کتب خانہGranth 23 (Shahmukhi)

۵ پوہ شہنشاہی سمت نؤ ہرِ بھگت دوار دھیِرپُر دِلّی- ۹ وِکھے رات نوُں

پنچم پوہ کہے میرا اِکو داتا، دَیاوان دین دیال اکھوائیا۔ جو آد جُگادی پِت ماتا، پُرکھ اکال بےپرواہیِا۔ جِس خوشیاں وِچ میَنوُں دِتی داتا، اگمّ اتھاہ ورتائیا۔ کلجُگ ویکھ اندھیری راتا، دہ دِشا دھیان لگائیا۔ جن بھگتاں نال جوڑ کے ناتا، پیار مُحبّت وِچ بندھائیا۔ سَتجُگ سَت کرم اُپجا کے ساتا، سَت دِتی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ پنج پوہ کہے میرے اُتے کِرپا کیِتی نِرنکار، نِروَیر ہویا سہائیا۔ نِگاہ مار ایکنکار، اکل کل دھاری ویکھ وکھائیا۔ بھگت سُہیلے دے ادھار، مِہر نظر اُٹھائیا۔ لوک مات پا سار، ہویا آپ سہائیا۔ نیِہہ رکھ ہرِ بھگت دوار، بیِس یاراں دِتی وڈیائیا۔ میَں نِو نِو کراں نِمسکار، دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ پنچم پوہ کہے میرا لیکھا نال سِری بھگوان، بھگوَن دئے وڈیائیا۔ میَں خوشیاں گاواں گان، ڈھولے بےپرواہیِا۔ تُوں مالک نؤجوان، داتا اِک اکھوائیا۔ دھنّ بھاگ موہے دِتا دان، وست انمُل ورتائیا۔ ہرِ بھگت دوار کر پروان، مِہر نظر نال تکائیا۔ جگت دا بنا نِشان، چار ورن سمجھائیا۔ سَتجُگ کر پردھان، سَت ستوادی ہویا سہائیا۔ میَں ویکھیا دُھر دا کاہن، راما اگمّ اتھاہیِا۔ نوُر نوُرانہ مِہربان، محبوُب بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ پوہ کہے میَں دسّاں نال پیار، پنچم رنگ رنگائیا۔ میرا لیکھا لہنا نال سچّی سرکار، جو شہنشاہ دُھردرگاہیِا۔ جو نِت لئے اوتار، نوِت اپنا پھیرا پائیا۔ سَتجُگ تریتا دواپر کر پار، کلجُگ انتم ویکھے چائیں چائنیا۔ چرن چُھہا دِلّی دربار، سِر میرے ہتّھ ٹِکائیا۔ میَں خوشیاں وِچ جاواں بلہار، نِو نِو لاگاں پائیا۔ جِس کھیل کیِتی اپار، اپرمپر دِتی وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پوہ کہے میَں پنچم میِتا، سچ دیاں سُنائیا۔ پُرکھ ابناشی جگت جگ دی بدلے ریِتا، ریِتیوان اِک اکھوائیا۔ لیکھا جان ہست کیِٹا، اوُچاں نیِچاں بھیوَ چُکائیا۔ کھیل کرے انڈیٹِھا، انڈِٹھڑی کار کمائیا ، جِس دا بھانا لگّے میِٹھا، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ پوہ کہے میَں خوشیاں گاواں چھند، ڈھولے راگ دِرڑائیا۔ میرے انتر آیا انند، انند وِچ سمائیا۔ میرا صاحِب سدا بخشند، مِہربان بےپرواہیِا۔

جِس اپنی دھار دی دھار بدل دِتا پلنگ، دِشا دِشا نال وٹائیا۔ لہِندیوں چڑھدے جائے لنگھ، اپنا پندھ مُکائیا۔ جگت جہان دی ویکھے کندھ، چار دیواری کھوج کھوجائیا۔ نِگاہ مارے وِچ وربھنڈ، برہمنڈ دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا اِک اکھوائیا۔ پلنگ کہے میرا بدل گیا پاسا، پاسا دیِن دُنی اُلٹائیا۔ میَنوُں خوشیاں وِچ آوے ہاسا، ہسّ ہسّ دیاں وکھائیا۔ کی کھیل کرے پُرکھ ابناشا، ہرِ کرتا دُھردرگاہیِا۔ جِس دی جگت دھار پَینی راسا، منڈل منڈپ کرے رُشنائیا۔ سمبل کر کے واسا، کھیل کھیلے دُھردرگاہیِا۔ لہنا جانے پرِتھمی آکاشا، منڈل منڈپاں پردہ لاہیِا۔ میَنوُں دین آیا بھرواسا، سِر میرے ہتّھ رکھائیا۔ شنکر ہِلاؤن آیا اُتوں کَیلاشا، کل کلکی اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سِنگھاسن کہے میَں بدل گیا لوک مات، میری سمجھ کِسے نہ آئیا۔ میرا لہنا دینا باطن بات، بھیوَ ابھید اپنے وِچ چُھپائیا۔ میَنوُں مان وڈیائی مِلی پنچم پوہ دی رات، سمت شہنشاہی نؤ نال مِلائیا۔ میَں لیکھے ویکھنے ذات پات، دیِناں مذہباں پھول پھولائیا۔ میَں ہلوُنا دینا کائنات، نوَ ستّ دیاں ہِلائیا۔ میَں دکھّن پہاڑ مارنی جھات، لہندا چڑھدا اکھّ اُٹھائیا۔ شبد سندیسہ دینا پات، بِن پترکا دینا سمجھائیا۔ کلجُگ کوُڑا ٹُٹنا نات، ساجن رہن کوئے نہ پائیا۔ میرا لیکھا ویکھنا لوک مات، پرلوک دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ پلنگ کہے میَں دسّاں خوشیاں والا کھیل، خوشخبری دیاں جنائیا۔ جِس ویلے گوبِند آپے گُروُ بنیا آپے چیل، آپ اپنا روُپ بدلائیا۔ جوت دھار شبدی ہویا میل، میل مِلاوا ہویا چائیں چائنیا۔ سُہنجنا دھام سُہا نِویل، سچ سِنگھاسن ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ سِنگھاسن کہے گوبِند میَنوُں بدل کے کھیل کیِتی نوَیِں، نؤ کھنڈ دھیان لگائیا۔ کول سدّ بَونجا کوی، سندیسہ دِتا سُنائیا۔ پریمیو میَنوُں بھیوَ گا کے دسّو کُچھ اوتار چوَھی، چوگُن دھیان لگائیا۔ اکھّراں والی اکھّراں نال پاوو صحیح، سہج سہج سہج سُنائیا۔ نالے بھیوَ کھولو کیوں سَتگُر ارجن بَیٹھا اُتے تتی توی، تتاں تت جلائیا۔ مِہربان دی تُک اگمّی کِسے نہ گَوی، گائن کر نہ کوئے سُنائیا۔ پھیر گوبِند نے اکھّر ہِندسا لِکھ کے ڈھئی، ڈھئیا دِتا وکھائیا۔ اِس دے واسطے کُچھ دینا کہی، کہہ کے دینا سُنائیا۔ جوتی جوت سروُپ ہرِ، آپ اپنی کِرپا کر، سچ اپنی کھیل بنائیا۔ سِنگھاسن کہے گوبِند

