۲۹ جیٹھ شہنشاہی سمت ۱۱ لچھمن سِنگھ دے گرِہ پِنڈ سیئی کلاں ضِلع جموں
نارد کہے خوشیاں والی آ گئی رات، بِھنڑی بِھنی اپنا روُپ بدلائیا۔ آؤ سکھی سہیلیؤ مِل کے کریئے بات، باطن پڑدا پڑدیاں وِچوں اُٹھائیا۔ پہلوں اِک دوُجے نال پریم دا جوڑیئے نات، رِشتہ فرِشتیاں باہر رکھائیا۔ پھیر سمادھی وِچ ہوئیے اِکانت، ایکنکار چرن کوَل دھیان رکھائیا۔ پھیر اپنا انتشکرن کریئے شانت، کلجُگ اگن نہ کوئے تپائیا۔ پھیر اپنا گرِہ تکیئے پرانت، دھرنی دھرت دھوَل دھؤل ویکھ وکھائیا۔ پھیر اپنا مذہب ویکھیئے ذات، کوَن ورن نظری آئیا۔ پھیر بِنا نیتراں ماریئے جھات، بِن اکھّاں اکھّ اُٹھائیا۔ جھٹ نارد کروٹ بدل کے کِہا روُپ تکو کملاپات، پت پرمیشور جو اکھوائیا۔ جیہڑا سب نوُں دیونہارا دات، داتا دانی اِک اکھوائیا۔ آد جُگاد پُچھنہارا وات، سِر سِر ہتّھ ٹِکائیا۔ اوہ آیا لوک مات، نِرگُن اپنا ویس وٹائیا۔ جِس دا کھیل سدا بوہ بھانت، سَتجُگ تریتا دواپرکلجُگ دئے گواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے میَں اپنی دھوتی بودی لواں سنبھال، کرمنڈلی ہتّھ وِچ اُٹھائیا۔ تُسیں اپنے صاف کر لؤ وال، سیِس سوہنا روُپ بدلائیا۔ پھیر خوشیاں والا گاؤ تال، تلواڑا سمجھ کوئے نہ پائیا۔ میَں بھگت پربھوُ دا آد جُگادی نڈھّا بال، بالی بُدھ میری بےپرواہیِا۔ تُسیں امرت رس بھریا جگت تال، تاریِاں لاوو تھاؤں تھائنیا۔ سارے اِکٹّھے ہووو اِک سچّی دھرمسال، دھرم دوارا اِکو نظری آئیا ۔ جِتھے شاہو بھوُپ شہنشاہ سچّی سرکار، دوُجا سنگ نہ کوئے وکھائیا۔ آد جُگاد جُگ چؤکڑی نِت نوِت سب دی کرے سنبھال، سمبل دا مالک بےپرواہیِا۔ آؤ سارے اُس دے اَگے کریئے سوال، بیننتی چرناں وِچ ٹِکائیا ۔ کیوں کلجُگ کوُڑی کِریا چاروں کُنٹ پایا جنجال، جاگرت جوت نہ کوئے رُشنائیا۔ دھرم دی دھار دیِن دُنی رہیا نہ کوئے دلال، وِچولا سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ نارد کہے میَں آد جُگاد پنڈت پُرانا، پُران اٹھاراں میری دین گواہیِا۔
گنگا گوداوری جمنا سُرستی تُہاڈا نؤ سؤ چُرانوے چؤکڑی جُگ دا کِسے سمجھیا نہیں ٹِکانا، گرِہ نظر کوئے نہ آئیا۔ تُہاڈا جل دھار وہِندا بےمُہانا، بھجےّ واہو داہیِا۔ ذرا نِگاہ مارو زِمیں اسمانا، دو جہاناں نیَن اُٹھائیا۔ کی کھیل کرے سِری بھگوانا، ہرِ کرتا دُھردرگاہیِا۔ جِس دے حُکم وِچ بدل جانا زمانہ، زِمیں زماں ویکھن چائیں چائنیا۔ جِس لیکھے لاؤنا کھیل گھنئیا کاہنا، سولاں کلادھاری گیا دِرڑائیا۔ جِس نوُں پَیغمبراں کِہا اِماما، نوُر نوُرانہ نوُر الاہیِا۔ جِس دا گوبِند وجایا حق دمامہ، ڈنکا شبد شنوائیا۔ اوہ کھیل کرے سِری بھگوانا، ہرِ کرتا دُھردرگاہیِا۔ جِس سب دا لہنا دینا چُکاؤنا، لیکھا جُگ چؤکڑی جھولی پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی ویکھنہار سدا نِشانہ، بے نشان اپنا کھیل کھِلائیا۔
۲۹ جیٹھ شہنشاہی سمت ۱۱ کرتار کؤر دے گرِہ پِنڈ سیئی کلاں ضِلع جموں
نارد کہے میرا پُرانا بڑا تجربہ، جُگ چؤکڑی کھیل کھِلائیا۔ میَں اوتار پَیغمبر گُروُ ویکھے اَرباں کھرباں، گِنتی گنت نہ کوئے جنائیا۔ میری آیوُ نوُں گِن سکدا نہیں کوئی دے کے ضرباں، انکڑیاں ونڈ نہ کوئے ونڈائیا۔ میَں پیارا اِکو پُرکھ اکال دے گھر دا، دوُجا گرِہ نہ کوئے سُہائیا۔ نہ جمدا نہ کدے مردا، جمّن مرن وِچ کدے نہ آئیا۔ میرا پُرکھ اکالا دیِن دَیالا میَنوُں شبدی دھار گھلدا، نِت نوِت حُکم ورتائیا۔ میَں کُچھ لیکھا لہنا دسّنا راجے بل دا، کی باوَن گیا دِرڑائیا۔ کلجُگ انت مان رہنا نہیں کِسے جل دا، تیِرتھ تٹ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے گنگا گوداوری جمنا سُرستی میَں کیہڑیِاں پڑھ کے دسّاں پنگتیِاں، پنڈت ہو کے دیاں جنائیا۔ جُگ چؤکڑیاں لنگھیِاں تے لنگھیِاں دیِن دُنی دیاں سمتیِاں، سمجھ سکے کوئے نہ رائیا۔ پربھ دیِاں کھیلاں آد جُگاد اگنتیِاں، گِنتی گِن نہ کوئے سمجھائیا۔ جِس دے اَگے اوتار پَیغمبر گُروُ کردے گئے بیننتیِاں، در ٹھانڈے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ چارے کہن براہمنا ساڈی منّ صلاح، منسا اِک جنائیا۔ پربھ داتا بے
پرواہ، بےانت اگمّ اتھاہیِا۔ جو ہووے سدا سہا، سہائک نائک نوُر الاہیِا ۔ اُس اَگے واسطہ دئیے پا، ہتّھ جوڑ کے سیِس نِوائیا۔ پربھوُ لوک مات ویکھ لےَ ساڈا تھاں، تھان تھننتر دھیان لگائیا۔ سانوُں دھرم دی بنائے کوئی نہ ماں، ممتا دیِن دُنی چُکائیا۔ کلجُگ جیِواں بُدھی ہوئی کاں، کاگ وانگ کُرلائیا۔ تیرا جپے کوئی نہ ناں، ناؤں نِرنکار ہِردے سکے نہ کوئے وسائیا۔ سب دے مستک لگّی شاہ، شہنشاہ کوُڑی کِریا نہ کوئے گوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ رکھائیا۔ نارد کہے میَں جُگ چؤکڑی رہیا پِھردا، سَتجُگ تریتا دواپرکلجُگ ویکھ وکھائیا۔ میَں پھولنہارا ہر دا ہِردا، ہر گھٹ ویکھنا چائیں چائنیا۔ کملیؤ امرت جھِرنا کِسے اندر موُل نہ جھِردا، نابھی کَول نہ کوئے ٹپکائیا۔ ایس ویلے پریمی نظر آئے نہ کوئی دُھر دے پِر دا، پیِیا پریِتم مِلن کوئے نہ پائیا۔ سادھ سنت واسی دِسدا نہیں کوئی گھر تِھر دا، سچکھنڈ چڑھن کوئے نہ پائیا۔ اوہ ویکھ لؤ کلجُگ کوُڑی کِریا گیڑا گِڑدا، لکھّ چؤراسی رہیا بھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دے حُکم وِچ جُگ چؤکڑی انتم نِبڑدا، لہنے سب دے ویکھ وکھائیا۔
۲۹ جیٹھ شہنشاہی سمت ۱۱ پیارے لال دے گرِہ پِنڈ سیئی کلاں پِنڈ کلوئے ضِلع جموں
