کتب خانہGranth 23 (Shahmukhi)

۱۸ چیت شہنشاہی سمت دس لُدھیانہ شہر جرنَیل سِنگھ دے گرِہ

پُرکھ اکال کہے دھرنی نہ رو رو کر پُکار، برہوں وِچ کُرلائیا۔ میرا آد جُگادی کھیل اپار، اپرمپر ہو کے آپ کھِلائیا۔ میرا جُگ چؤکڑی لہنا وِچ سنسار، سنساری بھنڈاری سنگھاری دین گواہیِا۔ میرا لیکھا گُر پَیغمبر اوتار، اوتری ہو کے کھیل کھِلائیا۔ میرا لہنا دینا سدا جُگ چار، چؤکڑی حُکمے وِچ بھوائیا۔ جُگ جُگ نِرگُن ہو کے بھگتاں پاواں سار، سرگُن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن ساچے آپ ترائیا۔ پُرکھ اکال کہے دھرنی ہرِجن ساچے شبد دھار اُدھاراں گا۔ نِگاہ بِن نیَناں اکھّ اُٹھالاں گا۔ درگاہ ساچی سچکھنڈ دوار بہالاں گا۔ بِن تت وجوُداں آتم دھار سمبھالاں گا۔ جوتی جوت سروُپ ہرِ، آپ اپنی کِرپا کر، سد اپنا گھر وکھالاں گا۔ دھرنی کہے کِرپا کریں میرے بھگوَنت، در ٹھانڈے منگ منگائیا۔ تیری مہما سدا بےانت، جُگ جُگ تیری بےپرواہیِا۔ تُوں آتم پرماتم دھاری کنت، کنتُوہل اِک اکھوائیا۔ تیرا نام نِدھانا منت، جُگ جُگ کرے پڑھائیا۔ تُوں بودھ اگادھا پنڈت، بِن اکھّراں اکھّر سُنائیا۔ کلجُگ انت جن بھگتاں اندروں توڑ دے ہؤمے ہنگت، ہنگ برہم اِک سمجھائیا۔ ساچا میل مِلا دے سنگت، ہرِ سنگت وِچ سمائیا۔ نام وِہوُنا کوئی رہے نہ بُھکھا ننگت، وست امُل دینی ورتائیا۔ سب دے اندروں میٹنی چِنت، چِنتا چِکھا نہ کوئے جلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ دھرنی کہے پربھوُ جن بھگتاں بخش دے اپنی بھگتی، بھگوَن اپنی دَیا کمائیا۔ نِرگُن دھار دے دے شکتی، شخصیّت اندروں دے بدلائیا۔ تُوں سب دا نِدھ پرتی، پت پرمیشور اِک اکھوائیا۔ میَں رو پُکاراں دھرتی، دھوَل کوُک کوُک سُنائیا۔ کِرپا کر دے مالک عرشی، فرش اُتے ویکھنا چائیں چائنیا۔ جن بھگتاں اِکو اِک سُہا دے برسی، بہُتی ونڈ نہ کوئے ونڈائیا۔ جنم کرم دی میٹ دے حرصی، ہوَس اَگے رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ دھرنی کہے پربھوُ ویکھ لےَ اپنے بھگت، بھگوَن دھیان لگائیا۔ ویکھ لےَ اپنا جگت، دیِن دُنی کھوج کھوجائیا۔ تک لےَ اپنا وقت، جو اوتار پَیغمبر گُر گئے سُنائیا۔ ساچی رہی کِسے نہ شکت، چار کُنٹ ہویا ہلکائیا۔ جھگڑا تک لےَ بوُند رَکت، ناڑی ناڑی دئے دُہائیا۔ میرے سوامی آ جا پرت، پت پرمیشور دَیا کمائیا۔ میری پوُربلی میٹ حرص،

ہوَس دینی گوائیا۔ جن بھگتاں اُتے کر کے ترس، رحمت اپنی دینی ورتائیا۔ میگھ اگمّا اِکو برس، امیوں رس دینا چوائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، میری منظور کر عرض، بیننتی تیرے چرن کوَل ٹِکائیا۔

۱۸ چیت شہنشاہی سمت دس ہرِ بھگت دوار جیٹھوُوال ضِلع امرتسر بنگلا دیش ٹوُر توں واپس پُجن دے سمیں

اٹھاراں چیت کہے جن بھگتو لؤ پرساد، بِنا پرسادیاں دئے چھکائیا۔ جِس وِچ بھریا اگمّ سواد، رسنا چکھ نہ سکے رائیا۔ اندروں کڈھ دئے کوُڑ وِواد، امرت رس دئے بھرائیا۔ جِس نال تُہانوُں وِسرے کدے نہ یاد، وِچھوڑے وِچ کدے نہ آئیا۔ تُہاڈے کایا مندر اندر ہونا آباد، اپنا آسن لائیا۔ سمت شہنشاہی دس دے تُسیں سنت سُہیلے سادھ، جن بھگت سوبھا پائیا۔ در آیاں نوُں چرن پریِتی دیوے داد، وست اگمّ ورتائیا۔ جِس دا حِصّہ نہیں کوئی باب، ونڈن ونڈ نہ کوئے ونڈائیا۔ تُہاڈے انتر نِرنتر وجّدا رہے ناد، نام دُھن شنوائیا۔ مِلدا رہے مِتر احباب، ہرِ کرتا دُھردرگاہیِا۔ در آیاں پریم پیار وِچ دیوے شبد والا پرساد، ادب نال سب نوُں اپنے گلے لگائیا۔ تُہاڈا خوشیاں والا ویکھ مِزاج، مِہربان مِہر نظر اُٹھائیا۔ تُہاڈے سیِس دھرم دا تاج، تاجاں والا دئے ٹِکائیا۔ جِس نوُں کہندے گُروُ مہاراج، شہنشاہ اِک اکھوائیا۔ جو تُہاڈی رکھے لاج، دو جہاناں ہوئے سہائیا۔ جیہڑی مردانے والی رباب، تُہاڈے اندر دئے وجائیا۔ ایہہ نانک دا اہلاد، جو ڈھاکے گیا سمجھائیا۔ ہُن پِھر کے آ گیا سَتگُر شبد وِچ پنجاب، پنجاں دا ناتا لئے مِلائیا۔ گھر مندر بخش کے اپنا آب، آب حِیات اِک چکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سچ دا میلا میلنہار آپ کرائیا۔

۱۸ چیت شہنشاہی سمت دس ہرِ بھگت دوار جیٹھوُوال ضِلع امرتسر رات نوُں

سَتگُر شبد کہے میَں بڑے لگائے دُڑنگے، میری چال نظر کِسے نہ آئیا۔ میَں دیِپاں کھنڈاں پائے اڑنگے، آپ اپنی کل پرگٹائیا۔ سب دے پوُرب لیکھے ویکھے ٹنگے، جو نِرگُن سرگُن دھار دِتے پھڑائیا۔ نوَ نوَ چار دے تکّے دنگے، جھگڑیاں کھوج کھوجائیا۔ میَں سمُند ساگر لنگھے، پربتاں پندھ مُکائیا۔ میَں پیَنڈے کیتے لمبے، بِنا قدم قدم اُٹھائیا۔ میَں جگت جگیاسوُ ویکھے بُھکھے ننگے، اوڈھن تن نہ کوئے رکھائیا۔ میَں روندی تکّی گوداوری گنگے، جمنا سُرستی دھیان لگائیا۔ میَں دُہائی دیندا تکیا کلجُگ اپنے کنڈھے، کنڈھی گھاٹ ڈیرہ لائیا۔ نالے ہسّ کے کہے سَتگُر میرے ویکھ پاکھنڈے، جو تیرے حُکم نال ورتائیا۔ نالے نِگاہ مار وِچ وربھنڈے، نوَ ستّ نیَن اُٹھائیا۔ ساچی منزل چڑھے کوئی نہ ڈنڈے، پاندھی پندھ نہ کوئے مُکائیا۔ ٹُٹی یاری کوئی نہ گنڈھے، سگلا سنگ نہ کوئے نِبھائیا۔ سیِنہ دِسے کِسے نہ ٹھنڈے، اگنی تت نہ کوئے بُجھائیا۔ جِدھر تکیا چمکے چنڈ پرچنڈے، موہنی روُپ وکھائیا۔ ہؤمے ہنگتا ہوئی کندھے، ہنکار وِکار لئے انگڑائیا۔ میَں جگت جہان ویکھیا وِچ دھندے، دھوُاں دھار وِچ لوکائیا۔ ساڈا سُنے کوئی نہ چھندے، نام رباب نہ کوئے وجائیا۔ میَں نارد پُچھیا کولوں پنڈے، پنڈتا دے دِرڑائیا۔ نارد کہے پربھوُ جے میری منّے جگت جہان والے سارے کردے رنڈے، کنت سُہاگ سکے نہ کوئے ہنڈھائیا۔ نؤ کھنڈ پرِتھمی جگت نِشانے رہ جان پِپل لنڈے، پتّ ٹہنی نہ کوئے مہکائیا۔ ویکھیِں کِتے تُوں وی ہتّھ پھڑیں نہ گوبِند والے کھنڈے، شبدی دھار کریں شنوائیا۔ تَینوُں جھُکدے سوُریہ چندے، چند سِتار سیِس نِوائیا۔ میَں کی ویکھیا بھرمے بُھلے خاکی بندے، بندگی وِچ نہ کوئے سمائیا۔ گُر اوتار پَیغمبر لیکھا گِنتی گِنی جن بھگتاں سنگ ہوئے بوَنجے، باوَن دھار دئے گواہیِا۔ سچ سِنگھاسن سوئے کوئی نہ منجے، سَت وِچ نہ کوئے سمائیا۔ کلجُگ کوُڑی کِریا ہاتھ نہ آوے ونجھے، وَنجھ مُہانا کمّ کوئے نہ آئیا۔ سَتگُر شبد کہے میَں سُن سُن خوش ہویا رائے دھرم سب نوُں کہے اُٹھو کال دی چڑھو سارے جنجے، لاڑا مہاکال نال مِلائیا۔ نالے پرکھو جگت جہان والے چمّے، چمّ درِشٹی دھیان لگائیا۔ نظارے ویکھو اَگے بدلے نہیں کدے ایہو جِہے سمیں، جو حالت سماں کلجُگ دئے وکھائیا۔ نِگاہ مارو وجوُد تنے، سریِراں پھول پھولائیا۔ کوَن دھار فرمانا منّے، منسا نال مِلائیا۔ لیکھا تکّو گوبِند والے کِنے، کنّاں توں باہر سُنو شبد اگمّ اتھاہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور،

