کتب خانہGranth 10 (Urdu)

۱۴ بھادروں ۲۰۱۸ بِکرمی نِرنجن سِنگھ دے گرِہ لُدھیانہ

شاہ پاتشاہ ہرِ نِرنکارا، تخت نِواسی سوبھا پائیندا۔ نِرگُن نوُر نوُر اُجیارا، جوت اُجالا ڈگمگائیندا۔ سو پُرکھ نِرنجن آپ جنائے اپنی دھارا، دھار دھار وِچ رکھائیندا۔ ہرِ پُرکھ نِرنجن ہو تیارا، نِروَیر اپنی کھیل کِھلائیندا۔ ایکنکارا کر پسارا، اِک اِکلّا ویکھ وکھائیندا۔ آد نِرنجن جوتی جوت جوت سہارا، جوتی جاتا ویس وٹائیندا۔ ابناشی کرتا الکھ اگوچر اگمّ اپارا، عقل کل اپنی کھیل کِھلائیندا۔ سِری بھگوان وسنہارا ٹھانڈے دربارا، سچ دربارا سوبھا پائیندا۔ پاربرہم آپ اپنا کر پسارا، آد پُرکھ ویکھ وکھائیندا۔ جوتی جوت سروُپ ہرِ، آپ اپنی جوت دھر، اپنا کھیل آپ کرائیندا۔ سو پُرکھ نِرنجن کھیل اولّا، آد جُگاد کرائیا۔ وسنہارا نِہچل دھام اٹلا، سچ سِنگھاسن سوبھا پائیا۔ اپنے دیِپک آپے بلا، نِرگُن جوت نوُر رُشنائیا۔ جوتی جوت سروُپ ہرِ، آپ اپنی کِرپا کر، آد جُگاد شاہ پاتشاہ کرے کھیل سچّا شہنشاہیِا۔

سچّا شہنشاہ ہرِ کرتارا، آد جُگاد سمایا ۔ وسنہارا دھام نیارا، آپ اپنا کھیل کرایا۔ حُکمی حُکم کر ورتارا، دُھر فرمانا آپ سُنایا۔ لیکھا جانے دُھر دربارا، درگاہ ساچی دھام وڈیایا۔ جوتی جوت سروُپ ہرِ، آپ اپنی کِرپا کر، آد جُگاد اپنی دھار اپنے ہتّھ رکھایا۔ آد جُگاد کھیل بھگوان، نِرگُن نِروَیر آپ کرائیا۔ آپ جھُلائے سچ نِشان، سَت سَتوادی ہتّھ اُٹھائیا۔ شاہو بھوُپ بن راجان، شاہ سُلطان اپنے ہتّھ رکھے وڈیائیا۔ جُگا جُگنتر دیونہارا دُھر فرمان، شبد انادی ناد سُنائیا۔ جوتی جوت سروُپ ہرِ، آپ اپنی کِرپا کر، آد اَنت سِری بھگوَنت، مدھ اپنا بندھن پائیا۔ ساچا بندھن پُرکھ ابناش، ایکا ایک رکھائیندا۔ کھیلے کھیل سَت تماش، منڈل راس آپ رچائیندا۔ ساچے مندر کر کر واس، سچ سِنگھاسن سوبھا پائیندا۔ آپے کرے اپنی پوُری آس، آسا آسا وِچ سمائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، اپنا بھیوَ آپ کُھلائیندا۔ آد پُرکھ ہو اُجیارا، اپنی دَیا آپ کمائیا۔ سو پُرکھ نِرنجن کر پیارا، ہرِ پُرکھ نِرنجن میل مِلائیا۔ ایکنکارا کرے کھیل پُرکھ نارا، نر نرائن وڈی وڈیائیا۔ آد نِرنجن دیِپک دِیا کر اُجیارا، نوُر نوُرانہ ڈگمگائیا۔ ابناشی کرتا وسنہارا دھام نیارا، نِہچل دھام اِک سُہائیا۔ سِری بھگوان جھُلائے سچ نِشان سوبھاوَنت سوہے سچ دربارا، در دروازہ اِک کُھلائیا۔ پاربرہم پربھ بن بِھکھارا، آپے منگے اپنی وارا، در درویش الکھ الکھنا اپنی جھولی اَگے ڈاہیِا۔ جوتی جوت سروُپ ہرِ، آپ اپنی جوت دھر، آد پُرکھ ایکا ہرِ، اپنا بھیوَ اپنے ہتّھ رکھائیا۔ ہرِ کا بھیوَ اپنے ہتّھ، دوُسر بھیوَ کوئے نہ پائیندا۔ کرے کھیل پُرکھ سمرتھ، آد جُگادی دھار چلائیندا۔ جُگا جُگنتر چلائے رتھ، رتھ رتھواہی سیو کمائیندا۔ اپنے ناؤں مہما گائے اکتھ، لیکھا لِکھت وِچ نہ آئیندا۔ اپنا مارگ آپے دسّ، آپے ویکھ وکھائیندا۔ اپنا سُنے آپے جس، آپے سوبھا پائیندا۔ اپنا نوُر کر پرکاش، آپے ڈگمگائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، اپنا گُن اپنے وِچ چُھپائیندا۔ ساچا گُن گُنا گُنونت، ابھید ابھیوَ اپنے وِچ چُھپائیا۔ لہنا جانے آد اَنت، مدھ اپنا ویس وٹائیا۔ کھیلے کھیل نار کنت، نر نرائن سچّا شہنشاہیِا۔ سچکھنڈ بنائے ساچی بنت، سچ سِنگھاسن سوبھا پائیا۔ آپے کرے اپنی منّت، آپے بَیٹھا سیِس جھُکائیا۔ جوتی جوت سروُپ ہرِ، آپ اپنی کِرپا کر، آپے داتا آپے بِھکھاری، آپے وست دیوے اپاری، آپ اپنی جھولی سچ بھرائیندا۔ سو پُرکھ نِرنجن ساچی دات، آد آد آپ ورتائیندا۔ آپ بندھائے اپنا نات، ناتا بِدھاتا جوڑ جُڑائیندا۔ آپ سُنائے اپنی گاتھ، بودھ اگادھی آپے گائیندا۔ آپ نِبھائے اپنا

ساتھ، سگلا سنگ آپ ہو جائیندا۔ آپ چلائے اپنا راتھ، رتھ رتھواہی سیو کمائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، سچکھنڈ محلے بَیٹھا چڑھ، سچ سِنگھاسن سوبھا پائیندا۔ سچ محلہ اُچ اٹاری، نِرگُن اپنی آپ بنائیا۔ نہ کوئی دیِسے چار دیواری، چھپر چھنّ نہ کوئے چُھہائیا۔ نِرگُن جوت کر اُجیاری، آد جُگاد ڈگمگائیا۔ ساچا حُکم سچّی سرکاری، شاہ پاتشاہ آپ شہنشاہیِا۔ جوتی جوت سروُپ ہرِ، آپ اپنی کِرپا کر، اپنا لیکھا اپنے ہتّھ رکھائیا۔ ساچا لیکھا ہرِ نِرنکار، اپنے ہتّھ رکھائیندا۔ سچکھنڈ نِواسی سچ بَیٹھ دربار، در درباری حُکم چلائیندا۔ حُکمی حُکم ورتے ورتار، دُھر فرمانا آپ الائیندا۔ کرے کھیل اگمّ اپار، نِرگُن نِرگُن میل مِلائیندا۔ نِرگُن اندر نِرگُن دھار، جوتی جاتا آپ ٹِکائیندا۔ آپے اندر آپے باہر، روُپ انوُپ آپ پرگٹائیندا۔ آپے مات پِت بن کرے پیار، ساچا سُت آپ اُپجائیندا۔ آپے بِھچھیا دیوے سَت بھنڈار، ناؤں نِرنکارا جھولی پائیندا۔ آپ کرائے سچ ونجار، سچ وست ہتّھ پھڑائیندا۔ آپے کھولے بند کِواڑ، اپنا پردہ آپ اُٹھائیندا۔ آپے دیوے درس دیِدار، سوَچّھ سروُپی روُپ وکھائیندا۔ جوتی جوت سروُپ ہرِ، آپ اپنی کِرپا کر، نِرگُن اندر نِرگُن وڑ، نِرگُن محلے نِرگُن چڑھ، نِرگُن اپنا کھیل کِھلائیندا۔ نِرگُن اندر نِرگُن دھار، نِروَیر پُرکھ آپ ٹِکائیندا۔ اجوُنی رہِت ہو تیار، موُرت اکال ڈگمگائیندا۔ کرے کھیل اگمّ اپار، الکھ اگوچر بھیوَ نہ آئیندا۔ جننی جن جنے سُت دُلار، شبد شبدی گود بہائیندا۔ دائی دایا بن ایکا وار، ساچی سیوا آپ کمائیندا۔ کرتا پُرکھ کرنیہار، اپنی کرنی کِرت کمائیندا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، اپنا بھیوَ آپ چُکائیندا۔ اپنا بھیوَ ہرِ چُکائے، مہما اکتھ کتھی نہ جائیا۔ اپنی ناری آپ ہنڈھائے، کنت کنتُوہل بےپرواہیِا۔ اپنی گود آپ سُہائے، آپے بنے پِتا مائیا۔ ساچا مندر ڈگمگائے، نِرگُن نوُر نوُر اُجالا، ایکا نوُر کرے رُشنائیا۔ کرے کھیل ہرِ گوپالا، اپنی مہما اپنے ہتّھ رکھائیا۔ آد جُگاد اولّڑی چالا، چال نِرالی آپ پرگٹائیا۔ وسنہارا سچکھنڈ سچّی دھرمسالہ، سچ سِنگھاسن آسن لائیا۔ جوتی جوت سروُپ ہرِ، آپ اپنی کِرپا کر، آپے دیوے اپنا ور، اپنی بخشش اپنے ہتّھ رکھائیا۔ آپے ور داتا بھنڈار، ساچی وست آپ ورتائیندا۔ آپے حُکمی حُکم ورتے سرکار، شاہ پاتشاہ کھیل کِھلائیندا۔ نِربھے ہوئے بول جَیکار، ناؤں نِرنکارا آپ پرگٹائیندا۔ اپنی اِچھیا کرے پیار، شبد شبدی میل مِلائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارے آپے کھڑ، اپنا متا آپ پکائیندا۔ سچکھنڈ دوار ہرِ نِرنکار، اپنا متا آپ پکائیا۔