نارد کہے گنگا گوداوری جمنا سُرستی میَنوُں نِرمل کر لیَن دیؤ بُدھ، بُدھ مہاتما گیا جنائیا۔ تُسیں اپنی اپنی سمبھالو سُدھ، سَت دھرم وِچ لؤ انگڑائیا۔ بِن لتّاں باہواں خوشی وِچ لؤ کُد، قُدرت دا قادر ویکھو چائیں چائنیا۔ جِس نے کلجُگ انتم بدل دینا جُگ، جُگتی اپنے ہتّھ رکھائیا۔ سب دی اؤدھ گئی پُگ، اَگے اوَر نہ کوئے ودھائیا۔ امرت رس سیِر رہنا نہیں دُدھ، دُدھی دھار نہ کوئے وہائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ چارے کہن ناردا سو پُرکھ نِرنجن اِک مناواں گی۔ ہرِ پُرکھ نِرنجن سیِس نِواواں گی۔ ایکنکارا اِشٹ رکھاواں گی۔ آد نِرنجن نوُر رُشناواں گی۔ ابناشی کرتا ویکھ وکھاواں گی۔ سِری بھگوان در سُہاواں گی۔ پاربرہم کھوج کُھجاواں گی۔ سَتگُر شبد سنگ نِبھاواں گی۔ جِس دا اگمّی چڑھنا رنگ، رنگت کوُڑی کلجُگ لاہوانگی۔ ساچی وست لَواں منگ،
مانگت ہو کے جھولی ڈاہوانگی۔ تُوں صاحِب سوُرا سربنگ، تُدھ بِن اِشٹ نہ کوئے رکھاواں گی۔ بے شک میَں پانی دھار گنگوتری گنگ، جمنا تیرا روُپ اکھواواں گی۔ سُرستی دینا اوہ انند، گوداوری تیری گنڈھ بندھاواں گی۔ تیرا سریِر نہیں کوئی تت پنج، پنچم میِتے تیری اوٹ تکاواں گی۔ میری نیتر وگے انجھ، ہنجھوُاں نیِر وکھاواں گی۔ میرے دیِن دَیالے میرا دینا سنگ، سگلا سنگی تَینوُں بناواں گی۔ کلجُگ کوُڑ کُڑیارا لوک مات رہن نہیں دینا ملنگ، مؤلا ڈوری تیرے ہتّھ پھڑاواں گی۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگاواں گی۔ گنگا گوداوری جمنا سُرستی دھار ہو کے آس رکھاواں گی۔ مِل کے پرم پُرکھ شاہو شاباش، شہنشاہ اپنا سیِس نِواواں گی۔ تُوں مالک پرِتھمی آکاش، گگن گگننتر تیرے ویکھ وکھاواں گی۔ تیرے منڈل تکاں راس، تیرا گوپی کاہن ہو کے سنگ نِبھاواں گی۔ تُوں دینا نوُر جوت پرکاش، تیری آس تکاواں گی۔ کلجُگ کوُڑی کِریا کرنی ناس، ناستکاں تیری جھولی پاواں گی۔ سَتجُگ سچ کرنا واس، واسطہ تیرے چرن ٹِکاواں گی۔ تُوں شہنشاہ شاہو شاباش، سَتگُر تیری اوٹ رکھاواں گی۔ میرا میلا نال شنکر کَیلاش، برہمے اپنا بھیوَ کُھلاواں گی۔ وِشنوُں اَگے کر ارداس، وِشوَ دا پڑدا آپ چُکاواں گی۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی منگ منگاواں گی۔ آسا کہے میَں ہوئی منگن یوگ، جُگتی نارد دینی دِرڑائیا۔ جِس وِچ چِنتا رہے کوئی نہ سوگ، غمی غم خوار دئے مِٹائیا۔ دُنیاداری دا دِسے کوئی نہ روگ، دُکھ درد نہ لاگے رائیا۔ پربھوُ دے پیار دا ہووے نہ کدے وِجوگ، وِچھوڑے وِچ وِچھڑ کدے نہ جائیا۔ سد مانا اُس دی مؤج، مجلس بھگتاں نال رکھائیا۔ جِس کلجُگ میٹنی اؤدھ، کوُڑی کِریا پندھ مُکائیا۔ سب دا ہِردا دیوے سودھ، سُدھ اپنی اِک سمجھائیا۔ بُدھی توں پرے حُکم دسےّ اگادھ بودھ، شبدی شبد ناد شنوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جو آد جُگاد سب دا کٹے وِجوگ، سنجوگ دُھر دا اِک سمجھائیا۔
۳۰ جیٹھ شہنشاہی سمت ۱۱ کُلونت سِنگھ دے گرِہ پِنڈ سیئی کلاں ضِلع جموں
گوداوری کہے میَں سیِس نِواواں ہتّھ بدھّی، بندنا کر کر سیِس نِوائیا۔ سچ پیار مستی وِچ ہوواں مدھی، مدُھر دُھن ڈھولے گاواں چائیں چائنیا۔ میرا صاحِب سوامی میَنوُں ملِے یدی، یدی جدپ اپنی دَیا کمائیا ۔ میری پوِتر ہووے ندی، وہناں دی دھار خوشی بنائیا۔ میَں وی تکدی رہی دُھر دے حُکم والی صدی، سدیوی اپنا سنگ بنائیا۔ میرا مالک جو دیونہارا دُھر دی پدی، پت پرمیشور بےپرواہیِا۔ پر اوہ لوک مات آؤندا کدی کدی، قُدرت دا مالک دُھردرگاہیِا۔ جو جُگ چؤکڑی پِچھلی کیِتی کرے ردّی، اگلا اپنا حُکم ورتائیا۔ میرے وِچوں کوُڑ کُڑیار دی کڈھے بدی، بدکاراں ڈیرہ ڈھاہیِا۔ میَں اُس دا نوُر ویکھاں الاہی ربّی، جوتی جاتا دھیان لگائیا۔ جِس دا میلا ہووے نال سببی، جوڑ جُڑائے چائیں چائنیا۔ ساڈی لیکھےلاوے پسلی ہڈّی، استھیِاں جگت ویکھ وکھائیا۔ میَں راہ تکاں چُک کے اڈّی، آپ اپنا بَل پرگٹائیا۔ جِس دی آشا جُگ چؤکڑی موُل نہ چھڈی، سد ہوَساں وِچ وقت لنگھائیا۔ اوہ دُھر دوار نِشانہ دیوے گڈّی، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ گوداوری کہے میَں درس پاواں اکھّیِاں، نیَن نیَن بِگسائیا۔ خوشیاں حال دسّاں اپنیِاں سکھیِاں، سوہنے راگ دِرڑائیا ۔ میرا مالک الکھ الکھیا، الکھ اگوچر اِک اکھوائیا۔ جو ککھّوں کرے لکھّیِاں، قیِمت اپنے ہتّھ رکھائیا ۔ میَں اوسے دے چرناں وِچ وسیِاں، واسطہ اوَر نہ کوئے رکھائیا۔ اوسے دے ڈھولے گاواں جسیِاں، صِفتی صِفت صالاحیِا۔ جِس میری رَین اندھیری میٹنی مسّیا، نوُری چند چند چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ گوبِند کہے جِس ویلے میرا صاحِب سوامی پُجے، پوُجن یوگ سیِس نِوائیا۔ میرے بھاگ ہونے اُگھے، اُگھن آتھن ملِے وڈیائیا۔ میَنوُں بھیوَ دسےّ گُجھے، جو چار جُگ نہ کوئے سمجھائیا۔ میرے بھاؤ مِٹنے دوُجے، دویَتی رہن کوئے نہ پائیا۔ میَنوُں اِکو دوارا سُجھے، جِس گرِہ ملِے دُھر دا ماہیِا۔ میری آشا نچّے ٹپّے اُچھلے کُدے، بھجےّ واہو داہیِا۔ میَں پِھراں اُتے بسُدھے، اپنا قدم ٹِکائیا۔ میرا لیکھا مُک جائے کلجُگے، جُگ چؤکڑی رہن نہ پائیا۔ میَں خوشیاں نال اُٹھاواں بُھجے، بہیِا دیاں وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ گنگا کہے گوداوری اُنھ آؤنا پہلاں میرے گھاٹ، اپنی خوشی بنائیا۔ تُساں ڈھولے گاؤنے بن کے بھاٹ، سوَئیے
دھاراں والے پرگٹائیا۔ نالے ویکھنے دیِن دُنی دے کنچن کایا ماٹ، مٹکے پھول پُھلائیا۔ میری اِکو خوشیاں والی بات، باطن دیاں سمجھائیا۔ جِس نے نِرگُن دھار جوڑنا نات، رِشتہ اپنے نال رکھائیا۔ میَں ویکھاں بَیٹھ اِکانت، بِن اکھّاں اکھّ اُٹھائیا۔ اوہ بخشے بوُند سوانت، امرت رس چوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ سمجھائیا۔ جمنا کہے میَں وی رکھیِاں وڈّیاں آسا، اصل دیاں جنائیا۔ میَنوُں صاحِب اُتے بھرواسا، جو بھرم دئے مِٹائیا۔ جو مالک سرب گُناں گُنتاسا، گُنونتا اِک اکھوائیا۔ میرے پوُرے کرے پوَن سواسا، ساہ ساہ جو اُس دا نام دِھیائیا۔ میَنوُں یاد کراوے پوُرب کاہن والیِاں راسا، گوپیِاں گوپال اپنا رنگ رنگائیا۔ جِس دیِن دُنی دا بدل دینا پاسا، پاسا جگت جُگت اُلٹائیا۔ میَں خوشیاں نال کراں ہاسا، ہستی تک دُھردرگاہیِا۔ پِھر اِشارہ دیواں شنکر کَیلاشا، کلادھاری دیاں دِرڑائیا۔ آہ تک نِرگُن نوُر جوت پرکاشا، جوتی جاتا ڈگمگائیا۔ جِس دیِاں اسیں ساریِاں خواہشاں، شاخاں، وہنا والے پانی روُپ بدلائیا۔ اوہ دیونہار آپ دِلاسا، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ساڈا انتر ہون نہ دیوے اُداسا، چِنتا غم رہن نہ پائیا۔
