ورتائیا۔ سَت دھرم دی کھول کے ہاٹی، اِکو نام رہیا ورتائیا۔ میَں اُس دی منّاں آکھی، جو آخر اپنا حُکم ورتائیا۔ جِس دے اَگے کراں نہ کوئے گُستاخی، غُصّہ گِلہ نہ کوئے جنائیا۔ انت چرن کوَل منگاں معافی، نِو نِو سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَت سچ دا وڈ صرافی، پرکھنہارا اِک اکھوائیا۔
۲۱ مگھّر شہنشاہی سمت نؤ سیئی کیمپ ضِلع جموں گیان چند دے گرِہ
مایا کہے میَں پِھراں نچّدی ٹپّدی، بھجّاں واہو داہیِا۔ میَں وِکھ رکھاواں سپنی سپ دی، ڈساں کلجُگ لوکائیا۔ میَں چاروں کُنٹ اگنی ہو کے تپدی، جگیاسوُآں دیاں جلائیا۔ میَنوُں سوگند پرمیشور پتِ دی، جو پاربرہم بےپرواہیِا۔ میَں پیاسی نہیں کِسے جپ دی، نام رنگ نہ کوئے رنگائیا۔ میَں پِچھلے کیتے جُگ جُگ ٹھپدی، سَتجُگ تریتا دواپر پندھ مُکائیا۔ میری کلا کدے نہ چھپدی، اُگن آتھن ہووے رُشنائیا۔ میری کتھا کہانی نہیں کوئی گپّ دی، جو کہاں سو کر وکھائیا۔ میری دھار اگمّی پٹّ دی، پٹنے والے ڈوری اپنے نال بندھائیا۔ میَں دیِن دُنیا پِھراں پھٹّدی، پھٹّڑ کراں تھاؤں تھائنیا۔ میَں پیاری نہیں کِسے مایا مٹ دی، مٹکے خالی دیاں کرائیا۔ میَں مستانی نہیں پیالے گٹ گٹ دی، مدھ رنگ نہ کوئے رنگائیا۔ میَں بچّی نہیں کِسے نٹ دی، سوانگن ہو کے اپنا سوانگ ورتائیا۔ میَں ونجارن نہیں کِسے ہٹّ دی، وست لیَن کوئے نہ جائیا۔ میری مُحبّت نہیں تت اٹّھ دی، نَواں دراں نہ کوئے چتُرائیا۔ میَں پیاسی نہیں اٹھسٹھ دی، تیِرتھ تٹاں پھیرا پائیا۔ میَنوُں آسا نہیں کِسے مندر مسجد مٹھ دی، گُروُدوارے ونڈ نہ کوئے ونڈائیا۔ میَں سب کُجھ اِک پربھوُ دے چرناں سٹّدی، اپنا آپ نہ کوئے رکھائیا۔ آد جُگاد جُگ چؤکڑی تُوں میرا میَں تیرا ڈھولا رٹّدی، رٹےّ پاواں تھاؤں تھائنیا۔ میری کھیل اُلٹی لٹھ دی، گیڑا چؤتھے جُگ دوائیا۔ مندر ماڑی ویکھاں ڈھٹّھدی، محل اٹل نہ کوئے سُہائیا۔ شرع ویکھ کوُڑ کُڑیار اِکٹّھ دی، چاروں کُنٹ دھیان لگائیا۔ انتم کھیل کرنی
دھرتی والے کھیڑے بھٹّھ دی، بھٹھیالا کلجُگ اگنی نال ڈاہیِا۔ میَں درویشن اوس پُرکھ سمرتھ دی، جو سرب کلا اکھوائیا۔ اوسے دے چرناں ڈھٹھدی، نِو نِو لاگا پائیا۔ جِس دی دھار صدی چؤدھویِں انتم جٹّ دی، جٹا جوُٹاں کرے صفائیا۔ جِس دے اندر جوت اگمّی لٹ لٹ دی، دو جہان کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی آس سدا سدا سد رکھدی، رکھک دِسے اِکو دُھر دا ماہیِا۔
۲۱ مگھّر شہنشاہی سمت نؤ سیئی کیمپ ضِلع جموں فقیِر سِنگھ دے گرِہ
مایا کہے میَں جگت دھار پکھنڈن، بھیکھن ہو کے بھیکھ وٹائیا۔ موہ ممتا آواں ونڈن، گرِہ گرِہ آپ ورتائیا۔ جگت جیِواں آواں دنڈن، ڈنڈاوت دیاں بُھلائیا۔ سَت سچ کراواں کھنڈن، کھنڈا اپنا ہتّھ اُٹھائیا۔ سُرت دُہاگن کر کے رنڈن، وِچھوڑا دیاں وکھائیا۔ دُئی دوَیت بنا کے کندھن، بھرماں وِچ بُھلائیا۔ کِسے دا مستک سُہاؤن نہ دیواں چندن، ٹِکّے کوُڑے دیاں لگائیا۔ میَں جِس نوُں لایا انگن، اوہدا لیکھا دیِن دُنی نالوں تُڑائیا۔ میَں سدا پِھراں وِچ وربھنڈن، بھجّاں واہو داہیِا۔ جُگ جُگ چمکاواں چنڈن، پرچنڈ روُپ درسائیا۔ جگت جہان دی منزل آواں لنگھن، بِن قدماں قدم ٹِکائیا۔ کوُڑ سیج سُہا پلنگن، پنچ وِکاری کراں ہلکائیا۔ شاہ سُلطان پھسا کے اپنے پھندن، پھاسی گل دیاں لٹکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد میرا ہوئے سہائیا۔ مایا کہے میَں سچ دا گاواں چھندوُ، اِکو نام دِھیائیا۔ میرا مالک دینا بندھوُ، بندھن توڑے تھائیں تھائنیا۔ جو جُگ جُگ میَتھوں اگن لگائے لنبوُ، چاروں کُنٹ کُنٹ تپائیا۔ جِس نوُں منّدے شِو شنبھوُ، شنکر دھوُڑی خاک رمائیا۔ اوہ سوامی ساگر سندھوُ، گہر گمبھیِر اِک اکھوائیا۔ جِس دی لکھّ چؤراسی بِندوُ، بِندرابن دا کاہن دئے گواہیِا۔ اُس دی کرنی کوئی نہ نِندوُ، نِندک نظر کوئے نہ آئیا۔ جِس کِرپا کر کے بھگت سُہیلا تاریا نندوُ، انند انند وِچوں پرگٹائیا۔ لیکھا مُکا کے جیرج انڈوُ، اُتبُھج سیتج پندھ رہیا نہ رائیا۔ رائے دھرم موُل نہ دنڈوُ، ڈنڈاوت اپنی وِچ رکھائیا۔ دوارا دے کے
سچکھنڈوُ، سَت سرن دِتی سرنائیا۔ جِس دا بھاگ ہوئے نہ مندوُ، بھاگ ہیِن نہ کوئے اکھوائیا۔ جِس نوُں گرِہ گھر آیا پسندوُ، پِچھلا گیا بُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں بیڑا گھر گھر بنّھو، بنھنہار اِک اکھوائیا۔
۲۱ مگھّر شہنشاہی سمت نؤ سیئی کیمپ ضِلع جموں پیِروُ رام دے گرِہ
مایا کہے میَں جگت جہان اِکلّی، ایکنکار دِتا بنائیا۔ میَں جگت جہان پِھراں گلیؤ گلی، محلے کوُچے دھیان لگائیا۔ میَں سب دی ویکھاں جو جگت جہان دِتی بلی، بل باوَن دھیان لگائیا۔ میَنوُں سیِس کٹیا دِسدا علی، ولی االلہ کی وڈیائیا۔ میرا کھیل جُگ جُگ پلیؤ پلی، بہُہ رنگا روُپ بنائیا۔ میَں پِھراں اسگاہ تھلی، اپنا پندھ مُکائیا۔ میَں سمُند ساگر تکاّں جلی، ڈوُنگھی بھوَری نیَن اُٹھائیا۔ میَں دو جہان مہکدی کلی، کل دھاری میرا رنگ رنگائیا۔ میَں سیِس رکھ کے تلی، بھجّاں تھاؤں تھائنیا۔ میَں ویکھنا کلجُگ والیاں دلی، دلِدریاں دینا اُٹھائیا۔ میَں کُھرن والی نہیں لوُن دی ڈلی، اپنا روُپ نہ کدے مُکائیا۔ میَں سب نوُں لیَنا چھلی، اچھل چھل ہو کے اپنی کار کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی چھتر چھایا ہیٹھ پلی، وِچھوڑا پلک نظر کوئے نہ آئیا۔
۲۱ مگھّر شہنشاہی سمت نؤ سیئی کیمپ ضِلع جموں نانک چند دے گرِہ
مایا کہے میری کھیل سدا بہُہ رنگی، رنگت جُگ جُگ اپنی آپ رنگائیا۔ میَں اپنے سیِس جگت کرم دی واہواں کنگھی، کیس کیساں کراں صفائیا۔ سدا اپنی چوٹی رکھاں ننگی، اوڈھن سیِس نہ کوئے ٹِکائیا۔ میَں کلجُگ انتم پربھ کولوں اِکو منگ رہی منگی، خالی جھولی اَگے ڈاہیِا۔ میَنوُں صدی چؤدھویِں لگّے چنگی، چاروں کُنٹ دھیان لگائیا۔ میَں تیرے اوتار پَیغمبر گُروُ ویکھنے چاہُندی سوُرمے
جنگی، چاروں کُنٹ نیَن اُٹھائیا۔ میَں محمدیِاں نال ٹکراؤنے چاہُندی فرنگی، فارغ اپنا آپ کرائیا۔ میَں کھیل تکّنا چاہُندی ہڈّ ماس کُرنگی، نوَ ستّ دھیان لگائیا۔ میَں دیِن دُنیا کرنی چاہُندی اندھی، چاروں کُنٹ اندھیرا چھائیا۔ سب دی حالت ہوئے مندی، مندہیِن ہوئے لوکائیا۔ سادھ سنت رہن پاوے کوئی نہ ڈمبی، بِنا سَتگُر شبد نہ کوئے شنوائیا۔ میَں میٹنے چاہُندی پکھنڈی، دہ دِشا اکھّ اُٹھائیا۔ میَں گھر گھر نار دُہاگن ویکھنا چاہُندی رنڈی، کنت سُہاگ نہ کوئے ہنڈھائیا۔ میَں کوئی بھار نہیں بنھنا پنڈی، مِٹّی خاک وِچ سارے دیاں رُلائیا۔ تُوں دینا سُکھ اِک انندی، مِہربان ہونا سہائیا۔ میری سب دے نال سندھی، گُر اوتار پَیغمبراں گنڈھ پوائیا۔ میَں دیِناں مذہباں توڑاں پابندی، شرع رہن کوئے نہ پائیا۔ کلجُگ آیوُ اَگے ہووے نہ لمبی، لمی پےَ کے سیِس جھُکائیا۔ میرے پُرکھ اکالے دیِن دَیالے میری بیننتی اِکو منّیں، مانَساں نوُں مانَس کھاوَن تھاؤں تھائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُوں میرا سوامی مالک اِکو تنی، در تیرے الکھ جگائیا۔
