کتب خانہGranth 1 (Urdu)

۱۵ بھادروں ۲۰۰۶ بِکرمی پِنڈ جیٹھوُوال دَیا ہوئی

سرامرت نوُں سراپ دوا کے۔ چلیا منی سِنگھ کندھے اُٹھا کے۔ اُنّی سؤ ترونجا بِکرمی تائیں۔ اودوں سی ایہہ کار بُھگتائی۔ ہرِ جوُ وِچ ہرمندر آیا۔ پوُرا بچن ارجن دا کرایا۔ پُجاریاں ہنکاریاں سار نہ پائی۔ آپ اپنی کار بُھگتائی۔ اُنّی سؤ پچونجا بِکرمی ہوئی۔ بابے منی سِنگھ نوُں سوجھی ہوئی ۔ نیِلا چولا آپ رنگایا۔ مہاراج شیرسِنگھ دے گل وِچ پایا۔ نال سنگت لےَ لئی ساری۔ انندپُر دی کری تیاری ۔ پُر انند پہنچے آ کے۔ جِتھے گوبِند سِنگھ گیا گوا کے۔ سانوُں بابے سیِس اُٹھایا۔ وِچ شہر دے حُکم سُنایا۔ نِہکلنک اوتار جے آیا۔ کرو درس مُکھوں سُنایا۔ مُسلمانو سُن لؤ بھائی ۔ ایہہ اِمام مہدی جِن چولی پائی ۔ اپنا بھرم مِٹاؤ آ کے ۔ سرنی ایہدی لگّو آ کے ۔ رام کرِشن دا ایہہ اوتارا ۔ مہاراج شیرسِنگھ دیِن دَیالا۔ ایہہ ہےَ آپ جوتی جوت سروُپا۔ انحد شبد وجاوے بھوُپا۔ جِس نے درس ایس دا کیِتا۔ لکھّ چُراسی وِچوں کڈھ لیِتا۔ جنم مرن توں ہوئے نیارا۔ بیَکُنٹھ دھام وِچ کرے اُتارا۔ جوت وِچ اپنی جوت مِلاوے۔ اپنی مہما آپ جناوے۔ مُکند منوہر ایہہ کرِشن اوتاری۔ کلجُگ وِچ شیرسِنگھ اوتاری۔ شبد میرا ایہہ نِرالا۔ سوہنگ نام سدا پرِتپالا۔ نام میرے دی ایہہ وڈیائی۔ پشوُ

پریتوں دیوَ بنائی۔ کِرتم نام جپے جو میرا۔ مات لوک وِچ نہ ہوئے پھیرا۔ سدا اتیِت سدا ہےَ جیِتا۔ مہاراج شیرسِنگھ رکھیا چیِتا۔ اَیسی کلا آپ ورتاواں۔ کلجُگ وِچ اپنا آپ چُھپاواں۔ منُمکھاں توں مُنہ چُھپا کے۔ گُرمُکھاں نوُں آپ پرگٹا کے۔ اَیسا کھیل ایہہ کراں نیارا۔ دیوے درس کرِشن مُرارا۔ اَیسا درس میَں آپ دِکھاواں۔ رام کرِشن دا روُپ پرگٹاواں۔ سارا سنسا دِل دا لاہواں۔ مہاراج شیرسِنگھ پھیر اکھواواں۔ اَیسی میری بنی ہےَ گاتھا۔ چار وید میرے نام رنگ راتا۔ اٹھاراں دھیا گیِتا بنائی۔ اِک ارجن نوُں سوجھی پائی۔ مہاسارتھی آپ اکھوایا۔ رتھ ارجن دا آپ چلایا۔ دُشٹاں ہنکاریاں دا ناس کرایا۔ پانڈواں تائیں مان دوایا۔ پِھر پسریا آپ پسارا۔ دواپر تائیں پار اُتارا۔ یجُر وید دا مان گوایا۔ کلجُگ نے سی پھیرا پایا۔ اتھربن وید ایڑے توں آیا۔ چھڈیا رام االلہ اکھوایا۔ عیسیٰ موُسیٰ اِس جُگ وِچ آئے۔ آپ خُدا دے پُت کہائے۔ انجیل تائیں اوہناں لِکھوایا۔ ہوئے کرِستی رام بُھلایا۔ میری جوت دا ہووے پرکاش۔ باقی سبنا دا کیِتا ناس۔ اَیسی کلا آپ ہےَ ساری۔ اپنی جوت آپ پرگٹا لی۔ جوت میری جاں سِکھ وِچ آوے۔ نبض ایس دی چلنو ہٹاوے۔ ایہہ وڈّا بھیت ہےَ ساڈا۔ مہاراج شیرسِنگھ سَتگُر ڈاڈھا۔ کلجُگ دی ہُن ہوئی اخیِر۔ کوئی نہ بنّھے اِس دی دھیِر۔ تیِن لوک اِس دا مُنہ کالا۔ دھرم دا جِس کڈھ دِتا دوالا۔ اَیسا اِس نے قہر کمایا۔ یت سَت دا ناس کرایا۔ اپنی اِس نے کھیل وکھائی۔ بےمُکھاں سِر چھاہی پائی۔ گُرسِکھاں نوُں بنّے لایا۔ بیڑا اُنہاں دا آپ بچایا۔ جمدوُتاں نوُں پراں ہٹا کے۔ کرے رچھیا آپے آ کے۔ انت کال جاں سِکھ دا ہووے۔ سوہنگ شبد میرا من پرووے۔ آتم دھارے میرا نام۔ درشن ہووے وِشنوُں بھگوان۔ سِکھاں دی پَیج آپ رکھاوے۔ جوت سنگ جوت مِلاوے۔ ہوئے کِرپال آپ دَیالا۔ جنم مرن دا لتھا جنجالا۔ پوُرے سَتگُر کھیل رچایا۔ گُرمُکھاں لئی بیَکُنٹھ بنایا۔ بےمُکھاں نوُں پرے ہٹا کے۔ جمدوُتاں دے وس سی پا کے۔ دھرم راج نے ڈنّ لگایا۔ کُنبھی نرک اِنہاں نوُں پایا۔ سِکھاں نوُں دواوے مان۔ سوہنگ شبد اُتم گیان۔ اُتم جوت میَں آپ جگاواں۔ دسویں دوار دا پردہ لاہواں۔ اَیسا جھِرناں میَں آپ جھِراؤں۔ امرت

بوُند کوَل میں پاؤں۔ کِھلے کوَل جو آپ کِھلاوے۔ بھگت جناں نوُں سوجھی پاوے۔ اَیسا پرکاش ہووے پِھر میرا۔ اندھ اگیان دا مِٹے اندھیرا۔ ہوئے پرتکھ میَں درس دِکھاواں۔ گُرمُکھاں نوُں چرنی لاواں۔ چرن کوَل جو میرے پرسے۔ صدیو کال سدا گُر درسے۔ اَیسی میَں ستار وجاواں۔ انحد شبد دا راگ سُناواں۔ میرے شبد اَیسی دُھنکار۔ سُن کے سِکھ سی اُترے پار۔ سوہنگ شبد دا ہویا پرکاش۔ باقی سب دا کیِتا ناس۔ سمیں انُسار ایہہ شبد چلایا۔ مہاراج شیرسِنگھ آپ کرے کرایا۔ اپنا حُکم آپ لِکھوایا۔ منی سِنگھ توں سَتگُروُ بنایا۔ اَیسی آپ جگائی جوتا۔ ساڈی طاقت ورتے موتا۔ دیِپ توں دیِپک جگا کے۔ سنگتاں وِچ مان دوا کے۔ پَیج رکھانگا ایہدی آ کے۔ مہاراج شیرسِنگھ نام رکھا کے۔ اوُدھم نوُں وِچ ادھ رکھاواں۔ شامے تائیں مان دواواں۔ پربھ جوت دی جوت جگا کے۔ در اپنے توں بِھکھیا پا کے۔ پنجویں جیٹھ نوُں جگتار پرگٹا کے۔ ستّاں دیِپاں دا مان دوا کے۔ سِر ایہناں دے چھتر جھُلا کے۔ تریَلوکی ناتھ آپ اکھوا کے۔ دیِن دَیال میَں آپ کِرپالا۔ سوہنگ شبد میرا سدا رکھوالا۔

۱۷ بھادروں ۲۰۰۶ بِکرمی پِنڈ جیٹھوُوال بچن ہوئے

ستاراں بھادروں بچن لِکھایا۔ اپنا بھوگ آپ لوایا۔ برہم کھتری وَیشاں دا ہنکار گواواں۔ شوُدراں تائیں مان دواواں۔ بھیِلنی دے بیر کھادھے جا کے۔ رام نام میَں اکھوا کے۔ ستی اہلیا نوُں پھیر جوا کے۔ اپنا چرن آپ چُھہا کے۔ بِبانا وِچ آپ بہا کے۔ گوتم دا سراپ سی لاہ کے۔ بیَکُنٹھ دھام دے وِچ پُچایا۔ اَیسا اپنا کھیل رچایا۔ بالمیک سی بڑا بجواڑا۔ ڈاکہ مارے دِن دِہاڑا۔ گھر وِچ پُچھن گھّلیا، انت کال کوئے ہےَ تُماڑا۔ کؤڑ مڑاچؤ کھنیئ کوئے نہ بیلی کرنا جھاڑا۔ پھیر اپنا آپ وکھایا۔ سب بُھلیکھا

