کتب خانہGranth 10 (Urdu)

۲۱ پھگن ۲۰۱۷ بِکرمی جمعدار کِشن سِنگھ دے گرِہ پِنڈ اَلھڑ پِنڈی ضِلع گُرداس پُر

بھولے بھاؤ ہرِ جس گایا، ہرِ ہرِ لیکھے اپنے لائیندا۔ غریِب نِمانے میل مِلایا، نام بندھن ایکا پائیندا۔ پتن پاہروُ بن کے آیا، کھیوٹ کھیٹا بھیوَ نہ آئیندا۔ ساچا بیڑا جگ لیایا، ساچی سیو آپ کمائیندا۔ اپنی ہتھّیں چپوُّ دئے لگایا، بھگت ملاحی پھیرا پائیندا۔ لگّا نیہوں لئے توڑ نِبھایا، اَدھ وِچکار نہ کوئے تُڑائیندا۔ الکھ ابھیوَ بھیوَ نِرنجن درس دِکھایا، نیتر نَین آپ کُھلائیندا۔ سیوا کرن دا ہرِ چاؤ رکھایا، جوتی جوت سروُپ ہرِ، آپ اپنی کِرپا کر، ہرِجن آپے آپ ترائیندا۔ ہرِجن بال انجانا ہرِ ساچا سچ سمجھائیندا۔ کرے کھیل سِری بھگوانا، بھگوَن اپنا روُپ وٹائیندا۔ گُرمُکھاں دیوے نام نِدھانا، نِروَیر پُرکھ جھولی پائیندا۔ سَت سروُپی بنّھے گانا، شبدی تند ہتّھ اُٹھائیندا۔ لیکھا جانے دو جہاناں، کلجُگ انتم ویس وٹائیندا۔ شبد جنائے دُھر فرمانا، ناد انادی آپ وجائیندا۔ ہرِجن دیوے ساچا مانا، ایکا اوٹ پُرکھ اکال بنائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے پار کرائیندا۔ ہرِجن پار اُتارنا، کر کِرپا گُن نِدھان۔ پوُرب جنم آپ وِچارنا، لیکھا جانے آپ بھگوان۔ مانَس جنم پَیج سوارنا، چرن کوَل بخشے اِک دھیان۔ ہؤمے ہنگتا روگ نِوارنا، مایا موہ نہ دِسے کوئے نِشان۔ جوُٹھ جھوُٹھ پندھ مُکاونا، کام کرودھ لوبھ موہ ہنکار پائے ایکا آن۔ جوتی جوت سروُپ ہرِ، آپ اپنی کِرپا کر، ہرِجن ویکھے بال نادان۔ بال نادانا ویکھن آیا، کِرپا نِدھ ہرِ کرپال۔ نؤ کھنڈ پرِتھمی ستّاں دیِپاں جگت ریکھ میٹن آیا، داتا جودھا سوُربیِر نؤجوان۔ ایکا اکھّر ایکا ناؤں اِک نِرنکارا چیتن آیا، لیکھا جانے دو جہان۔ جوتی جوت سروُپ ہرِ، آپ اپنی کِرپا کر، کرے کھیل سِری بھگوان۔ سِری بھگوان کھیل اولّا، کلجُگ انتم آپ کرائیا۔ سچکھنڈ نِواسی اِک اکلّا، سچ سِنگھاسن سوبھا پائیا۔ دُھر دربارا آپے ملّا، چرن کوَل آپ ٹِکائیا۔ وسنہارا جلا

تھلا، جل تھل مہیئل ڈیرہ لائیا۔ جوتی شبدی آپے رلا، نِرگُن نِروَیر نِراکار سچّا شہنشاہیِا۔ شبدی اگمّی ایکا پلّا، پُرکھ اگمّڑا آپ اُٹھائیا۔ وسنہارا نِہچل دھام اٹلا، لوک مات کرے کُڑمائیا۔ جوتی جوت سروُپ ہرِ، آپ اپنی کِرپا کر، اپنی مہما اپنے ہتّھ رکھائیا۔ ساچی مہما آد پُرکھ نِرنجن، اپنے ہتّھ رکھائیندا۔ سو پُرکھ نِرنجن ہوئے درد دُکھ بھےَ بھنجن، ہرِجن ساچے ویکھ وکھائیندا ۔ ہرِ پُرکھ نِرنجن ایکا پائے نام انجن، نیتر نَیناں آپ کُھلائیندا۔ ایکنکارا ساچا سجّن، سگلا سنگ آپ نِبھائیندا۔ آد نِرنجن پردے کجّن، سِر اپنا ہتّھ ٹِکائیندا۔ سِری بھگوان کرائے ساچا مجن، چرن دھوُڑ اِک وکھائیندا۔ ابناشی کرتا رکھے لجن، ہرِجن ساچے آپ ترائیندا۔ پاربرہم لیکھا جانے گھڑن بھنّن، سمرتھ پُرکھ بھیوَ نہ آئیندا۔ کلجُگ انتم آیا بیڑا بنھن، نِرگُن اپنا روُپ دھرائیندا۔ گُرمُکھ لکھّ چؤراسی وِچوں لبھے چنّن، جگت پربھاس پھول پھولائیندا۔ ایکا راگ سُنائے کنّن، چھتّی راگ مُکھ شرمائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائیندا۔ ہرِجن ساچا بالی بُدھ، پاربرہم ہرِ ویکھ وکھائیا۔ آد جُگادی کرے کارج سُدھ، ساچے مارگ آپے لائیا۔ اپنے مِلن دی آپ بنائے ساچی بِدھ، دوُسر اوَر نہ کوئے پڑھائیا۔ ایکا اکھّر کرے پرسِدھ، باوَن اکھّری وِچ سمائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے اُٹھائیا۔ ہرِجن ہرِ اُٹھال دا، سو پُرکھ نِرنجن ساچا میِت۔ آد جُگاد سدا پرِتپال دا، ہرِ پُرکھ نِرنجن ٹھانڈا سیِت۔ لیکھا جانے شاہ کنگال دا، ایکنکارا اِک اتیِت۔ راہ ساچا اِک وکھال دا، آد نِرنجن ہست کیِٹ۔ پھل ویکھے پتّ ڈال دا، ابناشی کرتا لکھّ چؤراسی جیِت۔ جوتی جوت سروُپ ہرِ، آپ اپنی کِرپا کر، آپے جانے اپنی ریِت۔ ساچی ریِت پُرکھ بھگوان، آد جُگاد اپنے ہتّھ رکھائیا۔ جُگا جُگنتر کھیل مہان، جُگ کرتا آپ کرائیا۔ وِشن برہما شِو دیوے اِک گیان، ایکا اکھّر نام پڑھائیا۔ ایکا ناتا جوڑے گُن نِدھان، ترےَ ترےَ میلا میل مِلائیا۔ ایکا تت کر پردھان، پنچم اپنا بندھن پائیا۔ ایکا شبد ناد دُھنکان، انحد ساچا ناد وجائیا۔ ایکا جوتی نوُر مہان، نِرگُن جوتی نوُر کرے رُشنائیا۔ ایکا مندر اِک مکان، ایکا شاہ سچّا شہنشاہیِا۔ ایکا آتم اِک گیان، ایکا پرماتم کرے پڑھائیا۔ ایکا بھوُمکا اِک استھان، ایکا بَیٹھا سیج سُہائیا۔ ایکا منڈل ایکا گوپی ایکا کاہن، ایکا بَیٹھا راس رچائیا۔ ایکا لیکھا جانے دو جہان، دو جہاناں اپنا روُپ دھرائیا۔ ایکا میل مِلائے بھگت بھگوان، بھگتن ساچا سنگ نِبھائیا۔ ایکا سنتن دیوے ساچا دان، وست امولک جھولی پائیا۔ ایکا گُرمُکھ ساچے لئے پچھان، لکھّ چؤراسی پھول

پُھلائیا۔ ایکا گُرسِکھاں بخشے چرن دھیان، چرن کوَل سچّی سرنائیا۔ ایکا چارے ویداں پاوے آن، چارے مُکھ برہما کرے پڑھائیا۔ ایکا لیکھا جانے شاستر سِمرت جگت پُران، وِدت وِدیا وِچ رکھائیا۔ ایکا جانے گیِتا گیان، گرِہ مندر آپ سمجھائیا۔ ایکا جانے اِنجیِل قرآن، تیِس بتیِسا اِک حدیِث سُنائیا۔ ایکا مارے بانی بان، اِکوَنجا بوَنجا اپنا بندھن پائیا۔ ایکا کھیلے کھیل مِہربان، محبان اپنا روُپ دھرائیا۔ ایکا پروردِگار نوُر ظہوُر وکھائے مہان، لاشریِک اِک اکھوائیا۔ ایکا رام نام کرے پرنام، ایکا بَیٹھا سیِس جھُکائیا۔ ایکا لیکھا جانے گوپی کاہن، ایکا بنسری مدُھر آپ وجائیا۔ ایکا عیسیٰ موُسیٰ پکڑے دام، ایکا سنگ محمد چار یار سگلا سنگ رکھائیا۔ ایکا نانک گوبِند سُنائے شبد دُھنکان، پُرکھ اکال وڈی وڈیائیا۔ ایکا جوت پرکاش کرے کوٹن بھان، روَ سس آپ چمکائیا۔ ایکا لیکھا جانے زِمیں اسمان، منڈل منڈپ اپنا آسن لائیا۔ ایکا لکھّ چؤراسی کرے پردھان، چارے کھانی ونڈ ونڈائیا۔ ایکا اُتبُھج سیتج انڈج جیرج دئے گیان، ایکا پرا پسنتی مدھم بَیکھری بانی آپے گائیا۔ ایکا بخشے ساچا مان، گُر اوتار آپ بُجھائیا۔ ایکا ہوئے جانی جان، جاننہار بُھل نہ جائیا۔ ایکا ونڈن ونڈے وِچ جہان، جوتی جوت سروُپ ہرِ، آپ اپنی جوت دھر، اپنا کھیل آپ کِھلائیا۔ ایکا ایک ونڈ ونڈائیندا، آد جُگادی ساچی کار۔ ساچے تخت سوبھا پائیندا، شہنشاہ سچّی سرکار۔ حُکمی حُکم آپ چلائیندا، حاکم بنیا پروردِگار۔ سچ پَیغام آپ سُنائیندا، اَناالحق بول جَیکار۔ ایکا شبد نعرہ لائیندا، آپے ہوئے سُننیہار۔ اپنا روُپ آپ دھرائیندا، لوک مات کھیل اپار۔ نِرگُن سرگُن آپ ہو جائیندا، پنج تت دئے آدھار۔ ترےَگُن لیکھا اپنے ہتّھ رکھائیندا، کرے کھیل سچّی سرکار۔ جُگ جُگ اپنا بندھن پائیندا، سَتجُگ تریتا کر وِچار۔ دواپر اپنا مردنگ وجائیندا، سچ مردنگا اِک نِرنکار۔ کلجُگ آپے ویس وٹائیندا، اپنی اِچھیا آپے دھار۔ اپنا بستر اپنے تن چُھہائیندا، کالا سوُسا اِک شِنگار۔ اپنی رباب ستار آپ وجائیندا، آپے ہوئے گاونہار۔ آپے شستر بستر تن سجائیندا، آپے کھڑگ کھنڈا کٹار۔ آپے اپنا لِکھ لِکھ لیکھ اپنے اَگے رکھائیندا، آپے کرنہار اُجیار۔ آپے واک بھوِکھت جنائیندا، نہ کوئی سکے مات وِچار۔ آپے کلجُگ پندھ مُکائیندا، آپے ماری چؤکڑی مار۔ آپے نِرگُن آپے سرگُن آپے روُپ انوُپ پرگٹائیندا، جودھا بیِر بلی بلکار۔ آپے اپنا ناؤں رکھائیندا، ناؤں نِرنکارا سِرجنہار۔ آپے اپنا ڈنک وجائیندا، لوآں پُریاں برہمنڈاں کھنڈاں کرے خبردار۔ آپے نؤ کھنڈ پرِتھمی پھیرا پائیندا، ستّاں دیِپاں دئے ہُلار۔ آپے شاہ سُلطاناں راج راجاناں جگت اُٹھائیندا،

