کتب خانہGranth 24 (Shahmukhi)

۳ اَسوُ شہنشاہی سمت ۱۱ ہرِ بھگت دوار جیٹھوُوال ضِلع امرتسر ہرِ سنگت نوِت

اَسوُ کہے میرا دِوس دِہاڑا تیجا، ترےَبھوَن دھنی دینی مان وڈیائیا۔ سَت دھرم دا جن بھگتاں اندر بیِج جائے بیِجا، پتّ ٹہنی تن وجوُد آپ مہکائیا۔ گُرمُکھاں گُرسِکھاں پوُریِاں کرنیِاں ریِجھاں، سِر سِر اپنا ہتّھ ٹِکائیا۔ پوُرب آشا تکنیِاں اُمیِداں، خواہشاں سگلا سنگ رکھائیا۔ غفلت وِچوں کھولنیِاں نیِنداں، سُرتی شبد نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ اَسوُ کہے میرا دِوس آیا لوک مات، پروِشٹا تیِجا ملِے وڈیائیا۔ پُرکھ اکالے دینی دات، خالی جھولی دینی بھرائیا۔ میری سُہنجنی کرنی رات، بِھنڑی اپنے رنگ رنگائیا۔ جن بھگتاں سچ جوڑنا نات، رِشتہ دُھر دا آپ بنائیا۔ لیکھا لِکھنا نال قلم دوات، شہنشاہی شاہی تیرا رنگ رنگائیا۔ گُرمُکھاں پُچھنی وات، گُر گُر اپنی گود ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ اَسوُ تِنّ کہے پربھوُ جن بھگتاں وعدے پوُرے کر دے پکّے، کچّی گنڈھ نہ کوئے رکھائیا۔ جِنہاں نوُں اوتار پَیغمبر گُروُ رہے تکے، بِن اکھّاں اکھّ اُٹھائیا۔ ناتا جوڑنا بھَین بھائی سکے، سگلا سنگی آپ ہو جائیا۔ نام خُماری وِچ ہون رتے، رتن امولک ہیِرے لینے بنائیا۔ کلجُگ اگنی تت موُل نہ تپے، تامس ترِسنا دینی مِٹائیا۔ ہرِجن تیرا نام اِکو جپے، تُوں میرا میَں تیرا ڈھولا گائیا۔ پیار مُحبّت وِچ سیوک دھار کدے نہ تھکے، تھکاوٹ وِچ کدے نہ آئیا ۔ آون جاون لکھّ چؤراسی لہنے جان کٹے، کٹاکش اپنا نام لگائیا۔ دیِن دُنی دے جنم کرم دے میٹے رٹےّ، جھگڑا ویکھنا تھاؤں تھائنیا۔ سَتجُگ تریتا دواپرکلجُگ جِنہاں نال پُرانے پٹے، پاٹل ہو کے کھوج کھوجائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا ۔ غریِب نِمانیاں دینی پَیج سوار، سِر سِر اپنا ہتّھ ٹِکائیا۔ سچ نیتر دینا درس دیِدار، لوچن اپنے رنگ رنگائیا۔ جو سوہن بَیٹھے تیرے بھگت دوار، بھگوَن میلا میلنا چائیں چائنیا۔ اَسوُ تِنّ کہے میری نمو نمو نِمسکار، جن بھگتو ڈنڈاوت وِچ سیِس جھُکائیا۔ اجّ دا دِوس خوشیاں والا پریم وِچ بولنا جَیکار، جےَ جَیکارا صِفت صالاحیِا۔ تُہاڈا بھریا رہے بھنڈار، بھانڈا بھرم بھؤ بھنّائیا۔ جھٹ نارد آ کے آواز لئی مار، زور نال سُنائیا۔ اَسوُ تِنّ ہونا خبردار، بےخبراں خبر دیاں جنائیا۔ اوہ تک حُکم سچّی سرکار، کی کرتا رہیا سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد

کہے اَسوُ تِنّ اُٹھ کے نِگاہ مار، بِن نیَناں نیَن اُٹھائیا۔ پنج اَسوُ راہ تکے میِت مُرار، چاروں کُنٹ دھیان لگائیا۔ کِس بِدھ کِرپا کرے آپ نِرنکار، نر نرائن دُھردرگاہیِا۔ سَتگُر ارجن سیَنت رہیا مار، شبدی شبد شبد وڈیائیا۔ راوی کنڈھا رووے زارو زار، کوُک کوُک سُنائیا۔ میَنوُں تیری انت اِنتظار ، راہ ویکھاں تھاؤں تھائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ اَسوُ پنج کہے جن بھگتاں دھاراں ہوون گاندیِاں، گا گا خوشی بنائیا۔ سیِس کِسے نہ ہون پراندیِاں، کُھلی مینڈھی خوشی بنائیا۔ اندروں بن پربھوُ دیِاں باندیِاں، گُرمُکھ گُرسِکھ سَتگُر وِچ سمائیا۔ جگت شِنگار کر سونے چاندیاں، اپنی خوشی بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ پنج اَسوُ کہے نؤ گُرمُکھ پگّاں بنھن ٹیڈھیِاں، پُٹھا سِدھا پیچ سمجھ کِچھ نہ آئیا۔ نؤ بیِبیِاں اَگے بنھن مینڈھیِاں، سجےّ کھبےّ نہ کوئے وکھائیا۔ اکھّاں میِٹ کے ہون وینہدیِاں، اندر تکن دُھر دا ماہیِا۔ نؤ ڈھولا ہوون کہِندیِاں، تُوں میرا میَں تیرا دوُجا نظر کوئے نہ آئیا۔ نؤ اِک دوُجے دے پِچھے ہوون بہِندیِاں، سوہنا سنگ رکھائیا۔ نؤواں ہتّھیں لائیاں ہوون مہندیِاں، پوٹے پنج پنج رنگائیا۔ نؤ گُرمُکھاں دھارا سَتگُر چرن ہوون ڈھہِندیِاں، مُکھ اسمان ولّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پنج اَسوُ کہے نؤ گُرمُکھاں ڈنڈے پھڑے ہوون وانگ واگیِاں، نؤ کھنڈ دھیان لگائیا۔ نؤ گُرمُکھاں روُپ بنایا ہووے راگیِاں، سُرنگی سارنگاں کانیاں ونڈ ونڈائیا۔ نؤواں بدھّیاں ہوون تڑاگیِاں، بچےّ ننےّ سوبھا پائیا۔ نؤ لڈاؤندے ہوون لاڈیِاں، اِک دوُجے نال اپنا ہتّھ مِلائیا۔ نؤواں نے بستر دھارا رکھیِاں ہوون سادیِاں، جگت رنگت رنگ نہ کوئے رنگائیا۔ ایہہ سارا لیکھا لہنا دینا شُروُع ہونا کولوں آدیِاں، اَگا پِچھا نظر کوئے نہ آئیا۔ پنج اَسوُ کہے پتہ نہیں پھیر شاید رہنیِاں نہیں آبادیِاں، نِشانے دُھر دے نظری آئیا۔ اَگے جگت بُدھی دلیِلاں کاہدیِاں، قُدرت دا مالک اپنا حُکم ورتائیا۔ بے شک بھگتاں دیِاں رسماں ہوون سادیِاں، دو جہاناں دین ہِلائیا۔ نؤ پوتے کُچھڑ چُکے ہوون دادیِاں، اُنگلی پھڑ نہ کوئے تُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نام سُنائے دُھر دا نادیِا، جگت آواز سنگ نہ کوئے بنائیا۔

