۲۳ اَسوُ شہنشاہی سمت ۱۱ پِنڈ رجووال ضِلع لُدھیانہ گُرچرن سِنگھ دے گرِہ
دھرنی کہے میرے پرم پُرکھ پرماتم دُھر دے مؤلا، یامبیِن نِرگُن دھار تیری سرنائیا۔ آد جُگادی برہم برہمادی پوُرب ویکھ لےَ اِقرار قؤلا، بِن نیتر لوچن نیَن اکھّ کُھلائیا۔ میَں کوُک پُکاراں مِٹّی خاک دھؤلا، دھرم دی دھرم نال دُہائیا۔ نؤ کھنڈ پرِتھمی ستّ دیِپ میرا بھار کر دے ہؤلا، کلجُگ کِریا کوُڑ کوُڑ مِٹائیا۔ پریم پیار وِچ میرے اُتے رہیا کوئی نہ پنڈت پاندھا رؤلا، مُلّا شیخ مسائک رہے کُرلائیا۔ تُوں جوتی جاتا پُرکھ بِدھاتا ساول سؤلا، سرب کلا سمرتھ اگمّ اتھاہیِا۔ میرے مِہربانا نؤجوانا سِری بھگوانا میَنوُں سُنا دے اپنا بولا، انبولت دُھر دا راگ دِرڑائیا۔ جِس دے وِچ سَت دھرم دوارا ہووے کھولا، وست نام سَت سَت ورتائیا۔ مِہربانا نِرگُن دھار بِن تتاں بدل کے آ جا چولا، چوجی پریِتم اپنا ویس وٹائیا۔ میرے کرم کُکرم اپنے شبدی دھار جوہ لےَ، دوُسر لوڑ رہے نہ رائیا۔ سچ پیار مُحبّت وِچ مانَو ذاتی آپے موہ لےَ، آتم پرماتم اپنا رنگ رنگائیا۔ کوُڑی کِریا چاروں کُنٹ میرے اُتوں کھوہ لےَ، نوَ ستّ نظر کوئے نہ آئیا۔ ہرِجن سنت سُہیلے اپنے
نام پیار وِچ پرو لےَ، پاربرہم پربھ اپنا بھیوَ چُکائیا۔ مانَس مانَو تیرے در دا ہو جائے گولا، دوُسر اِشٹ نہ کوئے رکھائیا۔ تُوں میرا میَں تیرا سرِشٹی درِشٹی اندر گاوے ڈھولا، ڈھولک چَھینے دی لوڑ رہے نہ رائیا۔ تیرا سَتگُر شبد نِرگُن دھار ہوئے وِچولا، تتاں لیکھا دئے چُکائیا۔ سچکھنڈ نِواسی پُرکھ ابناشی ہر گھٹ دِسنا گھول گھولا، کایا مندر اندر بھیوَ چُکائیا۔ انت اَخیِر بے نظیِر میرے اُتے کرم کانڈ دا بن جا تولا، نام کنڈا ترازو اپنے ہتّھ اُٹھائیا۔ پاربرہم برہم اپنے نال چھوہ لا، چھؤہر بانکے تیرے ہتّھ وڈیائیا۔ میَں تیرے چرن آپ آپا گھولا، گھولی گھول گھُمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے اُتے ویکھ لےَ بِن جگت اکھّیِاں دھار، لوچن نیَن نہ کوئے وڈیائیا۔ تُوں شاہ پاتشاہ شہنشاہ سِکدار، آد جُگادی اِک اکھوائیا۔ تیرے حُکمے اندر پَیغمبر گُر اوتار، وِشن برہما شِو سیو کمائیا۔ میَں نِمانی روواں زارو زار، گِریہ زاری وِچ کُرلائیا۔ کلجُگ کوُڑی کِریا کیِتا خوار، خالص رنگ نہ کوئے رنگائیا۔ جِدھر تکاں ہویا وِبھچار، مایا ممتا موہ ہلکائیا۔ سَت دھرم دا رہیا نہ کوئے دوار، دوارکا واسی کرِشن دئے گواہیِا۔ رام راما کرے نہ کوئے ستکار، سَت ستوادی سَت وِچ نہ کوئے سمائیا۔ پَیغمبر دئے نہ کوئے ادھار، شرع شریِعت رووے تھاؤں تھائنیا۔ تُوں شاہو بھوُپ شہنشاہ تیرا انت نہ پاراوار، بےانت تیری بےپرواہیِا۔ سچکھنڈ نِواسی تیری درگاہ بناں بِھکھار، مقامے حق جھولی ڈاہیِا۔ میَں خادم تیری خِدمتگار، جُگ جُگ تیری سیو کمائیا۔ تُوں میرا اِمام اِماما پروردِگار، جلوہ گر نوُر الاہیِا۔ میَں مِٹّی خاک بن کے تابعدار، لکھّ چؤراسی اپنے کندھ اُٹھائیا۔ تُوں دیونہار اگمّ بھنڈار، اتوٹ اتُٹ سدا ورتائیا۔ میری بیننتی اِک اِکلّے ایکنکار، در تیرے کوُک سُنائیا۔ جوتی جاتے میری پا سار، مہاسارتھی اپنا رنگ رنگائیا۔ لہنا دینا پوُرا کر پَیغمبر گُر اوتار، پڑدا پڑدیاں وِچوں اُٹھائیا۔ وقت سُہنجنا آد نِرنجنا میَنوُں آ کے دے دیِدار، دیدہ دانِستہ تیرا درشن پائیا۔ تُوں نوُر الاہ بے پرواہ سب دا سانجھا یار، حق حقیِقت دا پردہ دینا کُھلائیا۔ تیرا سندیسہ سُناں بِن اکھّراں بول جَیکار، سروناں لوڑ رہے نہ رائیا۔ میَں دھرنی مِٹّی خاک تیری چھار، چرن چھوہ کے خوشی بنائیا۔ تُوں کل کلکی اوتار، نِہکلنکا بےپرواہیِا۔ اِمام اِماما میِت مُرار، مِتر پیارا اِک اکھوائیا۔ سجدیاں وِچ کراں نِمسکار، نِو نِو لاگاں پائیا۔ تُوں بخشنہار سدا جُگ چار، سَتجُگ تریتا دواپرکلجُگ انت تیری اوٹ تکائیا۔ دھرنی کہے پرم پُرکھ پرماتم میَنوُں دینا آپ ادھار، سِر سِر میرے ہتّھ ٹِکائیا۔ جوتی جوت
سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میَں بِھکھارن بنی تیرے در، دردی ہو کے درد ونڈائیا۔ مِہربان ہو کے کِرپا دینی کر، کِرپا نِدھان تیری سرنائیا۔ سَتگُر شبد اگمّی دے دے ور، وست امولک اِک ورتائیا۔ میرا دھرم خزانہ دے بھر، کلجُگ کوُڑی کِریا باہر کڈھائیا۔ ہر ہِردے تیرا ہووے ڈر، بھےَ بھؤ اپنا اِک سمجھائیا۔ تُوں سوامی نرائن نر، کرتا پُرکھ اگمّ اتھاہیِا۔ میرا سُہنجنا کر دے گھر، نؤ کھنڈ پرِتھمی اِکو رنگ رنگائیا۔ جھگڑا میٹ شرع شر، دیِن مذہب کرے نہ کوئے لڑائیا۔ مانَو مانَس مانُکھ تیرے در جائن تر، تارنہار سمرتھ اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ وست اگمّ ورتائیا۔ دھرنی کہے پربھوُ میرے اُتے تیری دیِن دُنیا ہوئی دُکھی، دردیِاں درد لیَنا ونڈائیا۔ مانَو ذاتی تک لےَ بُھکھی، بُھکھیاں بُھکھ نہ کوئے گوائیا۔ بھگت جنمے کوئے نہ کُکھی، جنیندی بنے کوئے نہ مائیا۔ بھاگ لگّے نہ اُلٹا رُکھی، تن وجوُد نہ کوئے چتُرائیا ۔ تُوں نِرگُن دھار ہو کے اُٹھی، جوتی جاتے ویس وٹائیا۔ کِرپا نِدھان ہو کے تُٹھی، مِہر نظر اُٹھائیا۔ اُتّر پوُرب پچھّم دکھّن میریِاں چارے ویکھیں گُٹھی، چڑھدا لہندا دکھّن پہاڑ پھول پُھلائیا۔ میری پت میرے بھگوان گئی لُٹی، کلجُگ لُٹیرا بنیا تھاؤں تھائنیا۔ سب دی پریِت تیرے چرن کوَل ٹُٹی، ٹُٹیاں سکے نہ کوئے جُڑائیا۔ تُوں مِہربان مِہربان مِہربان میَں تیری آد جُگاد کردی بُتی، بُتخانیاں اپنے وِچ ٹِکائیا۔ میری جاگ کھول دے سُرت رہے نہ سُتی، ہلوُنا شبد نام لگائیا۔ تُوں پُرکھ پُرکھوتم ابناشی اچُتی، چیتن دینا کرائیا۔ میرے اُتے سُہنجنی کر دے رُتی، رُتڑی اپنا نام مہکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، پاربرہم پت پرمیشور ابناشی اچُتی، چیتن ہو کے چِت ٹھگؤری دے چُکائیا۔
۲۳ اَسوُ شہنشاہی سمت ۱۱ پِنڈ مہاؤن ضِلع لُدھیانہ اُجاگر سِنگھ دے گرِہ
اَسوُ کہے پربھوُ میرا پروِشٹا تیئی، اوتار تیئی خوشی منائیا۔ کی اِشارہ دِتا سَتگُر نانک اُتے ویئیں، بِہبل ہو کے دیاں سُنائیا۔ تیرا لہنا دینا لیکھا لِکھ کے گئے کئی، کیتے تیرے حُکم وِچ گُن گائیا۔ میرے سوامی انترجامی تیری سب توں نِرالی دیہی، پنج تت نظر کوئے نہ آئیا۔
جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ اَسوُ کہے پربھوُ میرا تیئی دِوس دِہاڑا لوک مات، ماتر بھوُمی نال مِلائیا۔ پُرکھ اکالے دیِن دَیالے میَنوُں بخشنی سچ دات، وست امولک اِک ورتائیا۔ ٹھاکر سوامی ہو کے مار جھات، پروردِگار سانجھے یار اکھّ اُٹھائیا۔ میرے انت کنت بھگوَنت پُچھ وات، وارث ہو کے کھوج کھوجائیا۔ نوَ ستّ اندھیری رات، نوُری چند نہ کوئے چمکائیا۔ آتم پرماتم سُنے کوئی نہ بات، باطن پردہ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ سچ دا بھیوَ کھول دے آپ، ہرِ کرتے دَیا کمائیا۔ تُوں دُھردرگاہی اگمّی باپ، پِتا پُرکھ اکال تیری سرنائیا۔ نِج گھر واسی اپنا دے دے جاپ، بِن رسنا جِہوا کر پڑھائیا۔ کلجُگ ترےَگُن مایا میٹ دے تاپ، اگنی تت نہ کوئے تپائیا۔ پوُرب لیکھا لہنا میرا تک لےَ کھات، پردہ پردیاں وِچوں چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ آسا کہے میَں جُگ جُگ آس اِکو رکھی، رکھک تَینوُں دیاں جنائیا۔ نِگاہ ماریں بِنا نیتر لوچن نیَن اکھّی، دیِن دَیال دَیا کمائیا۔ تُوں سرب سوامی میری پَیج انتم رکھی، مِہربان تیری وڈیائیا۔ میری قیِمت کوئی رہی نہ ککھّی، کلجُگ کوُڑے ہٹّ وِکائیا۔ میَں دو جہان دُہائی دے دے نسّی، بھجیّ واہو داہیِا۔ کلجُگ مایا ممتا وِچ پھسی، تند سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ اَسوُ کہے پربھوُ میرا لہنا دینا باقی، باقاعدہ دیاں جنائیا۔ تُوں پُرکھ اکالا میرا ساتھی، سگلا سنگی اِک اکھوائیا ۔ میرا پردہ کھول کے ویکھ لےَ تاکی، اوہلا رہن کوئے نہ پائیا۔ میرا تن وجوُد نہیں کوئی خاکی، اپ تیج وائے پرِتھمی آکاش رنگ نہ کوئے رنگائیا۔ تیری چرن پریِتی میرا ناتی، دوُسر سنگ نہ کوئے جنائیا۔ انت پُچھ میری واتی، واتاوَرن تیرے چرن ٹِکائیا۔ دُھر دی بخش دے بوُند سوانتی، میری اگنی تت بُجھائیا۔ تیری سب توں وکھری ذاتی، اذاتی نوُر نوُر الاہیِا۔ میرا لہنا دینا چار جُگ دے شاستر نہیں کاغذاتی، اکھّراں ونڈ نہ کوئے ونڈائیا۔ میرے کول سَتگُر شبد دی اگمّی پاتی، پترکا جگت نیتر نظر کِسے نہ آئیا۔ جو لِکھی نہیں نال قلم دواتی، حرف حروُفاں ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ اَسوُ کہے پربھوُ نِگاہ مار لےَ کایا ماٹی بھانڈے کُنبھ، چار جُگ دے مالک دھیان لگائیا۔ کی سندیسہ دِتا اشٹبُھج سُنب نِسُنب، دُھر دا حُکم حُکم دِرڑائیا۔ کی لہنا دینا گوبِند دھار
ہیم کُنڈ، کُنڈی کھِڑکی باہر رکھائیا۔ کی آشا رکھ کے گیا کاگ بھسُنڈ، کلجُگ انتم دئے گواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ اَسوُ کہے پربھوُ میرا سندیسہ بِن پانی پؤن، پوَن بسنترا رنگ نہ کوئے رنگائیا۔ تیرا بھیوَ پا سکے کؤن، کتھنی کتھ سکے کوئے نہ رائیا۔ میَں پوُرب کتھا آیا سُناؤن، بِن اکھّراں اکھّر جنائیا۔ جو لہنا دینا رام دا لیکھا رام راون راؤن، پردہ پردیاں وِچوں اُٹھائیا۔ اوہ سندیسہ در ٹھانڈے آیا گھلاؤن، بِن رسنا جِہوا گائیا۔ جو بھگت سُہیلا تیرا آد جُگادی تُوں اُس دا انتر آتم آئیوں پرچاؤن، پرچہ دیِن دُنی توں باہر پائیا۔ کُچھ لیکھا تک لےَ کی تیرا ناتا وِچ مہاؤن، مُہر اپنا نام لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ تیئی اَسوُ کہے اوہ نارد آؤندا نَٹھا، بھجےّ واہو داہیِا۔ جِس نوُں کلجُگ کرے ٹھٹّھا، مسخری رہیا اُڈائیا۔ پنڈتا دھرم دا بُرج ویکھ لےَ ڈھٹّھا، محل ویکھن کوئے نہ پائیا۔ سَتگُر شبد دا رہیا کوئی نہ پٹّھا، چیلا گُر نہ کوئے سمائیا۔ دروہی پِھر گئی مندر مسجد شِودوالے مِٹھا، گُروُدوار دھیان لگائیا۔ سب دا لیکھا مُکنا اِکٹّھا، بہُتی ونڈ نہ کوئے ونڈائیا۔ میرے کول پُرکھ اکال دا پٹا، پٹنے والا دئے گواہیِا۔ جِس دا لہنا دینا انتم دھار ہونا جٹّا، جٹا جوُٹاں کرے صفائیا۔ اوہ سوُربیِر نؤجوان ہٹّا کٹّا، بلدھاری اِک اکھوائیا۔ جِس سب دا میٹنا رٹّا، لیکھا جانے خلق خُدائیا۔ اوہ بھیوَ کُھلائے کایا مٹّا، ساڈھے تِنّ ہتّھ پھول پُھلائیا۔ اُس دا ویس بازی گر نٹا، جگت جی سمجھ سکے نہ رائیا۔ جِس دے حُکم وِچ سَتجُگ تریتا دواپرکلجُگ ٹپّا، اگلا پندھ مُکائیا۔ اوہ وسنہارا گھٹ گھٹا، لکھّ چؤراسی رہیا سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل اِک وکھائیا۔ نارد کہے اَسوُ بھانڈے مِٹّی دے تک لےَ چار، چارے جُگ سرنائیا۔ بِن رسنا کرن پُکار، کوُک کوُک سُنائیا۔ سَتجُگ بولے اپنی دھار، گھِرت وِچ سمائیا ۔ تریتا کوُک کوُک کرے پُکار، بل باوَن ویکھ وکھائیا۔ چاول تیرا روُپ اپار، سمگری بےپرواہیِا۔ دواپرکوُک بولے للکار، نوَ ستّ سَت وڈیائیا۔ کاہنا کرِشنا تیرا سہار، ارجن مِل کے وجے ودھائیا۔ موہن مادھوَ ہو سِکدار، گہر گمبھیِر کھیل کھِلائیا۔ انّ دانہ وِچ سنسار، دیونہار اِک گوسائنیا۔ جو ویکھے وِگسے پاوے سار، آد جُگاد دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ چؤتھا بھانڈا کہے میَں کلجُگ کوُڑا کچّا، خالی اندروں نظری آئیا ۔ میرے وِچ گُن رہیا نہ سچا، سچ ملِے نہ کوئے وڈیائیا۔ میرا انتشکرن کوُڑی