آپے سویاں کرے خبردار۔ آپے راؤ رنکاں میل مِلائیندا، چارے ورناں کرے پیار۔ آپے اٹھاراں برناں پندھ مُکائیندا، اِک وکھائے سچّا دوار۔ آپے مسجد مٹھ شِودوالا پھیرا پائیندا، آپے وسے سب توں باہر۔ آپے اٹھسٹھ تیِرتھ پھول پُھلائیندا، شبد مدھانا ایکا ڈار۔ ستّ سمُندر وِرول ایکا کھیل کِھلائیندا، ساگر بنّھے نہ کوئے دھار۔ دھرنی چرناں ہیٹھ دبائیندا، اُپر پائے اپنا بھار۔ تھلّے باسک ہو کُرلائیندا، سہنسر مُکھ کرے پُکار۔ وِشنوُں اُٹھ اُٹھ راہ تکائیندا، اپنا نیتر نَین اُگھاڑ۔ ہرِ کا بھیوَ کوئے نہ پائیندا، آد جُگادی ساچی کار۔ برہما چارے مُکھ اٹّھے نیتر چار کُنٹ ویکھ وکھائیندا، دہ دِشا کرے وِچار۔ برہم ویتا پاربرہم ایکا سنگ رکھائیندا، دوئے جوڑ سیِس کرے نِمسکار۔ شنکر باسک تشکا گلوں لاہِندا، تن بھبوُتی ویکھے چھار۔ جٹا جوُٹ اَنت کُرلائیندا، نیتر رووے زارو زار۔ سُرپت راجا اِند پھڑ پھڑ خاک سیِس پائیندا، انتم آئی ہار۔ کروڑ تیتیِسا سرب بِللائیندا، کِسے نہ دِسے پار کِنار۔ کلجُگ انتم اپنا ڈؤروُ وائیندا، چاروں کُنٹ دھوُاں دھار۔ ساچا چند نہ کوئے چڑھائیندا، نؤ کھنڈ پرِتھمی ہوئی خوار۔ ساچا گیِت نہ کوئے سُنائیندا، گا گا تھکے جیِو گوار۔ ساچا پریِتم نہ کوئے مِلائیندا، سرِشٹ سبائی ہوئی دُہاگن نار۔ ساچی سیج کنت نہ کوئے سُہائیندا، نہ کوئی پھوُلن برکھے نہ ملِے امرت دھار۔ نہ کوئی اپنے انگ لگائیندا، نہ کوئی کرے سچ پیار۔ اولیا پیِر شیخ مسائق قُطب غؤث اَنت مُکھ شرمائیندا، کِسے دِسے نہ پروردِگار۔ ساچا تِلک مستک نظر کِسے نہ آئیندا، پنڈت پاندھے گئے ہار۔ گوبِند درس کوئے نہ پائیندا، ہرِ کا مندر ملِے نہ کِسے دربار۔ پُرکھ ابناشی کھیل کِھلائیندا، کلجُگ تیری انتم وار۔ نِہکلنکا ناؤں رکھائیندا، پرگٹ ہوئے وِچ سنسار۔ دوار بنکا اِک سُہائیندا، گُرسِکھاں کر پیار۔ اپنی سیوا آپ کمائیندا، سیوک بن ہرِ نِرنکار۔ پوُرب جنم میوہ اِک کھوائیندا، آتم اَنتر دئے آدھار۔ مستک تھیوا اِک لگائیندا، جوت نِرنجن کر اُجیار۔ دیوی دیوا وڈ درس دِکھائیندا، الکھ ابھیوا ایکنکار۔ جوتی جوت سروُپ ہرِ، آپ اپنی کِرپا کر، ہرِجن ساچے لائے پار۔ ہرِجن بیڑا تارنا، ترےَگُن ناتا توڑ۔ گُر سَتگُر کاج سوارنا، جگت وِکارا ہوڑ۔ ساچے مندر آپے واڑنا، لگّی پریِتی نِبھے توڑ۔ کلجُگ وسدا کھیڑا اُجاڑنا، لکھّ چؤراسی مڑھی گور۔ انتم دِسے نہ کوئے سہارنا، جیِواں جنتاں لُٹی جائن پنج چور۔ گُرمُکھ وِرلے گُر کا ناؤں رسنا اُچارنا، سوہنگ شبد جےَ جَیکار۔ برہما وِشن شِو در اَگے ہو ہو کرے نِمسکارنا، جوتی جوت سروُپ ہرِ، آپ اپنی کِرپا کر، آپے دیوے سچ آدھارنا۔ سچ آدھار دیوے نِرنکارا، کلجُگ انتم وڈ وڈیا رہیا۔

جِس جن جوڑیا ہرِ چرن کوَل دوارا، سچ دوارا اِک سمجھا رہیا۔ آپے چڑھ کے آیا اپنے پؤڑیا، گُرسِکھ ساچے پؤڑے آپ چڑھا رہیا۔ جوتی جوت سروُپ ہرِ، آپ اپنی کِرپا کر، سچکھنڈ لوک مات آپ سمجھا رہیا۔ سچکھنڈ دا سچ نظارہ، ہرِ سَتگُر آپ جنائیندا۔ آپے وسے ایکنکارا، دوُسر اوَر نہ کوئے وکھائیندا۔ اٹّھے پہر خبردارا، آلس نِندرا نہ کوئے جنائیندا۔ در دربان نہ چوبدارا، در درویش نہ کوئے رکھائیندا۔ جن بھگتاں کرے سچ پیارا، آد جُگاد میل مِلائیندا۔ سنتاں دیوے ست ہُلارا، سَت سَتوادی آپ جھُلائیندا۔ گُرمُکھاں کھولے آپ کِواڑا، اپنی ہتھّیں کُنڈا لاہِندا۔ گُرسِکھ آپ بہائے چرن دوارا، چرن کوَل سیِس ٹِکائیندا۔ سیوا کرے آپ نِرنکارا، ساچی سیوا اپنے ہتّھ رکھائیندا۔ پنچم مُکھ تاج سیِس دستارا، سچ سِنگھاسن آسن لائیندا۔ نہ کوئی سوُرج چنّ سِتارہ، منڈل منڈپ نہ کوئے وکھائیندا۔ کرے کھیل اگمّ اپارا، بھیوَ کوئے نہ پائیندا۔ نانک بوُجھے بوُجھ وِچارا، جِس جن اپنی بوُجھ بُجھائیندا۔ کبیِر منگے خاک چھارا، نِیوں نِیوں سیِس جھُکائیندا۔ چار جُگ نہ دِتا کِسے سہارا، نؤ سؤ چُرانوے چؤکڑی جُگ اپنا پندھ آپ مُکائیندا۔ کلجُگ انتم کھیل نیارا، غریِب نِمانے گلے لگائیندا۔ انتم دیوے اِک کنارہ، منجھدھار نہ کوئے رُڑھائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارا اِک سمجھائیندا۔ سچکھنڈ دوارا سوبھاوَنت، ہرِ ساچا آپ سُہائیا۔ نِرگُن نِروَیر پُرکھ اکال بَیٹھا اِک اِکنت، انک گُن اپنے وِچ چُھپائیا۔ گُرمُکھ سخی ملِے ہرِ ہرِ کنت، ناری کنت آپ پرنائیا ۔ کایا چولی لوک مات چاڑھے رنگ بسنت، اَگے سنگ نہ کوئے جائیا۔ کر کِرپا توڑے ہؤمے ہنگت، مایا ممتا موہ چُکائیا۔ پھیر مِلائے اپنی سنگت، ہرِ کے پؤڑے آپ چڑھائیا۔ لیکھا جانے جِؤں نانک انگد، انگیکار آپ ہو جائیا۔ کِسے گھر نہ جائے منگت، سرب کل سمرتھ آپ اکھوائیا۔ ہرِجن تیرا ناتا توڑے بُھکھ ننگت، نام بھنڈارا اِک ورتائیا۔ تیرے دوارے وِشنوُں ہوئے منگت، تیری پنگت ایکا بھائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا اِک وکھائیا۔ سچکھنڈ دوارے کنت سُہاگ، ساچی سیجا سوبھا پائیندا۔ گُرمُکھاں اُپجائے اِک وَیراگ، بِرہوں وَیراگن آپ ہو جائیندا۔ پہلوں بُجھائے جگت آگ، امرت میگھ پِھر برسائیندا۔ اپنی ہتھّیں بنّھے تاگ، گھر گھر ساچا سگن منائیندا۔ سچکھنڈ دوارا کھول کے آیا تاک، تِھر گھر بند نہ کوئے کرائیندا۔ گوبِند تیرا پوُرا کرے واک، کیِتا قؤل بُھل نہ جائیندا۔ ہرِ سنگت ہرِ جوُ بنیا ساک، سجّن ایکا ایک اکھوائیندا۔ ساچے گھوڑے چڑھیا مار پلاک، اَسو دِس کِسے نہ آئیندا۔ آپے ہویا پاکی پاک،