۵ اَسوُ شہنشاہی سمت ۱۱ پِنڈ آدی ضِلع گُرداس پُر دُھسی تے شام نوُں

دھرنی کہے میرا سیِنہ ہویا ٹھنڈا، سَتگُر سرن مِلی سرنائیا۔ خوشی وِچ نچّے ٹپّے راوی دا کنڈھا، سَتگُر ارجن بِن نیتر لوچن نیَن ویکھ وکھائیا۔ جو اِشارہ دے کے گیا گوبِند سرسے دھار کھنڈا، کھڑگاں باہر جنائیا۔ میَں نِگاہ مار کے ویکھیا وِچ برہمنڈاں، برہمانڈ دھیان لگائیا۔ خوشی نال تکیا وِچ جیرج انڈا، اُتبُھج سیتج پھول پُھلائیا۔ میَنوُں اِشارہ دیوے سوُریہ چندا، چند سِتار خوشیاں نال جنائیا۔ نی دھرنیئے نِرگُن داتا نِروَیر جوتی جاتا سَت سروُپ اگمّی بندہ، جِس دا روُپ رنگ ریکھ نظر کوئے نہ آئیا۔ جو سنت سُہیلے گُرمُکھ آد جُگاد لائے انگا، انگیکار اِک اکھوائیا۔ ہرِجن سدا پوُریِاں کرے اُمنگاں، ترِسنا اپنے نال رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دھرنی کہے میرا راوی دا کنڈھا گھاٹ، بیلے کاہی ملِے وڈیائیا ۔ جِتھے کلجُگ دی انتم مُکنی واٹ، کوُڑی کِریا ڈیرہ ڈھاہیِا۔ سَت دھرم دا ساچا ہووے تھاٹ، تھاننتر اِکو نظری آئیا۔ جو لیکھا پوُرا کرے ہرِجن جو دھنےّ دھنّا جاٹ، دھناڈھ اپنا رنگ رنگائیا۔ جِنہاں کارن دوُر دُراڈا پندھ مار کے آئے واٹ، بِن قدماں قدم ٹِکائیا۔ مِہربان ہو کے انتر نِرنتر کھولے بجر کپاٹ، کُنڈی کھِڑکی آپ کُھلائیا۔ جوت جگائے سَت للاٹ، نوُر نوُرانہ کر رُشنائیا۔ بھاگ لگائے کایا ماٹی ماٹ، ساڈھے تِنّ ہتّھ سوبھا پائیا۔ سچ سُہنجنی سیجا کرے آتم کھاٹ، پرماتم ہو کے ملِے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دھرنی کہے میَنوُں خوشیاں وِچ چڑھی رنگت، رنگ رنگِیلے ماہی دِتی وڈیائیا۔ میَں سوہنی ویکھی سنگت، بھگت سُہیلے گُرمُکھ بَیٹھے آسن لائیا۔ ہر ہِردا بودھ اگادھا پنڈت، سچ وِدیا نام والی پڑھائیا۔ سَتگُر کوُڑ وِکارا اندروں کرے کھنڈت، کھنڈا کھڑگ نام چلائیا۔ جو نِرگُن دھار آیا اپنی سِمت، دِشا کوُٹ اوَر نہ کوئے رکھائیا۔ پریمیِاں دا پریم سچ دی ہِمّت، حوصلہ سَتگُر آپ بندھائیا۔ منوُآ من گُرمُکھو کدے نہ کرے عِلّت، دہ دِشا نہ اُٹھ اُٹھ دھائیا۔ سَتگُر شبد دا دیوے ساچا خِلعت، اوڈھن اِکو نام رکھائیا۔ دھرنی کہے میَنوُں ہرِجن گُرمُکھ گُرسِکھ پریم پیار وِچ انتر نِرنتر اِک دوُجے دی دھار وِچ ہوئے مِلّت، مِلنی ہرِ جگدیِش کرائیا۔ میَں چاہُندی میرے صاحِب سَتگُر پُرکھ اکال دیِن دَیال دا دھرنی کہے کوئی نہ ہووے نِندک، نِندیا چُغلی والا مُکھ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا

ہرِ، سچ دا مالک اِک اکھوائیا۔ دھرنی کہے گُرمُکھو پربھ چاڑھنہارا رنگ، رنگت اِکو اِک رکھائیا۔ تُہاڈی آسا منسا پوُری کرے منگ، ترِسنا اَگے رہے نہ رائیا۔ بھاویں کِتنے ہوون جنگ، جھگڑا دِسے جگت لوکائیا۔ گُرمُکھاں دا دھام قائم رہے نِشنگ، دھرنی کہے میَں پربھ اَگے واسطہ پائیا۔ ایہہ نِشان دُھسی دا بندھ، بندگی والیاں دئے سمجھائیا۔ جو ایتھوں چل کے پھیر اَگے آؤنا انند، انندپُر واسی پردہ دئے اُٹھائیا۔ پھیر نوُر تکنا بِنا سوُریہ چند، جوتی جاتا ڈگمگائیا۔ جو پیار وِچ مُحبّت وِچ گُرمُکھو تُہاڈے اندر دوارے آیا لنگھ، اگلا پِچھلا پِچھلا اگلا دو جہان دا لیکھا رہیا نہ رائیا۔ ایہہ جگت سِنگھاسن نہیں پلنگ، سچکھنڈ دوار دی دھار نظری آئیا۔ جِس گرِہ وِچ سدا سدا سدا سب دا خوشیاں وِچ رہے بند بند، بندگی وِچ وڈّے چھوٹے بِردھ بال سارے لئے جگائیا۔ تُوں میرا میَں تیرا آتم پرماتم سب دا ہووے چھند، بِن رسنا جِہوا ڈھولے سوہلے راگ دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن دھار سدا سنگ، سگلا سنگی بہُہرنگی اپنا کھیل کھِلائیا۔

۵ اَسوُ شہنشاہی سمت ۱۱ پِنڈ بابوُپُر ضِلع گُرداس پُر ہرِ سنگت نوِت

نارد کہے اَسوُ پنج کیہڑا تیرا تت، تتو بھیوَ دینا کُھلائیا۔ کوَن ناڑی دِسے تیرا ہڈ ماس رت، پردہ پردیاں وِچوں چُکائیا۔ کیہڑی بُدھی کیہڑی مت، منسا اپنی دینی سمجھائیا۔ کیہڑا دھیِرج کیہڑا یت، سَت سنتوکھ کوَن وکھائیا۔ کیہڑی پریِتی کیہڑا نت، سگلا سنگی کوَن بنائیا۔ کوَن دوارا ستھر بَیٹھا گھت، سَت سچ دینا سمجھائیا۔ کِس کارن نوَ نوَ چار بعد آئے وت، بےوطناں دا بھیوَ دینا کُھلائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ اَسوُ کہے میرا پنجواں دِوس دِہاڑا، دو جہان خوشی بنائیا۔ میرا اِکو اَگے بِن رسنا جِہوا ہاڑا، مُکھ بول نہ کوئے سُنائیا۔ جو آد جُگادی برہم برہمادی شبدی دھار اگمّی لاڑا، لکھّ چؤراسی نار کنت پرنائیا ۔ جِس دا ایتھے اوتھے دو جہان اَکھاڑا، چارے کھانی چارے بانی بِن جگت شستراں کرے لڑائیا۔ جو ویکھنہارا جنگل جوُہ اُجاڑ پہاڑاں، ٹِلّے پربت پھول پُھلائیا۔ اوہ جن بھگتاں چاڑنہارا رنگ گاڑھا، دو جہاناں اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا

ساچا ور، سچ دا مالک اِک اکھوائیا۔ اَسوُ کہے میرا دِوس دِہاڑا چنگا، پنچم پنچ ملِے وڈیائیا۔ میرا پوُرب جُگ چؤکڑی خوشیاں نال لنگھا، کلجُگ انتم ویکھاں تھاؤں تھائنیا۔ دھرم دی دھار کلجُگ کیِتا ننگا، اوڈھن نظر کوئے نہ آئیا۔ اؤہ تک لےَ دُہائی دیندی پِھرے گنگا، گوداوری جمنا سُرستی نال مِلائیا۔ کی سندیسہ دے کے گیا سادھوُ سربنگا، سربنگ کی دِرڑائیا۔ کِس بِدھ مانَس ذاتی ہونی بھنگا، پھلی بھوُت نہ کوئے کرائیا۔ کی اِشارہ کیِتا پری ارمبا، چؤداں رتناں وِچوں دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ اَسوُ پنج کہے میرا سجدہ اِک بھگوَنت، بھگوَن سیِس نِوائیا ۔ جِس دا شرع توں باہر منت، بِن اکھّراں نِراکھّر دھار سمجھائیا۔ جِس دا لہنا دینا نال جیِو جنت، چؤراسی اپنا کھیل کھِلائیا۔ اوہ صاحِب سوُرا بھگوَنت، ہرِ بھگوَن اِک اکھوائیا۔ جِس بنائی میری بنت، گھڑن بھنّنہار دُھردرگاہیِا۔ اُس دی مہما سدا اگنت، گنتی گنت نہ کوئے گِنائیا۔ اوہ توڑنہارا گڑھ ہنگت، ہؤمے دئے چُکائیا۔ مانَو ذاتی اِک بنائے سنگت، سگلا سنگ اِک رکھائیا۔ بِنا شاستراں بنے پنڈت، بِن اکھّراں دئے سمجھائیا۔ جِس دا لیکھا نہیں نال بہِشت جنّت، سوَرگاں ونڈ نہ کوئے ونڈائیا۔ اوہ آد جُگادی برہم برہمادی مالک دُھر دا کنت، کنتُوہل اِک اکھوائیا۔ جو کایا چولی چاڑھے رنگ بسنت، دو جہاناں اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ اَسوُ کہے میَنوُں جُگ چؤکڑی یاد کردے، انتشکرن دھیان لگائیا ۔ میَں بھیوَ کُھلاواں اگمےّ گھر دے، جِتھے چھپّر چھنّ نہ کوئے چُھہائیا۔ جِتھے اوتار پَیغمبر گُروُ اِکو کھیل کردے، دوُسر روُپ نہ کوئے بدلائیا۔ میَں سب دے کھولاں پردے، پردہ پردیاں وِچوں اُٹھائیا۔ کی حُکم ورتے اَگے نرائن نر دے، نر نِرنکار کی جنائیا۔ اِشنان مِلنے نہیں کِسے سروور سر دے، سُرتی شبد نہ کوئے مِلائیا۔ اؤہ ویکھ لےَ کھیل ہنکار گڑھ دے، ہؤمے ہنگتا مِلی وڈیائیا۔ نِگاہ مار لےَ دروہی پِھرنی لہندے چڑھدے، محمد دھار دئے گواہیِا۔ شرع شریِعت وہن ویکھ لےَ ہڑھدے، صدی چؤدھویِں دئے گواہیِا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ اَسوُ پنج کہے میرا لہنا دینا آد جُگادی راوی، رَویداس دئے گواہیِا۔ میرا پَیغمبراں لیکھ جنایا مُساوی، مُسلسل گئے دِرڑائیا۔ ارجن کِہا ایہہ لہنا دینا نال دیِن دُنی دی بھاوی، بھےَ بھؤ سِر نہ کوئے رکھائیا۔ سرِشٹی درِشٹی اندر ہونی نِتھاویِں، محل اٹل وجے نہ کوئے ودھائیا۔ جوتی جوت سروُپ ہرِ، آپ اپنی کِرپا کر،

