کتب خانہGranth 10 (Urdu)

۳۱ اَسوُ ۲۰۱۸ بِکرمی ہربنس سِنگھ بلونت سِنگھ دے گرِہ پِنڈ ماہل ضِلع امرتسر

آد جُگاد کھیل نیارا، جگ کرتا ہرِ کرائیندا۔ کرے کھیل اگمّ اپارا، روُپ انوُپ ویس وٹائیندا۔ جوتی جاتا ہو اُجیارا، نوُر نوُرانہ ڈگمگائیندا۔ دُھن اناد سچّی دُھنکارا، انادی ناد سُنائیندا۔ لوآں پُریاں برہمنڈاں دئے سہارا، گگن منڈل سوبھا پائیندا۔ کر پرکاش روَ سس ستارا، چند چاندنا آپ چمکائیندا۔ جل تھل مہیئل دئے ادھارا، دھرت دھوَل ویکھ وکھائیندا۔ بنس سربنس کر تیارا، اپنا مارگ آپے لائیندا۔ وِشنوُں وِشوَ کر تیارا، ساچا میلا میل مِلائیندا۔ پاربرہم برہم کر پسارا، اپنا بنس آپ سُہائیندا۔ کوَل کوَلا ساچی دھارا، نِرمل نِرمل کر اُجیارا، نوُر نوُرانہ آپ اکھوائیندا۔ جوتی جوت سروُپ ہرِ، آپ اپنی کِرپا کر، آد جُگاد ایکا ہرِ، ساچی دھارا آپ چلائیندا۔ آد جُگاد پُرکھ سمرتھ، سو پُرکھ نِرنجن وڈی وڈیائیا۔ ہرِ پُرکھ نِرنجن مہما اکتھ، ایکنکارا صِفت صالاحیِا۔ آد نِرنجن نِرمل جوت، جوتی جوت جوت رُشنائیا۔ ابناشی کرتا وسنہارا ساچے کوٹ، سچکھنڈ بَیٹھا آسن لائیا۔ سِری بھگوان آد جُگاد ایکا بخشے اوٹ، دوُسر اوٹ نہ کوئے تکائیا۔ پاربرہم پت پرمیشور نِرگُن نِروَیر جائے مِل اپنا اوت، وِشوَ سوہنگ سو آپ کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، وِشوَ دھار آپ پڑھائیا۔ وِشوَ دھار ہرِ کا رنگ، نِرگُن اپنا آپ جنائیندا۔ پاربرہم سوُرا سربنگ، شاہ پاتشاہ کھیل کِھلائیندا۔ ناد انادی اِک مردنگ، برہماد آپ وجائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنا بھیوَ اپنے ہتّھ رکھائیندا۔ ساچا بھیوَ ہرِ نِرنکار، آد پُرکھ آد آد آد اپنے ہتّھ رکھائیا۔ وِشن برہما شِو کر تیار، نِرگُن نِرگُن نِرگُن میلا میل مِلائیا۔ حُکمی حُکم حُکم ورتار، سچ سندیشہ اِک سُنائیا۔ ترےَگُن مایا بھر بھنڈار، راجس تامس ساتک جھولی پائیا۔ جوتی جوت سروُپ ہرِ، آپ اپنی کِرپا کر، دیوے وست اپار، پنچم ناتا جوڑ جُڑائیا۔ لکھّ چؤراسی کر تیار، ساچا گھاڑن دئے گھڑائیا۔ پاربرہم برہم کر پسار، برہم ویکھے چائیں چائنیا۔ گھر وِچ گھر کر تیار، محل اٹل سوبھا پائیا۔ اِیش جیِو نِراکار، جگدیِشا کھیل کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا مارگ آپے لائیا۔ ساچا مارگ پُرکھ ابناشا، آد جُگاد لگائیندا۔ اپنے منڈل پاوے راسا، گوپی کاہن آپ ہو جائیندا۔ آپے جانے کھیل تماشا، پرِتھمی آکاش کھیل کرائیندا۔ آپے وِشنوُں اندر کر کر واسا، امرت اپنا آپ پرگٹائیندا۔ آپے نابھی کوَل دے بھرواسا، پُھل

