۱۷ پھگّن شہنشاہی سمت ۱۱ پِنڈ ہردوپھرالا ضِلع جالندھر چرن کؤر دے گرِہ
دھرنی کہے پربھوُ سچ پیار بنا دے بنت، گھڑن بھنّنہار تیری بےپرواہیِا۔ جن بھگتاں اِکو دِرڑا دے اپنا منت، نام کلمہ دُھردرگاہیِا۔ آتم دھار ہو جا کنت، کنتُوہل اپنا رنگ رنگائیا۔ بہار کر دے خوشیاں والی بسنت، بسن بنواری ہو سہائیا۔ سَت سچ جنا دے چھنت، سنسا اندر رہے نہ رائیا۔ مالک خالق کِرپا کر بےانت، جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ تیرا پیار ہووے نِرالا، نِراکار دینا دِرڑائیا۔ تُوں مالک دیِن دَیالا، دَیا نِدھ اِک اکھوائیا۔ جن بھگتاں بنی سدا رکھوالا، سِر سِر اپنا ہتّھ ٹِکائیا۔ کلجُگ داغ میٹنا کالا، کالکھ ٹِکاّ رہے نہ رائیا۔ جلوہ دینا جوت جلالا، ظاہر ظہوُر کر رُشنائیا۔ غریِب نِمانیاں بننا گوپالا، گوپال تیرے ہتّھ وڈیائیا۔ سدا سدا سد رکھنا اپنے نالا، چرن کوَل دینی سرنائیا۔ ترےَگُن مایا توڑ جنجالا، جاگرت جوت کر رُشنائیا۔ سب دی لیکھے لا لےَ گھالا، جو سیوک ہو کے سیو کمائیا۔ جے سیوکاں دا منگن تھوڑا آپ پیار دے دے باہلا، بہُہاپنی دَیا کمائیا۔ ہرِجن کایا بنا لےَ سچّی دھرمسالہ، در دوارا اِک وڈیائیا۔ تیری جُگ جُگ سد اولّڑی چالا، چال نِرالی اِک جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آتم پرماتم سوہنگ سب دی ہووے مالا، جگت منکیاں دی لوڑ رہے نہ رائیا۔
۱۷ پھگّن شہنشاہی سمت ۱۱ پِنڈ جل پوتا ضِلع ہوشیارپُر جیِت کؤر دے گرِہ
آدم پُر ہربھجن سِنگھ، سگوال جرنَیل سِنگھ
دھرنی کہے پُرکھ اکالے کِرپا کر، کِرپا نِدھان سِری بھگوان اپنی دَیا کمائیا۔ سچ سوامی نِرگُن میَنوُں دے دے ور، پاربرہم پت پرمیشور تیرے چرن سیِس نِوائیا۔ بھگتن میِتے ٹھانڈے سیِتے ہرِجن سُہا دے گھر، گرِہ اندر کایا مندر اپنا رنگ رنگائیا۔ تُوں ابناشی کرتا نرائن نر، سِری بھگوان اگمّ اتھاہیِا ۔ کِرپا نِدھان بھےَ بھؤ چُکا دے ڈر، سیِس جگدیِش اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دھرنی کہے میرے پربھوُ جگدیِش، جگدیِشر تیری اوٹ تکائیا ۔ اِکو چھتر جھُلے تیرے سیِس، دو جہاناں وجے ودھائیا۔ میَں جُگ جُگ تیرا پیِسن لیا پیِس، نِت نِت سیو کمائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے پربھوُ جن بھگتاں گرِہ تیرا ہووے دوارا، دو جہاناں مالک دینی وڈیائیا۔ کلجُگ کِریا کوُڑ میٹ پسارا، پسر پساری دھیان لگائیا۔ کِرپا نِدھان کِرپا کر دے سَت دھرم سچ دی دھارا، اُتّر پوُرب پچّھم دکھّن چاروں کُنٹ دھیان لگائیا۔ میری تیرے چرن کوَل نِمسکارا، ڈنڈاوت بندنا وِچ سیِس نِوائیا۔ تُوں مالک خالق میرا پروردِگارا، بےعیب نوُر الاہیِا۔ جن بھگت سُہیلے انتر نِرنتر دے ادھارا، اُدر دا لیکھا دے مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر ساچا رنگ رنگائیا۔ دھرنی کہے پربھوُ جن بھگتاں پوِتر کر کایا قلبوُت، بِن نیتر ویکھنا چائیں چائنیا۔ لیکھا رہے نہ کِسے جِنّ بھوُت، خبیِس جگدیِش دینا چُکائیا۔ پِچھلا رِشتہ توڑنا پِتا پوُت، اگلا لہنا اپنے نال مِلائیا۔ آتم پرماتم ایکا دھاگا میلنا سوُت، سوُتردھاری تیرے ہتّھ وڈیائیا۔ بھگت دوارے تیرے پیارے پِچھلے کر جان کوُچ، کوُچے گلی جان تجائیا۔ ہرِجن ساچی بخش دے سوُجھ، سمجھ سمجھ وِچوں بدلائیا۔ سَت وِرول دے دوُدھ دا دوُدھ، چھاچھ دا لیکھا دے مُکائیا۔ تُوں مالک سوامی ہو مؤجوُد، مجلس بھگتاں نال بنائیا۔ ہرِجن ساچے رکھ محفوُظ، سِر اپنا ہتّھ ٹِکائیا۔ جھگڑا رہے نہ تن وجوُد، کایا ماٹی کر صفائیا۔ کوُڑی جڑ کر نیست ونابوُد، چیتن اپنے وِچ مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دے مالک ہونا سہائیا۔ دھرنی کہے پربھوُ سچ گرِہ وِچوں لیکھا میٹ دے پوُرب پِت، پِتراں دی
لوڑ رہے نہ رائیا۔ آتم پرماتم کر ساچا ہِت، ہِتکاری ہو کے ویکھ وکھائیا۔ تیرا درشن ہووے نِت، نِج لوچن نیَن کر رُشنائیا۔ اجّ دی سُہنجنی کر دے تِھت، گھڑی پل اپنے رنگ رنگائیا۔ ہرِجن مانَس جنم تیرے در تے جائے جِت، ہار وِچ کدے نہ آئیا۔ جِس دی یاد وِچ جُگ لنگھ گئے کِت، کیتے بھجےّ واہو داہیِا۔ پُرکھ اکالے دیِن دَیالے کایا اندر اِکو کھول دے بِھت، بھیِتر پردہ دے چُکائیا۔ جن بھگتاں نظری آئے وِچ، باہر کھوجن دی لوڑ رہے نہ رائیا۔ سچ نام دی مار دے کِھچّ، سُرتی شبد نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرنی کہے پربھوُ جن بھگتاں بھاگ لگا دے کایا ماٹی ڈوُنگھی کھڈّ، کھنڈراں والیاں دے مان وڈیائیا۔ پوِتر کر دے ماس ناڑی ہڈ، تتو تت دھیان لگائیا۔ دُئی دویَتی ساریاں اندروں دے کڈھ، کایا ماٹی کر صفائیا۔ دھرم نِشانہ دے گڈّ، سَت ستوادی آپ جھُلائیا۔ تیرا بھگت تیرے نالوں ہووے کدے نہ اڈّ، وکھرا گرِہ نہ کوئے بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ سَتگُر شبد کہے سُن دھرنی دھوَلے، دھرم دھار جنائیا۔ میرے سب دے نال اِقرار قؤلے، کائنات دا مالک ہو کے دیاں دِرڑائیا۔ میرا نوُر تک لےَ الاہی اَولے، عالمیِن ہو کے سب دے وِچ سمائیا۔ کُچھ لیکھے یاد کر لےَ کرِشن کاہن سوَلے، سانوریا کہہ کے کی گیا سمجھائیا۔ پُرکھ اکالا دیِن دَیالا ہر گھٹ اندر آپے موَلے، مؤلا ہو کے کھیل کھِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ جن بھگتاں گرِہ برس دے امرت میِنہہ، میگھلا اپنا نام برسائیا۔ پوِتر کر دے سب دا جی، جیِون داتے اپنا رنگ رنگائیا۔ لیکھا مُکا دے ساڈھے تِنّ ہتّھ سیں، جِس دی رَوداس چمارا دئے گواہیِا۔ دھرم دا بیِج بیِجنا سچ دی چلاؤنی لیِہ، لائن عین دینی وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ جن بھگتاں ہِردا کر دے شُدھ، پتت پُنیِت آپ بنائیا۔ نِرمل کردے بُدھ، دُرمت میَل رہے نہ رائیا۔ انتر انتر آپا سب نوُں جائے سُجھ، سوجھ سمجھ دینی دِرڑائیا۔ اگلا لیکھا بنا دے کُجھ دا کُجھ، قُدرت دے قادر دَیا کمائیا۔ جِنہاں دی پِچھلی اؤدھ گئی پُگ، اوہناں دا آتم اپنے وِچ سمائیا۔ جِنہاں نے ایسے گھر وِچ بچّیاں نوُں پِلاؤنا دُدھ، سیِر دھار مُکھ لگائیا۔ پھڑ باہوں نِرگُن ہو کے آپ چُک، چاروں کُنٹ دا پندھ مُکائیا۔ کِسے گھر گرِہ درخت چوٹی بہے کوئے نہ لُک، اوہلا رہن کوئے نہ پائیا۔ اوہ تیرے
نام دی گاون تُک، تُوں میرا میَں تیرا ڈھولا گائیا۔ اَگے پردہ رہے نہ اوہلا لُک، بُھلیکھا بھرانت دینا کڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ دھرنی کہے میرے ترےَگُن اتیِت، ترےَبھوَن دھنی تیری سرنائیا۔ آد جُگادی بھگتاں میِت، مِتر پیارے تیرے ہتّھ وڈیائیا۔ تُوں سب دی ویکھنہارا نیِت، نیِتیوان اِک گوسائنیا۔ میَں سچ بیننتی کراں تیرا ڈھولا گاواں گیِت، گوبِند گوبِند تیرے ہتّھ وڈیائیا۔ مِہربانا سِری بھگوانا سارا پریوار بخش دے نال بخشی جائے جیِت، جیِون داتے اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ سَتگُر شبد کہے دھرنیئے میَں پِچھلے پِتراں دیواں سدّا، سہج نال سُنائیا۔ آؤ چھڈو پِچھلیِاں حداں، اگلا گھر دیاں وکھائیا۔ دو جہان جِس دا حُکم کدی کدا، قدیِم دا مالک دُھردرگاہیِا۔ تُہاڈے نال کدے کرے نہ دغا، فریباں وِچ کدے نہ آئیا۔ شاہو بھوُپ سوُرا سربگا، ہرِ کرتا دُھردرگاہیِا۔ جو تُہاڈے پیار وِچ بھگتاں دے گھر بناوے جگہ، جگہ جگہ اپنا حُکم ورتائیا۔ تُہاڈا اَگے دا سوار کے اگا، اَگلا لیکھا دئے مُکائیا۔ کلپنا جگت رہے نہ کگّا، واسنا کوُڑ نہ کوئے ہلکائیا۔ سچکھنڈ دوار ایکنکار شبدی دھار پریم نال تُہانوُں بدھّا، بِن بھگتیؤں پار کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ دھرنی کہے پربھوُ میَں دھرت نِمانی، مِٹّی خاک ہو کے سیِس نِوائیا۔ تُوں مالک میرا گُن نِدھانی، گہر گمبھیِر اِک اکھوائیا۔ سب دی پُرانی ویکھ لےَ نِشانی، نِشانے اپنے ویکھ وکھائیا۔ تُوں مالک خالق شاہ سُلطانی، شہنشاہ اگمّ اتھاہیِا۔ میری بیننتی تیرے چرن کوَل دھیانی، بِن نیَناں نیَن تکائیا۔ کِرپا کرکے در آئے تارنے جیو سرب پریوار پرانی، پوُرن آسا سب دی پوُر کرائیا۔ دُکھڑے میٹ جِسم جِسمانی، تن وجوُداں اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد جُگاد جان جانی، جاننہار تیرے ہتّھ وڈیائیا۔
۱۷ پھگّن شہنشاہی سمت ۱۱ پِنڈ روُپووالی ضِلع ہوشیارپُر سُرنِدر سِنگھ سرائیں، امریک سِنگھ
میلہ سِنگھ بَیرم پُر ملہار سِنگھ خُردا، ترسیم سِنگھ کندھالا شیخ گُردیو کؤر دے نوِت
دھرنی کہے پربھوُ میری خوشیاں والی کر بہار، بِہبل ہو کے بےانت تیری اوٹ تکائیا۔ نؤ کھنڈ پرِتھمی ستّ دیِپ بھگتن کھِڑے گُلزار، گُلشن باغیچہ مانَو ذاتی دینا مہکائیا۔ ایکا رنگ رنگا لےَ پُرکھ نار، اِستری مرد ونڈ نہ کوئے ونڈائیا۔ آتم پرماتم بن کے سانجھا یار، میلا میلنا سہج سُبھائیا۔ میری بیننتی تیرے سچ سچے دربار، درگاہ ساچی منگ منگائیا۔ نِرگُن نِروَیر ہو کے دے آدھار، عدل اِنصاف آپ کمائیا۔ کلجُگ کِریا کوُڑ میرے اُتوں نِوار، نِرگُن ہو کے اپنی دَیا کمائیا۔ پرم پُرکھ پرماتم جن بھگتاں پَیج سوار، سِر سِر اپنا ہتّھ ٹِکائیا۔ دھرنی کہے میرے سوامیا میرے اُتے رہے نہ دھوُاں دھار، دھوَل ہو کے منگ منگائیا۔ تیرا لہنا دینا سدا جُگ چار، چؤکڑی لیکھا دینا مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے میرے پروردِگارا، محبان تیری سرنائیا۔ شاہو بھوُپ اگمّ سِکدارا، تیری تیرے ہتّھ وڈیائیا۔ میَں مانگت بنی بِھکھارا، درویشن روُپ بدلائیا۔ تُوں کل کلکی اوتارا، نِہکلنک تیری بےپرواہیِا۔ میرا پوُرب لہنا دے اُدھارا، لیکھا پِچھلا ہتّھ پھڑائیا۔ میَں روواں زارو زارا، بِن نیَناں نیِر وہائیا۔ تُوں قُدرت دا قادر بےعیب پروردِگارا، نوُر نوُرانہ نوُر الاہیِا۔ پت پرمیشور میری پا سارا، پاربرہم پربھ تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میری ویکھ لےَ مِٹّی خاک، خاکی ہو کے منگ منگائیا۔ میرا پردہ کھول دے تاک، تقویٰ تیرے اُتے رکھائیا۔ میَں آد جُگادی تیری چاک، چاکر ہو کے سیو کمائیا۔ مِہربانا نؤجوانا دیِن دُنی دا انتشکرن کر دے پاک، پتت پُنیِت کر لوکائیا۔ اوتاراں پَیغمبراں گُروُآں پوُرے ہوون واک، واقف کار ہونا خلق خُدائیا۔ آتم پرماتم پرماتم آتم بنا دے سچّا ساک، سجّن سیَن اِکو نظری آئیا۔ وقت سُہنجنا تک عیسیٰ والے کلاک، کل دھاری اپنا پردہ دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در سچ ملِے وڈیائیا۔ دھرنی کہے میرے پرم پُرکھ پرماتم الاہی نوُر، نوُر نوُرانے شاہ سُلطانے سِری بھگوانے تیری بےپرواہیِا۔ میری آسا منسا پوُری کر ضرور، ضرورت تیرے چرن ٹِکائیا۔ تُوں سدا سدا بھرپوُر، بھرپوُر رہیا سرب ٹھائنیا۔ میری بیننتی