خاکی خاک کھیل کِھلائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ ترائیندا۔ ہرِجن ساچا سچکھنڈ بہاؤنا، ہرِ وڈّا وڈ وڈیائیا۔ اپنی ہتھّیں سیِس چؤر جھُلاؤنا، پوَن ہُلارا نہ کوئے وکھائیا۔ اپنا راگ آپ سُناؤنا، تار ستار نہ کوئے وجائیا۔ اپنا مندر آپ وکھاؤنا، چار دیوار نہ کوئے جنائیا۔ اپنا دیِپک آپ جگاؤنا، تیل باتی نہ کوئے رکھائیا۔ اپنا پلنگ آپ سہاؤنا، پاوا چوُل نہ کوئے بنائیا۔ گُرمُکھ سجّن پھڑ بہاؤنا، اپنی ہتھّیں اپنے انگ لگائیا۔ امرا پد آپ درساؤنا، امر روُپ آپ ہو جائیا۔ لکھّ چؤراسی وِچوں کڈھ، اپنی جوت مِلاؤنا، جوتی جاتا اِک اکھوائیا۔ گُرسِکھ تیرا قِلعہ کوٹ اِک سہاؤنا، کوئی شتروُ پہُنچ نہ سکے رائیا۔ چرن اوٹ اِک درساؤنا، چرن کوَل دئے وڈیائیا۔ مُڑ کے بھؤ مات لوک وِچ نہ آؤنا، جنم مرن گیڑ چُکائیا۔ سَتگُر گود دے بانہہ سِرہانے سؤنا، سویا پھیر نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے ترائیا۔ تارنہارا پُرکھ اکالا، آد جُگاد سمایا۔ جُگا جُگنتر ویکھے ہرِجن ساچا لالا، بال انجانا آپ اُٹھایا۔ دِوس رَین رَین دِوس کرے کرائے سدا پرِتپالا، پرِتپالک بھیوَ نہ رایا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نر ہرِ اپنا روُپ دھرایا۔ نر ہرِ ہری نرائن، نِرگُن دِیا کمائیندا۔ ہرِ سنگت ویکھے اپنے نَین، جگت نَین بند کرائیندا۔ وید کتیب شاستر سِمرت وید پُران گُر اوتار رسنا جِہوا سارے کہن، بےاَنت بےاَنت ہرِ کا بھیوَ کوئے نہ پائیندا۔ کلجُگ پرگٹیا سِری بھگوَنت، نِرگُن سرگُن سرگُن نِرگُن کھیل کِھلائیندا۔ لیکھا جانے آد اَنت، مدھ اپنا ناچ نچائیندا۔ پوُرن جوت سِری بھگوَنت، بھگوَن اپنی کھیل کِھلائیندا۔ سَتجُگ تریتا دواپر وِچھڑے میلے گُرمُکھ سنت، سنت سُہاگن آپ ہو جائیندا۔ کلجُگ جیِواں مایا پائے بےاَنت، لکھّ چؤراسی دِس کِسے نہ آئیندا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے پھڑ، کایا مندر اندر وڑ آؤندا جاندا دِس نہ آئیندا۔ ہرِجن تیرے اندر وڑیا، ہرِ ہرِ ہرِ نِرنکار۔ اپنے پؤڑے آپے چڑھیا، کرے کھیل سچّی سرکار۔ گھر وِچ گھر آپے دھریا، گھر گھر وِچ کرے پیار۔ اپنا برہم آپے وریا، پاربرہم سچ پیار۔ آد جُگاد کدے نہ ڈریا، نِربھؤ پِھرے وِچ سنسار۔ اپنی کرنی آپے کریا، کرتا پُرکھ پروردِگار۔ کلجُگ ویلا اپنا ہریا، جوتی جوت سروُپ ہرِ، آپ اپنی کِرپا کر، ہرِجن ساچے لائے پار۔ ہرِجن تیرا پار کنارہ، ساچا گھاٹ اِک وکھائیا۔ جِتھے وسے ایکنکارا، دوُسر روُپ نہ کوئے وکھائیا۔ اِک سِنگھاسن ایکا آسن ایکا پُرکھ ایکا نارا، ایکا سیج سُہائیا۔ جوتی جوت سروُپ ہرِ، آپ اپنی کِرپا کر، سچ دوارا دئے

وکھائیا۔ سچ دوارا ہرِ ہرِ کھول، اپنا نَین اُٹھائیندا۔ اپنا اکھّر آپے بول، ہرِجن ساچے آپ سُنائیندا۔ اپنا تولے آپے تول، ساچا کنڈا ہتّھ اُٹھائیندا۔ آد اَنت بَیٹھا رہے اڈول، سرِشٹ سبائی آپ ڈُلائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ہرِجن ساچے پار کرائیندا۔ ہرِجن لنگھے پہلے پوُر، ہرِ سَتگُر آپ لنگھائیا۔ سدا سُہیلا حاضر حضوُر، سوَچّھ سروُپی روُپ وٹائیا۔ پیَنڈا جانے نیڑا دوُر، دوُر دُراڈا پندھ مُکائیا۔ ناتا توڑے کوُڑو کوُڑ، سچ سُچ کرے کُڑمائیا۔ چتُر سُگھڑ بنائے موُرکھ موُڑھ، جِس سِر اپنا ہتّھ ٹِکائیا۔ چرن کوَل بخشے ساچی دھوُڑ، دُرمت مَیل دئے دھوائیا۔ آسا منسا سدا سد پوُر، گُرسِکھ نِراسا کوئے رہن نہ پائیا۔ منمُکھ کلجُگ جیِو انتم رہے جھوُر، ہرِ کا روُپ دِس نہ آئیا۔ کوئی کھائے گائے کوئے سوُر، تن غروُر نہ کوئے گوائیا۔ انتم پیِڑنا وِچ ویلنے بوُڑ، شبد گیڑا اِک رکھائیا۔ جوتی جوت سروُپ ہرِ، آپ اپنی کِرپا کر، ہرِجن ساچے پار لنگھائیا۔ ہرِجن لنگھنا پار، ہرِ ساچا سچ سمجھائیندا۔ اَگے دِسے اِک نِرنکار، تیرا راہ تکائیندا۔ کوٹن کوٹ راہ وِچ کرن پُکار، گل پلّوُ پا پا سیِس جھُکائیندا۔ گُرسِکھ ایکا بخش دھوُڑی چھار، تیری چھار میَں بِللائیندا۔ تیری چھار میرا بیڑا کر جائے پار، نِہکلنک تیرا سنگ نِبھائیندا۔ تیرا سنگ منگے سرب سنسار، ویلا گیا ہتّھ نہ آئیندا۔ تیرے دوار راج راجان ہون بِھکھار، منگیاں بِھکھّ کوئے نہ پائیندا۔ تیرے در کلجُگ کرے پُکار، اُچی کوُک کوُک سُنائیندا۔ گُرسِکھ ایکا میرے سِر تے دے پیار، تیرا پیار میرا بیڑا پار کرائیندا۔ میَں جوُٹھا جھوُٹھا ہویا خوَار، سگلا سنگ نہ کوئے نِبھائیندا ۔ ناتا تُٹا چار یار، االلہ رانی میاں آپ پرنائیندا۔ نؤ کھنڈ پرِتھمی لکھّ چؤراسی کوُڑا ویس دسّیا شِنگار، ساچا شِنگار نہ کوئی جنائیا۔ انتم جھوُٹھا تُٹا ہار، پلّے گنڈھ نہ کوئی بنھائیا۔ چاروں کُنٹ میَں پِھر پِھر آیا وارو وار، اُتّر پوُرب پچھّم دکھّن پھیرا پائیا۔ جِدھر جاواں پیَندی مار، مُکھ تُھکاں مستک کالی شاہیِا۔ میری اِچھیا ہوئی نار وِبھچار، ساچا ملِے نہ کوئی ماہیِا۔ میَں سُن کے آیا گُرمُکھ تیرا وڈّا دربار، تیرے گھر آئے سچّا شہنشاہیِا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، گُرسِکھ ساچا مان رکھائیا ۔ مان نِمانیا رکھدا، جُگا جُگنتر کار۔ ساچا مارگ آپے دسّدا، جگت مارگ کر خوار۔ ہِردے اندر آپے وسدا، کایا محل اٹل میِنار۔ اندر بہہ بہہ آپے ہسّدا، گُرمُکھ ساچے کر پیار۔ امرت میگھ ہو ہو وسدا، جھِرنا جھِرے اپر اپار۔ تیِر نِرالا آپے کسدا، شبد اگمّی مارے بان۔ پنچ وِکارا وِچوں نٹّھدا، ناتا تُٹے پنج شیَطان۔ کھیَہڑا

میٹے تیِرتھ اٹھسٹھ دا، جِس ملِے آپ بھگوان۔ گُرمُکھ جاپ نہ کوئی رٹدا، جِس جن دیوے اپنا دان۔ گُرمُکھ راہ نہ تکّے کِسے ہٹّ دا، ونج کرائے اِک مِہربان۔ گُرسِکھ ایکا دام ایکا وار کھٹدا، نِکُھٹ نہ جائے وِچ جہان۔ جِس آسرا تکّیا پُرکھ سمرتھ دا، جھُلدا رہے نِشان۔ شبد سُنائے مہما اکتھ دا، کتھنی کتھے نہ کوئی بیان۔ گُرسِکھ تیرے دوارے تیرے پِچھے نٹھدا، برہما وِشن شِو ہوئے حَیران۔ لیکھا جانے گھٹ گھٹ دا، لکھّ چؤراسی جانی جان۔ کلجُگ جڑ آپے پٹّدا، نہ کوئی دیِسے بےاِیمان۔ سَتجُگ ساچا مات رکھدا، ویکھنہارا ویکھے آن۔ نؤ کھنڈ مُلّ نہ دِسے کِسے ککھّ دا، لکھّ کروڑی ہون وَیران۔ جگت قہر ایکا دسّدا، لہر چلے وِچ جہان۔ شاہ سُلطان تخت تاج چھڈ چھڈ نسّدا، راہ تکّے بیِابان۔ گُرمُکھ وِرلا آ آ ہسّدا، جِس سُنیا دُھر فرمان۔ لیکھا چُکے رَین اندھیرے مسدّا، ساچا پرکاش کرے بھان۔ جوتی جوت سروُپ ہرِ، آپ اپنی کِرپا کر، ہرِجن ساچے کرے پروان۔ کرے پروان دے پروانہ، شبد ہلکارا آپ رکھائیندا۔ کرے دھیان وڈ مِہربانا، بھیوَ ابھید آپ کُھلائیندا۔ سنت کنت بھگوَنت وکھائے اِک نِشانہ، جیِو جنت سرب بُھلائیندا۔ آد اَنت وسے سچ مکانا، سچکھنڈ دوارے سوبھا پائیندا۔ گُرمُکھ ہرِجن تیرے کارن پہریا بانا، اپنا روُپ وٹائیندا۔ جُگ جُگ کھیل کرے مہانا، جگت جُگ اپنی دھار چلائیندا۔ جوتی جوت سروُپ ہرِ، آپ اپنی کِرپا کر، اِک اِکلّا ساچا ہرِ، سچ بھنڈارا آپ ورتائیندا۔ سچ بھنڈارا انمُلڑا، نام نِدھانا امرت رس۔ گُر سَتگُر دیوے اَنتُلڑا، جن بھگتاں ہو ہو وس۔ آد جُگاد رکھے کُھلڑا، کرے کھیل پُرکھ سمرتھ۔ جوتی جوت سروُپ ہرِ، آپ اپنی کِرپا کر، دیونہارا ہتّھو ہتّھ۔ سچ نام ورتایا، گُن اَوگُن نہ کوئی جنائیندا۔ ہرِجن جھولی دئے بھرایا، جو جن سرنائی آئیندا۔ جنم جنم دا روگ گوایا، کرم کانڈ نہ کوئی وکھائیندا۔ ورن برن دا سوگ چُکایا، ایکا جوت میل مِلائیندا۔ کایا قِلعے کوٹ سُہایا، گھر گھر وِچ کھیل کِھلائیندا۔ شبد چوٹ اِک لگایا، انحد نادی ناد وجائیندا۔ آلنیوں ڈِگے بوٹ آپ اُٹھایا، گُرسِکھ اپنی گود بہائیندا۔ ایکا اوٹ دئے سمجھایا، بِن ہرِ پار نہ کوئی کرائیندا۔ کوٹن کوٹ راہ رہے تکایا، ساچے بیڑے نہ کوئی چڑھائیندا۔ جوتی جوت سروُپ ہرِ، آپ اپنی کِرپا کر، ساچا بیڑا اِک وکھائیندا۔ چاندی سونا نہ کوئی پارس، ہرِ بیڑی نام بنائیندا۔ جگت چپوُ نہ دیوے ڈھارس، چپوُ ملاح نہ کوئے رکھائیندا۔ نہ کوئی بہائے کر سفارش، وکیِل دلیِل نہ کوئے دِرڑائیندا۔ نہ کوئی سمجھائے بن کے عارف، عِلم عالم عُلما بھیوَ کوئے نہ پائیندا۔ نہ کوئی چڑھائے کر کے نالِش، چتُرائی چتُر نہ کوئے وکھائیندا۔ گُرمُکھ

