۱۳ اَسوُ ۲۰۱۷ بِکرمی گنڈا سِنگھ دے گھر پِنڈ دراجکے ضِلع امرتسر
سو پُرکھ نِرنجن کھیل کھِلائیندا، جُگا جُگنتر ساچی کار۔ نِرگُن نِروَیر اپنا ویس وٹائیندا، جوُنی رہِت اگمّ اپار۔ نِربھؤ اپنا ناؤں دھرائیندا، بھےَ جنائے سرب سنسار۔ موُرت اکال آپ اکھوائیندا، انبھوَ پرکاش کر اُجیار۔ ساچے تخت سوبھا پائیندا، کرتا پُرکھ ہرِ کرنیہار۔ ترےَگُن مایا وِچ نہ آئیندا، آد جُگادی کھیل نیار۔ دُھر فرمانا شبد جنائیندا، اگمّ اگمّ اگمّڑی کار۔ الکھ نِرنجن ایکا الکھ جگائیندا، در گھر ساچے بول جَیکار۔ شبد انادی ناد وجائیندا، لوآں پُریاں کرے خبردار۔ وِشن برہما شِو آپ اُٹھائیندا، اُٹھاونہار ہرِ نِرنکار۔ بھیوَ ابھیدا آپ کُھلائیندا، لوک مات لےَ اوتار۔ گُر پیِر آپ اکھوائیندا، بھگت بھگوَنت میل مِلائے ناری کنت بھتار۔ ساچے سنت سنگ رکھائیندا، شبد جنائے بودھ گیان۔ گُرمُکھ اپنے رنگ رنگائیندا، سوُربیِر وڈ بلوان۔ گُرسِکھ اپنی گود بہائیندا، دیونہارا دُھر فرمان۔ نام انمُلّا جھولی پائیندا، لیکھا جانے دو جہان۔ سَتجُگ ساچا سچ ورتائیندا، تخت نِواسی وڈ مِہربان۔ تریتا ترےَ ترےَ ویس وٹائیندا، روُپ انوُپ سِری بھگوان۔ دواپر دوئے دوئے نَین کُھلائیندا، کوَل نَین نؤجوان۔ جوتی جوت سروُپ ہرِ، آپ اپنی جوت دھر، کرے کھیل سچّی سرکار۔ جُگ جُگ کھیل کھِلائیندا، اِک اِکلّا ایکنکار۔ نِرگُن اپنا رتھ چلائیندا، درگاہ ساچی کھول کِواڑ۔ ساچے مندر سوبھا پائیندا، تھِر گھر بَیٹھ سچّے دربار۔ دُھر فرمانا حُکم سُنائیندا، حُکمی حُکم کر آکار۔ برہما وِشن شِو اُٹھائیندا، ترےَگُن مایا بھر بھنڈار۔ لکھّ چؤراسی بھانڈا آپ گھڑائیندا، نِرگُن سرگُن کر پیار۔ تتَو تت وِچ ٹِکائیندا، جوتی جاتا ہو اُجیار۔ شبد ناد دُھن وجائیندا، دُھنی ناد سچّی سرکار۔ اپنا حُکم آپ ورتائیندا، ویکھے وِگسے کرے وِچار۔ لوک مات کھیل کھِلائیندا، پنج تت سُہائے بنک دوار۔ من مت بُدھ راہ چلائیندا، جوتی جوت سروُپ ہرِ، آپ اپنی کِرپا کر، جُگ جُگ کھیل کرے اپار۔ جُگ جُگ کھیل اولّڑا، سو پُرکھ نِرنجن آپ کرائیندا۔ سچکھنڈ دوارے بَیٹھا اِک اِکلّڑا، دُھر فرمانا حُکم سُنائیندا۔ لکھّ چؤراسی پھڑائے پلڑا، نِرگُن سرگُن میل مِلائیندا۔ شبد سندیش ایکا گھلڑا، گُر شبدی روُپ وٹائیندا۔ سچ سِنگھاسن ایکا ملڑا، برہم پاربرہم ویکھ وکھائیندا۔ اپنی جوتی آپے رلڑا، جوتی جوت ڈگمگائیندا۔ جُگ جُگ مارگ لائے اِک سُکھلڑا، لکھّ چؤراسی پاندھی آپ ترائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ مندر سوبھا پائیندا۔ جُگ جُگ مندر سُہنجنا، سو پُرکھ نِرنجن آپ سُہائیا۔ کھیلے کھیل درد دُکھ بھےَ بھنجنا،
روُپ انوُپ آپ وٹائیا۔ جوت جگائے آد نِرنجنا، ایکا نوُر نوُر رُشنائیا۔ جن بھگتاں بنے ساک سیَن سجّنا، ایکا ناتا جوڑ جُڑائیا۔ چرن کوَل کرائے ساچا مجنا، سر سروور اِک نُہائیا۔ جام پیائے ایکا مدھنا، امرت جھِرنا آپ جھِرائیا۔ لیکھا جانے وِشنوُں یّدنا، وِشو اپنا روُپ درسائیا۔ آد اَنت کِسے نہ بدھّنا، جِس سِر اپنا ہتّھ ٹِکائیا۔ اَنتکال گھر اپنے سدّنا، درگاہ ساچی وجےّ ودھائیا۔ نؤ کھنڈ پرِتھمی ست دیِپ جیِو جنت لکھّ چؤراسی آپے ہویا رہے ادنا، مان نِمانا آپ ہو جائیا۔ آپے وسے چؤتھے گھر ساچے پدنا، پاربرہم وڈّی وڈیائیا۔ آپے برہم برہمادِ وجائے ندنا، لوآں پُریاں برہمنڈاں کھنڈاں شبد سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگا جُگنتر بےپرواہیِا۔ جُگا جُگنتر بےپرواہ، ساچا کھیل کھِلائیندا۔ نِرگُن نِروَیر بن ملاح، ساچا بیڑا آپ ترائیندا۔ جن بھگتاں دیوے سچ صلاح، صِفت صالاحی آپ اکھوائیندا۔ اِک جپائے ساچا ناں، ناؤں نِرنکارا آپ پرگٹائیندا۔ دو جہاناں پکڑے بانہہ، سگلا سنگ نِبھائیندا۔ آد جُگاد کرے سچ نیاں، ساچے تخت سوبھا پائیندا۔ گُرمُکھاں بنے پِتا ماں، بال انجانے گود بہائیندا۔ پھڑ پھڑ ہنس بنائے کاں، کاگوں ہنس آپ اُڈائیندا۔ جِس سِر رکھے ٹھنڈی چھاں، سو جن در گھر ساچے سوبھا پائیندا۔ جوتی جوت سروُپ ہرِ، آپ اپنی جوت دھر، جُگا جُگنتر ساچی کار، کرے کرائے ایکنکار، اِک اِکلّا ویس وٹائیندا۔ ویس وٹائے اِک اِکلّا، سِری بھگوان وڈّی وڈیائیا۔ وسے نہچل دھام اٹلا، سچکھنڈ دوار سُہائیا۔ کرے کھیل اچھل اچھلّا، ول چھل دھاری بھیوَ نہ رائیا۔ سچ سِنگھاسن ایکا ملّا، شاہو بھوُپ سوبھا پائیا۔ آپے روَیا جلا تھلا، جل تھل مہیئل آپ سمائیا۔ ایکا شبد اناد جُگا جُگنتر لوک مات گھلا، گُر پیِر اوتار دین گواہیِا۔ ہرِ سنت پھڑائے ساچا پلّا، سَت ستوادی ڈوری ہتّھ رکھائیا۔ جوتی جوت سروُپ ہرِ، آپ اپنی جوت دھر، آد جُگاد جُگ جُگ اپنی جوت کرے رُشنائیا۔ جُگا جُگنتر ساچی جوت، نِرگُن نِروَیر آپ پرگٹائیندا۔ نہ کوئی قِلعہ نہ کوئی کوٹ، ساچے مندر آپ سُہائیندا۔ لکھّ چؤراسی اندر لائے شبد چوٹ، گھٹ گھٹ نگارہ آپ وجائیندا۔ نہ کوئی ورن نہ کوئی گوت، ذات پات نہ کوئے وکھائیندا۔ جوتی جوت سروُپ ہرِ، آپ اپنی جوت دھر، جُگ جُگ اپنا ناؤں دھرائیندا۔ جُگ جُگ اپنا ناؤں رکھ، نِرگُن سرگُن ویکھ وکھائیندا۔ سَت سروُپی ہو پرتکھ، برہم پاربرہم دَیا کمائیندا۔ آپ آپا کرے وکھّ، آپ اپنی کل دھرائیندا۔ اپنا مارگ آپے دسّ، گُر پیِر اوتار سیوا لائیندا۔ سنتن ہِردے آپے وس، ہرِ کی پؤڑی آپ چڑھائیندا۔ بھگتاں مارے تیِر نِرالا کس، بجر کپاٹی توڑ تُڑائیندا۔ گُرمُکھ