بے پرواہ کرنی منظور، منسا تیرے چرن ٹِکائیا۔ اوہ لیکھا پوُرا کر دے جو موُسے نال کیِتا اُتے کوہ طوُر، تُریا توں باہر دِتا سمجھائیا۔ جو نعرہ لا کے گیا منصوُر، حق حق تیرا حُکم دِرڑائیا۔ سو میِت مُرارے لہنا دے دے ضرور، ضرورت تیرے چرن ٹِکائیا۔ دیِن دُنی دا انتشکرن گڑھ توڑ غروُر، غُربت اندروں باہر کڈھائیا۔ منوُآ من نہ پائے فتُور، فتویٰ دینا تھاؤں تھائنیا۔ اِکو تیرا نام نؤ کھنڈ ہوئے مشہوُر، مشورہ تیرے نال جنائیا۔ میَں مِہربانا تیری ہوواں مشکوُر، شُکرانے وِچ سیِس جگدیِش نِوائیا۔ کلجُگ کوُڑا پندھ رہے نہ دوُر، دوُر دُراڈے لیکھا دینا مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ میَنوُں دے دے اگمّی دات، داتے دانی آپ ورتائیا۔ تُوں آد جُگادی میرا پِت مات، پت پرمیشور اِک اکھوائیا۔ نِرگُن نِروَیر وسنہارے اِکانت، اِک اِکلّے تیرے ہتّھ وڈیائیا۔ نِگاہ مار لےَ میرے نؤ پرانت، نوَ نؤ دا ڈیرہ ڈھائیا۔ امرت بوُند ملِے نہ کِسے سوانت، سانتک سَت نہ کوئے ورتائیا۔ چاروں کُنٹ اندھیری رات، سوُریہ چند نہ کوئے چمکائیا ۔ جھگڑا مکُے نہ ذات پات، دیِن مذہب کرے لڑائیا۔ کلجُگ انت میری پُچھے وات، وارث ہو کے ویکھ وکھائیا۔ جھگڑا میٹ دے کاغذات، اکھّراں نال اکھّر نہ کرے لڑائیا۔ تیرا کھیل بہُہ بِدھ بھانت، جُگ جُگ ریِتی چلی آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا در آپ سُہائیا۔ دھرنی کہے میرے مالک غریِب نوازا، محبان بیِدو مِہربان میری آسا پوُر کرائیا۔ جِس آد میرا ساجن ساجا، جُگ جُگ دیونہار وڈیائیا۔ کلجُگ انت سوار دے کاجا، قُدرت دے قادر ویکھناں چائیں چائنیا۔ وقت سُہنجنا کر دے دیس ماجھا، مجلس بھگتاں نال لگائیا۔ ہرِجن انتر نِرنتر شبد انادی دُھن وجا دے نادا، انحد اپنا راگ دِرڑائیا۔ بھگت سُہیلا تیرا ہووے جاگا، آلس غفلت نِندرا رہن کوئے نہ پائیا۔ سچ نام سِتار وجا دے ربابا، بِن تندی تند ہِلائیا۔ تَینوُں جُگ جُگ سارے کرن آدابا، سیِس نِو نِو جگدیِش اِک نِوائیا۔ میرے پُرکھ اکالے دیِن دَیالے میری سچ کر اِمدادا، تیری آمد وِچ بَیٹھی نیَن اُٹھائیا۔ اوہ لیکھا پوُرا کر دے جو نانک سندیسہ دے کے آیا وِچ بغدادا، جو دجلا دریا دئے گواہیِا۔ جِس دے حُکم نال بدلنا سماجا، سمگری سچ سچ ورتائیا۔ اوہدا لہنا دینا لیکھا ہونا انتم پنج آبا، پنچم دا میلا میلے سہج سُبھائیا۔ حُکم سندیسہ دیوے بودھ اگادھا، بُدھی توں پرے کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہار ساچا ور، سچ دا سنگ آپ بنائیا۔ دھرنی کہے کِرپا کر میرے بھگوَنتے،
بھگوَن تیری آس رکھائیا۔ آد جُگاد دُھر دے کنتے، کنتُوہل تیری وڈ وڈیائیا۔ بھیوَ کُھلا دے اپنے ساچے سنتے، سَتگُر ساجن ہو کے ویکھ وکھائیا۔ ہرِجن گڑھ توڑ دے ہؤمے ہنگتے، ہنگ برہم آپ جنائیا۔ بُدھی توں پرے بن پنڈتے، جگت اکھّراں لیکھ رہے نہ رائیا۔ وِشے میٹ دے منسا والے من دے، ممتا کوُڑ نہ کوئے ہلکائیا ۔ پاپ دھو دے وجوُد تن دے، تتو تت نہ کوئے تپائیا۔ بھیوَ کُھلا دے اپنے برہم دے، پاربرہم پردہ دے چُکائیا ۔ بھگت سُہیلے ویکھ لےَ جنم دے، پوُرب جنماں لہنا نال مِلائیا۔ لیکھے رہن نہ باقی کرم دے، کرم کانڈ دا ڈیرہ ڈھاہیِا۔ ہرِجن ونجارے بنا لےَ ساچے دھرم دے، دیِن مذہب ونڈ نہ کوئے ونڈائیا۔ ونجارے رہن نہ کایا ماٹی چرم دے، چمّ درِشٹی دے بدلائیا۔ جھگڑے رہن نہ ورن برن دے، تن وجوُداں کر صفائیا ۔ سہارے بخش دے اپنی اِکو سرن دے، سرنگت اِک دِرڑائیا۔ اِشارے دے دے آتم پرماتم تُوں میرا میَں تیرا ڈھولا پڑھن دے، وِدیا دُھر دی آپ جنائیا۔ مارگ دسّ دے اِکو سچکھنڈ دوارے چڑھن دے، جِتھے اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، بھیوَ دسّ دے ہرِ بھگت سُہیلے سچکھنڈ دوارے کھڑن دے، سَت ستوادی برہم برہمادی آپ اپنا رنگ رنگائیا۔
۱۸ پھگّن شہنشاہی سمت ۱۱ پِنڈ دسوُہا ضِلع ہوشیارپُر خیال سِنگھ کُلیا دھنّا سِنگھ کرالا گُرمیِت کؤر