اُس دا لاہیا۔ ہویا دواپر میَں کرِشن مُراری۔ دروپدی دی جِن پَیج سواری۔ دُریودھن دی اساں تجی اٹاری۔ بِدر دی کُلی وِچ رات گُزاری۔ سدا غریِبی گھر رہاوے۔ الوُنے ساگ نوُں بھوگ لگاوے۔ اوس سمیں ساں میَں کرِشن مُرار۔ دلِدری نال جِن کیِیا پیار۔ بھیکھن درونا کرن تجایا۔ بِدر تائیں گلے لگایا۔ میَں ہاں آپ دیِن دَیال۔ نِمانیاں نوُں میَں دیواں مان۔ کلجُگ وِچ لےَ کے اوتار۔ دِتا سی اگن وِچ ڈال۔ ہُن اپنا آپ پرگٹایا۔ ہوئے دَیال درس دِکھایا۔ بِدر توں سوہن سِنگھ اُپجایا۔ سب بُھلیکھا دِل دا لاہیا۔ سوہن سِنگھ تُوں پلّا پھیر۔ گھر تیرے وِچ بَیٹھا شیر۔ تیِن لوک وِچ آپ رکھوالا۔ اپنے بھگتاں دی پَیج رکھن والا۔ پَیج سواری تیری آ کے۔ دیواں درس سُتے اُٹھا کے۔ اَیسا درس میَں آپ دِکھاواں۔ مُکند منوہر نظری آواں۔ سِر تے مُکٹ ہووےگا میرے۔ سدا رہوُنگا کول تیرے۔ اَیسا پنتھ نواں بنایا۔ غریِباں تائیں گلے لگایا۔ اَیسی چلاں چال نِرالی۔ ذات پات سب اگن میں ڈالی۔ جو میرے در تے آوے۔ اُتم جوت اَیسی جگاوے۔ ایس دیِپک دی جوت نِرالی۔ سرب جیِو جنت دے وِچ ہےَ ڈالی۔ جیِو جنت دے وس نہ کوئی۔ جو کراوے سوئی ہوئی۔ سوہن سِنگھ تے دَیا کماواں۔ دُکھ کلیش ایس دا لاہواں۔ بھوُت پریت دا ناس کرا کے۔ جنّ خبیث سِر ڈنڈا لا کے۔ ہاکن ڈاکن دا سِر مُنوا کے۔ اٹھاراں بیِر وس کرا کے۔ اَیسا کمّ اجّ آپ کرایا۔ جم پُر توں دیوَپُر بنایا۔ اجّ میرا ہویا پرکاش۔ دُشٹاں دا کیِتا ناس۔ جِس نے رس امرت دا پیِیا۔ دیہہ سُکھالی نِرمل ہےَ جیِیا۔ اِس امرت دی ایہہ وڈیائی۔ پسوُ پریتوں دیوَ بنائی۔ ایس بوُند دی کوئی نہ جانے سار۔ جِنھ پیِتی سو اُتریا پار۔ اِک بوُند چاترک پاوے۔ ہوئے شانت ہرِ گُن گاوے۔ امرت سَتگُر آپ بنایا۔ مہاراج شیرسِنگھ رسنی لایا۔ رسنا اپنی نال لگایا۔ منُمکھاں توں گُرسِکھ بنایا۔ گیا دِوس ہوئی شام۔ حاضر ہویا وِشنوُں بھگوان۔ اپنے سِکھاں دا بِرد سمبھالیا۔ بھوجن تائیں بھوگ لگا لیا۔ جِس نوُں اِیشر بھوگ لگاوے۔ بھکھ توں بھوجن بن جاوے۔ بھوگ لگاواں جِس نوُں آ کے۔ سیِت پرساد سنگت نوُں ورتا کے۔ سیِتل شانت ہوئی ایہہ کایا۔ مُکھ وِچ پرساد نوُں پایا۔ سیِت پرساد دی ایہہ وڈیائی۔

جوت وِچ لئے جوت مِلائی۔ مِل جوت مِٹیا اندھیرا۔ بچن لِکھاوے سَتگُر پوُرا۔ سپھل ہون گے تیرے کام۔ مُکھوں بولے جانی جان۔ اپنا شبد آپ لِکھایا۔ رُڑھدا بیڑا اجّ بنّھے لایا۔ اَیسا کھیل اجّ رچایا۔ آکاش پاتال وِچوں میَں آیا۔ تجیا پاتال مات لوک وِچ آیا۔ اپنے آپ نوُں بھوُم تے لِٹایا۔ ایس دھام نوُں پوِتر کرا کے۔ پِھر بھوگ پرساد نوُں لا کے۔ لگّا بھوگ ہویا پرساد۔ میَں سہائی سِکھاں دا آد جُگاد۔ آد انت میَں ایکنکارا۔ بھگتاں نوُں میرا امرت بھنڈارا۔ امرت اِیشور آپ بناوے۔ پیِوے امرت امر ہو جاوے۔ جِن امرت دا مان گوایا۔ مت اوس دی اُتے پردہ پایا۔ اَیسا پردہ اُس تے پاواں۔ اُس نوُں دُشٹاں دُراچاراں دے وِچ کراواں۔ اَیسی مت اوس دی ماری۔ بھرشٹی دیہہ کرے خواری۔ میرے نام دا کرے مان۔ اُس نوُں ملِے درگاہ وِچ مان۔ مہاراج شیرسِنگھ جے کوئی اکھواوے۔ مت اُپٹھی سِر چھاہی پاوے۔ اپنے نام نوُں نہ لاج لواواں۔ اَیسی بُدھ اوس دی گواواں۔ مت اوس دی دیواں مار۔ در در دھکّے ہوئے خوار۔ اَیسا اُس دا مان گواواں۔ خاک وِچ خاک مِلاواں۔ اِیشور بِن نہ امرت برکھے۔ جھوُٹھا پاپی آپ ہےَ پرکھے۔ ایس واسطے کھیل رچایا۔ اِس نے امرت دا مان گوایا۔ جو پیِوے امرت امر پد ہو جاوے۔ جوُٹھیاں جھوُٹھیاں سِر کھیہہ پواوے۔ کوئی نہ دیوے امرت بنا کے۔ مہاراج شیرسِنگھ کہے سُنا کے۔ اپنا امرت میَں آپ بناواں۔ گُرمُکھاں دے مُکھ چواواں۔ کلجُگ دا ہُن ناس کرایا۔ سَتگُر منی سِنگھ کرے کرایا۔ جِتھے رکھی ہےَ تصویِر میری۔ وگے نہ ایتھے کدے ہنیری۔ اَیسی ہُن کھیل رچاؤں۔ کِھن وِچ سرِشٹی ناس کراؤں۔ وس سِکھاں نوُں کراں میَں آ کے۔ ہتّھ چؤر سِر چھتر جھُلا کے۔ تریَلوکی نند آپ اکھوا کے۔ سوہنگ شبد دا جاپ کرا کے۔ باقی دا ہُن ناس کرا کے۔ مہاراج شیرسِنگھ نام رکھا کے۔ اَیسا بھیت میَں آپ کُھلاواں۔ پلٹے جامے ہُن سچ لِکھاواں۔ ناما نامدیو اکھوایا۔ اِیشور دا جِن بھوگ لگوایا۔ کپلا گئوُ دا دُدھ چوایا۔ ہوئے اِک من بھوگ لگایا۔ بھوگ لگّا من ہویا ادھیِنا۔ گوایا مان پربھ من سے چیِنا۔ ہوئے پرتکھ پربھ درس دِکھایا۔ بھر کٹورا نامے دُدھ پیایا۔ پَیج رکھن لئی ہرِ جوُ آیا۔ نامے دا دِہُرا پِھروایا۔ پھیر اوس دا

چھپّر چھایا۔ موئی گائے تائیں آپ جِوایا۔ بھگتاں نوُں مان دوایا۔ چُھٹی دیہہ پرلوک سِدھایا۔ جوت وِچ سی جوت مِلایا۔ جوت وِچوں جوت لیا کے۔ پال سِنگھ وِچ جوت جگا کے۔ اپنے آپ دا درس دِکھا کے۔ کرِشن بھگوان دا روُپ بنا کے۔ دِتا دان درس باہوں اُٹھا کے۔ سرنی ڈِگا ساڈی آ کے۔ اَیسی دِتی اوہنوُں وڈیائی۔ اپنی جوت وِچ للاٹ جگائی۔ اپنی جوت آپ جگا کے۔ گُرسِکھاں توں گُرمُکھ بنا کے۔ اَیسا مان میَں آپ دوایا۔ سنگت دا سِرتاج بنایا۔ اَیسی اُس نے سار سی پائی۔ ساری سنگت اُس نے سی بچائی۔ اَیسی دَیا تُساں تے کیِتی۔ اپنے چرناں دی پریِتی دیتی۔ سال تیئی اُس سیو کمائی۔ تیئی چیت نوُں دیہہ تجائی۔ جوت وِچ جوت سمائی۔ تِھر گھر وِچ بَیٹھا جائی۔ رام کرِشن کلا ایہہ دھاری۔ مہاراج شیرسِنگھ دی جوت اپاری۔ بھرتھری توں بھگوان اُپایا۔ موتا سِنگھ نام رکھوایا۔ کلجُگ وِچ پرہلاد ہےَ آیا۔ دلیپ سِنگھ نام اکھوایا۔ چند گوپی پھیر اُپایا۔ اوُدھم نوُں ادھ وِچ رکھوایا۔ بَینی نوُں شام اُپا کے۔ اِکانت بہیگا میری لِو لا کے۔ درس دکھاواں میَں آ کے۔ اَیسا قہر میَں ہُن ورتاواں۔ لِکھت منی سِنگھ دی سچ کراواں۔ ماس شراب جِناں نے کھادھا۔ جوُن گھوگڑ وِشٹا کھادھا۔ اَیسی دُرگت اوہناں دی ہوئی۔ وِچ درگاہ ملِے نہ ڈھوئی۔ گُر نانک دا نام بُھلایا۔ نام سَت دا جِن جاپ کرایا۔ مدرا پان آپ تجایا۔ اِیشر دا سی نام سُنایا۔ دس جامے اپنی جوت پرگٹائی۔ ماس شراب نہ رسنا لائی۔ جو ماس مہاپرساد اکھواوے۔ کیوں نہ گُروُ بھوگ لگاوے مانَس ہو کے ماس جو کھاوے۔ کوُکر سوُکر دی جوُن نِت پاوے۔ پی شراب ہووے مستانہ۔ پسوُ جوُن وِچ اوس ہےَ جانا۔ اَیسی دُرگت اُنہاں دی ہووے۔ دھرم رائے جب پکڑ کھلووے۔ انت کال ایہہ نرک نِواسی۔ بُھلا جیِو بھیت نہ پاسی۔ جو پرساد سنگت وِچ کھاوے۔ وِچ چُراسی پھیر نہ آوے۔ جو سنگت نوُں دیوے مان۔ اُس نوُں آپ ملِے بھگوان۔ سنگت سَتگُر آپ بناوے۔ وِچ سنگت اپنا آپ رکھاوے۔ ہوئے ادھیِن جے سنگت دھیاوے۔ بدھّا ہرِ جوُ ایتھے آوے۔ لاج سِکھاں دی آپ رکھاوے۔ سچّا سَتگُر تاں اکھواوے۔ نِمسکار چرناں وِچ جو کرے۔ آوے نہ جاوے جنمے نہ