۲۱ مگھّر شہنشاہی سمت نؤ سیئی کیمپ ضِلع جموں سردارا سِنگھ دے گرِہ
مایا کہے میرا مالک دیِن دَیال، دَیانِدھ اِک اکھوائیا۔ جو سچکھنڈ بَیٹھا دھرمسال، دھرم دوارے ڈیرہ لائیا۔ میری نِت نِت کرے سنبھال، سمبل دا مالک سچ گوسائنیا۔ جُگ چؤکڑی میرا وجائے تال، تال تلواڑا اپنے ہتّھ رکھائیا۔ میَنوُں دُھر دی سِکھیا دئے سِکھال، بِن وِدیا کر پڑھائیا۔ میَں ترےَبھوَن دا پاواں جال، دھنی دھناڈھاں بنّھ وکھائیا۔ میَں ویکھاں شاہ کنگال، امیِر غریِباں دھیان لگائیا۔ میرے ہتّھ وِچ اوہ اگمّا تھال، جِس دی وستُو نظر کوئے نہ آئیا۔ جِس دی چاہاں جھولی دیواں ڈال، خزانے دیاں بھرائیا۔ جِس نوُں چاہواں کراں بےحال، بِہبل ہو کے دین دُہائیا۔ جِس نوُں چاہاں رکھاں نال، اپنا سنگ بنائیا۔ میرا پھل سب توں وکھّرا لگّے مانَس ڈال، پتّ ٹہنی دیاں مہکائیا۔ میری سارے گھالدے گھال، گھائل ہو کے سیو کمائیا۔ میَں سب دا تکاّں حال، حالت تکاّں تھاؤں تھائنیا۔ میرا جگت جہان توں
وکھّرا جنجال، تند ڈور نظر کِسے نہ آئیا۔ میَں سدا سدیِوی مالو مال، بھنڈار اتوٹ اتُٹ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، میری سگلی آسا پوُر کرائیا۔ مایا کہے میَں وساں اپنے گرِہ مندر، سوہنا تھان سُہائیا۔ جِتھے لگّا ترےدھاتُو جِندر، قُفل سکے نہ کوئے کُھلائیا۔ میری نظر نہ آئے ڈوُنگھی کَندر، اندر وڑ آسن کوئے نہ لائیا۔ میری سمجھے کوئی نہ بندن، بندگی والے دیاں بُھلائیا۔ میرا ویکھے کوئی نہ چندن، تِلک للاٹی کی رُشنائیا۔ میرا نظر نہ آئے انندن، انند انند وِچوں سکے نہ کوئے سمجھائیا۔ میرا اِکو ڈھولا گیِت چھندن، تُوں میرا میَں تیرا راگ سُنائیا۔ میرے گھر گھر دیِپک جگن، چار کُنٹ ہووے رُشنائیا۔ میَں مستی وِچ ہوواں مگن، المست روُپ بنائیا۔ میرا اِکو آد جُگادی بھجن، بِن رسنا جِہوا گائیا۔ میرا کوئی نہ مِتر سجّن، ساک سیَن دیاں تجائیا۔ میری سمجھے کوئی نہ حدن، حدوُداں وِچ بند نہ کوئے کرائیا۔ کیتے شاہ سُلطان میری یاد وِچ بھار لدّن، کیتے بَیٹھے پندھ مُکائیا۔ کیتے اِک دوُجے نوُں وڈّھن، سیِس دھڑ اڈّ کرائیا۔ کیتے گھر بار چھڈن، بھجّن واہو داہیِا۔ کیتے ٹھگ چور میَنوُں لبھن، دھاڑوی اپنا روُپ بدلائیا۔ کیتے سادھ سنت میرے پیار وِچ ہوون مگن، بَیٹھے تاڑیِاں لائیا۔ کیتے دھوُنیِاں تاؤندے اگن، تتاں کھلّ جلائیا۔ کیتے میرے مناؤندے شگن، پنڈت پاندھے ونڈ ونڈائیا۔ میَں سب دے بھاگ کیتے مندن، مندر کایا نہ کوئے رُشنائیا۔ میَں سب دی کرنی کراں کھنڈن، کھنڈاں والے خاک مِلائیا۔ میَں پِھراں دروہی جیرج انڈن، اُتبُھج سیتج دئے دُہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک وڈ وڈیائیا۔ مایا کہے میَں موہ مُحبّت دی بُھکھی، پیاسی جگت وِچ سمجھائیا۔ میَں روٹی کھاواں سُکی رُکھی، لب وِچ لعلاں نہ کدے ٹپکائیا۔ میرا انتشکرن کدے نہ ہویا دُکھی، دُکھاں سنگ نہ کدے وکھائیا۔ میَں جد جھگڑا پاواں پنج تت منُکھی، مانَس مانَس نال ٹکرائیا۔ سب دی پت جاواں لُٹی، لُٹیرا کلجُگ نال رکھائیا۔ میَں گانے بنّھاں گُٹیں، گھر گھر مہندی تند سُہائیا۔ میَں اپنے وقت ویلے نال اُٹھی، صُبح شام نہ ونڈ ونڈائیا۔ میَں ویکھاں چارے گُٹھی، پوُرب پچھّم دکھّن پہاڑ پھول پھولائیا۔ میرے رنگ چڑھ گیا بُلاں بُٹیں، میرے نیَن رہے مُسکائیا۔ میَں اِکو مارنی جھُٹی، جھوُٹا سب نوُں دینا تھاؤں تھائنیا۔ میری پؤ بِنا سوُریہ پُھٹی، پُھٹکل ویکھاں خلق خُدائیا۔ میَں اپنی سُہنجنی سُہاؤنی رُتی، رُتڑی اپنے نال مہکائیا۔ میَں جگت جگیاسوُآں کلا جگاؤنی سُتی، سُتیاں لواں جگائیا۔ کِسے پَیریِں پاؤن نہیں دینی جُتی، جوترا لا ہل واہ گھر کوئے
نہ آئیا۔ سب دی مت کرنی پُٹھی، پُٹھی کھلّ دینی لُہائیا۔ جگت جہانوں کلجُگ کوُڑ کُڑیارے جڑ جانی پُٹی، اُکھڑی پھیر نہ کوئے لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ ٹِکائیا۔ مایا کہے میَں نعرہ لاؤنا حق، حقیِقت ویکھ وکھائیا۔ جگت جہان لیَنا تک، تقویٰ رکھنا دُھردرگاہیِا۔ میَنوُں پہلوں لہِندی چڑھدی دِشا پَینا شکّ، شِکوے سب دے ویکھ وکھائیا۔ میَں جگت وِکار دی سب دے نتھ پاؤنی نک، کِھچاں واہو داہیِا۔ پھڑ اُٹھاواں بوُرے کک، کاکے اپنے لواں جگائیا۔ محمد نال میرا وعدہ پکّ، پکّی پِچھے لئی پکائیا۔ ہُن کھیل ویکھاں یک، یک دا حُکم منّاں چائیں چائنیا۔ اِک دوُجے ولّ دوہاں نوُں دیواں دھکّ، دھکاّ لاواں تھاؤں تھائنیا۔ جِنہاں دا پردہ سکے کوئی نہ ڈّھک، اوڈھن سیِس نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر،، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دا نام نِدھانا اِکو رہی رٹ، رٹّا پاوے تھاؤں تھائنیا۔
۲۲ مگھّر شہنشاہی سمت نؤ سیئی کیمپ ضِلع جموں رویلا رام دے گرِہ
مایا کہے میَں بول کے دسّاں سچ، سَت سَت دیاں جنائیا۔ میرے صاحِب نے رچنا لئی رچ، رچ رچ اپنی کھیل کھِلائیا۔ لکھّ چؤراسی بھانڈے بنا کے کچ، گرِہ گرِہ اپنا رنگ رنگائیا۔ میَں دو جہاناں رہی رچ، پُریِاں لوآں برہمنڈاں کھنڈاں بھجّاں واہو داہیِا۔ میَں ترےَگُن روُپ ہو کے رہی مچّ، اگنی اگنی اگنی تپائیا۔ میَتھوں سکے کوئی نہ بچ، سِر سِر اپنا حُکم ورتائیا۔ میری سب توں وکھّری رتّ، جگ نیتر ویکھن کوئے نہ پائیا۔ میَں جُگ جُگ اُلٹی کراں مت، مایا ممتا وِچ سرِشٹ سبائیا۔ میَں رہن نہ دیواں کِسے پت، سیِس تاج نہ کوئے سُہائیا۔ میَں جُگ چؤکڑی چُکاں اتّ، چاروں کُنٹ ویکھاں چائیں چائنیا۔ کِسے دا دھیِرج رہن دیواں نہ یت، سَت سنتوکھ وِچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میرا رنگ رنگائیا۔ مایا کہے میرا کھیل انوکھا، جُگ جُگ وکھّری کار کمائیا۔ میَں نِت نوِت سب دے نال کردی دھوکھا، بھیوَ ابھید نہ کِسے سمجھائیا۔ میرا شاستراں توں باہر پوتھا، اکھّراں وِچ نہ کوئے لِکھائیا۔ میرا آد جُگاد اپنا مؤقع، جِس وِچ مُکمل اپنا کھیل کھِلائیا۔ میَنوُں یاد آؤندا کلجُگ انتم گوبِند والا ڈھؤنکا، ڈھئیا ڈھائی کرماں باوَن