میل مِلائے ہسّ ہسّ، ہنس مُکھ سوبھا پائیندا۔ گُرسِکھاں دیوے ایکا رس، امرت آتم جام پیائیندا۔ کرے پرکاش میٹے اندھیر رَین مس، ساچا چند آپ چڑھائیندا۔ ترےَگُن مایا نہ ڈسنی سکے ڈس، جوتی جوت سروُپ ہرِ، آپ اپنی جوت دھر، جُگ جُگ اپنا رنگ رنگائیندا۔ جُگ جُگ رنگ رتڑا، پاربرہم گُر کرتار۔ آد جُگادی نہ ٹھنڈا نہ تتڑا، ایکا وسے دھام نیار۔ جن بھگتاں دیوے ایکا متڑا، برہم مت کر اُجیار۔ جوتی جوت سروُپ ہرِ، آپ اپنی کِرپا کر، جُگ جُگ بنّھے اپنی دھار۔ جُگ جُگ دھار چلائیندا، دھرنی دھرت دھوَل کر وِچار۔ جُگ جُگ کار کمائیندا، لکھّ چؤراسی پاوے سار۔ جُگ جُگ ویکھ وکھائیندا، چار ورن کر پیار۔ جُگ جُگ بھیکھ وٹائیندا، شبد اناد بول جَیکار۔ جُگ جُگ لیکھ لِکھائیندا، چارے وید کرن پُکار۔ جُگ جُگ جوگ سِکھائیندا، جاگرت جوت کر اُجیار۔ جُگ جُگ بھوگ بھوگائیندا، ناری کنت دئے آدھار۔ جُگ جُگ سنجوگ ہنڈھائیندا، گُرمُکھ سجّن کر تیار۔ جُگ جُگ ہؤمے روگ مِٹائیندا، چِنتا سوگ دئے نِوار۔ جُگ جُگ ساچی چوگ چُگائیندا، ہرِ کا ناؤں اپر اپار۔ جُگ جُگ درس اموگھ وکھائیندا، مات لوک لےَ اوتار۔ جُگ جُگ چؤداں لوک پھیرا پائیندا، اِک اِکلّا ایکنکار۔ جُگ جُگ آپ سلوک سُنائیندا، نِرگُن بولے بولنہار۔ جُگ جُگ وید پُران شاستر سِمرت لیکھ لِکھائیندا، جُگ جُگ گیِتا گیان دئے آدھار۔ جُگ جُگ اِنجیِل قُرآن پڑھائیندا، لیکھا جانے عیسیٰ موُسیٰ سنگ محمد چار یار۔ جُگ جُگ نانک نِرگُن ویکھ وکھائیندا، سَت نام کرے پردھان۔ جُگ جُگ جوتی جوت ڈگمگائیندا، ایکا شبد اِک گیان۔ جُگ جُگ چارے بانی ویکھ وکھائیندا، جُگ جُگ چارے کھانی کرے کلیان۔ جُگ جُگ سُرت سوانی شبد مِلائیندا، امرت پانی دیوے ٹھنڈی آن۔ جُگ جُگ سُت دُلارا اپنا ناؤں رکھائیندا، گوبِند سوُرا نؤجوان۔ جُگ جُگ چنڈ پرچنڈ چمکائیندا، جُگ جُگ لیکھا جانے دو جہان۔ جُگ جُگ برہم برہمنڈ ویکھ وکھائیندا، لوآں پُریاں ویکھے مار دھیان۔ جُگ جُگ جیرج انڈج ڈیرہ ڈھائیندا، اُتبُھج سیتج کرے وَیران۔ جُگ جُگ کھنڈ کھنڈ کرائیندا، خالق میٹے جیِو بےاِیمان۔ جُگ جُگ لکھّ چؤراسی رنڈ وکھائیندا، ناتا توڑے سِری بھگوان۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، جُگ جُگ اپنی دھار چلائیندا۔ جُگ جُگ دھار چلاونہارا، ایکا رنگ سمائیا۔ آد جُگادی لےَ اوتارا، گُر گُر ویس دھرائیا۔ شبد انادی بول جَیکارا، برہم برہمادی آپ سُنائیا۔ بھگت بھگوَنت بخشے چرن پیارا، سنت ساجن لئے مِلائیا۔ گُرمُکھاں کھولے بند کِواڑا، گُرسِکھ ایکا رنگ رنگائیا۔ منُمکھاں
مارے آد اَنت مارا، بچیا کوئے رہن نہ پائیا۔ سَتجُگ تریتا دواپر اُتریا پار کنارہ، تھِر کوئے رہن نہ پائیا۔ کلجُگ آئی انتم وارا، چاروں کُنٹ رَین اندھیری چھائیا۔ نؤ کھنڈ پرِتھمی بنیا جگت اکھاڑا، چار ورن دین دُہائیا۔ اُچی کوُکے پنچم دھاڑا، کام کرودھ لوبھ موہ ہنکار ہوئے ہلکائیا۔ لگّی اگّ بہتّر ناڑا، سانتک سَت نہ کوئے ورتائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ویس وٹائیا۔ جُگ جُگ ویس وٹائیندا، الکھ اگوچر اگمّ اپار۔ نِرگُن سرگُن کھیل کھِلائیندا، کھیلنہار بے عیب پروردِگار۔ نوُرو نوُر ڈگمگائیندا، خلق خُدائی سانجھا یار۔ ساچے در سوبھا پائیندا، حق حقیِقت کرے وِچار۔ لاشریِک روُپ وٹائیندا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگ جُگ ساچی دھار بندھائیندا۔ جُگ جُگ دھار بندھائیندا، پاربرہم بےاَنت۔ کلجُگ انتم ویس وٹائیندا، پوُرن جوت سِری بھگوَنت۔ نِرگُن نر نرائن اپنا ناؤں رکھائیندا، لیکھا جانے آد اَنت۔ نِہکلنکا ویس وٹائیندا، سرِشٹ سبائی ساچا کنت۔ لکھّ چؤراسی آپ پرنائیندا، بچیا رہے نہ کوئے جیِو جنت۔ گُرمُکھ ناری سُگھڑ سوانی ساچے در بہائیندا، مایا رانی کرے بھسمنت۔ سر سروور امرت آتم ٹھنڈا پانی آپ پیائیندا، ہرِ ہرِ مہما گنت اگنت۔ کھانی بانی پھول پُھلائیندا، لیکھا جانے ساچے سنت۔ شبد ہانی اِک مِلائیندا، میل مِلاوا آد اَنت۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ویس وٹائے جُگا جُگنت۔ جُگ جُگ ویس وٹائیندا، نِردھن سردھن کرے پیار۔ کلجُگ انتم کھیل کھِلائیندا، کل کلکی لےَ اوتار۔ سمبل نگری دھام سُہائیندا، ساڈھے تِنّ ہتّھ مندر کر تیار۔ نِہکلنک جوت جگائیندا، جوتی جوت ہوئے اُجیار۔ شبد ڈنکا اِک وجائیندا، شاہ سُلطانا کرے خبردار۔ ایکا انک شبد سُنائیندا، سوہنگ روُپ سچّی سرکار۔ برہم پاربرہم مِلائیندا، ایکا دوُجا دوُجا ایکا لیکھا چُکے ایکا وار۔ اندر باہر اپنی کھیل کھِلائیندا، گُپت ظاہر کرے پیار۔ ساچا ساقی جام پیائیندا، امرت پیالہ بھر بھنڈار۔ گُرمُکھ بند تاکی آپ کُھلائیندا، ڈوُنگھی کَندر کر اُجیار۔ ساچا راکی شبد دؤڑائیندا، ساچے اَسو ہو اَسوار۔ جُگ جُگ لہنا دینا باقی آپ چُکائیندا، کلجُگ رہے نہ وِچ سنسار۔ انتم اَنت کال خاکی خاک مِلائیندا، چاروں کُنٹ اُڈے چھار۔ جوتی جوت سروُپ ہرِ، آپ اپنی جوت دھر، جُگ جُگ کھیل کرے کرتار۔ جُگ جُگ کھیل کرے کرتارا، قُدرت قادر ویکھ وکھائیا۔ کلجُگ انتم آئی وارا، بِسمِل ویکھے تھاؤں تھائنیا۔ اَناالحق حقیِقت نعرہ، لاشریِک آپ سُنائیا۔ لیکھا جانے مُلّا شیخ مسائق پیِر دستگیِر سانجھا یارا، لاشریِک اِک خُدائیا۔ چؤداں طبقاں کھول