نے کیِتا اِشارہ بَونجا، باوَن دھار سمجھائیا۔ نالے سجےّ ہتّھ دا وکھا کے پنجہ، پنجہ اِکو مُٹھ بنائیا۔ پھیر ہلوُن کے اپنا منجا، ہُلارا دِتا لگائیا۔ پھیر وقت سُہنجنا تک کے چنگا، چنگی طرح جنائیا۔ اِشارہ دِتا شِو جی اپنی دھار لےَ کے آ جا گنگا، گنگوتری نال مِلائیا۔ تیری جٹا جوُٹ دی کھیل ویکھاں نِشنگا، نِشان دُھر دا نال مِلائیا۔ پھیر مُکھوں کِہا بَونجا تُسیں گاوو چھندا، اِکو راگ سُنائیا۔ پُرکھ اکال دی وڈیائی کرنی نال بتّی دندا، دوُسر صِفت نہ کوئے صالاحیِا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ گوبِند کِہا بَونجا کوی میرے لِکھاری، لِکھنہار وڈیائیا۔ پھڑ قلماں سارے کرو تیاری، پریم نال سمجھائیا۔ تُسیں لیکھا لِکھو اوس دا جیہڑا نِہکلنک اوتاری، اوتر بےپرواہیِا۔ جو کل کلکی ہووے بھیوَ پائے نہ کوئے نر ناری، نر ہرِ اپنی کھیل کھِلائیا۔ اِمام اِماماں بن سِکداری، حُکم دُھر دا اِک سُنائیا۔ تُسیں عقل بُدھی وِچ اوس دی مہما لِکھو نال پیاری، پریم نال سُنائیا۔ نالے دو ہتّھاں دی مار کے تاڑی، تڑی نال جنائیا۔ اپنی آشا تکّو ناڑی، انتر انتر دھیان لگائیا۔ بھیوَ کھولو جوت نِرنکاری، جو نِروَیر اِک اکھوائیا۔ جو سب دا پروردِگاری، پاربرہم دُھردرگاہیِا۔ اُس دا اِکو نام لِکھو لِکھو نال ہوشیاری، ہوش اپنی آپ بنائیا۔ جِس دے وِچ چار جُگ دی وِدیا آ جائے ساری، لیکھا اوَر رہے نہ رائیا۔ اوہدا بھیوَ دسّو وسے کیہڑی دواری، آسن کوَن وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ بَونجا کویاں قلماں ہتّھ پھڑیِاں، دست دست اُٹھائیا۔ من دیِاں آشا بُدھی دے وِچ وڑیِاں، بھجیِّاں واہو داہیِا۔ منزل منزل دی پؤڑی چڑھیِاں، عقل دا پندھ مُکائیا۔ نواں دواریاں دے کنڈھے کھڑیِاں، ویکھن نیَن اُٹھائیا۔ اَگے کوِتا لِکھیاں بڑیِاں، صِفتاں وِچ صالاحیِا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ قلماں کہن سُنو کوی بَونجا دھار، دھرمیؤ دیاں سُنائیا۔ تُسیں کاتب بڑے لِکھار، لِکھنہار اِک اکھوائیا۔ تُسیں بَیٹھے گوبِند دے دربار، سچکھنڈ ڈیرہ لائیا۔ اوہ یودھا بڑا بلکار، سوُربیِر اِک اکھوائیا۔ تُہاڈا توڑن لگّا ہنکار، بِدھ اپنی آپ بنائیا۔ تُہانوُں پتہ نہیں اوہ کؤن کل کلکی اوتار، کی اپنی کل ورتائیا۔ جو روُپ رنگ ریکھ توں باہر، جِس نوُں ویکھن کوئے نہ پائیا۔ اوہ نوُر نوُرانہ جوت اُجیار، شاہ سُلطانا دُھردرگاہیِا۔ اُس دی پاوے کوئے نہ سار، بھیوَ ابھید نہ کوئے کُھلائیا۔ تُسیں کی لِکھو اُس دا وِستھار، کِس بِدھ دیؤ جنائیا۔ تُہاڈی بُدھی تُہاڈی آسا لِکھنہار، انُبھوَ بھیوَ نہ کوئے کُھلائیا۔ نالے رو کے کیِتی پُکار، کلماں

رہیاں سُنائیا۔ باوَن دا لہنا لؤ وِچار، وِچر کے دیاں دِرڑائیا۔ باوَن اکھّری پاؤ سار، اکھّر اکھّر پھول پھولائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ گوبِند پھیر کہے میرے کوی اوہ لِکھو نِرالا اکھّر، قلم شاہی نال رلائیا۔ سب دے ہنجھوُ ڈِگے اتھر، نیَناں نیِر وہائیا۔ ساڈے ہِردے ہو گئے پتّھر، سمجھ کِچھ نہ آئیا۔ گوبِند نے کِہا جے تُسیں نہیں لِکھدے میَں انتم لتھاں گا اُس دے ستھر، یارڑا سیج ہنڈھائیا۔ وسیرا پھیر ہوئے نہ وکھّر، اِکو گھر بنائیا۔ ایہہ میرا اَخیِری سندیسہ تے حُکم والا پتر، پترکا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ گوبِند کِہا اوہ تیِجی ویر لِکھاریو لِکھ دیؤ لیکھ، بَونجا اپنی خوشی بنائیا۔ لیکھا دسّو اوہ کیہڑا دھرے بھیس، ایسے اُتے خوشی بنائیا۔ کِس بِدھ کلجُگ بدلے ریکھ، رِکھیِاں مُنیِاں ویکھ وکھائیا۔ جے تُسیں میرے کوی تے تُسیں دسّو کِس طرح سنگ ہووےگا دس دسمیش، اپنا ساتھ بنائیا۔ کِس بِدھ اِکٹّھا رہے ہمیش، ہم ساجن روُپ بنائیا۔ کلجُگ کوُڑ میٹے کلیش، کل کلکی ویس وٹائیا۔ نالے لیکھا دسّو سمبل دیس، کی اُس دی گنت گنائیا۔ کِس بِدھ لہنا دینا چُکائے مُلّا شیخ، صدی چؤدھویِں پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ جھٹ بَونجا کویاں اکھّاں میِٹیِاں، انتر دھیان لگائیا۔ گِنن لگّے گیِٹیاں، من منسا نال وڈیائیا۔ تکّن لگّے ہست کیِٹیاں، کیِٹ کیِٹاں کھوج کھوجائیا۔ بولن لگّے پیار دی گیِتیاں، بِن رسنا جِہوا ہلائیا۔ اندروں سمجھ نہ آوے کی اُس دیِاں ہوون کیِتیاں، کی اپنی کل ورتائیا۔ پیار وِچ وٹّن کچِیچیاں، غُصّہ نیڑ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کھیل آپ کھِلائیا۔ بَونجا کوی اِک دوُجے نوُں کرن اِشارے، اکھّ وِنگی ٹیڈھی کرائیا۔ کِس بِدھ پرگٹ ہووے نِہکلنک اوتارے، اپنا ویس وٹائیا۔ کی شبد دیوے ہُلارے، مِہربان مِہر نظر ٹِکائیا۔ سارے اُتوں سِر رہے مارے، سجےّ کھبےّ ہِلائیا۔ بِنا گوبِند توں اُس دی پائے کوئی نہ سارے، ساڈی چلے نہ کوئے چتُرائیا۔ ساڈی قلم سانوُں کہہ کہہ پُکارے، کوُک کوُک سُنائیا۔ تُسیں اِکو وار کہہ دیؤ گوبِند تیرا انت نہ پاراوارے، بےانت تیری )وڈیائیا(۔ جِؤں بھاوے تِؤں سانوُں لاؤنا کنارے، اپنی دَیا کمائیا۔ اسیں لِکھن توں لیکھ تیرے چرناں وِچ ہارے، ہِردیوں دئیے سُنائیا۔ گوبِند نے پھیر دِتے اِشارے، پنجہ اپنا آپ اُٹھائیا۔ نالے سیِنے توں بستر پھاڑے، جوش نال لئی انگڑائیا۔ جوتی جوت سروُپ ہرِ، آپ اپنی کِرپا کر،

