کتب خانہGranth 7 (Urdu)

۲۳ مگھّر ۲۰۱۵ بِکرمی گُردیو سِنگھ دے گھر پِنڈ دوسانجھ ضِلع جالندھر

ہرِ بھگوان سرب گُنونتا، ایکا ایکنکاریا۔ کھیلے کھیل جُگا جُگنتا، جُگ جُگ لئے اوتاریا۔ آپ بنائے اپنی بنتا، ابناشی پُرکھ ناؤں دھرا لیا۔ آپے ناری آپے کنتا، آپ اپنی سیج ہنڈھا رہیا۔ جوتی جوت سروُپ ہرِ، آپ اپنی جوت دھر، آپ اپنا کھیل کِھلا رہیا۔ کھیلنہار ہرِ بھگوان، ایکا ایک اکھوائندا۔ جوتی جوت جوت مہان، نوُرو نوُر سمائندا۔ شاہو بھوُپ وڈ سُلطان، راجن راج آپ ہو جائندا۔ تِھر گھر واسی ہرِ مِہربان، آپ اپنی کل ورتائندا۔ شبدی شبد بلوان، ساچا سُت اُپجائندا۔ جوتی جوت سروُپ ہرِ، آپ اپنی جوت دھر، آپ اپنا ویس وٹائندا۔ شبد سُت وڈ بلوان، ہرِ ایکا ایک اُپجائندا۔ دیونہارا دُھر فرمان، آپ اپنا حُکم چلائندا۔ آپ اپنا دیوے دان، آپے جھولی پائندا۔ جوتی جوت سروُپ ہرِ، آپ اپنی جوت دھر، آپ اپنا ویس وٹائندا۔ جُگ جُگ ویس ہرِ اولّا، ایکا ایک کرائندا۔ وسنہارا سچ محلہ، دِس کِسے نہ آئیندا۔ آپے جانے ول چھلا، اچھل اچھلّ آپ جنائندا۔ دیِپک جوتی اِک بلا، پرکاش پرکاش رکھائندا۔ شبد سُنیہڑا ساچا گھلّا، آپ اپنا روُپ وٹائندا۔ جوتی جوت سروُپ ہرِ، آپ اپنی جوت دھر، آپ اپنی رچن رچائندا۔ ہرِ کرتا ہرِ نِرنکار، اپنی بنت بنائیا۔ نِرگُن جوتی نوُر اُجیار، نوُرو نوُر سمائیا۔ شبدی شبد شبد اپار، ہرِ شبد وڈّی

وڈیائیا۔ لوآں پُریاں محل اُسار، روَ سس سیوا لائیا۔ برہمنڈ کھنڈ کر تیار، ترےَگُن بندھن پائیا۔ روُپ انوُپ آپ کرتار، آپ اپنا ویس وٹائیا۔ کھیلے کھیل اگمّ اپار، وِشنوُں روُپ آپ ہو جائیا۔ نابھی کوَلی کوَل اُجیار، پھوُلو پھوُل سمائیا۔ پاربرہم پھڑ کٹار، اپنا آپ کٹائیا۔ برہم برہم کر تیار، برہم برہم آپ ہو جائیا۔ نہ مرے نہ پئے جمّ، مات گربھ نہ کوئی اُٹھائیا۔ جوتی جوت سروُپ ہرِ، آپ اپنی جوت دھر، اپنی دھار آپ بندھائیا۔ شبد بندھن آپے پا، ترےَگُن جوڑ جُڑایا۔ پرم پُرکھ کھیل کِھلا، پاربرہم وڈیایا۔ آد نِرنجن جوت جگا، جوت نِرنجن کر رُشنایا۔ ایکا انجن نیتر پا، ایکا اکّھ کُھلایا۔ درد دُکھ بھےَ بھنجن نام دھرا، آپ اپنا میل مِلایا۔ ساچا سجّن بن ملاح، در ساچا اِک سُہایا۔ جوتی جوت سروُپ ہرِ، آپ اپنی جوت دھر، برہم پاربرہم ہو جایا۔ پاربرہم کھیل اپار، برہم برہم آپ اکھوائیا۔ آپے بنّھے اپنی دھار، سو پُرکھ نِرنجن وڈ وڈیائیا۔ ہنگ برہم اِک پیار، ایکا رنگ رنگائیا۔ ایکا دیوے شبد سہار، پنج تت کرے کُڑمائیا۔ اپ تیج وائے پرِتھمی آکاش پاوے سار، ترےَگُن سیوا لائیا۔ پنچم میِتا ہرِ گِردھار، پنچم کھیل کِھلائیا۔ من مت بُدھ کر پسار، نِرگُن جوتی اِک جگائیا۔ نؤ در کھولے اِک کِواڑ، مانَس مانُکھ بنت بنائیا۔ گھر گھر گھر وِچ محل اپار، آپ اپنا آپ اُپائیا۔ دیِیا باتی کر اُجیار، دِوس ریَن کرے رُشنائیا۔ کملاپاتی کنت بھتار، بَیٹھا آسن لائیا۔ آتم سیجا ٹھنڈی ٹھار، آپ اپنی رہیا بندھائیا۔ جوتی جوت سروُپ ہرِ، آپ اپنی جوت دھر، آپ اپنا کھیل کِھلائیا۔ پنج تت ہرِ بھگوانا، برہم برہم اُپائندا۔ ایکا شبد اِک ترانہ، ایکا راگ سُنائندا۔ ایکا گھر اِک مکانا، ایکا در سُہائندا۔ ایکا پیِن ایکا کھانا، ایکا امرت مُکھ چوائیندا۔ ایکا رنگ ہرِ نِرنجنا، روُپ رنگ اِک جنائندا۔ جوتی جوت سروُپ ہرِ، آپ اپنی جوت دھر، لکھّ چؤراسی ڈیرہ لائندا۔ لکھّ چؤراسی آپے گھڑ، اپنی بنت بنائیا۔ نہ کوئی سیِس نہ کوئی دھڑ، ہر گھٹ بَیٹھا آسن لائیا۔ جیِو جنت نہ سکے پھڑ، کوٹن کوٹ رہے ترسائیا۔ جوتی جوت سروُپ ہرِ، آپ اپنی جوت دھر، اپنے ہتّھ رکھے وڈیائیا۔ ہتّھ وڈیائی رکھ کرتار، اپنا کھیل کِھلائندا۔ مانَس مانُکھ پاوے سار، آتم برہم جنائندا۔ سنت سُہیلے کر اُجیار، آپ اپنا در کُھلائندا۔ چؤتھے گھر آپے واڑ، آپ اپنا میل مِلائندا۔ پنچم میلا میِت مُرار، وِچھڑ کدے نہ جائندا۔ جوتی جوت سروُپ ہرِ، آپ اپنی جوت دھر، ویکھنہارا ساچا گھر، گھر ساچا اِک سُہائندا۔ لوک مات ساچا گھر، ہرِ ہرِ ویکھ وکھائیا۔ لکھّ چؤراسی آپے دھر، اُتبُھج سیتج جیرج انڈ سمائیا۔ ہؤمے ہنگتا ویکھے گڑھ، کام کرودھ لوبھ موہ ہنکار سنگ رلائیا۔

آسا ترِشنا بدھّی لڑ، اِچھیا بِھچھیا جھولی پائیا۔ جوتی جوت سروُپ ہرِ، آپ اپنی کِرپا کر، اپنی سِکھیا اپنے ہتّھ رکھائیا۔ ساچی سِکھیا ہرِ کرتار، اپنی آپ چلائندا۔ لوک ماتی لےَ اوتار، پنج تت سمائندا۔ شبدی شبد شبد دُھنکار، سچ سندیش سُنائندا۔ جیِواں جنتاں کرے خبردار، سوئے مات اُٹھائندا۔ ورن گوت نہ کوئی پیار، اوُچ نیِچ نہ کوئی جنائندا۔ راؤ رنک اِک دربار، شاہ سُلطان ویکھ وکھائندا۔ داتا دانی مِہربان، آپ اپنا کرم کمائندا۔ دُھردرگاہی دیوے ساچا مان، جو جن رسنا گائندا۔ برہم برہم اِک پچھان، ایکا روُپ درسائندا۔ جوتی جوت سروُپ ہرِ، آپ اپنی جوت دھر، ابناشی کرتا ہرِ نِرنکار، کھیلے کھیل اگمّ اپار، اپرمپر آپ اکھوائندا۔

۲۴ مگھّر ۲۰۱۵ بِکرمی مہِنگا سِنگھ دے گھر پِنڈ ہری پُر ضِلع جالندھر

اجوُنی رہت موُرت اکال، ایکا ایکنکاریا۔ آد پُرکھ نِرنجن دیِن دَیال، آد جُگادی ناؤں دھرا لیا۔ پاربرہم پربھ کھیل اپار، جُگ جُگ ویس وٹا لیا۔ اِک اِکلّا کر آکار، آپ اپنا ویس وٹا رہیا۔ محل اٹل اُچ مینار، تِھر گھر واسی ڈیرہ لا لیا۔ جوت پرکاسی دیِپ اُجیار، ایکا ایک ڈگمگا رہیا۔ سرب گھٹ واسی ہرِ نِرنکار، نِرگُن دھارا آپ چلا رہیا۔ جوتی جوت سروُپ ہرِ، آپ اپنی جوت دھر، آپ اپنا کھیل کِھلا رہیا۔ آد پُرکھ سِری بھگوانا، ہرِ ہری آپ اکھوائندا۔ آد جُگادی کھیل مہانا، جُگ جُگ ویس وٹائندا۔ جودھا سوُربیِر بلی بلوانا، ایکا ایک اکھوائندا۔ ایکا گھر اِک ٹِکانا، اِک سِنگھاسن آسن لائندا۔ اِک محل اِک مکانا، ایکا آسن لائندا۔ کھیلے کھیل دو جہاناں، دو جہانی ویکھ وکھائندا۔ جوتی جوت سروُپ ہرِ، آپ اپنی جوت دھر، آپ اپنا نوُر درسائندا۔ جوتی نوُر ہرِ اپار، ایکا ایک اُپائیا۔ نِرگُن نوُرو نوُر اُجیار، آپ اپنا کھیل کِھلائیا۔ آپ اپنا کر پیار، آپ اپنا سنگ نِبھائیا۔ جوتی جوت سروُپ ہرِ، آپ اپنی جوت دھر، آد نِرنجن وڈ وڈیائیا۔ آد نِرنجن ہرِ بھگوَنتا، ایکا روُپ سمائندا۔ کھیلے کھیل جُگا جُگنتا، جُگ جُگ ویس وٹائندا۔ آپے ناری آپے کنتا، آپ اپنی سیج ہنڈھائندا۔ اپنی چولی چاڑھے رنگ بسنتا، اُتر کدے نہ جائندا۔ اپنے گھر رہے منگتا، اپنی جھولی آپ بھرائندا۔ جوتی جوت سروُپ ہرِ، آپ اپنی جوت دھر، آدن انتا ہرِ بھگوَنتا آپ اکھوائندا۔ آد انتا ہرِ مِہربانا، ایکا ایکنکاریا۔