کِواڑا، نوُری جلوہ دئے درسائیا۔ زِمیں اسماناں چُکے پاڑا، محبان مِہربان کھیل کھِلائیا۔ نؤ کھنڈ پرِتھمی ملک المؤت بہتّر ناڑ وجائے تاڑا، کائنات رہی کُرلائیا۔ دُھر درگاہی چَھیل چھبیِلا اِک اِکلّا ساچا لاڑا، ساچے اَسو سولاں کلیاں آسن پائیا۔ نؤ کھنڈ پرِتھمی ویکھے اِک اکھاڑا، پنچم دھاڑا نال مِلائیا۔ کرے کھیل جنگل جوُہ اُجاڑ پہاڑا، سمُند ساگر پھیرا پائیا۔ کوُڑی کِریا کرے پار کنارہ، جوُٹھ جھوُٹھ بیڑا دئے ڈُبائیا۔ نہ کوئی دیِسے شاہ سِکدارا، سیِس تاج نہ کوئے رکھائیا۔ لکھّ چؤراسی آوے ہارا، ایکا بُھلیا ہرِ ہرِ سچّا ماہیِا۔ چار ورن اٹھاراں برن روون زارو زارا، ظاہر ظہوُر دِس نہ آئیا۔ جوتی جوت سروُپ ہرِ، آپ اپنی جوت دھر، جُگ جُگ اپنا کھیل آپ کھِلائیا۔ کلجُگ انتم کھیل کھِلاونا، پُرکھ ابناشی ساچی کار۔ جیِو جنت جگت رُلاونا، چاروں کُنٹ دھوُاں دھار۔ گُرمُکھ وِرلا آپ بچاونا، جِس جن بخشے چرن پیار۔ شاہ سُلطاناں خاک مِلاونا، خاکی خاک اُڈے چھار۔ مایا ممتا ہؤمے ہنگتا گڑھ تُڑاونا، نام کھنڈا مار کٹار۔ جوتی جوت سروُپ ہرِ، آپ اپنی جوت دھر، جُگ جُگ کھیل کرے اگمّ اپار۔ اگمّ اپار الکھّنا الکھ، لیکھا لِکھت وِچ نہ آئیا۔ لکھّ چؤراسی بھانڈے کرے سکھ، پاربرہم برہم اپنے وِچ سمائیا۔ جوُن اجوُن ہوئے پرتکھ، بےاَنت سچّا شہنشاہیِا۔ بھگت بھگوَنت ساچے سنت کرے وکھّ، لکھّ چؤراسی پھول پُھلائیا۔ منمُکھ جیِواں انتم مُلّ پئے نہ کؤڈی ککھّ، ہٹّو ہٹّ آپ وِکائیا۔ گُرسِکھاں سگل وِسوُرے جائن لتھ، جِس سَتگُر پوُرا درس دِکھائیا۔ ایکا دیوے وسَت نام ساچی وتھ، واہ واہ گُروُ وڈّی وڈیائیا۔ گُر گوبِند سِنگھ سوُرا ایکا مارگ گیا دسّ، پُرکھ اکال اِک منائیا۔ گُرسِکھ تیرا سیِس دوُجے در نہ جائے ڈھٹّھ، تیری قیِمت کرتا آپے پائیا۔ آد جُگاد لئے رکھ، رکھنہارا اِک اکھوائیا۔ جِس دا ستّھر ہؤں بَیٹھا گھت، لیکھا جانے تھاؤں تھائنیا۔ گُرسِکھ تیرا بوُٹا لگایا اپنی رتّ، رتّی رتّ آپ سُکائیا۔ میرا ناؤں تیری مت، دوُجی دھار نہ کوئے وکھائیا۔ ایکا ملِے کملاپت، پاربرہم وڈّی وڈیائیا۔ ویلے انتم لئے رکھ، رائے دھرم نہ دئے سزائیا۔ دیوے درس ہو پرتکھ، نِہکلنک نِرگُن نوُر نوُر رُشنائیا۔ ہرِ کا مندر گُروُدوار کدے نہ جائے ڈھٹّھ، اِٹ گارا نہ کوئے لگائیا۔ دِوس رَین وجائے انحد سٹّ، تال تلواڑا اپنے ہتّھ رکھائیا۔ تیرے اندر دُئی دوَیت نہ ہووے پھٹّ، اپنا پھٹّ انتم گیا کُھلائیا۔ نؤ کھنڈ وکھائے تیرا ہٹّ، لوک مات دئے وڈیائیا۔ آون جاون چُھٹے تیِرتھ تٹ، گنگا گوداوری جمنا سُرستی پھیرا کوئے نہ پائیا۔ ساچا مارگ ایکا دسّ، سَتجُگ ساچا راہ وکھائیا۔ ایکا تخت بہے سج، تخت تاجاں والا سچّا شہنشاہیِا۔ اپنا چرن دوار وکھائے ساچا حج، مکہ مدیِنہ پھیرا کوئے نہ پائیا۔
سرِشٹ سبائی پردہ لئے کج، جو جن آئے سرنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کرے کھیل ساچا ہرِ، کلجُگ تیری انتم ور، گُر پیِر اوتار اِشٹ دیوَ نمو نمو اپنا سیِس آپ جھُکائیا۔
۱۳ اَسوُ ۲۰۱۷ بِکرمی لچھمن سِنگھ دے گرِہ پِنڈ بھوُرے ضِلع امرتسر
سو پُرکھ نِرنجن سچ سُلطانا، تخت نِواسی کھیل کھِلائیندا۔ ہرِ پُرکھ نِرنجن کھیلے کھیل دو جہاناں، اِک اِکلّا ویس وٹائیندا۔ ایکنکارا وڈ بلوانا، جودھا سوُربیِر بلی بلوان آپ اکھوائیندا۔ آد نِرنجن نوُر مہانا، جوتی جوت ڈگمگائیندا۔ سِری بھگوان وسے سچ مکانا، سچکھنڈ دوارا آپ سُہائیندا۔ ابناشی کرتا در دوار ہوئے دربانا، در درویش سیو کمائیندا۔ پاربرہم پربھ گُن نِدھانا، بھیوَ ابھیدا بھیوَ چُھپائیندا۔ ساچا تخت کر پروانہ، آسن سِنگھاسن اِک سُہائیندا۔ آد جُگادی دُھر فرمانا، شبد انادی ناد سُنائیندا۔ جُگا جُگنتر کھیلے کھیل مہانا، کھیلنہارا دِس نہ آئیندا۔ جوتی جوت سروُپ ہرِ، آپ اپنی جوت دھر، اِک اِکلّا ویس وٹائیندا۔ اِک اِکلّا ایکنکارا، آد جُگاد سمایا۔ سچکھنڈ سُہائے اِک دوارا، تھِر گھر ساچی سیج ہنڈھایا۔ الکھ اگوچر اگمّ اپارا، بےپرواہ بھیوَ نہ رایا۔ حُکمی حُکم ورتے ورتارا، جُگ کرتا ناؤں رکھایا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، آد آد اپنی دھار آپ چلایا۔ ساچی دھار ہرِ چلائیندا، پاربرہم کرتار۔ درگاہ ساچی دھام سُہائیندا، نِرگُن جوت کر اُجیار۔ آپ اپنا روُپ پرگٹائیندا، نِروَیر نِراکار۔ جوُنی رہِت آپ اکھوائیندا، موُرت اکال ہو اُجیار۔ سَت نام اپنا آپ دھرائیندا، آد جُگادی ساچی کار۔ کرتا پُرکھ کِرت کرائیندا، در گھر ساچا کھول کِواڑ۔ حُکمی حُکم اِک سُنائیندا، دُھر فرمانا بول جَیکار۔ جوتی جوت سروُپ ہرِ، آپ اپنی جوت دھر، درگاہ ساچے دھام وڈیائیندا۔ درگاہ ساچی دھام اولّا، سو پُرکھ نِرنجن آپ سُہائیا۔ ہرِ پُرکھ نِرنجن بَیٹھا اِک اِکلّا، ایکنکارا روُپ وٹائیا۔ آد نِرنجن اپنے دیِپک آپے بلا، نوُر نوُرانہ ڈگمگائیا۔ ابناشی کرتا سچ سِنگھاسن نہچل دھام آپے کھِلا، سِری بھگوان سنگ نِبھائیا۔ پاربرہم سچ سندیش نر نریش نِراکار ایکا گھلا، ایکا دُھن ناد سُنائیا۔ جوتی جوت سروُپ ہرِ، آپ اپنی جوت دھر، سچکھنڈ دوارا سچ سِنگھاسن آپ سوہے پُرکھ ابناشن، دوُجا سنگ نہ کوئے رکھائیندا۔ سچکھنڈ دوارا سوبھاوَنت، سَت پُرکھ نِرنجن آپ
