۱۹ ماگھ شہنشاہی سمت ۱۱ سروُپ سِنگھ دے گرِہ سُکھے شاہ فقیِر دے نال شہر گُرداس پُر
ہوُتلہوُ مقامے یک جدّیؤم زوی عرشے نزی زوُولے مُزا نوُرانے نُرا واعدے خُدا یک زمی ہوزو شوسے زوا زکُنمائے وضو زنُستو زنُستی زمی زوی زختُو یمسی زوا زوائے خُدا محمدے رجوُع گوشے زود شاہے نود۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ چشمے نوُرانہ نکُھستوں زوی زمم دوُاؤ زن زم چائے زووُ نستے موُائے دستے دُعائے فرشے ادائے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ بَیتُل دھام ہوُتلہوُ، حق حق جنائیا۔ جِتھے لیکھا نہیں بُت روُح، بُت توں باہر اپنا حُکم جنائیا۔ جِتھے اِکو آواز اَذاں تُوں ہی تُوں، دوُجا نظر کوئے نہ آئیا۔ اوہ مالک خالق االلہہوُ اَناہوُ، دو جہاناں باہر اپنا بھیوَ چُکائیا۔ جِتھے نہ کوئی حد نہ کوئی حدوُد نہ کوئی جنگل نہ کوئی جوُہ، محبان بیِدو بی خَیر یا االلہ اِکو نوُر نوُر الاہیِا۔ زفتی االلہ مُفتے جوُ دستے دوُ حشرے نوش پیشیِن پیشانی روُپوش نظرے نزع نیرن نیرا نظر کِسے نہ آئیا۔ ہوُ تلہوُ حق حقیِقت جِتھے نہ کوئی شِکوہ نہ کوئی شک، شکوُک رہن کوئے نہ پائیا۔ بِن نیتر لوچن نیَن جِس ویکھیا اُس کِہا اَناالحق، حقیِقت دا مالک بھیوَ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔
کہن سُنن دیِاں دوویں باتاں، باطن بھیوَ کُھلائیا۔ اجّ خوشیاں والیِاں پریم دیاں راتاں، رُتڑی پربھ دے نال مہکائیا۔ جِس وِچ بھگتاں مِلنیاں اگمّی داتاں، داتا ہو کے آپ ورتائیا۔ سنمُکھ بَیٹھیاں دے اندر وڑ کے مارنیِاں جھاتاں، پردہ پردیاں وِچوں اُٹھائیا۔ بجر کپاٹ کھول کے تاکا، اوہلا اوہلے وِچوں چُکائیا۔ سَتگُر شبد مار کے ہاکاں، ہوکا حق حق سُنائیا۔ اُٹھ سُتیا آتما میریا نِکیا جِہا کاکا، او کُکوُ بچّوُ تَینوُں لواں جگائیا۔ جے تَینوُں جننی نہیں چُکیا سَتگُر چُک لئے اپنی ڈھاکا، پھڑ باہوں گود اُٹھائیا۔ تیرا میرا آد انت دا ساکہ، رِشتہ فرِشتیاں باہر سمجھائیا۔ کُچھ میرے کولوں لہنا دینا لےَ لےَ باقا، باقاعدہ جھولی دیواں پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ گلّ وِچوں گلّ جائے لبھ، لباں وِچوں نِکلی اپنا رنگ بدلائیا۔ شبد شبد دا میلا ہُندا نال سبب، وقت سُہنجنا دئے گواہیِا۔ جِس نوُں عاشق معشوُق رہے دوویں لبھ، بِن نیَناں نیَن اُٹھائیا۔ نالے کہن پتہ نہیں کیہڑا نوُر الاہی ربّ، یامبیِن کہہ کے جِس نوُں سیِس نِوائیا ۔ اوہ بے پرواہ اگمّ اتھاہ پروردِگار سانجھا یار کیہڑے ویلے اپنا نوُر پرگٹ کرے جھب، کایا مندر اندر پردہ آپ اُٹھائیا۔ پییا پریِتم ہو کے جگت جہان توں باہر اپنی دسےّ حد، حدوُد اپنی اِکو اِک وکھائیا۔ جِتھے تُوں میرا میَں تیرا بِنا سازاں وجے ند، انحد نادی ناد دِرڑائیا۔ دیِپک بِن تیل باتی رہیا جگ، جوتی جاتا کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ گلّ کہے میرا گلّ وِچوں نِکلے روُپ، سوہنی بنت بنائیا۔ میَں ویکھاں اِکو سَت سروُپ، جوتی جاتا دُھردرگاہیِا۔ جو سب دا شہنشاہ بھوُپ، پاتشاہ نوُر الاہیِا۔ جِس دا سَتگُر شبد دُلارا دوُت، دو جہان کرے شنوائیا۔ اوہ پُرکھ اکالا دیِن دَیالا جدوں لبھے لبھے بھگتاں والی کوُٹ، کایا کُٹیا اندروں اپنا پردہ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا مالک اِک اکھوائیا۔ گلّ کہے میَں نہ وڈّی نہ چھوٹی، میرا آکار نظر کِسے نہ آئیا۔ میرا بھیوَ پا سکے نہ کوٹن کوٹی، انِگنت ڈھولے گئے گائیا۔ میَں سب توں نیڑے سب توں دوُر چڑھ کے بَیٹھی اگمّی چوٹی، جِتھے بِن سَتگُر توں ویکھن کوئے نہ پائیا۔ بے شک میَں بَیکھری بانی وِچ بولی جاندی نال ہوٹھیِں، پر میری دھار سب توں باہر نظری آئیا۔ میَں کدے نہ ہوئی کھوٹی، کھوٹیاں کھرے دیاں بنائیا۔ میرا ناتا نال اُس پرم پُرکھ دی جوتی، جو جوتی جاتا اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ہوئے سہائیا۔
سَتگُر سچّا پری پوُرن، پوُرن سَتگُر اِک اکھوائیا۔ جو سب دے وسے نیڑے دوُرن، نِج گھر بَیٹھا آسن لائیا۔ جِس نوُں کہندے حاضر حضوُرن، حضوُر اِکو دُھردرگاہیِا۔ جو داتا جودھا سوُربیِر سوُرن، شکتی شالی بےپرواہیِا۔ جو دیوے ناد شبد اگمّی تُورن، تُریا دا بھیوَ چُکائیا۔ جن بھگتاں بخش کے چرن دھوُڑن، ٹِکّے مستک خاک رمائیا۔ چتُر سُگھڑ بنا کے موُرکھ موُڑھن، آپ اپنے رنگ رنگائیا۔ لکھّ چؤراسی کٹ کے جوُڑن، پھاسی دھرم رائے نہ کوئے رکھائیا۔ کایا چولی چاڑھ کے رنگ گوُڑھن، آپ اپنے وِچ مِلائیا۔ ناتا توڑ کے کوُڑ کوُڑن، کوُڑی کِریا وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔
واہ واہ کہے میَں آد جُگادی واہ، واہ واہ کہہ کے سارے پربھوُ دا گُن گائیا۔ میرا مالک بے پرواہ، جو بے پرواہی وِچ سمائیا۔ آد جُگادی بنے ملاح، جُگ جُگ کھیوٹ کھیٹا ہو کے بیڑا اپنے کندھ اُٹھائیا۔ جدوں چاہے اپنا بدل دیوے ناں، ناؤں نِرنکارا آپ ہو جائیا۔ آپے پِتا آپے ماں، آپے بنے جنیندی مائیا۔ غریِب نِمانیاں نِتھاویاں دیونہارا تھاں، تھان تھننتر اِک سُہائیا۔ جن بھگت سُہیلے پھڑ کے بانہہ، اِکٹّھے کیتے چائیں چائنیا۔ جِنہاں دے انتر نِرنتر بُدھی رہن نہ دیوے کاں، ہنس روُپ لئے بدلائیا۔ سدا سُہیلا ہو کے دیوے ٹھنڈی چھاں، سِر اپنا ہتّھ ٹِکائیا۔ بھاگ لگائے ساڈھے تِنّ ہتّھ کھیڑے گراں، کایا ماٹی پھول پُھلائیا۔ ہرِجن جِس نوُں کہندے واہ واہ، واہِگُروُ تیری بےپرواہیِا۔ اوہ پُرکھ اکالا دیِن دَیالا جُگ جُگ جن بھگتاں کول جاوے آ، دُھر دا بن کے پاندھی راہیِا۔ بھیوَ ابھیدا دئے کُھلا، پردہ اوہلا دئے چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ واہ کہے جو واہ واہ کہن، کہہ کہہ خوشی بنائیا۔ اوہناں دا ناتا جُڑیا نال نرَین، نر ہرِ ویکھے چائیں چائنیا۔ بِن جگت نیتراں توں درشن پان اگمےّ نیَن، جگت لوچن دی لوڑ رہے نہ رائیا ۔ گھر سوامی ٹھاکر مِل جائے ساک سیَن، سجّن اِکو سوبھا پائیا۔ جِس دے پیار وِچ بھگتاں نوُں بُھل جان بھائی بھَین، مات پِت نظر کوئے نہ پائیا۔ سرِشٹی
