کتب خانہGranth 24 (Shahmukhi)

۲۲ بھادروں شہنشاہی سمت ۱۱ پِنڈ جنڈیالا گُروُ ضِلع امرتسر ہرِ سنگت جنڈیالا نوِت

نارد کہے دھرنیئے میَں تیرے کول پُجا، جگت جہان دا پندھ مُکائیا۔ کیوں دھرم دا دیِپک تیرے اُتے بُجھا، کلجُگ کوُڑ اندھیرا گیا چھائیا۔ دھرم دی دھار وسدا دِسے کوئی نہ جھُگا، گرِہ مندر نہ کوئے وڈیائیا ۔ دھرنیئے تیرے نام دا مُلّا شیخ مسائک پنڈت پاندھے گرنتھی پنتھی لَیندے بُھگا، ٹکیاں قیِمت رہے پائیا۔ پرم پُرکھ دا نام کرے کوئی نہ اُگھا، اُگھن آتھن پئی دُہائیا۔ سَت دھرم دا سُجھے کِسے نہ مُدعا، مُدتاں دا مالک نظر کِسے نہ آئیا۔ تُوں نِگاہ مار لےَ سوادھان ہو بسُدھا، سُدھ اپنی لےَ پرگٹائیا۔ اوہ تک لےَ جو سندیسہ دے کے گیا مہاتما بُدھا، آپ اپنا دھیان رکھائیا۔ کلجُگ انت دیِن دُنی شرع دا ہونا دھرم یُدھا، بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ اِک رنگائیا۔ دھرنی کہے پربھوُ میرا لہنا جگت انوکھا اولّڑا، کرنی دے کرتے دیاں جنائیا۔ میرا خالی ویکھ لےَ پلڑا، پلّوُ گنڈھ نہ کوئے بندھائیا۔ میرا پیار ایکنکار تیرے در دوارے کھلڑا، درگاہ ساچی آسن لائیا۔ کلجُگ انت سِری بھگوَنت پھڑا دے اپنا پلڑا، پلّوُ گنڈھ دینی بندھائیا۔ بے شک تیرا مارگ چار جُگ توں ہووے اولّڑا، اولّڑی کار کمائیا۔ میرا وِچھوڑا ہووے گھڑی نہ پلڑا، پلکاں دے پِچھے بہہ کے درشن دینا چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ دھرنی کہے پربھوُ میری آسا سب توں وکھری، وکھریاں دیاں جنائیا۔ مان رہیا نہ تیری وِدیا اکھّری، اکھّر اکھّر دین گواہیِا۔ پوُجا تک لےَ پاہناں پتّھری، اِٹّاں سیِس نِوائیا۔ گوبِند دھار دِسے لتھی کوئے نہ ستھری، یارڑے تیری سیج ہنڈھائیا۔ میَں نیتر روواں نِرگُن دھار بِنا اتھری، ہنجھوُآ ں ہار بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ جھٹ نارد کہے دھرنیئے کیوں رو رو ماریں چیِکاں، دو جہان رہی سُنائیا۔ ویکھ لےَ تیرے پِچھلے اُتے پربھوُ مارن والا لیِکاں، پوُرب لہنا رہے نہ رائیا۔ جِس دیِاں اوتار پَیغمبراں گُروُآں رکھیِاں اُڈیِکاں، بھوِکھتاں وِچ آسا گئے رکھائیا۔ اوہ مالک خالق نیِکن نیِکا، نِروَیر ہو کے تیرا لہنا دینا دئے چُکائیا۔ بے شک دھرم دا پھل ہو گیا پھیِکا، کلجُگ کوُڑا ریِٹھا دئے بھنّائیا۔ اُس دے وِچ حق تؤفیِقا، دُھر دا مالک اِک اکھوائیا۔ جِس دیِاں آد جُگاد ٹُٹ سکن نہ کدے پریِتاں، پریِتم اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ نارد

کہے دھرنیئے اوہ تک لےَ اگمّا باپ، پِتا پُرکھ اکال ویکھ وکھائیا۔ جِس نے کلجُگ کوُڑ میٹنا پاپ، پتت پُنیِت تَینوُں دئے کرائیا۔ جِس آتم پرماتم اِکو دسّنا جاپ، تُوں میرا میَں تیرا ڈھولا گائیا۔ اوہ کھیل کھِلائے دَیا کمائے لوک مات، ماتر بھوُمیئے تیرا لیکھا دئے چُکائیا۔ تُوں حُکم سندیسہ یاد رکھنا اجّ دی رات، رَین بِھنڑی نال مِلائیا۔ ایہہ کوئی جگت جہان دی نہیں بات، باطن پردہ دِتا کُھلائیا۔ نارد کہے میَں اُس دا کھیل تکیا اِک اِکانت، اِک اِکلّا رہیا کرائیا۔ جِس نے نوَ ستّ ونڈے پرانت، حِصّے دیِن دُنی پائیا۔ اوہ دیونہارا امرت بوُند سوانت، امیوں رس اگمّا آپ چوائیا۔ سو انت دھرنیئے تیری پُچھے وات، سِر تیرے ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ نارد کہے دھرنیئے نِگاہ مار لےَ شاہو بھوُپ اِک راجا، جِس دی رعیت دو جہان نظر کِسے نہ آئیا۔ جِس نوُں اوتار پَیغمبراں ماریِاں آوازاں، سُنیہڑے نام کلمے والے سُنائیا۔ تیری آشا کہِندی کلغی دھر اگمےّ آ جا، آپ اپنا پندھ مُکائیا۔ تُوں شاہو بھوُپ غریِب نوازا، سِر میرے ہتّھ ٹِکائیا۔ سو پُرکھ اکالا دھرنیئے تیرا پوُرا کرن والا کاجا، کرنی دا کرتا نوُر الاہیِا۔ اُس دا نوُر ظہوُر کملیئے تک لےَ سمبل دیس دیس وِچ ماجھا، باہر کھوجن دی لوڑ رہے نہ رائیا۔ جِس دا لہنا دینا نِرگُن سرگُن دھار دو دوآبہ، دوہری اپنی کل ورتائیا ۔ جِس نوُں محمد کِہا اوہ اِمام نوُر الاہ انت آوے صدی چؤدھویِں وِچ پنج آبا، آبِ حیات دیوے چائیں چائنیا۔ جِس دا لہنا دینا نال نہیں شرع والیِاں کِتاباں، کُتب خانیاں باہر اپنا حُکم سُنائیا ۔ اُس دا اِکو جلوہ اِکو ہووے محرابا، محبوُب اِکو سوبھا پائیا۔ اِکو سجدہ ہووے اِکو ہووے آدابا، سیِس جگدیِش اِک نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے دھرنیئے کلجُگ انتم بن جا منگتی، مانگتے اپنی جھولی ڈاہیِا۔ پِچھلا لیکھا چھڈ دے پنڈتی، جگت نچھتر نہ کوئے چتُرائیا۔ اگلی منزل جانی لنگھدی، اَگے ہو نہ کوئے اٹکائیا ۔ اِکو نام نِدھانا جاویں منگدی، تُوں ہی تُوں ہی راگ الائیا۔ تَینوُں بخشے دھار اگمےّ گنگ دی، گنگوتری جِس نوُں سیِس نِوائیا۔ تیری کار مکُے رسنا جِہوا والے دند دی، مُکھ دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر مالک اِک گوسائنیا۔ نارد کہے دھرنیئے اپنی بدل وِچار، وِچرکے دیاں سُنائیا۔ ذرا اُٹھ کے نِگاہ مار، نوَ ستّ ویکھ وکھائیا۔ کھیل تک سچّی سرکار، صاحِب کی اپنی کل ورتائیا۔ جوتی جاتا ہو کے ہویا ظاہر، ظاہر ظہوُر کرے رُشنائیا۔ جِس نوُں سجدے کردے پَیغمبر گُر اوتار،

ڈنڈاوت بندنا وِچ سیِس نِوائیا۔ اوہ بھگت سُہیلا بن کے میِت مُرار، مِتر پیارا اپنا روُپ بدلائیا۔ سچ دوار ایکنکار دیِا باتی کر اُجیار، اندھ اندھیرا رہیا مِٹائیا۔ ہرِ بھگت سُہیلے کر تیار، ترےَگُن اتیِتا اپنا رنگ رنگائیا۔ آپے گُپت آپے ظاہر، آپے اندر آپے باہر، نِرگُن سرگُن اپنا کھیل جنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم سُنائیا۔ نارد کہے دھرنیئے دُھر دا حُکم سُناویگا۔ دیِن دَیال دَیا کماویگا۔ بھیوَ ابھید آپ کُھلاویگا۔ دیوی دیوَ روُپ بدلاویگا۔ رسنا جِہوا نہ موُل ہِلاویگا۔ شِو شوَےَ آپ اکھواویگا۔ وِشن برہما شِو اُٹھاویگا۔ اوتار پَیغمبر گُروُ نال مِلاویگا۔ جوتی جاتا ڈگمگاویگا۔ پُرکھ بِدھاتا ناؤں رکھاویگا۔ سَتگُر شبد شبد جگاویگا۔ تیرا نوَ ستّ دا پردہ لاہویگا۔ جنبوُ دیِپ آپ وڈیاویگا۔ بھارت کھنڈ نوُر رُشناویگا۔ سمبل بہہ کے سوبھا پاویگا۔ دیِا باتی اپنا آپ جگاویگا۔ کملاپاتی نوُر چمکاویگا۔ جن بھگتاں پُچھے واتی، سِر سِر اپنا ہتّھ ٹِکاویگا۔ تُوں نِگاہ ماریں بائی بھادروں راتی، ماجھا دیس آپ سُہاویگا۔ کملیئے بِن اکھّاں توں نؤ کھنڈ ماریں جھاکی، تیرا لہنا دینا پوُرب دیوے باقی، باقاعدہ اپنا حُکم ورتاویگا۔ بے شک تیرا تن وجوُد خاکی، کنچن گڑھ آپ سُہاویگا۔ نارد کہے دھرنیئے میَں اُس دی سُناواں باتی، جو باطن اپنا بھیوَ چُکاویگا۔ تیرا لہنا دینا پوُرا کرے لوک ماتی، مِرتُو لوک ویکھ وکھاویگا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیو سِنگھ وِشنوُں بھگوان، انتم تیری پُچھے واتی، واتاوَرن سرِشٹ درِشٹ ویکھ وکھاویگا۔