مرے۔ جِس نے کیِتا آن پرنام۔ اُس نوُں مِلیا جانی جان۔ سیِس جِس دا جھُکیا آن۔ درگاہ وِچ دوایا مان۔ درگاہ میری سچّی ہوئی۔ دُکھ دلِدر رہے نہ کوئی۔ تیج میرا ہُن ہووے سوایا۔ اپنا حُکم آپ لِکھایا۔ حُکم میرا بڑا انوکھا۔ سچّا سَتگُر نہیں ہےَ دھوکھا۔ پرکھ لَین مَینوُں پرکھنہارے۔ میَں بَیٹھا ہاں وِچ دربارے۔ میَں نہیں اپنا آپ چُھپایا۔ حاضر ہو کے درس دِکھایا۔ پرکھ تُسی ہُن کر لؤ میری۔ آؤ ساہمنے لاؤ نہ دیری۔ اَیسی کلا ہُن ورتاواں۔ سرب سرِشٹی نوُں بھسم کراواں۔ کلجُگ دا ہُن ہویا کنارہ۔ سَتجُگ دا کُھلا بھنڈارا۔ سَتجُگ وِچ سَتگُر آیا۔ جِس نے ایہدا بھیت کُھلایا۔ میَں اپنے وِچ سماواں۔ سچّا سَتگُر تاں اکھواواں۔ سچّی بخشاں ہُن میَں دات۔ جِس نوُں آکھن لوک کرامات۔ ایہہ کرامات ہےَ میرا نام۔ سوہنگ شبد سچّا پچھان۔ شبدوں شبد روُپ ہو جاوے۔ ترِگد جوُن وِچ پھیر نہ آوے۔ اپنا شبد آپ لِکھاواں۔ چار جُگ ایہدا جاپ کراواں۔ بہتّر جامے بھگت پرگٹاواں۔ اپنا درس آپ دِکھاواں۔ جِس نے درس میرے سی پائے۔ جوت سنگ جوت مِلائے۔ سَتگُر جاں دَیا کماوے۔ بیڑا سِکھ دا بنّھے لاوے۔ بنے ملاح وِچ درگاہ دے۔ آپ اُٹھاوے دَیا کما کے۔ اَیسی دَیا گُر آپ کرے۔ بھوجل توں پار پرے۔ گُر گھر وِچ سچّا بھنڈارا۔ سِکھاں دا گُر سدا رکھوالا۔ اَیسا تیَنوُں مان دواواں۔ گھر تیرے وِچ دھام بناواں۔ سیوا جو تُساں نے کیِتی۔ شُدھ آتما دیہہ پُنیِتی۔ اَیسی دِتی ہےَ اجّ دات۔ سِکھ میرے دا وڈ پرتاپ۔ لنگر ورتے جِتھے میرا۔ اوتھے نہیں ہےَ کوئی توڑا۔ لنگر گُروُ کا گُر بھنڈارا۔ آپے بوُجھے آپ بوُجھنہارا۔ اَیسی سوجھی تُہانوُں پاواں۔ دُکھ کلیشاں دا ناس کراواں۔ اَیسی قلم آپ چلاواں۔ دات پُتاں دی جھولی پاواں۔ اپنی دات آپ ورتائی۔ آئی سنگت دی آس پُجائی۔

۱۹ اَسوُ ۲۰۰۶ بِکرمی پلٹن دے گُردوارے وِچ دمانہ کیمپ جموُں

اِیشور جوت دا ہویا پرکاش۔ سوہنگ شبد دا ہووے جاپ۔ میری ایہہ جوت نِرالی۔ اپنے وِچوں آپ پرگٹا لی۔ پہلے اپنا آپ اُپا کے۔ نابھ وِچوں برہما پرگٹا کے۔ برہما نے کئی جیِو اُپائے۔ اِیشور اُس نوُں حُکم سُنائے۔ جو کُچھ ہووے میرے حُکم انُسار۔ آد انت میَں ایکنکار۔ جو جن جانے میرا بھیو۔ تِنہاں نوُں مِلیا پوُرا گُردیو۔ جوت روُپ جگ میَں آواں۔ منُمکھاں توں مُنہ چُھپاواں۔ گُرسِکھاں نوُں آپ پرگٹا کے۔ درس دیواں سُتیاں جا کے۔ میرا درس اَیسا نِرالا۔ آد جُگاد سدا رکھوالا۔ مات وِچ جوت روُپ جاں آئے۔ اپنی کلا آپ بُھگتائے۔ سمیں انُسار اِک کھیل رچاواں۔ انت جُگ دا آپ مُکاواں۔ انتکال کلجُگ دا ہویا۔ جوت روُپ اِیشر پرگٹ ہویا۔ ہو کے پرگٹ ایہہ بنت بنائی۔ اپنی جوت سِکھ وِچ ٹِکائی۔ وڈّا میرا ایہہ چمتکار۔ نبض نہ ایس دی چلی چال۔ اَیسا کھیل ہُن کراں اپارا۔ مات لوک ہووے دُھندوُکارا۔ عیسیٰ موُسیٰ انجیل بنائی۔ سال تیِن میں ہووے صفائی۔ محمد نے جو پیِری پائی۔ اِک تریا دی سیو کمائی۔ چؤتھے وید وِچ حُکم سی آیا۔ اتھربن دا اَیڑا لِکھوایا۔ ایڑے توں االلہ اُپایا۔ رام کرِشن دا نام ہٹایا۔ آیا کلجُگ ہویا اندھیرا۔ نانک نِرنکاری پایا پھیرا۔ اِیشر نام آپ جپا کے۔ سرِشٹ تائیں سچ مارگ پا کے۔ سارنگ کولوں سارنگی آئی۔ ترنتے والی دات ہےَ پائی۔ وجےّ سارنگ ہووے دُھنکار۔ جِس دی دُھن نِرنکار نِرنکار۔ نِرنکار نِرویَر سدائے۔ کلجُگ وِچ جوت پرگٹائے۔ پرگٹی جوت ہُن اندھ کوُپا۔ اپنے بچن آپ لِکھاوے بھوُپا۔ اَیسی لِکھت آپ کرائی۔ قُرآن محمد دی ڈھیری ڈھاہی۔ اِنہاں دا ہُن ہویا ناس۔ انتم کال میری جوت دا پرکاش۔ اپنا آپ میَں آپ چُھپایا۔ رکت بوُند دی دیہہ نوُں تجایا۔ جوت وِچ جوت جگا کے۔ پوُرن وِچ پرمیشر آ کے۔ اَیسی ایہہ جگائی جوتا۔ بھرتھری توں اُپایا موتا۔ اَیسی جوت ہُن آپ جگاؤں۔ سِر اُس دے چھتر جھُلاؤں۔ اَیسا چھتر جھُلیگا میرا۔ سوہنگ جاپ ہووےگا میرا۔ چار وید دا ہُن مان گواواں۔ نِہکلنک جوت روُپ اکھواواں۔ نِہکلنک آپ اکھوا کے۔ جُگ چؤتھے دا

ناس کرا کے۔ جُگ سَت دا سَت ورتاؤں۔ رامگڑھیاں وِچ دیہہ پرگٹاؤں۔ مہاراج شیرسِنگھ وِشنوُں بھگوان اکھواؤں۔ سوہنگ مہاراج شیرسِنگھ وِشنوُں بھگوان دی جےَ کراؤں۔ میرا نام ہووے سدا سہائی۔ پرگٹ کراں آپ وڈیائی۔ سنگت جو گُر در تے آئی۔ رسنا نال اِیشر جس گائی۔ اَیسا پریم اِنہاں نے کیِتا۔ اِس دا جس اِنہاں نوُں دیِتا۔ سنگت سَتگُر آپ بنائی۔ اِیشر سنگت وِچ بھید نہ کائی۔ سنگت ہرِ جوُ آپ بنائے۔ سنگت وِچ آ درس دکھائے۔ اَیسا درس آپ دِکھاواں۔ مُکند منوہر نظری آواں۔ انت ایہہ لِکھائی گاتھا۔ سنگت نہیں رگھُناتھ پچھاتا۔ اَیسی لِکھت آپ کراواں۔ اِک سال اٹّھ مہینےِ وِچ ہاہاکار مچاواں۔ اَیسا وقت ہُن ہووےگا میرا۔ ملیچھاں دا ہُن کیِیا نبیڑا۔ کلجُگ وِچ ایہہ آپ اُپائے۔ انت وِچ ہُن آپ کھپائے۔ االلہ االلہ دا نوُر سی میرا۔ اوس دا ہُن کیِیا نبیڑا۔ اپنا ہُن نہ دسّاں چمتکار۔ پوُرن سِنگھ نوُں کر لَینا گرِفتار۔ میری ایہہ انوکھی بانی۔ چؤں جُگاں دی ہووے کھانی۔ چار جُگ میرا ہووے جاپ۔ سوہنگ شبد دا وڈ پرتاپ۔ اَیسا پرتاپ ایس دا ہویا۔ ہا ہا کر کے کلجُگ رویا۔ جِس نہ پائی اِس دی سار۔ انت کال ہووے خوار۔ کلجُگ وِچ کلا میَں دھاری۔ مہاراج شیرسِنگھ جوت پرگٹا لی۔ اپنی جوت آپ پرگٹا کے۔ سب توں بَیٹھا مُکھ چُھپا کے۔ میری مہما کوئی نہ جانے۔ تیِن لوک سدا رہانے۔ اُنّی اَسوُ ایہہ لِکھت کرائی۔ سب سنگت نے دِتی دُہائی۔ ایتھے بَیٹھن دا سانوُں جھورا۔ سَتگُر کولوں مُکھ آ موڑا۔ آتم کاتی ایہناں دی بھائی۔ لَین نہ دیوے اجّ ایہناں نوُں وڈیائی۔ آتم خاص ایہناں دی نیاری۔ گُر دھام تے کرے خواری۔ من وِچ شانت نہ ایتھے آئے۔ دُشٹ دُراچار ایہہ جیِو کہائے۔ ایہہ سی سنگت دا سچّا دھام۔ جِتھے بَیٹھا آپ بھگوان۔ اَیسی نیِت اِنہاں نے پھیری۔ چھیتی چھڈو لاؤ نہ دیری۔ ساڈا ایتھے کوئی نہ کام۔ چھڈیا لوک جاواں بیَکُنٹھ دھام۔ جوت وِچ میَں جوت مِلاواں۔ تُہاڈے کولوں اپنا آپ چُھپاواں۔ تُساں سی ایہہ عرض گُزاری۔ کلجُگ دی دسّو بیماری۔ انت کال ایس دا کَیسے ہوئے۔ بِن سَتگُر نہ جانے کوئی۔ مہاراج شیرسِنگھ پرگٹ ہووے۔ جوت روُپ ایہدی پت کھوئے۔ چار سال اجّ توں پہلے