کھیلے کھیل سِری بھگوانا، دِس کِسے نہ آ رہیا۔ ساچا میِت اِک سُلطانا، ایکا ناؤں اُپا رہیا۔ شبدی شبد شبد بلوانا، آپ اپنا آپ اُٹھا رہیا۔ ایکا راگ اِک ترانہ، ایکا گھر سُنا رہیا۔ ایکا مرد اِک مردانہ، ایکا ویکھ وکھا رہیا۔ جوتی جوت سروُپ ہرِ، آپ اپنی جوت دھر، جُگ کرتا ناؤں اُپا رہیا۔ جُگ کرتا پُرکھ ابناشا، ایکا روُپ سمائیا۔ آد جُگادی کھیل تماشا، جُگ جُگ بنت بنائیا۔ منڈل منڈپ پاوے راسا، روَ سس کرے رُشنائیا۔ جوتی جوت سروُپ ہرِ، آپ اپنی جوت دھر، برہمنڈ کھنڈ جیرج انڈ دھرت دھوَل پُریاں لوآں آکاش پرکاش آپ رکھائیا۔ برہمنڈ کھنڈ ہرِ برہماد، ایکا جوت جگائندا۔ شبد تُور انادی ناد، ایکا ایک سُنائندا۔ دیونہارا داد، آپ اپنی ونڈ ونڈائندا۔ ایکا شبد آد جُگاد، جُگ جُگ ویس وٹائندا۔ آپے جانے بودھ اگادھ، دوُسر بھیوَ کوئی نہ پائندا۔ ایکا جوبن مادھوَ مادھ، جوتی جوت سروُپ ہرِ، آپ اپنی جوت دھر، اپنا سنگ نِبھائندا۔ سگلا سنگ ہرِ کرتار، اپنا آپ رکھائیا۔ اپنی کِریا کر وِچار، اپنی بوُجھ بُجھائیا۔ آپے بنّھے اپنی دھار، اپنا بندھن آپے پائیا۔ اپنا کر شبد جَیکار، آپے رہیا سُنائیا۔ لوک مات ہو تیار، آوے جاوے پھیرا پائیا۔ کلجُگ انتم کھیل نیار، کرتا قادر آپ کرائیا۔ نوُر اِلاہی بےعیب پروردِگار، نوُرو نوُر سمائیا۔ خلق خُدائی پائے سار، خالق روُپ آپ وٹائیا۔ حق حقیِقت ویکھ وِچار، چؤداں طبقاں ڈیرہ ڈھاہیِا۔ لاشریِک سانجھا یار، ایکا روُپ وٹائیا۔ جوتی جوت سروُپ ہرِ، آپ اپنی جوت دھر، کلجُگ انتم ویکھ وکھائیا۔ کلجُگ تیرا انتم کام، ہرِ ہرِ آپ کراونا۔ آپے سیِتا آپے رام، رام روُپ آپ سمجھاونا۔ آپے کرِشنا آپے کاہن، ساچی گوپی آپ نچاونا۔ آپے امرت آپے جام، ہرِ بھگتاں آپ پیاونا۔ آپے دیِن آپ اِسلام، عیسیٰ موُسیٰ آپ اکھواونا۔ آپے جانے اپنی کلام، کلمہ نبی آپ پڑھاونا۔ آپ اپنی میٹے اندھیری شام، ساچا چند اِک چڑھاونا۔ آپے لکھّ چؤراسی کرے طعام، جیِو جنت آپ اُپجاونا۔ آپے نگر آپ گرام، کایا کھیڑا آپ وساونا۔ آپے نِرگُن بَیٹھا دھام، سرگُن پنج تت آپ سُہاونا۔ جوتی جوت سروُپ ہرِ، آپ اپنی جوت دھر، کلجُگ انتم ویکھ وکھاونا۔ ویکھنہارا ہرِ سمرتھ، ایکا ایک اکھوائیا۔ جگت چلائے اپنا رتھ، ہرِ وڈ وڈّی وڈیائیا۔ لکھّ چؤراسی پائے نتھ، دہ دِشا آپ بھوائیا۔ شبد جنائی اکتھنا اکتھ، ہری ہرِ جگت سُنائیا۔ جگت وِکارا دیوے متھ، نام کھنڈا ہتّھ اُٹھائیا۔ لہنا دین چُکائے سیِاں ساڈھے تِنّ تِنّ ہتّھ، تِھر گھر واسی پھیرا پائیا۔ سگل وِسوُرے جائن لتھ، جو جن درشن پائیا۔ کایا گڑھ جائے ڈھٹّھ، ہؤمے روگ رہے نہ رائیا۔ لہنا دین چُکائے تیِرتھ اٹھساٹھ، کایا مندر اِک سُہائیا۔

اِک وکھائے پوُجا پاٹھ، اِک کرے پڑھائیا۔ امرت آتم سر سروور مارے ٹھاٹھ، جل کوَل آپ بھرائیا۔ نام وِکائے ساچے ہاٹ، ایکا ونج کرائیا۔ اِک اُتارے پار اؤکھے گھاٹ، کلجُگ بیڑا رہیا چلائیا۔ جوتی جوت سروُپ ہرِ، آپ اپنی جوت دھر، کلجُگ انتم پھیرا پائیا۔ کلجُگ انتم پھیرا پا، ہرِ ہرِ جوت جگائندا۔ دُھن انادی شبد جنا، آتم برہم وکھائندا۔ دُئی دوَیتی پردہ لاہ، ایکا نیَن کُھلائندا۔ نانک نِرگُن میل مِلا، سرگُن دھار بندھائندا۔ پُرکھ ابناشی بےپرواہ، دِس کِسے نہ آئیندا۔ ہرجن ویکھے تھاؤں تھاں، لکھّ چؤراسی پھول پُھلائندا۔ پھڑ پھڑ ہنس بنائے کاں، ساچی چوگ چُگائندا۔ سدا سُہیلا دیونہارا ٹھنڈی چھاں، سِر اپنا ہتّھ ٹِکائندا۔ آپے پِتا آپے ماں، ہرجن ساچے بال انجانے گود اُٹھائندا۔ جُگ جُگ کرے سچ نیاں، آپ اپنا ویس وٹائندا۔ جوتی جوت سروُپ ہرِ، آپ اپنی جوت دھر، غریِب نِمانے پکڑے بانہہ، راج راجاناں خاک مِلائندا۔ کلجُگ میِتا ہرِ نِرنکار، ایکا روُپ سمائندا۔ جوتی دیِپ کر اُجیار، آکاش پرکاش وکھائندا۔ دِوس ریَن ایکا دھار، اٹّھے پہر ڈگمگائندا۔ گوبِند میلا وِچ سنسار، انتم ویکھ وکھائندا۔ شبدی شبد شبد کٹار، تن گاترے آپ لٹکائندا۔ آپے وسیا سب توں باہر، ہر گھٹ ڈیرہ آپے لائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، اپنا موُل آپ چُکائندا۔ کلجُگ تیری انتم ور، اپنا موُل آپ چُکاونا، برہما ویتا چاڑھے پھوُل، چارے مُکھ ایکا گاونا، شِو شنکر سُٹے ہتّھ تِرسوُل، باسک تشکا سیِس لٹکاونا۔ وِشنوُں ونسی آپ چُکائے اپنا موُل، آپ اپنا در سُہاونا۔ شبد سِنگھاسن نہ کوئی پاوا نہ کوئی چوُل، پُرکھ ابناشی ڈیرہ لاونا، سچ پنگھوُڑا رہیا جھوُل، دو جہاناں آپ جھُلاونا۔ آپے کنت آپے کنتوہل، ناری کنت آپ نام دھراونا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، اپنا کھیل آپ کراونا۔ کھیلے کھیل کھیلنہار، ایکا پُرکھ اکھوایا۔ جوتی جامہ بھیکھ نیار، ویس انیِکا ویس وٹایا۔ شبد کھنڈا تیز کٹار، آپ اپنے ہتّھ اُٹھایا۔ پُریاں لوآں مارے مار، نؤ سَت رہیا جگایا۔ راج راجاناں کرے خبردار، سویا کوئی رہن نہ پایا۔ سادھاں سنتاں دئے ہُلار، نام ہُلارا اِک رکھایا۔ گُرمُکھاں کریا مات پیار، آپ اپنا بِرد رکھایا۔ شبد جنائی سچّی دُھنکار، انحد تال وجایا۔ راگ راگنی ڈھیَہہ ڈھیَہہ پَین چرن دوار، بَیٹھے سیِس نِوایا۔ گھر سجّن میلا میِت مُرار، آتم سیجا اِک سُہایا۔ نِرگُن نوُر ہرِ اُجیار، بَیٹھا آسن لایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، آپ اپنا کھیل کِھلایا۔ اپنا کھیل آپے کھیل، اپنے ہتّھ رکھے وڈیائیا۔ دو جہانی سجّن سُہیل، جُگ جُگ کھیل کِھلائیا۔