اِک اِکلّا کی کرے پیار، دوُسر نظر کوئے نہ آئیا۔ کوَن روُپ ہوئے اُجیار، آپ اپنا سنگ نِبھائیا۔ جوتی جوت سروُپ ہرِ، آپ اپنی کِرپا کر، اپنا لیکھا آپ سمجھائیا۔ اپنا لیکھا آپ سمجھا، اپنی دَیا کمائیندا۔ نِرگُن سرگُن روُپ وٹا، دوئے دوئے دھار چلائیندا۔ شبدی شبد سیوا لا، ساچی سیو کمائیندا۔ وِشن برہما شِو گود بہا، ترےَگُن میلا میل مِلائیندا۔ پنج تت گھاڑن لئے گھڑا، اپنا بندھن پائیندا۔ نِرگُن سرگُن روُپ وٹا، اپنی کھیل کِھلائیندا۔ اپنا پردہ آپ چُکا، وِشنوُں مُکھ صالاحِندا۔ وِشنوُں اَنتر جام پیا، امرت رس چوائیندا۔ امرت آتم اِک رکھا، کوَل نابھ کُھلائیندا۔ نابھی کوَل کر پرگٹا، اپنا بندھن پائیندا۔ پاربرہم اپنی ونڈ ونڈا، برہما اپنا روُپ وکھائیندا۔ جوتی جوت سروُپ ہرِ، آپ اپنی کِرپا کر، اپنی دھار آپ چلائیندا۔ آپے دھار وِشن وِشوَ رنگ، آد جُگاد سمایا۔ آپے آتم سیجا بَیٹھا پلنگ، سچ سِنگھاسن آسن لایا۔ آپ وجائے نام مردنگ، سَت سَتار آپ ہِلایا۔ جوتی جوت سروُپ ہرِ، آپ اپنی کِرپا کر، اپنا کھیل آپ کِھلایا۔ آپے وِشنوُں وِشوَ دھار، اپنی کھیل آپ کرائیندا ۔ آپے امرت رکھے پُھہار، نِجھر دھار آپ چلائیندا۔ آپے کوَل کوَلا کر اُجیار، پتّ ڈالی آپ مہکائیندا۔ آپے نابھی کوَلی آئے باہر، آپ اپنا رنگ رنگائیندا۔ آپے پاربرہم برہم کر پسار، ویس اویسا ویس وٹائیندا۔ در درویشا کھیل کرتار، آپ اپنی الکھ جگائیندا۔ جوتی جوت سروُپ ہرِ، آپ اپنی کِرپا کر، اپنا بندھن آپے پائیندا۔ دُھر فرمانا شاہ سُلطانا، ہرِ سچّا سچ جنائیندا۔ تِنّاں دیوے اِک گیانا، ایکا ناؤں پڑھائیندا۔ ایکا مندر اِک مکانا، ایکا گھر وکھائیندا۔ ایکا شاہ پاتشاہ سِری بھگوانا، دو جہاناں حُکم چلائیندا۔ ایکا دیوے دُھر پروانہ، سچ سندیشہ اِک وکھائیندا۔ سرب جیِاں دا ایکا کاہنا، جوتی جوت سروُپ ہرِ، آپ اپنی کِرپا کر، اپنا حُکم آپ ورتائیندا۔ ساچا حُکم ہرِ نِرنکار، اپنا آپ چلائیا۔ ترےَگُن وست بھر بھنڈار، پنچم میلا سہج سُبھائیا۔ وِشن برہما شِو کریا خبردار، ایکا اکھّر کرے پڑھائیا۔ نِش اکھّر نہ کوئے لِکھار، اپنی وِدیا آپ سِکھائیا۔ کاغد قلم نہ پاوے سار، ہرِ کا بھیوَ ہتّھ کِسے نہ آئیا۔ برہما بنے در بِھکھار، پربھ اَگے جھولی ڈاہیِا۔ تُوں بخشش بخش بخشنہار، تیرے ہتّھ وڈی وڈیائیا۔ تیری جوت نِرگُن دھار، جوتی جوت جوت رُشنائیا۔ پاربرہم تیرا پسار، برہما تیری انس اکھوائیا۔ تیرا حُکم سچ ورتار، جِؤں بھاوے تیؤں چلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہؤں ایکا منگ منگائیا۔ ساچا ور دینا سچّے پاتشاہ، وِشن برہما شِو سیِس جھُکائیندا۔ کوَن روُپ بنیں ملاح، ساڈا بیڑا آپ چلائیندا۔ کوَن

شبد دیویں صلاح، ساچا مارگ لائیندا۔ کوَن مندر دئیں وسا، کوَن کھیڑا سوبھا پائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن اوَر نہ آسا پوُر کوئے کرائیندا۔ پُرکھ ابناشی ہو دَیال، اپنی دَیا آپ کمائیا۔ وِشن برہما شِو تیرا رہے سدا پرِتپال، پرِتپالک سیو کمائیا۔ ترےَگُن ڈور جگت جنجال، جوتی جاتا ہتّھ پھڑائیا۔ نال رکھائے کال مہاکال، اپنی کلا آپ ورتائیا۔ مات لوک وکھائے جگت دھرمسال، نوَ نوَ اپنا گیڑ دِوائیا۔ جوتی جوت سروُپ ہرِ، آپ اپنی کِرپا کر، ساچی وست جھولی پائیا۔ ساچی وست ہرِ جھولی پا، ترےَ ترےَ آپ سمجھایا۔ لکھّ چؤراسی گھاڑن لَینا گھڑا، گھڑن بھنّنہار ویکھ وکھایا۔ انڈج جیرج اُتبُھج سیتج ونڈ ونڈا، ساچا حِصّہ آپ رکھایا ۔ چارے کھانی لئے پرگٹا، چارے بانی وِچ سمایا۔ چارے کُنٹ کر رُشنا، چارے جُگ ونڈ ونڈایا۔ چارے ورناں رنگ رنگا، چار یاری دئے صالاحیا۔ کھیلے کھیل بےپرواہ، لوک مات ویس وٹایا۔ لکھّ چؤراسی ناچ نچا، کایا ماٹی بھاگ لگایا۔ ساچی ہاٹی اِک سُہا، تن خاکی ویکھ وکھایا۔ نِرگُن اپنی جوت ٹِکا، جوت نِرنجن کر رُشنایا۔ آتم برہم میل مِلا، اِیش جیِو دئے وڈیایا۔ آتم سیجا سوبھا پا، سچ سِنگھاسن دئے سُہایا۔ شبد انادی ناد وجا، انحد ساچا راگ الایا۔ گھر وِچ گھر دئے وسا، گھر منگل گیِت گایا۔ گھر وِچ اندھ اندھیرا دئے وکھا، ساچا چند نہ کوئے چڑھایا۔ گھر کام کرودھ لوبھ موہ ہنکار ہلکا، آسا ترِسنا نال رلایا ۔ ہؤمے ہنگتا گڑھ بنا، جگت کھیڑا ویکھ وکھایا۔ جُگ جُگ کھیل کرے بےپرواہ، روُپ انوُپ دھرایا۔ نِرگُن سرگُن لئے ویس وٹا، بھیوَ ابھیدا بھیوَ کُھلایا۔ گُر اوتار ناؤں دھرا، لکھّ چؤراسی ہوئے سہایا۔ اپنا منتر ناؤں دِرڑا، ساچا مارگ دئے وکھایا۔ بھگت بھگوَنت لئے مِلا، آپ اپنے انگ لگایا۔ سنتن دیوے سچ صلاح، ساچی وِدیا اِک پڑھایا۔ گُرمُکھ گود لئے بہا، مُکھ امرت جام پیایا۔ گُرسِکھاں دیوے ساچا تھاں، چرن کوَل تھان وکھایا۔ منُمکھاں دیوے آد جُگاد سزا، ابُھل بُھل کدے نہ جایا۔ لکھّ چؤراسی گیڑا آپ چلا، اپنی لٹھ آپ گِڑایا۔ وِشن برہما شِو تیری سیو لگا، ساچا حُکم رہیا سُنایا۔ جوتی جوت سروُپ ہرِ، آپ اپنی کِرپا کر، مات لوک کھیل کِھلایا۔ مات لوک تیرا کھیل کِھلاؤنا، ہؤں سیوک سیو کمائیا۔ جُگ جُگ تیرا ویس وٹاؤنا، تیرے ہتّھ تیری وڈیائیا۔ سَتجُگ تریتا دواپر پندھ مُکاؤنا، کلجُگ انتم راہ تکائیا۔ نوَ نؤ چار ویکھ وکھاؤنا، ساچے تخت بَیٹھ ساچے ماہیِا۔ گُر اوتار سیو لگاؤنا، جُگ جُگ سیوا لائیا۔ اپنا حُکم اِک ورتاؤنا، حُکمے اندر سرب لوکائیا۔ جوتی جوت سروُپ ہرِ،

