کتب خانہGranth 24 (Shahmukhi)

۱۵ بھادروں شہنشاہی سمت ۱۱ تیجا سِنگھ دے گرِہ پِنڈ باسرکے ضِلع امرتسر

اوتار پَیغمبر گُر کہن نِرگُن دھار کریئے تیاری، ترےَگُن اتیِتا ٹھانڈا سیِتا پُرکھ اکال نال مِلائیا۔ صلاح مشورہ کریئے سچکھنڈ دواری، منسا دوُسر سنگ نہ کوئے رلائیا۔ نِرگُن جوت نوُر کریئے اُجیاری، اُجالا دو جہان وکھائیا۔ شبد ناد سُنائیے دُھنکاری، انحد نادی ناد دِرڑائیا۔ دھرنی دھرت دھوَل دھؤل ویکھیئے کلجُگ انتم واری، بِن نیتر لوچن نیَناں نیَن اُٹھائیا۔ نؤ کھنڈ پرِتھمی نِگاہ ماریئے ساری، سر سرووراں دھیان لگائیا۔ کلجُگ رَین تکیئے اندھ اندھیاری، اندھ کوُپ کھوج کھوجائیا۔ نال شرع جگت دے ویکھیئے پُجاری، دیِناں مذہباں پھول پُھلائیا۔ اٹھسٹھ تیِرتھاں تکیئے خواری، گنگا گوداوری جمنا سُرستی پردے مات اُٹھائیا۔ گُر در مندر مسجد شِودوالے مٹھ تکیئے کی آشا پُرکھ ناری، انتر انتر دھیان لگائیا۔ دیِن مذہب تکیئے آتم پرماتم ویکھیئے یاری، پاربرہم برہم رنگ کوَن رنگائیا۔ من منسا کوُڑ ویکھیئے کُڑیاری، ممتا موہ موہ ہلکائیا۔ شاہ سُلطاناں تکیئے در درباری، عدل اِنصاف کوَن کمائیا۔ جُگ چؤکڑی گرنتھ شاستر ویکھیئے جو گرنتھاں لیکھ لِکھیا سَتگُر شبد لِکھاری، قلم شاہی کاغذ رنگ رنگائیا۔ دھرنی دھرت دھوَل دھؤل تکیئے جو رووے زارو زاری، بِن نیَناں نیِر وہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ اوتار پَیغمبر گُر کہن سارے اِکٹّھے جائیے نَٹھ، بِن قدماں قدم اُٹھائیا۔ دیِن دُنی دا دھیِرج ویکھیئے ہٹھ، سَت سنتوکھ پھول پُھلائیا۔ دھرم دی دھار تکیئے مٹھ، شِو شِوا نال مِلائیا۔ اِکو دوار کریئے اِکٹّھ، ہرِ بھگت دوارے سوبھا پائیا۔ کیوں کلجُگ کوُڑی کِریا اُلٹی گیڑی لٹھ، نوَ ستّ رہی بھوائیا۔ کیوں دھرم دھار دا بُرج گیا ڈھٹھ، جڑ چیتن چوٹی ویکھن کوئے نہ پائیا۔ کیوں ساڈے دیِن مذہب دا کھیڑا ہویا بھٹھ، کلجُگ بھٹھیالا اگنی رہیا ڈاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ اوتار پَیغمبر گُر کہن لوک مات نِرگُن دھار چلیئے، سرگُن روُپ نہ کوئے درسائیا ۔ سچ دوار جا کے ملّیئے، سِنگھاسن اِکو اِک وڈیائیا۔ پھیر پِھریئے جل تھلیئے، مہیئل ویکھ وکھائیا۔ جگت مندر مِٹھاں آواز سُنیئے ٹلّیئے، گھڑیالاں کی شنوائیا۔ جگت درویشاں فقیِراں تکیئے جلّیئے، مستک خُماری نام سادھاں سنتاں ویکھ وکھائیا۔ پھیر دیِپک جوتی ویکھیئے بلیِئے، کوَن گرِہ ہووے رُشنائیا۔ کوَن پربھوُ پیار وِچ سیِس رکھ کے بَیٹھا تلیئے، آپ اپنا آپ مِٹائیا۔ نِرگُن دھار ہو کے دیِن دُنی وِچ رلیئے، جگ نیتر

ویکھن کوئے نہ پائیا۔ اچھل چھل ہو کے مانَو ذاتی چھلیئے، ول چھل سمجھ کِسے نہ آئیا۔ نوَ ستّ دھرنی دھرت دھوَل دی پِھریئے گلیئے، کوُچا کوُچا ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ دا مالک ہوئے سہائیا۔ اوتار پَیغمبر گُر دھرنی اُتے جائیے دؤڑ، بِن قدماں پندھ مُکائیا۔ ساڈا اِکو ہووے ڈنڈا پؤڑ، دوُجی ونڈ نہ کوئے ونڈائیا۔ شبد اگمّی چڑھیئے گھوڑ، واگاں اپنے ہتّھ اُٹھائیا۔ دیِن دُنی تکیئے رس مِٹھا کؤڑ، وِکھ انتر نِرنتر ویکھ وکھائیا۔ مارگ تکیئے دھرم دا کِس بِدھ ہویا سؤڑ، بھیِڑی گلی پار نہ کوئے کرائیا۔ منوُآ من گرنتھ شاستر سکے کوئی نہ ہوڑ، اَگے ہو نہ کوئے اٹکائیا۔ سُرتی سَتگُر شبد نال جُڑے کوئی نہ جوڑ، منکا من نہ کوئے بھوائیا۔ کلجُگ کوُڑی کِریا کیوں سب نوُں رہی روڑھ، شؤہ دریا وہن وہائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، نِہکلنک نرائن نر، مہاراج شیرسِنگھ وِشنوُں بھگوان، ساڈی آسا منسا سچ در کرے پروان، پرم پُرکھ پرماتم دُھر دا حُکم حُکم نال سُنائیا۔

۱۵ بھادروں شہنشاہی سمت ۱۱ جیِتو دے گرِہ پِنڈ باسرکے ضِلع امرتسر

دھرنی کہے اوتار پَیغمبر گُر میری انتر نِرنتر تکو چھاتی، آ کے خوشیاں دھیان لگائیا۔ میری بِرہوں وَیراگ دی سُنو باتی، باطن بھیوَ دیاں کُھلائیا۔ نوَ ستّ تکو اندھیری راتی، اندھ کوُپ خلق خُدائیا۔ تن وجوُد ویکھو ذاتی، مذہباں پھول پُھلائیا۔ اپنے حُکم دی پڑھو پاتی، پترکا تُہانوُں دیاں وکھائیا۔ کیوں میرے اُتے سارے بنے گھاتی، گھاؤ رہے لگائیا۔ میَں وِچھوڑے وِچ بَیٹھی اِکانتی، اِک اِکلّی ڈیرہ لائیا۔ میَنوُں کوَن ویلا بخشو بوُند سوانتی، آ کے مُکھ چوائیا۔ میرے صاحِب دا کھیل دسّو بہُہبھانتی، کِس بِدھ اپنا حُکم ورتائیا۔ میرا ڈوُنگھا تکو کھاتی، خطرے وِچ خلق خُدائیا۔ نِگاہ مارو وِچ نِباتاتی، بناسپتی پھول پُھلائیا۔ تُسیں اِکو نام کلمے دے بن کے آئیو جماعتی، اِکو سِکھیا نال لیائیا۔ اِکو سندیس دسّنا صفاتی، سبھا اِکو دینی لگائیا۔ میرے اُتے کرو پربھاتی، امرت ویلا دینا سُہائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ دا صاحِب بےپرواہیِا۔ دھرنی کہے اوتار پَیغمبر گُر اپنا پوُرا کرو اِقرار، اِکلّی ہو کے منگ منگائیا۔ میرا کِسے نال نہیں تکرار، جھگڑا جگت نہ کوئے رکھائیا۔ تُسیں نوَ ستّ دے شاہکار، شہنشاہ تُہانوُں دِتی وڈیائیا۔ اپنے دیِناں مذہباں نِگاہ لؤ مار، آ کے

تکو تھاؤں تھائنیا۔ نام کلمیاں کرو وِچار، جو سندیسیاں وِچ دِرڑائیا۔ شرع دھرم دی ویکھو کار، پردہ پردیاں وِچوں اُٹھائیا۔ میَں روواں زارو زار، نیتر نیتر نیتر نیِر وہائیا۔ میرا انتشکرن ہویا بےقرار، دھیِرج دھیِر نہ کوئے دھرائیا۔ میَنوُں شرع نے کیِتا شرمسار، دھرم دی دھار نہ کوئے وڈیائیا۔ میَں ویکھاں وِگساں تُہاڈا کراں اِنتظار ، راہ تکاں چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ دھرنی کہے اوتار پَیغمبر اپنا پوُرا کرو وعدہ، واحد روُپ اِک درسائیا۔ میرے نالوں نہ ہووو علیحدہ، وکھری ونڈ نہ کوئے ونڈائیا۔ دھرم دا دھرم تکو فائدہ، اِیمان اِیمان وِچوں سمجھائیا۔ اِکو قانوُں ہووے اِکو ہووے قاعدہ ، باقاعدہ اپنا حُکم ورتائیا۔ میرے اُتے کلجُگ کوُڑ دا لؤ جائزہ، ویکھو تھاؤں تھائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی اپنا پوُرا کر مُعاہدہ، مِہربان ہو کے اپنی دَیا کمائیا۔