دیونہارا ساچا ور، سچ کرنی کار کمائیا۔ بَونجا کوی اُٹھ کے کرن ارداس، نِو نِو سیِس جھُکائیا۔ ساڈی بیننتی سَتگُر تیرے پاس، چرن کوَل سرنائیا۔ سانوُں بھیوَ کھول دے خاص، خالص منگ منگائیا۔ کوَن دوارے کلکی کرے نِواس، پردہ دے چُکائیا۔ کِس بِدھ نوُر ہووے پرکاش، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گوبِند کِہا میرے کوی بَونجا پیارے، پیاریو دیاں جنائیا۔ اوہدے کھیل جگت توں نیارے، نِراکار نِرنکار آپ کرائیا۔ اوہ پرگٹ ہووے وِچ سنسارے، سمبل اپنا آسن لائیا۔ اوہدے لیکھے لہنے چار جُگ توں باہرے، چار جُگ دے شاستراں توں باہر پڑھائیا۔ اوہ ویکھے وِگسے سب دی پاوے سارے، زِمیں اسمان دو جہان ویکھ وکھائیا۔ اُس دا لیکھا لِکھن توں باہرے، بہرہال سُنن کوئے نہ پائیا۔ جو بھیوَ ابھیدا کھولے اگمّ اپارے، بودھ اگادھ دِرڑائیا۔ اُس دے حُکم ورتنے سارے، نہ کوئی میٹے میٹ مِٹائیا۔ اوتار پَیغمبر گُر جِس دے سہارے، سہائک نائک اِک اکھوائیا۔ اُس نوُں ڈنڈاوت بندنا سجدے کرن نِمسکارے، نِو نِو سیِس نِوائیا۔ اوہ پرگٹ ہووے اپنی دھارے، جِس نوُں جنمے کوئے نہ مائیا۔ سمبل وس اپنے چُبارے، ساڈھے تِنّ ہتّھ دئے وڈیائیا۔ میرا کھیل ہووے اپارے، تن وجوُداں نال سُہائیا۔ شبد گُروُ بن ماراں للکارے، دو جہان سُنائیا۔ جو پنجے دِتے اِشارے، پنجاں پھیر لواں اُٹھائیا۔ اوہ میرے پنج بننگے لِکھارے، پنجے اُنگلاں پنجاں قلماں نال وڈیائیا۔ بَونجا کویؤ ایہہ میری کِرپا اوہ سُہنگے پُرکھ اکال دے چرن دوارے، دوُسری اوٹ نہ کوئے رکھائیا۔ کُچھ ویاہے تے کُچھ ہونگے کوارے، گوبِند نے لیکھا دِتا سُنائیا۔ میَں آوانگا پھیر ضرور دوبارے، دوہری کل ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ گوبِند کِہا کویاو ایہہ ہونے بھگت لِکھار، لیکھا پُرکھ اکال لِکھائیا۔ جِس دا سَت سچ ہووے دربار، در دوارا اِک وڈیائیا۔ اوہدا لیکھا دیِن دُنی توں ہووے باہر، مذہباں رنگ نہ کوئے رنگائیا۔ اِکو نام کلمہ شبد ہووے جَیکار، دوُجی اوَر نہ کوئے پڑھائیا۔ اِکو محل اٹل ہووے مینار، آسن سِنگھاسن اِک وکھائیا۔ اِکو لیکھ ہووے داتار، نہ کوئی میٹے میٹ مِٹائیا۔ اِکو ویکھنہار ہوئے کرتار، قُدرت دا قادر دُھردرگاہیِا۔ اُس دِوس سُہاؤنا سی پنج پوہ وِچ سنسار، سوہنی خِلعت کھِلائیا۔ کویِؤ میرا پھیر لگّیگا دِلّی وِچ دربار، دِلبر ہو کے ویکھ وکھائیا۔ اوہناں پنجاں دے گل وِچ پا دیوانگا اپنی ہتّھیں اِک اِک ہار، ہِردیاں دی اندروں کراں صفائیا۔ پِھر جِدھر جاوانگا گُرمُکھاں