دھرنی کہے پربھوُ نِگاہ مار لےَ میری چارے گُٹھ، کوُٹ دِشا نوَ ستّ دھیان لگائیا۔ تیری سرِشٹی درِشٹی اندروں گئی رُٹھ، پاربرہم پت پرمیشور تیرا میل نہ کوئے رکھائیا۔ کوٹاں وِچوں تیرے بھگت سُہیلے تھوڑے مُٹھ، مُٹھی بھر میرے اُتے نظری آئیا۔ تُوں مِہربان ہو کے سِری بھگوان تُٹھ، پروردِگار سانجھے یار اپنی دَیا کمائیا۔ نِگاہ مار لےَ مانَو ذاتی کایا بُت، بُتخانیاں پھول پُھلائیا۔ سَت دھرم دا تیرا رہیا کوئی نہ سُت، اپرادھی دِسے خلق خُدائیا۔ تُوں پرمیشور سوامی اچُت، چیتن سب نوُں دے کرائیا۔ سَت دھرم دی میرے اُتے سُہاوے رُت، رُتڑی میرے نال مہکائیا۔ جوتی جوت سروُپ ہرِ، آپ اپنی کِرپا کر، دیونہار تیری وڈیائیا۔ دھرنی کہے پربھوُ تیری دیِن دُنی بُھلی، ابُھل تیرے
رنگ نہ کوئے سمائیا۔ کلجُگ مایا ممتا وِچ رُلی، موہ وِکار نہ کوئے تجائیا۔ تُوں مالک خالق صُلح کُلی، نوُر نوُرانہ نوُر الاہیِا۔ بھاگ لگا دے ساڈھے تِنّ ہتّھ کُلّی، کلمہ کائنات جنائیا۔ نام نِدھان وست دے انمُلی، قیِمت دیِن دُنی چُکائیا ۔ تیرا جاپ رسنا جِہوا رہے نہ بُلیں، ہِردے وسنا چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ تیری سرِشٹی تیرے نالوں ہو گئی دوُر، آتم پرماتم میل نہ کوئے مِلائیا۔ دوُر دُراڈے شاہ سُلطانے ہو جا حاضر حضوُر، حضرتاں دے مالک بےعیب نوُر الاہیِا۔ ہر گھٹ انتر نِرنتر نام خُماری دے سروُر، سوئی سُرتی دے جگائیا۔ شبد انادی سُنا دے تُور، تُریا دا لیکھا دے اُٹھائیا۔ جوتی دھار بخش دے نوُر، اندھ اندھیار رہے نہ رائیا۔ تُوں سرب کلا بھرپوُر، پاربرہم پت پرمیشور تیرے ہتّھ وڈیائیا۔ کلجُگ کِریا میٹ دے کوُڑ، دھرنی دھرت دھوَل رہن نہ پائیا۔ سَت سچ دی بخش دے چرن دھوُڑ، دھوُڑی ٹِکّے خاکی خاک خاک رمائیا۔ چتُر سُگھڑ بنا لےَ موُرکھ موُڑھ، کاگ ہنس روُپ بدلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا ۔ دھرنی کہے پربھوُ تیرا رہیا کوئی نہ میِت سجّن، سَتگُر تیرے وِچ نہ کوئے سمائیا۔ ہِردے وسے نہ کِسے تیرا بھجن، بندگی حق نہ کوئے کمائیا۔ نام نِدھانے ناد موُل نہ وجّن، انحد نادی ناد نہ کوئے دِرڑائیا۔ پُرکھ اکالے دیِن دَیالے تُوں آ جا سب دے پردے کجّن، سِر سِر اپنا ہتّھ ٹِکائیا۔ بِن کعبیاں وکھا دے حجن، حُجرہ حق حق جنائیا۔ کوُڑی کِریا کلجُگ جیو جہان تجّن، وِکار ہنکار رہن کوئے نہ پائیا ۔ آتم پرماتم بخش انندن، انند انند وِچوں پرگٹائیا۔ ٹِکّے مستک لا دے چندن، دھوُڑی خاک خاک رمائیا ۔ اِکو تیرے چرن کوَل ہووے بندن، بندے بندگی وِچ سمائیا۔ شرع شریِعت کٹ دے تندن، تار سِتار اِک ہِلائیا۔ تیری منزل سارے لنگھن، جگت حدوُداں پندھ مُکائیا۔ تُوں صاحِب سوُرا سربنگن، ہرِ کرتا اِک اکھوائیا۔ اِکو تیرا ڈھولا ہووے نام چھندن، تُوں میرا میَں تیرا آتم پرماتم مِل کے وجے ودھائیا۔ جھگڑا مِٹا دے تت پنجن، اپ تیج وائے پرِتھمی آکاش اِکو رنگ دینا رنگائیا۔ نام نِدھانا سِری بھگوانا نیتر نام پا دے انجن، اندھ آتم پرماتم کر رُشنائیا۔ تیرا دیِپک جوت بھگت سُہیلے گھر گھر جگن، جاگرت جوت بِن ورن گوت کر رُشنائیا۔ تُوں گوپال موُرت مدن، مدھسوُدن تیرے ہتّھ وڈیائیا۔ دیِن دُنی جھگڑا رہے نہ کایا ماٹی بدن، تن وجوُداں لیکھا رہے نہ رائیا۔ مِہربان ہو کے میرے پردے آویں کجّن، سچ سوامی سِر میرے ہتّھ
ٹِکائیا۔ تُوں شاہو بھوُپ آد نِرنجن، نِروَیر پُرکھ اگمّ اتھاہیِا۔ میَں تیرا راہ اُڈیِکدی کدن، سَتجُگ تریتا دوُاپر کلجُگ ویکھاں نیَن اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری وڈیائیا۔ دھرنی کہے پربھوُ اپنی دیِن دُنی ویکھ لےَ میرے اُتے، اُتّر پوُرب پچھّم دکھّن دھیان لگائیا۔ بھروسہ کِسے رہیا نہ تیرے اُتے، آتم پرماتم رنگ نہ کوئے رنگائیا۔ نوَ کھنڈ پرِتھمی گوُڑھی نیند سُتے، ستّ دیِپ لئے نہ کوئے انگڑائیا۔ تُوں مالک خالق ابناشی اچُتے، چیتن ہو کے دھیان لگائیا ۔ میری جگت بہار تک لےَ رتے، خِزاں اپنا روُپ وکھائیا۔ جگت جگیاَسوُ تیرا مارگ گھُتھے، منزل چڑھن کوئے نہ پائیا۔ سچ سوامی تیرے پیار وِچ رُسے، رستہ نظر کِسے نہ آئیا۔ بِن تیری کِرپا وات کوئی نہ پُچھ، پُشت پناہ ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے انت کنت بھگوَنت بھاگ نہ جان نِکُھٹے، کھوٹے کھرے نِرگُن ہری ہرے، ہرِ کرتے دینی آپ مان وڈیائیا۔
۱۸ پھگّن شہنشاہی سمت ۱۱ پِنڈ شریہہ پُر ضِلع ہوشیارپُر وطن سِنگھ دے گرِہ
دھرنی کہے پرم پُرکھ پربھ تیری اِکو ٹیکا، دھوُڑی ٹِکّے مستک خاک رمائیا۔ مِہربانا نؤجوانا سِری بھگوانا تیرا کھیل تکیا وار انیکا، اوتار پَیغمبر گُر نِرگُن سرگُن تیرا روُپ نظری آئیا۔ دیِن مذہب دا تیرے حُکم دا جگت جہان ٹھیکا، ٹھاکر سوامی انترجامی تیری وڈ وڈیائیا۔ پُرکھ اکالے دیِن دَیالے پروردِگار سانجھے یار میرے اُتے آتم دھار کرا دے ایکا، اِک اِکلّے سچ محلے جل تھلے دے مان وڈیائیا۔ ترےَگُن مایا تن وجوُد لا سکے نہ سیکا، اگنی تت تتو سکے نہ کوئے تپائیا۔ ہرِجن تن وجوُد ماٹی خاک انتر نِرنتر کر دے بُدھ بِبیکا، من کلپنا کوُڑ کِریا اندروں باہر کڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے اُتوں بھاؤ چُکا دے دوُجا، دُتیا رہن کوئے نہ پائیا۔ اپنا بھیوَ کُھلا دے گوُجھا، پردہ پردیاں وِچوں اُٹھائیا۔ تیرا دوار ایکنکار سب نوُں ہووے سوُجھا، پروردِگار سانجھے یار تیری تیرے ہتّھ وڈیائیا۔ لیکھا رہے نہ ذات پات نیِچ اوُچا، اُچ اگمّ اتھاہ بے پرواہ دینی مان وڈیائیا۔ نؤ کھنڈ پرِتھمی
