کتب خانہGranth 23 (Shahmukhi)

۲۶ پوہ شہنشاہی سمت نؤ ہرِ بھگت دوار جیٹھوُوال شام نوُں لنگر دی چار دیواری دے اندر لنگھن سمیں

چھّبی پوہ کہے میرا وقت سُہنجنا سمت شہنشاہی نؤ، نوَ نؤ چار دھیان لگائیا۔ میَں جُگ چؤکڑی لوک مات آیا بھؤں، سَتجُگ تریتا دواپر کلجُگ اپنا پندھ مُکائیا۔ میرا انت اَخیِر اوتار پَیغمبراں گُروُآں نال گٔوں، لوڑ سب نوُں دیاں جنائیا۔ جیہڑی سرِشٹی درِشٹی اندر گئی سؤں، سُتیاں سکے نہ کوئے جگائیا۔ پرماتم دھار سب نوُں بُھلیا پِتا ماؤں، پُرکھ اکال نظر کِسے نہ آئیا۔ میَں تکّے ساڈھے تِنّ ہتّھ ہتّھ گراؤں، گرِہ گرِہ مندر پھول پھولائیا۔ سَت سچ دا مِلیا کِسے نہ ناؤں، نر نِرنکار نظر کِسے نہ آئیا۔ میَں تکّے تھل اسگاہو، مہیئل کھوج کھوجائیا۔ ہِردیوں کِسے نہ نِکلے واہو واہو، واہ بے پرواہ بھیوَ کوئے نہ پائیا۔ چھّبی پوہ کہے میَں ہلوُنے دِتے وِشن برہمے شِو اُٹھ جاؤ، اپنی لؤ انگڑائیا۔ ویکھو نؤ کھنڈ پرِتھمی ستّ دیِپ کلجُگ کوُڑی کِریا لائے داؤ، چاروں کُنٹ اپنا کھیل کھِلائیا۔ سچ نال سُنایا سنتو بھگتو صوُفی فقیِرو اُٹھو دھرم دھار بھراؤ، بِن بھئیا بھَیناں نیَن اُٹھائیا۔ نِرگُن دھار سارے لوک مات وِچ آؤ، اپنا پندھ مُکائیا۔ دیِن مذہب اندر نِگاہ پاؤ، بِن لوچن نیَن اکھّ کُھلائیا۔ کِتے نہ ملِے ٹھنڈی چھاؤں، سَت سچ نہ کوئے ورتائیا۔ سچ دے چلے کوئے نہ بھاؤ، بھےَ وِچ نہ کوئے سمائیا۔ سب نے آشا رکھی جگت واشنا پیِؤ کھاؤ، ترِسنا کوُڑ نہ کوئے مِٹائیا۔ کیوں کرم کانڈ دی پئی اداؤ، عدالت حق نہ کوئے کمائیا۔ اپنا اپنا لیکھا انکڑیاں والا سرب وکھاؤ، پردہ پردیاں وِچوں چُکائیا۔ ترےَگُن دھار نال مِلاؤ، پنجاں تتاں سنگ بنائیا۔ جگت سِنگھاسن سُکھ آسن اِک وِچھاؤ، وِشیاں توں باہر ڈیرہ لائیا۔ کیوں دیِن دُنیا بُھلی راہوں، رہبر رنگ نہ کوئے رنگائیا۔ میرے نیتر نیَناں ویکھ وکھاؤ، اکھّ اکھّ نال مِلائیا۔ چھّبی پوہ کہے میَں دسّاں بھیوَ اگمّ اتھاہو، کی کرتا کار کمائیا۔ اَگے اپنا حُکم نہ کوئے چلاؤ، سیِس جگدیِش دینا جھُکائیا۔ اپنے اپنے پٹے دیِناں مذہباں والے سارے وکھاؤ، بِن قلم شاہی کاغذ لیکھ پرگٹائیا۔ ہرِ لیکھا منگے جو کرے حق نِیاؤں، دو جہاناں ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ سمت نؤ کہے میرا دِوس دِہاڑا جگت جہان پوہ چھّبی، چھہبر پربھ دا پیار ویکھ وکھائیا۔ میَں تک کے نوُر ربّی، ربےّ عالمیِن ویکھ وکھائیا۔ میَں اندروں ہویا لبی، لالچ وِچ جنائیا۔ جے تیری جوت میرے نِرنکار میرے دِوس جگی، نوُر نوُرانہ ڈگمگائیا۔ میَں سیِس نِواواں ہتّھ بدھّی، بندنا تیرے چرن کوَل ٹِکائیا۔ سَت دھرم چلا دے گدّی، گداگر

ویکھ وکھائیا۔ دھاہاں مارے حضرت دی نوُح ندی، بِن نیَناں نیِر وہائیا۔ تیرا لیکھا کدی کدی، قدیِم دے مالک دینی وڈیائیا۔ کلجُگ سیِس اُٹھائی پِھردا ڈگّی، پاپاں پنڈ اُٹھائیا۔ میَنوُں اِیوں جاپدا دھرم دی دھار کھاوے وڈّھی، رِشوت خور لوکائیا۔ کُچھ میرا لیکھا نؤ سؤ چُرانوے چؤکڑی جُگ دا کڈھی، پوُرب ویکھ وکھائیا۔ شہادت دیوے اوتار پَیغمبراں گُروُآں دی ہڈّی ہڈّی، ماس ناڑی نظر کوئے نہ آئیا۔ تیرا کھیل لوک مات ہرِ جگّی، جاگرت جوت تیری رُشنائیا۔ تُوں صاحِب سوُرا سربگی، کرتا دُھردرگاہیِا۔ سمت نؤ کہے میری تک لےَ اپنی حدی، حدوُد تیرے چرناں وِچ رکھائیا۔ چھّبی پوہ کہے جے پریِت پیارے نال لگّی، پریمیاں پریم دینا نِبھائیا۔ سچ سوامی سچ دوارے بھگت سُہیلے سدّیں، سدّا دینا چائیں چائنیا۔ اپنا لیکھا دسّنا اُپر شاہ رگی، نؤ دوار دا ڈیرہ ڈھاہیِا۔ شبد اناد ہو کے وجّیں، کھنڈا کھڑگ نام چمکائیا۔ نالے لیکھا تک چؤدھویِں صدی، صدقے واری گھول گھُمائیا۔ میری تِھت نال حُکم نال بدھّی، باندی ہو کے سیِس نِوائیا۔ تُوں دینا اِک پدی، پت پرمیشور تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ چھّبی پوہ کہے پربھوُ واہ اوۓ ولیا چھلیا، اچھل چھلدھاری تیری بےپرواہیِا۔ نِرگُن دھار اگمّی بلیِا، جوتی جاتے وڈ وڈیائیا۔ تُوں جگت جہان دی ویکھے گلیِاں، کوُچے گرِہ پھول پھولائیا۔ تُوں چراگاہاں وِچ تکیں تیل دیِاں پلیِاں، پلکاں دے پِچھے بہہ کے آسن لائیا۔ تُوں لکھّ چؤراسی وِچوں مہک دیِاں ویکھے کلیِاں، کلمے والے بھگت سُہیلے گُرسِکھ نال مِلائیا۔ میری تِھت میرے صاحِب تَینوُں ویکھ کے ہو گئی جھلی آ، جھلک جھل سکے موُل نہ رائیا۔ کی تیرا کھیل اٹل اٹلّیا، اٹل دینا دِرڑائیا۔ میری آسا تیرے نال رلی آ، تیرا روُپ روُپ اکھوائیا۔ در تیرے دوارے کھلی آ، خلق دے خالق دینی وڈیائیا۔ میرے سوامی نِہچل دھام اٹلیا، سچکھنڈ نِواسی تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ سمت نؤ کہے میَں ویکھاں کھیل برہمنڈاں، سَتگُر شبد دئے وڈیائیا۔ تیرا لیکھا نوَ کھنڈاں، ستّ دیِپ وجےّ ودھائیا۔ تیرا لہنا جیرج انڈا، اُتبُھج سیتج کھوج کھوجائیا۔ تیرا لیکھا گہر گمبھیِر سوُرے سربنگا، بھیوَ سکے نہ کوئے کُھلائیا۔ میرا ہلوُنیا گیا کندھا، ہوش عقل وِچوں بدلائیا۔ میَنوُں یاد آ گیا تیرا اگلا دھندا، کی دُھندھوُکار کریں لوکائیا۔ کی لہنا دینا گوبِند دھار کوی بَونجا، باوَن تیری وڈ وڈیائیا۔ کی سندیسہ دیوے پوَن اُننجا، چار نوَ ونڈ ونڈائیا۔ تیرا پِچھلا لیکھا