پُھلواڑی آپ مہکائیندا۔ آپے پاربرہم برہم کرے بھوگ بِلاسا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنی دھارا آپ چلائیندا۔ ساچی دھار پُرکھ اگمّ، اِک اِکلّا آپ چلائیا۔ اپنا بیڑا آپے بنّھ، آپے بنے ملاہیا۔ کرے کھیل سِری بھگوَن، بھگوَن اپنی دَیا کمائیا۔ آپے جننی آپے جن، دائی دایا آپ اکھوائیا۔ آپے گھڑے آپے لئے بھنّ، گھڑن بھنّنہار پُرکھ بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ترےَگُن اتیِتا ٹھانڈا سیِتا، وست امولک اپنے ہتّھ رکھائیا۔ ساچی وست ہرِ گُنونت، اپنے ہتّھ رکھائیندا۔ آد جُگاد مہما اگنت، بھیوَ کوئے نہ پائیندا۔ آپے وِشوَ آپے منیِا منت، ناؤں نِرنکارا آپ اکھوائیندا۔

سوہنگ ساچی دھار، گُر چیلا روُپ جنائیا۔ جُگ جُگ کرن پیار، پربھ ساچا میل مِلائیا۔ وِچھڑ ہو ہو ہون خوار، ابُھل بُھلے ساچا ماہیِا۔ جگ روون زارو زار، دوویں نَین وہائیا۔ سوہے آپ دوار، بنس ملِے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیا۔ سوہنگ دھار پاربرہم، برہم ہرِ ساچے کھیل کِھلایا۔ جُگا جُگنتر بیڑا بنّھ، ساچا مارگ لایا۔ ایکا وسن ایکا تن، دوہاں میلا سہج سُبھایا۔ ساچی چھپری سوہے چھنّ، جِس گرِہ اندر سوبھا پایا۔ اِک دوُجے دا کہنا لَین منّ، مت سُمت نہ کوئے وڈیایا۔ مِل منگل کہن دھنّ دھنّ، گھر سجّن سچّا پایا۔ جھوُٹھا بھرم نِکلے جن، گڑھ ہنکار تُڑایا۔ جوتی جوت سروُپ ہرِ، آپ اپنی کِرپا کر، سوہنگ ساچا بندھن پایا۔ سوہنگ بندھن دوُآ ایک، اِک اکالا آپ پرگٹائیا۔ برہم پاربرہم ساچی ٹیک، ایکا اوٹ رکھائیا۔ جیِو اِیش لئے ویکھ، درشن چائیں چائنیا۔ جگت اولّڑا چلے بھیکھ، روُپ رنگ نہ کوئے وکھائیا۔ گھر وسے ساچا دیس، مِل ساچی خوشی منائیا۔ ہنگ برہم کر پرویش، سو اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، اپنا سنگ آپ رکھائیا۔ آتم پرماتم ساچا سنگ، سدا سد رکھائیندا۔ جُگا جُگنتر کارج انند، انند انند وکھائیندا۔ گیِت گوبِند ساچا چھند، ہنگ برہم سُنائیندا۔ سو پُرکھ نِرنجن میٹے پندھ، پاندھی راہ نہ کوئے وکھائیندا۔ پلّوُ پلّوُ دیوے گنڈھ، ساچی گنڈھ، پوائیندا۔ جوتی جوت سروُپ ہرِ، آپ اپنی کِرپا کر، ساچا در آپ سُہائیندا۔ ساچا در سوبھاوَنت، سو پُرکھ نِرنجن آپ سُہائیا۔ ہنگ برہم بنا بنت، گھاڑن گھڑت لئے گھڑائیا۔ لیکھا جانے جیِو جنت، جیِو