دُھر مالک بےپرواہیِا۔ سَتگُر شبد کہے میَں پِھریا نال زور، جگت نیتر نظر کِسے نہ آئیا۔ میرا منتر سمجھے کوئی نہ پھور، فُرنے وِچ بھیوَ کوئے نہ پائیا۔ میَں نواں کھنڈاں وِچ روُپ بدلیا ہور دا ہور، ستّاں دیِپاں ویکھ وکھائیا۔ دیِناں مذہباں اندر وڑیا بن کے چور، چوری چوری اپنی کار کمائیا۔ نالے کیِا اندھیرا گھور، گھوری ہو کے ویکھ وکھائیا۔ نوَ ستّ دا تکیا شور، بہُڑی بہُڑی کرے خلق خُدائیا۔ میَں نِگاہ ماری نال غؤر، گؤرو نال سُنائیا۔ دیِن دُنی دی آتم دھار پرماتم نالوں ٹُٹی ڈور، ڈوری بندھ نہ کوئے بندھائیا۔ بھاگ ہووے نہ کِسے متھور، جگت ملِے نہ مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سَتگُر شبد کہے میَں لیکھا دسّاں ہانگکانگوُ، بِن نیَناں نیَن اُٹھائیا۔ میرا ویس اولّڑا سوانگوُ، سمجھ کِسے نہ آئیا۔ جِس دی سارے کردے تانگھوُ، بَیٹھے دھیان لگائیا۔ سَتگُر شبد کہے میَں دیِن دُنی توں اِکو وست مانگوُ، پریم نال منگ منگائیا۔ سچ دسّو تُہانوُں پریم ڈوری نال کوَن باندھوُ، بندھن اپنا نام وکھائیا۔ کیہڑا ڈھولا دسےّ چھاندوُ، کوَن راگ وڈیائیا۔ کوَن دو جہاناں بنے سانجھوُ، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سَتگُر شبد کہے میرا لیکھا نال مِتر احبابی، نوُر نوُرانے نال وڈیائیا۔ میرا ناتا نہیں عِشق حقیِقی تے مزاجی، دوہاں توں باہر اپنا کھیل کھِلائیا۔ میری دھار نہیں ربابی، سِتاراں نال شنوائیا۔ میَں کوئی شیخ مسائک مُلّا نہیں قاضی، پنڈت پاندھا نہ روُپ بدلائیا۔ میرا لیکھا جگت نہیں جگت دھار سمادھی، بِن نیتراں نیتر لواں اُٹھائیا۔ میَں سچ دسّاں نؤ کھنڈ پرِتھمی پِھریا میَنوُں ساریاں آکھیا ایہہ جوتی جاتا پُرکھ بِدھاتا تتاں والا روُپ بن گیا پنجابی، تتاں دے لیکھے دئے مُکائیا۔ جِس دا ہور کوئی نہیں اِمدادی، اِکو اِک نوُر الاہیِا۔ جِس کھیل کھِلاؤنی دو دو آبی، دوہری اپنی کل پرگٹائیا۔ دیِن دُنی دی بدل کے بازی، بازاں والے دا لہنا پوُر کرائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سَتگُر شبد کہے میَں مست دیوانہ، دیِوانیوں دیاں جنائیا۔ سُنو دُھر فرمانا، فُرنیاں توں باہر سُنائیا۔ کی کرے کھیل سِری بھگوانا، ہرِ کرتا اپنی کار کمائیا۔ جِس دا کھیل دو جہانا، جُگ چؤکڑی ویکھ وکھائیا۔ جوتی دھار پہر کے بانا، ویس اولّڑا آیا بدلائیا۔ جِس نوُں پَیغمبر کرن سلاما، بِن سجدیاں سیِس جھُکائیا۔ دھوُڑی خاک رماوَن کرِشنا راما، نِو نِو لاگن پائیا۔ گُروُ گُردیو کہن تُوں شہنشاہ سُلطانا، شاہ پاتشاہ اِک اکھوائیا۔ آد جُگادی نؤجوانا، جوبن ونتا دُھر دا ماہیِا۔

جِس نے دیِن دُنی دا ویکھیا کھیل وِچ جہانا، زِمیں زماں پھول پھولائیا۔ پرکاش کر کے اُتے اسمانا، اِسم اعظم رہیا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر لیکھا پوُر کرائیا۔ سَتگُر شبد کہے پنجابِیو میرا پیار آیا تُہاڈے وِچ پنجے، پنجاں دینی مان وڈیائیا۔ جو اِشارہ کیِتا شبدی دھار کرِشن سنجے، سہج نال دِرڑائیا۔ جو گوبِند دسّیا کوی بَونجے، کٹاکش اِکو نام لگائیا۔ جو محمد اِشارہ کیِتا جِس ویلے میری صدی چؤدھویِں لنگھے، اپنا پندھ مُکائیا۔ عیسیٰ اِکو آسا وِچ منگ منگے، خالی جھولی اَگے ڈاہیِا۔ وید ویاس آس رکھی اُس دی نہ کوئی سویر نہ کوئی سنجھے، گھڑی پل ونڈ نہ کوئے ونڈائیا۔ جِس دے حُکم وِچ کوٹن جُگ چؤکڑی لنگھے، بن بن پاندھی اپنا پندھ مُکائیا۔ اوہ کھیل کرے سوُرا سربنگے، ہرِ کرتا دُھردرگاہیِا۔ جِس دے حُکم نال جُگ چؤکڑی ہُندے رہے جنگے، کلجُگ انتم کھیل کھِلائیا۔ دیِناں مذہباں دے لہوُ دھار چولے جاون رنگے، سوہنا رنگ رنگائیا۔ سوُر گاں ڈھور کِلیاں اُتے رہ جان ٹنگے، باہوں پھڑ نہ کوئے اُٹھائیا۔ پتہ نہیں کیہڑے ویلے دُنیادار جانے ونڈے، ونڈ اپنے ہتّھ رکھائیا۔ تُوں وی سُن لےَ نارد پنڈے، پنڈتا دیاں جنائیا۔ کی حال ہونا نَوکھنڈے، کھنڈے کھڑگاں نال کھڑکائیا۔ نارد کہے پربھوُ دھنّ بھاگ جے تُوں اپنا حُکم ونڈے، گھر گھر جھولی پائیا۔ میَں چاہُندا میرے وانگ دیِن دُنیا دے مانَس مانُکھ مانَو سارے دوہری دھار کردے رنڈے، جوڑی جوڑی نظر کوئے نہ آئیا۔ پھیر میَں ساہ لوانگا ٹھنڈے، خوشیاں وِچ تیرے ڈھولے گائیا۔ پربھوُ تیرے بھانے میَنوُں جُگ جُگ لگدے چنگے، بھاویں اوتاراں بنواساں وِچ بھوائیا۔ میَں کدے نہیں کہنا دیِن دُنی دے حال ہوئے مندے، میَں آکھاں میرا صاحِب سد چلے اپنی سچ رضائیا۔ جے سچ پُچھے میَنوُں کلجُگ جیِو چنگے نہیں لگدے بندے، جیہڑے تیری بندگی گئے بُھلائیا۔ میرا دِل کردا سب نوُں بنّھ کے اِک پھندے، پھانسی دے کے دیاں مُکائیا۔ جِنہاں سار نہیں پائی گوبِند والے کنگھے، کنگناں رنگ نہ کوئے رنگائیا۔ اوہ مانَس چیِر دیواں دو ٹنگے، دو دھڑ کراں لوکائیا۔ پھیر ویکھاں تیرے کھیل وِچ برہمنڈے، وِشن برہما شِو نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ نارد کہے سَتگُر شبد کی کریں ہیرا پھیری، سچ دے سمجھائیا۔ کی لوک مات مرضی تیری، پردہ دے اُٹھائیا۔ کِتنی لاویں اپنی دیری، پیَنڈا پندھ دے سمجھائیا۔ ایَویں لاریاں والی دیویں نہ ہلّاشیری، شیر ہو کے اپنا آپ چُھپائیا۔ میَں چاہُندا ساری دُنیا اِکو وار لےَ گھیری، گھیرا نام