پوُرب سارا لنگھا، اگلا بھیوَ دینا کُھلائیا۔ در ٹھانڈے منگ منگا، مانگت ہو کے سیِس جھُکائیا۔ میَنوُں اِیوں دِسدا اوہ وِشنوُں آؤندا بھجّا پَیریں ننگا، اپنا پندھ مُکائیا۔ برہما چھڈ کے سرِشٹی والا دھندا، تیرا نوُر ظہوُر ویکھے چائیں چائنیا۔ شنکر رہیا کمبا، تھرتھراہٹ وِچ دُہائیا۔ پِچھلا پیَنڈا مُک گیا لمبا، نؤ سؤ چُرانوے چؤکڑی جُگ بیِتے چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ چھّبی پوہ کہے میرے بیِتے جُگ کوٹ، کوٹن کوٹی دھیان لگائیا۔ تن شبدی لگدی رہی چوٹ، وجوُداں وجدی رہی ودھائیا۔ میلا مِلدا رہیا نال نِرگُن جوت، جوتی جاتا بھیوَ کُھلائیا۔ میَنوُں پِچھلی ساری آؤندی سوچ، سمجھ نال سمجھائیا۔ کی اوتار پَیغمبراں گُروُآں رکھی لوچ، آشا شبد دھار پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ہرِ، سچ کرنی کار کمائیا۔ چھّبی پوہ کہے میَں ویکھیِاں جگت کتیباں، اکھّر اکھّر دھیان لگائیا۔ میَں جانیاں سب دیِاں جیباں، گرِہ گرِہ پھول پھولائیا۔ میرے مِہربانا نؤجوانا سِری بھگوانا تیرا سب توں وکھّرا فریبا، چھل سمجھ کوئے نہ پائیا۔ تیرا لہنا دینا باہر چارے ویدا، چارے بانی دئے گواہیِا۔ تُوں سوامی انترجامی بھیوَ ابھیدا، وڈ وڈّا اِک اکھوائیا۔ نِرگُن دھار اگمّا نیتا، نِروَیر اِک اکھوائیا۔ تیرا روُپ اگمّڑا کیتا، کیتے روُپ بدلائیا۔ میَں حَیران ہو گیا تُوں جُگ چؤکڑی سب دا رکھیا چیتا، ابُھل بُھل کدے نہ جائیا۔ نِرگُن سرگُن بن کے نیِتا، نِروَیر ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ چھّبی پوہ کہے میرے بھگوانا، بھگوَن تیری بےپرواہیِا۔ تیرا روُپ مہانا، سمجھ کِچھ نہ آئیا۔ حَیران زِمیں اسمانا، پریشان دِسے لوکائیا۔ تیرا نوُر ظہوُر جوتی دھار نِشانہ، نِشانے سب دے دئے بدلائیا۔ میرے مالکا تَینوُں گوپی کہاں کہ کاہنا، کی تیری ونڈ ونڈائیا۔ کی تُوں ہِندوُ کہ مُسلمانا، سِکھ عیِسائی رنگ رنگائیا۔ کی تُوں فقیِر کہ کوئی مستانہ، دیوانہ آکھ سُنائیا۔ کی تُوں شرع کہ شریِعت دا شیَطانا، کی تیری بےپرواہیِا۔ کی تُوں کرِشنا کہ تُوں راما، کہ پَیغمبر نوُر الاہیِا۔ کہ نانک گوبِند جوت مہانا، نوُر نوُرانے دینا سمجھائیا۔ کی زِمیں وسیں کہ اسماناں، برہمنڈاں کھنڈاں ڈیرہ لائیا۔ کی تیِر پھڑیں کمانا، شستراں سنگ نِبھائیا۔ کی چنڈی چمکائیں کھڑگ کِرپانا، کی کھنڈیاں نال وڈیائیا۔ تیرا کیہڑا ویس تے کیہڑا بانا، نوُر نوُرانے دینا سمجھائیا۔ کی تُوں شاہ کہ شاہ سُلطانا، شہنشاہ اِک اکھوائیا۔ کی تُوں نواں کہ پُرانا، ویداں پُراناں توں باہر بھیوَ دینا کُھلائیا۔ کی تُوں

شاستر ہونا کہ گانا، اکھّراں صِفت صالاحیِا۔ کی تُوں پوَن ہووے مسانا، بھجیّں واہو داہیِا۔ کی تیرا نوُر ظہوُر جگت ہووے نِشانہ، سچ دینا سمجھائیا۔ کی تیرا کِہو جِہا ورتے بھانا، بھاوی کی دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ سمت نؤ کہے میرے مالکا تُوں شہنشاہ کہ فقیِر، فِقریاں والیا دے سمجھائیا۔ امیِر کہ حقیِر، حقیِقتاں والیا پردہ دینا چُکائیا۔ تُوں وہندے وہن جلدھار کہ نیِر، کہ امرت سیِر روُپ الاہیِا۔ کہ تُوں بدلن والا تقدیِر، کی تدبیِر تیری نظری آئیا۔ کہ تُوں جُگ جُگ شرع دی مارن والا لکیِر، لائن لوک مات وڈیائیا۔ کی تُوں ویکھن والا دیِن دُنی دی بھیِڑ، بھیِڑی گلی دھیان لگائیا۔ کہ تیرا لہنا دینا گرنتھ شاستراں والی بدھّی بیِڑ، اکھّراں اکھّراں دینا بھیوَ چُکائیا۔ کی تیرے اندر بِرہوں دی پیِڑ، دُکھیِاں درد ونڈائیا۔ کی تیری سب توں وکھّری تاثیِر، رس اپنا دینا جنائیا۔ کی سندیسہ دے کے گیا کبیِر، قبراں توں باہر سمجھائیا۔ کی اِشارہ دِتا گوبِند اپنے کھڑگ کھنڈے نال شمشیِر، شمعدان دیِن دُنی ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ چھّبی پوہ کہے میریا مستانیا، مستی والیا تیری مستی نظری آئیا۔ میرے پیار دیا دیِوانیا، دیِویاں بتّیِاں توں باہر تیری رُشنائیا۔ میرے مِہربان مِہربانیا، تیری مِہر نظر اگمّ اتھاہیِا۔ میرے شبدی دھار دے گانیا، بِن رسنا جِہوا تیری وڈیائیا۔ میرے جوتی نوُر نوُرانیاں، نوُر نوُرانے اگمّ اتھاہیِا۔ میَں سُننا تیرا فرمانیا، فرمانبردار اوتار پَیغمبر گُروُ نال مِلائیا۔ میَں تکاّں جگت زمانیا، زِمیں زما ویکھ وکھائیا۔ میَں منّاں تیرا بھانیا، نِو نِو سیِس جھُکائیا۔ تُوں اپنا دسّ دے سچ نِشانیا، کی نِشانہ لیا بنائیا۔ کیہڑا ویس کیِتا بانیا، بانی بودھ دینا جنائیا۔ میَں تیرا حُکم کراں پروانیاں، پرم پُرکھ تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ سمت نؤ کہے تیرا سوامی کیہڑا ویس، سجّنا دے جنائیا۔ تُوں وسیں کیہڑے دیس، کوَن دھرنی ملِے وڈیائیا۔ تُوں کیہڑی کوُٹ دا نریش، راج راجان جگت اکھوائیا۔ تُوں کیہڑا دئے سندیس، بھیوَ دینا کُھلائیا۔ تیرا کیہڑا کیہڑا کلیش، حُکم دینا جنائیا۔ تیرے در تے ہو کے پیش، پیشیِن گوئیاں تیرے اَگے ٹِکائیا۔ اوہ ویکھ لےَ بِنا اکھّراں توں لیکھا دس دسمیش، جو بِن قلم شاہی لِکھائیا۔ جِس دی صِفت کرے سہنسر مُکھ شیش، دو سہنسر جِہوا نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ چھّبی پوہ کہے نؤ سمت آ جا

ہوئیے اِکٹّھے، اِکو رنگ سمائیا۔ اِکو صاحِب دی چرنی ڈھٹّھے، دوُجا اِشٹ نہ کوئے منائیا۔ نالے پُرانے کڈھیئے پٹے، پٹنے والا نال مِلائیا۔ نالے پربھوُ دے نام دے وٹےّ ویکھیئے ٹکے، کی قیِمت جگت رکھائیا۔ وِشن برہما شِو تکیئے پِھردے نَٹھے، بھجّن واہو داہیِا۔ دینا مذہباں دے تکیئے سِٹے، کی سِٹیبازی کرے لوکائیا۔ کی دھرنی رو رو پِٹے، کوُک کوُک سُنائیا۔ کِس بِدھ کالا پیَندا اُتے چِٹے، چِٹی دھار ملِے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پردہ دئے چُکائیا۔ سمت نؤ کہے سُن چھّبی پوہ سجّنا، سچ دیاں جنائیا۔ پہلوں اِک صاحِب دا کر لےَ مجنا، پوُرب میَل دھوائیا۔ جِس دا اِکو دیِپک جگنا، دو جہان کرے رُشنائیا۔ اِکو نگارہ وجّنا، نوَ ستّ کرے شنوائیا۔ اِکو ہووے بندنا، اِکو سیِس جھُکائیا۔ اوس دا دوارا لنگھنا، جِتھے ملِے مان وڈیائیا۔ جِس دی ہاتھ نہ آوے وننجنا، وَنجھ مُہانا سار کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پردہ آپ چُکائیا۔ چھّبی پوہ کہے اِک دوُجے نال مِلائیے اکھّاں، سمت نؤ دھیان لگائیا۔ کِشنا شُکلا ویکھیئے پکھّا، اندھیر چانن پردہ رہے نہ رائیا۔ جگت جہان ویکھیئے ککھّا، تِنکا تِنکا پھول پھولائیا۔ سب دا مستک ویکھیئے متھا، کی لیکھا رہیا جنائیا۔ سب دا لہنا تکّیئے ہتّھا، کی کراں ملِے وڈیائیا۔ نیَن اُٹھائیے اٹّھاں سٹّھاں، در دواریاں دھیان لگائیا۔ پھیر مِل کے ستّاں دیِپاں حداں ہونا ٹپّا، بھجیئے واہو داہیِا۔ پھیر اکھّر تکیئے پپا، پاربرہم سرنائیا۔ پھیر اگلا ویکھیئے پتہ، کی پت پرمیشور رہیا جنائیا۔ کی سندیسہ دے کے گیا نِرگُن دھار سَتگُر نانک تپا، تپیِسراں دھار جنائیا۔ دوویں اجّ توں اِرادہ کر لئیے پکاّ، مشورہ اِکو گھر پکائیا۔ سمت نؤ چھّبی پوہ دوہاں دا مِل کے بھگتاں نال رِشتہ ہو جائے پکاّ، پکّی اِکو وار پکائیا۔ جگت جہان دی قیِمت نہیں کوئی ٹکا، ٹکیاں ہٹّ نہ کوئے وِکائیا۔ ویکھو کھیل پُرکھ سمرتھا، کی کرتا حُکم سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ دوویں کہن ساڈا ہویا مِلاپ، جن بھگت دین گواہیِا۔ چھّبی پوہ کہے سمت شہنشاہی نؤ تُوں میرا میَں تیرا دوہاں دا اِکو جاپ، دوُجا نظر کوئے نہ آئیا۔ سانجھا ہویا باپ، جمّن والی اِکو مائیا۔ ساڈا روُپ انوُپا ہویا پاک، پتت پُنیِت دئے وڈیائیا۔ اِکو ہوئی ذات، دوُجی ونڈ نہ کوئے ونڈائیا۔ اج سُہنجنی چھّبی پوہ تیری ہووے رات، دو جہان خوشی منائیا۔ سمت شہنشاہی نؤ تیرا میرا لیکھا بھَین بھرات، بھئیا بھئیا سوبھا پائیا۔ اِک بھگتاں نوُں دسّیئے بات، سہج نال سُنائیا۔ جن بھگتو تُہاڈی پِچھلی پِچھے مِٹ گئی