آپے وسیا رنگ نویل، ہر گھٹ آپے رہیا سمائیا۔ آپے گُروُ گُر چیل، گُر چیلا آپ ہو جائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، آپ اپنا ویکھ وکھائیا۔ اپنا آپ آپے ویکھ، ہرِ اپنی بنت بنائندا۔ آپے لِکھنہارا لیکھ، آپے پوُر کرائندا۔ اپنے نیتر آپے پیکھ، اپنی ترِشنا آپ بُجھائندا۔ اپنا دھارے آپے بھیکھ، اپنی کل آپ ورتائندا۔ آپے مُچھ داہڑی رکھے کیس، آپے سیِس جگدیِش مُنڈائیندا۔ آپے داتا دانی در درویش، الکھ نِرنجن اپنی الکھ آپ جگائندا۔ اگمّ اگمّڑا نر نریش، ہڈّ ماس ناڑی چمڑا نہ کوئی جنائندا۔ شبدی جوتی جوت پرویش، جوت نِرنجن آد نِرنجن وِچ ٹِکائندا۔ بھیوَ نہ پائے برہما وِشن مہیش گنیش، وید کتیب نہ کوئے رکھائندا۔ پُران اٹھاراں رہے ویکھ، ہرِ کا روُپ دِس نہ آئیندا۔ اِنجیِل قُرآنا لِکھے لیکھ، ایکا دوآں سنگ نِبھائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، آپ اپنا رنگ وٹائندا۔ اپنا رنگ آپے رنگ، اپنے ہتّھ رکھی وڈیائیا۔ اپنی منگ آپے منگ، آپے ویکھ وکھائیا۔ اپنی سیج مانے آپ پلنگ، آپے بَیٹھا آسن لائیا۔ اپنا در دروازہ آپے لنگھ، وڈ داتا بےپرواہیِا۔ اپنی کٹنہارا بُھکھ ننگ، لوک مات پھیرا پائیا۔ شبد وجائے اِک مردنگ، سرِشٹ سبائی آپ اُٹھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک ناؤں رکھائیا۔ نِہکلنک ہرِ نِرنکار، نِرگُن روُپ اُپایا۔ مات پِت نہ کوئی پیار، بھائی بھَین نہ کوئی رکھایا۔ سُت گود نہ کوئی دُلار، ساک سیَن نہ کوئی جنایا۔ ابناشی اچُت کھیل اپار، آپ اپنا ویکھ وکھایا۔ آپ سُہائے اپنی رُت، جُگ جُگ اپنا ناؤں دھرایا۔ آپے ہر گھٹ بَیٹھا لُک، آپ اپنا مُکھ چُھپایا۔ آپے سنت سُہیلے اپنی گودی لئے چُک، آپ اپنا پردہ لاہیا۔ کلجُگ پیَنڈا رہیا مُک، ہرِ ساچا ویکھ وکھایا۔ منُمکھاں مُکھ پَینا تُھک، نہ سکے کوئی بچایا۔ ہرِ کا بھانا نہ سکے رُک، ہرِ ساچے آپ ورتایا۔ گُرمُکھ وِرلا کرے سُپھل مات کُکھ، جِس جن ہرِ ہرِ رسنا گایا۔ دُئی دوَیتی مِٹے دُکھ، کام کرودھ لوبھ موہ ہنکار نیڑ نہ آیا۔ جوتی جوت سروُپ ہرِ، آپ اپنی جوت دھر، کلجُگ انتم کھیل کِھلایا۔

۲۵ مگھّر ۲۰۱۵ بِکرمی لال سِنگھ دے گھر پِنڈ ہیر تحصیل نکودر ضِلع جالندھر

جےَ دیوَ جےَ جَیکار، ایکا در وڈیائیا۔ ایکا اکھّر پاوے سار، ایکا وِدیا برہم وڈیائیا۔ ایکا پتّھر دیوے پاڑ، ہنگ ہنگتا رہے نہ رائیا۔ اِک وکھائے سچ اکھاڑ، سچکھنڈ وجّی ودھائیا۔ گُرسِکھ ساچا ساچا لاڑ، ہرِ سجّن ویکھ وکھائیا۔ آپے ہوئے پِچھے اَگاڑ، دو جہاناں سیو کمائیا۔ جوت جگائے بہتّر ناڑ، سُرتی سُرت آپ بھوائیا۔ وا نہ لگّے تتی ہاڑ، پنج تت نہ کوئی ستائیا۔ در گھر ٹھانڈے دیوے واڑ، امرت جل مُکھ چوائیا۔ جوتی جوت سروُپ ہرِ، آپ اپنی جوت دھر، جےَ جےَ جَیکار، ہرِ ہرِ آپ کرائیا۔ جےَ جےَ جَیکار ہری ہرِ دیوَ، آتم برہم جنایا۔ اگمّ اگوچر الکھ ابھیوَ، آد جُگادی ویکھ وکھایا۔ گُرسِکھاں کایا پھل لگائے میو، آپ اپنی دَیا کمایا۔ جوتی جوت سروُپ ہرِ، آپ اپنی جوت دھر، پُھل پُھلواڑی ویکھ وکھایا۔ جےَ جےَ جَیکار دیوَ گُر اِشٹ، سَت سروُپ سمائیا۔ ابناشی کرتا ویکھ سرِشٹ، لوک مات کھیل کِھلائیا۔ گُرمُکھ وِرلے آپ کُھلائے انتر درِشٹ، بھرمے بُھلی سرب لوکائیا۔ میل مِلاواں راما وشِشٹ، وِشنوُں روُپ آپ سمائیا۔ تِھت وار نہ جانے کوئی دھنِشٹ، قادر کرتا بےپرواہیِا۔ جوتی جوت سروُپ ہرِ، آپ اپنی جوت دھر، جےَ جےَ جَیکار نام دھرائیا۔ جےَ جَیکار ہرِ ہرِ ناؤں، آد انت کرائندا۔ گُرمُکھ میلا ساچے تھاؤں، گھر گھر وِچ ڈیرہ لائندا۔ کرنہار سچ نِیاؤں، جُگ جُگ ویس وٹائندا۔ غریِب نِمانے پکڑے باہوں، آپ اپنے انگ سمائندا۔ پھڑ پھڑ ہنس بنائے کاؤں، دُرمت مَیل گوائندا۔ جوتی جوت سروُپ ہرِ، آپ اپنی جوت دھر، ہرجن ساچے ویکھ وکھائندا۔ گُرمُکھ ساچا لال انمُلّا، ہرِ ہرِ ویکھ وکھائندا۔ شبد کنڈے ایکا تُلا، جگت قیِمت کوئی نہ پائندا۔ بھاگ لگائے ساچی کُلا، کُل کُلونتا آپ اکھوائندا۔ لکھّ چؤراسی مانَس جنم نہ رُلا، سَتگُر پوُرا لیکھے لائندا۔ دھرت دھوَل پھلیا پُھلا، پھل پُھلواڑی آپ سُہائندا۔ چرن پریِتی گھول گھُلا، مستک ٹِکاّ دھوُڑی آپ لگائندا۔ جوتی جوت سروُپ ہرِ، آپ اپنی کِرپا کر، گُرمُکھ ساچے لال ترائندا۔ لال لالڑا لال گُلال، تریَلوکی نام چڑھائیا۔ شبد وِچولا گُر دلال، لوک مات کرے کُڑمائیا۔ بھاگ لگائے کایا ماٹی کھال، تتَو تت پنج سمائیا۔ نوُری جلوہ اِک جلال، جوت نِرنجن نوُر اِلاہیِا۔ دیِپک باتی ساچی بال، اگیان اندھیر مِٹائیا۔ گگن مستک ایکا تھال، برہمنڈ ویکھ وکھائیا۔ سُت دُلارے آپے بھال، آپ اپنی بوُجھ بُجھائیا۔ چلے بِہنگم ایکا چال، سُرتی شبد شبد سُرتی آپ سمائیا۔ توڑنہارا جگت جنجال، وڈ داتا بےپرواہیِا۔ سدا سُہیلا وسے نال، وِچھڑ کدے

نہ جائیا۔ لہنا دین چُکائے کال مہاکال، رائے دھرم نہ دئے سزائیا۔ جوتی جوت سروُپ ہرِ، آپ اپنی جوت دھر، ہرِ سجّن آپے بھال، آپ اپنا میل مِلائیا۔ مِلیا میلا دُھردرگاہ، ہرِ سجّن ہرِ ہرِ پایا۔ اِک جپایا ساچا ناں، دوُجا بھیوَ چُکایا۔ تیِجے نیَن درس درسا، آتم برہم وکھایا۔ چؤتھے پد ڈیرہ لا، پنچم موہ چُکایا۔ پنچم میلا سہج سُبھا، گھر ساچے منگل گایا۔ انحد تال انادی آپ وجا، برہم پاربرہم سمایا۔ بودھ اگادھی بھیوَ کُھلا، مندر اندر کُنڈا لاہیا۔ دسم دواری دیِپ جگا، نِرگُن نوُر کرے رُشنایا۔ امرت ٹھانڈی دھار وہا، کوَل کوَلا مُکھ بھوایا۔ آتم سیجا رہیا سُہا، سچ سِنگھاسن ڈیرہ لایا۔ پرِتھمی آکاش پھیرا پا، گگن پاتالاں ویکھ وکھایا۔ لکھّ چؤراسی پھول پُھلا، مانَس مانُکھ آپ جگایا۔ سنت سُہیلے لئے اُٹھا، گُر گُر چیلے رنگ رنگایا۔ نام منتر اِک درڑا، ایکا روُپ وکھایا۔ جگت سنسا روگ مِٹا، ہؤمے گڑھ تُڑایا۔ سوہنگ ساچی چوگ چُگا، ہنگ برہم بھیوَ نہ رایا۔ سَت سروُپی گیا سما، سانتک سَت ورتایا۔ آد نِرنجن کھیل کِھلا، جوت نِرنجن ویکھ وکھایا۔ جگت وِکارا بھٹھ تپا، نیتر نیَناں نیِر وہایا۔ بھانا سہنا حُکم جنا، ایکا بوُجھ بُجھایا۔ لہنا دینا موُل چُکا، لال دلال نام کسوَٹی ایکا لایا۔ جوتی جوت سروُپ ہرِ، آپ اپنی جوت دھر، جُگ جُگ دیونہارا ساچا ور، جےَ دیوَ لگا نِیوں کایا بِرکھ، نہ کوئی سوگ نہ کوئی ہرکھ، امرت آتم ایکا برکھ، دھیِرج یت سنتوکھ سَت آتم برہم ساچا دھرم ایکا کرم، نیتر نیَن درشن ہرِ ہرِ پایا۔