آپ اپنی کِرپا کر، کرے کھیل سچّا شہنشاہیِا۔ جُگ چؤکڑی جائن بیِت، کوٹن کوٹ کال بِتائیا۔ پُرکھ ابناشی بَیٹھا رہے اِک اتیِت، ترےَگُن وِچ کدے نہ آئیا۔ سچکھنڈ وسے ٹھانڈا سیِت، اگنی تت نہ لگّے رائیا۔ جُگا جُگنتر سُنائے سُہاگی گیِت، گُر اوتاراں کرے پڑھائیا۔ آپ چلائے اپنی ریِت، نِت نوِت کھیل کِھلائیا۔ لیکھا جانے ہست کیِٹ، گھٹ گھٹ اپنا آسن لائیا۔ سرب جیِاں دا سانجھا میِت، بےاَنت بےپرواہیِا ۔ جن بھگتاں بخشے اِک پریِت، سچ پریِتی آپ نِبھائیا۔ وسنہارا دھام انڈیِٹھ، وِشن برہما شِو رہیا سمجھائیا۔ لکھّ چؤراسی پرکھے نیِت، جوتی جوت سروُپ ہرِ، آپ اپنی کِرپا کر، اپنا بندھن آپے پائیا۔ اپنا بندھن ہرِ جوُ پا، لکھّ چؤراسی کھیل کِھلائیندا۔ گُر اوتار سیو لگا، جُگ چؤکڑی پار کرائیندا۔ نؤ سؤ چُرانوے چؤکڑی پندھ مُکا، نؤ کھنڈ پرِتھمی ویکھ وکھائیندا۔ نؤ دوارے پردہ دئے اُٹھا، نوَ نؤ اپنا رنگ رنگائیندا۔ چار چار ڈیرہ دیوے ڈھاہ، جھوُٹھا کھیڑا آپے ڈھائیندا۔ جوتی جوت سروُپ ہرِ، آپ اپنی کِرپا کر، اپنا ویلا اپنے ہتّھ رکھائیندا۔ جُگ چؤکڑی پار کراؤنا، پاربرہم ہتّھ وڈیائیا۔ سَتجُگ تریتا دواپر کلجُگ تیرا لیکھا آپ مُکاؤنا، آپے لِکھ لِکھ دئے سمجھائیا۔ سب دا لیکھا کڈھ وکھاؤنا، گُر اوتاراں نال رلائیا۔ تیئی اوتاراں آپ اُٹھاؤنا، کلجُگ انتم چؤکڑی دئے دُہائیا۔ پُرکھ ابناشی سچ دربار سچکھنڈ دوار آپ لگاؤنا، اپنے سیِس تاج ٹِکائیا۔ سچ نِشانہ اِک چڑھاؤنا، دو جہاناں رہیا جھُلائیا۔ وِشن برہما شِو خبردار کراؤنا، سویا کوئے رہن نہ پائیا۔ سُرپت راجا اِند آپ ہِلاؤنا، کروڑ تیتیِسا دئے جگائیا۔ کِنر جچھپ آلس نِندرا مگروں لاہُنا، ایکا حُکمی حُکم جنائیا۔ لوک مات ویکھ وکھاؤنا، لکھّ چؤراسی بُھل نہ جائیا۔ اُچے ٹِلّے پربت پھول پُھلاؤنا، جنگل جوُہ اُجاڑ پہاڑ ڈوُنگھی کَندر ویکھ وکھائیا۔ ستّ سمُندر آپ ہلاؤنا، ساگر کوئے نہ مُکھ چُھپائیا۔ چؤداں طبقاں ڈیرہ ڈھاؤنا، چؤداں لوک ویکھ وکھائیا۔ تیئی اوتاراں ایکا حُکم سُناؤنا، ایکا ناد دُھن وجائیا۔ عیسیٰ موُسیٰ نال رلاؤنا، سنگ محمد پکڑے بانہیِا۔ چار یاری ویکھ وکھاؤنا، چؤتھے جُگ پئی دُہائیا۔ چار ورن اَنت کراؤنا، دھیِرج دھیِر نہ کوئے دھرائیا۔ گُر دس بھیوَ چُکاؤنا، بھیوَ ابھید آپ کُھلائیا۔ بھگت بھگوَنت در بہاؤنا، سچ سندیشہ اِک سُنائیا۔ نر نریشا اِک اکھواؤنا، آد جُگاد جُگا جُگنتر جِس اپنی کھیل کِھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ دوار وجےّ ودھائیا۔ سچکھنڈ سچ دربارا، سو پُرکھ نِرنجن آپ لگائیندا۔ کلجُگ آئی انتم وارا، دو جہاناں ویکھ وکھائیندا۔ لوآں پُریاں برہمنڈاں کھنڈاں کھول کِواڑا، دوُئی پردہ

آپ چُکائیندا۔ بھیوَ چُکائے روَ سس ستارا، منڈل منڈپ پھیرا پائیندا۔ پرِتھمی آکاش ویکھے اکھاڑا، گگن گگننتر ناچ نچائیندا۔ چارے وید کرن پُکارا، پُران اٹھاراں اَنت کُرلائیندا۔ گیِتا گیان نہ کِسے وِچارا، دھیائے اٹھاراں بھیوَ نہ آئیندا۔ اِنجیِل قرآن مارے نعرہ، حق حقیِقت نہ کوئے وکھائیندا۔ کھانی بانی شبد جَیکارا، شبد بھیوَ کوئے نہ پائیندا۔ سرِشٹ سبائی نار وِبھچارا، ہرِ کنت نہ کوئے ہنڈھائیندا۔ چار ورن ہوئے خوارا، اٹھاراں برن نہ دھیِر وکھائیندا۔ شاستر سِمرت آئی ہارا، ساچا مارگ نہ کوئے لگائیندا۔ تیِرتھ تٹ نہ کوئے کنارہ، اٹھسٹھ نَیناں نیِر وہائیندا۔ گنگا گوداوری جمنا سُرستی کُرلاوے وارو وارا، امرت میگھ نہ کوئے برسائیندا۔ چاروں کُنٹ جوُٹھ جھوُٹھ پسارا، گُردر مندر مسجد مٹھ ساچا تت نہ کوئے جنائیندا۔ دِس نہ آئے ہرِ نِرنکارا، ایکنکارا روُپ نہ کوئے وکھائیندا۔ دیِناں مذہباں لگّا اکھاڑا، ممتا موہ نہ کوئے چُکائیندا۔ لگّی اگّ بہتّر ناڑا، ترےَگُن گھر گھر لنبوُ لائیندا۔ گُر کا شبد نہ کرے کوئے پیارا، من واسنا ناچ نچائیندا۔ مت متوالی نار کمذات کرے اپنا کارا، قُدرت قادر نہ کھیل کِھلائیندا۔ مقامے حق نہ دِسے سانجھا یارا، بے عیب روُپ نہ کوئے وٹائیندا۔ اَناالحق نہ کوئے نعرہ، شرع شریِعت نہ کوئے رکھائیندا۔ مکّہ کعبہ نہ کوئے دوارا، آب حیات نہ کوئے پیائیندا۔ پاربرہم کلجُگ انتم ایکا ایک بنیا سِکدارا، شاہ پاتشاہ آپ ہو جائیندا۔ گُر اوتاراں صدّے در وارو وارا، چار جُگ دِوس چار آپ گنائیندا۔ آپو اپنی کٹ کے گئے وگارا، آد اَنت ہتّھ نہ کِسے آئیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، سچکھنڈ دوارے آپے کھڑ، اپنا کھیل آپ کرائیندا۔ ساچا کھیل کرے کرتار، قُدرت قادر ویکھ وکھائیا۔ نوَ نؤ چار چؤکڑی کرے پار، جُگ کرتا بےپرواہیِا۔ لکھّ چؤراسی آئی ہار، نہ کوئی بیڑا پار کرائیا۔ ویلے اَنت ہوئے خوار، گُر اوتار نہ دیوے کوئے گواہیِا۔ سمت سمتی پَینی مار، نہ سکے کوئے چُھڈائیا۔ جوتی جوت سروُپ ہرِ، آپ اپنی کِرپا کر، آپے جانے اپنا سچ وِہار، ساچا کھیل آپ کرائیا۔ سمت سمتی ویکھ وکھائے، ویکھنہارا ایکنکار۔ کلجُگ انتم پندھ مُکائے، ناتا توڑ سرب سنسار۔ جوُٹھی جھوُٹھی ماٹی خاک خاک مِلائے، پاکی پاک سِری بھگوان۔ سَتجُگ ساچی تاکی آپ کُھلائے، آپے ہوئے نِگاہبان۔ بن بن ساقی جام پیائے، امرت رس دیِن دَیال۔ جوتی جوت سروُپ ہرِ، آپ اپنی کِرپا کر، وسنہارا ساچے گھر، سچکھنڈ سچّی دھرمسال۔ سچکھنڈ تیری وڈیائی، لوک مات ہرِ وڈیائیندا۔ کلجُگ اَنت ہوئے رُشنائی، نوَ نؤ آپ ڈگمگائیندا۔ پوُرب لیکھا لہنا رہیا چُکائی، لیکھا لیکھ پوُر کرائیندا۔ نِرگُن آئے چائیں چائیں، سرگُن ساچا