دئے مِنائیا۔ میرے اندروں کدے نہ نِکلے ہؤکا، ہائے اُف نہ کدے سُنائیا۔ میری جُگ جُگ چلدی نؤکا، نئیا جگت جہان پِھرائیا۔ میرا گیِت سارے گاؤن واہو واہو کا، واہ واہ میری بےپرواہیِا۔ میَں پُتراں ناتا تُڑاواں پِتا ماؤں کا، ساچا سنگ نہ کوئے رکھائیا۔ میرا لہنا دینا جُگ جُگ داؤ کا، دعویدار نظر کوئے نہ آئیا۔ میرا لیکھا اچھل چھل والے داؤ کا، ول چھل اپنی کھیل کھِلائیا۔ میرا لہنا دینا انتر شؤہ دریاؤ کا، شاہ سُلطاناں دیاں رُڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے ہر گھٹ تھاؤں کا، تھان تھننتر ویکھ وکھائیا۔
۲۲ مگھّر شہنشاہی سمت نؤ سیئی کیمپ ضِلع جموں جھنڈوُ رام دے گرِہ
مایا کہے میَں آد جُگادی اگمّ اپاری، اپرمپر دِتی وڈیائیا۔ میری پُرکھ اکالے پَیج سواری، سوارتھ پرمارتھ اپنے ہتّھ رکھائیا۔ میرا جُگ جُگ سَتگُر شبد صالاحکاری، مشورہ اِکو نال رکھائیا۔ جو میری بنّھے دھاری، دھرنی دھرت دھوَل دھؤل اُتے اپنا کھیل وکھائیا۔ میَں چاروں کُنٹ پھیراں بہاری، ایہہ میری بےپرواہیِا۔ میَں کوئی تتاں والی نہیں ناری، جگت روُپ نہ کوئے درسائیا۔ میَں کِسے دے در بناں نہ کدے پنہاری، در در سیو نہ کوئے کمائیا۔ میَں سدا چلدی پِھردی دیوہاڑی، دِوس رَین اپنا پندھ مُکائیا۔ میَں لجپت رہن دیواں نہ کِسے داہڑی، تاجاں والے خاک مِلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سوامی وڈ وڈیائیا۔ مایا کہے میرا جگت نہیں کوئی خاوَند، خصم نظر کوئی نہ آئیا۔ میَں کِسے دے حُکم وِچ نہیں پابند، بندھن وِچ نہ کوئے بندھائیا۔ میری رچنا سوُریہ چند، منڈل منڈپ سوبھا پائیا۔ میرا کھیل کوٹ برہمنڈ، آکاش پاتالاں رنگ رنگائیا۔ میرا لیکھا جیرج انڈ، اُتبُھج سیتج کراں کُڑمائیا۔ میرا لیکھا کِسے نہ کیِتا بند، بندگی والے میرا لیکھ نہ کوئے جنائیا۔ میَں سب دے دوارے جاواں لنگھ، گھر گھر ڈیرہ لائیا۔ میرا کایا مندر اندر اِک پلنگ، جِس دا پاوا چوُل نظر کِسے نہ آئیا۔ جِس دے اُتے میَں اپنی آشا دِتی ٹنگ، سہج نال ٹِکائیا۔ میرے کول انوکھا ڈھنگ، وکھّری اپنی کھیل کھِلائیا۔ کِسے دے اندر پَین نہ دیواں ٹھنڈ، ایہہ میری بےپرواہیِا۔ سارے موہ ممتا وِچ میری منگن منگ، مانگت ہو کے جھولی
ڈاہیِا۔ میَں اِشارہ دیواں وِکارے پنج، پنچم پنچاں نال اُٹھائیا۔ میَں ہتّھ نہ آئی قاروُ گنج، خالی ہتّھ روون مارن دھاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَتگُر صاحِب سوُرا سربنگ، آپ لگائے اپنے انگ، انگیکار اِک اکھوائیا۔
۲۲ مگھّر شہنشاہی سمت نؤ سیئی کیمپ ضِلع جموں چنّ پرکاش دے گرِہ
مایا کہے میَنوُں آؤندی خوشیاں والی ہاسی، ہنسمُکھ ہو کے دیاں وکھائیا۔ میَں موُسیٰ چاڑھیا پھاسی، بِن رسّیِاں رسےّ گل چُھہائیا۔ میَں عیسیٰ صلیِب دی دِتی داسی، ستّ رنگاں رنگ رنگائیا۔ محمد نوُں ہِندسہ دسّ کے ستّ سؤ چھیاسی، ستّ اٹّھ چھ اِکیاں رنگ رنگائیا۔ پھیر مِلی شنکر جا کَیلاشی، کلا اپنی دِتی وکھائیا۔ پھیر صدی چؤدھویِں دسّی راسی، اپنا رستہ گئی بدلائیا۔ دیِن دُنی وکھائی اُداسی، سُکھ وِچ نہ کوئے سمائیا۔ پھیر میَنوُں آ گئی کھانسی، زور زور نال اپنی آواز اُٹھائیا۔ اوہ ویکھ کھیل پُرکھ ابناشی، کی اپنی کار کمائیا۔ جِس کلجُگ انتم میٹنے مدرا ماسی، مسلے سب دے حل کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تن وجوُداں بدل دیوے پوشاکی، بستر جگ نیتر نظر کِسے نہ آئیا۔