آسرا اِک پُرکھ اکال، گُرمُکھ ساچا رہیا رکھائیا۔ دیِنا بندھپ دیِن دَیال، بھوَ ساگر پار کرائیا۔ توڑنہارا جگت جنجال، جاگرت جوت اِک جگائیا۔ کایا مندر ویکھ سچّی دھرمسال، گھر بَیٹھا بےپرواہیِا۔ دیوے نام سچّا دھن مال، چور یار لُٹ کوئے نہ جائیا۔ چرن پریِتی گھالن لئی گھال، جوتی جوت سروُپ ہرِ، آپ اپنی جوت دھر، دیونہارا ایکا ور، نام نامہ اِک جنائیا۔ بھگتن منگ اپار، جُگ جُگ وڈیائیا۔ چرن کوَل اِک پیار، ایکا اوٹ رکھائیا۔ ایکا نیتر اِک گیان، ایکا رہیا بُجھائیا۔ ایکا شبد در پروان، ایکا رہیا بُجھائیا۔

ایکا روُپ سِری بھگوان، ہر گھٹ اندر نظری آئیا۔ چتُر سُگھڑ جن سُجان، جِس جن اپنی بوُجھ بُجھائیا۔ دیونہارا دانی دان، برہم گیان جھولی پائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، سچ سُچ رہیا ورتائیا۔

جگت وِچھوڑا اگّ ہےَ، ہرِ بھگتن میِت مُرار۔ شبد گھوڑا سوُرا سربگ ہےَ، ہرِ سجّن شاہ اَسوار۔ گُرمُکھ ہنس بنائے کگّ ہےَ، امرت بخشے ٹھنڈی ٹھار۔ دیِپک جوتی جانا جگ ہےَ، جِس جن میلا وِچ سنسار۔ درس دِکھائے اُپر شاہ رگ ہےَ، لہنا چُکے نؤ دوار۔ پنج تت وِکائے بُجھائے اگّ ہےَ، نیڑ نہ آئے کام کرودھ لوبھ موہ ہنکار۔ سرن سرنائی جو جن گیا لگّ ہےَ، پھڑ باہوں لائے پار۔ جوتی جوت سروُپ ہرِ، آپ اپنی جوت دھر، ہرجن ساچے رہیا اُبھار۔ ہرِ سجّن ہرِ میلیا، گُرمُکھ برہم وِچار۔ آپے گُروُ گُروُ گُر چیلیا، آپے رہیا پَیج سوار۔ دو جہاناں سچ سُہیلیا، وربھنڈی پاوے سار۔ جوتی جوت سروُپ ہرِ، آپ اپنی کِرپا کر، گُرمُکھ ساچے لائے لڑ، نِہکلنک نر اوتار۔

سَتگُر پوُرا سَت ہےَ، سَت سَت سمائے۔ ایکا دیوے برہم مت ہےَ، من مت رہن نہ پائے۔ بہتّر ناڑ نہ اُبلے رتّ ہےَ، دھیِرج یت اِک دھرائے۔ چرن کوَل بندھائے نت ہےَ، ناتا بِدھاتا آپ ہو جائے۔ دیوے نام ساچی وتھ ہےَ، چؤداں لوک ہتّھ نہ آئے۔ جُگ جُگ چلائے ساچا رتھ ہےَ، گُرمُکھ ساچے لئے چڑھائے۔ سرب کلا آپے سمرتھ ہےَ، ایکنکارا ناؤں دھرائے۔ لہنا دینا چُکائے تیِرتھ اٹھسٹھ ہےَ، چرن دھوُڑ جو جن نُہائے۔ ساچا مندر شِودوالا مٹّھ ہےَ، کایا گُروُدوار اِک جنائے۔ ویکھنہارا گھٹ گھٹ ہےَ، ہر گھٹ بَیٹھا آسن لائے۔ کھیلے کھیل بازی گر نٹ ہےَ، کلجُگ سوانگی سوانگ ورتائے۔ آتم انتر ایکا تیِرتھ تٹ ہےَ، امرت سر سروور آپ بھرائے۔ گُرمُکھ وِرلا رسنا رہیا چٹ ہےَ، منُمکھاں ہتّھ نہ آئے۔ سنت سُہیلا لاہا لئے کھٹ ہےَ، لکھّ چؤراسی رہی کُرلائے۔ بھاگ لگّے کایا مٹ ہےَ، نِرگُن جوت کرے رُشنائے۔ لہنا دینا چُکائے آن باٹ ہےَ، مات گربھ پھیر نہ آئے۔ اَگے نیڑے دِسے واٹ ہےَ، کلجُگ کوُڑا مُکھ شرمائے۔ آپ اُتارے ساچے گھاٹ ہےَ، ہرِ بیڑا رہیا چلائے۔ بجر کپاٹی جائے پاٹ ہےَ، جِس جن پردہ اپنا لاہے۔ انتر آتم ساچی کھاٹ ہےَ، ہرِ بَیٹھا

آسن لائے۔ جوتی جوت سروُپ ہرِ، آپ اپنی جوت دھر، گُرمُکھ ساچے لال ترائے۔ لال انمُلّا ہرِ بھگوَنتا، ایکا ایک اکھوائیا۔ ہتّھ پھڑائے دھرم نِشانہ، دو جہاناں آپ جھُلائیا۔ ویکھے کھیل گوپی کاہنا، منڈل راس آپ نچائیا۔ سرب جیِیاں پربھ جانی جانا، جاننہار دِس نہ آئیا۔ سنت سُہیلے کر پچھان، آد جُگاد میل مِلائیا۔ امرت آتم دیوے پیِن کھان، جگ ترِشنا بُھکھ مِٹائیا۔ میل مِلاوا گُن نِدھان، آد نِرنجن وڈ وڈیائیا۔ ایکا شبد دُھر فرمان، گُرمُکھ ساچے آپ سُنائیا۔ دُھنی ناد سچّی دُھنکان، انحد سیو کمائیا۔ پنچم سخیاں ایکا گان، منگل راگ اِک الائیا۔ چھتّی راگ بھیوَ نہ پان، پاربرہم وڈّی وڈیائیا۔ جودھا سوُربیِر بلی بلوان، گھر بَیٹھا بےپرواہیِا۔ جوتی جوت سروُپ ہرِ، آپ اپنی کِرپا کر، گُرمُکھاں دیونہارا ور، ایکا بوُجھ بُجھائیا۔ شبد سُرت سچ گیان، ہرجن آپ درڑائندا۔ چرن کوَل ہرِ دھیان، دوُسر نہ کوئی وکھائندا۔ سَتگُر پوُرا مِہربان، سِر اپنا ہتّھ ٹِکائندا۔ درگاہ ساچی دیوے مان، تِھر گھر واسی ویکھ وکھائندا۔ سنت سُہیلے کر پچھان، آپ اپنے رنگ رنگائندا۔ مارنہارا نام بان، رسنا چِلّہ اِک چڑھائندا۔ لکھّ چؤراسی پھند کٹان، دھرم رائے مُکھ بھوائندا۔ لاڑی مؤت نیَن شرمان، جو جن چرنی سیِس جھُکائندا۔ شبد انمُلّا دیوے بِبان، انتم ویلے آپ اُٹھائندا۔ لوآں پُریاں پار مکان، سچکھنڈ دوارا اِک وکھائندا۔ جوتی جوت سروُپ ہرِ، آپ اپنی جوت دھر، گُرمُکھ لیکھے لائے در، آتم گھر اِک سُہائندا۔ آتم گھر ہرِ نِرنکار، ایکا ایک اُپایا۔ جوتی نوُر کر اُجیار، دِوس ریَن ڈگمگایا۔ پنج تت نہ کوئی وِکار، پنچم موہ نہ کوئی رکھایا۔ پنچ شبد سچّی دُھنکار، دُھن اناد آپ وجایا۔ کھولے سُنّ اپر اپار، آپ اپنا روُپ درسایا۔ گُرمُکھ ساچے چُن وِچ سنسار، گُنونتا لیکھے لایا۔ بھیوَ نہ پائن رِکھ مُن، سادھ سنت رہے کُرلایا۔ جوتی جوت سروُپ ہرِ، آپ اپنی کِرپا کر، اِک پُکار رہیا سُن، سُننہار دِس نہ آیا۔ گُرمُکھ تیری ساچی دھار، آتم آپ چلائیا۔ پاربرہم پربھ پاوے سار، نِرگُن سرگُن دیوے وڈ وڈیائیا۔ نِرگُن جوتی اِک جگا، سرگُن ویکھ وکھائیا۔ نِرگُن نام اِک اُپا، سرگُن جھولی آپ بھرائیا۔ نِرگُن دیِپک اِک جگا، سرگُن وِچ ٹِکائیا۔ نِرگُن شبد آپ اُپا، سرگُن رہیا سمائیا۔ نِرگُن پنج تت آپ رچا، سرگُن میل مِلاوا آپ کرائیا۔ جوتی جوت سروُپ ہرِ، آپ اپنی جوت دھر، گُرمُکھ ساچے لئے ور، جگ کرتا ناؤں دھرائیا۔ جگ کرتا ہرِ سِرجنہار، نر نرائن آپ اکھوایا۔ لوک مات لئے اوتار، آپ اپنا ناؤں دھرایا۔ کلجُگ تیری پاوے سار، کھنڈ برہمنڈ جیرج انڈ ویکھ وکھایا۔ لوآں پُریاں دئے ہُلار، برہما وِشن شِو ویکھ وکھایا۔ ستّاں دیِپاں ہو اُجیار، جوتی نوُر کرے رُشنایا۔