کِریا نال مچا، امرت میگھ نہ کوئے برسائیا۔ میَں نوَ دوارے بھجّا، بھجیّا واہو داہیِا۔ پربھوُ نام موُل نہ جپا، ہِردے ہرِ نہ کوئے وسائیا۔ میَنوُں ملِے کوئی نہ پتہ، پت پرمیشور نظر کوئے نہ آئیا۔ میرا خالی دِسے کھٹا، وست ہتّھ نہ کوئے ٹِکائیا۔ میَنوُں اِشارہ دے کے گیا نانک تپا، بِن رسنا جِہوا ڈھولے گائیا۔ جِس ویلے ویئیں دے وِچ چھپا، بِن چھپّر چھنّاں ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ خالی بھانڈا کہے میَں نِکاّ جِہا کُجا، کُنبھ نالوں روُپ بدلائیا۔ میرے انتر آتم جگت وِکار موُل نہ بُجھا، اگنی اگّ نہ کوئے بُجھائیا۔ میَنوُں انتم انت اِکو دوارا سُجھا، دوُسر اوٹ نہ کوئے تکائیا۔ میرا پُرکھ اکالا دیِن دَیالا میرا بھیوَ جانے گُجھا، پڑدا پڑدیاں وِچوں اُٹھائیا۔ جِس دے اَگے واسطہ پاوے دھرنی بسُدھا، دھرنی رو رو دیوے دُہائیا۔ اُس دا کلجُگ حُکم دا ہون والا یُدھا، یُدھشٹر دا لیکھا لیکھے وِچوں کڈھائیا۔ انت وقت سُہنجنا پُجا، پوُجنیوگ اِک اکھوائیا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل اِک کھِلائیا۔ بھانڈا کہے میرا روُپ مِٹّی خاک تن، وجوُد ویکھ وکھائیا۔ میرا سمجھے کوئی نہ من، منسا ونڈ نہ کوئے ونڈائیا۔ میرا رُپا نہیں کوئی دھن، دھناڈھ رنگ نہ کوئے رنگائیا۔ میرا سرون نہیں کوئی کنّ، کائنات دیاں جنائیا ۔ میرا نوُر نہیں کوئی چنّ، پرکاش نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ وست اِک ورتائیا۔ بھانڈا کہے میَں اندروں خالی، چؤتھا دیؤ وکھائیا۔ میری سَتگُر شبد کرے دلالی، وِچولا اِکو نظری آئیا۔ جِس دا لہنا دینا نال جوت اکالی، اکل کل دھاری نال مِل کے وجے ودھائیا۔ جو سب دی سُرت رہیا سمبھالی، سمبل بہہ کے اپنا کھیل کھِلائیا۔ سو آد جُگاد والی، وارث اِکو اِک اکھوائیا۔ جو میرا لیکھا پوُرا کرے حالی، حالت تِس نوُں دیاں سُنائیا۔ کلجُگ پھل رہیا کِسے نہ ڈالی، پتّ ٹہنی گئے کمُلائیا۔ کوُڑی کِریا کھیل ہوئی نِرالی، اچرج لیِلا رہی وکھائیا۔ پربھوُ پریِتی ملِے کِتوں نہ بھالی، کھوجیاں ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ بھانڈا کہے پربھوُ میَنوُں دے دے پریم داد، وست اگمّ اتھاہ ورتائیا۔ میَنوُں بھر سکے نہ کوئی سنت سادھ، فقیِر فِقرہ حق نہ کوئے سُنائیا۔ میَں پِھر پِھر ویکھے مندر مسجد شِودوالے مٹھ تتاں والے سمادھ، سمگریِاں کھوجیِاں چائیں چائنیا۔ رسنا جِہوا بتّی دند اکھّراں والے سُن دا رہیا ناد، ڈھولے صِفتاں والے صِفت صالاحیِا۔ میَں نِگاہ ماری وِچ برہماد، برہمانڈ کھوج کھوجائیا۔ جِدھر تکیا دِسیا واد وِواد، وِکھ
امرت روُپ نہ کوئے بنائیا۔ تُوں میرا موہن مادھوَ مادھ، مِہربان اگمّ اتھاہیِا۔ آد جُگاد بودھ اگادھ، بُدھی توں پرے تیری پڑھائیا۔ ماٹی خالی کاچا بھانڈا تَینوُں رہیا ارادھ، گُن تیرے ڈھولے گائیا۔ پُرکھ اکالے دیِن دَیالے اپنی کِرپا دا میرے اندر پا پرسادِ، پرسادی ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے انتشکرن رہے نہ واد وِواد، امرت رس بِن رسنا دینا چکھائیا۔
۲۳ اَسوُ شہنشاہی سمت ۱۱ پِنڈ مہاؤن ضِلع لُدھیانہ جرنَیل سِنگھ دے گرِہ
دھرنی کہے میرے وڈّے ہوون بھاگ، بھگوَن دیوے مان وڈیائیا۔ میرے اُتوں کلجُگ کوُڑ دی بُجھے آگ، ترےَگُن تت نہ کوئے تپائیا۔ سَت دیِپک جوت جگے چراغ، چراگاہاں کرے رُشنائیا۔ جن بھگتاں اندر بخشے وَیراگ، وَیری اندروں باہر کڈھائیا۔ ہرِجن ہنس بنائے پھڑ پھڑ کاگ، سوہنگ مانک موتی چوگ چُگائیا۔ دُرمت میَل دھووے داغ، پتت پُنیِت آپ اکھوائیا۔ ساچا اِشنان کرائے اگمّی دھوُڑ مجن ماگھ، ممتا موہ وِکار چُکائیا۔ سنت سُہیلے جاون جاگ، سُرتی شبد نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے میرا ہویا وقت سُہنجنا، پربھ دیوے مان وڈیائیا۔ کِرپا کرے آد نِرنجنا، نر نرائن دُھردرگاہیِا۔ جِس دے چرن دھوُڑ کراں مجنا، میرے پاپاں کرے صفائیا۔ سدا سُہیلا ہووے سجّنا، سخا اِک اکھوائیا۔ جِس میرا پردہ کجنا، سِر میرے ہتّھ ٹِکائیا۔ جِس دا نام نِدھانا ڈنکا وجنا، چاروں کُنٹ کرے شنوائیا۔ جِس دے حُکم وِچ لکھّ چؤراسی جیِو جنت بجھّنا، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرنی کہے میَں خوشیاں گاواں گیِت، سَتگُر گوبِند دھار دئے وڈیائیا ۔ جو جن بھگتاں کرے سچ پریِت، پریِتم ہو کے میلا میلے چائیں چائنیا۔ میرا دھام سُہائے بِنا مندر مسیِت، بِن کعبیاں کرے رُشنائیا۔ میَنوُں سوامی مِلیا ترےَگُن اتیِت، ترےَبھگن دھنی نوُر الاہیِا۔ میرا خوشی ہویا چیِت، چِت وِت ٹھگؤری رہی نہ رائیا۔
میَں اپنا آپ لیا جیِت، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا در اِک سُہائیا۔ دھرنی کہے میَں اِکو منگ منگدی، مانگت ہو کے جھولی ڈاہیِا۔ پرم پُرکھ جگت گھڑی ہووے لنگھدی، پل پل تیرا نام دِھیائیا۔ میرے اُتوں کھیل مُکا دے بُھکھ ننگ دی، جگت دلِدر ڈیرہ ڈھاہیِا۔ خوشی دے دے اپنے انند دی، انند انند وِچوں پرگٹائیا۔ وڈیائی تکاں تیرے بھگت چند دی، چند چاندنی کر رُشنائیا۔ وڈیائی ہووے تیرے اِکو چھند دی، سو پُرکھ نِرنجن دئے وڈیائیا۔ میری آشا پوُری کر دے بند بند دی، بندگی تیرے چرن رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں آشا پوُری کرنی تت پنج دی، پنچم میِتے ٹھانڈے سیِتے در اپنے دینی وڈیائیا۔
۲۳ اَسوُ شہنشاہی سمت ۱۱ سرہند شہر گُردرشن سِنگھ دے گرِہ رام سروُپ سُکھ رام داس کرِشن کُمار دیوی دَیال
دھرنی کہے میرے پروردگار نوُر الاہ، یامبیِن تیری سرنائیا۔ جوتی جاتے پُرکھ بِدھاتے اگمّ اتھاہ، سو پُرکھ نِرنجن تیری اوٹ تکائیا۔ جلوہ گر خودی توں باہر میرے خُدا، خادم ہو کے سیِس نِوائیا۔ میرے سِری بھگوان نؤجواں، مرد مردانے تیری اوٹ رکھائیا۔ پُرکھ اکالے دیِن دَیالے بِن ہتّھاں میری پکڑ لےَ بانہہ، بِن تتاں تت جنائیا۔ تُوں مالک خالق دو جہاں، نِرگُن نِروَیر اگمّ اتھاہیِا۔ میَں دھرم دی دھار رہی نہ دھرنی ماں، مئیا سئیا رنگ نہ کوئے رنگائیا۔ میرے اُتے جھگڑا تک لےَ سوُر گاں، پنچھی پشوُ سارے روون مارن دھاہیِا۔ کلجُگ جیِواں بُدھی ہوئی وانگ کاں، کاگ وانگ سرب کُرلائیا۔ ہِردے وسیا دِسے کِسے نہ ناں، ناؤں نِرنکار تیرے رنگ نہ کوئے رنگائیا۔ میرے مالک خالق پوِتر رہیا کوئی نہ تھاں، تھننتر ویکھن کوئے نہ پائیا۔ آ کے ویکھ لےَ میرا گراں، گرِہ مندر پردہ آپ چُکائیا۔ تیرے چرن کوَل دھوَل ہو کے بل بل جاں، ایکا سرن دینی سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے میرے پُرکھ اکال اگمّڑے، بےانت بےعیب تیری وڈیائیا ۔ نِگاہ مار لےَ کایا ماٹی مانَو چمڑے، چمّ درِشٹی ویکھ وکھائیا۔ میرے اُتے
