کتب خانہGranth 24 (Shahmukhi)

۱۲ پھگّن شہنشاہی سمت ۱۱ پرکاش کؤر دے گرِہ پِنڈ سُنڑا ضِلع جالندھر

خوشیاں نال بولے سپتس رِکھیاں وِچوں اتری، اُتّر پوُرب پچھّم دکھّن دھیان لگائیا۔ کی لہنا دینا شوُدر وَیش براہمن کھتری، ذاتاں پاتاں بھیوَ چُکائیا۔ کی نارد نِرگُن دھار کھول کے دسےّ پتری، بِن اکھّراں اکھّر سمجھائیا۔ سچ پیار وِچوں دیِن دُنی ہوئی نِخطری، خطرے وِچ خلق خُدائیا۔ کلجُگ آیوُ ہوئی بہتّری ستّری، اَگے ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ اتری کہے پربھوُ میَں ویکھاں اُتّر پوُرب پچھّم دکھّن، چاروں کُنٹ دھیان لگائیا۔ دیِن دُنی دا ہِردا ہویا سکھّن، ہِردے نام نہ کوئے وسائیا۔ میَں نِگاہ ماری پُشکر کرؤچ دیِپ لکھّن، جنبوُ اپنا دھیان لگائیا۔ تُدھ بِن لجیا کوئی نہ آوے رکھن، سِر سِر ہتّھ نہ کوئے ٹِکائیا۔ اوتار پَیغمبر گُر تیرا اِشارہ دسّن، بِن سیَنت جگت لگائیا۔ پُرکھ اکالا اِکو آوے جگت سمرتھن، سمرتھ اکتھ اپنا حُکم ورتائیا۔ کلجُگ کوُڑی کِریا کرے متھن، مِتھیا ویکھے خلق خُدائیا۔ جن بھگتاں لہنا دینا دیوے ہتّھو ہتّھن، پوُرب جنم دا جھولی پائیا۔ شبد ناد سُنائے ندن،

انحد نادی ناد جنائیا۔ گھر سوامی آوے سدّن، سُتیاں لئے جگائیا۔ کِرپا کرے گوپال موُرت مدن، پاربرہم پربھ دُھردرگاہیِا۔ جو دیِن دُنی دی میٹے حدن، در دوار اِکو اِک وکھائیا۔ جِس دے پیار وِچ بھگت سُہیلے بھجّن، جگت سکے نہ کوئے چُھڈائیا۔ سو پُرکھ اکالا دیِن دَیالا پردے آوے کجّن، کرنی دا کرتا نوُر الاہیِا۔ سَتگُر دھار بنے سجّن، سوامی ہو کے ویکھ وکھائیا۔ چرن دھوُڑ کرائے مجن، دُرمت میَل دھوائیا۔ اِکو اِک سمجھائے بندن، بندگی بندگی وِچوں پرگٹائیا۔ جن بھگتاں بھاگ ہون نہ دیوے مندن، مندبھاگیاں لئے ترائیا۔ نِج آتم دے انندن، انند انند وِچوں پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سوُرا سربگن، سربگ الپگ جیِواں لئے ترائیا۔

۱۲ پھگّن شہنشاہی سمت ۱۱ سرون سِنگھ دے گرِہ پِنڈ ہیر ضِلع جالندھر

دھرنی کہے پربھ میری جُگ جُگ ویکھ لےَ گھالا، گھائل ہو کے جُگ جُگ سیو کمائیا۔ دھرت دھوَل دھؤل ویکھ سچّی دھرمسالہ، دھرم دے مالک دھیان لگائیا۔ میری حالت ہوئی بےحالا، بِہبل ہو کے دیاں جنائیا۔ کلجُگ وکھری چلی چالا، چال نِرالی اِک پرگٹائیا۔ جگت جگیاَسوُ منکیاں والی پھیردے مالا، من کا منکا نہ کوئے بھوائیا۔ سب دا ہِردا اندروں دِسے کالا، کالکھ سکے نہ کوئے دھوائیا۔ ترےَگُن ودھیا کوُڑ جنجالا، جاگرت جوت نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ جن بھگت سُہیلے ویکھ جن، جننی بن دُھر دی مائیا۔ من منسا ویکھ لےَ من، ممتا موہ کھوج کھوجائیا۔ جگت واسنا تک لےَ دھن، تن وجوُداں دھیان لگائیا۔ واشنا تک لےَ سرون کنّ، تیرا نام سُنن کوئے نہ پائیا۔ میرے مِہربانا سِری بھگوانا سَت نوُر دا چاڑھ دے چنّ، چند چاندنی کر رُشنائیا۔ ہرِجن نیتر رہے کوئی نہ انّھ، اندھ اگیان دینا مِٹائیا۔ درس دِکھا دے اپنا بِن چھپّری چھنّ، شہنشاہ اپنا پردہ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ جن بھگتاں بن

جنیندی ماں، ممتا موہ وِکار مِٹائیا۔ ہنس بُدھی بنا دے کاں، سوہنگ مانک موتی چوگ چُگائیا۔ اِکو تیرا اُپجے ناں، ناؤں نِرنکارا تیرے ڈھولے گائیا۔ چرن کوَل دسّ دے تھاں، استھان اِکو اِک سُہائیا۔ غریِب نِمانیاں پکڑ لےَ بانہہ، پھڑ باہوں گلے لگائیا۔ تیرے چرن کوَل بل بل جاں، بل بل اپنا آپ کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، شبدی دھار کر دے ہاں، نہ دا لیکھا رہے نہ رائیا۔

۱۲ پھگّن شہنشاہی سمت ۱۱ پریِتم سِنگھ، گُرنام سِنگھ، مہِندر کؤر نوِت پِنڈ جنڈیالا ضِلع جالندھر

نارد کہے پربھوُ میَں گیا وِچ کعبہ، مقبریاں اندر دھیان لگائیا۔ میَں تکیا مائی ہوّا دے نال آدم بابا، بابا آدم کہہ کے جِس نوُں سارے گائیا۔ اُس میَنوُں پیار وِچ ماریا دابا، زور نال سُنائیا۔ پنڈتا دیِن دُنی نوُں آؤن والا عذابا، اَگے ہو نہ کوئے بچائیا۔ جھٹ میَنوُں نظر آیا نانک والا چھابا، تکڑ دُھر دا نظری آئیا۔ پھیر نوُر تکیا ظہوُر تکیا میَں کیِتی جھٹ آدابا، نمو نمو کہہ کے سیِس نِوائیا ۔ جِتھے نہ کوئی سوال نہ جوابا، جواب طلبی وِچ سارے چرن دھوُڑی خاک رمائیا۔ جھٹ اِشارہ مِلیا ناردا ذرا ویکھ لےَ وِچ دوآبہ، دوہری کھیل پربھ اپنی آپ کرائیا۔ جِس دی اوتار پَیغمبراں گُروُآں منگی امدادا، آمد وِچ بَیٹھے نیَن اُٹھائیا۔ اوہدا روُپ انوُپ سَت سروُپ سادہ، سادگی وِچ سمجھ کِسے نہ آئیا۔ اوہدا حُکم سندیس فرمان بودھ اگادھا، بُدھی توں پرے رہیا دِرڑائیا۔ جِس دی یاد وِچ کرِشن سندیسہ دِتا رادھا، بِن اکھّراں اکھّر جنائیا۔ اُس کاہن دا کلجُگ انت بھگتاں نال ہونا وادھا، وعدے پِچھلے پوُر کرائیا۔ اوہدا سَت سروُپ ہونا موہن مادھوَ مادھا، مدُھر دُھن دئے سُنائیا۔ جِس چار جُگ دے شاستراں دی سُننی فریادا، اکھّر اکھّر بَیٹھن سیِس نِوائیا۔ جن بھگتاں دُرمت میَل دھووے داغا، پتت پُنیِت دئے کرائیا۔ اوسے دی دھار اوسے دے پیار وِچ سگلا سنگی ہووے والا بازاں، بازی دیِن دُنی ویکھ وکھائیا۔ شاہو بھوُپ بن راجن راجا، شہنشاہ اپنا حُکم ورتائیا۔ جِس کلجُگ انت سوارنا کاجا، کرنی دا کرتا نوُر الاہیِا۔ جِس دا ظہوُر ہونا دیس ماجھا، مجلس بھگتاں نال رکھائیا۔ جِس دے پیار وِچ نانک سِتار وجائی ربابا، جنک دی دھار دئے گواہیِا۔ جوتی جوت سروُپ ہرِ، آپ اپنی کِرپا کر، کرے