سُہائیندا۔ نِرگُن بنائے نِرگُن بنت، نِرگُن نِرگُن ویکھ وکھائیندا۔ نِرگُن نار نِرگُن کنت، نِرگُن ساچی سیج ہنڈھائیندا۔ نِرگُن مہما گائے اگنت، بودھ اگادھا اپنا ناؤں اُپجائیندا۔ نِرگُن آد نِرگُن اَنت، نِرگُن اپنا ویس وٹائیندا۔ نِرگُن نام نِرگُن منت، نِرگُن شبدی شبد دھرائیندا۔ جوتی جوت سروُپ ہرِ، آپ اپنی جوت دھر، سچکھنڈ دوارا کھول کِواڑا، ایکنکارا آسن لائیندا۔ سچکھنڈ دوارا ہرِ سُہائیندا، اِک اِکلّا ایکنکار۔ دیِپک جوتی اِک ٹِکائیندا، آد جُگاد رہے اُجیار۔ سوُرج چنّ نہ کوئے چڑھائیندا، منڈل منڈپ نہ کوئے سہار۔ برہما وِشن شِو نہ کوئے ویکھ وکھائیندا، ترےَگُن مایا نہ کوئے بھنڈار۔ پنج تت نہ جوڑ جُڑائیندا، کایا گڑھ نہ کوئے آکار۔ وید پُران نہ کوئے گائیندا، شاستر سِمرت نہ کوئے وِچار۔ چارے کھانی نہ کوئے بنائیندا، انڈج جیرج اُتبُھج سیتج نہ بنّھے کوئے دھار۔ چارے بانی نہ کوئی سُنائیندا، پرا پسنتی مدھم بَیکھری نہ دئے اُچار۔ چارے جُگ نہ ونڈ ونڈائیندا، سَتجُگ تریتا دواپر کلجُگ کوئے نہ جانے وار۔ گُر پیِر نہ کوئے اکھوائیندا، سادھ سنت نہ کوئے پسار۔ بھگت بھگوَنت نہ کوئے گائیندا، رسنا جِہوا کر آدھار۔ بتّی دند نہ کوئے صالاحِندا، پوَن سواس نہ پاوے سار۔ جنگل جوُہ اُجاڑ پہاڑ نہ کوئے وکھائیندا، سمُند ساگر نہ کوئے جلدھار۔ کروڑ تیتیِسا نہ ناچ نچائیندا، سُرپت اِند نہ واجاں رہیا مار۔ گن گندھرب نہ کوئے وکھائیندا، کِنر یچھپ نہ کوئے نچار۔ چؤداں وِدیا نہ کوئے پڑھائیندا، چؤداں لوک نہ کوئے پسار۔ چؤداں طبق نہ ہٹّ کُھلائیندا، کھیلے کھیل اگمّ اپار۔ سچکھنڈ دوارا اِک سُہائیندا، آپ اپنی کِرپا دھار۔ نِرگُن ساچا سوبھا پائیندا، پاربرہم سچّی سرکار۔ سچ سِنگھاسن اِک سُہائیندا، شاہو بھوُپ بن سِکدار۔ سیِس اپنے تاج ٹِکائیندا، پنچم مُکھ مُکھ پیار۔ ستّ رنگ نِشانہ آپ چڑھائیندا، درگاہ ساچی پروردِگار۔ مقامے حق ڈیرہ لائیندا، جوتی نوُر کر اُجیار۔ آد جُگادی ڈگمگائیندا، جوتی جوت سروُپ ہرِ، آپ اپنی کِرپا کر، ایکا وسے ساچے گھر، سچکھنڈ دوارا آپ سُہائیندا۔ سچکھنڈ دوارا ہرِ سُہائیندا، ایکا رنگ سمائے۔ پُرکھ ابناشی کھیل کھِلائیندا، جوُنی رہِت بےپرواہے۔ انبھوَ اپنا پرکاش کرائیندا، پرکاش پرکاش وِچ ٹِکائے۔ نِربھؤ بھےَ نہ کوئے جنائیندا، بھےَ بھیانک اپنا آپ ہوئے سہائے۔ اچن اچانک اپنا روُپ پرگٹائیندا، مات پِت نہ کوئے سُہائے۔ جگت سیانپ نہ کوئے رکھائیندا، دُھر فرمانا حُکم سُنائے۔ ونج ونجارا ہٹّ نہ کوئے کُھلائیندا، در گھر ساچا اِک اُپائے۔ آپ اپنی جوت جگائیندا، بِمل روُپ سچّا شہنشاہے۔ سچ سِنگھاسن آسن لائیندا، جوتی جوت سروُپ ہرِ، آپ اپنی جوت دھر، ایکا وسے ساچے گھر، سچکھنڈ دوارا آپ وڈیائے۔ سچکھنڈ دوار سُہنجنا، پُرکھ ابناشی آپ سُہایا۔
جوت جگائے اِک نِرنجنا، آد جُگاد رہے رُشنایا۔ نہ گھڑیا نہ بھجّنا، نہ مرے نہ جایا۔ نہ کوئی سروور نہ کوئی مجنا، نہاوَن نہؤن نہ کوئے نُہایا۔ نہ کوئی نگارہ نہ کوئی تال وجّنا، ناد اناد نہ کوئے سُنایا۔ اِک اِکلّا گھر ساچے بَیٹھا ایکا سجنا، آپ اپنا سنگ نِبھایا۔ آد جُگاد چلائے اپنا جہازنا، رتھ رتھواہی ہرِ رگھرایا۔ سچکھنڈ دوارے بہہ کرے اپنا کاجنا، کرتا پُرکھ سیو کمایا۔ شبد اگمّی مارے واجنا، ناؤں نِرنکارا آپ پرگٹایا۔ آپے دیوے اپنا داجنا، اپنی وست آپے جھولی پایا۔ آپے کرے اپنی سازنا، سازنہار آپ اکھوایا۔ آپے رکھے اپنی لاجنا، پاربرہم وڈ وڈیایا۔ جوتی جوت سروُپ ہرِ، آپ اپنی کِرپا کر، وسنہارا ساچے گھر، سچکھنڈ دوارا اِک سُہایا۔ سچکھنڈ دوار سُہاونا، سو پُرکھ نِرنجن آپ سُہائے۔ ہرِ پُرکھ نِرنجن ڈیرہ لاونا، ایکنکارا جوت جگائے۔ آد نِرنجن ڈگمگاونا، ساچے مندر ہوئے رُشنائے۔ سِری بھگوان تخت سُہاونا، ابناشی کرتا سیج ہنڈھائے۔ پاربرہم نِیوں نِیوں اپنے اَگے سیِس جھُکاونا، ایکا منگن منگ منگائے۔ سَت پُرکھ نِرنجن دَیا کماونا، دیونہارا بےپرواہے۔ اپنی ونڈ آپ ونڈاونا، نِرگُن نِرگُن ویس دھرائے۔ اپنا رنگ آپ رنگاونا، روُپ رنگ نہ کوئے جنائے۔ اپنا سنگ آپ نِبھاونا، دوُسر سنگ نہ کوئے وکھائے۔ اپنا بنک آپ سُہاونا، سچکھنڈ وجےّ ودھائے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ور داتا آپ ہو جائے۔ نِرگُن داتا بن بھنڈاری، نِرگُن وست ونڈائیندا ۔ نِرگُن درویش بنے بِھکھاری، نِرگُن بِھچھیا جھولی پائیندا۔ نِرگُن کھیلے کھیل اگمّ اپاری، نِرگُن الکھ اگوچر آپ اکھوائیندا۔ نِرگُن جوت جگے نِرنکاری، نِرگُن نر نرائن اپنا ناؤں دھرائیندا۔ نِرگُن جوتی رہے کواری، نِرگُن ناری کنت آپ پرنائیندا۔ نِرگُن سیج رہیا سواری، سچ سِنگھاسن اِک وچھائیندا۔ نِرگُن میلا ہرِ بھتاری، کنت کنتُوہل سوبھا پائیندا۔ نِرگُن اندر نِرگُن باہری، نِرگُن گُپت ظاہری ویس وٹائیندا۔ نِرگُن ---------- بھوگ بِلاس کرائیندا۔ نِرگُن سُہائے اُچ محل اٹل مناری، نِرگُن سوبھا پائیندا۔ نِرگُن جوت جگائے اِک اُجیاری، دیوا بتّی نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن میلا اپنا آپ مِلائیندا۔ نِرگُن میل مِلائیندا، نِرگُن کر پیار۔ نِرگُن انگ لگائیندا، نِرگُن دئے آدھار۔ نِرگُن نِرگُن وِچ سمائیندا، نِرگُن نِرگُن وِچوں آئے باہر۔ نِرگُن سُت دُلارا جائیندا، جننی بنے آپ نِرنکار۔ آپے اپنی گود سُہائیندا، آپے ویکھے نَین اُگھاڑ۔ آپے اپنا رس پیائیندا، رس رسیا رساں وسے باہر۔ آپے اپنا داس بنائیندا، کر کِرپا ہرِ مِہربان۔ آپے اپنا واس رکھائیندا، دیونہارا ساچا دان۔ آپے جوت پرکاش کرائیندا، آد جُگاد رہے نِگہبان۔ جوتی جوت سروُپ ہرِ، آپ
اپنی کِرپا کر، دیونہارا ساچا ور، اِک اُپجائے ساچا سُت، شبد شبدی کھیل کھِلائیندا۔ شبد دُلارا ساچا لال، سو پُرکھ نِرنجن آپ اُپایا۔ ہرِ پُرکھ نِرنجن کرے سدا پرِتپال، آد جُگاد ہوئے سہایا۔ ایکنکارا بنے دلال، دو جہاناں ویکھ وکھایا۔ آد نِرنجن دیِپک بال، کرے کرائے سچّی رُشنایا۔ ابناشی کرتا دیوے سچ سچّا دھن مال، سچ خزیِنہ اِک بھرایا۔ سِری بھگوان داس بنائے کال مہاکال، دھرمسال اِک سُہایا۔ پار برہرم پربھ لائے پُھل ڈال، پُھل پُھلواڑی ویکھ وکھایا۔ آد پُرکھ چلے اولّڑی چال، لیکھا لیکھ نہ کوئے لِکھایا۔ جوتی جوت سروُپ ہرِ، آپ اپنی جوت دھر، سچکھنڈ دوارا اِک سُہایا۔ سچکھنڈ دوارا ہرِ اُپایا، مہما اکتھ کتھی نہ جائیا۔ چار دیِوار نہ کوئے بنایا، چھپر چھنّ نہ کوئے چُھہائیا۔ اِک اِکلّا بَیٹھا آسن لایا، سوَچّھ سروُپ بےپرواہیِا۔ شاہو بھوُپ بنک سُہایا، آد اَنت کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچّا شہنشاہیِا۔ شہنشاہ شاہ پاتشاہ، پاربرہم آپ اکھوائیندا۔ اکال پُرکھ بن ملاح، اپنا بیڑا آپ چلائیندا۔ نِرگُن نِروَیر دیوے اِک صلاح، صِفت صالاحی بھیوَ نہ آئیندا۔ سچکھنڈ دوارا رچن رچا، اپنا مندر ویکھ وکھائیندا۔ اپنی اِچھیا اپنی بِھچھیا آپے جھولی دئے بھرا، آسا آسا وِچ ٹِکائیندا۔ سچکھنڈ اندر تھِر گھر لئے اُپا، گھر گھر وِچ جوت جگائیندا۔ شبد سُت وِچ دئے بہا، دُھر فرمانا آپ سُنائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ گھر وِچ گھر گھر اُپایا، تھِر گھر خوشی منائیا۔ اپنا جایا وِچ بہایا، جوتی جاتا ویکھ وکھائیا۔ دائی دایا سیو کمایا، پاربرہم وڈّی وڈیائیا۔ حُکمی حُکم آپ ورتایا، ورتے حُکم سچّا شہنشاہیِا۔ ہرِ ہرِ کرتے کھیل رچایا، اپنا بنس آپ اُپائیا۔ اپنا پرچہ اپنے اَگے آپے پایا، دوُجا کرے نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، تھِر گھر ویکھے ایکا ہرِ، سُت دُلارا رہیا سُہائیا۔ سُت دُلارا بال انجانا، شبدی سیِس جھُکائیندا۔ تُوں صاحِب سُلطانا سچّا رانا، ساچے تخت سوبھا پائیندا۔ ہؤں یاچک غریِب نِمانا، در تیرے الکھ جگائیندا۔ سمرتھ پُرکھ سِر ہتّھ ٹِکانا، تیری اوٹ اِک تکائیندا۔ تیرا ناؤں میرا گانا، میرا گانا تیرا ناؤں الائیندا۔ تیرا حُکم میرا بھانا، میرا بھانا تیرا حُکم منائیندا۔ جوتی جوت سروُپ ہرِ، آپ اپنی کِرپا کر، تھِر گھر ساچا ویکھے کھڑ، اپنا دوارا آپ کُھلائیندا۔ شبد دُلارا کرے پُکار، پربھ اَگے سیِس جھُکائیا۔ ہؤں سیوک بردا سیوادار، تُوں پاتشاہاں سِر پاتشاہیِا۔ آد جُگاد بنیا رہاں بِھکھار، سچکھنڈ دوارا راہ تکائیا۔ تُوں بنیا رہنا ورتار، میری ترِسنا بُھکھ مِٹائیا۔ بِن تُدھ اوَر نہ منگاں کوئے دربار، دوُجی اوَر نہ کوئے سرنائیا۔ جوتی
جوت سروُپ ہرِ، آپ اپنی کِرپا کر، ایکا دینا ساچا ور، بخشش تیرے ہتّھ وڈیائیا۔ پُرکھ ابناشی دیِا دان، ساچے سُت سُت سمجھائیندا۔ آد جُگاد سُنائے دُھر فرمان، اپنا ناؤں تیری جھولی پائیندا۔ تیرا ناؤں میرا نِشان، دو جہان اِک وکھائیندا۔ تیرا مان میرا تان، نِگہبان آپ الائیندا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ساچا میلا میل مِلائیندا۔ شبد سُت نِوائے سیِس، نِیوں نِیوں کرے نِمسکارا۔ پاربرہم سچ جگدیِش، ہؤں سیوک کھڑا دوارا۔ ایکا چھتر ویکھاں تیرے سیِس، دو جہان بنیا رہے سچّا سِکدارا۔ جُگا جُگنتر تیرا پیِسن لواں پیِس، حُکمی حُکم ورتے ورتارا۔ اِک اُپجائے سچ حدیِث، جوتی جوت سروُپ ہرِ، آپ اپنی جوت دھر، دیونہارا ساچا ور، دیوے ور ایکنکارا۔ ایکنکار دَیا کمائیندا، دَیانِدھ سِری بھگوان۔ اپنے سُت سیو لگائیندا، ابناشی اچُت وڈ مِہربان۔ دُھر فرمانا اِک سُنائیندا، ونڈے ونڈ گُن نِدھان۔ نِرگُن نِرگُن انگ کٹائیندا، وِشوَ روُپ کر پروان۔ وِشن اپنی انس بنائیندا، آپے رکھنہارا مان۔ نِراکار ساکار ہو جائیندا، جوتی جوت سروُپ ہرِ، آپ اپنی جوت دھر، دیونہارا ساچا ور، ساچا تخت آپ سُہائیندا۔ شبد دُلارا اُٹھیا، تھِر گھر ساچے لئے انگڑائیا۔ سو پُرکھ نِرنجن ایکا تُٹھیا، وست امولک جھولی پائیا۔ آد جُگاد نہ جائے لُٹیا، جُگ جُگ وجےّ ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کوَن سُ ویلا سوہاں در، آد پُرکھ دئے سمجھائیا۔ آد پُرکھ سمجھائیندا، کر کِرپا مِہربان۔ سُت شبد آپ اُٹھائیندا، داتا دانی دَیاوان۔ حُکمی حُکم آپ ورتائیندا، شاہو بھوُپ حُکمران۔ اپنا بھیوَ آپ کُھلائیندا، لیکھا لِکھے نہ کوئے گُن نِدھان۔ تیری ساچی ونڈ ونڈائیندا، ونڈنہارا آپ بھگوان۔ وِشن برہما شِو تیری جھولی پائیندا، انس بنس کر سنتان۔ ترےَگُن مایا روُپ پرگٹائیندا، کرے کھیل کھیل مہان۔ لکھّ چؤراسی بھانڈے آپ گھڑائیندا، گھاڑن گھڑے وڈ مِہربان۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ساچے شبد آپ سمجھائیندا۔ سُت دُلارے کر دھیان، ہرِ ساچا سچ جنائیا۔ برہمنڈ کھنڈ لوآں پُریاں تیرا اِک نِشان، گگن منڈل تیری وڈیائیا۔ سوُرج چنّ منگن تیرے کولوں دان، کِرن کِرن وِچ سمائیا۔ منڈل منڈپ زِمیں اسمان، تیری گود بہائیا۔ جل بِنب کر پروان، نیِر نیِر وِچ سمائیا۔ لکھّ چؤراسی نِگہبان، گھٹ گھٹ جوت کرے رُشنائیا۔ تیرا سنگ نِبھائے برہما وِشن شِو ایکا دینا ساچا دان، داتا دانی آپ سمجھائیا۔ وِشنوُں گھر گھر رِزق پُچائے آن، بُھل رہے نہ رائیا۔ برہما برہم کرے پردھان، کوٹن کوٹ گڑھ وسائیا۔ شنکر اَنت کرے کلیان، ترےَگُن تِرسوُل ہتّھ اُٹھائیا۔
کرے کھیل سِری بھگوان، پاربرہم وڈّی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تھِر گھر ساچے آپے کھڑ، ایکا شبد دئے وڈیائیا۔ شبد دُلارا نؤجوان، اپنی سیو کمائیندا۔ برہما وِشن شِو کر پردھان، ساچی سِکھیا اِک سمجھائیندا۔ پاربرہم برہم چرن دھیان، دوُجی لِو نہ کوئے دھرائیندا۔ نِش اکھّر دیوے اِک گیان، لِکھن پڑھن وِچ نہ آئیندا۔ نام نِدھانا مارے بان، تِکھی مُکھی مُکھ صالاحِندا۔ چاروں کُنٹ ہو پردھان، دہ دِشا ویکھ وکھائیندا۔ چارے وید گائے گان، گیِت گوبِند الائیندا۔ جوتی جوت سروُپ ہرِ، آپ اپنی جوت دھر، ایکا دیوے ساچا ور، ساچے سُت ہرِ سمجھائیندا۔ ہرِ سمجھائے اپنی دھار، نِش اکھّر کرے پڑھائیا۔ لکھّ چؤراسی کر پسار، گھٹ گھٹ بَیٹھا جوت جگائیا۔ نِرگُن سرگُن دئے آدھار، سرگُن نِرگُن وِچ ٹِکائیا۔ بنے وچولا آپ کرتار، ساچا ڈھولا شبد سُنائیا۔ بنیا تولا تولنہار، اتول اتُل آپ اکھوائیا۔ کرے کھیل اپر اپار، اگمّ اگمّڑی کار کمائیا۔ کاغد قلم نہ لِکھنہار، ست سمُندر مس رووے شاہیِا۔ پُرکھ ابناشی سب توں وسیا باہر، بھیوَ ابھیدا بھیوَ چُھپائیا۔ اپنی رچنا رچ سنسار، لوک مات ویکھ وکھائیا۔ گھاڑن گھڑے اپر اپار، ساچی بھٹّھی اگن تپائیا۔ جوتی لنبوُ لائے ایکا وار، تتَو تت اِک رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچے شبد بھیوَ کُھلائیا۔ بھیوَ کُھلائے پاربرہم، مہما کتھ نہ سکے کوئی رائیا۔ آد جُگاد نہ مرے نہ پئے جمّ، جُگ جُگ اپنی رچن رچائیا۔ جُگا جُگنتر کرتا پُرکھ کرے کارج کمّ، کرنہار آپ ہو جائیا۔ لکھّ چؤراسی دیوے دم، پوَن سواسی سواس سمائیا۔ چارے کھانی بیڑا بنّھ، دُھر دی بانی آپ الائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، ایکا سِکھیا ہرِ سمجھائیا۔ سِکھیا سِکھ چھوٹا بالا، شبدی سیِس جھُکائیندا۔ تیرا کھیل پُرکھ اکالا، لوک مات کھِلائیندا۔ تُوں دیناں بندھوُ دیِن دَیالا، دے دَیا تیری منگ منگائیندا۔ لکھّ چؤراسی رچی دھرمسالہ، گھر گھر تیرا مندر بنائیندا۔ ایکا شبد وجائے تالا، انحد ساچی سیو لگائیندا۔ اپنا مارگ دسّنا اِک سُکھالا، کوَن ویلا میل مِلائیندا۔ کوَن جُگ پوُری ہوئے گھالا، چؤکڑی جُگ کوَن بِتائیندا۔ کوَن روُپ ہوئے دلالا، جوتی جوت سروُپ ہرِ، آپ اپنی کِرپا کر، ایکا دینا ساچا ور، ساچی منگن منگ منگائیندا۔ دیوے ور پُرکھ ابناشا، بھیوَ رہے نہ رائیا۔ ساچے سُت رکھ بھرواسا، پُرکھ اکال اکال سمجھائیا۔ نؤ سؤ چُرانوے چؤکڑی جُگ رہنا داسی داسا، لکھّ چؤراسی سیو کمائیا۔ گگن منڈل لوآں پُریاں برہمنڈاں کھنڈاں پاؤنی راسا، لکھّ چؤراسی گوپی کاہن نچائیا۔ گُر اوتار دیون آئن جگت دِلاسا، حُکمی