بھائی۔ سِنگھ گُردیپ سی دیہہ تجائی۔ پریت روُپ سی ایس دا ہویا۔ دُرگتی نہ اوہ جیِیا نہ اوہ مویا۔ اجّ اوس دی مکُت کرائی۔ پریت توں دیوَ روُپ بنائی۔ مکُت کرائے مکُت کا داتا۔ حاضر ہو کے سدا رنگ راتا۔ میری جوت دی ایہہ وڈیائی۔ لکھّ چُراسی وِچ جیِو نہ جائی۔ اَیسی ہُن جگائی جوتا۔ ہووے پرتاپ میرا بہُتا۔ بینتی ویِرو دی پروان ہےَ ہوئی۔ پتی تیرے دی کلیان ہےَ ہوئی۔ اَیسی دَیا تیرے تے کیِتی۔ آتما اوس دی پتت پُنیِتی۔ تُوں ساڈا سی کیِتا مان۔ اوس دا دِتا تیَنوُں دان۔ ایس دان دی ایہہ وڈیائی۔ پتی تیرے نے پرمگت پائی۔ آتما رکھیں ساڈا دھیان۔ درس دیویگا آپ بھگوان۔ اَیسا درس آپ دِکھاؤں۔ جنم مرن دے دُکھ مِٹاؤں۔ سوہنگ روُپ میرا ہی جانو۔ مہاراج شیرسِنگھ سدا ہی وکھانو۔

۱۳ مگھّر ۲۰۰۶ بِکرمی جیٹھوُوال بچن ہوئے

جوت اِک دو سروُپ۔ تیری مہما بڑی انوُپ۔ نَینی ویکھے موُل نہ بوُجھے۔ منُمکھاں نوُں در نہ سوُجھے۔ اوُچا آپ اگمّ اپار۔ مایا وِچ پسریا سنسار۔ اَیسی کھیل کری سرکار۔ شیرسِنگھ جوت جگائی اپار۔ سَتگُر منی سِنگھ تخت بہا لیا۔ آپ اپنا بِرد سمبھالیا۔ سب سنگت نوُں سرنی ڈار۔ اِکانت بَیٹھا نِربکار۔ اوُچم سوُچم پربھ سوئے۔ نِراہاری نِرویَر پربھ ہوئے۔ نِردھن نوُں دیوے مان۔ گھال سِکھاں دی ہوئی پروان۔ بھیا اندھیر ہویا اندھ کوُپ۔ پرگٹیا آپ سوَچھ سروُپ۔ ایسے سمیں پربھ ہویا کِرپال۔ دَیالوُ بن گیا آپ دیِن دَیال۔ دیِن دَیال پربھ دَیا کرے۔ توڑے بندھن جپو ہرے ہرے۔ ہری ہرِ ہرِ پربھ میرا۔ اپنی ہتھّیں کیِیا نبیڑا۔ اَیسی مِہر کرے پربھ داتا۔ آد جُگاد سدا رنگ راتا۔ کھیل پربھ دا انت اپارا۔ بھگتن نوُں پربھ درشن بھنڈارا۔ کرو درشن شانت من ہوئے۔ سَتگُر منی سِنگھ پرگٹ ہوئے۔ گیا اندھیر ہویا پرکاش۔ جےَ جےَ جَیکار ہویا لوکمات پاتال آکاش۔ کوٹ تیتیِس دیوتا بھیا۔ سب سرن منی سِنگھ دی ڈھہیا۔ چھیانویں کروڑ میگھ مالا میری بنائی۔ آکاش اُتے اِنہاں چادر پائی۔

گُر درشن نوُں پِھرت تِسائی۔ برکھے میگھ نہ بِن کار۔ درشن کرن نوُں ہویا لاچار۔ اَیسی آس اوس اجّ دھاری۔ برکھو بوُند آپ نِرنکاری۔ آتم سویا دے جگائے۔ اپنی سوجھی آپ پربھ پائے۔ سوُجھ بوُجھے کرے ویچار۔ سَتگُر سچّا ندری ندر نِہال۔ ایسے گُر کو سدا آدیس۔ اپنے نام دا دیِیا اُپدیش۔ نام ہرِ ہرِ نام پربھ آپ۔ آپ اپنا جپاوے جاپ۔ نام میرا میَں ہاں اوانگ۔ سدا سہائی میرا شبد سوہنگ۔ سوہنگ سوہنگ شبد سدا ہی جپاؤں۔ جھوُٹھی ماٹی وِچوں سَتگُر پاؤں۔ کاچی گگریا انت ہےَ پھوُٹے۔ جوتش جوت پربھ انوُپے۔ اَیسا بھیت آپ ہی جانے۔ ساڈی دیہہ پربھ کے بھانے۔ اَیسا کھیل پربھ آپ کمایا۔ جُگ کل پلٹاؤن لئی تجی کایا۔ جوت سروُپی بن کے آیا۔ نِربھےَ آون نام جپایا۔ اَیسی کیِتی کھیل اپار۔ ماجھے نوُں دو کیِتا پھاڑ۔ منی سِنگھ نے سی لِکھت کرائی۔ گھوِنڈ پِنڈ نوُں کرو صفائی۔ سنگت لئی سی حُکم لِکھایا۔ نظروں گھوِنڈ پرے ہٹایا۔ اَیسا سماں سَتگُر لیاوے۔ جل سِری جل نہر بناوے۔ سَتجُگ وِچ ایہہ ہوسی دھام۔ گھوِنڈ نوُں بہہ سنگت کروُ پرنام۔ اٹل دھام ایہہ لِکھوایا۔ فرلانگ اٹّھ عرض ایہدا پیٹ رکھایا۔ سو پنج گز چڑھدے تائیں۔ سِنگھ سوَرن دی سمادھ بنائی۔ سچّا سِکھ سچ مارگ پایا۔ در اَگے پھڑ آپ بہایا۔ ڈگمگ جوت جِتھے ایہہ کرے۔ اُننجا پوَن پربھ چھتر جھُلے۔ گن گندھرب کو ایہہ جانے۔ برہم وِشن مہیش گل پلّے پاوے۔ ہوئے کِرپال پربھ حُکم جاں کرے۔ پِھر ہرِ نام اُنہاں دی بنے۔ تریَلوکی ناتھ آپ پربھ آپ۔ سب توں وڈّا گُرسِکھ پرتاپ۔ بِن سِکھ نہ سَتگُر پرگٹے۔ درشن کیِیا اجّ سَتگُر تیرا۔ گیڑ چُراسی دا ہویا نبیڑا۔ مات گربھ نہ کوئی آئے۔ آئے سو جِس اُتے پربھ دَیا کمائے۔ بِن حُکم سِکھ دیہہ نہ دھرے۔ سو دھرے جِس پر کِرپا کرے۔ انت کال جاں ہووے کال۔ سچّا سَتگُر ہووے رکھوال۔ پوُرن کرے بھگتن کا کام۔ آپ لےَ جاوے بیَکُنٹھ دھام۔ بیَکُنٹھ بَیٹھ پربھ کھیلے کھیل۔ بھگت جناں دا کردا میل۔ جہاں اُپایا تہاں سمایا۔ جوت وِچ پربھ جوت مِلایا۔ آون جاون اوس دا گیا۔ آپ کِرپال پربھوُ جاں بھیا۔ اپنے شبد دی دے کے دات۔ سب توں وڈّی گُر کرامات۔ میرا شبد جو رِدے دھیاوے۔ مہاراج