۱۵ بھادروں شہنشاہی سمت ۱۱ مکھّن سِنگھ دے گرِہ پِنڈ سُگا ضِلع امرتسر

اوتار پَیغمبر گُر کہن دھرنیئے آئیے نِرگُن دھار، جوتی جاتا پُرکھ بِدھاتا دیوے مان وڈیائیا۔ ساڈا روُپ رنگ ریکھ نظر نہ آئے کوئی وِچ سنسار، سنساری بھنڈاری سنگھاری ویکھن کوئے نہ پائیا۔ دو جہاناں برہمنڈاں کھنڈاں پُریاں لوآں پندھ آئیے مار، دھوَلے تیرے اُتے اپنا کھیل کھِلائیا۔ ساڈا حُکم سندیسہ سُننا اگمّی دھار، جگت اکھّر وِدیا ونڈ نہ کوئے ونڈائیا۔ جِس دا کاغذ قلم شاہی کاتب بنے نہ کوئے لِکھار، لیکھا لیکھ نہ کوئے دِرڑائیا۔ تیرا آد جُگادی مالک خالق ایکنکار، اکل کل دھاری نوُر الاہیِا ۔ اسیں جُگ چؤکڑی اوسے دے سیوادار، خادم ہو کے سیو کمائیا۔ جِس دا سَتگُر شبد سب دا ذُمیوار، سِر سِر اپنا ہتّھ ٹِکائیا۔ جوتی نوُر نوُر دئے اُجیار، اُجالا کرے بےپرواہیِا۔ سو پُرکھ اکالا دیِن دَیالا ساڈا مددگار، دوُجا نظر کوئے نہ آئیا۔ اسیں تیرے اُتے آئیے بِن قدماں قدم اُبھار، نِرگُن نِرگُن نِرگُن ویس وٹائیا۔ نِگاہ ماریئے نؤ کھنڈ پرِتھمی ستّ دیِپ وِچ سنسار، سرِشٹی درِشٹی اندر دھیان لگائیا۔ چار جُگ دے شاستر تکیئے جو صِفتاں نال کرن اِظہار، ڈھولے سوہلے راگ ناد شبد شنوائیا ۔ اٹھسٹھ تیِرتھ تکیئے گنگا گوداوری جمنا سُرستی دھار، جل تھل مہیئل ویکھ وکھائیا۔ شِودوالے مٹھ چرچ

مسیِتاں ویکھیئے گُروُدوار، کایا کعبیاں پھول پُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ اوتار پَیغمبر گُر کہن دھرنیئے اسیں آئیے نال چاء، چاؤ گھنیرا اِک جنائیا۔ ساڈا سب دا اِکو ہووے راہ، مذہبی ونڈ نہ کوئے ونڈائیا۔ اِکو سُہنجنا ہووے تھاں، تھان تھننتر اِک سُہائیا۔ اِکو سندیسہ ہووے دُھر دا ناں، ناؤں نِرنکار اِک دِرڑائیا۔ لیکھا رہے سوُر نہ گاں، ڈھوراں کھلّ نہ کوئے لُہائیا۔ اِکو درسائیے سب دا پِتا ماں، پُرکھ اکالا نوُر الاہیِا۔ جِس نوُں ساریاں کہنا واہ واہ، واہِگُروُ تیری بےپرواہیِا۔ جو حق دا حق کرے نیاں، عدل اِنصاف آپ کمائیا۔ اسیں اوسے دی ہاں وِچ کرنی ہاں، اپنا بَل نہ کوئے پرگٹائیا۔ تیرا نگر کھیڑا نؤ کھنڈ پرِتھمی تکیئے گراں، ستّاں دیِپاں ویکھ وکھائیا۔ کوُڑی کِریا کلجُگ بُدھی تکیئے کاں، جو کاگ وانگ کُرلائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ اوتار پَیغمبر گُر کہن تیرے اُتے آئیے نال خوشی، خوشیاں ڈھولے گائیا۔ تُوں پریم پیار نال پُچھیِں، بِن رسنا جِہوا مُکھ ہِلائیا۔ تیری دھار ویکھیئے دُکھی، دردی ہو کے پھول پُھلائیا۔ نِگاہ ماریئے تیری نوَ ستّ دی دھار کُکھیِں، بِن نیَناں نیَن اُٹھائیا۔ جے پربھوُ پیار دی بُھکھی، بھولیئے تیری جھولی دیئیے بھرائیا۔ تُوں دھرم دی دھار نال اُٹھیِں، سَت سچ نال لیَنی انگڑائیا۔ اسیں پِھریئے تیری چارے گُٹھیِں، اُتّر پوُرب پچھّم دکھّن پُجیئے چائیں چائنیا۔ آلس نِندرا وِچ رہیں نہ سُتی، سوادھان اپنا آپ لیَنا کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ اوتار پَیغمبر گُر کہن ساڈا وقت سُہنجنا آؤنا، خوشیِاں ڈھولے گائیا۔ دھرنیئے تیرا در سُہاؤنا، سوہنی وجے ودھائیا۔ پردہ اگمّ اُٹھاؤنا، اوہلا رہے نہ رائیا۔ نوَ ستّ ویکھ وکھاؤنا، تٹ کنارے پھول پُھلائیا۔ در دروازہ اِک کُھلاؤنا، غریِب نوازا نال مِلائیا۔ دُھر دا ڈھولا اگمّ سُناؤنا، تُوں میرا میَں تیرا لیَنا گائیا۔ اوتار پَیغمبراں گُروُآں ایکا کھیل کھِلاؤنا، نہ کوئی میٹے میٹ مِٹائیا۔ سَتگُر شبد نال مِلاؤنا، مِلنی ہرِ جگدیِش کرائیا۔ جوتی جاتا نال رلاؤنا، دو جہاناں وجے ودھائیا۔ کلجُگ کِریا کوُڑ مِٹاؤنا، کرودھ وِکار رہن نہ پائیا۔ سب دا ہِردا سودھ وکھاؤنا، ودی سُدی نہ ونڈ ونڈائیا۔ مانَو ذاتی اِکو رنگ رنگاؤنا، دُرمت میَل دھوائیا۔ امرت آتم نِجھر رس بوُند سوانتی آپ ٹپکاؤنا، ترِسنا ترِپت کرائیا۔ شبد انادی راگ جناؤنا، دُھن آتمک راگ سُنائیا۔ دیِا باتی کملاپاتی ہو کے جوت جگاؤنا، اندھ اندھیر رہے نہ رائیا۔ سچ سِنگھاسن تیرے اُتے آسن لاؤنا، جگ نیتر ویکھن کوئے

نہ پائیا۔ کلجُگ کوُڑ نِشان میٹ مِٹاؤنا، مِٹّی خاک دینی اُڈائیا۔ سَتگُر ساچا مارگ اِک درساؤنا، دہ دِشا وجے ودھائیا۔ سچ سوامی انترجامی اِکو اِک مناؤنا، اِشٹ دیوَ اِکو اِک اکھوائیا۔ آتم پرماتم سب نے نعرہ لاؤنا، ڈھولا سوہلا راگ جنائیا۔ اوتار پَیغمبر گُر کہن دھرنیئے تیرے اُتے وقت سُہنجنا آؤنا، سو پُرکھ نِرنجن ہوئے سہائیا۔ ہرِ پُرکھ نِرنجن اِک ویکھ وکھاؤنا، ایکنکارا رنگ رنگائیا۔ آد نِرنجن ڈگمگاؤنا، جوتی جوت کرے رُشنائیا۔ ابناشی کرتا سوبھا پاؤنا، سچ دوار اِک سُہائیا۔ سِری بھگوان ویس وٹاؤنا، روُپ رنگ ریکھ نہ کوئے سمجھائیا۔ پاربرہم پربھ اپنا حُکم ورتاؤنا، نہ کوئی میٹے میٹ مِٹائیا۔ سَتگُر شبد شبد اِک پرگٹاؤنا، تیرے پرگنے نؤ کھنڈ ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دے حُکم وِچ جوت دھار ہو کے تیرا درد ونڈاؤنا، دُکھیارنے تیرا دُکھ رہن نہ پائیا۔

۱۶ بھادروں شہنشاہی سمت ۱۱ کیشو رام دے گرِہ پِنڈ جنڈو کی سرہالی ضِلع امرتسر

سو پُرکھ نِرنجن کہے دھرنیئے تُوں میری اگمّی دھوَل، دھوُڑی خاک جگ نیتر نظر کِسے نہ آئیا۔ آد جُگادی برہم برہمادی شبد انادی ہو کے چُکاواں موُل، پاربرہم پت پرمیشور پروردِگار سانجھا یار اِک اکھوائیا۔ سچکھنڈ دوار ایکنکار تیری بیننتی کرے منظور، درگاہ ساچی مقامے حق تیری آسا اپنے قدم ٹِکائیا۔ جوتی جاتا ہو کے ویکھاں ضرور، ظاہر ظہوُر اپنا آپ کرائیا۔ تُوں نِرگُن دھار میرا جلوہ تکنا نوُر، نوُر نوُرانہ ڈگمگائیا۔ تیرا پندھ مُکاواں نیڑے دوُر، دوُر دُراڈا آواں دُھر دا ماہیِا۔ نوَ ستّ ہر گھٹ ویکھاں قصوُر، پردہ اوہلا رہن کوئے نہ پائیا۔ جو کلجُگ کُکرم پایا فتُور، فتویٰ دیواں تھاؤں تھائنیا۔ تیری آشا ہون نہ دیواں مجبوُر، مُشکل تیری حل کرائیا۔ نام خُماری دیواں سروُر، غفلت نِندرا وِچوں باہر کڈھائیا۔ شبد انادی دے کے تُور، تُریا باہر کراں شنوائیا۔ میَں شاہو بھوُپ شہنشاہ تیری آسا منسا کراں پوُر، پوُرن برہم دیاں دِرڑائیا۔ سرب کلا بھرپوُر، بھرپوُر رہیا سرب ٹھائنیا۔ جُگ بدلنا میرا آد جُگادی دستُور، دھوَلے تَینوُں دیاں سُنائیا۔