سنگ نِبھائیندا۔ وید ویاسا پکڑے باہیں، پوُت سپوُتا براہمن گؤڑا اُچے ٹِلّے پربت سوبھا پائیندا۔ نانک نِرگُن اوٹ تکائی، نِہکلنکا ویس وٹائیندا۔ گوبِند میلا سہج سُبھائی، سمبل نگری آسن لائیندا۔ سچ سِنگھاسن اِک وڈیائی، پُرکھ ابناشن آپ کرائیندا۔ نہ کوئی باڈی گھاڑت لئے گھڑائی، گھڑن بھنّنہار اپنی کھیل آپ کِھلائیندا۔ جوتی جوت سروُپ ہرِ، آپ اپنی کِرپا کر، اپنا روُپ آپ پرگٹائیندا۔ اپنا روُپ آپے رکھ، نِرگُن نِرگُن ویکھ وکھایا۔ اپنے مندر ہو پرتکھ، اپنا بھیوَ چُکایا۔ اپنے بھگتاں کرے پکھّ، جُگ جُگ کردا آیا۔ لکھّ چؤراسی وِچوں لئے رکھ، سِر اپنا ہتّھ ٹِکایا۔ جگت وِکارا دیوے متھ، نام مدھانا پایا۔ اِک کرائے پوُجا پاٹھ، ساچا منتر نام دِرڑایا۔ اِک وکھائے تیِرتھ تاٹ، امرت سروور آپ نُہایا۔ اِک جنائے ساچا ہاٹ، چؤداں لوک مُکھ شرمایا۔ اِک بندھائے ساچا نات، دو جہان نہ کوئے تُڑایا۔ اِک سُنائے ساچی گاتھ، برہم پاربرہم مِلایا۔ اِک چڑھائے ساچے راتھ، لوآں پُریاں پار وکھایا۔ اِک اُتارے اپنے گھاٹ، سچ کنارہ اِک سُہایا۔ ہرِجن تیری پوُری ہوئی واٹ، مانَس جنم لیکھے لایا۔ کایا کپّڑ جائے پاٹ، جوتی جوت میل مِلایا۔ کلجُگ مِٹے اندھیری رات، سَتجُگ ساچا چند چڑھایا۔ لیکھا جانے آد جُگاد، برہم برہماد اپنا ناد وجایا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، اَنت اپنا ویس وٹایا۔ آد اَنت ہرِ کا ویس، روُپ رنگ ریکھ نہ کوئے جنائیا۔ سُت دُلارا دس دشمیش، گوبِند میلا سہج سُبھائیا۔ تخت نِواسی نر نریش، شاہ پاتشاہ ہوئے سہائیا۔ آد جُگادی رہیا ویکھ، اپنا نَین اِک کُھلائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، نر ہرِ اپنی دھار چلائیا۔ نر ہرِ ہری ہر نرائن، اپنی کھیل کِھلائیندا۔ رسنا گھر گھر چار کُنٹ نؤ کھنڈ پرِتھمی سارے کہن، نیتر درس کوئے نہ پائیندا۔ جن بھگتاں آپ چُکائے لیَن دین، پوُرب لہنا آپ مُکائیندا۔ تن بستر پائے نام گہن، ساچا بھوُشن آپ رکھائیندا۔ لاڑی مؤت نہ کھائے ڈَین، رائے دھرم در دُرکائیندا۔ چِتر گُپت نہ آئے لیکھا لَین، کڈھ حِساب نہ کوئے وکھائیندا۔ جِس دا سَتگُر پوُرا ساک سجّن سیَن، تِس بندھن نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، نِرگُن اپنا حُکم ورتائیندا ۔ نِرگُن حُکم سچّی سرکار، شہنشاہ آپ ورتائیا۔ شاہ سُلطاناں کر خوار، راج راجاناں خاک مِلائیا۔ ورناں برناں مارے مار، ذاتاں پاتاں کرے صفائیا۔ اوُچاں نیِچاں وکھائے اِک دوار، پُرکھ ابناشی سچّا ماہیِا۔ ایکا شبد نام جَیکار، ایکا ڈھولا دئے سُنائیا۔ ایکا اِشٹ سرب

سنسار، پُرکھ اکال اِک منائیا۔ ایکا درِشٹ کھولے کھولنہار، جِؤں راما وشِشٹ رنگ رنگائیا۔ گُرمُکھ بیڑا کر جائے پار، گُر سَتگُر ہتّھ وڈیائیا۔ جنم جنم دا دُکھ دئے نِوار، گھر ساچا سُکھ اُپجائیا۔ اُجل مُکھ کرے کرتار، رسنا جِہوا مُکھ صالاحیِا۔ جوتی جوت سروُپ ہرِ، آپ اپنی کِرپا کر، کلجُگ کوُڑی صفا دئے اُٹھائیا۔ کلجُگ کوُڑا جانا اُٹھ، لوک مات رہن نہ پائیا۔ دیِن دَیال ٹھاکر گیا تُٹھ، مِہربان مِہربان مِہربان اپنے ہتّھ رکھی وڈیائیا۔ تت وِکارا من مت لوبھ ہنکار کڈھے کُٹ، چِنتا چِکھا نہ کوئے جلائیا۔ ترےَگُن پائے ایکا لُٹ، شاہ سُلطاناں خاک مِلائیا۔ دھرت مات دی گود بہائے جیٹھا پُت، سَتجُگ ساچے دئے وڈیائیا۔ بیِس بیِسا سُہائے ساچی رُت، رُتڑی آپ مہکائیا۔ کرے کھیل ابناشی اچُت، چیتن روُپ سہج سُکھدائیا۔ جوتی جوت سروُپ ہرِ، آپ اپنی کِرپا کر، ہرِجن میلے تھاؤں تھائنیا۔ تھان تھننتر ہرِجن میلا، ہرِ سجّن آپ کرائیندا۔ لیکھا جانے گُروُ گُر چیلا، گُر گوبِند ویکھ وکھائیندا۔ آد جُگاد سجّن سُہیلا، جُگ کرتا وِچھڑ نہ جائیندا۔ وسنہارا رنگ نویلا، گُرمُکھ تیرا کھیڑا آپ وسائیندا۔ جوتی جوت سروُپ ہرِ، آپ اپنی کِرپا کر، ساچے مندر سوبھا پائیندا۔ ساچا مندر سوبھنیِک، سوبھاوَنت آپ سُہائیا۔ آد جُگاد لاشریِک، شرع شریِعت نہ کوئے وکھائیا۔ جن بھگتاں میٹے اندھیرا تاریِک، ساچا نوُر کرے رُشنائیا۔ ایکا دھام وکھائے ٹھیِک، کایا ٹھیِکر بھنّ وکھائیا۔ نؤ سؤ چُرانوے چؤکڑی جُگ تیری انتم دیوے اِک تاریخ، گُر پیِر اوتار لئے منگائیا۔ ویکھنہارا سچ پریِت، جُگ جُگ لیکھا رہیا لِکھائیا۔ ہرِجن تیری سدا اُڈیِک، دھرت دھوَل نَین اُٹھائیا۔ تُدھ بِن کوئے نہ کرے ٹھنڈا سیِت، امرت ناؤں نہ کوئے برسائیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے لئے پھڑ، اپنے پلّوُ گنڈھ دِوائیا۔ گُرمُکھ سجّن ہرِ ہرِ پھڑیا، آتم برہم وِچار۔ کایا مندر ساچے چڑھیا، کھول بند کِواڑ۔ اپنی وِدیا آپے پڑھیا، انحد شبد وجائے سچّی دُھنکار۔ اپنے سروور آپے ٹھریا، نِجھر جھِرنا جھِرے اپار۔ اپنی ناری آپے وریا، سُرتی شبد کرے پیار۔ اپنے گھر آپے کھڑیا، آپ سُہائے بنک دوار۔ نِرمل دیِا آپے دھریا، جوتی نوُر نوُر اُجیار۔ اپنا پلّوُ آپے پھڑیا، آپے چلے نال نال۔ جوتی جوت سروُپ ہرِ، آپ اپنی کِرپا کر، ہرِجن تیرا ویکھے گھر، کایا مندر اندر سچّی دھرمسال۔ کایا اندر سچ دھرمسالہ، در دروازہ نہ کوئے رکھائیا۔ دیِپک دِیا اِک اُجالا، تیل باتی نہ کوئے ٹِکائیا۔ آپے وسے وسنہار پُرکھ اکالا، عقل کل روُپ وٹائیا۔ سرگُن نِرگُن بن دلالا، لوک مات میل مِلائیا۔ ترےَگُن مایا توڑ جنجالا، جاگرت جوت

کرے رُشنائیا۔ سَتجُگ تریتا دواپر آپے جانے اپنا راہ سُکھالا، ساچا مارگ آپے لائیا۔ کلجُگ انتم ہو نِرالا، پنج تت کایا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، نِرگُن اپنا روُپ وٹائیا۔ نِرگُن روُپ ہرِ نِرنکار، جوتی جاتا کھیل کِھلائیندا۔ نِہکلنک لےَ اوتار، مات پِت نہ کوئے وکھائیندا۔ جننی جن نہ کوئے پیار، پِتا گود نہ کوئے سُہائیندا۔ کرے کھیل اگمّ اپار، آپ اپنا گھاڑن گھڑت گھڑائیندا۔ سمبل نگر ہو اُجیار، ساڈھے تِنّ ہتّھ بنک وڈیائیندا۔ ساچا ڈنکا نام جَیکار، اُچی کوُک آپ الائیندا۔ لکھّ چؤراسی کرے خبردار، ہنگ برہم آپ اُٹھائیندا۔ سو پُرکھ نِرنجن سرب جیِاں دا سانجھا یار، سوئم روُپ آپ دھرائیندا۔ اوم اوم کرے کرنیہار، پرکاش پرکاش وِچ ٹِکائیندا۔ جوتی جوت سروُپ ہرِ، آپ اپنی کِرپا کر، آد شکت آد بھوانی کرے کھیل جوت نوُرانی، چتُربُھج ویس انیِکا، کرے کھیل پاربرہم برہم ویسا، لیکھا جانے وِشن برہما شِو گنیشا، جوتی جوت سروُپ ہرِ، آپ اپنی کِرپا کر، گُرمُکھ ساچے دیوے ور، جگت ڈر نہ کوئے رکھائیا۔ ہرِ کا ناؤں ساچا گھوڑا، آد جُگاد رکھائیندا۔ گُرمُکھ وِرلے مات بہُڑا، دوُسر دِس کِسے نہ آئیندا۔ جُگ جُگ مارے اپنا پؤڑا، لکھّ چؤراسی خاک رلائیندا۔ لوآں پُریاں برہمنڈاں کھنڈاں پِھرے دؤڑا، چار کُنٹ دہ دِشا پھیرا پائیندا۔ ویکھے پرکھے مِٹھا کؤڑا، گھٹ گھٹ اندر پھول پھولائیندا۔ جوتی جوت سروُپ ہرِ، آپ اپنی کِرپا کر، ساچے گھوڑے آپ چڑھائیندا۔ ساچے گھوڑے ساچا آسن، ہرِ ساچا آپ سجائیا۔ کسے تنگ پُرکھ ابناشن، ابناشی کرتا بےپرواہیِا۔ لیکھا جانے پرِتھمی آکاشن، آکاش آکاشاں ویکھ وکھائیا۔ گھٹ گھٹ اندر کھیل تماشن، کھیل کِھلاری آپ کِھلائیا۔ جو اُپجے سو اَنت وِناشن، تِھر کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل سرب گُن تاسن، ہرِجن ساچے گھوڑے لئے چڑھائیا۔ ساچے گھوڑے سچ پلانا، سَتگُر ساچا آپے پائیا۔ گُرمُکھ چڑھے سُگھڑ سُچجّا رانا، شاہ پاتشاہ کِسے ہتّھ نہ آئیا۔ چاروں کُنٹ پِھرے بےمُہانا، ڈوری ہتّھ نہ کِسے پھڑائیا۔ اٹّھے پہر پریم پریِتی منگے دانا، ترِسنا بُھکھ نہ کوئے رکھائیا۔ ایکا منّے ساچا بھانا، سد چلے ہرِ رضائیا۔ جوتی جوت سروُپ ہرِ، آپ اپنی کِرپا کر، ساچا گھوڑا اِک سمجھائیا۔ ساچا گھوڑا سچ محلہ، ہرِ ساچا آپ رکھائیندا۔ آد جُگادی چڑھے اِک اِکلّا، برہمنڈ کھنڈ ویکھ وکھائیندا۔ نام نِدھانا پھڑے بھلّا، دو جہاناں پار کرائیندا۔ سچ سِنگھاسن ایکا ملّا، سولاں کلیاں آسن سُہائیندا۔ جوتی جوت سروُپ ہرِ، آپ اپنی کِرپا کر، ساچا گھوڑا آپ سجائیندا۔ ساچے گھوڑے