والا پائیا۔ کلجُگ کوُڑی کِریا ویکھ لئی بتھیری، چاروں کُنٹ کھوج کھوجائیا۔ سچ دی چڑھے کوئی نہ تیری بیڑی، بیڑا ڈوب دے تھاؤں تھائنیا۔ سب دی جڑ دے اُکھیڑی، لوک مات رہن نہ پائیا۔ انتم کردے حق نبیڑی، سَت سچ تیری وڈیائیا۔ گُر اوتار پَیغمبراں آسا رکھی جیہڑی، سب دی پوُر دے کرائیا۔ انت حقیِقت والا فَیصلہ حق نبیڑیں، بھیوَ رہے نہ رائیا۔ سرِشٹی درِشٹی وِچوں اِک وار بھیِڑیں، ٹکّر امیِر غریِب لگائیا۔ اگلی کھیل دسّاں میَں کیہڑی، جیہڑی صاحِب دینی ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ سَتگُر شبد کہے میَں ویکھیا جلدی جلدی، جلدھارا توں باہر دھیان لگائیا۔ میرے حُکم دی اگّ بلدی، کلجُگ گھر گھر اگنی رہیا لگائیا۔ میَں کھیل تکّی پنچ وِکارے دل دی، ترےَگُن مایا نال رلائیا۔ میَں سرِشٹی درِشٹی ویکھی بھری چھل دی، کوُڑ کپٹ نال ہلکائیا۔ میرے کول آسا پُرانی بل دی، جو باوَن نال سُنائیا۔ جِس ویلے کالی رَین ہونی کل دی، ساچا چند نہ کوئے چمکائیا۔ وڈیائی رہنی نہیں تیِرتھاں والے جل دی، امرت رس نہ کوئے چکھائیا۔ اُس ویلے سمجھ آؤندی نہیں کِسے نوُں گھڑی پل دی، کی پرم پُرکھ اپنی کار بُھگتائیا۔ سَتگُر شبد کہے بِن بھگتاں آتم پرماتم نال کوئے نہ رلدی، سچ دوار مِلن کوئے نہ پائیا۔ منزل ملِے نہ نِہچل دھام اٹل دی، سچکھنڈ نہ کوئے سمائیا۔ بھگتو تُہاڈے بِنا آشا کِسے نہ پھلدی، پھل پُھل نہ کوئے مہکائیا۔ تُسیں قیِمت جاننی پُرکھ اکال والی اِک گلّ دی، جو آتم پرماتم دھار سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا آپ مِلائیا۔ سَتگُر شبد کہے میَں پردے دیواں ڈھک، سِر سِر اپنا ہتّھ رکھائیا۔ جن بھگتو تُہاڈا ملِے حق، حقیِقت نال جھولی پائیا۔ کِسے انتر رہے نہ شکّ، شکوُک دیواں مِٹائیا۔ سَتگُر دھار لَوو تکّ، تقویٰ اِکو اِک جنائیا۔ تُہاڈے نال رِشتہ ہویا پکّ، کچّی گنڈھ نہ کوئے وکھائیا۔ تُسیں پِھرنا جگت انجھّک، بھجّنا واہو داہیِا۔ تُہاڈے وسے گھٹ گھٹ، بَیٹھا ڈیرہ لائیا۔ جو اٹھاراں چیت آئے وہیِراں گھت، چلے واہو داہیِا۔ تِنہاں دی لیکھے لگّے رتّ، قطرہ قطرہ اپنے رنگ رنگائیا۔ جو یارڑے ستھر گئے لتھ، سیج سُہنجنی آپ ہنڈھائیا۔ تُہاڈا میلا نال پرمیشور پت، در گھر ساچے وجےّ ودھائیا۔ تُہاڈی ایہو سَتگُر دھار دی مت، من مت دا ڈیرہ ڈھاہیِا۔ نام بیِجنا بیء اپنے وت، جگت رُت نال مِلائیا۔ جوتی جوت

سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُہاڈا صاحِب سدا سمرتھ، سِر اپنا ہتّھ رکھائیا۔

۱۹ چیت شہنشاہی سمت دس ہرِ بھگت دوار جیٹھوُوال ضِلع امرتسر کُندن سِنگھ کلّا نوِت

سَتگُر پوُرا لئے رکھ، رکھک ہو کے دَیا کمائیا۔ ہرِجن ہوون دئے کدے نہ وکھّ، وکھّری ونڈ نہ کوئے ونڈائیا۔ انتر نِرنتر کھول کے اکھّ، میلا میلے سہج سُبھائیا۔ درشن دئے پربھوُ پرتکھ، ساکھیات نظری آئیا۔ کرنہارا کوُڑے بھانڈے سکھ، وسَت سچ وِچ ٹِکائیا۔ مِہربان الکھنا الکھ، سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ سَتگُر پوُرا سدا سدا سد مِہربانا، مِہربان اکھوائیا۔ جن بھگتاں دیوے زِندگی دانا، جیِون اپنے ہتّھ رکھائیا۔ چرن کوَل بخش دھیانا، دھوُڑی خاک دئے رمائیا۔ گھر سُہا کے اِک اِک سِری بھگوانا، در ٹھانڈے رنگ رنگائیا۔ لیکھا جان کے آون جانا، چؤراسی پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ سَتگُر پوُرا سدا سہائی، صاحِب اِک اکھوائیا۔ جِس دے نام دی وجےّ ودھائی، وادھا بھگتاں نال رکھائیا۔ بنس سربنس میلا میلے سہج سُبھائی، سِر اپنا ہتّھ ٹِکائیا۔ جیِون زِندگی وِچ ہووے نہ کدے جُدائی، وِچھڑے لئے مِلائیا۔ کِرپا کرے ہرِ گوسائیں، گہر گوَر وڈ وڈیائیا۔ بھگت سُہیلا سنگی سبنی تھائیں، تھان تھننتر ویکھ وکھائیا۔ پُرکھ اکالا دیِن دَیالا سدا سد دئے وڈیائی، ہرِ وڈّا آپ اکھوائیا۔ بھگت سُہیلے پار لنگھائے پھڑ کے باہیِں، شؤہ دریا نہ کوئے رُڑھائیا۔ جو لیکھا جانے تھل اسگاہی، سمُند ساگراں کھوج کھوجائیا۔ جو بھگتن میِتا اِک اِکلّا نوُر اِلاہی، نوُر نوُرانہ ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں لہنا دینا دیوے بے پرواہی، بے پرواہ اگمّ اتھاہ بےپرواہیِا۔

۲۴ چیت شہنشاہی سمت دس اَلھڑپِنڈی ضِلع گُرداس پُر کِشن سِنگھ دے گرِہ

نارد کہے سُن نی نیِندے، نیِندرے والیئے تَینوُں دیاں جنائیا۔ جگیاسوُ تیرے پیار وِچ باہروں مرے تے اندروں جیِندے، سُفنیاں وِچ بھجّن واہو داہیِا۔ سمُند ساگراں جگت دریاواں جل پیِندے، گنگا گوداوری جمنا سُرستی دئے گواہیِا۔ خوشیاں وِچ بل بل تھیِندے، واہوا اپنے ڈھولے گائیا۔ ایہہ مارگ پُرانے اگمّی لیِہ دے، رستے جُگو جُگ وکھائیا۔ وس نہیں کُچھ جی دے، جیِو جنت پربھ حُکم وِچ بھوائیا۔ تیرے رِشتے نہیں کِسے پُتر دھی دے، بنس سربنس نہ کوئے وڈیائیا۔ لیکھے تک لےَ اِکیِہ ویِہہ دے، بھائی گُرداس دئے گواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نیِند کہے ناردا میَں بڑی سُچجیّ، باہمنا تَینوُں دیاں جنائیا۔ میَں سب دی رکھاں لّجی، سِر سِر اپنا ہتّھ ٹِکائیا۔ دِوس رَین پِھراں بھجیّ، بِن قدما قدم اُٹھائیا۔ میری مُحبّت جگیاسوُآں نال اوہناں نیتراں وِچ لگّی، جِنہاں نیتراں وِچوں ملِے دُھر دا ماہیِا۔ میَں وی بڑی لالچن تے لبی، تَینوُں سچ دیاں سُنائیا۔ جدوں میرا صاحِب سوامی لوک مات آؤندا کدی کدی، قُدرت دا قادر دُھردرگاہیِا۔ میَں وی پار کراں سمُند ساگر نالے ندی، پربت چوٹیِاں پندھ مُکائیا۔ میرے انتر پریِت ہووے لگّی، لگ ماتر ڈیرہ ڈھاہیِا۔ جِتھے پُرکھ اکال دی جوت ہووے جگی، جاواں چائیں چائنیا۔ میرا لہنا دینا نال شاہ رگی، رگھُپت دِتی مان وڈیائیا۔ میَں مستی وِچ مستانی مدھی، مدُھر دُھن سُناں چائیں چائنیا۔ میرا میلا ہُندا سببی، صاحِب دیوے مان وڈیائیا جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ رکھائیا۔ نارد کہے نیِندے تُوں بڑی اُچکّی، چاترے تَینوُں دیاں سُنائیا۔ تُوں نِگاہ مار کے تکّی، بِن نیَناں نیَن اُٹھائیا۔ اپنا لیکھا تک لےَ حقی، حقیِقت وِچوں پھول پھولائیا۔ تیرے اندر جگت جگیاسوُہندے شکّی، سہِنسیِاں وِچ خلق خُدائیا۔ کئیاں سُہاگناں دے تُوں لُٹ لَیندی پتی، ناتا جگت نالوں تُڑائیا۔ کئیاں نوُں تُوں راگ سُنا کے چھتّی، ڈھولے ناد دِرڑائیا۔ کئیاں دا کھیل وکھا کے ہٹّھی، ہٹھ دئے سمجھائیا۔ کئیاں نوُں تُوں تپا کے وِچ بھٹّھی، اگنی تت جلائیا۔ تیری کھیل انوکھی سمجھے کوئے نہ رتی، رتی سمجھ کِسے نہ آئیا۔ تُوں مستی دے وِچ متی، متوالیئے تَینوُں دیاں دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نیِند کہے ناردا میَنوُں صاحِب دیوے مان، سِر میرے ہتّھ ٹِکائیا۔ تُوں نِگاہ