۲۲ مگھّر شہنشاہی سمت نؤ سیئی کیمپ ضِلع جموں بیلوُ رام دے گرِہ
مایا کہے میَں وڈّی چؤدھرانی، چؤداں لوکاں چؤداں طبقاں ویکھ وکھائیا۔ میَں چار کُنٹ دی سُگھڑ سُچجیّ سوانی، بُدھ مت توں پرے میری پڑھائیا۔ میَں ویکھاں نوَ ستّ چارے کھانی، چارے کُنٹاں دھیان لگائیا۔ میَں شبد سندیسے سُناں چارے بانی، ڈھولیاں سوہلیاں کر شنوائیا۔ میَں سمُند ساگراں تکاّں پانی، نیِر نیِراں ویکھ وکھائیا۔ میَں آتم پرماتم جانا ہانی ہانی، گھر گھر اپنا دھیان لگائیا۔ میَں
لکھّ چؤراسی تکاّں جیِو پرانی، پرم پُرکھ دِتی مان وڈیائیا۔ میَں جُگ جُگ سَت دھرم دی تکاّں نِشانی، نِشانے ویکھاں چائیں چائنیا۔ میَں سب دی ویکھنہار وَیرانی، وَیری گھر گھر کھوج کھوجائیا۔ میَں سب نوُں دسّاں جوُہ بیگانی، مالک نظر کوئے نہ آئیا۔ میری کھیل سب توں وکھّری شرع شیَطانی، شاعری وِچ کوئے نہ گائیا۔ میرا کھیل خصم خصمانی، کھیل کھِلاواں ہر گھٹ تھائنیا۔ میری بُدھی نہ ہوئی نادانی، موُرکھ مت نہ کوئے رکھائیا۔ میَں جُگ جُگ سب نوُں کراں پریشانی، پشچاتاپ دیاں جنائیا۔ میَں جیِواں جنتاں رِڑکاں نال مدھانی، نیترا اپنے ہتّھ اُٹھائیا۔ میَں چھاچھ وِرولاں وِچوں پانی، پاربرہم دِتی وڈیائیا۔ میرا اِکو اِشٹ اِکو دھیانی، اِکو دیوَ موُرت نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری منزل کرے آسانی، اَگے ہو نہ کوئے اٹکائیا۔
۲۲ مگھّر شہنشاہی سمت نؤ سیئی کیمپ ضِلع جموں پریم چند دے گرِہ
مایا کہے میرا بڑا مزاج، مزاجن ہو کے پِھراں چائیں چائنیا۔ میرا سب توں وڈّا راج، رعیت اپنا حُکم ورتائیا۔ میرا سب توں وکھّرا تاج، تخت نِواسی سیِس نہ کوئے ٹِکائیا۔ میرا جُگ چؤکڑی چلدا رہے جہاز، چاروں کُنٹ بھجےّ واہو داہیِا۔ میرا سب توں وکھّرا سماج، جِس دی شرع نظر کوئے نہ آئیا۔ میَں سدا سدا سد اپنی ساجنا لَواں ساج، سچ سمگری نال رکھائیا۔ میرے اُتے کِرپا کری گُروُ مہاراج، مِہربان دِتی مان وڈیائیا۔ سدا شبد اگمّی مارے آواز، بِنا رسنا دئے سُنائیا۔ کلجُگ انت جِس نے رچنا تیرا کاج، کرتا پُرکھ دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ وکھائیا۔ مایا کہے میَں بڑی گمبھیِر، گہر گوَر دِتی وڈیائیا۔ میرا سب توں وکھّرا بستر چیِر، بھوُشن ویکھن کوئے نہ آئیا۔ میری اعلے ادنیاں توں باہر تصویِر، تصوّر کر نہ کوئے سمجھائیا۔ میرا سب توں وکھّرا زنجیر، جُگ جُگ شرع والیاں بندھن پائیا۔ میری سب توں انوکھی شمشیِر، تِکھی دھار نال وڈیائیا۔ میری سب توں وکھّری لکیِر، جِس دی حد پار نہ کوئے کرائیا۔ میَنوُں جھُکدے پیِر فقیِر، جو فِقرے ڈھولے گائیا۔ میَں سب دی بدل دیواں ضمیِر، زِمیں زماں
کھوج کھوجائیا۔ میَں کھیل جانا بچےّ خوار شیِر، دودھی دندی دھیان لگائیا۔ میری سدا سد وکھّری تدبیِر، طریقہ ہتّھ کِسے نہ آئیا۔ میَں لیکھا جانا غریِب امیِر، راؤ رنکاں دھیان لگائیا۔ میرا مالک خالق گُنی گہِیر، ہرِ کرتا دئے وڈیائیا۔ میَں سدا سدا سد دیِن دُنی بدل دیواں تقدیِر، تکّبر اپنا نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سب نوُں دیونہارا دھیِر، دھیِرج دھرم دھار جنائیا۔
۲۲ مگھّر شہنشاہی سمت نؤ سیئی کیمپ ضِلع جموں گیان چند دے گرِہ