جیِو ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُرمُکھ وِرلے کرے جنائیا۔ گُرمُکھ وِرلا سوہنگ رنگ، کایا تن چڑھائیندا۔ گُر چیلا نچّن بن ملنگ، لوک لاج نہ کوئے وکھائیندا۔ بِن ستاروں وجےّ تند، تندی راگ نہ کوئے الائیندا۔ گُن نہ جانے کوئے بتّی دند، بِن رسنا آپ سُنائیندا۔ گیِت گوبِند سُہاگی چھند، گھر منگل آپ پرگٹائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے بوُجھ بُجھائیندا۔ سوہنگ بُجھے اپنا روُپ، انوُپ ملِے وڈیائیا۔ گھٹ پرکاش چارے کوُٹ، گرِہ مندر وجےّ ودھائیا۔ ناتا تُٹے جوُٹھ جھوُٹھ، کوُڑی کِریا رہن نہ پائیا۔ گودی سوہے پوُت سپوُت، پِتا ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، ہرِجن ساچے لئے ترائیا۔ ہرِجن تریا سوہنگ بیڑا، سُرت شبد میل مِلایا۔ کایا وسیا ساچا کھیڑا، نِرگُن ساچا چند چڑھایا۔ حق حقیِقت کر نبیڑا، پِچھلا پندھ مُکایا۔ ایکا رنگ وکھائے سنجھ سویرا، دِوس رَین نہ کوئے وڈیایا۔ گُرسِکھاں من چاؤ گھنیرا، سَتگُر پوُرا پایا۔ ناتا تُٹا میرا تیرا، تیرا میرا سوہنگ روُپ اکھوایا۔ آون جاون چُکا گیڑا، پاندھی جھوُٹھا پندھ مُکایا۔ جوتی جوت سروُپ ہرِ، آپ اپنی کِرپا کر، گُر چیلا کھیل کِھلایا۔ گُر چیلا کھیلے کھیل، خالق خلق روُپ وٹائیا۔ ساچا میلا لئے میل، گُرمُکھ سجّن مات اُٹھائیا۔ بنے ساجن سکھا سُہیل، ساچی پریِت اِک نِبھائیا۔ نِرگُن دیوا نِرگُن باتی نِرگُن جگائے بِن تیل، ہوَن ہونی آپ کرائیا۔ جوتی جوت سروُپ ہرِ، آپ اپنی کِرپا کر، گُر چیلا ملِے ایکا گھر، بنک دوارا اِک سُہائیا۔ گھر دوارا سوہے بنک، گرِہ میلا ہرِ کرتار۔ گُرمُکھ وڈیائی جِؤں جن جنک، بھگت بھگوَنت لئے ادھار۔ نام ہلوُنا لائے تنک، نِرگُن کِھچے سچ ستار، کریا کھیل بار انک، جُگ جُگ لےَ مات اوتار۔ جوتی جوت سروُپ ہرِ، آپ اپنی کِرپا کر، ہرِجن کرے سچ پیار۔ کر پیار دِتی دات، ہرِ سَتگُر دَیا کمائیا۔ سوہنگ نام سچ سوغات، روگ سوگ دئے گوائیا۔ میٹے رَین اندھیری رات، گُر چیلا چند چڑھائیا۔ آتم پرماتم اِکو گاتھ، ایکا اکھّر کرے پڑھائیا۔ اِیش جیِو نِبھے ساتھ، جگدیِش سنگ نِبھائیا۔ جوتی جوت سروُپ ہرِ، آپ اپنی کِرپا کر، ہرِجن دیوے اِکو ور، سوہنگ شبد وڈ کرامات، آد جُگاد جُگا جُگنتر گُرمُکھ وِرلے چڑھن اِس جماعت، دوُجی ہور نہ کوئے پڑھائیا۔