کتب خانہGranth 4 (Urdu)

۵ ماگھ ۲۰۱۱ بِکرمی بوُڑ سِنگھ دے گرِہ پِنڈ برنالہ ضِلع امرتسر

ہرجن شبد ادھار، در پروانیا۔ ہرجن شبد ادھار، بھگت بھگوانیا۔ ہرجن شبد ادھار، پاربرہم پت پرمیشور اپنا آپ پچھانیا۔ ہرجن شبد ادھار، جگت پِت جگتیشور ایکا رنگ رنگانیا۔ ہرِ شبد ہرِ بھگت ادھار، جوتی جوت سروُپ ہرِ، ایکا دیوے ناد اِک ترانیا۔ ہرجن شبد بھگت اُدھاریا۔ آد انتی جُگا جُگنتی، لوک ماتی ساچی دھاریا۔ آپ بنائے ساچی بنت، گُرمُکھ ساچے ساچے سنتاں دیوے نام ہرِ گِردھاریا۔ ملِے وڈیائی وِچ جیِو جنتاں دُھن دُھنا ساچا راگ ایکا بانی آپ اُپجا رہیا۔ ہرجن ساچا سُگھڑ سیانا، آتم وسیا پد نِربانی، جم کی کانی آپ چُکا رہیا۔ امرت آتم سچ سُہاوا تال ایکا دیوے دھیِرج پانی، سَت سنتوکھا انتم موکھا امرت دھار ٹھنڈی ٹھار، کایا گاگر ڈوُنگھے ساگر آپے آپ اُپجا رہیا۔ ہرجن میِتا رسنا چیِتا، مانَس دیہی جامہ جیِتا، پُرکھ ابناشی گھٹ گھٹ واسی کرے پتت پُنیِتا، در گھر آئے بنک دوار، ہرِ کرتار، آپے آپ سُہا لیا۔ نر ہرِ ساچا راکھو چیتا، آپے پرکھے آتم نیِتا، ساچا راگ اِک سُنائے، مان رکھائے اٹھارہ دھیائے گیِتا، جوتی جامہ سِری بھگوانا، کلجُگ تیرا انتم ویلا شبد سُہیلا آپ بنا رہیا۔ ہرِ شبد اپار جگت اڈولیا۔ گُرمُکھ وِرلا کرے پیار، رسنا ہرِ ہرِ بولیا۔ ایکا بخشے چرن پیار، پوُرے تول ہرِ ساچے تولیا۔ امرت آتم ٹھنڈی دھار، سَت سروُپی آپے چو رہیا۔ شبد پوَن اِک اُڈار، اونی گوَنی پسر پسار، ترےَبھوَن بوُجھ بُجھا رہیا۔ شبد لگائے ساچا ڈنک۔ آپ اُٹھائے راؤ رنک۔ گُرمُکھ ساچے بھگت اُدھارے، جِؤں راجا جنک۔ پربھ ابناشی ویکھ وِچارے، گُرمُکھ ساچے پاوے سارے، کلجُگ تیری انتم وارے،

اِک لگائے آتم جوتی ساچی تنک۔ ساچی جوت کر آکارے۔ ورن گوت وسے باہرے۔ اِک محل اٹل اچل اتھل، جوتی جامہ سِری بھگوانا، پرگٹ ہوئے والی دو جہاناں، گُرمُکھ ساچے ویکھ وکھانے، دَیا کمائے واسی پُری گھنک، دیوے درس در دوار ہرِ اموگھا۔ گُرمُکھ وِرلا پائے سار، جِس جن بخشے چرن پیار، لِکھیا لیکھ دُھر سنجوگیا۔ کلجُگ تیری انتم وار، لکھّ چؤراسی گئی ہار، چاروں کُنٹ ہاہاکار، نہ کوئی کرے بند کھلاسیا۔ کلجُگ مایا جگت وِکار، آتم اندھی بےمُہار، جھوُٹھا بانا تن شِنگار، نر ہرِ نہ کوئی پچھانیا۔ پُرکھ ابناشی جامہ دھار، اِک اُٹھائے شبد کٹار، ویکھ وکھانے وارو وار، شاہ شہانہ راج راجانیا۔ جوتی جامہ سِری بھگوانا، نِہکلنک بلی بلوانا، گُرمُکھ ساچے سچ دوارے۔ آتم اندر ساچے مندر ساچا ڈیرہ لانیا۔ ساچا مندر گُرمُکھ بھاگ۔ آتم جوتی نوُر نوُرانی اِک چراغ۔ نہ کوئی ورن نہ کوئی گوتی، دُئی دوَیتی دھووے داغ۔ آپ اُٹھائے آتم سوتی، جگت بُجھائے ترِشنا آگ۔ جوتی جامہ سِری بھگوانا، نِہکلنک بلی بلوانا، گُرمُکھ ساچے سنت دُلارے، اِک سُنائے ساچا راگ۔ رنگ رنگیِلا شبد ترانہ۔ آپ چلائے دَیا کمائے، جوتی جوت سِری بھگوانا۔ اندرے اندر درس دِکھائے، ڈگمگائے جوت مہانا۔ بےمُکھ جیِواں دِس نہ آئے اٹھسٹھ تیِرتھ در بھؤندے، ہتّھ نہ آئے کوئی نِشانہ۔ گُرمُکھ ساچے در گھر ساچے پُرکھ ابناشی کنت سُہاگا آتم سیجا ساچی پاؤندے، ساچا نام اِک وکھانا، جوتی جوت سروُپ ہرِ، آپ اپنی کِرپا کر، دیوے نام گُن نِدھانا۔ ساچا نام نِدھان، جگت ونجاریا۔ ہرِ چرن کوَل دھیان، ایکا دیوے شبد بِبانیا۔ دُھردرگاہی سچ اُڈان، پوَنی شبدی جوتی میل مِلا رہیا۔ پُرکھ ابناشی چتُر سُجان، گُرمُکھ ساچے پار اُتارے، موُرکھ مُگدھ انجانیا۔ جوتی جامہ سِری بھگوانا، ہرجن ساچے وِچ مات پچھانیا۔ نِرگُن روُپ اپار، کِسے نہ جانیا۔ نِرگُن روُپ اپار، کھیل مہانیا۔ نِرگُن روُپ اپار، کِسے ہتّھ نہ آوے راجے رانیا۔ نِرگُن روُپ اپار، کھانی بانی پڑھ پڑھ تھکے انجیل قُرآنیا۔ نِرگُن روُپ اپار، نہ کوئی منّے جیِو نادانے، وسے ساچے گھر سچ ٹِکانیا۔ نِرگُن روُپ اپار، کِسے دِس نہ آئے در، سچ محل نہ کِسے وکھانیا۔ نِرگُن روُپ اپار، آپے کرے ول چھل، اچھل اچھل اِک اکھوا رہیا۔ نِرگُن روُپ اپار، آپے وسے جل تھل، تھل جل آپ سما رہیا۔ نِرگُن روُپ اپار، جوتی جوت سروُپ ہرِ، آپے جانے اپنی دھار۔ نِرگُن روُپ اپار، جگت امولیا۔ نِرگُن روُپ اپار، کِسے نہ تولیا۔ نِرگُن روُپ اپار، ساچے در دوار در دوارا کِسے نہ کھولیا۔ نِرگُن روُپ اپار، آنا جانا اپنے گھر ساچے سر، شبد بھنڈارا آپے ایکا کھولیا۔ نِرگُن روُپ اپار، جوتی جوت سروُپ ہرِ،