نوُں لاؤندا جاوانگا پار، پھڑ پھڑ باہوں گلے لگائیا۔ دیِن دُنی نوُں دیندا جاوانگا ہُلار، ہلوُنیاں نال اُٹھائیا۔ گُرسِکھاں وکھاؤندا جاوانگا دیِدار، دیدہ دانِستہ نظری آئیا۔ اپنا ویس کراں اپار، سمجھ سکے کوئے نہ رائیا۔ اشٹبُھج دا قرضہ دیاں اُتار، چوُڑا لال رنگ چُھہائیا۔ لکشمی پاربتی سُرستی دی اِچھیا پوُری کراں وِچ سنسار، آپ اپنا ویس وٹائیا۔ الفی پا کے درویش ہوواں ہوواں پروردِگار، سانجھا یار اکھوائیا۔ میرا ویس اولّڑا نہ پُرکھ نہ نار، چکّر چِہن نظر کوئے نہ آئیا۔ جگت دھار دی تیڑ پہن سلوار، روُپ انوکھا دیاں وکھائیا۔ پھیر تکاّں شنکر والی دھار، گنگا سیِس جگدیِش ٹِکائیا۔ پری ارمبا دیاں ہُلار، سُتی آپ ہلائیا۔ چؤداں لوک پاواں سار، چؤداں رتن رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ پلنگ کہے میَں اپنے ٹِکانیوں گیا بدل، بدلی پربھ نے دِتی کرائیا۔ جِس اِنصاف کرنا عدل، عدالت اِک لگائیا۔ میری پوُری کرے منزل، منزل پندھ مُکائیا۔ پھیر سب نوُں وکھاوے اجل، جو کوُکے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ بَونجا کویِاں کِہا گوبِند تیری اندرِشٹی، درِشٹ وِچ نہ آئیا۔ تُوں لیکھا جانے سرب سرِشٹی، سریشٹ تیری وڈیائیا۔ تیری جوت دھار نِرنتر کِسے نہ دِسدی، ویکھن کوئے نہ پائیا۔ تیری اوٹ اکال اِک دی، ایکنکار سہائیا۔ اسیں دھار بنے تیری سِکھ دی، سِکھیا وِچ سمائیا۔ ساڈی قلم لیکھ نہیں لِکھدی، کِس بِدھ آوے دُھر دا ماہیِا۔ ایہہ کاغذ اُتے نہیں ٹِکدی، شاہی سنگ نہ کوئے رکھائیا۔ اَگوں رو رو کے پِٹدی، پٹنے والیا تَینوُں رہی سُنائیا۔ میَں ونجاری اِک چِٹ دی، اپنی ہتّھیں لِکھ کے دے پھڑائیا۔ نالے سِر قدماں دے وِچ سِٹدی، نِو نِو سیِس جھُکائیا۔ میَں ونجاری رہنا نہیں پتّھر اِٹّ دی، جنگل جوُہاں آسن موُل نہ لائیا۔ میَں کھیل تکّنی نِت نِت دی، نوِت اپنا نیَن اُٹھائیا۔ میَں سیوا ضرور کرانگی اوس پرمیشور پِت دی، جو مالک دُھردرگاہیِا۔ میَں ونجارن بنانگی منی سِنگھ دے چِت دی، چیتن ہو کے سنگ بنائیا۔ نالے گوبِند دے چرناں وِچ لِٹدی، دھوُڑی خاک رمائیا۔ اپنی وار تِھت آپے مِتھ دی، مِتھیا سمجھ لوکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ قلم کہے میَں منی سِنگھ نوُں آکھیا، بِن رسنا بول جنائیا۔ میری سیوا لائی پُرکھ ابناشیا، حُکم دِتا دِرڑائیا۔ جو کھیل کرے ساکھیات ساکھیا، سخا سُہیلا دُھردرگاہیِا۔ نالے خوشیاں وِچ نِکلیا ہاسیا، ہسّ کے دِتا وکھائیا۔ اوس دے منڈل دی تک

لےَ راسیا، جو بِن گوپی کاہن ناچ نچائیا۔ جِس دا تیرے اندر پیار دا واسیا، وصل دیوے یار خُدائیا۔ جِس دا پیار کِسے نہیں ناپیا، پَیمانیاں وِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ منی سِنگھ کہے میَں کی دسّاں میرے اندر وجّیاں ہُجاں، ہلوُنیاں نال جنائیا۔ بھیوَ دسّ کے گُجھا، میرا پردہ دِتا اُٹھائیا۔ اپنے آؤن دا سمجھا کے مُدّعا، مُدّت دے وِچھڑیاں لیا مِلائیا۔ میرے اندر پرکاش ہویا اُدا، جوت جوت نال مِلائیا۔ میَں ویکھیا اُتے بسُدھا، چاروں کُنٹ اکھّ اُٹھائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ منی سِنگھ کہے میَنوُں سَتگُر شبد نے دِتا ہُلارا، بھیوَ دِتا چُکائیا۔ تُوں ہونا خبردارا، بےخبراں خبر سُنائیا۔ پُرکھ اکال تتاں دا بن ونجارا، اپنا پردہ بَیٹھا پائیا۔ تُوں لِکھنا لیکھ نیارا، تَینوُں رہیا سُنائیا۔ تیرا قلم دا قلم نال پیارا، مُحبّت مُحبّت وِچوں پرگٹائیا۔ تُسیں اُس نوُں کرنا ظاہرا، جو ظاہر ظہوُر اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، سچ دا پردہ آپ چُکائیا۔ منی سِنگھ کہے میَں کی دسّاں بات، بات دی بتنگڑ دیاں بنائیا۔ میَنوُں پھڑ کے ہلوُنیاں اپنی رات، دوُجی رات نہ کوئے وکھائیا۔ پھیر دسّ کے اپنی ذات، پردہ دِتا چُکائیا۔ پھیر درشن دے کے ساکھیات، بال بالا روُپ وٹائیا۔ گھنک پُر کہہ کے میری مُکائی واٹ، تتاں اندر نظری آئیا۔ میرا نہ دِوس رہیا نہ پربھات، سندھیا روُپ نہ کوئے درسائیا۔ میَں جِدھر ویکھاں میَنوُں نظر آوے قلم تے دوات، کاغذ خالی سوبھا پائیا۔ جے سواں تے میرا کُھل جائے کپاٹ، آلس نِندرا رہن کوئے نہ پائیا۔ جے میَں چلاں تے میری ہور اَگے ودھ جائے واٹ، پیَنڈا مُکن وِچ نہ آئیا۔ جاں نِگاہ ماری تے میَنوُں پُرکھ اکال دا دِسے ہاٹ، سوہنا سوبھا پائیا۔ جے غؤر نال تکاّں جوت دا پرکاش، نوُر نوُرانہ نوُر الاہیِا۔ جے پھیر ویکھاں تے گوبِند ہووے ساتھ، سوہنا رنگ بنائیا۔ پر میَنوُں سمجھ نہ آوے ایہہ کی کھیل تماش، کوَن رہیا کرائیا۔ جے میَں سواس لواں اندروں تُوں میرا میَں تیرا نِکلے آواز، اَگے اوَر نہ کُچھ سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سنت منی سِنگھ کہے میَنوُں شبد نے دِتی گھنگھور، ہلوُن ہلوُن ہِلائیا۔ میَنوُں پھڑ کے راہے دِتا تور، تُریا دے نال تُرت دِتا مِلائیا۔ میرے انتر فُرنا پُھرے پرکاش ہووے اندھ گھور، نوُر نوُرانہ ڈگمگائیا۔ جاں ویکھاں تے وسے کول، دوُر دُراڈا پندھ مُکائیا۔ اناد دا نادی وجےّ ڈھول، بِن ڈھولک چَھینے کھڑکائیا۔ جوتی جوت سروُپ ہرِ، آپ اپنی کِرپا کر، دیونہارا