دیونہارا ساچا ور، سچ دا بھیوَ آپ کُھلائیا۔ اَسوُ پنج کہے میرا لہنا دینا نال راجے بل، باوَن دھار سمجھائیا۔ جِس ویلے کوُڑ کُڑیار کلجُگ انتم دھرم نوُں دیوے سلّ، سَت رہن کِچھ نہ پائیا۔ نؤ کھنڈ پرِتھمی ہووے چھل، کپٹ وِچ دِسے خلق خُدائیا۔ پوِتر رہے کوئی نہ جل، اٹھسٹھ روون مارن دھاہیِا ۔ بھاگ لگّا دِسے نہ کِسے کایا ماٹی کھلّ، خالق خلق رنگ نہ کوئے رنگائیا۔ منزل ملِے نہ نِہچل دھام اٹل، سچ دوار نہ کوئے سُہائیا۔ دروہی پِھرے جل تھل، مہیئل روون مارن دھاہیِا۔ کِسے نوُں سمجھ نہ آئے گھڑی پل، پلکاں دے پِچھے دِسے نہ دُھر دا ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ پنج اَسوُ کہے میرا پروِشٹا لیکھا رکھے سنگ رَویداس، رمتا رمتا رہیا جنائیا۔ بالمیِک جو لیکھا لِکھیا خاص، خالص اپنا رنگ چڑھائیا۔ میَنوُں اُس اُتے وِشواس، بھروسیِاں وِچ سیِس نِوائیا۔ پُرکھ اکالا دیِن دَیالا جو وسے اُتے آکاش، دھرنی دھرت دھوَل دھؤل کرے رُشنائیا۔ جن بھگتاں مانَس جنم کرے راس، رستہ اپنا اِک سمجھائیا۔ نام جپائے سواس سواس، بِن بُلاں کرے پڑھائیا۔ بوُند سوانتی نال بُجھائے پیاس، نابھی کَول کَول اُلٹائیا۔ انادی شبد دئے دھرواس، دھرم دھار سمجھائیا۔ نِرگُن جوت کرے پرکاش، اندھ اندھیر مِٹائیا۔ جن بھگتاں وسے سدا پاس، سگلا سنگ نِبھائیا۔ راوی کہے میرے اندر آیا اِک قیاس، سہج نال سمجھائیا۔ کی اِشارہ دے کے گیا وید ویاس، بے آس نال وڈیائیا۔ میرا صاحِب میَنوُں دئے شاباش، سِر میرے ہتّھ ٹِکائیا۔ جِس وِچ کوُڑ کُڑیاری دھار دا لیکھا مُکنا پرِتھمی آکاش، گگن گگننتراں وجے ودھائیا۔ سو دیِن دَیالا اپنا کھیل کرے تماش، دوُسر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ اَسوُ پنج کہے پربھوُ بھگتاں نوُں دات دینی دوہری، دُہرا رنگ رنگائیا۔ سَتگُر شبد بناؤنا موہری، مُہر اپنا نام سمجھائیا۔ نِرگُن دھار بننا گھوری، انتشکرن تکنا تھاؤں تھائنیا۔ گُرمُکھاں بھیوَ کُھلائے ہور دا ہوری، پردہ پردیاں وِچوں چُکائیا۔ سب دا مانَس جنم جائے سؤری، سُرتی شبد نال جُڑائیا۔ اپنے چرن بندھائے ڈوری، پلّوُ گنڈھ پوائیا۔ جن بھگتاں بھاگ کرے متھوری، مِتھیا دسےّ خلق خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ پنج اَسوُ کہے پربھوُ تیرا وقت ہووے سُہاوا، سوہنی خوشی بنائیا۔ جن بھگتاں تیرے اُتے دعوا، دعویدار دینے سمجھائیا۔ اپنے نال سب دا وزن کر لےَ ساواں، ودھ گھٹ نہ کوئے کرائیا۔ در آیاں دا اپنے درگاہ لا لےَ نانواں، نر نِرنکار

سکے نہ کوئے تُڑائیا۔ بے شک ایہہ وسدے وکھ وکھ گراواں، سچکھنڈ ساچے در اِکو سوبھا پائیا۔ بے شک اِنہاں نوُں جنم دِتا وکھ وکھ ماواں، تُوں آتم دھار بننا سب دی جنیندی مائیا۔ بُدھی رہے نہ کِسے دی وانگ کاواں، گُرمُکھ ہنس دینے بنائیا۔ تیرا پیار کرن بِن جگت خواہش توں نال چاواں، چاؤ گھنیرا اِک دِرڑائیا۔ راتی سُتیاں دِنے جاگدیاں پھڑ اُٹھاؤنا بُھجاں باہواں، سُرتی شبد نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کھیل آپ کھِلائیا۔ اَسوُ پنج کہے میرا مالک سوامی رہے ہمیش، ہم ساجن اِک اکھوائیا۔ جِس دا لہنا دینا نال دس دسمیش، گوبِند گوبِند گوبِند دھارا اِکو رنگ رنگائیا۔ جِس نے پیار وِچ ستکار وِچ جن بھگتاں کُھلے رکھائے کیس، کیس گڑھ دا لیکھا نال مِلائیا۔ جِنہاں دی مہما کرے سہنسر مُکھ شیش، دو سہنسر جِہوا نال مِلائیا۔ اوہ چار جُگ دے وِچھڑے پنچم اَسوُ کہے سَتگُر شبد دے ہوئے پیش، پیشی اَگے رہے نہ رائیا۔ اجّ دا فَیصلہ سَتگُر شبد دا حُکم جن بھگتو جنم مرن رہے نہ کوئے کلیش، مات گربھ دس دس ماس اگن نہ کوئے تپائیا۔ تُہاڈا اِکو دِہاڑا خوشیاں والا وِشیش، وِشیاں توں باہر لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اگمّ اتھاہیِا۔ پنج اَسوُ کہے میرا پروِشٹا شہنشاہی سمت نال گیارہ، جِس دا بھیوَ نہ کوئے پائیا ۔ میرے پُرکھ اکالے دیِن دَیالے جن بھگتاں بخش دے سچ بہارا، پروردِگار سانجھے یار اپنا رنگ رنگائیا ۔ اِکو خوشی بخش دے پُرکھ نارا، نر نرائن دوُسر ونڈ نہ کوئے ونڈائیا۔ میری منسا پوُری ہووے جو دسدے گئے تیئی اوتارا، اوتر تیرا کھیل ویکھنا چائیں چائنیا۔ جو پَیغمبراں دِتا اِشارہ، بِن سیَنت سیَنت گئے سمجھائیا ۔ جو گُروُ گُردیو دِتا ادھارا، دھیِرج دھرم دھار وکھائیا۔ سو میرا لیکھا پوُرا کر دے گِرور گِردھارا، گہر گمبھیِر تیری اوٹ تکائیا۔ تیرا بھگت سُہیلا جگت وِچ نہ ہوئے خوارا، رائے دھرم نہ دئے سزائیا۔ اجّ خوشیاں والا بِن جگت خواہش توں دِہاڑا، سَتگُر شبد تیری وڈیائیا۔ جُگ چؤکڑی پِچھلا پوُرب پوُرا کردے لارا، اَگے اوَر نہ کِچھ رکھائیا۔ تُوں کرنہار کرتارا، قُدرت قادر نوُر الاہیِا۔ ہرِ بھگت پربھوُ تیرا سدا دا پروارا، بنس سربنس وِچھڑ کدے نہ جائیا۔ بِنا اکھّیِاں توں ضرور اِنہاں نوُں دیندا رہیں دیِدارا، بِن لوچن نیَن نظری آئیا۔ اِنہاں دا سریِر تے سَتگُر شبد تیرا ہووے گھربارا، نؤ دواریاں توں باہر اپنا ڈیرہ لائیا۔ جدوں گُرمُکھ یاد کرے تے اندروں دئیں اِشارہ، بِن سیَنت سیَنت دینی سمجھائیا۔ کیوں تُوں جوتی جاتا پُرکھ بِدھاتا کل کلکی اوتارا، چؤبِیسا