۳۰ جیٹھ شہنشاہی سمت ۱۱ پریمی دیوی دے گرِہ پِنڈ سیئی کلاں ضِلع جموں
نارد کہے میریاں گلّاں سُنو کراریاں، اِقرارنامیاں والیو دیاں جنائیا۔ تُسیں کِس بِدھ پربھ دے آؤن تے کرو تیاریاں، ترےَگُن دا پندھ مُکائیا۔ کوَن روُپ تن کرو شِنگاریاں، سوہنا رنگ رنگائیا۔ کوَن رستے پھیرو بہاریاں، راہ سُتھرا صاف بنائیا۔ کوَن کُنبھ پھڑو بن گھُمیاریِاں، پنگھٹ ڈیرے لائیا۔ میَنوُں دسّنا نال ہوشیاریِا، سہج نال سُنائیا۔ اوہ پُرکھ اکالا دیِن دَیالا جِس دا انت نہ پاراواریا، بےانت اِک اکھوائیا۔ تُسیں جُگ جُگ کھیل کھیلیا نال سنساریِاں، سادھاں سنتاں براہمناں سنگ بنائیا۔ تُہانوُں پتہ نہیں کِس بِدھ گھر آوے شہنشاہ سِکداریا، پاتشاہ دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ نارد کہے تُہاڈا کیہڑا ہووے لباس، لباں نال بول کے دیؤ جنائیا۔ کیہڑا ہووے پرکاش، کوَن نوُر رُشنائیا۔ کوَن ہووے سواس، ساہ ساہ ڈھولے گائیا۔ کلجُگ آشا
ہووے تُہاڈے پاس، میَنوُں دیؤ سمجھائیا۔ میَنوُں تُہاڈے اُتے اجے نہیں وِشواس، سچ سچ دیاں سُنائیا۔ تُہاڈا امرت جگت بھردا رہیا وِچ گلاس، کلساں ونڈ ونڈائیا۔ تُہاڈا ودھدا رہیا حواس، ہوَس وِچ دُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ نارد کہے سُن گنگی تُوں سب توں دِسیں لمبی، تیرا تن وجوُد سوبھا پائیا۔ اپنی پِچھلی تک لےَ سندھی، قؤل اِقراراں نال مِلائیا۔ تیرے اُتے کی پابندی، پُرکھ اکالا حُکم کی دِرڑائیا۔ تیرے اُتے تٹ کنارے تیِرتھ پنجھی، پنجاں والیئے دیاں دِرڑائیا۔ تیرے کول کیہڑی خوُبی چنگی، چنگی طرح دے سمجھائیا۔ میَں کلجُگ نِگاہ ماری تیرے سیِس مینڈھی دِسی ننگی، اوڈھن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اپنا بھیوَ چُکائیا۔ نارد کہے جمنا سُرستی تُہاڈا کیہڑا ہووے ویس، میَنوُں دیؤ سمجھائیا۔ تُساں کیہڑے مِلنا دیس، دِشا کیہڑی سوبھا پائیا۔ کِس بِدھ تکنا نر نریش، نر نرائن دُھردرگاہیِا۔ جو ساجن رہے ہمیش، سَتگُر شبد شبد اکھوائیا۔ جِس کلجُگ کوُڑی کِریا میٹنی کلیش، مل موُتر ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے گوداوری گوبِند آؤنا کیہڑے روُپ، بھیوَ دینا چُکائیا۔ کی تکیں سَت سروُپ، درشن کریں دُھر دے ماہیِا۔ اَگوں گوداوری ہو گئی چُپ، رسنا جِہوا نہ کوئے ہِلائیا۔ میَں ویکھ نہ سکاں اُس دا بُت، بُتخانیاں وِچ نظر نہ آئیا۔ اوہدا میلا ہونا نال ابناشی اچُت، پاربرہم مِل کے وجے ودھائیا۔ جو میری سُہنجنی کرے رُت، در آوے دیوے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مارگ اِک درسائیا۔ نارد کہے پربھوُ دے آؤن دی سب نوُں تانگھ، ترِسنا ہوَس جگت رکھائیا۔ سب دی پریم پیار دی مانگ، مانگت ہو کے جھولی ڈاہیِا۔ تُہاڈی تڑپھدی پانی والی کانگ، لہر لہر وِچوں بدلائیا۔ اُچی کوُک کے مارے چانگھ، دیوے سچ دُہائیا۔ کوَن ویس کرکے آوے ماہی اپنا سوانگ، سوانگی روُپ بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُہاڈا لہنا دینا لیکھا ویکھے بِن سوُریہ چاند، چند چاندنا اپنا اِک چمکائیا۔
۳۰ جیٹھ شہنشاہی سمت ۱۱ جالندھر سِنگھ دے گرِہ پِنڈ سیئی کلاں ضِلع جموں
نارد کہے گنگا گوداوری جمنا سُرستی میرا جی کردا تُہاڈے نال ماراں گپّاں، کلجُگ دا رنگ دیاں وکھائیا۔ تُسیں پُرکھ اکال دیِن دَیال نال وعدہ کر لؤ پکاّ، پکّی طرح دِرڑائیا۔ ایہہ ول چھل دھاری کُجھ نہیں لگدا پتہ، پتناں تے بَیٹھیؤ تُہانوُں سمجھ کُچھ نہ آئیا۔ ایہدا پتہ نہیں کِڈا لارا تے کِڈا لّپا، لاریاں وِچ جُگ چؤکڑی دئے لنگھائیا۔ باہروں باہروں سب نوُں کہہ دیندا اچھّا، اچھی طرح دِرڑائیا۔ تُسیں ایَویں خوشیاں وِچ نہ مارو کچّھاں، نچّو کُدو ٹپّو تھاؤں تھائنیا۔ اِک ویراں پھیر کر لؤ پتہ، پت پرمیشور اَگے واسطہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے نی ایس دے آؤن دے انیک راہ، تُہانوُں دیاں سمجھائیا۔ تُسیں ایَویں نہ اندر رکھیو چاء، چاؤ گھنیرا گھر بنائیا۔ پہلوں میَتھوں لؤ صلاح، مشورہ سچ دیاں سمجھائیا۔ پربھ اَگے بیننتی پھیر کرو سیِس نِوا، دوئے جوڑ واسطہ پائیا۔ پربھوُ سچ دسّ کِس بِدھ جاویں آ، اپنا پھیرا پائیا۔ ایہہ بڑا بے پرواہ، بے پرواہی وِچ سمائیا۔ جے ایس دا دِل کیِتا تے ایس شبد وِچ اپنا کھیل دینا ورتا، تتاں والا سریِر نظر کوئے نہ آئیا۔ تُہانوُں راتیں سُتیاں نوُں نال بھگت دئے وکھا، سوہنے اپنے سنگ رکھائیا۔ جے نیتر کھولوگیِاں تے تُہانوُں دِسنا کُجھ نانہہ، پھیر چاروں کُنٹ حَیرانی حَیرانی وِچوں نظری آئیا۔ میَں براہمن پُرانا سب کُچھ جان دا ہاں، ہاں وِچ ہاں مِل کے ہاں نہ کدے رکھائیا۔ میَنوُں سوہے اوہ کپلا گاں، جِس دی کپل مُنی آشا گیا رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جاننہارا تھاؤں تھاں، تھان تھننتر دیونہار وڈیائیا۔
۳۰ جیٹھ شہنشاہی سمت ۱۱ پُنوُ رام دے گرِہ پِنڈ سیئی کلاں ضِلع جموں
نارد کہے پربھوُ نوُں خوشیاں نال مناؤ، منسا من دی دوُر کرائیا۔ مستک زِمیں اُتے گھساؤ، آپ اپنا مان مِٹائیا۔ نک رگڑ کے سیِس جھُکاؤ، ڈنڈاوت اپنی اِک رکھائیا۔ دھوُڑی بُلاں نال چُھہاؤ، سُرخی لوڑ رہے نہ رائیا۔ ساہ ساہ اپنے اندر دھیاؤ، سواساں وِچ سمائیا۔ نیتر نیَناں نیِر وہاؤ، چھہبر دیؤ لگائیا۔ گل پلّوُ پا کے واسطہ پاؤ، پاربرہم تیری اوٹ تکائیا۔ تُوں آؤنا ساڈے سچ گراؤں، گرِہ مندر دینی