دیِن دُنی دے حال ہونے مندڑے، مندبھاگی دِسے لوکائیا۔ تیری قیِمت رہی نہ کؤڈی دمڑے، دامنگیِر تیرا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ تیرے در جگاواں الکھ، الکھ اگوچر تیری اوٹ تکائیا۔ نِرگُن دھار ہو پرتکھ، پت پرمیشور اپنا روُپ بدلائیا۔ میرا بھانڈا ویکھ لےَ خالی سکھ، سچ وست رہن نہ پائیا۔ جِؤں بھاوے میری پَیج لیَنی رکھ، رکھک ہو کے ہونا سہائیا۔ سچ پریِتی کھیڑا ہویا بھکھّ، بھٹھ دِسے کوُڑ لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دینی وڈیائیا۔ دھرنی کہے میرے پربھوُ میری بیننتی تیرے اَگے ارداس، عرضوئی اِک سُنائیا۔ تُوں شہنشاہ شاہو شاباس، پاتشاہ بےپرواہیِا۔ کلجُگ کوُڑی کِریا تک لےَ تن وجوُد ماٹی خاک لاش، سریِر اندر دھیان لگائیا۔ کُچھ لہنا دینا میرے نال مِلا دے شنکر کَیلاش، کلادھاری دے وڈیائیا۔ میری جُگ چؤکڑی پُرانی پوُرب آس، ترِسنا تیرے چرن ٹِکائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ تُوں دُھر دا میِت مُرار، مِتر پیارا اِک اکھوائیا۔ سو پُرکھ نِرنجن پاؤنی سار، سِر سِر اپنا ہتّھ ٹِکائیا۔ ایکنکار دینا ادھار، دوُسر اوٹ نہ کوئے رکھائیا۔ آد نِرنجن کر اُجیار، جوتی جاتا ڈگمگائیا۔ ابناشی کرتے کرنا پیار، مُحبّت اپنا نام سمجھائیا۔ سِری بھگوان میرا قرضہ دینا اُتار، مقروُض تیرے در تے منگ منگائیا۔ پاربرہم ہو جا خبردار، بےخبراں خبر سُنائیا۔ سَتگُر شبد بول جَیکار، سندیسہ دو جہان دِرڑائیا۔ برہمے برہم کر اُجیار، بھیوَ ابھیدا آپ کُھلائیا۔ وِشنوُں وِشوَ بھر بھنڈار، خالی جھولی رہن نہ پائیا۔ شنکر کوُڑی کِریا کر دے پار، سَت ترِسوُل اِک چمکائیا ۔ نؤ کھنڈ پرِتھمی تُوں ویکھنی اپنی دھار، جگت اکھّ نہ کوئے کُھلائیا۔ میَں روواں زارو زار، ذرّہ ذرّہ رہیا کُرلائیا ۔ تُوں مالک سوامی میرا کنت بھتار، تُدھ بِن دوُجا نظر کوئے نہ آئیا۔ نِہکلنکا کل کلکی بن اِک اوتار، اوتری ہو کے ویکھ وکھائیا۔ اِمام اِماما پاؤنی سار، سِکدار نوُر الاہیِا۔ میَں تیری طلب گار، سنت کُمار رہیا جنائیا۔ براہ نے دِتا اگمّ اِشار، سیَنت اکھّ نہ کوئے دِرڑائیا۔ یگے پُرش کیِتی وِچار، بِن بُدھی بودھ کرائیا۔ حیگریِب کِہا تُوں پاوَنہارا سار، دوُجا نظر کوئے نہ آئیا۔ نر نرائن تیرے سب کُچھ اختیار، حُکمے اندر اپنا حُکم ورتائیا۔ دتا ترےَ کوُک گیا پُکار، دو جہان سُنائیا ۔ رِکھپ آسا رکھی دیِن دُنی توں باہر، بھیوَ ابھید اپنے وِچ چُھپائیا۔ پرِتھوُ کر کر نِمسکار، ڈنڈاوت بندنا وِچ سیِس جھُکائیا۔ متس تیرے
چرناں دھوُڑی لا کے چھار، ٹِکّے خاک رمائیا۔ کچھپ ہو کے آپے ظاہر، مِندرا اپنے پِٹھ اُٹھائیا۔ دھننتر تیرا کھیل نیار، کھیل کھیلیا چائیں چائنیا۔ ہنسا باوَن پا کے سار، پاربرہم پربھ اپنا روُپ جنائیا۔ ہری ہر ہو کے آپ خبردار، بےخبراں خبر سُنائیا۔ دوُتاں دُشٹاں آپ سنگھار، موہن مادھوَ اپنی کل ورتائیا۔ باوَن تیرا روُپ اگمّ نیتر دِسے نہ وِچ سنسار، جگ نیتر ویکھن کوئے نہ پائیا۔ نر نرائن ہو اُجیار، اُجالا کیِتا تھاؤں تھائنیا۔ تیرا کھیل سدا جُگ چار، جُگ چؤکڑی ویکھ وکھائیا۔ رام راما روُپ دھر اپر اپار، کھیل کھیلیا چائیں چائنیا۔ کاہنا کرِشنا تریَلوکی تیرے چرن بِھکھار، مُکند منوہر لکھمی نرائن تیری وڈیائیا۔ پرس رام دی کھتری باہمن توں باہر دی دھار، جگت شستر نہ کوئے لڑائیا۔ وید ویاسا بن لِکھار، لیکھ لِکھیا چائیں چائنیا۔ جُگ چؤکڑی لنگھدے گئے پار، پاربرہم تیری سیو کمائیا۔ پَیغمبراں پَیغام دِتا دسیا وِچوں نِراکھّر دھار، موُسیٰ عیسیٰ محمد کر شنوائیا۔ نانک گوبِند دے ادھار، جےَ جےَ کار کراوے خلق خُدائیا۔ انتم پرم پُرکھ پرماتم دھرنی کہے تیری آئی وار، وارث ہو کے ویکھ وکھائیا۔ سمبل نگری تیرا دھام نیار، ساڈھے تِنّ ہتّھ وجے ودھائیا۔ شبدی شبد تیرا جَیکار، بِن کنّاں سروناں کر شنوائیا۔ تیرا روُپ انوُپا شاہو بھوُپا دِس نہ آوے وِچ سنسار، سنساری بھنڈاری سنگھاری تیرے ڈھولے گائیا۔ میَں انت کنت بھگوَنت تیرا کردی اِنتظار ، بِن نیَناں راہ تکاں چائیں چائنیا۔ تُوں شاہ سُلطانے نؤجوانے مرد مردانے میَنوُں بخش دے دھوُڑی چھار، ٹِکّے خاک خاک رمائیا۔ میری بیننتی تیرے در پُکار، پُنہ پُنہ سیِس جھُکائیا۔ کلجُگ کوُڑی کِریا جیِواں جنتاں اندروں کڈھکے باہر، سادھاں سنتاں رنگ رنگائیا۔ اِکو نام کلمہ سرِشٹ سبائی انتر نِرنتر تیرا ہووے پیار، مُحبّت اپنی اِک سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا در آپ سُہائیا۔ دھرنی کہے میرے سوامی انترجامی نِہکامی میری اِک عرضوئی، جگت خواہش تمنّا سنگ نہ کوئے رکھائیا۔ تُدھ بِن میری سار پائے نہ کوئی، کوُک کوُک دیاں دُہائیا۔ نوَ ستّ تیرے نام ملِے نہ ڈھوئی، ڈھولک چَھینے کمّ کِسے نہ آئیا۔ مانَو ذاتی سُرت شبد سکے نہ کوئے پروئی، پروہت سکے نہ کوئے سمجھائیا ۔ میرے مالک خالق پروردِگار نوُر الاہ میری دروہی، دو جہاناں دیاں سُنائیا۔ آتم پرماتم تیرے نال کِسے نہ چھوہی، مِل کے وجے نہ کوئے ودھائیا۔ جِدھر تکاں گھر گھر کایا مندر اندر پنج گروہی، دِوس رَین بھجّن واہو داہیِا۔ سُرتی اُٹھے کِسے نہ سوئی، سوادھان نہ کوئے کرائیا۔ امرت بوُند سوانت کوئے نہ چوئی، سانتک سَت نہ کوئے ورتائیا۔
دھرنی کہے پربھوُ میری پت گئی کھوہی، پت پرمیشور اوڈھن سیِس نہ کوئے ٹِکائیا۔ میرے اُتے اوتار پَیغمبراں گُروُآں لیکھے لا کے بھوِکھتاں والی پیشیِنگوئی، پیش ہو کے پیشتر تَینوُں دیاں جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرے پیار مُحبّت تیری سرِشٹی درِشٹی اندروں گئی موہی، ناتا بِدھاتا اِکو اِک لیَنا جُڑائیا۔
۲۴ اَسوُ شہنشاہی سمت ۱۱ سرہند شہر وِچ گُردرشن سِنگھ دے گرِہ