۲۳ بھادروں شہنشاہی سمت ۱۱ پِنڈ جنڈیالا گُروُ ضِلع امرتسر سنتوکھ سِنگھ دے گرِہ

دھرنی کہے پربھوُ میَنوُں پا دے اگمّی بِھکھیا بِھکھی، بھیکھیا اپنی دَیا کمائیا۔ آسا منسا پوُری کر دے جو رکھی سپتس رِکھی، اتری انتر دھیان لگائیا۔ تیری شبد دی دھار سَتجُگ جائے لِکھی، لیکھ اگلا دے بنائیا۔ نوَ ستّ تیرے پیار دی ہووے سِکھی، ذات ونڈ نہ کوئے رکھائیا۔ جِس دی دھار ہووے تِکھی، شستر گھائل نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا

پیار آپ بندھائیا۔ دھرنی کہے میرے نریش، نر نرائن تیری وڈیائیا۔ میرے اُتے دھرم دا دے اُپدیش، اُپنشداں دا لیکھا رہے نہ رائیا۔ تیرا دو جہاناں اِکو ہووے سندیس، سندھیا سرگھی اِکو نام دِھیائیا۔ کلجُگ کوُڑی کِریا میٹ کلیش، کل کلکی اپنا ناؤں پرگٹائیا۔ تیرا شبد دس دسمیش، سِر میرے ہتّھ رکھائیا ۔ میَں دھرم دی دھار در تیرے ہوئی پیش، پیشیِن گوئیاں پوُرب ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے بنک دوار سُہائیا۔ دھرنی کہے پربھوُ میرے دھرم گوسائنیا، گہر گوَر تیری سرنائیا۔ میَں تکیاں تیریِاں بے پرواہیِاں، بے پرواہ تیری وڈ وڈیائیا۔ میریِاں چاروں کُنٹ دُہائیاں، دو جہاناں دیاں سُنائیا۔ میرے تے کلجُگ دھار مانَو ذاتی بنی روُپ قصائیاں، شرع شرع سنگ رلائیا۔ تیرا ناؤں بُھل گیا ہِندسہ اِک اِکائیاں، زیِرو صِفرا کمّ کِسے نہ آئیا۔ سچ پریِت مُحبّتاں دِسن موُل نہ لائیاں، پیار وِچ نہ کوئے سمائیا۔ میَں کوُک سُناواں کڈھ اُچیِاں باہیِناں، بِن ہتّھاں ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا دوار اِک وڈیائیا ۔ دھرنی کہے پربھوُ میرا بنک دوارا تیرا ہووے چرن، ہٹّ بازار اِکو نظری آئیا۔ جگت جہان ملِے سرن، سوامی دینی مان وڈیائیا۔ سَت سچ دا میرا ہووے پرن، پرا پسنتی مدھم بَیکھری مِل کے وجے ودھائیا۔ میَں تیرا منگیا اِکو درن، دردی ہو کے درد لیَنا ونڈائیا۔ میَں کلجُگ کوُڑی کِریا نال لگّی سڑن، اگنی اگّ دینی بُجھائیا۔ پُرکھ اکالے دیِن دَیالے نِرگُن دھار لاؤنا اپنے لڑن، کنّی کنّی نال بندھائیا۔ میری آشا تُوں میرا میَں تیرا تیرا ڈھولا لگّی پڑھن، سوہنگ شبد شبد جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتے لیکھا پوُرا کرنا سیِس دھڑن، تن وجوُداں ویکھنا چائیں چائنیا۔

۲۳ بھادروں شہنشاہی سمت ۱۱ پِنڈ جنڈیالا گُروُ ضِلع امرتسر دلیِپ سِنگھ دے گرِہ

دھرنی کہے پربھوُ جن بھگتاں بخش اگمّ پیار، پریِتم ہو کے دَیا کمائیا۔ دیِا باتی کر اُجیار، کملاپاتی ڈگمگائیا۔ ساچے شبد دی دے دُھنکار، انحد نادی راگ سُنائیا۔ دُھر دا امرت بخش دے ٹھنڈا ٹھار، اگنی تت تت بُجھائیا۔ راتی سُتیاں دے دیِدار، دِنے جاگدیاں لیَنا

مِلائیا۔ اٹّھے پہر رکھنا خبردار، آلس نِندرا وِچوں باہر کڈھائیا۔ تُوں میرا میَں تیرا تیرا نام لیَن اُچار، ڈھولے گاون تھاؤں تھائنیا۔ تُوں شاہ پاتشاہ شہنشاہ سِکدار، سچکھنڈ نِواسی اِک اکھوائیا۔ میری بیننتی تیرے درے دربار، در ٹھانڈے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست نام ورتائیا۔ جن بھگت سُہیلے جو تیرے پِچھے پِچھے پِھردے، دِوس رَین بھجےّ واہو داہیِا۔ مان دے دے گھر تِھر دے، سچکھنڈ نِواسی ہونا آپ سہائیا۔ نِجھر جھِرنے رہن جھِردے، امرت رس جام پیائیا۔ مان بخشنے دُھر دے پِر دے، پیِیا پریِتم ہو کے ویکھ وکھائیا۔ تیرے نال آد جُگاد رہن مِلدے، وِچھوڑا رہن کوئے نہ پائیا۔ پردے لاہنُے بجر کپاٹی سِل دے، اوہلا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا در اِک سُہائیا۔ دھرنی کہے پربھوُ بھگت سُہیلے تیرے ساجن، جُگ جُگ ریِتی چلی آئیا۔ تُوں شہنشاہ غریِب نوازن، سِر سِر اپنا ہتّھ ٹِکائیا۔ داتا دانی دُھر دا راجن، وست امولک دینی ورتائیا۔ انت سوارنا سب دا کاجن، کرنی کرتے اپنا سنگ نِبھائیا۔ دیِناں دردیِاں دُکھیاں سُنیں آوازن، سچکھنڈ نِواسی لےَ انگڑائیا۔ ویکھیں جن بھگتاں نال سودا کریں نہ وانگ مہاجن، دھرم دی دھار دھرم لیَنا پرگٹائیا۔ دِوس رَین بِن رسنا جِہوا تَینوُں سارے ارادھن، ہِردے اپنا آپ دینا ٹِکائیا۔ تُوں صاحِب سوامی موہن مادھوَ مادن، مدُھر دُھن دینی دِرڑائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان جن بھگتاں دُرمت میَل دھونا داغن، دغا فریب انتر رہن کوئے نہ پائیا۔

۲۳ بھادروں شہنشاہی سمت ۱۱ پِنڈ جنڈیالا گُروُ ضِلع امرتسر تیجا سِنگھ دے گرِہ

دھرنی کہے جن بھگتو پربھ چرن کرو نِمسکار، سَت دھرمیؤں سچ دیاں سُنائیا۔ بِنا دھوُڑی توں مستک لاؤ چھار، ٹِکّے اگمّ نام رمائیا۔ انتشکرن کرو پیار، ہِردے ہرِ وسائیا۔ مانَس جنم لؤ سوار، چؤراسی پھاسی گل لؤ کٹائیا۔ جنم جنم دا قرضہ لؤ اُتار، لیکھا اوَر رہے نہ رائیا۔ سچ دوار منگو گھر بار، گرِہ اِکو ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ

آپ رنگائیا۔ دھرنی کہے جن بھگتو پربھ اَگے کرو ارداس، بیننتی دھرم دھار جنائیا۔ سد رہنا ساڈے پاس، پربھ منسا پوُر کرائیا۔ پنچ وِکار کرنا ناس، دُکھ دلِدراں ڈیرہ ڈھاہیِا۔ لیکھے لاؤنا سواس سواس، پوَن پوَناں وِچ سمائیا۔ ساڈا لیکھا رہے نہ پرِتھمی آکاش، گگن گگننتراں پندھ مُکائیا۔ اِکو جلوہ تکیئے تیرا نوُر پرکاش، جوتی جاتا نظری آئیا۔ ساڈا بنیا رہے وِشواس، جگت وِشیاں وِچ نہ کوئے رُڑھائیا۔ منوُآ من نہ ہووے بدمُعاش، بدی اندروں باہر کڈھائیا۔ انتم ساڈی لیکھے لاؤنی لاش، تن وجوُد اپنے رنگ رنگائیا۔ ساڈا لیکھ چُکاؤنا شنکر نالوں کَیلاش، کلادھاری کل کلکی اپنے گرِہ دینی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ دھرنی کہے سَتگُر شبد جن بھگتاں ولّ مار لےَ جھاکی، بے پرواہ اپنی دَیا کمائیا۔ میرا سُنیہڑا بِنا قلم شاہی دی پاتی، اکھّراں رنگ نہ کوئے رنگائیا۔ تُوں شاہ سُلطانا کملاپاتی، پتت پاوَن اِک اکھوائیا۔ ہرِ سنگت تیرا سنگ رکھایا سولاں راتی، سولاں کلا کرِشن دئے گواہیِا۔ آتم دھار بنے تیرے جماعتی، سوہنا سگلا سنگ بنائیا۔ سب دا سیِنہ ٹھنڈا رکھنا چھاتی، کلجُگ اگن نہ کوئے تپائیا۔ تُوں آد جُگاد پِت ماتی، ہرِجن اپنی گود ٹِکائیا۔ امرت بخشنا بوُند سوانتی، امیوں رس آپ چوائیا۔ اِکو رنگ رنگاؤنا ذات پاتی، اوُچ نیِچ نہ ونڈ ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے سَتگُر شبد جن بھگتاں بخش دے خوشیاں، خوشحالی وِچ وڈیائیا۔ منزلاں دسّ دے اُچیِاں، اُچ اگمّ بھیوَ کُھلائیا۔ تیرے نال لگّیاں رہن رُچیِاں، پریِتی سکے نہ کوئے تُڑائیا۔ آتما انتر رہن سُچیِاں، سُچ سنجم اِک سمجھائیا ۔ جو تیرے پیار وِچ کٹدے آئے بُتیاں، بُتخانیاں کریں صفائیا۔ سچ دیاں سُہنجنیِا ہون رُتیِاں، رُتڑی اپنے نال مہکائیا۔ پوُرب پریِتاں گنڈھنیِاں ٹُٹیِاں، اَگے سکے نہ کوئے تُڑائیا۔ سب نوُں خوشیاں وِچوں خوشی پیار وِچوں دینیاں چُھٹیِاں، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان میریاں پوُریاں کرنیاں جن بھگتاں نال مِلا تٹیاں، توٹ رہن کوئے نہ پائیا۔

۲۴ بھادروں شہنشاہی سمت ۱۱ پِنڈ موُدھل ضِلع امرتسر گُردَیال سِنگھ دے گرِہ

بھادروں کہے میرا دِوس دِہاڑ چؤبیسا، چار جُگ توں باہر ایکنکار دئے دِرڑائیا۔ سَتجُگ تریتا دواپرمیَں کھیل ویکھدا رہیا بیِس بیِسا، سرگُن سرگُن وجدی رہی ودھائیا۔ میَں لہنا دینا تکدا رہیا اِک نؤ دی دھار اُنیِسا، دو جہاناں ویکھ وکھائیا۔ کلجُگ انت سِری بھگنوت کی کھیل کرے جگدیِشا، جگدیِشر دُھردرگاہیِا ۔ جِس دے سچکھنڈ دوار چھتر جھُلے اگمّی سیِسا، دو جہان نؤجوان سِری بھگوان اپنا حُکم ورتائیا۔ اُس دا اِکو نام اگمّی اِکو حُکم حدیِثا، بِن اکھّراں حرف حروُفاں کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ بھادروں کہے میرا سَتگُر صاحِب سوامی آد، پُرکھ اکالا دیِن دَیالا آپ اکھوائیا۔ جو کھیلے کھیل جُگ جُگاد، جُگ چؤکڑی اپنا حُکم ورتائیا۔ جِس دا شبد اگمّی ناد، بِن تند سِتار سُنائیا۔ جِس دا حُکم ورتے برہم برہماد، برہمانڈ اپنی کار کمائیا۔ سو دیونہار نِرگُن دھارا اپنی داد، وست امولک اگمّ اتھاہ آپ ورتائیا۔ جِس کارن دھرنی دھرت دھوَل دھؤل رہی ارادھ، بِن رسنا جِہوا بتّی دند ڈھولے گائیا۔ سو صاحِب سوامی قُدرت قادر تیرے انتشکرن ہوئے وِسماد، بِسمِل ہو کے اپنا کھیل کھِلائیا۔ جِس نوُں سب نے کِہا موہن مادھوَ مادھ، آد نِرنجن درد دُکھ بھےَ بھنجن ہرِ کرتا اِک اکھوائیا۔ دھرنیئے تیرا وڈ وڈ کرے بھاگ، بھگوَن دیوے مان وڈیائیا۔ جِس دی سرن سرنائی اِکو گئی لاگ، لگ ماتر ڈیرہ ڈھاہیِا۔ مانَو ذاتی انتشکرن شبدی دھار دئے وَیراگ، وَیری پنچ پرپنچ اندروں باہر کڈھائیا۔ ہنس بُدھی بنائے پھڑ پھڑ کاگ، مانک موتی نام چوگ چُگائیا۔ آتم جوتی بلے چراغ، بِن تیل باتی ڈگمگائیا ۔ نِرگُن دھار ہو تیرا دُرمت میَل دھووے داغ، نوَ ستّ کرے صفائیا۔ کلجُگ ساڑ نہ سکے تَینوُں ترےَگُن مایا آگ، امرت میگھ میگھ برسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ بھادروں کہے دھرنیئے پُرکھ اکالا اگمّڑا تک، بِن نیتر لوچن نیَناں دھیان لگائیا۔ جو تیرا جوتی جاتا ہو کے دیوے حق، حقیِقت دا مالک بےپرواہیِا۔ دیِن دُنی دے اندروں من کلپنا میٹے شک، شکوے سارے دئے چُکائیا۔ جِس دی آشا اِکو رکھ کے گیا اَناالحق، حق حق دی آواز اُٹھائیا۔ اوہ پاربرہم پت پرمیشور سد انتھک، جُگ جُگ اپنا ویس وٹائیا۔ تیرا کوُڑ کوُڑیارا کلجُگ دھاگا دیوے کٹ، کٹاکش اپنا نام لگائیا۔ سَت دھرم دا کھولے ہٹّ، ہٹوانا بنے دُھردرگاہیِا ۔ تُوں سَت سچ دا لاہا لیَنا

کھٹ، کھٹکا اوَر رہے نہ رائیا۔ جو برہمنڈاں کھنڈاں پُریاں لوآں گگن گگننتراں تیرے اُتے آوے ٹپ، ٹاپوُآں دا ڈیرہ دیوے ڈھاہیِا۔ تیرا صدی چؤدھویِں انت اَخیِر بے نظیِر تکے تپ، نؤ سؤ چُرانوے چؤکڑی جُگ دا لیکھا نال مِلائیا۔ تُوں خوشیاں وِچ اِکو ڈھولا گاؤنا جپ، تُوں میرا میَں تیرا دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا ۔ بھادروں کہے دھرنیئے پُرکھ اکال ہوئے سہائی، سہائک نائک اِکو نظری آئیا۔ جو مالک خالق نوُر الاہی، پروردِگار حق گوسائنیا۔ تیرا لہنا دینا دئے چُکائی، چؤتھے جُگ اپنا حُکم ورتائیا۔ جو اوتار پَیغمبر گُر کرکے گئے شنوائی، لیکھا جانے تھاؤں تھائنیا۔ سو خالق ہو کے ویکھے بن بن ماہی، مِہربان اپنی دَیا کمائیا۔ تُوں کوُک پُکار کر کرکے اُچیاں بانہی، جگت جہان باہر سُنائیا۔ اوہ اِمام اِماما شاہ شہانہ اگمّ اتھاہی، خود مالک اِک اکھوائیا۔ جو تیری انت کنت بھگوَنت کٹّنہار جُدائی، وِچھوڑا کلجُگ نالوں کرائیا۔ سَتجُگ میلا میلے سہج سُبھائی، آپ اپنے رنگ رنگائیا۔ نِرگُن نوُر جوت کرے رُشنائی، اندھ اندھیرا دئے مِٹائیا۔ بھگت سنت صوُفی گُرمُکھ گُرسِکھ لئے اُپجائی، دھرنیئے دھوَلے تیرے اُتے دئے وڈیائیا۔ تُوں اُس صاحِب دے چرن دھوُڑ خاک رمائیں، ٹِکّے لاویں چائیں چائنیا۔ جِس نوُں آد جُگاد جُگ چؤکڑی نِرگُن دھار سرگُن سب نے منّیا ماہی، محبوُب اِک اکھوائیا۔ اوہ لہنا دینا پوُرا کرے تھاؤں تھائیں، تھان تھننتر ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ سچ حُکم اِک سُنائیگا۔ دیِن دَیال دَیا کمائیگا۔ پُرکھ اکال ویکھ وکھائیگا۔ کال مہاکال آپ ہِلائیگا۔ تیری پوُری کرے گھال، کیِتی سیوا جھولی پائیگا۔ کلجُگ کوُڑ پھل جھاڑ کے ڈال، پتّ ٹہنی سَتجُگ آپ مہکائیگا۔ دھرم دی دھار تَینوُں بنائے دھرمسال، سچ دوارا اِک وکھائیگا۔ مانَو ذاتی چاڑھ کے رنگ لال، لال گُلالے آپ رنگائیگا۔ آ کے ویکھے مُریِداں حال، مُرشد ہو کے پھیرا پائیگا۔ جِس دا لہنا دینا نال شاہ کنگال، اوُچاں نیِچاں ونڈ نہ کوئے ونڈائیگا۔ تَینوُں وست امولک دیوے نام دھن مال، اتول اتُل تیری جھولی پائیگا۔ تُوں دھرنیئے رکھنی آپ سنبھال، سمبل بہہ کے کھیل کھِلائیگا۔ ترےَگُن مایا توڑ جنجال، جاگرت جوت جوت رُشنائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان جوتی جاتا پُرکھ بِدھاتا تیری سُرت لئے سنبھال، سِر سِر تیرے ہتّھ ٹِکائیگا۔