مایا کہے میرا جگت پسارا، پسر پساری دِتی وڈیائیا۔ میَں منّ کے اُس دا اِشارہ، سیوا کراں چائیں چائنیا۔ اِکو اِک تک سہارا، سیِس قدماں قدم جھُکائیا۔ نِو نِو کراں نِمسکارا، ڈنڈاوت وِچ اپنا آپ مِٹائیا۔ جو آد پُرکھ ایکنکارا، اکل کل دھاری بےپرواہیِا۔ جِس نے شُروُع وِچ سوہنگ مہاراج شیرسِنگھ وِشنوُں بھگوان سُنایا جَیکارا، وِشن برہما شِو نال مِلائیا۔ اوس ویلے نہ کوئی گُروُ نہ کوئی اوتارا، پَیغمبر نظر کوئے نہ آئیا۔ نہ لکھّ چؤراسی کوئی پسارا، خالی ونڈ نہ کوئے رکھائیا۔ نہ کوئی شاستر سِمرت وید پُکارا، اکھّر اکھّراں جوڑ نہ کوئے جُڑائیا۔ نہ کوئی سمُند ساگرا نہ اُجاڑ پہاڑا، ٹِلا نظر کوئے نہ آئیا۔ نہ کوئی نؤ کھنڈ ستّ دیِپ اَکھاڑا، نہ کوئی حِصّیاں ونڈ ونڈائیا۔ نہ کوئی لاڑی نہ کوئی لاڑا، جگت ناتا نہ کوئے جُڑائیا۔ کِرپا کیِتی میرے نِرنکارا، نِروَیر دِتی وڈیائیا۔ میَنوُں بخش کے چرن سہارا، چرنودک جام پیائیا۔ حُکم سندیسہ سُنایا اگمّ اپارا، الکھ اگوچر دِتا جنائیا۔ جُگ چؤکڑی تیرا کھیل ہووے وِچ سنسارا، سنساری بھنڈاری سنگھاری نال مِلائیا۔ تُوں ویکھنہارا رنگ میرا نِرنکارا، جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، چؤبیِسا جگدیِشا ہرِ کل کلکی اوتارا، جن بھگتاں دئے سہارا، جنم جنم دے وِچھڑے میل مِلائے سہج سُبھائیا۔
۲۲ مگھّر شہنشاہی سمت نؤ سیئی کیمپ ضِلع جموں ہربنس سِنگھ دڑ دے نوِت
مایا کہے میَں بڑی پاک پوِت، پتت اُدھارن دِتی وڈیائیا۔ میَں کھیل کھیلاں نِت نوِت، نِت نِت اپنا ویس وٹائیا۔ میَں وساں ہر گھٹ چِت، گرِہ گرِہ ڈیرہ لائیا۔ میرا لکھّ چؤراسی مِت، سجّن سرب اکھوائیا۔ میَں لوبھیِاں لالچیِاں کراں ہِت، کامیِاں اپنی کامنا وِچ پھسائیا۔ میرا لیکھا کوئی نہ سکے لِکھ، لِکھن توں باہر میری وڈیائیا۔ میری سِکھیا سارے لیَن سِکھ، جِنہاں نوُں لوبھ لالچ دی پٹّی دیاں پڑھائیا۔ میَں اندر وڑ کے ماراں کِھچّ، ہلوُنا دینا چائیں چائنیا۔ میرا وسیرا امیِراں غریِباں وِچ، وِچلا بھیوَ دیاں کُھلائیا۔ میَں جُگ جُگ سب نوُں لواں جِتّ، ہار وِچ کدے نہ آئیا۔ وڈیائی دیوے میرا پرمیشور پِت، پاربرہم پربھ ہوئے سہائیا۔ میری گُر اوتار پَیغمبراں ہووے سُہنجنی تِھت، وار گھڑی پل وجدی رہے ودھائیا۔ میَں کھیل کھِلایا سِل پاہن پتّھر اِٹّ، پوُجا جگت والی بنائیا۔ کِسے دا منوُآ جائے نہ ٹِک، ایہہ میری بےپرواہیِا۔ گھر گھر اُبلے رتّ، سانتک سَت نہ کوئے کرائیا۔ پُرکھ اکالا وسے کِسے نہ چِت، چِت ٹھگؤری نہ کوئے چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری پوُرن کرے اِچھ، نِراِچھت اپنی دَیا کمائیا۔
۲۲ مگھّر شہنشاہی سمت نؤ سیئی کیمپ ضِلع جموں رام چند دے گرِہ
مایا کہے میرا کھیل اچھل اچھلّا، ول چھلدھاری دیاں سمجھائیا۔ میرا روُپ سروُپ اِک اِکلّا، دوُجا نظر کوئے نہ آئیا۔ میرا جگت جہان محلہ، حِصّہ ونڈ نہ کوئے ونڈائیا۔ میرا زِمیں اسماناں ہیٹھ کوئی نہ تھلّا، جل تھل مہیئل اپنا کھیل کھِلائیا۔ میَں جُگ چؤکڑی پھڑایا کِسے نہ پلّا، پلک وِچ اپنا حُکم ورتائیا۔ میرا سدا سد ہُندا رہیا ہلّا، چاروں کُنٹ دھیان لگائیا۔ نِت نوِت میرا دیِپک دھرنی دھرت دھوَل دھؤل اُتے بلا، چاروں کُنٹ کُنٹ رُشنائیا۔ میَنوُں رحمت کیِتی نوُر الاہی االلہ، عالمیِن دِتی وڈیائیا۔ ڈر بھؤ دِسے کوئی نہ میری کھلّا، خالق خلق رہیا جنائیا۔ میرا نوَ ستّ پیار دا چڑھن والا دلا، چاروں کُنٹ لئے انگڑائیا۔ جوتی جوت سروُپ ہرِ، آپ اپنی کِرپا کر،