شیرسِنگھ درس دِکھاوے۔ درس دکھاوے اَیسا انوُپ۔ اِیشر دا ایہہ سچ سروُپ۔ کِرپانِدھ کِرپا جاں کرے۔ دُکھ دلِدر سِکھن کا ہرے۔ سِکھ نہ ہووے میرا مُحتاج۔ سِکھاں دے سِر دا سَتگُر تاج۔ سِکھ سِکھ سِکھ سِکھی ایہہ ہوئی۔ چرن سنگ وانگ کول پروئی۔ آپ اکتھ کتھی کتھ آپ۔ جے وڈ آپ تے وڈ دات۔ دات داتار دِتی آپ۔ سِکھن دے لاہے سنتاپ۔ ٹُٹی گنڈھاں نہ توڑے کوئے۔ تِھر گھر بَیٹھا سچّی سوئے۔ سچ سچ سچ کر ورتائے۔ پرگٹ ہو کے پربھ درس دِکھائے۔ جُگ چالیویں وِچ ایہہ چال لِکھائی۔ تج کے دیہہ جوت پرگٹائی۔ جوت سروُپ کھیل کرے اپار۔ سرِشٹی ڈُبے منجھ آ دھار۔ نوَیں کھیل پربھ آپ رچائے۔ جُگ سَت دا پِھر چھتر جھُلائے۔ بھادروں تیراں سی کرم کمایا۔ منی سِنگھ نوُں مان دوایا۔ سنگت دا سَتگُروُ بنایا۔ تیراں مگھّر ایہہ کار کمائی۔ سب سنگت سرنی پائی۔ سَتگُراں نوُں ملاح بنایا۔ رُڑھدا بیڑا بنّے لایا۔ اَیسی سِکھی اجّ ہےَ جوڑی۔ دِنو دِن ہووے لکھّ کروڑی۔ کوٹن کوٹ کوٹ پربھ آپ۔ سب سرِشٹ ہےَ اِس دی دات۔ مارے مار جوالے آپ۔ سِکھاں دے پربھ سنگ ہےَ ساتھ۔ جگن ناتھ آپ پربھ آیا۔ دُکھ کلیش سِکھاں دا جھولی پایا۔ اپنی گودی پربھ لئے بَیٹھائے۔ پربھ ابناشی ایہہ دَیا کمائے۔ دَیا کمائی آپ داتار۔ بیڑا سِکھاں دا لایا پار۔ لاج رکھی آپ پربھ آ کے۔ دُکھ کاٹے دُکھ بھنجن آ کے۔ سدا سمرتھ سدا کِرپالوُ۔ پوُرن پرمانند دَیالوُ۔ پوُرن پرمیشور پربھ آپ کہائے۔ سرب جیِیاں میں رہیا سمائے۔ جھوُٹھی کایا بالوُ بھیِت۔ سچّا سَتگُر راکھو چیِت۔ آد انت پربھ ایکنکار۔ کایا وِچ جوت جگائے اپار۔ اپنا آپ جو نر نہ بوُجھے۔ نرک واسی سچّا در نہ سوُجھے۔ سچّی درگاہ پربھ رہیا سمائے۔ بھگت جناں نوُں سرنی پائے۔ چرن کوَل وِچ کرے نِواس۔ سدا سہائی پربھ گُنتاس۔

۱۵ مگھّر ۲۰۰۶ بِکرمی پِنڈ جیٹھوُوال بچن ہوئے

سِکھی سِکھاں دی آپ وِچاری۔ مہاراج شیرسِنگھ نِربھےَ نِرنکاری۔ مان سِکھاں نوُں آپ دوائے۔ چھڈ بیَکُنٹھ وِچ بَیٹھا آئے۔ نیتر کھول کرو پربھ درشن۔ درشن پرسن پربھ حرصن۔ من دی حرص اجّ مِٹاؤ۔ پربھ ابناشی گھر ماہیں پاؤ۔ گھر وِچ آیا سَتگُر پوُرا۔ وجائے گواوے شبد انحد تُورا۔ شبد میرے دی ایہہ دُھنکار۔ سوہنگ کرتار کرتار۔ کرتا پُرکھ کرم پربھ کرے۔ جمن مرن وِچ سِکھ نہ پرے۔ جِس جوت وِچوں سی پرگٹایا۔ اِک بوُند توں آکار بنایا۔ اپ تیج وائے پرِتھمی آکاش بنایا۔ وِچ من مت بُدھ ہنکار ٹِکایا۔ اَیسا گوجھ پربھ آپ رکھایا۔ بَیٹھا وِچ نہ نظری آیا۔ نَینی پیکھے سرب پسار۔ نظر نہ آوے داتار۔ اَیسی تاڑی گُپھا اندر لائی۔ نؤ کیِئے پرگٹ دسویں دی سوجھی پائی۔ دسویں دا جے کھول کِواڑ۔ نظری آوے آپ کرتار۔ کپاٹ نہ کُھلے بِن سَتگُر بھائی۔ اپنی جوت جِن وِچ ٹِکائی۔ کِرپانِدھ کِرپا جاں دھارے۔ کایا اندر ہوئے اُجیارے۔ نام دیِپک پربھ دئے جلائے۔ بِن تیل باتی ڈگمگائے۔ دیِیا باتی میرا نام۔ گوجھ گیان پربھ گُنی نِدھان۔ گُن نِدھان پربھ آپ اکھوائے۔ لکھّ چُراسی جوُن وِچ پربھ رہیا سمائے۔ بھگت جناں تے دَیا کمائے۔ جُگاں دے وِچھڑے آپ پرگٹائے۔ سِکھ نہ جانے میرا کھیل۔ وِچھڑیاں دے پربھ میلے میل۔ بھگت جناں دی سنگت بنائی۔ ہرِ ہرِ رِدے سد گائی۔ دِوس رَین جو موہے دھیائے۔ تریَلوکی ناتھ سُتیاں پائے۔ مُکند منوہر نظری آئے۔ لکھمی نرائن درس دکھائے۔ نِرنکار اچھل نہ ڈولے۔ سِکھاں سنگ سدا ہرِ مؤلے۔ من تن سِکھ دا ہریا ہوئے۔ سوہنگ شبد رِدے پروئے۔ اوٹھت بَیٹھت جپے میرا ناؤں۔ مہاراج شیرسِنگھ وسے سب تھاؤں۔ چتُربُھج آپ پربھ آیا۔ سوہنگ شبد دا جاپ کرایا۔ سوہنگ اوانگ میرا ناؤں۔ جو جن چلے پربھ کے بھاؤ۔ پربھ کا بھیت نہ جانے کوئے۔ جوت روُپ مہاراج پرگٹ ہوئے۔ سولاں کلا پربھ آپ سمپوُرن۔ چؤداں وِدیا رسنا ادھوُرن۔ وِدیا دو پربھ ہور لِکھائے۔ چار وید بھیت نہ پائے۔ گیِتا وِچ نہیں سی لِکھت کرائی ؟ ویلے کرِشن ارجن نوُں سُنائی۔ ہویا کلجُگ ہرِ ہرِ جی آیا۔ بھگت

جناں ہرِ میں سمایا۔ ہری اُتم ہرِ ہرِ پربھ ہویا۔ سادھ سنگ نَین بلویا۔ نَینی دیکھ بُھلے نادانا۔ مہاراج شیرسِنگھ وِشنوُں بھگوانا۔ وِشنوُں ونسی سِکھ آوے۔ سچّے سَتگُر دا درشن پاوے۔ چرن کوَل کرو پرنام۔ تیِن لوک پربھ کا دھام۔ وِچ آکاش جوت سروُپا۔ انحد شبد وجائے بھوُپا۔ شبد میرے دی ایہہ دُھنکار۔ سُن کے سِکھ سی اُترے پار۔ جو نہ جانے میرا بھیؤ۔ تِنہاں نہ ملِے سچّا گُر دیؤ۔ گُر بِن کوئی نہ بندھن کاٹے۔ آوے جاوے وِکار وِچ ہاٹے۔

دیا دھار پربھ آپ آیا۔ گُر سنگت من ماہِ سمایا۔ من ماہِ وسیا سچّا نِرنکار۔ سرب کو دیوے ادھار۔ بِن جوت جیِو نہ ہووے۔ وِچ کایا پربھ جوت بِمل بلووے۔ اَیسا بھید پربھ آپ رکھایا۔ کلجُگ کال سِر چھتر جھُلایا۔ اپنا آپ پربھ آپ چُھپائے۔ منُمکھاں نوُں پراں ہٹائے۔ گُرسِکھاں نوُں آپ پرگٹا کے۔ پَیج سواری اناتھ ناتھی آ کے۔ جگن ناتھ گوپال پربھ آیا۔ دُکھ بھنجن سرب کی مایا۔ دُکھ بھنجن دوُکھن کا ہنتا۔ لکھّ چُراسی پربھ کی جنتا۔ لکھّ چُراسی جوُن اُپائی۔ مانَس دیہہ نوُں مِلی وڈیائی۔ مانَس ہووے منوں وِسارے۔ ڈُبے منجھدھار نہ اُترے پارے۔ اَیسا پردہ اپنا پایا۔ نِہکلنک ہو مُکھ چُھپایا۔ کھانی بانی کوئی نہ جانے۔ گگن پاتال پربھوُ رہانے۔ ہو کے جیؤ بھیت نہ جانے۔ سو جانے جِن ماہِ سمانے۔ جِنہاں پایا میرا بھیؤ۔ تِنہاں نوُں مِلیا سچّا گُر دیؤ۔ چِھن بھنگر چِھن ماہِ آوے۔ بھرتمبر ہرِ ماہِ سمائے۔ پتت پاوَن پربھ آپ۔ دُکھ بھنجن اہنکار نِوارن چُھپایا۔ سنسا کھنڈن اپنا آپ نہیں آپ کلجُگ وِچ ہاہاکار مچایا۔ ہاہاکار سب سرِشٹ ہےَ ہووے۔ بھگت جناں دا رکھوالا پربھوُ ہووے۔ میرا شبد مُکھوں اُچار۔ سرب سوُکھ چرن کوَل بھیا اُدھار۔ چرن کوَل کول ہےَ چرن۔ اتوٹ پربھ سِکھن کو بھون۔ چرن کوَل کرو نِمسکار۔ پاپی اُدھرے گُر سَت اُدھار۔ آپ اُدھارے پربھ جی سوُرا۔ بچن نہ میرا ہووے ادھوُرا۔ سوہنگ شبد سب دا سوُرا۔ مہاراج شیرسِنگھ سَتگُر پوُرا۔ پوُرے گُر دی ایہہ وڈیائی۔ سولاں مگھّر دیہہ دیِپک