۲۴ بھادروں شہنشاہی سمت ۱۱ پِنڈ ویرکا ضِلع امرتسر اجیِت سِنگھ دے گرِہ

دھرنی کہے میرے شاہو سوُرے سربنگی، ہرِ کرتے تیری بےپرواہیِا۔ جُگ چؤکڑی میرے اُتوں لنگھی، کوٹن کوٹ دھار اپنا پندھ مُکائیا۔ آد جُگادی برہم برہمادی میرے دُھر دے سنگی، سگلے ساتھی ہرِ رگھوناتھی دیاں دِرڑائیا۔ کلجُگ انت سِری بھگوَنت میری پُشت ہو گئی ننگی، سیِس جگدیِش ہتّھ نہ کوئے ٹِکائیا۔ پوِتر جل رہیا نہ جمنا سُرستی گوداوری گنگی، گوبِند دھار کی تیری بےپرواہیِا۔ موہ وِکار کلجُگ مایا داغ لگایا میری انگی، پتت پُنیِت نہ کوئے بنائیا۔ جگت نیتر ہیِن تیری سرِشٹی ہوئی اندھی، نِج نیتر نہ کوئے کُھلائیا۔ آہ تک لےَ میرے اُتے اوتار پَیغمبراں گُروُآں والی سندھی، وعدے بھوِکھتاں والے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا ۔ دھرنی کہے پربھوُ اوتار پَیغمبر گُروُآں دِتا سندیس، بِن رسنا جِہوا ڈھولے گائیا۔ اوہ مالک نر نرائن نریش، ہرِ کرتا دُھردرگاہیِا۔ جِس نوُں جھُکدے وِشن برہما شِو مہیش، دیوت سُر بَیٹھن سیِس نِوائیا۔ سو سوامی انترجامی کلجُگ انتم وسے سمبل دیس، دیس دیسنتراں پندھ مُکائیا۔ جو کوُڑی کِریا تن ماٹی میٹے کلیش، کل کاتیِاں ڈیرہ ڈھاہیِا۔ جِس دا یودھا اِک گوبِند دس دسمیش، دوُلھا دُلارا اِکو نظری آئیا ۔ جِس نوُں سب نے منّیا کیشَو کیش، جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن دوُجا نظر کوئے نہ آئیا۔ دھرنی کہے پربھوُ گُر اوتار پَیغمبراں والیاں تک لےَ سندھیِاں، پیشیِن گوئیاں نال مِلائیا۔ اپنیاں دیِناں مذہباں والیِاں ویکھ پابندیِاں، شرع شرع ونڈ ونڈائیا۔ اپنیِاں جُگ چؤکڑی دھار صدی سدیِویاں ویکھ لےَ لنگھیِاں، سَتجُگ تریتا دواپرکلجُگ دئے گواہیِا۔ میَں بِھکھارن ہو کے اِکو منگ منگیِا، مانگت ہو کے جھولی ڈاہیِا۔ پُرکھ اکالے دیِن دَیالے کوُڑ کُڑیار دیاں میرے اُتوں میٹ تنگیِاں، مایا ممتا موہ وِکار رہن نہ پائیا۔ من منسا تن وجوُداں رہن نہ گندیاں، امرت میگھ دینا برسائیا۔ تُوں میرا میَں تیرا آتم پرماتم جنا کے چھندیا، سوہنگ ڈھولا اگمّ اتھاہیِا۔ دُئی دویَت ڈھاہ دے کندھیا، مانَو ایکا رنگ رنگائیا۔ پرکاش کر دے نوُر الاہی چندیا، اندھ اگیان دینا مِٹائیا ۔ سچکھنڈ دوار ایکنکار سدھیاں کر دے پگڈنڈیِاں، ڈنڈاوت بندنا اِکو اِک سرنائیا۔ جُگ جنم دیاں پریِتاں جن بھگتاں ٹُٹیِاں جان گنڈھیِاں، گنڈھنہار گوپال سوامی اپنی دَیا کمائیا۔ میرا لہنا دینا تک لےَ ستّ دیِپ نؤ کھنڈیاں، برہمنڈاں دے مالک دھیان لگائیا۔ تیری دھار توں

باہر پوُجا ہووے کریراں جنڈیِاں، پاہناں پتّھراں دیِن دُنی سیِس جھُکائیا۔ پنج تت وِکارے بھیکھ وکھایا جگت پکھنڈیِاں، نؤ دوارے واسنا نال رکھائیا۔ نِجھر جھِرنا بوُند سوانتی دھاراں مِلن کِسے نہ ٹھنڈیِاں، نابھی کول نہ کوئے اُلٹائیا۔ سَت پیار بِنا پربھوُ آتما ہوئیِاں رنڈیاں، ہرِ کنت سُہاگ نہ کوئے ہنڈھائیا۔ میرا انت اَخیِری کنارہ تک لےَ کلجُگ کنڈھی آ، پتن گھاٹ دیِن دُنی پھول پُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے آس رکھائیا۔ دھرنی کہے پربھوُ اوتار پَیغمبر گُر میَنوُں دسّ کے گئے نِشانیِاں، نِشانہ دیِن دُنی توں باہر لگائیا۔ تیرے اُتے پُرکھ اکال کرے مِہربانیِاں، محبان بیِدو جلوہ گر نوُر الاہیِا۔ جِس نوُں اوتار پَیغمبراں گُروُآں دِتیاں سلامیِاں، نِو نِو ڈنڈاوت بندنا سجدیاں وِچ سیِس جھُکائیا۔ اوہ کھیلے کھیل اگمّ اتھاہ نِہکامیِا، نِہکامی اپنا حُکم ورتائیا۔ جِس دیِاں آد جُگاد چار جُگ دیِاں کتھا کہانیِاں، رسنا جِہوا ڈھولے سارے گائیا۔ جِس دا شبد سندیسہ چارے بانیِاں، پرا پسنتی مدھم بَیکھری سوہلے رہی دِرڑائیا۔ جو لیکھا جانے چارے کھانیِاں، انڈج جیرج اُتبُھج سیتج ویکھ وکھائیا۔ جو آتم پرماتم ہو کے کرے مِہربانیِاں، مِہر مِہر نظر اُٹھائیا۔ جو سُرت شبد کرے پروانیا، پرم پُرکھ اپنے رنگ رنگائیا۔ سو دھرنیئے کلجُگ انت تیرے اُتے کھیلے کھیل مہانیا، مہما کتھ کتھ رکھائیا۔ جوتی جاتا پُرکھ بِدھاتا ہو کے دیوے دات مہانیا، وست امولک اِک ورتائیا۔ لہنا دینا مُکائے تیرے اُتے جیو پرانیِا، لکھّ چؤراسی ویکھ وکھائیا۔ اوہ کلجُگ انت پرگٹ ہووے داتا گُن نِدھانی آ، گہر گمبھیِر بے نظیِر اِک اکھوائیا۔ جو ایکا نام کلمہ کرے پردھانیا، نوَ ستّ وجدی رہے ودھائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان آد جُگاد شاہ سُلطانیا، شاہ پاتشاہ شہنشاہ اِک اکھوائیا۔

۲۴ بھادروں شہنشاہی سمت ۱۱ پِنڈ ویرکا ضِلع امرتسر ہرنام کؤر دے گرِہ

دھرنی کہے میرے بھگوان، بھگوَنت کنت تیری اوٹ تکائیا۔ سچکھنڈ نِواسی پُرکھ ابناشی میری بیننتی کریں پروان، درگاہ ساچی سچکھنڈ دوارے آس رکھائیا۔ میرے آد جُگادی برہم برہمادی شاہو بھوُپ سُلطان، شاہ پاتشاہ تیرا انت کہن کِچھ نہ آئیا۔ میَں بِھکھک