وڈیائیا۔ اسیں تیرا جپیئے ناؤں، نر نِرنکار تیری اوٹ تکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ نارد کہے ساریِاں اندروں چھڈو مان، نِمانیِاں ہو کے سیِس نِوائیا۔ بِنا نیتراں چرن کرو دھیان، بِن اکھّاں اکھّ بدلائیا۔ بِن مُکھو کہو سِری بھگوان، ہرِ کرتے تیرے ہتّھ وڈیائیا۔ اسیں بالی بُدھ اَنجان، ساڈی چلے نہ کوئے چتُرائیا۔ اسیں پانی دا وہن ٹِلیاں ٹِبیاں والا گاہن، بھجیئے واہو داہیِا۔ تُوں مالک سوامی ساڈا اِک مہان، مہما تیری وڈ وڈیائیا۔ ساڈی بیننتی کر پروان، پُنہ پُنہ سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا در آپ سُہائیا۔ نارد کہے پرم پُرکھ نوُں خوشیاں وِچ رُجھاؤ، ریجھاں پوُر جو اکھوائیا۔ تن من سیِس خوشی بناؤ، اگنی اگّ نہ لاگے رائیا۔ دُتیا بھاؤ دوُر کراؤ، دویَت رہن کوئے نہ پائیا۔ بیننتی چرناں وِچ ٹِکاؤ، ٹِکّے دھوُڑی خاک رمائیا۔ اِکو منّو پِتا ماؤں، دوُجا نظر کوئے نہ آئیا۔ نالے ڈھولا گاؤ واہو واہو، واہِگُروُ تیرے ہتّھ وڈیائیا۔ بے شک اسیں پانی دا وہن دُنیا سانوُں کہے دریاؤ، تھل اسگاہاں وِچ اپنا جھٹ لنگھائیا۔ تُوں انت کنت بھگوَنت سانوُں پکڑنا باہوں، سِر ساڈے ہتّھ ٹِکائیا۔ کلجُگ انت تیرے ہتّھ نِیاؤں، عدل اِنصاف دینا کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا لیکھا اگمّ اتھاہو، الکھ اگوچر کہن کِچھ نہ پائیا۔
۳۰ جیٹھ شہنشاہی سمت ۱۱ روشن لال دے گرِہ پِنڈ سیئی کلاں ضِلع جموں
نارد کہے سَتگُر شبد دی لؤ گواہی، شہادت گوبِند دھار بُھگتائیا۔ تُہاڈے در آوے دُھر دا ماہی، محبوُب اگمّ اتھاہیِا۔ تُسیں مِلنا چائیں چائیں، چاؤ گھنیرا اِک پرگٹائیا۔ اسیں اپنی آسا منسا چرن دینی ٹِکائی، سہج نال رکھائیا۔ اوہ مِہربان ہووے مِہر نظر تکائی، نیَن نیَن نال بدلائیا ۔ تُہاڈی خالی جھولی دئے بھرائی، بھرِسٹاچار وِچوں باہر کرائیا۔ جلدھارا کرے صفائی، صفحہ ہستی رنگ رنگائیا ۔ تُساں گُن گاؤنا چائیں چائیں، چاؤ گھنیرا اِک بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ سچ سوامی دَیا کماویگا۔ دیِن دَیال کھیل کھِلاویگا۔ گُر گوپالا ویکھ وکھاویگا۔ بھگت رکھوالا پھیرا پاویگا۔ در سُہنجنا اِک سُہاویگا۔ تٹ کنارے
سوبھا پاویگا۔ گھاٹاں پتناں پڑدا لاہویگا۔ تُہاڈا بھنڈارا بھرے سکھنا، وست امُل آپ ورتاویگا۔ تُساں وقت سُہنجنا یاد رکھنا، بُھل وِچ نہ کدے بُھلاویگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا در اِک وڈیاویگا۔ ساچا در اِک وڈیاویگا۔ پُرکھ ابناشی چرن ٹِکاویگا۔ گھٹ نِواسی سوبھا پاویگا۔ منڈل راسی کھیل وکھاویگا۔ پرِتھمی آکاشی پندھ مُکاویگا۔ دُھر دا سوہنا چھند دِرڑاویگا۔ نوُری چند چند رُشناویگا۔ تُہاڈا بند بند ویکھ وکھاویگا۔ نِجھروں اپنا دے انند، انند انند وِچوں پرگٹاویگا۔ ضرور مار کے آوے پندھ، پاندھی ہو کے پھیرا پاویگا۔ جگت جہان دی منزل لنگھ، در دوارا اِک وڈیاویگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ساچا سنگی ہو کے دُھر دا سنگ نِبھاویگا۔
۳۰ جیٹھ شہنشاہی سمت ۱۱ پوُرن سِنگھ دے گرِہ پِنڈ سیئی کلاں ضِلع جموں
نارد کہے سَتگُر شبد ہبھ آشا کرنیاں پوُریاں، در تیرے منگ منگائیا۔ راہ تکن چنّ سوُریہ، منڈل اکھّ اُٹھائیا۔ تُوں آؤنا گرِہ ضروریا، ضرورت سب دی ویکھ وکھائیا۔ تیرا پرکاش ہووے نوُریا، نوُر نوُرانہ ڈگمگائیا۔ تُوں سرب کلا بھرپوُریا، بھرپوُر رہیا سرب ٹھائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ سَتگُر شبد تیرے ہتّھ وڈیائی، وڈ وڈّا اِک اکھوائیا۔ لیکھا سب دا پوُر کرائی، پرم پُرکھ حُکم ورتائیا۔ پندھ مار کے آؤنا تھل اسگاہی، اَگے ہو نہ کوئے اٹکائیا۔ گنگا گوداوری جمنا سُرستی تیری بنت بنائی، گھڑن بھنّنہار اِک اکھوائیا ۔ امرت دھارا جِس نے وہن وہائی، اپنا رنگ رنگائیا۔ انت اوہ میٹن والا شاہی، دُرمت میَل میَل دھوائیا ۔ تُوں سب دا بننا حق گوسائیں، سِر سِر ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ سَتگُر شبد کرنی مِہربانی، مِہر نظر اُٹھائیا۔ ساڈی آشا تک پُرانی، جُگ چؤکڑی پوُرب ویکھ وکھائیا۔ گنگا گوداوری جمنا سُرستی کرے کی نِمانی، نِمرتا وِچ بہہ بہہ سیِس نِوائیا۔ تُوں آد جُگادی جان جانی، جاننہار اِک اکھوائیا۔ تَینوُں پَیغمبراں منّیا پِتا
اسمانی، درگاہ ساچی سوبھا پائیا۔ تُوں ساڈا لیکھے لاؤنا آون جانی، جو در تیرے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم آپ ورتائیا۔ نارد کہے سَتگُر شبد سب دا میٹنا بھرم، بھانڈا بھرم وِچوں بھنّائیا۔ جھگڑا رہے نہ کایا ماٹی چرم، چمّ درِشٹی دینی بدلائیا۔ ساریِاں تیری آئیاں سرن، اوٹ تیری اِک تکائیا۔ اندرے اندر تَیتھوں ڈرن، بھے وِچ بَیٹھیِاں سیِس جھُکائیا۔ تُوں لیکھا جانیں چوٹی جڑن، چیتن تیرے ہتّھ وڈیائیا۔ تُوں مالک گھاڑن گھڑن، بھنّنہار آپ ہو جائیا۔ در آئیاں ساچی دینی سرن، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، بھاگ لگاؤنا ساچے گھرن، گرِہ گرِہ آپ سُہائیا۔
۳۰ جیٹھ شہنشاہی سمت ۱۱ بھگوان سِنگھ دے گرِہ پِنڈ سیئی کلاں ضِلع جموں
سَتگُر شبد کہے میَں سوُربیِر سُلطان، یودھا دو جہان اکھوائیا۔ آد جُگادی حُکمران، جُگ جُگ اپنا حُکم ورتائیا۔ سَت سچ دا دیونہارا دان، وست انمُل اتُل ورتائیا۔ سچکھنڈ نِواسی بن پردھان، دیِن دُنی کھیل کھِلائیا۔ میرا سب توں وکھرا وِدھان، جِس دی ترمیِم نہ کوئے کرائیا۔ میَں آد انت دا اِک حُکمران، دوُجا نظر کوئے نہ آئیا۔ میَنوُں جھُکدے وِشن برہما شِو دیوت سُر زِمیں اسمان، اوتار پَیغمبر گُر نِو نِو لاگن پائیا۔ چار جُگ دے شاستر میرا دین گیان، صِفتی بن کے صِفتی ڈھولے گائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سَتگُر شبد کہے گنگا گوداوری جمنا سُرستی دینا دسّ، دہ دِشا باہر دھیان لگائیا۔ کلجُگ میٹاں رَین اندھیری مس، مسل دیواں خلق خُدائیا۔ سچ دوار آواں نسّ، بھجّاں واہو داہیِا۔ امرت بھنڈارا دیواں رس، بِن رسنا رس چکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے میَں سب دا آد جُگادی کنت، کنتُوہل اِک اکھوائیا۔ نِرگُن دھار بناواں بنت، گھڑن بھنّنہار ہوواں بےپرواہیِا۔ میرا آد جُگادی اِکو منت، اِکو سِکھیا سچ سمجھائیا۔ میرے
