کتب خانہGranth 24 (Shahmukhi)

۱۹ بھادروں شہنشاہی سمت ۱۱ مکھّن سِنگھ دے گرِہ پِنڈ نؤرنگاباد ضِلع امرتسر

دھرنی کہے کِرپا کر میرے جگدیِشے، جگدیِشور اِیشور تیری آس رکھائیا۔ میرے اُتے نِگاہ مار لےَ نِرگُن دھار بیِس اِکیِسے، ایکنکار پروردِگار اپنا دھیان لگائیا۔ شاہو بھوُپ میَنوُں اِک سُنا دے حدیِثے، حضرتاں توں باہر کر شنوائیا۔ میَں جُگ چؤکڑی تیرے پیِسن پیِسے، نِت نوِت سیو کمائیا۔ میَں ویکھنا چاہُندی اِکو چھتر جھُلے تیرے سیِسے، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک اپنی دَیا کمائیا۔ دھرنی کہے میرے آد جُگادی مالک، ٹھاکر سوامی تیری اوٹ تکائیا۔ نِگاہ مار لےَ اپنی وِچ خلق خالق، مخلوُق ویکھنی چائیں چائنیا۔ تُدھ بِن دیِن دُنی رہیا کوئی نہ پالک، پرِتپالک نظر کوئے نہ آئیا۔ سرِشٹی درِشٹی اندر شبدی دھار تک لےَ اگمےّ بالک، مِہربان ہو کے دھیان لگائیا۔ میَنوُں ایؤں دِسدا تیرا آؤنا ہووے اچانک، اچنچیت اپنا پھیرا پائیا۔ میرا وقت سُہنجنا سماں تک بھیانک، بھےَ بھیِت ہو کے رہی سُنائیا۔ میَں نِمانی بُدھ ہیِن اَنجانت، بھیوَ ابھید نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے صاحِب ہونا سہائیا۔ دھرنی کہے میرے پُرکھ اکالے صاحِب، سچ سُلطان تیری وڈیائیا۔

نِگاہ مار لےَ سَت دھرم ہویا غائب، چار کُنٹ نظر کوئے نہ آئیا۔ میرے مِہربانا نؤجوانا تیرا سب دے نال عہد، عہدنامے ویکھنے تھاؤں تھائنیا۔ تُوں مالک خالق اِکو واحد، لاشریِک نوُر الاہیِا۔ میرے اُتے حُکم ورتنا جائز، ناجائز منگ نہ کوئے منگائیا۔ سَت دھرم کر رائج ، کوُڑی کِریا باہر کڈھائیا۔ صدی چؤدھویِں انتم میَں ویکھنا چاہُندی تیرا نتائج، نتیجہ خوشیاں نال دینا وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا در اِک پرگٹائیا۔ دھرنی کہے پربھوُ میری آشا کر دے پوُری، پوُرن برہم برہم سمجھائیا۔ تیرے نام دی میرے اُتے ہوئے مشہوُری، مشورہ سَتگُر شبد رکھائیا۔ سب دے اندر دے دے سچ سروُری، سروور اِکو تال نُہائیا۔ کوُڑی کِریا کر دے دوُری، دُرمت میَل رہے نہ رائیا۔ میَں تکنا چاہُندی تیرا اِکو اگمّا چند نوُری، نوُر نوُرانے دینا چمکائیا۔ میَں مانگت ہو کے کھڑی در حضوُری، حضرتاں دے مالک تیرے اَگے جھولی ڈاہیِا۔ میرے اُتوں کِریا میٹ دے کوُڑی، کوُڑ کُٹمب دینا گوائیا۔ درے دربار بخشنی چرن دھوُری، دھوُڑی خاک رمائیا۔ اوہ آشا ویکھ لےَ موُسیٰ والی کوہ طوُری، تُریا توں باہر کی جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے صاحِب تیرے ہتّھ وڈیائیا۔ دھرنی کہے پربھوُ میرا رہیا کوئی نہ سکا، میِت ساجن نظر کوئے نہ آئیا۔ تُوں اِکو واحد نوُر الاہی یکا، یکے بعد دیگرے اپنا کھیل کھِلائیا۔ تیرا سب دے نال وعدہ پکاّ، کچّی گنڈھ نہ کوئے جنائیا۔ اوہ سندیس یاد کر لےَ جو محمد دِتا وِچ مکّہ، کعبیاں باہر 'اسمائید نال مِلائیا۔ میرے مِہربانا نؤجوانا انتم دیویں موُل نہ دھکاّ، پھڑ باہوں نہ باہر دھکائیا۔ تُدھ بِن میری قیِمت پئے نہ ٹکا، کؤڈیاں جگت وِکائیا۔ میَں چاہُندی میرے اُتوں شرع دا میٹ دے رٹّا، جھگڑا مانَو ذات نہ کوئے جنائیا۔ اوہ ویکھ لےَ میرے کول نؤ سؤ چُرانوے چؤکڑی جُگ دا پٹا، جِس دا حرف حروُف سکے نہ کوئے بدلائیا۔ اُتے سَتگُر شبد دا اگمّا ٹھپّا، مُہر نیتر لوچن نیَن نہ کوئے جنائیا۔ جِس دے وِچوں نظری آؤندا اِکو پپا، پت پرمیشور جِس نوُں دئے وڈیائیا۔ میرا تیرے نال اگمّی متا، مت متانتراں ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی تیرے دھرم دی دھار میری سَتا، سَت ستوادی دینی مان وڈیائیا۔

۱۹ بھادروں شہنشاہی سمت ۱۱ کرنَیل سِنگھ دے گرِہ پِنڈ نؤرنگاباد ضِلع امرتسر

دھرنی کہے میرے مالک دو جہاناں زبروُ، زبردست اُدےَ است تیری سرنائیا۔ میرے آد جُگاد جُگ چؤکڑی دے گبھروُ، نؤجوان سِری بھگوان تیری بےپرواہیِا۔ میری آسا منسا تک لےَ سدّھروُ، صدقے واری گھول گھُمائیا۔ تُدھ بِن میرا رہیا کوئی نہ قدروُ، قُدرت دے قادر دینی وڈیائیا۔ میری عِزت مان رُل گئی آبروُ، سِر ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے میرے پرم پُرکھ آد جُگادی شکتی شالی، شہنشاہ تیری سرنائیا۔ میَں نِت نوِت تیری گھال گھالی، گھائل ہو کے سیو کمائیا۔ جُگ چؤکڑی تیری بنی رہی پُتری بالی، نڈھّی ہو کے منگ منگائیا۔ میرے صاحِب سُلطانا میری جھولی ویکھ لےَ خالی، دھرم دی وست رہن کوئے نہ پائیا۔ چاروں کُنٹ رَین اندھیری ہوئی کالی، کلجُگ اپنی کل ورتائیا۔ ایس وقت میری سُرت سمبھالیِں، سمبل دے مالک دَیا کمائیا۔ میرے اُتے جگت گُروُ رہے کوئی نہ جعلی، جاگرت جوت اِکو کر رُشنائیا۔ میَں تیرے نام بِن ہوئی کنگالی، جگ شاہ وست سکے نہ کوئے ورتائیا۔ اوہ لیکھا تک لےَ جو رام دی دھار لہنا چُکایا بالی، بلدھاری تیری وڈ وڈیائیا۔ میری پھل لگا دے سَت سچ دی ڈالی، پتّ ٹہنی دے مہکائیا۔ میَں تیرے در ہوئی سوالی، مانگت ہو کے منگ منگائیا۔ جُگ چؤکڑی لنگھ گئے کیِتی موُل نہ کاہلی، سَتجُگ تریتا دواپرکلجُگ تیرا دھیان رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے در دینی وڈیائیا۔ دھرنی کہے پربھوُ میرا خالی بھنڈارا کر بھرپوُر، اونتا نظر کوئے نہ آئیا۔ میَں مانگت کھڑی حضوُر، در ٹھانڈے سیِس نِوائیا۔ میرا لہنا دے ضرور، ضرورت پِچھلی نال رلائیا۔ کلجُگ کوُڑی کِریا گڑھ توڑ غروُر، غُربت اندروں باہر کڈھائیا۔ من منسا میٹ کوُر، کوُڑی کِریا رہن نہ پائیا۔ جگت واشنا نہ رہے فتُور، فتویٰ دینا تھاؤں تھائنیا۔ اِکو تیرا نام کلمہ میرے اُتے ہوئے مشہوُر، مشورہ سَتگُر شبد جنائیا۔ تُوں آد جُگادی جلوہ گر نوُرو نوُر، نوُر نوُرانہ دُھردرگاہیِا۔ جوتی جوت سروُپ ہرِ ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میَں نِت نوِت تیری مزدوُر، مزدوُری وِچ تیری سیو کمائیا۔