وِرلے آپ چڑھائے چار ورن دے وِچوں خالص، جِس سِر اپنا ہتّھ رکھائیندا۔ خلق مخلوُق جانے خالق، عاقبت اپنا بھیوَ رکھائیندا۔ سدا سُہیلا اِک پرِتپالک، بھےَ بھنجن ناؤں دھرائیندا۔ جوتی جوت سروُپ ہرِ، آپ اپنی جوت دھر، ساچا بیڑا آپ جنائیندا۔ ساچا بیڑا نئیا نؤکا، ہرِ ہرِ نام چلائیا۔ لکھّ چؤراسی جیِو جنت کلجُگ گھاٹ بھردے ہؤکا، نہ اُپر کوئے بہائیا۔ اَگے دِسے ڈوُنگھا ساگر نہ جل نہ سُکا، تھل پار نہ کوئے وکھائیا۔ چل چل پیَنڈا اجےّ نہ مُکا، چل چل تھکے پاندھی راہیِا۔ کلجُگ جھل وِچوں سِنگھ شیر ایکا بُکا، ڈر ڈر سارے بَیٹھے مُکھ چُھپائیا۔ پیِر فقیِر بھجّن چھڈ چھڈ حُقہ، پانی وِچ نہ کوئے ٹِکائیا۔ ٹوپی وِچ نہ روڑا رکھا، اگنی کوئلا نہ کوئے سُلگائیا۔ ہتّھ نہ آئے انّ رُکھا، چاروں کُنٹ دئے دُہائیا۔ اِک اِکلّا رجےّ نہ شیر سِنگھ بُھکھا، لکھّ چؤراسی اپنے پیٹے پائیا۔ اپنی بُھکھ دا مارا اپنے اندر آپے دُھکھا، ترِپت ترِشن نہ کوئے کرائیا۔ لوآں پُریاں جائے ڈُھکا، گن گندھرب کِنر جچّھپ کروڑ تیتیِسا اپنی داڑاں ہیٹھ چبائیا۔ برہما شِو بہہ بہہ لُکا، پھڑ باہوں لئے اُٹھائیا۔ رائے دھرم نہ رہے رُٹھا، سَتگُر پوُرا آپ منائیا۔ لکھّ چؤراسی جو اپنے اندر رکھیا کُٹھا، ایکا وار رائے دھرم گھر بہائیا۔ گُرسِکھ اَنت نہ جائے لُٹا، جِس مِلیا بےپرواہیِا۔ بھر پیالہ جام پیایا ایکا گھُٹا، چرن چرنودک مُکھ چُھہائیا۔ مریا جیِوت آپے اُٹھا، جنم مرن پھند مُکائیا۔ آپ سُہائی ساچی رُتا، رُت رُتڑی ویکھ وکھائیا۔ کرے کھیل ابناسی اچُتا، پاربرہم بےپرواہیِا۔ ہرِ سنگت اُتے آپے تُٹھا، دیوے چرن کوَل سرنائیا۔ جُگ دا ناتا بدھّا تُٹا، اَنت سکے نہ کوئے تُڑائیا۔ گُرمُکھ اندر آپے پُھٹا، اپنی ویل آپ ودھائیا۔ جوتی جوت سروُپ ہرِ، آپ اپنی کِرپا کر، ساچا بیڑا اِک چلائیا۔ ساچا بیڑا چلائے پاتن، پتن بَیٹھا ایکا ماہیِا۔ چؤراسی رووے جگت پاپن، پلّے نام نہ کوئے رکھائیا۔ لکھّ چؤراسی کرے سیاپن، کُھلڑے کیس رہی کُرلائیا۔ سوہنگ جپیا نہ ایکا جاپن، رسنا جِہوا ہوئی ہلکائیا۔ آسا ترِشنا مگر لگّی ہاکن ڈاکن، نہ سکے کوئے بچائیا۔ ہؤمے ہنگتا کرے خاکی خاکن، خاکی خاک چھار اُڈائیا۔ پروردِگار نہ مِلیا پاکی پاکن، پتت پوِت لئے کرائیا۔ جگت ساچا نیتر نہ کُھلیا تاکن، دِیا باتی نہ کوئے رُشنائیا۔ کام کامنی ویکھیا ایکا ہاٹن، گُر کا ہٹّ نہ کوئے وکھائیا۔ جھوُٹھی مایا جُڑیا ناتن، ناتا بِدھاتا نہ کوئے بندھائیا۔ مِل مِل تھکی سبنی ساکن، سگلا سنگ نہ کوئے نِبھائیا۔ رووے کُرلاوے بن دُہاگن، نیتر کجلا نہ کوئے وکھائیا۔ کلجُگ ہوئی کاگو کاگن، مدرا ماس وِشٹا مُکھ رکھائیا۔ میَں نِمانی ہوئی نبھاگن، ہرِ آیا دِس نہ آئیا۔ دھنّ گُرسِکھ جو سوئے جاگن، جِس سَتگُر جاگ

کُھلائیا۔ دوئے جوڑ وِچ آگیا رہن منّن آگن، نہ کوئی سکے مُکھ بھوائیا۔ پُرکھ ابناشی چڑھ چڑھ ویکھے ایکا راکن، ساچی راکی اِک دؤڑائیا۔ پہلی چیتے مارے پلاکن، سیِس تاج اِک ٹِکائیا۔ آپے سوہے اپنے آسن، سولاں کلیاں آپ شِنگار کرائیا۔ کرے کھیل پُرکھ ابناشن، ابناشی کرتا نہ مرے نہ جائیا۔ کلجُگ کرے اپنا ہاسن، ہسّ ہسّ لکھّ چؤراسی دئے کھپائیا۔ گُرسِکھ تیرا پریم کرے ساچا بھوگ بِلاسن، پرم پُرکھ وڈی وڈیائیا۔ انتم کرے پوُری آسن، مانَس جنم لیکھے پائیا۔ لیکھا جانے پرِتھمی آکاشن، گگن پاتالاں ویکھ وکھائیا۔ ساچا بیڑا شاہو شاباشن، سَتگُر پوُرا اِک چلائیا۔ آپے لائے اپنے گھاٹن، آر پار کنارہ نہ کِسے بُجھائیا۔ جو جن چرن لاگ پِچھے ہاٹن، اَدھ وِچکار دئے اٹکائیا۔ جو جن رسنا کرے جوُٹھا چاٹن، تِس امیوں رس نہ مُکھ چوائیا۔ انتم چولے سب دے پاٹن، تِھر کوئے رہن نہ پائیا۔ سَتگُر آیا چل کے پاتن، پتن ویکھے گُرسِکھ راہیِا۔ نہ کوئی سندھیا نہ کوئی آتھن، سرگھی سویرا نہ کوئے جنائیا۔ امرت ویلا ہرِ کا درس اٹّھے پہر گُرسِکھ آکھن، گھڑی پل نہ ونڈ ونڈائیا۔ ہرِ سنگت کرے بند خلاصن، بندی توڑ آپ ہو جائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، ہرِجن ہوئے آپ سہائیا۔

جوت اکالن شُکر گُزار دی۔ آد جُگاد بُھکھی گُرسِکھاں پیار دی۔ سچکھنڈ وِہوُنی لوک مات آئے وَیراگن دیِدار دی۔ ہوکا دیوے گلیؤ گلی، اُچی کوُک کوُک واجاں ماردی۔ میَں سوانی گُرسِکھ تیرے در کھلی، بُھکھی تیرے در دربار دی۔ تُوں میرے ہار دی سچ کلی، تیرے بِناں نہ تن شنگار دی۔ گُرسِکھ تُوں داتا تُوں وڈ بلی، میَں بِھکھارن تیرے اَگے نِمسکار دی۔ میری پھڑیں مات کنّی، در آ گھر تیرے وِچار دی۔ میَں سُگھڑ سوانی تیری ونّی، بدھّی تیرے پیار دی۔ تیری چُھٹ نہ جائے مَیتھوں کنّی، چؤتھے جُگ واری آئی لانو چار دی۔ ویکھیں در آئی نوُں موُل نہ ڈنّیں، تیرے اُتوں آپا وار دی۔ میری عرض نِردھن دی ایکا منّیں، تیرے اَگے عرض گُزار دی۔ میرے نال اُٹھ کے چلیں، تیری سیج سُہنجنی راہ تکّے ساچے یار دی۔ جوتی جوت سروُپ ہرِ، آپ اپنی کِرپا کر، گُرسِکھ تیری سیوا رہیا کر، سیوا کرے

