۲۴ اَسوُ شہنشاہی سمت دس چنڈی گڑھ شہر مِہر سِنگھ بھانشی کِدار ناتھ دے نوِت
پنج تت کہن پربھ ساڈی منزل کٹ، بھگت سُہیلے اِک اَکیلے در ٹھانڈے سیِس نِوائیا۔ پُرکھ اکالے دیِن دَیالے تُوں وسنہارا گھٹ گھٹ، گرِہ مندر کایا اندر سوبھا پائیا۔ دُرمت میَل نِرگُن نِروَیر ہو کے کٹ، کٹاکش دُھر دا نام لگائیا۔ سچ دوار ایکنکار وکھا دے اپنا ہٹّ، گرِہ مندر اندر پڑدا آپ چُکائیا۔ شبد انادی برہم برہمادی ماردے سٹّ، سوئی سُرت اکال موُرت دے جگائیا۔ در دوار تیرا درشن کریئے جھٹ، بِن جگت لوچن ویکھ وکھائیا۔ پرکاش دینا کایا مٹ، اندھ اندھیر گوائیا۔ منوُآ دہ دِشا پِھرے نہ نَٹھ، چار کُنٹ نہ اُٹھ اُٹھ دھائیا۔ دُئی دویَتی شرع شریِعتی اندروں میٹ دے پھٹّ، بھانڈا بھرم بھؤ بھنائیا۔ اِکو نام نِدھانا سِری بھگوانا تیرا لئیے رٹ، دوُسر اوَر نہ کوئے پڑھائیا۔ نِجھر جھِرنا بوُند سوانتی تیرا نام لئیے چٹ، جگت ترِسنا بُھکھ مِٹائیا۔ مانَس دیہی لاہ لئیے کھٹ، سَتگُر تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ پنج تت کہن ساڈا انتشکرن کر دے صاف، پتت پُنیِت بنائیا۔ کوٹ جنم دے کرم کر معاف، کرم کانڈ دا ڈیرہ ڈھاہیِا۔ ساڈی دیِن دُنی وِچ پُچھے وات، وارث ہو کے ویکھ وکھائیا۔ چارو کُنٹ اندھیری رات، ساچا چند
نہ کوئے چمکائیا۔ جے پربھوُ آتما تیری ذات، انت جوت جوت وِچ مِلائیا۔ کیوں نہیں پنجاں تتاں دیندا دات، جن بھگت سُہیلے در تیرے واسطہ پائیا۔ ساڈا لہنا دینا مُکا دے لوک مات، چؤراسی ونڈ رہے نہ رائیا۔ تیرا درشن کریئے اِک اِکانت، اکل کل دھاری پڑدا دینا چُکائیا۔ انت کنت بھگوَنت پُچھ لےَ وات، مِہربان محبوُب اپنی دَیا کمائیا۔ چرن کوَل اُپر دھوَل جے ساڈا جوڑیا نات، انت سچکھنڈ دے وڈیائیا۔ تُوں مالک خالق پرِتپالک سب دا پِت مات، پُرکھ اکال بےپرواہیِا۔ سچ پریِتی جوڑ لےَ نات، ناتا سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری وڈیائیا۔ پنج تت کہن پربھ ساڈا لیکھا رہے نہ اندھ گھور، گھوری ہو کے سَتگُر شبد جنائیا۔ سُرتی نال بنّھ لےَ ڈور، ناتا سکے نہ کوئے تُڑائیا۔ لیکھا رہے نہ پنج چور، پنچ وِکار دینا مِٹائیا۔ تیرا پریم دا ہووے گھنگھور، سوہنی رُت دینی سُہائیا۔ منوُآ من نہ پاوے شور، شؤہر بانکے ہونا آپ سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ پنج تت کہن پربھ سچکھنڈ تیرا وسیرا، وصل یار درسائیا۔ مِہربان کر دے مِہرا، محبوُب تیری وڈیائیا۔ دیِن دُنی نہ رہے اندھیرا، نوُری چند دینا چمکائیا۔ نؤ سؤ چُرانوے چؤکڑی جُگ پِچھوں نِرگُن تیرا ہووے پھیرا، جُگ چؤکڑی روُپ نہ کوئے درسائیا۔ پرم پُرکھ پرماتم تیرا بھیوَ پاوے کیہڑا، انت کہن کِچھ نہ آئیا۔ چؤراسی والا ساڈا مُکا دے جھیڑا، جن بھگتاں دے تت دین گواہیِا۔ سچکھنڈ سُہا دے اپنا ویہڑا، گرِہ مندر دے وڈیائیا۔ آون جاون پتت پاوَن چُھڈا دے کھہڑا، جوُنی جوُن نہ کوئے وکھائیا۔ نِج گھر واسی نظری آوے نیرن نیرا، نِج گھر مِل کے وجے ودھائیا۔ پِچھلا وقت لنگھ گیا بتھیرا، نوَ نوَ چار پندھ مُکائیا۔ ساڈا سَتگُر شبد ویکھ لےَ جیرا، جیرج انڈج اُتبُھج سیتج پِھر پِھر اپنا پندھ مُکائیا۔ جے کلجُگ انت آ گِیوں سَتگُر شبد شبد دی دھار شیرا، سِنگھ اپنا حُکم جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا لہنا دینا آد جُگاد جُگ چؤکڑی جن بھگتاں سنجھ سویرا، گھڑی پل ونڈ نہ کوئے ونڈائیا۔
۲۸ اَسوُ شہنشاہی سمت دس اِٹارسی مدھ پردیش بھگت سِنگھ جوگِندر سِنگھ ہردِت سِنگھ
سُرنِدر سِنگھ چمن لال اِٹارسی، منگل سِنگھ بھوُپال
پنج تت کہن پربھ ساڈی نمو نمو نِمسکار، ڈنڈاوت بندنا سجدے وِچ سیِس جھُکائیا۔ تُوں آد جُگادی برہم برہمادی کرتا پُرکھ کرنیہار، قُدرت قادر بےعیب نوُر الاہیِا۔ دیِن دَیال ساڈی پاؤنی سار، سمرتھ سوامی انترجامی اپنی دَیا کمائیا۔ اسیں ویس وٹاؤندے رہے جُگ چؤکڑی چار، سَتجُگ تریتا دواپرکلجُگ بھجےّ واہو داہیِا۔ میلا مِلدا رہیا نال پَیغمبر گُر اوتار، تن وجوُداں وجدی رہی ودھائیا۔ تیرا نام کلمہ سوہلا ڈھولا رسنا جِہوا آئے اُچار، صِفتاں نال صِفت صالاحیِا۔ پُرکھ اکالے دیِن دَیالے انت کنت بھگوَنت تیرے اَگے کریئے پُکار، پُنہ پُنہ سیِس نِوائیا۔ تُوں بخشنہار ایکنکار، اکل کل دھاری تیری وڈ وڈیائیا۔ جمّن مرن تیرا کھیل بنیا وِچ سنسار، سنساری بھنڈاری سنگھاری اپنا حُکم ورتائیا۔ انت رو رو در ٹھانڈے کریئے پُکار، دروہی کوُک کوُک سُنائیا۔ جے بھگتاں آتما دئیں ادھار، جوتی جاتے پُرکھ بِدھاتے اپنے نال مِلائیا۔ کیوں پنج تت تن وجوُد ہووے ماٹی چھار، خاکی خاک وِچ مِلائیا۔ اسیں چاہُندے سانوُں بخش دے سَت دا سچکھنڈ دوار، درگاہ سچ دے وڈیائیا۔ اپ تیج وائے پرِتھمی آکاش تیرا روُپ سَت سروُپ تکیئے اپر اپار، اپرمپر سوامی دینا وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا گرِہ آپ سُہائیا۔ پنج تت کہن پربھ اسیں تیرے آد جُگادی میِت، جن بھگتاں سنگ رکھائیا۔ آتم اُدھارنا تیری ریِت، جُگ چؤکڑی چلی آئیا۔ اسیں گاؤندے تیرے ڈھولے گیِت، صِفتاں نال صالاحیِا۔ تُوں صاحِب اِک اتیِت، ترےَبھوَن دھنی نوُر الاہیِا۔ اپنا بھیوَ کھول انڈیٹِھ، انڈِٹھڑا بھیوَ چُکائیا۔ ساڈا لیکھا رہے نہ کؤڑا ریِٹھ، امرت رس دینا بھرائیا۔ کروٹ بدل اپنی انتم پیِٹھ، سنمُکھ نوُر نوُرانے نظری آئیا۔ ساڈا تت وجوُد کر دے ٹھانڈا سیِت، امرت میگھ اگمّ برسائیا۔ تیرے چرن کوَل کیِتی پریِت، پریِتم پریم تیرے نال رکھائیا۔ تُوں صاحِب ترےَگُن اتیِت، ترےَبھوَن دھنی تیری وڈیائیا۔ جے آتما اپنے نال میلنی ٹھیِک، بھگتاں رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ پنج تت کہن پربھ سانوُں لےَ جا اپنے گھر، آتم نال گرِہ مندر اِک سُہائیا۔ کِرپا کر مِہربان محبوُب ہرِ، ہرِ کرتے تیری اِک سرنائیا۔ وِچھوڑے وِچ وِچھڑ نہ جائے تیرا در، درگاہ سچ ملِے
وڈیائیا۔ تُوں دیِن دَیال نرائن نر، نر ہرِ اِک اکھوائیا۔ جُگ چؤکڑی اوتار پَیغمبر گُروُ سانوُں دے کے گئے ور، شبدی دھار دھار دِرڑائیا۔ انت کنت بھگوَنت نِرگُن دھار پھڑا دے لڑ، پلّوُ سکے نہ کوئے چُھڈائیا۔ بِن پؤڑی ڈنڈے منزل تیری جائیے چڑھ، اَگے ہو نہ کوئے اٹکائیا۔ ساڈا تتاں والا سریِر جے لوک مات جائے سڑ، وجوُد رہن کوئے نہ پائیا۔ ساڈی آشا تیرے چرن کوَل اسیں دِتی دھر، دھرنی دھرت دھوَل دھؤل دا لیکھا دینا مُکائیا۔ سچ نُہا اگمےّ سر، سروور اِکو اِک درسائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ پنج تت کہن پربھ اسیں دیکھنا تیرا گھر سُہنجنا، درگاہ سچ ملِے وڈیائیا۔ جِتھے نوُر الاہی آد نِرنجنا، جوتی جاتے ڈگمگائیا۔ تُوں داتا دانی درد دُکھ بھےَ بھنجنا، پاربرہم اِک اکھوائیا۔ دو جہاناں میِت سجّنا، صاحِب سَتگُر تیرے ہتّھ وڈیائیا۔ انت ساڈا پڑدا کجنا، در تیرے منگ منگائیا۔ جے بھگتاں آتما اپنے دوارے سدّنا، کیوں تتّاں کریں جُدائیا ۔ ساڈی پِچھلی پِچھے مُکا دے حدنا، اَگے ونڈ نہ کوئے رکھائیا۔ ساڈا جھگڑا مُکا دے تن بدنا، وجوُد محبوُب اپنے لیکھے پائیا۔ تُوں نوُر نوُرانہ الاہی روُپ ربّنا، رحمت رحیِم دینی کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک ہونا سہائیا۔ پنج تت کہن پربھ اسیں بھگتاں دی تن وجوُد چولی، چوجی پریِتم دیئیے جنائیا۔ تیرے اُتوں گھول گھولی، صدقے واری گھول گھُمائیا۔ تیرے نام کلمے دی گائی بولی، انبولت راگ دِرڑائیا۔ انت اپنے گرِہ مندر دا کُنڈا کھولیں، خالق خلق دَیا کمائیا۔ سانوُں مِٹّی خاک وِچ نہ رولیں، چؤراسی گیڑیاں وِچ بھوائیا۔ ساڈا پوُرب تک لےَ اِقرار قؤلی، وعدے پِچھلے ویکھ وکھائیا۔ سب نے کِہا جِس ویلے آوے پُرکھ اکالا اُپر دھؤلی، دھرم دی دھار نال وڈیائیا۔ اُس ویلے جن بھگتاں تن وجوُد دی چُکے آپ ڈولی، کہار اوَر نہ کوئے رکھائیا۔ جِتھے آتما سچکھنڈ دوار دی ہووے گولی، در ٹھانڈے سیو کمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا اچھل اچھیدا آپ کُھلائیا۔ پنج تت کہن پربھ اساں تیرے دوارے وننجنا، دوُسر گرِہ نہ کوئے وڈیائیا۔ چرن دھوُڑ کرنا مجنا، دُرمت میَل رہے نہ رائیا۔ جے بھگتاں آتما لایا اپنے انگنا، انگیکار سانوُں لےَ بنائیا۔ تیری دھوُڑ مستک خاک لائیے چندنا، ٹِکّے خاک رمائیا ۔ ساڈی منظور کر لےَ ڈنڈاوت بندنا، بندگی وِچ منگ منگائیا۔ ساڈا لیکھا رہے نہ تت پنجنا، اپ تیج وائے پرِتھمی آکاش ہو کے دیئیے دُہائیا۔ تیرے دوار دا سچ مانیئے انندنا، انند انند وِچوں دینا پرگٹائیا ۔ چؤراسی وِچوں سانوُں کڈھنا، تتو تت نہ کوئے