تیرے اُتے شرع میٹاں کوُڑ، کوُڑی کِریا ڈیرہ ڈھاہیِا۔ منوُآ من نہ رہے غروُر، غُربت سب دی باہر کڈھائیا۔ سَت دھرم دا روُپ درساواں اگمّا کپوُر، جو کپل مُن آشا گیا رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ دھرنیئے انتشکرن دی ماریں آہ، اُف ہائے نہ کوئے دُہائیا۔ میَں ویکھنہار مِہرواں، محبان بیِدو نوُر الاہیِا۔ درگاہ سچ وساں گراں، سچکھنڈ ساچے سوبھا پائیا۔ حُکم سندیسہ آد جُگادی دیواں آ، نِرگُن سرگُن اپنی کھیل کھِلائیا۔ اوتار پَیغمبر گُر تیرا بناواں گواہ، شہادت شبد گُروُ بُھگتائیا۔ لہنا دینا ویکھاں تھاؤں تھاں، تھان تھننتر دھرنی دھرت دھوَل دھؤل ویکھ وکھائیا۔ جو کلجُگ جیِواں بُدھی ہوئی کاں، کاگ وانگ کُرلائیا۔ ہِردے وسے کِسے نہ ناں، نر نِرنکار مِلن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ پُرکھ اکال کہے دھرنیئے تُوں اپنی سُرت سنبھال، سمبل دا مالک ہو کے دیاں جنائیا۔ میَں تیری لیکھے لاواں گھال، نوَ نوَ چار دا پندھ مُکائیا۔ پھل لگاواں تیرے ڈال، پتّ ٹہنی آپ مہکائیا۔ بھگت سُہیلے گُروُ گُر چیلے اُپجاواں دُھر دے لال، لالن ہو کے دُھر دا رنگ رنگائیا۔ جھگڑا میٹاں شاہ کنگال، دیِن مذہب دا لیکھا دیاں چُکائیا۔ اوتار پَیغمبر گُروُآں جو میرا دِتا احوال، شبد سندیسیاں وِچ سُنائیا۔ میَں جوتی جاتا پُرکھ بِدھاتا ہو کے کھیل کراں کمال، کامل مُرشد ہو کے ویکھاں چائیں چائنیا۔ کوُڑی کِریا ترےَگُن میٹاں کوُڑ جنجال، جاگرت جوت بِن ورن گوت کراں رُشنائیا۔ نام نِدھانا سِری بھگوانا ہو کے دیواں دھن مال، خزانہ اتوٹ اتُٹ ورتائیا۔ سَتجُگ سَت سچ تیرے اُتے آوے خوشحال، خوشبخری سَتگُر شبد شبد شنوائیا۔ جو سندیسہ دے کے گیا سَتگُر گوبِند اِک روال، سر سرووراں باہر باہر سمجھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا رنگ اگمّ رنگائیا۔ پُرکھ اکال کہے دھرنیئے تیرے اُتے پرگٹاواں دھرم، دھوَلے تَینوُں دیاں جنائیا۔ سرِشٹی درِشٹی اندر ویکھاں کرم، کرم کانڈ دا ڈیرہ ڈھاہیِا۔ کلجُگ کوُڑی کِریا میٹاں بھرم، بھانڈا بھرم بھؤ بھنّائیا۔ درِشٹی کِسے دی رہن نہ دیواں چرم، چمّ درِشٹی لیکھا نظر کوئے نہ آئیا۔ سَتجُگ ساچے ساچا دیاں جنم، دُھر دی بناں آپ جنیندی مائیا۔ جھگڑا رہے نہ ورن برن، ذات پات ونڈ نہ کوئے ونڈائیا۔ مالک خالق بناں کرنی کرن، کرتا پُرکھ اِک ہو جائیا۔ آتم پرماتم پرماتم آتم سب نوُں بخشاں سرن، پاربرہم برہم میلا میلاں سہج سُبھائیا۔ سُرتی شبد میری منزل چڑھن، اَگے ہو نہ کوئے اٹکائیا۔ پنچ وِکار تن وجوُد موُل نہ

لڑن، ماٹی خاک کرن صفائیا۔ تُوں میرا میَں تیرا ڈھولا سارے پڑھن، نِراکھّر اکھّر دھار وِچ دیواں بدلائیا۔ بھاگ لگا کے تیرے نوَ ستّ دے گھرن، گرِہ دوارا اِک سُہائیا۔ جو اوتار پَیغمبر گُروُآں وعدہ کیِتا پرن، پرم پُرکھ ہو کے پوُر کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نِرگُن نِرگُن سدا سدا ہار بھنّن گھڑن، سمرتھ پُرکھ اکتھ اپنا بھیوَ دئے چُکائیا۔

۱۶ بھادروں شہنشاہی سمت ۱۱ پوُرن سِنگھ دے گرِہ پِنڈ چمبل ضِلع امرتسر

سَتگُر شبد کہے دھرنیئے اپنیِاں کھول کے رکھیِں اکھّاں، بِن نیتر لوچن نیَناں نیَن اُٹھائیا۔ دُھر مالک خالق پرِتپالک آوے سخا، سَتگُر انترجامی نِہکامی اپنا پھیرا پائیا۔ جِس دے حُکم وِچ جُگ چؤکڑی لنگھ گئے لکھّاں، سَتجُگ تریتا دواپراپنا پندھ مُکائیا۔ سو پُرکھ اکالا دیِن دَیالا پروردِگار سانجھا یار تیری قیِمت پائے وِچوں ککھّاں، آپ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ سَتگُر شبد کہے دھرنیئے تُوں خوشیاں وِچ ہوویں خوشحال، غمی غم خوار دئے مِٹائیا۔ کِرپا کرے دیِن دَیال، دَیا نِدھ ہووے آپ سہائیا۔ تیری جُگ جُگ دی لیکھےلاوے گھال، لہنا دینا تیری جھولی پائیا۔ تیرا سہارا گوبِند بنے اگمّا لال، جِس نوُں جنمے کوئے نہ مائیا۔ نؤ کھنڈ پرِتھمی ستّ دیِپ تیری دھرم دی دھرمسال، دوُجا بنک نظر کوئے نہ آئیا۔ جِتھے جھُکنے شاہ کنگال، شہنشاہ اپنا نوُر نوُر جوت کرے رُشنائیا۔ سو صاحِب سوامی انترجامی تیری سُرت لئے سنبھال، سمبل دا مالک ہو کے اپنی کل ورتائیا۔ اؤہ تک لےَ جِس کلجُگ وِچ سَتجُگ بدل دینی چال، چار جُگ دے شاستر نِرگُن سرگُن دین گواہیِا۔ جِس دے حُکم وِچ نہ کوئی جواب نہ کوئی سوال، جواب طلبی نظر کوئے نہ آئیا۔ اوہ آپے ویکھنہار مُریِداں حال، مُرشد مالک دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔ سَتگُر شبد کہے دھرنیئے تُوں دھرم دی دھار گاؤنے گیِت، گوبِند ڈھولا دُھر دے ماہیِا۔ تیرا مالک خالق آوے پتت پُنیِت، پاربرہم پربھ اپنا رنگ رنگائیا۔ تیرا لہنا دینا ویکھے ترےَگُن اتیِت، ترےَبھوَن دھنی اپنا حُکم ورتائیا۔ تیری کایا ماٹی