سَتگُر شبد سدا بخشند، بخشنہار آد جُگاد اکھوائیا۔ جن بھگتاں دیونہار سدا انند، انند انند وِچوں پرگٹائیا۔ انتر نِرنتر چاڑھنہارا نوُری چند، جوتی جاتا ہو کے ڈگمگائیا۔ تُوں میرا میَں تیرا آتم پرماتم دسےّ چھند، سوہنگ ڈھولا اگمّ اتھاہیِا۔ خوشی کرائے بند بند، بندھن کوُڑ رہے نہ رائیا ۔ بھانڈا بھرم بُھلیکھا ڈھاہے کندھ، انتر نِرنتر دھیان لگائیا۔ سچ دوار نِرگُن دھار ہو کے جاوے لنگھ، اَگے ہو نہ کوئے اٹکائیا۔ آتم سیج سُہائے پلنگ، سچ سِنگھاسن ڈیرہ لائیا۔ پنج وِکار میٹ کے جنگ، ہنگ برہم دئے سمجھائیا۔ مانَس جنم ہوون نہ دیوے بھنگ، سِر سِر اپنا ہتّھ ٹِکائیا۔ کایا چولی چاڑھے رنگ، دُرمت میَل میَل دھوائیا۔ لیکھا جانے تت پنج، پنچم میِتا ہو کے کھوج کھوجائیا۔ من کلپنا رہن نہ دیوے رنج، رنجش اندروں باہر کڈھائیا۔ اِکو رنگ رنگائے سویر سنجھ، سندھیا سرگھی مِل کے وجے ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا ۔ سَتگُر شبد سدا مِہربان مِہربان مِہربان، مِہر نظر اُٹھائیا۔ آد جُگاد نؤجوان، جُگ جُگ اپنا حُکم ورتائیا۔ دھرنی دھرت دھوَل دھؤل ہُندا پردھان، اوتار پَیغمبر گُر اپنا کھیل کھِلائیا۔ دُھر سندیسہ دیوے نام نِدھان، کلمہ کائنات پڑھائیا۔ جگت جُگت شاستراں دے گیان، وِدیا وِدت روُپ درسائیا۔ بھیوَ ابھیدا کھولے آن، اَنک کل دھاری اپنی کل پرگٹائیا۔ جِس دا کھیل زِمیں اسمان، دو جہان رچن رچائیا۔ سو بھگت وچھل بھگوان، ہرِ کرتا اگمّ اتھاہیِا۔ جو لہنا دینا دیونہار نبی نوُح اِنسان، لکھّ چؤراسی پردہ آپ اُٹھائیا۔ جِس نوُں سب نے دُھر دا منّیا رام، کاہن کاہنا آپ ہو جائیا۔ جِس اُتے پَیغمبراں آؤندا اِیمان، سجدیاں وِچ سیِس جھُکائیا۔ جِس نے نانک دات دِتی ستنام، نام نِدھانا جھولی پائیا۔ جِس دا ڈنکا فتح مہان، گوبِند گیا گائیا۔
سو پُرکھ اکالا نؤجوان، دیِن دَیال اِک اکھوائیا۔ جو دیونہار غریِب نِمانیاں مان، سِر سِر اپنا ہتّھ ٹِکائیا۔ جِس دے پیار وِچ روگ سوگ سرب مِٹ جان، دُکھ دلِدر رہے نہ رائیا۔ انتر آتم نِجھر جھِرنا ملِے پیِن کھان، بوُند سوانتی آپ ٹپکائیا۔ شبد انادی دئے دُھنکان، انحد نادی راگ سُنائیا۔ آتم جوتی جوت جگائے مہان، اندھ اندھیرا رہے نہ رائیا۔ گھر ٹھاکر سوامی ملِے آن، نوُر نوُرانہ دُھردرگاہیِا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا گھر آپ سُہائیا۔ سَتگُر شبد لیکھا جانے کایا مندر، ساڈھے تِنّ ہتّھ کھوج کھوجائیا۔ بجر کپاٹی توڑنہارا جِندر، کُنجی نام اپنی آپ لگائیا۔ بھاگ لگائے ڈوُنگھی کھنڈر، اندھ اندھیرا ویکھ وکھائیا۔ منوُآ من دہ دِشا اُٹھ نہ دھائے بندر، دِوس رَین بھجےّ نہ واہو داہیِا۔ دیوے پرکاش بِنا سوُریہ چندر، چند چاندنی کر رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ سَتگُر شبد سچّا محبوُب، محبان اِک اکھوائیا۔ جِس دا عالیشان عروُج، عرش فرش دا مالک نوُر الاہیِا۔ جِس دی دو جہاناں باہر آواز، شبدی دھار کرے شنوائیا۔ تِس سَتجُگ تریتا دواپرکلجُگ دیِن دُنی چلایا جہاز، بیڑا چپوُ اپنا نام رکھائیا۔ سو بھگتاں پوُرے کرنہارا کاج، کرتا پُرکھ اِک اکھوائیا۔ جِس نوُں سب نے منّیا گُروُ مہاراج، شاہ پاتشاہ شہنشاہ نوُر الاہیِا۔ سو صاحِب سوامی انترجامی دُرمت میَل دھوونہارا داغ، پتت پُنیِت آپ کرائیا۔ پھڑ پھڑ ہنس بنائے کاگ، سوہنگ مانک موتی چوگ چُگائیا ۔ کایا مندر اندر سُرتی جاوے جاگ، جاگرت جوت کرے رُشنائیا۔ ترےَگُن مایا بُجھا کے آگ، سانتک سَت سَت وکھائیا۔ جو سچ سرنائی جاوے لاگ، سَتگُر دیوے مان وڈیائیا۔ سَتگُر شبد غریِب نِمانیاں کرے وڈ وڈ بھاگ، بھگوَن ہو کے ویکھ وکھائیا۔ گھر دیِپک جگا چراغ، اندھ اندھیرا دئے گوائیا۔ بِنا کرنی کرتب انتشکرن اُپجائے وَیراگ، وَیری اندروں باہر کڈھائیا۔ من کلپنا ہوئے تیاگ، چِنتا چِکھا نہ کوئے جلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان ، جن بھگت سُہیلے پکڑنہارا آپے واگ، ڈوری اوَر ہتّھ نہ کِسے پھڑائیا ۔
۲۴ اَسوُ شہنشاہی سمت ۱۱ پِنڈ راؤنی ضِلع لُدھیانہ سردارا سِنگھ دے گرِہ
سَتگُر شبد سدا سُکھدائی، گہر گمبھیِر بے نظیِر اِک اکھوائیندا۔ جُگ جُگ کھیلے کھیل ہو کے بے پرواہی، سَتجُگ تریتا دواپرکلجُگ اپنا رنگ رنگائیندا۔ بھگت سُہیلے آد جُگاد لئے اُٹھائی، جگت آلس نِندرا وِچوں باہر کڈھائیندا۔ دیوے نام نِدھانا بن کے دُھر دا ماہی، محبوُب ہو کے اپنا بھیوَ چُکائیندا ۔ سَت ستوادی برہم برہمادی بخشے سچّا تھائیں، تھان تھننتر اِک وڈیائیندا۔ جوتی جاتا ہو کے پکڑے باہیِں، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیندا۔ سَتگُر شبد آد جُگادی، نِرگُن اپنی کار کمائیندا۔ لیکھا جانے برہم برہمادی، پاربرہم سنگ نِبھائیندا۔ سَت سَت دا بن کے روُپ سدا ستوادی، سَت رنگ رنگ رنگائیندا۔ اپنی آواز سُنائے دُھن انادی، انحد اپنا راگ دِرڑائیندا۔ بِسمِل دھار ہوئی وِسمادی، جگ نیتر نظر کِسے نہ آئیندا۔ جِس دا حُکم بودھ اگادھی، من مت بُدھ توں پرے سمجھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ نِبھائیندا۔ سَتگُر شبد سدا کُلونت، کُل بھگتاں ویکھ وکھائیا۔ جِس دا نام نِدھانا اگمّی منت، منتوَ ہرِجن پوُر کرائیا۔ جِس دی دھار چار جُگ دے سنت، سَتگُر دیونہار وڈیائیا۔ سو گڑھ توڑنہارا ہؤمے ہنگت، ہنگ برہم دئے سمجھائیا۔ نِرگُن دھار بن کے پنڈت، جگت وِدیا باہر پڑھائیا ۔ جِس دا لیکھا آد انت، جُگا جُگنت کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ رکھائیا۔ سَتگُر شبد سدا سنگی، آد جُگاد سنگ نِبھائیندا۔ کایا ماٹی چولی دیوے رنگی، رنگت دو جہان وکھائیندا۔ جن بھگتاں پُشت ہوون نہ دیوے ننگی، سِر اپنا ہتّھ اٹکائیندا۔ آتم دھار دیوے انندی، پرمانند وِچ رکھائیندا۔ تُوں میرا میَں تیرا دسےّ چھندی، سوہنگ ڈھولا اِک دِرڑائیندا۔ بجر کپاٹی توڑے جندی، زِندگی اپنے نال مِلائیندا۔ لکھّ چؤراسی کٹے پھندی، جم کی پھاس نہ کوئے وکھائیندا۔ نوُری چند چاڑھ کے چندی، اندھ اگیان گوائیندا۔ جِس دے حُکم وِچ جُگ چؤکڑی لنگھی، سو کلجُگ انتم پھیرا پائیندا۔ جن بھگتاں سد کٹّنہارا تنگی، دُکھ دلِدر ڈیرہ ڈھائیندا۔ منوُآ من نہ رہے فرنگی، فَیصلہ اِکو حق سُنائیندا۔ آتم پرماتم نال کرے سندھی، ناتا بِدھاتا آپ جُڑائیندا۔ جھگڑا مکُے جیرج انڈی، اُتبُھج سیتج ڈیرہ ڈھائیندا۔ انت کنت بھگوَنت ہرِجن لےَ کے جاوے سچکھنڈی، دوارا ایکنکارا اِک وکھائیندا۔
جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بنک اِک وڈیائیندا۔ سَتگُر شبد بھگت سُہیلا میِتا، مِتر اِک اکھوائیا۔ جو نِرگُن وسے چیِتا، ٹھگؤری چِت رہے نہ رائیا۔ تن وجوُد کرے ٹھانڈا سیِتا، اگنی تت بُجھائیا۔ بھاگ لگائے دَیا کمائے درس دِکھائے کایا مندر مسیِتا، کعبہ اِکو اِک نظری آئیا۔ جِتھے وسے ترےَگُن اتیِتا، ترےَبھوَن دھنی دُھر دا ماہیِا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا گھر آپ سُہائیا۔ سَتگُر شبد سدا سُہیلا، سنگی اِک اکھوائیا۔ جن بھگتاں کرے اپنا میلا، مِلنی ہرِ جگدیِش رکھائیا۔ بنک دوار اِک سُہائے گُروُ گُر چیلا، دوُجا نظر کوئے نہ آئیا۔ جو آد جُگاد اچرج کھیل کھیلا، خالق خلق ہو کے ویکھے چائیں چائنیا۔ جو وسنہارا دھام نویلا، سچکھنڈ ساچے سوبھا پائیا۔ سو جن بھگتاں کلجُگ انتم بنے سجّن سُہیلا، سگلا سنگی اِک اکھوائیا۔ جوتی جوت سروُپ ہرِ، آپ اپنی کِرپا کر ، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان آون جاون پتت پاوَن کٹّنہارا دھرم رائے دی جیلا، مِہربان ہو کے اپنی دَیا کمائیا۔
۲۴ اَسوُ شہنشاہی سمت ۱۱ پِنڈ ہربنس پُرا ضِلع لُدھیانہ گُرنام سِنگھ، جسونت سِنگھ، پریم سِنگھ،
شمشیِر سِنگھ، راج سِنگھ، کرنَیل سِنگھ، اِندر سِنگھ
دھرنی کہے میرے سِری بھگوان، بھگوَن بھگوَنت تیری اوٹ تکائیا۔ میرے آد جُگادی کاہن، نِرگُن دھار تیری سرنائیا۔ جوبن ونتے نؤجوان، شاہ پاتشاہ شہنشاہ تیرے ہتّھ وڈیائیا۔ میرا لہنا دینا تک لےَ ہو کے نِگاہبان، بِن نیَناں نیَن اُٹھائیا۔ نوَ ستّ مار دھیان، ویکھنا تھاؤں تھائنیا۔ کلجُگ کوُڑی کِریا ہوئی پردھان، دِوس رَین بھجےّ واہو داہیِا۔ من کلپنا ہوئی شیَطان، شرع کوُڑ کرے لڑائیا۔ تیرا پریم پیار رہیا نہ کِسے وِچ اِنسان، اِنسانیت ہتّھ کِسے نہ آئیا۔ میَں بِھکھارن ہو کے منگاں دان، منگتی ہو کے جھولی ڈاہیِا۔ وست امولک ایکا دیوے نام نِدھان، نِروَیر نِراکار نِرنکار آپ ورتائیا ۔ میَنوُں تیرے اُتے مان، ابِھمان دیِن دُنی دینا مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے میرے بھگوَنت، بھگوَن تیری اوٹ تکائیا۔ میرے آد جُگادی کنت، کنتُوہل تیری
سرنائیا۔ میرے اُتے اِکو نام دے دے منیِا منت، من منسا کوُڑ دے گوائیا۔ گڑھ توڑ دے ہؤمے ہنگت، ہنگ برہم آپ سمجھائیا۔ تُوں بودھ اگادھا پنڈت، جگت شاستراں باہر تیری پڑھائیا۔ کلجُگ لیکھا ویکھ لےَ انت، انتشکرن تک خلق خُدائیا۔ میری تیرے در ٹھانڈے اِک بیننت، عرضوئی کر کے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ رکھائیا۔ دھرنی کہے میرے پرم پُرکھ قُدرت دے قادر کرنیہار، کریِم بےعیب نوُر الاہیِا۔ تُدھ بِن اوَر نہ کوئے مددگار، سانجھا یار نظر کوئے نہ آئیا۔ میَں آد جُگاد تیری خِدمتگار، خادم ہو کے سیو کمائیا۔ سَتجُگ تریتا دواپرکلجُگ ویکھ لےَ جُگ چار، چارے کُنٹ چارے کھانی دھیان لگائیا۔ میرا نوَ ستّ رہیا پُکار، اُچی کوُک کوُک دُہائیا۔ جوتی جاتے پُرکھ بِدھاتے کلجُگ انت پا سار، مہاسارتھی ہو کے ویکھ وکھائیا۔ میرے اُتوں پاپاں لاہ بھار، پتت پُنیِت دے بنائیا۔ میری انتشکرن دی سُن لےَ گِریہ زار، گِرور گِردھار گوبِند تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے میرے پُرکھ اکالے دیِن، دیِنن دَیا کمائیا۔ میَں تَینوُں رہی چیِن، دوُسر اِشٹ نہ کوئے رکھائیا۔ تُوں نِگاہ مار لےَ لوک تیِن، ترےَگُن اتیِتے ویکھ وکھائیا۔ میَں نِمانی کوجھی کملی مسکیِن، بَل اپنا نہ کوئے جنائیا۔ تیری دیِن دُنیا تیری رہی نہ موُل ادھیِن، بھےَ بھؤ سِر نہ کوئے رکھائیا۔ سب دی منسا آسا ہوئی کمیِن، کامل مُرشد تیرا درس کوئے نہ پائیا۔ تُوں شاہ پاتشاہ رحیِم ، رحمت اِک کمائیا۔ جِس بِدھ مانَس ذاتی کیِتی تقسیِم، انت لیکھا دینا مُکائیا۔ تُوں مِہربانا نؤجوانا سِری بھگوانا مرد مردانہ قدیِم، قُدرت دا قادر اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ میرے اُتے کر دے رحمت، مِہر نظر اُٹھائیا۔ تیرے چرن کوَل میری آسا ہووے سہمت، دوُسر راہ نہ کوئے تکائیا۔ کلجُگ کوُڑی کِریا کڈھ دے زحمت، جہاں تہاں ہو سہائیا۔ چار جُگ دی لیکھے لا لےَ مِحنت، در ٹھانڈے آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری سرنائیا۔ پُرکھ اکال کہے سُن دھرنی دھرت دھوَل دھؤل، دھرم دھار جنائیا۔ اپنے وعدے تک لےَ قؤل، اِقرارنامے کھوج کھوجائیا۔ جو اِشارہ دِتا کرِشن کاہن ساول سؤل، تریَلوکی دھار دِرڑائیا۔ میَں ہر گھٹ اندر جاواں مؤل، مؤلا ہو کے ویکھ وکھائیا۔ تیرا اکھّر دھار نِراکھّر وِچ جناواں بول، انبولت آپ سمجھائیا۔ صدی چؤدھویِں انت نہ رہنا انبھول، بھانڈا بھرم بھؤ
بھنّائیا۔ نام کنڈے شبد ترازو دو جہان تولاں تول، لکھّ چؤراسی آپ اُٹھائیا۔ پرِتھمی پرتھم تیرے اُتے دیِن دُنی دا ویکھ گھول، تُوں گھولی جانا اپنا آپ گھُمائیا ۔ انت کنت بھگوَنت تیرا درد دُکھ ونڈے اُتے دھؤل، دھرم دھرم دھرم دھار سمجھائیا۔ لکھّ چؤراسی وِچوں بھگت سُہیلے لئے وِرول، نِرگُن سرگُن اپنے رنگ رنگائیا۔ سَت دھرم دا در دروازہ غریِب نوازا سَتجُگ دیوے کھول، کُنڈی کھِڑکی بند نہ کوئے کرائیا۔ نِرگُن داتا پُرکھ بِدھاتا ایکا دیوے نام انمول، انمُلڑی وست آپ ورتائیا۔ سچ سوامی گھٹ نِواسی سد وسے تیرے کول، دوُر دُراڈا پندھ مُکائیا۔ اِکو نام نِدھانا نؤجوانا وجائے اگمّا ڈھول، جِس دی آواز سُنن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ دھرنیئے تیرے اُتے دھرم کماواں گا۔ نِہکرمی ہو کے کرم دِرڑاواں گا۔ بھانڈا بھرم بھرم بھنّاواں گا۔ سَتجُگ سچ سچ پرگٹاواں گا۔ کایا ماٹی بھانڈا کچّ، کوُڑی کِریا باہر کڈھاواں گا۔ منوُآ من پئے نہ نچّ، دہ دِشا دا پندھ مُکاواں گا۔ ساچی دے کے اِکو مت، برہم مت آپ سمجھاواں گا۔ مانَو ذاتی بخش کے اِکو تت، تتو تت بھیوَ کُھلاواں گا۔ ناڑ بہتّر نہ اُبلے رت، امرت میگھ نام برساواں گا۔ تیرے اُتے ضرور آواں وت، بےوطناں ویکھ وکھاواں گا۔ جِس کارن تُوں واسطہ رہی گھت، تیرا ستھر سیج لیکھے لاوانگا۔ نِرگُن دھار جوڑ کے نت، سرگُن اپنی گنڈھ پواوانگا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان دھرم دی دھار تَینوُں بخش کے یتِ، ست تیری گود ٹِکاواں گا۔
۲۴ اَسوُ شہنشاہی سمت ۱۱ پِنڈ دوراہا ضِلع لُدھیانہ نچھتر سِنگھ دے گرِہ