سمائیا۔ دو جہان پار کراؤنی حدنا، حدوُد اپنی دینی وکھائیا۔ درگاہ ساچی سچکھنڈ دوار ایکنکار آتما نال سب نوُں سدّنا، سندیسہ اِک جنائیا۔ تُوں ٹھاکر گوپال موُرت مدنا، مدھسوُدن اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ پنج تت کہن پربھ منگتے در بِھکھاری، بِھکھک بِھچھیا دینی پائیا ۔ تُوں شاہو بھوُپ سِکداری، شہنشاہ اِک اکھوائیا۔ داتا نوُر اُجیاری، نوُر نوُرانہ ڈگمگائیا۔ شبد ناد دُھنکاری، انحد ناد شنوائیا۔ امرت رس ٹھنڈی ٹھاری، سانتک سَت سَت ورتائیا۔ جے آتما نال تیری یاری، یارانہ تتاں نال توڑ نِبھائیا۔ اسیں بھگتاں تت تیرے بِھکھاری، دوُسر نظر کوئے نہ آئیا۔ سدا سدا سد تیرے سیواداری، سیوا سچ کمائیا۔ جگت کیِتی نہیں کوئی غداری، گداگر اں دا لیکھا لیکھے لیَنا پائیا۔ سچکھنڈ دوار تیرے بنیئے پُجاری، پوُجا اوَر نہ کوئے رکھائیا۔ تیرا روُپ انوُپ سَت سروُپ ہوئیے جوت نِرنکاری، نِروَیر تیرے وِچ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ وست بِن دست آپ ورتائیا۔ پنج تت کہن پربھ آتما نالوں نہ ہوئے وِچھوڑا، بھگتی دھار تیری سرنائیا۔ ساڈا تتاں دا کر دے جوڑا، جوڑی جگت جُگت وڈیائیا۔ سَتگُر شبد چڑھا لےَ اپنے گھوڑا، رتھ رتھواہی اپنی دَیا کمائیا۔ انتم کلجُگ تیری پےَ گئی لوڑا، لُڑیِندے ساجن ہونا سہائیا۔ اگلا وقت دِسدا تھوڑا، بہُتی ونڈ نہ کوئے ونڈائیا۔ چاروں کُنٹ دِسے اندھ گھورا، گھوری بَیٹھے مُکھ چُھپائیا۔ کوُڑ کُکرم پِھرے نؤ کھنڈ پرِتھمی وانگ چورا، بھجےّ واہو داہیِا۔ کِسے سمجھ نہ آوے مورا تورا، موہ مُحبّت نہ کوئے رکھائیا۔ پنج تت کہن پربھ سانوُں بخش دے اپنی دات بھورا بھورا، پنج تت کایا پھیر رہن نہ پائیا۔ اپنے نال بنّھ لےَ ڈورا، ڈوری سَتگُر شبد تند بندھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست ورتائیا۔ پنج تت کہن پربھ در تیرے تے منگدے، اِکو رکھی اوٹ۔ خوشیاں دے وِچ رنگ دے، لیکھے لا لےَ جنم کوٹی کوٹ۔ آد جُگادی ساچا سنگ دے، میل مِلا لےَ وِچ نِرمل جوت۔ جے تیرے لیکھے نال ہنگ برہم دے، کیوں ساڈے نالوں کریں چھوٹ۔ تتاں وِچ تت رل کے پھیر نہ پِھریئے جمّدے، جنم بھوگیئے کوٹن کوٹ۔ ساڈے جھگڑے میٹ دے غم دے، اگلی رہے کوئی نہ سوچ۔ اسیں ونجارے بننا نہ پھیر ہڈ ماس ناڑی چمّ دے، پِچھلے جنم بھوگ لئے بہُت۔ ساڈے لیکھے مُکا دے کرم دے، لہنے دینے تیرے کول لیکھا کوٹی کوٹ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی انترجامی دُرمت