۱۹ بھادروں شہنشاہی سمت ۱۱ مسّا سِنگھ دے گرِہ پِنڈ نؤرنگاباد ضِلع امرتسر

دھرنی کہے پربھوُ میری پت آئیوں رکھن، رکھشش رکھیا کرنی تھاؤں تھائنیا۔ بِن نیتر نِگاہ مار لےَ اُتّر پوُرب پچھّم دکھّن، چار کُنٹ بَیکُنٹھ نِواسی دھیان لگائیا۔ دھرم دی دھار ایکنکار میرے اُتوں ہوئی سکھّن، سَت وست دست ہتّھ نہ کوئے اُٹھائیا۔ جوتی جاتے پُرکھ بِدھاتے میَں اپنا دُکھڑا آئی دسّن، دہ دِشا دا لیکھا دیاں جنائیا۔ نؤ کھنڈ پرِتھمی دی میرے اُتے ہوئی اندھیری مسّن، ساچا چند نہ کوئے چمکائیا۔ میَں بِرہوں وَیراگن ہو کے آئی نسّن، بھجیّ واہو داہیِا۔ نِگاہ مار لےَ دیِپ وِچ لکھّن، کرؤچ پُشکر اپنا بھیوَ کُھلائیا۔ سان سلمل کِس بِدھ ہووے ہتن، جنبوُ کرنی کی کمائیا۔ کُشا تیرے تے کیہڑی دھار ہووے لٹ لٹن، جوتی جاتے دینی دِرڑائیا۔ تُوں واسی گھٹ گھٹن، لکھّ چؤراسی رہیا سمائیا۔ میرے پُرکھ اکالے دیِن دَیالے میرا دھرم دی دھار ویکھیں پتن، پترکا پِچھلی پھول پُھلائیا۔ تیرا دھرم میرے اُتوں ہویا بے وطن، وطناں دے مالک سچ رنگ نہ کوئے رنگائیا۔ کلجُگ انت سِری بھگوَنت میَں کر کر تھکی یتن، یتھارتھ میرا لیکھا کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میَنوُں آ کے وکھا دے جھلک، جھلی کوجھی کملی تیری اوٹ تکائیا۔ تُوں مالک والی دو جہاناں خلق، مخلوُق تکنی تھاؤں تھائنیا۔ نِگاہ مار لےَ اُتوں فلک، زِمیں زماں کھوج کھوجائیا۔ میری دُکھاں وِچ نِکلے کلک، نیتراں رو رو دیاں دُہائیا۔ سُکھ چَین کِسے آوے گھڑی نہ پلک، پاربرہم پت پرمیشور دھیِرج دھیِر نہ کوئے دھرائیا۔ اوہ نِگاہ مار لےَ جو سندیسہ دے کے گیا جنک، جنک سپُتری سیِیا نال مِلائیا۔ میرے انتشکرن وِچوں میٹ دے شنک، سنسا انتر رہے نہ رائیا۔ میرا سُہا دے اگمّا بنک، بنک دواری ہو کے پھیرا پائیا۔ میَں نِردھن تیری آشا وِچ بَیٹھی رہاں اٹنک، چِنتا غم نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے پربھوُ میری میٹ دے ہوَس، ترِسنا کوُڑ جگت مِٹائیا۔ مِہربان ہو کے کر ترس، ترےَگُن اتیِتے اپنا رنگ رنگائیا۔ نام نِدھانا اِکو میگھ برس، نوَ ستّ میری اگنی دے بُجھائیا۔ میرا لیکھے لا لےَ خوشیاں والا برس، شہنشاہ شاہ سُلطان در تیرے منگ منگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا بھیوَ ابھید کُھلائیا۔ دھرنی کہے میرے سَتگُر سوامی مائی باپ، پِتا پُرکھ اکال تیری اوٹ تکائیا۔ میرے

اُتوں میٹ دے کلجُگ کوُڑا پاپ، کُکرم دا لیکھا دے مُکائیا۔ جگت جیِواں جنتاں رہے نہ کوئے سنتاپ، سَت ستوادی ہونا آپ سہائیا۔ نوَ ستّ دی میٹ اندھیری رات، نوُری چند چند چمکائیا۔ جھگڑا میٹ دے ذات پات، دیِن مذہب نہ ونڈ ونڈائیا۔ اِکو نام کلمہ دے صفات، صفحہ ہستی کوُڑ کِریا دے چُکائیا۔ تیرے گُن نِدھان دی کوئی اکھّراں نال جان نہ سکے لُغات، حرف حروُف نہ کوئے چتُرائیا۔ میرے کول تیرا سندیسہ اگمّی بِن اکھّراں والی پات، پت پرمیشور اپنے وِچ ٹِکائیا۔ جِس وِچ لیکھا کلجُگ انت تیرے کنڈھے آئے گھاٹ، دو جہاناں پتن چرناں ہیٹھ دبائیا ۔ تُوں پندھ مار کے آ جا واٹ، نِرگُن داتے دُھردرگاہیِا۔ میری سُہنجنی کر دے کھاٹ، سچ سِنگھاسن آسن لائیا۔ میَں تیرے گُن گاواں بن کے بھاٹ، بھٹناگر تیری صِفت صالاحیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتے عیسیٰ موُسیٰ والی پوُری کر دے ٹاک، بِن ٹنگ رسنا جِہوا جو حرفاں حروُف جنائیا۔

۱۹ بھادروں شہنشاہی سمت ۱۱ دارا سِنگھ دے گرِہ پِنڈ نؤرنگاباد ضِلع امرتسر

دھرنی کہے میرے مالک گُنی گہیر، گہر گوَر تیرا دھیان لگائیا۔ میرے سِر توں دھرم دا لتھا چیِر، اوڈھن اُپر نہ کوئے ٹِکائیا۔ سہائتا کرے نہ کوئی اوتار پَیغمبر پیِر، رکھک نظر کوئے نہ آئیا۔ مِہربانا میرے نیتر وگے نیِر، نیَناں چھہبر لائیا۔ کلجُگ کِریا میری بدل دِتی تقدیِر، تکّبر وِچ خلق خُدائیا۔ نوَ ستّ شرع زنجِیر، بندھن سکے نہ کوئے تُڑائیا۔ جھگڑا پیا شاہ حقیِر، نیِچ اوُچ کرے لڑائیا۔ دھرم دا رہیا نہ کوئی ویِر، بھَیناں سنگ نہ کوئے نِبھائیا۔ مات پِت رس رہیا کِسے نہ سیِر، پِتا پوُت رہے کُرلائیا۔ میرا انتشکرن ہویا دِلگیِر، چِنتا وِچ میری دُہائیا۔ میرے اُتوں کٹ دے آ کے بھیر، دُکھاں درداں ڈیرہ ڈھاہیِا۔ تیرے کول سرب تقدیِر، طریقہ اپنا لیَنا ورتائیا۔ میَنوُں سندیسہ دے کے گیا بھگتاں دا بھگت کبیِر، کعبیاں باہر کر شنوائیا۔ دھرنیئے تیرے اُتے پُرکھ اکالا پھیر نوَیِں کرے تعمیِر، پوُرب لیکھا رہے نہ رائیا۔ شبدی کھنڈا لےَ شمشیِر، شرع دے لہنے دئے مُکائیا۔ جھگڑا رہے نہ گاں خنجیر، پشوُآں کھلّ نہ کوئے لُہائیا۔ اِکو رنگ رنگائے ہست کیر، کیِٹ کیِٹاں دئے

وڈیائیا۔ مانَو ذاتی اندروں بدل دئے ضمیِر، انتشکرن کرے صفائیا۔ امرت دے کے ٹھنڈا سیِر، اگنی تت تت بُجھائیا۔ شبد انادی دیوے دھیِر، دھیِرج دھرم دھار جنائیا۔ جوتی جاتا آئے گھت وہیِر، بِن قدماں قدم اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دھرنی کہے میرے گُروُ گُروُ گُردیوا، دیوَ دیوا تیری وڈیائیا۔ تُوں صاحِب الکھ ابھیوا، اگوچر اگمّ بھیوَ کُھلائیا۔ کی صِفت کرے تیری کوئی جِہوا، کتھنی کتھ نہ سکے رائیا۔ تُوں آد جُگاد سدا نِہکیوا، سچکھنڈ نِواسی نوُر الاہیِا۔ میرے مستک لا دے اگمّی تھیوا، کؤستک منیِا لوڑ رہے نہ رائیا۔ تُوں خصم سوامی میرا دوُجا کراں نہ کوئے کریوا، کرنی کرتے تیری آس رکھائیا۔ میَنوُں امرت پھل لگا دے میوہ، امیوں رس اپنا آپ چوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری قبوُل کر لےَ سیوا، سیوک یاچک ہو کے منگ منگائیا۔

۱۹ بھادروں شہنشاہی سمت ۱۱ عجَیب کؤر دے گرِہ پِنڈ باٹھ ضِلع امرتسر

دھرنی کہے پربھوُ میرے توں دھار مُک گئی دھرم دی، سَت سچ تیرے رنگ نہ کوئے سمائیا۔ پنج تت وجوُد کایا ماٹی وست نظر نہ آئے کِسے برہم دی، پاربرہم تیرے رنگ نہ کوئے سمائیا۔ سرِشٹی ونجاری ہو گئی کوُڑ کُڑیارے کرم دی، مایا ممتا موہ وِچ ہلکائیا۔ سب دی درِشٹی ہو گئی چمّ دی، چمّ درِشٹی وِچ خلق خُدائیا۔ میرے اُتے گھڑی تک لےَ غم دی، غم خوار ہو کے ویکھ وکھائیا۔ چُغلی سُن لےَ کِریا کوُڑ والے کنّ دی، شبد انادی دُھن نہ کوئے شنوائیا۔ روشنی رہی نہ تیرے نام کلمے چنّ دی، کلجُگ اندھ اگیان اندھیرا گیا چھائیا۔ واسنا ودھ گئی مانَس مانَو مانُکھ من دی، ممتا موہ نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ دھرنی کہے پربھوُ میرے اُتے ہویا قہر، دیِن دُنی رہی کُرلائیا۔ کِرپا نِدھان ہو کے کر دے مِہر، مِہربان محبان اپنی دَیا کمائیا۔ مانَو ذاتی تیرے نالوں بنے کوئی نہ غَیر، آتم پرماتم میلا میلنا سہج سُبھائیا۔ کلجُگ کوُڑی کِریا وِکھ اندروں کڈھ دے زہر، ظاہر ظہوُر اپنا نوُر کر