مانَس مانُکھ ویکھ وِچار، گُرمُکھ ساچے رہیا اُٹھایا۔ شبد شبدی تیز کٹار، نام کھنڈا ہتّھ اُٹھایا۔ دوُتی دُشٹ دیوے مار، پنچ وِکار رہن نہ پایا۔ من مت ایکا دھار، کلجُگ تیرے وہن رُڑھایا۔ گُرمُکھ ساچا کر اُجیار، چار ورناں دئے سمجھایا۔ کھتری براہمن شوُدر وَیش اِک پیار، ایکا رنگ رنگایا۔ ایکا گھر اِک دوار، در دروازہ اِک کُھلایا۔ ایکا روُپ اگمّ اپار، شاہو بھوُپ اِک اکھوایا۔ چارے کوُٹ پاوے سار، دہ دِشا پھیری پایا۔ شبد پنگھوُڑا رہیا جھوُٹ، نِرگُن نِرگُن آپ ہِلایا۔ سرگُن اُپر آپے تُٹھ، آپ اپنے وِچ ٹِکایا۔ امرت دیوے ایکا گھُٹ، نِجھر جھِرنا اِک جھِرایا۔ بجر کپاٹی جائے ٹُٹ، شبد کھنڈا ایکا واہیا۔ آون جاون جائے چُھٹ، جو جن سرنائی آیا۔ جنگل جوُہ اُجاڑ پہاڑ گُرمُکھ ویکھے تیِرتھ تٹ کوٹی کوٹ، ہرِ کا روُپ دِس نہ آیا۔ کوٹی کوٹ بنّھ لنگوٹ، اگنی تن رہے تپایا۔ کوٹی کوٹ بولن جوُٹھ جھوُٹھ، مایا ممتا موہ رکھایا۔ ابناشی کرتا گیا رُٹھ، نہ سکے کوئی منایا۔ کلجُگ خالی دِسن ٹھوُٹھ، نام بھنڈار نہ کوئی ورتایا۔ سنت سُہیلے گُروُ گُر چیلے لکھّ چؤراسی وِچوں ایکا مُٹھ، آپ اپنے لئے اُٹھایا۔ لُکیا رہن نہ دیوے کِسے گُٹھ، آپ اپنا پھیرا پایا۔ جوتی جوت سروُپ ہرِ، آپ اپنی کِرپا کر، چرن کوَل اُپر دھوَل ساول سوَل روُپ وٹایا۔ دھرت دھوَل ہرِ وِچار، ویکھے سرب لوکائیا۔ کوُڑی کِریا رہی ہار، سَت سنتوکھ نہ کوئی جنائیا۔ سادھاں سنتاں آئی ہار، دھیِرج یت گوائیا۔ آتم برہم نہ پاوے سار، ایکا روُپ نہ کوئی جنائیا۔ نیِچ کرم ہوئے وِبھچار، کام کرودھ لوبھ موہ ہلکائیا۔ کھڑگ کھنڈا نہ کوئی کٹار، دُئی دوَیتی نہ کوئی مِٹائیا۔ نام مردنگ نہ وجائے کوئی سنسار، سچ سارنگی نہ کوئی وجائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِرگُن نوُر کرے رُشنائیا۔

سَت پُرکھ نِرنجن سَت ستواد، ایکا ایکنکاریا۔ کھیلے کھیل آد جُگاد، جوتی جوت نوُر اُجیاریا۔ پاربرہم پُرکھ ابناش، آپ اپنی کل ورتا رہیا۔ آد نِرنجن ہو پرکاش، آد شکت ویس وٹا رہیا۔ جوتی جوت سروُپ ہرِ، آپ اپنی کِرپا کر، آپ اپنی بنت بنا رہیا۔

ہرِ شبد اپار، سَتگُر وِچ ٹِکائیا۔ سَتگُر شبد جَیکار، گُرمُکھ لئے جگائیا۔ گُرمُکھ شبد پیار، سُرتی شبد سمائیا۔ منمُکھ سُتے پَیر پسار، کلجُگ ریَن اندھیری چھائیا۔ جوتی جوت سروُپ ہرِ، آپ اپنی جوت دھر، نِرگُن نوُر کرے رُشنائیا۔ ہرِ شبد شبد اتھاہ، سَتگُر وِچ ٹِکائندا۔ سَتگُر شبد بھگت ملاح، گُرمُکھ آپ ترائندا۔ گُرمُکھ میلا ساچے ناؤں، ایکا ناؤں رسنا گائندا۔ بےمُکھاں دِسے نہ کوئی تھاؤں، در دوار نہ کوئی سُہائندا۔ جوتی جوت سروُپ ہرِ، آپ اپنی جوت دھر، آپ اپنا کھیل کِھلائندا۔ ہرِ شبد شبد بےانت، ہرِ ہرِ آپ اُپائندا۔ سَتگُر شبد ساچا کنت، گُرمُکھ ناری آپ پرنائندا۔ گُرسِکھ بنائے ساچی بنت، لوک مات ویکھ وکھائندا۔ بھرمے بُھلے جیِو جنت، بھرم گڑھ نہ کوئی تُڑائندا۔ جوتی جوت سروُپ ہرِ، آپ اپنی جوت دھر، آپ اپنی دھار بندھائندا۔ سَتگُر شبد ٹھانڈا سیِت، گُرمُکھاں کرے پیاریا۔ گُرمُکھ پرکھے ساچی نیِت، ایکا روُپ سما رہیا۔ جوتی جوت سروُپ ہرِ، آپ اپنی جوت دھر، ہرجن ساچے ویکھ وکھا رہیا۔ ہرِ شبد بلوان، سَتگُر ہتّھ وڈیائیا۔ سَتگُر پوُرا ہرِ مِہربان، گُرمُکھاں جھولی پائیا۔ گُرمُکھ ساچا چتُر سُجان، اپنے رنگ رنگائیا۔ منمُکھ بُھلے جیِو نادان، ہرِ کا بھیوَ کوئی نہ پائیا۔ جوتی جوت سروُپ ہرِ، آپ اپنی جوت دھر، آپ اپنی رچن رچائیا۔ ہرِ شبد شاہو بھوُپ، سَتگُر وِچ ٹِکایا۔ سَتگُر پوُرا سَت سروُپ، گُرمُکھ ساچے لئے ترایا۔ گُرسِکھ ناتا توڑے جوُٹھ جھوُٹھ، سچ سُچ پرنایا۔ منمُکھ جیِو گئے روُٹھ، دوُسر دِس کِسے نہ آیا۔ جوتی جوت سروُپ ہرِ، آپ اپنی جوت دھر، کلجُگ انتم پھیرا پایا۔ ہرِ شبد ہرِ نِشان، سَتگُر ہتّھ اُٹھائیا۔ سَتگُر ویکھے دو جہان، گُرمُکھاں میل مِلائیا۔ ایکا بخشے چرن دھیان، ایکا برہم وکھائیا۔ منمُکھ بُھلے جیِو نادان، پنج وِکار رسن ہلکائیا۔ جوتی جوت سروُپ ہرِ، آپ اپنی جوت دھر، جُگ جُگ اپنی کھیل کھلائیا۔ ہرِ شبد سچکھنڈ، سَتگُر جھولی پائندا۔ سَتگُر گُرمُکھاں آپے رہیا ونڈ، لوک مات ویکھ وکھائندا۔ گُرسِکھ ننگی ہوئے نہ کنڈ، سَتگُر پوُرا دَیا کمائندا۔ منمُکھ نار دُہاگن رنڈ، ساچا کنت نہ کوئی ہنڈھائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، بھیکھ پکھنڈا میٹ مِٹائندا۔ ہرِ شبد ہرِ نرائن، سَتگُر پوُرا ویکھ وکھائندا۔ سَتگُر پوُرا چُکائے لہن دین، گُرمُکھاں جھولی پائندا۔ گُرمُکھ دھام اولےّ ایکا بہن، نؤ دوارے پار کرائندا۔ منمُکھ ڈُبے مایا وہن، منجھدھار نہ کوئی ترائندا۔ جوتی جوت سروُپ ہرِ، آپ اپنی جوت دھر، آپ اپنی کل ورتائندا۔ ہرِ شبد ہرِ روُپ، سَتگُر وِچ سمائیا۔ سَتگُر پوُرا ویکھنہارا چارے کوُٹ، گُرمُکھ آپ اُٹھائیا۔

گُرمُکھ اُپر آپے تُٹھ، اپنی بوُجھ بُجھائیا۔ منُمکھاں مُکھ رکھایا جوُٹھ جھوُٹھ، رسنا کاگ وانگ کُرلائیا۔ جوتی جوت سروُپ ہرِ، آپ اپنی جوت دھر، نِرگُن دھار اِک بندھائیا۔ ہرِ شبد نِرگُن دھار، سَتگُر آپ چلائندا۔ سَتگُر ساچا کر پیار، گُرمُکھاں بوُجھ بُجھائندا۔ گُرمُکھ ساچا ویکھ وِچار، اپنا موہ چُکائندا۔ منمُکھ مانَس جنم گئے ہار، لکھّ چؤراسی نہ کوئے چُھڈائندا۔ آپ اپنی بنّھے دھار، آپ اپنا شبد چلائندا۔ جوتی جوت سروُپ ہرِ، آپ اپنی جوت دھر، آپ اپنا شبد الائندا۔ ہرِ شبد ہرِ سار، سار شبد آپ اکھوائیا۔ گُر شبد گُر ادھار، گُر گُر رہیا ٹِکائیا۔ نام شبد شبد پیار، گُرمُکھ ساچے رہیا کمائیا۔ موُرکھ موُڑھے بُھلے جیِو گوار، من مت رہی کُرلائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، آپ اپنی چلت چلائیا۔ ہرِ شبد سچ جَیکار، ایکا نعرہ لائندا۔ سادھاں سنتاں پاوے سار، در سویا کوئی رہن نہ پائندا۔ ویکھے محل اٹل اُچ مینار، اِنڈ پِنڈ برہمنڈ کھوج کُھجائندا۔ برہمنڈ کھنڈ کھیل نیار، جیرج انڈ پھیری پائندا۔ شبد کھنڈا تیز کٹار، اپنے ہتّھ رکھائندا۔ تِکھیاں رکھے دوویں دھار، دو جہاناں آپ چلائندا۔ برہما وِشن شِو دئے ہُلار، آپ اپنا کرم کمائندا۔ کروڑ تیتیِسا کر خوار، سُرپت راجا اِند سنگ رکھائندا۔ شبد سُت کر اُجیار، جوتی نوُر اِک چمکائندا۔ گُرمُکھ ساجن میِت مُرار، آپ اپنا میل مِلائندا۔ کلجُگ انتم پار کِنار، تیِرتھ تٹ نہ کوئی ترائندا۔ وید پُران کرن پُکار، اِنجیِل قُرآن متا پکائندا۔ کھانی بانی ایکا دھار، آپ اپنا در سُہائندا۔ لیکھ لِکھائے بن لِکھار، وید ویاسا لیکھے لائندا۔ رام رمئیا کرِشن مُرار، سہنسا بنسا آپ ہو جائندا۔ عیسیٰ موُسیٰ خبردار، ایکا نعرہ لائندا۔ سنگ محمد چار یار، حق حقیِقت ویکھ وکھائندا۔ اَناالحق ویکھ گھر بار، االلہ رانی میل مِلائندا۔ نانک نام سَت جَیکار، شبد سار دُھن اُپجائندا۔ گُرمُکھ شبد میِت مُرار، سگلا سنگ نِبھائندا۔ ایکا جوتی گُر اوتار، ہرِ ہرِ روُپ وٹائندا۔ کلجُگ تیرا کوُڑ پسار، چاروں کُنٹ اندھیرا چھائندا۔ نہ کوئی سجّن میِت مُرار، سادھ سنت دِس نہ آئیندا۔ نہ کوئی چُکے کِسے بھار، اپنا بھار نہ کوئی اُٹھائندا۔ کام کرودھ لوبھ موہ ہنکار، گُردر مندر مسجِد ڈیرہ لائندا۔ ایکا بُھلیا ہرِ نِرنکار، گیِت گوبِند نہ کوئی گائندا۔ اگنی لگّی تتی ہاڑ، ترےَگُن ویکھ وکھائندا۔ رجو طمو تیرا اکھاڑ، ستو ڈیرہ لائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، گُرمُکھ ساچے آپ ترائندا۔