کھیل ساچا ہرِ، سچ دا سنگ آپ بنائیا۔ نارد کہے میَنوُں ویکھ ہوئی مدہوشی، ہوش و حواس نہ کوئے رکھائیا۔ میرے انتر آئی خاموشی، رسنا کہن کِچھ نہ پائیا۔ میَں نِگاہ ماری چار جُگ دے ویکھے کوشی، اکھّر اکھّر پھول پُھلائیا۔ پھیر تکیا دیِن دُنی ہوئی دوشی، دوست مِتر سنگ نہ کوئے نِبھائیا۔ جاں ہور جانیا سرِشٹی کامنا ہوئی پوشی، پوشیدہ بھیوَ نہ کوئے کُھلائیا۔ میَں جھٹ پےَ گیا سوچیِں، سوچ سوچ وِچوں پرگٹائیا۔ جھٹ اِشارہ دِتا میَنوُں رَوداس چمارے موچی، رمبی آر رہیا ہِلائیا۔ اؤہ تک کھیل پریِتم چوجی، جو چولا آیا بدلائیا۔ جن بھگتاں بن کے کھوجی، کھوج کرے تھاؤں تھائنیا۔ جو نام نِدھان دیونہارا روزی، رازق رِزق رحیِم نوُر الاہیِا۔ اوہ بھگت سُہیلا اِک اَکیلا لوک مات بنا کے مؤجی، مجلس بھگتاں نال رکھائیا۔ دُرمت میَل دھووے بن کے دھوبی، دھبّے جنم جنم دے رہیا مِٹائیا۔ اندر وڑ وڑ کے ہِردے رہیا سودھی، سُدھ اپنا نام سمجھائیا۔ نارد کہے میَں حَیران ہو گیا غریِب نِمانیاں چُکی پِھرے گودی، گوداوری دا کنڈھا گوبِند دی دھار اپنے نال رکھائیا۔ ایسے خوشی وِچ میری ہِلدی دِسے بودی، بُدھ دے اِشارے رہی سمجھائیا۔ جِس پریم وِچ آکھیا بِنا پربھوُ دی کِرپا کِسے نوُں آؤنی نہیں سوجھی، سمجھ جگت چلے نہ کوئے چتُرائیا۔ پُرکھ اکالا دیِن دَیالا ہرِجن میل کرے سنجوگی، جُگ جُگ وِچھڑے اپنا میل کرائیا۔ آتم دھار در بنے بھوگی، بھسمڑ اپنا کھیل کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی دی دھار ویکھے وِرودھی، شُدھ ہرِجن آپ کرائیا۔

۱۲ پھگّن شہنشاہی سمت ۱۱ گُردَیال سِنگھ چیِما کلاں، پریم سِنگھ، مہِندر پِنڈ کھیڑا ضِلع جالندھر

دھرنی کہے پربھ میَنوُں بخش دے ساچا دھرم، دھوَل دھؤل دھرت ہو کے منگ منگائیا۔ دیِن دُنی دا انتر نِرنتر بدل دے کرم، نِہکرمی اپنا رنگ رنگائیا۔ دھار نہ رہے کِسے دی ماٹی چرم، چمّ درِشٹی ڈیرہ دینا ڈھائیا۔ ذات پات دا میٹ دے بھرم، بھانڈا بھرم بھؤ بھنّائیا۔ پردہ لاہ دے اپنے برہم، پاربرہم پربھ بھیوَ کُھلائیا۔ سَتجُگ ساچے میرے اُتے دے دے جرم، آپے بن جنیندی مائیا۔ تُوں آد جُگادی سب کُچھ

کرنی کرن، کرتا پُرکھ اِک اکھوائیا۔ میَں تیرا آئی لڑ پھڑن، پلّوُ اپنی گنڈھ پوائیا۔ تُوں میرا میَں تیرا آتم پرماتم ڈھولا سارے پڑھن، دوُسر اوَر نہ کوئے پڑھائیا۔ پت پرمیشور تیری منزل حقیِقی چڑھن، اَگے ہو نہ کوئے اٹکائیا۔ جھگڑا میٹ دے چوٹی جڑن، جڑ چیتن کھوج کھوجائیا۔ کلجُگ جیِواں گڑھ توڑ دے ہنکاری گڑھن، ہنگ برہم پاربرہم بھیوَ چُکائیا۔ تُوں آد جُگادی برہم برہمادی سب کِچھ کرنی کرن، کرتا پُرکھ اِک اکھوائیا۔ جن بھگتاں نِج نیتر کھول دے ہرن پھرن، جگت نیتر دی لوڑ رہے نہ رائیا۔ پُرکھ اکالے دیِن دَیالے میَں تیری آئی سرن، سرنگت دینی مان وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے پربھوُ میرے اُتے دھرم دا کھول اگمّ دوارا، ایکنکار اِکو اِک جنائیا۔ سب دا سانجھا بن پروردِگارا، نوُر نوُرانہ نوُر الاہیِا۔ میَں تیرے در منگتی بناں بِھکھارا، بِھکھک جھولی دینی بھرائیا۔ تُوں جگت جگدیِش چؤبیسا اوتارا، اوتری تیری اوٹ تکائیا۔ میَنوُں سندیسہ دے کے گئے پَیغمبر گُر اوتارا، اوتری تیری راہ تکائیا۔ تُوں جوتی جاتا پُرکھ بِدھاتا اِک اِکلّا پروردِگارا، پاربرہم پت پرمیشور تیری بےپرواہیِا۔ میَں دھؤل تیری چرن دھوُڑ لاواں چھارا، دھوُڑی مستک خاک رمائیا۔ میرے اُتے نِروَیر ہو کے ہو ظاہرا، ظاہر ظہوُر اپنا آپ دے چمکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت وست سچ دے ورتائیا۔ دھرنی کہے پربھوُ اپنا بخش دے نام نِدھان، نِرگُن ہو کے دَیا کمائیا۔ آتم پرماتم دے گیان، پاربرہم برہم میل مِلائیا۔ اِیش جیِو کر کلیان، کلمہ کائنات سمجھائیا۔ بیِس بیِسے ہو مِہربان، محبوُب تیری اوٹ تکائیا۔ میَں بالی بُدھ نادان، عقل چلے نہ کوئے چتُرائیا۔ تُوں شاہو بھوُپ سُلطان، شہنشاہ اگمّ اتھاہیِا۔ میری بیننتی کر پروان، پرم پُرکھ تیرے چرن کوَل ٹِکائیا۔ میرے آد جُگادی بھگوان، بھگوَن تیری اوٹ تکائیا۔ سَت سچ دا میرے اُتے جھُلا نِشان، نِشانے دیِن دُنی بدلائیا۔ تیرا اِکو حُکم ورتے زِمیں اسمان، زِمیں زماں دے مالک ہونا آپ سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میرے اُتے پرگٹا دے سَت، سَت ستوادی دَیا کمائیا۔ مانَو ذاتی بخش برہم مت، برہم وِدیا اِک سمجھائیا۔ اگنی اُبلے موُل نہ تت، تتو اِکو اِک تت سمجھائیا۔ ناڑ بہتّر نہ اُبلے رت، رتن امولک ہیِرے لےَ پرگٹائیا۔ دھیِرج سَت بخش دے یت، سنتوکھ سب دی جھولی پائیا۔ تُوں پرمیشور کملاپت، پاربرہم تیری سرنائیا۔ نِرگُن دھار میرے اُتے آئیوں وت، بےوطناں لےَ ترائیا۔

آہ ویکھ لےَ میرے کول تیرا بِن اکھّراں والا خط، خطوُطاں ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے پربھوُ میَنوُں دھرم دی بخش نِشانی، نِشانہ دیِن دُنی بدلائیا۔ اوہ آشا پوُری کر دے جو رکھ کے گئی دُرگا اشٹبُھج بھوانی، بھاوَنا تیرے نال رکھائیا۔ جو اِشارہ دِتا راون رام کھیل ہووے مہانی، مہما اکتھ کتھ سُنائیا۔ جو تیرا بھوِکھ لِکھیا وید ویاس نال کانی، شاہی کاغذ رنگ چڑھائیا۔ جو کاہن کرِشن حُکم دِتا فرمانی، فُرنیاں باہر سُنائیا ۔ جو اِشارہ دے کے گیا عیسیٰ میرا باپ آوے اسمانی، اِسم اعظم نوُر الاہیِا۔ جِس نوُں محمد کِہا میرا خُدا الوزو نوُرے نزع دوسطے زموُ عرشے کرے فرمانی، زِمیں زماں دئے وڈیائیا۔ نانک نِرگُن دھار کر دھیانی، سرگُن تت تت سمجھائیا۔ گوبِند ہس کے کِہا اوہ پُرکھ اکال کرے مِہربانی، محبان بیِدو اِک اکھوائیا۔ جِس جھگڑا میٹنا تن وجوُد جِسمانی، ضمیِر بے نظیِر اندروں دئے بدلائیا۔ دھرنی کہے پربھوُ میری بیننتی پُرانی، پُنہ پُنہ کہہ کے سیِس نِوائیا۔ میرا لہنا دینا لیکھا نہیں زبانی، چار جُگ دے شاستر دین گواہیِا۔ مِہربانا نؤجوانا سِری بھگوانا مار دھیانی، بِن نیَناں نیَن اُٹھائیا۔ دھرنی کہے میرے پرم پُرکھ سُلطانی، شاہو بھوُپ شہنشاہ تیری اوٹ تکائیا۔ مانَو ذاتی منزل رہی نہ کوئے روُحانی، روُح بُت دوویں روون مارن دھائیا۔ امرت رس نِجھر جھِرنا بوُند سوانتی ملِے کِسے نہ پانی، اگنی تت نہ کوئے گوائیا ۔ میَں اِکو اِک تیرے چرن کوَل کراں دھیانی، ایکنکار تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَت دھرم سَتجُگ ساچا بخش دے گُن نِدھانی، گُنونتے ساچے کنتے سِری بھگوَنتے آدن انتے تیری اوٹ تکائیا۔