روُپ انوُپ اگنت، اوتار پَیغمبر گُروُ گئے سمجھائیا۔ انت سب توں وکھری بنائی اپنی بنت، جگ نیتر نظر کِسے نہ آئیا۔ تُوں نِگاہ مار لےَ نارد بن کے بودھ اگادھا پنڈت، براہمنا برہم توں باہر دھیان لگائیا۔ میرا لہنا دینا نال جیِو جنت، لکھّ چؤراسی وِچ سمائیا۔ انت سب دی منّاں مِنّت، آشا ویکھاں تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرئن نر، مہاراج شیرسِنگھ وِشنوُں بھگوان، سب دی میٹنہار چِنت، چِنتا چِکھا رہن کوئے نہ پائیا۔
۳۰ جیٹھ شہنشاہی سمت ۱۱ کھیم کؤر دے گرِہ پِنڈ سیئی کلاں ضِلع جموں
سَتگُر شبد کہے جن بھگتو تُہانوُں پربھوُ دی دھار مِل گئی سستی، قیِمت جگت نہ کوئے رکھائیا۔ خوشیاں وِچ چڑھی مستی، مست دیوانے روُپ بدلائیا۔ تُہاڈے اندر وسدی گنگا گوداوری جمنا سُرستی، باہر کھوجن دی لوڑ رہی نہ رائیا۔ تُہاڈی آشا اُس نال ہسدی، جو ہستی دا مالک نوُر الاہیِا۔ تُہانوُں خبر اگمّی دسدی، دہ دِشا توں باہر سُنائیا۔ ہُن گھڑی نہیں رہنی وکھ دی، وکھری ونڈ نہ کوئے ونڈائیا۔ تُہاڈی لو ہونی نِج نیتر اکھّ دی، پرکاش پرکاش پرکاش وِچوں سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سَتگُر شبد کہے جن بھگتو تُہاڈا دھرم دھار دا پیار، پریمیؤ پریِتم نال مِل کے وجی ودھائیا۔ تُہاڈا اندر امرت رس ٹھنڈا ٹھار، تٹاں تیِرتھاں کھوجن کوئے نہ جائیا۔ پُرکھ اکالا دیِن دَیالا تُہاڈی پاوے سار، مِہربان ہو کے ویکھے چائیں چائنیا۔ تُسیں نِرگُن دھار جوتی جاتے کرنا دیِدار، پُرکھ بِدھاتے مِلنا تھاؤں تھائنیا۔ سو صاحِب سوامی انترجامی تُہاڈا لہنا دینا دیوے وِچ سنسار، لوک مات دیِن دُنی رہن کِچھ نہ پائیا۔ جِس دا لیکھا کاغذ قلم نہ لِکھنہار، عقل بُدھی چلے نہ کوئے چتُرائیا۔ سو سوامی تُہاڈا میِت مُرار، مِتر پیاریو دیاں سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ سَتگُر شبد کہے جن بھگتو تُہاڈے اندر پوَن پانی، بسنتر مِل کے وجے ودھائیا۔ تُہاڈے اندر سَتگُر شبد بانی، بان انیالا تیِر چلائیا۔ تُہاڈے اندر تُہاڈی مہما اکتھ کہانی، کتھنی کتھ نہ سکے رائیا۔
تُہاڈے اندر تُہاڈی سچ نِشانی، گرِہ مندر سوبھا پائیا۔ تُہاڈے گھر تُہاڈی منزل روُحانی، روُح بُت مِل کے وجے ودھائیا۔ تُہاڈے گرِہ تُہاڈا پِتا اسمانی، پرم پُرکھ بَیٹھا آسن لائیا۔ جو لہنا دینا جانے دو جہانی، نِرگُن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی سب دا بانی، بان انیالا تیِر اپنا حُکم چلائیا۔
۳۰ جیٹھ شہنشاہی سمت ۱۱ راجا سِنگھ دے گرِہ پِنڈ سیئی کلاں ضِلع جموں
جن بھگتو تُہاڈی منزل حق روُحانی، رام پیار وِچ رام وِچ سمائیا۔ تُہاڈا لیکھا نہیں نال زمیِن اسمانی، تن وجوُد نہ ونڈ ونڈائیا۔ تُہاڈا مالک خالق تُہاڈے اُتے کرے مِہربانی، مِہربان مِہر نظر اُٹھائیا۔ تُہاڈا لہنا دینا مکُے چارے کھانی، چارے بانی اپنا حُکم سُنائیا۔ لوڑ نہ رہے کِسے تیِرتھ اٹھسٹھ پانی، گنگا گوداوری جمنا سُرستی آس نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی وست آپ ورتائیا۔ جن بھگتو امرت رس تُہاڈی نِجھر دھار، بوُند سواتی آپ ٹپکائیا۔ تُہاڈا جنم مرن دئے سوار، پَیج رکھے تھاؤں تھائنیا۔ سچ سمجھا کے دھرم دوار، دھرم دی دھار نال بندھائیا۔ تُہانوُں کرکے خبردار، سُتیاں لیا اُٹھائیا۔ دے کے نام ادھار، اُدر دا لیکھا دِتا مُکائیا۔ تُہاڈا لہنا دینا انت نال کرتار، قُدرت دا قادر اپنے انگ لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک ہوئے سہائیا۔ جن بھگتو تُہاڈا جنم کرم دا لہنا گیا اُتر، اُتّر پوُرب پچھّم دکھّن ونڈ نہ کوئے رکھائیا۔ تُسیں اُس پربھوُ دے پُتر، جِس نوُں جنمے کوئے نہ مائیا۔ جِس تُہانوُں چُکیا کُچھڑ، گودی گود لیا ٹِکائیا۔ تُہاڈا بھاؤ رہیا نہ دُتر، دُتیا دِتا مُکائیا۔ قؤل اِقرار کرکے جائے نہ مُکر، وعدہ سچ سچ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، نؤ کھنڈ پرِتھمی ستّ دیِپ دو جہاناں ویکھے قُطر، قُطب دا لیکھا اپنے ہتّھ رکھائیا۔
۳۰ جیٹھ شہنشاہی سمت ۱۱ بیلا سِنگھ دے گرِہ پِنڈ سیئی کلاں ضِلع جموں
نارد کہے جن بھگتو تیِرتھ تٹاں توں بھگتی ہو گئی بھگؤڑی، اپنا آپ آئی بدلائیا۔ خالی ہو گئی ہرِ کی پؤڑی، ہری ہرِ رنگ نہ کوئے رنگائیا۔ دیِن دُنی دی آشا دِسے کؤڑی، کُڑّتن بھری لوکائیا۔ ہوکا دیوے بہُڑی بہُڑی، تیرا نام دُہائیا۔ تیری منزل بڑی لمی چؤڑی، چار کُنٹ پندھ نہ کوئے مُکائیا۔ میری آیوُ بیِتی تھوڑی، بہُتی نظر کوئے نہ آئیا۔ پُرکھ اکالے دیِن دَیالے میَنوُں تیری لوڑی، لُڑیِندے ساجن دینی وڈیائیا۔ سَتگُر شبد کِہا تیری بھگتاں نال بناواں جوڑی، سوہنا سنگ بنائیا۔ جیہڑے چڑھے پریم دی گھوڑی، واگاں سَتگُر ہتّھ پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ بھگتی کہے پربھوُ دے بھگت سدا ہُندے بھولے، بھلی گلّ اِکو اوہناں دے اندر آئیا۔ اوہ سُتے جاگدے گاؤندے سوہلے، سُرتی شبد وِچ سمائیا۔ اوہناں دے دُنیا نالوں وکھرے ڈھولے، گیِت گاؤندے دُھر دے ماہیِا۔ میَں سدا اوہناں دے وسدی کولے، اِکلّی بَیٹھی نظر کِسے نہ آئیا۔ میَنوُں ویاہیا نہیں کِسے دیِن دُنی دے ڈولے، کہاراں پندھ نہ کوئے مُکائیا۔ میَں جدوں وسی وسی بھگتاں کایا چولے، اندر وڑ کے اپنا آسن لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ بھگتی کہے میَں بھجیّ نال زور، جوروُ زر دوویں آئی تجائیا۔ میرے اندر فُرنا پُھریا پھور، پُھرتی نال دِتا سُنائیا۔ نی تیِرتھ تٹاں اُتے بَیٹھے ٹھگ چور، کوُڑ کُڑیار ڈیرہ لائیا۔ ایتھے ریِتی بن گئی ہور دی ہور، ہور دا ہور روُپ بدلائیا۔ پانی دیِاں دھاراں وِچ ہویا اندھ گھور، ساچا چند نہ کوئے چمکائیا۔ بھگتیئے تیری پریم وِچ بنّھے کوئی نہ ڈور، کنّی گنڈھ نہ کوئے رکھائیا۔ جا ایس ویلے جن بھگت سُہیلے لوڑ، جو پربھ دے وِچ سمائیا۔ میَں اپنی منسا جگت کِناریاں ولّوں لئی موڑ، بھجیّ واہو داہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ بھگتی کہے بھگتاں اندر نہیں وِدیا راگ، وِدت روُپ نہ کوئے بنائیا۔ نہیں دیِن دُنی دا سماج، سمگری جگت نہ کوئے رکھائیا۔ میَں اکھّیں ویکھیا آج، بھجیّ واہو داہیِا۔ حَیران ہو گئی جِنہاں دی پربھوُ رکھے لاج، سِر اپنا ہتّھ ٹِکائیا۔ اوہناں دے اندروں اِکو پریم دی نِکلے آواز، تُوں ہی تُوں ہی راگ الاہیِا۔ میَں سُتی گئی جاگ، نیتر اکھّ کُھلائیا۔ خوشیاں وِچ ہو گئی باغ باغ، باغ باغیچہ بھگت سُہیلے تکے دُھر دا ماہیِا۔ میری جگت کوُڑ ترِسنا دی بُجھ گئی آگ، سانتک سَت سَت اپنا آپ