رُشنائیا۔ مِہربانا سِری بھگوانا صدی چؤدھویِں انت لائیں نہ دیر، بیِس بیِسے ہرِ جگدیِشے تیری اوٹ تکائیا۔ نوَ ستّ میرے اُتوں میٹ دے من منسا والا ہیر پھیر، فُرنے من دے بند کرائیا۔ ایکا رنگ رنگا دے گُروُ گُر چیر، چیلا گُر اِکو رنگ سمائیا۔ پنچ وِکارا ڈھاہ کے کر دے ڈھیر، سَت سچ تن وجوُد دے پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ دھرنی کہے پربھوُ نِرگُن دھار کھول دے بھیوَ، پردہ اوہلا رہے نہ رائیا۔ تُوں مالک خالق سچکھنڈ نِواسی نِہکیو، نِہچل تیری وجے ودھائیا۔ تُوں پُرکھ اکالا دیِن دَیالا الکھ ابھیوَ، اگوچر تیری تیرے ہتّھ وڈیائیا۔ سَت سچ دا امرت رس دے دے میو، بِن رسنا رس چکھائیا۔ تیری صِفت کر سکے نہ کوئی رسنا جِہو، بُدھی مت نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میری آشا پوُر کرائیا۔ دھرنی کہے پربھوُ میَں منگاں تیرا اِک دیِدارا، بِن نیتر لوچن نیَناں درشن پائیا۔ تیرا ویکھاں سَتگُر شبد شبد دُلارا، دوُلھا دُھر دا سوبھا پائیا۔ جوتی دھار تکاں تیئی اوتارا، اوتر تیرے سنگ سمائیا۔ پَیغمبراں ویکھاں نوُر اُجیارا، موُسیٰ عیسیٰ محمد سنگ لینےَ مِلائیا۔ نانک گوبِند دہ دِشا تیری دھار سُناں جَیکارا، دوُجی آواز نہ کوئے دِرڑائیا۔ دھرنی دھرت دھوَل دھؤل تے آ کے پا سارا، سارتھی تیری آس رکھائیا۔ کلجُگ کوُڑ کِریا میٹ اندھیارا، نوَ ستّ کر رُشنائیا۔ تُوں شاہو بھوُپ سِکدارا، شہنشاہ اِک اکھوائیا۔ میری تیرے چرن کوَل اُپر دھوَل نِمسکارا، نِو نِو لاگاں پائیا۔ میَں بسُدھا ہو کے روواں زارو زارا، در تیرے آس رکھائیا۔ جوتی جاتے پُرکھ بِدھاتے تَینوُں سب نے کِہا کل کلکی اوتارا، اِمام اِماما تیرا نام صالاحیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے صاحِب دَیا کمائیا۔ دھرنی کہے میرے نِہکلنکا بھوُپ، بھوُپت بھوُپ تیری سرنائیا۔ میَں تیرا تکنا چاہُندی سَت سروُپ، جوتی جاتا پُرکھ بِدھاتا اِکو نظری آئیا۔ تیرا شبد دُلارا ایکنکارا اِکو ہووے دوُت، دو جہاناں نؤجوانا مرد مردانہ پِھرے واہو داہیِا۔ میرے نوَ ستّ ویکھے چارے کُنٹاں کوُچ، کونا کونا پھول پُھلائیا۔ میرے کول تیرے حُکم دا آد جُگادی اگمّ ثبوُت، جِس دی جگت اکھّر کر سکن نہ موُل پڑھائیا۔ میَں چاہُندی تُوں ہر وقت میرے اُتے دِسیں مؤجوُد، مؤجوُدہ ہو کے اپنا بھیوَ دینا چُکائیا۔ تُوں شاہ پاتشاہ شہنشاہ والی عرش عروُج، عالی جاہ تیرا اِکو نوُر نظری آئیا۔ میرے مِہربانا میرے توں شرع دی میٹ حدوُد، دیِناں مذہباں اِکو رنگ رنگائیا۔ مانَو ذاتی بھاگ لگا دے تن وجوُد، کاچی ماٹی اپنا بھیوَ چُکائیا۔ اِکو منزل

حق دسّ مقصوُد، درگاہ ساچی سچ سمجھائیا۔ کلجُگ کوُڑ کِریا کر نیست و نابوُد، جُگ چؤکڑی رہن کوئے نہ پائیا۔ آتم پرماتم سب نوُں دے سوُجھ، بُدھ بِبیک دے کرائیا۔ میَں تیرے در تے نِرگُن دھار ایکنکار بَیٹھی نیَن موُند، لوچن اکھّ نہ کوئے کُھلائیا۔ میَنوُں امرت سوانتی بخش دے بوُند، کلجُگ کوُڑی اگن نہ کوئے تپائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے نیتر نِرگُن دھار ہنجھوُ آپے پوُنجھ، اتھر ستھر در تیرے تے رہی وہائیا۔

۱۹ بھادروں شہنشاہی سمت ۱۱ پِھنو دے گرِہ پِنڈ باٹھ ضِلع امرتسر

دھرنی کہے پربھوُ میرے خالی بھر بھنڈار، بھاوَنی پوُرب پوُر کرائیا۔ وست اگمّی نِرگُن ڈار، امول اپنی آپ ورتائیا۔ تُوں دیونہار کرتار، قُدرت قادر اگمّ اتھاہیِا۔ میَں مانگت بنی بِھکھار، بِھچھیا دینی ورتائیا۔ بِن نیَناں نِگاہ مار، بِن اکھّاں اکھّ اُٹھائیا۔ سَت دا رہیا نہ کوئے اُجیار، چند نوُر نہ کوئے رُشنائیا۔ کوُڑ دا ہویا دھوُاں دھار، دھوَل ہو کے دیاں سُنائیا۔ مایا ممتا کرے خوار، سانتک سَت نہ کوئے ورتائیا۔ میرے اُتے جیِواں جنتاں تیرے نام دا کیِتا وپار، کلجُگ ونج ونج وکھائیا ۔ سَت دی وجے نہ کوئے سِتار، سُرت شبد نہ کوئے مِلائیا۔ جِدھر تکاں اُدھر پنچ وِکار، بھجےّ واہو داہیِا ۔ تیرا پریم ہر ہِردیوں ہویا فرار، تن وجوُداں نظر کوئے نہ آئیا۔ تُوں میرا آد جُگادی پروردِگار، سِر میرے ہتّھ ٹِکائیا۔ نِرگُن داتے دُھر دے یار، مِترا میرا ہو سہائیا۔ میَں روواں زارو زار، بِن نیتر نیِر وہائیا۔ میری صاحِب سُنی پُکار، دوُر دُراڈے اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کلجُگ انت دھرنی کہے میری پاویں سار، مہاسارتھی ہو کے دَیا کمائیا۔