۲۶ مگھّر ۲۰۱۵ بِکرمی نصیب سِنگھ دے گھر پِنڈ بوپا رائے ضِلع جالندھر

آتم شبد ہرجن ہرِ ہرِ جانیا، جاننہار کرتار۔ پنج تت تت پچھانیا، آتم برہم وِچار۔ شبدی شبد شبد پردھانیا، ہرِ شبد ناؤں جَیکار۔ جوتی جوت جوت نوُر مہانیا، نِرمل نوُر ہوئے اُجیار۔ اکتھ کتھا کتھ کہانیِا، آپ سُنائے سُناونہار۔ جل جل کھنڈا جل پانیِا، امرت بخشے ٹھنڈی ٹھار۔ نیتر نیَن نیر اِک کُھلانیا، آپ اپنی کِرپا دھار۔ ساک سیَن اِک وکھانیا، ایکا میِت مُرار۔ ایکا ایک ہوئے جانی جانیا، جاننہار روُپ گِردھار۔ آپ سُنائے اپنی بانیِا، اکھّر وکھّر شبد اُچار۔ لہنا چُکے جیرج کھانیِا، لکھّ چؤراسی اُترے پار۔ میل مِلاوا ساچے ہانیا، سَتگُر کنت بھتار۔ درگاہ ساچی ساُچی رانیا، آپ بہائے محل اٹار۔ تِھر گھر ساچے بھاگ لگانیا، اِک اِکلّا ایکنکار۔ سچکھنڈ دوار پد نِربانیا، گُرمُکھ وِرلا پاوے وِچ سنسار۔ داتا دانی گُن نِدھانیا، جوتی جوت سروُپ ہرِ، آپ اپنی کِرپا کر، گُرمُکھ ساچے لائے پار۔ پنج تت تن چولا، ہرِ ہرِ بنت بنائیا۔ آپے رکھے پردہ اوہلا، آپے بَیٹھا آسن لائیا۔ آپے گائے ساچا ڈھولا، آپے راگ الائیا۔ آپے بنیا ہرِ ہرِ تولا، تولنہار سرِشٹ سبائیا۔ آد جُگادی کھیلے ہولا، جُگ جُگ ویس وٹائیا۔ جن بھگتاں آتم انتر آپے مؤلا، آپ اپنا وِچ ٹِکائیا۔ اُلٹا کرے نابھ کوَلا، امرت جھِرنا مُکھ جھِرائیا۔ جگت وڈیائی اُپر دھوَلا، درگاہ ساچی آپ سہائیا۔ جوتی جوت سروُپ ہرِ، آپ اپنی جوت دھر، گُرمُکھ ساچے لئے اُٹھائیا۔ پنج تت تت پیار، آتم برہم جنائیا۔ ہڈّ ماس ناڑی رتّ پاوے سار، رَکت بوُند ویکھ وکھائیا۔ من پنکھی نہ اُڈے دہ دِش دھار، گُر ڈوری شبد بندھائیا۔ متی مت دئے سہار، ایکا بوُجھ بُجھائیا۔ بُدھی بِبیک رہے سنسار، سانتک سَت ورتائیا۔ ترےَگُن مایا نہ لائے سیک لوک مات نہ ہوئے خوار، آپ اپنے انگ سمائیا۔ دیِیا باتی کر اُجیار، کملاپاتی ویکھ وکھائیا۔ ریَن اندھیری مِٹے راتی اندھ اندھیار، سچ سُچ گیان دِرڑائیا۔ نام وست شبد بھنڈار، ہرِ داتا آپ ورتائیا۔ پُرکھ اکال اِک جَیکار، اندر مندر آپ لگائیا۔ سو پُرکھ نِرنجن آپ اُپجائے سچّی دُھنکار، ہنگ برہم آپ وکھائیا۔ راگی نادی راگ الائے آپ سُنائے سُننیہار، دوُسر دِس کِسے نہ آئیا۔ سچ سمگری جوت اُجگری کر اُجیار، نوُرو نوُر نوُر درسائیا۔ اکال موُرت کھیل اپار، اجوُنی رہت وڈّی وڈیائیا۔ بھگت وچھل آپ گِردھار، گِردھر روُپ آپ وٹائیا۔ لکھّ چؤراسی پاوے سار، چارے کھانی ویکھ وکھائیا۔ آپے وسیا سب توں باہر، جُگ جُگ وڈّی وڈیائیا۔ کرتا قادر کریِم کرنیہار، رام رحیِم آپ اکھوائیا۔ جوتی جوت سروُپ ہرِ، آپ اپنی

کِرپا کر، بھگتن میلا ویکھے در، آپ اپنا بھیوَ کُھلائیا۔ بھگتن میِتا ہرِ بھگوانا، بھگتن ہرِ ہرِ رتّیا۔ آپے دیوے دُھر فرمانا، ویکھ وکھائے چیتن ستیا۔ ناد انادی دُھن ترانہ، سَت سنتوکھی ایکا رکھیا۔ ایکا در اِک دربانا، نہ ٹھنڈا نہ تتّا۔ ایکا پُرکھ شاہو سُلطانا، آد جُگاد کرے نہ ہّتیا۔ ہرجن میلا دو جہاناں، بیِج بیِجے آتم وتیا۔ کلجُگ انتم پھل کھلانا لال گُلالا نامے رتّیا۔ آپے ورتے اپنا بھانا، جوتی جوت سروُپ ہرِ، آپ اپنی جوت دھر، ویکھ وکھائے نؤ کھنڈ سرِشٹ سبائی تیرا کھتیا۔ بھگتی روُپ ہرِ چڑھایا، ہرجن وڈّی وڈیائیا۔ کایا چولا اِک رنگایا، ہرِ ساچے وڈ وڈیائیا۔ نام جَیکارا بولا اِک سُنایا، سوہنگ ڈھولا رسنا گائیا۔ جوتی جوت سروُپ ہرِ، آپ اپنی جوت دھر، جگت وِہار ہرِ کرتار، ایکنکار آپ کرائیا۔ شبدی شبد شبد جَیکار، شبد شبدی نعرہ لائندا۔ رام نام ونج وپار، نام نامہ ویکھ وکھائندا۔ ساچی وست وِچ سنسار، دُھردرگاہی آپ ٹِکائندا۔ اپنا کھول آپ بھنڈار، لوک مات آپ ورتائندا۔ کلجُگ انتم کھیل نیار، کھیلنہار دِس نہ آئیندا۔ ایکا پد کر پیار، ایکا گھر سُہائندا۔ وجےّ ند شبد جَیکار، سوہنگ نعرہ لائندا۔ گھر گھر پاوے سار، جو جن رسنا گائندا۔ وِشنوُں پد کھیل اپار، بھگوان جوتی وِچ ٹِکائندا۔ جوتی جوت سروُپ ہرِ، آپ اپنی جوت دھر، ہرجن ساچے ویکھ وکھائندا۔ چؤتھا پد سوہنگ دھار، آتم ہوئے جنائیا۔ پاربرہم کنت بھتار، ساچی سیج سُہائیا۔ پنج تت نہ کوئی آکار، ہڈّ ماس ناڑی نہ کوئی رکھائیا۔ نِرمل جوتی کر اُجیار، ایکا نوُر کرے رُشنائیا۔ شاہو بھوُپ سچّی سرکار، پُرکھ ابناشی بَیٹھا آسن لائیا۔ روُپ رنگ نہ سکے کوئی وِچار، لیکھا لِکھت وِچ نہ آئیا۔ ساچے مندر سچ پسار، آپ اپنا ویکھ وکھائیا۔ آپ اپنا کر پیار، وِشن برہما شِو لڑ پھڑائیا۔ آپ سُہائے سچ دوار، تِھر گھر واسی وڈ وڈیائیا۔ سُنّ اگمّی اَدھوِچکار، آپے ویکھ وکھائیا۔ جوتی جوت سروُپ ہرِ، آپ اپنی جوت دھر، اُچ محل اٹل مینار، بَیٹھا بےپرواہیِا۔ محل اٹل سچ سِنگھاسن، ہرِ ہرِ آسن لائندا۔ پاربرہم پُرکھ ابناشن، در ساچا اِک سُہائندا۔ نہ کوئی زِمیں نہ اسمانن، روَ سس نہ کوئی وکھائندا۔ نِرگُن نوُری ایکا چانن، روَ سس ریَن نہ کوئی بنائندا۔ آپے روَ سس ہوئے بھانن، کِشنا سُکلا پکھ نہ کوئی مِٹائندا۔ شبدی شبد نہ کوئی دُھنکانن، راگ ناد نہ کوئی الائندا۔ کھانی بانی نہ کوئی وَیراگن، وید پُران اِنجیِل قُرآن نہ کوئی وکھائندا۔ برہما وِشن شِو ویکھے مار دھیانن، کروڑ تیتیِسا دِس نہ آئیندا۔ نہ کوئی بیڑا نہ جہازن، نہ چّپوُ کوئی لگائندا۔ نہ کوئی راج نہ کوئی راجن، شاہ سُلطان نہ کوئی اکھوائندا۔ نہ کوئی سوال نہ جوابن، پُچھ گِچھ نہ کوئی کرائندا۔ نہ کوئی گھوڑا نہ رکابن،