واٹ، اگلا پندھ رہیا نہ رائیا۔ منزل دی پؤڑی کھوڑی دا کنڈھا دھرم دا ڈنڈا سَتگُر شبد دے ہاتھ، اِشارے نال چڑھائیا۔ جوتی جوت سروُپ ہرِ، آپ اپنی کِرپا کر، دیونہار سچ وڈیائیا۔ سَتگُر شبد کہے میَں دسّاں اِک سندیسہ، خوشیاں نال جنائیا۔ پہلوں اپنے سَتگُر دا ویکھو ویسا، کی بھیکھی بھیکھ وٹائیا۔ جِس ویلے جاوے امریکہ والے دیسا، ایہو لیکھا دئے سمجھائیا۔ نالے سب دا پوُرا کرے ٹھیکا، لہنے دینے جھولی پائیا۔ اِکو پُرکھ اکال تے سَتگُر شبد بن کے بیٹا، بیٹی بیٹے سارے لئے بنائیا۔ اِکو سِنگھاسن ہووے لیٹا، آسن اِکو اِک وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ سَتگُر شبد کہے پہلوں ویکھو اپنا ملنگ، داتا بےپرواہیِا۔ جِس تُہاڈی کٹنی بُھکھ ننگ، اپنا روُپ آیا بدلائیا۔ جِس شرع دا کراؤنا جنگ، شستر پریم نال چمکائیا۔ جِس دیِن دُنی دی پاؤنی ونڈ، کھنڈا دئے گواہیِا۔ جِس ویکھنے جیرج انڈ، اُتبُھج سیتج پھول پھولائیا۔ جو چڑھیا اگمّی چند، نوُر نوُرانہ نوُر الاہیِا۔ جو ویکھنہارا بند بند، جو بندگی بندیاں وِچوں پھول پھولائیا۔ سو مالک گہر گمبھیِر اِک سوُرا سربنگ، گُنی گہِند، وڈ وڈیائیا۔ جو جگت جہان دی منزل لنگھ، اپنا کھیل کھِلائیا۔ نؤ سؤ چُرانوے چؤکڑی جُگ دا مُکا کے پندھ، پاندھی بنیا دُھر دا ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ سَتگُر شبد کہے میرا ویکھو روُپ رنگ، سَت ستوادی دھیان لگائیا۔ میَں جگت جہان دیِاں حداں جاواں لنگھ، بِن قدماں قدم اُٹھائیا۔ میرے کول انوکھا ڈھنگ، وکھّری کھیل کھِلائیا۔ میرا نام شبد مردنگ، دو جہان وجائیا۔ میرا حُکم سندیسہ بِنا جگت دھار دے باہر انند، رسنا رس سمجھ سکے نہ رائیا۔ جو جُگ چؤکڑی ونڈاں رہیا ونڈ، دیونہار اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے جن بھگتو ویکھو اپنے انتر، انتشکرن دھیان لگائیا۔ وِشن برہما شِو آ جاؤ اُتوں گگننتر نِرگُن پندھ مُکائیا۔ سب دا سانجھا ہووے اِکو منتر، تُوں میرا میَں تیرا حق پڑھائیا۔ اِکو جوت ویکھو نِرنتر، دوُجا نظر کوئے نہ آئیا۔ جو سَت دھرم بناؤن لگّا بنتر، دُھر دی ونڈ ونڈائیا۔ اوُچی کوُک کے کہے شنکر، تیرا نام دُہائیا۔ تیرا ہوکا کنکر کنکر، برہما رہیا سُنائیا۔ وِشنوُں کہے میَں تیرے پیار دا ستکار دا روُپ تیرا لیکھا جگت دھار دے باہر منتر، اکھّراں توں باہر تیری وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر پردہ آپ

چُکائیا۔ سَتگُر شبد کہے وِشنوُں جی ویکھو وِشوَ دی دھار، پریم نال دِرڑائیا۔ چار کُنٹ تکو سنسار، سنگھاری نال مِلائیا۔ برہمے نوُں کرو خبردار، آلس نِندرا رہے نہ رائیا۔ چاروں کُنٹ ہاہاکار، دھیِرج دھیِر نہ کوئے دھرائیا۔ دھرم دا دِسے نہ کوئے دوار، دوارکاواسی رہیا سُنائیا۔ تُسیں مِل کے کرو وِچار، وِچر کے دیؤ جنائیا۔ کیوں ہویا دھوُاں دھار، نوُری چند نہ کوئے چمکائیا۔ سرِشٹی درِشٹی اندر ملِے نہ نال کرتار، کرتا درس کوئے نہ پائیا۔ اپنا ویلا وقت لؤ وِچار، بِنا اکھّراں اکھّر ویکھ وکھائیا۔ سارے اِکو وار نیَن رہے اُگھاڑ، بِن اکھّیِاں اکھّ اُٹھائیا۔ ساڈا وقت سُہنجنا پُجیا آن، گھڑی پل دئے گواہیِا۔ لیکھا مُکاوے سِری بھگوان، ہرِ کرتا دُھردرگاہیِا۔ جِس روُپ انوُپا دھریا وِچ جہان، نِرگُن سرگُن سرگُن نِرگُن کھیل کھِلائیا۔ جن بھگتاں دیوے دان، بِنا بھگتیؤں جھولی پائیا۔ سَت سچ جھُلا نِشان، نِشانے کوُڑ دئے بدلائیا۔ نؤ کھنڈ پرِتھمی دے کے مان، دیِپاں ستّاں ہوئے سہائیا۔ وِشنوُں تیرا لیکھے لا کے پیِن کھان، اَگے اپنی کار سمجھائیا۔ سَت سچ دا ویکھ وِدھان، وِدیا توں باہر پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔ سَتگُر شبد کہے وِشن برہما شِو تک لؤ چار چُپھیر، نوَ ستّ دھیان لگائیا۔ جِدھر تکو اندھیر، نوُری چند نہ کوئے چمکائیا۔ اپنا اپنا ویکھو گیڑ، جُگ چؤکڑی بیِتے بھجےّ واہو داہیِا۔ تُسیں آ گئے میرے نیڑ، نیرن نیرا ہو کے دیاں جنائیا۔ میَں چھیڑن والا چھیڑ، سَتگُر شبد رہیا سمجھائیا۔ سرِشٹی درِشٹی دیواں بھیڑ، دو دھڑ ہووے لوکائیا۔ بِنا دھرم توں وسے کوئی نہ کھیڑ، کھنڈا شبد دا دئے گواہیِا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، بھیوَ ابھیدا آپ کُھلائیا۔ وِشن برہما شِو پَین لگّے سوچی، اپنا دھیان لگائیا۔ پہلوں ویکھیئے چؤداں لوکی، چؤداں طبق اکھّ اُٹھائیا۔ پھیر سُنیئے دھرم دھار سلوکی، کی آتمک راگ دِرڑائیا۔ پھیر منزل چڑھیئے چوٹی، ویکھیئے تھاؤں تھائنیا۔ پھیر دیِن دُنیا ویکھیئے کھوٹی، کی بھرمے بُھلی لوکائیا۔ پھیر لکھّ چؤراسی ہڈّ ماس ناڑی ویکھیئے بوٹی، تن وجوُداں دھیان لگائیا۔ پھیر آتم پرماتم دھار ویکھیئے گوپی، پاربرہم برہم پردہ آپ اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کی سچ حُکم ورتائیا۔ چھّبی پوہ کہے میَں کی دسّاں، خوشیاں نال جنائیا۔ بِنا مُکھ دنداں توں ہسّاں، بِن جِہوا نال مِلائیا۔ بِن نیتر لوچن نیَن ویکھاں اکھّاں، پردہ پردیاں وِچوں اُٹھائیا۔ اِکو مِتر پیارا سخا، دوُجا نظر کوئے نہ آئیا۔ جِس بھگت سُہیلے چُنے وِچوں کوٹاں لکھّا، انگِنتاں وِچوں اپنی

گِنت گِنائیا۔ اوہناں دا کرن آیا پکھّا، ہِتکاری ہو کے ویکھ وکھائیا۔ آتم پرماتم بن کے سخا، سگلا سنگ نِبھائیا۔ جِس دا کھیل یتھارتھ یتھا، یدی یدپ دیاں دِرڑائیا۔ سب دا لیکھ بدل دیوے اُتوں متھا، مستک دھار سمجھائیا۔ من منسا پا کے نتّھا، شبدی ڈور بندھائیا۔ لہنا دینا چُکائے بھاگ اٹّھاں، نوَ دوارے رنگ رنگائیا۔ جِس سب دا لہنا پوُرا کرنا اِکو وار اِکٹّھا، اِکو گھر ملِے وڈیائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سَتگُر شبد کہے کی کھیل میرا نِرنکار، میَنوُں دے سمجھائیا۔ وِشنوُں کوُک کے کرے پُکار، سہج نال سُنائیا۔ نِگاہ مار لےَ بِنا نِگاہ نِگاہ اُگاڑ، بِن اکھّاں اکھّ اُٹھائیا۔ کی کھیل کرے کرتار، ہرِ کرتا دُھردرگاہیِا۔ جِس کلجُگ وِچ سَتجُگ لیا اُسار، نیہہ بھگتاں نال رکھائیا۔ نؤ دوار بنا بھگت دوار، لوک مات دِتی وڈیائیا۔ سچ بھنڈارے پا کے سار، لوح لنگر اِک وکھائیا۔ چاروں کُنٹ کڈھ دیوار، چؤتھے جُگ کیِتی رُشنائیا۔ دھرم دی دھار کر تیار، ادھرم دا ڈیرہ ڈھاہیِا۔ نؤ کھنڈ پرِتھمی دے اِک ادھار، ستاں دیِپاں رنگ رنگائیا۔ نال بخش کے سچ وست بنے ویکھنہار، ویکھنہار اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ وِشنوُں کہے پربھوُ تیرا بےانت بھنڈارا، میَں بھنڈاری سیِس نِوائیا۔ میَں مانگت تیرے دوارا، نِرگُن اَگے سرگُن جھولی ڈاہیِا۔ میَں جگت جہان ورتارا، لکھّ چؤراسی سیو کمائیا۔ میَنوُں تیرا اِک سہارا، دوُجی اوٹ نہ کوئے تکائیا۔ تُوں بخشیں بخشنہارا، تیری بےپرواہیِا۔ چار جُگ تُوں کھیل کیِتا پَیغمبر گُر اوتارا، اپنی کل ورتائیا۔ وکھّرا وکھّرا کھول دوارا، جگت جہان دِتا ورتائیا۔ میَں ویکھدا رہیا سدا سدا وِچ سنسارا، سنساری سنگھاری نال مِلائیا۔ انت حُکم سُنیا ایکا ایکو وارا، ایکنکار کی تیری بےپرواہیِا۔ تُوں ساری سرِشٹی درِشٹی دا مالک بن کے کھیل کرے اپارا، اپنا حُکم ورتائیا۔ سرگُن توں نِرگُن ہو دوبارہ، جوتی جاتا ڈگمگائیا۔ جن بھگتاں بخش چرن ادھارا، مستک دھوُڑی خاک رمائیا۔ پِچھلیاں جُگاں دا لاہ اُدھارا، مقروُض ہو کے قرضے سب دے رہیا چُکائیا۔ اپنا ناؤں دھرا کے نِہکلنک کلکی اوتارا، روُپ انوُپا اِمام آپ اکھوائیا۔ میَں تَینوُں کی سمجھاں تُوں پُرکھ کہ نارا، نر نرائن کی تیری وڈیائیا۔ ہِندوُ مُسلم سِکھ عیِسائی روُپ وِچ نہ موُل پچھاناں، جے کوئی پُچھے تے کی دیواں سمجھائیا۔ میَں اِکو اِک کہاں اوہ دُھر دا رانا، دو جہاناں شہنشاہیِا۔ میرے ہتّھوں کھوہ کے پیِنا کھانا، جن بھگتاں ہتّھ پھڑائیا۔ میَں ہو گیا نِمانا، میری خالی ہتّھ دُہائیا۔ کیوں میَں