پائے زیِن، زینت اپنے ہتّھ رکھائیا۔ کرے کھیل صاحِب پربیِن، بےاَنت وڈ وڈیائیا۔ پھیرا پائے لوک تیِن، چؤداں لوک چرناں ہیٹھ دبائیا۔ آد جُگاد نہ ہوئے غم گیِن، غفلت ہور نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ساچا گھوڑا رہیا دؤڑائیا۔ ساچا گھوڑا ایکا گھر، ہرِ ساچا آپ دؤڑائیندا۔ دوُجے پؤڑے جائے چڑھ، دوئے دوئے لیکھا آپ مُکائیندا۔ تیِجے در چُکے ڈر، بھےَ بھؤ نہ کوئے جنائیندا۔ چؤتھے گھر جائے وڑ، گُرمُکھ ساچے میل مِلائیندا۔ سو گُرمُکھ اُپر جائے چڑھ، جِس سَتگُر آپ بہائیندا۔ جوتی جوت سروُپ ہرِ، آپ اپنی کِرپا کر، ساچا گھوڑا آپ اُپائیندا۔ ساچا گھوڑا شبدی دھار، پاربرہم اُپجایا۔ سرب جیِاں دا سانجھا یار، گھر گھر ویکھ وکھایا۔ ایکا برہم دئے آدھار، ساچا دھرمی دھرم کمایا۔ ذات پات نہ کوئے وِچار، دیِن مذہب وِچ نہ آیا۔ چارے کوُٹاں پاوے سار، چارے راساں مُکھ بھوایا۔ جوتی جوت سروُپ ہرِ، آپ اپنی کِرپا کر، چؤتھے جُگ ساچا گھوڑا اِک اُپجایا۔ ساچا گھوڑا اَسو شاہ سُلطان، ہرِ ساچے سچ اُپجائیا۔ نؤ کھنڈ پرِتھمی ویکھے بیِابان، سُنج مسان پھیرا پائیا۔ گھر گھر اندر یُدھ گھمسان، کام کرودھ لوبھ موہ ہنکار کرے لڑائیا۔ اٹّھے پہر ناچ شیَطان، شرع شریِعت دئے دُہائیا۔ ہرِ کا گھوڑا اِک بلوان، مہابلی لئے اُپجائیا۔ جِس جن سواری بخشے ساچا دان، تِس چرن رکاب ٹِکائیا۔ لیکھا چُکائے دو جہان، دوہاں لیکھا آپ مُکائیا۔ اُننجا پوَن نَین شرمان، ہرِ کا گھوڑا نظر نہ آئیا۔ گُرمُکھ وِرلا چڑھے نؤجوان، سوُربیِر آپ چڑھائیا۔ جوتی جوت سروُپ ہرِ، آپ اپنی کِرپا کر، ساچا گھوڑا اِک وکھائیا۔ ساچا گھوڑا نیتر پیکھ، گُرسِکھ نَین بِگسایا۔ پاربرہم پربھ رہیا ویکھ، شاہ پاتشاہ سچّا شہنشاہیِا۔ کِسے ہتّھ نہ آئے اؤلیئے پیِر شیخ، مُلّا مسائق قُطب غؤث رہے راہ تکایا۔ نیتر چُک چُک راج راجان رہے ویکھ، درشن نَین کِسے نہ پایا۔ گوبِند سوُرا داتا دانی دس دشمیش، ساچا گھوڑا اِک سجایا۔ گُرمُکھاں اَگے پھڑ لگاموں کرے پیش، جو بَیٹھا اوٹ تکایا۔ اُپر چاڑھ لےَ جائے اپنے دیس، دوُجا گھر نہ کوئے وکھایا۔ ساچا اَسو رہے ہمیش، نہ مرے نہ جایا۔ تِس اَگے نہ چلے کِسے دی کوئی پیش، سب بَیٹھے سیِس جھُکایا۔ نؤ کھنڈ پرِتھمی کرے آدیس، لکھّ چؤراسی نیتر نَین شرمایا۔ جوتی جوت سروُپ ہرِ، آپ اپنی کِرپا کر، ساچا گھوڑا اپنے ہتّھ رکھایا۔ ہرِ گھوڑا نام بلوانا، بل باوَن آپ رکھائیا۔ مارے سچّا تیِر نِشانہ، وار ایکا وار چلائیا۔ لہنا چُکائے دو جہاناں، موُل کوئے نظر نہ آئیا۔ لکھّ چؤراسی بنّھے گانا، مؤلی تند نال اُٹھائیا۔ چار یاری کرے دھیانا، محمد رہیا راہ تکائیا۔ االلہ رانی نار رکانا، مینڈھی

سیِس رہی گُندائیا۔ پروردِگار آؤنا نؤجوانا، بے عیب پھیرا پائیا۔ میرا کعبہ کرے پروانہ، اپنا کُرا دئے سُہائیا۔ جوتی جوت سروُپ ہرِ، آپ اپنی کِرپا کر، ساچا اَسو آپ منگائیا۔ ساچے اَسو اَنت تیاری، ہرِ ساچا آپ کرائیندا۔ آپے چڑھے شاہ سواری، سچ سِنگھاسن سوبھا پائیندا۔ کلجُگ انتم محمد خواہش وِیاہے نار کواری، االلہ رانی آپ پرنائیندا۔ میل مِلاوا ہانیاں ہانی، ساچے مندر سوبھا پائیندا۔ جوتی جوت سروُپ ہرِ، آپ اپنی کِرپا کر، چؤداں طبقاں ایکا وار پندھ مُکائیندا۔ چؤداں طبقاں مکُے پندھ، ساچا گھوڑا آپ دؤڑائیا۔ راہ کھیَہڑا نہ ویکھے کوئی اندھ، دھوُیں دھار چرن ٹِکائیا۔ دھکاّ لائے سوُرج چند، ایکا ٹھوکر دئے وکھائیا۔ دھرنی تیری اُلٹی کرے کنڈ، ایکا وار لئے انگڑائیا۔ ناتا توڑے آپ برہمنڈ، جیرج انڈ رنڈ وکھائیا۔ جوتی جوت سروُپ ہرِ، آپ اپنی کِرپا کر، اپنا پندھ آپ مُکائیا۔ پندھ مُکائے شاہ سوارا، اَسو آپ دؤڑائیندا۔ مُرشد مُریِد کر پیارا، دیِد عیِد چند چڑھائیندا۔ کائنات ویکھے وِگسے پاوے سارا، اُلفت اپنے ہتّھ رکھائیندا۔ رحمت رحیِم رحمان آپے جانے اپنا پار کنارہ، شؤہ دھارا آپ مُکائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے پھڑ، ساچے گھوڑے آپ چڑھائیندا۔ جِس جن گھوڑ چڑھن دا چاء، ساچی سِکھیا سِکھ سمجھائیندا۔ ایکا پلّوُ پھڑے بےپرواہ، دوُسر اوٹ نہ کوئے رکھائیندا۔ ایکا منتر نام دھیا، چرن دھیان اِک لگائیندا۔ ایکا ویکھے سچ ملاح، کھیوٹ کھیٹا بیڑا اِک چلائیندا۔ ایکا پکڑنہارا بانہہ، سچ سہارا اِک وکھائیندا۔ ایکا منگے سرن سرنا، سرنگت اِک ہو جائیندا۔ کلجُگ انتم ویکھے تھاں، چار کُنٹ پھول پھولائیندا۔ نِہکلنک جامہ پا، روُپ انوُپ آپ دھرائیندا۔ ساچے گھوڑے تنگ کسا، اپنے نال رلائیندا۔ لوک مات پھیرا پا، سمبل ساچی ونڈ ونڈائیندا۔ ساچا کیِلا دِتا گڈا، چوٹی جڑ نہ کِسے وکھائیندا۔ اپنا گھوڑا نال بنّھا، اپنی خوشی منائیندا۔ وارو وار گُرسِکھاں گھر گھر لئے جگا، لکھّ چؤراسی گوُڑھی نیِند سوائیندا۔ جو جن ہرِ سنگت جانے بھَین بھرا، تِس اپنا گھوڑا پھیر وکھائیندا۔ جو گُرسِکھ گُرسِکھ مِلن دا رکھے چا، ساچا ناتا جوڑ جُڑائیندا۔ تِس گُرسِکھ دی گُر سَتگُر سیوا لئے آپ کما، سیوک سیودار آپ ہو جائیندا۔ پھڑ پھڑ باہوں اُپر لئے چڑھا، سچ سِنگھاسن آپ بہائیندا۔ سچکھنڈ دوار کُھلا، اپنا مندر آپ وکھائیندا۔ جوتی جوت میل مِلا، آون جاون پندھ مُکائیندا۔ ساچا دھرمی دھرم کما، نِہکرمی کرم وکھائیندا۔ گُرسِکھ مرے پربھ مِلن دا چا، جگت کھنڈا وار نہ کوئے کرائیندا۔ سَتگُر پوُرا گُرسِکھ سیِس اپنی جھولی لئے پا، دوُسر ہتّھ نہ