ستّ دیِپ میرا خوشحال کردے کوُچا، کوُچا گلی اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے منگ منگائیا۔ دھرنی کہے پربھوُ میرے اُتے مِہربان ہو کے وٹّ کروٹ، پاسا دیِن دُنی بدلائیا۔ دھرم دی دھار سچ کھول دے ہٹّ، وست امُل اتُل وِچ ٹِکائیا۔ تُوں وسنہارا نِرگُن دھار گھٹ گھٹ، گرِہ گرِہ اپنا آسن لائیا۔ اپنا بھیوَ کُھلا دے اِک سمجھا دے تیِرتھ کنارہ تٹ، جگت گھاٹاں لوڑ رہے نہ رائیا۔ تیِر انیالے نام نال ہر ہِردا سَتگُر پھٹ، پردہ پردیاں وِچوں اُٹھائیا۔ کلجُگ کِریا کوُڑ کھیل میٹ بازی گر نٹ، سوانگی اپنا سوانگ دے جنائیا۔ دُرمت میَل ہر ہِردیوں دینی کٹ، کٹاکش اپنا نام لگائیا۔ شرع دیِن دُنی دی رہے کوئے نہ وٹّ، وٹنا دھرم دھار دینا ملائیا۔ تیرا امرت رس نِجھر دھار سارے لیَن چٹّ، چیٹک اپنا اِک دِرڑائیا۔ ہؤمے ہنگتا اندروں جڑ پٹ، پٹنے والا سَتگُر نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ دھرنی کہے میرے پُرکھ اکالے دین، دَیال دَیا نِدھ تیری سرنائیا۔ اپنا مارگ دسّ مہیِن، پنتھ اِکو اِک جنائیا۔ جھگڑا رہے نہ لوک تیِن، ترےَگُن اتیِتے ایکا رنگ دینا رنگائیا۔ میَں نِمانی ہو کے ہوئی مسکیِن، عاجز ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری بےپرواہیِا۔ دھرنی کہے پربھوُ لیکھا ویکھ لےَ میرے گھر دا، گرِہ مندر کُنڈا آپ کُھلائیا۔ تیرا آتما تَینوُں نوُر کوئے نہ وردا، پت پرمیشور تیرا میل نہ کوئے مِلائیا۔ بھےَ وِچ دِسے موُل کوئے نہ ڈردا، بھؤ سِر نہ کوئے رکھائیا۔ نوَ ستّ قِلعہ بنیا ہنکار گڑھ دا، ہؤمے سکے نہ کوئے مِٹائیا۔ آتم پرماتم ڈھولا کوئے نہ پڑھدا، پاربرہم برہم وِچ نہ کوئے سمائیا۔ نِگاہ مار لےَ اُتّر پوُرب پچھّم دکھّن لہندا چڑھدا، چاروں کُنٹ دھیان لگائیا ۔ ساچی منزل محبوُب حقیِقت والی تیرے در کوئے نہ وڑدا، جوتی جاتے پُرکھ بِدھاتے تیرا درس کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ میَنوُں بخش دے اِکو سرنگت، دوُسر اوٹ نہ کوئے تکائیا۔ میرے دیس پردیسیا آ جا وت، بےوطناں دا لیکھا ویکھ وکھائیا۔ نؤ کھنڈ پرِتھمی ستّ دیِپ تک لےَ اُبلدی رتّ، امرت میگھ سچ نہ کوئے برسائیا۔ دھرم دی رہی کِسے نہ مت، من مت چار کُنٹ ہوئی ہلکائیا۔ دھیِرج سنتوکھ رہیا نہ سَت، سَت ستوادی تیرے رنگ نہ کوئے سمائیا۔ میَں تیرے اَگے واسطہ رہی گھت، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک دَیا
کمائیا۔ دھرنی کہے پربھوُ میرے اُتے تک لےَ اپنی مانَو دھار منُکھ، مانَس کھوج کھوجائیا۔ انتر نِرنتر رہیا کِسے نہ سُکھ، سانتک سَت نہ کوئے کرائیا۔ کلجُگ کوُڑی کِریا گھر گھر دِتا دُکھ، کلیشاں وِچ رووے تیری خلق خُدائیا۔ اُجل ہویا کِسے نہ مُکھ، دُرمت میَل نہ کوئے دھوائیا۔ غریِب نِمانیاں کٹے کوئی نہ بُھکھ، سانتک سَت نظر کوئے نہ آئیا۔ میَں دھرت نِمانی لکھّ چؤراسی ویکھنہاری ول اپنی کُکھ، بِنا جنم توں بناں جنیندی مائیا۔ تُوں پروردِگار سانجھے یار ایکنکار امرت جام پیا دے گھُٹ، امیوں رس اپنا آپ چوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا رنگ آپ رنگائیا۔ دھرنی کہے پربھ آ کے تک اِکلّا، اکل کل دھاری ویس وٹائیا۔ نوَ ستّ میرا ویکھ محلہ، جل تھل مہیئل پھول پُھلائیا۔ پِھرنا جنگل جوُہ اُجاڑاں وِچ جھلّاں، ٹِلّے پربت چوٹیِاں پندھ مُکائیا۔ لکھّ چؤراسی جیِو جنت تکنا تیرے نالوں چُھٹیا سب دا پلّا، پلّوُ گنڈھ نہ کوئے بندھائیا۔ کلجُگ کوُڑ کُڑیار میرے اُتے بولیا ہلّا، حالت بدلی خلق خُدائیا۔ تُوں نوُر الاہی عالمیِن االلہ، یامبیِن کہہ کے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دھرنی کہے نِگاہ مار میرے محبوُبا، بےعیب دھیان لگائیا۔ پردہ چُک دے عالیشان عرش عروُجا، مقامے حق اوہلا رہے نہ رائیا۔ اپنا بھیوَ دسّ دے گوُجھا، پردہ پردیاں وِچوں چُکائیا۔ میَں نِمانی کُرلاواں دھرنی دھوَل دھرت دھؤل بسُدھا، بےسُدھ ہو کے دیاں دُہائیا۔ اوہ لیکھا تک لےَ جو اِشارہ دے کے گیا بُدھا، بُدھی توں پرے دِرڑائیا۔ جِس بِدھ کلجُگ انتم ہونا یُدھا، جُگتی تیرے وِچ نظری آئیا۔ سَت دھرم کر دے اُدا، اُدےَ است کر رُشنائیا۔ اپنے نام دا سب نوُں دسدے مُدّعا، مُدتاں دے مالک بھیوَ چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرے حُکم وِچ کلجُگ انتم سماں ہووے پُگا، اَگے لیکھا جگت نظر کوئے نہ آئیا۔
۱۸ پھگّن شہنشاہی سمت ۱۱ پِنڈ پنج ڈھیرا ضِلع ہوشیارپُر لال سِنگھ دے گرِہ