وِچ جوت جگائی۔ جگے جوت اون بھیؤ پرکاش۔ گُرسِکھ دا نہیں وِناس۔ سدا اروگ سدا ہےَ جیِتا۔ مہاراج شیرسِنگھ پتت پُنیِتا۔ پتت اُدھارے چرن میں آئے۔ دھام بیَکُنٹھ پئی پرتھائے۔ گُرچرن من ماہِ دھرن۔ ہرِ ہرِ ہرِ جیِو جو کرن۔ جم کا ڈنّ نہ سِر تے دھرن۔ مرن کال کا دُکھ نہ بھرن۔ انت کال پربھ ہوئے سہائی۔ جوت وِچ لےَ جوت مِلائی۔ سچّے سَتگُر حُکم سُنایا۔ گربھ جوُن توں باہر کڈھایا۔ آوے نہ جاوے جنمے نہ مرے۔ مہاراج شیرسِنگھ دی سرنی پڑے۔ سِکھ جو میری سرنی آوے۔ دسویں دوار دے پردے لاہوے۔ وِچوں اپنا آپ جنائے۔ جوت سروُپی نظری آئے۔ اَیسی جوت جگے اپار۔ جِس جوت دا دیہہ نوُں ادھار۔ بِن جوت جیِو نہ ہوئے۔ اند بِنودی پربھ آپ ہےَ ہوئے۔ نِرہاری نِرویَر سمائے۔ کایا اندر بَیٹھا تاڑی لائے۔ کایا کوٹ پربھ نے کیِیا۔ پربھوُ نہ جانیا بھولیاں جیِیاں۔ مایا دھار ممتا میں رہیا۔ گُر توں بےمُکھ دُرمت دیہا۔ دُرمت دیہہ اوس دی ہوئی۔ وِچ درگاہ ملِے نہ ڈھوئی۔ درگاہ میری اُچ اپار۔ جِتھے وسیا آپ نِرنکار۔ نِرنکار اچھل اڈول۔ کلجُگ ہُن تولے تول۔ اَیسا تول ہُن پربھوُ آپ تُلائے۔ کلجُگ دا ہُن کال کرائے۔ ہووے جُگ سَت پربھ سَت ورتائے۔ ہرِ جیؤ ہر ہر تھایں سمائے۔ مُکند منوہر نظری آئے۔ لکھمی نرائن بھگتن کا سہائے۔ بھگت وچھل پربھ آپ اکھوائے۔ بیڑا سِکھ دا بنّے لائے۔ جو سِکھ سرنی پڑے۔ چرن کوَل تے سیِس آ دھرے۔ آپ پربھوُ پربھ کرے انند۔ سَتجُگ دا ہُن چڑھیا چند۔ گیا اندھیر ہویا پرکاش۔ جوت میری دا نہیں وِناس۔ سدا ابناشی آپ پربھ ہویا۔ دیہہ وِناشی آپ نواں نروآ۔ اَیسی کِرپا آپ پربھ دھاری۔ سدا سدا کرو نِمسکاری۔ اچھل چھلن چھل آپ کرائے۔ مایا وِچ لوبھی بھرمائے۔ مت مایا نے لئی مار۔ گُر پوُرے دی نہ کری وِچار۔ گُر نہ بوُجھیا در نہ سوجھیا۔ ابگت ہوئے در در لوُجھیا۔ لوک پرلوک نہ ملِے وڈیائی۔ وِچ سنگت ہرِ ہرِ رسنا دھیایا۔ ہویا کِرپال آپ رگھُرایا۔ دَیا دھار کِرپانند آیا۔ ہوئے پرگٹ آ درس دِکھایا۔ سچّے سَتگُر تخت رچایا۔ سَتگُر منی سِنگھ اُپر بٹھایا۔ مہاراج شیرسِنگھ آپ کرے کرایا۔ جیہا دیکھو تیہا سمایا۔ امرت سَتگُر آپ بنایا۔ گُرمُکھاں دے مُکھ چوایا۔ پیئےِ امرت امر پد پائے۔

پوُرا سَتگُر نظری آئے۔ کری نظر اجّ آپ داتار۔ امرت برکھے آپ کرتار۔ اَیسا امرت آپ ورتایا۔ نابھ کمل وِچوں جھِرنا جھِرایا۔ جھِرنا جھِریا نِجھروں بھائی۔ گُر پوُرے نے سوجھی پائی۔ سوُجھ بوُجھ جاں جیِو نوُں ہوئے۔ مہاراج شیرسِنگھ رِدے پروئے۔ رِدے جپے جو میرا ناؤں۔ اِس توں پرے نہیں کوئی تھاؤں۔ اِیشر آپ اپنا آپ اُپایا۔ قُدرت روُپ برہما نابھ وِچوں پرگٹایا۔ برہمے نوُں برہم سُنایا۔ چار مُکھاں دا سیِس لگایا۔ چار جُگ دا بھیت کُھلایا۔ چؤنہاں ویداں وِچ ہرِ رنگ لِکھایا۔ اپنا بھیت آپ چُھپایا۔ سرِشٹ اُپائے برہما نوُں دھندے لایا۔ داتا کرتا پربھ آپ اکھوایا۔ جنم مرن بھیت چُھپایا۔ ایہہ بھیوَ نہ کوئی بوُجھے۔ بوُجھے سوئے جِن سَتگُر سوُجھے۔ جیِو جو میری کرے ویچار۔ وِچ چُراسی ہوئے نہ خوار۔ برہم سروُپ برہم ماہِ سمائے۔ جہاں سے اُپجے تہاں ہےَ جائے۔ اَیسی دَیا پربھ آپ کمائے۔ تِھر گھر دی سوجھی پائے۔ جوت سنگ لےَ جوت مِلائے۔ مہاراج شیرسِنگھ سدا رِدے دھیائے۔ داس امر ایہہ بچن لِکھایا۔ سال بہتّر وِچ گُر درشن پایا۔ بِردھ اوستھا وِچ ٹھاکر نظری آیا۔ دَیا درس پربھ کر نظری نظر بہایا۔ من آئی شانت جاں درشن پایا۔ گاتے گُن کو مکُت سرب سُکھ پایا۔ گُن گوبِند گُر تیرا ناؤں۔ امرداس نوُں امر کراؤ۔ دَیا دھار دھر ہرِ جی آئے۔ سرب ٹھؤر پربھ جی درس دکھائے۔ کیِیا درس سب سوجھی پائے۔ مُکھوں اُچارے انند بھیا میری مائی۔ بھیا انند جاں درشن پایا۔ انحد شبد دا راگ سُنایا۔ سُنیا راگ رنگ روے اَکیلا۔ امرداس دا ہویا پربھ سنگ میلا۔ میل مِلایا ہرِ جیؤ پوُرے۔ واجے جِس دے انحد تُورے۔ واجے انحد اناہت میری بانی۔ رسنا وِچوں سچ وکھانی۔ سچّو سچ سچ پربھ آپ وکھایا۔ انند انند انند مُکھوں اُس گایا۔ گُر پوُرے کو سدا آدیس۔ جِس نے کیِتی بُدھ بِبیک۔ پوُرن بِدھی بُدھ تے پائی۔ گُر ساچے دی سوجھی پائی۔ در ساچا جاں آپ بُجھایا۔ میَں ممتا توں پرے ہٹایا۔ پوُرا سَتگُر نظری آیا۔ جِن پایا تِن من ماہِ سمایا۔ جیِو جو جیِوت پربھوُ اُدھار۔ پِھر کیوں بُھلے مُگدھ گوار۔ بُھلیاں بھرم نہ تیرا جائے۔ آ کے ساہمنے سنسا مِٹائے۔ من دا سنسا سَتگُر توڑے۔ جُگاں دے وِچھڑے جوڑے۔ جُگ جُگ کلا

پربھ دھار۔ بھگت جناں دی پَیج سوار۔ پَیج سوارے جِنہاں دی آ کے۔ جوت سروُپی جوت توں جوت پرگٹا کے۔ کلجُگ چرن پربھ دھریا۔ مہاراج شیرسِنگھ آسا وریا۔ اَیسی دَیا سِکھاں تے کمائے۔ وِچھڑے جُگاں دے لئے مِلائے۔ نوَیں چلائی ایہہ ریِت۔ موہِ چرنوں میں رکھو پریِت۔ میَں ہاں اِیشر آپ پربھ اِیشر ۔ آد جُگاد سد جگدیشر۔ جو جن نِندیا سَتگُر دی کرے۔ نرک کُنڈ میں سدا ہی جلے۔ کُنبھی واس نرک دُکھ بھرے۔ دھرم رائے دا ڈنڈ سِر پرے۔ کال کی مُنگلی ماراں سِرے۔ جوُن گھوگڑ وِشٹ اوہ پڑے۔ جِس مُکھ نال نِندیا کرے۔ وِشٹا وِچ چُنجھ اوہ دھرے۔ جنمے مرے مرے مر جنمے۔ سَتگُر کِرپا ملِے نہ سرنے۔ نمو نمو کرو پربھ انترجامی۔ مدھسوُدن دامودر سوامی۔ سِری گُن سِری پت آپ نِہکامی۔ رِدھ سِدھ دا داتا پربھ انترجامی۔ رِدھ سِدھ نؤ نِدھ دا گُر کھول دیِیا بھنڈار۔ اپنی دات آپ ونڈی داتار۔ گُرسِکھاں نوُں لایا پار۔ بھیا دیِن دَیال وِشنوُں بھگوان۔ جِس نے دِتا برہم گیان۔ مہاراج شیرسِنگھ سدا دَیال۔

۱۶ مگھّر ۲۰۰۶ بِکرمی پِنڈ جیٹھوُوال بچن ہوئے

دیا دھار سِکھ اُدھارے۔ جم کنکر نہ اِن کو مارے۔ انت سمیں پربھ ہووے سہائی۔ مہاراج شیرسِنگھ لِکھت کرائی۔ درشن دے دیہہ چُھڈائے۔ جوت وِچ جوت مِلائے۔ آوے نہ جاوے تِھر رہاوے۔ سچ گھر بَیٹھا نِت درشن پاوے۔ اِیشر ساگر کوَل سِکھ ہوئے۔ گُن نِدھان بِمل پربھ ہوئے۔ کول کُنبھ کایا دا رچیا۔ کری مِہر آپ پربھ سچیا۔ مل موُتر دا ایہہ جو پاٹ۔ جِس وِچ جوت جگائی للاٹ۔ اندھ گھور آپ پربھ وسیا۔ اپنا بھیت نہ جیِو نوُں دسّیا۔ اپنی وست پربھ آپ ٹِکائی۔ ناڑی بہتّر دیہہ بنائی۔ اِندلوک شِولوک برہم لوک بیَکُنٹھ تجایا۔ پاتال وِچ سیج باشک توں پرے ہٹایا۔ مات لوک وِچ کھیل رچایا۔