کِسے پھڑائیندا۔ پریم رت اپنا آپ لئے رنگا، رنگ رنگیِلا ویکھ وکھائیندا۔ گُرمُکھ تیرا سیِس جگدیِش اپنے مندر لئے ٹِکا، ساچا مندر سوبھا پائیندا۔ جِتھے دوُجا کوئی جائے نہ، کبیِر جُلاہا کوُک سُنائیندا۔ سب توں اُپر وسے میرا شہنشاہ، شاہ پاتشاہ اپنا حُکم ورتائیندا۔ جوتی جوت سروُپ ہرِ، آپ اپنی کِرپا کر، ہرِجن دیوے ساچا ور، ساچا حُکم سُنائیندا۔ اِک وار جو چڑھیا گھوڑی، دوُسر وار مات نہ آئیا۔ اِک وار جو بنیا جوڑی، سرگُن نِرگُن وِچ سمائیا۔ اِک وار جِن میٹی اؤڑی، ترِسنا پیاس نہ پھیر لگائیا۔ لکھّ چؤراسی کردی بہُڑی بہُڑی، ڈوری ہتّھ نہ کِسے پھڑائیا۔ گُرمُکھ وِرلا چڑھے سَتگُر گھوڑی، جیِو جنت مؤت گھوڑی رہیا چڑھائیا۔ جوتی جوت سروُپ ہرِ، آپ اپنی کِرپا کر، اپنی بِدھ اوَری ٹھؤری، ٹھوکر ایکا نام لگائیا۔

۱۵ بھادروں ۲۰۱۸ بِکرمی لال سِنگھ دے گرِہ لُدھیانہ

نرگُن روُپ ہرِ نِرنکارا، نِہکلنکا ناؤں رکھائیا۔ گھٹ گھٹ اندر کر پسارا، لکھّ چؤراسی سوبھا پائیا۔ دِیا باتی کر اُجیارا، گرِہ گرِہ جوت نوُر رُشنائیا۔ شبد ناد سچّی دُھنکارا، ساچے مندر آپ وجائیا۔ ویکھے وِگسے ویکھنہارا، آد پُرکھ وڈی وڈیائیا۔ نوَ کھنڈ پاوے سارا، سَت سَت کرے کُڑمائیا۔ سَت سَت تیرا پار کنارہ، برہم مت دئے پرگٹائیا۔ ایکا تت گُن وِچارا، اَوگُن لیکھا رہیا مُکائیا۔ جوتی جوت سروُپ ہرِ، آپ اپنی کِرپا کر، ہرِ اپنا ناؤں پرگٹائیا۔ ہرِ کا ناؤں سوُربیِر، آد جُگاد سمایا۔ سَتگُر پوُرا شبد نِشانہ پھڑے تیِر، دو جہاناں آپ چلایا۔ لوآں پُریاں جائے چیِر، برہمنڈ کھنڈ پار وکھایا۔ اٹھسٹھ وِرولے آپے نیِر، سمُند ساگر ڈیرہ ڈھاہیِا۔ لہنا دینا چُکائے شاہ حقیِر، شاہ پاتشاہ پردہ لاہیِا۔ ترےَگُن کٹے جگت زنجِیر، جوتی جوت سروُپ ہرِ، آپ اپنی کِرپا کر، ایکا اپنا ناؤں وڈیایا۔ ہرِ کا ناؤں وڈ وڈیائی، ہرِ وڈّا وڈّ وڈیائیندا۔ برہمنڈ کھنڈ وجےّ ودھائی، برہم ناد اِک رکھائیندا۔ جگت جُگت کرے کُڑمائی، اپنا بندھن پائیندا۔ ویکھنہارا تھاؤں تھائیں، گگن پاتالاں ویکھ وکھائیندا۔ نِرگُن کرے کھیل چائیں چائیں، ویلا وقت آپ سُہائیندا۔ آد اَنت کرے سچ نیائیں، ساچے تخت سوبھا پائیندا۔ جوتی جوت سروُپ ہرِ، آپ اپنی کِرپا کر، ناؤں نِرنکارا آپ اکھوائیندا۔ ناؤں نِرنکار سِری بھگوان، اپنا آپ پرگٹائیا۔ تخت نِواسی

سچ نِشان، سچ دوارے آپ جھُلائیا۔ بھوُپت بھوُپ بن راجان، حُکمی حُکم آپ ورتائیا۔ دُھر فرمانا دیوے جیِا دان، جیِون جُگت جگت جنائیا۔ آد جُگاد ہو مِہربان، نِروَیر پُرکھ سیو کمائیا۔ لکھّ چؤراسی بن بن کاہن، کوٹن کوٹ سخیاں لئے پرنائیا۔ ایکا مندر سچ مکان، سچ سِنگھاسن آسن لائیا۔ جوتی جوت سروُپ ہرِ، آپ اپنی کِرپا کر، اپنا ناؤں آپ دھرائیا۔ اپنا ناؤں کر پردھان، سچ پردھانگی اِک وکھائیندا۔ جُگ جُگ کھیلے کھیل مہان، جُگ کرتا ویس وٹائیندا۔ شبد اگمّی دیونہارا دان، داتا دانی جھولی پائیندا۔ گُر گُر میلا وِچ جہان، جاگرت جوت ڈگمگائیندا۔ آتم اَنتر اِک گیان، برہم ویتا آپ سِکھائیندا۔ پاربرہم چتُر سُگھڑ سُجان، من مت بُدھ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، اپنا ناؤں آپ دھرائیندا۔ اپنا ناؤں آپے دھر، دھرنی دھرت دھوَل وڈیائیا۔ اپنی کرنی آپے کر، کرتا پُرکھ ویکھ وکھائیا۔ اپنے مندر آپے چڑھ، ساچا مندر آپ سُہائیا۔ اپنی وِدیا آپے پڑھ، آپے کرے سچ پڑھائیا۔ اپنا پھڑیا آپے لڑ، لکھّ چؤراسی پلّوُ رہیا وکھائیا۔ جوتی جوت سروُپ ہرِ، آپ اپنی کِرپا کر، اپنا ناؤں اِک صالاحیِا۔ ہرِ کا ناؤں صِفت صالاح، آد جُگاد سمایا۔ جُگ جُگ بنے مات ملاح، دو جہاناں بیڑا آپ اُٹھایا۔ لیکھا جانے تھل اسگاہ، آکاش آکاشاں پھیرا پایا۔ اپنا مارگ دئے وکھا، ساچا پاندھی پندھ مُکایا۔ جوتی جوت سروُپ ہرِ، آپ اپنی کِرپا کر، اپنا ناؤں آپ پرگٹایا۔ اپنا ناؤں آپ پرگٹا، آپے بوُجھ بُجھائیا۔ ناؤں نِرنکارا آپ رکھا، نئیا نؤکا نام چلائیا۔ نِش اکھّر آپ پڑھا، جگت وِدیا کرے پڑھائیا۔ جوتی جوت سروُپ ہرِ، آپ اپنی کِرپا کر، اپنا ناؤں آپے رہیا گائیا۔ اپنا ناؤں گائے جس، جس وید پُران کِسے نہ گایا۔ اپنے مندر آپے بہے ہسّ، اپنی لیِلہ آپ رچایا۔ اپنے اَنتر آپے جائے وس، آپ اپنا کھیل کِھلایا۔ آپے جانے اپنا رس، رس رسیا ساچا رس آپ چوایا۔ اپنا مارگ آپے دسّ، آپے پنتھ لگایا۔ آد جُگاد نسّ نسّ، جُگ جُگ پاندھی پندھ چُکایا۔ جوتی جوت سروُپ ہرِ، آپ اپنی کِرپا کر، ساچا ناؤں آپ اُپایا۔ ساچا ناؤں اُپائے آپ، اپنی گت مِت آپ جنائیندا۔ آپے مائی آپے باپ، پِتا پوُت آپ اکھوائیندا۔ آپا اپنے وِچوں کاڈھ، آپ اپنی گود سُہائیندا۔ آپ لڈائے ساچا لاڈ، در گھر ساچا آپ سُہائیندا۔ جوتی جوت سروُپ ہرِ، آپ اپنی کِرپا کر، اپنا ناؤں رکھ آد، شبد وجائے اِک برہماد جُگاد اپنی کھیل وکھائیندا۔ اپنا ناؤں رکھ نِرنکار، اپنی کھیل کِھلائیا۔ آد پُرکھ ہو تیار، ترےَ ترےَ میلا سہج سُبھائیا۔ لکھّ چؤراسی بھر بھنڈار، کایا گولک ویکھ وکھائیا۔ جاگرت جوت نوُر