۱۹ بھادروں شہنشاہی سمت ۱۱ مہِندر سِنگھ دے گرِہ پِنڈ باٹھ ضِلع امرتسر

دھرنی کہے میرے پربھ کنت سُہاگن، دوُلھو دوُلھا تیری وڈیائیا۔ میَں تیرے پیار دی ہوئی وَیراگن، پریم وِچ رہی کُرلائیا۔ میرے کر دے وڈ وڈ بھاگن، بھگوان ہو کے ہو سہائیا۔ میرے توں کوُڑی کِریا میٹ دے داغن، دُرمت میَل دھوائیا۔ مانَس مانَو مانُکھ تیرے میرے اُتوں جاگن، آلس نِندرا رہن کوئے نہ پائیا ۔ میرے بھگوَنت دھرم دی دھار ساج دے ساجن، ساجن ساج تیری آس رکھائیا۔ میرا کلجُگ انت سوار کاجن، کرتے پُرکھ دے وڈیائیا۔ تُوں شاہو بھوُپ راج راجن، شہنشاہ نوُر الاہیِا۔ میری بیننتی سُن آوازن، انسُنت دیاں سُنائیا۔ میَں دِوس رَین تَینوُں لگّی ارادھن، دوُجا اِشٹ نہ کوئے منائیا۔ تُوں میرا سوارتھ آپے آپ آپے سادھن، سَتگُر تیری نام وڈیائیا۔ میَں ہوواں وڈ وڈبھاگن، بھگوَن سِر میرے ہتّھ ٹِکائیا۔ دیِن دُنی ہنس بنا دے کاگن، گُرمُکھ اپنے رنگ رنگائیا۔ کلجُگ کِریا کوُڑ سرب تیاگن، ترےَگُن لیکھا رہے نہ رائیا۔ آتم پرماتم بنا سماجن، سمگری سچ ورتائیا۔ تُوں سب دا غریِب نوازن، غریِب نِمانیاں ویکھ وکھائیا۔ کھیل کھِلا دے دیس ماجھن، مدُھر دُھن کر شنوائیا۔ تیرا لہنا دینا دو دو آبن، دو جہان دے والی تیرے ہتّھ وڈیائیا۔ میرے تے نِگاہ مار لےَ مکّہ کعبن، مقبریاں پھول پُھلائیا۔ تُوں مالک بودھ اگادھن، بُدھی توں پرے تیری پڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست اِک ورتائیا۔ دھرنی کہے پربھوُ میرے دھرم دا تیرا چرن ہووے پیار، مُحبّت اِکو اِک رکھائیا۔ تُوں ٹھاکر سوامی رہنا سد مددگار، سِر اپنا ہتّھ ٹِکائیا۔ میَں مانگت ہو کے منگاں منگ بِھکھار، درویشن ہو کے جھولی ڈاہیِا۔ تُوں دیونہار کرتار، قُدرت قادر اِک اکھوائیا۔ میرے اُتے جُگ چؤکڑی کیتے لنگھ گئے وِچ سنسار، سَتجُگ تریتا دواپرکلجُگ اپنا پندھ مُکائیا۔ وِشن برہما شِو تیرے تکے سیوادار، سنساری بھنڈاری سنگھاری ہو کے سیو کمائیا۔ تیرے نام سندیسے دے کے گئے پَیغمبر گُر اوتار، کلمے کائنات دِرڑائیا۔ بھوِکھتاں وِچ کہہ کے گئے کلجُگ انت آئے کل کلکی اوتار، کل کاتیِاں ڈیرہ ڈھاہیِا۔ دھرنی کہے میرے پُرکھ اکالے میری پَیج سوار، سِر سِر میرے ہتّھ ٹِکائیا۔ میَں تیرے چرن کوَل جاواں بلہار، بل بل اپنا آپ کرائیا۔ تیری دھوُڑی لاواں چھار، ٹِکاّ جگ نیتر ویکھن کوئے نہ پائیا۔ میرا لہنا دینا پوُرب میری جھولی دینا ڈار، خالی رہن کوئے نہ پائیا۔ میَں عرض گُزارش تیرے اَگے رہی گُزار، بیننتی کہہ کے منگ منگائیا۔ نؤ

کھنڈ پرِتھمی ستّ دیِپ میرے اُتے رہے نہ دھوُاں دھار، کوُڑ کُڑیار دا ڈیرہ ڈھاہیِا۔ چار کُنٹ دہ دِشا تیرے نام دا ہوئے جَیکار، تُوں میرا میَں تیرا ڈھولا سارے گائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جُگ چؤکڑی صاحِب اِک سِکدار، شہنشاہ اِکو اِک نظری آئیا۔

۱۹ بھادروں شہنشاہی سمت ۱۱ کُندن سِنگھ دے گرِہ پِنڈ مال چکّ ضِلع امرتسر

دھرنی کہے پربھوُ میرے نوُرے نوِن نازخسے وضو تانُخطو زواں کزیؤل غمی نِجومے زوا اُلزو چخمی میرے خُدا نزل زون زمُندے محمد رضی خسی کبوُ زوی ماولائے سونہُرے مفز میرے االلہ مُرشدے دُعا زمیِنے خاکی کلئل لوی زموُتو جگن عرشے نِزا فرشے دُعا دو جہاں مالک تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے میرے آد جُگادی رام، رمئیا تیری آس تکائیا۔ میرے تتاں توں باہر کاہن، کاہن کاہناں دے مالک تیرے ہتّھ وڈیائیا۔ میرے پَیغمبراں دے اِمام، نوُرے نوُران تیرا تکاں نوُر الاہیِا۔ میرے گُروُ گُردیوا تیرا ویکھاں کھیل مہان، درگاہ ساچی بھیوَ چُکائیا۔ میری منزل کر آسان، حقیِقت دے مالک ہونا سہائیا۔ بِن اکھّراں دے گیان، دُھر دا شبد شبد شنوائیا۔ تُوں شاہو بھوُپ سُلطان، نوُر نوُرانہ اگمّ اتھاہیِا۔ تیرا سَتگُر شبد بلوان، بلدھاری بےپرواہیِا۔ میَں بیننتی کردی بالی بُدھ اَنجان، میری چلی نہ کوئی چتُرائیا۔ تُوں مالک خالق والی دو جہان، زِمیں زماں اسماں تیری اوٹ تکائیا۔ تُوں میرا پرم پُرکھ مِہرواں محبان ، بیِدو تیری تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا بھیوَ آپ چُکائیا ۔ دھرنی کہے بھگوَن میری کر دے داری، دیِن دَیال دَیا کمائیا۔ میَں منگنہاری تیری بِھکھاری، بِھکھک جھولی دینی بھرائیا۔ تُوں نِرگُن نوُر جوت اُجیاری، میَں مِٹّی خاک نظری آئیا۔ جُگ چؤکڑی تیری چاکری کردی رہی وِچ سنساری، سنساری بھنڈاری سنگھاری میری دین گواہیِا۔ میرا لہنا دینا نال تیئی اوتاری، چار جُگ دے شاستر سندیسے رہے سُنائیا۔ پَیغمبراں لیکھا جانا وارو

واری، الف یے نال جِنہاں دِتی وڈیائیا۔ گُروُ گُردیو تکے میِت مُراری، ساجن میِت جو اکھوائیا۔ میرے پُرکھ اکالے دیِن دَیالے تیرے چرن کوَل جاواں بلہاری، بل بل اپنا آپ کرائیا۔ تُوں شاہو بھوُپ شہنشاہ سِکداری، دو جہاناں حُکم ورتائیا۔ مِہربانا نؤجوانا میری سُن پُکاری، پُنہ پُنہ کہہ کے سیِس نِوائیا۔ میَں دھرنی دھرت دھوَل دھؤل کلجُگ انتم ہوئی دُکھیاری، دُکھی ہو کے رہی سُنائیا۔ مِہربانا میری پا ساری، سِر میرے ہتّھ ٹِکائیا۔ میرے اُتے کِریا رہن نہ دیویں کلجُگ کُڑیاری، کُکرم دا لیکھا دے مُکائیا۔ سَتجُگ سچ دھرم کر اُجیاری، سچ سُچ نال وڈیائیا۔ میَں تیری آد جُگاد پنہاری، پنگھٹ بَیٹھی ویکھ وکھائیا۔ تیرا لہنا دینا نِرگُن سرگُن دھار دوباری، دو جہاناں پردہ آپ اُٹھائیا۔ میَں تیرے چرن دھوُڑ لاواں مستک چھاری، بِن ٹِکّے خاک رمائیا۔ دھرنی کہے میرے بھگوَنت دُھر دے کنت میری پَیج سواری، کلجُگ دیویں مان وڈیائیا۔ میَں آد جُگاد جُگ چؤکڑی تیری بنی رہی پُجاری، دوُجا اِشٹ نہ کوئے منائیا۔ تُوں کل کلکی نِہکلنک جوت شبد دی دھار اگمّ اوتاری، اِمام اِماما دُھر دے راما تیرے ہتّھ وڈیائیا۔

۹ بھادروں شہنشاہی سمت ۱۱ گُرنام سِنگھ دے گرِہ پِنڈ کنگ ضِلع امرتسر

دھرنی کہے میرے پُرکھ اکال اگمّی نوُرا، نوُر نوُرانے شاہ سُلطانے در تیرے منگ منگائیا۔ سَتگُر شبد یودھا بھیج اگمّی سوُرا، سو پُرکھ نِرنجن میرا ہو سہائیا۔ جِس دا ناد اگمّی دو جہاناں سُنی جائے تُورا، تُریا دا لیکھا اوَر رہے نہ رائیا۔ سو سرب کلا ہوئے بھرپوُرا، ایتھے اوتھے دو جہان وجے ودھائیا۔ میرے اُتوں کلجُگ کوُڑی کِریا کرے دوُرا، سَت دھرم دئے پرگٹائیا۔ تیری نام خُماری مستی دئے سروُرا، سُرتی شبد نال مِلائیا۔ اِکو تیرا نام کرے مشہوُرا، اِکو ڈھولا صِفت صالاحیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ تیرا سَتگُر شبد ہوئے بلوان، دو جہاناں ویکھ وکھائیا۔ جِس دا حُکم ورتے دو جہان، نِرگُن سرگُن سرگُن نِرگُن ایکا نام دِرڑائیا۔ جو دھرم دا دھرم جھُلائے نِشان، نؤ کھنڈ پرِتھمی دئے وکھائیا۔ جِس نوُں ستّ دیِپ کرن پروان، سِر سکے