ورتارا بن گیا اکھّوں کانا، امیِر غریِب ونڈ ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ سَتگُر شبد کہے وِشنوُں موُل نہ ترس، سچ دیاں سُنائیا۔ ایہہ نؤ سؤ چُرانوے چؤکڑی پِچھوں آیا برس، سمت نؤ نال مِلائیا۔ جن بھگتاں دِتا درس، پردہ پردیاں وِچوں اُٹھائیا۔ دُھر دا میگھ دِتا برس، بوُند سوانتی اِک ٹپکائیا۔ جُگ جنم دے وِچھڑیاں اُتے ہویا ترس، رحمت سچ کمائیا۔ دیِناں مذہباں دی میٹ کے حرص، شرع وِچوں باہر کڈھائیا۔ اِکو گھر وِچ کر کے درج، درجیاں وڈیاں چھوٹیاں دِتی وڈیائیا۔ ایہہ کھیل کیِتا اسچرج، اچرج لیِلا آپ ورتائیا۔ بُھکھیاں ننگیاں غریِباں کوجھیاں کملیاں ونڈ کے درد، دردیِاں ہویا سہائیا۔ جے تُوں بھگتاں نوُں دان دِتا تے وِشنوُں تیرا کُجھ نہیں ہونا حرج، حرجانے سب دے پوُر کرائیا۔ تُوں بن جا حؤصلے والا مرد، دِل نہ لیَنا ڈھاہیِا۔ جِس دے حُکم دا کھنڈا کھڑکنا چمکنی کھڑگ، دیِن دُنی خوشی بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ وِشنوُں کہے سَتگُر شبد میری پرنام، نمستے کہہ کے سیِس نِوائیا۔ میَں اوس صاحِب دا غُلام، جو گوبِند دا دُھر دا ماہیِا۔ میَنوُں نظری آوے اگمّ اِمام، نوُر نوُرانہ نوُر الاہیِا۔ جو رازق رِزق رحیِم تمام، طمع لالچ سب دی ویکھ وکھائیا۔ میَں حق دی حق کیِتی پہچان، میرا پردہ دِتا اُٹھائیا۔ میرے انتر آ گیا گیان، اگیان رہیا نہ رائیا۔ ایہہ صاحِب سوامی انترجامی جُگ جُگ پِچھے بھگتاں بھگتی دا دیندا آیا دان، غریِب نِمانیاں جھولی نام نال بھرائیا۔ ہُن سَتجُگ واسطے بدل دِتا وِدھان، اگلا اپنا حُکم سُنائیا۔ نام دے نال انّ دا دیوے دان، بُھکھیاں دی بھگتی اپنے لیکھے پائیا۔ چار جُگ بھگتو تُہاڈا پکدا رہے پکوان، توٹ رہے نہ رائیا۔ ایتھے جھُلیگا ستّ رنگ نِشان، نِشانے سب دے سیِس جھُکائیا۔ جِس نوُں جھُکنگے زِمیں اسمان، سماں سمیں نال بدلائیا۔ جِس کارن تُسیں اِکٹّھے ہوئے آن، اجّ دی گھڑی ملِے وڈیائیا۔ دیوت سُر گن گندھرب تُہاڈے ڈھولے گان، جو بَیٹھے پربھ دی سچّی سرنائیا۔ نِگاہ مار راما کاہن، کرِشنا اکھّ اُٹھائیا۔ حضرت عیسیٰ موُسیٰ محمد کرن سلام، سجدیاں وِچ سیِس جھُکائیا۔ نانک گوبِند اِک نِشان، جگت نِشانے رہے وکھائیا۔ ایہہ کھیل سِری بھگوان، نہ کوئی میٹے میٹ مِٹائیا۔ ایہہ تُہاڈا پکدا رہے سدا پکوان، توٹ نہ آوے رائیا۔ تُہاڈا پہریدار سدا رہے نؤجوان، جنم مرن وِچ کدے نہ آئیا۔ جِس دا شستر بے پہچان، جگت شستراں نال سمجھائیا۔ جِس دا روُپ انوُپ نظر نہ آوے کوئی اِنسان، تتاں ونڈ نہ کوئے

ونڈائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ جن بھگتو اپنا تک لؤ چوبدار، بُڈھا نڈھا دوویں روُپ بدلائیا۔ سدا سدا رہے خبردار، آلس نِندرا نہ کوئی رکھائیا۔ چؤراسی وِچ تُہاڈی آؤن نہ دیوے وار، اَگے ہو کے لئے اٹکائیا۔ سچکھنڈ توں جان نہ دیوے باہر، تِھر گھر وِچ ٹِکائیا۔ جِتھے اِکو جوت نِراکار، دوُجا اِشٹ نہ کوئے بنائیا۔ اِتھے سَت سروُپ پَیغمبر گُر اوتار، نوُر نوُر وِچ نظری آئیا۔ بھگت بھگوان دا اِک دوار، استھر دیوے آپ وڈیائیا۔ وقت سُہنجنا وِچ سنسار، سنساری بھنڈاری سنگھاری نال مِلائیا۔ تُسیں جدوں آؤگے تُہاڈے نال پِھر آویگا نِرنکار، ایہہ تُہاڈی شہادت دِتی بُھگتائیا۔ گوبِند دا کھنڈا تے گوبِند دی کٹار، گوبِند دھار گوبِند سیِس ٹِکائیا۔ چؤتھے جُگ دا چار کُنٹ دا وِہار، چار دیواری رہی سمجھائیا۔ اُتّر پوُرب پچھّم دکھّن جِس نوُں سارے کرن گے نِمسکار، نمو نمو کہہ کے سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ سَتگُر شبد کہے میَں دسّاں وِچ حضوُری، حضوُر گُرمُکھ نظری آئیا۔ اوہ جن بھگتو اپنے سیوک دی لیکھے لاؤ مزدوُری، چاکر ہو کے منگ منگائیا۔ اوہ دیکھو بھجّا آوے موُسیٰ اُتوں کوہ طوُری، اپنا پندھ مُکائیا۔ حضرت عیسیٰ جوت دھار دا نوُر نوُری، محمد اپنا رنگ رنگائیا۔ جِس گُروُآں آشا کرنی پوُری، پاربرہم اِک اکھوائیا۔ جو سب نوُں رنگن چاڑھے گوُڑھی، آد انت اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ وِشنوُں کہے پربھوُ میری اِک پرنام، پرم پُرکھ سرنائیا۔ میَں تیرے حُکم دا سیوک تیری شرع دا غُلام، دوُجا رنگ نہ کوئے رنگائیا۔ میَں چاہُندا خوشیاں وِچ تیرے بھگت کھان تیرا پکوان، پکّی تیرے نال پکائیا۔ ایہناں نوُں کدی توٹ نہ آوے جگت جہان، سَتجُگ سَت سَت ملِے وڈیائیا۔ چار دیوار کہے میرا وی چاروں کُنٹ دھیان، بِن اکھّاں ویکھ وکھائیا۔ میرے دھنّ بھاگ جے میرے سیِس تے سوہنگ مہاراج شیرسِنگھ وِشنوُں بھگوان دا جھُلیا نِشان، میَنوُں نِشان اِکو نظری آئیا۔ میَں چاہُندی میرے اندر پنج پیارے خوشیاں نال لنگھ جان، اپنی خوشی بنائیا۔ پنج لِکھاری میری لیکھنی والی قلم چلان، اکھّر اکھّر نال وڈیائیا۔ پنج درباری ہو پردھان، چاروں کُنٹ پِھرن چائیں چائنیا۔ ہرِ سنگت خوشیاں وِچ تُوں میرا میَں تیرا گائے گان، اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ دروازہ کہے میَں بن گیا دھرم دا در، دردیو درد