جگدیِشا نوُر الاہیِا۔ اِمام اِماما پروردِگارا، پڑدا پڑدیاں وِچوں دینا اُٹھائیا۔ پنج اَسوُ کہے پربھوُ میَں تیرے چرناں دی دھوُڑ لاواں بِنا مستک توں چھارا، شہنشاہ خاک تیری اگمّ رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن تیرا بھریا رہے بھنڈارا، اتوٹ اتُٹ دینا ورتائیا۔

۶ اَسوُ شہنشاہی سمت ۱۱ پِنڈ بابوُپُر ضِلع گُرداس پُر ہزارا سِنگھ دے گرِہ

دھرنی کہے پربھوُ جن بھگتاں لیکھے لاؤنی مِٹّی خاک، خاک چھار ہو کے جو تیری آس رکھائیا۔ روُح بُت دوویں کرنے پاک، پتت پُنیِت دینی وڈیائیا۔ سچکھنڈ دوار کھول کے تاک، گرِہ مندر اپنا اِک وکھائیا ۔ آتم پرماتم بنا دُھر دا ساک، درگاہ دینی ساچی تھائنیا۔ شبد گھوڑ چڑھا دے راک، لوآں پُریاں برہمنڈاں کھنڈاں پندھ مُکائیا۔ پوُرب لہنا دینا پوُرا کرنا واک، پوُرن سَتگُر تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ جن بھگتاں لیکھا رہے نہ مڑھی گور، اگنی اگّ نہ کوئے تپائیا۔ شبدی دھار اپنے نال لیَنا تور، تُرت اپنا میل مِلائیا۔ انتشکرن دا انتر اِکو ہووے فُرنا پھور، دوُسر آس نہ کوئے رکھائیا۔ پار کرنا وِچوں لکھّ چؤراسی گھور، آون جاون پندھ دینا مُکائیا۔ جن بھگتاں مانَس جنم جاوے سؤر، جو سِر تیرے چرن چھوہ وِچ اپنی خوشی بنائیا۔ سَت سچ دی بنھنا نال ڈور، شبدی تند گنڈھائیا۔ دھرنی کہے پربھوُ میَنوُں بھگتاں دی سدا لوڑ، لُڑیِندے ساجن تیرے ہتّھ وڈیائیا۔ تُدھ بِن اوَر نہ دیِسے کوئی ہور، دوُجا سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں سچکھنڈ دوار بھاگ ہووے متھور، مِتھیا چھڈی جگت لوکائیا۔

۶ اَسوُ شہنشاہی سمت ۱۱ پِنڈ اَلھڑ پِنڈی ضِلع گُرداس پُر کِشن سِنگھ دے گرِہ

دھرنی کہے اوتار پَیغمبر گُر میَں سُن دی رہی تُہاڈیِاں تقریراں، چار جُگ اپنا دھیان لگائیا۔ تُہاڈے لیکھ ویکھدی رہی تحریراں، جو حرف حروُف نال وڈیائیا۔ نام سندیسے سُن دی رہی جو دِتے وِچ سریِراں، تن وجوُداں وِچ ٹِکائیا۔ شرع شریِعت دیِاں ویکھدی رہی لکیِراں، حداں دیِن مذہب رنگ رنگائیا۔ دیِن دُنی لیکھا تکدی رہی شاہ حقیِراں، اوُچاں نیِچاں پڑدا پڑدیاں وِچوں چُکائیا۔ تُساں مانَو ذاتی میرے اُتے بدھّی نال زنجِیراں، شرع بندھن سکے نہ کوئے تُڑائیا۔ کلجُگ انت میَنوُں تُہاڈا لیکھا دِسے اَخیِرا، آخر دیاں سُنائیا۔ ویکھو کی کوُک کوُک کے کہندا کبیِرا، درگاہ سچ سچ وِچوں کرے شنوائیا۔ دھرنیئے تیرے اُتے سَتجُگ سچ ہونا تعمیرا، کلجُگ کوُڑ رہن کوئے نہ پائیا۔ کرے کھیل دُھر دا بےنظیِرا، جگ نیتر نظر کِسے نہ آئیا۔ جِس دے کول نام کھنڈا شمشیِرا، جگت شستر سنگ نہ کوئے رکھائیا۔ اُس لہنے دینے تکنے اٹھسٹھ تیِرتھ نیِرا، جلدھارا کھوج کھوجائیا۔ چار جُگ دے گرنتھ شاستراں تکنیِاں تدبیِراں، طریقہ نیِکن نیِکا ہو کے ویکھ وکھائیا۔ تُسیں نِرگُن دھار سرگُن اپنیِاں وکھائیاں تصویِراں، تتاں والا روُپ بنائیا۔ کی کھیل کرے میرا شاہو بھوُپ پیِراں دا پیِرا، پیِرن پیِر نوُر الاہیِا۔ جِس دی آد جُگاد جُگ چؤکڑی دو جہان جاگیِرا، دوُسر ونڈ نہ کوئے ونڈائیا۔ جِس لیکھے لایا رَویداس چمارے اِک کسیِرا، قیِمت دھرم دھار چُکائیا ۔ اوہ انت میری دھار ویکھے دِلگیِرا، چِنتا غمی کھوج کھوجائیا۔ میرے اُتے سیِس دیوے چیِرا، بستر سَت سچ پہنائیا۔ دیِن دُنی دی اندروں بدلن والا ضمیرِا، ذرّہ ذرّہ ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان میرے انتشکرن دئے دھیِرا، دھیِرج دھرم دھار رکھائیا۔

۶ اَسوُ شہنشاہی سمت ۱۱ پِنڈ اَلھڑ پِنڈی ضِلع گُرداس پُر سُلکھّنی، ویرو دے گرِہ

دھرنی کہے اوتار پَیغمبر گُر اپنیِاں چار جُگ دیِاں تکو ریِتاں، ریِتیوان ہو کے دھیان لگائیا۔ سَتگُر شبد ویکھو میِتا، مِتر پیارا کی سمجھائیا۔ شاستر سنگ بناؤ وید پُراناں گیِتا، رام راما بھیوَ چُکائیا ۔ لہنا دینا ویکھو مندر مسیِتا، مسلہ مسلیاں وِچ کھوج کھوجائیا۔ آتم دھار پرماتم تکو پریِتا، پڑدا پڑدیاں وِچوں اُٹھائیا۔ اِشٹ ویکھو رام سیِتا، رادھے کرِشن کی وڈیائیا۔ پَیغمبرو اِشارہ ویکھو جو اگمّا کیِتا، واحد االلہ اِک دِرڑائیا۔ گُروُ گُردیو اپنے حُکم دا ویکھو طریقہ، جو دھرم دھار دِرڑائیا۔ لہنا دینا جانو جیِو جی کا، نوَ ستّ پھول پُھلائیا۔ میرے اُتے انتر نِرنتر امرت رس ہویا پھیِکا، امیوں رس نہ کوئے چوائیا۔ دھرم دی رہی نہ کوئی تؤفیِقا، کلجُگ کوُڑ رہیا کُرلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ دھرنی کہے اوتار پَیغمبر گُر آتم دھار دے بنو وصلی، وصل اِکو یار خُدائیا۔ اپنے گُرمُکھ گُرسِکھ مُریِد مُرشد لبھو اصلی، اصلیّت وِچوں اصل لؤ پرگٹائیا۔ آتم دھار پرماتم ویکھو نسلی، دوُجا سنگ نہ کوئے بنائیا۔ تُہاڈی پریِتی کلجُگ کوُڑی کِریا ہیٹھوں گئی مسلی، مُسلسل رنگ نہ کوئے رنگائیا۔ دیِن دُنی دی دھارا ہوئی دوفصلی، سچ جھوُٹھ سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ دھرنی کہے اوتار پَیغمبر گُر اپنی ویکھو حقیِقت حق، حُکم پربھ دا نال مِلائیا ۔ میرے اُتے لؤ تک، طریقہ دیِن دُنی بدلائیا۔ میرا آ کے میٹو شکّ، شِکوہ دیؤ گوائیا۔ میَں کلجُگ کوُڑی کِریا نال گئی تھک، تھکاوٹ وِچ میری دُہائیا۔ میری پت لؤ رکھ، سِر میرے ہتّھ رکھائیا۔ میری دھرم دھار دی جھولی ہوئی سکّھ، سِکھنی سکے نہ کوئے بھرائیا۔ میری حالت آ کے ویکھو اپنی اکھّ، اکھّراں والی چلے نہ کوئے چتُرائیا۔ نؤ کھنڈ پرِتھمی کوُڑ دے لاؤندے بھکھّ، دُھر بھاکھیا سُنے نہ کوئے خلق خُدائیا ۔ آتم پرماتم دھار تُہاڈے نالوں ہوئی وکھ، سُرتی شبد نہ کوئے سمائیا۔ دیِن دُنی دی قیِمت رہی نہ کؤڈی ککھّ، کلجُگ ہٹّو ہٹّ وِکائیا۔ تُسیں سرب کلا سمرتھ، پُرکھ اکالا دیونہارا وڈیائیا۔ میرا لہنا دینا دیؤ ہتّھو ہتّھ، اَگے اُدھار نہ کوئے بنائیا۔ میَں سَتجُگ تریتا دواپرکلجُگ تُہاڈا چلدا ویکھیا رتھ، رتھواہی ہو کے اپنی سیو کمائیا۔ نام کلمیاں سُنی گتھ، جو سوہلے ڈھولے گئے دِرڑائیا۔ انت سب دے خالی ہوئے ہتّھ، سچ وست نظر کوئے نہ آئیا۔ دھرم کلجُگ کوُڑی کِریا دِتا متھ، متھرا دے کاہن تیرے رنگ نہ کوئے سمائیا۔ آ کے