مار دھیان، بِن اکھّاں اکھّ کُھلائیا۔ میرا سارے راہ تکان، ویکھن چائیں چائنیا۔ میَں پیاری تیرے نالوں بھگوان، تَینوُں سچ دیاں سُنائیا۔ میری مُحبّت وِچ ماں پُتر نہ سکے پچھان، کروٹ سب دی دیاں بدلائیا۔ میَں سارا جگ کراں سُنّج مسان، مُردے بِستریاں اُتے لِٹائیا۔ پھیر ویکھاں مار دھیان، بِن میرے بچیا نظر کوئے نہ آئیا۔ میرے اَگے اڑ سکے نہ کوئے راج راجان، شاہ سُلطان بَیٹھے سیِس نِوائیا۔ گُر اوتار پَیغمبر میرا لےَ کے دان، اپنی کایا چولی وِچ ٹِکائیا۔ میَں ویکھ کے ہُندی رہی حَیران، حَیرانی میرے اندر آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ ٹِکائیا۔ نارد کہے نیِندے کر نہ ایڈی چلاکی، چلاکے تَینوُں دیاں سمجھائیا۔ تیرا ناتا نال تتاں خاکی، پنجاں مِل کے وجےّ ودھائیا۔ تُوں سَت دھار نہ اجے پچھاتی، پاربرہم بھیوَ نہ آیا رائیا۔ نی تُوں کالی رَین تیرا لیکھا نال اندھیری راتی، رُتڑی اپنے نال مہکائیا۔ تیری پُچھے کوئے نہ واتی، تیرا سنگ نہ کوئے رکھائیا۔ سچ سروور کدے نہ نہاتی، سَت رنگ نہ کوئے وٹائیا۔ منزل چڑھے کوئے نہ گھاٹی، پندھ مُکیا ذرا نہ رائیا۔ تُوں چؤراسی وِچ رِہوں پھاسی، دِوس رَین بھجیّں واہو داہیِا۔ تیرا منڈل دیِن دُنی دا تکیا راسی، رستہ دھرنی اُتے پرگٹائیا۔ کملیئے کدے پُرکھ اکال نہیں تکیا ابناشی، کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کھیل آپ کھِلائیا۔ دھرنی کہے ناردا تُوں کِدھروں آیا بُلارا، بولی کی جنائیا۔ پنڈتا تیرا کی اِشارہ، سیَنت کی سمجھائیا۔، تُوں موُرکھ مُگدھ گوارا، سمجھ سکیں نہ رائیا۔ میرا سب دے نال پریم پیارا، پریِتم نالوں وڈّی نظری آئیا۔ میرا وسیرا مندر مسجد شِودوالے مٹھ وِچ گُروُدوارا، تیِرتھ تٹاں ڈیرہ لائیا۔ میَں جیِواں جنتاں سادھاں سنتاں چاڑھاں خُمارا، مستی اِک وکھائیا۔ میَں اپنی مُحبّت وِچ پربھوُ دا نام وِساراں، یاد یاد وِچوں کڈھائیا۔ سوُربیِر جواناں مُنہ دے بھار ماراں، سِر دھرتی اُتے ٹِکائیا۔ ٹھگّاں چوراں یاراں لاواں بہاراں، ایہہ میری بےپرواہیِا۔ پتیِاں سُتیاں کولوں چھڈ جاون ناراں، پاندھیاں پندھ بھوائیا۔ میرا کھیل سدا جُگ چارا، بدلی کرن کوئے نہ آئیا۔ میرا اِکو اِک جَیکارا، سچ دیاں سُنائیا۔ جو مات لوک وِچ جمّیاں اُس نوُں میرا لیَنا پویگا سہارا، بِن میرے جیِون کمّ کِسے نہ آئیا۔ میرا ناردا پربھوُ ورگا نہیں لارا، جو جُگ جُگ بھگتاں رہیا لگائیا۔ اوہ کہندا میَں تُہانوُں ضرور مِلانگا ظاہرا، پتہ نہیں مِلن کدوں کد آئیا۔ میَں اٹّھاں پہراں وِچ دو چار ویراں اپنا دیواں نظارہ، اپنی خوشی وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور،

سد میرا سنگ رکھائیا۔ نارد کہے نیِندے تُوں بھگتاں کول نہ آویِں، اینویں اپنا آپ گوائیا۔ اپنے گُن موُل نہ گاویں، چلے نہ کوئے چتُرائیا۔ نیِند کہے ناردا میری کھیل بھگت نال ساویں، اِکو رنگ رنگائیا۔ میَں پِھردی چاویں چاویں، چاؤ گھنیرا اِک سُنائیا۔ تُوں بھیوَ میرا پاویِں، تَینوُں دیاں دِرڑائیا۔ پہلوں راوی دے وِچوں نہاویِں، اپنی اکھّ کُھلائیا۔ پھیر باہواں دوویں ہلاویِں، بودی نال مِلائیا۔ پھیر سِنگھاسن اپنا وکھاویِں، سیج کوَن سُہائیا۔ سوہنیاں میَں کدے نہ ہوئی نِتھاویِں، نِتھانویا تَینوُں دیاں دِرڑائیا۔ جاں میَں روُپ بدلیا تُوں وی ویکھیں نیَن اُٹھاویں، بِن نیَناں اکھّ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک دَیا کمائیا۔ نارد کہے دھرنیئے بھگت کدے نہ سؤندے، سُتیئے تَینوُں دیاں جنائیا۔ اوہ پربھوُ دے پیار وِچ بھاؤندے، ترےَبھوَن دھنی ویکھ وکھائیا۔ اوہ سُرتی اندر شبد انادی گاؤندے، ڈھولے دُھردرگاہیِا۔ آتم پرماتم وِچ مِلاؤندے، تیری لوڑ رہے نہ رائیا۔ سچ سِنگھاسن سوبھا پاؤندے، جِتھے دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نیِند کہے ناردا نہ کر ایڈی شیخی، تیری کی چتُرائیا۔ میَں ویکھے جگت جہان دے بھیکھی، جگت جگیاسوُآں دھیان لگائیا۔ جیہڑے سنت گھر چھڈ ہون پردیسی، جنگلاں ڈیرہ لائیا۔ وٹا روُپ اویسی، اَنک دھار پرگٹائیا۔ موُنڈ مُنڈا کے کیسی، بھجّن واہو داہیِا۔ سب نوُں میرے اَگے بُھگتنی پیَندی پیشی، بچیا نظر کوئے نہ آئیا۔ میرا لہنا جگت وِشیشی، وِشیاں توں باہر دِرڑائیا۔ میَں سدا رہاں ہمیشی، مرن جمّن وِچ کدے نہ آئیا۔ میرا مالک اِک نریشی، نر نرائن اکھوائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ نارد کہے نیِندے نی تَینوُں کاہدی چڑھی خُماری، نِخصمیئے دے جنائیا۔ جگت جگیاسوُآں نال تیری کاہدی یاری، مُحبّت کی وکھائیا۔ تُوں جیِوندیاں نوُں جاویں ماری، کی تیری دانائیا۔ پرماتما نوُں جاویں وِساری، تیرے ہتّھ کِچھ نہ آئیا۔ نی نہ تُوں مرد نہ تُوں ناری، اپنا روُپ دے دِرڑائیا۔ نہ تُوں ویاہی نہ کواری، لاڑی بن کے خوشی نہ کوئے بنائیا۔ تُوں جُگ جُگ گھرانے گئی اُجاڑی، سُتیاں دے سیِس دِتے کٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نیِند کہے ناردا ناری مرد میرا راہ تکدا، بِردھ بال دھیان لگائیا۔ میَتھوں لیکھا منگن حق دا، حقیِقت دین سمجھائیا۔ تن سریِر جگت وِچ تھکدا، میرے بِنا تھکاوٹ دوُر نہ کوئے کرائیا۔ میرے پیار وِچ کوئی پیارا رہندا نہیں رت دا،