ساری دِسے طرفَین، بِنا پُرکھ اکال توں سنگی سنگ نہ کوئے نِبھائیا۔ واہ واہ کیِتیاں بِنا اوہناں نوُں نہ آوے چَین، واہ واہ کہہ کے پربھوُ دے ڈھولے گائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا در اِک سُہائیا۔
سَتگُر شبد کہے بخش دے انند، انند انند وِچوں پرگٹائیا۔ نوُر نوُرانیا نوُری چاڑھ دے چند، جوتی جاتے کر رُشنائیا۔ بِنا رسنا جِہوا توں تُوں میرا میَں تیرا شبدی دھار گائیے چھند، ڈھولا سوہلا اِک دِرڑائیا۔ خوشی ہووے بند بند، بندگی تیری وِچ سمائیا۔ دُئی دویَتی اندر رہے نہ کندھ، بھانڈا بھرم بھؤ بھنّائیا۔ مانَس جنم بھاگ ہون نہ دیویں مند، مند بھاگی لیَنا ترائیا۔ تیرے دواریوں اِکو منگاں منگ، مانگت ہو کے جھولی ڈاہیِا۔ تن وجوُد کایا ماٹی رنگ، رنگت اِکو اِک رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ ساچا انند بخش دے پُرکھ اکالے، پرم پُرکھ تیری سرنائیا۔ دیِنا بندھپ دیِن دَیالے، دَیا نِدھ تیری وڈیائیا۔ پھل لا کے کایا پنج تت دے ڈالے، پتّ ٹہنی دے مہکائیا۔ دیِا باتی جوت جگا نِرالے، بِن تیل باتی کر رُشنائیا۔ تیری منزل راہ ملِے سُکھالے، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے الکھ جگائیا۔ سچّا انند سَتگُر سیوا، سیوا سچ سچ وڈیائیا ۔ مِہربان ہووے وڈ دیوی دیوا، دیوَ آتما ویکھ وکھائیا۔ کِرپا کرے جو وسے دھام نِہکیوا، اٹل محل سوبھا پائیا۔ سچ پیار دا انترلاوے تھیوا، کؤستک منیا روُپ بدلائیا۔ پوِتر کرے رسنا جِہوا، سواس سواس وِچ سمائیا۔ نام پدارتھ دے کے اگمّا میوہ، مِلنی ہرِ جگدیِش کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ انند دیوے پربھوُ تن ماٹی ساچے مندر، تتو تت تت دِرڑائیا۔ پرکاش کرکے ڈوُنگھی کَندر، اندھ اندھیر دئے چُکائیا۔ ترےَ دھاتُو توڑ کے جِندر، رجو طمعو ستو دا لیکھا دئے چُکائیا۔ منوُآ دہ دِشا نہ دھائے بندر، شبد ڈوری نال بندھائیا۔ پرکاش دے کے بِنا سوُریہ چندر، نوُر نوُرانہ کرے رُشنائیا۔ نِج گھر واسی وسے سدا سنگن، سگلا سنگ بنائیا ۔ جگت وِکار توڑ کے پھندن، ڈوری شبد تند بندھائیا۔ جِنہاں نوُں لائے اپنے انگن، انگیکار آپ ہو جائیا ۔
تِنہاں نوُں دیوے سچ انندن، انندپُر واسی ہوئے آپ سہائیا۔ جو آد جُگادی ٹُٹی آوے گنڈھن، وِچھڑیاں میل مِلائیا۔ اُس نوُں اِکو ڈنڈاوت اِکو بندن، اِکو سجدہ سیِس جھُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔
نہ کوئی ایکا نہ کوئی دو، دوُآ ایکے وِچ سمائیا۔ ایکا دوُآ اِکو گئے ہو، بِن ایکے دوُئے توں آپے ہوکا دیوے تھاؤں تھائنیا۔ جوتی دھار بن نِرموہ، نوُر نوُرانہ نوُر کرے رُشنائیا۔ جِس نوُں کہندے نِرنجن پُرکھ سو، سو صاحِب بےپرواہیِا۔ ہرِ پُرکھ نِرنجن اپنی کرکے لوء، بِن لوئناں کرے رُشنائیا۔ نِرنکار نِرنکار بھیوَ مِٹا کے دوآ دو، دُتیا لیکھا دئے چُکائیا۔ آد نِرنجن آپے کرکے اپنی لو، بِن ایکے دوُئے ویکھے تھاؤں تھائنیا۔ ابناشی کرتا جِس دا بھیوَ نہ جانے کو، بےانت کہہ کے سارے گائیا۔ سِری بھگوان اپنا آپ آپے لئے جوہ، دوُسر سنگ نہ کوئے رکھائیا۔ پاربرہم ایکے دوُئے نالوں ہو نِرموہ، مُحبّت مُحبّت وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب اِک گوسائنیا۔
اک توں ہووے دو، دو اِک روُپ سمائیا۔ اِک دوُجے توں کرن کھوہ کھوہ، ایہہ کھیل بےپرواہیِا۔ جِس ویلے اِک دوُجے نال جان چھوہ، مِل مِل کے اِک دوُجے وِچ سمائیا۔ آپ آپے اپنا آپ ہو، آپ اپنا لیَنا مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی اپنے ہتّھ رکھائیا۔ سَتگُر سچّا سِری بھگوان، ہرِ کرتا اِک اکھوائیا۔ سَتگُر سچّا نؤجوان، بال بِردھ نہ روُپ بدلائیا۔ سَتگُر سچّا مِہربان، محبوُب نوُر الاہیِا۔ سَتگُر سچّا دیوے دان، وست نام نِدھان ورتائیا۔ سَتگُر سچّا وکھائے دھرم نِشان، نِشانہ دیِن دُنی بدلائیا۔ سَتگُر سچّا دیوے اگمّ گیان، بِن اکھّراں کر پڑھائیا۔ سَتگُر سچّا بھاگ لگائے ساڈھے تِنّ ہتّھ گرام، محل اٹل اِک سُہائیا۔ سَتگُر سچّا دیِپک جوت جگائے مہان، بِن تیل باتی کر رُشنائیا۔ سَتگُر سچّا شبد ناد سُنائے دُھنکان، انحد نادی راگ دِرڑائیا۔ سَتگُر سچّا امرت رس دیوے پیِن کھان، نِجھر جھِرنا بوُند سوانتی آپ ٹپکائیا۔ سَتگُر سچّا گھر سوامی ملِے آن، باہر کھوجن دی لوڑ رہے نہ
رائیا۔ سَتگُر سچّا چرن پریِتی بخشے دھیان، دھوُڑی خاک خاک رمائیا۔ سَتگُر سچّا جِس دا آد جُگادی اِک وِدھان، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب اِک گوسائنیا۔ سَتگُر سچّا سِری بھگوَنت، ہرِ کرتا اِک اکھوائیا۔ جو آد جُگادی کنت، کنتُوہل دُھردرگاہیِا۔ جِس دا نام نِدھانا منت، منتوَ دو جہان حل کرائیا۔ جِس دا میل مِلاواں نال ساچے سنت، ساجن ہو کے ویکھ وکھائیا۔ اپنی مہما دسےّ اگنت، گِنتی گنت نہ کوئے سمجھائیا۔ دھرم دھار دی بنائے بنت، گھاڑت اپنی گھاڑن لئے گھڑائیا۔ گڑھ توڑ کے ہؤمے ہنگت، ہنگ برہم دئے سمجھائیا۔ بودھ اگادھا بن کے پنڈت، بِن اکھّراں کرے پڑھائیا۔ میل مِلاواں ساچی سنگت، آتم پرماتم ساچا سنگ جنائیا۔ لیکھا مُکا کے بہِشت جنّت، چرن کوَل بخشے سچ سرنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ سَتگُر سچّا پرم پُرکھ ابناشی، ابناشی کرتا اِک اکھوائیا۔ جِس دی منڈل منڈپ راسی، دو جہاناں کھیل کھِلائیا۔ جو سچکھنڈ نِواسی، درگاہ ساچی سوبھا پائیا۔ جو شاہو بھوُپ شاباشی، شہنشاہ نوُر الاہیِا۔ جِس دی لکھّ چؤراسی داسی، سیوک ہو کے سیو کمائیا۔ جو اوتار پَیغمبر گُروُآں دئے وِشواسی، وِشا اپنا نام سمجھائیا۔ جو تن وجوُداں نِرگُن جوت کرے پرکاشی، پرکاشوان اِک اکھوائیا۔ جِس دا لہنا دینا وِشن برہما شِو شنکر نال کَیلاشی، حُکم حُکم وِچوں پرگٹائیا۔ اوہ بھگتاں سنتاں میٹنہار اُداسی، چِنتا غم غم خوار دئے گوائیا۔ نام جپائے بِنا پوَن سواسی، اجپا جاپ وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر سِر اپنا ہتّھ ٹِکائیا۔ سَتگُر پوُرا پُرکھ اکالا، اکل کل دھاری اِک اکھوائیندا۔ آد جُگادی دیِن دَیالا، دَیا نِدھ بھیوَ اُٹھائیندا۔ وسنہار سچکھنڈ سچّی دھرمسالہ، درگاہ ساچی سوبھا پائیندا۔ جِس دا شبد دُلارا لالا، لالن اِکو رنگ رنگائیندا۔ جو جُگ جُگ کھیلے کھیل نِرالا، نِراکار ساکار روُپ وٹائیندا۔ دھرنی دھرت دھوَل دھؤل لوک مات بنے دلالا، وِچولا ہو کے ویکھ وکھائیندا۔ نام نِدھان نؤجوان ہو کے دئے سُکھالا، صِفتی صِفت صِفت وڈیائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک ورتائیندا۔ سَتگُر پوُرا نام دیوے سوہنگ سو، سو پُرکھ نِرنجن دَیا کمائیا۔ آتم پرماتم آپے جائے ہو، ہرِ پُرکھ نِرنجن بےپرواہیِا۔ بھیوَ چُکائے دوانگ دو، ایکنکار وڈّی وڈیائیا۔ سچ پرکاش کرے لو، آد نِرنجن کر رُشنائیا۔ آپ اپنا آپے لئے جوہ، ابناشی کرتا وڈ وڈیائیا۔ اپنا اپنے نال بندھائے موہ، سِری بھگوان کھیل
کھِلائیا۔ پاربرہم اپنا لیکھا اپنے وِچ رکھے نہ اِک نہ دو، دوُآ ایکا اپنا کھیل کھِلائیا۔ سَتگُر شبد ڈھوآ دیوے ڈھو، سچ وست وست ورتائیا۔ جِس دا بھیوَ نہ جانے کو، کھوجیاں ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک گوسائنیا۔ سوہنگ سو آد دی دھارا، وِشن برہما شِو دِتی وڈیائیا۔ شبدی شبدی کھیل اپارا، اپرمپر سوامی آپ جنائیا۔ جِس دا کھیل ترےَگُن باہرا، پنچم تت نہ کوئے وڈیائیا ۔ جو لیکھا جانے وِشن برہما شِو وِچ سنسارا، سنساری بھنڈاری سنگھاری اپنی سیو لگائیا۔ جِس دا آد جُگادی سندیسہ ایکا اِکو وارا، اِک اِکلّا دئے دِرڑائیا۔ جِس لکھّ چؤراسی ترےَگُن مایا پنج تت کیِتا پسارا، رجو طمعو ستو اپ تیج وائے پرِتھمی آکاش اپنی کھیل کھِلائیا۔ آتم پرماتم دے ادھارا، سِر سِر اپنا ہتّھ ٹِکائیا۔ تُوں میرا میَں تیرا اپرمپر سوامی لا کے نعرہ، سوہنگ سَت سَت سمجھائیا۔ ہنگ برہم دا پار کنارہ، پت پرمیشور بھیوَ چُکائیا۔ انت جوت جوت وِچ ایکا روُپ نِراکارا، ساکار سنگ نہ کوئے رکھائیا ۔ جِس دا وسیرا سچکھنڈ دوارا، درگاہ ساچی مقامے حق سوبھا پائیا۔ جِس دا روُپ اوتار پَیغمبر گُروُ ہوئے ساکارا، تن وجوُداں کھیل کھِلائیا۔ جوتی جاتا ہو کے ظاہرا، پُرکھ بِدھاتا ویکھ وکھائیا۔ نام شبد دے سچّی دُھنکارا، دُھن آتمک راگ دِرڑائیا۔ امرت بخش اگمّا ٹھنڈا ٹھارا، سَت ستوادی بِن رسنا جِہوا جام پیائیا۔ لوک مات دئے ادھارا، اُدر دا لیکھا دِتا مُکائیا۔ جِنہاں رسنا جِہوا ڈھولا گایا گیِت سُنایا میِت مُرارا، مِتر پیارا اِک اکھوائیا۔ جو نِرگُن سرگُن سرگُن نِرگُن ہوئے ظاہرا، ظاہر ظہوُر اپنی کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ سوہنگ دھار آد جُگادی، اکھّری ونڈ نہ کوئے ونڈائیا۔ پربھ دا کھیل برہم برہمادی، برہمانڈ اپنا حُکم چلائیا۔ آتم پرماتم سدا انادی، جمّن مرن وِچ کدے نہ آئیا۔ ایہہ حُکم سندیسہ بودھ اگادھی، بُدھی توں پرے پڑھائیا۔ جیہڑی رسنا نال نہ جائے ارادھی، سواساں نال کوئے نہ گائیا۔ جوتی دھار جوت وِسمادی، وِشوَ دا لیکھا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک گوسائنیا۔ سوہنگ اکھّری جاپ جگت دا گاؤنا، صِفتی ڈھولے گائیا۔ بھگتاں سوہنگ روُپ سروُپ وِچ سماؤنا، اپنا آپ مِٹائیا۔ گھر پرماتم اِکو بہاؤنا، سیج سُہنجنی جو سُہائیا۔ بِن اکھّیِاں درشن پاؤنا، نِج نیتر نیَن کُھلائیا۔ بِن سیِس سیِس جھُکاؤنا، نِو نِو لگنا پائیا۔ پُرکھ اکالا دیِن دَیالا سچ پریِتی وِچ مناؤنا، پیار مُحبّت وِچ منگ منگائیا ۔
جِس نے دسم دواری پردہ لاہُنا، بھیوَ ابھید رہے نہ رائیا۔ بھگت بھگوان اِکو گھر وساؤنا، سد وجدی رہے ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ سَتگُر سچّا آتم پرماتم جوڑ جوڑے، جوڑی ہرِ جگدیِش کرائیا۔ نام اگمےّ چاڑھے گھوڑے، واگاں اپنے ہتّھ رکھائیا۔ بِن قدماں چرناں دؤڑے، بھجےّ واہو داہیِا۔ پندھ مُکائے بھیِڑے سؤڑے، اَگے ہو نہ کوئے اٹکائیا۔ پھل چھڈے مِٹھے کؤڑے، جگت رس نہ کوئے چکھائیا۔ انت اِکو چڑھے سَتگُر سچے پؤڑے، پؤڑی ڈنڈا دوُجا نظر کوئے نہ آئیا۔ جِتھے صاحِب سوامی آپے بہُڑے، پھڑ باہوں لئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ جِنہاں نوُں سَتگُر سوہنگ سو جاپ دسّیا، لوک مات کیِتی پڑھائیا۔ دِوس رَین انتر نِرنتر آپے وسیا، روم روم وِچ سمائیا۔ ساڈھے تِنّ کروڑ دی میٹے رَین اندھیری مسّیا، نوُری چند چند چمکائیا۔ بِن رسنا جِہوا جپائے کتھیا، کتھنی چلے نہ کوئے وڈیائیا۔ کِرپا کرے پُرکھ سمرتھیا، ہرِ کرتا دُھردرگاہیِا۔ جن بھگتاں لہنا دینا دیوے ہتّھو ہتھیا، جگت اُدھار نہ کوئے رکھائیا۔ جو پریم پریِتی وِچ ستھر لتھیا، یارڑا سیج دئے سُہائیا۔ لہنا دینا پوُرب لیکھے لائے مستک متھیا، جنم جنم دا لیکھا جھولی پائیا۔ جو نِرگُن نِروَیر نِراکار نِرنکار دو جہاناں پِھرے نسیا، بھجےّ واہو داہیِا۔ جِس سسّے اُتے ہوڑا لایا تے اپنا بھیوَ دسّیا، ہنگ برہم بھیوَ آپ کُھلائیا۔ اندر وڑ کے مندر چڑھ کے کرے پرکاش بِنا روَ سسیا، بِن سوُریہ چنّ ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ نِرگُن دھار پُرکھ بِدھاتا، بِدھ اپنے ہتّھ وکھائیا۔ جو ہوئے جوتی جاتا، جاگرت جوت کرے رُشنائیا۔ آتم پرماتم جوڑے ناتا، پاربرہم برہم میلا لئے مِلائیا۔ اِیش جیِو دسّ کے گاتھا، گہر گمبھیِر کرے پڑھائیا۔ سَتگُر شبد ہو کے دیوے ساتھا، سگلا سنگ نِبھائیا۔ جو تن وجوُداں چلاوَنہارا راتھا، رتھ رتھواہی دُھردرگاہیِا ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ سَتگُر شبد جِس نوُں دیوے دان، دئیا وان دئے ورتائیا۔ بھاگ لگائے کایا مندر مکان، مکّہ کعبہ اِکو اِک سُہائیا۔ گھر سوامی ٹھاکر ملِے آن، پروردِگار پھیرا پائیا۔ جِس دے ڈھولے صوُفی سنت فقیِر بھگت سُہیلے گان، گا گا شُکر منائیا۔ اوہ جوتی جاتا پُرکھ بِدھاتا کِرپا کرے سِری بھگوان، بھگوَن ہو کے
ویکھ وکھائیا۔ غریِب نِمانے کوجھے کملے کرے پروان، پرم پُرکھ پربھ دیوے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی لیکھا جانے دو جہان، دوہری اپنی کل ورتائیا۔
۱۹ ماگھ شہنشاہی سمت ۱۱ کرم سِنگھ دے نوِت پِنڈ نیا شالا ضِلع گُرداس پُر
کرم سِنگھ دا کرم ہویا نِہکرمی، پربھ دیوے مان وڈیائیا۔ جِس دی آتما پھیر لوک مات کدے نہ جنمی، جنم وِچ کدے نہ آئیا۔ اِکو جگہ مِلی تے مِلی پُرکھ اکال دی چرنی، جِتھے جگت والا چرن ویکھن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ در دئے وڈیائیا۔ آتما کہے میَں پُجی سچکھنڈ، بِن قدماں قدم اُٹھائیا۔ پندھ مُکا کے برہمنڈ کھنڈ، بھجیّ واہو داہیِا۔ میرا لیکھا رہیا نہ جیرج انڈ، اُتبُھج سیتج ناتا گئی تُڑائیا۔ سَتگُر شبد نے اپنے نال پائی گنڈھ، جِس نوُں سکیا نہ کوئے کُھلائیا۔ رائے دھرم ویکھ کے پاؤندا رہ گیا ڈنڈ، اُچی کوُک کوُک سُنائیا۔ شنکر نے کِہا ایہہ نہیں تیری ونڈ، سنگھاری ہو کے دیاں سُنائیا۔ کیوں اِس نوُں سَتگُر شبد نے پائی ٹھنڈ، جگت دی اگنی نہ کوئے تپائیا۔ ایہہ سدا دی سُہاگن وِچھوڑا چُکیا رنڈ، رنڈیپا رہن کوئے نہ پائیا۔ اِس دا نِواس استھان ہونا وِچ سچکھنڈ، تِھر گھر بہہ کے اپنا آسن لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار دئے وڈیائیا۔ آتما کہے میرا سچ گھر ہویا وسیرا، سوہنی مِلی وڈیائیا۔ نہ ایتھے سوُریہ چند نہ کوئی جگت پرکاش نہ اندھیرا، سد اِکو رنگ ویکھ وکھائیا۔ میَں جِدھر تکاں بھگتاں دا ڈیرہ، بِنا بھگتاں توں دوُجا نظر کوئے نہ آئیا۔ پھیر ویکھاں اوتار پَیغمبر گُروُ ایتھے مارن پھیرا، جوت جوت جوت وِچوں پرگٹائیا۔ میرے صاحِب نے میرا کیِتا حق نبیڑا، حقیِقت دے مالک نے حق میرا میری جھولی پائیا۔ دھنّ بھاگ میَں آ کے آن کے ویکھیا پربھوُ چرن دا کھیڑا، جِتھے کھِڑکی کُنڈی ویکھن کوئے نہ پائیا۔ میَں حَیران ہو گئی ایتھے کوئی نہیں کِسے دا جھیڑا، جھگڑے والا نظر کوئے نہ آئیا۔ سارے اِک دوُجے نوُں کہن تُوں میرا میَں تیرا، میَں تیرا تُوں میرا، اِکو روُپ وِچ اِکو روُپ گئے سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں سد وسے نیڑن نیڑا، دوُر دُراڈا پندھ نہ کوئے رکھائیا۔
۲۰ ماگھ شہنشاہی سمت ۱۱ سُندر سِنگھ دے گرِہ پِنڈ روسے ضِلع گُرداس پُر
سَتگُر شبد کہے اوتار پَیغمبر گُر ہووو سوادھان، جوتی جاتے پُرکھ بِدھاتے اِکو لؤ انگڑائیا۔ بِن نیتر لوچن نیَناں نِگاہ مارو زِمیں اسمان، دھرنی اُتے ویکھو چائیں چائنیا۔ نؤ کھنڈ پرِتھمی ستّ دیِپ دھرم دی دھار ویکھو وِدھان، چار کُنٹ دہ دِشا پھول پُھلائیا۔ آتم پرماتم رہیا نہ کوئے گیان، پاربرہم برہم میل نہ کوئے مِلائیا۔ شبد انادی سُنے نہ کوئے دُھنکان، انحد نادی ناد نہ کوئے شنوائیا۔ امرت رس نِجھر جھِرنا ملِے نہ کِسے پیِن کھان، بوُند سوانتی نابھی کوَل نہ کوئے ٹپکائیا۔ من کلپنا پِھرے شیَطان، شرع شریِعت کرے لڑائیا۔ گھر سوامی ٹھاکر ملِے کِسے نہ آن، نِج نیتر لوچن نیَن درس کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ سَتگُر شبد کہے اوتار پَیغمبر لوک مات مارو جھاتی، درگاہ ساچی پردہ آپ اُٹھائیا۔ کیوں تُہاڈے ہُندیاں ہوئی اندھیری راتی، نوُری چند نہ کوئے رُشنائیا۔ کیوں جھگڑا پیا کاغذاتی، اکھّر اکھّر ویکھ وکھائیا۔ سب دا لہنا تکو بہُہ بِدھ بھانتی، بھیوَ ابھید دینا جنائیا۔ کِسے ہِردے وسیا نہیں کملاپاتی، پت پرمیشور مِلن کوئے نہ پائیا۔ سب دی زِندگی تکو حیاتی، جیِون جیِون وِچوں ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا ۔ سَتگُر شبد کہے اوتار پَیغمبر گُر نِگاہ مارو اپنے دیِن مذہب، مشورہ میرے نال بنائیا۔ کِسے دا رہیا کوئی نہ ادب، آداب وِچ سیِس نہ کوئے جھُکائیا۔ کلجُگ کِریا کوُڑ کیِتا غضب، حَیرانی وِچ سرب کُرلائیا۔ دھرم دی دھار مایا ممتا وِچ ہوئی جذب، باہر سکے نہ کوئے کڈھائیا۔ نوَ کھنڈ پرِتھمی تکو تشدّد، جھگڑا دیِن دُنی سمجھائیا۔ صوُفی سنت فقیِر بھگت سُہیلے کوٹاں وِچوں دو چار عدد، بہُتی گنت نہ کوئے گِنائیا۔ تُسیں جیِواں جنتاں کیوں نہیں کردے مدد، ہر ہِردے اندر اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ سَتگُر شبد کہے اوتار پَیغمبر گُر دھرنی دھرت دھوَل دھؤل ویکھو کھیل اگمّ، اگمّڑے ہو کے دھیان لگائیا۔ کِسے بھیوَ نہ چُکے اپنے برہم، پاربرہم میل نہ کوئے مِلائیا۔ سب دی درِشٹی ہوئی چرم، چمّ درِشٹی ڈیرہ کوئے نہ ڈھائیا۔ کوُڑ کُڑیارا بنیا کرم، کرم کانڈ دا لیکھا سمجھ کوئے نہ پائیا۔ سچ دا رہیا کوئی نہ دھرم، دھرنی دھرت دھوَل دھؤل رہی کُرلائیا۔ اپنا وعدہ قؤل اِقرار تکو پرن، جو پیشیِن گوئیاں وِچ آئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل
ساچا ہرِ، سچ دا مالک اِک گوسائنیا۔ اوتار پَیغمبر گُر کہن سَتگُر شبد دُھر دَیالوُ، دیِنا بندھپ تیری بےپرواہیِا۔ تُوں مالک خالق سچکھنڈ سچّی دھرمسالوُ، درگاہ ساچی مقامے حق سوبھا پائیا۔ اسیں لاڈلے تیرے سُت ننےّ بالوُ، بچپن تیرے چرن ٹِکائیا۔ اساں سب کُجھ تکیا دیِن دُنی دا حالوُ، حالت بِگڑی خلق خُدائیا۔ تُدھ بِن کلجُگ انت نہ کوئے سمبھالوُ، سمبل دے مالک ہونا آپ سہائیا۔ اوہ لہنا دینا لیکھا پوُرا کر دے جو سَتگُر نانک دے کے گیا پُت کالوُ، کل کاتی ڈیرہ ڈھائیا۔ سَت دھرم تیرے حُکم نال ہووے چالوُ، چؤتھے جُگ دا لیکھا دے مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ اوتار پَیغمبر گُر کہن سَتگُر شبد دُھر دے کھیوٹ کھیٹے، دو جہان دے مالک تیری بےپرواہیِا۔ اسیں جُگ چؤکڑی تیرے بیٹے، بچپن تیرے چرن ٹِکائیا۔ سدا سُکھاسن تیری سیجا لیٹے، سَت سروُپ وِچ سمائیا۔ سانوُں یاد وعدے قؤل اِقرار کِیتے، جو کرتا پُرکھ دئے دِرڑائیا۔ ساڈے انتم سب دے سمیں بیِتے، پِچھلے بَیٹھے پندھ مُکائیا۔ ہُن اَگے تیرے حُکم دی چلے رنتِے، ریِتیوان تیری سرنائیا۔ جھگڑے مُکا دے مندر مسیِتے، کایا کعبہ اِک جنائیا۔ آتم پرماتم سب دا ہووے میِتے، مِتر پیارا اِک اکھوائیا۔ سَتگُر شبد ہر ہِردے وسنا چِیتے، چِت وِت ٹھگؤری رہن کوئے نہ پائیا۔ دیِن دُنی دی پوِتر کر دے نیِتے، نیِتیوان تیری سرنائیا۔ تیرا اِکو حُکم ہووے حدیِثے، حضرتاں توں باہر کر پڑھائیا۔ ساڈے لیکھے مُکا بیِس بیِسے، اِک اِکیسے تیری اوٹ تکائیا۔ انت کنت بھگوَنت اِکو چھتر جھُلے تیرے سیِسے، جگت جگدیِش تیری وجدی رہے ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ سَتگُر شبد کہے اوتار پَیغمبر گُر دُھر دا حُکم دِرڑاواں گا۔ سو پُرکھ نِرنجن سگلا سنگ رکھاواں گا۔ ہرِ پُرکھ نِرنجن میل مِلاواں گا۔ ایکنکارا جوڑ جُڑاواں گا۔ آد نِرنجن نوُر رُشناواں گا۔ ابناشی کرتا ویکھ وکھاواں گا۔ سِری بھگوان بھیوَ چُکاواں گا۔ پاربرہم برہم سنگ رکھاواں گا۔ سَتگُر شبد ہو کے ڈنک وجاواں گا۔ دھرنی دھرت دھوَل دھؤل، سمبل اِکو بنک سُہاواں گا۔ دُھر دا بن کے پنڈت پاندھا رؤل، فُرنے فُرنیاں وِچوں پرگٹاواں گا۔ سب دے وعدے پوُرے کراں قؤل، کرنی دا کرتا آپ ہو جاواں گا ۔ جو آشا رکھ کے گیا کرِشنا کاہنا ساول سؤل، ساوَریا ہو کے ویکھ وکھاواں گا۔ ہر گھٹ انتر نِرنتر جاواں مؤل، مؤلا ہو کے بھیوَ چُکاواں گا۔ آپ سدا رہاں اڈول، اڈُل ہو کے کھیل کھِلاواں گا۔ کلجُگ انت پوُرا تولاں تول، ترازو کنڈا نام ہتّھ اُٹھاواں گا۔ جوتی
جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتاواں گا۔ سَتگُر شبد کہے دُھر حُکم اگمّ ورتائیگا۔ دیِن دَیال دَیا کمائیگا۔ لہنا دینا سچ دا ویکھ وکھائیگا۔ چار جُگ دے شاستر نال مِلائیگا۔ اکھّر اکھّر پھول پُھلائیگا۔ بھیوَ ابھیدا آپ چُکائیگا۔ اچھل اچھیدا ہو کے ویکھ وکھائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیگا۔ ساچا حُکم اِک دِرڑاویگا۔ دو جہاناں آپ سُناویگا۔ سِری بھگوان کھیل کھِلاویگا۔ گُر اوتار پَیغمبرو، لیکھا سب دی جھولی پاویگا۔ جو وسنہارا دیس پردیسا، دو جہاناں ویکھ وکھاویگا۔ جو وعدہ کیِتا گوبِند دس دسمیشا، دہ دِشا اپنا رنگ رنگاویگا۔ جو وسے سچکھنڈ ساچے دیسا، درگاہ ساچی آپ سُہاویگا۔ جِس دا نام گائے سہنسر مُکھ شیشا، دو سہنسر جِہوا نال وڈیاویگا۔ جُگ بدلنا اُس دا پیشہ، پیشیِن گوئیاں سب دیِاں پھول پُھلاویگا۔ اوہ مالک خالق نر نریشا، نر نرائن نوُر رُشناویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کماویگا۔ سَتگُر شبد کہے اوتار پَیغمبر گُر سُنو حُکم گُردیوا، دیوَ آتما دھار جنائیا۔ سب دی لیکھےلاوے سیوا، مِہربان ہو کے مِہر نظر اُٹھائیا۔ جِس دے گُن گائے نال رسنا جِہوا، بتّی دند صِفت صالاحیِا۔ اوہ مالک خالق الکھ ابھیوا، اگوچر اگمّ اتھاہ اِک اکھوائیا ۔ جو وسنہارا سچکھنڈ دھام سچے نِہکیوا، نِہچل اپنا آسن لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد سدا مِہربان، مِہربان مِہربان مِہربان اگمّ اتھاہیِا۔
۲۰ ماگھ شہنشاہی سمت ۱۱ دِھرتا سِنگھ دے گرِہ پِنڈ کلانؤر ضِلع گُرداس پُر
جن بھگتاں پربھ بخشے دات، نام نِدھان جھولی پائیا۔ کایا مندر اندر پُچھے وات، نِرگُن ہو کے ویکھ وکھائیا۔ بِن نیتر لوچن نیَناں مارے جھات، بِن اکھّیِاں اکھّ اُٹھائیا۔ سچ پریِتی جوڑے نات، آتم پرماتم میل مِلائیا۔ در وکھاوے اگمّ اِکانت، نوُر نوُرانہ نظری آئیا۔ تن وجوُد کرے شانت، اگنی تت بُجھائیا۔ لہنا دینا ویکھے لوک مات، دھرنی دھرت دھوَل دھؤل سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن ساچے انگ لگائیا۔ بھگت جناں پربھ ساچا میِتڑا، مِتر پیارا ایک۔ جو وسے دھام انڈیٹِھڑا، سچکھنڈ دوارے دئے