ویکھ لےَ رام بیٹے دسرتھ، دہ دِشا اکھّ اُٹھائیا۔ پَیغمبر اپنی کہانی ویکھو اکتھ، کی کلمے گئے سمجھائیا۔ نانک گوبِند جِس دھار وِچ ستھر گئے لتھ، جگت یارڑا سیج ہنڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے اوتار پَیغمبر گُر اپنیِاں پوُرب کڈھو کاپیِاں، بِن اکھّراں لیکھ دھیان لگائیا ۔ اپنیِاں اپنیِاں شرع دیِاں تکو پاتیِاں، پترکا لؤ اُٹھائیا۔ لہنے دینے ویکھو واتیِاں، کی سندیسے دُھردرگاہیِا۔ کی جھگڑا دِسے ذات پاتیِاں، دیِناں مذہباں کی لڑائیا۔ کی کلجُگ کوُڑی کِریا مارے کاتیِا، قتل گاہ دِسے لوکائیا۔ سچکھنڈ دوارے تکو مار کے جھاتیِاں، بِن نیَناں نیَن اُٹھائیا۔ میرے اُتے ہوئیاں اندھیریِاں راتیِاں، نوُری چند نہ کوئے چمکائیا۔ امرت ملِے نہ بوُند سوانتیِا، اگنی تت نہ کوئے تپائیا۔ میری پُچھے کوئے نہ واتیِا، سِر ہتّھ نہ کوئے ٹِکائیا۔ کلجُگ کوُڑ کُڑیارا مارے کاتیِا، تیِر انیالا رہیا لگائیا۔ مانَس مانَو میرے اُتے اِک دوُجے دا کرن گھاتیِا، گھاؤ سکے نہ کوئے مِٹائیا۔ پرکاش دِسے نہ کِسے بِن تیل باتیِا، نوُری چند نہ کوئے چمکائیا۔ جھگڑا تک لؤ لوک ماتیِا، ماتر بھوُمی ہو کے رہی سُنائیا۔ تُہاڈا دیِن مذہب پاؤندا جائے وفاتیِا، قائم مقام نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، مِہربان مِہربان ہو کے پُچھنی واتیِا، واتاوَرن تیرے چرن ٹِکائیا۔

۶ اَسوُ شہنشاہی سمت ۱۱ پِنڈ اوگرا ضِلع گُرداس پُر اوگرا ہرِ سنگت نوِت

دھرنی کہے اوتار پَیغمبر گُر پرم پُرکھ کرو نِمسکار، ڈنڈاوت بندنا سجدیاں وِچ سیِس نِوائیا۔ پریم نال کرو گُفتار، بِن رسنا جِہوا ڈھولے گائیا۔ اُچی کوُک کرو پُکار، سوہلے سُناؤ تھاؤں تھائنیا۔ پُرکھ اکالے دیِن دَیالے ساڈے دیِن مذہب ساتھوں ہوئے باہر، سچ پیار وِچ نہ کوئے سمائیا۔ چاروں کُنٹ سرِشٹی درِشٹی اندر ودھیا وِکار، وِبھچار سکے نہ کوئے مِٹائیا۔ منوُآ من کرے ہنکار، نِون سو اکھّر نہ کوئے سمجھائیا۔ نؤ کھنڈ پرِتھمی ہویا دھوُاں دھار، ستّ دیِپ سچ نہ کوئے رُشنائیا۔ جِدھر تکیئے ساڈا نام کلمہ ہویا خوار، خالص رنگ نہ کوئے رنگائیا۔ مانَس مانَو

مانُکھ بن گئے ٹھگ چور یار، حقیِقت وِچ حق نہ کوئے سمائیا۔ ساڈی بیننتی تیرے در سچے دربار، درگاہ ساچی منگ منگائیا۔ جوتی جاتے ہو ظاہر، پُرکھ بِدھاتے پردہ لاہیِا۔ دیِن دُنی تک سنسار، سنساری بھنڈاری سنگھاری نال مِلائیا۔ سچ دا رہیا نہ کوئے دوار، مندر مسجد شِودوالے مٹھ رہے کُرلائیا۔ نوکھنڈ رووے زارو زار، بِن نیَناں نیِر وہائیا۔ نِگاہ مار پروردِگار، سانجھے یار نوُر الاہیِا۔ اسیں تیری کردے اِنتظار ، پیشیِن گوئیاں ہتّھ اُٹھائیا۔ تُوں دو جہاناں ہو ظاہر، ظاہر ظہوُر کر رُشنائیا۔ تیری شبدی سُنیئے گُفتار، دیِن مذہب ونڈ نہ کوئے ونڈائیا۔ تُوں نِرگُن داتا سب دا سانجھا یار، یامبیِن اِک اکھوائیا۔ تیرے سب کُچھ اختیار، مختیار گُر اوتار رہے سُنائیا۔ تُوں چار جُگ دا سِکدار، سَتجُگ تریتا دواپرکلجُگ تیری وجدی رہی ودھائیا۔ لکھّ چؤراسی تیرے چرن کوَل پنہار، داسی ہو کے سیو کمائیا۔ تُوں ویکھنہارا ایکنکار، اکل کل دھاری اِک اکھوائیا۔ ساڈی بیننتی سُننی نال پیار، پریم پریِتی وِچ جنائیا۔ نِرگُن نوُر کر اُجیار، جوتی جاتا ہو کے ڈگمگائیا۔ تُوں نِہکلنک کل کلکی اوتار، کل کاتیِاں کر صفائیا۔ در تیرے بیننتی رہے گُزار، گُزارش وِچ سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے اوتار پَیغمبر گُر پربھ توں پُچھو صلاح، مشورہ دیِن دُنی باہر جنائیا۔ پُرکھ اکالے تیرا کھیل بے پرواہ، اگمّ اتھاہ تیری وڈیائیا۔ تُوں شاہو بھوُپ شہنشاہ، اکل کل دھاری اِک اکھوائیا۔ تُوں والی دو جہاں، نِرگُن سرگُن اپنا حُکم ورتائیا۔ تیرا لہنا دینا زِمیں اسماں، پُریاں لوآں برہمنڈاں کھنڈاں وجدی رہے ودھائیا۔ نِگاہ مار لےَ مان رہیا نہ کِسے کلمے ناں، کائنات رہی کُرلائیا۔ جھگڑا تک لےَ سوُر گاں، مانَس مانَو مانُکھ پشوُآں کھلّ لُہائیا۔ بھاگ لگّا دِسے نہ کِسے کھیڑے گراں، ساڈھے تِنّ ہتّھ وجے نہ کوئے ودھائیا۔ کلجُگ کوُڑ اندھیرا گیا چھا، شہنشاہ تیرے رنگ نہ کوئے سمائیا۔ دیِن مذہب تیری منزل بُھلے راہ، رہبر رنگ نہ کوئے رنگائیا۔ ڈھولا گائے کوئی نہ ساہ ساہ، سواس سواس نہ کوئے دِھیائیا۔ دُکھی ہو کے پُکارے دھرتی ماں، میری مُحبّت وِچ نہ کوئے سمائیا۔ مانَس ذاتی کلجُگ کوُڑی کِریا کرے گُناہ، پتت پُنیِت نظر کوئے نہ آئیا۔ میرے مِہربانے سِری بھگوانے کلجُگ انت میرے اُتے چرن چُھہا، شہنشاہ اپنا بھیوَ چُکائیا۔ تَینوُں سارے گئے گا، ڈھولے صِفتاں وِچ راگ دِرڑائیا۔ انتم آوے بے پرواہ، پُرکھ اکالا نوُر الاہیِا۔ جِس نوُں پَیغمبراں کیِتی دُعا، سِر سر قدماں وِچ جھُکائیا۔ تُوں مالک اگمّ اتھاہ، جلوہ گر نوُر الاہیِا۔ میرے اُتوں دھرنی کہے کلجُگ کر الوِداع،