کرے ٹھانڈی سیِت، کلجُگ اگنی اگّ دئے بُجھائیا۔ سَتجُگ ساچی دھرم سچ دی لاوے ریِت، ریِتیوان اگمّ اتھاہیِا۔ جھگڑا رہے نہ مندر مسیِت، کایا کعبہ اِک درسائیا۔ جھگڑا میٹے ہست کیِٹ، کیِٹ کیِٹاں رنگ رنگائیا۔ جِس دا حُکم ورتے انڈیٹِھ، جگ نیتر ویکھن کوئے نہ پائیا۔ اوہ صاحِب سوامی بیِٹھلو بیِٹھ، پت پرمیشور اِک اکھوائیا۔ جو کلجُگ کوُڑی کِریا بھنےّ کؤڑا ریِٹھ، امرت رس نِجھر دھار دئے چوائیا۔ ہتّھ رکھے تیری پُشت پناہ پیِٹھ، مِہربان ہو کے مِہر نظر ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ سَتگُر شبد کہے دھرنیئے تیرا ہووے پربھوُ سہائک، سگلا سنگی دُھردرگاہیِا۔ نِرگُن دھار بنے نائک، نر نرائن نوُر الاہیِا۔ جِس دا لہنا دینا جھگڑا نہیں ترےَگُن مائک، مایا ممتا موہ مِٹائیا۔ ہرِجن بھگت سُہیلے بنائے لائق، من منسا کوُڑ دوُر کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ سَتگُر شبد کہے دھرنی تُوں سُن اگمّی بولی، انبولت کی دِرڑائیا۔ جِس تیری خالی بھرنی جھولی، جھلک اپنا نام ورتائیا۔ تُوں اُس دی سیوک بننا گولی، چاکر روُپ اکھوائیا۔ اوہ نِرگُن دھار تول رہیا تولی، نام کھنڈا ہتّھ اُٹھائیا۔ سَت سچ دی ہٹّی رہیا کھولی، خالق خلق آپ ورتائیا۔ جِس دی دھار ہر گھٹ اندر مؤلی، مؤلا روُپ نوُر الاہیِا۔ اوہ اوتار پَیغمبراں گُروُآں پوُری کرے قؤلی، قؤل اپنا نال نِبھائیا۔ تُوں بے بس ہو کے پا نہ رؤلی، رحمت میرے اُتے کمائیا۔ انتم انت موُل نہ ڈولیِں، دھیِرج دھیِر دیاں دھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ سَتگُر شبد کہے دھرنیئے تیرا میِتا پروردِگار، نوُر الاہ اِک اکھوائیا۔ جو جلوہ گر اپنا کھیل کرے اپار، اپرمپر ہو کے ویکھ وکھائیا۔ جِس سندیسہ دِتا پَیغمبر گُر اوتار، اوتری ہو کے گیا دِرڑائیا۔ سو جوتی جاتا پُرکھ بِدھاتا کل کلکی لئے اوتار، نوُر نوُرانہ دُھر اِماما آپ بدلائیا۔ جِس دا سندیسہ سُن دی رہی وارو وار، وارث ہو کے تَینوُں جائے سُنائیا ۔ اوہ تیرے اُتوں میٹے دھوُاں دھار، کلجُگ اندھ اگیان دئے مِٹائیا۔ تُوں رہنا خبردار، بے خبرے خبر سُنائیا ۔ اوہ پُرکھ اکالا دیِن دَیالا ویکھے وِگسے پاوے سار، ویکھنہار اِک اکھوائیا۔ جِس دی کاغذ قلم شاہی بن سکے نہ کوئے لِکھار، کاتب چلے نہ کوئے چتُرائیا۔ سو آد جُگادی برہم برہمادی ویکھنہار دھرنیئے دھرت دھوَلے تیرا بھار، دُھر دا مالک خالق اِکو نوُر الاہیِا۔ سو کلجُگ انت سِری بھگوَنت تیرا ہوئے مددگار، دوُسر سنگ نہ کوئے رکھائیا۔ نہ کریں بِن نیتر نیَناں رو رو گِریہ زار، ہنجھوُآ ں ہار نہ کوئے بنائیا۔ تُوں

جِس دی تابعدار، سیوک ہو کے سیو کمائیا۔ صدی چؤدھویِں انت اَخیِر بے نظیِر دا کر اِنتظار ، جو نِرگُن آوے دُھر دا ماہیِا۔ جو دیِناں مذہباں ذاتاں پاتاں وسے باہر، بِن روُپ رنگ ریکھ اپنا بھیوَ دئے چُکائیا۔ دھرنی ہس کے کہے سَتگُر شبد میَں بل بل جاواں بلہار، میرے اُتے آوے میرا ماہیِا۔ میَں نِو نِو ڈنڈاوت بندنا کر کے دھوُڑی لاواں چھار، سجدیاں وِچ قدم بوسی کر کے سیِس نِوائیا۔ بِن نیتر لوچن نیَناں کراں درس دیِدار، سنمُکھ ہو کے ویکھ وکھائیا۔ جو میرے اُتے دھرم دا گُلشن مہکائے بسنت کرے بہار، کلجُگ خِزاں رُت دئے بدلائیا۔ سو مالک سوامی میرا ہووے میِت مُرار، مِتر پیارا اِک اکھوائیا۔ اَگوں سَتگُر شبد بول کہے للکار، دُھر دا حُکم دِرڑائیا۔ اوہ دیِناں بندھپ دیِن دَیالا سب کُچھ کرنیہار، قُدرت دا قادر اگمّ اتھاہیِا۔ جِس دا روُپ انوُپ اپار، اپرمپر سوامی اِک اکھوائیا۔ جو سب دا لہنا دینا پوُرب قرضہ دئے اُتار، مقروُض اپنا لیکھ مُکائیا۔ دھرنیئے دھوَلے تیرا لہنا دینا تیری جھولی دیوے ڈار، وست اگمّ اتھاہ اتول اتُل ورتائیا۔ دھرنی کہے سَتگُر شبد میَں اوسے پربھوُ نوُں کراں نِمسکار، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی جو کرنہارا مِہر، مِہربان مِہربان مِہربان اگمّ اتھاہیِا۔

۱۷ بھادروں شہنشاہی سمت ۱۱ موہن سِنگھ دے گرِہ پِنڈ چمبل ضِلع امرتسر

دھرنیئے تیوے سگل وِسوُرے جان لتھ، روگ سنٹاپ رہے نہ رائیا۔ پُرکھ اَکالا دیِن دیالا سِر رکھے ہتھ، مِہروان اپنی دیا کمائیا۔ جِس دے پیار وِچ تُوں ستھر گئی لتھ، سَت سَت دی سیج ہنڈائیا۔ اوہ سرب کلا سمرتھ، ہرِ کرتا دُھردرگاہیِا۔ جِس تیرے اُتے دھرم چلاؤنا رتھ، سَتجُگ اپنا رنگ رنگائیا۔ کلجُگ کوُڑی کِریا پاوے نتھ، چار کُنٹ لئے بندھائیا. مو وِکارا دیوے متھ، متھن کرے خلک خُدائیا۔ جِس دی مہِما سدا اکتھ، شو اپنا نام دئے وڈیائیا۔ جِس دا اِشارا دے کے گیا رام بیٹا دسرتھ، دہِ دِشا کھوج کھوجائیا۔ جِس دی نِگاہ رکھی بھاگیرتھ دھار بھتھ، بِن اکھّاں اکھّ اُٹھائیا۔ اوہ تیَنوُں

دیونہار ساچی وتھ، وست امولک اِک ودتائیا۔ تیدے بھاگ اُدے ہوون مستک متھ، دُھڑی خاک لیَنی رمائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، نِہکلنک نرائن نر، مہاراج شیرسِنگھ وِشنوُں بھگوان، حُکم سُنائے بودھ اگادھ، اکتھنا کتھ، رسنا جِہوا جگت جُگت سمجھ کِسے نہ آئیا۔

۱۷ بھادروں شہنشاہی سمت ۱۱ تیجا سِنگھ دے گرِہ پِنڈ چمبل ضِلع امرتسر

دھرنیئے تیرے نیتر نیِر وِچ نرائن، نوُر نوُرانہ نوُر الاہیِا۔ جو تیرا پوُرب دیوے لہنا دین، خالی جھولی آپ بھرائیا۔ تیرا سگلا سنگی بنے سیَن، ساجن اِک اکھوائیا۔ آسا پوُری کرے جو رام سندیسہ دِتا بالمیِک رمائن، سییا سَتگُر شبد نال وڈیائیا۔ آسا منسا تیری ویکھے جو گنگا جمنا سُرستی کِہا ترِبَین، ترِبَینی تیرا دھیان لگائیا۔ تیرا مالک خالق کھیل کھیلے وِچ ہِندوَین، ہِند بھارت اپنا رنگ رنگائیا۔ تُوں بَیٹھنا نال چَین، چیِنا دا لیکھا تیرے نال رلائیا۔ بے شک تیرے اُتے دیِن مذہب کھہن، نام کلمہ کرے لڑائیا۔ لاڑی مؤت بنے ڈَین، لکھّ چؤراسی گھر گھر کھائیا۔ تُوں دھیِرج نال رہنا بننا نہیں طرفیَن، حِصّہ ونڈ نہ کوئے ونڈائیا۔ مانَو ذاتی سمجھنی نہیں پرائن، پرا پسنتی مدھم بَیکھری توں باہر ویکھ وکھائیا ۔ تیرا نِشانہ سِری بھگوانا کرے عین دا عین، جو اَناالحق حق کہہ کے گیا سُنائیا۔ اوہ منسا تک لےَ جو رِکھپ دیوَ کیِتی اُجَین، بِن اکھّراں اکھّ اُٹھائیا۔ کلجُگ کوُڑ کُڑیارا تیرے اُتوں میٹے وہن، ونجھی دھار نہ کوئے وڈیائیا۔ داڑھاں ہیٹھ پرِتھمی آئے چبائن، چتربُھج اپنی کل ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، نِرگُن داتا پُرکھ بِدھاتا تیرا دیوے دین، دیونہار ایکنکار اِک اکھوائیا۔