آپ اپنے رنگ آپے مؤلیا۔ نِرگُن روُپ اپار انِدھانیا۔ نِرگُن روُپ اپار، نہ کِسے وکھانیا۔ نِرگُن روُپ اپار، ایکا ایک ایک بھگوانیا۔ نِرگُن روُپ اپار، آپے وسے آپے جانے سچ ٹِکانیا۔ نِرگُن روُپ اپار، لکھّ چؤراسی بنت بنائے، ساچی وست اِک ٹِکائے، پوَنی شبدی جوتی نوُر مہانیا۔ نِرگُن روُپ اپار، ورن گوتی نہ کوئی جنائے، مات پِت نہ گود اُٹھانیا۔ نِرگُن روُپ اپار، جوتی جوت سروُپ ہرِ، ایکا اپنا رنگ آپے آپ پچھانیا۔ نِرگُن روُپ اپار، اولّڑی دھاریا۔ نِرگُن روُپ اپار، اِک اگمّڑی ساچی جوت آکاریا۔ نِرگُن روُپ اپار، دِسے نہ کِسے کایا کھلڑی، ساچے مندر آپ سُہا رہیا۔ نِرگُن روُپ اپار، سد اتول کدے نہ تُلڑی، سرِشٹ سبائی آپ تُلا رہیا۔ نِرگُن روُپ اڈول، لکھّ چؤراسی آپ ڈُلا رہیا۔ نِرگُن روُپ اپار، ہرِ ہرِ وڈّا شاہو بھوُپ، جوتی نوُرا سَت سروُپ، سچ سِنگھاسن ایکا ایک ڈگمگا رہیا۔ سچ سِنگھاسن ہرِ ٹِکانا۔ نہ کوئی جانے جیِو جنت نادانا۔ پوَن شبد نہ کِسے پچھانا۔ جوتی جامہ سِری بھگوانا، نہ کوئی ویکھے چڑھ بِبانا۔ سچ ٹِکانا ہرِ بھگوان۔ جوتی جامہ نام نِشان۔ لکھّ چؤراسی کھیل رچانا، آپ اپنا جانے کام۔ جوتی جامہ بھیکھ وٹانا، آپ رکھائے اپنا نام۔ سرِشٹ سبائی لیکھ لِکھانا، پُریاں لوآں سُہائے دھام۔ سَت ستوادی میخ لگوانا۔ امرت پیائے ساچا جام۔ جوتی جوت سروُپ ہرِ، آپ اپنی کِرپا کر، کُھلے رکھے سدا در، پوُر کرائے گُرمُکھاں کام۔ نِرگُن نام نِدھان، شبد خزانیا۔ گُرمُکھاں دیوے کر دھیان، پُرکھ ابناشی چتُر سُجانیا۔ ساچا شبد بھگت بِبان، چار کُنٹ دہ دِش اُڈانیا۔ آتم جھُلے دھرم نِشان، جگت وِکارا دوُر کرانیا۔ ایکا بخشے چرن دھیان، نر نرائن سِری بھگوانیا۔ اٹّھے پہر پیِن کھانا، نام نِدھان ہرِ ساچا رسن وکھانیا۔ پنچم تتی ساچا یُدھ، نِرمل بِبیکی آتم بُدھ، پربھ ساچا دھیِر دھِ رانیا۔ چِٹّے اَسو شبد گھوڑے مار چھال بہنا کُد، پُرکھ ابناشی ساچا در وکھانیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے سنت دُلارے، ساچا دیوے نام ورے وڈ خزانیا۔ نِرگُن شبد اپار، بھگت ادھاریا۔ دیونہار داتار سرب سنساریا۔ کوٹن کوٹ کھڑے دوار، پربھ ابناشی گھٹ گھٹ واسی، ایکا ایک جگت ٹیکا وڈ بھنڈاریا۔ جوتی جوت سروُپ ہرِ، ایکا شبد سَت سنتوکھی، آتم وست گُرمُکھاں آپ ورتا رہیا۔ شبد بھنڈار ہرِ دوار۔ گُرمُکھاں منگے کر پیار۔ اُترے بُھکھ کلجُگ مایا ترِشنا ہوئے خوار۔ ہؤمے وِچوں جائے دُکھ، ایکا رس رسن رسائن ساچا شبد ہرِ کرتار۔ مات گربھ نہ اُلٹاں رُکھ، آتم بھرے ہرِ بھنڈار۔ لوک ماتی اُجل مُکھ، ہرِ سنت سُہیلا ساچا میلا، ایکا دِسے در دربار۔ جوتی جوت سروُپ ہرِ، آپ اپنی کِرپا کر،

جن بھگتاں دیوے شبد ادھار۔ نِرگُن شبد اپار، سرب پساریا۔ گُرمُکھ وِرلا پائے سار، منگے ہرِ اپاریا۔ کلجُگ انتم لنگھے پار، ایکا ایک آتم رس ہِردے وس، ساچو سچ دھیا رہیا۔ شبد تیِر پربھ مارے کس، پنج دوُت در جائن نسّ، ساچا گھر کُھلا رہیا۔ امرت آتم ہرِ رس، سچ راہ پربھ جائے دسّ، شبد دھار کر پیار، ایکا ایک وکھا رہیا۔ جوتی جوت سروُپ ہرِ، گُرمُکھ ساچے سنت جناں دیوے نام شبد اپارے، لوک ماتی سچ ونجارے، آتم جھولی آپ بھرا رہیا۔ آتم جوتی بھرے بھنڈار۔ آتم پردہ رہیا کھول، شبد کٹارا ایکا مار۔ ہؤلی ہؤلی رہیا بول، انحد دُھن سچّی دُھنکار۔ بھاگ لگائے کایا چولی، مانَس دیہی بھگت سیجا جوتی نوُر کر آکار۔ لگّے بھاگ کایا ڈولی، پُرکھ ابناشی جوت مؤلی، ساچا شبد دُھردرگاہی ساچی بانی، ایکا دیوے سچ ہُلار۔ جوتی جامہ سِری بھگوانا، ایکا رنگ ساچا سنگ، در دوارے ساچی منگ، منگن آیا جن پیار۔ ساچی منگ ہرِ دربار۔ آتم دیوے ایکا رنگ، اُتر نہ جائے دوُجی وار۔ آپ نِبھائے اپنا سنگ، مانَس دیہی پَیج سوار۔ امرت نیِر وہائے گنگ، کایا ساگر ڈوُنگھی دھار۔ آپے کٹے جگت بُھلیکھا بُھکھ ننگ، ساچا شبد اِک ادھار۔ جوتی جوت سروُپ ہرِ، گُرمُکھ ساچے سنت سُہیلے تن کرائے شبد شِنگار۔ گُرمُکھ ساچا منگن آیا، سچ درباریا۔ رنگن نام اِک چڑھایا، آتم کھولے بند کواڑیا۔ در گھر ساچے آپ بہایا، تتی وا نہ لگّے ہاڑیا۔ آتم جِندا آپے لاہیا، گُرمُکھ ساچا آپ بنایا، دُھردرگاہی لاڑیا۔ آپ اپنے کندھ اُٹھایا، جگت دھندا موہ چُکایا، آتم اندھا گُر گیان اندھیر مِٹایا۔ اِک سُنایا شبد چھندا، خوشی کرائے بند بندا، جوتی جوت سروُپ ہرِ، اپنی جوت جگا رہیا۔ جوتی جامہ سِری بھگوانا، آپ اپنے رنگ سمانا، اِک سُنائے شبد ترانہ، راگ چھتیِسا بیِس اِکیِسا، ساچے گھر سُنا رہیا۔ آتم در وجی ودھائی، پُرکھ ابناشی وسیا گھر آتم جوت جگائیا۔ امرت آتم لَینا ساچے سر، دُرمت مَیل گوائیا۔ آپ چُکائے جم کا ڈر، بھوَ ساگر پار کرائیا۔ ایکا پانا ساچا ور، لکھّ چؤراسی پھند کٹائیا۔ نہ جنمے نہ جائے مر، ہرِ چرن سرن رکھائیا۔ آپے وسے اپنے گھر، دوُسر کوئے دِس نہ آئیا۔ گُرمُکھاں کھولے بند کِواڑ، شبد تیِر اِک چلائیا۔ آپ مِٹائے پنجاں دھاڑ، آتم نیِر ٹھنڈا سیِر آتم در وہائیا۔ گُرمُکھ ساچا ساچے پؤڑے جائے چاڑھ، در دوارا نظری آئیا۔ پربھ ابناشی اَگے کھڑ، دوویں بُھجا رہیا اُٹھائیا۔ آپ پھڑائے اپنا لڑ، گُرمُکھ وکھائے دسواں گھر، ساچی جوت ڈگمگائیا۔ جوتی جوت سروُپ ہرِ، گُرمُکھ ساچے سنت دُلارے، شبد دات وڈ کرامات آتم جھولی آپ بھرائیا۔ آتم جھولی تن بھرائیندا۔ شبد چولی گُرمُکھ ساچے