ٹیک۔ نام جنائے اگمّ میِٹھڑا، بُدھی کرے بِبیک۔ اگنی تت نہ لائے سیکڑا، نظری آئے نیتن نیت۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ جن بھگتاں سد پیاردا، پریِتم دُھردرگاہیِا۔ آد جُگاد نہ کدے وِساردا، وِچھوڑے وِچ وِچھڑ کدے نہ جائیا۔ نام سندیسہ دیوے راگ سُنائے اگمّی سِتار دا، بِن کِنگ سِتار ہِلائیا۔ شبد سُنائے انادی دُھنکار دا، انحد نادی ناد دِرڑائیا۔ پرکاش ہووے جوت اُجیار دا، نوُر نوُرانہ سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن ساچے میل مِلائیا۔ بھگت جناں بھگوَن رنگدا، کایا چولی نام مجیِٹھ۔ میل بخشے دُھر دے سنگ دا، لیکھے لائے کؤڑے ریِٹھ۔ نام سُنائے دُھر مردنگ دا، پُرکھ اکالا بیِٹھلو بیِٹھ۔ رس دیوے انوکھے انند دا، گرِہ مندر وکھا انڈیٹِھ۔ جھگڑا میٹے وِکار پنج دا، شبد سُہاگی سُنائے گیِت۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سَتگُر شبد کہے میَں بھگتاں ویکھنہارا، جُگ جُگ ویس وٹائیا۔ کل کلکی لئے اوتارا، کل کاتیِاں پندھ مُکائیا۔ بھگت سُہیلا ویکھاں میِت مُرارا، مِتر پیارا لواں جگائیا۔ راتی سُتیاں کراں دیِدارا، بِن نیتر لوچن نیَن اکھّ کُھلائیا۔ نظری آوے پروردِگارا، سانجھا یار نوُر الاہیِا۔ جِس دا سب نے دِتا اِشارہ، گرنتھ شاستر کوُک کوُک دِرڑائیا۔ اوہ آوے کل کلکی اوتارا، نِہکلنکا دُھر اِمام اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ سَتگُر شبد کہے جن بھگتاں رنگاں چولی، تن وجوُد دُھر دا رنگ چڑھائیا۔ تُوں میرا میَں تیرا دسّاں بولی، پاربرہم برہم میلا میلاں سہج سُبھائیا۔ سرگُن دھار ہو کے کھیلاں ہولی، ہرِ کرتا ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سَتگُر شبد کہے جن بھگتاں اُدھاراں، اُدر دا لیکھ مُکائیا۔ مانَس جنم جنم سُدھاراں، سُدی ودی ونڈ نہ کوئے ونڈائیا۔ کلجُگ انتم تکاں کنارہ، چاروں کُنٹ ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ ساچے رنگ رنگائیا۔ بھگت جناں سَتگُر شبد کہے میَں میِتا، مِتر پیارا اِک اکھوائیا۔ جو وسیا ہرگھٹ چیِتا، چیتن سب نوُں رہیا کرائیا۔ جیہڑا نہ مریا نہ جیِتا، جیِون جُگت اپنے ہتّھ رکھائیا۔ جِس گھر گھر سَت سچ بخشنی پریِتا، پریِتم ہو کے میل مِلائیا۔ اوہ بدلنہارا نیِتا، نیِتیوان وڈ
وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سب دا انتشکرن کرے ٹھانڈا سیِتا، اگنی تت تت بُجھائیا۔
۲۰ ماگھ شہنشاہی سمت ۱۱ بلکار سِنگھ دے گرِہ پِنڈ رسوُل پُر ضِلع گُرداس پُر
اوتار پَیغمبر گُر کہن پربھ ساڈے انتشکرن آئی حَیرانی، حَیرت وِچ تیرے اَگے سیِس نِوائیا۔ ساڈے دیِناں مذہباں اندر آئی بے اِیمانی، بیوہ روُپ ہوئی لوکائیا۔ سَت دھرم دی دِسے نہ کوئے نِشانی، کلجُگ کِریا کوُڑ ہلکائیا۔ جھگڑا تک لےَ چارے کھانی، انڈج جیرج اُتبُھج سیتج رہی کُرلائیا۔ پیار رہیا نہ کِسے اکھّراں والی بانی، نام کلمے رنگ نہ کوئے رنگائیا۔ دیِن مذہب دی شرع ہوئی شیَطانی، شریِعت بَیٹھی اپنی ونڈ ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ اوتار پَیغمبر گُر کہن ساڈے دُھر دے کملاپات، پت پرمیشور تیری بےپرواہیِا۔ نِگاہ مار لےَ لوک مات، نِرگُن ہو کے سرگُن ویکھ وکھائیا۔ ساڈے نام کلمے گرنتھ شاستر لیکھا تک لےَ کاغذات، اکھّر اکھّر پھول پُھلائیا۔ جھگڑا مِٹے نہ دیِن مذہب ذات پات، اذاتی روُپ نہ کوئے درسائیا۔ اِک دوُجے دا کرن گھات، گھاؤ کوُڑی کِریا رہے لگائیا۔ سَت دی رہی نہ کوئے جماعت، وِدیا حق نہ کوئے پڑھائیا۔ جِدھر تکیئے ہوئی اندھیری رات، نوُری چند نہ کوئے چمکائیا۔ پُرکھ اکالے دیِن دَیالے انتم ساڈی پُچھ وات، وارث ہو کے ویکھ وکھائیا۔ سچ دوار ایکنکار اِکو منگیئے دات، اِکٹّھے ہو کے سیِس نِوائیا ۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ اوتار پَیغمبر گُر کہن ساڈے نام کلمیاں رہیا کوئے نہ رس، رستہ دیِن دُنی گئی بدلائیا۔ منوُآ ہوئے کِسے نہ وس، دہ دِشا اُٹھ اُٹھ دھائیا۔ پرکاش ملِے نہ کِسے روَ سس، سوُریہ چند پندھ نہ کوئے مُکائیا۔ پروردِگار سانجھے یار کرتے پُرکھ مارگ اگمّا دسّ، دہ دِشا کر پڑھائیا۔ ہر ہِردے انتر نِرنتر تیرا ہووے جس، آتم پرماتم مِل کے وجے ودھائیا۔ انیالا تیِر مار کس، نام نِدھانا اِک چلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ اوتار پَیغمبر گُر کہن پربھ دُھر دا اِکو دے دے جاپ، جگ جیِون داتے دَیا کمائیا۔ کلجُگ کوُڑی کِریا میٹ سنتاپ، سَت سنتوکھ اِک
سمجھائیا۔ جیِواں جنتاں دُرمت میَل دھو پاپ، پتت پُنیِت آپ کرائیا۔ لوک مات پرگٹ ہو آپ، جوتی جاتا ہو کے نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ دوارے الکھ جگائیا۔ اوتار پَیغمبر گُر کہن پربھ آ جا اُتے دھرت، دھوَل دھؤل دا لیکھا دے مُکائیا۔ نوُر نوُرانے شاہ سُلطانے نِگاہ مار لےَ اپنی دھرت، پت پرمیشور ویکھ وکھائیا۔ جیہڑی پیشیِن گوئیاں وِچ ساڈے نال کیِتی شرط، بھوِکھتاں وِچ اپنا حُکم ورتائیا۔ بے شک تُوں مالک والی عرش، عرشی پریِتم نوُر الاہیِا۔ انت نِگاہ مار لےَ اُتے فرش، فرشے خاکی زمیں زماں دھیان لگائیا ۔ جوتی جاتا ہو کے دے درس، بِن نیتر نیَناں کر رُشنائیا۔ ساڈی چار جُگ دی حرص، سَتجُگ تریتا دواپرتیرے ڈھولے رہے گائیا۔ مِہربانا مِہربانا مِہربانا اپنا کر دے ترس، رحمت اپنی آپ کمائیا۔ ہر ہِردے اندر میگھ دے برس، بوُند سوانتی کَول نابھ وِچوں ٹپکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ اوتار پَیغمبر گُر کہن پربھ کِرپا کر کرتار، قُدرت قادر دَیا کمائیا۔ پرگٹ ہو وِچ سنسار، سنساری بھنڈاری سنگھاری وِشن برہما شِو نال مِلائیا۔ مِہربان ہو کے پا سار، مہاسارتھی اپنا ویس وٹائیا۔ تیرا لہنا دینا لیکھا نال ہووے کل کلکی اوتار، نِہکلنک اپنا ڈنک وجائیا۔ سمبل سُہا اپنا دھام نیار، ترےَگُن اتیِتے اپنا آسن لائیا۔ اِمام اِماما ہو سِکدار، نوُر الاہ نِرگُن نوُر کر رُشنائیا۔ تُوں آد جُگادی سب دا سانجھا یار، بےعیب اِک اکھوائیا۔ اوتار پَیغمبر گُر کہن اسیں بھوِکھتاں وِچ آئے اُچار، پیشیِن گوئیاں دین گواہیِا۔ محمد لیکھا مُکنا صدی چؤدھویِں نال چار یار، عیسیٰ بیِسویں اپنا انک بنائیا۔ گوبِند دا ڈھئیا ویکھ وِچ سنسار، گھڑی پل اپنی کھوج کھوجائیا۔ وید ویاسا جِس دا بنیا لِکھار، کاتب ہو کے قلم چلائیا۔ تُوں شاہو بھوُپ شہنشاہ سچّی سرکار، ہرِ کرتا اِک اکھوائیا۔ دیِن دُنی بِن نیتر نِگاہ مار، بِن نیَناں نیَن اُٹھائیا۔ نؤ کھنڈ پرِتھمی ستّ دیِپ ہویا دھوُاں دھار، نوُری چند نہ کوئے چمکائیا۔ پُرکھ اکالے دیِن دَیالے ساڈا لہنا دینا پوُرب قرضہ دے اُتار، مقروُض تیرے اَگے منگ منگائیا۔ تیرے چرن کوَل ڈنڈاوت بندنا سجدیاں وِچ کریئے نِمسکار، بِن سیِس جگدیِش نِیوں نِیوں لگیئے پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی تیرا انت نہ پاراوار، پاربرہم پت پرمیشور بے پرواہ تیری بے پرواہی وِچ سمائیا۔