ونڈائیا۔ بھگت دوارا ساری سرِشٹی دا سانجھا گھر، دیِناں مذہباں ونڈ نہ کوئے ونڈائیا۔ ایہہ پُرکھ ابناشی دِتا ور، دُھر دی وست آپ ورتائیا۔ سارے اِکو روُپ ہری ہرِ، ہِردے اندر وسیا دُھر دا ماہیِا۔ تُسیں تھوڑا سماں لیَنا جر، حوصلہ حؤصلے وِچوں پرگٹائیا۔ جِس شرع دا میٹنا شر، شریِعت دا لیکھا دیوے چُکائیا۔ سو پُرکھ اکالا نرائن نر، ہرِ اِکو اِک اکھوائیا۔ سب دے خالی بھنڈارے دیوے بھر، بُھکھیاں آپ رجائیا۔ اَگے لئی نام بھنڈارا بنّھے لڑ، دو جہان مُک کدے نہ جائیا۔ تُسیں خوشیاں نال خوشی دی منزل جانا چڑھ، اَگے ہو نہ کوئے اٹکائیا۔ جدوں جاؤگے اَگے ہو لوانگا پھڑ، دوویں ہتّھ اُٹھائیا۔ جن بھگتو تُساں کدے نہیں جانا مر، مرن وِچ کدے نہ آئیا۔ تُہاڈا اِکو سروور سر، جِتھے سرسے دا مالک بَیٹھا گوبِند ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ چار دیواری کہے میرے اندر گُرمُکھ جان لنگھدے، اپنی اپنی خوشی بنائیا۔ سچ پریِتی جان منگدے، رسنا جِہوا ڈھولے گائیا۔ پیار مُحبّت جان ونڈدے، اِک دوُجے لڑ پھڑائیا۔ جگت جنم دی ٹُٹی جان گنڈھدے، شبدی شبدی ڈور رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔

چار دیوار کہے میَں بچن دسّاں سچّا، سَتجُگ سچ رنگ رنگائیا۔ میرا روُپ رہیا نہ کچّا، کچّی تند نہ گنڈھ پوائیا۔ چؤتھے جُگ ناتا ہویا پکاّ، جن بھگتاں سنگ رکھائیا۔ میَں خوشیاں نال تکاّ، گُرمُکھ گُرسِکھ ہرِجن سنت سُہیلے میرے اندر سوبھا پائیا۔ میَں کھول کے ویکھاں اپنیاں اکھّاں، جگت نیتراں باہر باہر سمجھائیا۔ میرا صاحِب پُرکھ سمرتھا، ہرِ کرتا دُھردرگاہیِا۔ جِس لہنا دینا چُکاؤنا ہتّھو ہتّھا، ہتّھاں اُتے بھنڈارا دئے ورتائیا۔ سب دا اِکو وار جھُک جائے متھا، مستک سیِس نِوائیا۔ چار جُگ دا قرضہ لتھا، بھنڈارا خالی دِتا بھرائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ چار دیوار کہے میَں ویکھنی مالا دیِپ، دیِپک جوتی سوبھا پائیا۔ جن بھگتاں تکی پریِت، پریِتم دِتی وڈیائیا۔ سَت دھرم دی ویکھاں ریِت، بِن نیَناں نیَن اُٹھائیا۔ میرے اندر اِکو جَیکارا تُوں میرا میَں تیرا گیِت، دوُجی آواز نہ کوئے سُنائیا۔ میَں ہو گئی ٹھانڈی سیِت، اگنی اگّ رہی نہ رائیا۔ کھیل تکیا ترےَگُن اتیِت، ترےَبھوَن دِتا وکھائیا۔ سب دا سانجھا اِکو میِت، مِترو دیاں سُنائیا۔ جِس رنگ رنگایا ہست کیِٹ، اوُچاں نیِچاں میل مِلائیا۔ رنگ چاڑھ اگمّ بسیٹھ، دُرمت میَل

دھوائیا۔ ہتّھ رکھے سدا تُہاڈی پیِٹھ، پُشت پناہ ٹِکائیا۔ تُساں بھنڈارا چھکنا امرت رس سمجھ کے میِٹھ، رسنا رس نہ کوئے جنائیا۔ سارے پوِتر ہونے کؤڑے ریِٹھ، جگت ملِے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ تیری سرنائیا۔ چار دیواری کہے میرا لیکھا نال لنگر لوح، لوآں پُریِاں دیاں سُنائیا۔ بھگت بھگوان دا بنیا رہے موہ، مُحبّت وِچ سمائیا۔ اِکو لیکھا ہووے اِک دو، دو اِک اِکو رنگ وکھائیا۔ ساچی وست سکے کوئی نہ کھوہ، چور یار لُٹ کوئے نہ جائیا۔ جن بھگت بھگوان ایکا روُپ گئے ہو، ہوکا دے کے دیاں سُنائیا۔ دھنّ بھاگ میَنوُں ڈھوآ مِلیا دُھر دا ڈھوء، وست اگمّ دِتی ورتائیا۔ میَں جن بھگتو تُہاڈی سُن کے سو، اپنی خوشی بنائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ چار دیوار کہے میرے چاروں کُنٹ مُردے ویکھو کاں، نؤ کھنڈ نوَ نوَ فُٹ دین گواہیِا۔ کِسے دا لیکھا مُکنا نہیں جِنہاں نے سوُر کھادھی جاں گاں، اَگے ہوئے نہ کوئے سہائیا۔ سب دا اِکو پِتا تے اِکو ماں، پنچھیِاں پنکھیِاں دئے وڈیائیا۔ میَں سندیسہ دیواں نال چاء، چاؤ گھنیرا اِک رکھائیا۔ جِنہاں دیِپک دِتے جگا، ملِے مان وڈیائیا۔ جن بھگتو تُہاڈا چاروں کُنٹ ہوئے رُشنا، اندھ اندھیرا رہے نہ رائیا۔ تُساں پریم وِچ پیار وِچ ستکار وِچ دھرم دا لنگر لیَنا کھا، اپنا پیٹ بھرائیا۔ میَں چاروں طرف ویکھاں نال چاء، چار دیواری کہے اپنے نیَن تکائیا۔ لنگر کہے میَنوُں پریم نال دیؤ ورتا، جَیکارے اِکّی ہرِ سنگت ساری اندر بَیٹھی دیوے لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا کھیل اگمّ اتھاہ، اگوچر کہن کِچھ نہ پائیا۔

۲۶ پوہ شہنشاہی سمت نؤ ہرِ بھگت دوار جیٹھوُوال ضِلع امرتسر رات نوُں

چار دیوار کہے سُن اناد انادی دھرم، دھرمیِا دیاں جنائیا۔ نوَ ستّ دا ویکھ کرم، کرم کانڈاں کھوج کھوجائیا۔ میرا اندروں میٹ دے بھرم، بھرانت رہے نہ رائیا۔ سَتجُگ نوُں کہہ دھرنی اُتے لےَ جرم، اپنا روُپ پرگٹائیا۔ لوک لجّیا لاہ شرم، حیا دا ڈیرہ ڈھاہیِا۔ جھگڑا مِٹا ورن برن، ذات پات کر صفائیا۔ اِکو درسا پربھوُ دے چرن، چرنودک جام پیائیا۔ نیتر کُھلے ہرن پھرن، لوچن نیَن اُٹھائیا۔ سارے اِکو نام نِدھانا پڑھن، آتم پرماتم بھیوَ کُھلائیا۔ سچکھنڈ دے پؤڑے چڑھن، اَدھ وِچکار نہ کوئے اٹکائیا۔ درگاہ ساچی کھڑن، سچ دوارے سوبھا پائیا۔

جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ دھرم کہے میَں دھرم دی دسّاں بات، بھیوَ ابھید کُھلائیا۔ کی لیکھا کملاپات، پت پرمیشور کی دِرڑائیا۔ جِس دی نِرگُن دھار اگمّی ذات، اذاتی ونڈ نہ کوئے ونڈائیا۔ اُس دا کھیل سدا بہُہ بھانت، بھیوَ ابھید اپنے وِچ چُھپائیا۔ جِس کلجُگ میٹنی اندھیری رات، سَتجُگ سچ سَت چمکائیا۔ جن بھگتاں پُچھے وات، ویکھنہارا تھاؤں تھائنیا۔ پرگٹ ہووے لوک مات، دو جہان کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرم کہے میَں سَتجُگ دیواں سچ صلاح، خوشیاں نال جنائیا۔ اُٹھ سب دا بن ملاح، بیڑا اپنے کندھ ٹِکائیا۔ آتم پرماتم دسّ راہ، سوہنگ ڈھولا اگمّ اتھاہیِا۔ نام نِدھانا اِکو گا، گہر گمبھیِر پردہ آپ چُکائیا۔ نہ کوئی سوُر کھائے نہ گاں، چُھری شرع نہ کوئے چلائیا۔ نہ کوئی دیِن مذہب جھگڑا ہووے تھاں تھاں، قاتل مقتُول روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ سَتجُگ کہے دھرم میَں تکاّں بَیٹھا راہ، اپنے نیَن اُٹھائیا۔ کوَن ویلا حُکم کرے بے پرواہ، جو بے پرواہی وِچ سمائیا۔ میرا پردہ دئے چُکا، چاروں کُنٹ کرے رُشنائیا۔ نام کھنڈا اِک چمکا، جگت کھڑگاں کرے صفائیا۔ حُکم دُھر دا اِک ورتا، لیکھے جانے تھاؤں تھائنیا۔ نِرگُن نوُر جوت کر رُشنا، کلجُگ اندھیرا دئے مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ دھرم کہے سَتجُگ ویکھ لےَ کلجُگ انت اندھیرا، ہر ہِردے دھیان لگائیا۔ نہ کوئی گُروُ نہ دیسے چیرا، چیلا گُر نہ کوئے چتُرائیا۔ مایا ممتا وِچ سرِشٹی کردی میرا میرا، کوُڑ مُحبّت وِچ ہلکائیا۔ آتم پرماتم وسے کِسے نہ کھیڑا، کھِڑکی بند نہ کوئے کُھلائیا۔ چاروں کُنٹ پیا جھیڑا، جھگڑے وِچ خلق خُدائیا۔ دھرم جی تیرا بنّھے کوئی نہ بیڑا، نئیا پار نہ کوئے کرائیا۔ جُگ چؤکڑی مُکن والا گیڑا، آپ اپنا پندھ مُکائیا۔ کلجُگ کوُڑا چھیڑ رہیا چھیڑا، چھیکڑ اپنا رہیا سمجھائیا۔ جِس دیِناں مذہباں پاؤنا جھیڑا، جھگڑا سکے نہ کوئے مُکائیا۔ دھرنی دھرت دھوَل دھؤل دا کُھلا کرنا ویہڑا، نوَ ستّ ویکھے تھاؤں تھائنیا۔ اوہدا اِکو حُکم بتھیرا، بہُتی گلّ نہ کوئے جنائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ دھرم کہے سَتجُگ پربھ دی دھاروں جا اُٹھ، اپنی لےَ انگڑائیا۔ جگت جہان جا تُٹھ، مِہر نظر تکائیا۔ کلجُگ کوُڑی میٹ دے لُٹ، لُٹیرا رہن کوئے نہ پائیا۔ مایا ممتا ناتا جائے ٹُٹ، جگت ترِسنا نہ کوُڑ ہلکائیا۔ نوَ ستّ پئے