ساچا ور، سچ کرنی کار کمائیا۔ سنت منی سِنگھ کہے میَں لِکھ لِکھ تھکا، بھیوَ کُچھ نہ پائیا۔ میَنوُں یاد رہے کوئی نہ ٹپّا، نہ اکھّر کوئی سمجھائیا۔ میَں اِرادیوں ہو گیا پکاّ، پکّی لئی بنائیا۔ میرے پُرکھ اکال دیِن دَیال کُچھ اگلا دسّ دے پتہ، پت پرمیشور دَیا کمائیا۔ جھٹ آواز آئی خبر سُنائی یکا، واحد دِتا دِرڑائیا۔ منی سِنگھا تَینوُں جگاوَن دی دِتی سَتا، سُتیاں دینا اُٹھائیا۔ اَگے ہور ویکھ لےَ تَینوُں سمجھاواں رتا، رتی رتی وِچوں دِرڑائیا۔ اؤہ تک لےَ میرا پیار دا اکھّر اِکو پپا، پّپے دا پوُرن ہووے بےپرواہیِا۔ جِس نوُں اِکّی وار اُنگل نال لِکھ گیا سی نانک تپا، تپیِشراں توں باہر لِکھائیا۔ اوس دا میرے نال مِل کے چلنا رتھا، جگت جہان پِھرے چائیں چائنیا۔ ایہہ کھیل کرے پُرکھ سمرتھا، سمرتھ اپنے ہتّھ رکھے وڈیائیا۔ نالے اِشارہ کیِتا منی سِنگھ کھول لےَ اکھّاں، بِن اکھّیِاں اکھّ اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پردہ آپ چُکائیا۔ منی سِنگھ کہے میَں کھولیِاں اکھّیِاں، نیَن نیَن وِچوں بدلائیا۔ جِدھر تکاّں بھگت پیاریِاں دِسن سخیاں، ساجن روُپ نظری آئیا۔ کدے روندیِاں تے کدے ہسّیِاں، خوشی غمی دوویں رنگ بنائیا۔ پھیر تکیا تے اوہناں دے گل پریم دیِاں رسّیِاں، گنڈھاں سکے نہ کوئے کُھلائیا۔ جو پربھوُ دے ستھر لتّھیاں، سیج سُہنجنی سوبھا پائیا۔ چاروں کُنٹ پِھرن نسّیِاں، بھجّن واہو داہیِا۔ جِنہاں وڈیائی ملِے لکھّ لکھّیِاں، کروڑ کروڑی ویکھ وکھائیا۔ اوہ پڑھ گئیاں اِکو پٹّیِاں، پرم پُرکھ کیِتی پڑھائیا۔ پوِتر کر کے کایا مٹّیاں، دُرمت میَل دھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ منی سِنگھ کہے میَں تکیا نال دھیان، نِج نیتر دھیان لگائیا۔ میَنوُں اُپجیا اِک گیان، بُدھی توں پرے دِتا سمجھائیا۔ تیرا لیکھ جگت مہان، لِکھ لِکھ دِتا ٹِکائیا۔ تَینوُں پھڑنگے راج راجان، جیلاں وِچ ملِے سزائیا۔ پھیر مِلانگا آن، اپنا پردہ پائیا۔ تُوں گاؤندا رہنا میرا گان، اپنی خوشی بنائیا۔ تیرا اکھّر اکھّر کراں پروان، لیکھے وِچ رکھائیا۔ پھیر نواں بناواں وِدھان، نویاں رنگ رنگائیا۔ سرِشٹی وِچ ہو پردھان، اپنا آپ پرگٹائیا۔ جیہڑا شبد تَینوُں سندیسے دیوے آن، چوری چوری حُکم سُنائیا۔ اوس نوُں لوک مات کراں پروان، اپنی گنڈھ پوائیا۔ اؤہ تک لےَ بیِسویں صدی دا نِشان، بیِس بیِسا ہو کے رہیا دِرڑائیا۔ پوُرن وِچ میری پوُرن جوت جگے مہان، بِنا پوُرن توں پوُرن نظر کوئے نہ آئیا۔ آپے گوپی بنانگا آپے بنانگا کاہن، آپے سیِتا رام روُپ درسائیا۔ آپ رسوُل بنانگا آپ بناں اِمام، ایہہ میری بےپرواہیِا۔ آپے منتر ہوواں

ستنام، آپے سَتگُر شبد وڈیائیا۔ پردہ لاہ کے ڈنک وجاواں جگت جہان، اوہلا رہن کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ منی سِنگھ کِہا میرے سَتگُر تُوں بڑا شرارتی، میَں شرع نال جنائیا۔ میَں لیکھ لِکھن والا عبارتی، صِفتاں نال وڈیائیا۔ تُوں جُگ جُگ لوک مات بنے تجارتی، سؤدے مذہباں والے کرائیا۔ تیری کھیل پتہ نہیں پُرکھ نار دی، نر نرائن تیری بےپرواہیِا۔ میَنوُں اِکو گلّ یاد اوہ گوبِند والے یار دی، جو تیرا ستھر گیا ہنڈھائیا۔ پر میَں جھگڑا نہیں کردا میَں پھیر کھیل ویکھنی نہیں چاہُندا تیری تلوار دی، پُرکھ اکال ہو کے کھنڈے ہتّھاں وِچ پھڑ آئیا۔ میَں اِک منگ منگدا تیری کھیل ہووے حُکم سچّی سرکار دی، نہ کوئی میٹے میٹ مِٹائیا۔ تیری حُکم حکوُمت ہووے شاہو بھوُپ نِرنکار دی، شہنشاہ دو جہان سیِس نِوائیا۔ میری قلم نے لیکھ لِکھیا آسا پوُری کرنی دِلّی دربار دی، سچ نال جنائیا۔ جِس ویلے صدی چؤدھویِں سب نوُں واجاں ہووے ماردی، مردی مردی کرے حال دُہائیا۔ دُہائی سُن لےَ وے میریا مالکا چار یار دی، حضرت اپنے نال مِلائیا۔ اوس ویلے گھڑی ہووے نہ کوئے تکرار دی، جھگڑا رہن کوئے نہ پائیا۔ تُوں اپنی سند ویکھنی اِقرار دی، وعدے قؤل تکّنے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ بھیوَ آپ چُکائیا۔ سَتگُر شبد کہے منی سِنگھ جیل خانے وِچ بِراجیا، اپنا آسن دو ویراں اِک رات بدلائیا۔ کدے سووے تے کدے جاگیا، کدے پاسا لئے بدلائیا۔ کدے رووے نال وَیراگیا، نیتر نیَناں نیِر وہائیا۔ کدے اُٹھ اُٹھ پِھرے بھاگیا، اندرے اندر قدم ٹِکائیا۔ کدے اُچی اُچی مارے آواجیا، آ جا میرے ساچے ماہیِا۔ نالے گائن گاوے میرے شاہو بھوُپ راجیا، شہنشاہ دُھردرگاہیِا۔ جے آ گِیوں دیس ماجھیا، کیوں بَیٹھا مُکھ چُھپائیا۔ کیوں میری نہیں رکھدا لاجیا، سِر میرے ہتّھ رکھائیا۔ جوتی جوت سروُپ ہرِ، آپ اپنی کِرپا کر، مِہربان آؤنا بھاگیا۔ سنت منی سِنگھ اُٹھ اُٹھ ویکھے، دہ دِشا اکھّ اُٹھائیا۔ میَں جِس دا لِکھدا لیکھے، اوہ کِتھے میرا ماہیِا۔ اوہ میَنوُں مِل جا بُھل بُھلیکھے، اپنا پھیرا پائیا۔ میرا ہِردا تَینوُں چیتے، چیتن ہو کے رہیا سُنائیا۔ تُوں صاحِب نیتن نیتے، نیرن نیر اکھوائیا۔ میریا پریِتما میرے تیرے نال سؤہرے پیکے، دوُجا گھر نہ کوئے بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر پردہ آپ چُکائیا۔ جھٹ شبد آیا دُھر دا، سہج نال سُنائیا۔ سنتا اُٹھ ویکھ حال انندپُر دا، پُترا دیاں سمجھائیا۔ حوصلہ ویکھ لےَ گوبِند گُر دا، جو