حُکم اِک سُنائیا۔ بھگتاں اندر کر کر واسا، جگت واسنا باہر کڈھائیا۔ سنتن پوُری کرے آسا، آلس نِندرا رہے نہ رائیا۔ گُرمُکھاں امرت رس چوائے کایا کاسہ، نِجھر جھِرنا آپ جھِرائیا۔ گُرسِکھاں اندر کرے واسا، گُر منتر کرے پڑھائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیا۔ نِرگُن نِرگُن بھیوَ کُھلائیندا، لِکھن پڑھن وِچ نہ آیا۔ پِتا پوُت آپ سمجھائیندا، ساچا لیکھا لیکھے لئے لگایا۔ نؤ نؤ چار پندھ مُکائیندا، جُگ چؤکڑی گیڑا آپ دوایا۔ سوُرج چنّ آپ بھوائیندا، زِمیں اسمان ویکھ وکھایا۔ لکھّ چؤراسی کھیل کھِلائیندا، خالق خلق روُپ وٹایا۔ جُگ جُگ اپنا مردنگ وجائیندا، ایکا ناؤں کر رُشنایا۔ جُگ جُگ اپنا پندھ مُکائیندا، پاندھی ہوئے ہرِ شہنشاہیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ایکا ناؤں دئے دِرڑایا۔ ناؤں دِرڑائے آپ نِرنکار، نِروَیر کھیل کھِلائیا۔ جُگ جُگ بیڑا جائے تار، پُرکھ ابناشی بےپرواہیِا۔ لیکھا جانے لکھّ چؤراسی کر وِچار، نوَ ستّ پھول پُھلائیا۔ برہم مت دئے آدھار، ایکا تتَو تت سمجھائیا۔ گت مِت ہتّھ رکھے کرتار، آد جُگاد وڈّی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نؤ نؤ چار بھیوَ کُھلائیا۔ نوَ نؤ چار بھیوَ کُھلایا، نر نرائن دَیا کمائیندا۔ آد جُگاد شبد برہمادِ ساچا ناد وجایا، لوآں پُریاں آپ سُنائیندا۔ اپنے وِچوں کاڈھ اپنی سیوا لایا، آپے ویکھ وکھائیندا۔ جوتی جوت سروُپ ہرِ، آپ اپنی جوت دھر، اپنا لیکھا اپنے ہتّھ رکھائیندا۔ لیکھا ہتّھ رکھے کرتار، کرتا بھیوَ نہ کوئے پائیندا۔ آد جُگادی لےَ اوتار، گُر گُر اپنا ناؤں دھرائیندا۔ شبد اگمّی بول جَیکار، لوک مات مات پرگٹائیندا۔ بھگت بھگوَنت کر پیار، ساچے سنت میل مِلائیندا۔ پنج تت کایا کرے شنگار، رنگ مجیٹھی اِک چڑھائیندا۔ جوت جگائے ڈوُنگھی غار، اندھ اندھیر سرب مِٹائیندا۔ سُکھمن ناڑی کرے پار، ٹیڈھی بنک ویکھ وکھائیندا۔ اِیڑا پِنگل کر وِچار، ساچے مارگ آپے لائیندا۔ نابھی کوَلا امرت دھار، نِجھر جھِرنا آپ جھِرائیندا۔ کوَل کوَلا مُکھ اُگھاڑ، امرت رس آپ وہائیندا۔ اپنا نیتر آپ اُگھاڑ، اپنا روُپ آپ درسائیندا۔ ناتا توڑے پنچم دھاڑ، پنچم دُھن شبد اُپجائیندا ۔ انحد گائے اپنی وار، گیِت انادی آپ سُنائیندا۔ ساچا لائے اِک اکھاڑ، ساچی سخیاں میل مِلائیندا۔ ساچا ہانی شبد کرے پیار، سُرت سوانی ویکھ وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا سُت شبد وڈیائیندا۔ سُت شبد بل لَینا رکھ، سمرتھ پُرکھ دئے وڈیائیا۔ جُگ جُگ ہوئے آپ پرتکھ، لوآں پُریاں ویکھ وکھائیا۔ لکھّ چؤراسی قیِمت کرتا آپے پائے کروڑی لکھّ، ککھّ ککھّ آپ وِکائیا۔ نِرگُن
نِروَیر مارگ ایکا دسّ، چار ورن راہ وکھائیا۔ شبد بان مارے کس، بجر کپاٹی دئے تُڑائیا۔ آتم سیجا بہے ہسّ ہسّ، گھر ساچی سیج سُہائیا۔ بھوگ بلاس دیوے ایکا رس، رس بِھناں اِک سمجھائیا۔ رَین بِھنڑی راہ تکّے نسّ نسّ، ملِے میل ساچے ماہیِا۔ گُرمُکھ پیار اندر جائے پھس، لکھّ چؤراسی توڑے پھاہیِا۔ گھر کرے پرکاش کوٹن کوٹ روَ سس، برہم پاربرہم مِلائیا۔ جوتی جوت سروُپ ہرِ، آپ اپنی کِرپا کر، لیکھا جانے ساچا ہرِ، جُگ جُگ گیڑا اپنے ہتّھ رکھائیا۔ جُگ جُگ گیڑ گڑائیندا، گیڑنہار آپ نِرنکار۔ سَتجُگ تریتا دواپر پندھ مُکائیندا، کلجُگ آئے انتم وار۔ نؤ سؤ چُرانوے چؤکڑی جُگ کولوُ چکّی چکّ بھوائیندا، ترےَبھوَن کر خوار۔ اَون گوَن ویکھ وکھائیندا، نِرگُن روُپ نِراکار۔ لکھّ چؤراسی پندھ مُکائیندا، جو گھڑیا بھنےّ وِچ سنسار۔ تھِر کوئے رہن نہ پائیندا، کھیلے کھیل اگمّ اپار۔ سُت دُلارا آپ سُہائیندا، پاربرہم پربھ کر وِچار۔ کلجُگ انتم ویس وٹائیندا، نِرگُن روُپ ہوئے اُجیار۔ تیری قیِمت آپے پائیندا، گُن اَوگُن لئے وِچار۔ سُن پُکار دَیا کمائیندا، دھرت دھوَل دئے سہار۔ وِشنوُں لیکھا موُل چُکائیندا، پاوے سار آپ بھنڈار۔ برہمے برہم میل مِلائیندا، میلنہارا ایکنکار۔ شنکر ہتّھ ترِسوُل سُٹائیندا، پُرکھ ابناشی کرے وِچار۔ چاروں کُنٹ اندھیرا چھائیندا، رَین اندھیری دھوُاں دھار۔ بھَیناں بھئیا سیج ہنڈائیندا، سُت مات کرے وِبھچار۔ ناری کنت نہ کوئے منائیندا، نؤ سؤ چُرانوے چؤکڑی جُگ آئی ہار۔ پُرکھ ابناشی دَیا کمائیندا، شبد سُت کرے پیار۔ اپنا بھیوَ آپ کُھلائیندا، الکھ اگوچر اگمّ اپار۔ دیوی دیوَ نہ کوئے وکھائیندا، گُر پیِر نہ کوئے اوتار۔ وِشنوُں سیج نہ کوئے ہنڈھائیندا، سانگو پانگ کرے پیار۔ برہما وید نہ کوئے لِکھائیندا، ویداں والا پاوے سار۔ شنکر باسک تشکا نہ گل لٹکائیندا، کنٹھ مالا نہ سوہے ہار۔ اِندر سیج نہ کوئے ہنڈائیندا، کروڑ تیتیِس نہ میِت مُرار۔ لکھّ چؤراسی پھول پُھلائیندا، اِک اِکلّا ایکنکار۔ گھٹ گھٹ اپنی سیج وِچھائیندا، آپے سُتا پَیر پسار۔ اپنی کروٹ نر ہرِ پرگٹائیندا، بدلے کروٹ نہ نِراکار۔ کلجُگ کوُڑے دھندے لائیندا، کوُڑی کِریا دئے آہار۔ جوُٹھ جھوُٹھ ہتّھ پھڑائیندا، چاروں کُنٹ کرے پُکار۔ آسا ترِسنا میل مِلائیندا، گڑھ وسائے کام کرودھ لوبھ موہ ہنکار۔ ہرِ کا نام نہ کوئے دھیائیندا، رسنا جِہوا بھریا اِک وِکار۔ اِشٹ دیوَ نہ کوئے منائیندا، درِشٹ کھولے نہ کوئے سنسار۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ایکا شبد دئے آدھار۔ شبد دُلارا ہرِ سمجھاؤنا، آد پُرکھ بےپرواہیِا۔ نؤ سؤ چُرانوے چؤکڑی جُگ پندھ مُکاؤنا، کال کال بیِت بِتائیا۔ کلجُگ ویلا اَنت سہاؤنا، نِرگُن نِروَیر کھیل