نارد کہے دھرنیئے سَتگُر شبد دسّ دے اپنا گھاٹا، لیکھا دیِن دُنی منگ منگائیا۔ کوُڑ کُڑیار نوَ ستّ وکھا دے ہاٹا، پردہ پردیاں وِچوں چُکائیا۔ نال لیکھا دسّ دے کلجُگ نٹوُے ناٹا، کی سوانگی اپنا سوانگ ورتائیا۔ امرت رہیا نہ گوبِند دھار باٹا، رس رس نہ کوئے چکھائیا۔ خالی ہو گیا تن وجوُد کایا ماٹا، مٹکی سَت رنگ نہ کوئے رنگائیا۔ پُرکھ پُرکھوتم نظر آئے نہ آتم سیج کھاٹا، کھٹیا رو رو دئے دُہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا مالک کی حُکم جنائیا۔ دھرنی کہے ناردا میرا ویکھ لےَ ڈوُنگھا کھاتہ، خطرے وِچ خلق خُدائیا۔ سَتگُر شبد دیِاں سُن لےَ باتاں، جو بِنا رسنا جِہوا ڈھولے رہیا سُنائیا۔ جِس میرا لہنا دینا مُکاؤنا کلجُگ میٹنی اندھیری راتا، رُتڑی اپنے نال مہکائیا۔ جھگڑا رہن نہ دیوے ذاتاں پاتاں، دیِناں مذہباں اِکو رنگ چڑھائیا۔ اوہ پُچھنہارا ایکنکارا میری واتا، وارث ہو کے دھیان لگائیا۔ جن بھگتاں جوڑنہارا چرن ناتا، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ نارد کہے دھرنیئے اُس دے اَگے دسّ دے اپنا حال، حالت دیِن دُنی جنائیا۔ جو سمبل وِچ بہہ کے کرے سنبھال، سَتگُر داتا اِک اکھوائیا۔ جِس دے حُکم وِچ کال مہاکال، رائے دھرم بَیٹھا سیِس نِوائیا۔ اوہ تیرا لہنا دینا ویکھے ہرِ گوبِند بن گوپال، مِہربان مِہر نظر اُٹھائیا۔ جِس دا سَتگُر شبد وِچولا اِک دلال، دو جہاناں حُکم ورتائیا۔ جو تیری لیکھےلاوے گھال، گھائل ہو کے دے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ہوئے سہائیا۔ دھرنی کہے ناردا میَں کی دسّاں حالت، کہن کِچھ نہ پائیا۔ دیِن دُنی دے اندر ہوئی جہالت، سچ رنگ نہ کوئے رنگائیا۔ دھرم دی دِسے نہ کوئے عدالت، کلجُگ کِریا کوُڑ ہلکائیا۔ ساچا نام ملِے نہ کِسے نیامت، امرت رس نہ کِسے چکھائیا۔ میرے اُتے آؤن والی قیامت، قائم مقام رہن کوئے نہ پائیا۔ صدی چؤدھویِں اندھیرا ہونا شامت، شمع دیِپ نوُر نہ کوئے رُشنائیا۔ اِکو حُکم ورتنا پروردِگار صحیح سلامت، سانجھا یار رہیا دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھید آپ کُھلائیا۔ نارد کہے دھرنیئے پربھ دے اَگے دسّ دے بِن نیتر نیَناں رو، بھید ابھید جنائیا۔ اوہ جاننہارا دو جہاناں سو، سو پُرکھ نِرنجن بےپرواہیِا۔ جو جھگڑا میٹے دیِن دُنی دا دو، دوہری اپنی کل ورتائیا۔ جِس دا بھیوَ نہ جانے کو، قُدرت دا قادر اِک اکھوائیا۔
اُس دا چرن کوَل دھرنیئے تیرے اُتے جائے چھوہ، چھوہر بانکا اِکو نظری آئیا۔ کلجُگ کوُڑی کِریا نوَ ستّ لئے کھوہ، دھؤل دھوَلے تیرا لیکھا پوُر کرائیا۔ سَت دھرم نال سب دا بخشے موہ، مُحبّت اِکو نام جنائیا۔ نِجھر دھاروں امرت رس دیوے چو، بوُند سوانتی اگمّ ٹپکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا مالک ہوئے سہائیا۔ دھرنی کہے نارد میَں رو کے ماراں دھا، ہائے، اُف میری دُہائیا۔ پُرکھ اکالے دیِن دَیالے میرے اُتے آ، آگمن وِچ تیرا راہ تکائیا۔ جوتی جاتے پُرکھ بِدھاتے نِرگُن دھار کر رُشنا، دو جہاناں نوُر نوُرانہ نظری آئیا۔ میَں کوُک پُکاراں اُچی کڈھ کے بانہہ، بہرحال دیاں سُنائیا۔ کلجُگ جیِواں بُدھی تک لےَ کاں، کاگ وانگ سرب کُرلائیا۔ تیرے پیارے ہو کے پربھوُ کِسے نے سوُر کھادھا کِسے نے کھادھی گاں، پشوُآں کھلّ لُہائیا۔ ہر ہِردیوں نِکلیا تیرا ناں، ناؤں نِرنکارا ڈھولا کوئے نہ گائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میَں نِمانی دھرت سدا رکھ ٹھنڈی چھاں، سدا سُہیلے اِک اَکیلے میری آسا پوُر کرائیا۔
۱۹ پھگّن شہنشاہی سمت ۱۱ پِنڈ پنج ڈھیرا ضِلع ہوشیارپُر کرتار سِنگھ دے گرِہ
نارد کہے دھرنیئے پربھ دا کھیل تک اولّا، اول االلہ کی اپنی کل پرگٹائیا۔ جوتی دھار کھیل کرے اِکلّا، شبدی شبد جنائیا۔ سمبل بہہ گیا سچ محلہ، ساڈھے تِنّ ہتّھ رنگ رنگائیا۔ ویکھنہارا جلاں تھلاں، اسگاہاں پھول پُھلائیا۔ آتم سِنگھاسن اِکو ملّا، جِس نوُں جگ نیتر ویکھن کوئے نہ پائیا۔ پوُرن ہو کے پوُرن وِچ رلا، رل مِل اپنی خوشی بنائیا۔ بھگتاں پھڑاؤن آ گیا پلّا، پلک وِچ اپنا میل مِلائیا۔ جِس دا دیِپک سب توں نِرالا جلا، جاگرت جوت کرے رُشنائیا۔ اُس نے خبر سندیسہ اِکو گھلا، سُنیہڑا کی جنائیا۔ میرا حُکم سدا رہے اٹلا، نہ کوئی میٹے میٹ مِٹائیا۔ جِس دے پیار وِچ وِشن برہما شِو پِھرے جھلا، جھلک تکے نوُر الاہیِا۔ محمد پُکار کے کِہا االلہ، عالمیِن تیری وڈیائیا۔ اوہ مِہربان ہو کے بھگتاں نام دیوے سُکھلّا، ساوَریا قیِمت ناں کوئے لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور،