میَل دینی دھوت۔ پنج تت کہن تُوں صاحِب پُرکھ سمراتھی، ہرِ کرتا دُھردرگاہیِا۔ اسیں آتما دے ساتھی، بھگت سُہیلے جگت جگت اکھوائیا۔ رسنا جِہوا بتّی دند گائی گاتھی، ڈھولے تیرے صِفت صالاحیِا۔ تُوں ساڈا لہنا دینا تک لےَ مستک ماتھی، تِلک للاٹی ویکھ وکھائیا۔ ہؤں غریِب نِمانے صاحِب اناتھ اناتھی، دیِنن تیری اوٹ رکھائیا۔ تُوں پاربرہم پت پرمیشور الکھنا الاکھی، الکھ اگوچر اگمّ اتھاہیِا۔ جے نوُر نوُرانہ شاہ سُلطانا آتما تیرے ساتھی، سگلا ساتھی سنگ بنائیا۔ کیوں نہ ساڈی مکُے واٹی، آون جاون گیڑ کٹائیا۔ اسیں اَگے وِکنا نہیں جگت جُگت دی ہاٹی، قیِمت تت نہ کوئے رکھائیا۔ ساڈا پوُرب لہنا کاٹی، کٹاکش اپنا نام لگائیا۔ ساڈی منزل مکُے واٹی، پندھ رہے نہ رائیا۔ درگاہ سچ چڑھاؤنا گھاٹی، سچکھنڈ دوار دینی وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ محل اِک سُہائیا۔ پنچ تت کہن اسیں پربھ بھگتاں دے وجوُد، خاکی خاک نظری آئیا۔ تُوں مالک حق محبوُب، نوُر نوُرانہ نوُر الاہیِا۔ سانوُں اپنا دے ثبوُت، صبر نال بَیٹھے راہ تکائیا۔ ساڈی منزل ویکھ حدوُد، حد جگت نہ کوئے رکھائیا۔ جے تُوں وسیں عالیشان اُچ عروُج، درگاہ ساچی سوبھا پائیا۔ کیوں ساڈے نال کریں دوُج، دُتیا بھاؤ وکھائیا۔ ساڈی انتم آشا بوُجھ، انترجامی تیرے ہتّھ وڈیائیا۔ کیوں نہیں بھیوَ کھول دا گوُجھ، پردہ پردیاں وِچوں چُکائیا۔ اسیں تت نہیں رہنا پنج بھوُت، بھوُتک نوُر نوُر تیرا نوُر نظری آئیا۔ ساڈا لیکھا مُکا دے چارے کوُٹ، دہ دِشا نہ کوئے وڈیائیا۔ بھگتاں آتما تت کہن ساڈے دوہاں دا تانا پیٹا اِکو کر لےَ سوُت، دوُسر رنگ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن پائے کوئی نہ سوُجھ، سِر سِر ہتّھ نہ کوئے رکھائیا۔
۲۹ اَسوُ شہنشاہی سمت دس اِٹارسی مدھ پردیش جسونت سِنگھ ٹوپن رام پاروُمل وِدھیا مل پوُرن مل کؤڑا مل سدن مل اِٹارسی، مہاں سِنگھ جبل پُر، ارجن سِنگھ دُرگ، گُرمُکھ سِنگھ بھلئی
پنج تت کہن پربھ کھیل تکیئے تیری سربگ دی، سوُربیِر سُلطان شہنشاہ اِکو نظری آئیا۔ ساڈی کھیل مِٹاؤنی کوُڑ کُڑیارے جگ دی، جاگرت جوت بِن ورن گوت اپنا رنگ رنگائیا۔ کلپنا رہے نہ ترِسنا اگّ دی، کام کرودھ لوبھ موہ ہنکار دینا مِٹائیا۔ پیاس رہے نہ جگت ترِسنا مد دی، مایا ممتا موہ وِچوں باہر کڈھائیا۔ آواز سُنیئے تیرے شبد انادی ند دی، انحد کرنی آپ شنوائیا۔ منزل پار کراؤنی شاہ رگ دی، نوَ دواریاں ڈیرہ ڈھاہیِا۔ دھار میٹنی وِچھوڑے والے اڈّ دی، گرِہ مندر دینی مان وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ پنج تت کہن پربھ تیرا تکیئے جوتی نوُر، نوُر نوُرانہ نظری آئیا۔ تیرا ویکھیئے حق ظہوُر، ظاہر ظہوُر ڈگمگائیا۔ کوٹی کوٹ جنم بخش قصوُر، مِہربان مِہربان مِہر نظر اُٹھائیا۔ تُوں سرب کلا بھرپوُر، پاربرہم پت پرمیشور اگمّ اتھاہیِا۔ ساڈی منزل مُکا دے نیڑے دوُر، پاندھیاں پندھ دے چُکائیا ۔ انتشکرن نہ رہے غروُر، غُربت اندروں باہر کڈھائیا۔ سچ خُماری دے سروُر، مستی نام والی چڑھائیا۔ تیرا درشن کریئے حاضر حضوُر، حضرتاں توں پرے پڑدا دینا اُٹھائیا۔ سو آشا پوُری کر دے جو موُسیٰ دسّیا اُتے کوہ طوُر، تُریا توں باہر بھیوَ جنائیا۔ جو آواز دِتی جگت جُگت منصوُر، منسا تیرے نال مِلائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے آپ رکھائیا۔ پنج تت کہن پربھ سُنا اگمّی ناد، انادی دُھن اُپجائیا۔ تُوں مالک برہم برہماد، برہمانڈ تیری وڈیائیا۔ تُوں بِسمِل روُپ وِسماد، کھیلے کھیل تھاؤں تھائنیا۔ تیرا جلوہ آد جُگاد، جُگ چؤکڑی تیری وجدی رہے ودھائیا۔ تیرا نام کلمہ سندیسہ بودھ اگادھ، بُدھی توں پرے کرے پڑھائیا۔ پنج کہن پربھ دیِن دُنی نالوں ساڈا بدل دے سماج، سمگری جگت نہ کوئے وکھائیا۔ انت کنت بھگوَنت ساڈا پوُرن کر دے کاج، کرتا پُرکھ اپنے رنگ رنگائیا۔ تُوں مالک خالق اِکو واحد، واہِگُروُ تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ پنج تت کہن پربھ ساڈے انتر بخش دے جوتی، جوتی جاتے دَیا کمائیا۔ جے آتما تیرا گوتی، نوُر نوُرانہ نوُر ڈگمگائیا۔ ساڈی سُرت رہے نہ سوتی، سُتیاں لئے اُٹھائیا۔ ساڈی آیوُ بیِتی چوکھی،
چار جُگ دے شاستر دین گواہیِا۔ چؤراسی والی کھیل بڑی اؤکھی، نِرگُن سرگُن سرگُن نِرگُن تیرے اَگے واسطہ پائیا۔ ساڈا نہ کوئی ہرکھ نہ کوئی سوگی، چِنتا غم نہ کوئے جنائیا۔ تُوں ٹھاکر آد جُگادی مؤجی، مجلس بھگتاں نال رکھائیا۔ تُوں پریِتم پیارا چوجی، چوج نِرالے اپنے آپ جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ وکھائیا۔ پنج تت کہن پربھ ساڈے اندر مار لےَ جھاکی، بِن نیَناں نیَن اُٹھائیا۔ پڑدا اندروں کھول دے تاکی، بجر کپاٹی اپنی دے مِٹائیا۔ دُھر دا جام پیا دے بن کے ساقی، نام پیالہ اِک وکھائیا۔ ساچے گھوڑ چڑھا دے راکی، شاہ سوارا اپنی دَیا کمائیا۔ بے شک اسیں تن وجوُد خاکی، اپ تیج وائے پرِتھمی آکاش جوڑ جُڑائیا۔ نِرگُن دھار سرگُن ہو کے تیرے نال جوڑیا ناتی، رِشتہ جگت جہان وکھائیا۔ تُوں بھیوَ کھولنا باطن باتی، پردہ پردیاں وِچوں اُٹھائیا۔ ساڈی آشا پوُری کرنی لوک ماتی، دھرنی دھرت دھوَل دھؤل ساڈی دئے گواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ رنگ سوُرے سربگ ہرِ کرتے دینا رنگائیا۔ پنج تت کہن پربھ ساڈے انتر جانا وس، واسطہ اپنے نال رکھائیا۔ بِنا رسنا دینا رس، نِجھر جھِرنا بوُند سوانت چوائیا۔ تیِر انیالا مارنا کس، کمان ویکھن کوئے نہ پائیا۔ اندھ اندھیر میٹنا مس، نوُر نوُرانہ ڈگمگائیا۔ منوُآ من کرنا وس، دہ دِشا نہ اُٹھ اُٹھ دھاہیِا۔ شبدی دھار مارگ دینا دسّ، من مت بُدھ نہ کوئے چتُرائیا۔ بِن رسنا جِہوا تیرا ہووے جس، شبدی شبد شبد وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر سچ دینی سرنائیا۔ پنج تت کہن پربھ ساڈا انتشکرن کر پوِت، پتت پُنیِت دے بنائیا۔ ابناشی کرتے وسنا چِت، ٹھگؤری چِت رہے نہ رائیا۔ تیرا درشن ہووے نِت، نِج لوچن نیَن کر رُشنائیا۔ ٹھاکر بننا ابناشی پِت، پاربرہم پربھ اپنا رنگ رنگائیا۔ گرِہ مندر اندر کرنا ہِت، ہِتکاری ہو کے ویکھ وکھائیا۔ ساڈا جھگڑا میٹنا بوُند رِت، رَکت بوُند نہ کوئے چتُرائیا۔ دھام وکھاؤنا اِک انڈِٹھ، درگاہ سچ دینی وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گرِہ مندر اِک سُہائیا۔ پنج تت کہن پربھ ساڈا گرِہ کر سُہنجنا، در گھر دینی مان وڈیائیا ۔ تُوں آد پُرکھ نِرنجنا، نوُر نوُرانہ نوُر الاہیِا۔ سچ سَت کرا دے مجنا، دُرمت میَل دھوائیا۔ تیرا نام نِدھانا سِری بھگوانا نؤجوانا اِکو وجنا، دوُجی اوَر نہ کوئے شنوائیا۔ سچ سَت چاڑھ دے رنگنا، رنگت اِکو ویکھ وکھائیا۔ در ٹھانڈا تیرا منگنا، خالی جھولی دینی بھرائیا۔ پنج تت کہن پربھ سَتگُر ساڈے سجّنا، مِترا مِہر نظر اِک اُٹھائیا۔ انتم تَینوُں
رکھنی پَینی لجنا، لاجونت تیری وڈیائیا۔ تُوں بھگتاں تن لیکھے لاؤنا اعلیٰ ادنیٰ، اوُچ نیِچ نہ کوئے رکھائیا۔ درگاہ ساچی سچکھنڈ دوارے سدّنا، شبدی شبد شبد شنوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ پنج تت کہن پربھ ساڈا اندر تک لےَ آپ، انتشکرن دھیان لگائیا۔ تُوں نِرگُن دھار مائی باپ، پِتا پُرکھ اکھوائیا۔ اسیں تیرا جپیا جاپ، دوُسر صِفت نہ کوئے صالاحیِا۔ ساڈا ترےَگُن میٹ دے تاپ، ترےَبھوَن تیری سرنائیا۔ ترےَگُن کوُڑ رہے نہ رات، نوُری چند کر رُشنائیا۔ جے آتما تیری ذات، انت تیرے وِچ سمائیا۔ کیوں نہیں سانوُں کردا پاک، پتت پُنیِت بنائیا۔ پُرکھ اکالے دیِن دَیالے درگاہ سچ کھول دے تاک، کُنڈا کھِڑکی آپ کُھلائیا۔ گُر اوتار پَیغمبراں پوُرا کر دے واک، جو بھوِکھتاں وِچ گئے سُنائیا۔ چرن پریِتی اگلی ریِتی بخش دے نات، ناتا بِدھاتا اپنے سنگ رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ پنج تت کہن پربھ اسیں بھگت سُہیلے تیرے مات لوک، متا تیرے نال رکھائیا۔ نِرگُن دھار تیرا پڑھیئے سلوک، سوہلا اوَر نہ کوئے جنائیا۔ سچکھنڈ دواریوں سانوُں سکے کوئی نہ روک، اَگے ہو نہ کوئے اٹکائیا۔ اسیں انتم مِلیئے تیری وِچ جوت، جوتی جوت وِچ سمائیا۔ اساں جنم بھوگ لئے بہُت، اَگے لوڑ رہی نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ساڈی دُرمت میَل دھوت۔ پنج تت کہن پربھ تیرے در آوانگے۔ تن وجوُد مات تجاواں گے۔ اگنی اگّ رنگ رنگاواں گے۔ دُھر دے سنگی سگلا سنگ بناواں گے۔ نِرگُن دھار تیرا مان انند، انند انند وِچ سماواں گے۔ جے آتما تیرا چند، نوُر نوُر نال رُشناواں گے۔ تیری سیجا سؤں پلنگ، سُکھ آسن اِک وڈیاواں گے۔ جِتھے شبد وجے مردنگ، دوُسر ناد نہ کوئے درساواں گے۔ پھیر رہنا نہیں روُپ ساڈا تت پنج، پنچم دے مالک اِکو تیرا روُپ اکھواواں گے۔ جوتی جاتے پُرکھ بِدھاتے پاؤنی ٹھنڈ، اگنی اگّ تیرے چرن بھیٹ کراواں گے۔ جُگ جنم دے وِچھڑیاں پاؤنی گنڈھ، پلّوُ تیرے نال بندھاواں گے۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر ساچا اِک وڈیاواں گے۔ پنج تت کہن گھر ساچا اِک سُہائیگا۔ دیِن دَیال دَیا کمائیگا۔ جوتی جاتا ویکھ وکھاویگا۔ پُرکھ بِدھاتا رنگ رنگائیگا۔ پِتا ماتا گود اُٹھائیگا۔ جوتی جاتا ڈگمگائیگا۔ مانک موتی اپنے آپ پرگٹائیگا۔ جن بھگتاں واشنا رہن نہ دیوے کھوٹی، کھوٹے کھرے آپ بنائےگا۔ انتم چاڑھ کے اپنی چوٹی، چوٹا ہو کے ویکھ وکھائیگا۔ جوتی جوت سروُپ
ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیگا۔ ساچا بھیوَ انتم چُکیگا۔ آون جاون پیَنڈا مُکیگا۔ پُرکھ اکال موُل نہ لُکیگا۔ جن بھگتاں درگاہ ساچی ساچا بُکیگا۔ تن وجوُد کایا ماٹی لوک ماتی بوُٹا سُکیگا۔ جیِون زِندگی بدل حیاتی، دیِن دَیال تتوَ دھار تت اپنی گودی چُکیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا لیکھا اِکو اِک رکھیگا۔ ہرِ لیکھا سچ رکھائیگا۔ دیِن دَیال دَیا کمائیگا۔ بھگت وچھل پڑدا اُٹھائیگا۔ اچھل اچھلّ میل مِلائیگا۔ جل تھل مہیئل پار کرائیگا۔ بلدھاری اپنا بل پرگٹائیگا۔ جن بھگتاں کایا ماٹی لا کے پھل، پتّ ٹہنی آپ مہکائیگا۔ انتم لہنا دینا مُکا کے کلجُگ کل، کلا اپنی اِک درسائیگا۔ دھام وسا کے نِہچل اٹل، پد اِکو اِک جنائیگا۔ جِتھے دیِپک جوتی رہیا بل، بِن تیل باتی نظری آئیگا۔ آتم دھار تت سار جائے رل، پرماتم اپنے وِچ ٹِکائیگا۔ سچ سِنگھاسن ہرِجن لیَن ملّ، پھڑ باہوں آپ ٹِکائیگا۔ اَگے وِچھوڑا ہوئے نہ گھڑی پل، پاربرہم پربھ اِکو رنگ رنگائیگا۔ آشا پوُری کرے باوَن دھار بل، پوُرب لہنا جھولی پائیگا۔ جو جوتی جاتا پُرکھ بِدھاتا آیا چل، نِرگُن اپنا سنگ نِبھائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جُگ چؤکڑی نِت نوِت نِرگُن سرگُن سدا سدا اٹل، اٹل پدوی اِک رکھائیگا۔