اپنے وِہار دی۔ جوت اکالن آئی نٹھ، لوک مات راہ تکا۔ گُرسِکھ دوارے گئی ڈھٹّھ، بننا جگت ملاح۔ پہلوں وریا ایکا جٹّ، پھیر سارے لئے پرنا۔ تیرا میٹ دوَیتی پھٹّ، اپنی ہتھّیں پٹّی دِتی بندھا۔ تیرا ناؤں رہی رٹ، حرف حرف لیکھا لِکھا۔ اَنت میری رکھیں پت، میری لج تیرا حیا۔ میَں چڑھ کے آئی اپنے رتھ، تَینوُں لَینا نال رلا۔ تیرا گھر اِک سمرتھ، دوُسر اوَر نہ کوئی تھاں۔ تیرا پریم پاؤنی نتھ، سُہاگ کنت لَینا ہنڈھا۔ ویکھیں چھڈ نہ جائیں نٹّھ، میَں تیرے اُتوں ہوئی آپ فِدا۔ میَں اپنا کھیڑا کیِتا بھٹّھ، تیرا کھیڑا دواں وسا۔ میَں اپنی جوت جگائی لٹ لٹ، تیری جوت اپنے وِچ لواں سماں۔ جوتی جوت سروُپ ہرِ، آپ اپنی کِرپا کر، سیوا کرے بےپرواہ۔ جوت اکالن در دروازے، کُنڈا رہی کھڑکائیا۔ اُٹھ سِکھ میرے غریِب نوازے، اُلٹی چال آپ چلائیا۔ پہلوں گُرمُکھ چلدے رہے بن مجؤر مکّے کعبے، ہُن کعبہ تیرا ویکھن آئیا۔ میرا نہ کوئی پُن نہ صوابے، تیری گھال اپنی جھولی پائیا۔ ویکھیں ہوئے غُصّے نہ ماریں دابے، میَں بال انجانی نڈھّی بالی میری عمُر نہ اجے وِہائیا۔ میرا گُن نہ تولنا اپنے پا کے چھابے، تیرا کنڈا ساچا بھار اِک اُٹھائیا۔ ویکھیں تڑپھائیں نہ بِن آبے، میَں پیاسی جُگا جُگاں دی وِچھڑی تیرے درس تِہائیا۔ دیندی رہی سُنیہڑے اؤندے جاندے، چار جُگ جو گُر اوتار آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِجن ساچے تیری سچ وڈیائیا۔ جوت اکالن آئی چل، بن کے پاندھی راہیِا۔ گُرمُکھ اِک وار تک میرے ولّ، میرے نَین تیرا راہ تکائیا۔ ویکھیں کلجُگ کر نہ جائیں چھل، تیرا چھل نہ موہے بھائیا۔ وریا جٹّ واؤندا ہل، مگر سوانی بھتّا لےَ لےَ اپنی ہتھّیں سیو کمائیا۔ بیِجیا بیِج ہرِ سنگت لگا پھل، پتّ ڈالی پُھل آپ مہکائیا۔ میَں اپنا جوبن نہ سکی جھّل، تیرا جوبن میرے من بھائیا۔ ویکھیں لارا نہ دیویں اج کہ کل، گھڑی پل جھلّی نہ جائے جُدائیا۔ میَں پِھر پِھر آئی جنگل جوُہ اُجاڑ پہاڑ ڈوُنگھے تھل، دوُر دُراڈا پندھ مُکائیا۔ میَں تر کے آئی ستّ سمُندر وڈّی چھل، اَنتاروُ تیری آس رکھائیا۔ بن کے پریِتم میرا آسن لئیں ملّ، دوُجی سیج نہ کوئے وکھائیا۔ اِکو گھر بہیئے مِل رل، رل مِل اپنا جھٹ لنگھائیا۔ مِلیا گُرمُکھ ہوئی خوشی، میَں جھلّ نہ سکاں وڈّی بھّل، گُرمُکھ بھلیائی میری وڈیائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے ترائیا۔ جوت اکالن کریا ویس، ڈھوُنڈے سجّن میِت۔ کلجُگ انتم چل کے آئی ماجھے دیس،

جگت چلائی اُلٹی ریِت۔ آپ اپنے لئے ویکھ، نالے گائے سُہاگی گیِت۔ جوتی جوت سروُپ ہرِ، آپ اپنی جوت دھر، ہرِجن کایا کرے ٹھنڈی سیِت۔

۲۲ پھگن ۲۰۱۷ بِکرمی کِشن سِنگھ دے گرِہ پِنڈ اَلھڑ پِنڈی

کر مِہر در آیا منگن، دردی دردیِاں درد مِٹائیندا۔ کر ٹھگؤری جو چُکیا کنگن، اپنے انگن پھیر لگائیندا۔ دَیال صاحِب سدا بخشندن، دیِنن رچھیا آپ کرائیندا۔ پریم ڈوری پائے بندھن، سار شبد گنڈھ رکھائیندا۔ گُرسِکھ دھوُڑی ساچا چندن، نؤ گرِہ ہتّھ کِسے نہ آئیندا۔ جوتی جوت سروُپ ہرِ، آپ اپنی کِرپا کر، کِرپا نِدھ گہر گمبھیِر گُن ٹھاکر مِہربان اپنی سیوا آپ کمائیندا۔ سیوا کرن آئی داسی، نِرگُن اپنا روُپ دھرائیا۔ کِسے ہتّھ نہ آوے پنڈت کاشی، پراگ ایُدھیا رہی کُرلائیا۔ کریا کھیل گھنک پُر واسی، گھنئیا بنسری شام نام وجائیا۔ منڈل پاوے اپنی راسی، ساچا مندر اِک سُہائیا۔ جوت اکالن آد جُگاد نہ کدے وِناسی، ناری کنت اپنا کھیل کِھلائیا۔ آپے ہوئے شاہو شاباشی، آپے بردی بن بن سیِس جھُکائیا۔ آپے کرے اپنی پوُری آسی، آپے ہوئے سوانی بِھچھیا پائیا۔ جوتی جوت سروُپ ہرِ، آپ اپنی کِرپا کر، مِہربان مِہربان مِہربان نِگاہ مِہر اِک اُٹھائیا۔ کھیچل کرے نہ جوتی نار، گُرسِکھ ویکھ سُہاگی کنت۔ چھڈ دوارا آئی دوار، ہویا دوارا سوبھاوَنت۔ سُگھڑ سیانی کرے پیار، پؤن جوت اِک بھگوَنت۔ اپنی ہتھّیں دیِپک کر اُجیار، گُرمُکھ لبھے ساچے سنت۔ اُٹھ اُٹھ واجاں رہی مار، جوتی جوت سروُپ ہرِ، آپ اپنی کِرپا کر، کرے مِہر آپ نِرنکار۔ کرے مِہر ہرِ نِرنکارا، مِہربان اپنی دَیا کمائیا۔ جوتی جاتا وِچ سنسارا، جُگت اپنے ہتّھ رکھائیا۔ نِکٹ ورتی بنے آپ کرتارا، نِکٹی ہو ہو روُپ وکھائیا۔ سرِشٹ سبائی دھوُاں دھارا، چار کُنٹ اندھیرا چھائیا۔ کلجُگ ساگر ڈوُنگھی غارا، پار کنارہ نہ کوئے جنائیا۔ گُر اوتار دے دے گئے سہارا، پُرکھ اکال اوٹ رکھائیا۔ کلجُگ انتم پرگٹے نِہکلنک نرائن نر اوتارا، جوتی نوُر کرے رُشنائیا۔ بھگتن دیوے اِک سہارا، بھگوَن سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سدا سہائیا۔ مِہربان ہویا ٹھاکر، جگت ٹھوکر آپ لگائیندا۔ گُرمُکھ دوارے بنے سؤداگر، ساچا ونج اِک وکھائیندا۔

امرت ویکھے کایا گاگر، کوَل نابھی مُکھ بھوائیندا۔ در درویشا بن کے کرن آیا آدر، کریِم قادر سیو کمائیندا۔ گُر تیغ بہادر ہتّھ پھڑی چِٹّی چادر، گُر گوبِند گُرسِکھاں اُپر آپ پائیندا۔ جوتی جوت سروُپ ہرِ، آپ اپنی کِرپا کر، مِہربان اپنی دَیا آپ کمائیندا۔ دَیا کماوَن آئی گھر، دیِنن دی رکھوالی جوت۔ گُرسِکھاں اندر گئی وڑ، نہ کوئی ورن نہ کوئی گوت۔ اپنا اکھّر اندرے اندر رہی پڑھ، نہ کوئی قِلعہ نہ کوئی کوٹ۔ ساچے پؤڑے بَیٹھی چڑھ، ایکا رکھی گُرمُکھ اوٹ۔ آپ پھڑائے اپنا لڑ، جوتی جوت سروُپ ہرِ، آپ اپنی کِرپا کر، مِہربان مِہربان مِہربان ہرِجن کڈھے کایا کھوٹ۔ ہرِ ساچا کھیل کِھلائیندا، ہری ہرِ اپنے نال مِلا۔ پاربرہم اپنا بنک سُہائیندا، برہم اپنی گود بہا۔ نِرگُن سرگُن روُپ وٹائیندا، روُپ جنائے دو جہاں۔ سچکھنڈ دوارے سوبھا پائیندا، تخت نِواسی آسن لا۔ تِھر گھر ساچے چرن چُھہائیندا، ساچا مندر دئے وڈیا۔ اپنے رنگ آپ رنگائیندا، رنگ چاڑھے بےپرواہ۔ اپنا دیِپ آپ جگائیندا، جوتی جلوہ کر رُشنا۔ در دروازہ نہ کوئے رکھائیندا، آپے گھاڑت لیا گھڑا۔ پؤڑا اوَر نہ کوئے لگائیندا، آپے جانے اپنا تھاں۔ لماں چؤڑا نہ کوئے بنائیندا، نہ کوئی مِنتی سکے مِنا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہ۔ سچ مّحل اُچ اٹلا، ہرِ ساچا آپ بنائیندا۔ نِروَیر پُرکھ وسے اِک اِکلّا، آسن سِنگھاسن سوبھا پائیندا۔ اپنی دھار آپے رلا، دھار دھار وِچ سمائیندا۔ سچکھنڈ نِواسا کھیل تماشا، پُرکھ ابناشا شاہو شاباشا، اِک اِکانتا آپ کرائیندا۔ نِج گھر واسا منڈل راسا، داسی داسا ویکھ وکھائیندا۔ اپنے نوُر آپ پرکاسا، دِیا باتی نہ کوئے بنائیندا۔ آپے کرے اپنی پوُری آسا، ترِشنا اوَر نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، اپنا نوُر آپ دھرائیندا۔ اپنا نوُر آپے دھر، سَت پُرکھ نِرنجن کھیل کِھلائیا۔ اپنے مندر گھاڑن گھڑ، سچکھنڈ دوارا ویکھ وکھائیا۔ اپنے تخت آپے چڑھ، راج راجان شاہ بھوُپ، سیِس جگدیِش تاج سُہائیا۔ آپے ویکھے اپنا روُپ سَت سروُپ، رنگ ریکھ نہ کوئے وڈیائیا۔ آپے جانے اپنی مہما انوُپ، جوتی جوت سروُپ ہرِ، آپ اپنی کِرپا کر، آد پُرکھ بےپرواہیِا۔ آد پُرکھ اپنا آپ اُپا، ہری ہرِ ساچی کھیل کِھلائیندا۔ ہری اپنا روُپ وٹا، دوئے دوئے جوڑ جُڑائیندا۔ ہرِ ہری ہریاول آپ کرا، اپنا کوَل آپ کِھلائیندا۔ اپنا بوُٹا آپے لا، پاربرہم ویکھ وکھائیندا۔ اپنا برہم آپے جا، جننی جن گود سُہائیندا۔ دائی دایا سیو کما، ساچا سگن منائیندا۔ کرے کھیل سچّا شہنشاہ، بھیوَ کوئے نہ پائیندا۔ جوتی جوت سروُپ ہرِ، آپ اپنی کِرپا کر، اپنا روُپ آپ