۱۳ پھگّن شہنشاہی سمت ۱۱ پِنڈ رُڑکا ضِلع جالندھر گُرمیز سِنگھ دے گرِہ

دھرنی کہے جن بھگتو کھیل تکو پوَن پانی، خوشیاں وِچوں اپنی خوشی بنائیا۔ انتر نِرنتر سُنو شبد اگمّی بانی، انحد نادی ناد شنوائیا۔ پرم پُرکھ دی دسےّ اکتھ کہانی، جِس نوُں کتھنی کتھ سکے نہ رائیا ۔ جو لیکھا مُکاوے چارے کھانی، انڈج جیرج اُتبُھج سیتج پندھ رہے نہ رائیا۔ سچ دوار ایکنکار دیوے مانی، چرن کوَل اُپر دھوَل بخش سرنائیا۔ سُرت شبد مِلائے ساچا ہانی، گھر گھر وِچ میل مِلائیا۔ پاربرہم برہم دسّ کے منزل اِک روُحانی، روُح بُت رنگ رنگائیا۔ تُہاڈے ہِردے وسے جِس نوُں عیسیٰ کِہا باپ اسمانی، اِسم اعظم اِک اکھوائیا۔ اوہ لہنا دینا چُکائے جِسم جِسمانی، ضمیِر بے نظیِر اندروں دئے بدلائیا۔ جو آد جُگادی برہم برہمادی سب دا جان جانی، جاننہار اِک اکھوائیا۔ سو پُرکھ اکالا دیِن دَیالا سچ پیار دا بنیا دانی، مُحبّت تُہاڈے اندر ٹِکائیا۔ چرن دھوُڑ کرائے اگمّ اِشنانی، دُرمت میَل دھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک ہوئے سہائیا۔ دھرنی کہے پربھوُ ہر ہِردا کر پوِت، ہرِجن پتت پُنیِت بنائیا۔ آتم پرماتم بن مِت، مِتر پیارا اِک اکھوائیا۔ جن بھگتاں درشن دے نِت، نِج نیتر اکھّ کُھلائیا۔ سدا سُہیلے وسنا چِت، ٹھگؤری چِت رہے نہ رائیا۔ بجر کپاٹ کھول دے بِھت، پردہ اندرے اندر چُکائیا۔ نِج نیتر پَینا دِس، دہ دِشا کر رُشنائیا۔ جگت وِکار اندروں کڈھنی وِس، وِشا اپنا دے سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ کِرپا کر دے دیِن دَیال، دَیانِدھ تیری سرنائیا۔ کلجُگ کوُڑی کِریا آپ سنبھال، سمبل دے مالک بےپرواہیِا۔ میری پوُرب لیکھے لا لےَ گھال، گھائل ہو کے سیِس نِوائیا۔ پھل لگا دے میرے ڈال، نؤ کھنڈ پرِتھمی پتّ ٹہنی دے مہکائیا۔ میری بیننتی اِک سوال، سوالن ہو کے جھولی ڈاہیِا۔ سَتگُر شبد وِچولا ہووے تیرا اِک دلال، دوُسر اوٹ نہ کوئے رکھائیا۔ جِس دے بھےَ وِچ دِسے کال مہاکال، رائے دھرم نہ سیِس اُٹھائیا۔ چِتر گُپت نہ لیکھا سکے وکھال، لاڑی مؤت نیَن نیَن شرمائیا۔ تُوں شاہو بھوُپ شہنشاہ تیرا جلوہ تکاں جلال، نوُر نوُرانے کرنا نوُر رُشنائیا ۔ بھاگ لگا دے جیِواں جنتاں کایا ماٹی کھال، خلق دے خالق دَیا کمائیا۔ میرے اُتے سَت سچ بنا دھرمسال، در سچ دوارا اِک وکھائیا۔ سچ وست دے دھن مال، نام نِدھان اِک ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری وڈیائیا۔ دھرنی

کہے پربُھ تیرے چرن کوَل نِمسکارا، نِو نِو سیِس نِوائیا۔ تُوں شاہو بھوُپ سِکدارا، شہنشاہ اِک اکھوائیا۔ تیرا سوہے بنک دوارا، سچکھنڈ وجے ودھائیا۔ تیرا دوُلھا سَتگُر شبد دُلارا، دو جہاناں مالک اِک اکھوائیا۔ جِس دا وِشن برہما شِو پسارا، ترےَگُن لیکھا نال مِلائیا۔ پنجاں تتاں دیونہار ادھارا، پنچم میِتا اِک اکھوائیا۔ تیرا سندیسہ دے کے گئے پَیغمبر گُر اوتارا، اوتری دھیان لگائیا۔ کلجُگ انت سِری بھگوَنت، میری پا سارا، مہاسارتھی اپنا کھیل کھِلائیا۔ چار کُنٹ دہ دِشا میٹ دے دھندوُکارا، اندھ اگیان رہن نہ پائیا۔ نِرمل جوتی کر اُجیارا، جوتی جاتے اپنا رنگ رنگائیا۔ میَں سدا سدا سد جاواں بلہارا، بل بل اپنا آپ کرائیا۔ تُوں پرم پُرکھ پُرکھوتم سب دا سانجھا یارا، پروردِگار نوُر الاہیِا۔ جوتی جاتے ہو ظاہرا، ظاہر ظہوُر اپنا آپ وکھائیا۔ دھرنی کہے میری تیرے اَگے پُکارا، پُنہ پُنہ سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ کوئے سہارا، سہائک نائک ایکنکار اِک اِکلّا تُوں ہی نظری آئیا۔

۱۳ پھگّن شہنشاہی سمت ۱۱ کِہر سِنگھ، دلیِپ کؤر، درشن سِنگھ، سُرجیِت سِنگھ، گیجو، چِھبو، بھجن کؤر،
گِرداوَر سِنگھ، جُگِندر سِنگھ، اودھم کؤر، ہری پُر بھجن کؤر پِنڈ رُڑکا ضِلع جالندھر

دھرنی کہے جن بھگتو میرا سیِنہ ہویا ٹھنڈا، بھگوَن میرے انتر نِرنتر ٹھنڈک دئے ورتائیا۔ میَں خوشیاں نال تُہانوُں پربھ دی چرن دھوُڑی ونڈاں، بِن ہتّھاں جھولی سب دی دیاں ٹِکائیا۔ تُساں سچ پریم دیاں دینیاں گنڈھاں، جِس نوُں جگت جہان سکے نہ کوئے کُھلائیا۔ کیوں ایہہ لیکھا لہنا کلجُگ اَخیِری کنڈھا، کنڈھی گھاٹ سارے ویکھن تھاؤں تھائنیا۔ جگت جگیاَسوُآں کوُڑ کُکرم چُکیِاں پنڈاں، بھار سکے نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ دھرنی کہے جن بھگتو میَنوُں بڑی لگدی سردی ، سَت سچ دیاں جنائیا۔ اُٹھو ویکھو کھیل نرائن نر دی، کی نر ہرِ اپنی کار بُھگتائیا ۔ جِس سار پائی تُہاڈے گھر دی، گرِہ