نہ کوئے اُٹھائیا۔ کلجُگ کوُڑی کِریا میرے اُتوں میٹے شرع شیَطان، مایا ممتا موہ وِکار ہنکار رہن کوئے نہ پائیا۔ مانَس مانَو مانُکھ سارے تیرا اِکو ڈھولا گان، تُوں میرا میَں تیرا آتم پرماتم مِل کے وجے ودھائیا۔ تُوں آد جُگادی شاہو بھوُپ سُلطان، شہنشاہ در تیرے الکھ جگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دے مالک دَیا کمائیا۔ دھرنی کہے پربھوُ تیرا سَتگُر شبد میری پوُری کرے منسا، ممتا جگت رہے نہ رائیا۔ گُرمُکھ سنت بنائے ہنسا، کاگ بُدھی دئے بدلائیا۔ سَت سچ دھرم دی چال بنائے سہنسا، اگنت اپنا حُکم ورتائیا۔ آتم پرماتم تیرا ہووے بنسا، جدّ یدی یدپ اِکو نظری آئیا۔ گڑھ توڑے ہؤمے ہنگتا، ہنگ برہم دئے سمجھائیا۔ کھتری براہمن شوُدر وَیش اِکو بنائے سنگتا، اِکو گھر دئے وڈیائیا۔ بُدھی توں پرے بودھ اگادھی ہووے پنڈتا، نِراکھّر کرے پڑھائیا۔ جھگڑا میٹے منوُآ من کا، منکا دئے بھوائیا۔ لیکھا رہے نہ تن وجوُد سریِر تن کا، ماٹی خاک سوبھا پائیا۔ بھیوَ کُھلاوے نِرگُن سرگُن سرگُن نِرگُن پردہ لاہوے برہم کا، پاربرہم برہم اپنا بھیوَ چُکائیا۔ میرا لیکھا میٹے دیِن دُنی وِچ غم کا، غم خوار ہو کے دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک ہونا سہائیا۔ دھرنی کہے پربھوُ تیرا سَتگُر شبد ہووے مِہربان، مِہر نظر نال ترائیا۔ جِس دی آشا رکھ کے گئے رمئیا رام، کاہن گھنئیا ہو کے اوٹ تکائیا۔ جِس نوُں پَیغمبراں کِہا اِمام، رسوُلاں دا رسوُل نوُر الاہیِا۔ جِس دا حُکم سندیسہ دُھر دا منتر ستنام، سَت سَت دا ڈنکا دئے وجائیا۔ جِس دا فتح نگارہ ایتھے اوتھے سارے سُنن بِنا کان، برہمنڈ کھنڈ پُری لوء آکاش پاتال گگن گگننتر زِمیں اسمان کرے شنوائیا۔ اوہ سَتگُر پوُرا شبدی شبد نؤجوان، بِردھ بال روُپ نہ کوئے وٹائیا۔ میرے اُتوں کلجُگ کوُڑا کڈھے باہر شیَطان، سَتجُگ سَت دھرم دئے پرگٹائیا۔ اِکو اِشٹ پُرکھ اکال تیرا مانَو سرب منان، دوُسر سیِس نہ کوئے نِوائیا۔ تیرا دھرم دا دھرم جھُلے نِشان، گوبِند میلا میلنا سہج سُبھائیا۔ میری بیننتی درگاہ ساچی سچکھنڈ پُرکھ اکالے دیِن دَیالے کرنی پروان، پرا پسنتی مدھم بَیکھری دھار دی دھار وِچوں جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی جوتی جاتے پُرکھ بِدھاتے میرا لہنا دینا پوُرا کرنا وِچ جہان، جہالت کوُڑی باہر کڈھائیا۔

۱۹ بھادروں شہنشاہی سمت ۱۱ نرائن سِنگھ دے گرِہ پِنڈ کنگ ضِلع امرتسر

دھرنی کہے میرے مالک خالق قُدرت قادر کریِم، بےعیب غَیب جلوہ گر نوُر الاہیِا۔ مِہربانا نؤجوانا میرے اُتے تک لےَ نام کلمیاں والی تقسیِم، دیِناں مذہباں حداں دھیان لگائیا۔ صدی چؤدھویِں انت اَخیِر بے نظیِر سَتگُر شبد نال کر ترمیِم، درُستی دو جہان دے مالک دینی کرائیا۔ تُوں سچکھنڈ نِواسی شہنشاہ عالی جاہ عظیِم، قُدرت دا قادر اِک اکھوائیا۔ تیرا لہنا دینا میرے نال قدیِم، قُدرت دے قادر ویکھنا چائیں چائنیا۔ بے شک تیرے اوتار پَیغمبر گُروُ شبد شبد شبد دھار مُنیم، لیکھا کرن تھاؤں تھائنیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک بےپرواہیِا۔ دھرنی کہے میرے آد جُگادی قُدرت قادرا، شہنشاہ تیری سرنائیا۔ دو جہاناں نؤجوانا وڈ بہادرا، بےانت بےعیب تیرے ہتّھ وڈیائیا۔ سرِشٹی دیِن دُنی دے قادرا، قُدرت دے مالک نوُر الاہیِا۔ میَں نِمانی دھرنی جِس نوُں سارے کہندے مادرا، مئیا کہہ کے خوشی بنائیا۔ میرے اُتے کر دے سچّا عدلا، اِنصاف اِک کمائیا ۔ کلجُگ سَتجُگ نال کر تبادلہ، کوُڑی کِریا رہن نہ پائیا۔ میَنوُں سُنا دے اگمّا اِکو راگلا، ناد انادی دُھن شنوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے میرے مالک اگمّ اتھاہ محبان ، نِو نِو قدم بوسی وِچ سیِس نِوائیا۔ میری صِفت کر نہ سکے زبان، اکھّراں وِچ نہ کوئے چتُرائیا۔ بِنا بُدھی توں دیون والے گیان، بھیوَ ابھیدا دینا کُھلائیا۔ کلجُگ کوُڑ میرے اُتوں میٹ نِشان، نِشانہ دھرم دھرم جھُلائیا۔ میری بیننتی کر پروان، بِنَے کہہ کے پُرکھ اکال سیِس نِوائیا۔ تُوں نِرگُن نوُر شاہ سُلطان، نوُر نوُرانہ اگمّ اتھاہیِا۔ میرے اُتے نِگاہ مار لےَ میرے بھگوان، بھگوَن تیری آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست نام ورتائیا۔ دھرنی کہے میرے نوُر الاہ پروردِگار، پرورش میری کرنی چائیں چائنیا۔ تُدھ بِن اوَر نہ کوئے مددگار، سجن سخا نظر کوئے نہ آئیا۔ میَں آد جُگاد جُگ چؤکڑی تیری طلب گار، بِن نیتر لوچن نیَناں تیرا راہ تکائیا۔ تُوں آ کے میری پاؤنی سار، مہاسارتھی تیرے ہتّھ وڈیائیا۔ میَں نِمانی تیری برخوردار، یاچک ہو کے سیِس نِوائیا۔ میرے پُرکھ اکالے دیِن دَیالے میری پَیج دینی سوار، سِر سر میرے ہتّھ ٹِکائیا۔ تیری چرن دھوُڑی لاواں چھار، ٹِکّے مستک رام نام چُھہائیا ۔ تُوں قُدرت قادر سب کُچھ کرنیہار، کرتا پُرکھ اِک اکھوائیا۔ میَں نِمانی دا لیکھا مُکا دے وِچ سال

دو چار، چؤتھے جُگ دے مالک تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار بنک سُہائیا۔ دھرنی کہے پربھوُ تُوں آد جُگادی سب دا خالق، مخلوُق تیری اوٹ تکائیا۔ اوتار پَیغمبر گُروُ تیرے بالک، چار جُگ دے سندیسے دے کے گئے چائیں چائنیا۔ تُوں سب دا بننا کلجُگ انت انت پرِتپالک، سِر سِر سب دے ہتّھ ٹِکائیا۔ میرے مِہربانا سِری بھگوانا صدی چؤدھویِں کریں نہ آلس، غفلت نظر کوئے نہ آئیا۔ میَں تیرا نوُر ظہوُر تکاں خالص، خالص اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کلجُگ انت میری کوُڑ کِریا دی لاہُنی کالکھ، کل کاتیِاں لہنا دینا دینا مُکائیا۔

۲۰ بھادروں شہنشاہی سمت ۱۱ سُکھدیو سِنگھ دے گرِہ پِنڈ کلّا ضِلع امرتسر

دھرنی کہے میرے پرم پُرکھ پیارے مِتر، میِت میِتے تیری بےپرواہیِا۔ میرے اُتے دیِن دُنی دا ویکھ چلِتر، مانَو مانَس ذاتی دھیان لگائیا۔ تیرا سَت سروُپ شاہو بھوُپ کِسے نظر نہ آوے چِتر، چارے کُنٹاں تکنا تھاؤں تھائنیا۔ اوہ لیکھا تک لےَ جو اِشارہ دے کے گیا وِشوا مِتر، وِشوَ دا بھیوَ کُھلائیا۔ نِرگُن دھاروں نِروَیر ہو کے نِتر، جوتی جاتا ڈگمگائیا۔ تیرا نہ کوئی مات نہ کوئی پِتر، پِتا پوُت نہ گود سُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا ۔ دھرنی کہے پربھوُ میرے اُتے دھار ویکھ لےَ اپنی، آپ آپا ویکھ وکھائیا۔ سَت دھرم رہیا نہ کِسے پت پتنی، پت پرمیشور تیرا بھےَ سِر نہ کوئے رکھائیا۔ رسنا پوِتر رہی نہ جو تیرا نام جپنی، سَت سَت سَت نہ کوئے وڈیائیا۔ تیری سرِشٹی میرے اُتے ہوئی بے وطنی، وطناں دے مالک ویکھنا چائیں چائنیا۔ من دی آشا ہو گئی کلجُگ ناگنی ڈسنی، گھر گھر ڈنگ لگائیا۔ بِن تیری کِرپا تیری منزل کِسے نہیں ٹپنی، ٹاپوُآں پندھ نہ کوئے مُکائیا۔ سچ دوار دی کھولے کوئی نہ ہٹّنی، سچ نام نہ کوئے ورتائیا۔ تیری وست امولک بِن تیری کِرپا کِسے نہیں کھٹنی، کھٹکے وِچ لوکائیا۔ خالی تک لےَ کایا مٹّنی، تن وجوُد تیرا رنگ نہ کوئے رنگائیا۔ جے تیری دھار انوکھی نِرگُن سرگُن دھار جٹنی، جٹا جوُٹ پندھ مُکائیا۔ میَں وی تیرے پیار وِچ پرم پُرکھ کروٹ