پِتا پوُت نالوں ہووے جُدائیا۔ میرا لیکھا سدا سَت دا، سَت ستوادی دِتا بنائیا۔ جے میرا لیکھا پُچھنا اوہناں توں پُچھ جِنہاں دا سریِر پنج تت دا، من مت بُدھ نال مِل کے میرے وِچ سمائیا۔ نارد کہے نیِندے تُوں ذرا جھاک جِنہاں دا لہنا برہم مت دا، تَینوُں چرناں ہیٹھ دبائیا۔ نیِند کہے ناردا ایَویں نہ پِھر ٹپّدا، اپنی لےَ انگڑائیا۔ جگت جہان وِچوں کوئی بھگت میرے کولوں نہیں بچدا، بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نیِند کہے نارد تُوں آئیوں کیہڑے دِہاڑے، میَنوُں دے سمجھائیا۔ مِنّتاں کڈھیں کہ ہاڑے، ترلیاں وِچ جنائیا۔ نارد کہے میَں آئیوں اُس دھرم دے اَکھاڑے، جِتھے کھڑا ہو کے بِن سیِس سیِس جھُکائیا۔ میَں پِھرے جنگل جوُہ اُجاڑے، ٹِلّے پربت دھیان لگائیا۔ میَں سَتجُگ تریتا دواپر کلجُگ نؤ سؤ چُرانوے چؤکڑی جُگ منگے واڑے، نِت نِت اپنیِاں پھیریاں پائیا۔ نیِندرے میَں تَینوُں آؤن نہیں دِتا وِچ اپنے چُبارے، چوبدار ہو کے تَینوُں پرے دِتا دھکائیا۔ نیِند کہے ناردا تُوں اِک اِکلّا تے میَں وس کیتے جگیاسوُ وِچ سرب سنسارے، سارے میرے پیارے نظری آئیا۔ جے میَں نہ آواں تے ایہہ رون زارو جارے، بہُڑی بہُڑی کر کُرلائیا۔ پُتراں دیاں ماواں میَنوُں آوازاں رہیاں مارے، صدّن چائیں چائنیا۔ جے نیِندے تُوں آ جاویں ساڈے سؤں جان دُلارے، خوشیاں وِچ اپنا جھٹ لنگھائیا۔ جے میَں نہ آواں اوہ رون زارو زارے، ننےّ بچےّ دین دُہائیا۔ نارد آنہدا میرا جی کردا کہ تیرے بھنّ دیواں چباڑے، مُکی زور نال لگائیا۔ پر تُوں اِک گلّ دسّ جے تُوں آؤندی ایں تیرے وِچ کِتھوں آؤندے نے گھُراڑے، نیِند کہے ناردا کِشن سِنگھ توں پُچھ لےَ چائیں چائنیا۔ نیِند کہے ناردا میَں اپنے چیِتھڑ پاڑے، دروہی میری دُہائیا۔ ایہہ گھراڑے نہیں ایہہ خبرداری دے للکارے، جو میَنوُں رہے ڈرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آلس نِندرا وِچ سب دی پَیج سوارے، بھگتن میِتا سِر سِر ہوئے آپ سہائیا۔

۲۴ چیت شہنشاہی سمت دس پِنڈ اَلھڑ پِنڈی ضِلع گُرداس پُر دِھرتا سِنگھ کلانؤر دے نوِت

نارد کہے بھگتو میری گلّ سُنو کوری، کوُڑ نہ سمجھنا رائیا۔ تُہاڈے وِچ میری بودی ہو گئی چوری، میَنوُں چور دیؤ پھڑائیا۔ جے نہ دسّوگے میَں پاواں گا شوری، اپنے شؤہر نوُں دیاں سُنائیا۔ اوہ آویگا دُھر دا گھوری، کایا گھُرنیاں وِچوں ویکھ وکھائیا۔ جِس دے نال سب دی بدھّی ڈوری، تند نظر کوئے نہ آئیا۔ جن بھگت کہن ناردا اسیں آتما پرماتما دی جوڑی، تتاں والی دھار نہ کوئے سمجھائیا۔ سانوُں خبر تھوڑی تھوڑی، تَینوُں دئیے جنائیا۔ تیری بودی نال پربھوُ نے ستاراں ہاڑ نوُں اپنے گھوڑے دی واگ گُندنی مُہری، تند تند تند نال بندھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ نارد کہے بھگتو جے میری بودی نال گُند لئی واگ، واگاں والیو دیاں جنائیا۔ میَں وی رؤلا پاواں گا وانگ کاگ، کاگاں وانگ کُرلائیا۔ دُنیادارو کِسے دے گھر جگدا نہیں رہنا چراغ، چراگاہاں دین دُہائیا۔ دروہی اپنے پُرکھ اکال توں دھوا لؤ داغ، اَگے کرے نہ کوئے صفائیا۔ سُتیو جاؤ جاگ، آلس نِندرا وِچوں اپنا آپ اُٹھائیا۔ اِک پربھوُ دا اپنے انتر کرو وَیراگ، وَیری اندروں باہر کڈھائیا۔ باہروں نہیں لبھنا تے گھر ملِے کنت سُہاگ، پت پرمیشور دُھر دا ماہیِا۔ بِنا رسنا توں مارے آواز، سوئی سُرتی لئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نارد کہے جے میری بودی دیِاں گھُٹ گھُٹ کے بنّھ دِتیاں گنڈھاں، گنڈھاں والیو دیاں جنائیا۔ جگت جگیاسوُاو ایہہ دُنیا دیِاں پےَ جانیاں ونڈاں، ونڈن والا نظر کِسے نہ آئیا۔ کلجُگ کوُڑ کپٹ دیاں سب دے سِر تے چُکیاں رہ جانیاں پنڈاں، ہؤلا بھار نہ کوئے کرائیا۔ پِھرنی دروہی جیرج انڈاں، اُتبُھج سیتج دئے دُہائیا۔ اِکو چمکنا دمکنا نام دا کھنڈا، برہمنڈاں دئے ہِلائیا۔ پَیغمبراں وکھاؤنا انتم کنڈھا، رسوُلاں اکھّ کُھلائیا۔ دھرم دی دھار جِس دا اِکو جھُلنا جھنڈا، جھاکے سب دے ویکھ وکھائیا۔ جِس دا سَت ستوادی اگمّا ڈنڈا، ڈنڈاوت سب دی دئے بدلائیا۔ جِس میٹنا بھیکھ پکھنڈا، دھرم دی دھار دئے دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ جن بھگت کہن ناردا تیری بودی چُرا کے لےَ گیا شبد گُردیوا، آؤندا جاندا نظر کِسے نہ آئیا۔ اُس نوُں حُکم دِتا الکھ ابھیوا، بھیوَ ابھید اپنے وِچ رکھائیا۔ جو وسیا سچکھنڈ نِہچل دھام نِہکیوا، درگاہ ساچی سوبھا پائیا۔ اُس دی صِفت وڈیائی کی کرے جِہوا، رسن کہن سکے کِچھ نہ

رائیا۔ تُوں شُکر کریں جے تیری پروان کر لئے سیوا، سیوک ہو کے اپنی سیو کمائیا۔ پتہ نہیں تَینوُں اِس دے بدلے کیہڑا امرت پھل مِلدا میوہ، انرس اپنا دئے چکھائیا۔ جوتی جوت سروُپ ہرِ، آپ اپنی کِرپا کر، میلا میلے سہج سُبھائیا۔ نارد کہے جن بھگتو میری بودی دیؤ لبھ، لباں کٹاؤن والے میَنوُں رہے جنائیا۔ کِتے میَنوُں رام دے تھاں کہنا پئے نہ الاہی ربّ، نوُر نوُرانہ نوُر الاہیِا۔ تُہاڈا میلا ہویا نال سبب، سب نوُں دیاں سُنائیا۔ جن بھگت کہن ناردا کیوں دُہائی دیندا وِچ جگ، کوُک کوُک سُنائیا۔ تیری بودی نے گھر گھر لاؤنی اگّ، سانتک سَت نہ کوئے کرائیا۔ تُوں سیِس تے بنّھ لےَ چِٹی پگّ، ملِے مان وڈیائیا۔ جن بھگتاں وِچ بہہ جا سج، سجّن اِک اکھوائیا۔ نارد کہے میَنوُں بڑی لوک لج، براہمن ہو کے اپنی آن گوائیا۔ میَنوُں سب نالوں مان ودّھ، مِلی وڈ وڈیائیا۔ جن بھگت کہن ناردا ہُن سب دی ہونی انتم حد، وکھّرا رہن کوئے نہ پائیا۔ کھتری براہمن شوُدر وَیش اِکو سَتگُر شبد دی ہونے ید، دیِن مذہب ونڈ نہ کوئے ونڈائیا۔ اسیں خوشیاں وِچ ہوئیے گد گد، پریم دے ڈھولے گائیا۔ تیری بودی سچ دے نال جانی سّج، سجّنا تَینوُں دیئیے سُنائیا۔ ساڈا بچن سُنی جو کیِتا اجّ، وار تِھت نال مِلائیا۔ سب دا شرع دا ٹھیِکر جانا بھجّ، اِکو رنگ پربھ دئے رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کِرپا کرے سوُرا سربگ، ہرِ کرتا دُھردرگہیا۔

۲۵ چیت شہنشاہی سمت دس پِنڈ اَلھڑپِنڈی ضِلع گُرداس پُر وکیِل سِنگھ دے گرِہ

سچ کہے میَں آد جُگادی سچّا، ساچے پربھ دِتی وڈیائیا۔ میَں اِکو پرم پُرکھ دا بچّہ، میَنوُں جنمے کوئے نہ مائیا۔ میرا ہڈّ ماس ناڑی بھانڈا نہیں کچّا، تن وجوُد نہ کوئے وکھائیا۔ میَں جُگ جُگ سچ دوارے نچّا ٹپّا، کُداں چائیں چائنیا۔ بھگتاں لوُں لوُں اندر رچا، رچنا پربھ دی دیاں وکھائیا۔ سچ پریِتی وِچ مچّا، اگنی تت نہ لاگے رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا لیکھا دئے بنائیا۔ سچ کہے میَں پرم پُرکھ دا پوُت، پُرکھ اکال بنت بنائیا۔ میَں بِنا قدماں توں دو جہاناں دوُت، بھجّاں واہو داہیِا۔ میرا تانا پیٹا نہیں کِسے سوُت، باڈی بنت نہ کوئے بنائیا۔ میرا لیکھا کایا پنج بھوُت، گُر اوتار پَیغمبراں سنگ بنائیا۔ میری دھرم دی دھار سُہائے روُت، رُتڑی