دوراہا کہے جن بھگتو جگت دھار وِچ نہ رہنا دو، دوُآ ایکا ایکا روُپ سمائیا۔ دُھر سندیسہ نر نریشا سُنو اگمّا سو، سو پُرکھ نِرنجن آپ دِرڑائیا۔ آتم دھار نِرگُن سارے جاؤ ہو، ہاہا ٹِپی اپنا رنگ وکھائیا۔ بِنا پُرکھ اکال دوُسر اِشٹ دِسے نہ کو، سیِس بِن جگدیِش نہ کوئے نِوائیا۔ پاربرہم برہم میل مِلاؤ سچ مُحبّت موہ، وِکار ہنکار جگت نہ کوئے جنائیا۔ امرت رس بوُند سوانتی نِجھر جھِرنا کول نابھی لیَنا چو،
جگت ترِسنا کوُڑ رہے نہ رائیا۔ پنچ وِکارا وِچ سنسارا میٹنا گروہ، گرِہ مندر اندر تن وجوُد وجے ودھائیا۔ بِن نیتر لوچن نیَن گھر ویکھو اگمّی لو، لوئن اپنا آپ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دوراہا کہے جن بھگتو جگت دھار چھڈنی دو دھڑ، وکھری ونڈ نہ کوئے ونڈائیا۔ ایکا اکھّر نِراکھّر دھار جانا پڑھ، رسنا جِہوا ہوئے نہ کوئے ہلکائیا۔ اِک دوار جانا کھڑ، سچ محل اٹل سوبھا پائیا۔ اِکو منزل جانا چڑھ، جِتھے ملِے دُھر دا ماہیِا۔ سچکھنڈ دوار بِن قدماں جانا وڑ، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دوراہا کہے میرا دوہرا اِک سندیس، سندھیا سرگھی باہر جنائیا۔ سب دا مالک اِک نریش، نر نرائن نوُر الاہیِا۔ جِس نوُں جھُکدے وِشن برہما شِو گنیش، کروڑ تیتیِسا سیِس نِوائیا۔ جو آد جُگادی رہے ہمیش، ہم ساجن دُھردرگاہیِا۔ جِس دا لہنا دینا کلجُگ انتم نال دس دسمیش، دہ دِشا ویکھ وکھائیا۔ اوہ میٹنہارا کلجُگ کِریا کوُڑ ملیچھ، ممتا موہ وِکار گوائیا۔ جوتی جاتا پُرکھ بِدھاتا ہو کے ہر گھٹ انتر کرے پرویش، پرا پسنتی مدھم بَیکھری دھار نہ کوئے دِرڑائیا۔ اوہ وسنہارا ایکنکارا سمبل دیس، ساڈھے تِنّ ہتّھ اپنا رنگ رنگائیا۔ جِس دے اَگے اوتار پَیغمبر گُروُ ہوئے پیش، پیشیِن گوئیاں اپنے ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ دوراہا کہے جن بھگتو دیِن دُنی دی تک لؤ دوہری دھار، دھرم وِچ نہ کوئے سمائیا۔ جو سندیسہ دے کے گئے پَیغمبر گُر اوتار، اوتری ہو کے مات دِرڑائیا۔ جو کاتب بن کے بنے لِکھار، لیکھا لِکھیا چائیں چائنیا۔ جو حُکم سندیسہ دِتا آپ کرتار، قُدرت قادر گیا دِرڑائیا۔ ویکھے وِگسے پاوے سار، ویکھنہارا نوُر الاہیِا۔ نؤ کھنڈ پرِتھمی ستّ دیِپ رہیا وِچار، وِچرن دی لوڑ رہے نہ رائیا ۔ جِس نوُں سب نے کِہا کل کلکی اوتار، نِہکلنکا ڈنک وجائیا۔ اِمام اِماما ہو سِکدار، حُکم سندیسہ دیوے دُھردرگاہیِا۔ جو لہنا دینا پوُرب سرب لئے وِچار، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ دوراہا کہے جن بھگتو دیِن دُنی دی ویکھو منڈی، منڈل منڈپاں وِچ دھیان لگائیا۔ کلجُگ کوُڑی کِریا ہوئی پکھنڈی، نوَ ستّ بھجےّ واہو داہیِا۔ بِنا پربھوُ توں آتما سب دی ہوئی رنڈی، کنت سُہاگ نہ کوئے ہنڈائیا۔ دیِن دُنی اوجھڑ پےَ گئی ڈنڈی، ڈنڈاوت بندنا سارے گئے بُھلائیا۔ میرا مِہربان سِری بھگوان کرنہار کھنڈ کھنڈی، کھنڈا کھڑگ نام اُٹھائیا۔ نوَ ستّ دی دھار جائے ونڈی،
ونڈنہارا اِک اکھوائیا۔ جِس دے حُکم وِچ چلنی چنڈی، چنڈ پرچنڈ روُپ بدلائیا ۔ اوہ جن بھگتاں سدا پوَن دیوے ٹھنڈی، کلجُگ اگنی اگّ بُجھائیا۔ پِچھلی ٹُٹی جائے گنڈھی، گنڈھنہار گوپال سوامی اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ دوراہا کہے جن بھگتو جگت دے دوویں راہ دینے چھڈ، کِریا کوُڑ نہ کوئے پرنائیا۔ مایا ممتا نالوں ہونا اڈّ، ہؤمے ہنگتا سنگ نہ کوئے رکھائیا۔ کوُڑ نِشانہ جگت جہان دینا وڈھ، تندی تند نظر کوئے نہ آئیا۔ اِک نام نِدھانا تن وجوُد اندر دینا گڈّ، جِس دی جڑ نہ کوئے اُکھڑائیا ۔ لیکھے لاؤنے اپنے ماس ناڑی ہڈ، تن وجوُد وجدی رہے ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دوراہا کہے میرے اُتے سپتس رِکھیاں لایا ڈیرہ، پوُرب دیاں جنائیا۔ بالمیِک تِنّ دِن کر کے گیا وسیرا، رام تیِرتھ دئے گواہیِا۔ رام نے نیتر نال تکیا وِچ اندھیرا، لوچن نیَن اُٹھائیا۔ بل دا پِھر کے گیا وچھیرا، اسمیدھ یگ دُہائیا۔ نِگاہ مار کے تکدا رہیا سَتگُر شبد دھرنی اُتے کیہڑا چیرا، چیلا گُر کوَن اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دوراہا کہے میرے اُتے تریتا جُگ بیِتا، بیِتی کہانی دیاں سُنائیا۔ میَں آد جُگاد سب دی ویکھدا نیِتا، نیِتیوان اِک ہو آئیا۔ میرے دھام اُتے رام وِچھوڑے وِچ رہ کے گئی سیِتا، ستّ دِن اپنی سیج ہنڈھائیا۔ ایہہ کھیل جگت دیِاں اکھّیِاں باہر انڈیٹِھا، نیتر لوچن نیَن ویکھن کوئے نہ پائیا۔ جن بھگتو اِتھوں اِک دی دھار ملِے تے جگت دی دوُجی چھڈنی ریِتا، مندر مسیِتاں رنگ نہ کوئے رنگائیا۔ گھر سوامی ملِے ترےَگُن اتیِتا، ترےَبھوَن دھنی دئے وڈیائیا۔ جِس دے وِچ حق تؤفیِقا، تُحفے دیوے نام خُدائیا۔ تُہاڈیِاں آسا منسا پوُریاں کرے اُمیِدا، جو آمد وِچ آئے چل کے راہیا۔ تُہاڈی آسا کامنا ویکھے پوشیدہ، پردیاں وِچوں پردے آپ پُھلائیا۔ تُہانوُں درشن دیوے سنمُکھ تے سِدھا رکھے دیدہ، دیدہ دانِستہ اِکو نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ دوراہا کہے میرا آد آد دا پُرانا بھوِکھت، چار جُگ دے شاستر اکھّراں نال جنائیا۔ پُران گرڑ وِچ وید ویاس نے لِکھی لِکھت، کانڈ اٹھارواں نال مِلائیا۔ کِس بِدھ پُرکھ اکالے دیِن دَیالے برہمن گؤڑ دی دھار دیِن دُنی دی کھولنی درِشٹ، پردہ پردیاں وِچوں چُکائیا۔ پھیر سندیسہ دے کے گیا رام نوُں گُروُ وشِشٹ، وِشیاں باہر سمجھائیا۔ پَیغمبراں بِن شاہی توں لِکھی لِسٹ، الف یے ونڈ نہ کوئے ونڈائیا۔ نانک نِرگُن دھار ستنام دی دِتی
کِشت، سوہنا اپنا کھیل کھِلائیا۔ گوبِند پُری انند وِچ پہلے دِن اِک پیار دی بنّھی شِست، نِشانہ زِمیں اسمان بنائیا۔ دوراہا کہے نہ میرا لیکھا سوَرگ نہ نال بہِشت، دوزخاں ونڈ نہ کوئے ونڈائیا۔ میَنوُں آد دا پیار میرا پربھوُ دے نال عِشق، معشوُق اپنا آپ سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں دکھائے اِک اگمّا درِش، دِشا جگت ونڈ نہ کوئے ونڈائیا۔
۲۵ اَسوُ شہنشاہی سمت ۱۱ دوراہا شہر ضِلع لُدھیانہ گجّن سِنگھ دے گرِہ