وٹدی، پاسا دیِن دُنی نالوں بدلائیا۔ تُوں انت کھیل مُکاؤنی دیِن مذہب دی وٹّ دی، جھگڑا شرع رہے نہ رائیا۔ آہ تک لےَ صدی چؤدھویِں جاندی ٹپدی، بھجےّ واہو داہیِا۔ تیری کھیل تکنی پُرکھ اکالے سمرتھ دی، سمرتھ دینی وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیری مہما آد جُگاد اکتھ دی، کتھنی کتھ سکے نہ رائیا۔

۲۰ بھادروں شہنشاہی سمت ۱۱ گُردَیال سِنگھ دے گرِہ پِنڈ کلّا ضِلع امرتسر

دھرنی کہے پربھ میرے سُن لےَ دُکھڑے، دُکھی ہو کے دردیِا دیاں جنائیا۔ نِگاہ مار لےَ مانَس مانَو مانُکھ اُلٹے رُکھڑے، تن وجوُداں دھیان لگائیا۔ کلجُگ کوُڑی کِریا کیتے بُھکھڑے، ترِسنا ترِکھا نہ کوئے بُجھائیا ۔ بھاگ لگّا کِسے نہ کُکھڑے، میری چار کُنٹ دُہائیا۔ اُجل رہیا نہ کوئی مُکھڑے، دُرمت میَل دھوئی کوئی نہ شاہیِا۔ میرے اُتوں دھرم دے بوُٹے انتم اُکھڑے، جڑ رہن کِچھ نہ پائیا۔ وِکار ہنکار مانَس مانَو کُٹھڑے، تن وجوُد رہے کُرلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچی آس رکھائیا۔ دھرنی کہے پربھوُ میَں تپدی بِنا اگّ، بِن کاشٹ سڑاں تھاؤں تھائنیا۔ تیری سرن سرنائی موُل نہ سکاں لگّ، لگ ماتر دے مالک ویکھنا تھاؤں تھائنیا۔ تیری سرِشٹی میَنوُں کیِتا تیرے نالوں الگ، دھار وکھری ونڈ ونڈائیا۔ میری وِچار ہو گئی وانگ کگ، ہنس روُپ گئی بدلائیا۔ میری ترِسنا بگڑا بپ، سَت چوگ نہ کوئے چُگائیا۔ دھیِرج رہیا کوئی نہ تپ، سَت سنتوکھ نہ کوئے دھرائیا۔ پوِتر رہی کوئے نہ مت، بُدھ بِبیک نہ کوئے کرائیا۔ میری بِنا خوُن توں اُبلے رت، رتن امولک ہیِرا میرا وجوُد رہیا نہ رائیا۔ میَنوُں وِسریا تیرا جپ، نام نِدھان نہ کوئے شنوائیا۔ میری مات رہی نہ پت، پت پرمیشور دیاں دُہائیا۔ کیوں میرے اُتے کلجُگ جیِواں چُکی اّت، نوَ ستّ کوُڑ کُکرم رہے کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میَں ہوئی جگت نِمانی ہیِنی، سیِس تاج نہ کوئے ٹِکائیا۔ میَں نیتر ہوئی نابیِنی، تیرا درس موُل نہ پائیا۔ میری ترِسنا ہوئی کمیِنی، دھیِرج دھیِر نہ کوئے رکھائیا۔ میری وسَت دھرم دی گئی چھینی، کلجُگ لُٹیرا

لُٹے تھاؤں تھائنیا۔ نوَ ستّ وجے ہنکاری بیِنی، ہنگتا گڑھ نہ کوئے تُڑائیا۔ میَنوُں اِیوں دِسدا میرے تے جھگڑا پَینا روُسی چیِنی، چار کُنٹ دا لیکھا میرے اُتے رہیا کُرلائیا۔ پیار رہنا نہیں کِسے نر مدیِنی، اِستری پُرش سنگ نہ کوئے نِبھائیا۔ میَں کھیل تکنا ترےَگُن مایا تیِنی، ترےَبھوَن دھنی کی تیری بےپرواہیِا۔ پوِتر رہنی نہیں کوئی میری زمیِنی، خاک اُڈنی تھاؤں تھائنیا۔ مُشکل ہونا مانَس مانُکھ زِندگی جیِنی، جیِوت رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا پردہ آپ چُکائیا۔ دھرنی کہے پربھوُ میرا حال ہو گیا خستہ، کُھلی مینڈھی دیاں دُہائیا۔ پوِتر رہیا کوئی نہ رستہ، رہبر رنگ نہ کوئے رنگائیا۔ تیرا نام کلمہ ٹکیاں نالوں ہویا سستا، کلجُگ ہٹّو ہٹّ وِکائیا۔ میَں چاہُندی انتم میرے اُتوں سب دا بنّھ دے بستہ، بستی اپنی لےَ ٹِکائیا۔ جِدھر ویکھاں تیرا سَتگُر شبد ہووے نسدا، دِوس رَین بھجےّ واہو داہیِا۔ جِس دا سندیس ہوئے تیرے بھنڈارے جس دا، صِفتاں ڈھولے گائیا۔ نال اوتار پَیغمبر گُروُ ہووے ہسدا، ہستی تیری اِکو نظری آئیا۔ میرا نؤ کھنڈ کھیڑا تیری کِرپا نال پھیر وسدا، ستّ دیِپ تیرا رنگ تکائیا۔ تُوں مالک خالق تیرا کھیل الکھنا الکھ دا، اگوچر تیرا بھیوَ کوئے نہ آئیا۔ تُدھ بِن سوامی میری پَیج کوئی نہ رکھدا، سِر سِر ہتّھ نہ کوئے ٹِکائیا۔ اَگے لیکھا مُکا دے مانَو ذاتی وکھ دا، آتم پرماتم اِکو رنگ وکھائیا۔ تیرا درشن ہووے ساکھیات پرتکھ دا، نوُر نوُرانے شاہ سُلطانے اپنا ظہوُر دینا وکھائیا۔ دھرنی کہے میَں پیار چاہُندی اِکو تیرا پرمیشور پت دا، پت پتونتے ہونا آپ سہائیا۔ تُوں آد جُگادی مالک سب دی مِت گت دا، گت مِت تیرے چرناں ہیٹھ رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن ساچی وست میری جھولی کوئی نہ گھتدا، اتوٹ اتُٹ نام نہ کوئے ورتائیا۔

۲۰ بھادروں شہنشاہی سمت ۱۱ کرم سِنگھ، سوَرن سِنگھ دے گرِہ پِنڈ کلّا ضِلع امرتسر

دھرنی کہے میرے دُھر دے کملاپاتیِا، پت پرمیشور ہونا آپ سہائیا۔ میرے کول تیریِاں آد جُگاد دیِاں پاتیِاں، بِن کاغذ شاہی قلماں دین گواہیِا۔ جِس کارن نؤ کھنڈ پرِتھمی تیریاں ہوئیاں اندھیریِاں راتیِاں، ستّ دیِپ سَت ستواد نظر کوئے نہ آئیا۔ میرا سیِنہ پاڑ کے ویکھ لےَ