ساچے تن پہنائیندا۔ بجر کپاٹی رہیا کھولی، ہؤلی ہؤلی جوت جگائیندا۔ جوتی جوت سروُپ ہرِ، آپ اپنی کِرپا کر، شبد بھنڈار ہرِ ورتارا جن بھگتا بِھچھیا پائیندا۔ ساچی بِھچھیا ہرِ دوار۔ پوُرن اِچھیا آپ کرائے، گُرمُکھ منگے کر پیار۔ آتم دِشا اِک وکھائے، جوت جگائے اپر اپار۔ ساچی سِکھیا دے مت سمجھائے، شبد گُر گُر شبد نِرگُن روُپ اپار۔ دُھردرگاہی لِکھیا لیکھا کوَن مِٹائے، سرگُن دیوے ساچی دھار۔ جوتی جوت سروُپ ہرِ، دُھردرگاہی آد انتا جُگا جُگنتا آپ اپنی جانے دھار۔ آپے جانے دھار آپ سمالیا۔ پوُرب کرم رہیا وِچار، گُرمُکھاں کرے پرِتپالیا۔ مانَس جنم رہیا سوار، پھل لگائے کایا ڈالیا۔ جوتی جوت سروُپ ہرِ، دیِپک جوتی ایکا ایک بالیا۔ ہرِ شبد اپار، برہمنڈ سہاریا۔ ہرِ شبد اپار، وربھنڈ جَیکاریا۔ ہرِ شبد اپار، آپ چلائے نوَ کھنڈ، ایکا ایک سچّی دھاریا۔ ہرِ شبد اپار، پُریاں لوآں رہیا ونڈ، آپے آپ بنت بنا رہیا۔ ہرِ شبد اپار، اِک رکھائے چنڈ پرچنڈ، ساچا کھیل رچا رہیا۔ ہرِ شبد اپار، لکھّ چؤراسی دیوے دنڈ، ہرِ اپنے ہتّھ رکھا رہیا۔ ہرِ شبد اپار، گُرمُکھاں رہیا ونڈ، گُنونتا گُن وِچاریا۔ ہرِ شبد اپار، بےمُکھاں وڈّھے کنڈ، تِکھی رکھے دھاریا۔ ہرِ شبد اپار، گُرمُکھاں پائے ٹھنڈ، امرت دیوے ٹھنڈا ٹھاریا۔ ہرِ شبد اپار، بےمُکھاں آتم ہوئی رنڈ، بُھلے جیِو گواریا۔ ہرِ شبد اپار، گُرمُکھاں پائے ٹھنڈ، گُرمُکھ وِرلا آتم بنّھے ساچی گنڈھ، دُھردرگاہی وست اپاریا۔ ہرِ شبد ہرِ آپے دے ونڈ، لکھّ چؤراسی سُنا رہیا۔ ہرِ شبد اپار، وڈ خزانیا۔ ہرِ شبد اپار، مِلائے میل ہرِ بینے دانیا۔ ہرِ شبد اپار، ایکا گھر رہائے اُپجائے لکھّ چؤراسی کنّ سُنانیا۔ ہرِ شبد اپار، تِکھی رکھے ہرِ جی دھار، کایا مندر ساچے اندر، آپ وکھائے سچ ٹِکانیا۔ گُرمُکھ وِرلا پائے سار، منگے ور ہرِ دوار، دیوے نام گُن نِدھانیا۔ سولاں کرے تن شِنگار، پربھ ابناشی میِت مُرار، آتم سیجا آپ وِچھانیا۔ ملِے میل کنت بھتار، ساچا سنت ہرِ اُجیار، اندھ اندھیرا آتم اندھ مِٹانیا۔ اٹّھے پہر خبردار، ایکا مِلیا سچ سُہیلا پُرکھ ابناشی ساچا یار، وسے اِک اَکیلیا۔ جوتی جامہ سِری بھگوانا، گُرمُکھاں آتم بنّھے گانا، بےمُکھاں دِسے وقت دُہیلیا۔ شبد گانا ہرِ بنّھائیندا۔ آتم کرے اِک دھیانا، ڈوری اپنے ہتّھ رکھائیندا۔ ساچا شبد من ترانہ، ناد اناہد اِک وجائیندا۔ نال رلائے جوتی کوٹن بھانا، اِک آکار کرائیندا۔ پوَن رکھائے سچ بِبانا، شبد اَسوار کرائیندا۔ آپ اُڈائے اِک اُڈانا، اندر باہر گُپت ظاہر، اپنے بھانے آپ رہائیندا۔ گُرمُکھاں دیوے نام نِشانہ، والی دو جہاناں، دُھردرگاہی ساچا ماہی، شبدی میلا اپنا آپ مِلائیندا۔ آپے گُر آپ چیلا، اچرج کھیل مات کھیلا، در دوار

نر نِرنکار، ایکا ایک کُھلائیندا۔ سچ دوار آپ کُھلائیندا۔ ایکا رکھے نام بھنڈارا، جگت ونجارا آپ کرائیندا۔ دیندا آیا وارو وارا، لوک مات بنت بنائیندا۔ آد انت نہ کرے وِچارا ، نہ کوئی جانے جیِو گوارا، کیہڑی دھار سچّا رام اپنی آپ بنائیندا۔ بےمُکھاں لاہے تن اپھارا، ہؤمے کڈھے روگ وِکارا۔ شبد کٹارا اِک چلائیندا۔ گُرمُکھاں دیوے چرن پیارا، ساچا میلا نر نِرنکارا، ایکا رنگ ساچا سنگ، درس اموگھ انتم میل مِلائیندا۔ آپے کٹے بُھکھ ننگ، گُرمُکھ ساچے سنت دُلارے، جوتی جوت سروُپ ہرِ، شبد گھوڑے آپ چڑھائیندا۔ ہرِ شبد اپار، کھنڈا دو دھاریا۔ پکڑے ہتّھ کرتار، جُگو جُگ وارو واریا۔ لکھّ چؤراسی پائے سار، کرے کھیل اپاریا۔ پُریاں لوآں بنّھے دھار، اُچ محل اٹل مندر اندر ڈوُنگھی کندر جنگل جوُہ اُجاڑ پہاڑ آپے ویکھ وکھا رہیا۔ جیِو جنت سادھ سنت ہرِ بھگوَنت، آپے ویکھے بہتّر ناڑاں، ساچی جوتی آپ جگا رہیا۔ بےمُکھ جیِو جوُٹھی جھوُٹھی دھاڑا، کِسے نہ دِسے پِچھا اَگاڑیا۔ کلجُگ تتی وا اگن ہاڑا، مایا رانی لکھّ چؤراسی آپ چبائے اپنی داڑھا، کوئی نہ کِسے چُھڈا رہیا۔ سَت سروُپی ہوئے اُجاڑا، دھرت مات تیرا اِک اکھاڑا، کام کرودھی آتم ہنکاری جگت وِکاری اِک بنا رہیا۔ شبد اُٹھائے ساچی دھاڑا، دُھردرگاہی ساچا لاڑا، کلجُگ ویلا انتم انت ساچی بنت بنا رہیا۔ جوتی جوت سروُپ ہرِ، شبد کھنڈا کلجُگ تیرا انتم کنڈھا، لکھّ چؤراسی ایکا ڈنڈا، آپ چڑھا رہیا۔ کلجُگ تیری انتم وار۔ پربھ ابناشی پائے سار۔ ساچا کھنڈا ہتّھ اُٹھائے، دوویں رکھے تِکھی دھار۔ بےمُکھاں وڈّھی جائے کنڈاں، گُرمُکھاں دیوے نام ادھار۔ نؤ کھنڈ پرِتھمی پائے ونڈاں، ستّاں دیِپاں کر وِچار۔ شبد چلائے چنڈ پرچنڈاں، راجے رانے کرے خوار۔ گھر گھر دِسن ناراں رنڈاں، نہ کوئی کرے تن شِنگار۔ بےمُکھ جیِاں آتم ہوئی رنڈا، آتم بھریا اِک ہنکار۔ آپے کرے کھنڈ کھنڈا، مارے شبد تِکھی کٹار۔ کلجُگ انتم دیوے دنڈا، آپ اپنا گیا ہار۔ گُرمُکھاں رکھے سیِنہ ٹھنڈا، آتم جوتی شبد ادھار۔ جوتی جوت سروُپ ہرِ، آپ اپنی جانے دھار۔ ہرِ شبد بلی بلوانا۔ پُرکھ ابناشی ہتّھ اُٹھائے، لکھّ چؤراسی بنّھے گانا۔ راؤ رنک ڈنک وجائے، کِھچّ لیائے وِچ بِبانا۔ رسنا تیِر کِھچّ کمان، والی دو جہان شبد تنک اِک لگائے، نہ کوئی جانے راجا رانا۔ جوتی جوت سروُپ ہرِ، کلجُگ تیری انتم ور، آپے ورتے اپنا بھانا۔ آپے بھانا ہرِ ورتائیندا۔ راجا رانا تختوں لاہِندا۔ گئوُ غریِب نِمانا گود اُٹھائیندا۔ شبد چلے بےمُہانا، رسنا تیِر کِھچّ کمانا، والی دو جہاناں آپ چلائیندا۔ نہ کوئی سکے مات پچھان، لکھّ چؤراسی آئی ہان، آتم گیا برہم گیان، نہ کوئی ٹِکائیندا۔ گُرمُکھاں دیوے