۲۰ ماگھ شہنشاہی سمت ۱۱ منگل سِنگھ دے گرِہ پِنڈ فتُوپُر ضِلع گُرداس پُر
دھرنی کہے پروردِگار میرے نِرنکارا، نِراکار تیری سرنائیا۔ میری بیننتی سُن پُکارا، پُنہ پُنہ سیِس نِوائیا۔ تُوں شاہو بھوُپ سِکدارا، شہنشاہ اِک اکھوائیا۔ سَتگُر شبد تیرا دُلارا، دوُلھا دو جہان سوبھا پائیا۔ جِس دے حُکم وِچ آئے تیئی اوتارا، اوتر ہو کے کھیل کھِلائیا۔ جِس پَیغمبراں دِتا اِشارہ، سیَنت کلمیاں والی لگائیا۔ گُروُآں گُردیو دے سہارا، سِر اپنا ہتّھ ٹِکائیا۔ چار جُگ دے شاستراں بن لِکھارا، صِفت صالاحی ڈھولے گائیا۔ نام کلمہ کر اُجیارا، اکھّر اکھّراں نال وڈیائیا۔ میَں روواں زارو زارا، دھرنی کوُک کوُک سُنائیا۔ میرے انتشکرن دی سُن لےَ ہاہاکارا، ہؤکیاں وِچ میری دُہائیا۔ کلجُگ ودھیا کوُڑ کُڑیارا، کلکاتی نظری آئیا۔ نؤ کھنڈ پرِتھمی اندھ اندھیارا، ستّ دیِپ دیِپ نہ کوئے رُشنائیا۔ میَں جِدھر تکاں دھوُاں دھارا، نوُری چند نہ کوئے چمکائیا۔ پوِتر رہیا نہیں کوئی دھرم دوارا، مندر مسجد شِودوالے مٹھ گُروُدوار چرچ رہے سُنائیا۔ تیِرتھ تٹ روون زارو زارا، گنگا گوداوری جمنا سُرستی بِن نیَناں نیِر وہائیا۔ تیرے نام دا دِسے نہ کوئے پیارا، پییا پریِتم تَینوُں مِلن کوئے نہ پائیا۔ دیِا باتی تیرے گرِہ نہ ہوئے اُجیارا، جوتی نوُر نہ کوئے رُشنائیا۔ تیرا نام شبد اگمّا سُنے نہ کوئے دُھنکارا، انحد نادی ناد نہ کوئے شنوائیا۔ امرت رس کِسے ملِے نہ ٹھنڈا ٹھارا، بوُند سوانتی نابھی کَول نہ کوئے ٹپکائیا۔ من منسا وِچ ہویا ہنکارا، گڑھ کوُڑ بَیٹھا بنائیا۔ ترِسنا سب نوُں کرے خوارا، پنچ وِکار نال مِلائیا۔ ترےَگُن چاروں کُنٹ اپنا کیِتا ورتارا، ورتمان ویکھ خلق خُدائیا۔ تیرا پیار رہیا نہ وِچ سنسارا، سنساری بھنڈاری سنگھاری دین گواہیِا۔ میَنوُں کہہ کے گئے پَیغمبر گُر اوتارا، سندیسہ بھوِکھتاں وِچ جنائیا۔ کل کلکی آوے اپنی دھارا، نِہکلنکا روُپ الاہیِا۔ اِمام اِماما ہووے ظاہرا، ظاہر ظہوُر کرے رُشنائیا۔ میَں تیری کرنی اِنتظارا، راہ تکاں چائیں چائنیا۔ کوَن ویلا میرا صاحِب سوامی میَنوُں دئے سہارا، سِر میرے ہتّھ ٹِکائیا۔ میَں چرن کوَل دھوَل ہو کے کراں نِمسکارا، دھرنی ہو کے سیِس نِوائیا۔ تیرا لہنا دینا میرے نال سدا جُگ چارا، سَتجُگ تریتا دواپرکلجُگ سنگ رکھائیا۔ میَں تیری دھوُڑ مستک لاواں چھارا، ٹِکّے شہنشاہ رمائیا۔ تُوں سَت دھرم سَتجُگ میرے اُتے کر اُجیارا، اُجرت کلجُگ دئے چُکائیا۔ تیرا اِکو اِشٹ دیِن دُنی دا ہوئے پیارا، دیِن مذہب ذات پات ونڈ نہ کوئے ونڈائیا۔ تیرے نام دا دو جہان ہووے اِک جَیکارا، تُوں میرا میَں تیرا آتم پرماتم ڈھولا سارے لیَن گائیا۔ تیرا اِکو ہووے دُھردرگاہی سچ
دربارا، در دروازہ اِک کُھلائیا۔ ڈنڈاوت بندنا سجدیاں وِچ تَینوُں اِکو گرِہ ہووے نِمسکارا، مندر مسجد شِودوالا مٹھ ونڈ نہ کوئے ونڈائیا۔ تُوں پنجاں تتاں دیونہار ادھارا، ترےَگُن اپنا حُکم ورتائیا۔ دھرنی کہے پربھوُ میری سُن لےَ گِریہ زارا، نیتر نیَناں نیِر وہائیا۔ پُرکھ اکالے دیِن دَیالے سمبل دے مالک ہو جا ظاہرا، ظاہر ظہوُر اپنی کل پرگٹائیا۔ تیرا سَتگُر شبد دو جہان تیرا لائے نعرہ، ڈھولا گیِت اِک سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا لیکھا آد انت جُگا جُگنت سِری بھگوَنت میرا لہنا دینا دے اُدھارا، مانگت ہو کے خالی جھولی اَگے ڈاہیِا۔
۲۰ ماگھ شہنشاہی سمت ۱۱ گُلزار سِنگھ دے گرِہ پِنڈ فتُوپُر ضِلع گُرداس پُر
سَتگُر شبد دُھر دا ماہی، مِہربان اِک اکھوائیندا۔ جُگ جُگ دو جہان بنے راہی، رہبر ہو کے کھیل کھِلائیندا۔ ویکھنہارا تھل اسگاہی، ٹِلّے پربت پھول پُھلائیندا۔ لکھّ چؤراسی پردہ رہیا اُٹھائی، بھیوَ ابھیدا آپ کُھلائیندا۔ نام سندیسہ اِک سُنائی، انسُنت آپ سُنائیندا۔ ہرِجن اُٹھائے پھڑ پھڑ باہیِں، پلّوُ اپنی گنڈھ بندھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیندا۔ سَتگُر شبد دو جہاناں پاندھی، آد جُگاد اِک اکھوائیا۔ جِس دی دھار تُوں میرا میَں تیرا گاندی، برہم برہماد دئے سُنائیا۔ جِس دے بِنا سب دی پت جاندی، سِر ہتّھ نہ کوئے رکھائیا ۔ کرے کھیل کلجُگ کوُڑی کِریا کاں دی، جیِواں جنتاں اندر دھیان لگائیا۔ وڈیائی ویکھے دُھر دے ناں دی، نام نِدھانا کی جنائیا۔ رحمت ویکھے اوتار پَیغمبراں گُروُآں چھاں دی، کِس بِدھ سِر اپنا ہتّھ ٹِکائیا۔ ترِسنا تکے دھرنی دھوَل ماں دی، ماتر بھوُمی ہو کے کی جنائیا۔ جگہ ویکھے اپنے پوِتر تھاں دی، تھننتراں کھوج کھوجائیا۔ پُکار سُنے سوُر گاں دی، پشوُ کوُک کوُک کی سُنائیا۔ وڈیائی ویکھے اپنے سَتگُر شبد واہ واہ دی، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ نِبھائیا۔ سَتگُر شبد ویکھنہارا آد جُگادی، جُگ جُگ دھیان لگائیا۔ جِس دی دھار سدا سادی، بُدھی وِچ سمجھ کِسے نہ آئیا۔ اوہ ویکھنہارا لکھّ چؤراسی آبادی، چارے کھانی پھول پُھلائیا۔ جو اوتار پَیغمبر گُروُآں کولوں حُکم پُچھے جوابی، جوابطلبی اِک