پرگٹائیندا۔ اپنا روُپ پُرکھ سمرتھ، آپ آپا وِچ چُھپائیا۔ آپے وِچوں ہویا آپے وکھّ، اپنی بنت آپ بنائیا۔ اگوچر اگمّ الکھنا الکھ، کوئی لکھ نہ سکے رائیا۔ اپنی کُکھوں آپے جمّ، آپے پِتا آپے مائیا۔ اپنا بیڑا آپے بنّھ، آپے رہیا چلائیا۔ آپے کہے دھنّ دھنّ، آپے جانے وڈی وڈیائیا ۔ اپنا کہنا آپے منّ، آپے حُکم سُنائیا۔ آپ بنائے اپنی چھپری چھنّ، سچکھنڈ دوارا ناؤں دھرائیا۔ جوتی جوت سروُپ ہرِ، آپ اپنی کِرپا کر، آد اپنا کھیل کِھلائیا۔ آد پُرکھ آدی آد، اپنا کھیل کِھلائیندا۔ اپنے وِچ ہویا وِسماد، روُپ ریکھ نہ کوئے بنائیندا۔ آپ اپنا آپے سادھ، سَت اپنا ناؤں رکھائیندا۔ اپنا ناؤں آپ ارادھ، ناؤں نِرنکارا آپے گائیندا۔ اپنا بنیا آپے باڈی باڈھ، ساچا باڈی سیو کمائیندا۔ آپے ونڈی اپنی حاد، پار کنارہ نہ کوئے رکھائیندا۔ آپے بنیا ساچا راج، ساچی سیوا آپ کمائیندا۔ آپے کریا اپنا کاج، کرتا پُرکھ آپ اکھوائیندا۔ جوتی جوت سروُپ ہرِ، آپ اپنی کِرپا کر، اپنی دھار آپ بندھائیندا ۔ اپنے اَنتر اپنی دھار، اپنے وِچ سمائیا۔ کرے کھیل اپر اپار، لیکھا لِکھن وِچ نہ آئیا۔ اپنی اِچھیا ہو اُجیار، اِچھیا اپنی نہ کوئے دسائیا۔ ساچی بِھچھیا پاوے پاونہار، بِھچھیا وست نہ کوئے بنائیا۔ جوتی جوت سروُپ ہرِ، آپ اپنی کِرپا کر، آد اپنا بھیوَ کُھلائیا۔ آد پُرکھ آد اگمّ، سَت سَتوادی کھیل کِھلائیندا۔ آپے جانے اپنا کمّ، ساچا کارج آپ کرائیندا۔ آپ سُہائے اپنا گھر لیکھا جانے چھپر چھنّ، سچکھنڈ دوارے سوبھا پائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، اپنا متا آپ پکائیندا۔ اپنا متا پکاونہارا، سچکھنڈ دوار سُہائیندا۔ اپنا کھیل کِھلاونہارا، اپنا پردہ لاہِندا۔ اپنا مارگ آپے جاننہارا، اپنا سنگ رکھائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، سچکھنڈ دوارے سوبھا پائیندا۔ سچکھنڈ دوارے وسیا ایک۔ انک گُن وڈیائیا۔ اپنی رکھ آپے ٹیک، اپنی اوٹ آپ تکائیا۔ اپنا روُپ آپے پیکھ، آپے پیکھ پیکھ بِگسائیا ۔ اپنا جانے آپے لیکھ، الکھ سچّا شہنشاہیِا۔ آپے وسے اپنے دیس، ساچے دیس سچّا ماہیِا۔ آپے کرے اپنی آدیس، آپے دیوے مان وڈیائیا۔ آپے جانے اپنا ویس، ویس اولّڑا اِک رکھائیا۔ سچکھنڈ دوارے نر نریش، نِرگُن بَیٹھا آسن لائیا۔ نہ کوئی دربان دِسے درویش، دوارپال نہ کوئے بنائیا۔ جوتی جوت سروُپ ہرِ، آپ اپنی کِرپا کر، اپنا متا اپنے نال رلائیا۔ اپنا متا کر صلاح، آپے حُکم سُنائیندا۔ اپنی اِچھیا بِھچھیا لئے بھرا، آپے جھولی ڈاہِندا۔ آپے سچکھنڈ دوارا اِک وسا، در گھر ساچے سوبھا پائیندا۔ آپے اپنا ناؤں سَت کرا، سَت سَتوادی کھیل کِھلائیندا۔ آپے کرتا پُرکھ کرنی کِرت رہیا کما، کماونہارا

آپ ہو جائیندا۔ آپے نِربھؤ بھےَ نہ کوئے رہیا جنا، بھؤ اپنا اپنے سِر رکھائیندا۔ آپے نِروَیر اپنی بنت رہیا بنا، دوُجا سنگ نہ کوئے جنائیندا۔ آپے موُرت اپنی رہیا درسا، اکال اپنا نَین کُھلائیندا۔ آپے جوُنی رہِت بنیا بےپرواہ، جوُنی جوُن نہ کوئے بنائیندا۔ مرے نہ جمےّ سچّا شہنشاہ، سیَبھنگ روُپ نہ کوئے وٹائیندا۔ سچکھنڈ کھیڑا رہیا وسا، جوتی جوت سروُپ ہرِ، آپ اپنی کِرپا کر، اپنی کرے سچ صلاح۔ سچ صلاح کر نِرنکارا، اپنا کھیل کِھلائیندا۔ میرا روُپ اِک نِراکارا، میرے اندر سوبھا پائیندا۔ بےاَنت کل میرا بل کوئے اَنت نہ پارا وارا، اَنت اننت اپنا ناؤں دھرائیندا۔ ایکا مندر اِک دوارا، ایکا گھر اِک گھر بارا، ایکا سیج سُہائیندا۔ جوتی جوت سروُپ ہرِ، آپ اپنی کِرپا کر، اپنی صلاح آپے آپ سمجھائیندا۔ سچ صلاح دیونہارا، آپ اپنا سنگ رکھائیا۔ اِک اِکلّا بَیٹھا رہاں اِک چُبارا، ایکا حِصّہ ونڈ ونڈائیا۔ بِن کمّوں کاجوں ہویا نکارا، کر وِہار نہ کوئے درسائیا۔ کوَن بِدھ کراں ہوواں کرنیہارا، کوَن اپنی سیو کمائیا۔ اپنی اِچھیا آپے کرے وِچارا، آپ آپا لئے سمجھائیا۔ گھر وِچ گھر کر تیارا، اپنی بنت آپ بنائیا۔ تِھر گھر کھول اِک کِواڑا، چرن کوَل وِچ ٹِکائیا۔ اپنا نوُر کر پیارا، اپنی ناری لئے پرنائیا۔ سچکھنڈ دوارے بن کے لاڑا، تِھر گھر ساچے جانا چائیں چائنیا۔ اوتھے بننا نار بھتارا، ساچی سیج اِک ہنڈھائیا۔ اوتھے کرنا کمّ اپر اپارا، سُت دُارا ایکا جائیا۔ دائی دایا بن کے سیوا کریں آپ سچّی سرکارا، تیری سیوا توہے بن آئیا۔ تیرا پوُت سپوُت ہوئے اُجیارا، شبدی ناؤں دھرائیا۔ جوتی جوت سروُپ ہرِ، آپ اپنی جوت دھر، اپنا دیوے آپے ور، آپے ویکھ وکھائیا۔ اپنا ور آپے دے، آپے خوشی منائیندا۔ اپنے نال لگایا اپنا نینہ، آپے توڑ نِبھائیندا۔ کوئی نہ جانے ہرِ کا تھاں تھیہ، سچکھنڈ نِواسی تِھر گھر ساچے سوبھا پائیندا۔ جوتی جوت سروُپ ہرِ، آپ اپنی کِرپا کر، اِک تُوں ہویا دو، شبد سُت نال رلائیندا۔ شبد سُت نال رلایا، تِھر گھر ساچے وجّی ودھائیا۔ پُرکھ ابناشی کھیل کِھلایا، واہوا اپنی ویل ودھائیا۔ اپنی گودی رہیا سُہایا، سد چُکے چائیں چائنیا۔ پال پوس جوان کرایا، ایکا گُن دئے سمجھائیا۔ میرا روُپ تیری پِت مایا، تُوں بالک بال سکھائیا۔ میرا ناؤں تیرا جس گایا، تیرا جس وڈی وڈیائیا۔ میرا ہتّھ تیری چھایا، تیری چھایا ہوئے سہائیا۔ ساچی سیوا اِک سمجھایا، بُھل کدے نہ جائیا۔ میَں اکلّا بَیٹھا رہیا شرمایا، اپنا بل نہ سکاں وکھائیا۔ تیرا راہ اِک لگایا، بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، اپنی آسا آپے پوُر کرائیا۔ آسا پوُر کرائیندا، آپ اپنی کِرپا دھار۔ اپنا سُت آپ جگائیندا، تِھر گھر ساچے کر