دھرم نِشان، ایکا جھُلے وِچ جہان، نؤ کھنڈ پرِتھمی ایکا آن، شبد دھاری اِک بنّھائیندا۔ جوتی جامہ سِری بھگوانا، کلجُگ تیری کل پچھان، شبد اُٹھائے تیِر کمان، وارو واری آپ چلائیندا۔ پھڑے تیِر کمان شبد کٹاریا۔ اُٹھے نؤجوان، نر ہرِ بلی بلکاریا۔ ویکھ وکھانے بےاِیمان، آپے مار مُکانیا۔ لکھّ چؤراسی ایکا پائے آن۔ ساچا شبد دِسائے ساچی بانیا۔ آپ گوائے مان تان، ویکھ وکھائے مُغل پٹھانیا۔ ایکا جانے جانی جان، چار کُنٹ دہ دِش شبد اُڈاری اِک لگانیا۔ جوتی جامہ سِری بھگوانا، کلجُگ تیری انتم وار، لکھّ چؤراسی گئی ہار، پربھ ساچا کھیل کِھلانیا۔ ساچا کھیل کِھلائے تیِر چلائیندا۔ دھرم رائے در دوار ساچی جیل کُھلائے، لاڑی مؤت مگر لگائے، اِک بہاری ہتّھ پھڑائے، چاروں کُنٹ پھیر پِھرائیندا۔ آپے کرے ساچی کاری، ویکھی جائے وارو واری، نہ کوئی چھڈے نر ناری، بِردھ بال جوانا، گُن نِدھانا ایکا راہ چلائیندا۔ گُرمُکھاں بنّھے ہتھّیں گانا، آپے کرے انت پچھانا، ساچے مارگ لائیندا۔ جوتی جوت سروُپ ہرِ، کلجُگ تیری انتم وار، چار کُنٹاں ایکا دھکاّ لائیندا۔ چار کُنٹ ہوئے خواری۔ کِسے نہ دیِسے در درباری۔ راجے رانیاں آئی بھاری۔ اُٹھ اُٹھ ویکھن شاہ اَسواری۔ کنت بھتارا تُٹا ناتا، کِسے نہ دِسے بھَین بھراتا، کِسے نہ دِسے پِتا ماتا، واہو داہی چار یاری۔ اُمت نبھی رسوُل دی، نوُر الاہی اِک اِکلّا اِک محلہ انتم آئی بھاری۔ شبد سروُپی ہرِ جی پھڑیا تِکھا بھلّا، سوہنگ نام اپر اپاری۔ آپے سُٹے ڈوُنگھی ڈلا، میٹ مِٹائے در دواری۔ رسنا تیِر چڑھایا چِلہ، آپے کِھچے بن بنواری۔ آپ ہِلائے اُچا ٹِلّا، پربت جنگل جوُہ اُجاڑی۔ کوئی نہ دِسے کایا قِلعہ، آپے ڈھاہے ڈھاہ اُساری۔ جوتی جوت سروُپ ہرِ، کلجُگ تیری انتم وار، کرے کھیل جگت نیاری۔ کھیل جگت نیاری ہرِ بھگوانیا۔ رسنا چلے تیِر شبد نِشانیا۔ پیِر دستگیِر ہوئے حقیِر، اؤلیئے پیِر شیخ میٹ مِٹانیا۔ آپ مِٹائے بِدھنا لِکھی ریکھ، نر نرائن آتم انتر سب نوُں رہیا ویکھ، انت مِٹائے جگت نِشانیاں۔ کلجُگ ویکھے کالا بھیکھ، نہ کوئی جانے اولیِیا پیِر شیخ، مُلّا مُلّانا شاہ سُلطاناں آپے آپ بُھلانیاں۔ مؤلی مہِندی بنّھے گانا۔ اُمت نبی رسوُل دی اِک دوُجے دے نال کھہِندی، کرے کھیل ہرِ بھگوانیا۔ چاروں کُنٹ دِسا پرگٹ ہوئے اِمام مہِندی، آپ اپنی ونڈ کرائے۔ بےمُکھاں انتم کنڈ وڈّھ چنڈ پرچنڈ ایکا دھار دھرت مات تیرے اُتے آپ وہائے۔ جوتی جامہ سِری بھگوانا، آپ اپنا کھیل رچانا، بھیو کوئی نہ پائے۔ ہرِ ساچا کھیل رچائیندا۔ کلجُگ آئی انتم واری، لکھّ چؤراسی دھرم رائے دی دیوے پھاسی، ایکا تیل چڑھائیندا۔ میٹ مِٹائے مدرا ماسی، نہ کوئی دیِسے پنڈت کاشی، وید پُراناں گُر گیانا انجیل قُرآناں

شاہ سُلطاناں اٹّھے پہر نؤجوانا اپنی دھار بنّھائیندا۔ گُر گوبِند لیکھ لِکھانا۔ وڈ مرگِندا جوت جگانا۔ ساگر سِندھا تیِر چلانا۔ گُرمُکھ اُپجائے ساچی بِندا، آپ اپنی گود اُٹھانا۔ پرگٹ ہوئے ہرِ جی ہِندا، لِکھیا لیکھ پوُر کرانا۔ جوتی جامہ سِری بھگوانا، کلجُگ تیرا بھیکھ مِٹانا، لکھّ چؤراسی آپ کھپایا۔ کلجُگ مِٹے بھیکھ بھگت اُدھاریا۔ نہ کوئی دِسے اولیِیا پیِر شیخ، انتم انت ہرِ بھگوَنت اپنی کھیل رچا رہیا۔ چار یاری مِٹی ریکھ، سنگ محمد ناتا تُٹا، نہ کوئی میل مِلا رہیا۔ در در گھر گھر پاوے پُھٹا، رسنا تیِر ایکا چُھٹا، نہ کوئی جوڑ جُڑا رہیا۔ نیتر نیِر نہ دِسے گھُٹا، جوتی جوت سروُپ ہرِ، آپ اپنی جوت دھر، کلجُگ تیری انتم ور، ساچی بنت بنا رہیا۔ ساچی بنت بنائے کھیل رچائیندا۔ مہما اگنت گنی نہ جائے، بھیو کوئے نہ پائیندا۔ گُرمُکھ ساچے سنت اُٹھائے دَیا کمائے، شبد ترانہ اِک سُنائیندا۔ بےمُکھاں مایا پائے بےانت، نہ کوئی پار لنگھائیندا۔ جوتی جامہ سِری بھگوانا، کلجُگ تیرا انت نِشانہ، پہلی کوُٹے شبد جھوُٹے، تیِر نِشانہ اِک کرائیندا۔ پہلی کوُٹ چُھٹے تیر، میٹ مِٹائے اؤلیئے پیِر شاہ حقیِر دستگیِر کِسے ہتّھ نہ آئے لتھے چیِر، آتما رہی پیِڑ نہ پیِڑ کوئے ہٹائے، شبد ویلنے رہیا پیِڑ، ہڈّی ریِڑ ہست کیِڑ ایکا دھار وہائیندا۔ جوتی جوت سروُپ ہرِ، کلجُگ تیری انتم وار، آپ اپنی کِرپا کر، اپنا کرم کمائیندا۔ سوہنگ بنک دوار گُرمُکھ دواریا۔ کِرپا کر کرتار جوت آکاریا۔ مانَس دیہی جنم سُدھار وِچ سنسارا، لکھّ چؤراسی پار اُتاریا۔ آپ کٹائے جم کی پھاسی، شبد چلائے سواَسو سواسی، آتم راسی سچ منڈل کایا آپ بنا رہیا۔ آتم در دوارے ہرِ نِرنکارے، کھیل اپارے جوت آکارے، درس اموگھا دُھر سنجوگا، آپ وکھا رہیا۔ کلجُگ مایا کٹے روگا، آد انت نہ ہوئے وِجوگا، دُھر سنجوگا آپ وکھانیا۔ سچ سہارا اِک نِرنکارا، اپنا آپ رکھا رہیا۔ سچّا گھر سچّا سر وِچ سنسار، جوتی جوت سروُپ ہرِ، جوتی جامہ بھیکھ دھر، گُرمُکھ ساچے وِچ سما رہیا۔ ساچا در سچّا دربار۔ مانَس دیہی آتم در، پُرکھ ابناشی چرن پیار۔ نہ جنمے نہ جائے مر، آتم جوتی میل مِلار۔ بھرم بُھلیکھا دوُر نِوار۔ آپے دسےّ ساچی دھار۔ آتم جوتی نوُر کر، شبد دیوے ساچی دُھن دُھنکار۔ سرب کلا بھرپوُر ہرِ آپے بھرے در بھنڈار۔ جوتی جوت سروُپ ہرِ، دیونہارا سرب سنسار۔ گُر بھنڈار گُر دوارا، گُرمُکھاں وِچ سنساریا۔ منگی وست اِک اپارا، کایا بست شبد شِنگارا، پربھ ساچا تن پہنا رہیا۔ سوہنگ ساچا سیِس دستارا، نام نِرنجن تیج کٹارا، چرن پیارا جھولی پا رہیا۔ بھاگ لگائے کایا محل منارا، اِک اٹل وِچ سنسارا، شبد اپارا اِک چلا رہیا۔ گُرمُکھاں آئے چل دوارا، جوتی بھیکھ اپر اپارا، اندر

