کتب خانہGranth 1 (Urdu)

۷ جیٹھ ۲۰۰۸ بِکرمی سنتا سِنگھ دے گِرہ پِنڈ بھنڈال

دھنّ دھنّ دھنّ منی سِنگھ تیری سَت کمائی۔ سوہنگ شبد دُھن پربھ ساچے وِچ وجائی۔ کھول دِکھاوے آتم سُنّ، بُھل رہی نہ رائی۔ پربھ مِلیا بھگت جن سَتجُگ دیوے پربھ وڈیائی۔ اُپجے دُھن من بھئے گیانا۔ ہویا سپوُت پربھ مِلیا ہوئے بِدھنانا۔ کلجُگ پربھ کا ساچا سُت، چرن دھوُڑ کرے اشنانا۔ مہاراج شیرسِنگھ دیوے آتم برہم گیانا۔ سوہنگ شبد سچ راگ سُنایا۔ اگیان اندھیر وِچوں دیہہ مِٹایا۔ جھوُٹھی دُنیا پربھ پڑدا پایا۔ دھار کھیل چتُربُھج کہایا۔ سوہنگ شبد راہ چلایا۔ انتکال نہ لاگے تتی وا، مہاراج شیرسِنگھ انت ہوئے سہایا۔ بھگتن تارے آپ بھگوَنت۔ پربھ کی مہما بڑی بےانت۔ کلجُگ نہ پچھانے کوئی جیِو جنت۔ پربھ ابناشی تاریا کل پوُرن منی سِنگھ سنت۔ سنتن مہما جیِو نہ جانے۔ پوُرن سنت آتم رس مانے۔ وِشنوُں بھگوان آتم دیوے برہم گیانے۔ برہم گیانی سَت سروُپ، بِن پربھ کلجُگ کوئی نہ جانے۔ مہاراج شیرسِنگھ پرگٹ ہوئے وِچ اندھ کوُپ، چھڈ جائے چولا دیہہ پُرانے۔ آد انت پربھ جوتی جوتا۔ تیِن لوک پربھ اِک رنگ ہوتا۔ انتکال کل رہیا سوتا۔ انتکال نرک لوایا غوطہ۔ مہاراج شیرسِنگھ پرگٹ جوت، انتکال نہ ہوئے دھوکھا۔ جوت سروُپ جگ پربھ آیا۔ کلجُگ نِہکلنک پربھ ناؤں دھرایا۔ بےمُکھ ویکھے دِس نہ آیا۔ کلجُگ جامہ دھار، گھنک پُری پربھ بھاگ لگایا۔ مہاراج شیرسِنگھ کل پوُرن اوتار، چرن آیا سو پار کرایا۔ جو جن آئے پربھ چرن دوار۔ پربھ ساچا وڈ دِسے دربار۔ پرگٹی جوت کل آپ نِرنکار۔ گُرسِکھ سُتے بانہوں پکڑ پربھ لئے سنبھال۔ مہاراج شیرسِنگھ تیری کِسے نہ پائی سار۔ کلجُگ جیِو اُپایا، بھرم بُھلیکھے جگت بُھلایا۔ جوت سروُپ پربھ نظر نہ آیا۔ گُرسِکھاں آتم جوت دھر، برہم گیان دوایا۔ مہاراج شیرسِنگھ جوت نِرنجن، کل جوت سروُپ کھیل رچایا۔ جوت سروُپ جگت پربھ داتا۔ اپنے رنگ روے پربھ سدا رنگ راتا۔ کلجُگ پرگٹے جوت پربھ برہم گیاتا۔ مہاراج شیرسِنگھ گُر سَتگُر پوُرا، گُرمُکھ وِرلے کِسے پچھاتا۔ جانے سو جِس جن پربھ آپ جنائے۔ آتم بُجھی دیِپ جوت سروُپ پربھ دئے جگائے۔ پربھ ساچے کی

ساچی ریِت، جامہ دھار جُگو جُگ جگت میں آئے۔ گُرسِکھاں آتم ٹھنڈی سیِت، جوت سروُپ پربھ وِچ رہیا سمائے۔ سادھ سنگت من گاؤ پربھ کے گیِت، انتکال وِچ جوت مِلائے۔ مہاراج شیرسِنگھ جیِو رسنا جپ، نِہکلنک نر نرائن کلجُگ آئے۔ نِہکلنک پربھ کلجُگ اوتارا۔ سوہنگ شبد پربھ چار کُنٹ کرائے جےَ جَیکارا۔ انحد شبد جن بھگتاں وِچ دُھنکارا۔ اُپجے دُھن پربھ کھولے سُنّ، جوت سروُپ پربھ کوَل کُھلائے دسم دوارا۔ مہاراج شیرسِنگھ کلجُگ بھگت دھنّ، جوت سروُپ پربھ کیِیا آکارا۔ اگن جوت لائی سنسار۔ چار کُنٹ ہوئے ہاہاکار۔ جن بھگتاں من جےَ جےَ جَیکار۔ نِہکلنک پربھ لےَ اوتار۔ مہاراج شیرسِنگھ جوت سروُپ آد انت ایکنکار۔ آد انت پربھ ایکا ایک۔ سوہنگ شبد پربھ ساچی دیوے ٹیک۔ جن بھگتاں کرے بُدھ بِبیک۔ جُگو جُگ پربھ ویس انیک۔ مہاراج شیرسِنگھ کل بھگتاں آئے سچ لِکھائے لیکھ۔ کلجُگ منی سِنگھ سنت وڈیایا۔ سُرت شبد پربھ گیان دے، کپاٹ بجر کُھلایا۔ امرت ساچا نام دے، آتم جھِرنا نِجھروں جھرایا۔ سوہنگ ساچا نام دان دے، انحد دُھن واجے دے وجایا۔ پوُرن سُرتی پربھ چرن دھیان دے، نر نرائن پربھ درس دِکھایا۔ مہاراج شیرسِنگھ سچ گیان دے، کھنڈ ساچے دا درس دِکھایا۔ کر درس دیہہ ہوئے اُجیارا۔ مِٹ گیا جھوُٹھا اندھ اندھیارا۔ اُپجے شبد وجےّ دُھنکارا۔ دوئے جوڑ کھڑا پربھ چرن دوارا۔ مانے رنگ کل سچ بھتارا۔ جگت تجایا سارا رنگ، ڈھیہہ پیا گُرچرن دوارا۔ سوہنگ شبد سچ لیا دان منگ، مہاراج شیرسِنگھ آتم بھر دئے بھنڈارا۔ شبد سُرت پربھ گیان دوایا۔ سنت منی سِنگھ بانہوں پکڑ اُٹھایا۔ آتم برہم گیان دے، انتکال کل لیکھ لِکھایا۔ پوُرن شکتی برہم گیان دے، دِوس رَین پربھ سیوا لایا۔ انتکال کل مان دے، اگادھ بودھ پربھ شبد لِکھایا۔ شبد سُرتی پربھ لیکھ لِکھا کے۔ کلنکنِہ آیا بھیکھ وٹا کے۔ جوت سروُپ کل جوت پرگٹاکے۔ بےمُکھاں کولوں مُکھ چُھپا کے۔ گُرسِکھ سوجھی پا کے۔ سوَچّھ سروُپ جائے درس دِکھا کے۔ مہاراج شیرسِنگھ وِشنوُں بھگوان، سَتجُگ ساچا جاوے لا کے۔ دھنّ دھنّ دھنّ منی سِنگھ دھنّ تیرے سِکھ، جِنہاں تیری سیو کمائی۔ کلجُگ جامہ دھار انتکال آئے پربھ

تیری پَیج رکھائی۔ گُن نِدھان گھر آئکے، سِکھ مان دِوائی۔ جِتھے گِیوں دیہہ تجائیکے، سَتجُگ نگری سَت رکھائی۔ پِھر آئیوں جوت پرگٹائیکے، نِہکلنک دیوے وڈیائی۔ مہاراج شیرسِنگھ سَتجُگ اندر سچ تخت جائے بہائیکے، چار ورن کرے تیری وڈیائی۔ انتکال کل پربھ کھیل رچایا۔ چار ورن انتکال اِک کرایا۔ راجا رانا پھڑ تختوں لاہیا۔ پوُرن پائی گھال، جو دُکھ سنگروُر میں پایا۔ پربھ توڑے سرب جنجال، انتکال پربھ ہوئے سہایا۔ گُرمُکھ وِرلا جانے پِچھلا حال، مہاراج شیرسِنگھ سچ دئے لِکھایا۔ وقت سُہائے آن پربھ، جاں ہوئے ویلا۔ وقت سُہائے آن پربھ، کلجُگ کھیل پربھ کھیلا۔ انت گوائے مان سب، وِچھڑیاں پربھ سنجوگی میلا۔ گت مِت جانے آپ سب، جوت سروُپی اچرج کھیلا۔ امرت جھِرنا وِچ جھِرائے نبھ، جگائے جوت آتم بِن باتی بِن تیلا۔ کلجُگ اندر مہاراج شیرسِنگھ، بھگت بھگوان کرائے میلا۔ بھگتن اُپجے من اندھ اگیان۔ سُرت شبد پربھ دیوے برہم گیان، چرن دھوُڑ سب تیِرتھ اِشنان۔ سوہنگ شبد آتم دان۔ کلجُگ پار کرائے پُرکھ چتُر سُجان۔ خالی دِسن سو جن، مد ماس جو رسنا لان۔ کلجُگ اندر پوُرن جوت پرگٹے وِشنوُں بھگوان۔ آپ اڈول پربھ، سب جگت ڈُلایا۔ سو سُہائے تھان، پربھ جِتھے ڈیرہ لایا۔ توڑ دے مان ہنکار وِکار، جو جیِو رِدے وسایا۔ مہاراج شیرسِنگھ وِشنوُں بھگوان، جوت پرگٹاوے جھب، سادھ سنگت جِتھے رسن دھیایا۔ رسنا جپیا رمئیا رام۔ پرگٹ جوت پربھ پوُرن کرائے کام۔ منی سِنگھ دوائے مان پربھ، پِنڈ بھنڈال بنے سچ دھام۔ راجے رانے آون در، سوہنگ شبد مارے بان۔ مہاراج شیرسِنگھ جوت نِرنجن، سَتجُگ جوت پرگٹاوے جھب۔ جوت سروُپ پربھ نِراہار۔ جن بھگتاں دیوے نام ادھار۔ کلجُگ جامہ دھار، بیڑا کر جائے پار۔ گُرسِکھ وِرلا پربھ کی پاوے سار۔ موُرکھ مُگدھ نہ کرے وِچار۔ کلجُگ اندر بھگت جن اُجلے، جوت سروُپ پربھ کرے آکار۔ نِہکلنک کل اوتار۔ بھگتن دیوے کلجُگ تار۔ سنتن دیوے پربھ ساچی سار۔ نِہکلنک کل آیا۔ گھنک پُری پربھ بھاگ لگایا۔ نرائن لکھمی پربھ منی سِنگھ درس دِکھایا۔ کوَل نَین سِر مُکٹ ٹِکایا۔ کر درس آتم ترِپتایا۔ تن من ہوئے پربھ چرن سیو کمایا۔ آتم لیا پربھ