نہ لُٹ، سَت سچ نہ کوئے لُٹائیا۔ دیِناں مذہباں میٹ دے پُھٹ، پُھٹکل ویکھ لوکائیا۔ ذرا نِگاہ مار لےَ کی کھیل پربھوُ اتُٹ، اتوٹ رہیا وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پردہ آپ اُٹھائیا۔ سَتجُگ کہے دھرم میَں بَیٹھا رکھ اُڈیِکاں، بِن نیَناں نیَن اُٹھائیا۔ کوَن ویلا میریِاں پوُریِاں ہون تریِکاں، تواریخاں دین گواہیِا۔ میَں دیِناں مذہباں دا میٹاں شریِکا، شِرکت اندروں باہر کڈھائیا۔ پربھ دا مارگ دسّ کے نیِکن نیِکا، نِکّیوں وڈّا دیاں وکھائیا۔ بھیوَ کُھلا کے جیِو جی کا، آتم برہم دیاں سمجھائیا۔ دیِن دُنی بدل کے نیِتا، نیِتیوان اِک اکھوائیا۔ ساچا منتر ڈھولا دسّ کے گیِتا، کلمہ کلمیاں باہر سُنائیا۔ بھیوَ چُکا کے ترےَگُن اتیِتا، ترےَبھوَن دھنی دیاں سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سَتجُگ کہے دھرم پُرکھ اکال دے اَگے کر بیننتی، بِنَے وِچ سیِس نِوائیا۔ جو آد جُگادی پنڈتی، برہم توں پرے پڑھائیا۔ اوہدا کھیل سدا سچ سنگتی، سَت وِچ سمائیا۔ جِس دی لکھّ چؤراسی منگتی، خالی جھولیِاں اَگے ڈاہیِا۔ اوہ کلجُگ ہؤمے گڑھ توڑے ہنگتی، ہنگ برہم اِک سمجھائیا۔ اوہ آسا جانے شبد پنج دی، پنج تت سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ سَتجُگ کہے دھرم پربھوُ دے اَگے کر ارداس، بیننتی عرض سُنائیا۔ تُوں وسیں اُپر آکاش، آکاش آکاشاں ویکھ وکھائیا۔ تیری جُگ چؤکڑی راس، گوپی کاہن ناچ نچائیا۔ میری پوُری کر دے آس، ایہہ تیری بےپرواہیِا۔ حُکم سندیسہ شنکر دے دے اُتے کَیلاش، اپنی کل ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پربھ سچ تیری وڈیائیا۔ دھرم کہے سَتجُگ دوویں کریئے اِک صلاح، متا دھرم دھار پکائیا۔ ساڈا ہووے نہ کوئے گواہ، شہادت اِکو اِک بُھگتائیا۔ پُرکھ اکالا دَیا دیوے کما، مِہر نظر نال ترائیا۔ میری قبوُل ہووے دُعا، دوئے جوڑ سیِس دیواں جھُکائیا۔ میرے نبیِاں دے خُدا، رسوُلاں تیری شنوائیا۔ بھگتاں مِلنا تیری ادا، ریِتی جُگ چؤکڑی چلی آئیا۔ میرے حق محبوُب خُدا، جلوہ گر نوُر الاہیِا۔ میری قبوُل کر دُعا، دوئے جوڑ واسطہ پائیا۔ تُوں نوُرے نوُر رُشنا، دو جہاناں ڈگمگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دھرم کہے سَتجُگ اوہ ویکھ کلجُگ اپنیاں سوارے بُھجا، باہوُ بل ویکھ وکھائیا۔ میَں بھیوَ کُھلاؤنا گُجھا، پردہ پردیاں وِچوں اُٹھائیا۔ میَں پرسِدھ ہونا اُتے بسُدھا، دھرنی دھرت دھوَل دھؤل

ویکھ وکھائیا۔ میرا بھیوَ ابھیدا گُجھا، بِن سَتگُر گُر نہ کدے درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ کلجُگ کہے میَں آیا جوبن وِچ مستی، مست دیوانہ روُپ وٹائیا۔ میرے کول اِکو اگمّی ہستی، جو ہست کیِٹاں ہوئے سہائیا۔ میَں وساں اُس دی بستی، گرِہ اوسے ڈیرہ لائیا۔ جِس دی کھیل اگمّی اکھّ دی، آخر میلا لئے مِلائیا۔ میری آشا اوسے دا ڈھولا جپدی، صِفتاں وِچ صالاحیِا۔ جِتھے کھیل نہیں من مت دی، بُدھی توں باہر پڑھائیا۔ اوتھے وِچار نہیں کوئی تت دی، تتو تت نہ رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پردہ آپ اُٹھائیا۔ دھرم کہے میری اِکو اِک آشا، آشاوَند ہو کے دیاں جنائیا۔ میرا چرن کوَل بھرواسا، بھانڈا بھرم بھؤ بھنّائیا۔ میَں منڈل تکاّں راسا، بِن گوپی کاہن کھوج کھوجائیا۔ میَں پرِتھمی ویکھاں آکاشا، گگن گگننتراں نیَن اُٹھائیا۔ ساچے منڈل تکاں نوُر جوت پرکاشا، نوَ ستّ سَت رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ سَتجُگ کہے میری اِکو اِک وِچار، وِچر کے دیاں سُنائیا۔ دھرم تُوں وی اُٹھ بَل دھار، اپنی لےَ انگڑائیا۔ پربھوُ نوُں کریئے نِمسکار، ڈنڈاوت وِچ سیِس نِوائیا۔ اُچی کوُک ماریئے للکار، زور زور زور سُنائیا۔ کلجُگا دھرنی دے اُتوں ہو جا باہر، لوک مات رہن نہ پائیا۔ ایہہ حُکم سچّی سرکار، نہ کوئی میٹے میٹ مِٹائیا۔ سَتگُر شبد ہو کے خبردار، سندیسے رہیا جنائیا۔ لہنا دینا تک لےَ ایکنکار، کی اکل کل دھاری آپ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ سَتجُگ کہے دھرم میَں دھرم دی دھار مات لگّا، لگ ماتر ڈیرہ ڈھاہیِا۔ سَت سچ چلاواں اَگا، کوُڑ کُڑیار رہے نہ رائیا۔ میَں سیِس دستار سَت دی بنّھاں پگّا، پگڑی اگمّ اتھاہیِا۔ جگت جہان تکاّں اگّا، اگنی تت کھوج کھوجائیا۔ میَں سوُرا تکاں شہنشاہ سربگا، مالک اِک اکھوائیا۔ جِس نے چار کُنٹ مار کے بدھےّ کگّا، کاگاں والی رتّ گوائیا۔ اِکو نام پیالہ پیا کے مدھا، مدُھر دُھن دئے سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سَتجُگ کہے میَں رکھ کے بَیٹھا اوٹا، اوڑک دھیان لگائیا۔ پُچھیا اگنت )سلوکا(، سوہلیاں وِچ سُنائیا۔ کِس بِدھ دھرم دی دھار جگنیِاں جوتا، جوتی جاتا ڈگمگائیا۔ جھٹ کلجُگ کہے میرا سماں نہیں لنگھیا بہُتا، بہُڑی بہُڑی کر دیاں جنائیا۔ میَں چاہُندا میرے وِچ سب دیاں ہوون مؤتاں، بچیا رہن کوئے نہ پائیا۔ جوتی جوت

سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ کلجُگ کہے دھرم ایَویں نہ لےَ انگڑائی، متا سَتجُگ نال پکائیا۔ میَں کوئی ہو نہیں گیا سُدائی، آپ اپنی مت گوائیا۔ میَں وی جگت جہان دا راہی، رہبر دِتی مان وڈیائیا۔ میَں اوسے دا نوُر نوُرانہ جو مالک خلق خُدائی، اگمّ اگمّڑا وڈ وڈیائیا۔ میَنوُں یاد گوبِند دا ڈھئیا ڈھائی، اکھّراں صِفت صالاحیِا۔ جِس آؤنا چائیں چائیں، اپنا پھیرا پائیا۔ سمبل کھیڑا دینا وسائی، سوہنا رنگ رنگائیا۔ نِرگُن نوُر کرے رُشنائی، جوتی جاتا ہو کے ڈگمگائیا۔ کلجُگ کہے پر میَں وی بڑا قصائی، قسم نال سُنائیا۔ میَں راہ جاندے بُھلا دینے راہی، رہبر مِلن کوئے نہ پائیا۔ ہتّھاں نال اُٹھا کے دوویں باہیِں، باہوُ بل سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ مالک اِک اکھوائیا۔ کلجُگ کہے دھرم کی سَتجُگ دئے دلیِلاں اپنی خوشی بنائیا۔ میرے بدلن دا تیرے کول کی وسیِلہ، میَنوُں دے دِرڑائیا۔ تُوں وسیں تھلّے اَمبر نیِلا، دھرنی اُتے ڈیرہ لائیا۔ اوہ مالک چَھیل چھبیِلا، اگمّ اتھاہ اکھوائیا۔ جِس دے حُکم دا ہونا حیِلہ، ہِمّت ہِمّت نال بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کی ساچی کھیل کھِلائیا۔ کلجُگ کہے دھرم میَں کدی نہیں جاواں گا، سچ سچ دِرڑائیا۔ پربھ اَگے واسطہ پاواں گا، نِو نِو سیِس نِوائیا۔ اپنے جگت دی کھاواں قسم، سوگنداں وِچ جنائیا۔ اپنی رسم دِرڑاواں گا، بھیوَ ابھید کُھلائیا۔ میَں سچ دسّاں مِترا اِک ویراں دیِن دُنی سرب لڑاواں گا، ایہہ میری بےپرواہیِا۔ کھنڈے کھڑگاں نال کھڑکاواں گا، کھنڈر ویکھاں لوکائیا۔ جگت جگیاسوُآں لوک مات تڑپھاواں گا، ایہہ میرے ہتّھ وڈیائیا۔ چاروں کُنٹ کوُڑے کاگ اُڈاواں گا، نؤواں کھنڈاں پھول پھولائیا۔ سرِشٹی درِشٹی وِچوں ہِلاواں گا، سویا رہن کوئے نہ پائیا۔ اپنی کھیل سجّنا ایسے سال شُروُع کراواں گا، سوہنا رنگ رنگائیا۔ اگلے سال بَل ودھاواں گا، راجا بل دئے گواہیِا۔ تیِجے سال اٹل حُکم سُناواں گا، جو دسےّ میرا ماہیِا۔ چؤتھے سال ترتھل مچاواں گا، تھل اسگاہ ہون شؤدائیا۔ پنجویں سال ٹل وجاواں گا، مندراں باہر کراں شنوائیا۔ چھیویں سال کوُڑ دا ہل چلاواں گا، جڑ دھرم والی اُکھڑائیا۔ ستویں سال دیِن دُنی ڈل وِچ سُٹاواں گا، باہر سکے نہ کوئے کڈھائیا۔ اٹھویں سال چؤدھویِں صدی مُکاواں گا، محمد لیکھا جھولی پائیا۔ عیسیٰ موُسیٰ نال رلاواں گا، ایہہ میرے ہتّھ وڈیائیا۔ دھرنی دھرت دھوَل دھؤل خاک اُڈاواں گا، دھوُڑ اسماناں چھائیا۔ اپنا سوہنا روُپ درساواں گا، بن کے جگت قصائیا۔ کال روُپ ہو کے سب نوُں کھاواں گا،