گُپت باہر ظاہرا، آپے لیکھ لِکھا رہیا۔ سچ وست ہرِ سچ بھنڈارا، پُرکھ ابناشی کِرپا دھارا، اپنا بھوگ لگا رہیا۔ جوتی جوت سروُپ ہرِ، در گھر ساچے دیوے ور، گُر سنگت آتم رس رسک نِجھر آپ چوا رہیا۔ نِجھر رس امرت دھار۔ گُرمُکھاں دیوے کر پیار۔ سچ بھنڈارا ہرِ ورتار۔ کُھلا رہے در دوارا، آد انت ایکنکار۔ ہرجن منگے بن بِھکھارا، دیونہار سرب سنسار۔ ویکھے کھیل وارو وارا، جُگ جُگنتی بنّھے دھار۔ گُرمُکھاں آتم رُت بسنتی، کوَل نابھی کِھڑے گُلزار۔ جوت پرکاشے کوٹن بھانا، پرگٹ ہوئے کایا مندر سچ مینار۔ جوتی جوت سروُپ ہرِ، آپ اپنی کِرپا کر، گُرمُکھاں پوُرن کرے بھنڈار۔ ہرِ شبد اپار، کل گھنگھوریا۔ ہرِ شبد اپار، جگت ڈھنڈوریا۔ ہرِ شبد اپار، کلجُگ دِسائے انتم انت ویلا، وقت رہِ گیا تھوڑیا۔ ہرِ شبد اپار، رہن نہ دیوے کوئی مات جوڑی جوڑیا۔ ہرِ شبد اپار، چِٹّے اَسو ہو اَسوار گھوڑیا۔ ہرِ شبد اپار، آپے ویکھے پرکھے بھنےّ کلجُگ جیِو ریِٹھے کؤڑیا۔ ہرِ شبد اپار، جُگا جُگنتر ساچی دھار، پربھ آپ رکھائے ہتّھ ہتھؤڑیا۔ ہرِ شبد اپار، گُرمُکھاں بخشے چرن پیار، انتم ویلا سچ سُہیلا، آپے آپ بہُڑیا۔ ہرِ شبد اپار، جگت سنجوگیا۔ ہرِ شبد اپار، گُرمُکھاں ساچا میل آتم رس ایکا ایک بھوگیا۔ ہرِ شبد اپار، پُرکھ ابناشی ہوئے وس، ایکا جوگ ساچا جوگیا۔ ہرِ شبد اپار، چار ورناں ساچا راہ ایکا رہیا دسّ، ہؤمے کٹے روگ کایا روگیا۔ ہرِ شبد اپار، کلجُگ مِٹائے اندھ اندھیار مس، ساچا سچ کرے آکاریا۔ ہرِ شبد اپار، کوُڑ کُڑیارا جائے نسّ، مارے تیِر اِک اپاریا۔ ہرِ شبد اپار، جوتی جوت سروُپ ہرِ، گُرمُکھاں دیوے سچّا ور، کِرپا کر جگت کرتاریا۔ ہرِ شبد اپار، بھگت جگت اڈولیا۔ ہرِ شبد اپار، کِسے نہ تولیا۔ ہرِ شبد اپار، آتم اندر ساچے مندر، گھٹ گھٹ شبد بولیا۔ ہرِ شبد اپار، کھولی تاڑی آتم واڑی، اِک سُنائے سچّا ڈھولیا۔ ہرِ شبد اپار، در گھر ساچے جائے واڑی، نہ کوئی رکھے پڑدہ اوہلیا۔ ہرِ شبد اپار، گُرمُکھاں دیوے اِک ادھار، نیڑ نہ آئے مؤت لاڑی، در دوارا سچّا کھولیا۔ ہرِ شبد اپار، سچ گھوڑ پربھ دیوے چاڑھ، گُرمُکھ ساچا چرن پریِتی گھول گھولیا۔ ہرِ شبد اپار، جوت جگائے بہتّر ناڑ، آپ کرائے در گھر ساچے گولیا۔ ہرِ شبد اپار، گُرمُکھ ساچے آتم در آپ دِسائے، بھاگ لگائے کایا چولیا۔ کایا چولے لگّا بھاگ۔ پُرکھ ابناشی آپے بولے، آتم ترِشنا بُجھے آگ۔ اِک سُنایا ساچا ڈھولے۔ مان گوائے چھتّی راگ۔ آپے وسے پڑدے اوہلے، دیِپک جوتی جگے چِراغ۔ گُرمُکھاں ہرِ جی پڑدے کھولے، پوُرے تول انتم تولے، اندرے اندر پکڑے واگ۔ آتم ساچا نیِر وِرولے، پُرکھ ابناشی