گرِہ ویکھے چائیں چائنیا۔ جِس آسا ترِسنا سب دی میٹنی زر دی، جوروُ زر نہ کوئے چتُرائیا۔ کھیل رہن نہیں دینی شرع شر دی، شریِعت پیَنڈا دئے مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ وکھائیا۔ دھرنی کہے جن بھگتو باہر تکو نارد پنڈت پاندھا، کِس بِدھ بودی رہیا ہِلائیا۔ تُوں ہی تُوں ہی ڈھولا گاندا، گا گا خوشی بنائیا۔ ونجارا بن کے اِکو ناں دا، تُریا پندھ مُکائیا۔ ہتّھ لیکھا پھڑیا سوُر گاں دا، جگت جہان رہیا جنائیا۔ نال وکھاوے روُپ کلجُگ کوُڑ کُڑیارے کاں دا، جو کاگ وانگ کُرلائیا۔ نالے اِشارہ دیوے بانہہ دا، دو جہان رہیا ہِلائیا۔ پھیر ڈھولا گائے واہ واہ دا، واہوا تیری بےپرواہیِا۔ تُوں مالک تھل اسگاہ دا، جنگل جوُہاں تیری بےپرواہیِا۔ میَں پاندھی بنیا تیرے راہ دا، رہبر تیری آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ نارد کہے جن بھگتو میَں تُہاڈے کولوں اِکو پریِتی منگاں، مانگت ہو کے جھولی ڈاہیِا۔ میَں آیا بِنا لتّاں ٹنگاں، بِن تن وجوُد سریِر پندھ مُکائیا۔ میرا سیِس ویکھ لؤ ننگا، اوڈھن ویکھن کوئے نہ پائیا۔ میری پِٹھ تے سَتگُر شبد نے لایا پنجہ، پنج آب وِچ جانا چائیں چائنیا۔ میرے کول لیکھا جو گوبِند دسّیا دھار بوَنجا، جِس دا لہنا باوَن گیا دِرڑائیا ۔ بے شک میَں چار جُگ دا پنڈا، بِن اکھّراں کراں پڑھائیا۔ سچ دسّاں نؤ سؤ چُرانوے چؤکڑی جُگ رہیا رنڈا، ناری نر نرائن حِصّے کوئے نہ پائیا۔ میَں پِھردا رہیا وِچ برہمنڈاں، پُریاں لوآں بھجّاں واہو داہیِا۔ میَنوُں نِگاہ آؤندا گوبِند والا کھنڈا، جو کھڑگاں باہر سوبھا پائیا۔ جِس اِشارہ دِتا سَت دھار دی دھار وِچوں پرگٹے ستّ رنگا، ڈنڈاوت سب دی دئے بدلائیا۔ جِس دیِن دُنی دا میٹنا بھیکھ پکھنڈا، کوُڑی کِریا کرے صفائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا مالک اِک اکھوائیا۔ نارد کہے سُن دھرنیئے، دھوَلے تَینوُں دیاں جنائیا۔ کی کھیل پربھوُ نے کرنی اے، کرتا پُرکھ کی دِرڑائیا۔ کی تُک اگمّی سب نے پڑھنی اے، بِن وِدیا کرے پڑھائیا۔ کیہڑی منزل سرِشٹی درِشٹی اندر چڑھنی اے، چؤتھے جُگ بھیوَ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا ۔ دھرنی کہے ناردا میَنوُں کھول دے بھید، ابھیوَ دے جنائیا۔ نارد کہے دھرنیئے اِکو ڈھولا گا لےَ جِہو، اِکو صِفت صالاحیِا۔ اِکو رس چکھ لےَ میو، بِن رسنا رس بنائیا۔ اِکو پرم پُرکھ وڈ دیوی دیوَ، دیوَ آتما جِس دی سرنائیا۔ نی اوہ وسنہارا سچکھنڈ دھام نِہکیو، نِہچل اپنا آسن لائیا۔ جوتی جوت سروُپ ہرِ، آپ

اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ دھرنی کہے سُن نارد براہمنا، پنڈیا دیاں جنائیا۔ میَنوُں دسدے اُس دی بھاوَنا، کی بھاوَ رہیا سمجھائیا۔ کِس بِدھ پکڑایا اپنا دامنا، دامنگیِر اِک اکھوائیا۔ جِس وعدہ پوُرا کرنا بل باوَنا، بلدھاری ویس وٹائیا۔ جو لیکھا لیکھے لائے رام راونا، رمئیا بنے دُھردرگاہیِا۔ جِس منسا پوُری کرنی کرِشنا کاہننا، گھنئیا اپنا سنگ جنائیا۔ جِس پَیغمبراں پکڑاوَنا دامنا، دستگیِر بے نظیِر آپ اکھوائیا۔ جِس نانک گوبِند کھیل کھِلاوَنا، اوہ خالق خلق ویکھے چائیں چائنیا۔ جِس اِکو ڈنکا شبد وجاوَنا، دو جہان کرے شنوائیا۔ دھرنی کہے جِس نوُں سب نے سیِس نِواوَنا، دھوُڑی خاک خاک رمائیا۔ جگت ترِسنا میٹے طامنا، ترےَگُن اتیِتا دَیا کمائیا۔ جِس نے سَتجُگ مارگ لاونا، کلجُگ کِریا کوُڑ چُکائیا۔ اُس دے بل بل سب نے جاونا، نِو نِو لاگن پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ نارد کہے دھرنیئے اوہ مالک اِک جگدیِش، جگدیِشر دُھردرگاہیِا۔ جِس نوُں جھُکنے سارے سیِس، سِر سکے نہ کوئے اُٹھائیا۔ جِس لہنا دینا پوُرا کرنا بیِس بیِس، بیِس بیِسا اِک اکھوائیا۔ جِس دا اِکو کلمہ ہوئے سچ حدیِث، حضرتاں باہر کرے پڑھائیا۔ جِس دا نام سندیسہ باہر راگ چھتیِس، چھتیِسا بتیِسا صِفت نہ کوئے صالاحیِا۔ جِس دے حُکم وِچ جُگ چؤکڑی پیِسن رہیا پیِس، سَتجُگ تریتا دواپراپنی کار کمائیا۔ اوہ پُرکھ اکالا دیِن دَیالا جِس دی کرے کوئے نہ ریِس، دوُسر روُپ نہ کوئے پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرنی کہے ناردا میَں ویکھ لےَ کوجھی کملی، اپنی سُدھ نہ کوئے رکھائیا۔ اگلا بھیوَ دسدے گوجھی، پردہ پردیاں وِچوں چُکائیا۔ نارد کہے دھرنیئے میَں نہیں کوئی کلجُگ والا جوگی، تن وجوُد شِنگار بنائیا۔ میَں کوئی واسنا والا نہیں بھوگی، ترِسنا جگت نہ کوئے رکھائیا۔ میَں نہیں کوئی وِچھوڑے والا وِجوگی، وِچھڑ کے اپنا جھٹ لنگھائیا۔ میَں تے پربھوُ دا بھگت مؤجی، مجلس بھگتاں سنگ رکھائیا۔ میَنوُں سَتگُر شبد بنایا کھوجی، کھوج کڈھیا چائیں چائنیا۔ جِتھے وسیا میرا پریِتم چوجی، چوجی اپنا ویس وٹائیا۔ جو بن کے اگادھ بودھی، بُدھی توں پرے دئے سمجھائیا۔ دُرمت میَل دھووے بن کے دھوبی، دُبدھا دوُر کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ نارد کہے دھرنیئے جے پرم پُرکھ نوُں پاؤنا، پوَن پانی نال مِلائیا۔ پہلوں اپنا آپ اُٹھاؤنا، آلس نِندرا رہے نہ رائیا۔ پھیر سَت شِنگار کراؤنا، ویس اویسا روُپ دھرائیا

۔ نیتر نام نِدھانا کجّل پاؤنا، جگت اکھّ نہ کوئے وڈیائیا۔ بِن مینڈھی سیِس گُنداؤنا، سوہنا روُپ دھرائیا ۔ سچ پیار دا اوڈھن اِکو اُپر ٹِکاؤنا، ٹِکاّ دھوُڑی مستک خاک رمائیا۔ پِھر دیِن دُنی تجاؤنا، جگت رِشتہ نہ کوئے جنائیا۔ نؤ کھنڈ پرِتھمی اپنا حِصّہ ویکھ وکھاؤنا، ستّ دیِپ کھوج کھوجائیا۔ لکھّ چؤراسی دھیان لگاؤنا، دھرنی دھرت دھوَل دھؤلے دھرم نال سمجھائیا۔ سب توں پہلوں میرے پرم پُرکھ پرماتم جِس دا درشن پاؤنا، دیِد عید کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرنی کہے نارد میَں پرتھم روُپ بناواں گی۔ ایکا ایکنکار اِشٹ مناواں گی۔ دوُجا ایکا بھاؤ چُکاواں گی۔ تیجا تِنّاں لوکاں باہر ویکھ وکھاواں گی۔ چؤتھا چؤتھی منزل چڑھ، نیَن اُٹھاواں گی۔ پنچم پنجواں پلّوُ اِکو پھڑ، ساچی گنڈھ بندھاواں گی۔ چھیواں ویکھ اگمّا در، در دوارا اِک کُھلاواں گی۔ ستواں سَت ستوادی مِل کے ہرِ، ہِردے اپنے آپ وساواں گی۔ اٹّھواں اٹّھاں تتاں رہے نہ ڈر، ڈنڈاوت بندنا وِچ سیِس نِواواں گی۔ نؤویں واسنا رہے کوئی نہ گھر، گرِہ مندر اِکو سوبھا پاواں گی۔ دسویں مِل کے اپنے نرائن نر، نر ہرِ وِچ سماواں گی۔ جھٹ نارد ہس کے کِہا دھرنیئے ہُن ہور دا بھانا جر، ذرّہ ذرّہ تیرا کھیل تُوں بِن رسنا کہہ میَں اوسے دے حُکم وِچ سیِس نِواواں گی۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک مناواں گی۔ دھرنی کہے ناردا میَں کوُکاں ماراں، آ جا میرے کملاپاتیا۔ میَنوُں تیرے نال بہاراں، انتم میری پُچھے واتیا۔ میَں تن وجوُد شِنگاراں، بِن نیَناں ماراں جھاتیا۔ میریِاں ویکھ لےَ سِنمل والیِاں تاراں، پردہ لاہ دے وِچوں رَین اندھیری راتیا۔ تیری دھوُڑی لاواں چھارا، جوتی جوت سروُپ ہرِ، آپ اپنی کِرپا کر، کِرپا کر دے لوک ماتیا۔ نارد کہے دھرنیئے اوہ لوک مات وِچ آیا، جگ نیتر نظر کِسے نہ آئیا ۔ جوتی نوُر نوُر رُشنایا، نوُر نوُرانہ ڈگمگائیا۔ شبد انادی ناد سُنایا، سوہلا ڈھولا دُھردرگاہیِا۔ جِس دا اوتار پَیغمبر گُروُآں درشن پایا، بِن نیَن نیَن بِگسائیا۔ وِشن برہما شِو شُکر منایا، خوشیاں وِچ ڈھولے گائیا۔ جِس نے چار جُگ دا لیکھا اپنے چرناں ہیٹھ دبایا، دو جہاناں ویکھ وکھائیا۔ جِس نوُں سب نے منّیا دائی دایا، دو جہاناں مالک ہوئے سہائیا۔ نی اُس نے سمبل اپنا ڈیرہ لایا، بنک دوارے ڈیرہ لائیا۔ جِس بھیوَ ابھید کُھلایا، پردہ پردیاں وِچوں چُکائیا۔ کوٹاں وِچوں کملیئے کوئی وِرلا اُس نے بھگت سُہیلا جگایا، جاگرت جوت کری رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک

گوسائنیا۔ دھرنی کہے ناردا کی کھیل سِری بھگوانے، بھگوَن کی جنائیا۔ نارد کہے سُن دھرنی دھرت دھوَل دھؤل رکانے، جوبن ونتیئے تَینوُں دیاں سُنائیا۔ اوہ پرم پُرکھ شہنشاہ سُلطانے، ہرِ کرتا دُھردرگاہیِا۔ جِس دا جُگ جُگ کھیل مہانے، چؤکڑی اپنا حُکم ورتائیا۔ جو وسے سچکھنڈ مکانے، درگاہ ساچی سوبھا پائیا۔ جِس دے نام دے اوتار پَیغمبراں گُروُآں گائے ترانے، تُریا وِچ بہہ کے ڈھولے گائیا۔ جِس نے لکھّ چؤراسی جیِو جنت کِیتے بیگانے، تیرے اُتے کھیل کھِلائیا۔ اُس دا کھیل اولّا جو لیکھا جانے دو جہانے، دوہری اپنی کل پرگٹائیا۔ نی پتہ نہیں اجّ آ گیا کیہڑے بہانے، جن بھگتاں وِچ بَیٹھا سوبھا پائیا۔ جِس دے سچ سچ دے یرانے، یارانہ آتم پرماتم نال رکھائیا۔ تُوں میرا میَں تیرا دسّ کلامے، کلمہ کائنات دِرڑائیا۔ جِس دے حُکم وِچ بدل گئے زمانے، جُگ چؤکڑی اپنا پندھ مُکائیا۔ کلجُگ انت کھیل کرے مہانے، مہما کتھ کتھ دِرڑائیا۔ جِس دے پیار وِچ ہرِجن ہوئے دیوانے، مستی وِچ بھجّن چائیں چائنیا۔ اِندر دیوت سُر میگھ برسانے، خواجا خِضر خوشی بنائیا۔ وِشن برہما شِو اُس دے چرن دبانے، بِن ہتّھاں ہتّھ لگائیا۔ اُٹھ بِنا اکھّیِاں اکھّیِاں کھول جے اُس دے درشن پانے، درشن تَینوُں دیاں کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ نارد کہے دھرنیئے کھول اکھّیِاں، جگت نیتراں باہر جنائیا۔ جِس جُگ جُگ تیریِاں لاجاں رکھیِاں، سِر سِر اپنا ہتّھ ٹِکائیا۔ جِس کھیل کھِلایا کاہن نال سکھیِاں، سخاوت کیِتی چائیں چائنیا۔ اوہ مالک الکھ الکھیِا، اگوچر اگمّ اتھاہیِا۔ جِس دے ستھر لتھیاں، یارڑا سیج ہنڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دھرنی کہے ناردا میرا پربھ نوُں اِک آدیس، نِو نِو سیِس نِوائیا۔ میَں حَیران ہو گئی کیہڑا کیِتا اولّڑا ویس، ویس اویس اپنا لیا بدلائیا ۔ وے نہ مُچھ داہڑی نہ کیس، جوتی جاتا ہو کے سوبھا پائیا۔ جیہڑا سدا رہے ہمیش، جنم مرن وِچ کدے نہ آئیا۔ جِس دوارے دے اوتار پَیغمبر گُروُ درویش، بِھکھیا منگن تھاؤں تھائنیا۔ جِس دے گُن گاوے سہنسر مُکھ شیش، صِفتاں نال صِفت صالاحیِا۔ جِس سُت دُلارا بنایا گوبِند دس دسمیش، دہ دِشا دا بھیوَ آپ چُکائیا۔ اوہ مالک نر نریش، نر ہرِ اِکو نظری آئیا۔ میَں اوسے دے چرن کوَل ہوئی پیش، پیشیِن گوئیاں پِچھلیِاں ہتّھ اُٹھائیا۔ میرے سوامی ٹھاکر میرے اُتوں میٹ کلیش، کل کاتیِاں ڈیرہ ڈھائیا۔ اُس سُنا دِتا جنا دِتا میرا سَتگُر شبد دیون والا سندیس، سندھیا سرگھی ونڈ نہ کوئے ونڈائیا۔ جوتی جوت سروُپ ہرِ، آپ اپنی

کِرپا کر، دیونہارا ساچا ور، سچ دوارا اِک سمجھائیا۔ نارد کہے دھرنیئے پربھوُ بڑا چھلیِا، اچھل چھلدھاری اِک اکھوائیا۔ آد جُگادی بڑا بلیِا، بلدھاری دُھردرگاہیِا۔ اُس دے حُکم وِچ کِتنے پِھردے اوتار پَیغمبر گُروُ ولیِا، ولی عہد نظر کوئے نہ آئیا۔ جِس دا لہنا دینا جل تھل مہیئل سمُند ساگر رلیِا، ٹِلّے پربت چوٹیاں بَیٹھا آسن لائیا۔ نی اوہ تیریِاں نؤ کھنڈ دیِاں ویکھن والا گلیاں، کوُچا کوُچا پھول پُھلائیا۔ ستّاں دیِپاں تک کِس بِدھ کلجُگ پائے جلیِاں، نچّے ٹپّے کُدے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، وسنہارا نِہچل دھام اٹلیا، اٹل محل اِکو اِک سُہائیا۔

۱۴ پھگّن شہنشاہی سمت ۱۱ بنت سِنگھ دے گرِہ پِنڈ رُڑکا ضِلع جالندھر

دھرنی کہے پربھوُ میرے اُتوں بُجھا دے بسنتر، اگنی تت نہ کوئے جلائیا۔ اِکو نام نِدھانا دے دے منتر، کلمہ سچ سچ دِرڑائیا۔ لیکھا پوُرا کر دے جُگا جُگنتر، جُگ چؤکڑی پندھ مُکائیا۔ تیرا لہنا دینا نِرگُن دھار نِرنتر، نِروَیر تیری سرنائیا۔ پردہ اوہلا رہے نہ گگن گگننتر، زِمیں اسمان دو جہان بھیوَ چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے پربھوُ میرے اُتوں کلجُگ کوُڑ بُجھا دے اگّ، آگمن تیرے وِچ راہ تکائیا۔ کِرپا کر سوُرے سربگ، ہرِ کرتے دُھردرگاہیِا۔ دیِا باتی کملاپاتی میرا نوُر جائے جگ، جاگرت جوت بِن ورن گوت کر رُشنائیا۔ جن بھگت سُہیلے دیِن دُنی نالوں کر الگ، گرِہ وکھرا اِک وکھائیا۔ درشن دے اُپر شاہ رگ، شہنشاہ پردہ دے اُٹھائیا۔ ہنس روُپ بنا لےَ کگ، کاگوں ہنس مانک موتی چوگ چُگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار آپ سُہائیا۔ دھرنی کہے پربھوُ میرے اُتوں میٹ دے دُھندھوُکارا، دھوَل ہو کے سیِس نِوائیا۔ تُوں میرا ایکنکارا، اکل کل تیرے ہتّھ وڈیائیا۔ تُوں سانجھا پروردِگارا، جلوہ گر نوُر الاہیِا۔ تیرا لہنا دینا نال پَیغمبر گُر اوتارا، وِشن برہما شِو سنگ رکھائیا۔ میرے اُتوں کوُڑی کِریا لاہ دے بھارا، بھانڈا بھرم بھؤ بھنّائیا۔ سَتجُگ سچ کر اُجیارا، سَت سَت دَیا کمائیا۔ تیرے نام دا اِکو سُناں نعرہ، نر نرائن دیاں دِرڑائیا۔ اِکو گھر ہووے سچ دوارا، بھگت وچھل دینا وکھائیا۔ اِکو چرن کوَل ہووے نِمسکارا، ڈنڈاوت بندنا اِکو ویکھ