ساچا منّ، دوئے جوڑ در سیِس جِس جھُکایا۔ شبد لِکھاوے پربھ ساچا دھنّ، بانی بودھ جگت لِکھایا۔ وجےّ واج شبد گُن، آتم دُھن ناد وجایا۔ مہاراج شیرسِنگھ کلجُگ اندر، سنت منی سِنگھ مان دوایا۔ منی سِنگھ سچ تیرا دھام۔ پرگٹ جوت پربھ کرے تیرا کام۔ سَتجُگ اُجل ہوئے تیرا نام۔ مہاراج شیرسِنگھ جوت سروُپ، کلجُگ پرگٹے جِؤں دواپر شام۔ سنتن سنگ پربھ وسنیہارا۔ شبد سُرت ساچا راہ دسّنے والا۔ کلجُگ پرگٹے جوت، چار کُنٹ کرے اُجیارا۔ مہاراج شیرسِنگھ جو کِچھ کرے سوئی کل ہوت، پرگٹے نِہکلنک اوتارا۔ دُکھ بُھکھ پربھ روگ مِٹایا۔ امرت میگھ برس آتم ترِپتایا۔ سُپھل کرائے مات کُکھ، جِس جیِو مُکھ پایا۔ انتکال کل لگّے نہ دُکھ، ساچا پربھ ہو جائے سہایا۔ نِردھن بال اُپجے کُکھ، جو جن آئے گُرچرن سیِس نِوایا۔ کلجُگ بھلے سے منُکھ، پربھ ابناشی گھر ماہِ پایا۔ بےمُکھ خالی جِؤں سِنمل رُکھ، انتکال پربھ نرک نِواس رکھایا۔ گُرمُکھاں کر اُجل مُکھ، مہاراج شیرسِنگھ پرگٹ جوت درس دِکھایا۔ گُرسِکھ جیِو کل گُرچرن بھرواسے۔ ساچا پربھ کِرپا کر، آتم جوت کرے پرکاشے۔ کلجُگ پربھ دھرنی دھر، کوئی جیِو نہ جائے نِراسے۔ ساچا پربھ بھر جائے بھنڈارے اتُل اکُھٹ سچ بیَکُنٹھ کرے نِواسے۔ بےمُکھ جیِو در آئے جائن بُھل، گُرسِکھ پریِت چرن رَہراسے۔ مہاراج شیرسِنگھ جوت نِرنجن، آپ اتُل نہ تُل تُلاسے۔ جیِو کی جانے پربھ کی سار۔ آتم بُھلے نہ کرے وِچار۔ وِچ وسے پربھ سچ بھتار۔ نظر نہ آوے ہوئے اندھ اندھیار۔ گُرمُکھاں پربھ آتم گیان دے، آتم دیِپ کرے اُجیار۔ سچ پُرکھاں چرن دھیان دے، ساچی شبد وجےّ دُھنکار۔ مہاراج شیرسِنگھ سوہنگ دان دے، کلجُگ بیڑا کر جائے پار۔ انتکال کل پربھ آپ کرائے۔ جوت سروُپ اگن جوت لگائے۔ سوہنگ ساچا بان پربھ شبد چلائے۔ بےمُکھاں بان مد ماسی کوئی رہن نہ پائے۔ گُرسِکھاں دیوے برہم گیان، نِج گھر واسی نِج گھر نظری آوے۔ مہاراج شیرسِنگھ وِشنوُں بھگوان، بھگت جناں گھر جوت جگاوے۔ بھگت ترےَ جگت بُھلایا۔ پربھ نہ ڈُلے کِسے جن ڈُلایا۔ بانہوں پکڑ گُرسِکھ ساچے مارگ لایا۔ سوہنگ ساچا گیان دے، پربھ آتم جوت جگایا۔ جن بھگتاں سوہن دوار بنک۔ کلجُگ جامہ

دھار اِک کیِیا راؤ رنک۔ اوُچ نیِچ بھیو چُکائے منک۔ مہاراج شیرسِنگھ بھگت جن تارے، جِؤں تارے جنک۔ اپ تیج وائے پرِتھمی آکاش، جیِو تن رچایا۔ مت من بُدھ دھر، پوَن روُپی سواس چلایا۔ کام کرودھ ہنکار کر، جگ جھوُٹھے دھندے لایا۔ بےمُکھ جیِو خوار کر، مد ماس آہار بنایا۔ جن بھگتاں کل وِچار کر، سوہنگ ساچا نام جپایا۔ کلجُگ ساچی جوت دھار کر، نِہکلنک ناؤں دھرایا۔ جوت سروُپی آکار کر، پربھ اپنا آپ چُھپایا۔ جیِو جنتاں جوت ادھار دھر، پربھ وِچوں دِس نہ آیا۔ جن بھگتاں کرم وِچار کر، پربھ ہِردک جوت جگایا۔ اُتم وِچ سنسار کر، ساچا لیکھ پربھ لِکھایا۔ کلجُگ اُتم کھیل کرتار کر، پربھ سارا کھیل مِٹایا۔ جوت سروُپی اگنی بال کر، اگن جوت پربھ چار کُنٹ لگایا۔ دُکھ بُھکھ کلجُگ جیِو بےحال کر، ہاہاکار کر جگت روایا۔ نِہکلنک کلجُگ اوتار نر، انتکال کل آن کھپایا۔ گُرسِکھ کلجُگ پار کر، پربھ جوتی جوت میل مِلایا۔ مہاراج شیرسِنگھ جوت آکار کر، سَتجُگ ساچا لایا۔ سَتجُگ چلے شبد نیارا۔ سوہنگ ہووے جےَ جےَ جَیکارا۔ جن بھگتاں دیِسے پربھ چرن دوارا۔ جِتھے وسے آپ نِرنکارا۔ جوت سروُپ پربھ رہے جوت ادھارا۔ کلجُگ بےمُکھ جیِو کیوں پاوے نہ پربھ کی سارا۔ امرت نام مہارس پیِو، مِٹ جاوے دیہہ اندھیارا۔ گُرچرن لاگ سدا جگ جیِو، سچکھنڈ ملِے دوارا۔ مہاراج شیرسِنگھ نِرمل جوت دھرے وِچ آتم دیو، جھوُٹھی دیہہ ہوئے اُجیارا۔ گیان گت کوئی جن جانے۔ موُرکھ مت نہ پربھ رنگ مانے۔ گُرمُکھ چلے پربھ کے بھانے۔ اڑے جھڑے پربھ بھُنے جِؤں بھٹھیالے دانے۔ در کھڑے نِگم وِچار کرے کلجُگ پُرکھ سُجانے۔ مہاراج شیرسِنگھ کل پرگٹ جوت، در ڈِگن آئے راجے رانے۔ سب تے وڈّا پربھ کا در۔ راؤ رنک انتکال اِک جائے کر۔ جوت سروُپی جوت پرگٹائے نِہکلنک اوتار نر۔ ساچا پربھ ہوئے سہائے، سادھ سنگت کل موُل نہ ڈر۔ گُر پوُرا لاج رکھائے، جو چل آیا در۔ مہاراج شیرسِنگھ انت جوت مِلائے، گُرسِکھ نہ جائے مر۔ گُرسِکھ ہوئے نہ جگ مرنا۔ انتکال جوت سروُپ ہوئے نِہکلنک گُرمُکھ وِرلا ورنا۔ سادھ سنگت پربھ چرن لاگ کلجُگ ترنا۔ مہاراج شیرسِنگھ سچ شبد ڈنک، انتکال چار ورن