دھرنی کہے پربھ میرے بے پرواہ، بے پرواہی تیری نظری آئیا۔ چار جُگ دے شاستر بنے گواہ، شہادت دیون تھاؤں تھائنیا۔ اوتار پَیغمبر گُروُ گئے جنا، سندیسہ دے کے چائیں چائنیا۔ بِنا پرم پُرکھ توں پکڑے کوئی نہ بانہہ، سگلا سنگ نہ کوئے نِبھائیا۔ میرے پُرکھ اکالے دیِن دَیالے انتم کر نیاں، در تیرے واسطہ پائیا۔ کلجُگ جیِو بُدھی ہوئی کاں، کاگ وانگ کُرلائیا۔ میَں دھرم دی دھرتی رہی نہ ماں، سچ سیِر نہ کوئے رکھائیا۔ میرا نؤ کھنڈ نگر کھیڑا ویکھ گراں، ستّاں دیِپاں پردہ لاہیِا۔ سنت سُہیلے اِک اَکیلے تُدھ بِن دیوے کوئی نہ ٹھنڈی چھاں، اگنی اگّ نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میرا ویکھ لےَ جگت جہان دا وقت، دیِن دُنی دھیان لگائیا۔ جھگڑا پیا بوُند رَکت، دروہی دِسے خلق خُدائیا۔ تیرا فِقرہ ڈھولا گائے کوئی نہ فقط، فقیِر نظر کوئے نہ آئیا۔ دیِن دُنی وِچ تک لےَ اپنے بھگت، بھگوَن اپنی دَیا کمائیا ۔ بِن تیری کِرپا سَت دِسے کوئی نہ شکت، شخصیّت رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست نام ورتائیا۔ دھرنی کہے پربھوُ میرا دے دے نام انمُلّا، قیِمت جگت نہ کوئے رکھائیا۔ تُوں مالک خالق کُل صُلح، سگلا سنگی اِک اکھوائیا۔ تیرا سہارا اگمّی ملِے تُلہا، کلجُگ نئیا نؤکا ہو کے پار لنگھائیا۔ سچ سرووراں وِچوں میرے پار امرت دھار ڈُلہا، سچ رس نہ کوئے رکھائیا۔ تیرا جیِو جگت پِھرے بُھلا، بھانڈا بھرم نہ کوئے بھنّائیا۔ مانَو ذاتی سَت دھرم دا پُھل ہُلا، پُھل ٹہنی سکے نہ کوئے مہکائیا۔ مِہربانا سِری بھگوانا اپنا دوارا کر دے کُھلا، خلق دے خالق اپنا پڑدا دے
کُھلائیا۔ نِگاہ مار لےَ کلجُگ کوُڑ اندھیرا جھُلا، پوَن ٹھنڈ نہ کوئے ورتائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ در اِک سُہائیا۔ دھرنی کہے میَنوُں بخش اگمّا ور، دیونہار تیری وڈیائیا۔ میرا پوِتر کر دے گھر، گرِہ مندر وجے ودھائیا۔ امرت بھنڈارا بھر دے سروور سر، جلاں تھلاں رنگ رنگائیا۔ تُوں مالک نرائن نر، ہرِ کرتا اِک اکھوائیا۔ میرا بھے بھؤ چُکا دے ڈر، دھیِرج دھیِر دینا دھرائیا۔ تیرا بھانا لواں جر، سِر اپنا ہتّھ رکھائیا۔ تیری سرنی جاواں پر، دھوُڑی ٹِکّے خاک رمائیا۔ تُوں مِہربان میرا نرائن نر، ہرِ کرتا نوُر الاہیِا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیری سرنی لاگ جاواں تر، تارنہار تیری وڈیائیا۔
۲۵ اَسوُ شہنشاہی سمت ۱۱ دوراہا شہر ضِلع لُدھیانہ بھاگ سِنگھ دے گرِہ
دھرنی کہے میرے آد جُگادی سنگی، پرم پُرکھ پرماتم تیری اوٹ تکائیا۔ بِن تیری کِرپا میری چوٹی ہوئی ننگی، اوڈھن سیِس نہ کوئے رکھائیا۔ میَں نِمانی ہو کے وست رہی منگی، مانگت ہو کے جھولی ڈاہیِا۔ میرے پُرکھ اکالے دیِن دَیالے میری کٹ دے تنگی، تنگدست نہ رہے لوکائیا۔ امرت رس رہیا نہ کِسے دھار گنگی، گنگوتری رنگ نہ کوئے رنگائیا۔ سرِشٹی درِشٹی انتر نِرنتر منوُآ من ہویا فرنگی، نوَ ستّ بھجےّ واہو داہیِا۔ تیری پوُرب دھار دیِن دُنی دی لنگھی، منزل اپنا پندھ مُکائیا۔ کلجُگ انتم لیکھا تک لےَ کنڈھی، تٹ کنارے کھوج کھوجائیا۔ میَں شرع دی ہوئی پابندی، زنجِیر سکے نہ کوئے تُڑائیا۔ نؤ کھنڈ پرِتھمی اوجھڑ ہوئی ڈنڈی، ڈنڈاوت دیِن دُنی نہ کوئے دِرڑائیا۔ بِن تیرے میرے پُرکھ اکال میَں سُہاگن ہو گئی رنڈی، کنت سنت نظر کوئے نہ آئیا۔ جگت جگیاَسوُآں واسنا ہوئی پاکھنڈی، بھیکھ گھر گھر سوبھا پائیا۔ تیرے نام دی پوَن دیوے کوئی نہ ٹھنڈی، اگنی تت نہ کوئے بُجھائیا۔ مانَو ذاتی پوُجا کرکے کریراں جنڈی، جوتی جاتا تیرا اِشٹ نہ کوئے منّائیا۔ مِہربان ہو کے اِک نام ونڈیں، وست اتول اتُل ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ
دے مالک ہونا سہائیا۔ دھرنی کہے میرے پرم پُرکھ میرے اُتے مار دھیان، بِن نیتر نیَن اُٹھائیا۔ میرے صاحِب سِری سُلطان، ہرِ کرتے دُھردرگاہیِا۔ میرے شاہو بھوُپ مِہربان، محبان بیِدو نوُر الاہیِا۔ میرا لیکھا تک لےَ وِچ جہان، دیِن دُنی کھوج کھوجائیا۔ دروہی پِھری زِمیں اسمان، ہاہاکار سُن خلق خُدائیا۔ میَں نیتر نیِر لگّی وہان، ہنجھوُآ ں ہار بنائیا۔ پوِتر رہیا نہ کوئے استھان، دھرم دوار نہ کوئے چتُرائیا۔ میَں دھرن نِمانی در ٹھانڈے منگاں دان، داتے دینی مان وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دھرنی کہے پربھ میرے بے نظیِر، نظرّیہ دیِن دُنی دے بدلائیا۔ لیکھا تک شاہ حقیِر، شہنشاہ دُھردرگاہیِا۔ میرے شرع دے کٹ زنجِیر، شریِعت اپنی اِک دِرڑائیا۔ تیرے کول حق تکبیر، تدبیِر اپنی اِک سمجھائیا۔ تُوں شاہ پیِراں دا پیِر، پَیغمبر نوُر الاہیِا۔ میرے اُتوں دیِن دُنی بدل دے ضمیِر، ضامن ہو کے ویکھ وکھائیا۔ کلجُگ کیِتا انت اَخیِر، آخر تَینوُں دیاں دِرڑائیا۔ میری بندھائے کوئی نہ دھیِر، دھیِرج نظر کوئے نہ آئیا۔ اوتار پَیغمبر گُر گھت کے گئے وہیِر، لوک مات وِچوں بھجےّ واہو داہیِا۔ بِن تیرے نام کھنڈا شستر دِسے نہ کوئے شمشیِر، شاہ سُلطان نظر کوئے نہ آئیا۔ میرا انتشکرن ہویا دِلگیِر، دِل دی دھیِر نہ کوئے دھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ دھرنی کہے پربھوُ میرے سوامی دُھر دے کنت، کنتُوہل تیری وڈیائیا۔ تُوں مالک خالق آد جُگاد بےانت، بے پرواہ نوُر الاہیِا۔ تیرا نام نِدھانا اِکو منت، منتوَ سب دے حل کرائیا۔ کلجُگ انت سَت دا رہیا نہ کوئے سنت، سَت وِچ نہ کوئے سمائیا۔ دروہی پِھری وِچ جیِو جنت، جاگرت جوت نہ کوئے رُشنائیا۔ میرے اُتے مِہربان گڑھ توڑ دے ہؤمے ہنگت، ہنگ برہم دے سمجھائیا۔ سَتجُگ سچ بنا بنت، کلجُگ کوُڑی کِریا ڈیرہ ڈھاہیِا۔ دروہی میری تیرے اَگے مِنّت، نِو نِو لاگاں پائیا۔ تُوں آ جا میری سِمت، اُتّر پوُرب پچھّم دکھّن ونڈ نہ کوئے ونڈائیا۔ انت اَخیِر بے نظیِر لاشریِک پروردِگار سانجھے یار میری منّ مِنّت، نِمانی ہو کے منگ منگائیا۔ میرے اُتے کلجُگ کوُڑ کُڑیارے میٹ دے نِندک، چُغلی سرون سُنن کوئے نہ پائیا۔ میرا حوصلہ بنا دے نال رلا دے ہِمّت، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، نوَ ستّ نِرگُن دھار مِٹا دے چِنت، چِنتا رہن کوئے نہ پائیا۔