کدے نہ ڈولے، ہرجن پریِتی جائے لاگ۔ بجر کپاٹی پڑدے کھولے، ساچی ہاٹی اِک ونجارا، نر نرائن ہرِ کرتارا، دیوے وست اِک اپارا، ساچا ونج کرے ونجارڑا، آد انت جُگاں جُگنت پوُرن بھگوَنت کدے نہ ڈولے۔ جوتی جامہ سِری بھگوانا، آپ اپنا پہرے بانا، کھیل رچائے کلا سوَلے۔ ہرِ شبد اپار، شبد تُوریا۔ ہرِ شبد اپار، گُرمُکھ ساچے سنت جناں آسا منسا پوُریا۔ ہرِ شبد اپار، کِسے ہتّھ نہ آئے، گُرمُکھ وِرلا آتم نَین ساچے ویکھے ہرِ حضوُریا۔ جوتی جامہ سِری بھگوانا، ایکا رنگ سچّا سنگ، گُرمُکھاں حاضر حظوُریا۔ ہرِ شبد تیِر کٹاریا۔ آپ اپنے ہتّھ اُٹھائے، کلجُگ تیری انتم واریا۔ سرِشٹ سبائی متھ وکھائے، بےمُکھاں ہرِ نتھ پوائے کرے کھیل نیاریا۔ کلجُگ جھوُٹھے ہو تیار۔ انتم آئی کلجُگ ہار۔ مایا جھوُٹھے جیِو گوار۔ موُدھے ہوئے ٹھوُٹھے، راجے رانے ہوئے بِھکھار۔ جوتی جامہ سِری بھگوانا، کرے کھیل اپر اپار۔ کلجُگ سویا مات جاگ۔ ویلا تیرا انتم آیا، پُرکھ ابناشی ہتّھ پکڑے واگ۔ سنگی ساتھی کوئی دِس نہ آیا، چاروں کُنٹ دہ دِشا آتم ترِشنا لگّی آگ۔ ویلے انت نہ کوئی چُھڈایا، سادھ سنت گئے مُکھ چُھپایا، مایا رانی لائے داغ۔ دھرم رائے گل پھندی پایا، آتم پرمانند گوایا، جوُٹھا جھوُٹھا چند چڑھایا، لکھّ چؤراسی ہنس بنایا کاگ۔ جوتی جوت سروُپ ہرِ، آپ اپنی کِرپا کر، کلجُگ تیری انتم وار، آپ اپنا کھیل رچایا۔ کلجُگ تیری انتم وار۔ پُرکھ ابناشی پائے سار۔ لاڑی مؤت کر تیار۔ سولاں کرے تن شِنگار۔ دھرم رائے دی اِک دُلار۔ گھر گھر ساچے ساچا ور منگن آئی، پربھ ابناشی کِرپا کر، لکھّ چؤراسی ایکا منگاں کنت بھتار۔ ہتھّیں مہِندی لہوُ لگانا، نؤ کھنڈ پرِتھمی ستّاں دیِپاں وارو وار۔ آپ کراواں گھر گھر جنگا، شبد وجاواں تیرا مردنگا، چار کُنٹ کراواں خبردار۔ راجے رانے در در منگاں، لوک مات موُل نہ سنگاں، دیئی جاواں اِک پیار۔ لکھّ چؤراسی انتم بھنگا، پرگٹے جوت سوُرا سربنگا، ایکا شبد ہرِ ہتّھ اُٹھائے، تِکھی تیِر کٹار، جوتی جامہ سِری بھگوانا، نِہکلنک بلی بلوانا، آپے جانے اپنی کار۔ لاڑی مؤت آئی دوارے۔ پربھ ابناشی کِرپا دھارے۔ دوہاں جیِاں دا اِک پیارے۔ ساچی سِکھیا در تے دیوے، دھرم رائے دی دھی پیارے۔ دُھر دا لِکھیا جھولی پائے، ماریں جیِو جنت گوارے۔ ساچی بولی اِک ویاہیں، کلجُگ نیڑے انتم وارے۔ لکھّ چؤراسی دھرم رائے دی گولی آپ بنائی، اٹھائی کُنڈاں آپے بھرے بوُہے مارے۔ پوُرے تول رہیا تولی، کلجُگ تیری انتم ہولی آپے آپ کِھلارے۔ جوتی جامہ سِری بھگوانا، گُرمُکھ ساچے سنت اُٹھائے، آپ اپنی سرن لگائے، دُھردرگاہی سچ دُلارے۔ لاڑی مؤت خوشی مناؤندی۔ پربھ ابناشی اٹّھے پہر

دھیاؤندی۔ دِوس رَین تُونہی تُوں گاندی۔ رسنا کِسے نہ سکے کہن، نہ کوئی ویکھے کیہڑی کوُٹے پہلوں آؤندی۔ پربھ آپ وکھائے گُرمُکھاں تیِجے نَین، کوُڑ کُڑیارے پہلی کوُٹے ساچے جھوُٹے آپ جھوُلاؤندی۔ میٹ مِٹائے ٹھگ چور یارے، ناتا تُٹا سنگ محمد کیِیا بھیکھ چار یارے، اُمت نبی رسوُل دی، ہؤلی ہؤلی رسن دھیاؤندی۔ ہرِ کا بھانا نہ قبوُلدی، جوتی جامہ سِری بھگوانا، نِہکلنکی پہرے بانا، ایکا کھیل کرے کرائے، شبد سچےّ ترسوُل دی۔ لاڑی مؤت تن شِنگاریا۔ بےمُکھاں نوُں واجاں مارے۔ دھرم رائے دی دھی کواری، لَین آئی لوک مات ساچے لاڑے۔ پڑدہ اپنا کجّن آئی، پی پی لہوُ رجّن آئی، آپے ویکھے چنگے ماڑے۔ گُرمُکھ ویکھے سجّن بھائی، تھاؤں تھائیں لئے جگائی، بےمُکھاں دِن آئے ماڑے۔ جوتی جامہ سِری بھگوانا، شبدی کِھچے تیِر کمانا، رسن کمان اِک اُٹھائی، لکھّ چؤراسی ویکھاں سچّے تھاں۔ لاڑی مؤت چڑھیا چاء۔ پہلاں ویکھاں راجا رانا سچّا شہنشاہ۔ کلجُگ مایا بےمُہانی، نہ کوئی اندر باہر دِسے تھاں۔ گئوُ غریِباں گلے لگانا، گُرمُکھ ساچے سنت اُٹھانا، آپ اپنی اُنگلی لا۔ جوتی جامہ سِری بھگوانا، ساچا حُکم اِک سُنانا، دُھردرگاہی سچ ملاح۔ ہرِ ساچا کاج رچائیندا۔ شبد سروُپی ساچا نوُر، چار کُنٹ اُڈائیندا۔ راجے رانیاں لتھے تاج، سچ سِنگھاسن ساچی سیجا، نہ کوئی آسن لائیندا۔ در دربان نہ مارے کوئی آواز، چوبدار نہ کوئے سُنائیندا۔ جھوُٹھے دِسن ساج باج، انتم لاج نہ کوئی رکھائیندا۔ چاروں کُنٹ پَینی بھاج، کل آج نہ کوئی جنائیندا۔ کوئی نہ دیوے کِسے داد، انتم ویلا نہ کوئی چُھڈائیندا۔ کھیل کرائے آد جُگاد، جُگا جُگنتر بنت بنائیندا۔ پربھ ابناشی مادھوَ مادھ، کلجُگ تیرا انتم ویلا آپے آپ سُہائیندا۔ اِک بجائے شبد ناد، راج راجاناں شاہ سُلطاناں باہوں پکڑ اُٹھائیندا۔ کلجُگ مایا جھوُٹھا کاج، انتم انت نہ کوئی دِسائیندا۔ جوتی جوت سروُپ ہرِ، آپ اپنی کِرپا کر، گُرمُکھ ساچے سنت جناں ساچا میل مِلائیندا۔ نہ کوئی راج راج راجانا۔ نہ کوئی دیِسے شاہ سُلطانا۔ ایکا شبد ہرِ جگدیِشے، چار کُنٹی تیِر کمانا۔ لکھّ چؤراسی پیِسن پیِسے، پہلی کوُٹ اِک نِشانہ۔ چھتر جھوُلے نہ کِسے سیِسے، تخت تاج نہ کوئی وکھانا۔ مِٹے بھیو بیِس اِکّیسے، لِکھیا لیکھ نہ کوئی مِٹانا۔ میٹ مِٹائے موُسے عیسے، بوُرے کّکے مِٹے نِشانہ۔ چاروں کُنٹاں پَین دھکّے، ویکھے کھیل مدینے مکّے، سنگ رلائے روُسا چیِنا۔ جوتی جامہ سِری بھگوانا، آپ اپنا کھیل رچایا، جُگتی جُگت کردا آیا، وکھ کرائے محمدی دینا۔ کلجُگ تیری انتم بان۔ لکھّ چؤراسی آئی ہان۔ جھوُٹھا تنیا مایا تان۔ کوئی نہ سکے مات پچھان۔ اِک ہنکار آتم وسے، کایا کوٹ بھری دُکان۔ سچّا در نہ کوئی دِسے،