رکھائیا۔ اپنے اپنے بھگت سنت سِکھ مُریِد پوُرے میَنوُں دسّو شتابی، جلدی جلدی حُکم سُنائیا۔ جو ویکھنہارا سچ دوار محرابی، محبوُب نوُر الاہیِا۔ سو بھگتاں دی منزل دی دئے آزادی، آزاد اپنا نام جپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس نوُں آد جُگاد سارے رہے ارادھی، ارادھنا وِچ اپنا جھٹ لنگھائیا۔
۲۰ ماگھ شہنشاہی سمت ۱۱ پِنڈ اٹھوال ضِلع گُرداس پُر
دھرنی کہے پربھوُ ہر ہِردے بخش دے اپنا نام، انتر نِرنتر آپ ٹِکائیا۔ امرت رس حقیِقی پیا دے جام، انرس اپنا آپ چکھائیا۔ اندھیر مِٹا دے ساڈھے تِنّ ہتّھ انتر شام، شمع نوُر جوت کر رُشنائیا۔ بھاگ لگا دے پنج تت گرام، گرِہ مندر ویکھ وکھائیا۔ من منسا کوُڑی کِریا تیرے چرن کرے پرنام، دہ دِشا نہ اُٹھ اُٹھ دھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ دھرنی کہے پربھوُ میرے اُتوں میٹ دے کلجُگ کوُڑ کُڑیارا، لوک مات رہن نہ پائیا۔ سَتجُگ ساچا کر اُجیارا، نوَ ستّ کرے رُشنائیا۔ اِکو اِشٹ دیوَ ہووے نِرنکارا، جو سب دا پِتا مائیا۔ اِکو نام کلمہ تیرا ہووے نعرہ، آتم پرماتم ڈھولا سارے گائیا۔ تُوں پُرکھ اکالا سانجھا پروردِگارا، نوُر نوُرانہ نوُر الاہیِا۔ میَنوُں تیرے چرناں دا سہارا، دوُسر اوٹ نہ کوئے تکائیا ۔ تیرا سندیسہ دے کے گئے پَیغمبر گُر اوتارا، شبد شبدی شبد جنائیا۔ تُوں ٹھاکر میرا کل کلکی اوتارا، نِہکلنکا اگمّ اتھاہیِا۔ مِہربانا سِری بھگوانا میری پا سارا، مہاسارتھی اپنا ویس وٹائیا۔ میری ڈنڈاوت بندنا تیرے چرن کوَل نِمسکارا، نِو نِو لاگاں پائیا۔ تُوں جوتی جاتا پُرکھ بِدھاتا جگت جگدیِشا چؤبیسا اوتارا، اوتری ہو کے ویکھ وکھائیا۔ میرے اُتوں میٹ دے دھوُاں دھارا، اندھ اگیان رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جوتی جاتے پُرکھ بِدھاتے تیرے چرن دھوُڑ بِن مستک لاواں چھارا، شہنشاہ میری دُرمت میَل دینی دھوائیا۔
۲۰ ماگھ شہنشاہی سمت ۱۱ مہِندر سِنگھ دے گرِہ پِنڈ شِکار ماچھیِاں ضِلع گُرداس پُر
اوتار پَیغمبر گُر کہن پربھ ساڈی اگمّ ڈنڈاوت بندنا، سجدیاں وِچ سیِس نِوائیا۔ نِرگُن داتے پُرکھ بِدھاتے آد جُگادی دُھر دے سجّنا، صاحِب سوامی تیری اوٹ تکائیا۔ دھرنی دھرت دھوَل دھؤل کوُڑی کِریا توڑ دے پھندنا، جگت جنجال دے گوائیا۔ تیرے حُکم وِچ کلجُگ کوُڑ کُڑیارا انتم لنگھنا، لوک مات رہن نہ پائیا۔ اِکو دوار ایکنکار پروردِگار تیرا منگنا، دوُسر اِشٹ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست نام ورتائیا۔ اوتار پَیغمبر گُر کہن کلجُگ میٹ جگت اندھیار، پُرکھ ابناشی دَیا کمائیا۔ نؤ کھنڈ پرِتھمی تک وِبھچار، ستّ دیِپ کھوج کھوجائیا۔ ساچی سِکھیا رہی نہ وِچ سنسار، انتر آتم تیرا بھیوَ کوئے نہ پائیا۔ رسنا جِہوا بتّی دند بولدے سرب جَیکار، ہِردے ہرِ نہ کوئے وسائیا۔ چار کُنٹ دہ دِشا ہویا دھوُاں دھار، نوُری چند نہ کوئے رُشنائیا۔ ساڈے بھوِکھتاں لیَنا وِچار، پیشیِن گوئیاں تیرے چرن ٹِکائیا۔ اسیں تیرا کل کلکی کردے اِنتظار ، نِہکلنک تیری اوٹ رکھائیا۔ اِمام اِماما دُھر دے پروردِگار، سانجھے یار نوُر الاہیِا۔ سرِشٹی درِشٹی اندر آن کے پَیج سوار، سِر سِر اپنا ہتّھ ٹِکائیا۔ صدی چؤدھویِں نِگاہ مار، چؤداں طبق کھوج کھوجائیا۔ بیِس بیِسے ہو خبردار، حضرت عیسیٰ نیَن اُٹھائیا۔ موُسیٰ کوُک کوُک کرے پُکار، پروردِگار تیری بےپرواہیِا۔ سَتگُر شبد دئے اِشار، گوبِند ڈھولا اِک سُنائیا۔ پُرکھ اکالے دیِن دَیالے سب دا لہنا دینا قرض اُتار، مقروُض لیکھا دے چُکائیا۔ تیرے در تے سارے ہوئے بِھکھار، مانگت ہو کے جھولی ڈاہیِا۔ چار جُگ دے شاستر بِن اکھّیِاں روون زارو زار، بِن نیَناں نیِر وہائیا۔ ساچا رہیا نہ کوئے ستکار، دھرم دی دھار نہ کوئے وڈیائیا۔ سانوُں پڑھ پڑھ تھکا سنسار، پرم پُرکھ تیرے رنگ نہ کوئے رنگائیا۔ من کلپنا دیِن دُنی اندر ودھیا ہنکار، وِبھچار سکے نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست اگمّ ورتائیا۔ اوتار پَیغمبر گُر کہن صاحِب سوُرے سربگ، ہرِ کرتے دُھردرگاہیِا۔ کلجُگ کوُڑ کُڑیار بدل دے جگ، جُگتی اپنی نال بدلائیا۔ ترےَگُن مایا بُجھا دے اگّ، پنج تت نہ کوئے تپائیا۔ سرِشٹی درِشٹی جو تیرے نالوں ہوئی الگ، میلا میل سہج سُبھائیا۔ درشن دے اُپر شاہ رگ، شہنشاہ پردہ آپ اُٹھائیا۔ تیری سرن سرنائی آتم دھار دیِن دُنی جائے لگّ، پرماتم مِل کے وجے ودھائیا۔ تُوں آد جُگادی نوُر الاہی ربّ، محبان بیِدو اِک اکھوائیا۔ دُھر دے رام
کاہن تَینوُں رہے سدّ، سدّے دئیے چائیں چائنیا۔ پُرکھ اکالے دیِن دَیالے سب نوُں کر گد گد، خوشیاں اپنا رنگ رنگائیا۔ مانَو ذاتی اِکو بنا لےَ جدّ، دیِن مذہب دا لیکھا رہے نہ رائیا۔ صدی چؤدھویِں انتم شرع دی میٹ دے حد، شریِعت اِکو دے وکھائیا۔ تیرا نام نِدھانا دو جہاناں وجے ند، برہمنڈاں کھنڈاں کر شنوائیا۔ ذات پات میٹ دے حد، حدوُد اِکو اِک ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ اوتار پَیغمبر گُر کہن ساڈی اِکو اِک ارداس، عرض عرضوئی تیرے چرن ٹِکائیا۔ تُوں شہنشاہ شاہو شاباش، ہرِ کرتا نوُر الاہیِا۔ کلجُگ انتم لہنا دینا تک لےَ خاص، خالص سرِشٹی ویکھ خلق خُدائیا۔ پرم پُرکھ پرماتم تیرے اُتے رہیا نہ کِسے وِشواس، وِشوَ دا بھیوَ نہ کوئے چُکائیا ۔ تن وجوُداں اندر ہوئے نہ کوئے پرکاش، اندھ اگیان نہ کوئے مِٹائیا۔ نام رمیا دِسے نہ کِسے سواس، ساہ ساہ نہ کوئے دِھیائیا۔ منوُآ من ہویا بدمعاش، بدی کرے تھاؤں تھائنیا۔ سندیسہ دے دے شنکر کَیلاش، کلا دھاری دے دِرڑائیا۔ کلجُگ انتم دھرنی اُتوں کر وِناس، وِشوَ دے مالک ہونا سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی سرب گُنتاس، گُنونتے سِری بھگوَنتے آدن انتے تیری اوٹ تکائیا۔