کرائیا۔ وڈّی دے وڈّے ہوئے بھاگ، وڈ وڈّا پایا بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میَنوُں پیائے حیاتے آب، امرت رس بِن رسنا رس چکھائیا۔
۳۰ جیٹھ شہنشاہی سمت ۱۱ بنتی دیوی دے گرِہ پِنڈ سیئی کلاں ضِلع جموں
بھگتی کہے جن بھگتو میرا سُنو فرمان، پربھوُ دے فرماں بردارو دیاں جنائیا۔ اپنا قائم کرو دھرم اِیمان، کوُڑی کِریا باہر کڈھائیا۔ پنجاں تتاں والیو پنچم اپنے گھر کرو پردھان، پنچم مِل کے وجے ودھائیا۔ تُسیں سارے مانَو ذاتی مانَس روُپ اِنسان، اوُچ نیِچ نظر کوئے نہ آئیا۔ تُہاڈا مالک اِکو دُھر دا کاہن، جو کاہن کاہنا حُکم سُنائیا۔ میَں اِک بیننتی دسّاں خوشیاں نال گا کے گان، ڈھولا دُھر دا دیاں دِرڑائیا۔ تُسیں بھگت سُہیلے اپنے مُکھ وِچوں اپنے نک نال لاؤ اپنی زبان، زبان دا رس رسنا وِچوں پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بھگتی کہے جن بھگتو ہو جاؤ سُنّ، سمادھی تُہاڈی نظر کِسے نہ آئیا۔ رسنا والیو بن جاؤ مُن، جگت بولن دی لوڑ رہے نہ رائیا۔ آوازاں سُنن والیو اپنے اندر سُنو دُھن، انادی دُھن کرے شنوائیا۔ اپنے آپ نوُں لؤ چُن، اپنا آپ لؤ پرگٹائیا۔ اپنے وِچ پرگٹ کرو ساچے گُن، گُن نِدھان مِلو چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ دئے رنگائیا۔ بھگتی کہے جن بھگتو اپنے اندر مار لؤ جھاکی، جھاکا رہن کوئے نہ پائیا۔ پردہ کھول کے ویکھو تاکی، کُنڈا بجر کپاٹ کُھلائیا۔ امرت جام پیاؤ بن کے ساقی، پیالہ نام ہتّھ اُٹھائیا۔ کوُڑ اندھیرا مِٹاؤ راتی، نِج نیتر لؤ چمکائیا۔ ساچا رام وساؤ وِچ سیِنے چھاتی، شتروُ پنج وِکار اندروں باہر کڈھائیا۔ تُہاڈی دھرم دی ہووے پربھاتی، سرگھی سندھیا ونڈ نہ کوئے ونڈائیا۔ درشن پاؤ اُس کملاپاتی، جو پت پرمیشور اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا کھیل سدا بہُہ بھانتی، ویس انیکا اپنا روُپ بدلائیا۔
۳۰ جیٹھ شہنشاہی سمت ۱۱ سیوا سِنگھ دے گرِہ پِنڈ سیئی کلاں ضِلع جموں
نارد کہے بھگتیئے تُوں کِتھوں آئی شتابی، جلدی جلدی اپنا پندھ مُکائیا۔ تیرے ننگے پَیر تیری کِدھر گئی گُرگابی، پبّ نظر کوئے نہ آئیا۔ کیوں تیِرتھ تٹاں کِناریاں اُتے کرکے آئی اِنقلابی، اپنی کروٹ آپ بدلائیا۔ میَنوُں لہنا دینا لیکھا دسّ شتابی، بھیوَ ابھید کُھلائیا۔ جھٹ بھگتی نے نارد دے ہتّھ ماریا اُتے نابھی، سہج نال سُنائیا۔ سُرتی رہی کِسے نہ جاگی، سوئی سرب لوکائیا۔ میَں تیِرتھاں اُتوں بھاگی، بھجیّ واہو داہیِا۔ میَنوُں بھگتاں نوُں مِلن دی وادی، عادت پِچھلی دیاں سمجھائیا۔ جِنہاں دی پربھوُ چرن آبادی، بَیٹھے ڈیرے لائیا۔ میری مُحبّت وِچ اوہناں نال شادی، جو شادیانے رہے وجائیا۔ میَں شبد سندیسہ سُناں بودھ اگادھی، بُدھی توں پرے پرے پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے بھگتیئے تیرا بھگوَن کیہڑا، میَنوُں دے جنائیا۔ وسے کیہڑا کھیڑا، کوَن گرِہ سُہائیا۔ کِس بِدھ بنّھے بیڑا، نئیا نؤکا آپ چلائیا۔ بھگتی کِہا ناردا جِس دا آد جُگادی کُھلا ویہڑا، دو جہاناں اِکو رنگ رنگائیا۔ نارد کِہا ہس کے کملیئے میرا دِل کردا تَینوُں مار دیاں تھپیڑا، زور نال لگائیا۔ اوہ پربھوُ بدل گیا تیرا، تَینوُں دیاں سمجھائیا۔ جِس بھگتی دے تھاں دیِن دُنی وِچ پا دینا جھیڑا، جھگڑے وِچ دِسے دیِن دُنی لوکائیا۔ انتم دین والا اُلٹا گیڑا، لکھّ چؤراسی دئے بھوائیا۔ بھگتیئے تُوں سُکھ مان لیا بتھیرا، اپنا کھیل کھِلائیا۔ ہُن کلجُگ تک اندھیرا، ساچا چند نہ کوئے چمکائیا۔ جِناں چِر پربھوُ کرے نہ مِہرا، اُناں چِر بھگت بنن کوئے نہ پائیا۔ بے شک تیرا دُنیا دے وِچ پھیرا، بھجیّں واہو داہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں اِکو وکھائے سنجھ سویرا، گھڑی پل ونڈ نہ کوئے ونڈائیا۔
۳۰ جیٹھ شہنشاہی سمت ۱۱ پِنڈ سیئی کلاں ضِلع جموں بھائنیا دیوی دے گرِہ
نارد کہے جن بھگتو بھگتی چنگی کہ بھگوَنت، میَنوُں دیؤ سمجھائیا۔ نام چنگا کہ منت، شبد دیؤ دِرڑائیا۔ گُرسِکھ چنگا کہ سنت، سَت دا بھیوَ کُھلائیا۔ نار چنگی کہ کنت، کنتُوہل کی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگ جُگ اپنا ویس وٹائیا۔ نارد کہے جن بھگتو تُہاڈا کیہڑا سچّا میِت، مِترو دیاں جنائیا۔ کوَن وسے تُہاڈے چیِت، اندر سوبھا پائیا۔ کیہڑا گاوو گیِت، ڈھولا کوَن الائیا۔ کِس دی اندروں صاف ہوئی نیِت، میَنوُں دیؤ سمجھائیا۔ ٹھگؤری رہی نہ چیِت، ٹھگّی من رہی نہ رائیا۔ جھگڑا رہیا نہ ہست کیِٹ، اوُچ نیِچ نہ ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگ جُگ اپنا حُکم ورتائیا۔ نارد کہے جن بھگتو پربھوُ دا کیہڑا رنگ، رنگت دیؤ جنائیا۔ کیہڑی تُہاڈی منگ، میَنوُں دیؤ جنائیا۔ کیہڑے لاؤ انگ، کوَن تت وڈیائیا۔ کوَن دوارا آوے لنگھ، کُنڈی کھِڑکی کوَن کُھلائیا۔ کوَن نوُر ہووے چند، کوَن نوُر کرے رُشنائیا۔ کِس بِدھ میٹے پندھ، پاندھی ہو کے بھجےّ واہو داہیِا۔ سچ دسّو کِس نوُں پربھوُ دا آیا انند، انند انند وِچوں جنائیا۔ کِس کِس نے رسنا کوُڑ کُڑیار دا چھڈیا گند، وِکھ رسن نہ کوئے لگائیا ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ جن بھگتو میَں پُچھنی اِکو بات، نارد رہیا سُنائیا۔ کِس نوُں سچ دی مِلی دات، میَنوُں دیؤ دِرڑائیا۔ کِس دا بھروسہ اُتے کملاپات، پت پرمیشور کوَن منائیا۔ کِس دا چرن پریِتی جُڑیا نات، رِشتہ سکے نہ کوئے تُڑائیا۔ اپنا ڈوُنگھا کڈھکے ویکھو کھات، کی لہنا نظری آئیا۔ کِس بِدھ پربھوُ نوُں مِلو وِچ لوک مات، متا اپنا آپ پکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ نارد کہے جن بھگتو اپنا سوہنا تک لؤ اندر، نوَ دوار دھیان لگائیا۔ اپنا نِرالا تک لؤ مندر، جِس دا روُپ رنگ نظر کوئے نہ آئیا۔ اپنا کھول کے ویکھو جِندر، کُنڈی نام والی لگائیا۔ پرکاش کر کے تک لؤ اندھیری کَندر، اندھ اندھیرا آپ مِٹائیا۔ منوُآ من ویکھو جو دہ دِشا بھؤندا بندر، اُٹھ اُٹھ بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کرتا اِک اکھوائیا۔ نارد کہے جن بھگتو تُسیں اندر ویکھو چڑھ کے، بِن پؤڑی ڈنڈے پندھ مُکائیا ۔ ساچے مندر ویکھو وڑ کے، بِن سیِس دھڑ سوبھا پائیا۔ نِراکھّر دھار ویکھو پڑھ کے، پڑھن دی لوڑ رہے نہ
رائیا۔ سچ دوار تکو ہرِ کے، ہر ہِردے وِچ سمائیا۔ جیہڑی منزل مِلدی نہیں مر کے، اوہ جیِوندیاں لیَنی اپنائیا۔ نارد کہے جن بھگتو تُہانوُں لوڑ نہیں رہنا ڈر کے، بھے سارے دینے چُکائیا۔ تُہاڈی منزل وِچ رہے کوئی نہ کھٹکے، اَگے ہو نہ کوئے اٹکائیا۔ تُہاڈی دھار کدی نہ بھٹکے، بھاوَنا جگت نہ کوئے جنائیا۔ تُسیں سچکھنڈ پُجنا اِکو جھٹکے، جِتھے جھٹکے حلالی والا پُجن کوئے نہ پائیا۔ تُساں گرِہ ساچے جانا اپنا روُپ وٹ کے، گُرمُکھ ہنس روُپ بنائیا۔ ہرِجن مات گربھ پھیر نہ لٹکے، اُلٹا بِرکھ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، بھیوَ کُھلائے اپنے گھر دے، گھر گھرانہ اِکو اِک وکھائیا۔
۳۰ جیٹھ شہنشاہی سمت ۱۱ دیوا سِنگھ دے گرِہ پِنڈ سیئی کلاں ضِلع جموں
نارد کہے سُن نی لِکھن والیئے کلمے، کملیئے تَینوُں دیاں جنائیا۔ اوہ تک گنگا گوداوری جمنا سُرستی دھارا جل میں، جل میِن وانگ کُرلائیا۔ جو بھجیِّاں پِھردیِاں جنگل جوُہاں تھل میں، ٹِلیاں پندھ مُکائیا۔ اوہناں دا لیکھا مُکاؤن لگّی پل میں، پاربرہم دا حُکم سُن کے چائیں چائنیا۔ ویکھیں تُوں وی نہ آویں چھل میں، اچھل چھلدھاری اپنا کھیل کھِلائیا۔ تُوں ہونا اپنے بَل میں، بلدھار لیَنی انگڑائیا۔ کی کھیل ورتنا کلجُگ کل میں، کل کلکی کی کرائیا۔ نی تُوں کی بھیوَ لُکایا نانک دی اِک گلّ میں، جِس دی سمجھ کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ نارد کہے کلمے نوُں لِکھن دی تُوں کر نہ شتابی، بھجّ نہ واہو داہیِا۔ تُوں ساڈی بن اِمدادی، سگلا سنگ وکھائیا۔ بے شک تیرے لیکھ نال پربھ نوُں جُگ بدلن دی وادی، وعدے تیرے لِکھے موڑ سکے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ نارد کہے کلمے تُوں میرے ولّ پیکھ، اپنی لےَ انگڑائیا۔ نی تیری بدل سکے کوئی نہ ریکھ، جو لائن دیوے بنائیا۔ تیری دھار نے میٹ دینے مُلّا شیخ، شریِعت نظر کوئے نہ آئیا۔ نی تیرے حُکم دا حُکم پربھوُ دا اولّڑا بھیس، بھیکھادھاری اپنا روُپ بدلائیا۔ جے تُوں لیکھ نہ لِکھدی تے کِس بِدھ آؤندا سمبل دیس، دیس دیسنتراں پندھ مُکائیا۔
ہُن وی لِکھ لِکھ دیئی جاویں سندیس، سندیسے تھاؤں تھائنیا۔ جے تُوں نہ لِکھیں تے کیوں کلجُگ انتم پئے کلیش، کوُڑی کِریا نال کرے نہ کوئے لڑائیا۔ کانی ہس کے کِہا ناردا میَں اُس دے ہوئی پیش، پیشیِن گوئیاں گیا سمجھائیا۔ میَں سچ دسّاں جِس ویلے میَنوُں ہتّھ وِچ پھڑیا دسمیش، دہ دِشا دھیان لگائیا۔ پھیر اپنے کُھلڑے کرکے کیس، قسم کھا کے دِتا سُنائیا۔ نی کلمے تیرا پربھ دے حُکم دا لِکھیا سدا رہے ہمیش، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دے در دی ہوئی درویش، درویشن ہو کے سیِس نِوائیا۔
۳۰ جیٹھ شہنشاہی سمت ۱۱ انگریز سِنگھ دے گرِہ پِنڈ سیئی کلاں ضِلع جموں
گنگا گوداوری جمنا سُرستی کہن نارد اسیں انبھول، بہُمت نہ کوئے رکھائیا۔ اسیں کنڈھی گھاٹ آئیاں سانوُں سارے کردے مخؤل، ہاسی بُڈھے نڈھےّ رہے کرائیا۔ اسیں شرم دیِاں ماریِاں کُجھ نہ سکیاں بول، رسنا کہہ نہ کُچھ سُنائیا۔ ساڈے ویکھ لےَ کُجھ نہیں کول، خالی ہتّھ دئیے جنائیا۔ ساڈی حالت تک لےَ اُتے دھؤل، دھرم نال سُنائیا۔ ساڈا بُھکھ نال اندر کالجا رہیا ہؤل، ہؤکیاں وِچ دُہائیا۔ سانوُں انگریز سِنگھ نے پُچھیا نہیں تُسیں وی کھا لؤ چؤل، بُھکھیاں رہ کے کی دئیے سُنائیا۔ ساڈا جی کردا ایتھے اِک نَواں بھنڈارا دیئیے کھول، امرت رس پربھ چرن وکھائیا۔ جو سب دے انتر جاوے مؤل، مؤلا روُپ نظری آئیا۔ وے ناردا تُوں مردنگا وجا دے ڈھول، ڈؤروُ ڈنکا ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساڈی آشا ویکھ وکھائیا۔ نارد کہے گنگا گوداوری جمنا سُرستی جے تُساں کھادھا نہیں بھوجن، بُھجاں ہتّھ دوویں دیؤ اُٹھائیا۔ تُساں پندھ ماریا کِتنے یوجن، گِنتی دیؤ گِنائیا۔ ساریِاں لگّیاں سوچن، سمجھ کِچھ نہ پائیا۔ نارد کِہا کھولو اپنے لوچن، نیَن لؤ تکائیا۔ جن بھگت سُہیلے تکو بِنا ورن گوتن، ذات پاتی نظر کوئے نہ آئیا۔ چڑھ کے ویکھو اپنی سِخر چوٹن، منزل پندھ مُکائیا۔ پربھوُ پیارا بھگت مِلدا وِچوں کوٹی کوٹن، گنتی گنت نہ کوئے کرائیا۔ جوتی جوت سروُپ ہرِ، آپ اپنی کِرپا کر،