اِک کرنا۔ چار ورن پربھ اِک کرائے۔ سچکھنڈ واسی سَتجُگ لائے۔ سوہنگ ساچا شبد چلائے۔ دوُسر کوئی رہن نہ پائے۔ عیسیٰ موُسیٰ محمدی پربھ نشٹ کرائے۔ قُرآن انجیل سَتجُگ دِس نہ آئے۔ جھگڑا ہووے ہِند محمدی، مہاراج شیرسِنگھ بیاسو پار چرن ٹِکائے۔ چرن کوَل بھنڈال پربھ دھریا۔ پوُرا بچن منی سِنگھ تیرا پربھ کریا۔ ہاہاکار کر جگت سب ڈریا۔ مہاراج شیرسِنگھ گُرسِکھ تیرا، کلجُگ نہ کِسے توں ڈریا۔ سو کیوں ڈرے، جِس پربھ ہوئے سہائی۔ جن کیوں مرے، جِس پربھ ساچا درس دِکھائی۔ کلجُگ ترےَ جِن ہِردے پربھ رہیا سمائی۔ تِن کے کارج سرے، جو آئے چل پربھ سرنائی۔ انتکال دُکھ ڈاڈھا بھرے، جو جائے مُکھ بھوائی۔ آوے جاوے جنمے مرے، گربھ واس پربھ واس کرائی۔ در آئے کھوٹے ہوئے کھرے، سادھ سنگت پربھ لےَ مِلائی۔ مہاراج شیرسِنگھ جوت سروُپ بھیوَ نہ آوے رائی۔ بےمُکھ کی جانے پربھ کا بھیوا۔ گُرمُکھ جانے جو گُر چرنی لائے سیوا۔ کلجُگ پرگٹیا نِہکلنک، وڈ داتا دیوی دیوا۔ مہاراج شیرسِنگھ وِشنوُں بھگوان، پرگٹے الکھ ابھیوا۔ سو سُہایا تھان، جِتھے پربھ جوت جگائی۔ سو سُہایا تھان، جِتھے پربھ پرگٹ جوت ابِھمانیاں مان گوائی۔ سو سُہایا تھان، جِتھے پربھ سادھ سنگت درس دِکھائی۔ سو سُہائے تھان، جِتھے پربھ سوہنگ شبد چلائی۔ سو سُہائے تھان، جِتھے پربھ جن بھگت ترائی۔ سو سُہائے تھان، جِتھے پربھ ابناشی سِنگھاسن بَیٹھائی۔ سِنگھاسن بَیٹھا آپ نر سِنگ۔ جوت سروُپ رانیاں مہارانیاں کرے نِنگ۔ دیوے شبد گیان، وجائے آتم کِنگ۔ کلجُگ اُدھرے بھگت جن، جِؤں تریا بھگت بھرِنگ۔ مہاراج شیرسِنگھ کلجُگ اندر گُر ساچا مرگِند۔ بھوگ لگائے گُر پرسادی۔ ہنکار نِوارے آتم سادھی۔ رسنا پربھ جیِو سدا ارادھی۔ کلجُگ پرگٹیا جوت سروُپ سدا انادی۔ مہاراج شیرسِنگھ انتکال تُدھ بِن کوئی نہ بن دا دادی۔ آئی بِکرمی ویہہ سؤ اٹّھ۔ دِوس گیا اُپر اٹّھ تے سٹّھ۔ سادھ سنگت کیِیا بھنڈالی اِکٹّھ۔ کلجُگ اُلٹی گیڑ جائے پربھ لٹّھ۔ سرِشٹ سبائی کھپائی وِچ بّھٹھ۔ گُرمُکھ کلجُگ گُر چرنی آئن نٹّھ۔ مہاراج شیرسِنگھ نِہکلنک اوتار دیوے شبد ادھار، گُرسِکھ نہ چھوڑے ہٹھ۔ جوت پرکاشے مات پاتال وِچ آکاشے۔

سادھ سنگت گُرچرن نِواسے۔ کلجُگ جیِو پربھ چرن بھرواسے۔ ویلا انت پربھ کرے بےانت، سرِشٹ سبائی ہوئے ناسے۔ مہاراج شیرسِنگھ سَتجُگ تیری منت، چار کُنٹ پربھ شبد واسے۔ چلائے شبد سرب گُنونتا۔ جنائے شبد پربھ بھگوَنتا۔ لِکھائے شبد دِکھائے سادھن سنتا۔ اپنائے شبد آدن انتا۔ مہاراج شیرسِنگھ پوُرن بھگوَنتا۔ بھگوَن ہوئے بھگت پرگٹایا۔ ساچا مان پربھ آپ دوایا۔ نِہکلنک سِر چھتر چھایا۔ دھر جوت پربھ سنتن جنم دوایا۔ مہاراج شیرسِنگھ کلجُگ پرگٹ، ماتھے منی سِنگھ تِلک لگایا۔ جِتھے تجائے دیہہ سنت، اوتھے پربھ جوت پرگٹائے۔ جوت پرگٹائے آپ پربھ، جوت للاٹ جگائے۔ کر جائے اُتپت چار ورن پربھ سرنی لائے۔ مہاراج شیرسِنگھ تیری کوئی نہ جانے گت مِت، گُرمُکھ وِرلا تیرا بھیو کل پائے۔ سنتن پربھ اپنا بھیو کُھلایا۔ دے درس اگیان اندھیر مِٹایا۔ توڑ آتم حرص، برہم سروُپ بنایا۔ مہاراج شیرسِنگھ ہِردے امرت ساچا برس، دسواں دوار کُھلایا۔ کُھلے دوار ہوئے جوت پرکاشے۔ اندھ اگیان وِچوں دیہہ ناسے۔ سنتن سنگ سدا پربھ واسے۔ مہاراج شیرسِنگھ کلجُگ دُشٹ کرے انت ناسے۔ دُشٹ دُراچار سو جن کہائے۔ مد ماس جو رسنا لائے۔ ساچا پربھ لیا بُھلائے۔ پرگٹی جوت کل گوبِند رائے۔ بھگت جناں در گھر ہوئے سہائے۔ سادھ سنگت مِل ہرِ جس گائے۔ پربھ ابناشی جوت پرگٹائے۔ سنت جناں پربھ آپ وڈیائے۔ مہاراج شیرسِنگھ تیرا ناؤں کلجُگ ساچی نائے۔ سنت منی سِنگھ وڈ سنتن سنتا۔ اُتم کیِیا پربھ وِچ کلجُگ جیِو جنتا۔ سَتگُر بنایا پرگٹی جوت پربھ بھگوَنتا۔ تخت بہایا رکھے سِر ہتّھ، پربھ ساچا کنتا۔ ندری ندر کر پار کرایا جگ وڈ مہنتا۔ مہاراج شیرسِنگھ کل تیری وڈیائی، مان دوائے وِچ سادھن سنتا۔ سنتن من کل بھیا انند۔ آتم توڑے پربھ ہؤمے بند۔ ہوئے پرکاش جِؤں آکاش چند۔ سیِتل آتم اُتم سُکھ پرمانند۔ مہاراج شیرسِنگھ امرت ورکھے، سُکھ پائے جیِو نِجانند۔ نِجانند جیِو نِج وِچار۔ امرت ورکھے پربھ کِرپا دھار۔ کلجُگ مایا بُھلایا سنسار۔ نظر نہ آئے پربھ اگمّ اپار۔ جوت سروُپ کل کیِیا آکار۔ نِہکلنک نِراہار نِرویَر، کلجُگ آیا جامہ دھار۔ مہاراج شیرسِنگھ کل ورتاوے، سرِشٹ سبائی ہوئے خوار۔ آتم بُدھ آپ پربھ

ماری۔ مایادھاری ہوئے ہنکاری۔ رسنا لوبھی جیِو سنساری۔ پربھ پچھانے کوئی نر ناری۔ پرگٹے کل پربھ آپ مُراری۔ بےمُکھ جائن جنم جوُاے ہاری۔ گُرسِکھ دیوے ساچا نام ادھاری۔ مہاراج شیرسِنگھ جوت سروُپ، پرگٹ جوت پَیج سواری۔ بھگت جناں ہرِ آپ سوارے۔ رسنا جپ جپ ہرِ نام اُترے پارے۔ انتکال کل جائن سچ دوارے۔ جوت پرکاش ہوئے جوت چمتکارے۔ انحد شبد دُھن سدا گُنجارے۔ کُھل جائے آتم سُنّ، جِس نوُں بخشے آپ گِردھارے۔ سب لوچن دیکھن مُن، پربھ دیوے سنت پیارے۔ مہاراج شیرسِنگھ سنت منی سِنگھ چُن، سَتجُگ اُپجایا پُرکھ اپارے۔ سَت پُرکھ سد آیا۔ قلم پکڑ وِچ ہتّھ کلجُگ لیکھ لِکھایا۔ کوئی نہ رہے کِسے دی اکڑ، پربھ اپنی جوت پرگٹایا۔ سب چرن لیاوے پکڑ، راجا رانا تختوں لاہیا۔ مہاراج شیرسِنگھ تیری وڈیائی، تیرا بھیو کِسے نہ پایا۔ راجا رانا کوئی نہ دیِسے۔ پرگٹے جوت پربھ آپ جگدیشے۔ انتکال ورن چار ہوئے اِک رنگ اِکیسے۔ جھُلے چھتر نِہکلنک تیرے سیِسے۔ امرت ساچا نام، کوئی وِرلا گُرمُکھ پیِسے۔ گُرمُکھا تیرا مان، بےمُکھ نہ ہوئے ریِسے۔ پرگٹی جوت بھگوان، کلجُگ جیِو دو پھاڑا پیِسے۔ مہاراج شیرسِنگھ گُنی نِدھان، ورتائے کھیل ہوئے بیِس اِکیِسے۔ ورتے کھیل پربھ اتھاہ۔ انتکال کل کِسے ملِے نہ سچّا شاہ۔ تھل جل جل تھل پربھ چار کُنٹ دئے وہا۔ جوت سروُپی جوت پربھ وِچ سِکھ رہیا سما۔ مہاراج شیرسِنگھ تیرے چوج، سب در آئے موُرکھ پت جائے گوا۔ گُر در دربارا، وسے پربھ سچّا نِرنکارا۔ کھنڈ برہمنڈ جوت آکارا۔ سرب سرِشٹ پربھ پسر پسارا۔ جیِو جنت دیِیا جوت ادھارا۔ مانَس جنم گوایا، موُرکھ جیِو نہ کرے وِچارا۔ گُرسِکھاں بھیو کُھلایا، پربھ کھول دسم دوارا۔ مہاراج شیرسِنگھ درس دِکھایا، امرت دیوے سچ بھنڈارا۔ بھگت بھنڈاری پربھ اکھوائے۔ در آئے مان دِوائے۔ جو جن چرنی سیِس جھُکائے۔ بےمُکھ ہسّ ہسّ نسّ نسّ گھر مُڑ جائے جِؤں سُننجے گھر کاؤں بِللائے۔ گُرمُکھ پی امرت نام، آتم ترِکھا بُجھائے۔ مہاراج شیرسِنگھ درس دان دے لوچن جوت جگائے۔ جوت جگائے آپ پربھ، مِٹ جائے اندھیرا۔ ہوئے جوت پرکاش، جیِو نہ سوُجھے سنجھ سویرا۔ دُکھ درد جائن نسّ،