وکھائیا۔ اِکو اِشٹ ہووے سنسارا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے پربھوُ میرے اُتوں میٹ اندھ اندھیار، اندھ آتم کر رُشنائیا۔ سچ پریِتی دے پیار، پرم پُرکھ تیری اوٹ تکائیا۔ بھاگ لگاؤنا میرے نؤ کھنڈ دوار، ستّاں دیِپاں سوبھا پائیا۔ میَں خوشیاں وِچ دھوُڑی لاواں چھار، ٹِکّے مستک خاک رمائیا۔ بِن نیتر لوچن کراں دیِدار، بِن اکھّیِاں درشن پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در سُہنجنا اِک وڈیائیا۔ دھرنی کہے پربھوُ میرے اُتے جن بھگتاں میلنا آپ، اپنی دَیا کمائیا۔ آتم پرماتم بخشنا جاپ، جگ جیِون داتے ہونا سہائیا۔ کوُڑ کُکرم رہے کوئی نہ پاپ، جنم دا لیکھا دینا چُکائیا۔ سچکھنڈ نِواسی آپ بننا دُھر دا باپ، پِتا پوُت گود اُٹھائیا۔ جھگڑا میٹ کوُڑ سنتاپ، سنسا دیِن دُنی مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا انتر نِرنتر کِریا کوُڑ جگت میٹ سنتاپ، سَت ستوادی سَت اپنا رنگ رنگائیا۔

۱۴ پھگّن شہنشاہی سمت ۱۱ گُردیو سِنگھ دے گرِہ پِنڈ نَواں پِنڈ ضِلع جالندھر

دھرنی کہے پربھوُ جن بھگتاں چاڑھ دے رنگ، رنگت نِرگُن دھار آپ چڑھائیا۔ جوتی جاتے پُرکھ بِدھاتے لا لےَ انگ، انگیکار ایکنکار پروردِگار آپ ہو جائیا۔ نام نِدھان سِری بھگوان مرد مردان سوُرے سربنگ، کرنی دے کرتے قُدرت دے قادر تیرے ہتّھ وڈیائیا۔ میَں نِمانی کوجھی کملی سچ دوارے رہی منگ، مانگت ہو کے در ٹھانڈے سیِس نِوائیا۔ پُرکھ اکالے دیِن دَیالے جن بھگتاں کایا مندر اندر لنگھ، نؤ دوار دا پندھ مُکائیا۔ آتم سیج سُہا پلنگ، جِس دی باڈھی بنت نہ کوئے بنائیا۔ شبد اگمّا وجا مردنگ، تال تلواڑا سمجھ کِسے نہ آئیا۔ نِجھر جھِرنا امرت سوما بوُند سوانتی وہا اپنی گنگ، گنگا گوداوری جمنا سُرستی جِس نوُں سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے پربھوُ جن بھگت سُہیلے بنا لوک مات، دھوَل ہو کے واسطہ پائیا۔ نام نِدھان

بخش دے دات، اگمّڑی انمُل آپ ورتائیا۔ کلجُگ رَین اندھیری میٹ دے رات، نوُری چند کر رُشنائیا۔ مِہربان ہو کے پُچھ وات، محبوُب ہو کے پردہ آپ اُٹھائیا۔ جھگڑا میٹ دے دیِن مذہب ذات پات، اوُچ نیِچ شرع نہ کوئے لڑائیا۔ چرن پریِتی نوَ ستّ جوڑ دے نات، رِشتہ رِشتیاں باہر بنائیا۔ تیرا درس نِرگُن سرگُن کرے اِک اِکانت، نِج نیتر لوچن نیَن کر رُشنائیا۔ میرے مِہربانا میرے اُتے دھرم دی دھار بخش دے شانت، کلجُگ اگنی اگّ بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک میری آسا پوُر کرائیا۔ دھرنی کہے پربھوُ جن بھگتاں میل مِلاؤنا ساچے گرِہ، مندر اِکو اِک سوبھا پائیا۔ جِتھے آد جُگادی نِرگُن دھار رہےَ، نوُر نوُرانہ نؤجوانا سوبھا پائیا۔ جگت دُئی میٹنی دوےَ، مِہربان مِہر نظر اُٹھائیا۔ جو اوتار پَیغمبر گُروُ گئے کہہ، حُکم سندیسہ تیرا نام دِرڑائیا۔ تُوں سب نوُں دیونہارا بھےَ، بھاؤ اپنا آپ اِک سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ جن بھگتاں انتر کھول دے درِشٹی، باہر کھوجن دی لوڑ رہے نہ رائیا ۔ ناتا توڑ دے کوُڑی نالوں سرِشٹی، سریشٹ اپنا میل مِلائیا۔ لہنا تک لےَ جو رام سندیسہ دِتا وشِشٹی، وِشیاں باہر دِرڑائیا۔ تیرا لیکھا آد جُگاد باہر سوَرگ بہِشتی، کسُنبھڑا رنگ نہ کوئے رنگائیا۔ تیری دھار ایکنکار کِسے نہ دِسدی، جگ نیتر ویکھن کوئے نہ پائیا۔ میَں کھیل تکنا چاہُندی، کلجُگ انتم کل اِک دی، اِک اِکلّے میرا پردہ دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ دھرنی کہے پربھوُ جن بھگتاں رُت وکھا دے بسنتی، بِسمِل اپنے وِچ کرائیا ۔ تیرے نام دی پڑھن اِکو پنگتی، تُوں میرا میَں تیرا ڈھولا گائیا۔ انتر گڑھ رہے نہ ہؤمے ہنگتی، ہنگ برہم دینا دِرڑائیا۔ ترِسنا کوُڑ میٹنی من دی، منسا اُٹھ نہ دہ دِش دھائیا۔ چُغلی نِندیا چُھڈاؤنی کنّ دی، کائنات دا لیکھا دینا مُکائیا۔ اِکو خبر دسّنی جوتی جاتے اپنے برہم دی، پاربرہم پربھ اپنی دَیا کمائیا۔ کرنی رہے نہ کِسے کرم دی، کرم کانڈ دا لیکھا دینا چُکائیا۔ منزل دسّنی حقیِقی دھرم دی، جِتھے اَگے ہو نہ کوئے اٹکائیا۔ وڈیائی دینی اپنی سرن دی، چرن کوَل اِک جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پربھ تیری بےپرواہیِا۔ دھرنی کہے پربھوُ دے دے اگمّا نام، نِراکھّر دھار وِچوں پرگٹائیا۔ بِن رسنا جِہوا پیا دے جام، بتّی دند نہ کوئے چتُرائیا۔ آتم پرماتم میل میل دے رام، رام دے رام تیری دُہائیا۔ انتر اندھیرا چُکا دے شام، شام سُندر اپنا پردہ

لاہیِا۔ بھاگ لگا دے بھگتاں ساڈھے تِنّ ہتّھ گرام، نگر کھیڑا اِک سُہائیا۔ پوِتر کر دے کایا ماٹی چام، چمّ درِشٹی دے بدلائیا۔ تُوں مِہربان مِہربان مِہربان رحیِم رحمان، رحمت اپنی دینی کمائیا ۔ مالک خالق زِمیں اسمان، زِمیں زماں دا لیکھا دینا مُکائیا۔ ہرِ بھگت سُہیلے درگاہ ساچی سچکھنڈ کر پروان، پرم پُرکھ پربھ اپنا سنگ بنائیا۔ لوک مات مار دھیان، دھرنی دھرت دھوَل دھؤل ہو کے واسطہ پائیا۔ کلجُگ کِریا کوُڑ ویکھ شیَطان، شرع شرع نال ٹکرائیا۔ آتم پرماتم رہیا نہ کِسے گیان، انتر نِرنتر تیرا درس کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی سدا مِہربان، محبان بیِدو تیری اوٹ تکائیا۔

۱۴ پھگّن شہنشاہی سمت ۱۱ لال سِنگھ دے گرِہ پِنڈ ڈلےوال ضِلع جالندھر

دھرنی کہے پربھوُ پھل لگا دے میری پتّ ٹہنی، بھگت میِتے اپنی دَیا کمائیا۔ ہرِجن بخش دے ساچی رہنی، رحمت رحمان آپ کمائیا۔ سَتگُر شبد دی سارے منّن کہنی، سِر سکے نہ کوئے اُٹھائیا۔ تیرا درشن کرن نِج نیَنی، نیتر اکھّ کُھلائیا۔ میَں چرن کوَل نِرگُن دھار تیرے ڈھہنی، ڈھیَہہ ڈھیَہہ دھوُڑی خاک رمائیا۔ میَنوُں دِوس رَین نہ آوے چَینی، چِنتا غم رہی جلائیا۔ کیوں، سرِشٹی میرے اُتے اِک دوُجے نال کھہنی، خطرہ دِسے خلق خُدائیا۔ میری جل دی دھار پوِتر رہنی نہیں ترِبَینی، ترےَگُن اتیِتے تیری بےپرواہیِا۔ کلجُگ کوُڑ کِریا ندی اُمت وہنی، دیِناں اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے پربھوُ میری سُن لےَ اگمّی ساکھی، سکھے سکھائے دیاں جنائیا۔ یاد کر لےَ شبد دھار جو میَنوُں گلّ آکھی، بِن اکھّراں دِتی سُنائیا۔ اوہ لہنا چیتے کر لےَ، جِس کارن گوبِند سِکھی بنائی وِساکھی، وساہ کے اپنا حُکم ورتائیا۔ تُدھ بِن انت کرے کوئی نہ راکھی، رکھک نظر کوئے نہ آئیا۔ پُرکھ اکالے دیِن دَیالے میری بخش دے گُستاخی، غُصّہ گِلہ تیرے چرن ٹِکائیا۔ میَں نِرگُن ہو کے منگن آئی مُعافی، در تیرے سیِس نِوائیا۔ تُوں شہنشاہ بن اِنصافی، عدل اپنا اِک کرائیا۔ میَنوُں یاد آؤندی بُلے والی اوہ کافی، جو قافلے دیِن دُنی گیا دِرڑائیا۔ جوتی جوت سروُپ ہرِ، آپ

اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے میرے پرم پُرکھ پربھ دھرموُ، دھوَل دے مالک دَیا کمائیا۔ میرا نوَ ستّ بدل دے کرموُ، کرم کانڈ دا ڈیرہ ڈھاہیِا۔ سرِشٹی درِشٹی اندروں کُھلا دے بھرموُ، بھانڈا بھرم بھؤ بھنّائیا۔ جھگڑا رہے نہ ماٹی چرموُ، چمّ درِشٹی دے گوائیا۔ تیرا نوُر ظہوُر نظر آوے اِکو پرموُ، برہمنڈ کھنڈ دے مالک پردہ دینا کُھلائیا۔ چرن دھوُڑ نُہا دے میَں تیری آئی سرنوُ، سرنگت اِک رکھائیا۔ تُوں سب کُچھ کرنی کرتا کرنوُ، قُدرت دا قادر اگمّ اتھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ نِبھائیا۔ دھرنی کہے پربھوُ میَنوُں اِکو دے دِلاسا، جگت چِنتا رہے نہ رائیا۔ میَں خوشیاں وِچ کراں ہاسا، ہستی تک بےپرواہیِا۔ بھیوَ ابھیدا کھول خلاصہ، پردہ پردیاں وِچوں کُھلائیا۔ کِس بِدھ تیرا نوُر ہووے پرکاشا، جوتی جاتے نظری آئیا۔ کی حُکم ورتے شنکر کَیلاشا، کلادھاری دینا دِرڑائیا۔ میَنوُں تیرے اُتے وِشواسا، وِشوَ دے مالک دینا سمجھائیا۔ میَں آد جُگاد تیری داسی داسا، سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ساچے منڈل سچ تیری ویکھاں راسا، سَت ستوادی بِن گوپی کاہن دینی وکھائیا۔

۱۴ پھگّن شہنشاہی سمت ۱۱ سنسار سِنگھ دے گرِہ پِنڈ ججے ضِلع جالندھر

دھرنی کہے میری آسا پوُری کر دے باوَن دھار بل دی، بلدھاری ایکنکاری پروردِگاری تیری اوٹ تکائیا۔ مِہربانا نؤجوانا سِری بھگوانا میرے اُتوں کلا میٹ دے کلجُگ کل دی، کل کاتیِاں ڈیرہ دینا ڈھاہیِا۔ من کلپنا نؤ کھنڈ پرِتھمی مانَو ذاتی پِھرے چھلدی، اچھل چھلدھاری ہونا آپ سہائیا۔ تیری کھیل آد جُگاد جُگ چؤکڑی جل تھل دی، مہیئل تیرا راہ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست نام ورتائیا۔ دھرنی کہے میرے بھگوَنتا، بھگوَن تیری اوٹ تکائیا۔ میرے آد جُگادی کنتا، کنتُوہل تیری سرنائیا۔ سَتجُگ سچ دھار بنا دے بنتا، گھڑن بھنّنہار تیری بےپرواہیِا۔ مانَو ذاتی گڑھ توڑ دے ہؤمے ہنگتا، ہنگ برہم دے سمجھائیا۔ بُدھی توں پرے دا ایکنکار اِکو پنڈتا، تُدھ بِن نظر کوئے نہ آئیا۔ چار ورن اٹھاراں برن میری ساچی بنا دے سنگتا، دیِن مذہب شرع

ونڈ نہ کوئے ونڈائیا۔ تن وجوُد ماٹی خاک جھگڑا رہے کوئی نہ من دا، منسا سب دی ویکھ وکھائیا۔ بھیوَ کُھلا دے اپنے برہم دا، پاربرہم پربھ پردہ آپ چُکائیا۔ نِشانہ دسّ دے ساچے دھرم دا، دھرنی دھرت دھوَل دھؤل ہو کے واسطہ پائیا۔ سہارا بخش دے اپنی سرن دا، سرنگت اِک دِرڑائیا۔ نام جنا دے اِکو ڈھولا پڑھن دا، تُوں میرا میَں تیرا دوُجا نظر کوئے نہ آئیا۔ تیرا مارگ ہووے اِکو سچکھنڈ دوارے چڑھن دا، اَگے ہو نہ کوئے اٹکائیا۔ سَتگُر دوُلھا پیارا ہووے اَگوں پھڑن دا، نِرگُن نِرگُن میلا میلے سہج سُبھائیا۔ تُوں مالک خالق کرنی کرن دا، کرتا پُرکھ اگمّ اتھاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دھرنی کہے پربھوُ میری نمو نمو نمو ڈنڈاوت، بندنا کہہ کہہ سیِس نِوائیا۔ سچ پیار دی دے نیامت، نام نِدھانا جھولی پائیا۔ تُوں سوامی ٹھاکر صحیح سلامت، سَتگُر داتا اگمّ اتھاہیِا ۔ نؤ سؤ چُرانوے چؤکڑی جُگ دی میری پوُرب جھولی پا نیامت، وست امولک آپ ورتائیا۔ کلجُگ کوُڑ کِریا میٹ اندھیری شامت، شمع نوُر جوت کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دھرنی کہے میرے نِرنکار، نِروَیر تیری سرنائیا۔ دو جہاناں سانجھے یار، بے پرواہ تیری بےپرواہیِا۔ میَں مانگت کھڑی تیرے چرن دوار، بِھکھک ہو کے جھولی ڈاہیِا۔ تُوں دیونہار شاہ سِکدار، بھوُپت بھوُپ اِک اکھوائیا۔ نوَ ستّ برہم مت پا سار، پرتھم پرِتھمی اُتے دھیان لگائیا۔ میرے اُتوں میٹ دے دھوُاں دھار، دھرم دی دھار اِک وکھائیا۔ سَتجُگ ساچا کر اُجیار، اُجالا ہووے تھاؤں تھائنیا۔ ہر ہِردے اُپجے تیرے نام دا جَیکار، جےَ جَیکار کرے خلق خُدائیا۔ نِگاہ مار لےَ نِروَیر ہو کے وِچ سنسار، سنساری بھنڈاری سنگھاری وِشن برہما شِو نال مِلائیا۔ جوتی جاتے پُرکھ بِدھاتے میری پاؤنی سار، مہاسارتھی ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر پردہ آپ چُکائیا۔ دھرنی کہے پربھوُ ساچی بخش دے چرن دھوُڑی، ٹِکّے مستک خاک نام رمائیا۔ رنگت جگت چاڑھ دے گوُڑھی، دو جہان اُتر نہ جائیا۔ چتُر سُگھڑ بنا لےَ موُرکھ موُڑھی، پردہ پردیاں وِچوں اُٹھائیا۔ تُوں جوتی جاتا اِکو نوُری، نوُر نوُرانہ نوُر الاہیِا۔ وعدہ چیتے کر لےَ جو موُسیٰ کیِتا اُتے کوہ طوُری، تُریا توں باہر جنائیا۔ جو آشا عیسیٰ رکھی چڑھن لگّیاں سوُلی، صلیِب گل وِچ لٹکائیا۔ محمد چار یاری سنگ تیری شرع قبوُلی، قُدرت دے قادر ویکھنا نیَن اُٹھائیا۔ کلجُگ بدلنا تیرے واسطے کھیل معموُلی، مُشکل میری

حل کرائیا۔ نانک گوبِند قؤل کدے نہ بھوُلیں، ابُھل تیری وڈیائیا۔ لہنا دینا لکھّ چؤراسی کولوں وصوُلیں، وصل یار ویکھنا بھگتاں چائیں چائنیا۔ تُوں مالک خالق کنت کنتُوہلی، قُدرت قادر ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ دھرنی کہے پربھوُ ہرِجن بخش دے چرن پیار، پریِتم پریِتی اِک جنائیا۔ تیری دھوُڑی لاواں مستک چھار، شہنشاہ ٹِکّے نام رمائیا۔ نِج نیتر بخشنا درس دیِدار، لوچن اکھّ اکھّ کُھلائیا۔ ناد شبد دینی دُھنکار، دُھن آتمک راگ دِرڑائیا ۔ امرت بخشنا ٹھنڈا ٹھار، بوُند سوانتی آپ ٹپکائیا۔ تُوں دیونہار نِرنکار، نِروَیر تیرے ہتّھ وڈیائیا۔ جن بھگتاں پَیج سوار، سِر سِر اپنا ہتّھ ٹِکائیا۔ میرے بھگت وچھل گِردھار، گِرور تیری وڈ وڈیائیا۔ گُرمُکھ گُرسِکھ ہرِجن سد رکھنا اپنے چرن دوار، چرنودک دُھر دا جام پیائیا۔ لہنا دینا لیکھا پوُرا کرنا لوک مات وِچ سِنگھ سنسار، سَتگُر ہو کے دَیا کمائیا۔ آون جاون پتت پاوَن لکھّ چؤراسی گیڑ دینا نِوار، جم کی پھاسی رہن موُل نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ کوئے سہار، سہائک نائک دوُجا نظر کوئے نہ آئیا۔