مایادھاری بےاِیمان۔ گئوُ غریِب نِمانے پَیراں ہیٹھ جھسے، نہ کوئی دیِسے راج راجان۔ لاڑی مؤت کِھڑکِھڑ ہسّے، پرگٹ ہوئے نِہکلنک بلی بلوان۔ اِک دوارا ساچا دِسے، مات لوک دی کر پچھان۔ لکھّ چؤراسی جائے نسّے، پھڑ پھڑ مارے بےاِیمان۔ تیِر نِشانہ شبد کسے، پرگٹ ہوئے والی دو جہان۔ دھرم رائے دی پھاہی پھسے، نہ کوئی سکے انت چُھڈان۔ گُرمُکھاں ہرِ ہِردے وسے، شبد دیوے سچ بِبان۔ جم جندار جائن نسّے، در دوار کھلوتا اِک سِری بھگوان۔ جوتی جامہ سِری بھگوانا، لکھّ چؤراسی بنّھے گانا، کلجُگ تیری انتم وار، لاہُن آیا مُکان۔ کلجُگ انتم ویکھ وکھانے، شاہ سُلطان راجے رانے، مایادھاری بےمُہانے، ایکا بُھلیا ہرِ گِردھاری نر نِرنکاری۔ کلجُگ جیِو مات انجانے، جوُٹھی جھوُٹھی جگت سِکداری، انتم ویلے بنن بِھکھاری۔ پربھ ابناشی کھیل مہانے، آپے جانے اپنی کاری۔ ویکھ وکھانے وارو واری۔ بُھلے رُلے سُگھڑ سیانے، گیانی دھیانی وڈ وِدوانی۔ پنڈت پاندھے شیخ مُلّانے اندھے کانے، نہ کوئی دِسے برہم گیانی۔ نہ کوئی دیوے چرن دھیانے، پربھ ابناشی نہ پچھانے، نہ کوئی دِسے سچ نِشانی۔ کلجُگ انتم آئی ہانی۔ شبد وجے تیِر کانی۔ کِسے ہتّھ نہ آئے راجے رانی۔ جوتی جامہ سِری بھگوانا، آپ اپنی کھیل رچانا، کلجُگ مِٹے اندھیری رَین سُگھڑ سیانی۔ کلجُگ مِٹے اندھیری رَین، جگت اندھیریا۔ نہ کوئی بھائی نہ کوئی بھَین، ناتا تُٹا تیرا میریا۔ نہ کوئی سجّن سیَن، مایا جال سب نوُں گھیریا۔ اٹّھے پہر کھائے ڈَین، بھرماں ڈھاہیا ڈھیریا۔ لکھّ چؤراسی وہِندی جائے ڈوُنگھے وہن، کلجُگ انتم آیا ویلیا۔ پُرکھ ابناشی نہ کوئی ویکھے تیِجے نَین، سچ گھر وسیرا رکھا رہیا۔ رسنا کِسے نہ سکے کہن، ناد دُھن شبد راگ جگت تیاگ ایکا ایک سُنا رہیا۔ آپ چُکائے لہن دین، گُرمُکھ ساچے گُر سنگت میل مِلا رہیا۔ چار ورناں ایکا ناتا پُرکھ بِدھاتا اِک بندھا رہیا۔ دُھردرگاہی دیوے سچ سوغاتا، آپے پِتا آپے ماتا، ساچی دات جھولی پا رہیا۔ آپ مِٹائے اندھیری راتا، چرن بندھائے ساچا ناتا، کلجُگ کلنکی نار وڈ کمذاتا، شبد گیان دے سمجھا رہیا۔ نہ کوئی ویکھے ذاتاں پاتاں، اوُچاں نیِچاں راؤ رنکاں شاہ سُلطانا والی دو جہاناں آپے آپ اکھوا رہیا۔ والی دو جہان، سچّا سِکداریا۔ شبد رکھائے اِک بِبان، دھرم اُڈان اِک لگا رہیا۔ پُریاں لوآں کر پچھان، لوک مات دھیان رکھا رہیا۔ پہلی مارے ساچی جھات، برہما برہم لوک آپ اُٹھا رہیا۔ گُرمُکھ ساچے دیوے ساچی دات، ساچے دھام سُہا رہیا۔ آپے وسے اِک اِکانت، ساچی بنت بنا رہیا۔ شِو شنکر انکر دوار بنکر، جوتی جامہ سُہا رہیا۔ آپے وسے اِک اِکانت، جوتی جوت سروُپ ہرِ، انتم جوتی میل کر، آپ

اپنے وِچ سما رہیا۔ ساچی کھیل ہرِ نِرنکارا۔ ساچی پُریاں بنّھے دھارا۔ سُرپت راجا اِند کروڑ تیتیِسا راہ وِچ کرے نِمسکارا۔ سِر توں انتم انتکال کل لتھا بھارا۔ جوتی جامہ سِری بھگوانا، انتم انت پچھانے ویکھ وکھانے سچ دوارا۔ سچ دوار آپ وِچاریا۔ پربھ ابناشی سرب ویکھے، بھیو کوئی نہ پائے ساریا۔ لوک مات لکھّ چؤراسی کرم کُکرمی نہ میخ مارے شبد اُڈاریا۔ کلجُگ تیری بنھن آیا ریکھ، جوتی جامہ بھیکھ وٹا رہیا۔ میٹ مِٹائے اؤلیئے پیِر شیخ، ساچی کھیل رچا رہیا۔ گُرمُکھ ساچے نیتر نَین لوچن لَینا پیکھ، ساچا رنگ ہرِ کرتاریا۔ لکھّ چؤراسی ویکھاں ویکھ، پُری گھنک ہرِ جامہ دھاریا۔ آپ بُھلائے بھرم بُھلیکھ، مایا پڑدہ پا رہیا۔ میٹ مِٹائے بِدھنا لِکھی ریکھ، شبد تیِر اِک چلا رہیا۔ جوتی جوت سروُپ ہرِ، کلجُگ تیری انتم ور، نِہکلنکا ساچا ڈنکا، ایکا شبد وجا رہیا۔ ساچا شبد ڈنک وجائے۔ آتم شنک دوُر کرائے۔ جوتی جامہ سِری بھگوانا، آپ اپنا نام رکھائے۔ ایکا رنگ اِک اونکارا۔ نہ کوئی دِسے دوُجی دھارا۔ سَتجُگ تیرا بھیکھ نیارا۔ سوہنگ شبد اپر اپارا۔ آپ چلائے نر نِرنکارا۔ جُگا جُگنتر بنائے بنتر، ساچی دیوے وست اپارا۔ آپ اُٹھائے ساچے سنت، میل مِلائے کنت نار سُہاگن نارا۔ مایا بُھلے جیِو جنت، کلجُگ تیرا انتم انت، نہ کوئی دیوے سچ دوارا۔ جگت وِچھوڑا ساچے کنت، دِس نہ آئے پار کنارہ۔ ایکا جوتی آدن انت، بھیکھ ابھیکھ روُپ نیارا۔ نر ہرِ ہرِ نر پوُرن بھگوَنت، کلجُگ کھیل اپر اپارا۔ مہما جگت اگنت، نہ کوئی لِکھے لیکھ لِکھارا۔ جوتی جامہ سِری بھگوانا، آپ اپنے رنگ سمانا، کرے کرائے اپنی کارا۔ کرے کرائے کار کرم کمائیندا۔ سَتجُگ بنّھے ساچی دھار، پربھ اپنے ہتّھ رکھائیندا۔ منگن آؤنا چل دوار، آتم جھولی ہرِ بھرائیندا۔ لوک مات ہونا خبردار، انتم ویلے نہ کوئی چُھڈائیندا۔ دھرم رائے گھر پَینی مار، در دربان نہ کوئی مُکھ اُٹھائیندا۔ اِک سہائی سِری بھگوان، ایتھے اوتھے دو جہان سچ پریِت کمائیندا۔ انتم جھُلے اِک نِشان، چار ورناں اِک گیان، پرگٹ ہوئے نِہکلنک بلی بلوان، شبد کھنڈا دھرم جھنڈا، اپنا آپ جھُلائیندا۔ آپ اپنی پائے ونڈا، ستاں دیِپاں کرے کھنڈا، نؤ کھنڈ پرِتھمی بھانے وِچ رکھائیندا۔ جوتی جامہ سِری بھگوانا، لِکھیا لیکھ گُن نِدھانا، نہ کوئی میٹے میٹ مِٹانا، راج راجانا سِری بھگوانا آپے آپ سمجھائیندا۔ ہرِ سرن سرنائی بھرم بھؤ بھاگیا۔ ملِے نام جگت وڈیائی، گُرمُکھ سویا جاگیا۔ آتم گھر وجے ودھائی، پوُرن ہوئے وڈ وڈبھاگیا۔ دِوس رَین خوشی منائی، ہنس بنے بنائے کاگیا۔ ساچی سِکھیا گُر مت پائی، آتم دھویا داغیا۔ سر سروور تیِرتھ نُہائی، جوتی جوت سروُپ ہرِ، ساچا مِلیا میل کنت سُہاگیا۔ گُرمُکھ