سَتجُگ سَت دھرم پرگٹائیا۔ اوتار پَیغمبر گُر بَیٹھن اِکو تھاں، مندر مسجد شِودوالے مٹھ چرچ گُروُدوار ونڈ نہ کوئے ونڈائیا۔ اِکو تیرا ناؤں نِرنکارا جپیا جائے ناں، تیری صِفت صالاحیِا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار ہو کے پکڑنی بانہہ، نِروَیر ہو کے اپنی دَیا کمائیا۔

۶ اَسوُ شہنشاہی سمت ۱۱ پِنڈ نیا شالا ضِلع گُرداس پُر سوَرگ واسی کرم سِنگھ دے نوِت

دھرنی کہے جن بھگتو پرم پُرکھ دی رکھو یاد، یادداشت بُھل کدے نہ جائیا۔ جو سب دی سُننہارا فریاد، دو جہاناں مالک نوُر الاہیِا۔ جِس اوتار پَیغمبراں گُروُآں دِتی اگمّ اِمداد، وست امُل اتُل ورتائیا ۔ اُس سوامی نوُں دِوس رَین لیَنا ارادھ، ہِردے اندر لیَنا وسائیا۔ بِسمِل دھار ہونا وِسماد، جگت وِشا نہ کوئے جنائیا۔ جِس نے رچنا رچی تُہاڈی آد، انت ہوئے آپ سہائیا۔ اوہ مالک خالق موہن مادھوَ مادھ، مدُھر دُھن دئے سُنائیا۔ جو ایتھے اوتھے دو جہاناں کرے اِمداد، سدا ہوئے سہائیا۔ جو بناوَنہارا سنت سادھ، صوُفیِاں سنتاں نال مِلائیا۔ جِس دا کھیڑا دھرم ہووے آباد، جڑ سکے نہ کوئے اُکھڑائیا۔ اوہ نوُر نوُرانہ شاہ سُلطانا سَت سچ دا مہاراج، محبوُب اگمّ اتھاہیِا۔ جِس کلجُگ کوُڑی کِریا نالوں کرنا آزاد، جگت شرع بندھن نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ در ملِے وڈیائیا۔ دھرنی کہے جن بھگتو پرم پُرکھ دی رکھو اوٹ، اوڑک دھیان رکھائیا ۔ کایا مندر اندروں کڈھنی کھوٹ، کھوٹے کھرے روُپ بدلائیا۔ نام نِدھان سِری بھگوان لگائے اگمّی چوٹ، چوٹی چڑھ کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ اگمّ دینا رنگائیا۔ دھرنی کہے جن بھگتو پرم پُرکھ نوُں کرو سلام، سجدیاں وِچ سیِس نِوائیا۔ اوہ مالک خالق دُھر اِمام، عملاں توں رہت نوُر الاہیِا۔ جِس دی جبرائیل دسےّ کلام، پَیغام اگمّ اتھاہیِا ۔ اوہ دیونہار حقیِقی جام، بِن رسنا رس چکھائیا۔ اُس دا آد انت دا اِکو اِسلام، اِسم اعظم اِک وکھائیا۔ جِس دے سارے ہون غُلام، بردے بن کے سیِس نِوائیا۔ جو شرع دے جھگڑے میٹے تمام،

تمنّا کلجُگ کِریا کوُڑ مِٹائیا۔ جِس دا لہنا زِمیں اُتے اسمان، نوُر نوُرانہ نوُر الاہیِا۔ سو پُرکھ اکالا دیِن دَیالا کھیلے کھیل مہان، پروردِگار سانجھا یار اپنی کل ورتائیا۔ جِس نوُں آد جُگاد جھُکدے اوتار پَیغمبر گُر تمام، تمنّا دیِن دُنی نہ کوئے رکھائیا۔ انت کنت بھگوَنت جن بھگتاں کرے انتظام، بندوبست اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، شرع دے لیکھے مُکائے تمام، تمنّا دیِن مذہب رہن کوئے نہ پائیا۔

۷ اَسوُ شہنشاہی سمت ۱۱ پِنڈ بھوُملی ضِلع گُرداس پُر کرتار سِنگھ دے گرِہ

دھرنی کہے پربھوُ مانَس مانَو مانُکھ کر پتت پُنیِت، پرم پُرکھ پرماتم اپنی دَیا کمائیا۔ نِرگُن سرگُن آتم پرماتم دسّ اگمّی ریِت، ریِتیوان سِری بھگوان تیرے ہتّھ وڈیائیا۔ جوتی جاتے پُرکھ وِدھاتے آتم پرماتم دسّ گیِت، پاربرہم برہم ڈھولا گاون چائیں چائنیا۔ ہر ہِردے انتر نِرنتر امرت رس بخش ٹھانڈا سیِت، اگنی تتو تت نہ کوئے تپائیا۔ پُرکھ اکالے دیِن دَیالے وسنا ہر گھٹ چیِت، ٹھگؤری چِت من رہے نہ رائیا۔ تُوں مالک خالق ترےَگُن اتیِت، ترےَبھوَن دھنی تیری سرنائیا۔ جھگڑا مُکا دے مندر مسیِت، کایا کعبہ اِک سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ مانَو ذاتی بخش پیار، دیِن مذہب ونڈ نہ کوئے ونڈائیا ۔ گھر مندر اندر کر اُجیار، ساڈھے تِنّ ہتّھ کر رُشنائیا۔ ساچی بخش شبد دُھنکار، انحد نادی ناد کر شنوائیا۔ امرت بخش اگمّا ٹھانڈا ٹھار، بِن رسنا جِہوا دے چکھائیا۔ جیِواں جنتاں پا سار، مہاسارتھی ہو کے ویکھ وکھائیا۔ تُوں آد جُگادی برہم برہمادی اِک اِکلّا ایکنکار، واحد تیرے ہتّھ وڈیائیا۔ کِرپا کر دے میرے پروردِگار، سانجھے یار نوُر الاہیِا۔ میَں منگتی در بِھکھار، بِھکھک ہو کے جھولی ڈاہیِا۔ تُوں وست امولک میری جھولی دینی ڈار، اتوٹ اتُٹ آپ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا اِک رکھائیا۔ دھرنی کہے پربھ مانَو ذاتی کر دے بُدھ بِبیک، پتت پُنیِت آپ بنائیا۔ آتم پرماتم دے ٹیک، اِیش جیِو جگدیِش اپنے رنگ رنگائیا۔ ترےَگُن مایا لائے نہ سیک، کلجُگ کوُڑ اگن نہ کوئے تپائیا۔ سَت ستوادی ہو کے کھول دے بھیت، بھیوَ ابھیدا دے جنائیا ۔ سُرتی شبد کرا

دے ہیت، ہِتکاری ہو کے ویکھ وکھائیا۔ درشن دے دے نیتن نیت، نِج نیتر لوچن نیَن اکھّ کُھلائیا۔ میرے اُتے رُت سُہنجنی مؤلے چیت، پتّ ٹہنی لکھّ چؤراسی جیِو جنت آپ مہکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ مانَو تیرے چرن کوَل ہون پُجاری، پوُجا پاتھر پاہن رہن کوئے نہ پائیا۔ ایکا اِشٹ ہووے جوت نوُر اُجیاری، جوتی جاتے پُرکھ بِدھاتے تیری آس رکھائیا۔ جو سندیسہ دے کے گئے پَیغمبر گُر اوتاری، اوتری ہو کے ویکھ وکھائیا۔ میرے اُتے لہنا دینا پوُرا کر دے وِشن برہما شِو سنساری بھنڈاری سنگھاری، سَتگُر شبد نال وڈیائیا۔ میری نمو نمو نِمسکاری، ڈنڈاوت بندنا سجدیاں وِچ سیِس جھُکائیا۔ تُوں شاہو بھوُپ شہنشاہ سِکداری، شہنشاہ نوُر الاہیِا۔ میری انت کنت بھگوَنت پَیج دینی سواری، سِر میرے ہتّھ ٹِکائیا۔ دھرنی کہے میَں بِن نیتر روواں زارو زاری، ظاہر ظہوُر تیرے اَگے واسطہ پائیا۔ تُوں مِہربان محبوُب خالق خلق جلوہ گر چؤبیِسا جگدیِشا اِک اوتاری، اوتر ہو کے ویکھنا تھاؤں تھائنیا۔ میرے اِمام جلوہ گر نوُر نوُرانہ کرنا ظاہری، ظاہر ظہوُر میرا پردہ دے اُٹھائیا۔ میری بیننتی سُن پُکاری، پُنہ پُنہ سیِس نِوائیا۔ دھرنی کہے پربھوُ تیرے چرن کوَل جاواں بلہاری، بل بل اپنا آپ کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا لہنا دینا لیکھا پوُرا کر دے کلجُگ انتم واری، وارث ہو کے اپنی دَیا کمائیا۔