بِھکھارن ہو کے منگاں دان، داتے دانی میری جھولی دینی بھرائیا۔ پروردِگار سانجھے یار میرا تیرے اُتے اِیمان، دوُجا اِشٹ نہ کوئے رکھائیا۔ میَں چاہُندی کلجُگ انت جن بھگت سُہیلے میرے اُتے کر پروان، پرم پُرکھ پرماتم آتم دے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، در ساچے آس رکھائیا۔ دھرنی کہے پربھوُ جن بھگتاں لیکھے لاؤنا تن، ماٹی خاک دینی وڈیائیا۔ وسیرا رکھنا بِن چھپّری چھنّ، سچکھنڈ دوار دینا ٹِکائیا۔ واسنا موُل نہ تکیِں من، ممتا موہ جگت دینا چُکائیا۔ وست امولک نام نِدھانا دینا دھن، اتول اتُل آپ ورتائیا۔ مانَس جنم چؤراسی وِچوں بیڑا دینا بنّھ، سِر سِر اپنا ہتّھ ٹِکائیا۔ سچکھنڈ دوار ایکنکار چاڑھنا چنّ، جوتی جاتے اپنی کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے گرِہ آپ ٹِکائیا۔ دھرنی کہے پربھوُ جن بھگتاں بخشنا سچکھنڈ دوار، درگاہ ساچی دینی وڈیائیا۔ چرن پریِت دے ادھار، اُدر دا لیکھا دینا مُکائیا۔ مانَس جنم پَیج دینی سوار، آون جاون لکھّ چؤراسی گیڑ کٹائیا۔ سَت سروُپی شاہو بھوُپی سَت میلنا جوت جوت نِرنکار، نِراکار اپنے رنگ رنگائیا۔ تُوں شاہو بھوُپ سِکدار، شہنشاہ اِک اکھوائیا۔ جُگ جُگ بھگت سُہیلے دینے تار، تارنہار تیری وڈیائیا۔ میَں دھرنی دھوَل دھؤل مانگت ہو کے منگاں منگ در تیرے بِھکھار، بِھکھک جھولی دینی بھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ جن بھگتاں آتم پُجے تیرے گرِہ، مندر اِکو سوبھا پائیا۔ جِتھے ترےَگُن اتیِتا نِرگُن دھار رہے، تن وجوُد نظر کوئے نہ آئیا۔ آد جُگاد جُگ چؤکڑی جو سَت سروُپ ہےَ، دوُسر روُپ نہ کوئے بدلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار اِک سُہائیا۔ دھرنی کہے میَں بھگتاں خواہشاں نال پیاری، پریِتم تَینوُں دیاں جنائیا۔ تُوں بخشنہار ایکنکاری، نِرنکار تیری سرنائیا ۔ تُوں شاہو بھوُپ سِکداری، پروردِگار نوُر الاہیِا۔ میری کلمیاں توں باہر پُکاری، پُنہ پُنہ کرکے سیِس نِوائیا۔ میرے شہنشاہ شاہ سُلطان تُوں داتا وڈ سنساری، بھنڈاری سنگھاری تیرے حُکمے سیو کمائیا۔ سچ وست دینی بن داتاری، داتا ہو کے دینی ورتائیا۔ جوتی جوت سروُپ ہرِ ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ دھرنی کہے پربھوُ جن بھگتاں ہووے تیرا میل، مِلنی ہرِ جگدیِش لیَنی کرائیا۔ میرے آد جُگادی سجّن سُہیل، ساچے سنگی دُھردرگاہیِا۔ سد وسنہارا دھام نَویل، سچکھنڈ ساچے سوبھا پائیا۔ تیرا آد جُگاد اچرج کھیل، جُگ جُگ ریِتی

چلی آئیا۔ تیرا دیِپک جگے بِن باتی بِن تیل، جن بھگتاں اندر ڈگمگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ دھرنی کہے پربھوُ جن بھگتاں لیکھے لاؤنا جنم، مرن دی لوڑ رہے نہ رائیا۔ اُجل کرنا کرم، کرم کانڈ دا ڈیرہ ڈھاہیِا۔ جن بھگتاں میٹنا بھرم، بھانڈا بھرم بھنّائیا ۔ اپنی رکھنا سرن، چرنودک جام پیائیا۔ تُوں داتا کرنی کرن، کرتا پُرکھ اِک اکھوائیا۔ سنت سُہیلے لگاؤنے اپنے لڑن، کنّی گنڈھ نام والی پوائیا۔ اوہ تیری منزل چڑھن، اَگے ہو نہ کوئے اٹکائیا ۔ درگاہ ساچی سچکھنڈ دوارے وڑن، تِھر گھر ملِے مان وڈیائیا۔ تُوں میرا میَں تیرا بِن رسنا جِہوا ڈھولا پڑھن، آتم پرماتم مِل کے وجدی رہے ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد کرنی کرن، کرتا پُرکھ پُرکھوتم اِک اکھوائیا۔

۲۴ بھادروں شہنشاہی سمت ۱۱ پِنڈ ویرکا ضِلع امرتسر کرتار سِنگھ دے گرِہ

دھرنی کہے پربھوُ کلجُگ جیِواں بُدھی کر بِبیک، ممتا موہ وِکار ہنکار دے مِٹائیا۔ سچکھنڈ نِواسی پُرکھ ابناشی اِکو بخش ٹیک، ٹِکّے دھوُڑی خاک خاک رمائیا۔ آد جُگادی برہم برہمادی تیرا روُپ انوُپا اَیک، انک کل دھاری اپنا رنگ رنگائیا۔ ترےَگُن مایا لائے موُل نہ سیک، اگنی تت نہ کوئے تپائیا۔ آد جُگادی بننا کھیوٹ کھیٹ، بیڑا اپنے کندھ اُٹھائیا۔ لکھّ چؤراسی تیرے بیٹی بیٹ، پِتا پوُت لیَنا گود اُٹھائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ دھرنی کہے پربھوُ کلجُگ جیِواں دے دے شبد بودھ اگادھ، بُدھی توں پرے کر پڑھائیا۔ ہر ہِردا تَینوُں لئے ارادھ، رسنا جِہوا ڈھولے گائیا۔ تُوں میٹنہارا واد وِواد، وِکھ اندروں باہر کڈھائیا۔ شبد اگمّی سُنائے ناد، دُھن آتمک راگ دِرڑائیا۔ میرے موہن مادھوَ مادھ، در ٹھانڈے منگ منگائیا۔ ہرِجن بھگت بنا لےَ اپنے سادھ، سادھنا وِچ دِسے خلق خُدائیا۔ جوتی جاتے موہن مادھوَ مادھ، مدُھر دُھن دینی سُنائیا۔ میرے اُتے سَت دھرم کر آباد، کلجُگ کوُڑی کِریا باہر کڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ دھرنی کہے پربھوُ کلجُگ کوُڑ بُجھا دے اگّ، ترےَگُن اتیِتے دے وڈیائیا۔ جیِو جنت ہنس بنا کگ، دُرمت میَل میَل دھوائیا۔ نؤ کھنڈ ستّ دیِپ جگ، جاگرت

جوت جوت کر رُشنائیا۔ جن بھگتاں درشن دے اُپر شاہ رگ، نؤ دوارے ڈیرہ ڈھاہیِا۔ تُوں شاہو بھوُپ سوُرا سربگ، شاہ پاتشاہ نوُر الاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ کلجُگ جیِواں دے دے نام نِدھان، نِراکھّر دھار جنائیا۔ شاستراں توں باہر دے گیان، الف یے توں باہر دئے سُنائیا۔ دُھن آتمک ناد سُنا سچّی دُھنکان، انحد نادی ناد وجائیا۔ نِجھر جھِرنا بوُند سوانت بخش پیِن کھان، جگت ترِسنا بُھکھ رہے نہ رائیا۔ دیِا باتی کملاپاتی ہر ہِردے جوت جگا مہان، اندھ اگیان اندروں باہر کڈھائیا۔ منوُآ من نہ رہے شیَطان، دہ دِشا نہ اُٹھ اُٹھ دھاہیِا۔ نؤ دوار کِرپا کرنی مہان، مہما کتھ کتھ سُنائیا۔ سچکھنڈ نِواسی میرے دُھر دے کاہن، رام راما منگ منگائیا۔ نوُر نوُرانے الاہی اِمام، عملاں توں رہت تیری بےپرواہیِا۔ سَت دھرم دا حقیِقی سچ پیا دے جام، مستی نام خُماری دے چڑھائیا۔ میَں چاہُندی میرے اُتے تیرا اِکو نام کلمہ ہوئے کلام، کائنات اِکو اِک پڑھائیا۔ اِکو دیِن مذہب ہوئے اِسلام، اِسم اعظم اِک سمجھائیا۔ شرع دا رہے نہ کوئے غُلام، غُربت اندروں باہر کڈھائیا۔ پَیغمبراں دا پوُرا کر پَیغام، جو سندیسہ دِتا چائیں چائنیا۔ دھرنی کہے پربھوُ میری نمو نمو پرنام، سجدیاں وِچ سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان میرا انت کنت نوَ ستّ کر اِنتظام، دوُسر تُدھ بِن نظر کوئے نہ آئیا۔