شیرسِنگھ نِرنکار جے آیا۔ نِرنکار نر آپ کہائے۔ نر اوتار دھار پربھ آئے۔ ترنتے وِچ رام اوتاری۔ چؤداں کلا وِچ دیہہ دھاری۔ پِھر براہمن دا مان گوایا۔ پرس رام نوُں سرنی پایا۔ کلا دو لےَ کھیہہ رلایا۔ ہویا دواپر آپ کرِشن مُراری۔ دوارکا واسی کیِتی کھیل اپاری۔ پُٹھی مت آپ پربھ کیِتی۔ گھر پانڈواں کؤرواں بدلی نیِتی۔ کلجُگ وِچ کلا پربھ دھاری۔ سرِشٹ تائیں ہُن پئی خواری۔ اَیسی دُرگت اِنہاں دی ہوئے۔ سَتگُر منی سِنگھ بِن راکھے نہ کوئے۔ چار کُنٹ ہووے دُھندوُکار۔ گُرسِکھاں گھر ہووے جےَ جَیکار۔ جےَ جَیکار کراوے پربھ آپ۔ سِکھن دے لاہے سنتاپ۔

۱۷ مگھّر ۲۰۰۶ بِکرمی

کل دھار کلجُگ وِچ آیا۔ نِہکلنک آپ اکھوایا۔ نِراہاری نِرویَر سمایا۔ دھار کھیل چتُربُھج اکھوایا۔ اپنا نام آپ جپایا۔ سوہنگ شبد جہاز بنایا۔ جیہڑے چڑھے سِکھ اُترے پار۔ بنیا ملاح آپ کرتار۔ اَیسا چپوُ آپ لگوائے۔ ہرِ ہرِ رِدے سمائے۔ ہرِ ہرِ ہرِ ہویا پربھ آپ۔ سچ وڈ میرا پرتاپ۔ اِندلوک شِولوک برہم لوک تجایا آپ۔ بیَکُنٹھ بنایا اجّ لوکمات۔ ویلا امرت امروُ آیا۔ اپنا بِرد آپ رکھوایا۔ اَیسا جھِرنا آپ جھِراوے۔ امرت بوُند کوَل میں پاوے۔ کُھلے کوَل گُر نظری آیا۔ مہاراج شیرسِنگھ درس دِکھایا۔ درس دیوے آپ گُر سوُرا۔ تِھر گھر واسی سدا بھرپوُرا۔ چاترک وانگ سِکھ بِللاوے۔ ہویا قہر پربھ آپ چُھڈواوے۔ کل دھار وِشنوُں آیا۔ انند بِنودی نہ بھیت جتلایا۔ چِھن بھنگر آپ نِہکامی۔ بھرتمبر سدا آپ سوامی۔ اچھل چھلن چھل آپ کرائے۔ بےمُکھاں توں مُکھ چُھپائے۔ گُرسِکھاں نوُں دِتی دات۔ سوہنگ شبد وڈّی کرامات۔ میرا شبد میرا سروُپ۔ آد اننت سدا انوُپ۔ تیِن لوک دا واسی آپ۔ جوت سروُپ سدا ویاپ۔ اپنی جوت سب سرِشٹ جگائی۔

سب وڈ اِیشر وڈیائی۔ عیسیٰ موُسیٰ اِیشر اُپائے۔ انت آپ اپنے وِچ مِلائے۔ محمدی پربھ نے آپ اُپائے۔ انت سمیں ہُن آپ کھپائے۔ چار وید برہمے لِکھوائے۔ گیا کلجُگ اوہ گئے سمائے۔ ہوئے جُگ سَت سَت سَت ورتائے۔ اپنے نام دی جےَ جےَ جَیکار کرائے۔ پرگٹ ہوئے نظر نہ آئی۔ منُمکھاں دے چھاہی پائی۔ اپنیاں سِکھاں تے دَیا کمائی۔ ویلے امرت جوت پرگٹائی۔ پرگٹی جوت ہویا پرکاش۔ کلوُ کلیش ہویا وِناس۔ امرت ویلے امرت ورتایا۔ گُرسِکھاں دے مُکھ چوایا۔ دُکھ دلِدر ایہناں دا لاہیا۔ مہاراج شیرسِنگھ درس دِکھایا۔ درس دِتا پربھ آپ آ کے۔ ویلے امرت امرت بنا کے۔ میرے امرت وِچ ایہہ وڈیائی۔ گربھ جوُن وِچوں لئے بچائی۔ جم کنکر نیڑ نہ آئی۔ انت سمیں پربھ ہوئے سہائی۔ پیِیا امرت امر ہو رہیا۔ سدا سُکھ نِرمل ہووے جیِیا۔ جیِیا نِرمل ہوئے گیان۔ پربھ اپنے نوُں لئے پچھان۔ آتم جوت جوت ہےَ سوئے۔ انت اننت رِدے پروئے۔ نر سِنگھ روُپ آپ بنایا۔ پرہلاد دے سِر چھتر جھُلایا۔ دھروُ نوُں مان دوایا۔ ہوئے دربان مہا سُکھ پایا۔ باوَن روُپ آپ ہو آیا۔ بل راجے نوُں گل لگایا۔ باشک رِکھ دا مان گوایا۔ چکّر سُدرشن اَیسا لایا۔ جنک اُتے اَیسی دَیا دھاری۔ اٹھاراں کُنڈ پار اُتاری۔ لجّیا رکھی دروپت دی آ کے۔ دواپر وِچ کرِشن اکھوا کے۔ اِیشر دا ایہہ کھیل اپار۔ ہری چند نوُں دِتا تار۔ اَیسا اُس دا مان گوایا۔ سنگت وِچ پرکھنا چاہیا۔ اَیسی پرکھ آپ دِکھائی۔ کھڑاؤں جوڑی آپ جُڑائی۔ بِدر نوُں مان دوایا۔ دریودھن نوُں پرے ہٹایا۔ ساگ الوُنے نوُں بھوگ لگوایا۔ بھاؤ بھگت دا پھل سی پایا۔ سُدامے اُتے ہویا کِرپال۔ چرنی ڈِگا دیِن دَیال۔ کھڑیا آپ اُپر سِنگھاسن آئے۔ لےَ چرنودک دھنّ دھنّ دھنّ کہائے۔ اُس دلِدری نوُں دِتا مان۔ دوارکا واسی کرِشن بھگوان۔ نام دیؤ نے نام دھیایا۔ مُکند منوہر نظری آیا۔ اجّ بھوگ بھگتن کیرا۔ سچّا سَتگُر کرے نبیڑا۔ جِتھے کوئی نہ دیوے مان۔ اوتھے پہنچے جانی جان۔ اپنا بِرد آپ سمبھالے۔ پاتالوں کڈھ آکاش بحالے۔ بِن بندھن نہ کوئی باندھے۔ حُکم اندر سب لےَ آندے۔ بندھ ٹوُٹے ہوئی بند خلاصی۔ تِھر رہے آپ سرب نِواسی۔ بندی چھوڑ آپ اکھوائے۔ مکُت جُگت جوت کی چال چلائے۔ سچّا سَتگُر

سدا دھیائے۔ سوہنگ میرا شبد سہائے۔ کوٹ اپرادھی پربھ جی تارے۔ مہاراج شیرسِنگھ دَیا دھارے۔ مچّھ کچھ ہو ہرِ جی آئے۔ وِچ ساگر جی جنت ترائے۔ لکھّ بتالی نوُں درس دِکھایا۔ لکھّ چُراسی جوُن دا ادھ ترایا۔ بتالی لکھّ دھرت پر دھرے۔ ترن تارن پربھ آپ دَیال۔ بھگت وچھل سدا کِرپال۔ کِرپانِدھ کِرپن پربھ ہویا۔ سدا ہےَ جاگت کدے نہ سویا۔ اُنی سؤ پنجاہ بِکرمی پیاری۔ جیٹھ پنجویں منگلواری۔ بھگوان وِشنوُں جاں کلادھاری۔ نِہکلنک بھیا اوتاری۔ وِچ تریتا رمو رام آیا۔ دواپر کرِشن بھگوان گھنک پُری گھنشام آیا۔ تابو تائیں مان دوایا۔ دھرنی دھر نر سِنگھ نرائن آیا۔ داڑھاں نیِچے پرِتھمی نوُں چبایا۔ ہاہاکار کر جگت روایا۔ بھگت جناں جَیکار کرایا۔ جےَ جےَ جےَ گُر ساچے کی جےَ۔ آد انت سدا نِربھےَ۔ نِرہاری نِرویَر سمائے۔ دھار کھیل چتُربُھج اکھوائے۔ سوَل سُندر پربھ روُپ بنائے۔ بَین سُنت سب ہی تھائیں۔ سرب تھائیں پربھ وسیا آپ۔ جِس دا پرکاش سدا دِن رات۔ دِوس رَین پربھ ایک سمان۔ نَینی پیکھو وِشنوُں بھگوان۔ پاس بھگت پربھ چل کے آیا۔ مات لوک وِچ درس دکھایا۔ کِرپانِدھ کِرپا پربھ کرے۔ دوُکھ کلیش سنگت کا ہرے۔ جم کا ڈنّ سِر نہ پرے۔ انت کال ملِے ہرِ ہرے۔ آپ اپرمپر ہےَ جل تھلے۔ چاترک وانگ سنگت بِللائی۔ گُر درشن کو پِھرے تِسائی۔ دِوس رَین پربھوُ جس گائی۔ دوکھ دُشٹ سے لِؤ بچائی۔ سُنی پُکار آپ داتار۔ کلجُگ وِچ ہو آیا وِشنوُں بھگوان۔ مہاراج شیرسِنگھ سچ نیِسان۔نِاوٹیاں اوٹ نِتانیاں تان۔ نِردھن نوُں دیوے آپ مان۔ سوہنگ گُر کا پروان۔ سوہنگ شبد پربھ آپ لِکھوایا۔ سَتجُگ وِچ پرچلت کرایا۔ باقی سب دا کال کرایا۔ گُر سنگت نوُں دیوے دان۔ سوہنگ شبد ہےَ میرا نام۔ رِدے دھیاؤ سرب سُکھ پاؤ۔ وِچ چُراسی پھیر نہ آؤ۔ نام میرے دی ایہہ وڈیائی۔ جِس سِمرت ترِکھا لہہ جائی۔ سووت کو پربھ لئے جگائی۔ ٹُنب اُٹھال پربھوُ دئے جگائی۔ درس دیوے آپ پربھ آ کے۔ سُتے سِکھ نوُں پکڑ اُٹھا کے۔ کلجُگ وِچ ہویا کِرپال۔ سُپنے وِچ کرے نظری نظر نِہال۔ پوَن میں جوت جوت میں پوَن۔ اِس تے اُپر نہیں کوئی گوَن۔ جوت سروُپ جوت پربھ دھرے۔ اُننجا پوَن سِر چؤر کرے۔ جوت پربھوُ