۱۷ بھادروں شہنشاہی سمت ۱۱ نِرنجن سِنگھ دے گرِہ پِنڈ چمبل ضِلع امرتسر

دھرنیئے تُوں آد جُگاد سُگھڑ سُچجیّ سیانی، سَت سچ نال مِل کے تیری وجے ودھائیا۔ پربھوُ دی بخشش تیرے اُتے چارے کھانی، انڈج جیرج اُتبُھج سیتج سوبھا پائیا۔ تیرے سیِنے دی دھار اٹھسٹھ تیِرتھ سر سروور پانی، جل دھارا مِل کے خوشی بنائیا۔ چار جُگ دے گرنتھ شاستر تیرے اُتے پربھوُ حُکم دی بانی، گُر اوتار پَیغمبراں سنگ رکھائیا۔ تُوں کلجُگ انت کیوں چار کُنٹ ہوئی نِمانی، بلہیِن ہیِن اکھوائیا۔ تیرا مالک خالق اِک سُلطانی، شہنشاہ نوُر الاہیِا۔ جِس دی سدا جوبن والی جوانی، بِردھ روُپ نہ کوئے جنائیا۔ اوہ تیری جانے کتھا کہانی، کہن دی لوڑ رہے نہ رائیا۔ اوہ دُھر دا باپ اسمانی، اِسم اعظم اِک اکھوائیا۔ جِس دا جِسم نہیں جِسمانی، ضمیِر جگت نہ کوئے جنائیا۔ اوہ آد جُگادی اوتار پَیغمبراں گُروُآں بانی، مالک خالق نوُر الاہیِا۔ جِس دے کول منزل حق روُحانی، روُح بُت دئے وڈیائیا۔ اوہ تیری کلجُگ انتم میٹے پریشانی، چِنتا چِکھا وِچوں باہر کڈھائیا۔ سَت دھرم دی سَتجُگ دئے نِشانی، نِشانہ کلجُگ کوُڑ مِٹائیا۔ مِہربان ہو کے کرے مِہربانی، محبوُب اِک اکھوائیا۔ تُوں اُس دے چرن کوَل کریں دھیانی، نِج نیتر اکھّ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جان جانی، جاننہار ایکنکار اِک اکھوائیا۔

۱۷ بھادروں شہنشاہی سمت ۱۱ انوکھ سِنگھ دے گرِہ پِنڈ چمبل ضِلع امرتسر

دھرنیئے پربھ ویکھے تیرے دُکھاں والا کھرڑا، کھڑگ کھنڈے دی دھار باہر دھیان لگائیا۔ من کلپنا دُئی دویَتی شرع دا تکے جھگڑا، نوَ ستّ پردہ آپ اُٹھائیا۔ تیرا لہنا دینا ویکھے جو لِکھیا وِچ پُران گرڑا، وید ویاسا کی گیا سمجھائیا۔ جِس دے نال دو جہان لگنا رگڑا، چوٹی جڑ بچیا رہن کوئے نہ پائیا۔ تُوں پُرکھ اکال دیِن دَیال دا اِکو چرن کوَل پکڑا، پگ ڈنڈیِاں رستہ ویکھن کوئے نہ پائیا۔ جو جھگڑا میٹے کلجُگ جیِو بگ بپ بگڑا، کھولنہارا تھاؤنھانئیا۔ جِس لہنا دینا کھیل مُکاؤنا گوَر مرڑا، مڑھی گور دھیان لگائیا۔ اُس دا حُکم سندیسہ فرمان اگمّا کرڑا، دو جہان سکے نہ کوئے بدلائیا۔ کلجُگ کوُڑ کُڑیار جو نیتر بدلے دِرڑا، اکھّ اکھّ وِچوں اُلٹائیا۔ مایا ممتا موہ وِکار جائے جرڑا، بندھن دُھر دا نام

رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے دو جہان، جہالت تکے تھاؤں تھائنیا۔

۱۷ بھادرو شہنشاہی سمت ۱۱ چرن سِنگھ دے گرِہ پِنڈ چمبل ضِلع امرتسر

دھرنیئے تُوں کیوں روندی کُرلاندی، ہاہاکار وِچ کریں حال دُہائیا۔ تُوں آد جُگاد جُگ چؤکڑی شبد گُروُ دی باندی، بندنا وِچ بہہ کے اِکو سیِس نِوائیا۔ تُوں میرا میَں تیرا ڈھولا رہنا گاندی، دوُجا اِشٹ نہ کوئے منائیا۔ تیرے اُتوں کلجُگ کوُڑ کُڑیار پربھ مِٹاوے اندھیر آندھی، اندھ کوُپ دا لیکھا رہے نہ رائیا۔ جھگڑا رہن نہ دیوے سونا چاندی، دھنّ دؤلت مِٹّی خاک خاک مِلائیا۔ تُوں لوک مات موُل نہ رہنا پچھتاندی، پشچاتاپ نہ کوئے رکھائیا۔ خوشیاں نال سچ دا رس رہنا پیِندی کھاندی، خاکہ دُنیا نہ کوئے جنائیا۔ جے تیری صاحِب بِنا پت جاندی، پُرکھ اکالا ہوئے سہائیا۔ تَینوُں سوگندڑی آد جُگاد گُراں دی، گُروُ گُردیو دین جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیری آواز سُنے دُکھاں والی سُراں دی، سُرتی اکال موُرتی اکل کل دھاری آپے ویکھ وکھائیا۔

۱۷ بھادروں شہنشاہی سمت ۱۱ دیِدار سِنگھ دے گرِہ رات نوُں پِنڈ جٹّا ضِلع امرتسر

دھرنی کہے پربھوُ میرے آد جُگادی سنبندھیِا، بندنا ڈنڈاوت سجدہ کرکے سیِس نِوائیا۔ نِرگُن نِراکار نِرنکار میرے اُتے تک لےَ سندھیا، جو اوتار پَیغمبراں گُروُآں نال گیا کرائیا۔ میرے مِہربانا نؤجوانا سِری بھگوانا شرع دیِاں میٹ دے پابندیِاں، شریِعت اِک دینی سمجھائیا۔ میَں تیرا سُکھ ماناں اگمّ انندیا، انند انند دے مالک دینا ورتائیا۔ دُئی دویَت مِٹا دے کوُڑ کُڑیار دیِاں ڈھاہ دے کندھیِاں، مانَس مانَو مانُکھ اِکو در سُہائیا۔ محبوُب ہو کے لا لےَ انگی آ، انگیکار اِک ہو جائیا۔ جگت وِکار تن وجوُد واشنا کڈھ دے گندیِاں، ماٹی خاک تیرے نام دی وجے

ودھائیا۔ جُگ چؤکڑیاں کیتے میرے اُتوں لنگھیِاں، آپ اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار آپ رکھائیا۔ دھرنی کہے پربھوُ کِرپا کر گُروُ مہاراج، صاحِب سَتگُر سیِس نِوائیا۔ آتم پرماتم سرِشٹی درِشٹی اندر بنا سماج، سمگری نام سَت ورتائیا۔ مِہربان ہو کے میرے سوار کاج، کرنی دے کرتے دَیا کمائیا۔ سَت دھرم دا سَت ستوادی بخش راج، رعیت اپنے رنگ رنگائیا۔ تیرا دھرم لنگڑا لوُلا ہویا اپاہج، نوَ ستّ ویکھنا تھاؤں تھائنیا۔ پرم پُرکھ پرماتم میری بیننتی منّ لےَ آج، عاجز ہو کے سیِس نِوائیا۔ تَینوُں نِرگُن داتے کہندے غریِب نواز، غریِب نِمانیاں ہونا سہائیا۔ میَں بیننتی کردی نوَ ستّ وِچوں پنج آب، پنچم دے مالک دینی مان وڈیائیا۔ میرا لیکھا لہنا دینا رہے نہ دو دو آب، دو جہاناں اپنا پردہ دینا کُھلائیا۔ میرا لہنا دینا تکیں نہ پُنّ صواب، سَتگُر ہو کے دَیا کمائیا۔ تُوں نِرگُن داتا پُرکھ بِدھاتا کھیل کریں اوتار پَیغمبراں گُروُآں بعد، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میَں تیری دھار نِمانی، نِمرتا وِچ سیِس نِوائیا۔ میرا ایکو ایک بخش دے ہانی، سَتگُر شبد شبد مِلائیا۔ تیرے کلمے دی نام نِدھان دسےّ بانی، انیالا تیِر چلائیا۔ میرے اُتے پوِتر ہو جائے چارے کھانی، انڈج جیرج اُتبُھج سیتج دُرمت میَل دھوائیا۔ تُوں شاہو بھوُپ سُلطانی، شہنشاہ نوُر الاہیِا۔ آد جُگادی میرے اُتے کر مِہربانی، محبوُب تیری اوٹ تکائیا۔ امرت میگھ برس دے اگمّا پانی، جگت سرووراں لوڑ رہے نہ رائیا۔ شبدی ناد دے اگمّ دُھنکانی، انحد نادی ناد وجائیا۔ جوتی جاتے تیرا چمکے نوُر نوُرانی، نوَ ستّ کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ دھرنی کہے میرے مالک ٹھاکر حق محبوُب، تیری مُحبّت وِچ سیِس نِوائیا۔ میرے اُتے حاضر ہو مؤجوُد، مجلس بھگتاں نال رکھائیا۔ شرع شریِعت میٹ حدوُد، حد اِکو اِک درسائیا۔ تیری عالیشان عالی جاہ تکاں عروُج، عرش فرش دے مالک تیرا نوُر نظری آئیا۔ تیری منزل اِکو ہووے حق مقصوُد، دوُجا گرِہ نظر کوئے نہ آئیا۔ بے شک میرا ماٹی خاک تن نہیں وجوُد، دھرنی دھرت دھوَل دھؤل ہو کے آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے میرے اُتے کر مِہربانی، مِہربان دَیا کمائیا۔ میری بالی بُدھ اَنجانی، عقل بُدھی نہ کوئے چتُرائیا۔ میری پوُرب پوُرب رہی جوانی، جوبن ونتے اَگے دینی مان وڈیائیا۔ میری کتھا کہانی نہ تک پُرانی، پُنہ پُنہ کہہ کے