سچ دا حُکم اِک ورتائیا۔ نارد کہے دھرنیئے اُتانہہ ویکھ اُٹھا کے مُکھ، نیَن نیَناں وِچوں بدلائیا۔ جِس دیاں سارے سُکھّناں گئے سُکّھ، سُکھیِں ساندی آ گیا دُھر دا ماہیِا۔ جو غریِب نِمانیاں ونڈے دُکھ، دلِدریاں دَیا کمائیا۔ سچ نام دی تیرے اُتوں میٹے بُھکھ، وست اگمّ ورتائیا۔ بھاگ لگا کے تیری کُکھ، ہرِجن ساچے دئے سُہائیا۔ کُچھ لیکھا اگلا اُس پربھوُ توں پُچھ، جو پُشت پناہ سب دے ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے دھرنیئے اوہ آ گیا پیِراں دا پیِر، پَیغمبراں دا پَیغمبر نوُر الاہیِا۔ جِس دی سب توں وکھری تاثیر، بھیوَ سکے کوئے نہ پائیا۔ جِس دا اِشارہ دِتا بِن رسنا جِہوا کبیِر، کعبیاں توں باہر سُنائیا۔ اوہ آ گیا تیری بدلن تقدیِر، جِس دینی وڈیائیا۔ شرع دے توڑے زنجِیر، شہنشاہ ہو کے ویکھ وکھائیا۔ اُس نوُں لبھ سکے نہ کوئے فقیِر، فِقریاں والے ڈھولے گائیا۔ اوہدا نوُر بے نظیِر، جگ نیتر ویکھن کوئے نہ پائیا۔ اوہ آیا بےتصویِر، جِس نوُں تصوّر کر نہ کوئے سمجھائیا۔ جِس لہنا تیرا دینا اَخیِر، آخر اپنا حُکم ورتائیا۔ جِس لیکھے لایا رَویداس چمارے کسیِر، کؤڈی اپنے ہٹّ وِکائیا۔ اوہ بدلن والا دیِن دُنی ضمیِر، بھگتاں بھگوَن اپنے رنگ رنگائیا۔ جِس دا نام کھنڈا شرع توں باہر شمشیِر، دھار دو دھار آپ پرگٹائیا۔ جِس ویکھنا جل تھل مہیئل نیر، سمُند ساگراں کھوج کھوجائیا۔ جِس دھرنی دھؤل تیرے کلجُگ کوُڑ دے بدلنے چیِر، چِری وِچھُننیئے تیرا لہنا تیری جھولی پائیا۔ سَتجُگ سچ کرے تعمیِر، طمع لالچ نہ کوئے رکھائیا۔ اِکو مان دیوے شاہ حقیِر، پاتشاہ دُھردرگاہیِا۔ بھگتن میِتا بھگتن دیوے دھیِر، دھیِرج دھرم دھار سمجھائیا۔ مالک ہو کے گُنی گہیر، گہر گوَر اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی سب دا مالک سب دا مُدیر، مُدّتاں دے لیکھے سب دی جھولی پائیا۔
۱۹ پھگّن شہنشاہی سمت ۱۱ پِنڈ گالڑیاں ضِلع ہوشیارپُر رام سِنگھ، دربارا سِنگھ، منگل سِنگھ، گیان چند تے آتم چند تلواڑا
دھرنی کہے میرے پُرکھ اکال باپا، پت پرمیشور بے پرواہ تیری اِک سرنائیا۔ ترےَگُن میرے انتشکرن میٹ دے تاپا، ترےَگُن اتیِتے ٹھانڈے سیِتے اپنا رنگ رنگائیا۔ دیِن دُنی دے اندروں کڈھ دے پاپا، پتت پُنیِت آپ کرائیا۔ مِہربان محبوُب میری انتم پُچھ واتا، واسطہ
تیرے اَگے پائیا۔ کلجُگ کِریا کوُڑ میٹ دے راتا، سَتجُگ سچ چند کر رُشنائیا۔ آتم پرماتم جوڑ دے ناتا، سُرتی شبد شبد مِلائیا۔ جھگڑا میٹ دے ذات پاتا، دیِن مذہب نہ کوئے لڑائیا۔ اپنا ڈوُنگھا دسدے کھاتہ، پردہ پردیاں وِچوں اُٹھائیا۔ تُوں میرا آد جُگادی پِت ماتا، پت پرمیشور اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ کِرپا کر سوُرے سربنگ، بگ بپڑے کلجُگ جیِو ویکھ وکھائیا۔ مِہربان میرے اُتوں بُجھا دے اگّ، اگنی تتو تت نہ کوئے جلائیا۔ نِگاہ مار لےَ سرِشٹی درِشٹی اندر جگ، جاگرت جوت بِن ورن گوت کر رُشنائیا۔ جن بھگتاں درشن دے اُپر شاہ رگ، نؤ دوار لیکھا آپ مُکائیا۔ ہرِجن ہنس بنا لےَ پھڑ کے کگ، سوہنگ مانک موتی چوگ چُگائیا۔ دیِن دُنی دی دھار وِچوں کر الگ، وکھرا اپنا رنگ رنگائیا۔ ہرِجن رہے نہ کوئی بپُڑا بگ، سِر سِر اپنا ہتّھ ٹِکائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ دھرنی کہے پربھوُ میرے اُتے انتشکرن کر پوِت، پتت پُنیِت ہووے تیری خلق خُدائیا۔ ہرِجن ہِردے وس چِت، چیتن سُرتی سب دی آپ کرائیا۔ نِج نیتر درشن ہووے نِت، نوُر نوُرانے اپنا نوُر کر رُشنائیا۔ بھگت سُہیلا تیرا اِکو ہووے ہِت، ہِتکاری ہو کے ویکھ وکھائیا۔ نِمانیاں بن جا مات پِت، پت پرمیشور ہو کے اپنی گود اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ دھرنی کہے پربھوُ میری آشا تیرے چرن، چرنودک جام دینا پیائیا۔ اِکو بخش دُھر دی سرن، سرنگت اِک سمجھائیا۔ میَں لگّی تیرے لڑن، پلّوُ تیرا گنڈھ بندھائیا۔ تُوں سب دا لیکھا مُکاؤنا سیِس دھڑن، وجوُداں ونڈ نہ کوئے ونڈائیا۔ سرِشٹی درِشٹی اندر تیرا ڈھولا اِکو پڑھن، تُوں میرا میَں تیرا راگ الائیا۔ منزل حقیِقی سچکھنڈ دوارے ایکنکارے تیرے چڑھن، اَگے ہو نہ کوئے اٹکائیا۔ سچکھنڈ دوار پروردِگار سانجھے یار تیرے وڑن، درگاہ ساچی اپنا آسن لائیا۔ جِتھے دیِا باتی کملاپاتی پت پرمیشور تیرا ہوئے اُجیار، اُجالا دو جہان کرائیا۔ تُوں کِرپا کرنی بھگت وچھل گِردھار، گِرور تیرے اُتے اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ میرے اُتے سَت سچ کر پردھانی، محبوُب تیری سرنائیا۔ لیکھے لا لےَ جیِو پرانی، پوُرب لہنے جھولی پائیا۔ سب دا شہنشاہ بن سُلطانی، سُتی سرِشٹی درِشٹی اندر لےَ اُٹھائیا۔ نام نِدھان دی مار کانی، کائنات دے ہِلائیا۔ لیکھا مُکا دے چارے
کھانی، انڈج جیرج اُتبُھج سیتج ویکھنا تھاؤں تھائنیا۔ جن بھگتاں امرت رس نِجھر ہووے بوُند سوانت دینا پانی، نابھی کول کول اُلٹائیا۔ شبد انادی برہم برہمادی سُناؤنی دُھر دی بانی، بان انیالا تیِر چلائیا۔ کایا مندر اندر دیِپک جوت جگاؤنی مہانی، مہما اکتھ کتھ سُنائیا۔ ہرِجن اندر رہے نہ موُل پریشانی، پشچاتاپ دینا مِٹائیا۔ اِکو دسّ کے منزل روُحانی، روُح بُت میلنا میلا سہج سُبھائیا۔ تُوں جوتی جاتا سب دا جان جانی، جاننہار اِک اکھوائیا۔ میرے کول اوتار پَیغمبر گُر دے کے گئے نِشانی، نِشانے دیِن دُنی بدلائیا۔ کلجُگ انت سِری بھگوَنت جوتی جاتا پُرکھ بِدھاتا ہووے پردھانی، پرم پُرکھ اپنا رنگ رنگائیا۔ دھرنی کہے پربھوُ میَں کوجھی کملی نِمانی، نِو نِو تیرے چرن کوَل سیِس نِوائیا۔ میرا لہنا دینا مُکا دے چارے کھانی، انڈج جیرج اُتبُھج سیتج تیرے چرن ٹِکائیا۔ کِرپا نِدھان میرے اُتے کِرپا کر مہانی، مہما اکتھ کتھ سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا لہنا دینا نال زِمیں اسمانی، دو جہاناں مالک خالق پرِتپالک تیری بےپرواہیِا۔
