کتب خانہGranth 11 (Urdu)

۳ مگھّر ۲۰۱۸ بِکرمی جیٹھوُوال دربار وِچ دَیا ہوئی

سنتاں سنگ سدا ہرِ وسے، وسنہارا ایک۔ اسنتاں کولوں سدا ہرِ نسّے، لاج نہ لائے اپنے بھیکھ۔ سنتاں مارگ آپے دسےّ، دسےّ ہرِ جوُ ساچی ٹیک۔ اسنتاں کولوں آپے نٹّھے، کوئے سکے نہ ویکھ۔ سنتاں سنگ آپے ہسّے، کرے کھیل ہرِ انیک۔ اسنتاں وِچ کدے نہ پھسے، آپ چُھپائے اپنی ریکھ۔ چاروں کُنٹ اندھیری رَین مسے، نوُر دِسے نہ اؤلیئے پیِر شیخ۔ جوتی جوت سروُپ ہرِ، آپ اپنی کِرپا کر، آپے جانے اپنا ویس۔ سنتاں سنگ سدا دَیالا، دیِن دَیال دَیا کمائیا۔ جگت جُگ اولّڑی چالا، چال نِرالی آپ رکھائیا۔ کرے کھیل خلق نِرالا، خالق ویکھے مخلوُق خُدائیا۔ سچکھنڈ بَیٹھ سچّی دھرم شالہ، دھرم دھار دئے سمجھائیا۔ چار کُنٹ ہوئے بےحالا، دھیِرج دھیِر نہ کوئے دھرائیا۔ جوتی جوت سروُپ ہرِ، آپ اپنی کِرپا کر، اپنے رنگ آپ سمائیا۔ سو سنت ہوئے پروان، جِس سَتگُر ہرِ ہرِ پایا۔ سو سنت موُرکھ موُڑھ انجان، جِس ملِے نہ ہرِ رگھُرایا۔ چاروں کُنٹ کوُڑ طوفان، تحفہ جگت رہے ورتایا۔ بِن ڈِٹھیاں کرن کلیان، داتا کلیان نظر نہ آیا۔ اَیویں پا پا دسدے کھان، ساچی خبر نہ کوئے سُنایا۔ رسنا جِہوا گاون گان، گانا رام نہ کوئے سمجھایا۔ شرع شریعت نہ جانن اِیمان، اِمام میل نہ کوئے مِلایا۔ نظری آئے نہ رادھا کاہن، گھر گیِت نہ کوئے سُنایا۔ سیِتا ملِے نہ سچّا رام، کلجُگ بن رہیا ڈرایا۔ االلہ رانی دیوے نہ کوئے پَیغام، پَیغمبر نوُر نہ کوئے رُشنایا۔ باہروں نِیوں نِیوں کرن سلام، علیکم روُپ نہ کوئے وکھایا۔ جوتی جوت سروُپ ہرِ، آپ اپنی کِرپا کر، لکھّ چؤراسی ویکھ وکھایا۔ لکھّ چؤراسی کھیل تماشا، تماشگیِر ویکھ وکھائیا۔ کلجُگ سادھاں ول ویکھ ویکھ کرے ہاسا، واہ وا اپنی کھیل کرائیا۔ رسنا کہن ساڈے وسے پاسا، گھر بَیٹھا سچّا ماہیِا۔ بن سخیاں پاوے راسا، گوپی کاہن نچائیا۔ کوئی کہے میرا بھریا چھابا، نام انمُل ورتائیا۔ جوتی جوت سروُپ ہرِ، آپ اپنی کِرپا کر، کلجُگ کھیل رہیا وکھائیا۔ کلجُگ سنت جگت اِکٹّھے، کلجُگ سنگ نِبھایا۔ بِن ماریاں آپے ڈھٹّھے، اپنا مُکھ بھوایا۔ کھا کھا پوُجا ہوئے ہٹّے کٹّے، ساچا ہٹّ نہ کِسے کُھلایا۔ جٹّ دھنےّ پایا وِچوں وٹےّ، جھٹ اپنا باہر رکھایا۔ نامے چھپر چھائی سیِس رکھائے اپنے پھٹّے، آؤندا جاندا دِس نہ آیا۔ لکھّ چؤراسی رلائی گھٹّے، کؤڈی مُل نہ کوئے پایا۔ جوتی جوت سروُپ ہرِ، آپ اپنی کِرپا کر، ساچے سنت ویکھ وکھایا۔ ساچے سنتاں ویکھے ہرِ، اپنی سیوا آپ کمائیا۔ کوَن سنت جِس مِلیا در، مِل میل سچّے ماہیِا۔

کوَن سیِس اَگے رہیا دھر، آپا وار وکھائیا۔ کوَن جیِنودیاں ہی گیا مر، من منشا سَتگُر جھولی پائیا۔ جوتی جوت سروُپ ہرِ، آپ اپنی کِرپا کر، ساچے سنت ویکھ وکھائیا۔ ساچے سنت ویکھن آیا، نیتر نَین نہ کوئے رکھائیندا۔ نؤ کھنڈ پرِتھمی پھول پُھلایا، چاروں کُنٹ پھیرا پائیندا۔ سب دا لہنا رہیا چُکایا، دیونہار آپ ہو جائیندا۔ جوتی جوت سروُپ ہرِ، آپ اپنی کِرپا کر، اپنا سنگ آپ رکھائیندا۔ سنتاں سنگ وسے نِرنکار، سَتگُر روُپ وٹائیا۔ کلجُگ اَنت کھیل اپار، اپرمپر رہیا ورتائیا۔ سنت سُہیلے لبھے یار، یاری یاراں نال رکھائیا۔ دوُر دُراڈا آپے بھال، اپنا پندھ مُکائیا۔ پہلے سنت صاحِب پِچھے گھالن گئے گھال، گھالی گھال لیکھے پائیا۔ اَنت توڑ جگت جنجال، جاگرت جُگت اِک سمجھائیا۔ جوت جگے بے مثال، اندھ اندھیر دئے گوائیا۔ جوتی جوت سروُپ ہرِ، آپ اپنی کِرپا کر، ساچے سنتاں وِچ سمائیا۔ ساچا سنت سَتگُر پایا، جِس بھاوی مات مِٹائیا۔ سیوک بن کے سیو کمایا، سو سَتگُر سنگ سمائیا۔ بِن پڑھیاں جِن ہرِ جس گایا، تِس ملِے نام وڈیائیا۔ بِن سُنیاں جِس راگ الایا، تِس اَنتر وجےّ ودھائیا۔ بِن ڈِٹھیاں جِس گلے لگایا، سو صاحِب سچّا ماہیِا۔ راتیں سُتیاں جِس درس دِکھایا، کلجُگ لُچیاں کولوں بچائیا۔ در در دے کُتیاں کولوں چُھڈایا، کوئی نؤ در مار نہ جائیا۔ جنم جنم دے رُٹھیاں آپ منایا، اپنی بُھل آپ بخشائیا۔ جوتی جوت سروُپ ہرِ، آپ اپنی کِرپا کر، سنتاں سنگ سدا سمائیا۔ سنتاں اندر وسے میِت، مِتر پیارا ناؤں رکھائیندا۔ کایا کرے ٹھانڈی سیِت، جِس اپنی گود بہائیندا۔ لہنا چُکا ہست کیِٹ، کیِٹ ہست ایکا رنگ وکھائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ وکھائیندا۔ ہرِجن وکھائے آپ ہرِ، لکھّ چؤراسی رہیا سمجھائیا۔ جِناں میلیا اپنے در، تِس ملِے مان وڈیائیا۔ جگت وِچھوڑا چُکا ڈر، بھےَ اوَر نہ کوئے رکھائیا۔ اِکو ناؤں ہری ہرِ، ہرِ رنگن دئے چڑھائیا۔ ہرِ کِرپال کِرپا دیوے کر، جے منّے ساچا ماہیِا۔ کوجھی کملی لائے لڑ، اندھلے مارگ پائیا۔ بھوَری ڈوُنگھی وِچوں لئے پھڑ، سمُند ساگر لئے ترائیا۔ لیکھا جانے چیتن جڑ، بےاَنت وڈی وڈیائیا۔ سوُکھم کھیل آپے کر، کارن اپنی دھار چلائیا۔ کلجُگ سنت اِک دوُجے نال رہے لڑ، رسنا جِہوا پئی لڑائیا۔ دِوس رَین پوتھیاں پڑھ پڑھ، تھوتھی مت کرائیا۔ اِک نہ مِلیا پُرکھ نر، ناری رنڈ دئے دُہائیا۔ کنت کنتُوہل نہ آوے گھر، نیتر نَین نہ درشن پائیا۔ جگت سُہاگ گیا مر، ویکھے سرب لوکائیا۔ جھوُٹھا ہار شِنگار رہے کر، ہرِ کنت سیج کِسے نہ بھائیا۔ اندروں جھوُٹھے باہروں آؤندا ڈر، نیتر نَین نَین شرمائیا۔

بہُڑی بہُڑی رہے کر، پربھ دیونہار سزائیا۔ جوتی جوت سروُپ ہرِ، آپ اپنی کِرپا کر، اپنی دھار آپ چلائیا۔ کلجُگ سنت کرن پُکار، کوُک کوُک سُنایا۔ وِشوَ کرے نہ کوئے پیار، ویسوا روُپ سرب وٹایا۔ بِن ہرِ کنت نہ دیوے کوئے آدھار، جھوُٹھے یار مُکھ بھوایا۔ اَنت کِسے نہ نِبھے نال، ساچا سنگ نہ کوئے رکھایا۔ جوتی جوت سروُپ ہرِ، آپ اپنی کِرپا کر، ساچے سنتاں لئے مِلایا۔ ساچے سنت لئے میل، دوُجے سنتاں سنگ تجائیا۔ اپنیاں سنتاں کولوں کوئی نہ کرے ویہل، پیار پیار وِچ سمائیا۔ راتیں گُروُ تے دِنے چیل، چیلا گُروُ کھیل وکھائیا۔ صاحِب دَیال سجّن سُہیل، آپ اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، آد جُگاد ساچے سنتاں سنگ رکھائیا۔ ساچے سنت لئے چُن، ہرِ جوُ اپنی چون کرایا۔ چار جُگ دا جانے گُن اَوگُن، لہنا آپ مُکایا۔ سچکھنڈ نِواسی پُکار سُن، سُن سندیسہ آپ الایا۔ آپے کرے چھان پُن، ساچی سیوا سیو کمایا۔ کوئی نہ جانے سمادھی سُنّ، سُنّ سمادھ نہ کوئے رکھایا۔ کوئی نہ جانے آتم دُھن، دُھنی ناد نہ کوئے وجایا۔ جوُٹھ جھوُٹھ کہن پربھ مِلیا ہُن، پڑھ پڑھ واد ودھایا۔ پُرکھ ابناسی جٹّ کولوں پھرائے گھسُنّ، سب دا مُکھڑا دئے بھوایا۔ بِن اگنی دیوے بُھن، تتی وا اِک وگایا۔ جِؤں بھیڈاں اُتوں لہے اُنّ، تِؤں سادھاں کھلّ دھرم رائے دئے لُہایا۔ جیہڑے کہندے ساڈا نِرگُن نال لگّا فوُن، دِوس رَین رہیا سُنایا۔ اوہ سب دا لاہوے گھُن، بن ترکھان ویکھ وکھایا۔ جوتی جوت سروُپ ہرِ، آپ اپنی کِرپا کر، ساچے سنتاں انگ لگایا۔ ہرِ جوُ سنت لئے لبھ، لکھّ چؤراسی مات تجائیا۔ اٹّھے پہر وِچ رہیا پھب، اپنے چھہبر نام لگائیا۔ گُرمُکھ پِھرن اُچے پب، گھٹ گھٹ خوشی منائیا۔ تُردیاں پِھردیاں مِل گیا ربّ، لبھن کوئے کِتے نہ جائیا۔ بِن نَین نائی لیا سدّ، شبد سندیسہ اِک گھلائیا۔ اپنی ہتھّیں دے کے جاوے اَدھ، بھگت دوارا دئے بنائیا۔ پھیر سادھاں بھنےّ ہڈّ، جو جھوُٹھے راگ الائیا۔ ویکھو کرے کی کھیل جٹّ، اپنی موٹی بُدھ وکھائیا۔ موٹے ڈِھڈ بھنےّ جِؤں ڈڈّ، ہڈّی پسلی نظر کوئے نہ آئیا۔ بِن قبروں دیوے دبّ، مڑھی مسان نہ کوئے جگائیا۔ اپنا بھار جان لدّ، جو جھوُٹھا سِر چڑھائیا۔ جوتی جوت سروُپ ہرِ، آپ اپنی کِرپا کر، اپنے سنت آپ اُٹھائیا۔ پہلاں اُٹھیا ہرِ جوُ آپ، اپنا روُپ دھرایا۔ دوُجے بنیا مائی باپ، مات پِت کھیل کھِلایا۔ تیِجے وکھائی اپنی ذات، نِرگُن نوُر رُشنایا۔ چؤتھا وکھایا ساچا گھاٹ، ساچے پتّن ڈیرہ لایا۔ پنچم کھولیا اِکو ہاٹ، بن ونجارا سیو کمایا۔ چھیویں دیوے ساچی دات، نام نِدھانا جھولی پایا۔ ستویں سَت پُرکھ نِرنجن پُچھے وات، در گھر ساچے پھیرا