۹ اَسوُ شہنشاہی سمت ۱۱ ہرِ بھگت دوار پِنڈ جیٹھوُوال ضِلع امرتسر گیَہنا سِنگھ

گیَہنا سِنگھ تن خوشیاں پاؤنا گہنا، پنج تت ملِے مان وڈیائیا۔ تیرا لیکھا بالمیِک رِشی لِکھیا وِچ رمائنا، رام دے رام نال وڈیائیا۔ پربھاس وِچ تیرا ہُندا سی رہنا، پنچبٹی دئے گواہیِا۔ تیرا ناؤں ہُندا سی نیَنا، نیَنوُ کہہ کے سارے بُلائیا۔ وَیراگیِاں نال ہُندا سی بہنا، اپنی خوشی رکھائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اگمّ گوسائنیا۔ گیَہنا سِنگھ آ گیا بالمیِک، اپنا

پندھ مُکائیا۔ جیہڑی تَینوُں بخشی تاریخ، طریقے نال پال سِنگھ دا میل مِلیا چائیں چائنیا۔ جِس دی قلم وِچ تؤفیِق، تیرا پوُرب لیکھ سمجھائیا۔ جِس دا لہنا بڑا باریِک، جگ نیتر نظر کِسے نہ آئیا۔ پرم پُرکھ پرماتم ویکھے نزدیِک، دوُر دُراڈا اپنا پندھ مُکائیا۔ پِچھلے جنم دی شہادت ویکھ تاریخ، تواریخ دُھر دی آپ سمجھائیا۔ جگت کرم دے لیکھے مار لیِک، بُھلیکھا اندروں دئے چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ نیَنوُ تک لےَ نال نیَن اکھّ، اکھّراں باہر سمجھائیا۔ تریتا دواپرکلجُگ رہیا وکھ، انت میلا مِلیا چائیں چائنیا۔ اَگے جھولی رہن نہ دیوے سکّھ، سِر اپنا ہتّھ ٹِکائیا۔ جِؤں بھاوے تِؤں لئے رکھ، ایہہ پربھ دی بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ گیَہنا سِنگھ گؤہُ نال کرنا وِچار، وِچرن دی لوڑ رہے نہ رائیا۔ تیرا پوُربلا جنم ویکھ وِچ سنسار انتم کلجُگ بنّھی دھار، دھرنی دھرت دھوَل دھؤل دِتی وڈیائیا۔ جنم وِچوں جنم مِلیا اپار، اپرمپر سوامی ویکھ وکھائیا۔ تیرا لہنا دینا پوُرب دئے اُتار، قرضہ جگت رہے نہ رائیا۔ دُکھ دلِدر دئے نِوار، سُکھ ساگر روُپ سمائیا۔ بھوُت پریت کوئی ہو نہ سکے سوار، جِنّ کھویِس نہ کوئے چُترائیا۔ کِرپا کرے آپ کرتار، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، چرن پریِتی دئے اِک ادھار، مِہربان مِہربان مِہر نظر اِک اُٹھائیا۔

پال سِنگھ تیری پربھ کرے پرِتپال، پرِتپالک ہو کے ویکھ وکھائیا۔ دیِنا بندھپ بنے دیِن دَیال، سِر اپنا ہتّھ رکھائیا۔ دھرم دی دھار بنا کے لال، لالن دُھر دا رنگ چڑھائیا۔ ساچا مارگ بخش سُکھال، سُکھ ساگر وِچ رکھائیا۔ جگت روگ گھالنی پئے نہ گھال، دِل دلِدر دوُر کرائیا۔ اوہ انتر آتم پرماتم ہو کے وسے نال، میلا رکھے چائیں چائنیا۔ سچ بیننتی دھرم سوال، کرم اپنے رنگ رنگائیا۔ جگت سوگ وِچوں کر بحال، روگ دا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تن وجوُد سریِر کرے آپ سنبھال، سمبل دا مالک ہو کے ویکھ وکھائیا۔

۱۶ اَسوُ شہنشاہی سمت ۱۱ ہرِ بھگت دوار جیٹھوُوال ضِلع امرتسر سوَرگ واسی گُربچن کؤر کلّا دے نوِت

دھرنی کہے میَنوُں کلجُگ انتم خوشی بڑی، خوشحالی وِچ گُر گوپال دھیان لگائیا۔ میَں نِرگُن دھار پرم پُرکھ دی سرنی پڑی، ڈنڈاوت بندنا سجدیاں وِچ سیِس جھُکائیا۔ میرے اُتے پُرکھ اکالے کیِتی سُہنجنی گھڑی، پل پلکاں دے پِچھے ویکھ وکھائیا۔ سَت دھرم دی دھار میرے اُتے دِسے گڑی، گڑھی چمکؤر دئے گواہیِا۔ میَں سچ دوار ایکنکار در کھڑی، درگاہ ساچی سیِس نِوائیا۔ آد جُگاد پربھ تیری بھگتاں نال بنی رہی لڑی، تند سِتار نہ کوئے تُڑائیا۔ میَنوُں خوشی میرے مِہربانا میرے اُتے تیرے بھگتاں تن وجوُد بنے مڑھی، خاکی خاک رنگ رنگائیا۔ جِنہاں دی جیِون زِندگی شؤہ دریا کدی نہ ہڑھی، چؤراسی ونڈ نہ کوئے ونڈائیا۔ اوہناں بھاگ لگّا ہڈ ماس نڑی، تن وجوُد خوشی منائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ مڑھی کہے میَں بھگتاں تن وجوُد کیِتا خاک، تن ماٹی نظر کوئے نہ آئیا۔ آتم دھار تکّیا پربھوُ دا ساک، انت سَتگُر وِچ سمائیا۔ جِس دا کُھلا سدا تاک، سچکھنڈ دوار بند نہ کوئے کرائیا۔ سو شبد گھوڑے چڑھ کے راک، ہرِجن بھجّن واہو داہیِا۔ میَنوُں یاد آؤندا اوتار پَیغمبراں گُروُآں والا واک، بھوِکھت بھوِکھتاں وِچوں سمجھائیا۔ کلجُگ انت سِری بھگوَنت جن بھگتاں بنے سجّن ساک، سُہیلا اِکو نظری آئیا۔ عیسیٰ کہے میرا اِشارہ دیوے کلاک، جگت گھڑی پل ونڈ نہ کوئے ونڈائیا۔ میرے پروردِگار سانجھے یار میل کرنا نال اِتفاق، اِتفاقیہ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ مڑھی کہے میرے وِچ تن وجود ہویا سواہ، ماٹی نظر کِچھ نہ آئیا۔ ایہہ کھیل بے پرواہ، جو بے پرواہی وِچ سمائیا ۔ جو آد جُگاد بھگتاں بنے ملاح، کھیوٹ کھیٹا دُھردرگاہیِا۔ شبد دئے صلاح، مشورہ اِکو نام دِرڑائیا ۔ نِرگُن دھار ہو کے پکڑے بانہہ، پھڑ باہوں آپ اُٹھائیا۔ نِتھاویاں دیوے ساچا تھاں، تھان تھننتر اِک سُہائیا ۔ نام نِدھان بخش کے ناں، ناؤں نِرنکار رنگ رنگائیا۔ سچکھنڈ دوار سُہا کے گراں، گرِہ مندر اِک وڈیائیا ۔ جِتھے آپے پِتا آپے بنے ماں، آپ اپنی گود ٹِکائیا۔ آون جاون لکھّ چؤراسی لہنا رہے نہ وِچ جہاں، جوُنی جوُن نہ کوئے بھوائیا۔ آتم پرماتم میل مِلائے آپ اپنے گراں، سچکھنڈ ساچے سچ سمائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ نِبھائیا۔ مڑھی کہے تن وجوُد مِٹّی خاک ہویا کنچن، تن نظر کِچھ نہ آئیا۔ اگنی اگّ لگّا مچّن،