اِکو رنگ رنگائیا۔ میرا نِیم سنجم سوُچ، سچ دیاں سُنائیا۔ میرا دھام اگمّ اوُچ، پرم پُرکھ دِتی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سچ کہے میَں شبد گُروُ دا بیٹا، دوُسر اوَر کوئے نہ مائیا۔ میَں ساچا سَت سچ دا کھیوٹ کھیٹا، جُگ جُگ کھیل کھِلائیا۔ میَں وساں تن وجوُداں کایا پیٹا، اندر مندر سوبھا پائیا۔ جُگ چؤکڑی سب دا بناں نیتا، نِرگُن میَنوُں دئے وڈیائیا۔ میرا نام نِدھانے نال ہیتا، ساچے کلمے سنگ بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک سُنائیا۔ سچ کہے میَں دھرم دھار دا ساتھی، پربھ دِتی مان وڈیائیا۔ میَں جُگ جُگ سنگ نِبھاواں پُرکھ سمراتھی، اپنی گنڈھ پوائیا۔ میرا روُپ اناتھ اناتھی، ہنکار وِچ کدے نہ آئیا۔ گُر اوتار پَیغمبراں اندروں سچ کڈھاواں گاتھی، سوہلے ڈھولے نام جنائیا۔ سب دے بھاگ ویکھاں مستک ماتھی، سنتاں بھگتاں دھیان لگائیا۔ میَنوُں اِشارہ دے کے گیا تریَلوکی ناتھی، کاہن کاہنا آپ دِرڑائیا۔ تیرا لیکھا الکھنا الاکھی، الکھ دِتی مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا مالک شاہو شاباشی، شہنشاہ اِک اکھوائیا۔

۲۵ چیت شہنشاہی سمت دس پِنڈ اَلھڑپِنڈی ضِلع گُرداس پُر گُردیو سِنگھ شوہن دے نوِت

سچ کہے میرا روُپ کِسے نہ لبھدا، جگ نیتر نظر نہ آئیا۔ میرا کھیل چؤکڑی جُگ جُگ دا، جاگرت جوت دئے وڈیائیا۔ میرا جنم نہیں کِسے بھگ دا، کھِٹاں وِچ نہ کدے سمائیا۔ میرا گھاڑن نہیں کِسے انگ دا، تن وجوُد نہ کدے سُہائیا۔ میرا سِنگھاسن نہیں کِسے پلنگ دا، جگت سیج نہ کوئے ہنڈھائیا۔ میَں پریمی اِکو سوُرے سربنگ دا، جو مالک دُھردرگاہیِا۔ میریِاں منگاں اوتار پَیغمبر گُروُ گُردیو منگدا، پربھ اَگے جھولیِاں ڈاہیِا۔ میَں سب دے اندر سَت ہو کے لنگھدا، سچ نال جنائیا۔ میرا جھگڑا کوُڑ وِکارے جنگ دا، آد جُگاد لڑائیا۔ میَں ونجارا نہیں تن وجوُداں ننگ دا، بھوُشن تن نہ کوئے وڈیائیا۔ میرا کھیل آتم پرماتم سبندھ دا، سُرت شبد ویکھ وکھائیا۔ میَں ونجارا بنیا نہیں وِکار پنج دا، کام کرودھ لوبھ موہ ہنکار نہ سنگ رکھائیا۔ میَں سندیسہ سُنا سد بخشند دا، جو رحمت سچ کمائیا۔ میرا سروُپ سَت

چِت انند دا، چِنتا روگ نہ کوئے پرگٹائیا۔ میَں ونجارا اِکو چھند دا، سوہنگ اپنا روُپ درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ کھِلائیا۔ سچ کہے میَں سچ دی دسّاں ریِتی، بھگت بھگوان میل مِلائیا۔ میری اِک دے نال پریِتی، ایکنکار دیاں جنائیا۔ میری کھیل سدا اتیِتی، ترےَگُن وِچ کدے نہ آئیا۔ میری گھڑی کدے نہ بیِتی، جُگ چؤکڑی اِکو رنگ سمائیا۔ میری دھار ٹھانڈی سیِتی، اگنی تت نہ کوئے تپائیا۔ میَنوُں یاد جُگ چؤکڑی پِچھلی بیِتی، کوٹن کوٹ جُگ ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میَنوُں بخشنہارا دھرم دھار دی نیِتی، نیِتیوان دَیا کمائیا۔

۲۵ چیت شہنشاہی سمت دس پِنڈ اَلھڑپِنڈی ضِلع گُرداس پُر سروُپ سِنگھ دے گرِہ

سچ کہے میَں جُگ جُگ دیواں شبد سندیس، سچ سچ سُنائیا۔ میرا مالک اِک نریش، نرائن دُھردرگاہیِا۔ جو وسے سچکھنڈ دیش، درگاہ ساچی سوبھا پائیا۔ سدا رہے ہمیش، جنم مرن وِچ کدے نہ آئیا۔ جِس نوُں جھُکدے وِشن برہما شِو گنیش، گنپت لاگے پائیا۔ گُر اوتار پَیغمبر جِس دے ہوون پیش، اپنیِاں جھولیِاں اَگے ڈاہیِا۔ سو پُرکھ اکالا دیِن دَیالا جِس دا سمجھے کوئے نہ ویس، اولّڑی کار کمائیا۔ اوہ میرا لہنا دینا دیونہارا اِک نریش، ہرِ کرتا دُھردرگاہیِا۔ میَں جُگ جُگ دیِن دُنی دا ویکھاں کلیش، جھگڑا تکاّں خلق خُدائیا۔ میرا بھیوَ دسّیا گوبِند دس دسمیش، دہ دِشا دھیان لگائیا۔ گُن گائے سہنسر مُکھ شیش، جِہوا دو دو ملائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ سچ کہے میری صاحِب بنائی بنت، گھڑن بھنّنہار دِتی وڈیائیا۔ جِس دی مہما سدا اگنت، گِنتی وِچ کدے نہ آئیا۔ جِس دا نام اِک اننت، اگمّ دئے سمجھائیا۔ جو سب دا سوامی کنت، کنتُوہل اِک اکھوائیا۔ جِس دا بھیوَ جانے ہرِجن سنت، جِس پردہ آپ چُکائیا۔ اُس دا لیکھا سدا اننت، کتھنی کہن کِچھ نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ سچ کہے میرا شبد شبد گُربانی، جُگ جُگ دیاں جنائیا۔ میرا پیار مُحبّت والا اِکو

ہانی، جو اِکو روُپ سمائیا۔ جِس رچنا رچی چار کھانی، انڈج جیرج اُتبُھج سیتج ونڈ ونڈائیا۔ جِس دی سدا ترل جوانی، جوبن ونتا بےپرواہیِا۔ جو امرت بخشنہارا پانی، سروور اپنے وِچوں ورتائیا۔ جو ہووے تان نِتانی، نِمانیاں دئے وڈیائیا۔ جِس دا کھیل لکھّ چؤراسی جیِو پرانی، گھر گھر اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے دو جہانی، دوہری اپنی کھیل کھِلائیا۔

۲۵ چیت شہنشاہی سمت دس پِنڈ اَلھڑپِنڈی ضِلع گُرداس پُر بہادر سِنگھ دے گرِہ

سچ کہے میری سچّی صِفت صالاح، سد ساچے رنگ سمائیا۔ جگت دھار بناں ملاح، بیڑا سچ نام وکھائیا۔ اوتار پَیغمبر گُروُ میرے گواہ، جو لِکھ لِکھ سچ گئے وڈیائیا۔ میرا اِکو اگمّا تھاں، جِتھے وجدی رہے ودھائیا۔ میرا سنگی اِکو پربھ دا ناں، ناؤں نِرنکارا وڈ وڈیائیا۔ میرے انتشکرن اِکو گھنیرا چاء، خوشیاں ڈھولے گائیا۔ سَت دی دھار وِچ بھگت سُہیلے لواں منا، مِلنی ہرِ جگدیِش کرائیا۔ میرے اُتے کوٹن کوٹ کردے گِلہ، بھیوَ سمجھے کوئے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ کھِلائیا۔ سچ کہے میرا مِتر پیارا کوئی، کوٹاں وِچوں نظری آئیا۔ میَنوُں بھگتاں بِنا ملِے نہ ڈھوئی، گھر ملِے نہ کوئے وڈیائیا۔ میری اِکو اِک دروہی، دو جہاناں دیاں سُنائیا۔ میری آشا جگت ترِسنا کدے نہ موہی، کوُڑ مُحبّت نہ کوئے رکھائیا۔ میَں جُگ جُگ بھگتاں سُرت اُٹھاواں سوئی، آلس نِندرا دوُر کرائیا۔ میری دھار جگ رساں وِچ نہ چوئی، امیوں رس دُھر دا جام پیائیا۔ میری کلا کل دھاری نال چھوہی، اکل کل دھاری دئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر مہاراج شیرسِنگھ وِشنوُں بھگوان، میری سدا سُنے عرضوئی، آرزوُ جِس دے اَگے رکھائیا۔