پایا۔ اٹھویں اٹّھاں تتاں رکھیا اِک جماعت، ایکا اکھّر آپ پڑھایا۔ ناویں نؤ در ویکھے مار جھات، اوہلا پردہ آپ چُکایا۔ دسویں کھیل پُرکھ ابناس، ہرِجن ساچے لئے مِلایا۔ چار جُگ دے سچ نگیِنے اپنی ہتھّیں لئے تراش، ساچا میِنا روُپ وٹایا۔ شِوجی تکّے اُپر بَیٹھ کَیلاش، نیتر نَین اُٹھایا۔ برہما اپنی پرگٹ کرے آس، پربھ اَگے حال سُنایا۔ اِندر ہو کے بَیٹھا اُداس، ہرِ جوُ کی کی کھیل رچایا۔ گُر اوتار کہن شاباش، واہ وا تیری مایا۔ لوک مات جن بھگتاں کرے بند خلاص، بندی خانہ توڑ تُڑایا۔ چلدیاں پِھردیاں کول وسے سدا پاس، اَگے پِچھے سیو کمایا۔ جوتی جوت سروُپ ہرِ، آپ اپنی کِرپا کر، ہرِجن ساچے سنگ نِبھایا۔ سِکھاں گھر اندر وڑن دا سچّا راہ، پہلا گھر وکھائیا۔ آوے جاوے بےپرواہ، دِس کِسے نہ آئیا۔ کریا کھیل اگمّ اتھاہ، بھیوَ کوئے نہ پائیا۔ جے کوئی نیتر ویکھے پنج تت نظر جائے آ، سِنگھ پوُرن نام سُنائیا۔ جے کوئی اندر ویکھے بَیٹھا شہنشاہ، ساچے تخت سوبھا پائیا۔ بِن بیڑیوں بنیاں ملاح، اپنے بیڑے لئے چڑھائیا۔ اِکو وار دِتی صلاح، دوُجی کرے نہ پھیر پڑھائیا۔ جوتی جوت سروُپ ہرِ، آپ اپنی کِرپا کر، ساچے سنت آپ مِلائیا۔ سوئی سنت سُگھڑ سُجان، جِس ہرِ جوُ میل مِلایا۔ سو در ہوئے پروان، جِس پردہ موہ چُکایا۔ سو جگت ہوئے نِشان، جِس نِشانہ نام گھڑایا۔ جِنہاں لیکھا لِکھیا پربھ آن، لیکھا لیکھے وِچ وکھایا۔ جِنہاں نانک کر کے گیا پروان، سو پروانے لئے اُٹھایا۔ جِنہاں گوبِند دے کے گیا دان، تِنہاں دات جھولی دئے وکھایا۔ جِنہاں اَنتر کہہ کے گیا کرِشنا کاہن، رسنا جِہوا بول سُنایا۔ جِناں مان دِتا رام بھگوان، ممتا موہ مِٹایا۔ کلجُگ انتم کٹّھے کیتےِ آن، اِکو گھر بنایا۔ کوئی لبھن نہ جائے وِچ بیِابان، ڈوُنگھی کَندر نہ پھول پُھلایا۔ کوئی بَیٹھے نہ وِچ مسان، دھوُنی اگن نہ کوئے تپایا۔ کوئی منگے نہ اِنجیِل قُرآن، وید پُران نہ کوئے منایا۔ کوئی بانی نہ کرے دھیان، نِیوں نِیوں سیِس نہ کوئے جھُکایا۔ جِس صاحِب ہویا مِہربان، مِہر مِہر مِہر نظر آپ کرایا۔ کر کِرپا میلیا آن، مِل مِل اپنا شُکر منایا۔ جوتی جوت سروُپ ہرِ، آپ اپنی کِرپا کر، گُرمُکھ ساچے سنت بنایا۔ ساچے سنت آپ جگا، جُگ جُگ لہن چُکائیندا۔ اپنے رنگ آپ رنگا، کوُڑا رنگ دھوائیندا۔ بتّی دند آپ صالاح، صِفت صالاح جنائیندا۔ چند نؤ چندی آپ چڑھا، اندھ اندھیر گوائیندا۔ تار ستار تندی آپ وجا، تلواڑا ناچ نچائیندا۔ مردنگ مردنگی دئے سُنا، مردنگا کھیل وکھائیندا۔ کنڈھی ڈیرہ بَیٹھا لا، اپنا پندھ مُکائیندا۔ وربھنڈی ونڈی رہیا پا، اپنی ونڈ آپ جنائیندا۔ بھیکھ بھکھنڈی دئے مِٹا، سوانگی اپنا سانگ رچائیندا۔ اِکو ڈنڈی دئے وکھا،

ایکا مارگ لائیندا۔ سرِشٹی اندھی لئے اُٹھا، آپ اپنا بل دھرائیندا۔ تُرکی ہِندی لئے سمجھا، سِندھی نال مِلائیندا۔ ہوڑا بِندی بنے گواہ، ساچا سنگ رکھائیندا۔ نار کنت لئے مِلا، بسنت رنگ چڑھائیندا۔ بےاَنت روُپ آپ خُدا، خُدی سرب گوائیندا۔ رام روُپ مات دھرا، رحمت آپ کمائیندا۔ صحیح سلامت شہنشاہ، جھوُٹھی علامت سرب مِٹائیندا۔ ہرِ سنت ساچے لئے مِلا، مِل مِل اپنا راگ الائیندا۔ جوتی جوت سروُپ ہرِ، آپ اپنی کِرپا کر، اپنے تند ستار وجائیندا۔ تند ستار بنے جگ کلی، سارنگ نال بندھائیا۔ من واسنا بن کے بِلی، میاؤں میاؤں کر کر رہی ڈرائیا۔ سادھاں سُرتی ویکھو ہِلی، کوُکن دین دُہائیا۔ پُرکھ ابناسی بھگت دوارے اِٹّ لاؤن نہ دِتی کوئی پِلی، پیِلا سب دا رنگ کرائیا۔ پُرانی دِلّی ویکھو ہِلی، ہِلؤن والا رہیا ہِلائیا۔ سادھاں کولوں لگّی رہے نہ کِلّی، سب دی جڑ اُکھڑائیا۔ انتم لنگوٹ ہوئے ڈِھلی، سنگل دھار نہ کوئے بندھائیا۔ جوتی جوت سروُپ ہرِ، آپ اپنی کِرپا کر، ساچے سنت ویکھ وکھائیا۔ ساچے سنت ویکھے سوُربیِر وڈ بلوان۔ پربھ آشا منشا اِکو وار دِتی پوُر، لوک مات جھُلے نِشان۔ چل کے آیا نیڑے جو وسے دوُر، دوُر دُراڈا پندھ مُکایا۔ ایکا دیوے سَت سروُر، ست پیالہ جام پیایا۔ ایکا دیوے نیتر نوُر، نوُر نوُر نال پرگٹایا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ اُٹھایا۔ ساچا سنت جِس بنے وِچولا، سچ ساچے نال مِلائیا۔ سِکھ گُر دا کوئی نہ اوہلا، گُر گُرسِکھ بوُجھ بُجھائیا۔ جیہڑا سَتگُر اندروں ہوئے پولا، سو بَیٹھا مُکھ چُھپائیا۔ باہروں خوُب سُنائے گا گا ڈھولا، جگت راگ الائیا۔ اندر بڑے من پائے رؤلا، اگلی سُدھ بھوائیا۔ باہر آئے کرے طوبیٰ ہائے مؤلا، میری طبع دِتی بدلائیا۔ جوتی جوت سروُپ ہرِ، آپ اپنی کِرپا کر، سنت وِچولے سدا رکھائیا۔ ساچے سنت سنگ جو رکھے ساتھ، ہرِ ساچی دَیا کمائیندا۔ اکھّیں ویکھو اِکیاں اِکیاں بنایا ساتھ، اِک اِک نال اِکّی اِکّی ہور مِلائیا۔ جے ہور منگن پوُرا کر دئے گھاٹ، گھاٹا کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، ساچے سنتاں دئے وڈیائیا۔ ایتھے وسن دُھردرگاہی سنت، جِنہاں سَتگُر پُرکھ منایا۔ لوک مات بنی بنت، بناونہارا آپ آیا۔ پار کرائے لکھّ چؤراسی وِچوں جیِو جنت، منتر اپنا نام پڑھایا۔ کیا کوئی جانے پاندھا پنڈت، پتری واچ کیا سمجھایا۔ جوتی جوت سروُپ ہرِ، آپ اپنی کِرپا کر، ساچے سنت آپ اُپایا۔ ایتھے سنت وسے اوہ، جِنہاں اِکو اوٹ رکھائیا۔ بھَیناں بھائیاں تجیا موہ، سَتگُر سچّا موہ وکھائیا۔ بِن نیتراں کری لو، لوئن آپ جنائیا۔ آپ گُرمُکھاں جوگا گیا ہو،

اپنی وست نہ کوئے رکھائیا۔ دُھردرگاہی لےَ کے آیا ڈھوآ ڈھو، ساچی وست دئے ورتائیا۔ جو جن اِک وار چرن گیا چھوہ، تتی وا نہ لگّے رائیا۔ ویکھو کی کُچھ دیوے چھّبی پوہ، ودی سُدی نہ کوئے وڈیائیا۔ گُرسِکھاں اَگے اپنا آپ دیوے کوہ، ساچی گھالن گھال گھال وکھائیا۔ پوُرب جنم جنم دی مَیل دیوے دھو، اپنی ہتھّیں صاف کرائیا۔ گُرسِکھاں دا رونا آپے دیوے رو، گُرسِکھ کوئے رون نہ پائیا۔ جوتی جوت سروُپ ہرِ، آپ اپنی کِرپا کر، ہرِجن ساچے رہیا ترائیا۔ ایتھے وسن سنت سُت، جِنہاں مِلی جگت وڈیائیا۔ مِلیا ہرِ ابناسی اچُت، چیتن روُپ وکھائیا۔ ایکا وار گیا اُٹھ، سب دی نیِند دئے کُھلائیا۔ بن سوما اندر گیا پُھٹ، امرت دھار وہائیا۔ نِرمل نوُر بنیا جوت، جوتی جوت کرے رُشنائیا۔ گُرسِکھاں اُتے ہویا آپ موہت، اپنا موہ مِٹائیا۔ ساچے سنت ایہو بہُت، جِنہاں لیکھا دِتا لِکھائیا۔ بھیکھا دھاری پِھردے کوٹی کوٹ، ویس انیک وٹائیا۔ پیٹ پالدے کھا کھا روٹ، در در الکھ جگائیا۔ لاٹاں والی تکّن اوٹ، لال بستر تن چُھہائیا۔ کام واشنا بھری نہ پوٹ، من واشنا پِھرے ہلکائیا۔ بھنگ پیالے پیتے گھوٹ، نام خُمار نہ کوئے چڑھائیا۔ اکھّیں میِٹ کہن ساڈے کُھلے سوت، کُھلی مینڈھی جگت رہے وکھائیا۔ بِن گیان ہلاوَن ہونٹ، گُروُ چیلیاں رہے وکھائیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے آپ بنائیا۔ ایتھے وسن ساچے سِکھ، جِنہاں سِکھیا ہرِ سِکھائیا۔ پاربرہم پربھ لیکھا لِکھ، لِکھ لِکھ پاتی سرب پُچائیا۔ لکھّ چؤراسی ونڈیا حِص، حِصّہ اپنا آپ کڈھائیا۔ کر کِرپا جِنہاں گیا دِس، تِنہاں بھانڈا بھرم بھنّائیا۔ جوتی جوت سروُپ ہرِ، آپ اپنی کِرپا کر، ساچے سنت آپ جنائیا۔ ساچا سنت دُھر دا لاڑا، لاڑی مؤت نہ کدے پرنائیندا۔ پُرکھ ابناسی ملّ دوارا، در گھر ساچا آپ سُہائیندا۔ کرے کھیل اپر اپارا، آپ اپنی کل ورتائیندا۔ جوتی جوت سروُپ ہرِ، آپ اپنی کِرپا کر، ساچے سنتاں اپنی گود سُہائیندا۔ جگت سنت نہ ایتھے آئے، در لہنا نہ کوئے رکھائیا۔ بھرم بُھلیکھے سب نوُں پائے، مایا ممتا نال رلائیا۔ جِس دا کردے رہے چیتے، سو چِت وِچ نہ کدے سمائیا۔ جِس دا لبھدے پِھردے بھیتے، اپنا بھیوَ نہ کِسے کُھلائیا۔ گُرمُکھ وِرلا جھوُجھے رن گُر چرن کھیتے، تن اپنا بھیٹ چڑھائیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے سنت بنائیا۔ مقر رچنا کر کے جائے مُکّر، اپنا مؤقع نہ کِسے جنائیا۔ جُگ جُگ دیندا رہے اُتر، جو جن منگ منگائیا۔ آد جُگاد جُگا جُگنتر آپ نہ بنیا کِسے دا مِتر، مِتر بنائے سرب لوکائیا۔ جوتی جوت سروُپ ہرِ، آپ اپنی کِرپا کر، آپ اپنی دَیا کمائیا۔ مُرّقب