۲۴ بھادروں شہنشاہی سمت ۱۱ پِنڈ ویرکا ضِلع امرتسر گُرنام سِنگھ دے گرِہ

دھرنی کہے میرے کِرپا نِدھان شاہو بھوُپ وڈ راجن، سچکھنڈ نِواسی پُرکھ ابناشی تیری اوٹ تکائیا۔ سَتگُر شبد آد جُگادی برہم برہمادی نِرگُن دھار ساجن، سگلے سنگی بہُہ رنگی تیری اوٹ تکائیا۔ اوتار پَیغمبر گُروُ گُردیو غریِب نوازن، نوازِش وِچ سب نوُں سیِس جھُکائیا۔ کلجُگ انت اَخیِر دھرم دی دھار بن گئی مہاجن، سَت وِچ نہ کوئے سمائیا۔ مایا ڈسنی ڈسی جائے ناگن، امرت وِکھ روُپ بدلائیا ۔ سچ دا سچ سُنے کوئی نہ نادن، دُھن آتمک راگ نہ کوئے دِرڑائیا۔ پرِتھمی کہے میرا سوارے کوئی نہ کاجن، سِر ہتّھ نہ کوئے ٹِکائیا۔ گوُڑھی سُتے نیند کلجُگ جیو موُل نہ جاگن، آلس نِندرا نہ کوئے مِٹائیا ۔ میرے انتشکرن آئے وَیراگن، وَیری باہر نہ کوئے کڈھائیا۔ جوتی جوت سروُپ ہرِ،

آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ ساچی بخش دے دھوُڑا، دھوُل لواں رمائیا۔ میَنوُں چاڑھ دے رنگ گوُڑھا، دو جہاناں اُتر کدے نہ جائیا۔ تیرے پیار وِچ مانَو رہے کوئے نہ موُڑھا، موُرکھ مُگدھاں ڈیرہ ڈھاہیِا۔ ساچا بخش دے نام سروُرا، سُرتی شبد وِچ مِلائیا۔ میری آسا پوُری کر دے جو موُسیٰ رکھ کے گیا اُتے کوہ طوُرا، تُرت اپنی دَیا کمائیا۔ جِس کارن عیسیٰ بیننتی کیِتی منظوُرا مِہربان ہو کے ویکھ وکھائیا۔ جو محمد نے تَینوُں تصوّر کیِتا حضوُرا، حضرتاں دے مالک نوُر الاہیِا۔ جو سندیس سُنا کے گیا نانک دھار سوُرا، سو پُرکھ نِرنجن دینی مان وڈیائیا۔ میَں چاہُندی تیرا اِکو جوت دا ہووے نوُرا، دوُجا اِشٹ نہ کوئے منائیا۔ منوُآ من مانَو ذاتی نہ پاوے فتُورا، بُدھ بِبیک دینی کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میَنوُں بخش دے نام خُماری، خالص اپنا رنگ رنگائیا۔ جن بھگتاں پریِتی پریم بخش دے یاری، یارڑے ستھر تیری سیج ہنڈھائیا۔ اِکو رنگ رنگا دے پُرکھ ناری، نر نرائن اپنا نیَن اُٹھائیا۔ میَں چرن کوَل دھوُل ہو کے کراں نِمسکاری، نِو نِو لاگاں پائیا۔ کلجُگ کوُڑی کِریا نہ کرے خواری، خالص اپنا رنگ رنگائیا۔ تَینوُں سب نے منّنا نِہکلنک کل کلکی اوتاری، اِمام اِماما نوُر الاہیِا۔ میَں تیرے چرن دھوُڑ مستک لاواں چھاری، ٹِکّے دھرم دھار رمائیا۔ سچ اِشٹ دی بناں پُجاری، پوُجنیوگ تیری اوٹ تکائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ دھرنی کہے پربھوُ مانَو چاڑھ اگمّا رنگ، مانَس مانُکھ اپنا بھیوَ کُھلائیا۔ نِرگُن دھار ہو کے اندر لنگھ، نوُر نوُرانے اپنا پندھ مُکائیا۔ شبد ناد جنا دے بِن رسنا جِہوا دند، سروناں لوڑ رہے نہ رائیا۔ جوتی پرکاش دے دے بِنا سوُریہ چند، اندھ اندھیرا دے مِٹائیا۔ دُئی دُوَیتی شرع شریِعتی انتشکرن وِچوں ڈھاہ دے کندھ، بھانڈا بھرم بھؤ بھنّائیا۔ خوشی کر دے بند بند، بندگی اِکو اِک سمجھائیا۔ آتم پرماتم بخش انند، پاربرہم برہم میلا میلنا چائیں چائنیا۔ سُرتی شبد اِکو ڈھولا ہووے چھند، تُوں میرا میَں تیرا دوُجا راگ نہ کوئے سُنائیا۔ آد جُگادی برہم برہمادی شبد انادی نِرگُن دھار ہو کے پا ٹھنڈ، اگنی تت تت بُجھائیا۔ جُگ چؤکڑی میری پِچھلی ٹُٹی گنڈھ، گنڈھنہار گوپال سوامی اپنا رنگ رنگائیا۔ نِگاہ مار لےَ میرے نوَ کھنڈ، ستّاں دیِپاں پردہ آپ چُکائیا۔ میرا کھیل تک لےَ وِچ وربھنڈ، وربھنڈی میٹے کوُڑ لوکائیا۔ میَں اِکو آشا وِچ رہی منگ، مانگت ہو کے جھولی ڈاہیِا۔ میری سیج سُہنجنی ماٹی

خاک کر پلنگ، سُکھ آسن پُرکھ ابناشن اپنا اِک لگائیا۔ میرے سوامی انترجامی نِرگُن دھار مار کے آ جا پندھ، دوُر دُراڈے اپنا پیَنڈا آپ مُکائیا۔ سَت ستوادی سَتگُر شبد نِرگُن دھار بنا سنبندھ، ناتا بِدھاتا ہو کے آپ جُڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آشا پوُر کرائیا۔ دھرنی کہے پربھوُ میرا کر دے پوِتر گھر، گرِہ سُہنجنا دے بنائیا۔ امرت دھار بہا دے سر، سروور اِکو اِک جنائیا۔ تُوں مالک نرائن نر، ہرِ کرتا اِک اکھوائیا۔ میَں مانگاں ٹھانڈا در، بِھکھک ہو کے جھولی ڈاہیِا۔ تیری سرن سرنائی جانا پر، پرا پسنتی مدھم بَیکھری دا لیکھا دینا مُکائیا ۔ میرے سوامی انترجامی میَنوُں دے دے اپنا اگمّا ور، ور داتے ہونا سہائیا۔ کِرپا نِدھان ہو کے کِرپا کر، میَں کِرپن ہو کے جھولی اَگے ڈاہیِا۔ تیری سرن سرنائی لگ کے جاواں تر، تارنہار تُدھ بِن دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی اگمےّ ہرِ، ہر ہِردے انتر نِرنتر نِرگُن نوُر ظہوُر جوت کر رُشنائیا۔

۲۸ بھادروں شہنشاہی سمت ۱۱ پِنڈ روُپووالی ضِلع امرتسر گُلزار سِنگھ دے گرِہ

نارد کہے دھرنیئے میَں دُھر دا آیا ہلکارا، پاتی پترکا بِن اکھّراں نال لیائیا۔ پُرکھ اکال دیِن دَیال اگمّ اتھاہ دِتا اِشارہ، بِن نیتر لوچن نیَن سیَنت دِتی لگائیا۔ سَتگُر شبد گُردیو کیِتا حق پیارا، حقیِقت وِچوں حقیِقت دِتی سمجھائیا۔ وِشن برہما شِو خوشیاں وِچ کیِتا مُظاہرہ، سنساری بھنڈاری سنگھاری ڈھولے دِتے گائیا۔ تیئی اوتاراں اِکو مِل کے لایا نعرہ، تُوں میرا میَں تیرا دوُجا نظر کوئے نہ آئیا۔ پَیغمبراں بِن قلم شاہی لیکھ وکھایا اپارا، الف یے ونڈ نہ کوئے ونڈائیا۔ گُروُ گُردیو دسّیا نظارہ، بِن رسنا رس دِتا چکھائیا۔ میَں ہس کے کِہا کی کھیل ہوئے وِچ سنسارا، دیِن دُنی کی وڈیائیا۔ جھٹ سَتگُر شبد کِہا تُوں دھرنی دھرت دھوَل دھؤل ویکھنا چار دیوارا، اُتّر پوُرب پچھّم دکھّن اکھّ کُھلائیا۔ نوَ کھنڈ بھجّنا وارو وارا، ستّاں دیِپاں پندھ مُکائیا۔ سمبل نِواسی نِرگُن داتا پُرکھ بِدھاتا تیرا بنیا رہے سہارا، سِر اپنا ہتّھ ٹِکائیا۔ نارد کہے میَں