سولاں کلیاں آسن کوئی نہ لائندا۔ نہ کوئی غریِب نہ غریِب نوازن، پرِتپالک نہ کوئی اکھوائندا۔ بانیاں شاہ نہ کوئی مہاجن، نہ ترازوُ تول تُلائندا۔ ناری کنت نہ کوئی کاجن، نہ کوئی میل مِلائندا۔ نام دھن نہ بنّھے کوئی داجن، سگلا سنگ نہ کوئی نِبھائندا۔ نہ کوئی رکھنہارا لاجن، نہ کوئی ویکھ وکھائندا۔ کھیلے کھیل پُرکھ ابناشن، آپ اپنا گھر سُہائندا۔ جوتی نوُر کر پرکاشن، آپ اپنا پرکاش وکھائندا۔ شاہو بھوُپ شاہو شاباشن، شاہ سُلطانا ناؤں رکھائندا۔ چمّ ناڑی نہ کوئی ماسن، پنج تت نہ کوئے بنائندا۔ جن بھگتاں ہوئے داسی داسن، جُگ جُگ ویس وٹائندا۔ ساچے منڈل پاوے راسن، آپ اپنی کِرت کمائندا۔ جوتی جوت سروُپ ہرِ، آپ اپنی کِرپا کر، ہرجن دیوے ساچا ور، سچ سُچ گیان، سوہنگ شبد دُھر فرمان، آتم انتر مارے بان، دُئی دوَیتی میٹ مِٹائندا۔ آتم انتر شبد نِشانہ، ہرِ ہرِ آپ لگائندا۔ گُرمُکھ ساچا چتُر سُجانا، آپ اپنا میل مِلائندا۔ دیونہارا جیِا دانا، جاگرت جوت اِک جگائندا۔ ہتھّیں بنّھے ساچا گانا، نام سَت تند رکھائندا۔ آپے پائے اپنی آنا، اپنے بندھن آپے بندھائندا۔ کھیلے کھیل دو جہاناں، لوک مات ویکھ وکھائندا۔ کلجُگ انتم ہو پردھانا، آپ اپنا کھیل کِھلائندا۔ جُگ جُگ کھیلے کھیل مہانا، بھگوَن بھگتی ویکھ وکھائندا۔ گُرمُکھ ساچا چتُر سُجانا، آپ اپنے انگ لگائندا۔ شبد بٹھائے اِک بِبانا، لوآں پُریاں پار کرائندا۔ آتم انتر پیِنا کھانا، سچ سمگری اِک وکھائندا۔ جوتی جوت سروُپ ہرِ، آپ اپنی جوت دھر، ہرجن چُکائے جگت ڈر، ایکا در سُہائندا۔ ایکا روُپ ہرِ نِرنکار، گُرمُکھاں آپ بُجھائیا۔ ایکا لائے شبد دُھنکار، آتم انتر آپ وہائیا۔ ایکا ناؤں سچ پیار، نؤ اٹھاراں سیو کمائیا۔ ایکا گاؤں نگر اپار، کایا کھیڑا آپ سُہائیا۔ ایکا تھاؤں بےعیب پروردِگار، سچ محلہ ویکھ وکھائیا۔ چڑھیا چاؤ نیتر نیَن درس اپار، سچ گُلزار آپ کِھلائیا۔ پھوُلن برکھا اپر اپار، گن گندھرب رہے برسائیا۔ شاستر سِمرت وید پُران رہے پُکار، ہرِ بھگت وڈّی وڈیائیا۔ کھانی بانی دئے سہار، جِس مِلیا بےپرواہیِا۔ ساچی رانی سُرت پیار، کنت مِلاوا شبد صلاحیِا۔ آتم سیجا میِت مُرار، بَیٹھا راہ تکائیا۔ ایک ایکا نِرگُن دھار، نوُرو نوُر اکھوائیا۔ ٹھانڈا سیِتا در دربار، سانتک سَت رہیا ورتائیا۔ نیتن نیتا پاوے سار، سچ سِنگھاسن رہیا سُہائیا۔ اپنی ریِتا کر وِچار، ہرجن ساچے لئے اُٹھائیا۔ وسیا چیِتا سِرجنہار، وِچھڑ کدے نہ جائیا۔ نہ کوئی مندر مسیِتا گُروُدوار، کایا کھیڑا آپ سُہائیا۔ سُرتی سیِتا کر پیار، رام راما لئے پرنائیا۔ جوتی جوت سروُپ ہرِ، آپ اپنی کِرپا کر، ہرجن چُکائے جگت ڈر، بھےَ بھنجن بھوَ ساگر پار کرائیا۔ بھےَ بھنجن ہرِ بھگوَنت، پوُرن پُرکھ سُلطانیا۔ آد

جُگادی ایکا کنت، سرِشٹ سبائی آپ اکھوانیا۔ ہرجن کایا چولی رنگے رنگ بسنت، لیکھا جانے دو جہانیا۔ آپے من منوُآ آپے منت، آپے شبدی شبد گُن نِدھانیا۔ آپے جیِوڑا آپے جنت، آپے گُر سَتگُر روُپ وٹانیا۔ آپے سادھ سنت ہوئے مہنت، پیِر فقیِر دستگیِر آپ اکھوانیا۔ آپے وید پُران بنائے بنت، شاستر سِمرت آپ لِکھانیا۔ آپے اِنجیِل قُرآن گنائے گنت، تیس بتیِس آپ پردھانیا۔ آپے کھانی بانی وجائے سنکھ، ناد دُھن آپ سُنانیا۔ آپے دین مذہب اِسلام پنتھ، اوُچ نیِچ آپ ہو جانیا۔ آپے پوُجا پاٹھ گرنتھ، آپے رسنا ناؤں وکھانیا۔ جوتی جوت سروُپ ہرِ، آپ اپنی جوت دھر، اپنا لیکھا آپے کر، ویکھنہار آپ اکھوانیا۔ ویکھنہار ہرِ نِرنکار، اپنی رچن رچائیا۔ آد جُگادی گُر اوتار، ایکا ایک اکھوائیا۔ روُپ انوُپ نہ پاوے سار، لیکھا لِکھت نہ کوئی جنائیا۔ ناد انادی اِک جَیکار، ایکا رہیا سُنائیا۔ جوتی جوت سروُپ ہرِ، آپ اپنی جوت دھر، ہرجن ویکھے ساچے گھر، دیونہار وڈ وڈیائیا۔ ہرجن تیری سَت وڈیائی، وید پُرانی گایا۔ اِنجیِل قُرآن دئے دُہائی، نوُرو نوُر خُدی خُدائی اِک دسایا۔ شبد بانی کر کُڑمائی، ہرِ بھگتن میل مِلایا۔ نِرگُن میلا سہج سُبھائی، نانک ہرِ پایا۔ ساچے سنتاں کر جنائی، ایکا مارگ پایا۔ گھٹ بھیِتر کھوجو ہرجن بھائی، سَتگُر بَیٹھا آسن لایا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ساچی ریِتی دئے چلایا۔ کایا مندر سچ مکان، نانک جوتی اِک جگائیا۔ سرِشٹ سبائی اِک گیان، ایکا گیا سمجھائیا۔ پُرکھ ابناشی سِری بھگوان، گھٹ گھٹ بَیٹھا آسن لائیا۔ شبد انادی دُھر فرمان، انحد راگ رہیا الائیا۔ پنچم بہہ بہہ سارے گان، پنچم میِتا آپ اکھوائیا۔ انتر آتم پیِن کھان، سر سروور آپ اُپائیا۔ گھر وِچ گھر گھر مکان، ہرِ ساچی رچن رچائیا۔ ڈوُنگھی کندر اِک نِشان، بَیٹھا آپ لگائیا۔ اپنی کھول آپ دُکان، اپنی وست آپ ٹِکائیا۔ جِس جن بخشے چرن دھیان، سو جن بوُجھ بُجھائیا۔ داتا دانی مِہربان، آد جُگاد اکھوائیا۔ کلجُگ انتم ہو پردھان، آپ اپنی بنت بنائیا۔ گُرمُکھاں دیوے اِک گیان، جگت وِدیا نہ کوئی پڑھائیا۔ ایکا پد پد نِربان، ایکا گھر سُہائیا۔ ساڈھے تِنّ ہتّھ مندر سچ مکان، ہرِ ساچے بنت بنائیا۔ آپے کرے کرائے آپ پچھان، آپ اپنا در کُھلائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ایکا راگ شبد سُنائیا۔ ساچا مندر ساچا پاٹھ، دِوس ریَن سُنائیا۔ ساچے اندر تیِرتھ تاٹ، اٹھسٹھ موُل چُکائیا۔ ساچے مندر ساچا گھاٹ، ہرِ ساچا آپ سُہائیا۔ ساچے مندر امرت رس چاٹ، رس رسنا رس تجائیا۔ ساچے مندر ساچا ہاٹ، چؤداں لوک آپ کُھلائیا۔ ساچے مندر ساچی کھاٹ،