جِنہاں مِلیا پربھ نیرن نیرا۔ سنت منی سِنگھ وِچ پربھاس، بھنڈالی لایا ڈیرہ۔ مہاراج شیرسِنگھ جوت پرکاش، ویلے امرت سرِشٹ سبائی ڈھایا ڈھیرا۔ سرِشٹ سبائی خاک رُلائی، جوت نِرنجن آئی جگ۔ جوت پرگٹائی پےَ جائے دُہائی، پاپ اندھیری گئی وگ۔ نہ کوئی ہوئے سہائی، دُکھی جیِو بِللائے کلجُگ جیِو جلائے پاپاں اگّ۔ مہاراج شیرسِنگھ ہوئے سہائی، آتم جوت جیِو جائے جگ۔ جگے جوت اگمّ اپاری۔ سادھ سنگت بھرے بھنڈاری۔ در گھر آئے پربھ پَیج سواری۔ نِرنجن جوت گُرسِکھ آتم کرے اُجیاری۔ مہاراج شیرسِنگھ کلجُگ پرگٹے، نِہکلنک اوتاری۔ آوے جاوے اپنا بھیوَ نہ کُھلاوے۔ اُپجاوے ڈھاہوے اپنا کھیل نہ کِسے دِکھاوے۔ راوے گاوے تِس جن پربھ ساچی سوجھی پاوے۔ مہاراج شیرسِنگھ جوت پرکاش، بےمُکھ رہن نہ پاوے۔ نام وِہُنا بےمُکھ موآ۔ بےمُکھ نِندک رہے نہ دوآ۔ امرت جھِراوے پربھ آتم چوآ۔ مہاراج شیرسِنگھ درس دِکھاوے، گُرسِکھ جگاوے سوآ۔ امرت جھِرنا آتم جھِرائے۔ امرت بوُند کوَل میں پائے۔ کھول کوَل ترےَبھوَن سُجھائے۔ جنم جنم دی سوجھی پائے۔ پرگٹ جوت سنتن وڈیائے۔ سنت منی سِنگھ سَتگُر سَتجُگ بنائے۔ مہاراج شیرسِنگھ جوت سروُپ، کلجُگ بےمُکھاں دِس نہ آئے۔ دیِسے نہ پربھ جوت سروُپ۔ جوت سروُپ جوت آکار نہ کوئی رنگ روُپ۔ بھگتن آئے پَیج سوارے پربھ ساچا بھوُپ۔ سَتجُگ ہووے تیری سِکداری، سنت منی سِنگھ سَت سروُپ۔ بھگتن دیوے نام خُماری، مہما پربھ کی بڑی انوُپ۔ مہاراج شیرسِنگھ نِرنجن جوت آکاری، دیوے درس سوَچّھ سروُپ۔ درس دان گُرسِکھاں پایا۔ آتم گیان پربھ آپ دوایا۔ نِجانند سُکھ نِج ماہِ اُپجایا۔ بھرانت بُھلیکھا سارا لاہیا۔ اوُچ نیِچ سب بھیت چُکایا۔ چار ورن پربھ اِک کرایا۔ مہاراج شیرسِنگھ جوت سروُپ تیرا انت کِنے نہ پایا۔ پربھ کا انت جیِو نہ جانے۔ اپنی مہما پربھ آپ وکھانے۔ سنتن مہما پربھ آپ لِکھانے۔ مہاراج شیرسِنگھ گُرسِکھ کلجُگ کیِئے سُگھڑ سیانے۔ منی سِنگھ جگ مان تجایا۔ اچُت پرمیشور رِدے وسایا۔ مُکند منوہر لکھّمی نرائن سِر چھتر چھایا۔ دے درس مہاراج شیرسِنگھ نِراس آس پُجایا۔ کر درس نِرمل ہوآ جیِیا۔ سنتن مِلیا پوُرب جنم بیِج جو بیِیا۔

کلجُگ بےمُکھ پائے جو کرم کل کیِیا۔ مہاراج شیرسِنگھ سرب گُنونت، جیِو کر پربھ مِلن کا ہیِا۔ پربھ ملِے پریم کر، جو جیِو آس رکھایا۔ پرگٹے جوت خیال کر، منی سِنگھ مان دوایا۔ مان دوائے آپ پربھ کلجُگ دیر نہ لایا۔ مہاراج شیرسِنگھ پرگٹ جوت، سنتن مہما آپ لِکھوایا۔ اُٹھ اُٹھ اُٹھ گُرسِکھ بےمُکھ جائن بھاگ، ویلا گیا ہتّھ نہ آیا۔ سرِشٹ سبائی پربھ ہتّھ واگ، اُلٹے وہن پربھ جگت بُھلایا۔ گُرسِکھاں نہ لاگے داغ، جِس چرنی سیِس جھُکایا۔ آتم اُپجے پربھ چرن دھیان، پربھ ساچا دَیا کمایا۔ پوُرن ہوئے گُرسِکھ تیرے بھاگ، کلجُگ پرگٹ مہاراج شیرسِنگھ درس دِکھایا۔ کلجُگ درس پربھ در کا پیارا۔ پاوے کوئی گُرمُکھ نیارا۔ مایادھاری دیہہ وِکاری بُھلا سنسارا۔ سادھ سنگت مِلیا سچکھنڈ دوارا۔ جگن ناتھ گوپال دیوے درس اگمّ اپارا۔ مہاراج شیرسِنگھ سد نال سب، جو جن کرے وِچارا۔ آتم وِچار نہ پربھ وِچاریا۔ پائے نہ سار جیِو جِس جنم سواریا۔ ہوئے خوار نہ کِسے بھرم نواریا۔ کل آیا جوت دھر نِہکلنک اوتاریا۔ پربھ بیڑا کر جائے پار، جو جن چرن آئے نِمسکاریا۔ گُر گھر ہوئے ہرِ کا دوار، جِتھے پربھ کرے جوت آکاریا۔ جوت سروُپ پربھ دُشٹ سنگھار، جن بھگتاں پار اُتاریا۔ مہاراج شیرسِنگھ جوت نِراہار، نِرویَر اکھوا لیا۔ نِرہاری پربھ نِرویَر سدائے۔ کلجُگ جیِو کل کرم کمائے۔ جامہ دھار آپ پربھ، بےمُکھاں پھڑ لیائے۔ انت نہ لیوے کوئی سار، پربھ نرک نِواس دِوائے۔ گُرسِکھاں پربھ جائے تار، گُر گوبِند جو رسنا گائے۔ مہاراج شیرسِنگھ تیرے چرن پیار، گُرمُکھ بُھل نہ جائے۔ بُھلے سو جن جِس آپ بُھلائے۔ بےمُکھ در تے رہن نہ پائے۔ گُرسِکھ پوُرا پربھ چرنی رہیا لپٹائے۔ دھنّ دھنّ دھنّ گُرسِکھ، دھنّ جنیندی مائے۔ اُتم ہویا کلجُگ مُکھ، چار جُگ پربھ مان دِوائے۔ جوت سروُپ آتم دیوے سُکھ، وِکاری دُکھ کوئی رہن نہ پائے۔ آتم اُترے من کی بُھکھ، مہاراج شیرسِنگھ در تیرا جو پائے۔ پاوے درس جِس درس دِکھاوے۔ مُگدھ اندھ اگیانی دِس نہ آوے۔ گُرسِکھ چتُر سُجانی، بُدھ بِبیک پربھ کرایا۔ ساچے ہوئے گُرسِکھ دھیانی، دِوس رَین مہاراج شیرسِنگھ رسنا گایا۔ حُکم ساچا پربھ ورتائے۔ دوُسر کوئی رہن نہ پائے۔ کُنٹ چار سچ شبد جنائے۔ آد جُگادی سرب بیادھی

پربھ انادی، ناد دھنّ اُپجائے۔ جوت نِرنجن سرِشٹی سادھی، سادھ سنگت رسنا ارادھی، گائے نہ سکے کوئی راگی نادی، پربھ کا بھیو کوئی نہ پائے۔ مہاراج شیرسِنگھ سرِشٹ سبائی لادھی، بیڑا شؤہ دریا رُڑھائے۔ بھر بھر پربھ ڈوبے پوُر۔ کلجُگ تیری آسا پوُر۔ سَتجُگ اُپجے اُپجاوے، منی سِنگھ تیرا پربھ ساچا نوُر۔ مہاراج شیرسِنگھ پار لنگھاوے، سرب جیِیاں دی سردھا پوُر۔ مان دِوائے آپ پربھ، جگت وڈیاکے۔ بھگت ترائے آپ پربھ، پرگٹی جوت ساچے در آ کے۔ گُن نِدھان آپ پربھ، نام بِھچھیا جائے پا کے۔ بھگت وچھل بھگوان پربھ، سنت بچن کل جائے سَت کرا کے۔ مہاراج شیرسِنگھ پربھ بےانت، سَتجُگ ساچا لائے کلجُگ مِٹا کے۔ مِٹے کلجُگ ہوئے دُھندوُکارا۔ کوئی نہ دیِسے رسنا جِس مد ماس آہارا۔ بےمُکھ پیِسے پِساوے پِساونہارا۔ کوُڑی کھیل کلجُگ کوُڑی کوُڑ ٹھیٹھے، پربھ لیکھ لِکھاونہارا۔ ساچا نام در گُرسِکھ پی سے، پربھ مِلیا پِلاونہارا۔ مہاراج شیرسِنگھ چھتر جھُلے تیرے سیِسے، نِہکلنک ناؤں لِکھاونہارا۔ نِہکلنک پربھ نِہکامی۔ پرگٹی جوت پربھ انترجامی۔ مان گوائے پربھ شرع سلامی۔ بھید دِکھائے دیر نہ لائے، توڑے مان ابِھمانی۔ مہاراج شیرسِنگھ تیری کوئی سار نہ پائے، بُھل ڈُل کلجُگ جیِو آتم ہوئی نادانی۔ کلجُگ جیِو نہ ہوئے دھیان۔ پرگٹے جوت وِشنوُں بھگوان۔ درس دے پربھ دیوے سوہنگ دان۔ آتم چاڑھ مجیِٹھی رنگ، پربھ بخشے شکت مہان۔ مہاراج شیرسِنگھ ساچا در، راؤ رنک اِک سمان، کلجُگ پرگٹے وِشنوُں بھگوان۔ سُکے پھل پربھ لائے ڈالی۔ سنتا سِنگھ آتم ہوئی خالی۔ منگ بِھکھ پربھ چاڑھے لالی۔ ساچا پربھ لیکھ جائے لِکھ، نہ منگے کوئی دلالی۔ سوہنگ نام پاوے بِھکھ، دو جہاناں والی۔ بےمُکھ در ناچے جِؤں رچھّ، پربھ جوت سدا چھپالی۔ مہاراج شیرسِنگھ سَت سَت سَت تیرا سِکھ، جِس چرن پریِتی لا لی۔ بھانا ورتے ہرِ کے بھانے۔ کلجُگ جیِو کوئی نہ جانے۔ کلجُگ نہ رہسی کوئی راجے رانے۔ شبد جگائے پربھ اُٹھائے ستّر لکھّ پٹھانے۔ جیِو جنت انجانے پئے کُرلان، داڑھاں ہیٹھ بچّے چبانے۔ کلجُگ بُھجن جیِو جِؤں بھٹھیالے دانے۔ مہاراج شیرسِنگھ سب کُچھ ورتے تیرے بھانے۔ جگت ہویا کلجُگ اندھ، گُرسِکھ سوہن چرن مُکند۔ آس پاس