اُجیار، گرِہ مندر دِیا باتی آپ ٹِکائیا۔ آتم پرماتم پاوے سار، برہم پاربرہم سمائیا۔ اِیش جیِو دئے آدھار، جگدیِش دَیا کمائیا۔ جُگاد کھیل کرے کرتار، جُگ چؤکڑی پندھ مُکائیا۔ نِرگُن نِروَیر لےَ اوتار، موُرت اکال ڈگمگائیا۔ اجوُنی رہِت ہویا خبردار، روُپ رنگ نہ کوئے وکھائیا۔ نِربھؤ بھے نہ رکھے وِچ سنسار، اپنا بھے سرب جنائیا۔ لہنا دینا قرض دئے اُتار، لکھّ چؤراسی حِساب رہیا مُکائیا۔ کاغد قلم نہ لِکھنہار، ستّ سمُندر رووے مس بناسپت رہی کُرلائیا۔ کرے کرائے کرنیہار، قُدرت قادر ویکھ وکھائیا۔ اِمام اِماماں سِر سچّا شاہ سِکدار، شاہ نواب وڈی وڈیائیا۔ جوتی جوت سروُپ ہرِ، آپ اپنی کِرپا کر، اپنا ناؤں آپے رہیا دھرائیا۔ دھریا ناؤں نِہکلنک، نِروَیر پُرکھ اکھوایا۔ جُگاد وجائے ساچا ڈنک، ایکا ڈنکا نام رکھایا۔ لہنا دینا چُکائے راؤ رنک، راج راجان بُھل کوئے نہ جایا۔ لکھّ چؤراسی ویکھے کایا بنک، گھٹ گھٹ اپنا کھیل کرایا۔ آوے جاوے وار انک، جُگ کرتا ویس دھرایا۔ جوتی جوت سروُپ ہرِ، آپ اپنی کِرپا کر، اپنا ناؤں آپ سمجھایا۔ نِہکلنکا ہرِ کا ناؤں، روُپ رنگ نہ کوئے رکھائیا۔ کرے کھیل اگمّ اتھاہو، بےپرواہ وڈی وڈیائیا۔ جُگ چؤکڑی کرے نیاؤں، سچ عدالت آپ کمائیا۔ گُر اوتاراں سِر رکھے ٹھنڈی چھاؤں، سمرتھ اپنا ہتّھ ٹِکائیا۔ لوک مات سیو لگائے پھڑ پھڑ باہوں، دُھر فرمانا حُکم جنائیا۔ جوتی جوت سروُپ ہرِ، آپ اپنی کِرپا کر، اپنا ناؤں اِک وکھائیا۔ اپنا ناؤں نِہکلنک نِرنکار نِروَیر رکھ، نِردھن سردھن ویکھ وکھائیندا۔ ساچے گھر ہو پرتکھ، سمبل سوبھا پائیندا۔ پت پرمیشور آپے رکھے اپنی پت، پت پتونتا ویس وٹائیندا۔ آد جُگاد جُگا جُگنتر کِسے کولوں نہ لئے مت، ساچی سِکھیا آپ سمجھائیندا۔ لکھّ چؤراسی برہم پاربرہم بندھائے نت، ناتا بِدھاتا جوڑ جُڑائیندا۔ ہڈّ ماس ناڑی ویکھے رت، رتی رت کھوج کُھجائیندا۔ جوتی جوت سروُپ ہرِ، آپ اپنی کِرپا کر، اپنا ناؤں آپے گائیندا۔ اپنا ناؤں گائے ڈھولا، لِکھن پڑھن وِچ نہ آئیا۔ وید شاستر سِمرت پُران اُچی کوُکن کرن بولا، بھیوَ ابھید نہ کوئے کُھلائیا۔ پُرکھ ابناشی تول کِسے نہ تولا، اتول اتُل تولیا نہ جائیا۔ گُر اوتاراں دیوے چولا، پنج تت کایا کرے کُڑمائیا۔ لکھّ چؤراسی کولوں رکھے اوہلا، گھر گھر وِچ مُکھ چُھپائیا۔ اپنی دھرنی آپے مؤلا، اپنی رُت آپ وکھائیا۔ جوتی جوت سروُپ ہرِ، آپ اپنی کِرپا کر، اپنا ناؤں آپ لئے پرگٹائیا۔ آپ پرگٹائے ساچا ناؤں، آد جُگاد بھیوَ کُھلایا۔ آپ وسائے ہر گھٹ تھاؤں، گھٹ گھٹ سوبھا پایا۔ ہرِجن پکڑے آپے باہوں، آپ اپنا میل مِلایا۔ جوتی جوت سروُپ ہرِ، آپ اپنی کِرپا کر، اپنا رنگ آپ رنگایا۔

ہرِ کا ناؤ ساچا رنگ، رنگ رنگیِلا آپ چڑھائیا۔ آتم سیجا ویکھ پلنگ، پرم پُرکھ پربھ آسن لائیا۔ گرِہ مندر وجےّ مردنگ، نِج آتم ڈھولا گائیا۔ کرے کھیل سوُرا سربنگ، گھر ساچا اِک سُہائیا۔ جوُٹھی جھوُٹھی ڈھائے کندھ، بھانڈا بھرم بھؤ بھنّائیا۔ ایکا نوُر چڑھائے چند، روَ سس مُکھ شرمائیا۔ دِوس رَین پرمانند، گھڑی پل نہ ونڈ ونڈائیا۔ پنچم پنچ کرے کھنڈ کھنڈ، ایکا کھنڈا نام چمکائیا۔ سُرت دُہاگن نہ ہوئے رنڈ، کنت سُہاگی لئے مِلائیا۔ آپے پائے اپنا بندی بند، بندھن ایکا ہتّھ رکھائیا۔ کروٹ لئے بدلے کنڈ، اپنا پردہ دئے چُکائیا۔ لہنا دینا چُکائے جیرج انڈ، اُتبُھج سیتج اپنی جھولی پائیا۔ پندھ مُکائے کوٹن کوٹ برہمنڈ، دوُر دُراڈا نیرن نیر درس دِکھائیا۔ آد جُگاد اپنا ناؤں سُنائے سُہاگی چھند، سو پُرکھ نِرنجن بےپرواہیِا۔ ہنگ برہم نہ دیوے دنڈ، ایکا ڈنڈاوت رہیا سِکھائیا ۔ جوتی جوت سروُپ ہرِ، آپ اپنی کِرپا کر، جُگ جُگ اپنا ناؤں دھرائیا۔ رکھیا ناؤں پُرکھ سمرتھ، ایکا ناد شبد جَیکار۔ لِکھ لِکھ لیکھ نہ سکے کوئی دسّ، جگت وِدیا نہ کوئی وِچار۔ آپے جانے اپنی مہما اکتھ، کتھنی کتھ نہ پاوے سار۔ جوتی جوت سروُپ ہرِ، آپ اپنی کِرپا کر، کرے کھیل آپ نِرنکار۔ نِرنکار کھیل کِھلائیندا، جُگا جُگنتر کار۔ سَتجُگ تریتا دواپر پار کرائیندا، کلجُگ انتم آئی وار۔ گُر اوتار مُکھ صالاحِندا، رسنا جِہوا کر پُکار۔ نِہکلنک ویس وٹائیندا، پرگٹ ہوئے اگمّ اپار۔ اپنی کرنی آپ کرائیندا، کرے کرائے کرنیہار۔ دوُسر اوٹ نہ کوئے رکھائیندا، شاہ پاتشاہ سچّی سرکار۔ چار جُگ دی ریِتی ویکھ وکھائیندا، نؤ سؤ چُرانوے چؤکڑی جُگ پاونہارا سار۔ وِشن برہما شِو لیکھا آپ مُکائیندا، لیکھا لیکھے وِچ ڈار۔ ترےَگُن تیری اگّ بُجھائیندا، امرت بخشے ٹھنڈا ٹھار۔ پنج تت تیرا گڑھ تُڑائیندا، نام کھنڈا پھڑ کٹار۔ کلجُگ کوُڑا کوُڑ کُڑیارا موہ چُکائیندا، نام سَت کر جَیکار۔ چار ورناں پندھ مُکائیندا، کھتری براہمن شوُدر وَیش نہ کوئے آدھار۔ اٹھاراں برن آپ کھپائیندا، ایکا حُکمی حُکم ورتار۔ اوُچاں نیِچاں ایکا رنگ وکھائیندا، شاہ سُلطاناں مارے مار۔ وید شاستر سِمرت پُران اِنجیِل قرآنا پندھ مُکائیندا، کھانی بانی کھیل نیار۔ اٹھسٹھ تیِرتھ ڈیرہ ڈھائیندا، گنگا گوداوری جمنا سُرستی ہوئے حَیران۔ دو جہاناں ویکھ وکھائیندا، ویکھنہار سِری بھگوان۔ اپنا ناؤں آپ دھرائیندا، نِہکلنک بلی بلوان۔ سَت سَتوادی ساچا راہ چلائیندا، سَت پُرکھ نِرنجن جھُلائے سچ نِشان۔ بودھ اگادھی بھیوَ کُھلائیندا، آپے ہویا حُکمران۔ حُکمی حُکم سرب بھوائیندا، روَ سس منڈل منڈپ زِمیں اسمان منّن آن۔ جوتی جوت سروُپ ہرِ، آپ اپنی کِرپا کر، پُرکھ

ابناشی ایکا ہرِ، نِرگُن روُپ ہوئے پردھان۔ نِرگُن روُپ شاہو بھوُپ، بھوُپت اپنے نام دئے وڈیائیا۔ لیکھا جانے چارے کوُٹ، دہ دِشا ویکھ وکھائیا۔ کلجُگ ناتا توڑے جوُٹھ جھوُٹھ، سَتجُگ سچ سُچ کرے کُڑمائیا۔ دیِن دَیال ٹھاکر ابناشی گیا تُٹھ، دیِنن اپنی دَیا کمائیا۔ جگت دُکان جائے لُٹ، ٹھگ چور یار حرام خور مُکھ بھوائیا۔ سُت دُلارا اِک اُپجائے سُت، سَتجُگ ساچا ناؤں دھرائیا۔ آپ سُہائے ساچی رُت، گُرمکھ ساچے پُھل پُھلواڑی مات لگائیا۔ جوتی جوت سروُپ ہرِ، آپ اپنی جوت دھر، اپنا ناؤں آپ وڈیائیا۔ ناؤں نِرنکار ہرِ گوبِند، گوبِند میل مِلایا۔ پُرکھ ابناشی میٹے چِند، چِنتا غم نہ کوئے رکھایا۔ امرت دھارا ساگر سِندھ، گرِہ سروور نیِر وہایا۔ داتا دانی گُنی گہند، گہر گمبھیِر بےپرواہیِا۔ ہرِجن اُپجائے اپنی بِند، سُت نادی سنگ سمایا۔ جوتی جوت سروُپ ہرِ، آپ اپنی کِرپا کر، اپنا ناؤں ایکا ڈنکا جگت وجایا۔