سیِس نِوائیا۔ میَں نوَ ستّ کلجُگ کوُڑی کِریا کیِتی نِمانی، نِمانی ہو کے سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار اِک پرگٹائیا۔ دھرنی کہے پرم پُرکھ میرے پُرکھ اکال، اکل کل دھاری تیری وڈیائیا۔ میرے اُتے ہو دَیال، دینن اپنے رنگ رنگائیا۔ سچ بھنڈارا دے اگمّا مال، نام نِدھان اِک ورتائیا۔ نوَ ستّ میری بنا سچّی دھرمسال، دھرم دوار اِک وکھائیا۔ جوتی جاتا ہو کے سُرت سنبھال، سمبل اپنا آسن لائیا ۔ لیکھا مُکا دے شاہ کنگال، شہنشاہ اپنا رنگ رنگائیا۔ میری اِکو بیننتی اِکو سوال، عرض آرزو تیرے چرن ٹِکائیا۔ کلجُگ کوُڑی کِریا کر زوال، ظاہر ظہوُر اپنا نوُر کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے آس رکھائیا۔ دھرنی کہے پربھوُ میری پوُری کر دے آسا، ترِسنا جگت دے بُجھائیا۔ تیرے اُتے رکھیا بھرواسا، بھگوَن تیری اوٹ تکائیا۔ تُوں شاہو بھوُپ شہنشاہ شاباشا، آد جُگاد تیری سرنائیا۔ میرے منڈل منڈپ خوشیِاں والی پا دے راسا، بِن گوپی کاہن ناچ نچائیا۔ مانَس مانَو مانُکھ انتر نِرنتر نِرگُن نوُر کر پرکاشا، اندھ اندھیر رہے نہ رائیا۔ نام جپا دے سواس سواسا، ساہ ساہ تیرا نام دِھیائیا۔ نِج گرِہ اندر جوتی جاتے ہو کے ویکھ تماشا، باہر کھوجن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سچ آپ اکھوائیا۔ پُرکھ اکال کہے سُن دھرنی دھوَل، دھرتی دیاں جنائیا۔ میرا آد جُگادی الاہی نوُر اول، عالمیِن اِک اکھوائیا۔ میَں ہر گھٹ انتر جاواں موَل، مؤلا ہو کے سنگ نِبھائیا۔ میرا سب دے نال اِقرار قؤل، آد جُگادی دیاں دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی ہوئے سہائیا۔ دھرنیئے تُوں دھوَلے موُل نہ ڈر، ڈرپوک روُپ بنائیا۔ تیرا مالک خالق اِکو ہرِ، ہرِ کرتا دُھردرگاہیِا۔ جِس جُگ چؤکڑی بخشے ور، داتا ہو کے جھولی پائیا۔ اوہ دوُر دُراڈا نِرگُن دھار آئے تیرے گھر، گرِہ مندر ویکھ وکھائیا۔ نوَ ستّ دی دھار تکے سروور سر، جل تھل مہیئل کھوج کھوجائیا۔ تُوں صاحِب سُلطان دی سرنائی جائیں پر، بِن پرا پسنتی مدھم بَیکھری خوشیاں ڈھولے گائیا۔ اوہ مالک خالق نرائن نر، نر ہرِ اپنے رنگ رنگائیا۔ جِس دا بھانا جُگ چؤکڑی رہی جر، سَتجُگ تریتا دواپرکلجُگ بَیٹھی پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دوار دئے وڈیائیا۔ دھرنی کہے پربھوُ تک لےَ انتشکرن، باہر ویکھن دی لوڑ رہی نہ رائیا۔ میَں اِکو پوُجاں تیرے چرن، دوُجا اِشٹ نہ کوئے منائیا۔ میَں چاہُندی میرے

اُتوں جھگڑا میٹ دے ورن برن، چار اٹھاراں ونڈ نہ کوئے ونڈائیا۔ دیِن مذہب تیرے نام کلمے اُتوں موُل نہ لڑن، شرع کرے نہ کوئے لڑائیا۔ سُرتی دھار ایکنکار تیرا شبدی پلّوُ پھڑن، بِن ہتّھاں دینا پھڑائیا۔ بِن قدماں منزل چڑن، بھجّن واہو داہیِا۔ تُوں میرا میَں تیرا آتم پرماتم ڈھولا پڑھن، دُھر دی سِکھیا اِک سِکھائیا۔ ترےَگُن مایا موُل نہ سڑن، اگنی تت نہ کوئے تپائیا۔ تیرے سچ دوار ایکنکار دُھر درگاہ وڑن، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ نِگاہ مار لےَ اپنے جگت، جگت جگیاَسوُآں ویکھ وکھائیا۔ کی کھیل رچایا بوُند رَکت، تن وجوُداں پنج تت مِل کے وجے ودھائیا۔ میرے مِہربانا سِری بھگوانا میرے اُتے پرگٹ کر دے اپنے بھگت، بھگوَن پردہ دینا چُکائیا۔ میرا سُہنجنا کر دے وقت، گھڑی پل تیرا راہ تکائیا۔ تیری آد جُگادی اِکو شکت، دوُجا نظر کوئے نہ آئیا۔ سَت دھرم دی میرے اُتے بنا دے بنت، گھڑن بھنّنہار تیرے ہتّھ وڈیائیا۔ گُرمُکھ گُرسِکھ ہرِجن میرے اُتے ہون سنت، سَتگُر شبد شبد دا ڈھولا گائیا۔ تُوں پرم پُرکھ پرماتم بننا اگمّا کنت، کنتُوہل ہو کے اپنا رنگ رنگائیا۔ میَں چاہُندی میرے اُتے دھرم دی بہار ہوئے بسنت، پتّ ٹہنی پھل پھوُل آپ مہکائیا۔ نوَ ستّ گڑھ توڑ دے ہؤمے ہنگت، ہنگ برہم آپ جنائیا۔ میری بھوُمکا سَت دھرم بنا دے بہِشت جنّت، کلجُگ کوُڑی کِریا باہر ہٹائیا۔ میرے اُتے مِہربانا تیرا رہے کوئی نہ نِندک، چُغلی سرون سُنن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، ہر ہِردے انتر اپنے پیار دی دے ہِمّت، حوصلہ پیار والا ودھائیا۔

۱۷ بھادروں شہنشاہی سمت ۱۱ گُربچن سِنگھ دے گرِہ پِنڈ اُسما ضِلع امرتسر

نارد کہے سُن نی دھرنیئے مئیا، ممیئے امیئے تَینوُں دیاں جنائیا۔ کی کھیل کرے تیرے اُتے اگمّا سئیا، ساجن راجن شاہو بھوُپ کی دِرڑائیا۔ کی آسا رکھ کے گیا رام رمئیا، رام راما کی بھیوَ چُکائیا۔ کی سندیسہ دِتا نِرگُن سرگُن دھار گھنئیا، کاہن کاہنا کی دِرڑائیا۔ نی اپنا لہنا دینا کھاتہ کڈھ کے تک لےَ وہئیِا، واحد اِکو حُکم جنائیا۔ کی پَیغمبراں تیرے اُتے پائی صحیا، شہادت کی بُھگتائیا ۔ کیہڑی دھار گُروُآں چلائی