۲۰ پھگّن شہنشاہی سمت ۱۱ پِنڈ مکیریِاں محلہ بانیاں مکان نمبر ۴۴ ضِلع ہوشیارپُر ریشم سِنگھ دے گرِہ
دھرتی کہے پربھ میرے دُھر دے سنگی، سگلے ساتھی ہرِ رگھوناتھی پُرکھ سمراتھی تیری وڈ وڈیائیا۔ سچ وست امولک انتر دے دے منگی، رسنا جِہوا مُکھ بچن نہ کوئے سُنائیا۔ تیرے حُکم وِچ جُگ چؤکڑی میرے اُتے لنگھی، کلجُگ انتم ویکھنا چائیں چائنیا۔ جن بھگت سُہیلے لا لےَ اپنے کار انگی، پردہ پردیاں وِچوں اُٹھائیا۔ پُشت ہون نہ دیویں ننگی، پِٹھ اپنا ہتّھ ٹِکائیا۔ جنم کرم دی کٹنی تنگی، دُکھیاں درد ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا مالک اِک اکھوائیا۔ دھرنی کہے پربھوُ میرا سُہا دے سُہنجنا کھیڑا، نوَ ستّ دے وڈیائیا۔ دیِن مذہب چُکا دے جھیڑا، ذات پات نہ کوئے لڑائیا۔ سَت سچ دا کُھلا کر دے ویہڑا، دھرم دی دھار اِک سمجھائیا۔ جن بھگتاں بنّھ دے بیڑا، بیڑا اپنے کندھ اُٹھائیا۔ کلجُگ کِریا کوُڑ کر نِکھیڑا، سَت سچ سچ پرگٹائیا۔ انت اَخیِر اپنے حُکم دا دے دے گیڑا، نوَ ستّ دے بھوائیا۔ مِہربان ہو کے کِرپا نِدھان کر مِہرا، مِہر نظر اُٹھائیا۔ ہرِجن تیرے چرن ہووے ڈیرہ، ڈنڈاوت بندنا وِچ
سیِس نِوائیا۔ اِکو نام گائے تُوں میرا میَں تیرا، آتم پرماتم مِل کے وجے ودھائیا۔ درس دِکھا دے نِج نیتر نیِرن نیرا، دوُر دُراڈا پندھ رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ میری آسا نہ رہے ادھوُری، انتر نِرنتر ویکھنا چائیں چائنیا۔ کلجُگ تک میری مجبوُری، دُکھی ہو کے رہی سُنائیا۔ نوَ ستّ کِریا ہوئی کوُڑی، کوُڑ کُٹمب دِسے لوکائیا۔ تیری خاک مستک چرن لائے کوئے نہ دھوُڑی، ٹِکّے سچ نہ کوئے رمائیا۔ نِرگُن جوت اپنا پرکاش کر نوُری، نوُر نوُرانے کر رُشنائیا۔ میَں بیننتی کراں سچکھنڈ تیرے حضوُری، حضرتاں دے مالک دینی مان وڈیائیا۔ جن بھگت سُہیلے تیرا راہ تکن ضروری، چاروں کُنٹ نیَن اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ جن بھگت تیرا تکدے راہ، رہبر دینی مان وڈیائیا۔ نِرگُن دھار بن ملاح، سرگُن بیڑا لےَ ترائیا۔ نام شبد دُھر کلمہ دے صلاح، مشورہ اِکو اِک دِرڑائیا۔ جنم جنم دے بخش گُناہ، کرم کرم دا لیکھا دے مُکائیا۔ تُوں آد جُگادی سب دا پِتا ماں، پت پرمیشور تیرے ہتّھ وڈیائیا۔ غریِب نِمانیاں جوتی جاتے پکڑ بانہہ، پھڑ باہوں گلے لگائیا۔ نِتھاویاں بخش دے ساچا تھاں، چرن کوَل دے سرنائیا۔ پھڑ پھڑ ہنس بنا کاں، کاگوں ہنس بنائیا۔ اِکو تیرا انتر نِرنتر اُپجے ناں، تُوں میرا میَں تیرا ڈھولا گائیا۔ تیرے چرن کوَل دھوَل ہو کے بل بل جاں، آپ آپا تیرے بھیٹ کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیری آد جُگاد جُگ چؤکڑی کراں واہ واہ، واہ واہ تیری بےپرواہیِا۔
۲۰ پھگّن شہنشاہی سمت ۱۱ دَیال سِنگھ دے گرِہ پِنڈ ڈڈواں ضِلع ہوشیارپُر
دھرنی کہے پربھ ہو جا بھگتاں جوگا، جُگتی اپنی دے سمجھائیا۔ رنگ چاڑھ دے کایا ماٹی چوگا، تن وجوُد رنگت اگمّ رنگائیا۔ انتر نِرنتر درسن دے اموگھا، نِج لوچن نیَن اکھّ کُھلائیا۔ پاربرہم برہم کر انتم سنجوگا، جُگ جنم دے وِچھڑے نال مِلائیا۔ مایا ممتا ہؤمے کٹ
دے روگا، جگت وِکار رہن نہ پائیا۔ چِنتا غم چُکا دے سوگا، ہرکھ سوگ نہ کوئے رکھائیا۔ سچ دا گیان دے دے بودھا، بُدھی توں پرے کر پڑھائیا۔ ہرِجن ہِردا جائے سودھا، شُدھ اپنا رنگ چڑھائیا۔ بھگت سُہیلا تیرا ہووے جودھا، جگت جھگڑے دے مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ دھرنی کہے پربھوُ جن بھگتاں دُھر بنا لےَ ساتھی، سگلے سنگی بہُہ رنگی اپنی دَیا کمائیا۔ نِرگُن دھار اکل کلا سمراتھی، بےانت تیری بےپرواہیِا۔ ہرِجن ویکھ اناتھ اناتھی، دینن اپنے گلے لگائیا۔ لہنا دینا پوُرا کر دے مستک ماتھی، جوت للاٹی کر رُشنائیا۔ تُوں صاحِب سُلطانا سِری بھگوانا سرب کلا سمراتھی، سمرتھ تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ دھرنی کہے پربھوُ جن بھگت سُہیلے ویکھ لےَ کملے کوجھے، قُدرت دے قادر دَیا کمائیا۔ اِنہاں انتر دےدے سوجھے، سُدھ اپنی دے سمجھائیا۔ جنم جنم دے بھار لاہ دے بوجھے، سِر اپنا ہتّھ ٹِکائیا۔ پُرکھ اکالے دیِن دَیالے تیرا بھگت تَینوُں موُل نہ کھوجے، گھر گھر درشن دینا چائیں چائنیا۔ تیرے پیار وِچ شرع دے رکھنے پَین نہ روزے، رازق رِزق رحیِم دینی مان وڈیائیا۔ لالچ موہ مایا رہے نہ لوبھے، ممتا کوُڑ دینی مِٹائیا۔ ہرِ بھگت سُہیلا تیرے چرن دوارے سوہ جے، صُبح شام ونڈ نہ کوئے ونڈائیا۔ جوتی جاتے پُرکھ بِدھاتے بخش دے مؤجے، مجلس بھگتاں نال رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سب دے ہِردے دے سودھے، پتت پُنیِت پاربرہم پربھ کرائیا۔