سو پُرکھ نِرنجن آد اَنت، نِردھن سردھن دھار چلائیندا۔ ہرِ پُرکھ نِرنجن جُگا جُگنت، جُگ کرتا ویس وٹائیندا۔ ایکنکارا مہما اگنت، بھیوَ ابھید آپ کُھلائیندا۔ آد نِرنجن سوبھاوَنت، ساچے مندر ڈگمگائیندا۔ ابناشی کرتا لیکھا جانے ساچے سنت، سنت سُہیلے میل مِلائیندا۔ سِری بھگوان ویکھ وکھائے ساچے بھگت، بھگت بھگتی پردہ اُٹھائیندا۔ پاربرہم لیکھا جانے جیِو جنت، آتم برہم سرب سمائیندا ۔ جوتی جوت سروُپ ہرِ، آپ اپنی کِرپا کر، اپنے رنگ سد سمائیندا۔ آد جُگاد کھیل اپارا، جُگ کرتا ویس وٹائیا۔ نِرگُن سرگُن لےَ اوتارا، لوک مات ویکھ وکھائیا۔ لکھّ چؤراسی پاوے سارا، گھٹ گھٹ بَیٹھا آسن لائیا۔ بھگت بھگوَنت دئے سہارا، آتم پردہ اِک اُٹھائیا۔ نِرگُن دِیا باتی کر اُجیارا، اندھ اندھیرا دئے گوائیا۔ شبد اناد سچّی دُھنکارا، گرِہ مندر آپ وجائیا۔ امرت سروور ٹھنڈی ٹھارا، نِجھر جھِرنا آپ جھِرائیا۔ دیوے درس اگمّ اپارا، الکھ اگوچر بےپرواہیِا۔ ہرِجن میلے اپنے دوارا، سچ دوارا آپ کُھلائیا۔ پنچم میٹے جھوُٹھی دھاڑا، پنچم ناد شبد دُھن شنوائیا۔ پنچم کرے جےَ جَیکارا، گیِت گوبِند الائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل سِری بھگوان، جُگ کرتا آپ کرائیندا۔ بھگتاں دیوے بھگتی دان، ایکا منتر نام دِرڑائیندا۔ سنتن وکھائے سچ نِشان، در گھر ساچے

آپ جھُلائیندا۔ گُرمُکھاں دیوے برہم گیان، آتم وِدیا اِک پڑھائیندا۔ گُرسِکھ بنائے چتُر سُگھڑ سُجان، بُدھ بِبیک آپ کرائیندا۔ جوتی جوت سروُپ ہرِ، آپ اپنی کِرپا کر، جِس جن اپنی بوُجھ بُجھائیندا۔ ساچی بوُجھ ہرِ کرتار، گُرمُکھ وِرلے آپ جنائیا۔ جُگا جُگنتر کھیل اپار، نِرگُن سرگُن سرگُن نِرگُن جوتی جوت جوت رُشنائیا۔ بھگتن وکھائے سچ دوار، در دروازہ آپ کُھلائیا۔ دِوس رَین ایکا دھار، آٹھ پہر رنگ رنگائیا۔ ڈوُنگھی بھوَری پاوے سار، کایا کوَری پھول پھولائیا۔ جوتی جوت سروُپ ہرِ، آپ اپنی کِرپا کر، ہرِجن میلے سہج سُبھائیا۔ ہرِجن میلا ہرِ دوار، ہرِ مندر آپ سُہائیندا۔ آپے کھولے بند کِواڑ، کر کِرپا پردہ لاہِندا۔ شبدی شبد کرے سچ پیار، پیِا پریِتم پریم کمائیندا۔ سُرتی سُرت دئے آدھار، سُرت سوانی آپ اُٹھائیندا۔ میل مِلاوا ساچے رام، رمئیا اپنا روُپ وٹائیندا۔ ساچی نئیا کر تیار، سنسار ساگر آپ چلائیندا۔ جوتی جوت سروُپ ہرِ، آپ اپنی کِرپا کر، ہرِجن ہرِ ہرِ ویکھ وکھائیندا۔ ہرِجن ہرِ ساچا رنگ، سَت سَتوادی آپ چڑھائیا۔ آتم سیجا ویکھ پلنگ، پُرکھ پُرکھوتم آسن لائیا۔ دِوس رَین وجےّ مردنگ، انحد نادی ناد سُنائیا۔ اٹّھے پہر دھار گنگ، امرت جل نیِر وکھائیا۔ سچ دوارا آپے لنگھ، سوَچّھ سروُپ روُپ وٹائیا۔ جوتی جوت سروُپ ہرِ، آپ اپنی کِرپا کر، ہرِجن ایکا تت بُجھائیا۔ ایکا تت شبد گیان، گُر شبدی شبد جنائیندا۔ کایا مندر سچ مکان، سَتگُر پوُرا سوبھا پائیندا۔ دیِپک جوت جگے مہان، بِن تیل باتی ڈگمگائیندا۔ دِوس رَین دیوے فرمان، دُھر فرمانا آپ سُنائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ جگائیندا۔ ہرِجن سچّا جاگیا، جِس آتم برہم وِچار۔ مانَس جنم وڈ وڈ بھاگیا، پایا پرم پُرکھ کرتار۔ گھر دیِپک جوت جگے چراغیا، میٹ مِٹائے اندھ اندھیار۔ دُرمت مَیل دھووے داغیا، کوُڑی کِریا دئے نِوار۔ جوتی جوت سروُپ ہرِ، آپ اپنی کِرپا کر، ہرِجن ساچے لئے اُبھار۔ ہرِجن ہرِ اُبھاریئن، آپ اپنی کِرپا دھار۔ دیوے درس اگمّ اپاریئن، کِرپانِدھ گُن وِچار۔ مانَس جنم پَیج سواریئن، آون جاون اُترے پار۔ جوتی جوت سروُپ ہرِ، آپ اپنی کِرپا کر، جِس جن دیوے درس دیِدار۔ درس دیِدار نیتر نَین، نِج نیتر آپ کُھلائیا۔ رسنا جِہوا نہ سکے کہن، گُن اَوگُن نہ کوئے وڈیائیا۔ ہرِجن ہرِ دھام اِکٹّھے رہن، سچ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، آپ چُکائے لیَن دین، پوُرب لیکھا جھولی پائیا۔ پوُرب لیکھا پوُرب لہنا، کرم دھرم میل مِلائیندا۔ سَتگُر درس نیتر نَینا، روُپ انوُپ آپ جنائیندا۔ سدا سد سچ

بھانا سہنا، سد بھانا اِک وکھائیندا۔ تن بستر پائے ایکا گہنا، ہرِ کا ناؤں شنگار کرائیندا۔ جوتی جوت سروُپ ہرِ، آپ اپنی کِرپا کر، در ساچے ویکھ وکھائیندا۔ در ساچا سوبھاوَنت، گھٹ مندر وجےّ ودھائیا۔ پربھ پایا پوُرن بھگوَنت، مِلیا میل وِچھڑ نہ جائیا۔ گڑھ تُٹا ہؤمے ہنگت، مایا ممتا موہ چُکائیا۔ ہرِجن میلا ساچی سنگت، سنگت سنگ ہرِ سمائیا۔ جنم جنم جنم بنائے بنت، جنم مرن گیڑ مُکائیا۔ لیکھا جانے آد اَنت، جُگ کرتا ویکھ وکھائیا۔ سرب جیِاں دا ایکا کنت، لکھّ چؤراسی نار رہیا ہنڈھائیا۔ جوتی جوت سروُپ ہرِ، آپ اپنی کِرپا کر، ہرِجن میلے سہج سُبھائیا۔ ہرِجن میلا ساچے رام، رام رمئیا میل مِلائیندا۔ اَنتر آتم پیائے ساچا جام، نام پیالہ ہتّھ رکھائیندا۔ کایا کھیڑے وسے گرام، ساچا مندر آپ سُہائیندا۔ کرے پرکاش کوٹن بھان، جوت نوُر ڈگمگائیندا۔ ایکا راگ سُنائے کان، انحد نادی ناد وجائیندا۔ سُرتی شبد کرے پروان، شبدی اپنا بندھن پائیندا۔ ایکا گھر وسائے سیِتا رام، رام سیِتا آپ ہو جائیندا۔ پاربرہم پت پرمیشور پوُرن کرے کام، کرتا اپنی کرنی آپ کرائیندا۔ ہرِجن میٹے اندھیری شام، ساچا چند آپ چڑھائیندا۔ جگت ترِسنا مِٹے تام، ہرکھ سوگ نہ کوئے وکھائیندا۔ جِس جن دیوے اپنا نام، ناؤں نِرنکارا جھولی پائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے دیوے ور، رام نام اِک ورتائیندا۔ رام نام وست امول، آد جُگاد رکھائیا۔ ترےَگُن کنڈے نہ سکے کوئے تول، چؤداں لوک دین دُہائیا۔ برہمنڈ کھنڈ ہوئے انبھول، وِشن برہما شِو بھیوَ نہ رائیا۔ جوتی جوت سروُپ ہرِ، آپ اپنی کِرپا کر، اپنے ناؤں رکھے وڈیائیا۔ ہرِ کا ناؤں اگمّ اپار، لِکھن پڑھن وِچ نہ آیا۔ سَتگُر گُر پاوے سار، اپنا پردہ آپ اُٹھایا۔ بھگتن دیوے وِچ سنسار، کایا اندر اندر آپ ٹِکایا۔ سنتن وکھائے کھول کِواڑ، بند تاکی پردہ لاہیا۔ گُرمُکھاں بنے آپ ورتار، گھر گھر ساچی سیو کمایا۔ گُرسِکھاں دیوے اِک آدھار، نیتر لوچن نَین درس کرایا۔ ہرِجن ہرِ جوُ ہرِ مندر دئے وکھال، گھر گھر وِچ ہوئے سہایا۔ جُگ کرتا جگ کرے پرِتپال، جن اپنے انگ لگایا۔ جوتی جوت سروُپ ہرِ، آپ اپنی کِرپا کر، ایکا ناؤں وجائے مردنگ، برہم برہماد آپ سُنایا۔