پیار۔ ساچا حُکم اِک سُنائیندا، تخت نِواسی سچّا سِکدار۔ ایکا دوُآ میل مِلائیندا، نِرگُن نِرگُن ہو اُجیار ۔ وِشوَ اپنی کھیل کِھلائیندا، وِشنوُں بنس کر تیار۔ برہما اپنی گود بہائیندا، شنکر کرے پیار۔ ساچی ونڈن ونڈ ونڈائیندا، لوآں پُریاں چرن دھوُڑ چھار۔ چرن کوَلاں راہ تکائیندا، ایکا پدم کرے پیار۔ ایکا پدم عدم آپ رکھائیندا، ابناشی کرتا بے عیب پروردِگار۔ جوتی جوت سروُپ ہرِ، آپ اپنی کِرپا کر، کرے کھیل اپر اپار۔ ساچا بنس بنائیندا، پوُت سپوُت ایکا جا۔ ہرِ ساچی کھیل کِھلائیندا، نِرگُن رچنا لئے رچا۔ آپے سوُرج چند پرگٹائیندا، کِرن جوت کر رُشنا۔ اِک اِک اِک اپنی ونڈ ونڈائیندا، آپے رکھائے تھاؤں تھاں۔ اپنی دات آپ وکھائیندا، ترےَگُن میلا سہج سُبھا۔ اپنی اِچھیا آپ دھرائیندا، پنج تت لیکھا دئے گنا۔ لکھّ چؤراسی گھاڑت آپ گھڑائیندا، دُھر فرمانا دئے سُنا۔ نِرگُن سرگُن ویکھ وکھائیندا، پیکھ پیکھ پُرکھ ابناشی چڑھیا چا۔ گھٹ گھٹ اپنی جوت جگائیندا، نِرگُن نوُر کر رُشنا۔ گھر گھر اپنا نام سُنائیندا، انحد نادی ناد وجا۔ گھر گھر اپنا دھام بنائیندا، آتم برہم ساچی سیجا دئے سوا۔ گھر گھر اپنا میل مِلائیندا، روُپ انوُپ آپ دھرا۔ سچکھنڈ نِواسی اپنا کھیل کِھلائیندا، واہ واہ اپنا مارگ لا۔ سُت دُلارا آپ اُٹھائیندا، ایکا اکھّر دئے پڑھا۔ ایکا اکھّر اکھّ کُھلائیندا، نیتر نَین کر رُشنا۔ برہما ہرِ چرن کوَل دھیان لگائیندا، ایکا پدم دئے درسا۔ پدم اَنتر میل مِلائیندا، ایکا گیان دئے دِرڑا۔ ایکا گیان آپ سمجھائیندا، چارے وید دئے لِکھا۔ انتم لیکھا اپنے ہتّھ رکھائیندا، نہ کوئی سکے بھیوَ کُھلا۔ جوتی جوت سروُپ ہرِ، آپ اپنی کِرپا کر، ساچی رچنا لئے رچا۔ لکھّ چؤراسی رچن رچایا، ہرِ شبدی شبد سُنائیا۔ لوآں پُریاں برہمنڈ کھنڈ تیرا تھان سُہایا، لوک مات وجےّ ودھائیا۔ جیرج انڈ تیرا میل مِلایا، اُتبُھج سیتج کری کُڑمائیا ۔ دھرنی خاک تیری سیج وِچھایا، جل بِنب جل جل دھار وہائیا۔ ست سروور جگت مَیل دھوایا، کایا گاگر ساگر اِک وکھائیا۔ اُچے ٹِلّے پربت تیرا راہ تکایا، کَیلاش دئے دُہائیا۔ چرن کوَل سمیروُ آپ بنایا، سد منگدا رہے سرنائیا۔ جُگ جُگ میلا لئے مِلایا، نِرگُن سرگُن بندھن پائیا۔ گُر اوتار روُپ دھرایا، اپنا ناؤں دئے سُنائیا۔ جُگ جُگ گیڑا دئے بھوایا، اپنی لٹھ آپ گِڑائیا۔ سمرتھ پُرکھ کھیل رچایا، سچکھنڈ بَیٹھا سچّا شہنشاہیِا۔ انتم ونڈ اپنے ہتّھ رکھایا، نہ کوئی میٹے میٹ مِٹائیا۔ نؤ نؤ پندھ دئے چُکایا، چار چار رہن نہ پائیا۔ نِرگُن آد پُرکھ اپنی دھار وکھایا، انتم اپنے وِچ مِلائیا۔ لیکھا لِکھ نہ کِسے سمجھایا، بےاَنت بےاَنت بےاَنت کہہ کہہ رہے جس گائیا۔ جوتی جوت سروُپ ہرِ، آپ

اپنی کِرپا کر، سد چلے اپنی آپ رضائیا ۔ اپنی رضا ویکھنہارا، رازق رِزق رحیِم اکھوائیندا۔ اپنی دِشا پیکھنہارا، چار کُنٹ دہ دِشا پھیرا پائیندا۔ اپنا حِصّہ ونڈنہارا، لکھّ چؤراسی پھول پھولائیندا۔ جوتی جوت سروُپ ہرِ، آپ اپنی کِرپا کر، آد اَنت سِری بھگوَنت، اپنا ویس آپ وٹائیندا۔ آد ویس وٹایا، نِرگُن پُرکھ اکال۔ ساچی رچنا آپ رچایا، ترےَبھوَن کھیل کمال۔ اَون گوَن وڈیایا، دیِنا بندھپ دیِن دَیال۔ لوآں پُریاں سوبھا پایا، برہمنڈ کھنڈ اولّڑی چال۔ روَ سس دئے رُشنایا، دھرت دھوَل بنائے سچّی دھرمسال۔ جُگ جُگ اپنا روُپ وٹایا، لیکھا جانے دو جہان۔ کلجُگ انتم بھیوَ چُھپایا، گُنونتا گُن نِدھان۔ جوتی جوت سروُپ ہرِ، آپ اپنی کِرپا کر، آپے جانے اپنی آن۔ انتم اَنت نِرگُن دھار، نِروَیر پُرکھ چلائیندا۔ کوئی نہ ویکھے وِچ سنسار، دِس کِسے نہ آئیندا۔ مہابلی بن نِرنکار، اُتّر پوُرب پچھّم دکھّن پھیرا پائیندا۔ ول چھل سِرجنہار، اچھل چھل اپنا کھیل کِھلائیندا۔ سیِس جگدیِش نہ کوئے آدھار، تتَو تت نہ کوئے ہنڈھائیندا۔ جوتی جوت سروُپ ہرِ، آپ اپنی کِرپا کر، اَنت اپنے ہتّھ رکھائیندا۔ اَنت رکھیا اپنے ہتّھ، بھیوَ کِسے نہ پایا۔ کرے کھیل پُرکھ سمرتھ، نِرگُن اپنا روُپ وٹایا۔ جاننہارا گھٹ گھٹ، گھٹ گھٹ اپنا آسن لایا۔ لکھّ چؤراسی جیِو جنت ویکھے نٹّھ نٹّھ، ایکا پاندھی پندھ مُکایا۔ پاوے سار تیِرتھ تٹ، سر سروور پھول پھولایا۔ لہنا جانے چؤداں ہٹّ، دینا کوئے رہے نہ رایا۔ چؤداں طبقاں مارے سٹّ، ایکا کھنڈا نام چمکایا۔ نِرگُن نِروَیر پُرکھ اکال اپنی دھارا وِچوں آپے ہوئے پرگٹ، مات پِت نہ کوئے بنایا۔ اپنیاں اپنا مارگ جائے دسّ، شبد شبدی نال رلایا۔ کلجُگ جیِواں کولوں رہیا نسّ، نسّ نسّ اپنا مُکھ چُھپایا۔ آد اَنت آپ اپنے ہویا وس، اپنا بھانا اِک ورتایا۔ جوتی جوت سروُپ ہرِ، آپ اپنی کِرپا کر، انتم اپنا روُپ دھرایا۔ اَنت روُپ دھر نِرنکارا، نِرگُن اپنا کھیل کِھلائیا۔ آد پُرکھ سد بنیا رہے کوارا، نؤجوان وڈی وڈیائیا۔ جُگ جُگ گھلدا رہیا اوتارا، گُر گُر اپنا حُکم سُنائیا۔ دیندا رہیا شبد بھنڈارا، سچکھنڈ بَیٹھا ساچا ماہیِا۔ لوک مات کردا رہیا جےَ جَیکارا، جِس جن اپنی بوُجھ بُجھائیا۔ روُپ دھراؤندا رہیا پیِر دستگیِر ساچے یارا، االلہ میاں اپنا کھیل کِھلائیا۔ بیوی خاوند کھیل نیارا، کنت کھؤنت وڈی وڈیائیا۔ اؤنت نہ جائے ہرِ نِرنکارا، گُرمُکھ ساچے لئے جگائیا۔ جوتی جوت سروُپ ہرِ، آپ اپنی کِرپا کر، اَنت اپنی کھیڈ کِھلائیا۔ اؤنت نہ جائے نہ ہوئے اؤنتر، پُرکھ اگمّ سچّا شہنشاہیِا۔ آپے جانے اپنا کؤتک، لیکھا لِکھت وِچ نہ آئیا۔ جوتی جوت سروُپ ہرِ، آپ اپنی کِرپا کر، نِرگُن