سب کُچھ رہیا تجائیا۔ اَگے جاندا موُل نہ مُڑدا، حُکم منّے چائیں چائنیا۔ سرسے وِچ ویکھ لےَ رُڑھدا، دھن دؤلت بےپرواہیِا۔ سارے کہن وقت آ گیا تُھڑ دا، خالی ہتّھ وکھائیا۔ اُس ویلے گوبِند نے پرساد ونڈیا سی گُڑ دا، گُرسِکھ گُڑ لِیاؤن والیا چرناں وِچ دینا ٹِکائیا۔ نالے ہسّ کے کِہا میرا بیڑا نہیں کوئی رُڑھدا، جو رُڑھیا سو سچکھنڈ وِچ جائیا۔ میرا میلا سدا دُھر دا، اَدھ وِچکار نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ منی سِنگھ ویکھ لےَ سرسے دا کنڈھا، سر سر دھیان لگائیا۔ پانی ویکھ لےَ ٹھنڈا، پوَن ہُلارے رہی کھائیا۔ خالی دِسدا پُری انندا، چار دیواریِاں روون مارن دھاہیِا۔ وِچھڑدا جائے بندے نال بندہ، گُرسِکھ گُرسِکھاں نالوں پلّوُ چُھڈائیا۔ چاروں کُنٹ اندھیرا اندھا، بادل گھنگھور شنوائیا۔ گوبِند خوشیاں وِچ بھواوے کھنڈا، چاروں کُنٹ گھُمائیا۔ ایہہ بھانا پُرکھ اکال سندھا، جِس سندھیا ویلے گھر دِتا چُھڈائیا۔ پھیر پَیراں توں ہو کے ننگا، نچّیا ٹپّیا چائیں چائنیا۔ پھیر لیکھ ویکھیا کی دُھر دا لِکھیا سندا، سند کی رکھائیا۔ گوبِند تیرے بِنا کلجُگ دا پیَنڈا نہیں مُکنا لما، لمی گلّ نہ کوئے سمجھائیا۔ نالے ہلوُن کے سجّا کندھا، پُرکھ اکال دِتا ہِلائیا۔ گوبِند جیہڑا لیکھ لِکھیا اِشاریاں والا کوی بَونجا، باوَن دھار سُنائیا۔ اوہدے اُتے لا کے اپنا پنجہ، سرسے وِچ دینا ٹِکائیا۔ پھیر نیتر نیِر وہا کے رو پئی شنکر والی گنگا، بہُڑی بہُڑی تیری دُہائیا۔ ناچ نچّ کے وکھایا پری ارمبا، اپنی خوشی بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ شبد کِہا منی سِنگھا گھبراویں نہ۔ تن میہنے ہور سُناویں نہ۔ شیرسِنگھ نوُں آپ شیر بن ڈراویں نہ۔ تیرے اُتے کیِتی مِہر، تُوں باہر کڈھاویں نہ۔ تیرے واسطے ہوئی دیر، تُوں اپنی آسا موُل چُکاویِں نہ۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہِمّت حوصلہ موُل ڈھاہویِں نہ۔ منی سِنگھ سُن لےَ منّیا، ممتا دینی تجائیا۔ لاڈلے میرے چنّیا، چند دیواں سمجھائیا۔ تُوں مات لوک وِچوں جانا بھنّیا، بھجّنا واہو داہیِا۔ جِس گگن رہایا بِنا تھمیا، تیرا ہوئے آپ سہائیا۔ تُوں سُننا شبد بِن کنّیا، کائنات وِچ دِرڑائیا۔ میرا کھیل اگمّ اگمّیا، جگ نیتر ویکھن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔ منی سِنگھ پنج پوہ دی رات تیری لنگھنی دِسدی اؤکھی، سمت اُنی سؤ اٹھاراں عیسوی دئے گواہیِا۔ منی سِنگھ کِہا تیرے حُکم دی دھار سؤکھی، سہج نال دینی سمجھائیا۔ میَں کوئی پڑھیا نہیں پوتھی، پُستکاں ہتّھ اُٹھائیا۔ میری بُدھ ہون نہ

دیویں تھوتھی، نِرمل لیَنی آپ کرائیا۔ میَنوُں اپنے پیار وِچوں کدے نہ روکیِں، اَگے ہو نہ کدے اٹکائیا۔ میَنوُں دسدے سچ سلوکی، سوہلا دے سمجھائیا۔ کِس بِدھ تیری پرگٹ ہووے جوت جوتی، جوتی جاتے دینا سمجھائیا۔ جھٹ شبد نے پِٹھ تے ماری سوٹی، زور نال لگائیا۔ پھیر ٹُھکرا کے چوٹی، ہُلاریاں وِچ ہلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ شبد سَتگُر کِہا منی سِنگھ ویکھ لےَ دُھر دی جوت پرکاش، پرکاش دیاں وکھائیا۔ وقت سُہنجنا تک لےَ خاص، دِوس رَین رنگ رنگائیا۔ مِہربان مِہربان مِہربان ہووے پُرکھ ابناش، ابناشی کرتا دُھردرگاہیِا۔ سمبل کرے سچ نِواس، آسن سِنگھاسن اِک لگائیا۔ دُھر سندیسہ دیوے بِن رسن سواس، شبدی شبد شبد جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ منی سِنگھ کِہا میَں نہیں جان دا کی ہووے تیرا ویس، کی اولّڑی کھیل کھِلائیا۔ میَنوُں دسّ دے اپنا دیس، گرِہ مندر دے وکھائیا۔ جِتھے وسے نر نریش، اپنا ڈیرہ لائیا۔ سدا رہے ہمیس، سچ سِنگھاسن سوبھا پائیا۔ جو میَں پیار وِچ لِکھیا لیکھ، اوہدا پردہ دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ جھٹ منی سِنگھ اُٹھ کے چاروں کُنٹ گیا بھؤں، بھاوَنی اندرے اندر رکھائیا۔ بِنا سُتیاں گیا سؤں، نیَن نیَناں وِچ چُھپائیا۔ نالے بیننتی کرے میَنوُں تیرے نال گٔوں، اوٹ تیری اِک رکھائیا۔ سچ دسّ دے کی کھیل کرینگا سمت شہنشاہی وِچ نؤ، نِرنکار دینا دِرڑائیا۔ کی بھاگ لگائیں جمنا کنارہ تھاؤں، جِتھے نِشان آیا لگائیا۔ کی بھگتاں پکڑے باہوں، اپنی دَیا کمائیا۔ کی گُرمُکھاں ہوئے پِتا ماؤں، پُرکھ اکال گود ٹِکائیا۔ کی غریِب نِمانیاں دیویں چھاؤں، سِر اپنا ہتّھ ٹِکائیا۔ سچ دسّ کِس بِدھ دیِن دُنی نوُں لائیں داؤ، اپنا اپنا بھیوَ چُھپائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ سَتگُر شبد کِہا، میَں کھیل کھِلاواں گا۔ جوتی جاتا ویس وٹاواں گا۔ سمبل دیس اِک سُہاواں گا۔ نر نریش آپ اکھواواں گا۔ کلجُگ کل کلیش مِٹاواں گا۔ مُلّا شیخ ویکھ وکھاواں گا۔ دیس پردیس رنگ رنگاواں گا۔ وِشن مہیش آپ اُٹھاواں گا۔ لیکھا جان سہنسر مُکھ شیش، دو سہنسر جِہوا نال رلاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کماواں گا۔ سچ کرنی کار کماواں گا۔ دیِن دَیال اِک اکھواواں گا۔ گُرمُکھ لال آپ اُٹھاواں گا۔ سمت شہنشاہی نؤ ویکھ وکھاواں گا۔ جوتی