خوشیاں وِچ سب نوُں کیِتی نِمسکارا، ڈنڈاوت بندنا سجدیاں وِچ سیِس جھُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے میَں سچکھنڈ وِچوں ہویا روانہ، بِن قدماں قدم اُٹھائیا۔ جلوہ گر تک نوُر نوُرانہ، دو جہان ویکھیا تھاؤں تھائنیا۔ تِھر گھر بہہ کے گایا ترانہ، چرن کوَل تیری سرنائیا۔ سَتگُر شبد اگمّ سُنایا گانا، جِس دی آد جُگاد کرے نہ کوئے شنوائیا۔ وِشن برہما شِو ہویا مستانہ، خوشیاں وِچ ڈھولے گائیا۔ میَں ہس کے کِہا لوک مات میَں ویکھاں جگت جہانا، پُریاں لوآں برہمنڈاں کھنڈاں پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ نارد کہے میَں چلیا بِنا تن وجوُد، پنج تت نظر کوئے نہ آئیا۔ میرا مالک اِک محبوُب، محبان بیِدو نوُر الاہیِا۔ جِس دی منزل حق مقصوُد، شاہ شہانہ ڈگمگائیا۔ میَں لوآں پُریاں کرکے پار حدوُد، پوُرب پندھ لیا مُکائیا۔ لوک مات آ کے ویکھیا مؤجوُد، مؤجوُدہ تکیا دُھردرگاہیِا۔ جِس نے کلجُگ کوُڑی کِریا کرنی نیست و نابوُد، کل کلیش دینا مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ نارد کہے دھرنیئے میَں پُجا تیری دھرت، دھوَلے دیاں دِرڑائیا۔ آہ تک لےَ اوتار پَیغمبراں گُروُآں والی شرط، بِن شرع دیاں وکھائیا۔ جِس کارن پُرکھ اکال دیِن دَیال آوے پرت، پت پرمیشور نوُر الاہیِا۔ تیرا آد جُگاد پوُرب لاہوے قرض، مقروُض لہنا دئے چُکائیا۔ تیری منظور کرے عرض، بیننتی اپنے قدم رکھائیا۔ جُگ بدلنا جِس دا فرض، کلجُگ کوُڑا دئے مِٹائیا۔ اُس دا کھیل ہونا اسچرج، جگ نیتر ویکھن کوئے نہ پائیا۔ تیری ضرور ونڈے درد، دُکھیِاں ہوئے آپ سہائیا۔ شرع چُھری قتل کرے کوئے نہ کرد، قاتل مقتُول دا ڈیرہ ڈھاہیِا۔ یودھا سوُربیِر بنے مرد، دُھر دا حُکم آپ ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ نِبھائیا۔ نارد کہے دھرنیئے آہ ویکھ اگمّی رُقہ، بِن اکھّراں لیکھ جنائیا۔ جِس وِچ کلجُگ کوُڑی کِریا پیَنڈا مُکا، اَگے اوَر نہ کوئے ودھائیا۔ اِکو پربھوُ دا نام کلمہ ہونا دو تُکا، تُوں میرا میَں تیرا آتم پرماتم ڈھولا گائیا۔ صدی چؤدھویِں انتم ویلا ڈُھکا، محمد نیَن رہیا اُٹھائیا۔ عیسیٰ لیکھا ویکھ لےَ چُکا، چاروں کُنٹ کُرلائیا۔ موُسیٰ تکے پنج تت کایا بُتا، بُتخانیاں دھیان لگائیا۔ گوبِند دھار کہے میرے پربھوُ سُہاؤنی رُتا، رُتڑی اپنے نال مہکائیا۔ کلجُگ کھیلے کھیل ابناشی اچُتا، چیتن سب نوُں دئے کرائیا۔ کلجُگ جیو رہے کوئی نہ سُتا، جگیاَسوُآں دئے ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا

ہرِ، سچ دا پردہ آپ اُٹھائیا۔ نارد کہے دھرنیئے چِٹھی دا اگمّا لیکھ، لِکھاری کاتب نظر کوئے نہ آئیا۔ جِس وِچ پرم پُرکھ دا اگمّا بھیکھ، بھیکھادھاری ویس وٹائیا۔ جِس دا روُپ رنگ نہ کوئے ریکھ، تتو تت نظر کوئے نہ آئیا۔ اُس دا احوال لِکھ سکے نہ کوئے لیکھ، ورنن کر نہ کوئے دِرڑائیا۔ اوہ وقت سُہنجنا کرے سمبل دیس، دیس دیسانترہ ڈیرہ ڈھاہیِا۔ دو جہاناں بنے نریش، نر نرائن نوُر الاہیِا۔ جِس دا لہنا دینا نال گوبِند دس دسمیش، دہ دِشا ویکھ وکھائیا۔ جِس نوُں جھُکنے وِشن برہما شِو گنیش، کروڑ تیتیِسا بَیٹھن سیِس نِوائیا۔ اوہ آد جُگادی برہم برہمادی شبد انادی رہے ہمیش، ہم ساجن اِک اکھوائیا۔ دھرنیئے تُوں اُس دے چرن کوَل ہونا پیش، پیشیِن گوئیاں پِچھلیِاں گود اُٹھائیا۔ جِس کلجُگ کوُڑی کِریا تیرے اُتوں میٹنا کلیش، کل کاتیِاں کرے صفائیا۔ اوہ شاہو بھوُپ شہنشاہ نریش، نر نرائن اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا رنگ آپ رنگائیا۔ نارد کہے دھرنیئے ایہہ چِٹھی بڑی عجیِب، جگت وِدیا سمجھ کوئے نہ پائیا۔ اِس دے وِچ نؤ سؤ چُرانوے چؤکڑی جُگ دی ترتیِب، سَتجُگ تریتا دواپرکلجُگ بَیٹھے سیِس نِوائیا۔ سَتگُر شبد دی سارے کرن دیِد، دیِدہ دانِستہ ویکھ کے خوشی بنائیا۔ اوہ تیری آسا منسا پوُری کرے اُمیِد، ترِسنا اپنے رنگ رنگائیا۔ تیری غفلت وِچوں لکھّ چؤراسی کھولے نیِند، سویا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا در اِک سُہائیا۔ نارد کہے دھرنیئے ایہہ رُقہ اگمّ اتھاہ، اگمّڑے دِتی وڈیائیا۔ جو مالک بے پرواہ، بے پرواہی وِچ سمائیا۔ جو تیرا لہنا دینا ویکھے تھاؤں تھاں، تھان تھننتر زِمیں اسمان پھول پُھلائیا۔ اُچے ٹِلّے پربت ویکھے تھل اسگاہ، جوُہاں جنگلاں پردہ دئے اُٹھائیا۔ جیِواں جنتاں سادھاں سنتاں ویکھے ہنس بُدھی کاں، انتر نِرنتر اپنا پھیرا پائیا۔ رسنا جِہوا بتّی دند ڈھولے صِفت صالاحی ویکھے ناں، ناؤں نِرنکار کؤن دِھیائیا۔ ساڈھے تِنّ ہتّھ مندر ویکھے گراں، گھٹ گھٹ اندر ڈیرہ لائیا۔ انت کنت بھگوَنت تیرا حق کرے نیاں، عدل اِنصاف اپنے ہتّھ رکھائیا۔ سَت دھرم دا مارگ دیوے لا، سَتجُگ سچ رنگ رنگائیا۔ دیِن دُنی دا جھگڑا میٹے سوُر گاں، پشوُآں کھلّ نہ کوئے لُہائیا۔ نؤ کھنڈ پرِتھمی ستّ دیِپ سارے رسنا جِہوا بتّی دند کرن واہ واہ، واہ واہ واہِگُروُ تیری بےپرواہیِا۔ سو پُرکھ اکالا دیِن دَیالا جوتی جاتا آپے کرے نیاں، نِراکار نِرنکار اپنا حُکم

ورتائیا۔ تیری انت اَخیِر بے نظیِر لاشریِک پکڑے بانہہ، پروردِگار سانجھا یار ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے تھل اسگاہ، زِمیں زماں تیرا دھیان رکھائیا۔

۲۸ بھادروں شہنشاہی سمت ۱۱ پِنڈ مانگا سرائے ضِلع امرتسر سُرجن سِنگھ، مہِندر سِنگھ، بچن سِنگھ دے گرِہ