دیونہارا ساچا ور، سچ دی کرنی کار کمائیا۔ نارد کہے جے تُسیں چار جُگ دیِاں بُھکھیِاں، بُھکھڑو دیؤ جنائیا۔ میَں چاہُندا بھگتاں دوار تُہانوُں روٹیِاں کُھواواں رُکھیِاں، ٹُکڑے ہتّھاں وِچ پھڑائیا۔ تُہاڈے اُتے پتہ نہیں کِتنیاں براہمناں پنڈتاں پدارتھاں دیاں سُکھّنا سُکھیِاں، جو تُہاڈی جلدھارا وِچ رُڑھائیا۔ اوہ کھا گئیاں مچّھیاں ڈڈّیِاں ہو کے پُٹھیِاں، تُہاڈے ہتّھ کِچھ نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ گنگا کہے نارد اسیں آئیاں کرکے پُھرتی، پُھرتیلیِاں ہو کے دئیے جنائیا۔ ساڈا لہِنگا ویکھ لےَ کُڑتی، انگی تن نہ کوئے سُہائیا۔ ساڈی صوُرت ویکھ لےَ موُرتی، مُردیاں والی نظری آئیا۔ کی کھیل دسّیئے حضوُر دی، کرتا حُکم کی ورتائیا۔ جِس دی آشا سدا بھرپوُر دی، بھرپوُر رہیا سرب ٹھانئیا۔ اساں محنت لیَنی بن سچے مزدوُر دی، جو جُگ جُگ سیو کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ نارد کہے جے کھان پیِن دا چاؤ، ترِسنا اندر رکھائیا۔ پہلاں بھگتاں دے درشن پاؤ، جو بَیٹھے آسن لائیا۔ پھیر جھُک جھُک سیِس نِواؤ، نِو نِو لاگو پائیا۔ پھیر اِکو ڈھولا گاؤ، تُوں میرا میَں تیرا دوُجا نظر کوئے نہ آئیا۔ پھیر خالی ہتّھ منگ منگاؤ، بِھچھیا دیوے دُھر دا ماہیِا ۔ اپنا پِچھلا لہنا دینا حِصّہ جناؤ، پڑدا اوہلا لؤ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سارے کہن ناردا ساڈا تیرے نال غُصّے والا نہیں ہنورا، گِلہ نظر کوئے نہ آئیا۔ اسیں بھگت بھنڈاریوں ڈِگا ڈھٹّھا کھا کے بھورا، بھؤریاں وانگ اپنا آپ بھوائیا۔ ساڈا پوُرب جنم جاوے سؤرا، سؤہرے پیئیے وجدی رہے ودھائیا۔ ساڈا کھیل پربھوُ دے نال اوَر کا اؤرا، اوَر کی اوَر کار کمائیا۔ تُوں نِگاہ نال تک لےَ کرکے غؤرا، گہر گوَر کی اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ چارے کہن ساڈا صاحِب اِک گوسئنیا، گوبِند گوبِند گوبِند نظری آئیا۔ جِس دی سرن سرنائی پئیاں، سِر سر بھیٹ کرائیا۔ جو ساڈیِاں پکڑے بہیِاں، آپ اپنے گلے لگائیا۔ اسیں چاؤ نال گائیے تھئیا تھئیا، تِھر گھر واسی تیرے ہتّھ وڈیائیا۔ ساڈیِاں جُگ چؤکڑی لنگھیاں کئیاں، کوٹن جُگ گئے وِہائیا۔ سانوُں دیِن دُنی دے جگیاَسوُ کہندے رہے گنگا مئیا، سُرستی جمنا کہہ کے گائیا۔ سانوُں سندیسہ دے کے گیا دسرتھ بیٹا جو رام رام رام رمئیا، رمتا رمتا رمتا اپنا حُکم سُنائیا۔ سانوُں اِشارہ دِتا جمنا کہے میرے گھاٹ گھنئیا، گوردھن دھاری گیا دِرڑائیا۔ جِس ویلے کلجُگ انتم
گوبِند دا پوُرا ہویا ڈھئیا، ڈھؤنکا لا کے اپنی لئے انگڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ نارد کہے میرے اندر آؤندی جاندی خرمستی، سچ سچ دیاں سُنائیا۔ میَں تکیا نوُر نوُرانہ اگمّی جِس دی ہستی، ہست کولاں ہتّھ کِسے نہ آئیا۔ جِس نے لہنا دینا سب دا پوُرا کرنا دستی، اَگے اُدھار نہ کوئے جنائیا۔ اُس دی بھگتاں والی سب توں اگمّی بستی، نگر کھیڑا اِکو سوبھا پائیا۔ جِس نوُں ویکھ کے گنگا گوداوری جمنا سُرستی ویکھ کے ہسدی، ہس ہس خوشی بنائیا۔ وے ناردا اوتھے جیٹھ دی اگنی بھکھدی، جھکھڑ اندھیر رہیا وگائیا۔ نارد کِہا اوہدی قیِمت نہیں کروڑی لکھّ دی، جگت سُلطان سکے نہ کوئے چُکائیا۔ نی تُہاڈی دھار وہناں وِچ ٹپدی، بھجے واہو داہیِا۔ جن بھگتاں آشا ویکھو تُوں میرا میَں تیرا جپدی، انتر انتر ڈھولے گائیا۔ اِنہاں دی کمائی ویکھو اپنے پسیِنے رتّ دی، جو رتی رتی رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا وقت آپ سُہائیا۔ گنگا کہے ناردا میری اِکو اِک آس، آسا دیاں جنائیا۔ جے بھگت بھنڈارے وِچوں مِل جائے پانی دا اِک گِلاس، اپنے سیِنے لواں لگائیا۔ سدا رکھاں پاس، بِن ہتّھاں ہتّھ اُٹھائیا۔ پھیر جا کے دسّاں شنکر کَیلاش، شنبھوُ اَگے واسطہ پائیا۔ ساڈا امرت ہویا ناس، رس رہن کِچھ نہ پائیا۔ تُوں بَیٹھا اُتے آکاش، منڈلاں باہر ڈیرہ لائیا۔ دھرنی اُتے کوَن دیوے دھرواس، دھیِرج نظر کوئے نہ آئیا۔ کلجُگ انتم ہویا فاہش، فاہش ہوئی لوکائیا۔ پرم پُرکھ دی کرے نہ کوئے تلاش، کھوجن والا رہن کوئے نہ پائیا۔ بِن ہرِ نامے خالی دِسے لاش، لشکر فؤجاں روون مارن دھاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ گنگا کہے جے بھگت دواریوں نِرمل مِل جائے پانی، پاہناں پتّھراں ملِے وڈیائیا۔ میری ایکنکار سوہنگ سَت سچ دی ہووے بانی، بِن رسنا جِہوا ڈھولے گائیا۔ میَں بھجّاں نَٹھاں ویکھاں چارے کھانی، انڈج جیرج اُتبُھج سیتج پھول پُھلائیا۔ بیننتی کراں ہو نِمانی، نِو نِو سیِس جھُکائیا۔ میرے تیِرتھ تٹ وِرولیں کریں آپ مِہربانی، مِہربان مِہر نظر اُٹھائیا۔ میَنوُں سچ دی بخشیں سچ نِشانی، نِشانہ کوُڑ کُڑیار بنائیا۔ میَں تیری گاواں کتھ کہانی، بِن رسنا جِہوا ڈھولا گائیا۔ تُوں میرا بننا جی پرانی، پوُرن سَتگُر تیری بےپرواہیِا۔ میَں بھگتاں گھر اجّ خوشیاں نال کھا کے جاواں مہمانی، بھورا بھورا اپنے مُکھ وِچ
پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جان جانی، جاننہار تیری اوٹ رکھائیا۔
۳۰ جیٹھ شہنشاہی سمت ۱۱ وکیِل سِنگھ دے گرِہ پِنڈ ہنسا ضِلع جموں
نارد کہے گنگا گوداوری جمنا سُرستی جے آئیاں گھت وہیِرا، اپنا پندھ مُکائیا۔ راہ وِچ تُہاڈا لہِنگا پاٹیا چیِرا، کانیاں بیلیاں وِچ دُکھ اُٹھائیا۔ نی تُہاڈی کیہڑی گلّوں ہوئی ماڑی تقدیِرا، میَنوُں دیؤ سمجھائیا۔ کِدھر گیا تُہاڈا تیِرتھاں تٹاں کھان والا سیرا، کھوجیاں ہتّھ کِسے نہ آئیا۔ کیہڑی دھار بھوگ لگدا رہیا کھیِرا، پانی دُدھ وِچ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چارے کہن ناردا ساڈے اُتے تک لےَ پنڈت پاندھے، پندھ سکے نہ کوئے مُکائیا۔ ساڈے ناں دا بھوگ لگا کے آپے رہے کھاندے، ساڈے ہتّھ کِچھ نہ آئیا۔ نالے کوُڑ کُڑیار دے ڈھولے رہے گاندے، رسنا جِہوا نال سُنائیا۔ نالے مِنتا وِچ لیندے رہے بھانڈے، برتناں ونڈ ونڈائیا۔ ساڈے سیِنے موُل ہوئے نہ ٹھانڈے، اگنی تت تپائیا۔ ساڈے تیِرتھ تٹ کنارے کاہدے، کی دئیے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چارے کہن سانوُں اِشاریاں والے لگدے رہے بھوگ، تھال پروس اَگے نہ کوئے ٹِکائیا۔ جگت جگیاَسوُ ہو کے مان دے رہے مؤج، جگت مانَس ہو کے مانَساں رہے کھائیا۔ ایہہ لیکھا تکدیِاں رہیِاں روز روز روز، ویکھیا تھاؤں تھائنیا۔ ساڈا چلیا کوئی نہ جوگ، جُگتی ہتّھ کوئے نہ آئیا۔ ایسے وِچ بہُڑی ساڈی لنگھ گئی اؤدھ، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ساڈا اگا پِچھا دیوے سودھ، شُدھ اپنے حُکم نال کرائیا۔