پاس آس بیاس۔ پرگٹی جوت پربھ گُنتاس۔ سنت سُہیلا کرے سنت واس۔ ساچا دھام کرے پرکاش۔ مہاراج شیرسِنگھ سچّا شاہباس۔ وِچھڑ ملِے مِل نہ وِچھڑے، انتکال کل آیا۔ جیِو جنت پیِڑائے تیل سب پِڑے، پربھ ساچا بچن لِکھایا۔ پربت سب جگت دے ہِلے، پربھ جوت سروُپی دے ہِلایا۔ پربھ گڑھ گوڑ توڑے قِلہ، سوہنگ بان کلجُگ لایا۔ مہاراج شیرسِنگھ جو جن ملِے، مِل پربھ مہا سُکھ پایا۔ سچ شبد پربھ سچ لِکھاونا۔ نِربھےَ ہوئے جِس پربھ رسنا گاونا۔ کلجُگ پائے سُکھ نہ کِسے دُکھاونا۔ کر جیِو ارداس پربھ پرگٹ ہوئے دِکھاونا۔ ہنکار نِوار دُشٹ سنگھار، پربھ ساچے راہ تے لاونا۔ جگت بھنڈار دے امرت بھنڈارا، آتم گیان مِٹاونا۔ مہاراج شیرسِنگھ نِہکلنک اوتار، چار کُنٹ جےَ جَیکار کراونا۔ جیِو جنت جے پربھ ڈُلاوے۔ پربھ ابناشی نام مِٹ جاوے۔ پرگٹ جوت سروُپ پربھ درس دِکھاوے۔ مہاراج شیرسِنگھ کر ساچا بھؤ، نِربھےَ ہوئے گُرسِکھ تراوے۔ دھنّ دھنّ دھنّ گُرسِکھ، پربھ ابناشی جِس گھر میں پایا۔ آتم پربھ لاہے بُھکھ، سانتک روُپ پربھ وِچ سمایا۔ مہاراج شیرسِنگھ کلجُگ اندر، پرگٹ جوت نِہکلنک ناؤں دھرایا۔ شبدی شبد لِکھاوے بانی۔ بےمُکھاں آتم مارے کانی۔ بےمُکھ وِرلے اِیشر جوت پچھانی۔ سنت منی سِنگھ سَتجُگ تیری رہے نِشانی۔ اٹّھ جیٹھ کل پھیر نہ آونا۔ در گھر پرگٹ جوت پربھ پِھر نہ سُہاونا۔ پرگٹے جوت پربھ کھولے سوت، گُرسِکھاں گیان برہم دِواونا۔ مہاراج شیرسِنگھ دھنّ دھنّ دھنّ گُرسنگت چرن لاگ جِس انت سُکھ پاونا۔ گیا آیا پربھ بھیو چُکایا۔ جوت سروُپ دھار کھیل کلجُگ اندر اپنا بھیو کُھلایا۔ سُہائے تھان سو در مندر، جِتھے پربھ منی سِنگھ مان دِوایا۔ بےمُکھ در جِؤں بندر، من وِچ ہنکار رکھایا۔ ہوئے نِمانا پربھ آتم توڑے جندر، سوہنگ کُنجی پربھ شبد لِکھایا۔ پربھ ساچا وسے دیہہ اندر، بےمُکھاں بھیوَ نہ پایا۔ مہاراج شیرسِنگھ کلجُگ اندر، جوت سروُپی جگت ڈُلایا۔ پربھ آئے وقت وِچار کر، لیکھ لِکھائے لیکھے۔ پربھ جائے جنم سُدھار کر، جو جن آئے درشن پیکھے۔ بےمُکھاں جائے مار کر، جو رہے بھرم بُھلیکھے۔ گُرسِکھاں جائے شبد ادھار کر، مانَس جنم لایا لیکھے۔ مہاراج شیرسِنگھ جوت

آکار کر، تُدھ گُرمُکھ ویکھے۔ گُرمُکھ گُرسِکھ دو جن، پربھ جوت ایکا۔ سادھ سنگت تیری وڈیائی دھنّ، رسن جپ ہوئے بُدھ بِبیکا۔ جِس آتم لیا منّ، درس پربھ ایکں ایکا۔ مہاراج شیرسِنگھ کلجُگ اگن گُرسِکھ نہ لاوے سیکا۔ سنتن سنگ ملِے وڈیائی۔ سادھ سنگت پربھ رہیا سمائی۔ دھنّ دھنّ دھنّ گُر سنگت، دِوس رَین رہے پربھ جس گائی۔ جو در آئے جوڑ ہتّھ منگت، ساچی بِھچھیا پربھ جھولی پائی۔ آتم چاڑھے نام سوہنگ رنگت، کلجُگ ملِے جیِو وڈیائی۔ بُھل نہ جیِو جِس بنائی بنت، بھرم بُھلیکھے جنم گوائی۔ مہاراج شیرسِنگھ جوت سروُپ، پرگٹ وِچ سادھ سنگت ہنکار نِوارے سرب سُکھدائی۔ نِوار نِوار ہنکار پربھ ہنکاریا۔ سَت پُرکھاں دے ادھار، پربھ ساچے کاج سواریا۔ کل نِرمل جوت آکار کر، مِلن کرِشن مُراریا۔ گُرمُکھ اُتم وِچ سنسار، لِکھاوے لیکھ پربھ آپ سنساریا۔ مہاراج شیرسِنگھ اکُھٹ بھنڈارا، گُرسِکھاں دیوے وربھنڈ بھنڈاریا۔ کلجُگ ہِردک ہووے ٹھنڈ، جِن مِلیا مہاراج شیرسِنگھ ایکنکاریا۔ ایکنکار ایک پربھ جوت۔ سرِشٹ سبائی رہی کل سوت۔ بھگت جناں پربھ کھولے سوت۔ بےمُکھ دُرمت در گئے روت۔ مہاراج شیرسِنگھ سَتجُگ اندر، چار ورن تیری ایکا گوت۔ شوُدر براہمن کھتری وَیش کوئی نہ دیِسے۔ ایکا جوت سرب جیِو پربھ تیرے دیِسے۔ ہنکاری دُشٹ دُراچاری انتکال کلجُگ شبد سروُپی پیِسے۔ مہاراج شیرسِنگھ سَتجُگ اندر، ورن کوئی نہ دیِسے۔