چھاتی آ، چھتردھاری تَینوُں گئے بُھلائیا۔ امرت رس نِجھر جھِرنے تیری موُل رہی نہ داتی آ، وست امولک کایا گولک نظر کوئے نہ آئیا۔ میرے اُتے کلجُگ کوُڑ کُڑیارا مارے کاتیا، موہ وِکارے تیِر چلائیا۔ چارے کُنٹ ویکھے مار جھاتیا، بِن اکھّاں اکھّ اُٹھائیا۔ کِرپا کر دے میرے دُھر دے کملاپاتیِا، پت پرمیشور ہونا آپ سہائیا۔ نِرگُن دھار نِروَیر تیرے چرن کوَل اِکو میرا ناتیا، رِشتہ اوَر نہ کوئے جنائیا۔ نِگاہ مار لےَ لوک ماتیا، دھرنی ہو کے تیرے اَگے منگ منگائیا۔ تیرا سَت سچ میرے اُتوں پا گیا وفاتیا، کلجُگ کوُڑ اپنا رنگ رنگائیا۔ دھرم دی رہی نہ کوئی پربھاتیا، تیرے نام نہ کوئے سمائیا۔ جِدھر ویکھاں کلجُگ کوُڑ کُڑیار دیِاں کُھلیِاں ہاٹیِاں، موہ وِکار رہیا ورتائیا۔ پوِتر رہیِاں نہ کایا چاٹیِاں، ساڈھے تِنّ ہتّھ نہ کوئے رُشنائیا۔ تیری منزل چڑھے کوئے نہ گھاٹیِا، سچکھنڈ پُجن کوئے نہ پائیا۔ تیری سرِشٹی بَیٹھی درِسٹی اندر ادھواٹیا، منزل پندھ نہ کوئے مُکائیا۔ سب دے تن وجوُد چیِتھڑ ویکھ لےَ پاٹیا، لیِرو لیِر نظری آئیا۔ آون جاون لکھّ چؤراسی زنجِیراں جاون نہ کاٹیِاں، دھرم رائے دا پھند نہ کوئے کٹائیا۔ میرے اُتے کھیل کوُڑی کِریا کیِتا بازی گر ناٹیا، سوانگ اپنا رہی وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا رنگ اگمّ رنگائیا۔ دھرنی کہے پربھوُ میرا انتشکرن تک، حقیِقت دے مالک دھیان لگائیا۔ مِہربانا سِری بھگوانا میری جھولی پا دے پوُربلا حق، جُگ چؤکڑی لیکھا پِچھلا رہیا نہ رائیا۔ اوہ اِشارہ تک لےَ جو دے کے گیا اَناالحق، بِن رسنا جِہوا تیرا ڈھولا گائیا۔ حضرت عیسیٰ رہن نہ دِتا شک، موُسیٰ شکوے گیا مِٹائیا۔ محمد لکیِراں کڈھ کے نال نک، چؤداں طبقاں دھیان لگائیا۔ پَیغمبراں کیِتی صِفت تیری انتھک، نوُر الاہ تیری وڈ وڈیائیا ۔ اوتار تیرا سندیسہ دے کے گئے یک، حرف حرفاں نال مِلائیا۔ گُروُآں کِہا انت دھرنیئے تیرا پردہ لئے ڈھک، ڈھاکن کوپت اِک اکھوائیا۔ میرا لہنا دینا پوُرا کر دے پکّ، پت پرمیشور تیری آس رکھائیا۔ اوہ ویکھ لےَ کی اِشارہ دیندا صلیِب دی دھارا والا کلک، وقت وقت وِچوں بدلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی میرا لیکھا بِن نیَناں تک، تقویٰ تیرے اُتے رکھائیا۔

۲۰ بھادروں شہنشاہی سمت ۱۱ ناظر سِنگھ دے گرِہ پِنڈ کلّا ضِلع امرتسر

دھرنی کہے پربھوُ میَں تیری پُتری سپُتری شہزادی، شہنشاہ آد دی آد اِک اکھوائیا۔ میری بیننتی اوَر کاہدی، کی دیاں سُنائیا۔ تُوں آد جُگاد انادی، سد تیری اوٹ تکائیا۔ تُوں موہن مادھوَ مادھی، مُدّتاں دا مالک اِک اکھوائیا۔ میرے سِری بھگوانا نؤجوانا میری کِسے نال ہوئی نہ شادی، شادیانے نہ کوئے وجائیا۔ نہ کوئی میری مئیا نہ کوئی پِتا نہ دادا دادی، کُل نظر کوئے نہ آئیا۔ نہ میرے سیِس سُہاگ دی دِسے پراندی، مینڈھی نظر کوئے نہ آئیا۔ میَں آد جُگاد جُگ چؤکڑی تیرے گُن گاندی، تُوں میرا اِکو دُھر دا ماہیِا۔ تیرے پیار حُکم وِچ باندی، بندنا کہہ کے سیِس نِوائیا۔ میری بھیٹ تیرے چرناں نہ سونا نہ چاندی، جگت مایا نہ کوئے چڑھائیا۔ چاروں کُنٹ میرے سوامیِا میرے اُتے تک لےَ اندھیرا آندھی، ساچا چند نہ کوئے چمکائیا۔ تیری سرِشٹی تیری دُنیا پشوُآں ڈھوراں کھاندی، کاگاں مُکھ رکھائیا۔ کوُڑ کُڑیاریاں دھاراں ہیٹھ نہاندی، تیرے سروور گئے بُھلائیا۔ عزت رہی نہ میری دیِن دُنیا والی ماں دی، مُحبّت وِچ نہ کوئے سمائیا۔ بے پرواہ میرے اُتے کلجُگ کوُڑ دی ودھی آبادی، نوَ ستّ تکنا تھاؤں تھائنیا۔ میَں کلجُگ انتم تھکی ماندی، در تیرے واسطہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، وڈیائی رہی نہ میرے اُتے کِسے تھاں دی، تھننتر رنگ نہ کوئے رنگائیا۔

۲۰ بھادروں شہنشاہی سمت ۱۱ سرمُکھ سِنگھ دے گرِہ پِنڈ کلّا ضِلع امرتسر

دھرنی کہے میری تک زِندگی زِندگانی، زِندہ دِل ہو کے دیاں سُنائیا۔ میری درداں بھری کہانی، کہاوت جگت نہ کوئے جنائیا۔ میرے اُتے تیری سرِشٹی ہوئی بیگانی، ساچے رنگ نہ کوئے سمائیا۔ تیری منزل چڑھے نہ کوئے روُحانی، رہبر مِلن کوئے نہ پائیا۔ تُوں کِرپا کر میرے پرم پُرکھ اسمانی، نوُر نوُرانے دُھردرگاہیِا۔ تیرا کلمہ بُھلیا کلامی، کائنات گئی بُھلائیا۔ اپنا لیکھا تک لےَ سنگ محمد نال اِسلامی، اِسم اعظم دھیان لگائیا۔ تیری شرع دی کٹے نہ کوئے غُلامی، غُربت سب دے اندر آئیا۔ تیرے کلمیاں ہوئی بدنامی، بدی وِچ تیری خلق خُدائیا۔ منزل

ملِے نہ کِسے روُحانی، سچ در نہ کوئے وڈیائیا۔ میرے اُتے آ گئی خامی، خالص رنگ نہ کوئے سمائیا۔ تُوں سب دا انترجامی، گھٹ گھٹ ویکھنا چائیں چائنیا۔ میرے مِہربانا سوامی، سماں اگلا تیرے چرن ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیرے ہتّھ وڈیائیا۔ دھرنی کہے پربھوُ میَں تیری آد جُگادی رکھی اوٹ، سہارا نِرنکارا اِک جنائیا۔ میرے اُتے دیِن دُنی دا تک لےَ کھوٹ، کھٹیا کایا ماٹی ویکھ وکھائیا۔ تیرے مانَو تیرے آلنیوں ڈِگے بوٹ، پھڑ پھیر نہ کوئے ٹِکائیا۔ میَنوُں دُکھاں نے لائی چوٹ، پٹّی دھرم نہ کوئے بندھائیا۔ میرا لہنا دینا تیرے نال جُگ چؤکڑی کوٹی کوٹ، انِگنت دے مالک تیرے رنگ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَت بھنڈار دینا اتوٹ، اتوٹ اتُٹ دے مالک آپ ورتائیا۔

۲۰ بھادروں شہنشاہی سمت ۱۱ گُردَیال سِنگھ دے گرِہ پِنڈ کلّا ضِلع امرتسر

دھرنی کہے پربھوُ میرے نِگاہ مار لےَ انتر، انتشکرن دے مالک دھیان لگائیا۔ نِرگُن دھار تک لےَ چارے کُنٹ لگّی بسنتر، سچ میگھلا نظر کوئے نہ آئیا۔ کوُک پُکار سُن لےَ اُتے گگن گگننتر، گہر گمبھیِر دیاں دِرڑائیا۔ میری آشا پوُری کر دے جو کہہ کے گیا دھنونتر، دھرم دھار سُنائیا۔ اِکو تیرا نام نِدھانا ہووے منتر، منتوَ میرا حل کرائیا۔ بِنا شرع توں دے دے جنتر، جیِواں جنتاں گنڈھ پوائیا ۔ دھرم دی دھار بنا دے بنتر، گھڑن بھنّنہار تیری بےپرواہیِا۔ نالے لیکھا تک لےَ کی کھیل کرے کَیلاشی شنکر، شرع جگت کی جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میرا انتشکرن انتم پھول، پردہ رہن کوئے نہ پائیا۔ تیری سرِشٹی میرے اُتے سُتی انبھول، سچ نیتر نہ کوئے کُھلائیا۔ دھرم دی وست رہی کِسے نہ کول، خالی دِسے لوکائیا۔ میَں ایسے کرکے رہی ڈول، دھیِرج دھیِر نہ کوئے جنائیا۔ میرے نال وحدے پوُرے کر دے قؤل، اِقرارنامیاں رنگ رنگائیا۔ بے شک میرا وجوُد دُنیا منّے گول،