کھِلائیا۔ بل باوَن ہرِ بھیکھ وٹاؤنا، رام راون دئے گھائیا۔ کاہنا کنسا میٹ مِٹاؤنا، کوَل نَین اِک اکھوائیا۔ عیسیٰ موُسیٰ کالا سوُسا تن چُھہاؤنا، کلمہ کائنات اِک پڑھائیا۔ سنگ محمد چار یار ڈھولا ایکا گاؤنا، اَناالحق نعرہ لائیا۔ نانک نِرگُن ویس وٹاؤنا، سَت نام نام پڑھائیا۔ چار ورناں میل مِلاؤنا، اوُچ نیِچ رہن نہ پائیا۔ آد شبد گُر اِک وکھاؤنا، گُر ارجن گُر گُر سمجھائیا۔ جودھا سوُربیِر ناؤں دھراؤنا، پُرکھ اکال سُت دُلارا اِک پرگٹائیا۔ چنڈ پرچنڈ ہتّھ اُٹھاؤنا، تِکھی دھار آپ وکھائیا۔ کلجُگ انتم راہ تکاؤنا، نانک گوبِند دئے صالاحیِا۔ وید ویاسا لیکھ لِکھاؤنا، پُران اٹھاراں سلوک لکھّ چار ہزار ستاراں گیا لِکھائیا ۔ نِہکلنک پربھ جامہ پاؤنا، نِرگُن جوت کرے رُشنائیا۔ کل کلکی اوتار اِک اکھواؤنا، دوُسر اوَر نہ کوئے جنائیا۔ پُرکھ اکال اِک مناؤنا، آد جُگاد سچّا گوسائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آد جُگاد جُگاد آد اپنے حُکم آپ پِھرائیا۔ اپنے حُکم اندر آپے وسیا، باہر حُکم نہ کوئے۔ پُرکھ ابناشی پِھرے نسّیا، جُگا جُگنتر تیِنوں لوئے۔ جن بھگتاں مارگ ساچا دسّیا، نام سُنائے ساچی سوئے۔ جوتی جوت سروُپ ہرِ، آپ اپنی جوت دھر، آد جُگاد جُگاد آد اپنا بیِج آپے بوئے۔ اپنا بیِج آپے بیِج دا، بیِجن ہار آپ نِرنکار۔ اپنے امرت آپے سیِجدا، سِنچ کیاری ویکھے ہرِ اوَر نہ جانے کوئے۔ اپنے اندر آپے بِھنچ دا، رس لہنا دیوے ساچے ڈھوئے۔ جوتی جوت سروُپ ہرِ، آپ اپنی جوت دھر، آد جُگاد اپنے جیہا آپے ہوئے۔ اپنے جیہا آپے ہویا، دوُسر روُپ نہ کوئے وٹائیا۔ نہ جنمے نہ کدے مویا، آون جاون کھیل کھِلائیا۔ آلس نِندرا وِچ نہ کدے سویا، دِوس رَین نہ کوئے وڈیائیا۔ جُگا جُگنتر دیوے ساچا ڈھوآ، نام ناماں لئے پرگٹائیا۔ جوتی جوت سروُپ ہرِ، آپ اپنی جوت دھر، آد جُگاد جُگاد آد اپنی کھیل کھِلائیا۔ آپے کھیلے کھیل کھِلاری، کھیلنہارا آپ اکھوایا۔ آپے نِرگُن جوت کرے اُجیاری، آپے سُنّ سمادھ سمایا ۔ آپے جُگ جُگ لےَ اوتاری، کرتا پُرکھ اپنا ویس وٹایا۔ آپے اپنی بازی جائے ہاری، جِتّ ہار اپنے ہتّھ رکھایا۔ آپے اپنی پَیج جائے سواری، جوتی جوت سروُپ ہرِ، آپ اپنی جوت دھر، ایکا وسے ساچے گھر، گھر سچکھنڈ دوارا ساچا کھول، شبد راگی ایکا بول، آد جُگاد تولے تول، لکھّ چؤراسی اندر جائے مؤل، آپ اپنا روُپ درسایا۔ روُپ درسائے پُرکھ اکالا، گھٹ گھٹ جوت رُشنائیا۔ جن بھگتاں کرے سدا پرِتپالا، پرِتپالک اِک اکھوائیا۔ سچکھنڈ وکھائے سچّی دھرمسالہ، جِس جن اپنی دَیا کمائیا۔ لکھّ چؤراسی توڑے جنجالا، رائے دھرم نہ دئے سزائیا۔ پاربرہم برہم گل پائے مالا، سوہنگ اکھّر ہنگ برہم پڑھائیا۔ سَتجُگ چلے
اولّڑی چالا، چال نِرالی اِک رکھائیا۔ جوتی جوت سروُپ ہرِ، آپ اپنا دیوے ور، شبدی شبد وڈ وڈیائیا۔ شبد گُر وڈ بلوانا، آد جُگاد سمایا۔ جُگا جُگنتر نؤجوانا، دو جہاناں کھیل کھِلایا۔ لیکھا جانے مرد مردانہ، محرم اپنا بھیوَ کُھلایا۔ کلجُگ انتم ہوئے پردھانا، نِرگُن نِروَیر ناؤں رکھایا ۔ کھتری براہمن شوُدر وَیش چار ورن بنّھے گانا، جو جن ہرِ ہرِ رہے دھیایا۔ نام جنائے دُھر فرمانا، دُھر دی بانی بان لگایا۔ اِشٹ دیوَ گُر شبد منانا، پنج تت ناتا توڑ تُڑایا۔ آد جُگاد جُگا جُگنتر ہری ہرِ ورتائے اپنا بھانا، ہرِ بھانے وِچ سمایا۔ کلجُگ انتم تختوں لاہے راجا رانا، سیِس تاج نہ کوئے رکھایا۔ نؤ کھنڈ پرِتھمی رکھے ایکا آنا، بیِس بیِسا ہوئے رُشنایا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، شبدی ڈنکا اِک وجایا۔ ہرِ ڈنکا شبد وجائیندا، نِرگُن چوٹ اگمّ اپار۔ راؤ رنکاں آپ اُٹھائیندا، شاہ سُلطاناں کرے بے دار۔ مُلّا شیخ مسائق پیِر آپ جگائیندا، سویا رہے نہ کوئے وِچ سنسار۔ پنڈت پاندھے اکھّ کُھلائیندا، جوت للاٹی کرے وِچار۔ سادھاں سنتاں بھیوَ جنائیندا، آتم کھولے بند کِواڑ۔ گُرمُکھ ساچے در بہائیندا، ناتا توڑ پنچم دھاڑ ۔ کام کرودھ لوبھ موہ ہنکار نیڑ نہ آئیندا، جِس جن سَتگُر پوُرا کرے پیار۔ گُرسِکھ وِرلا نانک گوبِند درشن پائیندا، لکھّ چؤراسی سُتی پَیر پسار۔ کاہنا کرِشنا نظر کِسے نہ آئیندا، کلجُگ گوپی کوُڑا کریا تن شنگار۔ سیِتا سُرت نہ کوئے پرنائیندا، جنک سپُتری نہ کوئے دُلار۔ رام دھنُکھ نہ کوئے اُٹھائیندا، گھر گھر کاج رچیا وِبھچار۔ نمو نمو سرب کُرلائیندا، پاربرہم کرے نہ کوئے نِمسکار۔ رسنا جِہوا جیِو جنت سب گائیندا، اجپا جاپ نہ کرے پیار۔ دوئے دوئے لوچن ویکھ وکھائیندا، تیِجا نیتر کھولے نہ کوئے کِواڑ۔ اٹھسٹھ تیِرتھ جا جا نہاوَن نہائیندا، دُرمت مَیل نہ دیوے کوئے اُتار۔ بِن سَتگُر پوُرے بند تاک نہ کوئے کُھلائیندا، آتم برہم نہ پائے سار۔ اِیش جیِو نہ میل مِلائیندا، جیِون جُگتی دئے سوار۔ آد شکتی شکت دھرائیندا، چتُربُھج کھیل اپار۔ سچ بھوانی آپ پرگٹائیندا، سچ نِشانی ہتّھ نِرنکار۔ دو جہانی کھیل کھِلائیندا، کلجُگ ویکھے انتم وار۔ سوُربیِر بلکار اپنا بل دھرائیندا، اِک اِکلّا پروردِگار۔ مُکھ نقاب پردہ لاہِندا، احباب رباب وجائے ستار۔ گُرمُکھ ساچے میل مِلائیندا، پوُرب کرماں کر وِچار۔ جنم جُگ وِچھڑے میل مِلائیندا، میل مِلائے میلنہار۔ کلجُگ سُتڑے آپ اُٹھائیندا، جوتی جوت سروُپ ہرِ، آپ اپنی جوت دھر، نِہکلنک نرائن نر، ہرِ نر نرائن نر ہرِ سچّی سرکار۔