ہرِ ساچے آپ وِچھائیا۔ ساچے مندر ساچی لاٹ، نِرگُن نوُر کرے رُشنائیا۔ ساچے مندر جگت دوَیتی جائے پاٹ، بجر سِلا رہن نہ پائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ساچا مندر اِک سُہائیا۔ مندر مٹّھ نہ شِودوالا، چار دیِوار نہ کوئی بنائیا۔ ساڈھے تِنّ ہتّھ تیری کرے پرِتپالا، اندر بَیٹھا بےپرواہیِا۔ دِوس ریَن ہوئے رکھوالا، آپ اپنی سیو کمائیا۔ آد شکتی جوت جوالا، پُرکھ اکالا آپ ہو جائیا۔ ساچا دھرم سچّی دھرمسالہ، بنک دوارا اِک وکھائیا۔ آپے چلے نال نالا، وڈ داتا رتھ رتھواہیا۔ آپے شاہ آپے کنگالا، آپ بھنڈارا رہیا بھرائیا۔ آپے سَتگُر آپ دلالا، آپے شبدی شبد جگائیا۔ آپے پھل لگائے کایا ڈالا، آپے ویکھ وکھائیا۔ دھرم رائے نہ منگے ہالا، لاڑی مؤت نہ کرے کُڑمائیا۔ ساچا دسیا راہ سُکھالا، چار ورناں اِک پڑھائیا۔ کلجُگ تیرا کڈھے دِوالا، ہرِ ساچے ہتّھ وڈیائیا۔ نیڑ نہ آئے کال مہاکالا، سوہنگ جو جن رسنا گائیا۔ تن پائی پربھ ساچی مالا، اٹھ اٹھوتری ویکھ وکھائیا۔ پنج تت وِکار کرے نِوالا، آپ اپنی داڑھ چبائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ساچا مارگ ایکا لائیا۔ ساچا مارگ ہرِ ہرِ لایا، لاؤنہار بھگوانا۔ ساچے مندر راگ سُنایا، دُھن انادی اِک ترانہ۔ پوُجا پاٹھ نہ کوئی وکھایا، جوگ ابھیاس نہ کوئی کمانا۔ نِیولی کرم نہ کوئی کمایا، ٹھنڈی دھار نہ جل رُڑھانا۔ اگنی مٹّھ نہ کوئی تپایا، تیِرتھ تٹ نہ کوئی اشنانا۔ کایا گڑھ اِک سُہایا، سچ سچّا اِک مکانا۔ اندر وڑ گُرسِکھ جگایا، سُنایا دُھر فرمانا۔ سرِشٹ سبائی دِس نہ آیا، بُھلے بھرم جیِو نادانا۔ نِہکرمی ہرِ کرم کمایا، گایا ساچا گانا۔ مانَس جنم لیکھے لایا، چُکیا آون جانا۔ مہاراج شیر سِنگھ وِشنوُں بھگوان، نِہکلنک نرائن نر، سمرتھ پُرکھ شبد اکتھ، جگت رتھ چار ورناں آپ چڑھانا۔

۲۶ مگھّر ۲۰۱۵ بِکرمی سروُپ سِنگھ دے گھر پِنڈ موُدھ ضِلع جالندھر

نام منتر شبد گیان، ہرِ ہرِ آپ اُپائیا۔ سرِشٹ سبائی اِک دھیان، ایکا اِشٹ جنائیا۔ ایکا پُرکھ اِک سُلطان، ایکا ناؤں دھرائیا۔ ایکا مندر اِک مکان، ایکا بَیٹھا آسن لائیا۔ ایکا جوتی جوت مہان، ایکا ایک ڈگمگائیا۔ ایکا کھیلے کھیل نِدھان، گُنونتا ناؤں دھرائیا۔ جوتی جوت سروُپ ہرِ، آپ اپنی جوت دھر، اپنے نام رکھے وڈیائیا۔ ہرِ شبد ہرِ ہرِ رنگ، ہرِ ہرِ آپ چڑھائندا۔ اپنی

وست آپے منگ، اپنا در سُہائندا۔ لوآں پُریاں گگن پاتالا آپے لنگھ، پرِتھمی آکاش ویکھ وکھائندا۔ برہمنڈ کھنڈ وجائے اِک مردنگ، ایکا نعرہ لائندا۔ جوتی جوت سروُپ ہرِ، آپ اپنی جوت دھر، شبد شبدی بنت بنائندا۔ شبد نام ہرِ بھنڈار، اپنے ہتّھ رکھائیا۔ آد جُگادی لئے اوتار، جُگ جُگ مات دھرائیا۔ لکھّ چؤراسی ہو اُجیار، ہر گھٹ بَیٹھا بےپرواہیِا۔ کھیلے کھیل اگمّ اپار، الکھ نِرنجن وڈ وڈیائیا۔ جوتی جوت سروُپ ہرِ، آپ اپنی جوت دھر، جُگ جُگ اپنی دھار چلائیا۔ نام شبد سچ جَیکار، ہرِ ہرِ آپ لگائندا۔ آپے سُنے سُنائے سُننیہار، بھیوَ ابھیدا بھیوَ کوئی نہ پائندا۔ سرِشٹ سبائی کرے ونج وپار، ایکا وست ٹِکائندا۔ لکھّ چؤراسی ویکھ گھر بار، اپنے کنڈے آپ تُلائندا۔ آپے نرائن نر ہو اوتار، آپے ویس وٹائندا۔ وِشنوُں ونسی کر پیار، برہما ویکھ وکھائندا۔ برہما ویتا اِک ادھار، شِو شنکر میل مِلائندا۔ کروڑ تیتیِسا بنّھے دھار، سُرپت آپ جگائندا۔ پرِتھمی آکاش ہو اُجیار، اپنی کل ورتائندا۔ آد پُرکھ ابناشی کرتا کھیل اگمّ اپار، آد شکتی ناؤں دھرائندا۔ دیِیا باتی کر اُجیار، نوُرو نوُر اکھوائندا۔ شبدی شبد بھر بھنڈار، اپنا آپ ورتائندا۔ وربھنڈ کھیلے کھیل نیار، نِرگُن سرگُن ویس وٹائندا۔ جوتی جوت سروُپ ہرِ، آپ اپنی جوت دھر، جُگ جُگ اپنا ناؤں دھرائندا۔ جُگ جُگ اپنا ناؤں دھر، اپنے ہتّھ رکھے وڈیائیا۔ اپنی کرنی آپے کر، قادر کرتا آپ ہو جائیا۔ دھرنی دھرت دھوَل جوت دھر، چاروں کُنٹ کرے رُشنائیا۔ سنت سُہیلے دیوے ور، آتم برہم جنائیا۔ سُرتی شبد لئے پھڑ، ایکا راہ وکھائیا۔ شبد سِنگھاسن آپے کھڑ، آتم سیجا آپ ٹِکائیا۔ پنچ وِکارے آپے لڑ، اپنا کھنڈا آپ اُٹھائیا۔ نہ کوئی سیِس نہ کوئی دھڑ، پاربرہم وڈّی وڈیائیا۔ محل اٹل اُچ مینار آپے کھڑ، دسم دواری بَیٹھا سچ محلے کر رُشنائیا۔ جوتی جوت سروُپ ہرِ، آپ اپنی جوت دھر، تِھر گھر واسی ویس وٹائیا۔ تِھر گھر واسی ہرِ نِرنکار، آد پُرکھ اکھوایا۔ کلجُگ انتم لئے اوتار، آپ اپنا ناؤں دھرایا۔ شبدی شبد شبد پسار، ہرِ شبدی ویکھ وکھایا۔ بھگتن میلا وِچ سنسار، در ٹھانڈا اِک سُہایا۔ دیِپک باتی کر اُجیار، اگیان اندھیر مِٹایا۔ کھانی بانی میِت مُرار، آپ اپنا سنگ نِبھایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ایکا منتر نام درڑایا۔ ایکا منتر گُر گُر گیان، ایکا بوُجھ بُجھائیا۔ ایکا دھرم اِک نِشان، ایکا رہیا جھُلائیا۔ ایکا امرت آتم پیِن کھان، ایکا وست رہیا ورتائیا۔ ایکا راگ سُنائے ایکا کان، ایکا ناد وجائیا۔ ایکا تیِر نِرالا مارے بان، ہؤمے ہنگتا روگ گوائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور،

ایکا الکھ جگائیا۔ ایکا الکھ الکھ جگا، الکھنا الکھ اکھوایا۔ جوتی نوُر پرتکھ کرا، آپ اپنا ناؤں دھرایا۔ لکھّ چؤراسی وکّھ کرا، آپے بَیٹھا ڈیرہ لایا۔ اپنا نیَن آپ کُھلا، آپے ویکھ وکھایا۔ اپنا بستر گہنا تن چُھہا، شبدی شبد شِنگار کرایا۔ اپنے انگن آپ سُہا، آپ اپنا رنگ رنگایا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، چار ورن اِک گیان، ایکا شبد اِک دھیان رکھایا۔ شبد گیان سچّا گُر منتر ، چار ورن جنائیا۔ ترےَگُن مایا بُجھے بسنتر، پنج تت نہ کوئی ہلکائیا۔ سرب جیِیاں بِدھ جانے انتر، گھٹ بَیٹھا ڈیرہ لائیا۔ کھیلے کھیل جُگا جُگنتر، کلجُگ وجّی ودھائیا۔ سَتجُگ بنائے ساچی بنتر، سچ سُچ کرے رُشنائیا۔ کھیلے کھیل گگن گگننتر، آکاش پرکاش ڈیرہ لائیا۔ ایکا نام ایکا منتر ، ایکا رہیا اُپائیا۔ جوتی جوت سروُپ ہرِ، آپ اپنی جوت دھر، نِرگُن جوت کرے رُشنائیا۔ سَت بھوُمکا سچ استھان، ہرِ ساچے دَیا کمائیا۔ جوتی نوُر سِری بھگوان، ایکا نوُر رُشنائیا۔ سرب سرِشٹ کا ایک گیان، ایکا روُپ درسائیا۔ جیِو جنت اِک دھیان، ایکا اِشٹ وکھائیا۔ جوتی جوت سروُپ ہرِ، آپ اپنی جوت دھر، سچ دوارا ویکھ وکھائیا۔ سچ دوار ساچا ہرِ مندر، ہرِ ساچی جوت جگائیا۔ لکھّ چؤراسی وسیا کندر، آپ اپنا بھیوَ چُھپائیا۔ آپے لایا اپنا جندر، آپے بند کرائیا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھے سرب لوکائیا۔ اپنا مندر آپے کھول، اپنی دَیا کمائندا۔ اپنا شبد آپے بول، اپنی بوُجھ بُجھائندا۔ آپے وسنہارا کول، آپ اپنا مُکھ وکھائندا۔ دِوس ریَن کرے چوہل، سگلا سنگ نِبھائندا۔ انحد وجائے ایکا ڈھول، سوہنگ راگ سُنائندا۔ امرت آتم ساچی پاہُل، چار ورناں آپ پیائندا۔ کایا کھیڑا جائے مؤل، پھل پُھلواڑی ویکھ وکھائندا۔ جوتی جوت سروُپ ہرِ، آپ اپنی جوت دھر، ویکھنہارا ساچا گھر، گھر ساچا گھر ہرِ ہرِ مندر، ہرِ ساچا ڈیرہ لائندا۔ توڑنہارا جگت جِندر، جاگرت جوت اِک جگائندا۔ کھیلے کھیل اپنی کُندر، اپنا نوُر رُشنائندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، ایکا منتر نام درڑائندا۔