دھوُاں دھار دھار بنائیا۔ آتما خوشیاں وِچ لگّا نچّن، دُھر دے ڈھولے گائیا۔ پربھوُ پیار وِچ لگّا رچن، لوُں لوُں دا لیکھا جائے چُکائیا۔ سَت سروُپی بن کے ہیِرا رتن، درگاہ ساچی سچ سُہائیا۔ جو آد جُگادی بھگتاں وطن، گرِہ مندر سوبھا پائیا۔ سو دھام نیارا جِتھے پربھ بھگتاں کرے پیارا پریِتم ہو کے لیکھا توڑے تتن، تتو تت رہن کِچھ نہ پائیا۔ جِس کارن جوگی یتی ستی سارے کردے یتن، یتھارتھ منزل ہتّھ کِسے نہ آئیا۔ بِنا سَتگُر شبد توں درگاہ ساچی پُجے کوئے نہ پتن، گھاٹ کنارہ ویکھن کوئے نہ پائیا۔ سچکھنڈ دوار کِرپا کیِتی آپ نِرنکار آتم دھار مِلایا گُربچن، گُربچن کؤر اپنے رنگ سمائیا۔ آون جاون لکھّ چؤراسی جم کی پھاسی دیِن دُنی دا رہیا کوئے نہ ہٹّن، جگت ونج نہ کوئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، امرت نام نِدھان رس دیوے رسن، بِن رسنا رس چکھائیا۔

۲۲ اَسوُ شہنشاہی سمت ۱۱ پِنڈ بنگا ضِلع لُدھیانہ ناظر سِنگھ دے گرِہ

دھرنی کہے پربھوُ میرے نیتر وگے نیِر، لوچن نیَن چھہبر لائیا۔ نِگاہ مار لےَ بے نظیِر، نر نرائن نوُر الاہیِا۔ اوہ سندیسہ سُن لےَ جو دے کے گیا کبیِر، قبراں توں باہر جنائیا۔ انت کنت سِری بھگوَنت بدلے تیری تقدیِر، تکّبر دیِن دُنی مِٹائیا۔ جِس دے کول آد جُگاد برہم برہماد شبد اناد شمشیِر، جگت شستر ہتّھ نہ کوئے اُٹھائیا۔ جو لہنا دینا جانے شاہ حقیِر، شہنشاہ ہو کے ویکھ وکھائیا ۔ تیری آسا رکھ کے گئے پَیغمبر پیِر، پرم پُرکھ پرماتم تیری اوٹ تکائیا۔ تُدھ بِن انت دیوے کوئے نہ دھیِر، دھیِرج نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے میرے پُرکھ اکالے میِتا، مِترا تیری دُہائیا۔ میرا انتشکرن نہ ہووے ٹھانڈا سیِتا، اگنی تت نہ کوئے بُجھائیا۔ آ کے ویکھ لےَ کل کاتیِاں والی ریِتا، تن وجوُداں اندر حق محبوُب ہو کے ویکھ وکھائیا۔ پیار رہیا نہ مندر مسیِتا، کعبے جگت رہے کُرلائیا۔ اوتار پَیغمبراں گُروُآں وقت ویکھ لےَ بیِتا، پوُرب لیکھا لیکھے نال مِلائیا۔ میرے صاحِب سوامی انترجامی میرے انتشکرن وسجا چیِتا، چِت وِت ٹھگؤری رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور،

در ساچے الکھ جگائیا۔ دھرنی کہے میرے آد جُگادی پروردِگار، سانجھے یار نوُر الاہیِا۔ میرا پوُرب لہنا دے اُدھار، مقروُض قرضہ دے چُکائیا۔ میَں جُگ چؤکڑی تیرا کردی رہی اِنتظار ، سَتجُگ تریتا دواپرکلجُگ دھیان لگائیا۔ میَنوُں سندیسے دے کے گئے پَیغمبر گُر اوتار، اوتری تیرا بھیوَ چُکائیا۔ میَں مِٹّی خاک ہو کے رہی ہوشیار، آلس نِندرا نہ کوئے رکھائیا۔ تُوں دیونہار میرا داتار، دَیانِدھ اِک اکھوائیا۔ سَت سچ دے مالک میری پاؤنی سار، خالق خلق مخلوُق ویکھ وکھائیا۔ میرے اُتے تیرے نام کلمے دا ہویا تکرار، جھگڑا دیِن دُنی جنائیا۔ شرع دی شرع نال ہوئی خار، مذہب مذہب نال ٹکرائیا۔ سچکھنڈ نِواسی پُرکھ ابناشی بِن نیَناں نِگاہ مار، بِن نیتر اکھّ کُھلائیا۔ میرے اُتے چاروں کُنٹ ہویا اندھیار، ساچا چند نہ کوئے رُشنائیا۔ چار جُگ دے شاستر رہے پُکار، بِن رسنا کوُک کوُک سُنائیا۔ کل کلکی ساڈی پاوے سار، نِہکلنکا تیرے ہتّھ وڈیائیا۔ اِمام اِماما نوُر الاہی پروردِگار، یامبیِن تیری اوٹ تکائیا۔ تُوں شاہو بھوُپ سِکدار، شہنشاہ اِک اکھوائیا۔ میَں درویشن تیرے در بِھکھار، مانگت ہو کے جھولی ڈاہیِا۔ دھرنی کہے میرے دھرم دی سُنیں پُکار، کوُک کوُک دیاں جنائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے میری آسا پُرکھ اکالے اگمّ، جگت بُدھی سمجھ کِسے نہ آئیا۔ مِہربانا سِری بھگوانا سَت دا سچ چلا دے دھرم، ادھرم دا ڈیرہ ڈھاہیِا۔ دیِن دُنی نوُں بھید کُھلا دے برہم، پاربرہم پردہ آپ چُکائیا۔ میرے اُتم کر دے کرم، کرم کانڈ دا ڈیرہ ڈھاہیِا۔ میَں تیری اِکو تکاں سرن، سرنگت اِک رکھائیا۔ تُوں کرتا پُرکھ کرنی کرن، قُدرت دا قادر نوُر الاہیِا۔ میرا پلّوُ بِن ہتّھاں آ جا پھڑن، بِن قدماں پندھ مُکائیا۔ تُوں مالک بھنّن گھڑن، سمرتھ اکتھ اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا بھیوَ آپ چُکائیا۔ دُھر دا بھیوَ میرے سوامیِا جائے چُک، اوہلا رہن کوئے نہ پائیا۔ آتم پرماتم تیری اِکو ہووے تُک، تُخم تاشیِر بے نظیِر دینا بدلائیا۔ بِن تن وجوُد حق محبوُب سرِشٹی درِشٹی اندر تَینوُں جائے جھُک، کائنات بِن کعبیاں سیِس نِوائیا۔ کلجُگ کوُڑ کُڑیارے میرے اُتوں پیَنڈا جائے مُک، سَتجُگ سچ سچ دے وڈیائیا۔ اؤہ تک لےَ وقت سُہنجنا گُر اوتار پَیغمبراں والا رہیا ڈُھک، بیِس بیِسے ہرِ جگدیِشے اپنی اکھّ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ پروِشٹا تک لےَ اَسوُ بائی، بائیبل وِچ یسوُہ کی گیا سمجھائیا۔ کی گوبِند اِشارہ دِتا بوُٹا پُٹن لگّیاں

کاہی، کائنات کی دِرڑائیا۔ کی نِرگُن سرگُن تیری اکھّراں ہِندسیِاں والی زیِرو صِفرا بنے دہائی، لیکھا لیکھیاں وِچوں چُکائیا۔ تُوں مالک خالق اِک گوسائیں، گہر گمبھیِر تیری وڈیائیا۔ میَں پرم پُرکھ پرماتم اِکو تَینوُں رہی دِھیائی، دوُجا اِشٹ نہ کوئے منائیا۔ کلجُگ کوُڑی کِریا دُرمت میَل دھو دے شاہی، داغ رہن کِچھ نہ پائیا۔ لیکھا تک لےَ دُھر دے ماہی، محبوُب نوُر الاہیِا۔ میَنوُں سَتجُگ سَت دھرم دی بخش دے شہنشاہی، شاہ پاتشاہ اپنا حُکم ورتائیا۔ تُوں پُرکھ اگمّڑا سب دا اِک گوسائیں، گہر گمبھیِر نوُر الاہیِا۔ میرے محبوُبا اپنی تک لےَ دیِن دُنی والی خُدائی، خود مالک ہو کے کھوج کھوجائیا۔ میَں چرن کوَل دھرنی دھرت دھوَل دھؤل کہے دھوُڑی خاک رہی رمائی، مستک ٹِکّے لاواں چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جوتی جاتے پُرکھ بِدھاتے تُدھ بِن دوُجا اوَر کوئے ناہیِں، کھوجن دی لوڑ رہے نہ رائیا۔