کی لٹ لٹ جلے۔ سدا اڈول نہ اوہ ڈلے۔ اُس وِچوں پربھ کِرپا کرے۔ سرب جیؤ میں کِنکا دھرے۔ جیِو جنت وِچ جوت ٹِکائی۔ کِسے نہ سوجھی میری وڈیائی۔ جِس نوُں سوجھیا سچّا در بوُجھیا۔ سچّا در سچّا گھر سچّا میرا ناؤں۔ پربھ ابناشی وسے ہرِ تھاؤں۔ اوُٹھت بَیٹھت اِیشر گُن گاؤ۔ سوہنگ شبد من وساؤ۔ منّو بچن چلو گُر بھاؤ۔ پربھ ابناشی گھر میں پاؤ۔ کوٹ برہمنڈ دا داتا آپ۔ اپنا آپ کرائے جاپ۔ سب توں وڈّا میرا پرتاپ۔ جو نہ سمجھے میرا مُکھ واک۔ تِن کو مارے آپ تیِن تاپ۔ کال ویاپے ہوئے دُکھ گھنے۔ جو نہ حُکم میرا منّے۔ میرا شبد جو نر سُنے۔ انحد شبد دی من میں دُھنے۔ دُھنت دُھن دُھنت کا گیان آوے۔ سچّا سَتگُر بچن لِکھاوے۔ مہاراج شیرسِنگھ نظری آوے۔ باہوں پکڑ پربھ بنّےلاوے۔ گُرسِکھاں نوُں گُر دھام پُچاوے۔ جنم مرن دا پندھ مُکاوے۔ کلجُگ وِچ ایہہ دَیا کمائی۔ ساچی لِکھت گُر سچّے لِکھائی۔ دھنّ گُرسِکھ جِنہاں سوجھی پائی۔ تیِن لوک وِچ ملِے وڈیائی۔ دھنّ دھنّ دھنّ سب کہے لوکائی۔ مہاراج شیرسِنگھ دی جِن سرن تکائی۔ سرن وِچ سِکھ جو آیا۔ من دا سنسا گُر گوایا۔ جو آئے پربھ رِدے دھیائے۔ پربھ چرناں سنگ لئے مِلائے۔ بےمُکھاں توں گُرسِکھ بنائے۔ مانَس دیہہ پائی پرتھائے۔ تِھر گھر وِچ پربھ آپ بہائے۔ جوت وِچ جوت سمائے۔ مہاراج شیرسِنگھ دَیا کمائے ۔ اپنا شبد آپ سُنائے ۔ سوہنگ سو پُرکھ نِرنجن ۔ دیِن دَیال سدا دُکھ بھنجن ۔ مہاراج شیرسِنگھ ترلوکی نندن۔ آپ توڑے سِکھن کے بندھن۔ گُر کا سِکھ پربھاس وِچ چندن۔ جِس نوُں چھوہے سرب دُکھ کھنڈن۔ آپ پربھ آپ بھےَ بھنجن۔ میرا سِکھ جگت کا انجن۔ نیتر میں پیکھے ٹُٹے جم پھندن۔ نیتر میں پائے گُر کاٹے بندھن۔ سوہنگ شبد دی من ہووے رنگن۔ مہاراج شیرسِنگھ سدا رنگ برنگن۔ رنگ روُپ نہ نظری آئے۔ پوُرن وِچ رہیا سمائے۔ جوت جگت دی آپ جلائے۔ اپنا بھیت نہ کِسے بتائے۔ اپنی مہما آپ جنائے۔ آپ اپنے وِچ سمائے۔ کلجُگ وِچ ایہہ کرم کمائے۔ چھڈی دیہہ جوت روُپ ہو آئے۔ پوُرن سِنگھ دی دیہہ وِچ پربھ گیا سمائے۔ کُکھ ماتا دی سُپھل کرائے۔ پال سِنگھ تے دَیا کمائی۔ ہو کرِشن پربھ درس دِکھائی۔ بال روُپ پربھ لُبھانا۔ بُھلا سِکھ

پِھرے انجانا۔ بِن گُر ملِے نہ سچ ٹِکانا۔ جوت جگواوے سِنگھ ہےَ ماہنا۔ بچن اساڈے سدا سُنائے۔ منی سِنگھ دا سِکھ کہائے۔ مہاراج شیرسِنگھ دی جِن سرنی پایا۔ اوس توں سُنیا بچن آیا۔ آپ تُٹھا سچّا داتار۔ ہو کے آیا کرِشن مُرار۔ پال سِنگھ نوُں دِتا تار۔ اَیسی سَتگُر بنائی تھاٹ۔ جوت جگائی وِچ للاٹ۔ جاچک نوُں دِتا ایہہ دان۔ پال سِنگھ نوُں اُتم گیان۔ جِس سُہایا ایہہ سوہنا تھان۔ گُر درس دا وجّا بان۔ درس میرا سدا ہےَ لوڑے۔ چرن کوَل سنگ من نوُں جوڑے۔ دَیا دھار پربھ درس دِکھایا۔ نِجانند پربھ وِچوں وکھایا۔ اوس نے سی ایہہ کرم کمایا۔ سِکھاں نوُں سرنی پایا۔ اُس دا مان اساں رکھایا۔ چؤوی چیت اُنّی سؤ ستانویں نوُں آکاش بٹھایا۔ ہرِ جیؤ ہرِ ہرِ نظری آیا۔ مہاراج شیرسِنگھ سدا سوایا۔ سدا اٹل ہوئے گُر سوُرا۔ مہاراج شیرسِنگھ سَتگُر پوُرا۔ سچّا سَتگُر ساچ لجائے۔ ساچ ساچ سچ رہیا سمائے۔ سچ سُچ پربھ ساچے بھائے۔ جوُٹھے جھوُٹھے پربھ سرن نہ لائے۔ سچّا سِکھ سچّا پربھ آپ۔ ساچی سِکھیا سچّا گُر جاپ۔ سچّا شبد لاہے تِنّ تاپ۔ مہاراج شیرسِنگھ جپو دِن رات۔ دِوس رَین جو مُجھے دھیائے۔ سووت جاگت درس ہےَ پائے۔ سووت جپو جاگے گُر پوُرا۔ درس دِکھاوے ہےَ سدا حضوُرا۔ سچ سدا مِہروان۔ مہاراج شیرسِنگھ وِشنوُں بھگوان۔ جِس نوُں دِتا ایہہ گیان۔ چرن کوَل وِچ رکھو دھیان۔ درشن پاؤ نیتری آن۔ آپ پچھانو جانی جان۔ جِس دا دِتا پہنن کھان۔ جیؤ پِنڈ ایہہ دیہہ دا دان۔ کرم دھرم پربھ آپ لِکھائے۔ دھنّ گُرسِکھ جو سرنی لائے۔ لائے سرن سرب سُکھ دیِیا۔ سدا سُہیلا نِرمل جیِیا۔ امرت نام مہارس پیِیا۔ سوہنگ شبد گیان گُر دیِیا۔ گیان دیِیا گُر ساچے ایک۔ جِس سِمرت ہوئے بُدھ بِبیک۔ نظری آوے ایکم ایک۔ مہاراج شیرسِنگھ دی جِن پکڑی ٹیک۔ گُر راکھا گُر کِرپا کرے۔ بھوَ جل اندھ سِکھ نہ ہرَے۔ انت کال پربھ کِرپا کرے۔ مہاراج شیرسِنگھ جپ ہرے ہرِ ہرے۔ بچن سُنے جِس دی بن آئے۔ جِس نوُں سَتگُر سرنی لائے۔ گُر سنگت وِچ مان دوائے۔ گُر سنگت وِچ پربھ رہیا سمائے۔ سنگت بَیٹھی چار کِناری۔ وِچ ہےَ بَیٹھا شیرسِنگھ نِرنکاری۔ نام نِرنجن میَں ہاں آپ۔ سب توں وڈّا ہےَ میرا پرتاپ۔ کری

کِرپا دتی وڈیائی۔ مُکھ واک گُر سنگت کنّ پائی۔ چار جُگ بانی ہےَ رچائی۔ پیکھت سُنت سرب سُکھ پائی۔ آون جاون دا پندھ مُکائی۔ اوہو بُھلی پِھرے لوکائی۔ پربھ ابناشی جوت پرگٹائی۔ حاضر ہو درس دِکھائی۔ مہاراج شیرسِنگھ ہویا سہائی۔ منی سِنگھ وِچ جوت جگائی۔