انت کہن کِچھ نہ پائیا۔ تُوں میرے اُتے اپنے حُکم دا کر دے رول، رہبر ہو کے دَیا کمائیا۔ میَں آپا تیرے اُتے دیواں گھول، گھولی گھول گھُمائیا۔ سچ دوارا ایکا کھول، در دروازہ دو جہان وکھائیا۔ تیرے نام دا اِکو وجے ڈھول، ڈنکا دو جہان کرے شنوائیا۔ سد آ کے وسنا میرے کول، دوُر دُراڈا پندھ مُکائیا۔ لکھّ چؤراسی اندر جانا مؤل، مالک ہو کے اپنا روُپ درسائیا۔ میَں کوجھی کملی نِمانی تیری دھؤل، دھؤلے جھاٹے نال رہی کُرلائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آشا پوُر کرائیا۔ دھرنی کہے پربھوُ میری پوُری کر تمنّا، تامس جگت دے مِٹائیا۔ شرع دا رہے کوئی نہ بنّا، حدوُداں پندھ مُکائیا۔ لیکھے لا لےَ گوبِند والا کنّا، کائنات روُپ بدلائیا۔ جو اِشارہ دے کے گیا دھنّا، جٹّاں دے وڈیائیا۔ جِس دا لیکھ لِکھیا شبدی دھار چؤداں سؤ تیس انک دا پّنا، پاربرہم پربھ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دھرنی کہے پربھوُ میرے انتر تک لےَ کامنا، جگت واشنا نہ کوئے رکھائیا۔ جن بھگتاں پھڑا دے اپنا دامنا، دامنگیِر اِکو نظری آئیا۔ سَتگُر شبد ہو کے ہونا ضامنا، تُدھ بِن وِچولا رہن کوئے نہ پائیا۔ اوہ آشا میری کی سندیسہ میَنوُں دیوے باوَنا، سچکھنڈ وِچوں اِشارے رہیا دِرڑائیا۔ کی ہس ہس آکھے رامنا، رمئیا رہیا جنائیا۔ نیَن اُٹھا کے تکے کاہننا، گھنئیا اپنا نیَن چُکائیا۔ کی پَیغمبر دین پَیغامنا، سندیسے نوُر الاہیِا۔ گُروُ گُردیو کی سچ سندیس سُناوَنا، بِن رسنا جِہوا ڈھولے گائیا۔ دھرنیئے تیرا لہنا دینا کلجُگ انت سِری بھگوَنت آپ مُکاوَنا، دوُجے ہتّھ نہ کِچھ پھڑائیا۔ جِس جوتی جاتا پُرکھ بِدھاتا اِک اکھواوَنا، نِہکلنکا کل کلکی روُپ بدلائیا۔ جِس دا بھیوَ کوئی پا نہ سکے پنڈت پاندھا براہمنا، شاستر انتر کہن کِچھ نہ پائیا۔ اوہ تیری پوُری کرے بھاوَنا، ترِسنا کوُڑ جگت چُکائیا۔ تُوں اُس دے بل بل جاونا، آپ اپنا بھیٹ چڑھائیا۔ جِس دُھر دا حُکم سُناوَنا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، انتم میٹے اندھیری شامنا، سَتجُگ ساچا چند کرے رُشنائیا۔

۲۱ بھادروں شہنشاہی سمت ۱۱ اُتم سِنگھ دے گرِہ پِنڈ وَیرووال ضِلع امرتسر

دھرنی کہے پربھوُ میَنوُں نام دِرڑا دے سو، ہنگ برہم پاربرہم بھیوَ رہے نہ رائیا۔ سَت پرکاش نِرگُن دھار کر اگمّی لو، بِن نیتر لوچن نیَناں کر رُشنائیا۔ سرِشٹی درِشٹی کوُڑ کُڑیاری مایا نالوں کر نِرموہ، مُحبّت اپنے نال رکھائیا۔ مانَس مانَو مانُکھ سرگُن دھار نِرگُن نال جان چھوہ، وکھرا رہن کوئے نہ پائیا۔ میَنوُں تُدھ بِن دِسے اوَر نہ کو، کوُک کوُک دیاں جنائیا۔ میرے توں پنچ وِکار میٹ دے گروہ، گوبِند دھار شبد سمجھائیا۔ دُتیا بھاوَ رہے نہ دو، ایکنکار ایکا رنگ دینا رنگائیا۔ کلجُگ کوُڑ وِکارا نِرگُن دھار ہو کے لئے کھوہ، گھٹ گھٹ انتر ویکھنا تھاؤں تھائنیا۔ نام نِدھانا سِری بھگوانا ایکا ایک بیِج اگمّا بو، بودھ اگادھ توں پرے کر پڑھائیا۔ سَت وست سَت ستوادی برہم برہمادی میَنوُں ڈھوآ دے دے ڈھوء، گہر گمبھیِر بے نظیِر بِن جگت نیتراں دے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک پردہ آپ چُکائیا۔ دھرنی کہے پربھوُ میرے اُتے سندیسہ دے دے ہنگ برہم، پاربرہم پربھ اپنی دَیا کمائیا۔ سَت ستوادی سَت پُرکھ نِرنجن اِک جنا دے دھرم، دھرم دی دھار ایکنکار دے دِرڑائیا۔ آتم پرماتم دیِن دُنی لکھّ چؤراسی جیِو جنت دا بدل دے کرم، کرم کانڈ دا لیکھا پوُرب رہے نہ رائیا ۔ اِکو اوٹ تیری سب نوُں ہووے سرن، سرنگت اِک جنائیا۔ جھگڑا میٹ دے ورن برن، کھتری براہمن شوُدر وَیش ونڈ نہ کوئے ونڈائیا۔ نِج نیتر بِن اکھّیِاں کھول دے ہرن پھرن، انُبھوَ اپنا بھیوَ چُکائیا۔ تُوں سب کُچھ کرنی کرن، قُدرت دا قادر نوُر الاہیِا۔ میَں چاہُندی نؤ کھنڈ پرِتھمی ستّ دیِپ تیرا اِکو نام کلمہ پڑھن، اِکو ہووے بِن حرف حروُف پڑھائیا۔ لاشریِک تیری حق حقیِقت منزل چڑھن، درگاہ ساچی سچکھنڈ سوبھا پائیا۔ غریِب نوازے در دروازہ کھولنا سچ گھر دا درن، بھیِت بند نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے پربھوُ میَنوُں دے دے نام نِرالا، نِراکار دَیا کمائیا۔ تُوں کِرپا نِدھ پُرکھ اکالا، پروردِگار نوُر الاہیِا ۔ سَت دھرم دی اِک بنا دھرمسالہ، دھرم دی دھار دھار پرگٹائیا۔ جِتھے بَیٹھن شاہ کنگالا، دیِن مذہب ونڈ نہ کوئے ونڈائیا۔ اِکو نام نِدھان تیرا ہوئے اُجالا، دو جہان کرے رُشنائیا۔ میری نؤ سؤ چُرانوے چؤکڑی جُگ دی لیکھے لاؤنی گھالا، گھائل ہو کے سیِس نِوائیا۔ ہر ہِردے اندر من کا منکا پھیر بنا دے مالا، باہر منکے پھیرن دی لوڑ رہے نہ رائیا۔

تَینوُں پَیغمبراں کِہا نوُر الاہی تعالا، تعلق سب دے نال رکھائیا۔ تیری دھار نِرنکار کاہن گھنئیا بن گوالا، گوپال اپنا کھیل کھِلائیا۔ کلجُگ انت سِری بھگوَنت پھل لگا دے میرے دھرم دھار دے ڈالا، پتّ ٹہنی آپ مہکائیا ۔ میری آشا تک لےَ جو اشٹبُھج رکھ کے گئی جوالا، سُنب نِسُنب دی دھار نال رکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ دھرنی کہے پربھوُ میرے اُتے تیرا اِکو ہووے کلمہ کلام، کائنات دینا جنائیا۔ میَں تیرا نوُر الاہ تکاں اِمام، اِمام اِمامے تیرا درشن پاواں چائیں چائنیا۔ تُوں میرا نگر سُہاؤنا گرام، دھرنی دھرت دھوَل دھؤل بَیٹھی آس تکائیا۔ صدی چؤدھویِں میَنوُں پَیغمبراں دِتا پَیغام، حرف حروُفاں نال مِلائیا۔ حضرت موُسیٰ عیسیٰ محمد دے کے گئے بنام، وہی نازل ہو کے جو جبرائیل گیا جنائیا۔ انت لیکھا تک لےَ دیِن دُنی عوام، ویکھنا تھاؤں تھائنیا۔ بِن رَین توں میرے اُتے ہوئی شام، شمع نوُر جوت نہ کوئے رُشنائیا۔ اِیمان دا رہیا نہ کوئے غُلام، غُربت کوُڑ کوُڑ ہلکائیا۔ دھرم دا دِسے نہ کوئے نِشان، نِشانے دیِن دُنی بدلائیا۔ کِرپا کر سِری بھگوان، بھگوَن تیری اوٹ رکھائیا۔ نِگاہ مار اگمےّ رام، رمئیا ہو کے ویکھ وکھائیا۔ میری آسا تک لےَ نِرگُن سرگُن کاہن، جوتی جاتے ویکھ وکھائیا۔ پَیغمبراں دے پَیغمبر رحیِم رحمان، محبان بیِدو تیری اوٹ تکائیا۔ گُروُآں دے گُردیو سوامی نؤجوان، پُرکھ اکال تیری اوٹ تکائیا۔ دھرنی کہے میَنوُں نِرگُن داتے سَت سچ دا دینا دان، دَیاوان ہو کے دَیا دینی کمائیا۔ میَں نِردھن سردھن تیرے چرن کراں دھیان، بِن نیَناں نیَن اُٹھائیا۔ تُوں شاہو بھوُپ سُلطان، سچکھنڈ نِواسی اِک اکھوائیا۔ میری بیننتی کر پروان، پرا پسنتی مدھم بَیکھری توں باہر رہی دِرڑائیا۔ چار جُگ دے شاستر میری گواہی نِرگُن دھار بُھگتان، شہادت دیون چائیں چائنیا۔ تُوں نِگاہ مار لےَ اُتوں اسمان، اسمانی باپ تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، نِرگُن نِرگُن نِرگُن آد جُگادی جانی جان، جُگ جُگ بھیوَ ابھید آپ کُھلائیا۔