۲۵ چیت شہنشاہی سمت دس پِنڈ اَلھڑپِنڈی ضِلع گُرداس پُر دارا سِنگھ دے گرِہ

سچ کہے میَں مالک سچ گھر دا، گھرانہ اِکو سوبھا پائیا۔ جِتھے نہ جمّدا نہ مردا، جنم جنم نہ کدے بدلائیا۔ آد جُگاد اِکو کرنی کردا، جو کرتے پُرکھ دِتی سمجھائیا۔ دھرنی اُتے کدے نہ ڈردا، بھےَ سِر نہ کوئے رکھائیا۔ اِکو دُھر دا نام پڑھدا، کلمہ اگمّ اتھاہیِا۔ سدا کوُڑ کُڑیار نال لڑدا، ایہہ میری بےپرواہیِا۔ میرا پھل کدے نہ جھڑدا، پتّ ٹہنی نہ کدے کمُلائیا۔ میَں گڑھ توڑاں ہنکار والے دھڑ دا، نِمرتا دیاں جنائیا۔ میَں بھیوَ کُھلاواں چوٹی جڑ دا، چیتن پردہ لاہیِا۔ میَں اگنی وِچ کدے نہ سڑدا، تتو تت نہ کوئے تپائیا۔ میرا میلا نرائن نر دا، نر ہرِ بخشے آپ سرنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک ورتائیا۔ سچ کہے میرا ساتھی اِک رگھُبنس، ر گھوُپت بےپرواہیِا۔ جِس سَت بنایا بنس، سچ دِتی وڈیائیا۔ دھرم بنا کے انس، اُتپت دِتی وکھائیا۔ نام بنا کے ہنس، بھگتاں چوگ چُگائیا۔ جِس دا کھیل سدا بےانت، کہن کِچھ نہ پائیا۔ اوہ میرا صاحِب کنت، کنتُوہل اِک اکھوائیا۔ جِس رُت سُہائی سُہنجنی بسنت، پتّ ٹہنی نال مہکائیا۔ میری آد بنا کے بنت، جُگ چؤکڑی دِتی وکھائیا۔ میَنوُں لبھدے پِھردے سادھ سنت، ہرِجن بھجّن واہو داہیِا۔ میَں ہتّھ نہ آواں کِسے پنڈت، گٹھڑی بنّھ نہ کوئے ٹِکائیا۔ میرا کھیل جُگا جُگنت، جُگ جُگ ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میلا آپ مِلائیا۔ سچ کہے میَں سُگھڑ سیانا سُچجّا، میرے صاحِب دِتی سرنائیا۔ میرا نِت نِت دیِپک جگا، جاگرت جوت نال رُشنائیا۔ میرا ودھدا رہیا اَگا، اَگے ہو نہ کوئے اٹکائیا۔ میرا روُپ سَت سروُپ بگّا، بپڑیاں ڈیرہ ڈھاہیِا۔ میَنوُں جگت واشنا نہیں کوئی لبا، لالچ وِچ کدے نہ آئیا۔ جگت خُماری پیتی نہیں مدا، شبدی دُھن وِچ سمائیا۔ میَں دیواں اِکو ہمیشہ سدّا، پربھ دا نام دِرڑائیا۔ جِس دے حُکم وِچ بدھّا، نِت نوِت سیو کمائیا۔ سچ کہے میَں کدے نہیں بُھگتی سزا، دُکھ سنتاپ نہ کوئے رکھائیا۔ جن بھگت چلاواں اِکو رضا، رازق رِزق رحیِم دئے وڈیائیا۔ کِسے نال کراں نہ دغا، فریباں روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دے چرن کوَل میری دُھر دی جگہ، دوُسر دھام آسن کدے نہ لائیا۔

۲۵ چیت شہنشاہی سمت دس پِنڈ اَلھڑبِھنڈی ضِلع گُرداس پُر ہزارا سِنگھ دے گرِہ

سچ کہے سدا سچ دا راج، آد جُگاد مِلی وڈیائیا۔ سَت سچ دا ساچا تاج، تخت نِواسی اِک سُہائیا۔ سچ مار آواز، سچ لئے اُٹھائیا۔ سچ چلا جہاز، بیڑا جگت جہان وکھائیا۔ سچ دی سچ رکھے لاج، ہوئے سچ سہائیا۔ سچ سَتگُروُ شبد گُروُ گُر مہاراج، دوُجا نظر کوئے نہ آئیا۔ سَت دی ساچی یاد، بُھل ابُھل روُپ نہ کوئے بدلائیا۔ سچ دی سچ سچ فریاد، سچ سچ سچ سمجھائیا۔ سچ دا سچ ہووے اہلاد، سچ حُکم دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سچ کہے سو پُرکھ نِرنجن ساچا، ہرِ پُرکھ نِرنجن اِک اکھوائیا۔ ایکنکار ویکھے تماشا، آد نِرنجن کر رُشنائیا۔ ابناشی کرتا کرے ہاسا، سِری بھگوان خوشی بنائیا۔ پاربرہم تکّے راسا، منڈل منڈپ کھیل کھِلائیا۔ پرکاش دے کے رو ساسا، سوُریہ چند دِتے چمکائیا۔ کھیل کھِلا کے پرِتھمی آکاشا، گگن گگننتراں دِتی وڈیائیا۔ جو آد انت نہ کدے وِناسا، سچ کہے سو میرا دُھر دا ماہیِا۔ جِس دے سدا وساں میَں پاسا، سگلا سنگ رکھائیا۔ بن کے داسی داسا، جُگ جُگ سیو کمائیا۔ اُس دا بھیوَ کی دسّاں خلاصہ، کِچھ کہہ نہ سکاں رائیا۔ جو میری جُگ جُگ پوُری کرے آسا، جن بھگتاں نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ سچ کہے میرا آد انت اِکو رنگ، بدلی وِچ کدے نہ آئیا۔ آتم دھار دیواں سنگ، برہم پردہ آپ چُکائیا۔ ایِش جیِو میل کراں نِشنگ، ایہہ میری بےپرواہیِا۔ آتم دھار وہاواں گنگ، گنگوتری سیِس نِوائیا۔ ساچی منزل جاواں لنگھ، اَگے ہو نہ کوئے اٹکائیا۔ جُگ چؤکڑی ماراں پندھ، بھجّاں واہو داہیِا۔ سچ نام سُنا کے چھند، ڈھولا دیاں درسائیا۔ جن بھگتو میَنوُں لاوو انگ، انگیکار بنائیا۔ منزل سچ دی جانا لنگھ، سچکھنڈ ساچے ملِے وڈیائیا۔ جِتھے جھگڑا نہیں تت پنج، پنچم میلا سہج سُبھائیا۔ نہ خوشی نہ کوئی رنج، غمی روُپ نہ کوئے دِکھائیا۔ لیکھا مکُے بُھکھ ننگ، پربھ اِکو در دئے وڈیائیا۔ سچ کہے میَں سدا پربھ دے حُکم دا پابند، حُکم منّ کے سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میَنوُں بخشنہارا سچ انند، سچ سچ سچ وِچوں پرگٹائیا۔

۲۵ چیت شہنشاہی سمت دس پِنڈ بابوُپُر ضِلع گُرداس پُر درشن کؤر دے گرِہ

سچ کہے میَں آد جُگادی دھرم دھار دا یار، ستھر یارڑا سیج ہنڈھائیا۔ میرے اُتے پربھوُ نوُں اِعتبار، یقیِن نال سُنائیا۔ میرا لیکھا جُگ جُگ وِچ سنسار، سنساری بھنڈاری سنگھاری دین گواہیِا۔ میَں میل مِلاواں نار کنت بھتار، آتم پرماتم جوڑ جُڑائیا۔ میَں بھگتاں پَیج دیواں سوار، سد سد اپنا سنگ بنائیا۔ میریِاں صِفتاں والی گاؤندے سارے وار، وارتا گرنتھاں نال رکھائیا۔ میَں سب نوُں دیواں ادھار، سانتک سَت ورتائیا۔ میرا ساچا مندر گُروُدوار، کعبہ اِکو نظری آئیا۔ جِس دی منزل نہیں دُشوار، اؤجھڑ راہ نہ کوئے پوائیا۔ جو میرے نال کرے پیار، میَں پریِتم دیاں مِلائیا۔ میَں کوُک کوُک سب نوُں کراں خبردار، ڈھولے راگاں ناداں والے جنائیا۔ جیِو جنت سچ دی پاؤ سار، سادھ سنت لؤ انگڑائیا۔ میرا لہنا دینا اپر اپار، اپرمپر سوامی اپنے ہتّھ رکھائیا۔ میرے اُتوں سارے جان بلہار، بل بل اپنا آپ کرائیا۔ میرا اوتار پَیغمبراں گُروُآں بولیا جَیکار، کلمہ دُھر دا نام سُنائیا۔ میَں کوئی بھانڈا نہیں گھُمیار، کاچی ماٹی نہ روُپ وکھائیا۔ میَنوُں گھڑیا نہیں کِسے سُنیار، ٹھٹھیاراں ہتّھ کدے نہ آئیا۔ میرا روُپ بنایا آپ نِرنکار، نِروَیر دِتی وڈیائیا۔ میَں کھیلاں کھیل اپنی دھار، دھرنی دھرت دھوَل دھؤل اُتے سوبھا پائیا۔ جن بھگت سُہیلے میلاں میِت مُرار، مِتر پیارے نال مِلائیا۔ میرا آد جُگادی تُوں میرا میَں تیرا جَیکار، ڈھولا سوہلا اِکو اِک گائیا۔ میرا روُپ انوُپ نہ پُرکھ نہ نار، سَت سچ اپنا ناؤں پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دیونہار سدا دیِدار درس عرش عرشی پریِتم اِک وکھائیا۔

۲۵ چیت شہنشاہی سمت دس پِنڈ بابوُپُر ضِلع گُرداس پُر رویل کؤر دے گرِہ

سچ کہے جن بھگتو سچّا اِک اکال، اکل کل دھاری اِک اکھوائیا۔ جو آد جُگادی دیِن دَیال، دَیانِدھ دُھر دا ماہیِا۔ جِس تُہانوُں بنایا لال، بال اپنی گود ٹِکائیا۔ دِوس رَین کرے سنبھال، سمبل دا مالک ہوئے سہائیا۔ تُہاڈی لیکھے لائے گھال، کرنی اپنے چرن ٹِکائیا۔ جگت