۱۴ پھگّن شہنشاہی سمت ۱۱ حضوُرا سِنگھ، نچھتر کؤر پِنڈ گُرایاں ضِلع جالندھر

دھرنی کہے پربھ نِگاہ مار لےَ میرے دیِپ لکھن، الکھ الکھنے نیَن اُٹھائیا۔ گرِہ گرِہ سَت وست توں ہویا سکھّن، سچ نام نظر کوئے نہ آئیا۔ تُدھ بِن لجیا آوے کوئے نہ رکھن، سِر سِر ہتّھ نہ کوئے ٹِکائیا ۔ کلجُگ رَین اندھیری تک لےَ مسن، نوُری چند نہ کوئے چمکائیا۔ میرے مِہربانا میَں تَینوُں آئی دسّن، دہ دِشا دھیان لگائیا۔ بِن قدماں آئی نسّن، بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دُھر مالک دَیا کمائیا۔ دھرنی کہے پربھوُ پُشکر دیِپ تک، تقویٰ تیرے اُتے رکھائیا۔ میرا لہنا دینا جھولی پا دے حق، حقیِقت دے مالک ہو سہائیا۔ تیرا نوُر ظہوُر بُھلیا سب نوُں یک، جوتی جاتے تیرا درس کوئے نہ پائیا۔ میَں نوَ ستّ تیرا روُپ ہو کے گئی تھک، بھجّاں واہو داہیِا۔ میرے وِچ مانَو ذاتی پیا شکّ، تیرا اِشٹ نہ کوئے منائیا۔ جوتی جوت سروُپ ہرِ، آپ اپنی کِرپا کر، ایکا دینا

ساچا ور، در ساچے منگ منگائیا۔ دھرنی کہے پربھوُ میرا دیِپ ویکھ لےَ کرؤچ، کُرہ کائنات کھوج کھوجائیا۔ جِتھے میری چلے کوئی نہ پہنچ، طاقت نظر کوئے نہ آئیا۔ تیری سرِشٹی دی سَت سچ رہی نہ سوچ، دھرم دی دھار نہ کوئے پرگٹائیا۔ نِگاہ کُھلے نہ کِسے لوچن لوچ، نیتر نیَن نیَن نہ کوئے شرمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ جنبوُ دیِپ دا ویکھ کنارہ، جگت گھاٹ دینے تجائیا۔ چاروں کُنٹ ہاہاکارا، دھیِرج دھیِر نہ کوئے دھرائیا۔ نیتر رووے پُرکھ نارا، اِستری مرد دین دُہائیا۔ کِرپا کر دے سانجھے یارا، پروردِگار تیری وڈیائیا۔ تُوں شاہو بھوُپ شہنشاہ سِکدارا، حُکمران دُھردرگاہیِا۔ تیرے چرن کوَل سہارا، دوُسر اوٹ نہ کوئے تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ میرا دیِپ تک لےَ سان، سَتگُر ہو کے ویکھ وکھائیا۔ میرا رہیا کِتے نہ مان، ابِھمان بھری تیری لوکائیا۔ دھرم دا دِسے نہ کوئے نِشان، نِشانے دیِن دُنی بدلائیا۔ کِریا کوُڑ ہوئی پردھان، نچّے ٹپّے کُدے تھاؤں تھائنیا۔ مُحبّت وِچ رہیا نہ کوئے اِنسان، اِنسانیّت ہتّھ کِسے نہ آئیا۔ میَں ویکھ کے ہوئی حَیران، حَیرت وِچ دیاں سُنائیا۔ کِرپا کر میرے سِری بھگوان، بھگوَن تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ میرا دیِپ ویکھ لےَ سلمل، ثالث ہو کے دھیان لگائیا۔ نِگاہ مار لےَ مہیئل جل تھل، اسگاہاں کھوج کھوجائیا۔ آتم پرماتم تیرے نال سکے کوئی نہ رل، سُرتی شبد نہ کوئے سمائیا۔ دھرم دا رہیا کوئی نہ پھل، پتّ ٹہنی نہ کوئے مہکائیا ۔ نِگاہ مار لےَ کلجُگ کوُڑی کِریا کل، کل کاتیِاں ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ میرا تک لےَ دیِپ کُشا، کُچھ کہن دی لوڑ رہی نہ رائیا۔ جِس دی دھار وِچ کٹائیاں لباں مُچھاں، مُشکل حل نہ کوئے کرائیا۔ اوہ دیِن دَیالے تیرے نالوں مانَو رُسا، رُسیِاں سکے نہ کوئے منائیا۔ اوہناں دے اندر شرع دھار دا غُصّہ، گِلہ تیرے اُتے جنائیا۔ سب دا کوُڑ کُکرم دا تک لےَ جُسا، جِسم ضمیِراں ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے دیِپ ستّ ویکھ لےَ وکھرے وکھرے، وکھری دھار جنائیا۔ چوٹی چڑھ کے تک لےَ سِخرے، سَتگُر ہو کے پردہ آپ چُکائیا۔ میَں تیرے ڈھولے گاواں فِقرے، سوہلے راگ جنائیا۔ تُوں میرا کر ذِکرے، ذِکر اپنے نال رکھائیا۔

میری آشا تیری دھاروں نِترے، دوُسر نظر کوئے نہ آئیا۔ اِکو بن جائیں پیارا مِترے، مِتر پیارا اِک اکھوائیا۔ میرے کلجُگ انت سِری بھگوَنت میٹ دے فِکرے، چِنتا غم نہ کوئے ستائیا۔ نِگاہ مار لےَ دیِپ جِتنے، جیتے کیتے تیرے چرن ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن کوئی نہ کھولے بھیتے، بھیوَ ابھیدا باہر چار ویداں آپ دینا دِرڑائیا۔

۱۴ پھگّن شہنشاہی سمت ۱۱ بنتی دے انتم سسکار سمیں ہرِ بھگت دوار جیٹھوُوال ضِلع امرتسر

آتما کہے میَں نہ جنمی نہ مری، مرن وِچ کدے نہ آئیا۔ میَں سدا سدا پربھ چرن لگّ تری، تارنہار تیرے ہتّھ وڈیائیا۔ پُرکھ اکالے دیِن دَیالے کِرپا کری، کرتے پُرکھ دِتی وڈیائیا۔ میَں اٹھاراں دِوس رہی ٹھری، نؤ اٹھاراں پندھ مُکائیا۔ مِہربان ہویا میرا محبوُب ہری، ہِردے میرے آسن لائیا۔ میَں خوشیاں وِچ رہی بھری، جگت واسنا نہ کوئے رکھائیا۔ سندیسہ سُن دی رہی نر ہری، نرائن کی دِرڑائیا۔ کِس بِدھ آؤنا سچکھنڈ دوارے گھری، گھرانے سوبھا پائیا۔ میَنوُں خوشی ہوئی باراں پھگّن میری آتما گئی وری، وارث مِلیا اِکو دُھر دا ماہیِا۔ جِس لکھّ چؤراسی وِچوں کیِتا بری، فَیصلہ حق سُنائیا۔ میَں سب نوُں خبر سُناواں کھری، سچ سچ دِرڑائیا۔ سچکھنڈ دوارے خوشی بڑی، دُکھ نظر کوئے نہ آئیا۔ میَں پرم پُرکھ دی منزل چڑھی، پؤڑی ڈنڈا جگت نہ کوئے رکھائیا۔ سچ دوار اِکو اِک کھڑی، سندیسہ دیواں چائیں چائنیا۔ جِس پربھوُ نے میرے انت پیار وِچ لائی جھڑی، ٹھنڈک سب نوُں دیوے پائیا۔ میرا ناتا تُٹیا پنج تت ساڈھے تِنّ ہتّھ دی گڑھی، جگت بوُند رَکت لیکھا رہیا نہ رائیا۔ میَں پرم پُرکھ دے پیار وِچ سیوا کیِتی بڑی، آپ اپنا بھیٹ کرائیا۔ میرا پروار میرے پِچھوں سوگ کرے نہ ذری، ذرّے ذرّے وِچ وس کے دیاں جنائیا۔ میَں بجھّ گئی اُس اِک پربھوُ دی لڑی، جِتھوں لڑ نہ کوئے چُھڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سچ دوار وسایا بٹھایا تِھر گھری، بنتی کہے میری بنت آپ بنائیا۔