دیونہارا دُھر دا ور، دُھر مالک اگمّ اتھاہیِا۔ مایا کہے میرا اگمّ اگمّڑا بھیکھا، بھیکھادھاری دیوے مان وڈیائیا۔ میری سمجھے کوئی نہ ریکھا، رِکھی مُنی بَیٹھن سیِس نِوائیا۔ میرا جُگ جُگ وکھّرا لیکھا، لیکھک لِکھ نہ کوئے سمجھائیا۔ میَں سب نوُں دیواں سندیسہ، سچ سچ سمجھائیا۔ کلجُگ انت سِری بھگوَنت پرگٹ ہووے نر نریشا، نر نرائن نوُر الاہیِا۔ جو سدا رہے ہمیشہ، جمّن مرن وِچ کدے نہ آئیا۔ اوس دا کھیل دیس بدیسا، دو جہاناں ڈگمگائیا۔ اوس دی نہ داہڑی مُچھ نہ دِسے کیسا، نوُر نوُرانہ ڈگمگائیا۔ اوہ ویکھے ٹِلے تھل اسگاہ ریتا، جنگل جوُہاں کھوج کھوجائیا۔ سمُند ساگراں پاوے بھیتا، جل جل اپنا پردہ لاہیِا۔ جِس نوُں اوتار پَیغمبر گُروُآں منّیا نیتا، نِرگُن نِروَیر اپنا روُپ بدلائیا۔ نؤ سؤ چُرانوے چؤکڑی جُگ دا رکھے چیتا، چیتن ہو کے ویکھ وکھائیا۔ جن بھگتاں کرے ہیتا، ہِتکاری دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی شبدی دھار نر نریشا، نر ہرِ اِک اکھوائیا۔
۲۲ مگھّر شہنشاہی سمت نؤ سیئی کیمپ ضِلع جموں چنّو دیوی دے گرِہ
مایا کہے میَں بہُہ بِدھ روُپی، روُپ انوُپ میری وڈیائیا۔ میرا لیکھا سَت سروُپی، سَت ستوادی ونڈ ونڈائیا۔ میرا شہنشاہ شاہو بھوُپی، سُلطان دُھردرگاہیِا۔ میرا لیکھا چارے کوُٹی، بھجّاں واہو داہیِا۔ میَں دو جہان پنگھوُڑا رہی جھوُٹی، پُریِاں لوآں برہمنڈاں کھنڈاں ہُلارا اِک وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی بےپرواہیِا۔ مایا کہے میَں سدا رہندی چُپ، مُکھ بچن نہ کوئے سُنائیا۔ کلجُگ انت ویکھاں اندھیرا گھُپ، نوَ ستّ نیَن اُٹھائیا۔ سَت دھرم دا دِسے کوئی نہ سُت، اپرادھی ہوئے لوکائیا۔ لیکھا جانا ابناشی اچُت، کی چیتن اپنا حُکم ورتائیا۔ کِس بِدھ کوُڑ کُڑیاری مؤلے رُت، پھل پُھل جوُٹھ جھوُٹھ نال مِلائیا۔ میَں ویکھ کے ہوواں خوش، خوشیاں دے ڈھولے گائیا۔ دھرنی دھرت دھوَل دھؤل اپنا رووے دُکھ، دُکھی ہو کے دئے سُنائیا۔ جوتی جوت سروُپ
ہرِ، آپ اپنی کِرپا کر، دیونہارا ساچا ور، سچ دا گرِہ اِک سُہائیا۔ مایا کہے میَں مُکھوں کدے نہ بولی، انبولت دِتی وڈیائیا۔ میری آشا میری ڈھولی، جگت جہان کرے رُشنائیا۔ میری ترِسنا میری گولی، جُگ جُگ سیو کمائیا۔ میری منسا میری ہولی، لال رنگ دئے چڑھائیا۔ میری خواہش بنے تولی، لکھّ چؤراسی تول تُلائیا۔ میری کلپنا ہووے ڈولی، جیِواں جنتاں وِچ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در مانگت منگ منگائیا۔ مایا کہے میَں مُکھوں کُچھ نہ کہِندی، کہن نہ کِچھ جنائیا۔ میَں مندر کِسے نہ بہِندی، آسن جگت نہ کوئے وِچھائیا۔ میری کلا ہووے نہ ڈھہِندی، چاروں کُنٹ لَواں انگڑائیا۔ میَں کھیل کھیلنا صدی چؤدھویِں دِشا لہِندی، لہنے دینے محمد پوُر کرائیا۔ اپنی ہتّھیں لا کے مہندی، سگن جگت دھار رکھائیا۔ قیامت دی دھار ویکھاں وہِندی، شامت دیِن دُنی سمجھائیا۔ اُمت اِک دوُجے نال کھہِندی، خواہ مخواہ دیاں ٹکرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دا بھانا آد جُگاد جُگ چؤکڑی سہِندی، بھانے اندر بھاوی جگت جُگت ورتائیا۔