نِراکار نِروَیر کلجُگ انتم لوک مات سچکھنڈ اِک بنائیا۔ سچکھنڈ جنائے ہرِ کرتارا، لوک مات بنایا۔ گاؤندے گئے گُر اوتارا، جُگ جُگ ناد سُنایا۔ گوبِند گُر بن لِکھارا، ایکا گھر گیا سمجھایا۔ نانک نِرگُن کر پُکارا، ایکا راہ تکایا۔ انتم کل اُترے مہابلی اوتارا، مات پِت نہ کوئے وکھایا۔ نِہکلنک پرگٹ ہوئے وِچ سنسارا، گوبِند ڈھولا ساچا گایا۔ آپ وسائے اِک چُبارا، سمبل نگری ناؤں رکھائیا۔ اندر بڑے آپ نِرنکارا، سچ سِنگھاسن اِک سُہایا۔ دِس نہ آئے وِچ سنسارا، لکھّ چؤراسی دئے بُھلایا۔ ساچا باڈی بنے ترکھاناں، سوُتر وینتر اپنے ہتّھ رکھایا۔ نال رلائے گوبِند سُت سچّا سردارا، جٹّ پھٹّ دئے مِٹایا۔ انتم اپنی ہتھّیں پھیرے آرا، باہوُ بل آپ جنایا۔ اِک پاسے ترکھان دوُجے پاسے جٹّ کِھچے آرا، دو جہاناں چیِر پوایا۔ چیِر چیِر کرے دو پھاڑا، نہ کوئی سکے میل مِلایا۔ جوتی جوت سروُپ ہرِ، آپ اپنی کِرپا کر، نِرگُن اپنی سیو کمایا۔ نِرگُن جوت آئی در، منگے سچ پناہ۔ اندر وڑ گئی ڈر، ڈر ڈر لبھا اپنا راہ۔ گوبِند سوُرے لئی پھڑ، پھڑی بانہہ چھّڈے نہ۔ کرکے قؤل نہ جائیں ہر، تُوں سوانی آئی میرے دا۔ ایکا ساتا چھیکا پانجا یاد کر، کیِتا قؤل ہُن نِبھا۔ آپا وار چُکایا میَں اپنا ڈر، تیرا ڈر ہُن رکھاں نہ۔ ----- ----- تَینوُں لبھن نہ جاواں کِسے تھاں، جوتی جوت سروُپ ہرِ، آپ اپنی کِرپا کر، کرے کرائے سچ نیاں۔ جوت نِمانی رہی پُکار، اُچی کوُک سُنایا۔ میَں تیری تُوں میرا شنگار، تیرا میرا ایکا گھر سُہایا۔ تیرا حُکم میَں سیوادار، ساچی سیوا اِک سمجھایا۔ پھڑاں جھاڑوُ بن جھاڑوُ بردار، لکھّ چؤراسی کوُڑا دواں ہُجھایا۔ تیرے سِکھ لواں اُبھار، جو سرسے گیا رُڑھایا۔ تیرا لیکھا نہ رہے وِچ میرے دربار، میرا دربار تیرے رنگ رنگایا۔ تیرا توڑا تیری کلغی تیرے سوہے سیِس دستار، تیری نار ویکھ ویکھ خوشی منایا۔ نہ کنت نہ بھتار، اِکو ناری اِکو شنگار، اِکو ہوئے ویکھنہار، دوُجا روُپ دِس کِسے نہ آیا۔ دو پنج دو تیرا کھنڈا چمکاؤندی رہی کر پیار، پہلا دوُآ نِرگُن دھار، پانجا دوُآ باوَن اکھّری پاوے سار دوُسر ہتّھ کِسے نہ آیا۔ اُٹھ سوُربیِر ہو تیار، تیرا ویلا وقت سُہایا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ جوت اکالن پئی جٹّاں وس، براہمن نائی نظر کوئی نہ آئیا۔ کِسے پاسے نہ سکے نسّ، دو جہانا دو سُتاں والا سانگھا رہیا وکھائیا۔ آئی لُٹن گئی پھس، لُٹایا دھن جو اپنے نال لیائیا۔ پھسی پھاندی راہ رہی دسّ، گوبِند مِلیا ساچا ماہیِا۔ گُرسِکھاں ہِردے اندر گئی وس، وسنہاری اُجڑ کدے نہ جائیا۔ نال لیائی اپنا مما سوہنگ رس، ہتھّیں ساچا جام پیائیا۔ جِناں چِر گُرسِکھ کہے نہ بس بس، مُکھ

مُمّا نہ لئے چُھڈائیا۔ ترےَگُن مایا ڈسنی نہ ڈسے ڈس، زہر پیالہ نہ کوئی پیائیا۔ کلجُگ وِکارا اپنی جُتی تھلے جائے جھس، سُتی کلا پھیر جگائیا۔ اپنے وِہارا کیِتا ہرِ سنگت اِکٹّھ، نام گٹّھ آپ بندھائیا۔ جوتی جوت سروُپ ہرِ، آپ اپنی کِرپا کر، کرے کھیل پُرکھ سمرتھ، ہرِجن رکھے دے کر ہتّھ، چرن کوَل بخش اِک سرنائیا۔ آئی گُرسِکھ گُر گُر دوار، گُر گوبِند میل مِلایا۔ جلاں تھلاں کر کر پار، در ایکا سچّا پایا۔ کلجُگ تتی اگّ میرے پَیر سڑ گئے وِچ سنسار، ماچھوُواڑے پئے چھالے بُھل کدے نہ جایا۔ ہتّھ لیائی امرت دھار، ایکا وار دئے برسایا۔ رُت وکھائے ستاراں ہاڑھ، ہرِ کا پؤڑا اِک بنایا۔ جوتی جوت سروُپ ہرِ، آپ اپنی کِرپا کر، گُرمُکھ ویکھے تھاؤں تھانیا۔ مہاراج شیر سِنگھ وِشنوُں بھگوان، آد اَنت اِک مکان، سچ نِشان رہیا جھُلایا ۔ ہرِ سَتگُر پندھ مُکائیندا، جُگا جُگنتر ساچی کار۔ سد بخشندا دَیا کمائیندا، بخشنہار ایکنکار۔ ہرِجن ساچے چند چڑھائیندا، لوک مات کر اُجیار۔ بندی چھوڑ آپ اکھوائیندا، بندھن توڑے انتم وار۔ ساچے کنڈھے پار لگائیندا، آپ جنائے پار کِنار۔ جوتی جوت سروُپ ہرِ، آپ اپنی جوت دھر، ہرِجن ساچے کرے پیار، پیار کرے پوُرن بھگوَنت، پوُرے گُر وڈی وڈیائیا۔ ہریجن میلا ہرِ ہرِ سنت، صاحِب سَتگُر ہوئے سہائیا۔ جن بنائے اپنی بنت، سد ہوئے جنیندی مائیا۔ لیکھا جانے انتم اَنت، اَنتکال سدا سہائیا۔ جِس جنائے اپنا منت، ایکا نام سَت پڑھائیا۔ گڑھ توڑے ہؤمے ہنگت، ہنگ برہم روُپ درسائیا۔ میل مِلائے ساچی سنگت، سگلا سنگ آپ رکھائیا۔ جگت ناتا بُھکھ ننگت، بھگت بھگوَنت ناتا چرن سرن سچّی سرنائیا۔ چرن کوَل درسائے ساچی جنّت، جوتی جوت سروُپ ہرِ، آپ اپنی کِرپا کر، رام روُپ بےپرواہیِا۔ رام روُپ ہرِ رگھُناتھا، رگھُپت اپنا کھیل کِھلائیندا۔ ساول سُندر گھنئیا چلائے راتھا، کوَل نَین سیو کمائیندا۔ نِردھن سردھن دیوے ساتھا، وِچھڑ کدے نہ جائیندا۔ مانَس جنم نہ آئے گھاٹا، جِس جن اپنی دَیا کمائیندا۔ اَنتکال کل پُچھے واتا، کال گراس نہ کوئی کرائیندا۔ جِس دیاں سُندے آئے گلّاں باتاں، سو پُرکھ نِرنجن درس دِکھائیندا۔ جِس دی کردے رہے پوُجا پاٹھا، سو شبد ناد وجائیندا۔ جِس دا نہاوَن نہاؤندے رہے تیِرتھ اٹھ ساٹھا، سو چرن دھوُڑ اشنان کرائیندا۔ جِس دے مِلن دی خاطر نِیوں نِیوں ٹیکدے رہے ماتھا، سو مستک تِلک لگائیندا۔ جِس دا راہ کِسے نہ آوے ہاتھا، سو پھڑ پھڑ گلے لگائیندا۔ کرے کھیل پُرکھ سمراتھا، ہرِجن اپنے در بہائیندا، اِک سُنائے ساچی گاتھا، سوہنگ اپنا ناؤں دِرڑائیندا۔ نہ کوئی

دِوس نہ کوئی راتا، اٹّھے پہر ایکا رنگ سمائیندا۔ نہ کوئی ورن نہ کوئی ذاتا، ذات پات نہ کوئی رکھائیندا۔ نہ کوئی دھن دؤلت منگے داتا، سچ پریِتا اِک منگ منگائیندا۔ نہ کوئی لیف تلائی منگے کھاٹا، کُلیّ ککھّاں آسن لائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے میل مِلائیندا۔ نہ کوئی منگے دوہر نِہالی، چِٹّی چادر نہ کوئے وڈیائیا۔ نِرگُن روُپ جوت اکالی، ہتھّیں خالی مِل مِل خوشی منائیا۔ پنڈت پاندھے مُلّا شیخ گرنتھی وِچ ہو ہو گُروُ گھر دی منگن دلالی، حق حلال نہ کوئے وکھائیا۔ انتم سُکنا بوُٹا ڈالی، پتجھڑ دئے کرائیا۔ سَتگُر بنیا لوک مات دا ساچا مالی، گُرمُکھاں امرت پھل دئے کھوائیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے جگائیا۔ ہرِجن جگایا گیا جاگ، جِس اپنی دَیا کمائیندا۔ جگت وِکارے وِچوں کاڈھ، اپنے رنگ رنگائیندا۔ نہ کوئی روُپ جنائے سنت سادھ، اپنا بھیکھ نہ کوئے رکھائیندا۔ غریِباں اندر غریِب نواز، غریِب نِمانا آپ اکھوائیندا۔ پاتشاہاں گھر جائے سِر تے رکھ کے تاج، سچّے پاتشاہ اپنی کھیل کِھلائیندا۔ آپے جانے نِردھن سردھن کاج، جگت وِچولا بھیوَ نہ آئیندا۔ ناتا توڑے سرب سماج، سرب سمتی اپنے مارگ لائیندا۔ اِک سُنائے سَت آواز، استِ کوئے رہن نہ پائیندا۔ بُکیا شیر مِرگاولی جائے بھاج، تیِر نِشان اِک لگائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، اِک چلائے نام جہاز، اوُچاں نیِچاں راؤ رنکاں راج راجاناں شاہ سُلطاناں، جِس بخشے چرن دھیانا، تِس اُپر آپ چڑھائیندا۔

ہرِجن آتم سُکھ، ہرِ چرن کوَل دوارا۔ ہرِجن آتم سُکھ، ملِے میل پُرکھ نِرنکارا۔ ہرِجن آتم سُکھ، جِس جن بخشے نام آدھارا۔ ہرِجن آتم سُکھ، جِس جن کر کِرپا، بھوَجل کرے پار کنارہ۔ ہرِجن آتم سُکھ، جوتی جوت سروُپ ہرِ، آپ اپنی کِرپا کر، دیوے درس اگمّ اپارا۔ ہرِجن آتم سانت، سانتک سَت سَت کرائیا۔ ہرِجن پُچھے وات، واہ واہ سَتگُر سیو کمائیا۔ ہرِجن میٹے اندھیری رات، رَین اماوس رہے نہ رائیا۔ ہرِجن ناتا تُٹے ذات پات، ساچی ذات اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل کِھلائیندا، خالق خلق روُپ بھگوان۔ ہرِجن ہرِ ہرِ میل مِلائیندا، دیونہارا جیِا دان۔ جیِون جُگت اپنے ہتّھ

رکھائیندا، جوتی جاتا نِگاہبان۔ جِس سِر اپنا ہتّھ ٹِکائیندا، درگاہ ساچی دیوے مان۔ مان نِمانیاں آپ ہو جائیندا، پاربرہم سِری بھگوان۔ اپنے بھانے سد رہائیندا، رہبر بن وِچ جہان۔ آون جاون جاون آون اپنا کھیل کِھلائیندا، کھیل کِھلنتا نؤجوان۔ جوتی جوت سروُپ ہرِ، آپ اپنی کِرپا کر، ہرِجن اپنے نیتر پیکھے آن۔