رچ نہ کرے شُکر، اپنا شُکر منایا۔ ہرِ کا کھیل نار پُرکھ نہ کوئے کُھسر، روُپ رنگ ریکھ نہ کوئے جنایا۔ بھیوَ نہ جانے کوئے دوُسر، دوُسر بھیوَ نہ کوئے کُھلایا۔ جوتی جوت سروُپ ہرِ، آپ اپنی کِرپا کر، اپنی دھار آپ چلایا۔ اِستری پُرش نہ کوئے بھیت، ہرِ اِکو رنگ سمایا۔ سب نال کرے سانجھا ہیت، جو جن چرنی آیا۔ کر پریم جن لَینا ویکھ، سب دی پوُری آس کرایا۔ اپنا پوُرا کرے نیم، کیِتا نیم بُھل نہ جایا۔ جا پھڑیا اُپر کُنٹ ہیم، ہیم کُنٹ پھیرا پایا۔ جوتی جوت سروُپ ہرِ، آپ اپنی کِرپا کر، اِستری پُرش نہ کوئے رکھایا۔ اِستری پُرش اِکو ذات، برہم پاربرہم وڈیائیا۔ جگت جُگت بندھے نات، ناتا بِدھاتا اِک سمجھائیا۔ اِک دوُجے دی پُچھن وات، واتاوَرن آپ بنائیا۔ جو اِستری بنے نار کمذات، اپنا پُرکھ بُھلائیا۔ پُرکھ ابناسی سدا ساتھ، وِچھڑ کدے نہ جائیا۔ جوتی جوت سروُپ ہرِ، آپ اپنی کِرپا کر، ایکا رنگ سرب سمائیا۔ ناری پُرش جگت وِہار، لکھّ چؤراسی بنت بنائیندا۔ اندر وڑ جو ویکھے نِرنکار، بِن نوُر نظر ہور کوئے نہ آئیندا۔ پنج تت چولا دِتا آدھار، انگ انگ آپ پرگٹائیندا۔ جوتی جوت سروُپ ہرِ، آپ اپنی کِرپا کر، آتم پرماتم اِکو اِک وکھائیندا۔ مِرگاں جھاڑیا مِلیا مرد، مرد مردانہ کھیل کھلائیا۔ جِس اُلٹی کیِتی نرد، سار پاشا کھیل کھلائیا۔ دُشٹ دمن ٹھریا سرد، سب سردی دئے مِٹائیا۔ بن دردی ونڈائی درد، اپنا درد رکھائیا۔ حلال ہویا بِن کرد، چُھری پریم چلائیا۔ پھڑ باہوں لیا ورج، آپ اپنے گلے لگائیا۔ میَں اپنا پوُرا کراں فرض، تیرا راہ وکھائیا۔ لوک مات جانا غرض، لوک مات راہ تجائیا۔ تیرا ہون نہ دیواں حرج، تیری بھگتی لیکھے پائیا۔ تیرا لاہواں سارا قرض، اصل سوُد نال مِلائیا۔ کلجُگ انتم تیری ہتھّیں بھگتاں دی میٹاں درج، وِتھ کوئے رہن نہ پائیا۔ گوبِند اَگوں کرے عرض، دوئے جوڑ سیِس جھُکائیا۔ تَینوُں آد جُگادی مرض، دے لارا دئیں ترسائیا۔ میَں اپنے جوگا منگاں نہ کوئی خرچ، اپنی جھولی نہ اَگے ڈاہیِا۔ میَں بالک بن کے گیا ورچ، تیرا پریم میری وست اِک وڈیائیا۔ تُوں میرے اُتے کرنا ترس، دَیاوان دَیا کمائیا۔ نِت نوِت دینا درس، روُپ انوُپ وٹائیا۔ میَں ویکھاں عرش فرش، فلک تیری ہوئے رُشنائیا۔ امرت میگھ دینا برس، بوُند سوانت چوائیا۔ جوتی جوت سروُپ ہرِ، آپ اپنی کِرپا کر، اپنے رنگ رنگائیا۔ ہیم کُنٹ دی نہ کوئی مِثال، مِصرع لِکھن وِچ کوئے نہ آئیا۔ ایتھے وسے دیِن دَیال، اوتھے دُشٹ دمن رہیا دِھیائیا۔ دُشٹ دمن باہوں پھڑ لیا اُٹھال، اپنی سیوا لائیا۔ ایتھے بَیٹھے سِری بھگوان، اپنا حُکم جنائیا۔ بھیوَ نہ پائے کوئی گیان، گیاتا نظر کوئے نہ آئیا۔ نہ کوئی ویکھے سچ

نِشان، کوَن کھیل ہرِ ہیم کُنٹ کرائیا۔ جوتی جوت سروُپ ہرِ، آپ اپنی کِرپا کر، اپنی دھارا اپنے وِچ رکھائیا۔ ہیم کُنٹ جائیے ٹھر، اپنا ٹھرک گوایا۔ بِن چھنّوں جائیے وڑ، اپنا آپ بُھلایا۔ ساچے مندر جائیے وڑ، گھر سچّے سوبھا پایا۔ پُرکھ ابناسی لئیے پھڑ، آپ اپنا بندھن پایا۔ جوتی جوت سروُپ ہرِ، آپ اپنی کِرپا کر، ہیم کُنٹ آدرس، درس نہ کِسے کرایا۔ کوٹن کوٹ ہیم کُنٹ، پربھ چرن راہ تکائیا۔ پہاڑ پتّھر ہوئے رُنڈ، ٹُنڈ سارے نظر آئیا۔ سادھاں سنتاں ویکھو بَیٹھے جُنڈ، جُنڈلی بنّھ بنّھ راہ تکائیا۔ جوتی جوت سروُپ ہرِ، آپ اپنی کِرپا کر، اپنا چرن سچکھنڈ دوار بنائیا۔ ہیم کُنٹ وسن کاں کُتے، بھوگ بلاس کرائیا۔ ہیم کُنٹ وسن اجوُنی رُٹھے، پربھ دِتی اِک سزائیا۔ ہیم کُنٹ وسن جو ٹنگے پُٹھے، راتیں سُتیاں نیِند نہ آئیا۔ ہرِ چرن گُرمُکھ وِرلے سُتے، جِس اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ہیم کُنٹ اِکو گوبِند دِتی وڈیائیا۔ ہیم کُنٹ پِھرن سوُہے، جھاڑی جھاڑی تاک لگائیا۔ گوبِند کھولے نہ کِسے بوُہے، گھر اپنا نہ کِسے وکھائیا۔ نِیوں نِیوں ویکھن اَگوں دِسن چوُہے، جھاڑاں وِچ بَیٹھے سیِس لُکائیا۔ نہ بُت نہ روُحے، روُح بُت دوویں دین دُہائیا۔ پربھ نے سُٹے ڈوُنگھے کوُنیے، نہ کوئی سکے باہر کڈھائیا۔ ساڈی بِل نہ کوئے چھوُہے، اگانہ ہتّھ نہ کوئے ودھائیا۔ جوتی جوت سروُپ ہرِ، آپ اپنی کِرپا کر، اپنا بھانا آپ جنائیا۔ ہرِ کا چرن وڈّا گھر، گُرمُکھ وِرلے پایا۔ جِس در وڑیاں چُکے ڈر، بھے نہ کوئے رکھایا۔ در آئے جن جائے تر، تارنہار ہوئے سہایا۔ اپنی ہتھّیں باہوں لئے پھڑ، پھڑ پھڑ اپنی گود بہایا۔ کِرپا کِرپال لئے کر، جوتی جوت سروُپ ہرِ، آپ اپنی کِرپا کر، اپنے رنگ رنگایا۔ پِسر پِدر جن بنے مادر، مدھوُ جام پیائیا۔ در آیاں دیوے آدر، اپنا درس دِکھائیا۔ کریِم کرتا ہرِ جوُ قادر، قُدرت ویکھ وکھائیا۔ صِدق صبوُری ویکھے صابر، گھر گھر پھیرا پائیا۔ جوروُ زر ویکھے آبروُ آبر، آپ اپنی دَیا کمائیا۔ گُرمُکھ وِرلا جگت بہادر، سچ بہادری اِک وکھائیا۔ ہرِ چرن بنے سؤداگر، ایکا ونج کرائیا۔ جوتی جوت سروُپ ہرِ، آپ اپنی کِرپا کر، دَیاوان دَیا کمائیا۔ سجےّ چرن دا اِک انگوُٹھا، انگُشت ویکھ وکھائیا۔ خالی بھرے پھیر ٹھوُٹھا، امرت دھار وہائیا۔ دیوے رس اِک انوُٹھا، اپنی دَیا کمائیا۔ گُرمُکھ بنے ساچا بوُٹا، لوک مات ہرا کرائیا۔ برہم دیوے اِکو ہوُٹا، سچ ہُلارا نام لگائیا۔ پِتا پوُت کھیل ویکھے پوتا، گھر ساچے وجےّ ودھائیا۔ وِشن برہما شِو روتا، نیتر نَیناں نیِر وہائیا۔ پربھ دیونہارا اِکو غوطہ، اپنے تال وِچ ڈُبائیا۔ برہمے سیِس لایا جو پنجواں کھوتا، سو پہلوں دئے کٹائیا۔ گُرسِکھ دیوے امرت

بہُتا، اپنا چرن چُھہائیا۔ جوتی جوت سروُپ ہرِ، آپ اپنی کِرپا کر، سچ پیالہ اِک وکھائیا۔ چرن انگوُٹھا امرت رس، امر امر کرائیندا۔ جو جن رس لئے چکھّ، چِکھا اَنت نہ کوئے جلائیندا۔ دے درس لَوے رکھ، ویلے اَنت آپ مِلائیندا۔ دھوُہ لیؤن تیڑوں لنگوٹی کچّھ، کپڑ تن نہ کوئے ہنڈھائیندا۔ کلجُگ سادھاں کھا کھا تھکے مچّھ، جو جل دھار دیہہ کرائیندا۔ گُرمُکھاں مارگ دیوے دسّ، ساچا راہ آپ چلائیندا۔ انتم ویلے آئے نسّ، آپ اپنی گود اُٹھائیندا۔ سچکھنڈ دوارا جائے وس، جِس گھر گُرمُکھ سوبھا پائیندا۔ جناں چِر گُرسِکھ نہ کہے بس بس، بستہ بنّھ نہ حِساب مُکائیندا۔ دے کے وست پئے ہسّ، اپنی خوشی منائیندا۔ چِھن اندر جائے نسّ، اپنا مُکھ لُکائیندا۔ سِنگھ پوُرن اندر وس، واسطہ اپنے نال رکھائیندا۔ آپ گاوے بھگتاں جس، اپنا جس وید پُراناں کولوں کرائیندا۔ بِن مِٹھیوں دیوے رس، چرن کوَل نال چُھہائیندا۔ جوتی جوت سروُپ ہرِ، آپ اپنی کِرپا کر، ساچا امرت جام پیائیندا۔ ساچا امرت پریم رتّ، رتّی رتّ نال مِلائیا۔ گُرمُکھ اندر لَینا گھت، گھات کال نہ کوئے وکھائیا۔ تیرے اندر برہم مت، پاربرہم سچّی سرنائیا۔ بھگت تیرے دوارے پئی چھتّ، چھتّی جُگ دین گواہیِا۔ کلجُگ سادھاں چُکی ات، سب دی کرے صفائیا۔ اپنا رکھیا ڈوُنگھا کھات، نہ سکے کوئے بھرائیا۔ گُرسِکھ لبھے مار جھات، آپ اپنے لئے اُٹھائیا۔ بِن سدّیاں پُچھ وات، پُچھے پُچھ اپنی خوشی منائیا۔ آؤ دیؤ میرا ساتھ، سچکھنڈ وسو ایکا تھائنیا۔ جِتھے اِکو اِک ذات، دوُجی ونڈ نہ کوئے ونڈائیا۔ اوتھے پڑھے نہ کوئے لُغات، الف یے نہ کوئے وکھائیا۔ پربھ دیوے سچ سوغات، سوبھا اپنے نام سمجھائیا۔ نہ کوئی دِوس نہ پربھات، کالی رَین نہ کوئے ڈرائیا۔ نہ کوئی تیِرتھ نہ کوئی گھاٹ، مندر مسجد نہ کوئے وکھائیا۔ نہ کوئی پوُجا نہ کوئی پاٹھ، مستک تِلک نہ کوئے لگائیا۔ اِکو درس کملاپات، کر درس ترِکھا رہے نہ رائیا۔ جوتی جوت سروُپ ہرِ، آپ اپنی کِرپا کر، گُرسِکھ رکھے اِکو جماعت، پہلی دوُجی نہ کوئے پڑھائیا۔ اِکو جماعت اِکو الف، اِکو اِک پڑھائیندا۔ اپنا لےَ کے آیا حلف، گُرسِکھ اپنے نال مِلائیندا۔ ناری پُرش نہ پاوے فرق، بِردھ بال نہ ونڈ ونڈائیندا۔ مِہربان کیِتا ترس، دَیاوان دَیا کمائیندا۔ جنم جنم دی میٹے حرص، لگّی ہوَس پوُر کرائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے نال رکھائیندا۔ آؤ چلو میرے نال، پربھ اپنی دَیا کمائیا۔ تُسیں شاہ تے میَں کنگال، تُہاڈے نال میری رسائیا۔ میَں خاک تُسیں رومال، پوُنجھ لَینا واہو داہیِا۔ تُسیں خوشحال میَں بےحال، در در الکھ جگائیا۔ گُرسِکھ تیرا وِنگا نہ ہووے وال، سِر اپنے