نارد کہے دھرنیئے میَں گیا دیِپ لکھن، بِن قدماں پندھ مُکائیا۔ جگت جہان دی دھارا ویکھی سکھّن، سَت سروُپ نظر کوئے نہ آئیا۔ تت وِرولے کوئی نہ نام مدھانے مکھّن، چھاچھ بھری دِسی لوکائیا۔ میَں جھٹ ہتّھ اُتے ماریا ہتّھن، تالی دِتی لگائیا۔ بِن رسنا جِہوا کتھا لگّا کتھن، ڈھولے اگمّ اتھاہیِا۔ پُرکھ اکال نوُں لگّا دسّن، سندیسہ دیواں چائیں چائنیا۔ چاروں کُنٹ لگّا نسّن، بھجیّا واہو داہیِا۔ جگت اندھیر دِسیا مسّن، نوُری چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے دھرنیئے میَں گیا دیِپ کرؤچ، کلادھاری کی کھیل وکھائیا ۔ بِن سہارے گیا پہنچ، پنجاں تتاں بِن اپنا پندھ مُکائیا۔ میری عقل بُدھی دی رہی کوئی نہ سوچ، سمجھ وِچ نہ کوئے سمجھائیا۔ جھٹ فُرنیاں وِچ میری انتشکرن پرگٹی اگمّی لوچ، لوچن نیَن دِتا کُھلائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ نارد کہے دھرنیئے میَں پہنچیا دیس پُشکر، اَگا پِچھا نظر کوئے نہ آئیا۔ نِرگُن دھاروں آیا اُتر، جمّن والی کوئے نہ مائیا۔ پُرکھ اکال دا بن کے پُتر، پِتا اِکو اِک جنائیا۔ میَں مار کے چکر کیِتا شُکر، شُکرانے وِچ سیِس نِوائیا۔ جاں نِگاہ ماری چڑھدا لہندا دکھّن پہاڑ نُکر، بِن اکھّاں اکھّ اُٹھائیا ۔ اوہ سارے پربھ دے نالوں مانَو ہو گئے نمُکر، پریِتی وِچ نہ کوئے سمائیا۔ جھگڑا تکیا انّ دانہ ٹُکر، ٹُکڑیاں وِچ دِسی خلق خُدائیا۔ مانَو ذاتی روُپ دھریا بُچڑ، قصائی قتل گاہ اپنی ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے دھرنیئے میَں آیا دیس جنبوُ، دیِپ دیِپاں دھیان لگائیا۔ مانَس ذاتی انتشکرن لگّیا ویکھیا لنبوُ، کلجُگ اگنی اگّ تپائیا۔ جھٹ میَنوُں اِشارہ دِتا کَیلاش اُتوں شنکر شنبھوُ، شِو جی رہیا دِرڑائیا۔ میرا حُکم سندیسہ اگمّڑا جِس نوُں سُن کے نوَ ستّ سرِشٹی درِشٹی اندر کنبوُ، تھر تھراہٹ وِچ دِسے لوکائیا۔ کِسے نظر نہ آئے دیِن

دَیال دینا بندھوُ، بندگی وِچ سچ نہ کوئے سمائیا۔ جِدھر تکیا بھرم دا دِسیا کندھوُ، بھانڈا بھرم نہ کوئے بھنّائیا۔ جھٹ میَنوُں یاد آ گیا کی بھارت وِچ لہنا دینا سَتگُر ارجن نال چندوُ، چند سِتار نِشان محمد دئے گواہیِا۔ بھارت کھنڈ کی حُکم سندیسہ دُھر دا شبد ونڈوُ، وست کوَن ورتائیا۔ کِس بِدھ پُرکھ اکالا دیِن دَیالا دیِن دُنی نوُں دنڈوُ، ڈنڈاوت سب دی دئے بدلائیا۔ جن بھگتاں کوَن دھار آتم پرماتم گنڈھوُ، سُرتی شبد شبد جُڑائیا۔ جوتی جاتا ہو کے پاوے ٹھنڈوُ، اگنی اگّ نہ کوئے تپائیا۔ امرت دھار وہائے ساگر سِندھ سندوُ، گہر گمبھیِر ہوئے سہائیا۔ ہرِجن سنت لگائے انگوُ، انگیکار آپ اکھوائیا۔ کی لہنا دینا ماتا گُجری نال گنگوُ، گوبِند کی حُکم سمجھائیا۔ کیہڑا ڈھولا گیِت کوَن گائے چھندوُ، کوَن نام وڈیائیا۔ کِس بِدھ جھگڑا مُکنا بودی دھار جنجھوُ، جگت اپنا کھیل وکھائیا۔ نارد کہے میرا بِن نیتراں وگ گیا ہنجھوُ، نیَناں چھہبر لائیا۔ میَں نِگاہ ماری مانَو ذاتی تت پنجوُ، پنچم شبد نہ کوئے شنوائیا۔ بِن سَتگُر کِرپا پار کوَن لنگھوُ، وَنجھ مُہانا ہتّھ نہ کوئے پھڑائیا۔ پھیر ویکھیا صدی چؤدھویِں انت اَخیِر دِسیا کنڈھوُ، کنڈھی گھاٹ بَیٹھے سارے نیَن اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے دھرنیئے میَں پُجیا دیس سلمل، دیِپ دیِپاں دھیان لگائیا۔ نِگاہ ماری گھڑی پل پل، پلکاں دے پِچھے دھیان لگائیا۔ سمُند ساگر تکے جل تھل، مہیئل ویکھیا چائیں چائنیا۔ کوُڑ کُڑیار وِچ سنسار گیا رل، تن وجوُداں اندر ڈیرہ لائیا۔ مایا ممتا سب نوُں رہی چھل، کلجُگ اچھل چھل روُپ بنائیا ۔ کایا کھیڑا تکیا بنیا جھلّ، سچ رنگ نہ کوئے رنگائیا۔ بھاگ لگّا دِسے نہ کایا ماٹی کھلّ، تن وجوُد وجے نہ کوئے ودھائیا۔ جِدھر تکیا پنچ وِکارا دل، دلِدری دِسی خلق خُدائیا۔ بِنا پُرکھ اکال توں ایہہ مسلہ ہو سکے نہ حل، حالت سکے نہ کوئے بدلائیا۔ کلجُگ کوُڑ کُڑیار ویکھ لےَ کل، کلکاتی اپنا روُپ بدلائیا۔ جِس نے بِنا شکتی توں دھاریا اپنا بَل، بلدھاری ہو کے کھیل کھِلائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ نارد کہے دھرنیئے میَں پُجیا دیِپ سان، سَتگُر شبد دِتی وڈیائیا۔ میَں ویکھیا جیِو جگت اِنسان، انتر نِرنتر دھیان لگائیا۔ چاروں کُنٹ شرع ہوئی شیَطان، روُپ اپنا گئی بدلائیا۔ کِسے نظر نہ آئے گوپی کاہن، رام راما روُپ نہ کوئے سمائیا۔ دھرم رہیا نہ کوئی اِیمان، عملاں وِچ نہ خلق خُدائیا۔ سچ کرے نہ کوئے کلام، کائنات پئی دُہائیا۔ میَنوُں پھیر اِشارہ دِتا دُھر اِمام، بِن جبرائیل وہی دِتا سُنائیا۔ ناردا ویکھ لےَ کھیل تمام، طمع لالچ وِچ دِسی لوکائیا۔ کوُڑی کِریا کیِتی

غُلام، زنجِیر سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ نارد کہے دھرنیئے میَں تکیا دیِپ کُشا، کُچھ تَینوُں دیاں دِرڑائیا۔ میَں چار جُگ دا پُرانا پنڈت میَتھوں پُچھ لےَ پُچھاں، بھیوَ اگلا دیاں چُکائیا۔ بے شک جگت جہان دھرم نالوں رُسا، سچ سنگ نہ کوئے رکھائیا۔ میرے انتر ویکھ نی آیا غُصّہ، غُربت نظر کوئے نہ آئیا۔ میَں سب دا تکیا اندروں باہروں جُسا، ضمیِر ویکھی چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک دُھردرگاہیِا۔ نارد کہے دھرنیئے تیرے ویکھے دیِپ ستّ، سَت ستوادی دِتی وڈیائیا۔ پیار مِلیا نہ کِتے برہم مت، پاربرہم رنگ نہ کوئے سمائیا۔ جھگڑا پیا پنج تت، تتو تت کرے لڑائیا ۔ نوَ ستّ اُبلے دیِن دُنی دی رت، رتن امولک ہیِرا نظر کوئے نہ آئیا۔ قائم رہی کِسے نہ پت، پت پرمیشور مِلن کوئے نہ پائیا۔ دھیِرج رہیا کوئی نہ یت، سَت سنتوکھ وِچ نہ کوئے سمائیا۔ پُرکھ اکالا دیِن دَیالا سب دی جاننہارا مِت گت، گہر گمبھیِر بے نظیِر اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا گرِہ اِک سُہائیا۔ نارد کہے دھرنیئے میَں دیِپاں تیریاں ویکھیا نَٹھ، بھجیّا واہو داہیِا۔ سَت سچ منارا گیا ڈھٹھ، چوٹی جڑ نظر کوئے نہ آئیا۔ میَں مانَو تکے اپ تیج وائے پرِتھمی آکاش من مت بُدھ اٹّھ، نِرگُن سرگُن دھیان لگائیا۔ کلجُگ کوُڑی کِریا کیِتا اِکٹّھ، چاروں کُنٹ اپنے ناچ نچائیا۔ پِھری دروہی مندر مسجد شِودوالے مٹھ، چرچاں چراگاہاں رہے کُرلائیا۔ دھرم دا رہیا کوئی نہ ہٹّ، ونجارا ونج نہ کوئے کرائیا۔ جوت پرکاش ہوئے نہ لٹ لٹ، اندھ اگیان نہ کوئے چُکائیا۔ نارد کہے دھرنیئے تُوں اپنی کروٹ وٹّ، پاسا دیِن دُنی نالوں بدلائیا۔ پُرکھ اکالا دیِن دَیالا پروردِگار سانجھا یار تیرے اُتے آوے جھٹ، جھٹکے حلالی والے ویکھے تھاؤں تھانئیا۔ کلجُگ کوُڑ کُڑیار دی ڈوری دیوے کٹ، ٹُٹی پھیر نہ کوئے گنڈھائیا۔ کلجُگ کوُڑی کِریا دُئی دویَتی میٹے پھٹّ، پٹّی نام والی بندھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، وسنہارا گھٹ گھٹ، گرِہ انتر نِرنتر اپنا آسن لائیا۔