گُرمُکھ گُن گُن گُن وِچاری۔ شبد پُکاری رہیا سُن، پوَن جوتی ہرِ نِرنکاری۔ لکھّ چؤراسی چھان پُن، میل مِلائے وڈ سنساری۔ کوَن جانے جن تیرے گُن، کِرپا کرے ہرِ گِردھاری۔ آتم دُھنی شبدی دُھن، راگن راگ رام مُراری۔ سنت سُہیلا ساچا چُن، آتم دیوے شبد اُڈاری۔ جوتی جوت سروُپ ہرِ، آپ اپنی کِرپا کر، اِک سُہائے بنک دواری۔ بنک دوارا ماجھ مجھار۔ شبد تاج وڈ سنسار۔ دو جہاناں رکھے لاج، جوتی جوت کر آکار۔ آپ سوارے اپنا کاج، بھیکھی بھیکھا روُپ اپار۔ جوتی جوت سروُپ ہرِ، آپ اپنی کِرپا کر، اِک سُہایا بنک دوار۔ بنک دوار ہرِ بھگوانیا۔ ہرجن ساچی پائے سار، دیوے نام نِشانیا۔ آپے توڑے جگت جنجالا، کلجُگ پھندن پھند کٹانیا۔ پھل لگائے ساچا ڈالا، امرت رس اِک وکھانیا۔ جوتی جوت سروُپ ہرِ، مہاراج شیر سِنگھ وِشنوُں بھگوان، آپ اُدھارے کِرپا دھارے گُنونتی گُن نِدھانیا۔ گُن نِدھانا ہرِ مِہربانا۔ گُرمُکھ ساچا چتُر سُجانا۔ چرن پریِتی اِک دھیانا۔ شبد سروُپی ملِے مانا۔ آپ اپنی کرے پچھانا۔ جوتی جوت سروُپ ہرِ، گُرمُکھ ساچے سنت جناں، ایکا بخشے سوہنگ شبد آتم برہم گیانا۔ آتم برہم گیان جگت سُکھدایا۔ مِلیا میل ہرِ بھگوان، پُرکھ ابناشی گھر میں پایا۔ ساچی بِدھا آپ بندھان، لکھّ چؤراسی پھند کٹایا۔ جوتی جوت سروُپ ہرِ، مہاراج شیر سِنگھ وِشنوُں بھگوان، گُرمُکھ ساچے سنت دُلارے، خوشی بند بند کرایا۔ ہرِ پوُجیا اِک بھگوانیا۔ آتم شبد کارج دوُجا، تیِجا نیتر ویکھ نَین مُندھانیا۔ چؤتھے بھیو کھولے گوُجھا، راگ اِک سُنانیا۔ جوتی جوت سروُپ ہرِ، آپ اپنی کِرپا کر، مات دیوے ور، مہاراج شیر سِنگھ وِشنوُں بھگوانیا۔ ہرِ شبد تیج کٹار۔ ہرِ شبد لوک مات وِچار۔ ہرِ شبد ساچی کل ساچی دھار۔ ہرِ شبد جوتی جوت سروُپ ہرِ، کرے کرائے اپنی کار۔ ہرِ شبد جُگت گُردیو۔ ہرِ شبد دَیا کمائے، پربھ ابناشی لیکھے لائے رسنا گائے جِہو۔ مانَس دیہی جنم دوائے، پُرکھ ابناشی وڈ دیوی دیوَ۔ جوتی جوت سروُپ ہرِ، آپ اپنی کِرپا کر، کرم کرائے ایکا ایک جگت نِہکیو۔ اِک اِکلّا ہرِ نِرنکارا۔ شبد محلہ سچ دوارا۔ ساچا بھلا وِچ سنسارا۔ جلاں تھلاں پاوے سارا۔ ڈوُنگھی ڈلا بنّھے دھارا۔ آپ وسے نِہچل دھام اٹلا، کِسے نہ دِسے کوئی کنارہ۔ جگت بُھلائے کر کر ول چھلا، جوتی جامہ کھیل اپارا۔ انتم کل مہاراج شیر سِنگھ وِشنوُں بھگوان، آپے جانے ایکا اپنا رنگ محلہ، پوُرب کرم ہرِ پچھانا، لِکھیا لیکھ پوُرن کرانا۔ جوتی جامہ دھار بھیکھ، شبد اُڈار اِک لگائے، مستک لِکھے ساچی ریکھ، لکھّ چُرسی پاوے سارا۔ وِچ سنسار بھیکھ وٹائے، جوتی جوت سروُپ ہرِ،

بھرم بُھلیکھے جگت بُھلائے۔ بُھلے جنت جیِو گوار۔ سادھ سنت نہ پائن سار۔ مایا پائے ہرِ بےانت، ہوون سرب خوار۔ ناتا تُٹے ساچے کنت، در در گھر گھر پِھرن بِھکھار۔ ہرجن بنائے پربھ ساچی بنت، ایکا منگے درس نِرنکار۔ مہما جگت اگنت، پُرکھ ابناشی گھٹ گھٹ واسی پائے سار۔ پوُرن پتونت، میٹ مِٹائے مدرا ماسی، شبد پھڑ ہتّھ کٹار۔ جوتی جوت سروُپ ہرِ، آپ اپنی کِرپا کر، کرے کھیل جن بھگتاں میل، ستاراں ہاڑی دِوس وِچار۔ شبد سُنیہڑا رہیا گھل۔ نہ کوئی کرنا ول چھل۔ ایکا دھام ایکا رام، وسے نِہچل دھام اٹل۔ پوُر کرائے اپنا کام، سچ دوارا لَینا مل۔ کایا ماٹی جھوُٹھا چام، جھوُٹھی دیہی جھوُٹھی کھلّ۔ ایکا پیِنا سوہنگ سچّا جام، جوتی جوت سروُپ ہرِ، مہاراج شیر سِنگھ وِشنوُں بھگوان، درس دِکھائے گھڑی گھڑی پل پل۔

۱۰ ماگھ ۲۰۱۱ بِکرمی صوُرت سِنگھ دے گرِہ پِنڈ بُگے ضِلع امرتسر

جوتی رانا ہرِ بھگوانا، دُھر فرمانا آپ جنائیندا۔ کلجُگ انتم وقت پچھانا، سادھ سنت بےمُہانا، گُر پیِر کوئی دِس نہ آئیندا۔ رسن وِکاری اندھا کانا، جگت خواری تُٹا مانا، نہ کوئی دھیِر دھرائیندا۔ مدرا ماس مُکھ رکھانا، کایا دُکھ روگ ودھانا، نہ کوئی انت چُھڈائیندا۔ جوتی جوت سروُپ ہرِ، آپ اپنا ورتے بھانا، ساچا شبد جنائیندا۔ سَتگُر صوُرت جانا جاگ۔ ستاراں ہاڑی لگّنی آگ۔ کِسے نہ دھونا کایا داغ۔ مدرا ماسی گھر گھر رونا، آتم جوتی بُجھے چراغ۔ پَیر پسار نہ مات سؤنا، ہنس نہ بننا انت کاگ۔ پِچھلا لیکھا پوُر کرانا، جوتی جوت سروُپ ہرِ، ساچا کھیل کنت سُہاگ۔ مدرا ماس رسن تجاؤنا۔ در گھر ساچے پھیر آؤنا۔ جوتی جامہ ہرِ بھگوانا، ساچے ہرِ سیِس جھُکانا۔ کایا ماٹی جھوُٹھا چاما، مانَس دیہی کمّ نہ آؤنا۔ ستاراں ہاڑی وجےّ شبد دمامہ، مدرا ماسی رہن نہ پاؤنا۔ جگت وِکارا دینا تج۔ گُر سنگت وِچ بہنا سج۔ پُرکھ ابناشی جگت پڑدے لئے کجّ۔ گھنک پُر واسی ایکا سچّا جام پیائے، گُرمُکھ پیِوے آتم رجّ۔ جوتی جوت سروُپ ہرِ، مہاراج شیر سِنگھ وِشنوُں بھگوان، گُرمُکھاں رکھے آپے لج۔ مدرا رسن جگت وِکاری۔ گُرمُکھ ساچا نہ کرے چرن کوئی نِمسکاری۔ کایا ماٹی بھانڈا کاچا، ایکا جوت ایکا شبد ساچی وست نر نِرنکاری۔ جوتی جوت سروُپ ہرِ، مہاراج شیر سِنگھ وِشنوُں بھگوان، ستاراں ہاڑی پُھل پُھلواڑی وِچ مات لگائے، کرے کھیل اپر اپاری۔