جوت سروُپ ہرِ، آپ اپنی کِرپا کر، سد اپنا پردہ لاہواں گا۔ ساچا پردہ اپنا لاہواں گا۔ منی سِنگھ تیری آسا پوُر کراواں گا۔ دِلّی دربار چرن چُھہاواں گا۔ جگت سِنگھاسن آپ بدلاواں گا۔ زِمیں اسماناں ہاہاکار کراواں گا۔ دو جہاناں ویکھ وِکھاواں گا۔ گُن نِدھاناں ناؤں دھراواں گا۔ نِرگُن نوُر جوت رُشناواں گا۔ پوُرن برہم اِک سمجھاواں گا۔ پنچم پوہ وڈ وڈیاواں گا۔ بھگت سُہیلے گود ٹِکاواں گا۔ گُر چیلے جوڑ جُڑاواں گا۔ جُگ جنم دے وِچھڑے موڑ لیاواں گا۔ جے پِچھے رہ گئی تھوڑ، اَگے پوُر کراواں گا۔ میرے بِن کوئے ہوئے نہ براہمن گؤڑ، پوُت سپوُتا نہ کوئے اکھواواں گا۔ کل کلکی ہو کے جاواں بہُڑ، نِہکلنکا روُپ درساواں گا۔ اِمام اِمام دی پوُری کراں لوڑ، آسا سب دی ویکھ وِکھاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کماواں گا۔ پنچم پوہ کہے جن بھگتو میَں خوشیاں والا چڑھیا، چڑھدے لہندے دھیان لگائیا۔ میَں تُہاڈا کرم دا نِراکھّر پڑھیا، اکھّراں دِتا تجائیا۔ جو سچ پریِتی وِچ جڑیا، پریِتم اپنے رنگ رنگائیا۔ جو تُہاڈے گرِہ دوارے کھڑیا، سنمُکھ سوبھا پائیا۔ جو وسیا بھگت دوریا، اِکو گھر سُہائیا۔ اوس دا شبد سُن لؤ کھریا، کھرے کھوٹیاں دئے سُنائیا۔ جو چرن لگّیا سو تریا، تارنہار دَیا کمائیا۔ گُرمُکھ کدے نہ مریا، مر جیِوت روُپ بدلائیا۔ تُہاڈا مانَس بوُٹا پیار نال کیِتا ہریا، انت سُک کدے نہ جائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ پنج پوہ کہے اؤہ کوُکدے ہاراں والے پُھلّ، پُھلّ پُھل کے اپنا آپ وکھائیا۔ جن بھگتو ساڈے بولن والے نہیں بُلّ، رسنا نظر کوئے نہ آئیا۔ اسیں تُہاڈے نال مِل کے ہو گئے تُہاڈے تُل، اِکو ترازوُ پربھ نے دِتا ٹِکائیا۔ اسیں سچ دسّیئے تُسیں کدے نہیں جانا بُھل، بُھل وِچ کدے نہ آئیا۔ بِنا پُرکھ اکال توں ایس زِندگی دا نہیں کوئی مُل، قیِمت جگت نہ کوئے رکھائیا۔ جن بھگتو تُہاڈا دیِپک کدے نہیں ہونا گُل، روشنی کرے تھاؤں تھائنیا تُہاڈا بوُٹا کدے نہیں جانا ہُل، سَتگُر پھل نام رہیا لگائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ پنج پوہ کہے گنگا نیتر رووے کرے پُکار، کوُک کوُک سُنائیا۔ میَں جٹا جوُٹ دی دھار، دھرنی دھرت دھوَل دھؤل بھجّاں واہو داہیِا۔ میَں نِت نوِت راہ تکاّں اوس مُرار، جو مُراریِاں دئے وڈیائیا۔ جِس دی چرن چھوہ نال سب دا بیڑا ہو جائے پار، دوُسر اوٹ نہ کوئے رکھائیا۔ میَں اُس دے حاضر ہو دربار، نِو نِو لاگاں پائیا۔ جِتھے بھگت سُہیلے دِتے تار، میرا لہنا اوہناں نال مِلائیا۔ میَں جُگ جُگ خِدمتگار، خادم ہو کے تیری سیو