جہان توڑ جنجال، مِہربان مِہر نظر ٹِکائیا۔ بھاگ لگا کے ساچی دھرمسال، گھر مندر اِک وڈیائیا۔ تُسیں شاہ بنے کنگال، نام دھن دئے ورتائیا۔ آپے ویکھے مُریِداں حال، مُرشد شہنشاہیِا۔ تُہانوُں پوہ نہ سکے کال، مہاکال ویکھے چائیں چائنیا۔ نِرگُن دھار وسے نال، سرگُن سنگ نِبھائیا۔ کایا پھل لگائے اگمےّ ڈال، رس اپنا آپ چکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جگت جہان وِچوں لئے اُٹھال، پھڑ باہوں میل مِلائیا۔

۲۵ چیت شہنشاہی سمت دس پِنڈ بابوُپُر ضِلع گُرداس پُر پیارا سِنگھ دے گرِہ

سچ کہے جن بھگتو سچّا اِکو صاحِب، سب نوُں دیاں دِرڑائیا۔ جِس دا شبدی دھار گُروُ گُردیوا نائب، دو جہاناں کھیل کھِلائیا۔ جِس دا ویس اولّڑا عجائب، عجب اپنی کار بُھگتائیا۔ جِس دا سب دے نال واعد، وعدے جُگ جُگ پوُر کرائیا۔ اُس دا اِکو حُکم عائد، عحدنامے ویکھے تھاؤں تھائنیا۔ آتم دھار کدے نہ ہووے الیحد، پرماتم ونڈ نہ کوئے ونڈائیا۔ جُگ جُگ بھگتاں تارن آئے محض، محو اپنی کھیل کھِلائیا۔ اُس دا حُکم کدے نہ ہووے ناجائز، سچ سچ نال سُنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھگتاں لہنا دینا دیوے جائز، جائزہ سب دا ویکھے تھاؤں تھائنیا۔

۲۵ چیت شہنشاہی سمت دس پِنڈ بابوُپُر ضِلع گُرداس پُر بلاکا سِنگھ دے گرِہ

سچ کہے جن بھگتو سچ بنو وپاری، سَت سَت نال مِلائیا۔ ساچے در در بنو بِھکھاری، مانگت ہو کے جھولی ڈاہیِا۔ ہرِ دیونہار وڈ بھنڈاری، اتوٹ اتُٹ ورتائیا۔ جِس دا لہنا دینا سدا جُگ چاری، چارے کھانی نال مِلائیا۔ جِس نوُں چارے بانی رہی پُکاری، کوُک کوُک سُنائیا۔ سو دیونہار داتاری، داتا دانی بےپرواہیِا۔ تِس چرن کوَل کرو نِمسکاری، نِو نِو سیِس جھُکائیا۔ جو جُگ جُگ بھگتاں پَیج

رہیا سواری، سِر سِر اپنا ہتّھ ٹِکائیا۔ ساچی دیوے نام خُماری، مست المست دئے بنائیا۔ نِرگُن جوت کرے چمتکاری، جوتی جاتا ڈگمگائیا۔ ساچے شبد دئے دُھنکاری، آتمک راگ سُنائیا۔ بوُند سوانتی بخشے ٹھنڈی ٹھاری، امیوں رس جام پیائیا۔ جِس دا لیکھا نہیں پُرکھ ناری، آتم میلا سہج سُبھائیا۔ سو گھر گھر اندر کایا مندر پاوَنہارا ساری، گرِہ گرِہ کھوج کھوجائیا۔ ویکھے وِگسے ویکھنہاری، ہر ہِردے پھول پھولائیا۔ سو پُرکھ نِرنجن بن کے میِت مُراری، مِتر پیارا دئے وڈیائیا۔ ہرِ پُرکھ نِرنجن اگمّ اپاری، الکھ اگوچر اِک اکھوائیا۔ ایکنکارا جِس رچنا رچی ساری، سرِشٹ درِشٹ نال مِلائیا۔ آد نِرنجن بےانت بے پرواہ نوُر نوُر کرے اُجیاری، جوتی جاتا ڈگمگائیا۔ سِری بھگوان انتم ویکھے وِگسے پاوے ساری، باہر کھوجن دی لوڑ رہے نہ رائیا۔ ابناشی کرتا اپنا رنگ چاڑھے اپاری، منوہر اپنی کھیل کھِلائیا۔ پاربرہم برہم دا بن ادھاری، اُدر دا لیکھا دئے مُکائیا۔ سَتگُر شبد سچ دا سچ کرے ونج وپاری، گھاٹا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ساچے نام دی دئے خُماری، خالص اپنی خوشی بنائیا۔

۲۵ چیت شہنشاہی سمت دس پِنڈ بابوُپُر ضِلع گُرداس پُر مُنشا سِنگھ دے گرِہ

سچ کہے اِکو پوُجو آد نِرنجن، آد پُرکھ دُھردرگاہیِا۔ جو داتا دانی درد دُکھ بھےَ بھنجن، بھوَ ساگر پار کرائیا۔ نِج نیتر نام پاوے اننجن، لوچن نیَن اکھّ کُھلائیا۔ چرن دھوُڑ کرائے اگمّی مجن، دُرمت میَل انتشکرن مِٹائیا۔ آتم پرماتم بنے سجّن، سگلا سنگ بنائیا۔ پاربرہم برہم ہووے پردے کجّن، سِر سِر اپنا ہتّھ ٹِکائیا۔ جِس دے نام نگارے وجّن، کایا مندر اندر ناد دُھن کرے شنوائیا۔ جِس دے جوتی دیِپک جگن، شمع نوُر ڈگمگائیا۔ جو بھگتاں بھگتی وِچ کرے مگن، سُرت شبد نال مِلائیا۔ ترےَگُن مایا بُجھا کے اگن، امرت میگھ اِک برسائیا۔ سَت سچ منا کے سگن، خوشی درِشٹ اندرِشٹ وِچ دِرڑائیا۔ اِکو پیار دی بخش کے لگن، لگ ماتر ڈیرہ ڈھاہیِا۔ میل مِلائے نوُر الاہی ربنّ، یامبیِن دُھردرگاہیِا۔ جِس دے اوتار پَیغمبر گُر شبدی دھار گاؤندے سدّن، صدا اگمّ سُنائیا۔ اوہ جگت جہان میٹن والا لگن،

زنجیر کوُڑ دئے تُڑائیا۔ اِکو نام دسّ کے بھجن، بندگی آتم پرماتم سمجھائیا۔ جن بھگتن میِتا لوک مات رکھے لجن، مِہربان مِہربان مِہربان اپنا رنگ رنگائیا۔ اُس نوُں باہروں کوئی نہ جائے لبھن، گھر ملِے دُھر دا ماہیِا۔ جِس دی سب توں وکھّری رنگن، رنگ مجیِٹھی دئے چڑھائیا۔ جو دوَیتی میٹے حدن، حدوُد اِکو اِک درسائیا۔ سو صاحِب سوُرا سربنگن، ہرِ کرتا وڈ وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد پُرکھ اپرمپر سوامی آد جُگاد ساچا نام سچ دی دھار سَتگُر شبد آوے ونڈن، دوُسر نظر کوئے نہ آئیا۔

۲۵ چیت شہنشاہی سمت دس پِنڈ بابوُپُر ضِلع گُرداس پُر دلیِپ سِنگھ دے گرِہ

سچ کہے جن بھگتو ہرِ سچّا اِکو آد، آد پُرکھ سرنائیا۔ جِس دا حُکم وِچ برہماد، برہمانڈ رہیا دِرڑائیا۔ جو لکھّ چؤراسی سُنائے ناد، انادی دُھن پرگٹائیا۔ جِس نوُں وِشن برہما شِو رہے ارادھ، دیوت سُر دھیان لگائیا۔ جو ہر گھٹ اندر وِسماد، بِسمِل روُپ نوُر الاہیِا۔ جو سب دی سُنے فریاد، ویکھنہارا تھاؤں تھائنیا۔ جِس دا کھیل بودھ اگادھ، بُدھی توں پرے پڑھائیا۔ اوہ میٹنہارا واد وِواد، وِکھ اندروں باہر کڈھائیا۔ جو ٹھگّاں چوراں بنائے سنت سادھ، سَتگُر اپنے رنگ رنگائیا۔ جو نام بھنڈارا دیونہارا داد، وست امُل جھولی پائیا۔ جِس دا لیکھا نِرگُن سرگُن اِک دوُجے توں بعد، اوتار پَیغمبر گُر اپنا کھیل وکھائیا۔ جو سَت دی سچ وجائے رباب، نام سِتار اِک رکھائیا۔ مِتر پیارا بن احباب، میلا میلے سہج سُبھائیا۔ جِتھے اِکو رنگ پُنّ صواب، پاپاں ونڈ نہ کوئے ونڈائیا۔ سو سوامی ہِردے رکھو یاد، لوک مات وِچھڑ کدے نہ جائیا۔ اوہ سدا سدا سد دیونہار اِمداد، مِہربان مِہربان مِہر نظر اُٹھائیا۔ جِس دا نانک دھار لیکھا وِچ بغداد، بغلگیِر اگمّ اتھاہیِا۔ سو کھیلے کھیل وِچ پنج آب، پنچم اپنا پڑدا لاہیِا۔ جو امرت جھِرنا دیوے کَول نابھ، بوُند سوانتی سَت ٹپکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سچ دا دیونہار پرساد، سچ نام نام ورتائیا۔