ترِسنا بُھکھ مِٹائیا۔ پھیر پربھ نوُں سیِس نِواواں گا، سچ تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ دھرم کہے کلجُگ ویکھ لےَ اپنیِاں کرنیِاں، کرتا پُرکھ تیرے نال دھیان رکھائیا۔ انتم تَینوُں پَینیِاں بھرنیِاں، بھرم گڑھ نہ کوئے مِٹائیا۔ شرع دیاں لڑائیاں تَینوُں پَینیاں لڑنیاں، اَگے ہو نہ کوئے اٹکائیا۔ بھےَ وِچ چارے کوُٹاں ڈرنیاں، سِر سکے نہ کوئے اُٹھائیا۔ جِدھر ویکھاں شریِعتاں اگنی وِچ سڑنیاں، امرت میگھ نہ کوئے برسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک ہوئے سہائیا۔ سَتجُگ کہے کلجُگ تک لےَ اپنا نظارہ، نظرّیہ لےَ بدلائیا۔ تیرا دِسدا انت کنارہ، نئیا نؤکا ڈولے تھاؤں تھائنیا۔ اوہ سُن سندیسہ ایکنکارا، اکل کل دھاری کی جنائیا۔ جو جوت نوُر اُجیارا، جوتی جاتا ڈگمگائیا۔ اوہ شبدی دھار دئے اِشارہ، سیَنت اِک لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سَتجُگ کہے کلجُگ سُن لےَ حُکم اگمّا، اگمّڑا کی جنائیا۔ تیرا مُکن والا سماں، اَگے اوَر نہ کوئے ودھائیا۔ کیوں کرنی نال ہووے نِکمّا، سچ وِچ نہ کدے سمائیا۔ جھگڑا پا کے مِٹّی چمّا، درِشٹی سب دی دِتی بدلائیا۔ کُچھ حُکم سُن لےَ نَواں، نؤواں کھنڈاں دینا دِرڑائیا۔ دیِن مذہب دی کریو کوئی نہ طمع، لالچ اندر نہ کوئے ٹِکائیا۔ سَت دھرم دی جگن والی شمع، کلجُگ اندھیرا تاریِک دئے مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ آپ بھیوَ کُھلائیا۔ دھرم کہے اؤہ تک لےَ کلجُگ اپنا وقت دُہیلا، دوہری دھار جنائیا۔ سَت دا رہیا کوئی نہ میلا، سچ نہ کوئے وڈیائیا۔ پربھ اپنا کھیل رہیا کھیلا، خالق خلق ویکھ وکھائیا۔ جن بھگتاں بن کے سجّن سُہیلا، دیوے مان وڈیائیا۔ دیِن دُنی نالوں ہو کے وِہلا، گُرمُکھ ساچے گود ٹِکائیا۔ دھام سُہا کے اِک نویلا، سچکھنڈ ساچے دئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا آپ مِلائیا۔ چھّبی پوہ کہے میَں بھگتاں بنیا میِتا، سَتجُگ کلجُگ دوواں دیاں سُنائیا۔ جِنہاں دی سب توں باہر ریِتا، ریِتیوان دِتی وڈیائیا۔ اِکو مندر وکھا کے دھرم دھار مسیِتا، مسلے سب دے حل کرائیا۔ گھٹ گھٹ اندر تکاں نیِتا، کھوجاں چائیں چائنیا۔ نِگاہ ماراں ہست کیِٹا، شاہ سُلطاناں ویکھ وکھائیا۔ بِنا سَت توں دِسے کوئی نہ میِتا، مِتر سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ چھّبی پوہ کہے میَں سب نوُں دسّاں پُکار، کوُک کوُک سُنائیا۔ سُنو وِشن برہما شِو دی

دھار، ترےَگُن توں باہر دیاں دِرڑائیا۔ نیتر تکّو تیئی اوتار، بِن اکھّیِاں اکھّ مِلائیا۔ پَیغمبر ہووو خبردار، آلس نِندرا وِچوں باہر کڈھائیا۔ گُروُ گُردیو پاوو سار، بھجّو واہو داہیِا۔ نؤ کھنڈ ہویا دھوُاں دھار، ساچا چند نہ کوئے چمکائیا۔ جو سندیسہ دے کے گیا رَویِداس چمیار، بِن اکھّراں اکھّر سُنائیا۔ جو گوبِند گیا للکار، حُکم دُھر دا اِک وڈیائیا۔ کل کلکی آوے اوتار، نِہکلنکا ناؤں پرگٹائیا۔ اِمام اِماما ہو سِکدار، اِکو حُکم دئے سُنائیا۔ سمبل وسے دھام نیار، محل اٹل اِک جنائیا۔ جن بھگتاں پائے سار، مہاسارتھی اِک اکھوائیا۔ جو دھرم دی دھار بنے دیوار، چاروں کُنٹ رنگ رنگائیا۔ ہرِجن خادم ویکھے خِدمتگار، سیوک سیوا وِچوں میل مِلائیا۔ اِکو جِہا لہنا رکھے پُرکھ نار، دوُجی ونڈ نہ کوئے ونڈائیا۔ جن بھگتاں بھر بھنڈار، خالی خالی دئے بھرائیا۔ اَگے سَت دھرم دا بول جَیکار، سَت سچ نال مِلائیا۔ کھیل کرے اگمّ اپار، الکھ اگوچر وڈ وڈیائیا۔ جن بھگتاں ہو کے پہریدار، چاکر ہو کے سیو کمائیا۔ ہتّھ پھڑ کے کھنڈا کھڑگ کٹار، تِکھی دھار پرگٹائیا۔ جِس دا بدل جانا وِوہار، وِوہاری اپنی کار کمائیا۔ جو لہنا دینا میٹے محمد چار یار، چار یاری نال مِلائیا۔ کھیلے کھیل سچّی سرکار، ہرِ کرتا دُھردرگاہیِا۔ جو جُگ جُگ لئے اوتار، اوتری اپنا روُپ بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا آپ مِلائیا۔ چھّبی پوہ کہے جن بھگتو تُہانوُں چڑھیِاں رہن لالیاں، لالن نال ملِے وڈیائیا۔ تُہاڈیِاں منسا پوُریِاں ہون باہلیِاں، بہُہ بِدھ اپنا کھیل کھِلائیا۔ کلجُگ کوُڑیاں گھٹاں مِٹن کالیِاں، سَتجُگ سچ چند چمکائیا۔ تُساں جُگ جنم وِچ گھالاں گھالیِاں، نوَ نوَ چار دا پندھ مُکائیا۔ تُہاڈا لہنا دینا ویکھے حالیِا، پوُرب لیکھا نال رلائیا۔ تُسیں آتم دھار مارو چھالیِاں، ٹپّو کُدو چائیں چائنیا۔ تُہاڈیاں جگت والیِاں مُکیِاں دلالیِاں، دِلبر میلا سہج سُبھائیا۔ اوہ جھولی بھرے خالیِا، خالق خلق دئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ویکھنہارا شاہ کنگالیِاں۔ چھّبی پوہ کہے جن بھگتو میریاں دھرم دھار اسیِساں، اصل نال جنائیا۔ تُہاڈا مالک اِک جگدیِشا، جگدیِشر نوُر الاہیِا۔ خالی ہوون نہ دیوے کھیِسا، خلق وِچ دیوے وڈیائیا۔ جِس دا اِکو حُکم اِک حدیِثا، اِکو کرے پڑھائیا۔ جِس نوُں گاؤندے جُگ چؤکڑی راگ چھتیِسا، بتّیاں دنداں صِفت صالاحیِا۔ اوہ دھرم دھار چلائے ریِتا، ریِتیوان اکھوائیا۔ جِس کھیل اگمّا کیِتا، اگمّڑی کار بُھگتائیا۔ سب دیاں پرکھے نیِتا، چؤراسی کھوج کھوجائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔

چھّبی پوہ کہے جن بھگتو تُسیں گئے چار دیواری اندر، اپنی خوشی بنائیا۔ تُہاڈا پریم سُہاوا مندر، وجدی رہے ودھائیا۔ لیکھا مُکیا اندھیری کَندر، سُکھمن ٹیڈھی بنک نہ کوئے بھوائیا۔ منوُآ نؤ دوار نہ نچّے بندر، دہ دِشا نہ اُٹھ اُٹھ دھاہیِا۔ چرن دھوُڑی مستک لگّا چندن، ٹِکّے خاک رمائیا۔ شرع دے ٹُٹے بندھن، زنجیر رہن کوئے نہ پائیا۔ پُرکھ اکال لگاوے انگن، انگیکار اِک اکھوائیا۔ تُہاڈا قبوُل ہویا دھوُڑی منجن، سرن سچّی سرنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ چھّبی پوہ کہے جن بھگتو تُہاڈا جگت جہان نہیں کوئی لیکھا، لِکھتی دیاں جنائیا۔ تُسیں سُنو اگمّ سندیسہ، جو سُتیاں دئے اُٹھائیا۔ کھیل کھیلے نر نریشا، نر نرائن بےپرواہیِا۔ جو سمبل وسے دیسا، ساڈھے تِنّ ہتّھ رنگ رنگائیا۔ سو سوامی کرے ہیتا، ہِتکاری ہو کے میل مِلائیا۔ جُگ جنم کدے نہ بُھلے چیتا، چیتن سب نوُں رہیا کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ چھّبی پوہ کہے جن بھگتو سب دیِاں پوُریاں ہوون منسا، خواہشاں پربھ چرناں اپنے رنگ رنگائیا۔ سب دا روُپ ہووے ہنسا، کاگ بُدھی نہ کوئے جنائیا۔ تُسیں اِک صاحِب دی بنسا، چاروں کُنٹ وجےّ ودھائیا۔ تُہاڈا سُہائے دوار بنکا، راؤ رنکاں مِل کے وجدی رہے ودھائیا۔ تُہاڈا لہنا دینا اَنیک انکا، اَنک کل دھاری ویکھ وکھائیا۔ تُہاڈا جھگڑا نہیں من کا، بُدھی نہ کوئے چتُرائیا۔ تُہاڈا حِصّہ نہیں تن کا، تن وجوُداں کھوج کھوجائیا۔ تُہاڈا وِہار تُہاڈا پیار آتم دھار برہم کا، پاربرہم جنائیا۔ اجّ دا وقت سُہنجنا ساچے دھرم کا، دھرم اِکو نظری آئیا۔ لیکھا رہیا نہ جنم مرن دا، کرم کانڈ دا ڈیرہ ڈھاہیِا۔ لہنا ملِے ساچی سرن کا، سرنگت اِک رکھائیا۔ اجّ وقت سُہنجنا سب دے ترن دا، پھڑ باہوں پار کرائیا۔ جگت وقت دُہیلا ہونا مرن کا، کلجُگ کوُڑا ڈؤروُ ڈنکا واہیِا۔ جن بھگتو تُہاڈا سماں ہونا ڈھولا پڑھن دا، تُوں میرا میَں تیرا لیَنا گائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر کھیل آپ کھِلائیا۔ چھّبی پوہ کہے جن بھگتو میَں ویکھاں تُہاڈیِاں ہستیِاں، اندرے اندر دھیان لگائیا۔ تُہانوُں چڑھیِاں رہن مستیِاں، مست مستانے روُپ بنائیا۔ تُہاڈیِاں وسدیِاں رہن بستیِاں، گھر گھر سوبھا پائیا۔ تُہانوُں پربھوُ دیِاں خوشیاں مِل گئیاں سستیِاں، بہُتا سماں نہ سیو کمائیا۔ من دیِاں آشا رہن نہ نسدیِاں، چار کُنٹ بھجّن نہ واہو داہیِا۔ تُہاڈیِاں رسنا بھریِاں رہن جس دیِاں، صِفتاں وِچ صالاحیِا۔ جوتی جوت سروُپ ہرِ، آپ اپنی کِرپا کر، سد دیونہار

اکھوائیا۔ چھّبی پوہ کہے جن بھگتو میرے نال مِلا لؤ اکھّاں، اکھّیِاں والیو اکھّاں لؤ اُٹھائیا۔ میرا اِکو سوامی سخا، تُسیں وی میرے نال لؤ منائیا۔ جو سدا کرے بھگتاں دا پکھّا، پنکھیروُآں کھلّ نہ کدے لُہائیا۔ دو جہان پِھرے نسّا، بھجےّ واہو داہیِا۔ جِس دا اِکو اکھّر سسّا، سو پُرکھ نِرنجن بےپرواہیِا۔ جِس کلجُگ رَین اندھیری میٹنی مسّا، مسّیا دھار دئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم ورتائیا۔ چھّبی پوہ کہے جن بھگتو میرے ول لؤ تک، تقویٰ اِکو اِک رکھائیا۔ سب دا ناتا رِشتہ ہووے پکّ، پکّی گنڈھ لیَنی پائیا۔ اَگے رہے کوئی نہ شک، شِکوہ اندروں دینا کڈھائیا۔ سب دا سانجھا ہویا حق، حکوُمت حُکم والی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ چھّبی پوہ کہے جن بھگتو میرے نال مِلاؤ اپنا ہِردا، میَں ہاردک دیاں ودھائیا۔ سجّنو میَنوُں وِچھوڑا چِر دا، چِریں وِچھُننیو دیاں سمجھائیا۔ پیار مِلدا نہیں کدے اگمّی پِر دا، کھوجیاں ہتّھ کِسے نہ آئیا۔ میرا خوشیاں وِچ ہنجھوُ موتیِاں دھار گِردا، اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ چھّبی پوہ کہے میری رَین بِھنی، بھنڑا رنگ رنگائیا۔ میَنوُں خوشی مِلی کِنی، کی دیاں سمجھائیا۔ انت سرِشٹی مِٹنی دِن تِنّیں، تِنّے لوک صفائیا۔ پربھوُ نوُں لبھنا سب نے جگت والے چِنّیِں، کھوجیاں ہتّھ کِسے نہ آئیا۔ سب نے کہنا مِنّی مِنّی، رسنا جِہوا کوُک سُنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ چھّبی پوہ کہے میَں دسّاں اِک نظارہ، نظرّیہ نام بدلائیا۔ اُٹھو ویکھو کھیل نر نِرنکارا، کی پروردِگار حُکم ورتائیا۔ وِشن برہما شِو پاوو سارا، پردہ پردیاں وِچوں اُٹھائیا۔ لیکھا تکّو تیئی اوتارا، ترےَگُن اتیِتا رہیا جنائیا۔ پَیغمبر ہووو ہوشیارا، عیسیٰ موُسیٰ محمد لؤ انگڑائیا۔ نانک گوبِند دھار تکّو روُپ نیارا، ایکنکارا کی سمجھائیا۔ انتم لہنا دینا سب دا پوُرا ہویا وِچ سنسارا، دھرنی دھرت دھوَل لیکھا رہیا نہ رائیا۔ دیِن مذہب تکّو اکھاڑا، چاروں کُنٹ اکھّ اُٹھائیا۔ کی کھیل کرے پنچم دھاڑا، جگت ہنکار نال لڑائیا۔ سچ دا دِسے نہ کوئے اَکھاڑا، پروردِگار نہ کوئے وڈیائیا۔ ترےَگُن اگنی لگّی ناڑا، تتو تت رہی جلائیا۔ آتم پرماتم کرے نہ کوئے پیارا، پاربرہم برہم میل نہ کوئے مِلائیا۔ کھیل کھیلے چؤبیسا اوتارا، کل کلکی نوُر الاہیِا۔ جِس پَیغمبراں پاؤنی سارا، لیکھا دیوے تھاؤں تھائنیا۔ نِشان میٹنا چند سِتارا، سطح بُلندی کھوج کھوجائیا۔ کلجُگ کوُڑ نہ رہے

دُھندھوُکارا، اندھ اندھیرا دئے گوائیا۔ سَت دھرم کرے اُجیارا، لوک مات مات رُشنائیا۔ سَتجُگ دیوے چرن سہارا، چرن چرنودک مُکھ چوائیا۔ ساچا مارگ لائے اپر اپارا، اپرمپر سوامی دئے وڈیائیا۔ جن بھگتو تُہاڈا وسدا رہے بھگت دوارا، بھگوَن نال مِل کے وجےّ ودھائیا۔ تُہاڈا نِکُھٹ نہ جائے بھنڈارا، سدا اتوٹ اتُٹ جنائیا۔ جِس دا لیکھا کاغذ قلم نہ لِکھنہارا، شاہی چلے نہ کوئے چتُرائیا۔ اوہ تُہاڈا میِت مُرارا، مِتر پیارا اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک بےپرواہیِا۔ چھّبی پوہ کہے جن بھگتو جگت ہون والی تبدیِلی، طبع سب دی دئے بدلائیا۔ کِسے دی منظور نہ ہوئے اپیِلی، قاعدہ قانوُں ونڈ نہ کوئے ونڈائیا۔ پربھوُ دی دھار نہیں کوئی ڈِھیلی، دُھر دے حُکم نال کسائیا۔ جِس دی کھیل سدا چَھیل چھبیِلی، جوبن ونتا ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن ساچے نال مِلائیا۔ شبے از ماوستی چکوُجا ملوز سائل موُوالستی گوزا السولُ تامیؤل ویزا نوُرے رُشنا جائلپھاسی گلمونا ناویزُل کیا دُاستو مِزلُ کوسے زماں نوُرے چشمہ جزیؤلزموُ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ چھّبی پوہ کہے چانانزی مستاولیسلُ واؤل ازستی تاملتھاج تیرا نوُر ظہوُر میرے اکھدس بیاؤ تاوستی زوبل جماد مُبارکے خُدا محمدے دُعا میرے احباب حق جناب دِلوزو عظمی ناچستو کُھما بدستے دُعا انہوزی چکشے زموُ نوُرے الاہ میرے بے پرواہ رحیِمے رحمان تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ چھّبی پوہ کہے جن بھگتو میرا اِک پرنام، پرا پسنتی مدھم بَیکھری توں باہر سُنائیا۔ تُسیں شرع دا رہنا نہیں غُلام، زنجیر بے نظیِر دِتا کٹائیا۔ تُہاڈا مالک اِک اِمام، اِمام اِماماں نوُر الاہیِا۔ جِس دا حُکم سندیسہ نام کلمہ اگمّ پَیغام، پَیغمبراں توں باہر پڑھائیا۔ جِس دا منتر انتر آد جُگاد سچ نِشان، نِشانہ اوَر نہ کوئے رکھائیا۔ تُہاڈا پیار مُحبّت کرے پروان، پروانے دُھر دے آپ بنائیا۔ تُہاڈا لیکھےلاوے پیِن کھان، ساہ ساہ ویکھ وکھائیا۔ تُہاڈا مالک اِک بھگوان، بھگوَن اپنے رنگ رنگائیا۔ سب دا لیکھا ہویا در پروان، پرم پُرکھ دیوے مان وڈیائیا۔ جِس دا دیِن دُنی وِچوں بدل جانا وِدھان، واحد دا مالک واحد ویکھے خلق خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں کرے آپ پہچان، بے پہچان ہو کے نظر کِسے نہ آئیا۔