کمائیا۔ پری ارمبا کہے میَں بِنا قدم توں نچار، نچّاں ٹپّاں کُداں چائیں چائنیا۔ تُوں شبد دھار گوبِند سچّی سرکار، شہنشاہی اِک اکھوائیا۔ بَونجا کوی آشا وِچوں اپنی خواہش رہے اُچار، بِن رسنا رس جنائیا۔ پُرکھ اکالے دیِن دَیالے ایکنکار، اِک اِکلّے تیری وڈیائیا۔ جے تُوں پنجاں تن پوائے ہار، ہِردے انتر کری صفائیا۔ جنم مرن توں کڈھ کے باہر، اپنے رنگ رنگائیا۔ تیرے در تے فرق نہیں کوئی پُرکھ نار، تتاں ونڈ نہ کوئے ونڈائیا۔ تیرا آتم اِک ادھار، انتر آتم ویکھ وکھائیا۔ جن بھگتاں پاؤنی سار، سنتا ہونا سہائیا۔ گُرمُکھاں دینا تار، گُرسِکھاں گود اُٹھائیا۔ منگ منگی دِلّی دربار، در دروازے سیِس جھُکائیا۔ جِتھے شاہ سُلطاناں ہونا بِھکھار، بِھکھیا منگن واہو داہیِا۔ راج راجان تکّن آن دیِدار، نیتر لوچن درشن پائیا۔ تیرا وقت سُہنجنا ہونا وِچ سنسار، سُہنجنی رُت سوبھا پائیا۔ تیِجے تیِجے تیِجے دِن تیرا میلا ہویا کریگا مِلن والیاں اپر اپار، پہلوں مِلن کوئے نہ پائیا۔ نؤ نؤ وار دھوُڑ لایا کرنگے مستک چھار، بھگت دوار دئے گواہیِا۔ الفی والیا پھیر تُوں الف یے دے حرفاں توں ہووینگا باہر، تیری صِفت نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ نارد کہے بھگتو سوہنیو میَں بڑیِاں سُنیِاں خبراں، تُہاڈے سجےّ کھبےّ اَگے پِچھے بہہ کے دھیان لگائیا۔ میَں آوازاں سُنیِاں شیر ببّراں، جو بھبکاں وِچوں بھبک رہے لگائیا۔ میَں خوشیاں ویکھیاں جگت ٹبّراں، گھرانے کُنبے پھول پھولائیا۔ سچ پُچھو ایہہ کِسے کِسے دیاں آساں پوُریاں کردا سدھراں، سِر اپنا ہتّھ ٹِکائیا۔ باقی سرِشٹی ویکھو پِھرے وانگ ڈنگراں، پشوُ ڈھور بھجّن واہو داہیِا۔ ایہہ ہتّھ کدے نہیں آؤندا مسیِتاں مندراں، مٹھاں ڈیرہ کدے نہ لائیا۔ ایہہ جدوں مِلیا، مِلیا بھگتاں دے اندراں، اندر بہہ کے اپنا درس دِکھائیا۔ جدوں کِرپا کرے تے اودوں توڑے جِندرا، بِنا کُنجی توں کُنجی لئے لگائیا۔ نارد کہے میَں گلّ نہیں آکھنی ایہہ پربھوُ بڑا چندرا، جدوں جی چاہے چنڈالاں نوُں دئے ترائیا۔ کئی وِچارے مر جاندے وِچ کُندراں تے کھنڈراں، پہاڑاں اُتے آسن لائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے جن بھگتو پربھوُ بڑا کردا للّا پوپا، للّیاں والے پال سِنگھ دا کُچھ لیکھا نظری آئیا۔ جِس دا حِساب کیِتا اُنگلاں اُتے پوٹا پوٹا، بِن لیکھیاں لیکھا گنت گنائیا۔ میَں سچ دسّاں اوہدا وِچھڑن والا سی اِک پوِتا، چھوٹا کاکا درشن سِنگھ دا نظری آئیا۔ اوس دے پِچھے پنج پوہ نوُں آپ آ گیا دے کے ہوکا، ہرِجن اپنے نال رکھائیا۔ نالے وِہار کیِتا تے نالے بھگت دا سوُار دِتا مؤقع، مِہر نظر اِک

اُٹھائیا۔ اوسے دے پیار وِچ لال رنگ دا چوُڑا پایا تے کیِتا اپنا شؤقا، سوہنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نارد کہے جن بھگتو تُسیں خوشیاں وِچ اِک مار دیؤ تالی، ہتھیلی ہتھیلی نال مِلائیا۔ تُہانوُں تُہاڈا سَتگُروُ خوشی دے دیوے باہلی، بہُتی اپنی دَیا کمائیا۔ پر یاد رکھیو جِنہاں دے بچّے ایس سال وِچھڑے اوہ کرِیو نہ کاہلی، اَگے واسطے بھگتاں دے گھر بھگت پھیر دیوے پرگٹائیا۔ ہور پھل لگائے پال سِنگھ دے نال دوُجے پال سِنگھ دی ڈالی، محل سِنگھ دے نال محل پھیر دئے وسائیا۔ ایہہ کھیل اولّڑی جِس دی گھال گُرمُکھاں نے گھالی، جگت سمجھ کِسے نہ آئیا۔ بچن سِنگھ دیِپک رکھ کے وِچ تھالی، تھلاں توں باہر دھیان لگائیا۔ جِس دی لچھمن سِنگھ نوُں لالی، لالی وِچوں لال اپنے لیکھے لائیا۔ بِردھ اوستھا اُس دی سُرت آپے لئے سمبھالی، سمبل دا مالک ہو کے دَیا کمائیا۔ جن بھگتو تُہاڈا پھل سوہنا لگّا کایا ڈالی، ٹہنی ٹہنی آپ مہکائیا۔ تُساں پربھ دے بننا کی سوالی، بِنا سوال توں تُہاڈی جھولی دئے بھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ پنج پوہ کہے جن بھگتو میرے نال مِلاؤ نیَن، اکھّیِاں والے اپنیِاں اکھّاں نال رلائیا۔ تُہاڈا سب دا اِکو ساک اِکو سجّن اِکو سیَن، دوُجا نظر کوئے نہ آئیا۔ بِنا نار کنت توں باقی سارے بھائی بھَین، نیتر اکھّ نہ کوئے بدلائیا۔ دھرم دی دھار سچ دا وہن، تُساں جگت دینا وہائیا۔ اُنگلاں کر کر سارے تُہانوُں کہن، اِنہاں دا اِکو پِتا اِکو مائیا۔ جیہڑا پِچھلے لیکھے آیا دین، دیونہار بن گوسائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ پنج پوہ کہے جن بھگتو پربھ نوُں ہِردیوں جاؤ جھُک، ہاردک ملِے وڈیائیا۔ تُوں میرا میَں تیرا پڑھو تُک، سوہنگ مہاراج شیرسِنگھ وِشنوُں بھگوان دی جےَ دینی سُنائیا۔ اگلا پیَنڈا سب دا جائے مُک، پاندھی رہن کوئے نہ پائیا۔ خوشی دا وقت سُہنجنا تُہاڈے پوِتر ہوئے مُکھ، رسنا جِہوا مِلی وڈیائیا۔ جن بھگتو تُہاڈے انتر سدا رہے سُکھ، دُکھ درد دا ڈیرہ ڈھاہیِا۔ جگت ترِسنا میٹے بُھکھ، تامس دئے مِٹائیا۔ پنج پوہ کہے میَں خوشیاں وِچ کہاں اُٹھ، سب نوُں دیاں سُنائیا۔ بھگت بھگوان بھگوان بھگت دی اِکو بجھّی رہے مُٹھ، پنجہ سکے نہ کوئے کُھلائیا۔ تُہاڈی سُہنجنی ہووے رُت، رُتڑی اِکو گھر مہکائیا۔ تُسیں اِک صاحِب دے لاڈلے پُت، جو پِتا بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گھر ساچا اِک وکھائیا۔ پنج پوہ کہے جن بھگتو

میری منظور کرو نِمسکار، نِو نِو سیِس جھُکائیا۔ تُسیں آئے دِلّی دربار، درگاہ ساچی دا پندھ مُکائیا۔ سَتگُر شبد دی اگمّی چلی دھار، دھرنی دھرت دھوَل دھؤل سوبھا پائیا۔ سب دا میلا نال اِک کرتار، قُدرت دا قادر دئے وڈیائیا۔ در آیاں نوُں دوہاں ہتّھاں دا سیِس تے دیوے پیار، پیار نال اپنی گود ٹِکائیا۔ چرن دھوُڑ بخش کے چھار، مستک ٹِکّے دئے لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنا کھیل کرے اپر اپار، اپرمپر اپنے وِچوں پرگٹائیا۔