نئیا، نؤکا ویکھنی تھاؤں تھائنیا۔ نِگاہ مار لےَ نوَ ستّ تیری پت گئیا، سیِس ہتّھ نہ کوئے ٹِکائیا۔ ناتا رہیا نہ بھَیناں بھئیا، پِتا پوُت نہ کوئے چتُرائیا۔ اوہ ویکھ لےَ لنگھ گیا گوبِند والا ڈھئیا، ڈھؤنکا اپنا دئے جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دُھر دا بھیوَ آپ کُھلائیا۔ نارد کہے دھرنیئے تُوں نِگاہ مار لےَ جلدی، جگت سماج سنگ نہ کوئے رکھائیا۔ کی قیِمت پَینی تیرے اُتے نانک والی اِک گلّ دی، جِس نوُں کتھنی کتھ سکے نہ رائیا۔ دھار تک لےَ کلجُگ کل دی، کی کاتیِاں رہیا لگائیا۔ کی خبر سُنی مہیئل جل تھل دی، سمُند ساگر ٹِلّے پربت کی دِرڑائیا۔ کی آشا کہِندی راجے بل دی، باوَن دھار کی سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ نارد کہے دھرنیئے دھوَلے اپنا تک لےَ روُپ انوُپ، کی رہیا جنائیا۔ تیرا سَت دا رہیا نہ کوئے سپوُت، پِتا پوُت نہ کوئے وڈیائیا۔ میَں تیرے کولوں پُچھنا چاہُندا اِک ثبوُت، سہج نال دینا سُنائیا۔ کی تَینوُں اِشارہ دِتا محمد والے محبوُب، نوُر نوُرانہ شاہ سُلطانا کی دِرڑائیا۔ کیہڑی منزل حق تیری عرش عروُج، عالیشان کوَن گیا سمجھائیا ۔ میرا اِشارہ بِنا رمز توں بوُجھ، جگت بُدھی نال مِلائیا۔ تَینوُں سب نے کِہا بسُدھ، بسُدھے تَینوُں دیاں سُنائیا۔ کوَن کوُٹے تیرا ہونا یُدھ، یُدِھشٹر دا لیکھا پِچھلا دینا دِرڑائیا۔ اوہ تک لےَ دھرم تیرے اُتوں گیا اُڈ، نِشانہ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا گرِہ اِک درسائیا۔ نارد کہے دھرنیئے آد جُگاد دی ماتا، ممتا توں باہر دیاں جنائیا ۔ کی خبر سندیسہ دیوے دُھر دا داتا، دو جہاناں والی کی رہیا دِرڑائیا۔ میَنوُں اپنا کھول وکھا دے کھاتہ، خطرے توں باہر دیاں جنائیا۔ میَنوُں اِیوں دِسدا تیرے اُتے ہوئی اندھیری راتا، ساچا چند نہ کوئے چمکائیا۔ میَں کلجُگ دیاں سب توں وکھریِاں سُنیِاں باتاں، جو باطن بھیوَ کُھلائیا۔ میَں تیرا نوَ ستّ دا لُٹنا اَحاطہ، بچیا رہن کوئے نہ پائیا۔ اُس دا پوُرا ہوون والا گھاٹا، گھاٹے وِچ دِسے تیرے اُتے خلق خُدائیا۔ امرت رس رہیا نہ گوبِند دھار باٹا، دُھر دا جام نہ کوئے پیائیا۔ نی تیری سُہنجنی خالی ہوئی کھاٹا، کھٹیِا سِنگھاسن آسن پُرکھ ابناشن نہ کوئے لگائیا۔ نارد کہے میَں مار کے آیا واٹا، دُھردرگاہوں بھجّا واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا دوار اِک پرگٹائیا۔ نارد کہے دھرنیئے تَینوُں دُھر دی سُناواں خبر، بے خبرے دیاں جنائیا۔ تُوں کرکے بَیٹھیں صبر، دھیِرج دھیِر نال وڈیائیا۔ اِک آواز سُننی مدُھر، دُھن دُھن وِچوں شنوائیا۔ تیرے اُتے پَین

والا غدر، گداگر ہووے لوکائیا۔ تیری آسا پوُری ہووے سدّھر، صدقے واری گھول گھُمائیا۔ پُرکھ اکالا دیِن دَیالا کرن والا عدل، اِنصاف اپنا دئے جنائیا۔ کلجُگ کوُڑی کِریا دیوے بدل، بدلا چُکاوے تھاؤں تھائنیا۔ شرع چُھری کِسے نہ کرے قتل، قاتل مقتُول دا پندھ مُکائیا۔ تیرا نِرگُن دھار آ کے ویکھے وطن، بے وطنے تَینوُں دیاں دِرڑائیا۔ تُوں اِک اِکلّی کر لئیں اپنا یتن، یتھارتھ دیاں سمجھائیا۔ جِس دا سمبل ساڈے تِنّ ہتّھ ہونا پتن، گھاٹ اِکو اِک وکھائیا۔ جو تیرے اُتوں بھگت سُہیلے گُروُ گُر چیلے رتن، امولک ہیِرے آپ پرگٹائیا۔ آتم پرماتم جگت وِدیا توں باہر دیوے متن، مت متانتر ڈیرہ ڈھاہیِا ۔ نِرگُن ہو کے وسے گھٹ گھٹن، ہر گھٹ اپنا ڈیرہ لائیا۔ اوہ تک لےَ پَیغمبراں دا وقت لگّا ٹپّن، اَگے ہور نہ کوئے ودھائیا۔ کلجُگ کوُڑ اندھیرا لگّا چھپن، سَتجُگ سَت کرے رُشنائیا۔ سَتگُر شبد سب نوُں لگّا پھٹّن، بچیا رہن کوئے نہ پائیا۔ دُھر دے حُکم نال ڈوری لگّا کٹّن، کٹاکش اپنا نام لگائیا۔ دیِن دُنی دا بُرج لگّا ڈھٹّھن، ڈھیری خاک خاک مِلائیا۔ تیرا لیکھا مکُے اٹھسٹھن، جلدھارا ویکھنا چائیں چائنیا۔ جھگڑا رہے نہ مندر مٹھن، شِودوالیاں مندراں پندھ مُکائیا۔ اِکو نوُر جوت پرکاش ہووے لٹ لٹن، دو جہاناں ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی سدا سمرتھن، سمرتھ اکتھ ایکا ایک ایک اکھوائیا۔

۱۹ بھادروں شہنشاہی سمت ۱۱ دربارا سِنگھ دے گرِہ پِنڈ وریاں ضِلع امرتسر

دھرنی کہے پربھوُ میرے اُتے تیرا سوہے دوارا اِکو بنک، بنک دواری ہو کے دینی وڈیائیا۔ جِتھے مان تان ملِے راؤ رنک، اوُچ نیِچ ذات پات دیِن مذہب ونڈ نہ کوئے ونڈائیا۔ تیرے نام نِدھان دا سِری بھگوان وجے ڈنک، نوَ ستّ برہم مت کرے رُشنائیا۔ میری آشا پوُری کر دے جو آشا رکھی جنک، جنک سپُتری سیِیا نال مِلائیا۔ جو سندیسہ دِتا رام میَنوُں چُکن لگّیاں دھنُش، بِن باہوُ بَل سمجھائیا۔ دھرنیئے تیرے اُتے کھیل ہونا وار اَنک، اَنک کل دھاری اپنا روُپ بدلائیا۔ کلجُگ انتم لہنا دینا ویکھنا پُری گھنک، گھنئیا اپنا سوانگ

وکھائیا۔ جِس وِچ رہے کوئی نہ شنک، سنسا اندر نہ کوئے جنائیا۔ سچ پریم دی جن بھگتاں لائے تنک،َ کھچی جائے واہو داہیِا۔ من کا منکا پھیرے آپ منک، جگت تسبیِاں لوڑ رہے نہ رائیا۔ ترِسنا میٹے کامنی کنک، قُدرت دا قادر ہوئے سہائیا۔ جو اِشارہ کیِتا برہمے پُت سنک، سنت کُمار جِس دی دئے گواہیِا۔ جو پُرکھ اکالا دیِن دَیالا تیری بنائے نوَیِں بنت، گھڑن بھنّنہار ہو کے رنگ رنگائیا۔ تیرا گُلشن مہکے رُتڑی ہووے بسنت، پتّ ٹہنی پھل پُھل گُرمُکھ گُرسِکھ سوہنے بوُٹے لائیا۔ مالک بن کے دُھر دا کنت، کنتُوہل ہو کے ویکھ وکھائیا۔ بِنا بھگتیؤں بنا کے بھگت سنت، اپنے ہتّھ رکھے وڈیائیا۔ دیوے مان وڈیائی وِچ جیِو جنت، جاگرت جوت کرے رُشنائیا۔ اپنا بھیوَ کُھلائے اگنت، مہما کتھ سکے نہ رائیا۔ اِکو نام کلمہ دیوے منت، منتوَ تیرا حل کرائیا۔ تُوں دُھر دا ڈھولا گاؤنا چھنت، سوہنگ سَت سچ پڑھائیا۔ تیرے اُتوں گڑھ توڑے ہؤمے ہنگت، ہنگ برہم دئے سمجھائیا۔ بودھ اگادھا بن کے پنڈت، بِن اکھّراں کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ دھرنیئے تیرا لہنا دینا پوُرب پُرانا، چار جُگ دے شاستر کہن کِچھ نہ پائیا۔ تیرا مالک سوامی ٹھاکر اِک بھگوانا، دوُجا نظر کوئے نہ آئیا۔ جِس چرن کوَل تَینوُں بخشیا اگمّ ٹِکانا، آد جُگاد دِتا ٹِکائیا۔ تُوں اوسے دا ڈھولا گیِت گانا، گُن گہر گمبھیِر سُنائیا۔ جو تیرا لہنا دینا لیکھا جانے جانی جانا، جاننہار اِک ہو جائیا۔ اوہ تیرے اُتے کملیئے جوت سروُپی پہر بانا، بان انیالا تیِر چلائیا۔ جِس تختوں لاہیِا راجا رانا، رعیت اپنا حُکم ورتائیا۔ اوہ شاہو بھوُپ سُلطانا، شہنشاہ دُھردرگاہیِا۔ اُس دا سَتگُر شبد دئے فرمانا، فُرنیاں باہر سُنائیا۔ اوہ والی بن کے دو جہاناں، جہالت تیرے اُتوں دئے مِٹائیا۔ سَت دا سچ کرے پردھانا، پردھانگی اپنا حُکم سمجھائیا۔ جن بھگتاں دیوے گیانا، بِن اکھّراں اکھّر سمجھائیا۔ چرن پریِت بخش کے دانا، وست اتول اتُل جھولی دئے ٹِکائیا۔ تُوں اُس دا منّنا بھانا، جِس دے بھانے وِچ سد سمائیا۔ جِس کلجُگ انتم نوَ ستّ کرنا وَیرانہ، وَیری گھر گھر ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد انت کھیلے کھیل مہانا، جُگا جُگنت اپنا حُکم ورتائیا۔