بھار اُٹھائیا۔ آؤ رل مِل اِک دوُجے نوُں لئیے بھال، بُھلی سرب لوکائیا۔ تُساں میرا کرنا حل سوال، پٹّی تُہاڈے ہتّھ پھڑائیا۔ اپنی سُرت لَینی سنبھال، صوُرت ساچی اِک وکھائیا۔ جوتی جوت سروُپ ہرِ، آپ اپنی کِرپا کر، اپنا بھیوَ چُکائیا۔ آؤ ایتھوں چلیئے بھجّ، لوک مات دئے دُہائیا۔ سچکھنڈ دوارے بہیئے سج، گھر ساچے وجےّ ودھائیا۔ میَں تُہاڈا درس کراں رجّ رجّ، پھیر ہووے نہ کدے جُدائیا۔ جگت پیار وِچ لاؤنا نہ اج پج، جھوُٹھا ناتا بھَین بھائیا۔ اِک دوُجے دا پردہ لئیے کجّ، گُر چیلا روُپ وٹائیا۔ پریم پیار اندر جائیے بجھّ، نہ کوئی سکے گنڈھ کُھلائیا۔ بِن تار ستار اناد انادی بن جائیے وجّ، انراگی اپنا راگ الائیا۔ پہلوں لوک مات جگت نالوں ہونا اڈّ، بھگت دوارے آسن لائیا۔ پھیر وِچوں لئے کڈھ، اپنے کندھ اُٹھائیا۔ وارو واری سچکھنڈ آوے چھڈ، آوے جاوے بےپرواہیِا۔ مِل سنگت ونڈی ونڈ، گُرمُکھ اپنا ناؤں دھرائیا۔ جوتی جوت سروُپ ہرِ، آپ اپنی کِرپا کر، تُہاڈا رہیا راہ تکائیا۔ راہ تکّے ساچا ماہی، مہماں بھگتاں آپ جنائیندا۔ جُگ جُگ تُہاڈی ویکھی پھاہی، تُہاڈا پھند نہ کوئے کٹائیندا۔ دھروُ پرہلاد دین گواہی، بھگوان بھگتاں پِچھے پھیرا پائیندا۔ آؤ اُٹھو بنو راہی، پاندھی اپنا پندھ مُکائیندا۔ گوبِند بوُٹا پُٹیا کاہی، سب دی جڑ اُکھڑائیندا۔ گُرمُکھ وِرلے دھووے شاہی، پوُرب لہنا جھولی پائیندا۔ جھیور چھیمبے جٹّ بنو بھائی بھائی، ذات پات سرب گوائیندا۔ پِچھلی گھال تھائے پائی، اَگے لیکھا نہ کوئے وکھائیندا۔ جوتی جوت سروُپ ہرِ، آپ اپنی کِرپا کر، ہرِجن پکڑے آپے باہیں، بل اپنا آپ دھرائیندا۔ تُہاڈی خاطر دھریا بل، باوَن بھیوَ چُکایا۔ جوت اندر جوتی رل، جوتی جوت ڈگمگایا۔ شبدی دھار سنیہڑا گھل، سنسا روگ مِٹایا۔ پوُرب جنم دِتا پھل، وست امولک جھولی پایا۔ جوتی جوت سروُپ ہرِ، آپ اپنی کِرپا کر، امرت اپنا رس چکھایا۔ امرت پی پائے امراپد، امر امر کرائیندا۔ جِنہاں دوارے لیا سدّ، تِنہاں پار کرائیندا۔ جگت جُگت دی پار حد، سچ کنارہ اِک وکھائیندا۔ جوتی جوت سروُپ ہرِ، آپ اپنی کِرپا کر، امرت جام اِک پیائیندا۔ ویہہ سؤ ویہہ سدا بے خبر، خواب وِچ کِسے نہ آئیا۔ گُر اوتار بَیٹھے کر کر صبر، نہ جام مُکھ لگائیا۔ عیسیٰ موُسیٰ سِر تکّن کعبہ قبر، قبرستان نِگاہ ٹِکائیا۔ کوَن مرد مردانہ ہوئے زبر، جیِو ریِت دئے بدلائیا۔ سب دی ویکھے آبروُ ابر، اَبجرور ہووے سچّا ماہیِا۔ سرِشٹ سبائی کرے پدھّر، غدر دئے مِٹائیا۔ بھگتاں پوُری کرے سدھر، صدقہ اپنا اِک جنائیا۔ آپے شیر آپے گِدڑ، آپے سِنگھ جمّبک کھیل کھلائیا۔ آپے لُکیا رہے پا دلِدر، دِس کِسے نہ آئیا۔

آپے دَیا کمائے جِؤں غریِب نِمانے بِدر، ساگ الوُنا کھائیا۔ آپے جن بھگتاں پِچھے بھؤندا پِھرے اِدھر اُدھر، اُدھر اِدھر پھیرا پائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بن وِچولا مارے پھیرے، دو دو دھارا راہ چلائیندا۔ اپنے گُن دسّاں کیہڑے کیہڑے، لیکھا لِکھت وِچ نہ آئیندا۔ جِدھر ویکھو جھیڑے جھیڑے، جھیڑا جگت نہ کوئے مُکائیندا۔ کِدھر بھرے ڈوبے بیڑے، کِدھر ڈُبےپار کرائیندا۔ کرے کرائے حق نبیڑے، حق حقیِقت ویکھ وکھائیندا۔ اِکو جن بھگتاں آیا گھیرے، گھیرا کوئے نہ مات تُڑائیندا۔ دوُر وسدے آ گئے نیڑے، پِچھلا پندھ مُکائیندا۔ گُرسِکھاں بِن بیدیؤں لےَ لئے پھیرے، لاوَ جگت نہ کوئے پڑھائیندا۔ آ کے وڑنا کُھلے ویہڑے، سَتگُر پوُرا جو بنائیندا۔ گُرسِکھ بَیٹھے رہے کر کے وڈّے جیرے، کوَن ویلے ہرِ جوُ آئیندا۔ لہنے چُکن میرے تیرے، تیرا اُدھار نہ موہے بھائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے رنگ چڑھائیندا۔ بِن گرنتھی ہوئے وِواع، واہ وا ہرِ جوُ خوشی منائیا۔ چھّبی پوہ ساہ سُدھا، گانا سگن ہتّھ بنھائیا۔ نام کلیرا دیوے پا، پریم مؤلی تند بندھائیا۔ ساچی بِندی رنگ چڑھا، لال گُلالا ویکھ وکھائیا۔ نیتر نَیناں سُرما پا، کجّل دھار اِک وکھائیا۔ سیِس مینڈھی اِک گُندا، کنت سُہاگ لئے پرنائیا۔ رتڑے ڈولے لئے بہا، چار جُگ کہار بنائیا۔ ہؤلی ہؤلی دئے سُنا، ساچا ڈھولا آپے گائیا۔ میری جھولی دینی پا، میری وست نہ کوئے رکھائیا۔ میرے دوارے کوئی نہ جاوے آ، چار جُگ اَگے چرن نہ کوئے اُٹھائیا۔ گُرسِکھ گُر سَتگُر اپنی اُنگلی لئے لا، اپنا پندھ مُکائیا۔ سچکھنڈ دوارے دئے بہا، دیوے مان وڈیائیا۔ ساچی سیجا دئے وِچھا، پریم وِچھاؤنا اِک بنائیا۔ میلا میلے سہج سُبھا، گھر ساچے وجےّ ودھائیا۔ گلوکڑی بَیٹھے پا، نہ سکے کوئے تُڑائیا۔ ناری کنت لیا منا، جوتی جوت سروُپ ہرِ، آپ اپنی کِرپا کر، گُرمُکھ اپنے رنگ سمائیا۔ ناری کنت ہویا پیار، سچکھنڈ ساچا سوبھا پائیندا۔ میلا مِلیا پُرکھ کرتار، کرتا پُرکھ دَیا کمائیندا۔ آپے جانے سچ وِہار، بِوہاری دھار چلائیندا۔ سوبھاوَنت سُلکھّنی نار، ساچے در بہائیندا۔ اِک کرائے سَت شِنگار، سولاں شِنگار مُکھ شرمائیندا۔ اپنا دیوے درس دیِدار، نَین نَیناں نال مِلائیندا۔ گُرمُکھ نَین ہوئے شرمسار، چرن کوَل دھیان رکھائیندا۔ تیری اوٹ میرے بھتار، جوتی جوت سروُپ ہرِ، آپ اپنی کِرپا کر، سچکھنڈ دوارا آپ سُہائیندا۔ تیری اوٹ میرے ماہی، میَں اِکو آس تکائیا۔ دھنّ بھاگ تُوں پرنائی، میَں تیری اِک اکھوائیا۔ جنم جنم دی دھوئی شاہی، دُرمت مَیل رہی نہ رائیا۔ بن نِمانی تیری سیو کمائی، تُوں نِمانیاں

ہوئیں سہائیا۔ بن رانی تیرے گھر وِچ آئی، ہانیاں ہان مِلائیا۔ جُگ دی وِچھڑی آپ پچھانی، پچھوتاوا دِتا مُکائیا۔ کوٹن کوٹ جنم تیری سُندی رہی بانی، بِن تیرے ڈِٹھیاں سانت نہ آئیا۔ اٹھسٹھ تیِرتھ پھولدی رہی پانی، تیرا امرت نہ کوئے پیائیا۔ کوٹن کوٹ وار کنت ہنڈھایا جگت سوانی جھوُٹھی سیج ہنڈھائیا۔ جُگ چؤکڑی تیری وِہانی، تیرا بھیوَ کوئے نہ پائیا۔ کلجُگ انتم ہوئی مِہربانی، مِہربان دِتی وڈیائیا۔ اپنی سُنائی اکتھ کہانی، کتھنی کتھ نہ سکے رائیا۔ جوتی جوت سروُپ ہرِ، آپ اپنی کِرپا کر، اپنا پلّا نہ کدے چُھڈائیا۔ تیرا پلّوُ لیا پھڑ، کنت سُہاگی ہرِ کنتُوہل۔ تیرے مندر آئی چڑھ، میَں بالی بُدھ انبھول۔ جد ویکھاں مَینوُں آوے ڈر، میرا ہیِا جائے ڈول۔ تُوں اپنی کِرپا اِکو وار کر، میَں رہاں سدا اتول۔ تیرے چرن نُہاواں ساچے سر، تیرے چرن جاواں مؤل۔ تُوں مِلیا مَینوُں اِکو ور، میرا پوُرا کیِتا قؤل۔ لوک مات دھیِاں پُتر جن، جمّی مری اُپر دھؤل۔ اَنت کلجُگ تیرے نال گئی منّ، تُدھ بِن میری سُنے کؤن۔ جوتی جوت سروُپ ہرِ، آپ اپنی کِرپا کر، ایکا دینی ٹھنڈی پؤن۔ در تیرے دی میَں پیاسی، پیِا پیِا رہی کُرلائیا۔ لوک مات جیِو جنت کرن ہاسی، پِھردی وانگ شؤدائیا۔ ایہناں وِچوں کر میری بند خلاصی، بندی خانہ دے تُڑائیا۔ تیری جوت مات پرکاسی، میرا اندھیرا دے گوائیا۔ تُوں کِسے نہ لبھیا پنڈت کاشی، مُلّا شیخ راہ تکائیا۔ تُوں لُکیا بن گھنک پُر واسی، گھنئیا تیری سیو کمائیا۔ تیری اُڈیِک رکھی خاصی، نیتر نَین نَین اُٹھائیا۔ میَں تیرے بِن ہوئی اُداسی، سانتک سَت نہ کوئے ورتائیا۔ تیرے وِچھوڑے نالوں چنگی پھانسی، اپنی ہتھّیں پھٹّے اُتے دے چڑھائیا۔ نہیں تے کر چرن داسی، ساچی سیوا اِک سمجھائیا۔ جِؤں گُرمُکھ آتم ہوئی پیاسی، تِؤں سنگت رہی بِللائیا۔ جوتی جوت سروُپ ہرِ، آپ اپنی کِرپا کر، اپنی دَیا کمائیا۔ پُرکھ ابناسی کہے میَں جوبن ونت، میرا جوبن نہ کِسے ہنڈھایا۔ میَں آد جُگادی اِکو کنت، گُرمُکھ وِرلے پایا۔ کوٹن کوٹی بنے رہے منگت، اَگے جھولی رہے ڈاہیِا۔ میَں کِسے نہ لایا انگت، انگیکار نہ کوئے کرایا۔ گُر اوتاراں دِتی رنگت، لوک مات رنگ چڑھایا۔ کلجُگ اَنت ہرِ سنگت بنائی سنگت، سنگ اپنا آپ رکھایا۔ آپے بنیا ہرِ پربندھک، ساچی سیوا آپ کمایا۔ آپے بنیا ہرِ جوُ پنڈت، پڑھ پڑھ اپنا بھیوَ کُھلایا۔ جوتی جوت سروُپ ہرِ، آپ اپنی کِرپا کر، گُرسِکھاں رہیا جنایا۔ دو جہاناں سچّا لاڑا، اِکو اِک اکھوائیا۔ جُگ جُگ سارے کڈھدے گئے ہاڑا، اَگے سیِس جھُکائیا۔ نِیوں نِیوں کردے گئے نِمسکارا، چرن دھوُڑ مستک ٹِکاّ لائیا۔ کلجُگ انتم کھیل نیارا،

نِرگُن اپنا آپ وکھائیا۔ جن بھگتاں کرے سچ پیارا، اپنی بھگتی آپ جنائیا۔ میل مِلایا پہلی وارا، سَتجُگ ساچی دھار وکھائیا۔ کاغد قلم نہ لِکھنہارا، سمُند ساگر شاہی رہی کُرلائیا۔ بناسپت رووے زارو زارا، اٹھاراں بھار دئے دُہائیا۔ جوتی جوت سروُپ ہرِ، آپ اپنی کِرپا کر، ہرِ سنگت اپنے انند سمائیا۔