۱۹ بھادروں شہنشاہی سمت ۱۱ سوَرن سِنگھ دے گرِہ پِنڈ ترنتارن ضِلع امرتسر

دھرنی کہے پربھوُ میرے اُتے مار کے ویکھ لےَ پھیری، نوَ ستّ اپنا پھیرا پائیا۔ چار کُنٹ دہ دِشا ہووے کوُڑ اندھیری، پھل پُھل پتّ ٹہنی سَت دھرم دے وکھائیا۔ موہ وِکارا جگت میَنوُں رہیا گھیری، گھِرنا وِچ میری دُہائیا۔ میَں آد جُگاد مالک سوامی تیری، تُدھ بِن اِشٹ نہ کوئے منائیا۔ کِسے اوتار پَیغمبر گُروُ دی بنی نہیں چیری، سِر سر نہ کِسے نِوائیا۔ میَں آد جُگاد جُگ چؤکڑی بَیٹھی رہی نال دلیری، حوصلہ ہِمّت سنگ بنائیا۔ مِہربانا میرے اُتے کریں اپنی مِہری، مِہر نظر نظر اُٹھائیا۔ کلجُگ انت کریں نہ دیری، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے اُتے تک لےَ اپنی دھار، دھوَل ہو کے دیاں سُنائیا ۔ نِگاہ مار لےَ وِچ سنسار، سنساری بھنڈاری سنگھاری نال مِلائیا۔ نوَ ستّ رہیا نہ کوئی دھرم دوار، دوارکا واسی نظر کوئے نہ آئیا۔ میَں روواں زارو زار، گِریہ زار وِچ کُرلائیا۔ تُوں میرے مالک میری پاؤنی سار، مہاسارتھی ہو کے ویکھ وکھائیا۔ تَینوُں سب نے منّیا کل کلکی اوتار، نِہکلنک تیری وڈیائیا۔ اِمام اِماما نوُر کر اُجیار، جوتی جاتا ہو کے ڈگمگائیا۔ میَں تیری سدا سدا سد سیوادار، برخوردار ہو کے سیو کمائیا۔ تُوں بخشنہارا ایکنکار، اِک اِکلّا دُھردرگاہیِا۔ میری بیننتی سُن پُکار، پُنہ پُنہ سیِس نِوائیا۔ میرے اُتے رہن نہ دینا اندھ اندھیار، کوُڑ کُڑیارا دینا گوائیا۔ میَں منگتی تیرے در بِھکھار، بِھکھک ہو کے جھولی ڈاہیِا۔ سَت سچ وست دینی ڈار، کرتے قیِمت کوئے نہ لائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ کوئے سِکدار، شہنشاہ سِر ہتّھ نہ کوئے ٹِکائیا۔

۱۹ بھادروں شہنشاہی سمت ۱۱ ترِپت سِنگھ دے گرِہ پِنڈ پنڈوری ضِلع امرتسر

دھرنی کہے پربھوُ میری نوَ نوَ چار دی آشا کر دے ترِپت، ترِکھا ترِسنا جگت جہان رہن نہ پائیا۔ آد جُگادی شبدی دھار ویکھ لےَ لِکھت، نِرگُن داتے پُرکھ بِدھاتے اپنا ڈیرہ لائیا۔ میرے مِہربانا سِری بھگوانا لیکھا تک لےَ اپنی سرِشٹ، دیِن دُنی جگت جہان نؤجوان

ویکھ وکھائیا۔ تن وجوُد انتر نِرنتر تک لےَ درِشٹ، نوَ ستّ برہم مت دھیان لگائیا۔ کلجُگ کُڑیار وِچ سنسار سرب کیِتا بھرِسٹ، بھاوَنا سَت رہن کوئے نہ پائیا۔ اوہ لہنا دینا پوُرا کر دے جو رام اِشارہ دے کے گیا گُروُ وشِشٹ، جگت وِشیاں توں باہر باہر سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری بےپرواہیِا۔ دھرنی کہے پربھوُ پوُرب ویکھ لےَ میرا لیکھا، چار جُگ دے شاستراں نال مِلائیا۔ میرے انتر نِرنتر رہیا نہیں کوئی بُھلیکھا، بھانڈا بھرم بھؤ دِتا بھنّائیا۔ تُوں شاہو بھوُپ سُلطان الکھنا الیکھا، الکھ اگوچر تیری وڈ وڈیائیا۔ کلجُگ کوُڑ کُکرم دی تک لےَ ریکھا، رِکھیاں مُنیِاں اندر کھوج کھوجائیا۔ شرع دی دھار تک لےَ مُلّا شیخاں، مسائکاں انتر نِرنتر پھول پُھلائیا۔ میَنوُں سُنا دے اپنا دُھر سندیسہ، دُھر دے مالک حُکم جنائیا۔ تیرا لیکھا مُک جائے کلجُگ کِریا کوُڑ کلیشا، کل کاتیِاں کرنی آپ صفائیا۔ تُوں مِہربان محبوُب نر نریشا، نِراکار نِرنکار اگمّ اتھاہیِا۔ آ کے ویکھ لےَ دھرنی والے پردیسا، پردیسی ہو کے پھیرا پائیا۔ پُرکھ اکالے دیِن دَیالے اپنا اولّڑا رکھیں بھیسا، جگ نیتر ویکھن کوئے نہ پائیا۔ جو سندیسہ دے کے گیا سَتگُر گوبِند دس دسمیشا، دہ دِشا دا بھیوَ دینا چُکائیا ۔ تُوں آد انادی جُگ جُگادی رہے ہمیشہ، ہم ساجن نوُر الاہیِا۔ جُگ بدلنا صاحِب سوامی تیرا پیشہ، پیشیِن گوئیاں اوتار پَیغمبراں گُروُآں نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ نِبھائیا۔ دھرنی کہے میرے مالک کنت کنتُوہل، سوامی انترجامی تیری وڈ وڈیائیا۔ دھرم دی دھار میرے اُتے بخش اگمّا اصوُل، اصل وصل یار دینا چائیں چائنیا۔ میَں نِرگُن داتے پُرکھ بِدھاتے تیرے چرن کوَل دی لاواں دھوُل، دھوُڑی ٹِکّے خاک رمائیا۔ میرے مِہربانا نؤجوانا میری بخشنی بھوُل، ابُھل اتُل تیری وڈ وڈیائیا۔ بھگت اُدھارنا تیرا آد آد دا اصوُل، سنتاں دیویں مان وڈیائیا۔ تُوں مِہربان محبوُب تیرا حُکم نامہ معقوُل، نہ کوئی میٹے میٹ مِٹائیا۔ میرے اُتے تیرے دھرم دا پنگھوُڑا ہرِجن لیَن جھوُل، جھوُلا اپنا نام جنائیا۔ دھرنی کہے میَں تیرے چرن کوَل اپنی شردھا چڑھاواں پھوُل، کَولاں وِچ کَول نیَن تیرا درشن پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا گرِہ اِک سُہائیا۔ دھرنی کہے پربھوُ میرا گرِہ مندر کر سُہنجنا، چار کُنٹ دے وڈیائیا۔ میرے آد انت دے سجّنا، جُگ جُگادی تیری اوٹ تکائیا۔ پریم پیار دا دے دے مجنا، بِن دھوُڑی خاک رمائیا۔ میرے دُھر دے گوپال موُرت مدنا، مدُھسوُدن تیرا درشن پائیا۔ میَنوُں اِکو چاڑھ دے

رنگنا، آد جُگاد اُتر کدے نہ جائیا۔ میرے پُرکھ اکالے میَں اِکو دوارا تیرا منگنا، دوُجا گرِہ نہ ویکھن پائیا۔ حق محبوُب ہو کے میَنوُں دے انندنا، محبوُب اپنا بھیوَ چُکائیا۔ لیکھے لا لےَ میرے اُتوں اعلیٰ ادنیٰ، شاہ حقیِر اِکو گھر بہائیا۔ تیرے نام نِدھان دا سِری بھگوان وجے ندنا، انادی دُھن کر شنوائیا۔ جوتی جاتے تیرا اِکو دیِپک نِرگُن دھار جگنا، بِن تیل باتی کملاپاتی ڈگمگائیا۔ میرا پوِتر کر دے تن ماٹی خاک بدنا، دھوُڑی اپنے چرن چُھہائیا۔ نوُر نوُرانے الاہی ربّنا، یامبیِن تیری اوٹ تکائیا۔ تُوں کھوجیاں کِسے نہیں لبھنا، بھالیاں ہتّھ کِچھ نہ آئیا۔ بیننتی کر کے میرے پروردِگار تَینوُں سدّنا، سدّا دیواں چائیں چائنیا۔ میرے اُتوں کلجُگ کوُڑ کُڑیارا آ کے کڈھنا، پنچ وِکار کُکرم دا ڈیرہ ڈھاہیِا۔ سَتجُگ ساچا تیرے حُکم نال لگّنا، دھرنی کہے میرے اُتے دھرم دی دھار دے ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی تیرا پلّوُ کدے نہ چھڈنا، کنّی گنڈھ نہ کوئے چُھڈائیا۔